سلام باشمهندس حاتم .. نحنا بنتناقش هناك عن هبوط الأمريكان في القمر من عدمو إنت زعلت جيت فتحت البوست ده والسبب واضح جداً ، شخصنة للأمور وتصفية حسابات وعداوات كما في بوستك المعروف (تكاتيك) .. على العموم أنا ما عندي مانع أناقشك بهدوء أو حتى بعنف في حاجاتنا الشخصية دي لكن عندي شرطين .. أولاً تورينا شخصيتك الحقيقية ، شخصياً عندي ظنون بإنك متخفي ورا حاتم إبراهيم وإذا أنا مخطئ أرجو تصحيحي ، وإنت يا حاتم -أو أياً كان إسمك- عندك سوابق قبل سودانيز أونلاين لمن كنت شغال بي (علي ماهر) أيام طيب الذكر موقعك الحذفتو بي الهيستوري بتاعو .. أيضاً في دكتور في الفيسبوك إنت غالطتو في الدكتوارة بتاعتو وإتهمتو بإنو كذاب ، الراجل ببساطة قال ليك أنا مستعد أنشر رسالتي في سودانيز أونلاين مقابل إنك تكشف عن شخصيتك الحقيقية .. صعبة دي ؟؟ الحاجة التانية لو عايز تناقش في الروبوتات والدرونز يلزمك في الأول تورينا إنجازاتك في المجال ده ، إنجاز واحد لا أكثر .. تعال جيب لينا روبوت محمول في طائرة بدون طيار زي حقنا ده إن شاء الله روبوت يعوس كسرة بنقبلوا منك غير كده أنا ما عندي ليك حاجة في البوست (الشخصي) ده ..
07-22-2016, 09:43 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: غير كده أنا ما عندي ليك حاجة في البوست (الشخصي) ده ..
Quote: الرجل فعلاً ملحد لكن أنا ما قاعد الخبط الكيمان .. +++ يا اما انت جبت الفيديو المفبرك ده هنا عمداً لتضليل الناس وغشهم وخداعهم دعماً لقناعاتك +++ في الحالة التانية دي بنعفيك من الإعتذار لكن ما بنعفيك من الإعتراف .. +++ يبقى ما تملا البوست حشو ساي بي حاجات انت تعلم يقينا انو ناسا اتخطتها زمان +++ هههههههه والله الراجل ده بيقول كلام زي الفل .. لا تعليق +++ يا راجل !! بسم الله ما شاء الله بقيت بتعرف الليدار .. +++ حقيقة نقلة كبيرة جداً من الحقائق الوهمية الكنت عامل ليها ويب سايت وحذفتو لمن ناس الجمعية الفلكية السورية مسحو بيك الواطة +++ ناس العلم بيرفرف والزول لو نزل لي سطح القمر -الجزء المضئ- بيصاب بالعمى طوالي والحجارة بتاعة القمر (حمصوها) في أفران وبقية الخطرفات الحامضة دي. +++ تقدر تنكر الكلام ده ؟؟ سبحان مغير الاحوال تطور كبير والله +++ ثم خليني أجيك بي رواقة وأوريك انك زول عاطفي جداً +++ عموماً فعلاً مسألة صعبة لمن أذكرك بي تاريخك المهبب ده +++ للمرة التانية الراجل ده بيقول كلام زي الفل طيب نبسط ليك الفهم يمكن تقدر تستوعب أنا كنت بضحك ليه +++ الحياة ما بي بساطة (التحليل بالنظر) زي ما بتعمل انت لما تجيب صورة من النت وتقعد تنظر وكده +++ في المداخلة الجاية إن شاء الله نشرح بالتفاصيل عسى إنك تصحا من الوهمة دي وتعيش واقعك وترجع تركز في مشاريعك الضخمة زي مشروع السوفتوير بتاع الكافتيريا العملت ليهو بوست داك +++ عشان ما تبقى الشغلة ونسة شباب بيحلقو تحت ضل نيمة في الحلة! +++ هههههه قلت لي الـTerrain Camera شغالة بتصور بالليزر .. قسماً بالله انت زول تحفة ، الله ما يحرمنا من إبداعاتك +++ ده فيديو يمكن يقرب ليك الفهم .. عزبتنا ياخي +++ بقى الواحد لمن يتكلم يوزن الكلام ما يطربق ساي خاصة لو كان باشمهندس ومتعلم +++ يا حاتم المراوغة والزوغان ما بحلوك +++ إذا نمرة 1 لازم تعتذر للناس الحاولت تضللها دي .. وإذا نمرة 2 خليك شجاع واعترف ياخي +++ عشان تاني ما تمشي تتشالق وتعلف من النت ساي ، نحنا هنا بالمرصاد لأي خطرفات وخزعبلات وفبركات .. لا مجال للمجاملة +++ معليش يا (ولدنا) قصة انك تجي تونس الناس بي كلام ما علمي وما عندو مصدر صحيح دي ما بنفوتها ليك +++ اذا ما جبتو تعال اعترف بإنك شغال نجر أخدر وتونس في خلق الله بالحق والباطل عشان تثبت انك زول علمون وكده +++ هههههههه يلا تعال بعد ما شرحنا ليك انو خيالك واسع +++ فاشنو شوف ليك أي خرمجة حاول تخم بيها الناس المتابعاك دي ، وبعد ما تجيب الوهمة بتاعتك بتلاقاني في وشك زي القدر +++ الاقتباسات موجودة لأربعة أسئلة جاوب لينا عليها (بوضوح) وبدون (لف ودوران) +++ أبو الدجل زاتو +++ يا زول ما تملانا فقر ساي +++ تخيلوا الراجل البيتكلم في الفيديو ده -من الدقيقة الثانية- (الباشمهندز حاتم) طلعو قاعد ساي و زول دجال وبتاع العاب نارية وما ناقش حاجة +++ الملحد حاتم إبراهيم .. +++ انت في البوست ده مزنوق زنقة كـلب في طاحونة ، فاشنو ارحم نفسك وصدقني تشتيت الكورة ده ما بحلك +++ يا تعتذر عن النجر الأخدر الفالقنا بيهو ده ، ركز معاي الكبكبة هنا ما بتحلك +++ ثم انت براك ذكرت انك فاضي ، عن نفسي مشغول جدا وما (عاطل)
من يوم 30 مايو وانت بتحاول الاستفزاز غير المبرر ودلوقتي بتشتكي من التشخيص!
عموماً أنا منتظر تجي (تشوفني النور)
أظن المهلة بتاعتك انتهت ليها يوم كامل.
Re: كل مشاهد هبوط أول إنسان على سطح القمر مزورRe: كل مشاهد هبوط أول إنسان على سطح القمر مزور ______ أنا هنا عشان أوضح ليك معاني (الغش، الخداع، الوهم، الحموضة، النجر، الخرمجة ، الفبركة والحشو).
07-22-2016, 10:23 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: حقيقة نقلة كبيرة جداً من الحقائق الوهمية الكنت عامل ليها ويب سايت وحذفتو لمن ناس الجمعية الفلكية السورية مسحو بيك الواطة
Quote: شخصنة للأمور وتصفية حسابات وعداوات كما في بوستك المعروف (تكاتيك) .. +++ على العموم أنا ما عندي مانع أناقشك بهدوء أو حتى بعنف في حاجاتنا الشخصية دي لكن عندي شرطين .. +++ أولاً تورينا شخصيتك الحقيقية ، شخصياً عندي ظنون بإنك متخفي ورا حاتم إبراهيم وإذا أنا مخطئ أرجو تصحيحي ، وإنت يا حاتم -أو أياً كان إسمك- عندك سوابق قبل سودانيز أونلاين لمن كنت شغال بي (علي ماهر) أيام طيب الذكر موقعك الحذفتو بي الهيستوري بتاعو .. +++ أيضاً في دكتور في الفيسبوك إنت غالطتو في الدكتوارة بتاعتو وإتهمتو بإنو كذاب ، الراجل ببساطة قال ليك أنا مستعد أنشر رسالتي في سودانيز أونلاين مقابل إنك تكشف عن شخصيتك الحقيقية .. صعبة دي ؟؟ +++ الحاجة التانية لو عايز تناقش في الروبوتات والدرونز يلزمك في الأول تورينا إنجازاتك في المجال ده ، إنجاز واحد لا أكثر .. تعال جيب لينا روبوت محمول في طائرة بدون طيار زي حقنا ده إن شاء الله روبوت يعوس كسرة بنقبلوا منك
نشوف الشخصنة هنا
بوست التكاتيك غير شخصي، لكن الظاهر أي واحد وجد فيهو فرصة للتخلص من عجزه. +++ مافي أمور شخصية هنا، انت عندك مشروع للزراعة بالدرون ومنشور وأفصحت عن خطتك لتطبيقه في مشاريع قومية، مشروعك قضية رأي عام حالياً. +++ دي هنا اسمها الشخصنة، مضاف إليها الإساءة بالتهم (دجل، فبركة، لف، دوران، تاريخ مهبب، تنظير، وهم، تضليل، مراوغة، علف، خرمجة، عاطل)، دي كلها بسموها شخصنة ولا أذكر أنني وجهت إليك مثلها. الشيء الثاني، التفكير البسيط في الاشتراط بمعرفتي لا يخدم أي غرض هنا سوى (الشخصنة) فهل تختلف طريقة نقاشك إذا عرفت من يحدثك؟ +++ أيضاً هذا لا يخصك، فالرجل صاحب الدكتوراة لم يشترك معك في النقاش، ولا علاقة لك به، وأعرف كيف أتعامل مع أمثاله. +++ لا يلزم أبداً، ليس عندي مشروع مشابه ولم أر طائرة درون في حياتي حقيقة، لكن هذا لا يمنع أن أعرض لك جملة النواقص في هذا المشروع التي تعجز حتى عن مواجهتها، من الناحيتين النظرية والعملية. ______ لكن ربما يلزمك أنت أن تعتذر عن الشخصنة، وتوضيح النواقص في هذا المشروع بكل تجرد.
07-22-2016, 08:14 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20389
Quote: من يوم 30 مايو وانت بتحاول الاستفزاز غير المبرر ودلوقتي بتشتكي من التشخيص!
يا حاتم أنا من أول رد عليك في البوست نفسو نبهتك تبعد من شخصنة الأمور .. الإستفزاز ده ياهو شغلك في البورد ده وما عندك انجاز غيرو ، ده نموذج لي إستفزازاتك قبل ما أقبل عليك وأرد ليك بضاعتك .. هسي الجرسة لزومها شنو؟ أركز وخليك قدر كلامك ما دام بديت بالإستفزاز وأصريت عليهو .. أنا هنا جايب إقتباسات لإستفزازاتك (قبل) ما أرد ليك بنفس أسلوبك .. يبقى إحترم نفسك وما تفتكر إنو الناس ما بتقدر ترد عليك ..
Quote: على فكرة، آسف للتوصيف لكن انت عاطفي جداً
Quote: مافي شخصنة ولا حاجة، بس قراراتك فعلاً عاطفية
Quote: مشكلتك بتخلط الأمور العلمية بالعاطفة
Quote: عندي ميزين واحد شغال هسع والتاني مع بروف "زايغمان" بدكتورتين وماجسترتين، قرب يتكنصل. ____ لكن الحمد لله جيت انت.
Quote: زمان كنت بتجيب وراك تبارك بيكي داك، هسع بقا يجبيك؟
Quote: أنا جبتها ليك عشان شوية تعيد النظر في فكرتك عن المدارات والجاذبية، فانت ليك أكتر من 20 سنة متخيل إنو مافي جاذبية في الفضاء
Quote: يعني انت كنت بتتخيل إنو القمر دا مفروض المركبة تطاردو وتلحقو وتنزل فيهو براحة
Quote: ومسارك مفروض يتعارض مع القمر ويصطدم بيهو وتزوغ من قدامو وبسبب جاذبيتو يجرك وراهو يعني زي الشفع البتشعبطو في الكارو بوراء وتظل محافظ على مسافة كافية من سطح القمر
Quote: اهتمامك بالصور وعرض التفاصيل، دي كاميرا وداك موتور وديك بطارية وداك جهاز كشف الإشعاع وديلك عجلات والصحانة طلس ما نيكل دا كلو حاجة كويسة، بس في رأيي أقرب لاهتمامك بالفنان وبحنة العروس بدل ما تهتم بالعروس ذاتا بذاتا وكيف توصلا البيت
Quote: انت ما ملاحظ إنك بتفتش لمخارجات بدل ما تقدم إجابات مقنعة؟
Quote: ياخي انت ما تهيج، أنا عارف نفسي بعصر عليك والموضوع بكلفك قراية، لكن ياهو حال الدنيا.
07-23-2016, 10:49 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: أنا هنا عشان أوضح ليك معاني (الغش، الخداع، الوهم، الحموضة، النجر، الخرمجة ، الفبركة والحشو).
الغش والخداع والوهم والحموضة والنجر والخرمجة والفبركة والحشو ده كلو بينطبق على الخزعبلات الجبتها انت في بوست الهبوط على سطح القمر .. ده نموذج لي دجلك الأبيت تعتذر منو :
Quote: الفيلم الفوق دا شغل ستانلي كوبريك، الغرض منه التدريب، يعني أرمسترونغ تم تدريبه على كل صغيرة وكبيرة، وفي النهاية تم بث اللقطات على أنها حقيقية، القرار دا كان في العام 1967 بعد توصل ناسا لاستحالة تنفيذ المهمة.
وضحنا ليك إنو ده فيديو مفبرك ومقصود عملوهو خصيصاً للناس الزيك ديل ، اللقطة دي من إخراج آدم ستيوارت وإنتاج شركة فيرال فاكتوري ومعروفة بإسم Moontruth ، الكلام ده في 2002 دي صفحة الشركة في ويكيبيديا : en.wikipedia.org/wiki/The_Viral_Factory أها يا باشمهندس يا (محترم) لماذا تخدع الناس بفيديوهات (مفبركة) ولماذا لا تعتذر حينما نفضح أفعالك المشينة هذه ولماذا تزعل وتحمبك لمن نزنقك ، عايزنا نصفق ليك ونهتف ليك وانت تستعين بفيديوهات مفبركة لإثبات نظرية المؤامرة التي ترتكز في الأساس على الجهل والدجل والنجر!
نماذج الدجل والنجر والكذب والإستهبال التي أوردتها حضرتك وتسميها (حقائق) كثيرة جداً وسأقوم بإيرادها في هذا البوست بإذن الله ..
07-23-2016, 10:57 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: لا يلزم أبداً، ليس عندي مشروع مشابه ولم أر طائرة درون في حياتي حقيقة، لكن هذا لا يمنع أن أعرض لك جملة النواقص في هذا المشروع التي تعجز حتى عن مواجهتها، من الناحيتين النظرية والعملية.
ما دام ما عندك مشروع مشابه ولم ترى طائرة درون حقيقة في حياتك -حسب كلامك أعلاه- بتتشوبر مالك؟! انت في حياتك ما شفت طائرة درون وفاتح بوست بنفس العنوان لتعليم الناس في شئ انت ما شفتو بعينك! انت مفتكر قوقل ده بيخلي الزول عالم ويجي يناطح مؤسسات علمية لها وزنها مثل ناسا ؟؟ أنا على الإطلاق ما قلت مشروعنا (كامل) أو خالي من العيوب لكن على أرض الواقع ده مشروع ماشي كويس وبنرحب بي أي نقد ممكن يساهم في تطوير المشروع لكن ما منك إنت لأنو ربنا فضحك وقلبك بيغلي بالحقد ، ثم إنت غير مؤهل لمناقشة مشروعنا (علمياً) ما دام ثقافتك قوقلية ولم تقم في حياتك بإنجاز مشاريع مشابهة بإعترافك.
07-23-2016, 10:54 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ده نموذج لي إستفزازاتك قبل ما أقبل عليك وأرد ليك بضاعتك .. هسي الجرسة لزومها شنو؟
مافي استفزاز هنا ولا شخصنة، الشخصنة إنك تنعت محاورك بالملحد والعاطل
رد أي بضاعة بتريحك. لكن المهم تدافع عن رؤيتك العلمية بخصوص "الربوت الطائر" وحقو تكون مرتب شوية بدل الخرمجة البتعمل فيها دي، منظرك من البداية شين هنا. البرنامج دا لو ما عاجبك افتح بوست وأنا حأجي أشرح ليك الحاجة الما فاهمها. ______ يا أخينا مافي جرسة، أنا ما عارف ليه انت مصر تحلم؟
07-23-2016, 11:16 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
يا زول بطل لف ودوران وجاوب بخصوص الفيديو (المفبرك) الأوردتو حضرتك ,, هل الفي الفيديو ده آرمسترونج؟ خليك راجل وجاوب ولا الموضوع ده صعب؟؟ .. اعترف انك بتغش الناس بفيديوهات مفبركة عشان اوريك انو كلامو القلتو فيك صحيح تماماً وما فيهو اي اساءة ليك بالنسبة للروبوت فبإعترافك.. انت (زول قوقل ساي) ولم تنجز مشاريع مشابهة في حياتك ولم ترى طائرة درون بعينك لذا لا وقت لدي لإضاعته معك فلست انت في مستواي العملي .. التنظير خليتو ليك فأنت -نظرياً- طلعت مؤسسة علمية بحجم ناسا بإنهم ناس قاعدين ساي وغشوا الناس بي فيديوهات .. كذلك ارف جامعة في العالم MIT انت نظرياً برضو طلعتهم ناس جهلة وما قدروا يعملوا كمبيوتر فقاموا عملوا (لعبة بي لمبات) .. الان ليه ما تكشف عن شخصيتك الحقيقية؟ خايف من شنو؟ حسب علمنا انك رجل يعني ما لابس طرحة عشان تزوغ من القصة دي ولا انت عامل عملة ولابد لا سمح الله؟ ولا خجلان انو الناس يعرفوا انك ملحد بعد ان فضحك الله ؟؟
07-23-2016, 11:01 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
ملاحظاتي على المشروع: الإستشعار الزراعي عن بعد والزراعة الدقيقة
أنا حأبدأ بالعكس يعني من آخر نقطة مفروض تصلوا ليها بنجاح لأول فكرة بديتوا منها (Bottom up analysis)، يعني زي شغل تصميم المباني العالية عادة المهندس المعماري يبدأ التصميم من الأرض، لكن المهندس المدني يبدأ التنفيذ بإجراء الحسابات من أعلى نقطة في المبنى، وبالطبع يشرع في التنفيذ من الأرض وليس في الجو.
المشكلة في المشروع دا هي ببساطة الحماس الزائد، فغالباً إدارة المشروع تبدأ على الورق لكن الملاحظ هنا أن المشروع بدأ باختيار المكونات (موتورات، جهاز قاذف، كاميرات) بدون صرف الانتباه إلى إمكانية التناسق الفعلي بين مكونات المشروع، فالعمل حسب ما مبين كان مركزاً على التنفيذ فقط بأي طريقة فجاءت هذه الأشكال، هذا يشبه أن يقوم شخص ببناء مجسم ثم يفشل في نقله من مكانه.
من ناحية التنفيذ:
1 الهيكل الخاص بجهاز الزراعة:
التصميم الايروديناميكي غير مطلوب بالمرة، إذا كانت السرعة التصميمية 26 كيلومتر في الساعة فهذه لا تضع مقاومة (drag) ذات بال، الآن بسبب هذا التصميم الغريب على شكل قطرة مياه اضطررتم لعمل إطارات خضراء جعلته أشبه بالحذاء (السفنجة) وصارت عملية تغطيته بقبة أو سقف (canopy) صعبة تحتاج لعملية صب للدائن مخصصة، كان من الممكن جداً جعل التصميم في شكل صندوق فلا يحتاج لكل هذه المنحنيات.
الموتورات المناسبة سيرفو مش ستيبر لأنها بتصرف طاقة (تسحب تيار) حتى لو كانت متوقفة في زاوية واحدة
غير دقيقة إلا باستخدم تروس تخفيض للسرعة.
2 جهاز الزراعة (Airborn Automated Agriculture Remote terminal):
هذا جهاز مضحك في الفكرة والتنفيذ، المطلوب هو توجيه الجزء الأصفر الذهبي في نهايته وهو قاذف بذور يعمل بالهواء المضغوط معلق حسب التصميم بموتورين من نوع (stepper motor) وعليى جانبه حافظة صغيرة للبذور وفي الجانب الآخر جهاز لتوجيه ليزر أطلق عليه المهندس محمد عبد الله اسم (مؤشر ليزر) ولا نعلم له وظيفة حتى الآن، الجهاز يتدلى من قبة بلاستيكية خضراء داخلها بعض الدوائر الإلكترونية وتبرز منها كاميرتان واحدة لتصوير الطيف دون الأحمر (IR, Near IR) لأغراض مراقبة المزروعات، والثانية للرؤية العادية
القبة (dome) مع القاذف معلقان على الهيكل الطائر للدرون بموتورين آخرين من نفس النوع، لا نعلم الوزن الإجمالي لهذه (الحمولة الذكية) كما يطلق عليها المهندس لكن نتوقع أن تبلغ نصف كيلوغرام على الأقل.
الفكرة الأساسية أن يتم تعبئة الحافظة بالبذور ثم يتم إطلاق الطائرة وتبدأ من نقطة محددة بإطلاق البذور نحو الأرض فتنغرز (أو هكذا تم تصوير الأمر) بفعل السرعة العالية للإطلاق، تعمل الموتورات الأربعة على توجيه فوهة القاذف إلى الهدف.
يدعم نظام التوجيه كاميرات تبث الصورة إلى شخص بعيد يتابع العملية في نظام اسماه المهندس محمد عبد الله (FPV) لكن لا نعلم هل يقوم بكل العمل منفرداً فهو لم يعطي إدابة على سؤالنا ما إذا كانت هذه الآلة العجيبة يمكن برمجتها لتؤدي كل هذه الأعمال
المطلوب لتوجيه المدفع (Seeds Electric Launcher) والصحيح (Seed shooting gun) موتورين فقط إما بين الطائرة والقبة أو بين القبة والمدفع ودا الموقع الأفضل هندسياً لأنه بيتطلب موتورات أصغر وأخف.
الموتورات المطلوبة مفترض تكون سيرفو (Servo motors) زي الفي الصورة التحت مش موتورات خطوة (Stepper motors) زي المستخدمة وباينة في الصورة التانية لأنها كبيرة وثقيلة وغير دقيقة، لزيادة دقتها يجب استخدام تروس والتروس متوفرة بالفعل في السيرفو موتر، وهي أرخص بثلث سعر الأولى تقريباً.
التنفيذ لجهاز الإطلاق تم فيه استخدام جزء من بندقية لعب هوائية (Airsoft gun) تستخدم للعب وتحتاج للهواء المضغوط لإطلاق كرات من البلاستيك على الخصم، التنفيذ تم هنا بنزع الجزء الخاص بالإطلاق (القاذف) ويظهر في الصورتين واحدة أمام الشيخ (للأسف) وهي متوفره في أعلى هذه الصفحة ولا أرغب في وضعها هنا. جزء القاذف ظهر في الفيديوهات والصور الثابتة بهذا الشكل.
القاذف أعلاه ظهر في كل الرسومات بشكل مقطعي (sectional diagram) يعبر عن التفاصيل الداخلية، هذا هو في الواقع في الصورة أدناه وهو بالتأكيد معقد لأنه يتطلب الكهرباء لتشغيل الصمام والغاز المضغوط (الهواء أو ثاني أكسيد الكربون).
الصورة أعلاه للقاذف مقطوع طولياً لتوضيح الأجزاء وتبين وصلة الغاز (سوداء) إلى اليسار، وفي الصورة السفلية القاذف مع الصمام الهوائي الذي يعمل بالكهرباء
ليس لدي أي تحفظات على هذا التوظيف (improvisation) سوى أن هذا الجهاز يتطلب مكون آخر، عليكم إضافة أنبوبة غاز أصغرها يكون بحجم أسطوانة مزيل العرق بوزن حوالي نصف كيلو تقريباً، هذه البندقية تستخدم تقنية (HPA "High Pressure Air") وهي سلاح حقيقي يمكن استخدامه لصيد الطيور، لكن في حال طائرة الدرون المخصصة لوظيفة زراعة (1000 بذرة في الساعة) يجب استخدام أسطوانة غاز أكبر (من أجل 1000 بذرة) هذا يعني وزن إضافي حوالي واحد كيلوغرام في حده الأدنى (الجهاز+الاسطوانة)، لذلك كان من المستحيل أن تقلع هذه الطائرة وهي تحمل كل هذا الوزن.
وغالباً تم استخدام بندقية بلون أخضر من نوع مشابه للتي في الصورة أدناه مع فصل القاذف، هذه البنادق تأتي بأجزاء قابلة للفك والتبديل فهي تتلف بسرعة، الجزء المخصص للقاذف يمكن فكه بالكامل وتغييره بموديل آخر، لاحظوا حجم أسطوانة الهواء المضغوط، هذه يفترض أن تحملها طائرة الدرون!
الذي ذكره المهندس محمد عبد الله عن (لجنة محترمة شافت) وأعطت تقييم جيد هو في الحقيقة تشغيل لجزء القاذف من بندقية خضراء مشابهة بعد توجيهه لأحواض التربة التي وصفها، أسطوانة الهواء هذه تم جلبها داخل الصندوق البني مع بقية المعدات غالباً، لهذا عجز عن الاتيان بالفيديو الذي يجب أن تظهر فيه الطائرة الدرون وهي تحمل جهاز الزراعة وهو يعمل بالهواء المضغوط، أي حمولة تقارب 5 كيلوغرام تقريباً، مستحيل.
في الصورة أدناه ظهر الجزء المنزوع من البندقية (القاذف) في منتصف الجزء العلوي من الصورة، فوهته تظهر كأنها تلامس رجل الكرسي البيضاء في الخلفية، الجزء المنزوع باللون الأخضر وتظهر وصلتين واحدة لليزر والثانية لتشغيل الزناد (التتك)، لا أعرف المغزى من توظيف الليزر هنا! سألت ولم أحصل على إجابة، أظن أنه مجاراة لألعاب البلايستيشن.
فوجود وحدة الليزر لا ضرورة لها، وقد ذكر المسؤول عن الفريق في الفيديو (SAP Final) أن الليزر الغرض منه التصويب على نقطة زراعة البذرة وهذا أيضاً لا معنى له، فليست توجد على الأرض علامات مسبقة حتى تكون أهدافاً (marks) للتصويب، مجرد أرض خلاء، طريقة التفكير هذه متأثرة بالوظيفة الأصلية للقطعة المنزوعة من البندقية، وهذا خيال خصب يفترض إصابة الأرض في "مقتل".
وفي الصورة السفلية، ظهر جزء آخر أيضاً من بندقية أخرى في أقصى الركن السفلي الأيمن، وبلون أخضر أيضاً، البندقية الأولى بلاستيكية وهذه معدنية من سبائك الألمونيوم. تظهر كذلك الموتورات الضخمة المستخدمة وقد تحدثنا عنها سابقاً وعن عدم ملائمتها لوزنها الزائد وعدم دقتها وفضلنا عليها موتورات السيرفو.
كان من الضروري (إذا توجب ذلك) استخدام تقنية (AEG "Automatic Electric Gun") هذا النوع لا يحتاج للهواء المضغوط، بل لبطاريات فقط، فكرته مبينة في الصورة أدناه
أرجو ملاحظة بساطة تصميم القاذف هنا.
هذه التقنية لا تتطلب أسطوانات غاز أو قاذف معقد وليست في خطورة التقنية الأولى، ومع أنها لن تنجح لكن على الأقل لن تكون فاضحة مثل الأولى، هنا لن تكونوا بحاجة سوى لبطاريات أقوى ربما 9 فولت أو 12 فولت لتشغيل الموتور لمرات أقل من 1000 مرة.
3 الروبوت الزراعي:
أطلقنا عليه الاسم (القرنبع) فهو يشبه الصرصار (cockroach) بالفعل، أما الوظيفة المعلنة فهي (الزراعة وجلب العينات الزراعية من الحقل ومكافحة الآفات)، لا نعلم كيف يمكن لهذا الشيء أن يقوم بكل ذلك، لكن الشيء الأكيد أن من قام بعمل التوصيلات هذه لم يكلف نفسه تجويدها بحيث تبدو احترافية، ربما تركت أحشائه بهذا المنظر حتى تعطي الانطباع بأن هنالك أعمال تجري حالياً.
الغرض هو الوصول لشيء مشابه للآلة في الفيديو أدناه مع فرق جوهري، الروبوت المعروض أعلاه والخاص بمشروع المسابقة محمول جواً، بمعنى أن الطائرة الدرون تنقله مكن مكان لآخر ليقوم بالمهمة.
هذا الروبوت في الحقيقة عنبكوت ميكانيكي يمشي على الأرض، وهذا منطقي، فليس من المعقول أن يتم استغلال الطائرة الدرون لنقل كتلة وزنها حوالي كيلوغرام واحد كل عشرة أمتار،
صاحب الروبوت له رؤية خاصة في العمل الزراعي الجماعي كذلك بجعل الروبوتات تنصب "شيخاً" لها لتنسيق العمل في الحقل
4 الشرح:
مقارنتة بالروبوت العنكبوت الذي يعمل بكل بوضوح (غض النظر عن الكفاءة والجدوى) فلا توجد ضرورة للشكل الغريب اليروديناميكي، فهذه الآلة لا يتم الطواف بها (cruising) بسرعات عالية، لذا كان من الممكن عمل الهيكل بتصميم مريح لوضع الأذرع.
لا نعلم كيف سيقوم هذا الشيء بمهامه من الجو، اللهم إلا إذا كان المصمم يضمن استقرار الدرون في الجو لفترة كافية للزراعة أو لأخذ عينة بدون أن يختل توازنها، فلا يبدو أن له أرجل يقف عليها على الأرض.
أداة الحفر ليست مخصصة للتربة وتبدو أنسب للخشب أو الفلين أو المواد الصلبة الأخرى
لم نر هذا الشيء يعمل مطلقاً في الحقل مما يحملنا على الاعتقاد بأنه لم يكتمل ساعة تقديمه للمسابقة قبل نصف عام.
النتيجة: المشروع فاشل في التنفيذ
من النواحي التصميمية اوالهندسية
5 الدقة التصميمية:
الاعتماد على نظام التحديد الجغرافي (GPS) ليس قراراً موفقاً، الدقة التصميمية (غير معروفة لرفض تزويدنا بها لكن نحسبها في حدود 50 سنتمتر) يستحيل أن تتحقق إذا فقط علمنا أن نظام التحديد ذاته (L1 GPS) يأتي بخطأ 3 إلى 5 أمتار في أفضل الحالات، وهذا لا يعد بأية حال ضمن الوصف "دقيق"، فالدقة ستكون في حدود 50% إلى 70% في أفضل الأحوال أي خطأ 3 إلى 5 أمتار في كل 10 أمتار هذا لا يشمل الخطأ الرأسي فغالباً يمكن تصحيحه بتقنيات رخيصة أخرى.
لم يأت ذكر لجهاز (DGPS) في الحقيبة المجهزة لعملية قيادة الطائرة ولا الإشارة إليه، هذا الجهاز يستخدم للحصول على دقة يمكن أن تصل إلى نصف متر أو أقل وهو مخصص للمساحة، غالي الثمن لكن فقط لإثبات النظرية.
محتاجين لإدخال قراءات جهازين (accelerometer, gyro) إضافة للأجهزة الفوق دي لحساب دقة التصويب أثناء الطيران، واضح إنكم ما حاسبين ضروراته، أو مفترضين إنو الطائرة حتكون ثابتة في الجو بفضل الطيار الآلي، ربما.
لم يوفر المهندس محمد عبد الله أي معلومة عن هذا (الطيار الآلي) ولا نعلم أي طريقة تم تطويرها للتنسيق بين (الطيار الآلي) وعمل القاذف، هذا لا يثبت إلا بالتجربة التي لم نرها حتى الآن.
إطلاق جسم أثناء الطيران بدقة عملية ليست بالسهولة التي تم تصويرها في الفيديو المخصص للفكرة (concept)، هذا التصميم متأثر جداً بمشاهد ألعاب البلايستيشن الحربية، في الواقع إطلاق القذائف من طائرة لا يتم إلا بعد أن تتخذ الطائرة وضع الهجوم أي الهبوط في خط مستقيم ينتهي عند الهدف على الأرض بالنسبة للقذائف العادية، أما بالنسبة للقذائف الموجهة فالموضوع يمكن أن يتم من أي منصة طائرة.
الموتورات الأربعة لجهاز الزراعة مع هيكل الطائرة (Air frame) تعطي 10 درجات حرية على مستوى الهيكل الطائر، 6 للطائرة زائداً أربعة للموتورات، في الواقع أي نظام حركي يتم وضعه على منصة متحركة (mobile base) تضاف له ثلاث درجات حرية على الأقل هي الانتقال (translation) في اتجاهين والدوران (rotation) حول نفسه، وفي حالة الدرون المطلوب لتوجيه فوهة جهاز الإطلاق (القاذف) أربعة متغيرات فقط على مستوى المهمة، هي إحداثيين زائداً زاويتي الميل على كل من المحورين X و Y. لدينا الآن معادلات تتضمن عشرة متغيرات وثوابت أخرى لتحديد الوضع النهائي لفوهة القاذف من بينها الآتي:
ارتفاع الطائرة (Z0)
موقعها في المستوي الأفقي (X0, Y0)
اتجاهها (yaw, heading)
زاوية ميلها (pitch)
زاوية انعطافها (roll)
إضافة لأربعة زوايا للموتورات زائداً ثوابتها الميكانيكية (الإزاحات offsets الأفقية والرأسية بين نقاط اتصالها بالهيكل)
كل البارمترات أعلاه مطلوب تحديد قيمها للوصول إلى نقطة نهائية (x, y, z) هذا كله في ظرف 1.3 ثانية مع الأخذ في الاعتبار حركة الطائرة المتأرجحة والرياح غير المنتظمة، هذا نظام مفرط التحديد ويحتوي فائض من درجات الحرية (redundancy) تجعل عدد الحلول الممكنة لانهائية وعلى مستوى تفاضلي (differential level) المتغير الأساسي في معادلاته هو السرعة، لا نعلم كيف تمكن الفريق من وضع المعادلات الأساسية للحل ومن ثم عمل نموذج رقمي وأخيراً برنامج الكمبيوتر الذي يدير كل هذه الزراعة.
