Post: #1
Title: ما هى افضل مدينة للعيش فى السودان بعد العاصمة .. ترتيبات ما قبل المعاش
Author: احمد حامد صالح
Date: 07-25-2016, 08:45 AM
08:45 AM July, 25 2016 سودانيز اون لاين
احمد حامد صالح- بماكو مالى
مكتبتى
رابط مختصر
بينى و التقاعد مدة زمنية قليلة ان مد الله فى الايام
و يتطلب ذلك بعد الترتيبات الضرورية لمرحلة المعاش
ما هى المدينة المناسبة لزول ما داير يقعد فى زحمة الخرطوم و صخبها
ما هى المدينة التى يمكن ان توفر اجواء مناسبة للعيش الهادى مع توفر الخدمات
البعض قال سنار ... ما بعيدة من الخرطوم و فيها التعليم حتى الجامعة للاولاد
فيما قال اخرين ان بعوضة سنار تقصر الاجل
الابيض ربما بعد زلط بارا تكون افضل حسب قول احد الاصدقاء و تشتغل فيها تجارة محاصيل
كسلا بيت ريفى فيها و بستان بس ياخ كسلا المهددات الامنية فيها كتيره
مدنى السنى ؟
لنسمع مشورتكم و رؤاكم
مع التحية
|
Post: #2
Title: Re: ما هى افضل مدينة للعيش فى السودان بعد العا
Author: احمد حامد صالح
Date: 07-25-2016, 08:48 AM
Parent: #1
.... ارجو قراءة العنوان غير العاصمة بدلا عن بعد العاصمة
|
Post: #3
Title: Re: ما هى افضل مدينة للعيش فى السودان بعد العا
Author: أيمن محمود
Date: 07-25-2016, 08:52 AM
Parent: #2
اعتقد مدني،،،
شفتها مره في حياتي لمده يومين لكن ارتحت ليها ولحد كبير قريبه من الخرطوم (ممكن لو اتعمل ظلط زي الناس تبقى خيار ممتاز) والابناء يقرو في جامعه الجزيره
|
Post: #5
Title: Re: ما هى افضل مدينة للعيش فى السودان بعد العا
Author: الفاتح علي التوم
Date: 07-25-2016, 08:59 AM
Parent: #3
تحياتي .... بكل وضوح
ليس في السودان الان مدينة صالحة
للسكن الادمي
|
Post: #6
Title: Re: ما هى افضل مدينة للعيش فى السودان بعد العا
Author: يوسف الطيب احمد إدريس
Date: 07-25-2016, 08:59 AM
Parent: #3
سلام الأخ احمد صالح وضيوفه
اعتقد بحسب الترتيب :
بورتسودان
الأبيض
مدني
من ناحية الخدمات التعليمية والصحية نوعاً ما أفضل من بقية المدن والقاليك سنار ما نصحك، في الخريف حالتها صعبة جداً ومن ناحيتي ارجح الأبيض بس خلي تدابيرك للموية جاهزة من بدري (خزان أرضي زي السعودية) أفضل.
وبالتوفيق ،،،
|
Post: #7
Title: Re: ما هى افضل مدينة للعيش فى السودان بعد العا
Author: Mirghani Taitawi
Date: 07-25-2016, 09:06 AM
Parent: #2
| Quote: الابيض ربما بعد زلط بارا تكون افضل حسب قول احد الاصدقاء و تشتغل فيها تجارة محاصيل |
طالما فيها تجارة محاصيل .. أهلاً بيك فى ولايتنا الآمنة الوديعة الشمالية.
كل أنواع المحاصيل متوفرة ( فول .. تمر .. قمح .. فواكه ... إلخ).
المسافة بين ( العاصمة) والشمالية تمشي وتجئ فى نفس اليوم.
المعاناة فى الخدمات أقل بمراحل من ( العاصمة).
التأقلم مع أهلها ساااااااااااااهل جداً.. تكون منهم وفيهم فى فترة وجيزة.
تقطع كبري السليم .. تتحصل على عشرة عشرين فدان تستصلحوا
وتزرع العايزو وتبني فيهو ( الايدي العاملة متوفرة .. المدارس متوفرة .. الجامعات
متوفرة .. المواصلات متوفرة).. عايز إستثمار بآبار جوفية ممكن.
