|
|
|
 Re: الما بخاف من مرتو ما راجل ...ح (Re: عشة بت فاطنة)
|
الأخت عاشة
سلام عليك وعلى حامد بدوي وكل أهل مسقط
الكلام الزي دا ياعشه قاعدين يخلوهو ( غمتي ) ، يعني في داعي تحرجي الجماعة وتعلني على الملأ كدا . الله يهديك يا بت الناس .
غايتو أنا مما سمعت ( الحكمة ) دي من صديقنا المرحوم خالد الكد عليه رحمة الله ماسك فيها قوي وباصم عليها بالعشرة أها رأيك شنو ، وقديما قالوا من خاف سلم .
طبعا صاحبي حامد بدوي حااااااااااقد حيكون مات من الضحك . إن شاء الله أريتك .
تحياتي
أبو قصي
| |
 
|
|
|
|
|
|
|
|
Re: الما بخاف من مرتو ما راجل ...ح (Re: Tumadir)
|
الأخت العزيزة عشة
تحياتي
الشيء المألوف هو الإحترام المتبادل في هذه الشراكة الحياتية ..
و لكن بالفعل هناك رجال يخافون من زوجاتهم خوفا مريبا .. خوف له مسبباته التي قد تختلف من خائف إلى آخر .. ( يعني مستمسكات ) ..
بعض الناس يعتبر الإحترام الشديد للزوجة بصفة خاصة أمام الناس هو من باب الخوف.
و البعض يعتقد جازماً بأنه عندما يحسب الزوج ألف حساب لزوجته متحاشيا بذلك ظنونها أو عتابها و لوما أو زعلها .. يعتبرون هذا خوفاً ..
أعتقد جازماً بأن زوجة ترضى بزوج خانع ذليل منكسر أمامها هي زوجة تعاني من ( سادية ) مزمنة ..( كان الله في عونه ) ..
و أعتقد جازماً بأن زوجة ترضى بزوج خانع ذليل منكسر أمام الملأ من الناس .. تمارس نوعاً من ردة الفعل الذي مردُّه ترسبات نفسية تتبعها من أسرتها التي ربما كان الأب يمارس نوعا من الديكتاتورية و التسلط و العنف و القهر تجاه زوجته أمام أطفاله .. و هذا النوع من الأزواج يحتاج إلى علاج سايكولوجي مكثف .. إما قام بإحداث التوازن الطبيعي في حياته .. أو إنطلق لحال سبيله إن هو لم يستطع القيام بهذا التوازن.
أما الزوج الذي يستعرض عضلاته و ينفش ريش فحولته أمام الناس بإهانة أو ضرب زوجته فهو غير جدير بأن يحمل إسم زوج ناهيك عن ( رجل ) ..
و الزوجات اللائي يرضين بالإهانة و الذل أمام الناس أو في خلوة مع أزواجهن.. فهن أنواع .. و قلبي مع تلك التي لسان حالها : ( إيه اللي رماك على المر .. قال اللي أمر منو ) بمعنى أن ظروفها خارج بيت الزوجية الظالم .. أشد حلكة و ظلما و ظلاما ..
فهناك من يخوفونها بالعيب .. أو بالعيال و ضياعهم في غيابها أو غياب الأب.. أو بالوقوف بجانب الزوج الظالم رغم معرفتهم بظلمه .. و لكنهم يستندون على مرجعية ضاربة في عصور شبه مظلمة ..
عذرا للإطالة ..
عاوزة الجد : مرات كدة النسوان يخوفن  
أرقدي عافية
| |
|
|
|
|
|
|
|
|
 Re: الما بخاف من مرتو ما راجل ...ح (Re: Tumadir)
|
هو يعني أنا قاعد أخاف من زول غريب ...؟؟؟؟
ويا تماضر قلتي :
Quote:
وكامرأة لا رجل لى..
|
طيب أيه رأيك أبقى ليك خواف وأنتي المخوفاني... بس ما تكلمي المخوفاني القديمه عشان ما تخوفنا الاتنين ....!!!!
هو غايتو الحقيقة أنه أي زول قاعد يخاف من مرته (والكل داسي الحقيقة، وطبعاً الخوف زاتو خشم بيوت) وده زاتو ما عيب لأنه الخوف من المره ما زي الخوف من الرباطي أو الخوف من الظلام الأخير يعني جبن والأول عسل وكلهم أكل...
يا ربي أنا ما لي أترطشت كدي ... أكون خايف ولا شنو
غايتو هنايه ديك كان ما كشفت مداخلتي دي بجيكم صادي وكان إنكشفت أترحموا علي وأدعوا لي بحسن الخاتمة....
الشايقي
| |
|
|
|
|
|
|
|
|
|
Re: الما بخاف من مرتو ما راجل ...ح (Re: ABU QUSAI)
|
أحييك يا عشَّة بت فاطنة،
لقد قُلتِ:
Quote: يبدو غيرنا ما زول معجب بالمثل دا ؟؟؟
112دخلن ولا فرحن !!
