|
|
|
 Re: بوست إعتذار للاستاذ الموصلي ... والله صحي ! (Re: امير بوب)
|
اتذكرت التكيلي وعنقر
وهما بصين عندنا في الحلة بين القرية وبربر
كان بيناتم مضبوح كلب وتنافس ومشاكل لا اول ولا آخر لها
يوم كدى عايزين يعدو بالبانطون بتاع الباوقة
التكيلي ضعيف جدا في السواقة وماقدر يدخل الباص البانطون
الحل الوحيد يقوم عنقر يدخل للتكيلي باصو وقد كان.
في اثناء رجوع عنقر ببص التكيلي للخلف نحو سقالة البانطون وهو منتشي
جاهو التكيلي قال ليهو:
"يازول تدخل ماتدخل شكلتنا في محلها"
تحياتي د. امير
ومثلها للاستاذ الموصلى
وعندي سؤال في بوست سعادة المستشار
| |
  
|
|
|
|
|
|
|
|
Re: بوست إعتذار للاستاذ الموصلي ... والله صحي ! (Re: امير بوب)
|
د بوب ياخي انت زول
كلك زوق في الادب
واذنك كلها تذوق في الموسيقى
اصدقك القول انا في كثير من الاحيان بعمل
كلك ل "اضف رد"
اقوم اقول لا حول ده شنو يايوسف
اعتذارك مقبول جدا ومرحب به
واسعدني جدا وابهجني جدا
اثمن فيك جدا محاولتك لم الشمل من المنظور الاجتماعي
كن والجميع بحير
اخيرا بختي لقيت لي صاحب في لندن
| |
|
|
|
|
|
|
|
|
|
Re: بوست إعتذار للاستاذ الموصلي ... والله صحي ! (Re: Elmosley)
|
سلام حيدر حسن ميرغني
| Quote: د. امير يامخرج الروائع واصل بعد المفاصلة كما وعدت |
...
يا حيدر الجماعة ديل حسمناهم زمان و بالضربة القاضية !
المستنير فعلاً طلع تعبان خالص
جندلتو من اول جولة .. و عملت ليه حقارة عمرو بن عبد وُد
بالمسلمين في معركة الخندق !
و بقيت ما سلكت انا درب بوست ، إلا سلك المستنير درب آخر 😂
...
الموصلي ، انا رخيت ليه الأبنص شوية لإعتبارات ... لاكين بلِم فيه في زقاق تاني !!
...
باقي الرشاشات ديلك حمام ميت ساي !
| |
|
|
|
|
|
|
|
|
|
Re: بوست إعتذار للاستاذ الموصلي ... والله صحي ! (Re: امير بوب)
|
بالله ما تزعلو لو شفتوني قمت بي نمرة واحد
ياخي المنبر ده مرات فيهو ناس بزعلو جد
(QUOTE)
><><><><><><><><<
الاستاذ الفنان الموصلي
مش يزعلوا وبس!! لكن بفقعوا المرارة ويرفعوا ضغط الدم لغاية الشريان ما ينفجر...
اميرة بت السيد فقعوا مرارتها وفجروا شرايينها وهربت واشترت هدوء البال وراحة النفس
ووصلت الآن مرحلة النقاهة..
لكن نقول شنو !! راسنا قوي وبنحب البهدلة ، وفي نفس الوقت
ما بنقدر نبتعد عن الجماليات التي تعبق وتنتشر في بعض نواحي المنبر العام..
