|
|
|
 Re: الأمن الإلكتروني: نشر مقالات ع. عبد العاطي (Re: Elhadi)
|
آمنت بالللللله..
ما هذا ؟
أعلام مخطط و مرسوم ومدبر..
تخريب فوق الوصف للواقع السودانى..
ثم تمرير سياستهم وأجندتهم..
نحمد الله ان يوم الانقاذ قد جاء..
وأنها تقف الان أمام لوحة المغادرة..
ثم الحساب الدقيق والشافى لعناصر الآمر..
حتى يرتاح السودانيون الذين ماتوا على يد وبسبب الانقاذ..
فى قبورهم على الآقل..
| |
  
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: مني عمسيب)
|
الوثيقة دي مؤرخة في شهر فبراير الماضي ( شهر اتنين)...
وكل المكتوب فيها شفناهو حصل بي ضبانتو خلال الفترة الماضية من خلال المنتديات ووسائل التواصل الاجتماعي
حتى ( توزيع البوستات عن شجاعة وتواضع نميري :) دي برضو شفناها تكررت كثيراً
يكون مصادفة يعني ؟؟
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: Elhadi)
|
(( دعم وتشجيع مناظرات الصوفية وأنصار السنة وتوجيه عناصرنا في اليوتيوب لنشر محاضرات محمد مصطفى عبد القادر ـ أبوبكر أداب ، مزمل فقيري
وأقوال أنصار السنة والسلفيين عن حرمة الخروج عن الحاكم، توزيع البوستات عن شيخ الأمين عمر الأمين، ضرب الصوفية بأنصار السنة وبدء النقاش مع وضد في توقيت واحد ))
ـــــــــــــــــــــ
حصل
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: Elhadi)
|
كل الكلام المكتوب ده حصل .. يا هادي ..
في برمجة للشغل ده ..
الشغلة ما ماشيه بالعفوية التي يظنها البعض ..
ده شغل دولة ومؤسس لاحباط أي تحريك للشارع ..
وفيه سياسة ضرب الاحزاب والجماعات ببعضها البعض ..
حتى يخلو الجو لهم ليستأسدوا ويسودوا على الجميع ..
لكن سيحبط عملهم وسيجدون أنفسهم امام جهاد الكتروني مضاد ..
ممنهج ومدروس ومدرب وعارف هو بيعمل في شنو ..
ثورة .. ثورة حتى النصر ...
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: Elhadi)
|
يعنى بوستات المسلمى والشعيل والزبير عن الجمهوريين
من نتائج هذا التوجيه. هذه البوستات كشفت للناس سؤهم ولم تؤدى لشئ
غير المزيد من المتعاطفين والمزيد من الاحترام للاستاذ محمود والجمهوريين.
يبدو انهم مشغولين بالاستاذ محمود والجمهوريين فاعطوهم الأولوية فى توجيهاتهم
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: Elhadi)
|
Quote:
كل الكلام المكتوب ده حصل .. يا هادي ..
في برمجة للشغل ده ..
الشغلة ما ماشيه بالعفوية التي يظنها البعض .. |
أيوة يا أخ جمال.. كل الكلام المكتوب ده حصل وبالحرف
كان هنا في سودانيز أونلاين أو في الفيسبوك أو في اليوتيوب وفي كل المواقع والمنتديات.. المكتوب ده طبق حرفياً، عشان كده أنا لمن قريت الكلام ده أصلاً لم يساورني أدنى شك في هذه الوثيقة
وبعدين لمن بدأت تراجي مصطفى تنشر في تسجيلاتها العاملة كيف كيف ديك كان واضح تماماً انها جاية من جهاز الأمن أو بتعليمات منو
وما افتكر ابدأ انو كان في زول عندو شك في الموضوع ده
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: حيدر حسن ميرغني)
|
كيف حالك أخ حيدر ..
والله حتى بدون مراجعة أنا بتذكر كويس جداً ..
الكلام ده حاصل ..
لكن مشكلتنا اننا بنتعامل بعفوية مع هذا النظام ..
الذي حشر أنفه في ابجديات وتفاصيل حياة الناس ..
وأنا قبل كده قلت وروني أي حتة في حايتنا دي الكيزان خلوها ..