ولا قالن بغم |
أها خلِّيني أقِصَّ ليك قِصَّة تَطَيِرِن ليك طيرة أم ريش (لاحظي أم ريش) من الدريش.
سِمٍعتي بي "رُقْية النملة"؟!، على أي حال هي أهزوجة* كان العرب يرقون بها أنفسهم عندما يصيب أحدهم داء النملة.
الطريف أنَّ النبي عليه الصلاة والسلام قد استخدم قصة "رُقْية النملة" استخداماً بديعاً جداً لكي يوصل رسالة إلى زوجته حفصة وبالقِصَّة دلالات جندرية في عصرٍ ما قامت فيه للجندر قائمة كما أنَّ فيها بعضٍ من هديه وخُلُقِه (عليه السلام) المتمثِّل في أسلوب التربية الذي لا يوجِّه النصح مباشرة (بحيث يبدو كالتأنيب) إلى من يوجَّه إليه.
ورد في سنن إبي داود: | Quote: "عن الشفاء بنت عبد الله دخل علي رسول الله صلى الله عليه وسلم وأنا عند حفصة فقال " ألا تعلمين هذه رقية النملة كما علمتيها الكتابة" |
تحيَّاتي.
* في الأهزوجة شيء من: | Quote: "العروس تحتفل وتختضب وتكتحل وكل شيء تفتعل غير ألا تعصي الرجل " |
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
الخواف ربا عيالو يا فاطنة اختي
انت ما سمعتي قصة الراجل كل مرة الجماعة يقولوا ليه ارحكاكة الحتة الفلانية يقول ليهم طيب بس البس لي عمة واجيكم، اها مرة زروا جنب الباب لابس عمته، قالو ليه ارح معانا، قال ليهم دقيقة بس البس لي عمة، قالوا ما اهو انت لابس عمة، قال ليهم والله دي لابسه من الصباح الامشي اغيرها
اتاريه الراجل كان بيدخل ياخد الأذن
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
الاخت عشة
السلام والتحية
شنو يااختى شيل الحال مافى ليه داعى
انا شخصيا لا يعجبنى الرجل الذى يخاف من مرتو
لان العلاقة الزوجية لها معانى وقيم كبيرة جدا
اذا كانت مؤسسة ولها اركان ثابته مبنية على الحوار
والتفاهم.
اما مسالة الخوف دى ناتجة من وضع غير طبيعى
والمصيبة الوليدات بكونوا ذات شخصيات مهزوزة
برجع ليك تانى
انتصار
| |
|
|
|
|
|
|
|
|
|
Re: الما بخاف من مرتو ما راجل ...ح (Re: انتصار محمد صالخ بشير)
|
عشة سلام
أنا مازلت في انتظار صديقي الودود حامد بدوي لكن شايفه سال سيفه في مكان آخر وبقاتل من أجل العلمانية .
الاخت انتصار
لك التحية
Quote: انا شخصيا لا يعجبنى الرجل الذى يخاف من مرتو
|
أها ورأيك شنو في المرة البتخاف من راجلها ؟؟؟؟
Quote: لان العلاقة الزوجية لها معانى وقيم كبيرة جدا
اذا كانت مؤسسة ولها اركان ثابته مبنية على الحوار
والتفاهم.
|
وبالمناسبة دا البسموهوا السودانيين الخوف وللأسف نجده عند كثير من المثقفين ولا أقول المستنيرين أوالمتعلمين فحسب ، يعني لو جوك أصحابك في المكتب وطلبوا منك تروح معاهم مشوار بعد انتهاء ساعات العمل - لأي سبب من الأسباب - وطلبت منهم الانتظار لما تتصل تلفون تكلم أسرتك في البيت معناها انت بتخاف من زوجتك . ولو زوجتك جوها صاحباتها وطلبوا منها تطلع معاهم مشوار وهي قالت ليهم انتظروا لما تتصل لزوجها في المكتب وتبلغوا بمكانها معناها زوجها ضافرها . والأمثلة كثيرة . وعجب العجيب كمان كان واحد منهم شافك تغسل في العدة ... الله حقك راح .
أما الخواف الذي يصل مرحلة انه أطفاله يطلعوا مهزوزين دا ، فبسموه ( الأضينة ) ودا بكون النوع الممكن يلطخوة بالعجين في وجهه ويمسحه ولا ينطق بكلمة وقد يعتذر عن كلمة منه أزعجت المدام ، والعياذ بالله .
تخريمة :
قالوا في واحد زوجته ماتت وكان بيبكي عليها بكى شديد جدا جدا وأول ما شالوا الجنازة وطالعين من باب بيتهم على المقابر صاحبنا بقى يضحك ، فواحد من أصحابه سأله عن سبب ضحكه فقال ليهو والله يا فلان أنا المرحومة دي معرسها ثلاثين سنة وساكنين في بيتنا دا أول مرة تطلع من الباب دا أعرفها ماشية وين .
