ديوك في الذاكرة

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-03-2019, 04:04 PM الصفحة الرئيسية

مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
25-04-2018, 06:53 AM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


ديوك في الذاكرة

    06:53 AM April, 25 2018

    سودانيز اون لاين
    درديري كباشي-
    مكتبتى
    رابط مختصر

    ديك محمود
    واحدة من قصص الديوك الكثيرة المنتشرة في تراثنا و ونساتنا الشعبية
    تقول واحد مستهبل بتاع سبعة ورقات كما يقال. عزم له جماعة مسؤولين كبار عنده غرض من وراهم وفي نفس الوقت ما عايز العزومة تكلفه كثير. مشى جاب له فول وطعمية وعيش وبيض وجبنة. وقال للمرة ظبطي بيهم العشا. قالت يا راجل أنت مستهبل؟ دا أكل بتاع عزومات ؟. أنت لو ما قادر على العزومة تتشبر مالك؟ قال لها يا مرة ظبطي العشا بيهم ما مشكلة ممكن كمان نضبح الديك وحمريه ختيه معاهم . يا راجل أنت جنيت؟؟. ديكك أدا اكبر من ولدي حسام الممتحن للجامعة وليه سنتين اعتزل الأذان بقى بس مباري الضلله . قالها أنت مالك بس حمريه وختيه في الصينية . قالت لكن لحمه قوي ولا يتقطع للضيوف . قال لها برضو ختيه خليه يعمل منظر في الصينية .
    المهم أصر وضبح الديك. طلعوا منه شوربة وحمروه بالزيت. وهو في الشارع يرش بالخرطوش جاء ماري جاره علي مسلما عليه (كيفك يا حودة ) . أووو أبو علوة والله عمرك أطول من عمري (فكر في نفسه سريعا قال أبو علوة دا ممكن نعزمه مع الضيوف أصلا الدعوة قائمة أهو منها تتحسب لينا عزومة يمكن يوم يردها لينا)
    كنت جاييك الليلة أقول لك تجي تتعشا معانا.
    خير عندكم شنو .؟
    لا عندي جماعة اصحابي عازمهم عشا ومنها تتعرف عليهم هم ناس مسؤولين كبار.
    فعلا أبو علوة مشى استحمى وقشر بجلابية العيد وشنق الطاقية وقال لمرته ما تنتظروني بالعشا الليلة معزوم مع محمود. وفعلا تعرف بالضيوف وجابوا العشا. والديك يتوسط الصينية بلونه الذهبي الزاهي يلمع في ضوء الفانوس. مع باقي الاكلات. كل مرة تتسلل يد ناحية الديك تحاول تقطع منه شيء يتمطى معها لأقصى حد ثم تعود اللحمة الى مكانها. يتركها الضيف ليعود لباقي الأطباق. حتى أبو علوه حاول يقطع شيء من هذا الديك باءت محاولته بالفشل. انتهت العزومة وانصرف الضيوف وعاد الديك بنفس حالته مع الصينية. انفض الضيوف وعاد أبو علوة لبيته ليتفاجأ بعربة تاكسي واقفة أمام بيته .ضيوف بشنطهم جايين من السفر. بعد السلام والاحضان والبكاء والدموع. اخت زوجته المغتربة مع زوجها وأولادها.
    المرة نادته براحة في المطبخ ( علي تعال )
    أها خير في شنو ؟
    الليلة فضيحة السواد البيت حاجة ما فيه غير شوية فول وطعمية واللبن الجبتهم قبيل .. أها الضيوف ديل نعشيهم بشنو ؟
    قالها ما عندك مشكلة بحلها ليك.
    تعال يا عادل يا ولد يا عادل تعال.
    أيوا يا ابوي.
    أمشي لعمك محمود قول له ابوي قال ليك أدينا الديك بتاعكم نعشي به الضيوف ديل ونرجعه ليكم.

