|
Re: بدء انهيار سوق العملة الموازي امام الجنيه (Re: ود الباوقة)
|
ود الباوقة برغم اني رامي طوبتك ومعتبرك زي الهادي ود الدوحة الدرويش الحايم في سوق سنار دا ..لكن اليوم بطلب منك تجيب مؤشرات حقيقية خلت الجنيه السوداني ووووب بقدرة قادر استعاد عافيته . يلا حدد:- 1- 2- 3- الخ الخ او تكون واضع في حساباتك النظام استلم مقدم القوات البرية الماشة سوريا .. وفي الحالة دي جنيهك بياخد ليه خمة نفس وبحوم في عنبر العناية المركزة كم يوم وطااااخ تاني بدق الدلجة . ود الباوقة عليك الله اقعد مع نفسك براك كم يوم واعمل جرد حساب يمكن تقدر ترجع الزول السمح جواك ... فتك بي عافية من بخير
| |
|
|
|
|
|
|
Re: بدء انهيار سوق العملة الموازي امام الجنيه (Re: علي دفع الله)
|
Quote: رامي طوبتك ومعتبرك زي الهادي ود الدوحة الدرويش الحايم في سوق سنار دا |
عاجل الشفاء لاخينا الهادي ود الدوحة ان كان مريضا
اخونا على
ارتفاع الجنية السوداني مرده الى احتياطي العملات الصعبة لدي بنك السودان
من
الذهب
الاستثمارات الخارجية
والتي ستنيهل في اليومين القادمين
وشكرا
| |
|
|
|
|
|
|
Re: بدء انهيار سوق العملة الموازي امام الجنيه (Re: ود الباوقة)
|
الصباح "يعني قبل قليل" فتحت الجوال وقريت عناوين الصحف وتصريح لوزير المالية بانهيار سوق العملة الموازي وخبر في اخر لحظة بانخفاض كبير في اسعار العملات الاجنبية مقابل الجنيه وكنت ناوي احول
وفعلا مشيت وسالت ولقيت الريال ب 3050 ودي زيادة عن اخر سعر حولتا بيه
| |
|
|
|
|
|
|
Re: بدء انهيار سوق العملة الموازي امام الجنيه (Re: ود الباوقة)
|
مسكين الجنيه لايزال يواصل الزحف نحو الحضيض.. اليوم السعر زاد 30 جنية ياعمر.. انصحك بالقفز من القارب..فقد قفز كثيرون.. لن تقبل توبتك في اغلب التوقعات ولكنك ستكون من المرجئين..
وسيتم اخذ شفاعة وليد واحمد حنين موضع تقدير ..
فيابني اقفز معهم ولاتكن من الهالكين
| |
|
|
|
|
|
|
Re: بدء انهيار سوق العملة الموازي امام الجنيه (Re: ابوحراز)
|
Quote: حزنك ياوطنى احزنى ودالباوقه شكلك سمسار عمله كبيره وكل ماتنزنغ ليك فى قريشات تفك اشاعاتك دى وتمشى تغرف لكن المويه كضبت الغطاس وتانى ركز على اشاعات قدلات الاسد والسدود والانتاج والانتاجيه الفلقتونا بيها دى انما بشريات نزول الدولار دى شعرا ماعندك ليهو رقبه. انت بتجيب حبوب عدم الاختشاء دى من وين بالمناسبه؟؟؟ |
| |
|
|
|
|
|
|
Re: بدء انهيار سوق العملة الموازي امام الجنيه (Re: محمد أبوالعزائم أبوالريش)
|
ود الباوقة ياخي أنا عارفك ما جادي في بوستاتك بتاعة الدولار دي
و عارفك زول بتاع طربقة ساي او ربما فعلاً تكون سمسار عملة تستربح من إطلاق الشائعات
و لكن في إطار مشروعي الساعي لرفع المستوى الحواري للسماسرة و المطبلاتية أنا حأكتب ليك مداخلة جادة جداً
و اول شي كدى النسألك إنت بتعرف التقرير السنوي لبنك السودان؟ و هل قريت بتاع عام 2015؟.. أنا غايتو بتاع 2015 ما قريتو و ما أظنو هو ذاتو صدر لغاية هسه
لكين نديك مقتطفات من بتاع 2014 و بعداك نبني عليهو توقعاتنا
لو لاحظت إنو الصادرات و الواردات الإتنين في عام 2014 نقصو عن العام 2013.