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
شكيتك على الله يا عاشة يا بت فاطنة. شكيتا لا تتعطل لا تتبطل.
المثل دا أنا قلتو للرجال، بيرق وطه ومرتضى والباقر موسى في أضنينم يو م لمة العيد. إتي لقطيهو كيف؟؟
لازم شلتنا فيها غواصة. فيها عميل للنسوان، وهو النقل الخبر.
عموما ما دام الخبر تفشى وعم البدو والحضر، أنا لها.
وهنا أقول: أما بعد،
حين آتي للعلاقة بين الزوجين من مدخل أبي وجدي، وهؤلاء بالمناسبة معشعشين في دواخلنا بصور تختلف من شخص لآخر من حيث القوة ولكن لا ينجو منها إبن حواء أبدا. وقد يطفون إلى السطح فجأة وبقوة غصبا عنا في بعض الحالات القصوى ضاربين عرض الحائط بكل ما قرأنا من كتب وما تعلمنا من تجارب وما اكتسبنا من معارف. نجاكم الله من شر تلك النوبات المرضية والحالات المتخلفة.
أقول حين أتي لهذه العلاقة من ذاك المنظور الأبوي، يصير السلوك الحضاري القائم على الإيمان بالمساواة بين الجنسين وهو بالمناسبة سلوك أمومي، يصير، (خوف من المرة). من هنا تصير مقولة: (الما بخاف من مرتو ما راجل)، قد أتت من المنظور الآخر. منظور عصر الجندرة، لكن أستلفت حين قيلت يومها من السياق الثقافي العصري بنوع من جلد الذات الخفي القادم من العقل الباطن والمتفقع لا إراديا ضمن تعرض أفقي شوفيني كسلوك متنازع بين الجذور وبين الآفاق الثقافية.
عليه تصير المقولة غير دقيقة ولا صحيحة في سياق ودقيقة وصحيحة في سياق آخر.
فاهمين حاجة؟
ولا أنا.
إعتراف:
علاقتي بزوجتي نجوى علاقة متكافئة. تخوفني السبت والأحد والأثنين. والثلاثاء والأربعاء والخميس وفي رواية(والجمعة) كما ورد في المتن الأصلي. وأخوفها باقي أيام الأسبوع. فير؟
| |
|
|
|
|
|
|
|
|
|
Re: الما بخاف من مرتو ما راجل ...ح (Re: حامد بدوي بشير)
|
| Quote: المثل دا أنا قلتو للرجال، بيرق وطه ومرتضى والباقر موسى في أضنينم يو م لمة العيد. إتي لقطيهو كيف؟؟ |
أها ديوانية يعني .. حسي برفع السماعة لنجوى والكلام دا بتابى ..
غايتو شيل شيلتك يا زول
الجماعة ديل كلهم محتجين عشان فضحتهم !!
| |
|
|
|
|
|
|
|
|
 Re: الما بخاف من مرتو ما راجل ...ح (Re: عشة بت فاطنة)
|
الاخ الكريم
ِِ
ABU GUSAI
السلام عليكم ورحمة الله
اخى انا هنا ساقف الى ان ناتى الى نقطة مهمة وهى تعريف
معنى الخوف فى العلاقة الزوحية!!
اذا كان الزوج يعلم زوجته بانه سيتاخر مع زملاءه يعتبر
خوف؟ دا اكيد كلام غير منطقى ّ!
والزوجه تخرج مع صديقاتها من غير اذن وعلم الزوج ؟
اكيد دى ما حياة زوجية ديل ناس ساكنيين داخليه(عفوا لهذا التعبير)
اخى الخوف الذى اعنيه هو الخلل فى العلاقة الزوجية
بان تخاف المراة من الزوج لدرجة انها لا تستطيع ان تشارك
بالراى فى مسير حياتها الزوجية.
اما السودانيين وتقيمهم للامور دا مشوار طويل عاوز ليه
حبة اسبرين وكباية شاى عشان نتكلم فيه.
عن نفسى اذا كان احترام الزوج والاستذان منه فى كل خطوة
من تحركى خوف وليعلم الله انا اكبر الخوافيين وبالمقابل
زوجى كمان بخاف منى لانه يعلمنى بوجهته وسبب تاخيره.
المهم يا اخوى العلاقة بين الزوجيين اذا كانت متكافئة
ما مهم مين يغسل العدة او يكوى الهدوم.
برجع ليك تانى.
اختى عشة ست البوست سلامات
انتصار
| |
|
|
|
|
|
|
|
|
|
Re: الما بخاف من مرتو ما راجل ...ح (Re: انتصار محمد صالخ بشير)
|
اختي عشة سلام
ناس ام سنايح كويسين
قالوا في واحدة منجضة الحلة نجاض محل ما نمشي قعدة نسوان تمسكن ليك انا الماسكه راجلي وانا الخاته خاتم في صباعي .