التصميم أعلاه يفرض حساب النقطة (xyz) أثناء حركة الطائرة، ببساطة معادلات حركة من مشتقات الدرجة الثانية، كما يظهر في الصورة أعلاه.
افتراض إمكان تغطية حقل من 1000 موقع تتم زيارتها بطائرة درون بالدقة المفترضة سواء آلياً أو بواسطة شخص كل ما لديه هو إمكانية توجيهها إضافة إلى توجيه القاذف بالدقة المفترضة مع المحافظة على اتزان الطائرة في الجو (لا يبين التصميم وجود مكون متخصص لهذه المهمة) وكل ذلك في فترة 1.3 ثانية أمر مشكوك فيه.
6 الطائرة الدرون:
تظهر في الصورة أدناه، بحسب الأبعاد التقريبية (إذا كان الرسم أدناه دقيقاً) فهي ذات عرض حوالي 230 سنتمتر بأجنحة طول الواحد يزيد عن المتر قليلاً، هذا جيد، يمكن لهذه الطائرة أن تتحمل الوزن في حالة الطيران الأفقي (إذا صحت التوقعات) في وضع التحويم (cruising) لكنها لن تتحمل الوزن في النمط العمودي، هذا الوضع ضروري إذا كان من مهامها الزراعة وجلب العينات، فلا أظن أن الفكرة الأساسية هي جلب العينات أثناء الطيران بسرعة 26 كيلومتر في الساعة.
التصميم الأنسب ربما ينجح جزئياً بطائرة مثل التي في الصورة أدناه، لم نراها تعمل لكنها تبدو مجهزة للطيران الفعلي بالنظر لحجم المحركات والمراوح
النتيجة: المشروع فاشل في التصميم
من ناحية الفكرة
7 الفكرة العامة:
استخدام طائرة درون (quadrocopter, tricopter) فكرة صائبة إذا كان الغرض الهبوط على الأرض وإجراء أعمال مثل أخذ العينات أو مكافحة الآفات بالرش، للتعقيد المصاحب لها ولطبيعة الحمولة المجهزة.
لكن التصميم المزدوج (hybrid) غير مناسب أبداً فالسرعة المطلوبة في حالة الطائرة المجنحة (fixed wing) يمكن الوصول إليها بالطائرة العمودية بكل سهولة، إضافة لذلك فالتصميم ذي الجناح الثابت يتطلب انسيابية تضيف تعقيداً غير مبرر، هذا غير الصعوبة في إعادة توجيه المراوح بزاوية 90 درجة عند الرغبة في التبديل بين نمطي الطيران.
الأنسب في للحالتين أعلاه استخدام طائرة هليكوبتر بدون طيار بمحرك حراري عادي رخيص، بهذا يمكن رفع حمولات تتجاوز عشرة كيلوغرام.
فكرة الزراعة الدقيقة من السماء ليست ضرورة في الوقت الحالي، إذا كان الغرض عمل غطاء نباتي لمكافحة التصحر فالأحزمة الخضراء لا تشترط الدقة العالية في توزيع الأشجار
الأنسب والأقرب لمشروع بهذا التصميم هو مراقبة المحاصيل (crop surveillance/scouting) لكن ليس الزراعة بكل تأكيد
النتيجة: مشروع ممكن وغير ضروري
الحلول المباشرة:
جهاز السلوكة، محمول ولا يعمل بالبطاريات أو يتضمن وسيلة اتصال لاسلكي، أداة متطورة ووسيلة رياضية تفيد في فلاحة الأرض وغرس البذور وغير قابلة للبرمجة أو التحكم من بعد، نوصي بتوفيرها للغرض المعني
جهاز التركتر، بديلاً للسلوكة، آلة قديمة اخترعها الأمريكان المتخلفين، يمكن تطويرها وتوظيفها عند الضرورة، مشكلة هذا الجهاز أنه يطير على ارتفاع منخفض جداً من سطح الأرض، وأحيانا لا يطير وليس مزوداً بأذرع آلية، كذلك لا يبدو أنيقاً كفاية لأداء المهمة
الحلول المبتكرة التعويضية:
لكن إذا أصر الفريق على استخدام الدرون مع تقنية الهواء المضغوط فهذه مقترحاتي المتواضعة
أعلاه طائرة من غير طيار لاستخدامها في المدن: توصيل الهواء المضغوط بخرطوش للدرون، مع حمل الأسطوانة باليد والتوظيف الأمثل للنصف السفلي للانسان، هنا تمت الموائمة بين سرعة طيران الدرون وسرعة الجري للانسان وهذا فتح تقني جديد وغير مسبوق لحد علمنا، يتقدم الانسان الطائرة لافساح الطريق ولتجنب الأبنية العالية
أعلاه طائرة من غير طيار للزراعة في الصحراء: توصيل الهواء المضغوط بخرطوش للدرون، مع حمل الأسطوانة على عربة مدولبة تجرها الدرون، هذه الطريقة يمكن معها التحقق من إصابة البذور لمواقعها ودفنها أثناء المرور فوقها، الحذاء الرياضي ضروري من أجل أداء أفضل للقائم بالمهمة، الزي الفضفاض يساعد على التهوية المتوازنة، العقال مستخدم هنا لأداء وظيفتين الأولى تثبيت الغترة، والثانية يعمل كهوائي إيريال من نوع (High gain Yagi loop antenna) بكسب عالي للإشارة من السماء
ملاحظات طفيفة وغير مهمة:
8 أخطاء إملائية:
Doom -> Dome
Rang -> Range
launcher -> gun
Axies -> Axes
كل الفقرات في الصور، عدلوا الكلمات الفي الوسط لتبدأ بحروف صغيرة.
الكلمة (Yaw) تنطق "يوو" وليس "ياو"
النصوص على الرسومات التوضيحية بحاجة للمراجعة النحوية وبعض المصطلحات مثل (NDVI creation) والصحيح (NDVI calculation)
9 المصطلحات:
استخدامكم لمصطلحات البلايستيشن لن يفيد سوى في إظهاركم على هيئة غير مناسبة
combat, launcher, Air burst, etc.
نصائح:
اسحبوا كل الصور المنشورة في الانترنت باستثناء صوركم الشخصية، كل الأنا شفتها فيها الفضائح دي
اقعدوا واتفقوا قبل نشر أي صورة وأدرسوها وخلوها تخمر اسبوع اسبوعين بعدين أنشروها
الإخفاق في التصميم الهندسي دا لأنكم ما معاكم مهندس ميكانيكا، ولو معاكم واحد شوفوا غيرو، دا فاشل جداً وحيضركم بدون ما يقصد
الدكتور أحمد الحاج من الفيسبوك إذا عايزين تستفيدو منه ممكن يفيد في شغل البوليمر، بدل تستخدموا الأكريليك احتمال يدلكم على مواد أفضل
يستحسن تفكروا في المواضيع المطروحة في الصفحة الأولى بخصوص الإمارات فهي أقرب للتنفيذ
إذا كان من الضروري الالتزام بالخط الحالي فمراقبة المحاصيل (crop surveillance/scouting) أقرب للنجاح في حالتكم ومطلوبة جداً في السودان لو بس قدرتو تعملوا أنظمة إنذار من الآفات أو لحساب المحصول المتوقع بطريقة أدق بدل التكهنات الحالية دي وبالتأكيد حتنجحوا، كلنا معاكم
اسئلة ليست للإجابة:
على أي شيء راهنتم بالإعلان عن مشروع غير مكتمل ويمكن لأي شخص غير متخصص تحديد كل هذه الأخطاء فيه؟
أي لجنة محترمة هذه التي (شافت) وقررت أن هذا المشروع يجب أن يعطى تقييماً جيداً رغم أنه لم يعمل بالمرة إن لم تكن تعمل بموجهات محددة ليست ضرورة نجاح المشروع من بينها؟
على أي أساس تم اختيار المشروع من ضمن أفضل سبعة مشاريع على مستوى العالم وهو بهذه الهيئة غير المكتملة بناء على نظرية غير متماسكة أولها افتراض دقة لن تتحقق أبداً؟
على أي أساس تدعي هنا أنك نافست في النهائيات مع كبريات الجامعات والمعاهد البحثية والشركات المصنعة والمطورة للطائرات بدون طيار مثل معهد MIT وجامعة أوكسفورد وجامعة ميونخ وجامعة زيورخ إن لم يكن وجودها في المسابقة مجرد تشريف للتدشين؟
كيف فزتم على 57 دولة قدمت أكثر من 800 مشاركة بهذا المشروع إن لم يكن الأمر مجرد مجاملة ومهمة علاقات عامة في الدولة للفريق الوحيد من دولة عربية شمال أفريقيا؟
Quote: وضحنا ليك إنو ده فيديو مفبرك ومقصود عملوهو خصيصاً للناس الزيك ديل ، اللقطة دي من إخراج آدم ستيوارت وإنتاج شركة فيرال فاكتوري ومعروفة بإسم Moontruth ، الكلام ده في 2002
ياخي قلنا شفناهو وردينا عليك في البوست المعني، ومهلتك انتهت أرجع هناك بدل التوتر دا
عندك باقي هواء ساخن أمشي أمرقوا هناك في البوست بتاع أبولو ما هنا. هنا حنشرح ليك يعني شنو (فبركة، غش، خداع، دجل، وهم، تنظير وخرمجة) بهدوء وعقلانية ومنطق أكاديمي وحسابات هندسية. مش قلت عايز تناقش بهدوء؟ ______ انت مهندس؟ ولا زول فوضجي ساكت؟
Quote: ثم إنت غير مؤهل لمناقشة مشروعنا (علمياً) ما دام ثقافتك قوقلية ولم تقم في حياتك بإنجاز مشاريع مشابهة بإعترافك.
مافي مشكلة، رد على الأسئلة العلمية الهنا وخلينا نشوف المؤهل منو هنا
كل التطبيقات الهندسية عندها مباديء، أنا عرفتها من الانترنت ولا جاتني وحي في رقاع بتاعة جلد ماعز دا ما مبرر ولا حجة ليك.
أول حاجة ورينا: الليزر هنا وظيفته شنو؟ ______ أظن سؤال علمي ومبرر.
07-23-2016, 11:18 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
يا زول بطل لف ودوران وجاوب بخصوص الفيديو (المفبرك) الأوردتو حضرتك ,, هل الفي الفيديو ده آرمسترونج؟ خليك راجل وجاوب ولا الموضوع ده صعب؟؟ .. اعترف انك بتغش الناس بفيديوهات مفبركة عشان اوريك انو كلامو القلتو فيك صحيح تماماً وما فيهو اي اساءة ليك بالنسبة للروبوت فبإعترافك.. انت (زول قوقل ساي) ولم تنجز مشاريع مشابهة في حياتك ولم ترى طائرة درون بعينك لذا لا وقت لدي لإضاعته معك فلست انت في مستواي العملي .. التنظير خليتو ليك فأنت -نظرياً- طلعت مؤسسة علمية بحجم ناسا بإنهم ناس قاعدين ساي وغشوا الناس بي فيديوهات .. كذلك ارف جامعة في العالم MIT انت نظرياً برضو طلعتهم ناس جهلة وما قدروا يعملوا كمبيوتر فقاموا عملوا (لعبة بي لمبات) .. الان ليه ما تكشف عن شخصيتك الحقيقية؟ خايف من شنو؟ حسب علمنا انك رجل يعني ما لابس طرحة عشان تزوغ من القصة دي ولا انت عامل عملة ولابد لا سمح الله؟ ولا خجلان انو الناس يعرفوا انك ملحد بعد ان فضحك الله ؟؟
07-23-2016, 11:28 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ليس عندي مشروع مشابه ولم أر طائرة درون في حياتي حقيقة
على أي أساس فتحت البوست ده وانت إنجازاتك (صفر) كبير في هذا المجال ؟؟ بالفعل يا حاتم قلة الشغلة بتعلم المشاط ، أنصحك تكسب زمنك ده وتحاول تنجز حاجة لأنو البتسوي فيهو ده غير ما يحط من قدرك ما بعمل ليك شئ .. ثم شايف موضوع إنك عاطل ده حرقك شديد .. ما تزعل ياخي إنت براك قلت أنا (فاضي) .. والعطلة دي ممكن تكون بي سبب (عطلة) سنوية من العمل ، أهو أنا هنا بكوس ليك العذر، أنا للأسف ما موظف وشغال السنة كلها في شركتي الخاصة فاشنو ما يحرقك الموضوع ده شديد .. كراهيتك للإسلام وللرسول الكريم محمد صلى الله عليه وسلم ماليه البورد وما تفتكر إنو الموضوع ده حا يمش ساي ، أي شئ بي وقتو
07-23-2016, 09:39 PM
abubakr salih abubakr salih
تاريخ التسجيل: 12-27-2007
مجموع المشاركات: 8834
سلام يا اخ حاتم ابراهيم، انا طبعا دخلت البوست كايس محمد عبد الله مختار لان صديق اخر بيساله عنه. لم يسبق لي شرف التواصل معه من قبل رغم انني اتابع بكل اعجاب و تقدير مجهوداته الهندسية التي يقوم بها. هسة جيت راجع البوست و قريت فيهو لقيت بينكم خلاف. ياخي أمحمد دا و الله ما زول بشاكلوه. دا راجل بركة ياخي و بعمل فى مجهودات تعجب و تسر الناظرين. حتى ان كانت غير مكتملة و بها قصور، لكن له أجر كبير فى محاولاته دي و لابد انها سوف تصل للاكتمال يوما قريب. العجيبة انه بعمل فى الحاجات دي من داخل السودان! دي معجزة عديل ههه بلد تستورد حتى اشاره المرور و الراجل دا و رفاقه يصمموا فيها طيارة بدون طيارة دا موش شغل متقدم. حتى كان ما زرعت زاتو، بس كفانا البذرة الهندسية التى يلقي بها فى رحم هذه الارض.
07-24-2016, 00:11 AM
MAHJOOP ALI MAHJOOP ALI
تاريخ التسجيل: 05-19-2004
مجموع المشاركات: 4000
الاخ محمد عبدالله مختار سلام مجهودك مقدر ، ولو بردت نفسك شوية ممكن تستفيد من ملاحظات حاتم في تجويد تصميماتك وممكن الاتنين تستفيدوا من بعض . /B]
Quote: كراهيتك للإسلام وللرسول الكريم محمد صلى الله عليه وسلم ماليه البورد وما تفتكر إنو الموضوع ده حا يمش ساي ، أي شئ بي وقتو
اخ محمد الموضوع هندسة ، وتكرارك لحشر المعتقد في نقاش علمي يعزز عند قاري البوست ، ان الهندسة اعجزتك وفضلت مناقشة العقائد . انتصر لفكرتك وتصميمك وناقش فيها الشيطان ذاتو ولك كل الود والتوفيق
07-24-2016, 09:03 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
سلام يا MAHJOOP ALI شكراً يا رجل ولكن في حاجات فاتت عليك .. 1- البوست ده (شخصي) ولا علاقة له بالهندسة والمراد منه تصفية الحسابات ونفث الأحقاد. 2- بما إنو البوست (شخصي) فمن حقي أقول الحاجة البتريحني 3- الإساءات للإسلام وللرسول الكريم محمد صلى الله عليه وسلم أمر يهمني شخصياً أكثر من أهلي وعرضي ، وللمرة التانية الموضوع ده ما حا يمشي ساكت 4- رغم إنو البوست ده شخصي أنا أديتو شرطين أناقشو في النقاط المذكورة ، يجيب لينا انجاز واحد زي حقنا ده وطلع انجازاتو صفر كبير. 5- يكشف عن شخصيتو الحقيقية واعتقد من حقي أعرف الزول المترصدني ومترصد ناس كتيرين في البورد ده. 6- انجازاتو صفر دي عفيناهو منها أصلا هو مع نقتو الكتيرة دي مستحيل ينجز حاجة و لو جا كشف عن شخصيتو الحقيقية أنا بتناقش معاهو. كده بقا شرط واحد فقط. 7- بخصوص ذكري للدين ممكن في ناس يفهموا منها افلاسي في الهندسة فأنا ما مهتم بالقصة دي ، انجازاتنا في الفيديو قدام الناس بيان بالعمل بعد ده أي زول ونفسياتو وأنا ما بيهمني رأي قلة من الناس فيني ما دام انا ماشي صاح. 8- عن أي هندسة تتحدث وحاتم بيقول ليك مؤسسة علمية مثل ناسا مفلسة هندسياً وأرفع جامعة في العالم MIT ما بيقدروا يصنعوا كمبيوتر فقاموا عملوا (لعبة بلمبات)! أي هندسة هذه التي تقصدها والزول بيقول ليك فون براون مطور صاروخ V2 و Saturn V أكبر دجال في تاريخ الهندسة وزول كان اتيحت ليهو فرصة يلهو بألعاب نارية 9- عاين للمنشور بتاعو ده وعاين لي نهايتو .. هل الصور الجايبها دي صور زول جايي يناقش في الهندسة؟ أدناه نموذج فقط : 10- الواحد لما يجي يناقش ناس في الهندسة وهو بينظر ليهم من برج عاجي على الأقل يكون في مستواهم أو أحسن منهم وعندو انجازات بتتكلم عنو أما زول يمشي يتحاوم في قوقل ويجي يملا الناس فقر فدي بتوريك انو الزول مفلس قدر شنو
07-24-2016, 09:26 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: كانوا يقومون بإدخال البيانات بشكلها الطبيعي (native) أي بذات الطريقة التي تخزن بها في ذاكرة الكمبيوتر أي بالنظام الست عشري (hexadecimal)
ده نموذج لي هندسة حاتم العالفها من قوقل وجايي يقشر بيها هنا ويدرس الناس .. متى كانت الذاكرة بتخزن hexadecimal يا دجال ؟؟ تعال ورينا دي هندسة شنو وهل ده العلم الطلعت بيهو من أوروبا ؟؟
07-24-2016, 09:33 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: ما عندي أي اسهامات في المجال دا لا يعني بالضرورة أنني لا أفهم في مباديء الهندسة
ما عندك إسهامات في المجال ده إنتهينا منها .. النتيجة صفر كبير نجي للجزء التاني من الإقتباس .. تعال ورينا وفق فهمك لمبادئ الهندسة كيف الذاكرة بتخزن hexadecimal منتظرين إجابتك يا باشمهندس يا كبير ..
07-24-2016, 09:38 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
يا جماعة هوي الحقو المخابرات الامريكية مطاردة حاتم شخشيا بسبب إنو فضح وكالة الفضاء الامريكية ناسا وكشف دجل وكذب الـMIT كلام أخونا قسم الفضيل ده ما ترموهو واطة حاتم ده حافظو عليهو يا جماعة
Quote: الاخوان منير وحاتم وجميع ضيوف البوست ... كيف حالكم ... بالنسبة لمراقبة البوست واحتمالية استهداف الاخ حاتم من جهة ما ... خطرت ببالي نفس الفكرة خصوصا اذا ما تم ربطها باختفاء بروف علم النفس (عمر هارون) ... فنحن في العالم الثالث قاعدين نستهين بمقدراتنا الذهنية وعندنا عقدة الخواجة ... فالاحتراس واجب ... يا ليت الاخ حاتم يحتفظ بجميع بياناته بخصوص ابولو في مكان امين وبعيدا عن الانترنت (هاردسك خارجي مثلا) ... ويا ريت يا اخوانا تثيروا موضوع اختفاء البروف عمر هارون طالما جاءت مناسبته ... الذي نسأل الله أن يجمعه بأهله وأن يسلّم الاخ حاتم من كل شر ... ودمتم ...
07-24-2016, 09:41 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: 1- البوست ده (شخصي) ولا علاقة له بالهندسة والمراد منه تصفية الحسابات ونفث الأحقاد. +++ 5- يكشف عن شخصيتو الحقيقية واعتقد من حقي أعرف الزول المترصدني ومترصد ناس كتيرين في البورد ده. +++ 9- عاين للمنشور بتاعو ده وعاين لي نهايتو .. هل الصور الجايبها دي صور زول جايي يناقش في الهندسة؟ +++ أما زول يمشي يتحاوم في قوقل ويجي يملا الناس فقر فدي بتوريك انو الزول مفلس قدر شنو
تبدو لي عاجز حتى في التحكم على أعصابك
البوست هندسي بحت، يمكن المشروع بتاعك انت بتنظر ليهو على أنو "شخصي" بس من اللحظة الانت نشرتو فيها في منتدى عام بيصبح مشروع "عام" وقابل للنقد والنقاش المفتوح. إضافة إلى أن الصحراء ملك للدولة وليست تعود لشركة تجارية، اعتقد أن من استخدامات النظام المقترحة هي (محاربة التصحر) أو هكذا مذكور. +++ لو شخص أوضح ليك نقاط تعتبر أخطاء مبدئية في مشروع (وهمي) ناهيك عن الهندسة الحقيقية يفترض تشكره، على الأقل اعتبر دا (QC) بدل ما تسميهو تربص، التربص هنا هو التخبط بين محتوى البوستات وعدم التركيز. +++ الصور مقترح مبدئي، أو (فكرة) زي ما بتسميها انت، والفكرة بتبدأ بكروكي، أنا بعرف إنو مشروعك انت سميتو روبوت يزرع بالليزر، فهل بتستخدم الليزر في التنشين على مكان اسقاط البذرة مثلاً حسب الفيديو والصور؟ إذا إجابتك نعم فدي ما هندسة بل لعب شفع، وإذا إجابتك لا فدي برضها ما هندسة بل تلفيق بنادق مع موتورات يعني لعب رجال كبار. +++ اعتقد لو كنت حريص على التعلم لكنت أول من يبادر باستخدام غوغول لمعرفة مدى الدقة التي يتيحها نظام التحديد الجغرافي (GPS) حتى لا (تغش) الناس بأنك نظامك يمكن استخدامه للزراعة الدقيقة (Precision Agriculture) بدقة عالية وبمعدل (1000) بذرة في الساعة، لم تحدثنا أبداً عن هذه الدقة.
Assumption is the mother of all fuckups ______ الدقة المقترحة للنظام كم بالمناسبة؟
07-24-2016, 11:41 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: دا راجل بركة ياخي و بعمل فى مجهودات تعجب و تسر الناظرين. حتى ان كانت غير مكتملة و بها قصور، لكن له أجر كبير فى محاولاته دي و لابد انها سوف تصل للاكتمال يوما قريب. العجيبة انه بعمل فى الحاجات دي من داخل السودان! دي معجزة عديل ههه
سلام أخ أبوبكر
والله فعلاً بركاتو ظهرت هنا. للأسف المشكلة مش في المحاولات، بل في عدم فهم الأبجديات الهندسية، غني عن الذكر إنو لا الطيارة المعروضة في التحليل طارت بحمولتها ولا الزراعة حصلت مع إنو بيدعي حدوثها في (أحواض تجربة). ما بيحتاج يكون عيونوا زرق عشان يفكر صاح، بيحتاج يستخدم غوغول بطريقة منتجة. ______ لكن البركة في بركاتو so far.
Quote: انتصر لفكرتك وتصميمك وناقش فيها الشيطان ذاتو
سلام محجوب، آمل إنو يعقل ويسمع الكلام
فبقدر ما أنا متألم لحالة (الضنك) و (aggravation) البيمر بيها، برضي متألم لطريقة تفكير مهندسينا وسذاجة طرحهم. ______ في أوروبا طلاب المدارس الصناعية (المراهقين) بيصمموا أقمار صناعية.
07-24-2016, 01:00 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: في أوروبا طلاب المدارس الصناعية (المراهقين) بيصمموا أقمار صناعية.
ما شاء الله على مراهقين أوروبا البيعملوا أقمار صناعية مع إنو ده كلام فارغ ساي ، يمكن قصدك ناس الكيوبسات والحاجات دي ، هنا برضو بقت متوفرة لدى مراهقين السودان .. فاشنو ما تجي تتجدع لينا بي أوروبا دي .. الدور الباقي على الكبار العوار القاعدين في أوروبا .. طيب انت قاعد هناك مالك ما عملت اي حاجة صناعية ، ان شاء الله كديس صناعي .. طيب نجي نشوف الإنجاز الهندسي العظيم للزول الكبير الحايم في اوروبا
برنامج الهوتدوغ الشهير لي الزول الأوروبي الخطير .. حفظك الله من أعين الناس أيها المبدع المتزمزغ (والله ما فاهم معناها أسأل منها ود الباوقة) حفظك الله من المخابرات الأمريكية ومن الموساد الذين يستهدفونك بسبب فضح وكالة ناسا والـMIT
07-24-2016, 01:29 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: اعتقد لو كنت حريص على التعلم لكنت أول من يبادر باستخدام غوغول
قاتل الله قوقل ياخ! بي سببو اليسوا والما يسوا بقا عامل لينا فيها عالم .. قوقل ده ممكن يديك معلومات كويسة من مواقع محترمة وممكن كمان يسوقك الكوشة محل ما إتعلمت إنت مبادئ الهندسة زي ما بتقول ، الذاكرة تخزن هيكساديسيمال وكده ما أي حاجة تلقاها في قوقل ده صحيحة ، العلم عندو مصادرو زي ما الخرافات والنجر والدجل عندها مصادرها .. ثم عليك الله الناس اشتكوا عديل من بريك الكتير من قوقل ، اهو عندك بوست (باير) معلوف من قوقل ، فاشنو ارحم نفسك واستفيد من زمنك ما دمت (فاضي) وحاول أنجز حاجة زي ما بيعملوا المراهقين بتاعين أوروبا .. لاحظ أنا قلت ليك فاضي ما قلت ليك عاطل عشان ما تتحسس
07-24-2016, 03:49 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أنا على الإطلاق ما قلت مشروعنا (كامل) أو خالي من العيوب لكن على أرض الواقع ده مشروع ماشي كويس وبنرحب بي أي نقد ممكن يساهم في تطوير المشروع لكن ما منك إنت لأنو ربنا فضحك وقلبك بيغلي بالحقد ، ثم إنت غير مؤهل لمناقشة مشروعنا (علمياً) ما دام ثقافتك قوقلية ولم تقم في حياتك بإنجاز مشاريع مشابهة بإعترافك. +++ انت (زول قوقل ساي) ولم تنجز مشاريع مشابهة في حياتك ولم ترى طائرة درون بعينك لذا لا وقت لدي لإضاعته معك فلست انت في مستواي العملي[ +++ سبحان الله حتى في الرسومات فاشل .. في حاجة إسمها فوتوشوب ياخ !
طيب نواصل
عشان شوية نطلعك من الهستيريا ومحاولة إثارة الغبار في مواضيع مختلفة، أنا بقترح عليك تفتح بوست كوكتيل وتقول الفي نفسك، وأنا حأجي أرد على كل النقاط البتحاول تدثر بيها دي في ساعة واحدة، وصدقني حتتفاجأ.
موضوع الستعشري دا انت كررته خمسة مرات، واضح إنو مزعجك جداً، خلينا نخلص منو في بوست منفصل، ومعاهو باقي النقاط وبرضو تعال اتكلم عن الرسول والإلحاد والدلاي لاما وإيدي ميرفي. ______ بس البوست دا خليهو مخصص للهندسة، لو سمحت.
07-24-2016, 03:56 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: انت (زول قوقل ساي) ولم تنجز مشاريع مشابهة في حياتك ولم ترى طائرة درون بعينك لذا لا وقت لدي لإضاعته معك فلست انت في مستواي العملي .. التنظير خليتو ليك فأنت -نظرياً- طلعت مؤسسة علمية بحجم ناسا بإنهم ناس قاعدين ساي وغشوا الناس بي فيديوهات .. +++ سبحان الله حتى في الرسومات فاشل .. في حاجة إسمها فوتوشوب ياخ !
المفروض تثبت مستواك بالإجابة على الأسئلة دي
فالمحاولات الطفولية غير مجدية، عندنا هنا بوست بموضوع واضح، وسبق أن ذكرت إنو الغرض هو توضيح ألفاظك من قاموس الشتم الخاص بك عملياً وبالمثال هنا، وأهو دلوقتي لدينا إدعاء ثابت بعلو مستواك، فخلينا نشوف: بخصوص الروبوت مع الدرون، وضح عجزك عن تناول الموضوع بجدية لخلو جرابك من أي معلومة متخصصة، دلوقتي يا ريت تدينا إجابات عن الروبوت دا:
جربتوه في الحقل؟
حسبتوا جدواه الفنية؟
حسبتوا جدواه العملية للهدف المعلن؟
هل المشكلة المطروحة بحجم الانفاق على البحث في آلة مماثلة؟
هل هنالك حاجة لتوظيف هذه التقنية؟
هل يحفر في الأرض بالعمق المطلوب لأخذ العينة؟
هل يمكنه غرز البذرة في الأرض باختلاف طبيعتها؟
كيف يكافح هذا الجهاز الآفات؟
المؤشر بتاع الليزر وظيفته شنو؟
والكمبيوتر "المتحكم في كامل المنظومة" دا هل يمكن برمجته لكل المهمة بدون تدخل انسان؟
هل يظل جهازكم بنفس الدقة في الحالتين؟ للسرعة العادية الأولى ولسرعة تعادل ضعفها ونصف حسب إدعاءك الخاص بسرعة تنفيذ المهمة؟
الدقة التصميمية لإصابة موقع البذرة عملتوها كم؟ يعني في كل 10 أمتار ممكن تزرع البذرة بدقة كم في المية؟ أو الخطأ كم سنتمتر؟
______ موضوع الفوتوشوب والغش بالفيديوهات حنشوفها حالاً.
07-24-2016, 04:14 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
بالطبع لا يعني هذا التقليل من مقدار الإنجاز الهندسي لبرنامج الهوتدوغ ..
المفاجأة إنو لسة الفيديو موجود ولسة انت بتتكلم بكل جرأة عن (إنجازات)، دلوقتي في الثانية 0:40 إلى 0:44 تظهر طائرة درون مجهزة (يعني من النوع المتوفر في متاجر لعب الأطفال) بخلفية شجرة، هل ممكن تدلنا عن علاقة الطائرة بالشجرة. الصورة التحت دي تساعدك شوية
______ واعتقد أنك قمت بحذف البوست في نفس الأسبوع، لسبب ما.
07-24-2016, 07:32 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
إنجازاتك صفر كبير إتجاوزنا عنها أصلاً أنا مسبقاً عارف إنجازاتك زيرو والسبب إنك مضيع حياتك كلها في الغلاط والنقة الكتيرة .. قصة إنك تكشف عن شخصيتك الحقيقية دي ما ممكن نفوتها ليك .. بعد كلامك الفارغ والإسائات دي كلها أنا مستعد أناقشك وأجاوبك على أسئلتك دي تعال ورينا بياناتك بالكامل وصورتك غير كده أنا ما مستعد أضيع زمني مع زول بيتخفى بدون سبب مقنع إنت خايف من شنو يا باشمهندس يا كبير ؟؟ أوعى تقول لي خايف من السي آي أيه والموساد يجي يخطفوك ولا إنت عامل عملة لا سمح الله ولابد ؟! ولا خايف الناس تتعرف على شخصيتك الحقيقية وإرتباطها بالإلحاد ؟؟ ثم تعال ورينا إنت الحدت كده ساي ولا عشان تطلب اللجوء ولا الحنك شنو ؟؟
07-24-2016, 07:38 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: كانوا يقومون بإدخال البيانات بشكلها الطبيعي (native) أي بذات الطريقة التي تخزن بها في ذاكرة الكمبيوتر أي بالنظام الست عشري (hexadecimal)
يا بشر إنت السؤال ده ما قاعد تشوفو؟ في ياتو هندسة دي الذاكرة بتخزن hexadecimal وكيف ؟؟ هل المشكلة من المصدر العلفت منو ولا ده فهمك العايش بيهو في أوروبا يا باشمهندس يا متعلم يا عبقري زمانه ؟؟
07-24-2016, 08:02 PM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
Quote: بعد كلامك الفارغ والإسائات دي كلها أنا مستعد أناقشك وأجاوبك على أسئلتك دي +++ ولا خايف الناس تتعرف على شخصيتك الحقيقية وإرتباطها بالإلحاد ؟؟ ثم تعال ورينا إنت الحدت كده ساي ولا عشان تطلب اللجوء ولا الحنك شنو ؟؟
والله ما شايف عندي كلام فارغ
لكن شايف "راجل" عاجز تمام العجز رغم كل (نفخة التامبيرا) بتاعة "زانقك" و"بديك مهلة" و" "بشترط عليك" وغيرها.
بخصوص (الفبركة) و(الدجل) و(الغش) علاقة الدرون اللعبة في الصورة الفوق بالشجرة في الخلفية شنو؟ وليه ما نفعك الفوتوشوب هنا؟ +++ خارج نفسك من شبهة "الجرمندية" لأنو لسة عندي حسابات ومعادلات، بعدها نفكر في تحقيق أمنياتك "الصغيرة" الباقية. ______ الوشوش الخضراء كانت رحمة مش؟
07-24-2016, 07:55 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: كانوا يقومون بإدخال البيانات بشكلها الطبيعي (native) أي بذات الطريقة التي تخزن بها في ذاكرة الكمبيوتر أي بالنظام الست عشري (hexadecimal)
السؤال ده محل ما تمشي حا تلقاهو في وشك زي القدر .. ياتو ذاكرة في الدنيا البتخزن hexadecimal وكيف ؟؟ إنت مش قلت مهندس وقاعد في أوروبا ؟؟ نحنا ناس السودان ديل تعبانين ساي اعمل معروف تعال فهمنا القصة دي
07-24-2016, 08:06 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: اللاخ المحترم محمد مختار اختلف معاك في إنجازات حاتم إبراهيم له انجاز كبير جدا في تخريب وتشتيت البوستات والعداء
عزيزي سعد الشبلي حياك الله .. الراجل عشان ما نظلمو ونهضم حقو عندو إنجاز (أوروبي) (هندسي) خطير جداً جداً أعظم من إنجازو الإنت ذكرتو .. برنامج الهوتدوغ العظيم شخصياً برشحو لنيل جائزة نوبل
07-24-2016, 08:15 PM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
Quote: أعتقد ده رد عملي .. عشان كلو قرد يطلع شجرتو .. أو (شدرتو) +++ انجازاتنا في الفيديو قدام الناس بيان بالعمل بعد ده أي زول ونفسياتو وأنا ما بيهمني رأي قلة من الناس فيني ما دام انا ماشي صاح.! +++ لذا لا وقت لدي لإضاعته معك فلست انت في مستواي العملي
طبعاً دا التلفيق أو "الفبركة" زي ما بتسميها، اعتقد واضح
عندك أي تعليقات هنا بخصوص "قرود الشجر" أو "الانجازات" أو "المستوى العملي"؟ هل كدة انت ماشي "صاح"؟ ______ Assumption is the mother of all fuckups
07-25-2016, 09:53 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
هههههههه يا زول انت بليد ؟؟ موضوع الشجرة ده مقصود فما تفتكر إنها دقسة وجايي تمسكنا بيها .. أعتقد الناس البيفهموا عارفين نحنا عملنا كده ليه وده موضح في الفيديو وأبو الريش قبل كده (شرح ليك) الموضوع ده بدون ما أحتاج أنا أشرحو ثم يا مهندس يا أوروبي يا خطير أنا حتى الآن مستنيك ترد لي على موضوع التخزين في الذاكرة شايفك مكبر اللفة منو شديد ولا ده ما تبع (مبادئ الهندسة) ؟؟ جاوب ياخي وبطل لولوة ، السؤال ده حيظل كابوس في حياتك محل ما تقبل حا تلقاهو
07-25-2016, 10:00 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: ليس عندي مشروع مشابه ولم أر طائرة درون في حياتي حقيقة
على أي أساس يا باشمهندس تفتح بوست لتعليم الناس الطائرات بدون طيار وأنت لم تراها بعينك ؟؟ على أي أساس يا كبير يا محترم تعمل فيها معلم وأنت لم تنجز أي مشاريع في هذا المجال .. انت ما بتخجل ؟
07-25-2016, 10:09 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
عادي للإختبارات الدرون ممكن تتعلق في إستاند في شجرة في أي حاجة .. ثم إنو الإختبار هنا ما كان للدرون إنما للجهاز الملحق بالدرون يبدو أن فهمك قاصر عن التفريق ما بين الـDrone والحمولة Payload
07-25-2016, 10:39 AM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
بعد أن جبن صاحب البوست الكشف عن شخصيته الحقيقية على الرغم من أنه لا يلبس (طرحة) .. وبعد أن فرّ الباشمهندس الألماني من الإجابة على سؤال (بسيط) في (مبادي) الهندسة .. وبعد أن ثبت بالدليل القاطع (الإعتراف سيد الأدلة) أن إنجازاته في هذا المجال (صفر) كبير .. وبعد أن أثبتنا أن الباشمهندس بتاع أوروبا بيفتح بوستات لتعليم الناس أشياء لم يراها بعينه (الطائرات بدون طيار) ..
نكتفي بهذا القدر وهذه آخر مداخلة لي في هذا البوست وسأعود بإذن الله الى بوست القمر حيث الزنقة التي إضطرت الباشمهندس الكبير للهروب وتشتيت الكورة بفتح بوستين لموضوع واحد .. سنواصل هناك محاربة الدجل والكذب والفبركة والخطرفات وغيرها من أساليب الباشمهندس الأوروبي ..
نختتم هذا البوست بالعبارة الحكيمة التي قالها المحترم ود قاسم في وصف حالة الهيجان التي يعاني منها حاتم إبراهيم أو (علي ماهر) أو أياً كان اسمه .. *** إنها حالة البرميل الفارغ ***
07-25-2016, 11:59 AM
Osama Siddig Osama Siddig
تاريخ التسجيل: 10-08-2006
مجموع المشاركات: 1078
فى اعتقادى أن الإجابة على ســؤال محمد عبدالله مختار(المشروع) من الضرورة بمكان حتى يســتمر النقاش و يتحدد :هل ينحو منحى علميا أم أنه لا يعدو أن يكون فش غباين ساكت. من ناحيتى أنا ما درسناه فى أبجديات الهندسة أن الكمبيوتر يخزن الداتا فى شكل Binary ، ثم تمثل كل ال Characters ب Bytes حيث تمثل البايت الواحدة Character واحدة و معروف أن ال Byte الواحدة تحتمل التشكيل حتى 256 مرة ، يتم تفكيك هذه التشكيلات ال 256 بموجب ما يعرف بال ASCII Code لتعطينا ال Characters مثل الحروف و الأرقام و العلامات الموجودة على لوحة المفاتيح. نحن فى انتظار مزيد من المعلومات و معرفة إن جد جديد فى هذا الموضوع و اســتبدل هذا النظام كما أشــار الأخ حاتم أن نظام التخزين فى الكمبيتر يخضع للنظام الستعشرى ال Hexadecimal. مع تحياتى للجميع.....
07-25-2016, 01:20 PM
نزار عبد الوهاب نزار عبد الوهاب
تاريخ التسجيل: 05-14-2014
مجموع المشاركات: 582
الأخوان حاتم إبراهيم ومحمد عبد الله مختار ... السلام عليكم ورحمة الله وبركاته ... ياخي نحنا السودانيين ديل الله يهدينا جميعاً لما فيه خير البلاد والعباد ... أسع جنس البتعملوا فيهو دا يسموهو شنو ... إهدار للباندوث في حجوة أم ضبيبينا دي ... طيب الفايدة المرجوة من الجدل السودابيزنطي دا شنو ... عشان كدا الإنقاذ دي ليها حق تعشعش وتبيض وتفرخ كيف شاءت وبما شاءت ... طالما شبابنا المتعلم والمتنور والعليهو الأمل من بعد الله في إحداث تغيير في البلد ... متناحرين إسفيرياً في أتفه الأسباب ... نحنا أمة مشتتة وضايعة ونحسب أنفسنا على قلب رجل واحد والحقيقة أتفه سبب يشتتنا ... معقولة وصلنا مرحلة ما يفرقنا أكتر مما يجمعنا ... غايتو نسأل الله أن يجمع قلوبنا على هدف وأمل واحد وهو رفعة بلدنا المنكوب ... نسأل الله ألا نحتاج وقتاً أطول مما مضى في لم شمل شعبنا السوداني الفضَّـل ... ولا حولا ولا قوة إلا بالله العلي العظيم ...
07-25-2016, 07:33 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: عادي للإختبارات الدرون ممكن تتعلق في إستاند في شجرة في أي حاجة .. +++ ثم إنو الإختبار هنا ما كان للدرون إنما للجهاز الملحق بالدرون يبدو أن فهمك قاصر عن التفريق ما بين الـDrone والحمولة Payload
كدة دا يبقى (الدجل) الأنا كنت منتظره في إجابتك
مافي علاقة بين التعليق على الشجر وشغل الصيني Tony Zhao
الفيديو معروض للمشاركة في مسابقة ومش توثيق لإجراء التجارب. ولو المطلوب تجربة الجهاز الخاص برشق البذور كنا شفنا الجهاز معزول مش مشربك مع الدرون بسيلوتيب.
بعدين الصورة ثابتة، ومفيش بذرة طالعة من الجهاز، بل ضوء، فالاختبار لشنو تحديداً؟ وحتى لو جربت (جهاز رشق البذور) في مكان تاني، النتيجة شنو؟ هل استطعت غرز البذرة؟ ___ الواقع إنو (الحمولة الذكية) أثقل من أن تحملها الطائرة لذلك، شعلقتها في الشجرة مع الجزء السفلي من الجهاز.
07-25-2016, 07:41 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ى اعتقادى أن الإجابة على ســؤال محمد عبدالله مختار(المشروع) من الضرورة بمكان حتى يســتمر النقاش و يتحدد +++ يا باشمهندس أرجو الإجابة على موضوع التخزين في الذاكرة
مع إنو الرد متوفر في نفس البوست
أي أسئلة غير متعلقة بموضوع البوست دا حتكون الردود عليها هنا
Quote: موضوع الشجرة ده مقصود فما تفتكر إنها دقسة وجايي تمسكنا بيها .. أعتقد الناس البيفهموا عارفين نحنا عملنا كده ليه
عرفنا إنو الدرون ما طارت واضطريت تشعلقها بالسيلوتيب، ودي بالتأكيد دقسة وفي غيرها كتير
وكلامك عن اختبارات للأسف (دجل) وكذب، ببساطة لأن مديرك المباشر كتب في الفيسبوك يوم 29 أكتوبر 2015
Quote: Mohamed Aal · Co-Founder/CEO في Joint fleet Technology Projects الاخ العزيز حاتم ابراهيم ...معظم النصائح فى مكانها وهذا يدل على قدارت علمية جيدة ارجو اعطائى هاتف او بريد الكترونى للتواصل 00249***6086 fantasy***@yahoo.com
دلوقتي عرفت ليه أنا استبقت تصرفك وتنبأت بيهو؟ لأنو في المرة الأولى حصل ليك الانهيار في ساعة واحدة وسحبت البوست، دلوقتي جاي تقلل أدبك وتشتم ليك تلاتة شهور، أنا كمان مسحت البوست التحليلي مراعاة لرسالة مديرك، المبينة فوق دي، أمشي اسأله، والأرشيف موجود وأنا موجود.
دلوقتي نواصل الهيكل دا على الإطلاق ما طار في درون ولا حتى أدى الوظيفة حسب الفكرة من تصميمه
ودي على الإطلاق ما اتصممت ناهيك عن أن تكون طارت
وحنشوف نوع الزراعة بالنسبة لي دا و(أحواض التربة) الكلمتنا عنها
وبالنسبة للجهاز دا
عايزين نتكلم عن الجزء المبين بالمربع الأصفر دا
______ لكن أولاً، هل طارت أي من الطائرات التي اشتريتوها مع أي من النماذج أعلاه؟
07-25-2016, 08:41 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: موضوع الشجرة ده مقصود فما تفتكر إنها دقسة وجايي تمسكنا بيها .. أعتقد الناس البيفهموا عارفين نحنا عملنا كده ليه
في البداية أسمح لي أشرح للناس التلفيق والغش هنا، خليك من الناس البيفهموا
الطائرة الدرون الاشتريتوها ما عندها أي قدرة تحمل وزن يتجاوز نص كيلو على أفضل التقديرات، فهي لعبة، دي واحدة.
الجهاز الركبتوهو من عدة عناصر مختلفة (خراطيش وكبايات أجزاء منزوعة من وحدات أخرى مثل المخفض) وزنه حسب تقديري يتجاوز الكيلوغرام.
الجهاز موصول بالكهرباء بواسطة مخفض حتى يعمل على إطلاق كرات بلاستيكية، الجزء المحدد بالمربع الاصفر هو محول المعادلة (balun)، تم استخدام بذور مكانها.
لم تكن هنالك أية إمكانية لتركيب الجهاز على الطائرة الدرون بكامل أجزائه إضافة لبطارية وزنها نصف كيلوغرام ثم الطيران بها للأعلى، ناهيك عن زراعة (1000) بذرة في الساعة وبدقة كما تدعي.
لذلك تم فك الجهاز وإلصاق الجزء السفلي منه بالطائرة وتشبيك جانب منها على فرع والجانب الآخر تم ربطه بشريط سيلوتيب، ومحاكاة عملية إطلاق البذرة بإضافة ضوء مكان خروجها وإضافة اللقطة للفيديو التقديمي وهذا بالتأكيد ليس (اختبار) بل تلفيق
فهل يمكنك أن توضح هنا كيف فكرت في إطلاق طائرة درون مع ربطها بالكهرباء من الشبكة العامة؟ ______ دلوقتي عندك أي تعليق أو محاولات تانية للدجل والكذب؟
07-25-2016, 09:03 PM
امير بوب امير بوب
تاريخ التسجيل: 01-02-2013
مجموع المشاركات: 1552
Quote: من ناحيتى أنا ما درسناه فى أبجديات الهندسة أن الكمبيوتر يخزن الداتا فى شكل Binary ، ثم تمثل كل ال Characters ب Bytes حيث تمثل البايت الواحدة Character واحدة و معروف أن ال Byte الواحدة تحتمل التشكيل حتى 256 مرة ، يتم تفكيك هذه التشكيلات ال 256 بموجب ما يعرف بال ASCII Code لتعطينا ال Characters مثل الحروف و الأرقام و العلامات الموجودة على لوحة المفاتيح. نحن فى انتظار مزيد من المعلومات و معرفة إن جد جديد فى هذا الموضوع و اســتبدل هذا النظام كما أشــار الأخ حاتم أن نظام التخزين فى الكمبيتر يخضع للنظام الستعشرى ال Hexadecimal.
سلام أخ أسامة
للأسف سؤال أخينا محمد مختار مجرد إطلاق دخان مداراة للعجز، فمافي علاقة بين الذاكرات والطائرات أو بين الدرون وبرامج المطاعم زي ما شايف، أكره الخرمجة والعشوائية ولا أتوقعها حتى من طالب هندسة.
أنا على الإطلاق لست بحاجة لمن يختبرني في هذا المجال، الكمبيوتر والإلكترونات والبرمجة وغيرها من علوم الكمبيوتر، لكن بمد حبال الصبر فأنا عارف البوست حينتهي على شنو لأنه مكرر ببساطة.
على أية حال، السؤال أنا رديت عليهو قبل سنتين لكن أخينا محمد مختار شوية اليومين ديل مطشش ومصر على الظهور كالطفل. Re: موضوع تعريفي: كيف يرسم الكمبيوتر الحروف على شاشتكRe: موضوع تعريفي: كيف يرسم الكمبيوتر الحروف على شاشتك
سلام أخ حاتم ابراهيم ، يعلم الله لا بعرفك لا بتعرفني و لا بعرف الأخ محمد مختار و لا بفهم كتير في الهندسة ، لاكين متابع كتاباتك من فترة و عارف انك زول عكليته و بتحكها لمّا تجيب الدم ! تعجبني ثقتك في نفسك و سعة إطلاعك و قدرتك علي إدارة الحوار و الإمساك بزمام الأمور في معظم الأحيان رغم إختلافي معك بعض الأحيان في الأسلوب و طريقة توصيل المعلومة رغم إدراكي لضرورة ذلك في بعض الأحيان. الأخ الباشمهندس محمد مختار لا معرفة سابقة لي به وقد يكون مٌلمّاً ببعض النواحي الهندسية و لكن من خلال متابعتي للنقاش فقد وجدته يحاول إدخال الخاص في العام وقد لجأ لحشر بعض الامور الشخصية كتطرّقه لمسألة إلحادك من عدمه و لجوءه للسب و للشتيمة و المطاردة الغير موضوعية و محاولة تشتيت البوست رغم إستمتاعنا بالنقاش و الطرح العلمي. أعتقد كان الأجدر به التركيز علي عرض مشروعه بشكل قوي و العمل علي إيجاد ردود هندسية مقنعة و تفنيد أي تشكيك في مشروعه علي أٌسس هندسية بدلاً عن التهرب و الزوغان المتكرر و اللجوء للمهاترات مما أعطي الانطباع بضعف حججه الهندسية و تهافت مشروعه ! كما أسلفت ، دي إنطباعات أوليه من زول جربندي ساكت و كنت أأمل في نقاش علمي بحت حتي تعم الفائدة
تحياتي لكما ، و حسب إعتقادي الخاص فإن النتيجة حتي الان ١٠/ صفر
07-25-2016, 09:41 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
سلام اخ حاتم كما قلت لك انا من المتابعين لمساهماتك منذ فترة و متابع كل المعارك الاسفيرية التي تخوضها في المنبر قد أختلف معك في الأسلوب أحياناً و في طريقة توصيل المعلومة و ذلك رغم علمي التام بضرورة العنف اللفظي في بعض الأحيان وفقاً لسير النقاش و هذا من أسباب إبتعادي عن المنبر لفترة طويلة. و زي ما قلت ليك، أراك في بعض الأحيان زول عكليتة جداً و لديك القدرة علي المهاترة و الردود اللازعة و القدرة علي إلجام الآخر و لكن الملاحظ في هذا البوست هو سعة صدرك و مرونتك في النقاش و ضبط ألفاظك و عدم إلتفاتك لمحاولات التشويش و حرف البوست عن مساره الهندسي المتوقع. لقيتك ملتزم بطرحك و مٌصر عليه بجدّية و لم تلتفت للمعارك الجانية و هذه نقطة تحسب لك ! في المقابل أجد ان الأخ محمد مختار قد جنح كثيراً للشخصنة و محاولة حرف البوست بالإنجرار لمواضيع فرعية رغم ان البوست يستهدف مشروعه من وجهة نظر هندسية و تم توجيه بعض الانتقادات له و كان الأجدر به الرد بموضوعية علي النقاط المٌثارة و دحض إنتقادات الأخ حاتم بكل موضوعية و استغلال الفرصة و الفضاء المنبري للتعريف أكثر بمشروعه الهندسي ! عموماً نحن الخسرانين ! تحياتي لكما ... و خالص الوٌد
عمري ما ارتحت لحاتم ابراهيم أو أي مبخساتي في البورد .. الناس الشنافة الما بتطيق تشوف ليها انجاز ولا زول بشكروا فيه إلا ويحاولوا يستفزوهو ويحطوا من قدر انجازاته
لكن لمن محمد مختار يقول
Quote: كراهيتك للإسلام وللرسول الكريم محمد صلى الله عليه وسلم ماليه البورد وما تفتكر إنو الموضوع ده حا يمش ساي ، أي شئ بي وقتو
Quote: الإساءات للإسلام وللرسول الكريم محمد صلى الله عليه وسلم أمر يهمني شخصياً أكثر من أهلي وعرضي ، وللمرة التانية الموضوع ده ما حا يمشي ساكت
بلقى إنه التبخيس أفضل بسنين ضوئية من التهديد الداعشي بتاع محمد دة
هذا مع احترامي لكل مجهود هندسي أياً كان قصوره
07-26-2016, 10:13 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: طالما شبابنا المتعلم والمتنور والعليهو الأمل من بعد الله في إحداث تغيير في البلد ... متناحرين إسفيرياً في أتفه الأسباب..
سلام أخ نزار عبد الوهاب
والله من حقك تبتئس لأكتر من سبب، فحجم الجهل المستمر في البلد فوق القدرة على التصور. ومن حقك تتضايق برضو فأنا اتضايقت قبلك للغة العالية والتوصيف الخرافي للعبة. _______ لكن على الأقل خلينا نتفائل إنو في صحوة لتدارك الأوهام دي قبل ما تستفحل.
07-26-2016, 10:19 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: عمري ما ارتحت لحاتم ابراهيم أو أي مبخساتي في البورد .. الناس الشنافة الما بتطيق تشوف ليها انجاز ولا زول بشكروا فيه إلا ويحاولوا يستفزوهو ويحطوا من قدر انجازاته
سلام أخ أحمد محمد
من وجهة نظري هو (تصحيح) أكتر منه (تبخيس)، مثل المشاريع دي مالية البلد وبكل بساطة الخاسر الأكبر هو المواطن.
عليك تعرف إنو المشروع دا لو وجد طريقه لوزارة الزراعة بدون تمحيص أو تحقق من جدواه فالنتائج على المستويين الاقتصادي والزراعي كارثية.
الوضع الطبيعي لمشروع زي دا قاعات الجامعات مش المشاريع القومية، فالوسائل الأنجع لحل المشاكل المطروحة معروفة ومجربة.
وترجمات الخواض كانت حتجد طريقها لوزارة الثقافة وموسيقى الموصلي كانوا ناس الحكومة حيشيلوا عليها ضرائب وكتابات ابو الريش كانوا حينزلوها في مقرر الثانوي
معقولة بس !!!!
يا حاتم .. محمد عبد الله مختار سخر منك وضحك فيك بدون مبرر أول أيام دخولك البورد في موضوع ناسا .. كونك تلبد ليه وتخلص حقك دة شئ طبيعي ومافي زول بلومك عليه إطلاقاً .. يعني ما محتاجين نوصل وزارة الزراعة
07-26-2016, 12:25 PM
نزار عبد الوهاب نزار عبد الوهاب
تاريخ التسجيل: 05-14-2014
مجموع المشاركات: 582
Quote: سلام أخ نزار عبد الوهاب والله من حقك تبتئس لأكتر من سبب، فحجم الجهل المستمر في البلد فوق القدرة على التصور. ومن حقك تتضايق برضو فأنا اتضايقت قبلك للغة العالية والتوصيف الخرافي للعبة. _______ لكن على الأقل خلينا نتفائل إنو في صحوة لتدارك الأوهام دي قبل ما تستفحل.
مرحب حبابك الأخ حاتم ... لا أشك أنا ولا غيري بأنك ما شاء الله ملم بأشياء كثيرة ومجالات متفرقة بحكم خبرة في التعليم والغربة أكسبتك مهارات ... وقد تكون محترف أو هاوي لا ينقص من إلمامك بالموسيقى ومجال الكمبيوتر الواسع حتى في إستعمالك وتطويعك لأيقونات هذا المنتدى ... نراها في مداخلاتك بإنزال الفيديوهات والكابشر من الفيديوهات وإنزالها صور لا يجيدها الكثير منا في هذا المنتدى ... ولكن أعيب عليك إسلوبك العام !!! واحد حلمان إنو سنونو وضروسو وقعن مشى لواحد مفسر أحلام حكى ليهو الحلم ، مفسر الأحلام قال ليهو أهلك كلهم حا يموتوا ... قام مشى للأمام إبن سيرين مفسر الأحلام وحكى ليهو حلمو ، قال ليهو إبن سيرين ربنا سيبارك في عُـمرك وستكون آخر من يموت في أهلك ... (التفسيران صح) لكن شتان بين إسلوب المفسر الأول وإسلوب إبن سيرين في توصيل المعلومة ... يعني بوستاتك الكتيرة دي ممكن كان براحة وبإسلوب بسيط وتوفير وقت وإرهاق في غنى عنه ... وبوست واحد تدخل وتبدي ملاحظاتك وتاخد وتدي أفضل من الدخول بالتحدي وإظهار العضلات ... وربنا يوفقك ويوفقنا يا أخونا حاتم ...
07-27-2016, 11:18 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: وترجمات الخواض كانت حتجد طريقها لوزارة الثقافة وموسيقى الموصلي كانوا ناس الحكومة حيشيلوا عليها ضرائب وكتابات ابو الريش كانوا حينزلوها في مقرر الثانوي +++ يا حاتم .. محمد عبد الله مختار سخر منك وضحك فيك بدون مبرر أول أيام دخولك البورد في موضوع ناسا .. كونك تلبد ليه وتخلص حقك دة شئ طبيعي ومافي زول بلومك عليه إطلاقاً .. يعني ما محتاجين نوصل وزارة الزراعة
مرحبا أخ أحمد
وارد جداً، إيه يمنع في ظل هوجة المجاملات والترفيع غير المبرر والتعظيم بمظنة الانجاز؟
أسامة بالفعل يعتقد أنه (مترجم بارع) ويوسف ثبت أنه يسعى للمدح و(الأولوية) بأي ثمن لكن أبوريش وللصراحة لا يتعالى. +++ أبداً، لم أحمل عليه شيئاً، بل هو الوحيد الذي احترمته وهو الوحيد في المنبر الذي خنأته بالعيد، لكن استمراره في الشتم لفترة ثلاثة أشهر أرغمني على إيقافه عند حده.
وبالنسبة لهذا المشروع فالأمر لن يحتاج سوى لحامل شهادة "دكتوراة" من إياهم، يحدثنا عن المشروع ويشيد به ويبشرنا بالوعد والقمح والتمني و(يأخذ ظرفه ويمضي) ولن يستغرق الأمر سوى أسابيع بعدها عند جهة مختصة تدعمه وتفرد ليه ميزانية.
سمعنا بمشاريع كثيرة انتهت في أول شهر لها ولم يحاسب أحد ولا ألومهم، فكمية المعلومات كثيرة واستشارة غوغول "تعتبر فضيحة" عند المثقفين توجب الرجم.
07-27-2016, 11:25 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: و مرونتك في النقاش و ضبط ألفاظك و عدم إلتفاتك لمحاولات التشويش و حرف البوست عن مساره الهندسي المتوقع. لقيتك ملتزم بطرحك و مٌصر عليه بجدّية و لم تلتفت للمعارك الجانية و هذه نقطة تحسب لك !
ما يحيرني هو ثقته غير المبررة
فقد بدأت هذا البوست وأدرك تماماً أن أمره سينتهي في يومين، وصراحة حيرني أنه لم يتعظ أبداً رغم النصح المبذول له من قبل عام
Quote: Mohamed Alfadol · VŠCHT حبيبنا محمد مختار السلام عليكم ورحمة الله .. كلام اخونا وحبيبنا برضو ...حاتم ابراهيم فيهو كتير من العلم والمنطق ونفترض فيهو حسن النية ... وفيهو كلام كتييير بفيدك والله حتى وان لم تجاوب على الاسئلة التي طرحها عليك هنا عليك ان تحاول تجاوب عليها براااك كدا في كراسة خارجية بتساعدك كتير في مشروعك دا .. وعادي اشكرو يااخ مابرضو الزنقة بتفيد احيانا اقلاها بتمرق العرق وبتريح الجسم من السموم والاملاح الزائدة
الاقتباس أعلاه لمتابع من الفيسبوك كتبه قبل عام تقريباً، لو كنت مكان الأخ محمد مختار لما ترددت في العمل بما فيه.
لكن أن أصر على الكذب فهذا مفاجيء تماماً بالنسبة لي نظراً لسهولة ضحد أي إدعاء بسطر واحد وبدون خلفيات متخصصة.
07-27-2016, 01:16 PM
محمد هاشم ابوزيد محمد هاشم ابوزيد
تاريخ التسجيل: 11-10-2011
مجموع المشاركات: 1711
Quote: لكن أولاً، هل طارت أي من الطائرات التي اشتريتوها مع أي من النماذج أعلاه؟
ده (أغبى) سؤال شفتو منذ أن أنشأ بكري سودانيز أونلاين .. زول يجيبو ليهو (فيديو) وبعد ده ما يقدر يعرف إذا كانت الطائرات حقتنا طارت مع الأجهزة الذكرناها دي أم لا ..
07-27-2016, 04:47 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: عرفنا إنو الدرون ما طارت واضطريت تشعلقها بالسيلوتيب، ودي بالتأكيد دقسة وفي غيرها كتير
الباشمهندس الكذاب بيقول وفقاً للإقتباس أعلاه إنو الدرون ما طارت واضطرينا نشعلقها بالسولوتيب .. أي زول شاهد الفيديو بيعرف إنو الكلام ده (كذب) و (إفك) و (حقد) لا تحكمه أدنى أخلاقيات الخلاف .. هذه وصمة عار كبيرة في جبين مدعي العلم والمعرفة حاتم إبراهيم ..
07-27-2016, 05:07 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أنا ما عارف إنت هايج كده ليه ؟؟ ده الفيديو قدامك .. +++ ودي الدرون بتقلع بالجهاز زاتو الكذبت وقلت وزنو ما محسوب والدرون ما بتقدر تقلع بيهو .. 00:43 من زمن الفديو
أنا ما هايج، أنا مستغرب عايز أعرف لماذا تصر على إهانة نفسك أكثر من مرة؟
في مداخلتي التوضيحية (لإنجاز السيلوتيب) ذكرت ما يلي:
Quote: لذلك تم فك الجهاز وإلصاق الجزء السفلي منه بالطائرة وتشبيك جانب منها على فرع والجانب الآخر تم ربطه بشريط سيلوتيب، ومحاكاة عملية إطلاق البذرة بإضافة ضوء مكان خروجها وإضافة اللقطة للفيديو التقديمي وهذا بالتأكيد ليس (اختبار) بل تلفيق
وعندما قلت هذا الكلام كنت أشاهد الدرون اللعبة تطير بالفعل، ولكن ما تقوله أنت هو مجرد كذبة إضافية.
فما حدث لا يختلف عن حيلة الشجرة أو (Tree test) كما سميته أنت، فقد قمت بتشليع الجهاز من أي مكون ثقيل وأبقيت على الحد الأدنى الذي يمكن الطائرة من التحليق، يعني لم تبقى سوى أوعية بلاستيكية فارغة وشوية بذور، والدليل أن (جهاز رشق البذور) يحلق الآن بدون كهرباء موصولة فهي منزوعة وتظهر متدلية في نفس صورك التي تريد بها إثبات العكس.
وهنا تظهر الجاك متدلية وغير موصولة بأي شيء، فالجهاز لا يتلقى كهرباء من أي مصدر.
فهل يستغني جهازك عن الكهرباء العامة عندما يحلق في الهواء؟ _______ أعيد السؤال: كيف تريد أن تزرع بهذه الحيلة؟
07-27-2016, 05:16 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: فما حدث لا يختلف عن حيلة الشجرة أو (Tree test) كما سميته أنت، فقد قمت بتشليع الجهاز من أي مكون ثقيل وأبقيت على الحد الأدنى الذي يمكن الطائرة من التحليق، يعني لم تبقى سوى أوعية بلاستيكية فارغة وشوية بذور، والدليل أن (جهاز رشق البذور) يحلق الآن بدون كهرباء موصولة فهي منزوعة وتظهر متدلية في نفس صورك التي تريد بها إثبات العكس.
ياخي إنت زول كذاااااااااب .. أنا (أتحداك) وقدام أعضاء سودانيز أونلاين تجينا في مقرنا وتشوف الجهاز بعينك (بكامل مكوناته) ونركب ليك الجهاز في الدرون وتقلع الدرون قدام عينك .. وقدامك أيضاً نشغل ليك الجهاز ويطلق البذور بدون مصدر كهرباء خارجي سوى البطارية المدمجة في الجهاز .. شرطي إنو فيديو التجربتين ديل يترفع (هنا) في سودانيز أونلاين ولو أنا كضاب بفتح بوست و بعتذر ولو إنت كضاب تجي تفتح بوست هنا تعتذر قدام الناس .. يا جماعة الزول ده قصرنا معاهو تاني ؟؟
07-27-2016, 05:30 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: وده الروبوت محمول على درون وبيتم الإقلاع والهبوط بيهو وشغال قدامك 01:44 من زمن الفيديو +++ الباشمهندس الكذاب بيقول وفقاً للإقتباس أعلاه إنو الدرون ما طارت واضطرينا نشعلقها بالسولوتيب .. أي زول شاهد الفيديو بيعرف إنو الكلام ده (كذب) و (إفك) و (حقد) لا تحكمه أدنى أخلاقيات الخلاف ..
دلوقتي نشوف الروبوت
في الصورة بتاعتك التحت دي تظهر الذراع الآلية المركبة (modular) ودي مفهومة ومتوفرة للشراء من أكتر من مصدر، الذراع إلى اليمين
الخطة حسب الفيديو، حمل الذراع على هيكل طائرة (airframe) المبين في الأسفل
ودا حسب كلامك يوم 5 سبتمبر 2015
Quote: 09-05-2015, 07:30 AM بالنسبة للطائرة لدينا مسبقاً طائرات Tricopter و Quadcopter لكننا قمنا بتطوير Airframe خاص بمشروعنا وهو نوع هجين Hypird ، يستطيع تحويل الطائرة من نمط Fixed Wing أي طائرة ذات اجنحة ثابتة وتصلح لمسح المشاريع الزراعية الكبيرة مثل مشروع الجزيرة الى نمط Tricopter وهي طائرة لها قدرة التحويم والتحليق والمناورة بصورة جيدة.
دلوقتي اشتريت طائرة (quadcopter) من السوق وركبت عليها الذراع، إذن كلامي عن عدم طيران تصميماتك صحيح والسؤال ما غبي بل إجابتك. طيب: 1- كيف عايز تزرع بالمكونات دي، يعني أي نوع من النباتات، شتول ولا بذور؟ فأنا ما شايف شيء اتزرع في الفيديو. 2- أين (أحواض التربة) المذكورة في تعليق سابق ليك، هل هي على الأرض؟ 3- هل لا تزال الدقة والعدد (1000 بذرة في الساعة) متحققة في هذه الذراع الطائرة أم مجرد (presentation) كاختبار الشجرة؟ _______ فمشروع الجزيرة أكبر من هذه اللعبة.
07-27-2016, 05:44 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ياخي إنت زول كذاااااااااب .. أنا (أتحداك) وقدام أعضاء سودانيز أونلاين تجينا في مقرنا وتشوف الجهاز بعينك (بكامل مكوناته) ونركب ليك الجهاز في الدرون وتقلع الدرون قدام عينك .. وقدامك أيضاً نشغل ليك الجهاز ويطلق البذور بدون مصدر كهرباء خارجي سوى البطارية المدمجة في الجهاز ..