لكن العجز في الميزان التجاري لسنة 2014 أقل من بتاع 2013.
نقصان العجز في الميزان التجاري في سنة 2014 كان سببه هو نقصان الواردات. و ليس بسبب إرتفاع صادرات.
عشان يحصل تغيير إيجابي في الصادرات لازم تحصل طفرة في إنتاج السلع المصدرة (و طبعاً دا ما حصل و لاسمعنا بيهو خلال سنة 2015).
و أيضاً خلال عام 2015 ما حصل تطور يذكر في الإنتاج المحلي لتغطية حاجات السوق المحلية و لذلك لا يتوقع تغيير في الحوجة للسلع المستوردة ما عدا ما كان بسبب إرتفاع الأسعار و إنخفاض القوة الشرائية للمواطنين و إحجامهم عن شراء بعض السلع المستوردة.
لذلك متوقع إنو تقرير 2015 ما يكون فيهو جديد ما عدا فروقات بسيطة عن الأعوام التي سبقته.
في ظل شح الصادرات و عدم مواكبة الإنتاج المحلي لتغطية حاجات السوق المحلي و عشان بنك السودان يقلل من العجز لازم يحافظ على سعر صرف عالي في السوق عشان يقلل من الواردات.
أي ضخ لعملات أجنبية في السوق سيؤدي لزيادة الطلب و بالتالي لمزيد من الإستيراد و مزيد من العجز.
و لو عاينت للحساب بتاع بنك السودان بتلقى إنو عندو عجز في الحساب لعام 2014 و نفس الشي متوقع لعام 2015 مع تغيير طفيف.
الخلاصة بنك السودان ما حيضخ كميات مؤثرة في سعر الصرف على المدى الطويل لسببين: السبب الأول: لأنه أصلاً ما عندو فائض من العملات الأجنبية. السبب التاني: لأنو سعر الصرف العالي هو الطريقة الوحيدة للحكومة لتقليل العجز في الميزان التجاري.
| |
|
|
|
|
|
|
Re: بدء انهيار سوق العملة الموازي امام الجنيه (Re: احمد حمودى)
|
عزيزي أحمد حمودي
تحياتي
Quote: فى حالة اسيراده من السودان الى السعودية لايغطى نسبة لكثرة الاتاوات والضرائب وقس على ذلك بقية السلع |
لذلك الحل يحتاج لحزمة سياسات كاملة تبدأ بتقليل الإنفاق الحكومي و تغيير في ميزانية الدفاع و الأمن و زيادة الصرف لتطوير البنى التحتية و تغيير في سياسات الضرائب و التحصيل و مراجعة قوانين الإستثمار
المشكلة أن الحكومة الحالية لا تستطيع تطبيق هذه السياسات لأنه أهم السياسات دي بتتعارض مع بقائها في الحكم.. فالحكومة الحالية لا تستطيع أن تقلل الإنفاق الحكومي لأنها تحتاج للصرف العالي لشراء الذمم و لا تستطيع تقليل الصرف على الدفاع و الأمن لأنها تعتمد عليهم في حمايتها
| |
|
|
|
|
|
|
Re: بدء انهيار سوق العملة الموازي امام الجنيه (Re: حسين عبد المجيد)
|
Quote: الحبيب الظريف المؤدب ود الباوقة والله اتا ماشبهم الرماك معهم شنو الكائنات الحية دي على العموم الان، الريال عامل في السوق الموازية 3100 والدولار 11800 برضو تقول لينا فكوها والحقوا نفسكم طبت صباحا ايها الجميل |
يرتاح كيفين لو ما جا عمل للناس طمام من أول الصباح
| |
|
|
|
|
|
|
Re: بدء انهيار سوق العملة الموازي امام الجنيه (Re: ود الباوقة)
|
السلام عليكم..أخى ودالباوقة..