الإجتماعيات حاجة ما تخلص (الفرح والكره .. ما تعرف مين صاحبه ومين الـ ما صاحبو).
الناموس فى زيارات خجولة متقطعة.
مع الأمنيات لك بحياة سعيدة وموفقة فى أي مدينة من مدن السودان تستقر بها.
|
Post: #4
Title: Re: ما هى افضل مدينة للعيش فى السودان بعد العا
Author: Basamat Alsheikh
Date: 07-25-2016, 08:55 AM
Parent: #1
احسن مدينة للعيش في السودان هي مدينة اتبرا ام المدائن...
اولا وبعد القطار الصيني السريع يشتغل المسافةةبين الخرطوم وعطبرة حتكون
ساعة واحدة فقط....يعني تكون ساكن في اجمل مدينة في افريقيا وشغال في الخرطوم..
ثانيا حتسكن وسط ناس من اجمل الناس مليانين مروءة وشهامة ووسط جيران حتحس بيهم
وكانهم اهلك من دمك ولحمك....
ثالثا حتسكن في منطقة محاطة بالحدائق والمياه تنساب اليك من حوليك..من الاتبراوي والنيل
...وممكن اتم ليك رابعا وخامسا وسادسا....وحتى عاشرا....
...ودمت بالف خير وصحة وعافية
|
Post: #11
Title: Re: ما هى افضل مدينة للعيش فى السودان بعد العا
Author: بكري الخير
Date: 07-25-2016, 09:46 AM
Parent: #4
Quote: احسن مدينة للعيش في السودان هي مدينة اتبرا ام المدائن...
اولا وبعد القطار الصيني السريع يشتغل المسافةةبين الخرطوم وعطبرة حتكون
ساعة واحدة فقط....يعني تكون ساكن في اجمل مدينة في افريقيا وشغال في الخرطوم..
ثانيا حتسكن وسط ناس من اجمل الناس مليانين مروءة وشهامة ووسط جيران حتحس بيهم
وكانهم اهلك من دمك ولحمك....
ثالثا حتسكن في منطقة محاطة بالحدائق والمياه تنساب اليك من حوليك..من الاتبراوي والنيل
...وممكن اتم ليك رابعا وخامسا وسادسا....وحتى عاشرا....
...ودمت بالف خير وصحة وعافية |
فعلا والله
ياخ شهيتينا ليها
حرم فيها سماحة فول وسمك لسا طعمهم في خشمي
والعجب موية البحر
ااااخ
|
Post: #8
Title: Re: ما هى افضل مدينة للعيش فى السودان بعد العا
Author: محمد المسلمي
Date: 07-25-2016, 09:10 AM
Parent: #1
سلام ولعلك والاسرة بخير
سنار مع امتلاك مزرعة مختلطة دواجن ومواشي كل شي ساهل هنالك
|
Post: #9
Title: Re: ما هى افضل مدينة للعيش فى السودان بعد العا
Author: ملهم كردفان
Date: 07-25-2016, 09:31 AM
Parent: #8
أبنى مدينتك الخاصه فى أى مدينه سودانيه تخطر على بالك وخلى الباقيين يمشوا على نهجك
وعلم الأجيال الجايه كيف يكونوا مبدعين
محترمين
مرتبين
منظمين
نظيفين
علمهم كيف يكونوا يد واحده وعلمهم معنى النفير الحقيقى
وعلمهم انو مابعد المعاش حياه جديده مليانه عزيمه وقوه ونكران ذات
لمن تعلمهم ده بتكون ساهمت فى انك تبنى مع الناس كل البلد من جديد
...
