|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: فرح الطاهر ابو روضة)
|
رأيك شنو يا باشمهندس في رد يتكون من ( لا ونعم ) في نفس الوقت.. لانه لا يوجد ما يمنع أنه يكون حقيقي طالما الرتب والاسماء والمناصب حقيقية .أي لنفس القادة الموجودين في نفس المناصب .. ونحن في زمن تفشي التنكلوجيا ورخصتها ووجودها في متناول كل الناس . زمان كانت أجهزة التجسس هذه تصنع وتباع لاجهزة الاستخبارات فقط وأجهزة خاصة يتلقوا عليها تدريبات معين مثل شاهدنا في أفلام صالح مرسي ورأفت الهجان وغيرها . لكن الآن هي عبارة عن برامج تحمل في الجوالات العادية ..مثلا تصوير المستندات (الاسكان) له برنامج يحمل في جوالات ايفون وسامسونق ويحول كاميرات الجوال الى اسكانر . وفي ذات الوقت ولنفس السبب لايمنع ما يجعله مزور . لآنه أيضا أجهزة التزوير تطورت وأصبحت رخيصة وفي متناول جميع الناس . بقى شئ واحد ما يكذب وما يصدقه هو الزمن ورد الفعل والنتائج .. مثلا أذا تطابق ما ورد فيه مع أرض الواقع وشابه الأحداث بمرور الوقت . ثانيا أذا حدثت تصفيات في هذه الاجهزة مثل الآقالات وغيرها . ستكون كشبهات التورط في التسريب نفسه .
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: أحمد قلوب)
|
الاخ الفاضل محمد البشري الخضر لك التحية و الاحترام
كل المؤشرات تدل ان هذا التسريب حقيقي ... بدليل ان بروفيسور اريك ريفز استلم الوثيقة يوم 15 فبراير ( الخامس عشر من فبراير) بالعربي و ترجمها له احد من يثق فيهم و راجعها اخرون للتأكد من تطابق الترجمة .. و بعدها وزعها بالآيميل و ثم نشرها في مواقعه الثلاثة ... و ثم أرسل له فايروس صاموتي .. نوع ارض جو ليشل كل مواقعه الثلاثة و الفيسبوك و خلاهو كاضم كم يوم حتي استعاد له فنيين و بتكلفة عالية مواقعه و الفيسبوك. .. و بحسب معلوماته يقول ان الخبراء أفادوا ان مصدر الفيروس ايران .. حليف النظام في الخرطوم بالطبع كل الذي يكتبه اريك ريفز يقرأه أناس كثر في أمريكا و في مواقع حساسة و مهتمون بالشأن السوداني .. هنا الايميل الذي ارسله لقائمته :
I have been silenced---
Eric Reeves, 21 February 2015
By means of concerted cyber-attacks, the Khartoum regime has rendered my three Sudan-related websites unusable: going to the sites immediately generates innumerable and highly aggressive "pop-up" ads. Nothing can be accessed at:
http://http://www.sudanreeves.orgwww.sudanreeves.orghttp://http://www.sudanreeves.orgwww.sudanreeves.org
http://http://www.SudanBombing.orgwww.SudanBombing.orghttp://http://www.SudanBombing.orgwww.SudanBombing.org
http://http://www.CompromisingWithEvil.orgwww.CompromisingWithEvil.orghttp://http://www.CompromisingWithEvil.orgwww.CompromisingWithEvil.org
My Facebook page, which I use only to post links to my websites, has also been attacked: my "Friends" list was commandeered to send to a great many people a pornographic video, nominally involving me. It has distressed and confused a great many people, in part because the file contains an especially nasty virus. I have spent a good deal of this evening trying to respond to queries and bewilderment.
Let's be clear about the timing here: the day following my publication of an especially critical analysis (which appeared in Sudan Tribune), drawing on the recently leaked minutes of an important meeting of senior security/military officials—including President al-Bashir—and the day before a State Department official begins talking with the regime (we are told) about human rights, democracy, and freedom of expression, an American citizen expressing views fully protected by our Constitution is silenced on the Internet by criminal means.
So far as I can see, I have no recourse other than the expensive services of computer technicians. A previous attack on my main website, a number of years ago, was traced by such technicians to Iran, Sudan's "strategic partner," Khartoum never tires of declaring. The attack was very sophisticated and obliged me to spend a good deal more per months to obtain a secure Internet platform.
If speech of any sort in this country can be silenced by money and technical sophistication from abroad, then we are all in trouble.