أي شي تدخلوا فيه ..
هذه إعادة صياغة الانسان السوداني القالوها ذاااتا ..
لكن هيهات لقد أفل نجم نظامهم ..
الذي أجاع الشعب السوداني وأذله .. وسرق مقدراته وثروته ..
وجعله يتكفف الناس ..
الناس ما لاقية تاكل يشهد الله ..
وكثير من الأسر بيساعدوهم جيرانهم بالأكل ..
وده عن تجارب ومعرفة تامة ..
الناس بقت تبحث عن ما يسد رمقها .. سيبك من كماليات المعيشة ..
الأكل الواحد ده .. فطور .. غداء .. عشاء .. الناس ما عندهم ..
ووالله في ناس بتاكل وجبة واحدة في اليوم ..
وماقادرين يشتروا سكر وشاي ولبن لصغارهم ..
عليك الله دي عيشة يعيشوها الناس ..
الله المستعان ..
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: جمال ود القوز)
|
سلام عليكم
كون المكتوب فيها طبق بحذافيره أدعى للشك في كون المذكرة مفبركة فعلى طريقة تسريبات ريفز لمحاضر الإجتماعات المزعومة كتبت بعد وقوع الأحداث لذا كان الحصر دقيق بهذا الشكل
و اضف اللخبطة في التاريخ الهجري و الميلادي فيوم 14 فبراير يوافق يوم 5 حسب التقويم لا يوم 6
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: Elhadi)
|
ما هو المشككني يا الهادي هو الدقة و التفصيل دا
تخيل معي اجتماع يضع عدد من النقاط لازالت في رحم الغيب و تقوم هذه النقاط تنفذ مائة بالمائة ودون حتى هامش خطأ طبيعي - سوداني - واحد في المية
قارن مع شخص قاعد يكتب عن احداث هي بالنسبة له تاريخ حدثت وانقضت من السهل رصدها كما جرت بالضبط و بكل الدقة الممكنة ثم صياغتها كخطة عمل, اي الإحتمالين أسهل؟
وطبعا شغل تزوير التراويس و الأختام صار اسهل من شربة ماء على مفبركاتية الأسافير
عموما زي ما قلت لحيدر هي احتمالات لا تستطيع ان تجزم بصحة احدها و الشواهد التي يطمئن لها قلب المتلقي تساعده على الإختيار و طبيعي تختلف القراءة من شخص لآخر
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: محمد البشرى الخضر)
|
ألاخ الفاضل دكتور أحمد الحسين...
والمزيد من الاحترام للاستاذ محمود والجمهوريين.
...
و الله العظيم الاستاذ محمود محمد طه من أكثر الشخصيات الدينية السياسية أحتراما فى السودان..
و لا يهم أن نتفق معه..
يكفى فقط التزامة بأفكاره وشجاعته وصدقه فى تبليغ رسالته التى أعدم من أجلها..
و قد تقدم الى المقصلة وهو مرفوع الرأس..
كأنه رأى مقعده فى الجنة...
أما الآخوات والاخوة فى الحزب الجمهورى...
فهم ايضا مضرب مثل فى الالتزام بأفكارهم ومبادئهم وأحترام السودان والسودانيين..
( دا حزب محترم لعضوية شديدة الاحترام )...
...
ك..لا..ب الآمن ما عندها موضوع..