يبقى مدينتك حوش فيهو كل البتحتاج ليهو وفيهو مشروع بيجيب عائد مرضى
وبلم الناس الطيبين حولك وبيعلم التانين انو
الناس بالناس بالجد ...كون المك الرمز ..كون مو اطن صالح
ده المحتاج ليهو السودان عشان يعود أقوى مما كان
|
Post: #10
Title: Re: ما هى افضل مدينة للعيش فى السودان بعد العا
Author: حيدر حسن ميرغني
Date: 07-25-2016, 09:33 AM
Parent: #8
لازم تعمل home work مكثف
السؤال ده مفروض ياخذ في الحسبان تقلبات اوضاع البلاد في المستقبل اللي أسأل الله ان تكون أفضل من ماهي عليه الأن
الوضع الأمني الراهن بطول البلاد وعرضها لايغري وغير باعث على الإطمئنان طول ما حكومة الارزقية دي موجودة
اتمنى من الله ان يعم السلام في ارجاء الوطن وقت تكون قررت الاستقرار فيها ، ويديك الصحة والعافية للزمن داك
|
Post: #12
Title: Re: ما هى افضل مدينة للعيش فى السودان بعد العا
Author: محمد البحر
Date: 07-25-2016, 10:04 AM
Parent: #10
بورتسوووووووووووووووووووووووووووودان
|
Post: #13
Title: Re: ما هى افضل مدينة للعيش فى السودان بعد العا
Author: اساسي
Date: 07-25-2016, 10:14 AM
Parent: #12
بالتأكيد مدينة جدة
|
Post: #14
Title: Re: ما هى افضل مدينة للعيش فى السودان بعد العا
Author: usama Babiker
Date: 07-25-2016, 10:26 AM
Parent: #13
شندي هي المدينة الهادئة الوادعة وتتوفر فيها جميع شروطك ...
|
Post: #15
Title: Re: ما هى افضل مدينة للعيش فى السودان بعد العا
Author: منتصر صلاح
Date: 07-25-2016, 10:35 AM
Parent: #14
Quote: ليس في السودان الان مدينة صالحة
للسكن الادمي |
القول ما قاله الفاتح التوم
نصيحتو دي ما ترميها واطة
عليك باقتراح اساسي
التحايا للجيع
|
Post: #16
Title: Re: ما هى افضل مدينة للعيش فى السودان بعد العا
Author: عمر السلمة
Date: 07-25-2016, 10:57 AM
Parent: #1
ممكن تشوف الباقير أو الجديد الثورة وممكن تصل للمسعودية والنوبة
قرى في شكل مدينة وقريبة جدا من الخرطوم
تحياتي
|
Post: #17
Title: Re: ما هى افضل مدينة للعيش فى السودان بعد العا
Author: الهادي الشغيل
Date: 07-25-2016, 11:22 AM
Parent: #16
Quote: احسن مدينة للعيش في السودان هي مدينة اتبرا ام المدائن...
اولا وبعد القطار الصيني السريع يشتغل المسافةةبين الخرطوم وعطبرة حتكون
ساعة واحدة فقط....يعني تكون ساكن في اجمل مدينة في افريقيا وشغال في الخرطوم..
ثانيا حتسكن وسط ناس من اجمل الناس مليانين مروءة وشهامة ووسط جيران حتحس بيهم
وكانهم اهلك من دمك ولحمك....
ثالثا حتسكن في منطقة محاطة بالحدائق والمياه تنساب اليك من حوليك..من الاتبراوي والنيل
...وممكن اتم ليك رابعا وخامسا وسادسا....وحتى عاشرا....
...ودمت بالف خير وصحة وعافية |
بسمات فتاة عطبراوية أصلية أصيلة معفرة بكتاحتها تربت في أحد أحيائها (حي السودنة) عاشت في مدينة الكفاح والنضال لم تغيرها أمريكا وأوروبا فقد إزداد ولعها بعطبرة بعد فراقها وهجرتها .. لله درك يا عطبراوية وأعلمي أن عطبرة وفية لأبنائها ولبناتها وتبادلهم نفس الحب .
نتمنى أن تعودي لربوع عطبرة كي نلتقي بك وبكل الطيور العطبراوية المهاجرة .
صراحة أنتي أيقونة العطبراويين في هذا المنبر .
|
Post: #19
Title: Re: ما هى افضل مدينة للعيش فى السودان بعد العا
Author: الطيب مصطفى
Date: 07-25-2016, 11:42 AM
Parent: #18
مدينة الحصاحيصا
|
Post: #20
Title: Re: ما هى افضل مدينة للعيش فى السودان بعد العا
Author: Abdullah Idrees
Date: 07-25-2016, 11:51 AM
Parent: #18
الموضوع بقا عاطفي اكتر من كونو عملي .. الانسان ما ممكن ينفصل من ذكرياتو البعيدة ابدا ..