بدأ فى ألأنهيار مرة أخرى؟؟؟!!!
اللهم أصلح حال البلاد...وياجماعة أنا جيت قبل عشرة أيام من السودان...زيدوا ما تنفقونه على المساكين...وتكاتفوا على عمل الخير لسند هؤلاء البسطاء...لا تبخلوا عليهم بملابس قديمة أو فضل زاد....الناس أتعصرت شديد..والمدة سمحة...والحمدالله....
| |
|
|
|
|
|
|
Re: بدء انهيار سوق العملة الموازي امام الجنيه (Re: almulaomar)
|
Quote: أن الواقع يجافي الطرح هنا ففي الأمر إن ، والحال كذلك تبقى هناك شبه في محاولة التبليس على العامه وإصابة مصالحهم إصابه مباشرة وهي تهمة ما أنفكت حتى يثبت العكس بالقرائن والأدلة التي يقبلها العقل |
الملا
انت قايل انا تاجر عملة ولا شنو
ما اوردته صادر من مؤسساتنا الاقتصادية
برميل من الود
| |
|
|
|
|
|
|
Re: بدء انهيار سوق العملة الموازي امام الجنيه (Re: ود الباوقة)
|
في الحديث ( لا يلدغ المؤمن من جحر مرتين )
والناس في هذا المنبر اتلدغت من بوستات ود الباوقة أكثر من مره ، فكان الواجب أن تسألوه عن البوستات السابقة : الميترو ، وعن عودة الصادق المهدي ، وعن إنبهال الأوضاع الإقتصادية منتصف يناير 2016 كل هذه المواضيع فتح لها بوستات بالبونط العريض وغيرها الكثير من البوستات خصوصاً بوستات أسعار العملة والتي لم يتحقق شئ مما قاله بل ثبت أنها كل كذب في كذب . أنا صراحة أستغرب من الإخوة المتداخلين في بوستات ود الباوقة على كثرتها ورغم علمهم أن هذه البوستات لا تمت إلى المصداقية بشئ فلماذا يتاداخل الناس في هذه البوستات ؟؟؟؟؟ المطلوب هو أن يتم إهمال هذه البوستات حتى يحترم الرجل عقول الناس وبالبلدي كده : ( عفنوها ليه ) . ثم ثانياً أنظر إلى كل بوستاته ومداخلاته وردوده على الناس لا تزيد أكثر من كلمة أو كلمتين أو ثلاثة كلمات ولو زادت عن ذلك فهي نص سطر ...!!!! مما يوضح عدم الجدية واستهتاره بعقول الناس والرغبة في إشغال الناس بكلام عبارة عن إشاعات .
| |
|
|
|
|
|
|
Re: بدء انهيار سوق العملة الموازي امام الجنيه (Re: ود الباوقة)
|
ألأخ عثمان ...السلام عليك وعلى ودالباوقة وكل المتداخلين.
Quote: والناس في هذا المنبر اتلدغت من بوستات ود الباوقة أكثر من مره |
الناس دى ما واعية حتى تتلدغ من ودالباوقة؟؟..وأى شخص إتلدغ خلى ألأتلدغ عشان يعرف ثانى ما يتابعو.....والراجل حر فى مايكتب....وهو قال متفائل ربنا يحقق تفاؤله.......وياودالباوقة نحن بنفرح لما جنيهنا يقوى ويساعد الغلابة الجوه...نحن البره ديل ما متأثرين مثلهم وإنت واحد مننا........بس تكون قوة حقيقية ما وهمية.....إحترامى للجميع.
| |
|
|
|
|
|
|
Re: بدء انهيار سوق العملة الموازي امام الجنيه (Re: ismeil abbas)
|
Quote: اللهم أصلح حال البلاد...وياجماعة أنا جيت قبل عشرة أيام من السودان...زيدوا ما تنفقونه على المساكين...وتكاتفوا على عمل الخير لسند هؤلاء البسطاء... لا تبخلوا عليهم بملابس قديمة أو فضل زاد....الناس أتعصرت شديد..والمدة سمحة...والحمدالله....
|
شكرا يا سمعة على تذكيرنا ....
