ألغت وزارة التربية حق الطالب في الاعادة بالثانوي العالي من حق الطالب الاعادة إذا سقط في الملحق منعت حقه في الاعادة وتحويله لاتحاد المعلمين اتحاد المعلمين فصل يتبع للمدرسة ولكن برسوم الرسوم تقسم بين الوزارة والمعلمين الحصة بي تمنها السنة لا تقل عن مليون ونص يعني طالب سقط لأي سبب يا يمشي الشارع لو اهلو فقرا او يدفع وفي ذلك مصادرة لحق التعليم الاساسي تعالج الوزارة مشاكلها خصما علي حق الطلاب ومسؤوليتها تجاههم ماهو المغزي التربوي والتعليمي من هذا القرار
04-01-2017, 10:41 PM
زهير عثمان حمد
زهير عثمان حمد
تاريخ التسجيل: 08-07-2006
مجموع المشاركات: 8273
ابدا يا ايمن يظل في اتحاد المعلمين يدفع بس ولاحظ اتحاد المعلمين فايدتو للوزارة والمعلمين والمعلمين هم البحددو انك تعيد ولا نتيجتك كيف ودى واحدة من اشكاليات سياسة السلطة عموما . اي جهة بتدفعك قروش في حافز بمشي للموظف واظنو دة باب للظلم فصل اتحاد المعلمين هو فصل داخل المدرسة وجزء منها . الفرق انو طلابو بيدفعو قروش داير اقول شنو هو ذات الفصل الكان تابع للمدرسة قبل القرار وبخشو ذات المعلمين ماهي الفايدة التربوية والتعليمية من القرار
04-02-2017, 09:32 AM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
يا حفيظ زمان في بداية التسعينات لم تكن توجد اعادة في المرحلة الثانويه للصفين الاول والثاني والطالب البرسب في الملحق يتم فصله ويلتحق بالفصول المسائية ( اتحاد المعلمين ) بمقابل مالي ولنا زملاء تم فصلهم اكاديميا وواصلوا دراستهم بالفصول المسائيه في ذات المدرسه دون اعادة
04-02-2017, 10:36 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
غايتو يا علي انا قريت في الثمانينات ما بتذكر فصول اتحاد لكن بتذكر انو في دراسة بالمساء من سنة اولي لغير المقبولين بالمدارس الحكومية دة خليهو قبل المنشور كان في اعادة بالمدرسة واتلغي ليه ماهو المغزي ولا حكمة المشروعية
04-02-2017, 10:42 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
والله يا فرح لا يحس بعلقم طعم هذا القرار الا الاسر الفقيرة حتي تالتة المدارس كانت بتقبل العايدين في زمن الا تجيب فوق ال90% حتي تدخل رغبتك في طلاب بعيدو لفرقة بسيطة
04-02-2017, 12:22 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
دي اللائحة يا عبدالباقي حقت ولاية النيل الابيض هل هي عامة ولا خاصة بالنيل الابيض ماعارف اللغة العربية لوحدها ممكن تملحقك وترفدك اعادة مافي الا بالقروش يستثني الطالب المريض بأوراق حكومية . شكلو الا من المستشفي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة