|
|
|
 Re: عبدالحفيظ ابوسن..نجم يجب ان نحتفى به (Re: احمد حمودى)
|
ياخ خلعتني والله
قريت اسمي في العنوان وانخلعت لثوان ,, اغلب الاسماء البعلقوها في العنوان بجلدوها جلد شديد تحت
قلت امك ! الليلة امانة ما وقع راجل
تحياتي ليك يا صاحب وشكر
والله والله لأجدر مني بما قلته فيني كثر غيري وانت منهم , وكوكبة تفوق الخمسة من الاعضاء الجدد جيدي الكتابة ,, هدفا ولغة وعلما وموضوعية
وانا أكابد الكتابة مكابدة , واسرقها سرقة فتأتي احيانا ناقصة كلمة او حرفا
تحية ليك ومودة
وكما اقول للصديقة د, دنيا بالفيس ليتني اري في نفسي ما يراه البعض فيني
وما قولك إلا محبة
شكري الكتير لك ولتقدير من هو مثلك يجب ان يحتفي به الشخص
| |
 
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: احمد حمودى)
|
عبد الحفيظ ابو سن انسان محترم و رزين ومثقف وعاقل ونقي ،،
تحياتي له وهو يبدع ويكتب ويتناول كل المواضيع بوجهة نظر محترمة من غير انفعال
يستاهل الاحتفال به ،،،،،
كما انت ايها المبدع الجميل الاديب حرسم
تحياتي مع ودي واحترامي لك ولي عبد الحفيظ
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: صديق الموج)
|
| Quote: عبدالحفيظ ابوسن..نجم يجب ان نحتفى به |
من زمن بعيد نجم
من يومو زول دغورى ومطلع ومثابر
من يومو شاطر
كان بيشرح لى الرياضيات ايام الشهادة السودانية
ومن يومو زول حارة
صاحبنا واخونا وود حلتنا
واظنو كان بيخاف منى رغم انا من يومى مسكينة :)
عشان الزول يكتب عنه بيحتاج لذاكرة مدينة بحالها
شكرا يا محمد للاحتفاء ودى ثقافة مفروض تسود وتقوم بثقة على ثقافة يوم شكرك مايجى
| |
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: محمد هاشم ابوزيد)
|
تحية ليكم
غايتو البوست ده دخلني في اضافريني ,, فاجأني في الاول
الكتابة في سودانيز تعني الكتابة وسط النجوم التي يطغي ضوءها علي خفوت اضواء غيرها , وما انا سوي فانوس شحيح وسط شموس مضيئة
اها ماممكن تتجاهل الناس البدفقو محبتهم تجاهك , وبتكون محرج آي والله , شان ده بنشكر لامن الزول يموت ويغلبو الرد
تحية آمنة مختار إمرأة بقامة نخلة باسقة
احمد حمودي شكرا وكتر خيرك
وددفع الله كاتبته في الراكوبة ثم هنا ,, زول حارة وعينو علي الوطن وصاحبي ,, دغري ومابحب الحال المايل
محمد يوسف كتر خيرك واتمني ان اكون دوما عند حسن ظن الصاح والعديل
صديق الموج كتر خيرك والله انتم من عبدتم الطريق
اشراقة صديقة الايام الرخية والذكريات العذبة , ولم تكوني مسكينه ابدا كنتي شرسه
ودابوزيد شكرا يا صاحب وكتر خيرك
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: عبدالحفيظ ابوسن)
|
شكرا نسيما لكل الموقعين حضورا انيقا هنا بحجم حبى لكم فردا فردا
الفكرة ان نتعلم كيف نحتفى بالناس الجميلة التى بينا
نتحاور معهم
ندخل الى مناطق غير مكررة فى كتاباتهم
نراهم بشكل افضل
الفكرة ان نفرح حين يكون بيننا جميل
لعل مشاركتنا الاحتفاء به وعيى اكبر وعطاء اجمل وابتهاج بحضور فاعل
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: بله محمد الفاضل)
|
بالفعل يا عبدالله
وانت كذلك واخرين كٌثر ..
انا عندى اسماء كدا بمجرد ما اشوفا اذا كاتب البوست او اخر رد طوالى توشك بفتح البوست
وعبد الحفيظ دا فى زمن وجيز بقى واحد من اهمها - كتابة لا بتغلط عليك لا بتشنف اضنيك
بالعكس رصينة - رايقة - مفيدة ولا تخلو من ظرف بائن ....