فيا احمد انت محتاج تعمل داتابيز صغيرونة كده بكل المدن تحوي ميزاتا ومساويها ، جوها ، اقتصادها بعتمد على شنو وهل ده بنفع معاك ولا ما بنفع .. لأنو في النهاية مافي مدينة سودانية بتتوفر فيها ادنى احتياجاتك ، ابسط شيء الموية دي ما متوفرة والكلام ده مش في الابيض او بورسودان بس ، ياخي الشجرة مافيها موية .. التعليم كلو زفت وكلو زي بعض واي مدينة سودانية فيها مدارس عامة وخاصة وجامعات ، لكن شنّ المدارس وشنّ الجامعات ؟
بورسودان حلوة وعلى البحر ، لكن الموية مشكلة والبيئة والمناخ زفت .. الابيض حلوة برضو لكن موية سيئة ، عطبرة ليست مدينة للتقاعد وشندي افضل بكثير وقريبة من العاصمة واقتصادا افضل بمراحل .. مدني ام المدائن لكن ما نضيفة برضو واقتصادا ما متأكد منو ..
حسب رؤيتي مدن الشمال عموما أهدأ وانضف وآمنة جدا لانها صغيرة وغير مكتظة بالسكان وريفية الى حد كبير لكن بتبقا حتة انك تمارس فيها عمل مشكلة ما ساهلة ..
موفق ..
|
Post: #21
Title: Re: ما هى افضل مدينة للعيش فى السودان بعد العا
Author: ادم شحوتاي
Date: 07-25-2016, 12:16 PM
Parent: #20
السلام عليكم
بوست جميل
وننتظر على
اي مدينة يقع
الخيار جاهزين
للجيرة ياحبيب
|
Post: #22
Title: Re: ما هى افضل مدينة للعيش فى السودان بعد العا
Author: Mirghani Taitawi
Date: 07-25-2016, 12:17 PM
Parent: #20
بـ صراحة .. كان الخيار الأول بالنسبة لي الحصاحيصا .. بس قلت
يجئ علينا شمالاً كل سبل الحيارة المريحة متوفرة أنت وإمكاناتك
وعايز تعمل شنو.. والفكة راقدة رُقاد.
|
Post: #23
Title: Re: ما هى افضل مدينة للعيش فى السودان بعد العا
Author: ياسر السر
Date: 07-25-2016, 01:23 PM
Parent: #22
انصحك بالعيلفون حاضرة شرق النيل ففيها كل ما تبحث عنه من هدوء وخدمات وقرب من العاصمة ومدنية وريفية ..
ورنبا يوفقك ويسدد خطاك ...
تحياتي : ياسر العيلفون
تخريمه : غايتو يا بسمات الله يورينا عطبرة دي قبل ما نموت ... ......
|
Post: #24
Title: Re: ما هى افضل مدينة للعيش فى السودان بعد العا
Author: مني عمسيب
Date: 07-25-2016, 02:19 PM
Parent: #23
التحية للجميييع .. ولمدنكم الجميلة ..
لكن :
Quote: بكل وضوح
ليس في السودان الان مدينة صالحة
للسكن الادمي |
يا فاتح التوم هههههههههههههههههههههههه
احسن ليك تكون خارج اطار الكشكرة والكضب .
ولك التحية والشكر علي الوضوح .
|
Post: #25
Title: Re: ما هى افضل مدينة للعيش فى السودان بعد العا
Author: حماد الطاهر عبدالله
Date: 07-25-2016, 04:07 PM
Parent: #24
| Quote: ما هى افضل مدينة للعيش فى السودان بعد العاصمة؟ |
الأخ/ محمد محمد صالح
تحياتي
سبق وقرات لكم كثيرا مواد تاريخية كانت مقنعة جدا بالنسبة لي غير أنها تتكلم عن تاريخ الفولان خارج السودان، وكنت ولم أزل أظن بان البحث في الفولان بالسودان هو الأولى لكون أغلبهم رعاة ماشية وبالتالي علاقة أغلبهمبالمدن ضعيفة كعلاقة أهلنا البقارة عموما وهذه الفئة تشكل حزاما طويلا بداية من غرب الجنينة وإمتدادا لشرق السودانحزام تلس - برام - أبومطارق - سفاهة- أويل وقوقريال بالجنوب نزولا لجنوب كردفان والنيل الأبيض والنيل الازرق.ما أود قولة لا تفكر بأن فترة المعاش هي فترة ركود وخمول بل أزعم بأنها ستكون إنتاجية لك ربما أفضل مما سبقهامن حياة خاصة في فترة المعاش تكون قد تحللت أو تقريبا تحللت من كل مسئوليات تربية وتعليم الأولاد، فلا بأس ان يكون لك بيتا في الخرطوم أو اي مدينة سودانية غير أن عملك فليكن في كل السودان..............