لكل بوست ثمرة .... وها نحن قد جنينا حصاد يومنا هذا
فعلا.... هل من مزيد مال واهتمام لأؤلئك النفر الطيب ..؟ الكادحون العفيفون ...؟
.
| |
|
|
|
|
|
|
Re: بدء انهيار سوق العملة الموازي امام الجنيه (Re: عبد العزيز محمد عمر)
|
Quote: والراجل حر فى مايكتب....وهو قال متفائل ربنا يحقق تفاؤله |
حبيبنا اسماعيل اخبارك وحمدلله علي السلامه ودالباوقه ما حر في ما يكتبه علي الاقل يحترم عقول الناس البتقراء هنا الراجل قال بدء انهيار وفي صياغ الكلام تعني العملة تزلت وماشة تدق الدلجة لو متفائل كان ينقل الخبر بطريقة اخري فرق بين بدء ومتفائل المسألة ليست عرضة وصقرية ود الباوقه كتاباتو طلعتو مسيلمة البورد اكعكع وابهل في الفاضية يا اما بستخف بالناس أو عايز اتونس كان عايز اتونس اشوف ليهو مواضيع تانية نونسو زي العجب لو بسمع نصيحتي اقلب كوره مع الكاردينال تحياتي وتقديري
| |
|
|
|
|
|
|
Re: بدء انهيار سوق العملة الموازي امام الجنيه (Re: ismeil abbas)
|
أخى العزيز عباس الدسيس...تحياتى....
هسى عليكم الله بقت على ودالباوقة ده يحترم عقولنا...ماهى المؤسسة الكبيرة كل يوم بتقول كلا وبتعمل غيره....أنا ضد كتابات ودالباوقة السبهللية لكن لا أستطيع أن أحجر عليه وده حق من حقوقه....
Quote: الراجل قال بدء انهيار وفي صياغ الكلام تعني العملة تزلت وماشة تدق الدلجة لو متفائل كان ينقل الخبر بطريقة اخري فرق بين بدء ومتفائل |
فى ناس هنا مخالفة قوانين المنبر عديل بألأساءة والكلام الفاحش ومواصلين لارقيب ولا عتيد ....خلوها تخترم مشاعرنا على ألأقل....
هذا ليس دفاعاً لودالباوقة للبكتبه هنا..ولكن فرصة للتعبير عن ما أكن من غيظ للشء الحاصل....وشكراً ليك أتحت لى هذه الفرصة..
| |
|
|
|
|
|
|
Re: بدء انهيار سوق العملة الموازي امام الجنيه (Re: ismeil abbas)
|
Quote: فى ناس هنا مخالفة قوانين المنبر عديل بألأساءة والكلام الفاحش ومواصلين لارقيب ولا عتيد ....خلوها تخترم مشاعرنا على ألأقل....
هذا ليس دفاعاً لودالباوقة للبكتبه هنا..ولكن فرصة للتعبير عن ما أكن من غيظ للشء الحاصل....وشكراً ليك أتحت لى هذه الفرصة.. |
والله اسماعيل دي عندك فيها حق المشكله لو مشيت تحجز بدوك عكاز فشتو دايما الزول مداخلاتو في محل ما يلقي فيها اساءة تحياتي وتقديري
| |
|
|
|
|
|
|
Re: بدء انهيار سوق العملة الموازي امام الجنيه (Re: عباس الدسيس)
|
Quote: .أنا ضد كتابات ودالباوقة السبهللية لكن لا أستطيع أن أحجر عليه وده حق من حقوقه.... |
Quote: .أنا ضد كتابات ودالباوقة السبهللية لكن لا أستطيع أن أحجر عليه وده حق من حقوقه.... |
كتبات كلها بالارقام والحقائق الملموسة
فان تعثر بعضها فهذا ليس مسؤليتي
قال سبهللية قال
يا اخ مالكم كيف تحكمون
نص برميل
او ربع برميل من الود
| |
|
|
|
|
|
|
Re: بدء انهيار سوق العملة الموازي امام الجنيه (Re: جمال خضر)
|
Quote: لإعادة الثقة بين المغترب والدولة فيما يتعلق بالتحويلات وأهمية انسيابها للبلاد 04-21-2016 02:59 AM الخرطوم: سيف اليزل بابكر
وافقت الحكومة السودانية للبنوك التجارية على تسلم وصرف تحويلات المغتربين السودانيين بالعملات الحرة. ومن المنتظر أن يصدر بنك السودان المركزي توضيحا وتعريفا للمنشور الخاص بالسماح للبنوك السودانية بتسلم وتسليم المغتربين العملات وفقا لنوعية العملة التي حولت بها، والشروط التي يجب أن يلتزم بها المحول والصراف.