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: nour tawir)
|
حكومة الديكتاتور السفاح البشير
عندها هدف أساسي ومهم هو البقاء علي السلطة
والوسيلة المثلي في هذا المنحي هي :
إبقاء المعارضة مفتته ومتناقضة ومتشاكسة
والوثيقة مزورة أم حقيقية
تخدم هذا الهدف تماما
فيا شعب السودان ومثقفيه
فلتناسي ولو مؤقتا خلافاتنا الفكرية والثقافية والسياسية
ونركز علي الأساسي والمهم والعاجل:
أسقاط سلطة السفاح البشير
والتي حرمتنا الكلام والتعليم والعلاج وحتي لقمة العيش
الأيام القادمة عصيبة
ومهمة وخطيرة
فيا شعب وشعوب السودان
من أنصار وختمية وجمهوريين وشيوعيين وبعث ومستقلين
أنصار سنة وأنصار شريعة وسلفيين وصوفيين
مسلمين ومسيحيين وأتباع ديانات أفريقية ولا دينين
افارقة وعرب وبجا ونوبة وزنوج
في المدن والقري
في المراكز والأطراف
فقراء وأغنياء
متعلمين وأميين
ركزوا في الأساسي:
أسقاط الديكتاتورية
وبعدها وبسقوطها
ينفتح أفق لا محدود من الحريات
وينشأ جو معافي للإختلاف او الإتفاق
ولتطوير الحوار في الشأن السوداني
أسقطوا الديكتاتورية لصحة أبدانكم وعقولكم وثقافتكم
ولأجل الأجيال القادمة
بل
لنفتح باب المستقبل مرة وللأبد
المجد لكم يا شعب السودان المبدع العبقري البطل
قاهر الطغاة وداحر الديكتاتوريات
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: Nasr)
|
تحياتي الأخت نور تاور، والأخ نصر
اتخيل لي الوثيقة تعطي ولأول مرة تعريفاً شاملاً كافياً ووافياً لمعنى ( الجدادة الإلكترونية )
لو لقيتو أي واحد في أسافير الله دي بتناقش في البنود من واحد لعشرة بالمفهوم الذي ورد في هذه الوثيقة الأمنية :
فهو وبلا أدنى شك :
جــــــــــدادة إلكترونيـــــــــــة وليها ضل كمان
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: Elhadi)
|
سلام مربع
هذه الوثيقة .. إذا فرضنا صحتها وهذا هو الأرجح .. لماذا أرادوا لها أن تتسرب فقطعاً هي لم تتسرب غصبا عنهم
أرادوا لها النشر والتسريب حينما رأوا لا تثريب في الأمر أن تتسرب
هذا من أجل إيقاع الفتن بين أطراف المعارضة
فهل نعي ما يفعلون!
ثانياً قد يكونوا كتبوها بعد أن جرت كل تلك الأحداث بعفوية ليثبتوا أنهم مخططون جيدون
مع تحياتي
عاصم فقيري
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: Asim Fageary)
|
سلام يا عاصم
سلام صاحب البوست
بغض النظر عن صحة الوثيقة من عدمها فهى تحاول ان تقدم مصوغات واضفاء مشروعية على نظرية الموامرة
فى قضايا فكرية وسياسية مهمة .. الخلافات بين الجمهوريين والسلفيين مشروع تنوير وكذلك خلافات المرحوم الخاتم مع حزبه السابق وكتابات عادل عبد العاطى ..
القضيه ليست فى الحوار حول قضايا التنوير الاساسية وضروره قفلها على اعتبار ان اثارتها يعتبر رجس من عمل الانقاذ ..
اللالتزام بادب الحوار بعيدا عن الجلافة incivility هو الذى يستحق منا وقفه ومراجعه وليس طرح القضايا
ذات الطابع الفكرى
مخطىء اذن قلم الامن ولو صدق
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: Asim Fageary)
|
شلوم ياخلق،
رجاءا اعملو حسابكم!
كونو كلاب الامن استخدمو كلام منشور فهذا لايعني انو امثال شوقي بدري وعبدالعاطي، عناصر امن!
ده كلام غلط او عيب بالذات في اللحظة دي، او مابعيد يكون مدسوس لتفجير معارك فيما بينا في الاسافير ده ما وكتو!
ده وكت اعتصام، فصومو عن الكلام الزي ده!
في ظرف تاني مافي مشكلة، بس ما الان، رجاءا!!
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: ابوبكر عبدالله ادم)
|
الهادي..حبابك
وحباب ضيوفك هنا..
الأمن الإلكتروني ، مفهوم ذي حدين: يعني مثلما الحكومة عندها أمن الكتروني ، الأخرين ايضا عندهم امنهم الإلكتروني الخاص الذي يحاول ان يروج البروباقندا التي تخصهم..!
02:29 PM November, 27 2016
هذا هو زمن وتاريخ هذا الخيط ، وليس في ذلك مشكلة..
المشكلة وين؟..
