|
|
|
 Re: ما هى افضل مدينة للعيش فى السودان بعد العا (Re: أيمن محمود)
|
سلام الأخ احمد صالح وضيوفه
اعتقد بحسب الترتيب :
بورتسودان
الأبيض
مدني
من ناحية الخدمات التعليمية والصحية نوعاً ما أفضل من بقية المدن والقاليك سنار ما نصحك، في الخريف حالتها صعبة جداً ومن ناحيتي ارجح الأبيض بس خلي تدابيرك للموية جاهزة من بدري (خزان أرضي زي السعودية) أفضل.
وبالتوفيق ،،،
| |
 
|
|
|
|
|
|
|
 Re: ما هى افضل مدينة للعيش فى السودان بعد العا (Re: احمد حامد صالح)
|
| Quote: الابيض ربما بعد زلط بارا تكون افضل حسب قول احد الاصدقاء و تشتغل فيها تجارة محاصيل |
طالما فيها تجارة محاصيل .. أهلاً بيك فى ولايتنا الآمنة الوديعة الشمالية.
كل أنواع المحاصيل متوفرة ( فول .. تمر .. قمح .. فواكه ... إلخ).
المسافة بين ( العاصمة) والشمالية تمشي وتجئ فى نفس اليوم.
المعاناة فى الخدمات أقل بمراحل من ( العاصمة).
التأقلم مع أهلها ساااااااااااااهل جداً.. تكون منهم وفيهم فى فترة وجيزة.
تقطع كبري السليم .. تتحصل على عشرة عشرين فدان تستصلحوا
وتزرع العايزو وتبني فيهو ( الايدي العاملة متوفرة .. المدارس متوفرة .. الجامعات
متوفرة .. المواصلات متوفرة).. عايز إستثمار بآبار جوفية ممكن.
الإجتماعيات حاجة ما تخلص (الفرح والكره .. ما تعرف مين صاحبه ومين الـ ما صاحبو).
الناموس فى زيارات خجولة متقطعة.
مع الأمنيات لك بحياة سعيدة وموفقة فى أي مدينة من مدن السودان تستقر بها.
| |
|
|
|
|
|
|
|
|
|
Re: ما هى افضل مدينة للعيش فى السودان بعد العا (Re: احمد حامد صالح)
|
احسن مدينة للعيش في السودان هي مدينة اتبرا ام المدائن...
اولا وبعد القطار الصيني السريع يشتغل المسافةةبين الخرطوم وعطبرة حتكون
ساعة واحدة فقط....يعني تكون ساكن في اجمل مدينة في افريقيا وشغال في الخرطوم..
ثانيا حتسكن وسط ناس من اجمل الناس مليانين مروءة وشهامة ووسط جيران حتحس بيهم
وكانهم اهلك من دمك ولحمك....
ثالثا حتسكن في منطقة محاطة بالحدائق والمياه تنساب اليك من حوليك..من الاتبراوي والنيل
...وممكن اتم ليك رابعا وخامسا وسادسا....وحتى عاشرا....
...ودمت بالف خير وصحة وعافية
| |
|
|
|
|
|
|
|
|
|
Re: ما هى افضل مدينة للعيش فى السودان بعد العا (Re: Basamat Alsheikh)
|
Quote: احسن مدينة للعيش في السودان هي مدينة اتبرا ام المدائن...
اولا وبعد القطار الصيني السريع يشتغل المسافةةبين الخرطوم وعطبرة حتكون
ساعة واحدة فقط....يعني تكون ساكن في اجمل مدينة في افريقيا وشغال في الخرطوم..
ثانيا حتسكن وسط ناس من اجمل الناس مليانين مروءة وشهامة ووسط جيران حتحس بيهم
وكانهم اهلك من دمك ولحمك....
ثالثا حتسكن في منطقة محاطة بالحدائق والمياه تنساب اليك من حوليك..من الاتبراوي والنيل
...وممكن اتم ليك رابعا وخامسا وسادسا....وحتى عاشرا....