    🤔🤔🤔🤔🤔🤔😂😂😂




















                  
|Articles |News |مقالات |بيانات

25-04-2018, 07:02 AM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    ديك أبكر
    من سلسلة حكاوي و ونسات سودانية تدور حول الديوك بعضها سمعتها وأخرى قرأتها ولكن الآن اصيغها بأسلوبي. مع التذكير بأنه هناك عدد هائل من القصص السودانية لها علاقة بالديك تحديدا.
    أبكر ولد شقي (شفت) لم ينجح في الدراسة وظل عاطلا يعمل في اشغال هامشية بالكاد يصرفها على ملذاته وترفيهه مثل دخول السينما والكورة وأكل الباسطة. يوم من الأيام كانت ( مقشطة ) معه مع وجود فلم هندي كارب في السينما لم يستطع مقاومته. راح البيت يزن على أمه تدفع له حق السينما.
    - يا أمي وديني فلم ما يتفوت بس عشرة بس ما أكتر.
    - يا ولد أنت جنيت أنا اجيب قروش من وين ما عندي قلت لك. انا شغالة؟ انت ما قلت شغال؟.
    - يا حاجة انت ما عارفة السوق نائم.
    - روح شوف ابوك يمكن يديك.
    بعد قليل
    - يا حاج يا حاج عايز لي عشرة جنيه.
    - يا ولد انت مجنون عشرة يجيبوها من وين وعايز بيها شنو؟
    - فلم هندي كارب وعايزين نتعشى وناكل باسطة مع الشلة.
    - يا ولد نحن الأكل والشراب في تلتلة انت تقول لي سينما وكلام فارغ.
    لأن ابكر معروف ملحاح(عبيط) لا يتنازل بسهولة بل لا يتنازل اطلاقا بقى ( يزن ) في رأس ابوه .أخيرا الأب ليتخلص منه قال .
    - خلاص شيل الديك داك بيعه.
    - ديك شنو يا حاج أنت جادي. دا ديك عجوز ياخ لمن سنونه مكسرة.
    - يا ولد أنت عايز تجنني؟ في ديك عنده سنون؟
    - المهم هو ديك عجوز ما يجيب حاجة.
    - وانا كمان ما عندي لك حاجة غير الديك شيله ولا امشي اخطاني طيرت لينا نومة العصر من راسنا.
    المهم بين مقتنع وغير مقتنع قبض الديك ومسكه من رجليه وخرج من البيت. لافي في الحارة يسوق فيه ( ديك ديك ديك انجليزي اصلي تربية بيوت ماكل خيرات وزنه قريب خمسة كيلو )
    ماري من زقاق لزقاق لغاية طرف الحارة.
    في طرف الحارة كانت توجد هناك أمرأه تسكن لوحدها إذ ادخلها نساء الحلة في عزلة متشككين في سلوكها. وقالوا إن لها زوج يعمل في الشاحنات يزورها مرة في الشهر. من أول ما رحلت رحن رحبن بها وزارتهن مرة أو مرتين لم يرتحن لها وقررن مقاطعتها. فأدخلتها الوحدة في ملل لا أنيس ولا ونيس الا انتظار هذا الزوج الذي يطيل غيابه. سمعت صوت ابكر ينادي على الديك فتحت الباب.
    - أبكر كدي تعال نشوف الديك بتاعك دا ؟
    - دا ديك انجليزي اصلي .
    - انجليزي الماني فرنسي المهم جيبه وتعال.
    - عايزين فيه عشرة جنيه.