--
Eric Reeves l.org
(عدل بواسطة Mohamed Suleiman on 02-22-2015, 11:25 AM)
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: أحمد قلوب)
|
بعد استبعاد مشاركة ود الباوقة (باعتبارو كوز ) نحسب الحصيلة حتى الآن - أبو روضة --- غير محدد - درديري -- لا و نعم بالتالي الرجاء تعيدوا المشاركة وتبينوا موقفكم من تصديق أو تكذيب المحضر المشار إليه عشان نقدر نحسب
- عبدالله محمد أحمد - يمكن تصديقه - المسلمي - يمكن تصديقه - احمد قلوب - يمكن تصديقه
لنعتبر الإجابة نعم
بالتالي حتى الآن النتيجة كالتالي - 3 نعم - 2 إعادة تصويت - 1 صوت تالف ()
__________________
نواصل التعليق على المشاركات بعد شوية
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: أحمد قلوب)
|
المعلومات العسكرية والأمنية عن دور النظام في ليبيا واليمن وساحل البحر الأحمر والبراميل المتفجرة وامكانية تطويرها لتكون اكثر فتكا اعتقد لا تحتاج لوثائق تثبتها، فهي واقع وأي مواطن بسيط عارف المعلومات دي...
بالعموم بعيدا عن الفبركة او غيره ،،، المعلومات صحيحة للاسف ... أما طريقة اخراجها للعلن يبقى شيء تاني.
ولكن من الواضح ان التجارة وصلت لي ابعد ما يمكن والمتاجرة حتى بالمعلومات الاستخباراتية والامنية للبلد.
اعتقد ان التسريب له علاقة بتحركات الرئيس وزيارة الخليج.
حليلك يا سودان.
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: محمد البشرى الخضر)
|
يسأل أبو روضةQuote: العايز اقولوا انت بتتفق معاي في انو هناك ثغرة امنية وفي معلومات بتتسرب بكثافة من داخل اجهزة الدولة ؟؟؟ |
لا أتفق معك
تحياتي درديري , نعم لا يوجد ما يمنع تسريب محضر إجتماع بشتى السبل و الوسائل, لكن السؤال هنا هل هذا محضر إجتماع؟ يعني معقول دي صياغة محضر إجتماع على المستوى دا ؟ والفكرة شنو تكرار معلومات وتفاصيل معروفة لهم بالطريقة التفصيلية دي التي لو صدقت وعرضت كدليل في محكمة لضمن قائليها الإدانة في لحظات هل تتصور أن يرد في محضر إجتماع رسمي مثل هذا المقتبس - من التعليق المصاحب Quote: يقول الفريق عدوي ان خطاب الوثبة كان الهدف منه " غش المجتمع الدولي والاقليمي وإستخدام الصادق المهدي" !! |
تحياتي عبدالله هذا التطابق المدهش هو ما أثار شكي في هذا المحضر وفي وثائف رييفز من قبل كأن من كتبها وضع صحيفة إتهام الإنقاذ و جرائمها وبدأ "يرص" ويكتب اعترافات بها على لسان المجتمعين.
هلا ود المسلمي ما هو عشان كدا يبقى الرك على إعمال العقل و التفكّر لتمييز الغث من السمين, لأن كما التسريبات الحقيقية موجودة كذلك الفبركات موجودة التي من كثرتها وسذاجتها تحس أن النظام له يد فيها حتى يسخر ويشكّك في التسريبات الحقيقية دونك اوموضوع زواج أخ البشير وكمية المواسير الكانت بتخرج يومي و الناس تشيل وتمسك فيها
وعليكم السلام باشمهندس محمد سليمان صراحة وثائق ريفز هي السبب الخلاني أتشكّك في المحضر الحالي أكيد قرأت اللغط الدار حولها والمقالات المكذّبة ليها و الحجج النطقية الساقوها أصحابها قد يكون تسريبها جزء من الحرب الإعلامية الإلكترونية بين النظام ومعارضيه
Quote: اعتقد ان التسريب له علاقة بتحركات الرئيس وزيارة الخليج. |
بالضبط كدا إجتماع بتاريخ أول يوليو, تسرب وثائقه الآن ويأتي هذا التعليق مصاحب للتسريب Quote: ذه الوثيقة ستفتح أبوابا لن تنضب من الاسئلة عن أوضاع السودان من جانب الكثيرين وبالذات المهتمين بالشأن الليبي ، والشأن اليمني . أما أصحاب القرار في بلدان الخليج ، الذين يداوم في عواصمهم مصطفي أسماعيل ، فسيجدون فيها غرائب وتأكيدات قوية أن رئيس السودان ،الذي كان سنيا ويدين بالذهب المالكي ، أصبحت كنيته الحركية هي (الرئيس عمر البشير الحوثي) من واقع أنه أول من أدخل الشيعة الايرانيين في المعتقد المذهبي لأهل السودان السنة ، والسياسة . |
كأن المسالة فيها رسالة ما تناسب حدثا أو توقيتا معينا !!