|
Post: #26
Title: Re: ما هى افضل مدينة للعيش فى السودان بعد العا
Author: ناصر حسين محمد
Date: 07-25-2016, 04:15 PM
Parent: #25
يا راعي البوست
السلام عليكم
في أعتقادي ( او في أحلامي)
منطقة جميلة للغاية وهي منطقة شرق النيل في اتجاه مدني
الشيخ الامين ومدينة الفاتح ومخططات النخيل
ريف نظيف جدا بيئيا واجتماعيا كمان
في حلمي منزل ريفي ومزرعة خمسة فدان...
تعيش جوء ريفي نقي في الخرطوم ذاتها وبعيدا عن زحامها والفوضى التي تغمرها
اسعار تلك المنطقة هادئة جدا ( مزارع وسكنية)
وارضها منبسطة وجميلة للبناء فيها
يمكنك التوجه لمدني او للخرطوم بسهولة تامة
|
Post: #27
Title: Re: ما هى افضل مدينة للعيش فى السودان بعد العا
Author: أحمد الطيب بدرالدين
Date: 07-25-2016, 05:33 PM
Parent: #26
إنت إختار:
بخت الرضا
رشاد
أبو جبيهة
برام
سنجة
الهلالية
كركوج
الباوقة
أحلى مكان بلدي السودان
|
Post: #28
Title: Re: ما هى افضل مدينة للعيش فى السودان بعد العا
Author: Mirghani Taitawi
Date: 07-25-2016, 05:39 PM
Parent: #27
الظاهر أخونا احمد بيكون أختار المدينة وسافر ليها و
خلانا فاتحين دلالة ساكت.
|
Post: #29
Title: Re: ما هى افضل مدينة للعيش فى السودان بعد العا
Author: Basamat Alsheikh
Date: 07-25-2016, 06:19 PM
Parent: #28
بسمات فتاة عطبراوية أصلية أصيلة معفرة بكتاحتها تربت في أحد أحيائها (حي السودنة) عاشت في مدينة الكفاح والنضال لم تغيرها أمريكا وأوروبا فقد إزداد ولعها بعطبرة بعد فراقها وهجرتها .. لله درك يا عطبراوية وأعلمي أن عطبرة وفية لأبنائها ولبناتها وتبادلهم نفس الحب .نتمنى أن تعودي لربوع عطبرة كي نلتقي بك وبكل الطيور العطبراوية المهاجرة .صراحة أنتي أيقونة العطبراويين في هذا المنبر .(QUOTE)
>>>>>><<<<>>>>>>>>
ود اتبرا ...الهادي ود الشغيل كل من ذوقك الرفيع.... الشارب من طين الاتبراوي...وهكذا دائما اخلاق الاتبراويين.. وراجعة بمهلة عشان احمد يجاورنا في ام المدائن عطبرة...الحبيبة الى النفس .. ده اذا ما كان هو فعلا سافر عطبرة واشترى بيت في الداخلة.. الحي الشعبي الجميل الهادئ.. .
ويا مرغني تيتاوي,,
احتمال كلامك صحي عشان انا سمعت بان صاحب الشأن احمد ود حامد صالح سافر فعلا لعطبرة واشتري بيت في الحي الشعبي الجميل وسكانهم السمحين بالحيل وعايشين وكانهم اهل من بيت واحد... واذا ما مشى عطبرة لسع فانا جاية مرة ثانية عشان اكمل سادسا وستبعا وثامنا وحتى عاشرا.... واذا هون رفض اتبرا.. فالمدنية الثانية هي كسلا.. والثالثة كوستي على ذمة سلافة..
ودمتم بالف خير وصحة وعافية
|
Post: #31
Title: Re: ما هى افضل مدينة للعيش فى السودان بعد العا
Author: Dr. Ahmed Amin
Date: 07-25-2016, 06:31 PM
Parent: #29
Quote: بكل وضوح
ليس في السودان الان مدينة صالحة
للسكن الادمي |
كده ما عصرتوا على أهلنا هناك شديد .....