له ولك الف تحية
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: مجاهد محمد الهادي)
|
Quote: اشراقة صديقة الايام الرخية والذكريات العذبة , ولم تكوني مسكينه ابدا كنتي شرسه
|
النبى كنت شرسة؟
زمانى ده كلو قايلانى والغنماية متنافسات على المسكنة وحب الورق :)
مرة تانية ثقافة الشكر دى مفروض تسود
فيها اعتراف بالآخر وبما يقوم به
عندى كتابة عن الموضوع ده الم فيها وانشرها
وده حقك يا صاحبى ان نقول لك عن محبتنا وعن صمودك مع الحق والجمال اينما كان
محبتى وتحياتى لناس البيت
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: بله محمد الفاضل)
|
بله يا صديقى الجميل
وانت ايضا ممن يجب ان نحتفى به
فالقمة مسطحة ويجلس عليها كثيرون
انت واحد منهم
اما فكرة الاحتفاء بهاذ الجميل هى فكرة اننا يجب ان نتعلم ان نعطى الناس قدرها
ونقدر جهدهم
من باب التقدير والوفاء لمن يحبنا هنا فنبادله ذات الحب
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: علي دفع الله)
|
علي دفع الله
الصديق الجميل الذى اعرف انه لا يكتب الا ما يعتقد وقوى فى حجته
اعتز برايك جدا لانى احس كلماتك جدا
شكرا توقيعك
هذا ال عبد الحفيظ كتب هنا اجمل الاشياء بلغة جميلة وثابر على الحضور اليومى لتوصيل رسالته
وهى حقا مسالة يجب ان نتوقف عندها كثير لنؤسس لغوية جديدة وهى ان نحتفى بالمثابرين هنا ليكونوا اروع مما هم ولنفتش ع المستحقين ليكونوا فى المقدمة
الفكرة هكذا لان المكان هنا رائع ايضا رغم كل شىء
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: AMNA MUKHTAR)
|
AMNA MUKHTAR
Quote: هو وعبد العزيز عثمان
وأنت أيضا .
نجوم جديدة أضاءت سماء هذا البورد .
ناس حجايين خلاص وكتابين .
بتذكروني بالسودانيين الزماااان . |
تحية خاصة لحضورك الانيق كاول قلم هنا ليهنىء ويحتفى معنا بكل الاقلام التى حضرت العام
شكرا نسيما
واعجابا
وابتهاجا
وتعضيدا
منكم نتعلم ادب الحضور
كونى دوما شامخة
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: عبدالحفيظ ابوسن)
|
عذرا يا صاحب
ليس تهربا من الرد
فالحديث عن كوستي وناسها وحيواناتها ومجانينها يحتاج لطقس عشقي لا يتوفر داخلي الآن
كتبت عنها في أكثر من مكان وبأكثر من مدخل
وعذرا ليس الآن , في الرابط اعلاه بعض من اعضاء سودانيز القدامي
سمندل واحمد ضحية واشراقة مصطفي و كتو
وبعض من الجدد
احمد الحمودي وابوعكر [ جمال القوز ]
دفقت في تلك الزرزرة كثيرا من الذكريات
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: عبدالحفيظ ابوسن)
|
احبه لأني اشتم فيه رائحة الزمن الجميل ...
أحترمه .. لعفويته و نقاء سريرته ...
__________________________________________
اوعك يا ابسن تزهج واجي يوم القي الناس بتسأل عنك وين مختفي ...
رغم الهيصه و الفوران الحاصل في المنبر ...
انا علي يقين انه لن يصح الا الصحيح بالنهاية ...