يا يوسف هههههه رمادي دي كانت demotion وكدا, يا دوب رجعنا قواعدنا سالمين
______________________________
بإضافة صوت عثمان تبقى آخر إحصائية:
- 7 نعم - 3 إعادة تصويت - 1 صوت تالف
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: محمد البشرى الخضر)
|
ود البشرى سلام انا ممتنعه عن التصويت ..... السبب : ان لا شى يحتاج او يستدعى التسريب فما يفعله هذا الجهاز ورئيسه براااا فى السهله تسريب ايه اللى جاي تقول عليه ..
ــــــــــــــــــــــــــــــ وبعدين دا منو الغبى البقص ضهروا فى نجر ذى دا وترررا رررا رر عشان نتيجتو شنو ؟ انت ما سمعت يا ود البشرى بالزول العندو صداع نصفى ومشى للشيخ ؟ الشيخ قال لى تقول سبحان الله 99 مره وتقول يامنجنى نجنى من ترارراتررا تررا 99 مره وتقول .... فضل يقول 99 مرة الراجل شال شباشبو وقام قالى والله ياشيخنا علاجك دا اخير لى منو الصداع النصفى ... لووووب .
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: MOHAMMED ELSHEIKH)
|
لا مع إنها مخالفة للواقع منجور والإجتماع نفسو ممكن يكون منجور
التسريبات دي ذاتها بقت فن والأمريكي دا ذاتو ممكن يكون لاعب مع الإنقاذ ويظهر خلاف ذلك لتظل الإنقاذ دائما تحت الضوء ولتكون دولة ليها أثر ولا يمكن تخطيها في بعض التكتيكات (ليبيا مثلا) ولو ملاحظ دائما بتكون في وثيقة قوية ضد الإنقاذ وفي نفس الوثيقة تلقى ثغرة كبيرة جدا تمكن الإنقاذ من النفي ودحض ما يُذكر في مقدمة الوثيقة يا محمد حسب اعتقادي ما يظهر في الإعلام هو مجرد تحليلات وقياسات لمواقف تحتمل الخطأ والصواب لكن الحاصل فعليا وخاصة بعد الربيع العربي كتير منو بحدث تحت الطاولة
خد مثلا ممكن عادي يكون صلاح قوش أو الفاتح عروة قاعدين في أمريكا في زيارة سرية شهر بعملوا في ترتيبات سرية زول عارف عنها شيء مافي وبعد ما ينتهي كل شيء يقوم على كرتي أو د. نافع مثلا يمشي في زيارة علنية يؤمن على ما تم ويجي يقول والله اتفقنا مع الأمريكان على شيء واختلفنا في بعض الأشياء وأصلا يكون كل شيء نجض.
ياخ والله الاتهامات والخروقات الإتقدمت من جانب أمريكا ضد الإنقاذ دي خلال مسيرتها موش كفيلة بتحرك قوات تحالف يمين دي تحرك طير أبابيل
لكن أهو كلو لعب سياسة وحنا الضائعين
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: حمد عبد الغفار عمر)
|
خالد العبيد نعم
ود الشيخ !! خجيت صوتك كيفظ ما حسبتو ليك نعم, خلاص ح اختو ليك مع ناس الإعادة لحدي ما تجي تورينا خيارك شنو
حمد - لا , صدّق يا حمد قبيل قريت كلامك من التلفون أول تعبير جا في ذهني قلت حمد دا جنّ ولاّ شنو
حتى الآن النتيجة كالتالي:
13 نعم 3 اعادة تصويت 2 صوت تالف 2 لا *
ـــــــــــــــــــــــــــــــــــــــــــــــــــــ
* لا التانية تانية دي تبع (الكوز) الجديد حمد عبد الغفّار - لعناية من يهمهم الأمر خخخخخخخخخخ
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: صلاح جادات)
|
صلاح جادات
متأكد إنك حتجي تقول كلامك دا يا في بوستك يا بوست محمد البشرى
لكن الفهم قسم
مخالفة للواقع مقصودة بيها (لا) القلتها أنا ولا دي أنا قلتها لأنو أنا رأي في أمريكا والساسة الأمريكان من الثمانينات وقبلها ما تغير زي ما هو والتسريب دا ممكن يعملوه ناس الإنقاذ كتسريب بالاتفاق مع الأمريكان لكن يكون مقصود وبأهدافه المتفق عليها الكيزان خايفين من شنو اسلاميتهم ما ناكرينها أمريكا ونبذوها لحدي ماشبعوا علاقتهم بالتنظيمات الجهادية ما ناكرنها طيب شنو تسريب وما تسريب دا جزء من خطة ماشة فيها الانقاذ للفت النظر إليها وعشان تكون ضمن محاور الاستقطاب العالمية يا صلاح السياسة دي نحن مارسناها من زمن كانت في سياسة موش شياسة تنطع وهسة والله زهجنا وبقت ما من اهتمامنا ومرات بنسلي في أنفسنا لما تحرقنا حاجة الواحد بنفعل وبقولا.