بس انحنا شفنا السيلوتيب وشفنا الجاك متدلية، وانت ما نكرت لا السيلوتيب ولا الجاك، فما تهيج
بعدين أنا بحتاج لفيديو أحضره شخصياً، نقاشي معاك هنا هندسي عن عجزك إثبات شوية حقائق: 1- التصميم والتطوير 2- الجدوى من هذه اللعب 3- إمكان تجربتها على الحقل
وسبق أن طلبت هذه المعلومات يوم 27 أكتوبر 2015 وعجزت عن تزويدي بها 1- الارتفاع التشغيلي لعملية الزراعة كم من سطح الأرض؟ بالنسبة لجهاز رشق البذور 2- البطارية تيارها الأقصى حسب تصميمكم الفعلي كم؟ مش تيار الحمولة، لا ، أقصى تيار ممكن تمدكم بيهو البطارية كم؟ اقرأ لي الديباجة المبينة عليها. 3- الجهد بتاعها كم؟ 4- نوعها شنو؟ ليثيوم ولا كادميوم ولا ياتو نوع؟ 5- وإذا استخدمتوا بطاريتين واحدة لجهاز الرشق وواحدة للدرون برضو حدد لي البارامترات الفوق دي. 6- الجهاز الانتو سميتوهو (Air Pressure Launcher) ما ياهو البندقية المكسورة الأنا أشرت ليها فوق دي؟
وبالنسبة للذراع، هل بتزرع بذور ولا شتول؟ والجاك المدلدلة دي المعطا شنو لو أنا كذاب؟ علقتها زينة ساكت؟ _______ هنالك أشياء لا يمكن مداراتها بالصور أو السيلوتيب أو الفوتوشوب.
07-27-2016, 05:57 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ياخي إنت زول كذاااااااااب .. أنا (أتحداك) وقدام أعضاء سودانيز أونلاين تجينا في مقرنا وتشوف الجهاز بعينك (بكامل مكوناته) ونركب ليك الجهاز في الدرون وتقلع الدرون قدام عينك .. وقدامك أيضاً نشغل ليك الجهاز ويطلق البذور بدون مصدر كهرباء خارجي سوى البطارية المدمجة في الجهاز ..
لا ابداً، بل محقق يستخدم غوغول بكفاءة عالية، أظن واضحة المشكلة في التزويد بالكهرباء
والمطلوب ليس فقط الإقلاع وإطلاق البذور في الهواء. المطلوب زراعة مساحة بحجم مشروع الجزيرة كما تقترح، وبهذه الطريقة أو زراعة الصحراء وأظنها أكبر من مشروع الجزيرة.
لذلك اسمح لي بهذه الأفكار الأولية
أعلاه طائرة من غير طيار لاستخدامها في المدن: توصيل الكهرباء من حجار بطارية بسلكين للدرون، مع حمل الحجار باليد والتوظيف الأمثل للنصف السفلي للانسان، هنا تمت الموائمة بين سرعة طيران الدرون وسرعة الجري للانسان وهذا فتح تقني جديد وغير مسبوق لحد علمنا، يتقدم الانسان الطائرة لافساح الطريق ولتجنب الأبنية العالية
أعلاه طائرة من غير طيار للزراعة في الصحراء: توصيل التيار الكهربائي من بطارية (مركم) بكيبل للدرون، مع حمل البطارية على عربة مدولبة تجرها الدرون، هذه الطريقة يمكن معها التحقق من إصابة البذور لمواقعها ودفنها أثناء المرور فوقها، الحذاء الرياضي ضروري من أجل أداء أفضل للقائم بالمهمة، الزي الفضفاض يساعد على التهوية المتوازنة، العقال مستخدم هنا لأداء وظيفتين الأولى تثبيت الغترة، والثانية يعمل كهوائي إيريال من نوع (High gain Yagi loop antenna) بكسب عالي للإشارة من السماء _______ just to push things forward
07-27-2016, 06:19 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: لا ابداً، بل محقق يستخدم غوغول بكفاءة عالية، أظن واضحة المشكلة في التزويد بالكهرباء
يا باشمهندس عيب تقعد تتزاوغ كده وأنا جبت ليك عرض سخي .. مش قلت إنو في مشكلة في التزويد بالكهرباء ؟؟ جداً أنا التزمت ليك اشغل ليك الجهاز بدون الدرون وتشيلو في يدك بدون أي توصيل ويشتغل بالبطارية ويطلق البذور تاني في شنو ؟؟ وعشان ما تتحجج بإنك قاعد في أوروبا وما ممكن تجينا في بلدنا الكلها عجاجة دي أنا بقبل إنو ترسل زول يمثلك يا حبذا الزول بتاع الفيس بوك ده القال خجل لينا عشان يطلع مننا وهو داخل في ضفورو .. أو أي زول من ناس المنبر تختارو إنت ويكون متطوع للموضوع ده ..
شروطي كالآتي في حال إطلاق الجهاز للبذور بالبطارية المدمجة وفي في حال إقلاع الدرون بالجهاز كاملاً : - تفتح بوست في سودانيز أونلاين تعتذر فيهو بوضوح عن هرجلة الشفع دي .. - تعترف بإنك جاهل تماماً في المجال ده ، إعترافك بإنو إنجازاتك صفر ما محتاجين ليهو لأنو موجود .. - تقر بإنك زول بتنظر ساي وتعترف بإنو قصة التحليل بالنظر دي نظرية فاشلة زي نظرية صاحبك بتاع (الدفاع بالنظر) ..
يا جماعة الخير الزول ده تاني نسوي ليهو شنو أكتر من كده ؟؟
Quote: المطلوب زراعة مساحة بحجم مشروع الجزيرة كما تقترح، وبهذه الطريقة
والله زول كضاب زيك في حياتي ما لاقاني .. متين نحنا قلنا عايزين نزرع مشروع الجزيرة ؟؟ ومتين أصلاً مشروعنا ده موجه للزراعة المروية والتقليدية .. مكافحة التصحر هو الهدف الرئيسي المعلن وزراعة بذور أشجار بمسافات متباعدة هو الهدف ومافي عيش ولا فول بيخلو المسافة ما بين البذرة والبذرة عشرة أمتار .. يا كافي البلا لا زرعت لا بتفهم في الزراعة ؟! الجزء الذكرنا فيهو مشروع الجزيرة هو إستشعار زراعي عن بعد عن طريق NDVI للزراعة الدقيقة .. الزراعة الدقيقة ده مصطلح في الأصل متعلق برفع الإنتاجية الزراعية بتحليل صور الغطاء النباتي عن طريق الأقمار الصناعية والآن الدرونز.
Quote: أو زراعة الصحراء وأظنها أكبر من مشروع الجزيرة.
ياخي دي بلادة فايتة الحد .. مكافحة التصحر ما بتكون بعد ما التصحر يحصل فعلياً .. مقترحنا كما قدمناه لإعادة تأهيل الغابات في جنوب كردفان (كمثال) وتحديداً في المناطق التي تواجه حالياً زحف الكثبان الرملية .. يعني منطقة فيها أمطار كويسة وفيها أراضي مهددة بالتصحر. أفهم يا بشر عزبتنا بي طربقتك دي.
07-27-2016, 06:03 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: نسيت أقول حاجة مهمة كلمة (تسطير) في العنوان هي المصدر من الاسم "أساطير"
يا باشمهندس ما تضيع لي زمني أنا ما فاضي لي هرجلة الشفع دي .. عندك واحد من إتنين ، يا تجينا إنت يا تختار زول يمثلك ونصور الفيديوهات ونرفعها هنا وبيناتنا الشروط المذكورة .. عشان الناس تعرف منو فينا بتاع الأساطير ..
07-27-2016, 06:40 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: دلوقتي اشتريت طائرة (quadcopter) من السوق وركبت عليها الذراع
ده كلام بتاع زول بينظر ساي .. أمشي إنت السوق واشتري طائرة كوادكوبتر وركب في مقدمتها روبوت زي الموضوح في الصورة دي وخليها تطير .. تعال أثبت للناس البتحاول تغش فيهم ديل إنو القصة دي ساهلة زي شراب الموية ..
ما أسهل التنظير ياخي
07-27-2016, 07:10 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: فى اعتقادى أن الإجابة على ســؤال محمد عبدالله مختار(المشروع) من الضرورة بمكان حتى يســتمر النقاش و يتحدد :هل ينحو منحى علميا أم أنه لا يعدو أن يكون فش غباين ساكت. من ناحيتى أنا ما درسناه فى أبجديات الهندسة أن الكمبيوتر يخزن الداتا فى شكل Binary
عزيزي باشمهندس أسامة صديق .. حياك الله شكراً لإحقاق الحق فلا يمكن أن نناقش مواضيع متعمقة في الهندسة والباشمهندس يرفض الإجابة على سؤال في (أبجديات الهندسة) كما تفضلت أنت بذكر ذلك .. حتى الآن ننتظر إجابة واضحة من صاحب البوست
تقبل عاطر التحايا
07-27-2016, 07:18 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: الأخوان حاتم إبراهيم ومحمد عبد الله مختار ... السلام عليكم ورحمة الله وبركاته ... ياخي نحنا السودانيين ديل الله يهدينا جميعاً لما فيه خير البلاد والعباد ... أسع جنس البتعملوا فيهو دا يسموهو شنو ... إهدار للباندوث في حجوة أم ضبيبينا دي ... طيب الفايدة المرجوة من الجدل السودابيزنطي دا شنو ...
عليك السلام عزيزي نزار عبدالوهاب صدقت يا رجل ولا فائدة مطلقاً من هذا الجدل ولم أقم أنا بفتح البوست ولا بالترصد للمدعو حاتم وردي واجب لئلا يظن أننا عاجزين عن مجاراته .. أعتذر إن كان قد أغضبك ما يجري هنا ولكن أعدك بأنني لن أتداخل في المستقبل في مثل هذه البوستات (الشخصية) ومثل هذه البوستات سيتم تجاهلها تماماً .. ولكن اسمح لي بحسم هذه الفوضى في هذا البوست والبوست الآخر
وتقبل عاطر التحايا
07-27-2016, 07:36 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: عمري ما ارتحت لحاتم ابراهيم أو أي مبخساتي في البورد .. الناس الشنافة الما بتطيق تشوف ليها انجاز ولا زول بشكروا فيه إلا ويحاولوا يستفزوهو ويحطوا من قدر انجازاته
لكن لمن محمد مختار يقول
Quote: كراهيتك للإسلام وللرسول الكريم محمد صلى الله عليه وسلم ماليه البورد وما تفتكر إنو الموضوع ده حا يمش ساي ، أي شئ بي وقتو
Quote: الإساءات للإسلام وللرسول الكريم محمد صلى الله عليه وسلم أمر يهمني شخصياً أكثر من أهلي وعرضي ، وللمرة التانية الموضوع ده ما حا يمشي ساكت
بلقى إنه التبخيس أفضل بسنين ضوئية من التهديد الداعشي بتاع محمد دة
هذا مع احترامي لكل مجهود هندسي أياً كان قصوره
سلام أستاذ أحمد محمد عمر وأشكرك على المداخلة .. فقط للتوضيح أنا ضد أي توجهات تتعلق بداعش أو القاعدة بل لدي بوست في الأرشيف أدين فيه أفعال تنظيم القاعدة من قتل للمدنيين وغيره الإسلام براء من هذه الأفعال لكن لا يعني هذا أن تنتهك مقدساتنا ونداهن من يفعل ذلك ما ذكرته لحاتم بإنو الموضوع ده ما حيمش ساكت وأي شئ بي وقتو لأني فعلاً من فترة متابع إساءاتو المتكررة للإسلام وناوي أفتح بوست للموضوع ده وأخرت البوست ده لئلا يفهم إنو الموضوع تصفية حسابات شخصية. وسبق إني قبل كده رديت لي هشام آدم في مواضيع مشابهة ولم يكن بيننا بوستات تتعلق بالهندسة .. من حق أي شخص إعتناق أي دين فحرية الإختيار أعطاها الله عز وجل للناس لكن أي زول يتحمل نتيجة إختيارو إذا كفر بالله أو إختار غير الإسلام ديناً لكن ما من حق أي زول معتنق لديانة أخرى إنو يسئ لله عز وجل والقرءان الكريم والرسول العظيم أو الإسلام..
تقبل عاطر التحايا
07-27-2016, 07:45 PM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
Quote: شروطي كالآتي في حال إطلاق الجهاز للبذور بالبطارية المدمجة وفي في حال إقلاع الدرون بالجهاز كاملاً : - تفتح بوست في سودانيز أونلاين تعتذر فيهو بوضوح عن هرجلة الشفع دي .. - تعترف بإنك جاهل تماماً في المجال ده ، إعترافك بإنو إنجازاتك صفر ما محتاجين ليهو لأنو موجود .. - تقر بإنك زول بتنظر ساي وتعترف بإنو قصة التحليل بالنظر دي نظرية فاشلة زي نظرية صاحبك بتاع (الدفاع بالنظر) ..
يا جماعة الخير الزول ده تاني نسوي ليهو شنو أكتر من كده ؟؟
ياهندسه محمد مختار النقاش كملتو وكشفت حاتم إبراهيم بغالط من فراغ
يا هندسه ابقي شاطر ورسل ليهو حق التزكره عشان ما يقول عندو ظروف
الكلام كمل باقي نشوف حاتم إبراهيم حيتواصل معاك كيف ياهندسه وما تنسي توصف ليهو كويس
عشان ما يجي يتلبط و يقول لقي تلفونك مقفول او قطع كهرباء او أي اعزار
07-27-2016, 07:56 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: يا باشمهندس عيب تقعد تتزاوغ كده وأنا جبت ليك عرض سخي .. مش قلت إنو في مشكلة في التزويد بالكهرباء ؟؟ جداً أنا التزمت ليك اشغل ليك الجهاز بدون الدرون وتشيلو في يدك بدون أي توصيل ويشتغل بالبطارية ويطلق البذور تاني في شنو ؟؟ +++ والله زول كضاب زيك في حياتي ما لاقاني .. متين نحنا قلنا عايزين نزرع مشروع الجزيرة ؟؟ +++ ومتين أصلاً مشروعنا ده موجه للزراعة المروية والتقليدية .. مكافحة التصحر هو الهدف الرئيسي المعلن وزراعة بذور أشجار بمسافات متباعدة هو الهدف ومافي عيش ولا فول بيخلو المسافة ما بين البذرة والبذرة عشرة أمتار .. يا كافي البلا لا زرعت لا بتفهم في الزراعة ؟! الجزء الذكرنا فيهو مشروع الجزيرة هو إستشعار زراعي عن بعد عن طريق NDVI للزراعة الدقيقة .. الزراعة الدقيقة ده مصطلح في الأصل متعلق برفع الإنتاجية الزراعية بتحليل صور الغطاء النباتي عن طريق الأقمار الصناعية والآن الدرونز. +++ مقترحنا كما قدمناه لإعادة تأهيل الغابات في جنوب كردفان (كمثال) وتحديداً في المناطق التي تواجه حالياً زحف الكثبان الرملية .. يعني منطقة فيها أمطار كويسة وفيها أراضي مهددة بالتصحر.
الهندسة ما عروض فيديو في الغرف خاصة إذا كان تطبيقك موجه للحقل
الهندسة ما إلا بالشوف، كفاية علينا شوفة السيلوتيب والجاك، انت أديني المعلومات الأنا طلبتها وحأعمل حساباتي الهندسية. بعدين ياخي الشافع دا انت إذا بتفترض زراعة (1000) بذرة بدقة باستخدام بطارية محمولة في درون، هو شنو هو؟ سألتك بكل وضوح 1- الارتفاع التشغيلي لعملية الزراعة كم من سطح الأرض؟ بالنسبة لجهاز رشق البذور 2- البطارية تيارها الأقصى حسب تصميمكم الفعلي كم؟ مش تيار الحمولة، لا ، أقصى تيار ممكن تمدكم بيهو البطارية كم؟ اقرأ لي الديباجة المبينة عليها. 3- الجهد بتاعها كم؟ 4- نوعها شنو؟ ليثيوم ولا كادميوم ولا ياتو نوع؟ 5- وإذا استخدمتوا بطاريتين واحدة لجهاز الرشق وواحدة للدرون برضو حدد لي البارامترات الفوق دي. 6- الجهاز الانتو سميتوهو (Air Pressure Launcher) ما ياهو البندقية المكسورة الأنا أشرت ليها فوق دي؟
طبيعي جداً أشوف بذرة طالعة طايرة في الهواء، فهل دا إثبات لإمكانية الزراعة في الأرض قال يعني؟ ما ياها البندقية فوق فرتقناها ليك وحددنا ليك المناسب.
انت لما تعرض لعبة زي دي وتتكلم عن (الزراعة) فنقدي هنا مش موجه لإمكانية تشغيل اللعبة دي وهي في يدي أو البوز بتاعها بيطلع بذرة في الهوا، بندقية ودا شغلها، لا، أنا بناقش في صحة المبدأ وجدوى المشروع ككل، كبر مخك شوية، يعني لو جبنا 50 طائرة زي دي وعايزين نزرع مساحة فدان واحد: 1- المتطلبات شنو؟ هل أي طيارة يمسكها شخص ويشغلها ولا طيارة لكل فدان؟ 2- هل الطيارات الخمسين ديل أفضل من الزرّاعة الآلية؟ 3- هل ممكن فعلاً غرز البذرة بالعمق المطلوب؟ 4- هل يمكن فعلاً زرع (1000) بذرة في الساعة؟ 5- التكلفة الإجمالية لانتاج الطيارات دي مع الصيانة والتشغيل كم؟
الأسئلة الفوق دي الفوق دي فكرت فيها ولا هو لعب طيارات ساكت؟ +++ والله أنا ما كضاب بس دا كلامك انت
Quote: بالنسبة للطائرة لدينا مسبقاً طائرات Tricopter و Quadcopter لكننا قمنا بتطوير Airframe خاص بمشروعنا وهو نوع هجين Hypird ، يستطيع تحويل الطائرة من نمط Fixed Wing أي طائرة ذات اجنحة ثابتة وتصلح لمسح المشاريع الزراعية الكبيرة مثل مشروع الجزيرة الى نمط Tricopter وهي طائرة لها قدرة التحويم والتحليق والمناورة بصورة جيدة.