ومشوار الألف بوست من ذوى ( الفائده ) يبدأ بكلمه ذات قيمه ...
| |
|
|
|
|
|
|
|
|
 Re: عبدالحفيظ ابوسن..نجم يجب ان نحتفى به (Re: يحي قباني)
|
ألف مرحبا به إضافه نوعيه متميزه فى المنبر أوصيك بطول
النفس وبأن لا تفرغ كل شئ فى أيام وتتقطع فى وجهك سبل
الكتابه وطرقها وتقف على جانب طريق المنبر لتأخذك
بوستات الغير - أصنع لنفسك رساله وضعها على نار هادئه
وقدمها بأتقان فنون الفندقه التى تعلم يبقى إصطفاف
الناس حولك أبدا ودوما ويمكن تتخطفك الصحف السياره
كما فعلت بأخينا دكتور أبوبكر إبراهيم يوسف وكثر غيره
يمور بهم المنتدى حبابك ود أبسن وسن قلمك وأبرج
ولك السلام
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: munswor almophtah)
|
مرحيا يحي
وحبابك
شاكر ليك طيب قولك
اخوك حبلو سبلو , يربط ويفضل
وممكن زي زي غيري يقصر ,, ولامن يقصر ما بعجل علي الكلمة الدراشة ,بشيل بقجتي في راسي واهج
مرحبا منصور
وحبابك
شاكر ليك حسن ظنك
ده الخايف منو يا صاحب , ان ينقطع مد الدفق , لذا أكتب ما يعن لي رغبة أن يشاء المزاج , او الحديث في الراهن المتجدد والمتغير
وهو رأي مواطن سوداني يحيا في الأقاليم , رأي يتناقله الناس في ونساتهم ,, ولست بكاتب او مفكر او اديب لأدعي ماليس لي
شكرا لك
فأنا أكتب مستهديا برأي المبدع حميد
أغني لوطني ومن يمنعني
وأغني لقلبي إذا لوعني
و
اضيف مرات بكتب تفريغ هم و انصرافية
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: عبدالحفيظ ابوسن)
|
وأبو سن هذا يكتب كل هذا عبر موبايل آيل للتلف في أي ساعة قادمة
يكتبه وهو جالس -من صباح الرحمن إلى مغربه- وسط السوق الكبير عند عتبة دكان
يبيع فيه الزيت والحرجل والمحريب وبعض خردوات
ومن حوله الناس الذين إذا اتلغى السوق يموتون، شحاذون ودرداقون ومجذومون ومجذوبون
ومغبَّرون ومثقفون عضويون، وعاطلون إلا من الإنسانية وشئ من الأمل.
وأبو سن دفعة تلمذة التقينا في كوستي العليا (القوز) ولكن علاقتنا لم تتجاوز الملاقاة
وأصدقاء مشتركين.
بعد أن بدأ الكتابة في سودانيز أونلاين استعدت علاقتي به هاتفيا وأصريت إنو أقابلو
في إجازتي الأخيرة الشهر الجاري، بل مشيت كوستي مخصوص من أجل ذلك،
وأكرمني من ضمن إكراماته بوجبة سمك على مبعدة عشرات أمتار من البحر
أي تقريبا في "ديوان" الضحية الشهية هذه التي تنْشَوي أو تنْقَلي لتسعد الآكلين.
وأهداني من مجدي بدوي وبرفقة صلاح ليبيا وصلاح عوض الله مجموعة عرائس وأحصنة مولد النبي
كان يصنعها مجدي أمامنا مباشرة يعني حارّة من حلَّتا -بالمعنى الحرفي- قبل ما تمشي السوق،
وكان اليوم يوم قفلة المولد بميدان الحرية.
وبمناسبة المناسبة أكثرنا من حديث الذكريات، والناس لمّا تكتِّر من حديث الذكريات
فهذا دليل إما على الكُبُر أو الحسرة على الحال الحالي أو الاثنين معا.