أنا يساري الهوى والهوية وطبعا دا بزعلك لأنك يميني وأعتقد كنت كوز وتبت أو لا زلت مواليا للشيخ ما عارف
مداخلتي دي فقط رد لمداخلتك لأنو رأي القلتو دا ما ليهو علاقة ببوستك وإنما يعني التسريب ولو كنت عايز أقولو ليك كان قلتو هناك فما تبقى رقيب على أراء الناس وأنا ما بحب المساككات
كل منك يا محمد البشرى طوالي من القون للقون وتبقيني كوز ما كان تمرحلني شوية رمادي مثلا لحدي ما أوافقك في رأي رائين ثلاثة تانيات بعد داك تقول لي كوز
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: محمد البشرى الخضر)
|
حمد عبد الغفار فعلا الفهم قسم ها ها ها - امريكا وما امريكا - ونحن مارسنا السياسة زمن كانت سياسة - وانا يساري الهوي والهوية - ومحمد البشري عاوز يبقيك كوز ................................................... - فعلا الحرامي في راسو ريشة - الكلام ده علاقتو شنو بي موضوعنا ؟ - اكتر انصاري في المنبر وخارجه يسارين وبعد ده بكره اليسار يا اخ اختشي - وليس جديد ان تقول علي كوز او شعبي قالوها كتار قبلك خاصة عندما نعصرهم ودي فرمالة الغواصات انا بسميها مداخلتك دي كشفت الكثير ليس لي لاني اعرف تماما من انت ولكن لغيري .......................................................................... ود البشري عجل بغيره الصبح اوشك ان يظهر
Quote: صلاح جادات
متأكد إنك حتجي تقول كلامك دا يا في بوستك يا بوست محمد البشرى
لكن الفهم قسم
مخالفة للواقع مقصودة بيها (لا) القلتها أنا ولا دي أنا قلتها لأنو أنا رأي في أمريكا والساسة الأمريكان من الثمانينات وقبلها ما تغير زي ما هو والتسريب دا ممكن يعملوه ناس الإنقاذ كتسريب بالاتفاق مع الأمريكان لكن يكون مقصود وبأهدافه المتفق عليها الكيزان خايفين من شنو اسلاميتهم ما ناكرينها أمريكا ونبذوها لحدي ماشبعوا علاقتهم بالتنظيمات الجهادية ما ناكرنها طيب شنو تسريب وما تسريب دا جزء من خطة ماشة فيها الانقاذ للفت النظر إليها وعشان تكون ضمن محاور الاستقطاب العالمية يا صلاح السياسة دي نحن مارسناها من زمن كانت في سياسة موش شياسة تنطع وهسة والله زهجنا وبقت ما من اهتمامنا ومرات بنسلي في أنفسنا لما تحرقنا حاجة الواحد بنفعل وبقولا.