Quote: الموضوع يتعلق بزراعة عدد 1000 بذرة (أشجار) في الساعة بخارطة مسبقة يتم تحميلها على كمبيوتر الطائرة Flight Plan وذلك بعمل Calibration للأرض وحساب دقيق للـSeed Rate ، هذا من ناحية .. من ناحية اخرى يسير جدا على الطائرة أن تقوم بنثر بذور أنواع من الحشائش المكافحة للتصحر على نطاق واسع .. في مناطق مثل جنوب كردفان يصعب جداً التحرك بالسيارة لإنجاز مثل هذه المهام وهذا هو ما يميز الطائرة .. بالإضافة الى وجود فرصة ثمينة في فصل الخريف لزيادة المساحات الخضراء ..
وجنوب كردفان والجزيرة ديل مافي الصحراء. +++ بمسافات متباعدة قدر شنو؟ مش ذكرت إنو المشروع اسمو (Precision Agriculture)؟ فالدقة تتعلق بالمسافات (المتباعدة) دي، ياريت تحدد لينا ولو ما متعلقة وعايز تنثرها فمافي داعي للدرون، أي طيارة هليكوبتر بتنجز في ساعة واحدة ما تنجزه الدرون في ألف ساعة، هي الهندسة شنو يا أخينا، show؟
وبعدين حتحلل أي غطاء نباتي في الصحراء؟ انت يادوب عايز تزرع. +++ أها والغابات دي تبع شركة تجارية ولا ملك لحكومة السودان؟ مشيت ورجعت لكلامي، انت عايز باللعبة دي ندفع ليك عشان تحارب لينا التصحر؟ _______ أعقل ياخ، من وين نجيب ليك 1000 شجرة في كل فدان وكونتينر سيلوتيب عشان "تكافح التصحر"؟
07-27-2016, 08:22 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: الهندسة ما عروض فيديو في الغرف خاصة إذا كان تطبيقك موجه للحقل
هسي ده ردك على العرض الجميل القدمتو ليك ؟؟ عيب عليك انت زول كبير كده تقعد تلف وتدور ، أنا الليلة عايز أحسم الفوضى دي أديتك عرضين يا تجي بي نفسك (ولو داير قسماً بالله أقطع ليك التذاكر من عندي) ويا ترسل زول بيمثلك .. إنت قلت الجهاز ده ما بيشتغل إلا بالكهرباء العامة وأنا قلت ليك بيشتغل بي بطارية .. إنت قلت الجهاز ده وزنو ما محسوب وتقيل والدرون ما بتطير بيهو إلا بعد تفريغو من بعض أجزاءو وأنا قلت ليك تجي تراجع الجهاز بنفسك أو من ينوب عنك ونركبو في الدرون ونطير ليك الدرون قدامك .. تاني في شنو يا حاتم ؟؟ ما تضيع لي زمني في كلام فارغ نحنا عايزين نحسم البوست ده ونشوف الكضاب فينا منو
Quote: بعدين ياخي الشافع دا انت إذا بتفترض زراعة (1000) بذرة بدقة باستخدام بطارية محمولة في درون، هو شنو هو؟
أبداً والله الشافع إنت لأنك ما قادر تستوعب القصة دي .. ممكن أزرع ألف بذرة عادي جداً وأنا عندي درون Fixed Wing بتطير (ساعتين ونص بالبطارية) .. ما تغالط في حاجة إنت ما بتعرفها وبي إعترافك ما شفتها بي عينك حا أنزل ليك صورة لي واحدة من الدرونز حقتنا .. ممكن تطير ساعتين ونص بالبطارية ، تعال غالط في القصة دي كمان
Quote: والله أنا ما كضاب بس دا كلامك انت
كضاب وستين كضاب .. كلامي بالحرف الواحد (طائرة ذات اجنحة ثابتة وتصلح لمسح المشاريع الزراعية الكبيرة مثل مشروع الجزيرة) .. المسح هنا بتصوير الطيف القريب من الأشعة تحت الحمراء Near Infrared لإستخدام الصور وتحليلها بالـNDVI والكلام ده بيعرفو أي زول بتاع إستشعار عن بعد.. وين الكلام عن زراعة مشروع الجزيرة يا كذاب ؟؟
Quote: بمسافات متباعدة قدر شنو؟ مش ذكرت إنو المشروع اسمو (Precision Agriculture)؟
ده برضو بيوضح جهلك الفاضح في الـRemote Sensing .. المصطلح ده ما عندو علاقة مباشرة بزراعة البذور عن طريق الطائرات بدون طيار وهو مخصص للإستشعار الزراعي عن بعد لزيادة الإنتاجية بالتعرف على صحة النبات بعد تحليل صور الغطاء النباتي بالـNDVI
Quote: وبعدين حتحلل أي غطاء نباتي في الصحراء؟ انت يادوب عايز تزرع.
اللهم طولك يا روح .. مشروع الجزيرة ده ما غطاء نباتي ؟؟ عشان تفهم نحنا مشروعنا بيشمل كم موضوع من ضمنها الإستشعار الزراعي عن بعد .. الصحراء ما عندها علاقة بالموضوع ده
Quote: أها والغابات دي تبع شركة تجارية ولا ملك لحكومة السودان؟ مشيت ورجعت لكلامي، انت عايز باللعبة دي ندفع ليك عشان تحارب لينا التصحر؟
يا زول إنت قايل نفسك بتهددني كلو مرة بي قصة إنو الصحراء ملك للحكومة؟! ثم إني ما مقتنع زاتو بالحكومة دي خليك من إنو الصحراء تبقى حقتها .. بعدين أنا ذكرت ليك مسبقاً إنك أجبن من إنك تساهم في مشروع عام غير إننا كتبنا بوضوح قبل كده إننا ما بنستلم أي مبالغ مالية فيما يتعلق بالبحوث والتطوير ..
07-27-2016, 08:01 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أمشي إنت السوق واشتري طائرة كوادكوبتر وركب في مقدمتها روبوت زي الموضوح في الصورة دي وخليها تطير .. تعال أثبت للناس البتحاول تغش فيهم ديل إنو القصة دي ساهلة زي شراب الموية ..
هي فعلاً ساهلة زي شراب الموية
ياهم ديل البنات سونها، ولا دي ما "كوادكوبتر"؟
_______ Assumption is the mother of all fuckups
07-27-2016, 08:05 PM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
Quote: ياخي إنت زول كذاااااااااب .. أنا (أتحداك) وقدام أعضاء سودانيز أونلاين تجينا في مقرنا وتشوف الجهاز بعينك (بكامل مكوناته) ونركب ليك الجهاز في الدرون وتقلع الدرون قدام عينك .. وقدامك أيضاً نشغل ليك الجهاز ويطلق البذور بدون مصدر كهرباء خارجي سوى البطارية المدمجة في الجهاز .. شرطي إنو فيديو التجربتين ديل يترفع (هنا) في سودانيز أونلاين ولو أنا كضاب بفتح بوست و بعتذر ولو إنت كضاب تجي تفتح بوست هنا تعتذر قدام الناس .. يا جماعة الزول ده قصرنا معاهو تاني ؟؟
ياهندسه كملت ليهو غلاطو
07-27-2016, 08:19 PM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
Quote: الزراعة الدقيقة ده مصطلح في الأصل متعلق برفع الإنتاجية الزراعية بتحليل صور الغطاء النباتي عن طريق الأقمار الصناعية والآن الدرونز.
أظن تعريفك الأول كان مختلف شوية
فانت ذكرت إنو بمشروعك دا عايز تزرع بمسافات (10 متر) بين البذرة و(الأخرى)
Quote: 09-05-2015, 02:53 PM الطيار العادي ده قصة انو يرى بعينيه دي نستفيد منها شنو؟ بعدين تعال قول لي طيارك ده حيزرع لي كيف 1000 بذرة بدقة في ساعة واحدة والمسافة بين البذرة والأخرى 10 أمتار !! ثم ثانيا طيارتك دي نوعها شنو وسرعتها كم ؟؟ نحنا بننفذ المهمة بسرعة تبلغ 26 كيلومتر في الساعة وطورنا حمولة خاصة للموضوع ده .. يعني بإختصار لو انت فاهم انو الموضوع هو الطائرة تكون غلطان لأنو القصة كلها في الجهاز البيقوم بعمليات التصوير والتحليل والزراعة الآلية بالتنسيق مع الطيار الآلي.
طبعاً لسة ما سألناك عن (الطيار الآلي)
لكن مبدئياً كدة، كيف حتصل للدقة دي باستخدام (GPS) وهو دقته فيها خطأ مفتعل حوالي تلاتة أمتار؟ الهندسة أرقام وحقائق يا أخينا، ما فيديوهات وصور ملفقة. _______ لما تتهم شخص بأنه (كذااااااااب) تأكد أنك لا تشير لنفسك.
07-27-2016, 08:38 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: هي فعلاً ساهلة زي شراب الموية ياهم ديل البنات سونها، ولا دي ما "كوادكوبتر"؟
يا زول إنت بتفهم كيف ؟؟ وينو الروبوت الزي حقنا في مشروع البنات ديل وهل المشروع هو الكوادكوبتر؟؟ ثم اني وجهت الكلام ليك إنت وليس للبنات .. عيب كبير عليك إنت (راجل) تمشي تتضارا في (البنات) ديل .. تعال ورينا إنت يا بتاع (ساهل زي شراب الموية) إنك قادر تخلي درون تطير بي روبوت وهو مركب (قدام) وليس في الأسفل .. يلا يا باشمهندس يا بتاع اوروبا تعال اعمل لينا الحاجة دي ما دام ساهلة زي شراب الموية.
07-27-2016, 08:58 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: الجهاز موصول بالكهرباء بواسطة مخفض حتى يعمل على إطلاق كرات بلاستيكية
وإستشهد بالصورة التالية :
تأكيداً للجهل المدقع لحاتم إبراهيم وعدم معرفته بتفاصيل المشروع بتاعنا .. وتأكيداً لفشل نظرية التحليل بالنظر .. الجزء البيعتبرو حاتم موصل بالكهرباء (حتى يعمل على إطلاق كرات بلاستيكية) وبيفتكرو جهاز الإطلاق وده خطأ فادح وفاضح الجزء الاعلى الجهاز ده Embedded System وهو جهاز كمبيوتر صغير يقوم بتنفيذ المهام الموكلة به خاصة ما يتعلق بجعل الطائرة والجهاز مستقلين تماماً في تنفيذ المهام المبرمجة مسبقاً fully anonymous بالتزامن مع الدائرة الإلكترونية الخاصة بالطيار الآلي Autopilot وتأكيداً على الكلام ده حا أورد صور من زوايا أخرى تظهر فيها منافذ الكمبيوتر بوضوح كالـUSB غني عن القول أن اللابتوبات الكبيرة تعمل على بطاريات يتم شحنها .. الحال أيضاً هنا في هذا الكمبيوتر
07-27-2016, 09:11 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: ياهندسه محمد مختار واضح حاتم إبراهيم زاق او زي ما بقولو كبرها ممكن يظهر ليك بعد كم يوم
خليهو شويه امكن مشي يزاكر في قوقل او احتمال مشغول في كتابه نوته موسيقيه او عندو تخريج طلاب من بوستو بتاع الموسيقي
اعزروة اتزنق .
نعم يا الشبلي والآن كبر اللفة من الحاجة الممكن تختصر البوست الطويل ده وتكشف منو فينا الكضاب .. أنا صبرت ليهو كتير لكن الليلة قررت أحسم الفوضى دي العرض قائم وقابل للنقاش وتغيير الشروط بس الباشمهندس يقول مبدئياً إنو موافق يجي أو يرسل زول ينوب عنو ويقول إنو موافق بالشروط الكتبتها ليهو وأنا بفتح بوست منفصل للتحدي ده. اذا رفض العرض ده فالبوست ده يكون ارتدا ليهو في نحرو .. ربما يكون الان عايز يشوف ليهو مخارجة (بالإستعانة بالشيخ قوقل) من البوست (الباير) بتاع الموسيقى بعد أن أخد الفيها النصيب والله في حياتي ما شفت زول يفتح بوست تعليمي وتتمرمط كرامتو في الواطة زي البوست الباير اياهو ما عندي علاقة بالموسيقى لكن متابعين المرمطة الحاصلة بهناك ..
07-28-2016, 05:35 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: إنت قلت الجهاز ده ما بيشتغل إلا بالكهرباء العامة وأنا قلت ليك بيشتغل بي بطارية .. +++ ما تضيع لي زمني في كلام فارغ نحنا عايزين نحسم البوست ده ونشوف الكضاب فينا منو +++ ممكن أزرع ألف بذرة عادي جداً وأنا عندي درون Fixed Wing بتطير (ساعتين ونص بالبطارية) +++ حا أنزل ليك صورة لي واحدة من الدرونز حقتنا .. ممكن تطير ساعتين ونص بالبطارية +++ وين الكلام عن زراعة مشروع الجزيرة يا كذاب ؟؟ +++ ده برضو بيوضح جهلك الفاضح في الـRemote Sensing .. المصطلح ده ما عندو علاقة مباشرة بزراعة البذور عن طريق الطائرات بدون طيار وهو مخصص للإستشعار الزراعي عن بعد لزيادة الإنتاجية بالتعرف على صحة النبات بعد تحليل صور الغطاء النباتي بالـNDVI +++ بعدين أنا ذكرت ليك مسبقاً إنك أجبن من إنك تساهم في مشروع عام غير إننا كتبنا بوضوح قبل كده إننا ما بنستلم أي مبالغ مالية فيما يتعلق بالبحوث والتطوير ..
يازول ما تهيج، الهندسة كمان فيها غلاط؟
بيانات البطارية لو سمحت، بدون كوراك. +++ والله اتحسم فوق ياخ، اسئلة أولية عجزت عن تقديم إجابات مقنعة ليها، داخل معاك للتفاصيل الهندسية هسع، بناء على النظرية وليس التجارب على فروع الأشجار، هذا هو الكذب. +++ تذرع ألف بذرة بمسافات 10 أمتار بين كل واحدة و(الأخرى) حسب ادعائك؟ تزرعها تشتيت ولا غرز في التربة؟ +++ ممكن تنزل صورة لدرون تطير أربعة ساعات، كبر مخك، نحن عايزين نشوف الدرون بيزرع حسب المواصفات النجرتها لينا وقافي دي. +++ ياهو الكلام، انت قلت جهازك وظيفته (الزراعة الآلية) لكن ممكن يعمل استشعار، يعني الوظيفة الأساسية الزراعة.
Quote: 09-05-2015, 07:30 AM قمنا بإبتكار حمولة زراعية ذكية أطلقنا عليها اسم : SAP Smart Agricultural Payload وهي نوعين من الحمولات الذكية .. النوع الأول جهاز يقوم بالزراعة الآلية من السماء Automated Cultivation ، في نفس الوقت يمكن استخدامه للإستشعار عن بعد حيث يقوم برصد الطيف القريب من الأشعة تحت الحمراء ومن ثم نقوم بتطبيق تقنيات Normalized Difference Vegetation Index NDVI للتحليل وإستخراج النتائج .. الحمولة الذكية الاخرى عبارة عن روبوت زراعي يقوم بأخذ عينات من التربة أو من النباتات لإرسالها الى المعامل لتحليلها وله القدرة على مكافحة الآفات في نطاق محدود
إذن انت الكذاب. +++ كيفن ما عندو؟ بعد ما زرعت البذور ما بتابع إنباتها؟ كتفلي؟ +++ بالعكس، قررت أساعدك ودا كان ردك
Quote: تعال هنا يا سيد .. منو الطلب منك ولا حتى من غيرك تتبرع لينا بقروشك ولا وقتك؟ منو الدفع لينا أموال قبل كده في مشاريعنا الشغالين فيها دي؟ نحنا شغالين مشاريع خيرية بعرق جبينا لا انت ولا غيرك منتظرين منو حاجة وانت بالذات آخر زول ممكن الواحد يستعين بيهو. احترم نفسك
بل حتى في مجال المسابقة قدمت ليك نصيحة غالية وما اشتغلت بيها، جيت راجع بفضيحة السيلوتيب وقلت كل درون يطلع شدرتو.
يعني المشروع هسع بقى عام؟ أول مش قلت الدرون إيجاره بالساعة؟ _______ على قدر أهل العزم تأتي العزائم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حاتم إبراهيم
محمد عبدالله مختار
abubakr salih
osama elkhawad
MAHJOOP ALI
سعد الشبلي
Osama Siddig
نزار عبد الوهاب
محمد هاشم ابوزيد
فيس بوك
تويتر
انستقرام
يوتيوب
بنتيريست