ربنا يصلح الحال
|
Post: #30
Title: Re: ما هى افضل مدينة للعيش فى السودان بعد العا
Author: قاسم الامين عبود
Date: 07-25-2016, 06:28 PM
Parent: #1
يا زول بدون تفكير كثير واجتهاد حبابك في شندى لقربها من الخرطوم وللطفرة الحاصلة فيها والرخاء الموجود وكل الخضروات زراعة ما مسمده ومرويه بمويه النيل العظيم والاهم من دا كلوا طيبة وشهامة اهلها وناس عشرة جرب وما بتندم
|
Post: #32
Title: Re: ما هى افضل مدينة للعيش فى السودان بعد العا
Author: عبدالعزيز الفاضلابى
Date: 07-25-2016, 06:35 PM
Parent: #30
| Quote: بالتأكيد مدينة جدة |
عان الجِن ده
اجمل منطقة هى الجَداد غَمَّد
|
Post: #33
Title: Re: ما هى افضل مدينة للعيش فى السودان بعد العا
Author: mwahib idriss
Date: 07-25-2016, 09:11 PM
Parent: #32
.
|
Post: #34
Title: Re: ما هى افضل مدينة للعيش فى السودان بعد العا
Author: احمد حامد صالح
Date: 07-25-2016, 09:18 PM
Parent: #33
الاحباب الاعزاء
انا سعيد جدا بحضوركم الكبير الانيق مما يعكس ان الازمة ازمة جيل و ليست فردية
جيل كتب على غالبيته العيش فى المهاجر و قد جاء وقت العودة فى ظرف تبدلت فيها الظروف شاخت فيها القرى و ماتت فيها المدن
حيث زحف اغلب اهل السودان نحو العاصمة المثلثة حتى اصبحت غير مطاقة زحمة و صخب و جرى و مكابسة فى كل اتجاه
سنار تلك المدينة التى تمثل منا الروح و التى كنا نشعر ان كل ثابت و متحرك فيها جزء منا او لنا بعد اكثر من تلاتة عقود ليتها وقفت عند المحطة التى غادرناها
تراجعت تدهورت شاخت فلنكات السكة حديد تحولت الى عتب فى البيوت و مشاريعها الزراعية و القطن اصبحت تاريخ و حكاوى
اغلب الناس الذين كانوا يعمرونها غادروا للاسف من لم يجد مشتر للبيت فك العرش و نزل الطوب و الشبابيك ليبيع البيت بالقطاعى
ابناء سنار من المهاجرين الذين عادوا لم يكن امامهم سوي اطراف العاصمة المثلثة محيت ذكرياتهم و تبعثرت اجتماعياتهم بين الكلاكلة و امبدة و الحاج يوسف
من المآسى اعرف اكثر من حاله المتقاعدين عفانا الله و اياكم مرضى فشل كلوى اضطروا للهجرة للخرطوم للغسيل باعوا بيوتهم و مشوا العلاج فى العاصمة
لا اعتقد ان سنار فى حوجة الى وزير صحة و هيلمانه ما دام ما قادر يوفر ابسط الضروريات حيث ما زال العنبر الرئيسى فى مستشفى سنار
عنبر نيالا الداخل فيه مفقود مع انه سنار تملك كل شيىء من الموارد الا انها تفتقد كل شيئ من الخدمات القبانة بس كان يمكن ان تجعل سنار زى مراكش
قلنا نفتش وطن بديل لكن يبدو ان الحال من بعضه
مدنى السنى برونقها و جمالها و عطائها الثقافى التليد و بلياليها الملاح و ثرائها الرياضى الكبير اهلى و اتحاد فى الستينات حتى السبعينات الان اشبه بملجة كبيرة
لا صوت لمارنجان تحولت مخازن القطن الى مساكن للفئران مدنى رغم ضجيج الكمسنجية و صيحات بائعى سوق الشمس الا انها رتيبه رتابة الموت
بعد المغيب ما تعرف تمشى وين السينما و ما ادراك ما السينما حالها كحال سنار التى باع واليها السابق السينما قربة و احتسابا. و الاندية الثقافية لا شيئ
غير اللهو حتى المساجد لم تعد محل للدرس و المدارسة تحولت الى اركان نقاش و مغالطات لا تثمن و لا تغنى من جوع .