بصوت خفيض (وكأنه يحكي بذاءة) حدثني عن المشاريع الإنسانية التي يرعاها مع حفنة
من أبناء البلد لجعل الحياة تستمر في شروطها الأدنى:
- وجبة يوم الجمعة للمرضى بمستشفى كوستي ليس فيها بالطبع هوت دوق ولا بيتزا
- وجبة غداء يوم الجمعة للطالبات في الداخليات يشارك في تقديمها الجيران بما توفّرَ من مِلحات البيت
- وجبة إفطار للفقراء من تلاميذ المدارس يشارك في تقديمها أصحاب قِدَر فول وأفران
- حقائب وأدوات مدرسية أخرى وزي مدرسي للفقراء (وهل من أغنياء هناك!) من تلاميذ المدارس
يشارك في تقديمها نفر كريم من أبناء كوستي من السعودية خصوصا
- كراسي متحركة لمساعدة المقعدين يشارك في تقديمها خصوصا عبد القادر بابكر بردسول
وهو كوستاوي من الدوحة
- مساعدات أخرى يقتطعها أناس من ضرورياتهم وإرثهم الإنساني
هل انحرف البوست ؟
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: ملهم كردفان)
|
معاوية الزبير
قاتل الله أشياء كثيرة فلم نكرم وفادتك كما ينبغي لمن هو مثلك
سعدت بك سعادة لا توصف رغم ضيق زمنك وقصرة , وطوقتني بجميل حضورك خصيصا لملاقاتي
غايتو الموبايل ده الله يديهو العافية ويعطي هاديه شقيقي بكري العافية
الاخ والصديق عبدالقادر بردسول من الذين يعطون بلا من ولا أذي , فلست سوي دلوا يرمي في بئر , العجلات يتبرع بها بشكل دوري اولاد الرياض سامي نعيم و ود المكي وكثر غيرهم , بردسول اتصل به للمشاكل الشخصيه وهو اهلا لها فقد تبرع سابقا بموتر معوقين غالي الثمن حتي ندمت علي سؤالي له , ولم يتردد , صهاريج مياه وغيرها
هذا العمل لا فضل لي فيه سوي ضراعي و زمني
كتر خير اولاد كوستي بره وجوة , وكتر خير إين خالة الصديق د, محمد حسين ,, الصديق نورالدين فقد تبرع اول امس ب 12 كرتونة ملابس مدرسه في كل كرتونة 3 دستات ولم يتبق منها إلا القليل
عذرا للصديق حرسم فقد فتلت البوست
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: محمد عبد الله حرسم)
|
الاخ حرسم وضيوفك الكرام
السلام عليكم ...
في ناس كده بتحبهم لله فــ لله
وناس .. العياذ بالله ..
اها ود ابو سن دا .. من الذين تحبهم دون ان تراه
وفهو ود بلد .. واخو اخوان وكتاباته بسيطه ... ومعبره ...
لذلك الجميع احبوه بصدق ... وهو يستاهل هذا الحب ...
انا شخصياً ... احترمه جدا ... واتمنى له التوفيق ....
تحياتي ,,,
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: عبدالحفيظ ابوسن)
|
التحية لكما اخوانى
محمد عبدالله حرسم
عبدالحفيظ ابوسن ..
كلاكم نجم يتالق فى سماء المنبر..
فخطكم يتشابه ويقاطع بالاصالة والاخلاق السودانية الكريمة والتى يسعى كل شريف حرّ الى توطيدها ....
تتسرع الخطى الى حوائط بالوان مدادكم متالقة ..
قضيت الكثير من الاوقات بين اسطركم لم اشم رائحة غير المسك والعنبر ...
امنياتى لكما بدوام التالق والسداد ..
لكم الود والتحايا ..
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: عبدالعزيز عثمان)
|
الأستاذ محمد عبد الله حرسم
نعم اوافقك بشدة في اختيارك للكاتب المميز جدا جدا عبد الحفيظ ابو سن للإحتفاء به.. فهو قد دخل لهذا المنبر بقوة ,, وليس" كبرليم " او مبتدئ كما نقول للزملا ء الجدد في اول سنة ليهم في الجامعة.. وجامعة الباشمهندس بكري هنا ، ما شاء الله يجمع العديد من الكتاب والمثقفين والسياسيين والشعراء ومن لهم مهارات كبيرة جدا ويمتلكون نواصي الكلم ويطوعونها كما يريدون لامتنعنا بحسن الكلام وروعته..
وعبد الحفيظ ابو سن يكتب لنا اجمل الكلام وافيده ونستمتع كثيرا بما نقرأه من حروفه النيرة وافكاره المستنيرة ومقالاته التي نبدأها ولا نفغل حتى ننتهي من آخر سطر فيها.. فهو كما قلت يا استاذ حرسم كاتب جدير بالاحتفاء به ونرجو له مزيد من التوفيق وان لا يتوقف .. وان يستمر .. فهو مشروع كاتب سيشار اليه بالبنان قريبا جدا..