    - قلت لك تعال ما بنختلف .
    رغم أن أبكر لم يرتاح لإلحاها وشك في الأمر لكن (عمل فيها ما فاهم) جاراها إذ انه لم تعد لديه خيارات كثيرة.
    في داخل الصالة وضع الديك على البلاط وهي تلمس فيه وتمسح في ريشه بدلال وتتساوم مع أبكر.🐓🐓🐓🐓🐓
    فجأة طرق الباب بعنف.
    - الليلة يا أبكر؟
    - في شنو يا حاجة؟
    - راجلي جا من السفر الليلة حا يكتلني ويكتلك.
    - ونحن عملنا شنو ما قعد نبيع ديك.😨😨😨😨😨😨
    - المهم دا راجل مجنون ما يتفاهم شيل ديكك دا وادخل المخزن داك.
    أبكر خطف ديكه جرى اختبأ في المخزن المظلم. كاتما أنفاسه يتسمع للصوت في الخارج. بعد قليل لدهشته طرق الباب مرة أخرى بصورة أعنف. ولدهشته الأكبر فتح باب المخزن ودخل شخص آخر وجد نفسه يجلس قرب أبكر. وضربات قلبه تكاد تسمع.
    أبكر شعر ان هذا الشخص متورط مثله وحب يستغل الموقف.
    - يا عم يا عم تشتري ديك؟
    - ديك شنو ؟هسع دا وكته
    - وديني أكورك بأعلى صوت.
    - خلاص خلاص اشتريه منك عايز فيه كم.
    - عشرة جنيه.
    - عشرة جنيه له أصله هو ديك ولا تيس.
    - يمين اكورك
    - خلاص جيبه طيب هاك هدي عشرة جنيه.
    بعد قليل
    يا عم ياعم تبيع الديك ؟
    يا ولد انت تستهبل ولا شنو هسع انا ما اشتريته منك.
    - أكورك يمين اكورك .
    - أها خلاص تدفع فيه كم
    - خمسة جنيه
    - يا ولد انا هسع ما اشتريته منك بعشرة جنيه.؟
    - ما أسعار الدواجن نزلت ولا بكورك يمين اكورك .
    - خلاس هات الخمسة جنيه وشيله .
    - يا عم تشتري ديك ؟
    - تعرف يا ولد اخنقك في المخزن دا افطسك واطلع ما في زول يعرف الكتلك منو
    - أكورك يمين اكورك .
    - خلاص أها تبيعه بكم
    - بخمستاشر جنيه ولا بكورك.
    - خلاص هاك والديك زاته خليه معاك ما عايزه لكن تاني اوعى تجيب لي سيرته .
    - بعد قليل يفتح باب المخزن وصوت المرأة ( خلاص اطلعوا واحد واحد بدون صوت الراجل دخل الحمام )
    تسلل الرجل في الأول ومن باب الشارع انطلق جريا وبعده خرج أبكرطابقا ديكه وجاريا.
    دخل أبكر بيته سعيدا في جيبه مبلغ محترما ( كم بلغ ) ولا زال محتفظا بديكه .
    وجد والده يجلس على السرير في الصالة والعرق يتصبب منه
    بادره قائلا : يا حاج تشتري ديك ؟
    - هو دا انت يا ود الكلب ؟
    - أكلم أمي يمين أكلم أمي .
    - خلاص خلاص داير فيه كم ؟
    - عشرة جنيه .
    - تاني عشرة ما كفاية اللهفتو مني قبيل .
    - أكلم أمي يمين أكلمها.
    - خلاص هاك العشرة وامشي المطبخ جيب سكين خلينا نضبحه وأمك تعمل لينا منه شوربة يمكن تفشنا شوية يا كلب .🤬🤬🤬🤬🤬🤗🤗🤗🤗🤗🤗😂😂😂😂😂😂😂😂😂