بعد اربعة وعشرين دقيقة كتب الهادي (صاحب البوست) خيطا اخر عنوانه:
Quote:
الأخ ياسرعرمان رسالة في كلمتين فقط
|
اول مداخلة وزمنها وتاريخها:
02:53 PM November, 27 2016
Quote:
الشعب ده عاوز قيادة في هذا الوقت يا ياسر
|
طبعا الكلام ده والعصيان في الخرطوم لم يكمل الساعة التاسعة من عمره..!
واذا كان الأمن الإلكتروني لبعض الجهات يتخوف من عادل عبد العاطي ، فعادل اقرب لنبض الجماهير والشارع من السيد ياسر عرمان..
وكمواطن سوداني افضل ان يستفيد من جهدي في المعارضة والعصيان المدني امثال عادل عبد العاطي وليس ياسر عرمان ،
فياسر عرمان والحركة الشعبية وغيرهم اكثر خطرا على مستقبل السودان الفضل من عادل عبد العاطي..!
تراجي اسمها محشور يا ود البشرى تمامة عدد ساكت وقرصة خفيفة ، ولو مكضبني شوف اشغال تراجي الأخيرة في حق ياسر عرمان وقطاع الشمال..!
اما المحيرني بالجد هو اقحام اسم استاذنا شوقي بدري؟..بالطبع الشباب الحايم في السودان يقرأ مقالات شوقي بدري بشغف ..لكن كما ما قدر ده..!
يعني نظام شوقي بدري في اعراف البعض (الغريبة غير الحيكومة) في القائمة السوداء..
ياترى كم واحد عبر بهذا الخيط واتخم بشغل بروباقندا الأمن الإلكتروني الآخر؟..
التحية لصديقي عادل عبد العاطي ..
كبر
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: ابوبكر عبدالله ادم)
|
إذا كانت هذه الوثيقة المزورة، فهذا أسوأ من كونها أصلية وصدرت فعلا. فعدم صدور هذه الوثيقة يعني أن العناصر المذكورة وصلت مرحلة من إتقان عملها لا تحتاج معها إلى تعليمات (كحال المرحوم محمدية مع الكمان عندما يتعلق الأمر بعزف الأغاني السودانية: لا يحتاج إلى نوتة. وطبعا لا قياس مع الفارق). أما إذا كانت الوثيقة أصلية فهذا يعني أن هذه العناصر تعمل وفقا للتعليمات وليس بالضرورة عن قناعة - أكل عيش - وقد يكون هناك بصيص أمل فيها مستقبلا. وإذا كان ما ورد في المذكرة قد وقع فعلا، فإننا أمام أمرين أحلاهما مر.
| |
|
|
|
|
|
|
|
|
|
Re: الأمن الإلكتروني: نشر مقالات ع. عبد العاطي (Re: محمد الأمين موسى)
|
الاخوة الأكارم..
عاصم فقيري، بشاشا وعثمان محمد صالح.. واللذين أجدني على تفهم كامل لدواعي مداخلاتهم..
المدعوة تراجي مصطفى يستغلها جهاز الأمن، وهي تلعب لصالح الأمن وهي تعلم بذلك جيداً وتنفذ مخططاتهم بوعي وإدراك كامليين،..
وقد تكون مضت وتعمقت في هذا الطريق الشائك بما يتجاوز موضوع التسجيلات الصوتية والإساءة لهذا الطرف أو ذاك من نشطاء المعارضة السودانية !
أما بخصوص الأخ عادل عبد العاطي، فلا أحد يتهم عادل عبد العاطي بشيء..
وورود اسم الاخ عادل عبد العاطي قد لا يقدح في مصداقية الوثيقة بشيء بقدر ما يمثل نوع من اللعب على واستغلال التناقضات القائمة بين البعض من أطراف و نشطاء المعارضة السودانية
| |
|
|
|
|
|
|
| |
Elhadi
nour tawir
Osama Mohammed
مني عمسيب
جمال ود القوز
د.أحمد الحسين
حيدر حسن ميرغني
محمد البشرى الخضر
Nasr
Asim Fageary
طلعت الطيب
Bashasha
كمال عباس
ابوبكر عبدالله ادم
Kabar
Osman M Salih
محمد الأمين موسى
محمد على طه الملك
فيس بوك
تويتر
انستقرام
يوتيوب
بنتيريست