يوم جوها النسوان يشمتن فيها بعد ماسمعن انو عرس فيها وقالن ليها كفٍٍٍٍٍَََََََِِِِِِِِِِِِِِِِِِِِِّّّّّّّّّّّّّّّّّّّّّّّّْْْْارة ياانتي سمعنا عرسو فيك قالت ليهم مالو ماراجل < والمغصة مقطعة مصارينا> مايعرس كان عرس بس اليطهر لي الراكوبةويعرش لي الوليدات .
عاد ده كلام ده ياتماضر يختي
ده منو البلف عمتوده ياياسر حنه< مشتاقين ياراجل[/I]>
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
الأستاذة عائشة,
الأخوات والأخوان,
اشطبوا الكلام الفارغ القلتو المرة الفاتت. وهاكم كلام جديد مليان.
أما بعد,
فالخوف نوعان. خوف مرتبط بالكراهية ومن أمثلته خوفك من الفار وهذا داخل في باب الجبن(بإستثناء الجبن الدنماركي).
وخوف مرتبط بالحب ومن أمثلته خوفك منها. وخوفك منه.
والضمير في (منها) و(منه) إشارة للمحبوبة والمحبوب. وهذا أمر له علاقة بحالة خاصة مثل أحوال سادتنا المتصوفة ، حالة تجل عن الوصف تأخذ الكلمات فيها معان غير معانيها. وهذا باب واسع لا نود فتحه الآن.
وقديما قال شاعرنا الحقيبي في هذا الباب:
بنقابل المدافع بالثبات والعقل **** وبنخاف من طريفه .... الخ البيت.
قلنا: (الما بخاف من مرتو ما راجل). وقبل أن نشرح المراد لم يتجرأ رجل واحد بالقول أنه لا يخاف، ناهيك عن الذين رفعوا الراية البيضاء من أمثال صديقي العتيق أبو قصي.
عموما وبناءا على بيت الحقيبة أعلاه، أعتقد أن الرجولة تنتفي عن الذي لا يحب (يخاف) زوجته لسبب بسيط هو أنه يعيش معها غصبا عنه. فهو مستعبد و(ما راجل).
كان راجل كان طلق.
عليه فالرجال نوعان:
1 الذي يحب
2 الذي يطلق.
إذن:
الما بخاف من مرتو (من النوع 1)ما راجل
والما بطلق مرتو (من النوع 2)أيضا ما راجل.
فيا معشر الرجال, إما أن تخافوا وأما أن تطلقوا
أنا شخصيا (من عيونو خايف)
| |
|
|
|
|
|
|
|
|
|
Re: الما بخاف من مرتو ما راجل ...ح (Re: حامد بدوي بشير)
|
| Quote: فيا معشر الرجال, إما أن تخافوا وأما أن تطلقوا |
ذكرتني حكاية لكنها بالمقلوب يحكيها الرجال دائما لارهاب بعلاتهن : الراجل كان بجلد في مرتو ومر به واحد من النوع التاني اظنو ، وقال ليه يا زول هي المرة ما بدقوها بالعصى بدقوها بأختها ..
فالتفتت حبيبتي مخاطبة الزوج : يا راجل هي دق دقك 
مسكينة ارهبوها عصابة مايو
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
عشة بت فاطنة
Quote:
بس لعلو الزول مو معانا في الديار
|
اها عاد اكضب عليك؟؟؟
لكن انا والحمد لله ما قاعد البس عمة زاتو
لكن عندنا واحد صاحبنا قبل كده قال مقولة بليغة جدا وانا الحمد لله لي هسع عامل بيها:
"اكبر غلطة بيرتكبها الراجل ان يمرق قبل ما يقولو ليه أرح"
لأنه تعرفي بعدين يبقى في موقف صعب خلاص لايقدر انتظر به ولا يقدر يجي راجع للجماعة والعوجة الاكيدة لو كانت الدنيا مطر 
Quote:
ده منو البلف عمتوده ياياسر حنه
|
اها يا اخوانا انا هسع جبت سيرة نقابي عجوز؟
وينك انت يا رجل مسجل غياب في كل المحافل؟؟؟ والله شوق المطر عديل كده، وبعدين فتحنا بوست عن الامتداد والناس كلها تذكر فيك وتجيب في سيرتك لكن شايفك ما طليت عليه، عليك الله ابقى زورنا بي هناك، البوست عامل طارق جبريل من مربع 3
ما طول الغيبة عليك الله
تحياتي
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
و الله الما بخاف من مرتو ده يكون تخطيط ما عندو خالص و ما داير يربي اولاده
اها في دولة زي السودان تقدر تحارب امريكا
مش كفاية الحصل لي العراق و افغنستان
و الله حكاية زول تجيو من بيت ابوه تدفع فيهو قروش تاكلو و تشربو و تكسيو
يقوم يخوفك و يقلع قروشك و كمان ممكن يحرش عليك اولادك
كيفن ما تخاف منو
انا عايز حقوقي و بس
| |
|
|
|
|
|
|
|
|
|
Re: الما بخاف من مرتو ما راجل ...ح (Re: domdom)
|
Quote: و الله حكاية زول تجيو من بيت ابوه تدفع فيهو قروش تاكلو و تشربو و تكسيو
يقوم يخوفك و يقلع قروشك و كمان ممكن يحرش عليك اولادك
كيفن ما تخاف منو
انا عايز حقوقي و بس |
يا زول أنت افدتني خلاس
هو صحي المسألة دي مقلوبة !!