بهذه المعطيات فى مدنى السنى خاصة بعد ان غزاها البعوض السنارى احسن الزول ما يجازف فيها .
الابيض عروس الرمال الاخبار الواردة منها ان ود فكى هارون شغال لكن الامر يحتاج تدقيق اكثر خريف خريفين نشوف طريق بارا بيصمد و للا بيتقلع
عشان الزول ما يتورط الابيض مدينة فى الذاكرة و احبها لاسباب ربما لا مجال لذكرها و كردفان عموما لا باس بها كونها تعتمد على الطبيعة و السماء فى انتاجها
لا يعنيها الجازولين متوفراو غير متوفر المطر يكب يحصدوا ، ياكلوا البطيخ و يبيعوا الحب ما عندهم شغله بالبياره شغاله او ما شغاله
فى كردفان اعتقد النهود ربما تكون الافضل
ناس عطبرة لا شك انها وديعه اخر مرة كنت فيها منتصف الثمانيات من القرن الماضى اهلها طيبين مضيافين لا ادرى ان كانوا ما زالوا كذلك مع التحولات العميقة
التى حدثت فى عموم السودان المشكلة فى عطبرة و شندى و مروى حتى وادى حلفا نمطها الثقافى الاجتماعى الخاص فهل يمكن لزول سنارى صعيدى يحب العصيدة
و الضرابة ان يتأقلم مع القراصة و الفول و العدس اخشى ان تكون تجربة اغتراب جديدة .
اخص الاخ الفاتح على التوم و اساسى و مناصريهم من يرون ان لا لزوم للسودان كله
بلاد الفناها على كل حالة و قد نؤلف الشيئ الذى ليس بالحسن
و تستعذب الارض التى لا هواء بها و لا ماؤها عذب و لكنها وطن
العيلفون مقر الورد الكنتى و تراثها ذو الطابع السنارى يغرى بس يا ياسر الواطة عندكم غاليه عشره فدان بتكون بكم
التحية و التقدير لكم جميعا
|
Post: #35
Title: Re: ما هى افضل مدينة للعيش فى السودان بعد العا
Author: Basamat Alsheikh
Date: 07-25-2016, 09:56 PM
Parent: #34
ناس عطبرة لا شك انها وديعه اخر مرة كنت فيها منتصف الثمانيات من القرن الماضى اهلها طيبين مضيافين لا ادرى ان كانوا ما زالوا كذلك مع التحولات العميقة
التى حدثت فى عموم السودان المشكلة فى عطبرة و شندى و مروى حتى وادى حلفا نمطها الثقافى الاجتماعى الخاص فهل يمكن لزول سنارى صعيدى يحب العصيدة
و الضرابة ان يتأقلم مع القراصة و الفول و العدس اخشى ان تكون تجربة اغتراب جديدة .>>>
<<<>>>
>>><<<
اها شن قولك في ان ناس عطبرة بياكلوا العصيدة السنارية والعصيدة الكردفانية والعصيدة الدارفورية والعصيدة المحسية والدنقلاوية .. وبياكلوا الفول بالجبنة
والفول بالطعمية....وحتشوف كل سكان السودان ممثلين في اتبرا....وانا بأكد ليك انك ما حتشعر باغتراب ابدا في اتبرا الحنينة....لكن في مدن في السودان واولها الخرطوم
حتشعر فيها باغتراب حقيقي لانك احتمال ما حتعرف اسم جارك الا بعد 5 سنوات.. لكن في اتبرا وبمجرد وصولك حتلقى الترحاب من الكل وحتى عاشر جار حيجيك
هاشا باشا ومرحبا ومعاه خروف احتفالا باختيارك مدينتهم....
ودمت بالف خير وصحة وعافية .. ومرحبا بك في ام المدائن..
لكن اذا ابيت اتبرا( واكيد حتندم)... نرشح ليك الوزيرة كسلا ونائبة الوزيرة كوستي.. وطبعا عشان اتبرا هي الملكة...
|
Post: #36
Title: Re: ما هى افضل مدينة للعيش فى السودان بعد العا
Author: عزالدين عمر
Date: 07-26-2016, 07:25 AM
Parent: #35
Quote: منطقة شرق النيل في اتجاه مدني
الشيخ الامين ومدينة الفاتح ومخططات النخيل
ريف نظيف جدا بيئيا واجتماعيا كمان
في حلمي منزل ريفي ومزرعة خمسة فدان...