    (عدل بواسطة درديري كباشي on 25-04-2018, 09:17 AM)

                  
|Articles |News |مقالات |بيانات

25-04-2018, 07:43 AM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    صديق في الفيس قال ابكر دا عامل زي البنك الدولي ههههههههه
                  
|Articles |News |مقالات |بيانات

25-04-2018, 08:41 AM

Shueib Medani
<aShueib Medani
تاريخ التسجيل: 06-02-2013
مجموع المشاركات: 150

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    تحايا عطرة ،،
    رائعة حكاويك درديري كباشي،، اضحكتني ديوكك وادخلت السرور في نفسي هذا الصباح.
    أجد كثيرا من المتعة في قرأة أحرفك.
                  
|Articles |News |مقالات |بيانات

25-04-2018, 09:41 AM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


Re: ديوك في الذاكرة (Re: Shueib Medani)

    تحايا عطرة ،،
    رائعة حكاويك درديري كباشي،، اضحكتني ديوكك وادخلت السرور في نفسي هذا الصباح.
    أجد كثيرا من المتعة في قرأة أحرفك.
    *************************
    تشكر يا صهيب وهذا من ذوقك
                  
|Articles |News |مقالات |بيانات

25-04-2018, 09:54 AM

عوض جاه الرسول
<aعوض جاه الرسول
تاريخ التسجيل: 24-01-2013
مجموع المشاركات: 856

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    هههههههههههههههههههههه
    أضحك الله سنك درديري كباشي

    جايين نتمتع برواقة ياخ
                  
|Articles |News |مقالات |بيانات

25-04-2018, 02:46 PM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


Re: ديوك في الذاكرة (Re: عوض جاه الرسول)

    جايين نتمتع برواقة ياخ
    ********************

    شرفتنا يا عوض

    انشاء الله نقدر نمد
                  
|Articles |News |مقالات |بيانات

28-04-2018, 06:56 AM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    *
                  
|Articles |News |مقالات |بيانات

28-04-2018, 07:02 AM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5665

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    سلام يا ابو الدر

    بالله عرج في طريقك علي ديك العدة
    وديك المسلمية ( بصلته في النار وهو يعوعي وما جايب خبــر)
                  
|Articles |News |مقالات |بيانات

28-04-2018, 07:57 AM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


Re: ديوك في الذاكرة (Re: عبدالعظيم عثمان)

    سلام يا ابو الدر

    بالله عرج في طريقك علي ديك العدة
    وديك المسلمية ( بصلته في النار وهو يعوعي وما جايب خبــر)
    ***********************
    ههههههههههههههه تمام يا عظمة تعال ذكرنا الديوك كلها
                  
|Articles |News |مقالات |بيانات

28-04-2018, 08:12 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5665

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    الابا ديكو مكشن

    يقال ان ضيوف نزلوا علي أحد مشايخ الصوفية، قاموا طبخوا ليهم حلة ديك كاربة، طلبوا منهم بداية العشاء، واحد من الضيوف عامل فيها حريف قال انا بتعشا مع ابوي الشيخ، وبعد طول انتظار اتي عشاء الشيخ وكان موية وتميرات وصاحبنا اكل المقلب (وكان هو الابا ديكو مكشن)
                  
|Articles |News |مقالات |بيانات

29-04-2018, 05:04 AM

الطيب رحمه قريمان
<aالطيب رحمه قريمان
تاريخ التسجيل: 21-03-2008
مجموع المشاركات: 12371

للتواصل معنا

FaceBook
تويتر Twitter
YouTube


Re: ديوك في الذاكرة (Re: عبدالعظيم عثمان)

    تحياتى الاخ دريرى كباشى ..

    امتعتنا .. بارك الله فيك ..

    قصص الديويك كثيرة .. لك ان تجمعها فى هذا البوست .. منها ديك الشلك ..

    ساعود
                  
|Articles |News |مقالات |بيانات

29-04-2018, 06:05 AM

Mahjob Abdalla
<aMahjob Abdalla
تاريخ التسجيل: 05-10-2006
مجموع المشاركات: 5681

للتواصل معنا

FaceBook
تويتر Twitter
YouTube


Re: ديوك في الذاكرة (Re: الطيب رحمه قريمان)

    الدرديري سلام
    بالله احكي عن ديك حاج عبدالكريم البلع الفياغرا داك لو سمعت بيها.
                  
|Articles |News |مقالات |بيانات

29-04-2018, 06:16 AM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


Re: ديوك في الذاكرة (Re: Mahjob Abdalla)