المرة دي أخدوها وجابوها وبعد دا تقوم تخوف ، لا لا الموضوع دا عايز ليه شكّ ولا شنو يا حامد اخوي ،
غايتو الحمد لله نحنا ما خدونا بس ارجو أن لا تدخلونا في باب الرخصة ( رخيص برخصتو ادوقك مغستو )
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
الاخوان الكرام
السلام عليكم ورحمة الله
Quote:
و الله حكاية زول تجيو من بيت ابوه تدفع فيهو قروش تاكلو و تشربو و تكسيو
يقوم يخوفك و يقلع قروشك و كمان ممكن يحرش عليك اولادك
|
يا اخوى جنس الكلام دا البخاف من زوله منو الراجل ولا المرا
غايتو الراجل من النوع دا الله معاه
انتصار
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
الأخ الكريم حامد و الأخت عائشة
Salam
حامد قال:
Quote: إعتراف:
علاقتي بزوجتي نجوى علاقة متكافئة. تخوفني السبت والأحد والأثنين. والثلاثاء والأربعاء والخميس وفي رواية(والجمعة) كما ورد في المتن الأصلي. وأخوفها باقي أيام الأسبوع. فير؟ |
fair and lovely
كمان..
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
غايتو يا عشة
اخوي ياسر حنا دا عندو نظرية خطيرة خلاس
من زمان قال مافي حاجة اسمها المرأة تضفر الراجل
في حاجة اسمها ( تفاهم ) كلما تضغط عليك
حاول زيد مساحة التفاهم ( واستجيب ) للمطالب ؟؟
والله قرررب يقنعني بي نظريتو دي
| |
|
|
|
|
|
|
|
|
|
Re: الما بخاف من مرتو ما راجل ...ح (Re: AlRa7mabi)
|
ياااااااااااه..
يا بت فاطنة.. والله حفارة جنس حفر
ابو نادر دا.. نكشتيهو من ويييييين؟؟
كدي زحو لي منو الزول دا...
خلوني اعضيهو في صلعتو اوال بالتبادي
بعدين نشوف قصة الريـ.... اوووبس اقصد الخوف القديمة
حامد بدوي ....
يا (عباااااااااس)
سالت عنك كتير ولاقيت نادر في زيارتي الاخيرة للسودان
بجيك صادي وافت معاك الشمار الطاعم
وراجع البرايفت يا (عبس)
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
بت فاطنة اخيتي الخترية.. سلااااام
وحات نضري.. كت غاتس لي في حفيرة اجارك الله..
قولتي لي كيف.. بيناتكم مشاريع و...؟؟
ممممم.. غايتو الشمار دا داير ليهو قعدة وانا جاري هسي
على الشغل.. احححح الله يقطع الشغل وسنينو.. خسوسا نمان الواحد يكون
قرب يكمل الكوتة ويسلم اوراقو.. واهو ما فضل لينا غير الحج.. لول
( دي طبعا نظام تجيير شيكات العمر الطايرة وكدا)
نمة خشم الباب:
بلغني في خبر عاجل ان معشر الرجال يديرون (سرأ) حركة تكتيكية
مدروسة لاستصدار فقرة جديدة بالدستور تفيد بان كل امراة متزوجة هي
دنماركية الجنسية.. تمهيدا لوضعهن قيد المقاطعة.. ؤبث
| |
|
|
|
|
|
|
|
|
|
Re: الما بخاف من مرتو ما راجل ...ح (Re: طيفور)
|
Quote: نمة خشم الباب:
بلغني في خبر عاجل ان معشر الرجال يديرون (سرأ) حركة تكتيكية
مدروسة لاستصدار فقرة جديدة بالدستور تفيد بان كل |
حتى النسوان يا طيفور اخوي .. في حركات تحت تحت كدا
غايتو الله يكدب الشينة ؟؟ ف بحث الصيغ الجديدة
| |
|
|
|
|
|
|
|
|
|
Re: الما بخاف من مرتو ما راجل ...ح (Re: AlRa7mabi)
|
Quote: في حاجة اسمها ( تفاهم ) كلما تضغط عليك
حاول زيد مساحة التفاهم ( واستجيب ) للمطالب |
الرحمابي الزول السمح ما عايزة اقول ليك وياسر
هذا طرح رومانسي بل اقول ليكم وهو المطلوب في
علاقة حواء وآدم ، شئ من التفاهم صدقوني أبدا
ما حيقتل بل حيطول عمر العلاقة واطول العمر ..