...ودمت بالف خير وصحة وعافية |
فعلا والله
ياخ شهيتينا ليها
حرم فيها سماحة فول وسمك لسا طعمهم في خشمي
والعجب موية البحر
ااااخ
| |
|
|
|
|
|
|
|
|
 Re: ما هى افضل مدينة للعيش فى السودان بعد العا (Re: محمد المسلمي)
|
أبنى مدينتك الخاصه فى أى مدينه سودانيه تخطر على بالك وخلى الباقيين يمشوا على نهجك
وعلم الأجيال الجايه كيف يكونوا مبدعين
محترمين
مرتبين
منظمين
نظيفين
علمهم كيف يكونوا يد واحده وعلمهم معنى النفير الحقيقى
وعلمهم انو مابعد المعاش حياه جديده مليانه عزيمه وقوه ونكران ذات
لمن تعلمهم ده بتكون ساهمت فى انك تبنى مع الناس كل البلد من جديد
...
يبقى مدينتك حوش فيهو كل البتحتاج ليهو وفيهو مشروع بيجيب عائد مرضى
وبلم الناس الطيبين حولك وبيعلم التانين انو
الناس بالناس بالجد ...كون المك الرمز ..كون مو اطن صالح
ده المحتاج ليهو السودان عشان يعود أقوى مما كان
| |
|
|
|
|
|
|
|
|
|
Re: ما هى افضل مدينة للعيش فى السودان بعد العا (Re: محمد المسلمي)
|
لازم تعمل home work مكثف
السؤال ده مفروض ياخذ في الحسبان تقلبات اوضاع البلاد في المستقبل اللي أسأل الله ان تكون أفضل من ماهي عليه الأن
الوضع الأمني الراهن بطول البلاد وعرضها لايغري وغير باعث على الإطمئنان طول ما حكومة الارزقية دي موجودة
اتمنى من الله ان يعم السلام في ارجاء الوطن وقت تكون قررت الاستقرار فيها ، ويديك الصحة والعافية للزمن داك
| |
|
|
|
|
|
|
|
|
Re: ما هى افضل مدينة للعيش فى السودان بعد العا (Re: عمر السلمة)
|
Quote: احسن مدينة للعيش في السودان هي مدينة اتبرا ام المدائن...
اولا وبعد القطار الصيني السريع يشتغل المسافةةبين الخرطوم وعطبرة حتكون
ساعة واحدة فقط....يعني تكون ساكن في اجمل مدينة في افريقيا وشغال في الخرطوم..
ثانيا حتسكن وسط ناس من اجمل الناس مليانين مروءة وشهامة ووسط جيران حتحس بيهم
وكانهم اهلك من دمك ولحمك....
ثالثا حتسكن في منطقة محاطة بالحدائق والمياه تنساب اليك من حوليك..من الاتبراوي والنيل
...وممكن اتم ليك رابعا وخامسا وسادسا....وحتى عاشرا....
...ودمت بالف خير وصحة وعافية |
بسمات فتاة عطبراوية أصلية أصيلة معفرة بكتاحتها تربت في أحد أحيائها (حي السودنة) عاشت في مدينة الكفاح والنضال لم تغيرها أمريكا وأوروبا فقد إزداد ولعها بعطبرة بعد فراقها وهجرتها .. لله درك يا عطبراوية وأعلمي أن عطبرة وفية لأبنائها ولبناتها وتبادلهم نفس الحب .
نتمنى أن تعودي لربوع عطبرة كي نلتقي بك وبكل الطيور العطبراوية المهاجرة .
صراحة أنتي أيقونة العطبراويين في هذا المنبر .
| |
|
|
|
|
|
|
|
|
|
Re: ما هى افضل مدينة للعيش فى السودان بعد العا (Re: أيمن محمود)
|
الموضوع بقا عاطفي اكتر من كونو عملي .. الانسان ما ممكن ينفصل من ذكرياتو البعيدة ابدا ..
فيا احمد انت محتاج تعمل داتابيز صغيرونة كده بكل المدن تحوي ميزاتا ومساويها ، جوها ، اقتصادها بعتمد على شنو وهل ده بنفع معاك ولا ما بنفع .. لأنو في النهاية مافي مدينة سودانية بتتوفر فيها ادنى احتياجاتك ، ابسط شيء الموية دي ما متوفرة والكلام ده مش في الابيض او بورسودان بس ، ياخي الشجرة مافيها موية .. التعليم كلو زفت وكلو زي بعض واي مدينة سودانية فيها مدارس عامة وخاصة وجامعات ، لكن شنّ المدارس وشنّ الجامعات ؟
بورسودان حلوة وعلى البحر ، لكن الموية مشكلة والبيئة والمناخ زفت .. الابيض حلوة برضو لكن موية سيئة ، عطبرة ليست مدينة للتقاعد وشندي افضل بكثير وقريبة من العاصمة واقتصادا افضل بمراحل .. مدني ام المدائن لكن ما نضيفة برضو واقتصادا ما متأكد منو ..