ودمت بألف خير وصحة وعافية
| |
|
|
|
|
|
|
|
|
|
Re: بوست إعتذار للاستاذ الموصلي ... والله صحي ! (Re: Basamat Alsheikh)
|
الصديق د. امير بوب
والاستاذ موصللي
بقية الاخوة الاكارم
سلام عليكم وكل سة وانتم طيبين
الموصللي انسان سوداني بسيط وطيب ودي من علامات المبدعين
(ولكني لم اجد نفسيرا لاستعمالك نوتة وعدم الاشارة لمصدرها ؟؟؟؟)
رغم ذلك كنت مستمتعا بالنقاش بحساب ان لي معرفة بدكتور امير واعرف انه انسان يحب المعرفة
والبحث والتقيب و( قراااااي ) وكان الاخ حاتم ( هداه الله ) يواصل اسئلته الا ان ظهر ان حاتما ( لم يأت لحوار وانما اتى لأجندة اخرى )
وفقدنا توصيل المعرفة حتى ان استاذنا موصللي قد انجر وراء الاساءات المتعمدة من حاتم
امير يا سادتي والله اسم على مسمى ( امير بالجد )
وانا ما بقول كدة عشان صاحبي لانو كل واحد مننا ممكن يدي التاني ف راسو بالحديدة ولكن هو انسان اصيل و( بني ادم في النهاية ) يزعل وينبز و( يغالط ) هههه
نصحيتي لاستاذنا الموصلي
تاني ما تتداخل مع حاتم ولو في واحد فتح بوست موسيقي قول رايك لكن ما تنجر لمنقاشات مع ناس ما بتعرفهم
ولا بتعرف قصدهم من المناقشات دي شنو لانو الحصل من حاتم دة فضيحة والله وانا متاكد يا استاذنا انك بتكون عرفت الشخصية الحقيقية.
دمتم كلكم
وايامكم بسكويت ع قول بهنس الله يرحمو...
| |
|
|
|
|
|
|
|
|
|
Re: بوست إعتذار للاستاذ الموصلي ... والله صحي ! (Re: امير بوب)
|
Quote: نصحيتي لاستاذنا الموصلي
تاني ما تتداخل مع حاتم ولو في واحد فتح بوست موسيقي قول رايك لكن ما تنجر لمنقاشات مع ناس ما بتعرفهم |
هاهاهاهاها
وتنوم بعد صلاة العشاء طوالي
وتمسح كرعينك بزيت فرامل عشان ما تجري شديد
ولو سألوك راجع كويس قبل الرد عشان ما نخجل ليك
والموسيقى دي خليها اشتغل مع أخوات إن والأسماء الستة
حاتم الكعب الله ينعلو، الشين العاطل الحفيان.
| |
|
|
|
|
|
|
|
|
|
Re: بوست إعتذار للاستاذ الموصلي ... والله صحي ! (Re: حاتم إبراهيم)
|
الصديق Osama Mohammed
ازيك يا باز ... و كتّر خيرك ياخ علي الكلمات الرقيقة في حقي
وهي شهادة اعتز بها.
نحن يا اسامة ناس قمنا علي البحث عن المعلومة و حب الغلاط
و المشاكسة التي لا تتجاوز حدود الأدب !
فالمغالطة في حد ذاتها تعتبر اُسلوب معرفة و ادارتها نوع من الفن !
...
استاذ موصلي اختلافاتي معه فنية بحتة و لايوجد فيها ما هو شخصي !
انا لا أعادي احد يا اسامة ... و لا افجر في الخصومة !!
تحياتي
| |
|
|
|
|
|
|
|
|
 Re: بوست إعتذار للاستاذ الموصلي ... والله صحي ! (Re: امير بوب)
|
Quote: استاذ موصلي اختلافاتي معه فنية بحتة و لايوجد فيها ما هو شخصي !