أنا يساري الهوى والهوية وطبعا دا بزعلك لأنك يميني وأعتقد كنت كوز وتبت أو لا زلت مواليا للشيخ ما عارف
مداخلتي دي فقط رد لمداخلتك لأنو رأي القلتو دا ما ليهو علاقة ببوستك وإنما يعني التسريب ولو كنت عايز أقولو ليك كان قلتو هناك فما تبقى رقيب على أراء الناس وأنا ما بحب المساككات
كل منك يا محمد البشرى طوالي من القون للقون وتبقيني كوز ما كان تمرحلني شوية رمادي مثلا لحدي ما أوافقك في رأي رائين ثلاثة تانيات بعد داك تقول لي كوز |
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: صلاح جادات)
|
صلاح جادات
انت يا أخوي اللاءات الثلاثة دي خلتك تطفي بلكات وتقعد تقطع يعني البوست دا لو بقن فيهو 10 "لا" كانت جاتك أزمة نفسية
التقرير دا كاتبو إنت ولا سربتو انت ؟
Quote: لكلام ده علاقتو شنو بي موضوعنا ؟ - اكتر انصاري في المنبر وخارجه يسارين وبعد ده بكره اليسار يا اخ اختشي - وليس جديد ان تقول علي كوز او شعبي قالوها كتار قبلك خاصة عندما نعصرهم ودي فرمالة الغواصات انا بسميها مداخلتك دي كشفت الكثير ليس لي لاني اعرف تماما من انت ولكن لغيري |
أولا طبعا انتو أمريكا دي بقت نسيبتكم يا كيزان عشان كدا ما بترضوا فيها كلام بعد دا ، حي أنا ثانيا اليساري البكره اليساريين دا الجابرو يبقى يساري شنو يمشي يشوف محل الناس البحبهم ثالثا بتعرفني من وين ولاقيتك وناس المنبر ديل بعرفوني أكتر منك لأني مسجل هنا قبلك
رابعا لما أقول مارست سياسة في وقت كويس عايز أفهمك يا صلاح ليه أنا قلت لا لأنو الوقت الاتعلمنا فيهو السياسة يا صلاح اتاح لينا الفرصة إننا نعرف التنظيمات عن كثب نعرف تركيبتها وطرق تفكيرها واستراتيجياتها ونقرأ تاريخ تكوينها ومسارها وعلاقاتها داخليا وخارجيا عشان كدا الواحد بسهولة بيقدر يتنبأ بما يحدث وبقدر يفسر ليه الحدث المعين حدث لأنو إمكانية الربط بين الأشياء متوفرة بحسب الفهم .
| |
|
|
|
|
|
|
Re: إستطلاع رأي: هل تصدّق هذا التسريب الخاص بإجتماع جهاز الأمن مع الرئيس... (Re: حمد عبد الغفار عمر)
|
حمد لبد ها ها ها - يا اخ معظم المنبر بقول لي لا في كل بوستاتي وانا ماشي كالسيف في الحشا - تقوم ثلاثة لاءات في بوست الاغلبية فيه كاسحة لنعم تخليني اطفي بلكات واقطع يا للسذاجة - مش غريب انك مصر تثبت يساريتك وتنفي الكوزنة عنك من غير اي سبب - يعني لازم كل اعضاء المنبر يكونوا بتعارفوا واتقابلوا قبل كده عشان يتناقشوا .. ها ها ها - حال الغواصات دائما الكلام عن ماضيهم وتشكير انفسهم - ويعني شنو انك اقدم مني في المنبر ( ذكرتني تمبس كلما نعصروا يجري لفرمالة : نحن في المنبر ده من زمن الكتابة بالانجليزي والنت بطيء ) - اها يا المتنبيء العريفي ورينا في الشهر الجاي شنو بيحصل في السياسة السودانية ها ها ها - هسع ده تعبير زول بفهم في السياسة ( منبر ولا منطقة صناعية )
Quote: صلاح جادات
انت يا أخوي اللاءات الثلاثة دي خلتك تطفي بلكات وتقعد تقطع يعني البوست دا لو بقن فيهو 10 "لا" كانت جاتك أزمة نفسية
التقرير دا كاتبو إنت ولا سربتو انت ؟
Quote: لكلام ده علاقتو شنو بي موضوعنا ؟ - اكتر انصاري في المنبر وخارجه يسارين وبعد ده بكره اليسار يا اخ اختشي - وليس جديد ان تقول علي كوز او شعبي قالوها كتار قبلك خاصة عندما نعصرهم ودي فرمالة الغواصات انا بسميها مداخلتك دي كشفت الكثير ليس لي لاني اعرف تماما من انت ولكن لغيري
أولا طبعا انتو أمريكا دي بقت نسيبتكم يا كيزان عشان كدا ما بترضوا فيها كلام بعد دا ، حي أنا ثانيا اليساري البكره اليساريين دا الجابرو يبقى يساري شنو يمشي يشوف محل الناس البحبهم ثالثا بتعرفني من وين ولاقيتك وناس المنبر ديل بعرفوني أكتر منك لأني مسجل هنا قبلك
رابعا لما أقول مارست سياسة في وقت كويس عايز أفهمك يا صلاح ليه أنا قلت لا لأنو الوقت الاتعلمنا فيهو السياسة يا صلاح اتاح لينا الفرصة إننا نعرف التنظيمات عن كثب نعرف تركيبتها وطرق تفكيرها واستراتيجياتها ونقرأ تاريخ تكوينها ومسارها وعلاقاتها داخليا وخارجيا عشان كدا الواحد بسهولة بيقدر يتنبأ بما يحدث وبقدر يفسر ليه الحدث المعين حدث لأنو إمكانية الربط بين الأشياء متوفرة بحسب الفهم . |
| |
|
|
|
|
|
|
|