حسب رؤيتي مدن الشمال عموما أهدأ وانضف وآمنة جدا لانها صغيرة وغير مكتظة بالسكان وريفية الى حد كبير لكن بتبقا حتة انك تمارس فيها عمل مشكلة ما ساهلة ..
موفق ..
| |
|
|
|
|
|
|
|
|
|
Re: ما هى افضل مدينة للعيش فى السودان بعد العا (Re: حماد الطاهر عبدالله)
|
يا راعي البوست
السلام عليكم
في أعتقادي ( او في أحلامي)
منطقة جميلة للغاية وهي منطقة شرق النيل في اتجاه مدني
الشيخ الامين ومدينة الفاتح ومخططات النخيل
ريف نظيف جدا بيئيا واجتماعيا كمان
في حلمي منزل ريفي ومزرعة خمسة فدان...
تعيش جوء ريفي نقي في الخرطوم ذاتها وبعيدا عن زحامها والفوضى التي تغمرها
اسعار تلك المنطقة هادئة جدا ( مزارع وسكنية)
وارضها منبسطة وجميلة للبناء فيها
يمكنك التوجه لمدني او للخرطوم بسهولة تامة
| |
|
|
|
|
|
|
|
|
|
Re: ما هى افضل مدينة للعيش فى السودان بعد العا (Re: mwahib idriss)
|
الاحباب الاعزاء
انا سعيد جدا بحضوركم الكبير الانيق مما يعكس ان الازمة ازمة جيل و ليست فردية
جيل كتب على غالبيته العيش فى المهاجر و قد جاء وقت العودة فى ظرف تبدلت فيها الظروف شاخت فيها القرى و ماتت فيها المدن
حيث زحف اغلب اهل السودان نحو العاصمة المثلثة حتى اصبحت غير مطاقة زحمة و صخب و جرى و مكابسة فى كل اتجاه
سنار تلك المدينة التى تمثل منا الروح و التى كنا نشعر ان كل ثابت و متحرك فيها جزء منا او لنا بعد اكثر من تلاتة عقود ليتها وقفت عند المحطة التى غادرناها
تراجعت تدهورت شاخت فلنكات السكة حديد تحولت الى عتب فى البيوت و مشاريعها الزراعية و القطن اصبحت تاريخ و حكاوى
اغلب الناس الذين كانوا يعمرونها غادروا للاسف من لم يجد مشتر للبيت فك العرش و نزل الطوب و الشبابيك ليبيع البيت بالقطاعى
ابناء سنار من المهاجرين الذين عادوا لم يكن امامهم سوي اطراف العاصمة المثلثة محيت ذكرياتهم و تبعثرت اجتماعياتهم بين الكلاكلة و امبدة و الحاج يوسف
من المآسى اعرف اكثر من حاله المتقاعدين عفانا الله و اياكم مرضى فشل كلوى اضطروا للهجرة للخرطوم للغسيل باعوا بيوتهم و مشوا العلاج فى العاصمة
لا اعتقد ان سنار فى حوجة الى وزير صحة و هيلمانه ما دام ما قادر يوفر ابسط الضروريات حيث ما زال العنبر الرئيسى فى مستشفى سنار
عنبر نيالا الداخل فيه مفقود مع انه سنار تملك كل شيىء من الموارد الا انها تفتقد كل شيئ من الخدمات القبانة بس كان يمكن ان تجعل سنار زى مراكش
قلنا نفتش وطن بديل لكن يبدو ان الحال من بعضه
مدنى السنى برونقها و جمالها و عطائها الثقافى التليد و بلياليها الملاح و ثرائها الرياضى الكبير اهلى و اتحاد فى الستينات حتى السبعينات الان اشبه بملجة كبيرة
لا صوت لمارنجان تحولت مخازن القطن الى مساكن للفئران مدنى رغم ضجيج الكمسنجية و صيحات بائعى سوق الشمس الا انها رتيبه رتابة الموت
بعد المغيب ما تعرف تمشى وين السينما و ما ادراك ما السينما حالها كحال سنار التى باع واليها السابق السينما قربة و احتسابا. و الاندية الثقافية لا شيئ
غير اللهو حتى المساجد لم تعد محل للدرس و المدارسة تحولت الى اركان نقاش و مغالطات لا تثمن و لا تغنى من جوع .