انا لا أعادي احد يا اسامة ... و لا افجر في الخصومة !! |
د امير
ما اعتذارك هذا الا دليل على انك ابن ناس ومتربي ومن اسرة كريمة
ليس المشكلة في الخلاف فهو امر طبيعي بين البشر
اعتذارك يا سيدي
يبين الوان الخيوط ويجعل اصلك الطيب جليا فانا احترمتك جدا جدا
كن بخير وكن فخورا بصديقك باز
وان باذن الله جاي لندن
| |
|
|
|
|
|
|
|
|
|
Re: بوست إعتذار للاستاذ الموصلي ... والله صحي ! (Re: امير بوب)
|
Quote: مشيت شلت التوته من النت لانه لاداعي لكتابة نوته لعمل توجد عشرات النسخ منه في النت
ختيتها وعملت تحليلي الخاص جدا الذي حاولت ان يكون مختلفا
وكان في اصرار من الشخص صاحب البوست انو ده ما تحليلي
قمت اتحامقت وتوسعت فيه شويه برضو اصر
واعتقد انو عارف ده تحليلي لكنه يتشفى
--------------
عموما انا وقفت نهائي منه مع انني لا احب الحقارة
ومحاوللة استغلال انو ده فنان مشهور وبخاف على اسمه
هسع بقيت ولا بفتح البوست اياه لو رد هو اورد احد المعارضين له |
هههههه
غايتو ترقعها بجاي وتمشي تقدها تاني بهناك
قال (اتحامقت) قال ههههه يا سلام!
يا راااااجل، الحماقة دي انت وقفتني بسببها مرتين
وشتمتني أكتر من عشرة مرات
وكابست ليها مواقع المبتدئين عشان تخارج روحك
+++
قلت لي بقيت بقيت ولا تفتح البوست إياه
كدي عيد النظر شوية تاني 
ماشين على (تحليل) الطير المهاجر
تعال اتحامق تاني هههه
| |
|
|
|
|
|
|
|
|
|
Re: بوست إعتذار للاستاذ الموصلي ... والله صحي ! (Re: امير بوب)
|
Quote: كان من الاولى لك ان تحترم انسانا وقف معك وقفة رجال
برغم جهلك الفاضح
فياخي احترم د منير الراجل فتح بوست اغتذار وانت بتحاول تولع فيهو النار
شويه فكر واعقل |
وأنا هنا جاي أقيف معاهو وقفة رجال
الوضع الطبيعي تشكره على الاعتذار وتتخارج
مش تعمل البوست مشكرة ومحمدة!
برغم سرقتك المخجلة وكذبك المستمر
أنا هنا عشان أضمن إنك ما حتستغل البوست
عشان بكرة تهمز وتلمز وتقول ليهو (انت شكرتني) أو (انت اعتذرت لي)
حركاتك البايخة ديك
يدق الدلجة ستة مرات ويحدثنا عن (الجهل الفاضح).
| |
|
|
|
|
|
|
|
|
|
Re: بوست إعتذار للاستاذ الموصلي ... والله صحي ! (Re: امير بوب)
|
Quote: كان من الاولى لك ان تحترم انسانا وقف معك وقفة رجال
برغم جهلك الفاضح |
بعدين ياخي تخانة الجلد دي ما كويسة
الراجل وقف معاي أساساً ضد المكيدة والتأمر العملتو انت دا يا يوسف (أوعك تطالب بالدليل)
يعني انت وقفتني بالمؤامرة وهو ساعدني أتداخل غصباً عنك
وبعد دا نفسك مفتوحة عايز يعتذروا ليك؟؟!!
ياخي عليك جنس بجاحة وغلظة شعور.
أعوذ بالله
| |
|
|
|
|
|
|
|
|
|
Re: بوست إعتذار للاستاذ الموصلي ... والله صحي ! (Re: Elmosley)
|
سلام يا موصلي
...
غرض البوست عندي كان هو الاعتذار لك عن جزئيتين محددتين
و قد قمت انا بذلك ، و انت قبلت الاعتذار!
غرض البوست عندي انتهي منذ حينها ... و لم أعد اليه مرة أخري
لانه لا يوجد ما يستحق الأخذ و الرد حوله !!
....
خالص الشكر لجميع زوار البوست
| |
|
|
|
|
|
|
| |
معاوية المدير
MOHAMMED ELSHEIKH
حيدر حسن ميرغني
Elmosley
جمال ود القوز
Osama Mohammed
حاتم إبراهيم
محمد محمود محمد
فيس بوك
تويتر
انستقرام
يوتيوب
بنتيريست