    سلام يا قريمان ومحجوب

    مرحب بيكم

    الحكاية مفتوحة كل من يعرف له حكاية ديوك يجيبها

    أنا بحاول اتذكر الباقيات

    كنت زمان جامعهم اكثر من خمستاشر في منتدى من المنتديات القديمة تبخر وذهب مع الريح

                  
|Articles |News |مقالات |بيانات

29-04-2018, 06:38 AM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    بيضة الديك
    في إطار حكايات الديوك التي انتظمت الصفحة الأيام الماضية (على طريقة السياسيين) يقال في ادبنا الشعبي أن الديك بعد أن يمتد به العمر يختم حياته العملية والعلمية ببيضة واحدة يعلن بها اعتزاله للعمل العام (لا أدري رأي البيطريين في صحة هذه المعلومة) بل ذهبت لتصبح مثلا لكل شخص يملك عملا يتيما لم يثنيه رواية أو قصيدة أو اغنية أن يطلق عليها بيضة ديك.
    وأشهر بيضة الديك في أغنياتنا السودانية
    أغنية الراحل زيدان إبراهيم
    في الليلة ديك لاهان علي
    أرضى وأسامحك
    ولا هان أعتب عليك
    شلت الجراح والابتسامة
    وكل حرمان اليتامى
    جيت أهنيكي وأصافحك
    جيت أقول مبروك عليك
    ومديت يميني بلا
    كلام ما قدرت قدامك أقيف
    (الطريف ورد بها كلمة ديك اكثر من مرة رغم أنه المعنى مختلف تماما فهنا يقص بها ( تلك ))
    قيل إن شاعرها لم يكتب سواها (لا يحضرني اسمه حاليا)
    وكذلك أغنية مسكين أنا للطيب عبد الله. قيل أن شاعرها لم يكتب سواها
    وتحس وجه شبه غريب بين الاغنيتين في تلقي الصدمة العاطفية بمسكنة شديدة وكذلك تحس أنهما كانتا عصارة تجربة مريرة صادقة. حريا بالشاعرين الا يكتبا سواهما.
    وعلى المستوى العالمي أشهر بيضة ديك
    هي رواية ذهب مع الريح.
    ذهب مع الريح هي رواية للكاتبة الأمريكية مارغريت ميتشل، أصدرت عام 1936 وهي الرواية الوحيدة للكاتبة, بدأت كتابتها بعد أن اصيبت بمرض أجبرها على المكوث في البيت فترات طويلة. اكتسبت هذه الرواية شهرة واسعة وفازت عام 1937 بجائزة البوليتزر.
    لرواية احتوت على 1037 صفحة، تحولت إلى فيلم سينمائي مدته 3 ساعات و42 دقيقة.
    ترجمت الرواية إلى ثلاثين لغة منها اللغة العربية.
    عند صدورها عام 1936 وصل حجم مبيعاتها إلى 50 ألف نسخة في يوم واحد.
    بمناسبة مرور ربع قرن على صدور الرواية أصدرت الحكومة الأمريكية طابعا تذكارياً.
    الكاتبة مارغريت ميتشل توفيت وهي تبلغ من العمر 49 عاماً، وهي من بين القلائل الذين خلد اسمهم من عمل واحد فقط وهو ذهب مع الريح.
    هل تعرفوا بيضة ديك أخرى.
                  
|Articles |News |مقالات |بيانات

29-04-2018, 07:09 AM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5665

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    بالله يا درديري ما تنسي تعرج علي الديك الكهربجي
                  
|Articles |News |مقالات |بيانات

29-04-2018, 08:36 AM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


Re: ديوك في الذاكرة (Re: عبدالعظيم عثمان)

    بالله يا درديري ما تنسي تعرج علي الديك الكهربجي
    ****************************
    والله يا عظمة بعد كدا احسن كل واحد يجيب يوكه ويجي هههههههههههههههه

                  
|Articles |News |مقالات |بيانات

01-05-2018, 05:49 AM

درديري كباشي

تاريخ التسجيل: 08-01-2013
مجموع المشاركات: 3186

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    .
                  
|Articles |News |مقالات |بيانات

01-05-2018, 07:00 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 7719

للتواصل معنا

FaceBook
تويتر Twitter
YouTube


Re: ديوك في الذاكرة (Re: درديري كباشي)

    الحبيب درديري، سلامات يا صديق ولعلك طيب
    حكاياتك مسبكة كشوربة ديك حبوبتي ، و لكن ديوكك عينة ههههه ،
    ذكرتني قصة واقعية في السياق- لاتصلح للنشر - عن ديك(ي) بدر ، أكيد بتتذكره
    المهم .. واصل وأنثر ..
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de