بهذه المعطيات فى مدنى السنى خاصة بعد ان غزاها البعوض السنارى احسن الزول ما يجازف فيها .
الابيض عروس الرمال الاخبار الواردة منها ان ود فكى هارون شغال لكن الامر يحتاج تدقيق اكثر خريف خريفين نشوف طريق بارا بيصمد و للا بيتقلع
عشان الزول ما يتورط الابيض مدينة فى الذاكرة و احبها لاسباب ربما لا مجال لذكرها و كردفان عموما لا باس بها كونها تعتمد على الطبيعة و السماء فى انتاجها
لا يعنيها الجازولين متوفراو غير متوفر المطر يكب يحصدوا ، ياكلوا البطيخ و يبيعوا الحب ما عندهم شغله بالبياره شغاله او ما شغاله
فى كردفان اعتقد النهود ربما تكون الافضل
ناس عطبرة لا شك انها وديعه اخر مرة كنت فيها منتصف الثمانيات من القرن الماضى اهلها طيبين مضيافين لا ادرى ان كانوا ما زالوا كذلك مع التحولات العميقة
التى حدثت فى عموم السودان المشكلة فى عطبرة و شندى و مروى حتى وادى حلفا نمطها الثقافى الاجتماعى الخاص فهل يمكن لزول سنارى صعيدى يحب العصيدة
و الضرابة ان يتأقلم مع القراصة و الفول و العدس اخشى ان تكون تجربة اغتراب جديدة .
اخص الاخ الفاتح على التوم و اساسى و مناصريهم من يرون ان لا لزوم للسودان كله
بلاد الفناها على كل حالة و قد نؤلف الشيئ الذى ليس بالحسن
و تستعذب الارض التى لا هواء بها و لا ماؤها عذب و لكنها وطن
العيلفون مقر الورد الكنتى و تراثها ذو الطابع السنارى يغرى بس يا ياسر الواطة عندكم غاليه عشره فدان بتكون بكم
التحية و التقدير لكم جميعا
| |
|
|
|
|
|
|
|
|
|
Re: ما هى افضل مدينة للعيش فى السودان بعد العا (Re: احمد حامد صالح)
|
ناس عطبرة لا شك انها وديعه اخر مرة كنت فيها منتصف الثمانيات من القرن الماضى اهلها طيبين مضيافين لا ادرى ان كانوا ما زالوا كذلك مع التحولات العميقة
التى حدثت فى عموم السودان المشكلة فى عطبرة و شندى و مروى حتى وادى حلفا نمطها الثقافى الاجتماعى الخاص فهل يمكن لزول سنارى صعيدى يحب العصيدة
و الضرابة ان يتأقلم مع القراصة و الفول و العدس اخشى ان تكون تجربة اغتراب جديدة .>>>
<<<>>>
>>><<<
اها شن قولك في ان ناس عطبرة بياكلوا العصيدة السنارية والعصيدة الكردفانية والعصيدة الدارفورية والعصيدة المحسية والدنقلاوية .. وبياكلوا الفول بالجبنة
والفول بالطعمية....وحتشوف كل سكان السودان ممثلين في اتبرا....وانا بأكد ليك انك ما حتشعر باغتراب ابدا في اتبرا الحنينة....لكن في مدن في السودان واولها الخرطوم
حتشعر فيها باغتراب حقيقي لانك احتمال ما حتعرف اسم جارك الا بعد 5 سنوات.. لكن في اتبرا وبمجرد وصولك حتلقى الترحاب من الكل وحتى عاشر جار حيجيك
هاشا باشا ومرحبا ومعاه خروف احتفالا باختيارك مدينتهم....
ودمت بالف خير وصحة وعافية .. ومرحبا بك في ام المدائن..