| |
|
|
|
|
|
|
|
|
 Re: الما بخاف من مرتو ما راجل ...ح (Re: khaleel)
|
سلام يا بت فاطنة وتحية خاصة لأخي بيرق وتحية لكل ضيوفك
Quote: ناهيك عن الذين رفعوا الراية البيضاء من أمثال صديقي العتيق أبو قصي.
|
حامد يا اخوي قالوا خواف مامات وشجاع مامات ، مات المتردد . ودحين يا اخوي الواضح مو فاضح . ونحن بقينا في سن محتاجين للمودة والرحمة منهن ، لانه الزمن بدأ يعمل عملته معانا وهن ما قاعدات يكبرن ، دحين خلينا تحت رعايتن أحسن ، مافي داعي للمكابرة . وهن حنيناااااااااات يا حامد قدر ما قاعدين نسوي فيهن بتحملن ويسامحننا . أها شنو ليك . أنا فهمي لمعظم ما يعرف عند السودانيين بالخوف هو لا يعدو أن يكون غير احترام متبادل ومودة ورحمة وريدة وإلفة واعتراف بحقها كانسانة وحاجات كتييييييييييييرة كدا . بس اليومين شايف هجومن على التقدميين كتر الله يستر . ويا حليل مراكز الوعي يا حامد .
تخريمة
عندنا جماعة بلدياتنا كبار في السن من الجماعة الرافعين الراية البيضاء عاملين ليهم اتحاد وبيقعدوا دائما قدام دكان في القرية ورئيس الاتحاد حقهم صاحب الدكان نفسه ، مرة جاهم واحد من الشباب قال عايز ينضم للاتحاد بتاعهم ، فقرروا يعملوا ليهو معاينة فقالوا ليهو تحكي لينا مما تقوم من الصباح بتعمل شنو ، أول ما بدأ يحكي رئيس الاتحاد كان دخل الدكان مع زبون ، الشاب بدأ يحكي قال أول شيء من يصحى من النوم يدنقر تحت السرير حقه يسحب عدة العشاء يمشي يغسلها وبعد يولع الفحم ويخت عليهو الكفتيرة بتاعة الشاي وبعد يعمل الشاي يمشي يصحى المرة ... قاموا الجماعة أجازوهوه خلاص في الأثناء دي بتاع الدكان جاء طالع لما سألهم قالوا ليهو خلاص ناجح واديناه العضوية فرد على الفور لا ، سااااااقط ما ناجح ولا حاجة قالوا ليهو كيف يا حاج ، قال ليهم عدة العشاء بيتها للصباح ليه ؟؟؟؟
عشة بيرق كيف ؟؟؟؟ لوووووووووووووول .
| |
|
|
|
|
|
|
|
|
|
Re: الما بخاف من مرتو ما راجل ...ح (Re: ABU QUSAI)
|
| Quote: السودانيين بالخوف هو لا يعدو أن يكون غير احترام متبادل ومودة ورحمة وريدة وإلفة واعتراف بحقها كانسانة وحاجات كتييييييييييييرة كدا . بس اليومين شايف هجومن على التقدميين كتر الله يستر . . |
أشاركك الراي فيما يخص الاحترام فعلا الما بتحترمو ما بتجعل ليه حساب ولا تخاف منه فقط الانسان يخاف من أصدقائه وجماعته وزوجتو وأولادو ولا كان الانسان يفعل مايشاء ...
مسألة الهجوم على التقدميين أكيد عندها أسبابها ، هناك زيجات حدثت في العقدين الاخيرين من القرن الماضي كانت تقدر تقول عليها زيجات سياسية وأخرى تمت مت تقدميات وتقدميين .. وهذه الزيجات لم تتزوج زواج تقليدي يعني المرأة فيها لا جابوا ليها هدوم ولا دفعوا فيها مهر،ال مهر كان الحب والعواطف والفهم الانساني من حب واحترام وبناء أسرة حديثة تقوم على أسس ديمقراطية وعلاقات متكافئة , واحترام للمرأة .
يفترض كان تنجح بس للاسف هذه العلاقات معظمها انهارت واحد ة بعد التانية بسبب الازدواجية وأتضح أن الرجل ليس على أستعداد للتنازل عن مكتسباته الذكورية فهو لا يتذكر أنه متزوج بأمرة جديدة ألتقى بيها في ساحات النضال والمظاهرات والندوات السياسية وأركان النقاش ، وشرك ليها برأس المال وغارودي والدياليكتيك وأنجلز وناقش معها اصل العائلة والانقلاب التاريخي الاول وظهور الطبقات وتلاشي الاسرة الاموية .. ثم بعد أن يجمعهما بيت واحد تجد فيه الانتهازي الواعي الذي لا يختلف كثيرا عن بقية من تقدموا لها اللهم هناك كانت تقليدية واضحة ومهر وحياة سهلة ..