ووفقا لمصادر في جهاز تنظيم السودانيين العاملين بالخارج، فإن بنك السودان أبدى تفهما كبيرا لرغبات الجهاز في استقطاب وجذب مدخرات السودانيين العاملين بالخارج، الذين يقدر عددهم بأكثر من خمسة ملايين، منهم ما لا يقل عن 40 ألف خبير ورجل أعمال يستثمرون أموالهم بالخارج، مشيرة إلى أن بنك السودان سيعمل على تنشيط وتفعيل الإجراءات المطلوبة للسماح للمغتربين بتحويل أموالهم وتسلمها بنفس العملة في بلادهم.
من جهته، أوضح لـ«الشرق الأوسط» مساعد محمد أحمد رئيس اتحاد المصارف السودانية ونائب رئيس الاتحاد العربي للمصارف، أن منشور بنك السودان يمثل الوضع الراهن حاليا بالنسبة لتحويلات المغتربين في بعض البنوك، والذين يسمح لهم بإجراء أي تحويلات من الخارج بالعملات التي يرغبون فيها، ويتسلمونها بالفئة نفسها، موضحا أن المغترب يمكنه حاليا فتح حساب بالعملة الحرة، وأن يودع فيه الأموال، أو يمكنه شراء الودائع التي تصلح ضمانات لأي طلب تمويل أو قرض للاستثمار في أي مجال. واعتبر خبراء مصرفيون أن خطوة بنك السودان للسماح للمغتربين بتحويل أموالهم إلى ذويهم وأسرهم بمختلف وقرى ومناطق ومدن البلاد، سيعزز من قدرة المواطنين الذين يعتمدون في معيشتهم على تحويلات المغتربين، وسيقضي تدريجيا على السوق السوداء للدولار، الذي يصل سعره إلى نحو 14 جنيها، بينما سعره في البنوك 6 جنيهات فقط.
وأوضح المهندس عوض التوم الخبير المصرفي السوداني لـ«الشرق الأوسط» أن قرار فك التحويلات يعني إعادة الثقة تدريجيا بين المغترب والدولة فيما يتعلق بالتحويلات وأهمية انسيابها للبلاد دون قيود، مما سيشجع المغتربين على فتح حسابات بالعملات الحرة في البنوك التي يحولون إليها أموالهم، بل الدخول في فتح ودائع بنكية تصلح ضمانات لأي استثمار يرغب فيه المغترب، بجانب أن الدولار الآن يعامل بوصفه سلعة، وكل سلعة تسري عليها قاعدة العرض والطلب، فعندما تزداد أعداد وكميات العملات الحرة في البنوك يقل الطلب عليها، وبالتالي تنحسر تدريجيا أسعار الدولار المرتفعة حاليا. الشرق الاوسط
|
http://www.alrakoba.net/news-action-show-id-231874.htmhttp://www.alrakoba.net/news-action-show-id-231874.htm
لو الخبر الفوق دة صحيح ربما يدعم الجنيه السوداني لحد ما ويبطيء الانهيار السريع الذي يحدث الان. جمهورية مصر تتعامل مع تحويلات مغتربيها بنفس تلك السياسة وبالتالي ضمنت دخول العملة الصعبةة للبلاد. في السودان تحويلات المغتربين من العملة الصعبة تذهب للسماسرة وبنك السودان كالمتفرج.
| |
|
|
|
|
|
|
|