لكن اذا ابيت اتبرا( واكيد حتندم)... نرشح ليك الوزيرة كسلا ونائبة الوزيرة كوستي.. وطبعا عشان اتبرا هي الملكة...
| |
|
|
|
|
|
|
|
|
|
Re: ما هى افضل مدينة للعيش فى السودان بعد العا (Re: Basamat Alsheikh)
|
Quote: منطقة شرق النيل في اتجاه مدني
الشيخ الامين ومدينة الفاتح ومخططات النخيل
ريف نظيف جدا بيئيا واجتماعيا كمان
في حلمي منزل ريفي ومزرعة خمسة فدان...
تعيش جوء ريفي نقي في الخرطوم ذاتها وبعيدا عن زحامها والفوضى التي تغمرها
اسعار تلك المنطقة هادئة جدا ( مزارع وسكنية)
وارضها منبسطة وجميلة للبناء فيها
يمكنك التوجه لمدني او للخرطوم بسهولة تامة |
القول ما قاله الاخ ناصر
| |
|
|
|
|
|
|
|
|
|
Re: ما هى افضل مدينة للعيش فى السودان بعد العا (Re: عزالدين عمر)
|
تحياتي صاحب البوست وضيوفه الكرام
اجمل مدينة تستقر فيها بعد المعاش هي المدينة التي تجد فيها نفسك محاطا باهلك ..
مدينتك هم اهلك وناسك..
فهم اوسع من اي ومدينة ..واجمل من اي بقعة .. وهم عكازتك في كبرك وسندك في معاشك وعين ساهرة على ذريتك..
اقع اهلك ..وما بتهلك
تحياتي لك
| |
|
|
|
|
|
|
|
|
|
Re: ما هى افضل مدينة للعيش فى السودان بعد العا (Re: muntasir)
|
عطبرة سخانتها تلحم .. سمومها يلفح .. بردها ينشّف
وما أدراك ما أتربة أتبرة))(((QUOTE))
<<<<<>>>
<<<<<>>>
امين الطيب
انا قصدت اكتب كلمة كوت بين ثلاثة اقواس عشان القراء الاعضاء وغير الاعضاء ما يتخيلوا
باني انا الكتبت الكلام البزعل ناس عطبرة ام المدائن....
. ناس نيويورك بسموا مدينتهم عاصمة العواصم.. Capital of the capitals
, ونحن في اتبرا بنسمي مدينتا ام المدائن The Mother of cities ...
وانت بكلامك البفقع المرارة ده اظنك جيت زائر وعابر لمدينتنا اتبرا وما سكنت فيها ..
ونحن ناس اتبرا بنحس بالاتربة والعجاج وكانها نسمات الربيع تهب علينا من كل جانب .. ونحس بسخانة عطبرة
وكان جوا لطيفا ممزوج بذرات المطر يسود في سماء اتبرا .. ونشرب من طين مبه الاتبراوي وكاننا بنشرب من
مياه الربيع الطبيعية Natural Spring Water البنشتريها من اسواق نيويورك...
ودمت بالف خير وصحة وعافية
ويا احمد ما تسمع كلام أمين الطيب....واختار ام المدئن وعاصمة العواصم عشان تعيش مرتاح البال والنفس without tensions
وبدون التوترات النفسية التي يعيش فيها سكان المدن الاخرى وخاصة العاصمة الخرطوم....وانت عارف سخانة الخرطوم وكانها قطعة
من نار جهنم....وانا ما عارفة الناس بتشتري اراضي الخرطوم بآلاف الدولارات لشنو....!!!
ودمت بالف خير وصحة وعافية
| |
|
|
|
|
|
|
| |
أيمن محمود
)
الفاتح علي التوم
يوسف الطيب احمد إدريس
Mirghani Taitawi
بكري الخير
محمد المسلمي
ملهم كردفان
حيدر حسن ميرغني
محمد البحر
اساسي
usama Babiker
عمر السلمة
Abdullah Idrees
ادم شحوتاي
ياسر السر
مني عمسيب
حماد الطاهر عبدالله
ناصر حسين محمد
قاسم الامين عبود
عبدالعزيز الفاضلابى
عادل ابراهيم احمد
محمد علي البصير
فيس بوك
تويتر
انستقرام
يوتيوب
بنتيريست