والتقدمي للاسف لم يمنعها من العمل ولكن لايشاركها في أدارة المنزل أو تربية الابناء ليس الهدف هو ازلال الرجل بغسيل العدة أبدا الهدف هو المشاركة ، يغسلوا ملابسهم مع بعض واعملوا حلتهم في فرح مع بعض ويقروا الجريدة سوا .. الم تكن هذه علاقة أنسانية .. لماذا أيها الرجل الاستعلاء والخوف من نقد الذات .. والطامة الكبرى أن يظهر أنسان تقدمي تزوج زميلته المحامية ( لاحظوا المفارقة- ويطلب منها أن ترتدي الحجاب وتترك العمل ,آخر يصر عليها أن لا تكمل دراستها بينما هو يدرس يريد منها أطفال لتزيد معونته من مفوضية اللاجئين بالخارج نضال قال ؟؟ نضال !!!!
| |
|
|
|
|
|
|
|
|
|
Re: الما بخاف من مرتو ما راجل ...ح (Re: ود العجمى)
|
Quote: لكن والنصيحة ليك يا الله لما اجى بالليييل متاخر بخش برااحه وبجر الساعة لى ورا شوية
خالد |
ودالعجمي سلام ومتاسفين لتاخير الرد ..
بس قت لي بتدب وبتجر الساعة لورا .. وطيب دا ما اياهو ذاتو كلام البدوي ..
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
سلام عليكم
أخت انتصار
نحن بنخاف علشان الاولاد
و بنخاف علشان اكتر الرجال عارفين حقوق نسوانهم
و بنخاف علشان بنخاف من الله
و بنخاف علشان امور بنعرفها نحن الرجال.
ده بخوف و لا ما بخوف
حكاية الزول يجيبو من بيت ابوهو و تكسيو و تأكلو و تشربو دي فيها شنو ما حقيقة
تتفلهمن و تجندرن و الواحدي مما تعرسعا تنقلب عليك تبقا حبوبتها عديل
اها البخلي الواحد يبقا جدو عديل
بعدين خاصة انتن السودانيات ديل الله يقدمكن و يطوركن زي الناس التانين
بالله عليكم الله الدهب الابستنو السودانيات ده ما بسدد ديون البلد كلها
تخريمة
ابوي قبل الزواج بديت احدثو عن اهمية مساواة المرارة بالرجل
قال لي كلامك ده فارغ ساكت النسوان زاتهم هم علرف نفسهم ما بتساو مع الرجل قلت ليهو كيف
قال لي لو عايز تعرف المسألة دي شوف راي المراة في ولادة البنات و رايها في زوجة اخوها
قلت ليهو ما فهمت كلامك
قال شوف المرأة همها زي الراجل. تكون ولادتها بنات يكون همها الاكبر يكون عندها ولد
يعني شايفها انو الولد مهم اكتر من البنت ( قمة التناقض )
الشي التاني قال لي الواحد تلاقيها جامعية و متعلمة
زوجها عايزوه يشاورها يسمع كلامها
مراة اخوها يشاورها تلقاها هايجة
بسمع كلامها شخصيتو ضعيفة
و تكون توصيتها
خليهو يلزمها حدها يعصرها في الواضة
و الله انا شخصيا المراة القوية مهمة جدا في حياتي
و الله العظيم مرتي علي القوة العليها شايقية
يعني مريحاني للطيش و العضلات تبش
لكن الغايظني ضعف و تناقض المتعلمات ديل
يعني الواحد كلامها متقدم للطيش و افعالها افعال حبوبة
اها انا عارف المخوفني
و بخاف
تلخيص
مقدما بعتذر اذا ما عرفت اعبر أو اسات الفهم
سلام
| |
|
|
|
|
|
|
|
|
|
Re: الما بخاف من مرتو ما راجل ...ح (Re: domdom)
|
Quote: بعدين خاصة انتن السودانيات ديل الله يقدمكن و يطوركن زي الناس التانين
بالله عليكم الله الدهب الابستنو السودانيات ده ما بسدد ديون البلد كلها
تخريمة |
دمدم ذكرتني حجوة امي الله يرحمها : ناس الغول اشحموك وامكنوك وادنو عليك ياكلوك ..
معظم النسوان اللابسات الدهب ديل أجي يوم اصرفنو على تعليم اولادن واتمن بيه العرش
والنساء _معظمن- يلبسن الدهب وادخرنو لليوم الاسود وكم صرفت علينا امهاتنا من
دهبن كلما ما احتجنا الى ذلك سبيلا ...
أنا أعرف ان هناك نساء متخلفات وزي ما في رجال متخلفين وهناك أمرأةاقسى على أختها المرأة من الذكور أنفسهم فهي حاملة لثقافة الذكور وحارسة امينة لهم ...