تعيش جوء ريفي نقي في الخرطوم ذاتها وبعيدا عن زحامها والفوضى التي تغمرها
اسعار تلك المنطقة هادئة جدا ( مزارع وسكنية)
وارضها منبسطة وجميلة للبناء فيها
يمكنك التوجه لمدني او للخرطوم بسهولة تامة |
القول ما قاله الاخ ناصر
|
Post: #37
Title: Re: ما هى افضل مدينة للعيش فى السودان بعد العا
Author: عادل ابراهيم احمد
Date: 07-26-2016, 07:34 AM
Parent: #36
تحياتي صاحب البوست وضيوفه الكرام
اجمل مدينة تستقر فيها بعد المعاش هي المدينة التي تجد فيها نفسك محاطا باهلك ..
مدينتك هم اهلك وناسك..
فهم اوسع من اي ومدينة ..واجمل من اي بقعة .. وهم عكازتك في كبرك وسندك في معاشك وعين ساهرة على ذريتك..
اقع اهلك ..وما بتهلك
تحياتي لك
|
Post: #38
Title: Re: ما هى افضل مدينة للعيش فى السودان بعد العا
Author: Amin Eltaib
Date: 07-26-2016, 04:16 PM
Parent: #37
عطبرة سخانتها تلحم .. سمومها يلفح .. بردها ينشّف
وما أدراك ما أتربة أتبرة
|
Post: #39
Title: Re: ما هى افضل مدينة للعيش فى السودان بعد العا
Author: محمد علي البصير
Date: 07-26-2016, 04:38 PM
Parent: #38
كل المدن المرشحة كأفضل المدن للعيش فيها رشحها بنوها
ماعدا مدني ، فقد رشحها زائر غريب ، وفد اليها زائراً ـ أعجب أي ما أعجاب بها
أذا هى الشهادة الوحيدة التي يعتد بها
وبالتالي مدني هى المدينة الفائزة
|
Post: #40
Title: Re: ما هى افضل مدينة للعيش فى السودان بعد العا
Author: muntasir
Date: 07-26-2016, 05:17 PM
Parent: #39
الباوقة تعال لي في الخاص
|
Post: #41
Title: Re: ما هى افضل مدينة للعيش فى السودان بعد العا
Author: Basamat Alsheikh
Date: 07-26-2016, 06:15 PM
Parent: #40
عطبرة سخانتها تلحم .. سمومها يلفح .. بردها ينشّف
وما أدراك ما أتربة أتبرة))(((QUOTE))
<<<<<>>>
<<<<<>>>
امين الطيب
انا قصدت اكتب كلمة كوت بين ثلاثة اقواس عشان القراء الاعضاء وغير الاعضاء ما يتخيلوا
باني انا الكتبت الكلام البزعل ناس عطبرة ام المدائن....
. ناس نيويورك بسموا مدينتهم عاصمة العواصم.. Capital of the capitals
, ونحن في اتبرا بنسمي مدينتا ام المدائن The Mother of cities ...
وانت بكلامك البفقع المرارة ده اظنك جيت زائر وعابر لمدينتنا اتبرا وما سكنت فيها ..
ونحن ناس اتبرا بنحس بالاتربة والعجاج وكانها نسمات الربيع تهب علينا من كل جانب .. ونحس بسخانة عطبرة
وكان جوا لطيفا ممزوج بذرات المطر يسود في سماء اتبرا .. ونشرب من طين مبه الاتبراوي وكاننا بنشرب من
مياه الربيع الطبيعية Natural Spring Water البنشتريها من اسواق نيويورك...
ودمت بالف خير وصحة وعافية
ويا احمد ما تسمع كلام أمين الطيب....واختار ام المدئن وعاصمة العواصم عشان تعيش مرتاح البال والنفس without tensions
وبدون التوترات النفسية التي يعيش فيها سكان المدن الاخرى وخاصة العاصمة الخرطوم....وانت عارف سخانة الخرطوم وكانها قطعة
من نار جهنم....وانا ما عارفة الناس بتشتري اراضي الخرطوم بآلاف الدولارات لشنو....!!!
ودمت بالف خير وصحة وعافية
|
|