والله يديك العافية
تخريمة
والله انت ذاتك يا استاذ حرسم جدير بالاحتفاء بك ، مع انك ما برليم، وكتاباتك حروف لها انوار وشعاعات تجذبنا لكي نقرأها مرارا وتكرارا
والله يديك العافية
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: محمد نور عودو)
|
شكراً الاستاذ عبد الله حرسم
عبد الحفيظ ابو سن ... هذا الرجل جميل وعميق ... حبي له غير مشروط
والله هذا الرجل جعل الغربة بعلقمها اكثر علقماً بالنسبة لي في احدى بوستاته
له التحية والتقدير
ولكوستي ولاهل كوستي محبتي ومعزتي الخاصة
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: خضر الطيب)
|
لا طاقة لي لهذا الدفق الجميل !
إن قولكم اعجزني الرد
وألقي علي كاهلي مسؤوليات جسام ,, أن اواصل فيما اعجبكم ,, وتلك هي القضية دائما ,, أن نواصل ,, أن نتقن حرفة النمل بصبرها الدؤوب وهمتها التي لا تكل
شاكر لكم حسن ظنكم بي
وشاكر لكم طيب قولكم وأكل أجركم لله ,,
وأتمني صادقا ان تنتشر ثقافة احترامنا لبعضنا ويسود مبدأ قبول بعضنا لبعضنا
وان نصنع عصيرا مدهشا يحوي الحامض والحلو وايضا يكون مستساغا وشهيا رغم تناقض مكوناته
ولكم التقدير والاحترام
وجعلني الله وأياكم من الذين يسمعون القول ويتبعون احسنه , ويقراؤن ويحكمون عقلهم اولا ثم يتبعون حسن الظن وجميل المخاطبة
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: عبدالحفيظ ابوسن)
|
ود ابو سن تحياتي ليك وليك حبيبنا محمد عبد الله حرسم ..
حقيقة كنت اقرأ بشغف احدى البوستات لك في الربع الماضي ..
وما استوقفني هو السرد الجميل للموضوع وتطويعك للحروف ..
فعلا انت نجم ونحن نتشرف ان تكون بيننا ايها الرجل الجميل ..
متابعين بصمت ..
| |
|
|
|
|
|
|
|
|
|
Re: عبدالحفيظ ابوسن..نجم يجب ان نحتفى به (Re: هشام كمال عبادي)
|
لفتة جميلة وعبدالحفيظ أبوسن كاتب دوغري همه على وطننا وكوستي الجميلة.هذه اللفتة رائعة منك يا حرسم وكما قالت الدكتورة إشراقة هنا:
Quote: شكرا يا محمد للاحتفاء ودى ثقافة مفروض تسود وتقوم بثقة على ثقافة يوم شكرك مايجى
|
_____________________
PS
يا عبدالحفيظ عندي سؤال هنالك شاعرة شابة من كوستي اسمها ميرفت
كانت تكتب في هذا البورد أين هي؟ شعرها جميل للغاية. من أكتب السودانيين/ السودانيات
حفظك الله من كل سوء ..سوء ..سوء يا عبدالحفيظ !
| |
|
|
|
|
|
|
|
|
 Re: عبدالحفيظ ابوسن..نجم يجب ان نحتفى به (Re: Bushra Elfadil)
|
عب حفيظ قلم لا تملك الا أن تحترمه
حروفه أنيقة مداخلاته تجمع ما بين الحكمة وجزالة العبارة
واليوم أزددنا له حباً علي حب حين تعرفنا علي بعض اسهاماته الانسانية
أعاد هو ورفاق دربه حرسم وعبد العزيز عثمان ودرديري كباشي لسودانيز بعضاً من ألقها القديم
| |
|
|
|
|
|
|
| |
محمد عبد الله حرسم
AMNA MUKHTAR
احمد حمودى
عبدالحفيظ ابوسن
علي دفع الله
محمد يوسف طه
صديق الموج
Ishraga Mustafa
محمد هاشم ابوزيد
بله محمد الفاضل
احمد الأمين على إدريس
مجاهد محمد الهادي
osama fadlalla
يحي قباني
munswor almophtah
معاوية الزبير
ملهم كردفان
عباس الدسيس
Artiga Gilani
محمد الهادى عبد الرحيم
محمد مجيدو
عبداللطيف شريف على
الجنيد حمد
عبدالعزيز عثمان
محمد نور عودو
خضر الطيب
بدرالدين بابكر مصطفى
زينب محمد عبدالله
هشام كمال عبادي
Bushra Elfadil
سامى عبد المطلب
فيس بوك
تويتر
انستقرام
يوتيوب
بنتيريست