ولكن على مستوى العلاقة بين الرجل والمرأة نرجو أن تكون العلاقة أكثر أنسانية
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
بوستك لذيذ
وعجبنى راى دمدم
وهو شخصيا لو ما بيخاف من مرتو كان سمى بتو تماضر.تتذكر قبل كده مش قلت لى كده؟ هههههه.."وجه بعد الابتسام ، يرفرف بحواجبه مذكرا لك بالحادثة..وما نعا لك من النكرة"
وانا عندى يا عشوشة قصة لذيذة فى خيطك
معانا زول اخونا كان هنا فى بلدنا..
وانا اكتشفت لاول مرة انه فى زول سودانى عندو دكان فى تحت عمارتنا..
كنت بركب البص للشغل، فكل يوم لما ارجع من الشغل بغشى الدكان ..اشترى العيش او اللبن او العصير ، واطلع البيت، ونسبة لانه هو السودانى الوحيد فى البلد، وانا بالنسبة ليهو السودانية الوحيدة..فننجادع بالونسة ..وانا عموما ونستى بتتخللها حاجات مضحكة "الظاهر"..فهو لما يضرب لمرتو فى السودان بيقول ليها تماضر شيخ الدين قالت، وتماضر شيخ الدين سوت.
فمرات بلقاهو بيتكلم معاها فىالتلفون تقوم تقول ليه خلينى اسلم عليها..يعنى بقينا كلنا اصحاب
اهاااااااااا
يوم انا جيت داخلة ..قام الزول ده قالى ..هى فطومة ما غارت منك يا تماضر
قلت ليه: كر على مالها..
قال لى والله غارت وقالت انه كلامى كلو بقى تماضر..
قلت ليه: هى ما كان تنبذنى ..ليها
قال لى: نبذتك
هههههههههههه
والابتسامة لم تفارق مقاتيه..وانا انفعت بالضحك من قوة عين رجل زرته امرأته.
ألذ حاجة بعد فطومة جات من السودان..أول زول جاتنى انا ونحن ميتين بالضحك من النبذ..
"لكن طواااااااالى رحلو ولاية تانية"
العزبا فى الفريق نسوان الرجال فى الضيق..
ههههههههههههههه
| |
|
|
|
|
|
|
|
|
|
Re: الما بخاف من مرتو ما راجل ...ح (Re: Tumadir)
|
"Quote: لكن طواااااااالى رحلو ولاية تانية"
العزبا فى الفريق نسوان الرجال فى الضيق |
أمانة صاحبنا ما اتلوم ؟؟
تعرفي يا تماضر .. نحن لازم نعمل بوست يخص مدى استمرارية الصداقة مع الاخر في ظل العالقات الزوجية
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
تماضر ست البنات
و الله العظيم لي اسع تجي بنت اسميها تماضر
بس ما تخافي انا عندي نها دي تقول لي تماضر ذاتها شنو
طلعة بهية
قوة شخصية
شطارة مدرسية
فهم مية المية
قالوا ما شاء الله
بعدين جنها و جن زول يقول ليها
ده صاح و ده غلط لانو و لو ما بخاف من الكضب لا بتغلط علي الناس و لا بتغلط في نفسها
و كبير عندها في البشر ما في
بس احترام للناس للطيش
و طبعا 70% من الحاجات دي جات علشان حكاية البت اقهروها دي ما عندي
و حكاية اخوها شايل سوطو و يقرر هو سلوك البنات دي وقفناها من بدري
طبعا حكاية المرأة القوية انا بعنب بيها قوة الشخصية في الحق
مش فرض الراي الغلط و الصاح
بعدين برضو الواحد يغلط يكب اعتذار للطيش و كمان امكن المسالة تكون فيها هدية
تخريمة
انا دفعت مهر خمسة الف جنية مرة المرأة اتشكلنا قلت ليها نفس الكلام
زول تدفع فيهو قروش يفرض رايهو عليك
قامت جابت ليها خمسة الف ( طبعا تكون موفراها من مصاريف البيت )
قالت ليك اها هاك قروشك تاني عندك حاجة عندي
| |
|
|
|
|
|
|
|
|
|
Re: الما بخاف من مرتو ما راجل ...ح (Re: انعام عبد الحفيظ)
|
انعام سلام
يا ختى الله يسعد البنيات جميعا دي ثورة من أجل مواجهة الواقع ودفقة جديدة لا ستمرارية الزيجات
اصلو قالو الناس زهجو من العرس وبدوا ابحثوا عن حلول انا ما عاجباني ، يعني عايزين افرزوا عيشتهم النسوان بجيهةو الرجال جيهة انتي ما سمعتي بالمثلية ن، قنا احسن ننفض العلاقات الزوجية ونطايب النفوس ومافي احسن من العلاقات مع الاخر المختلف .. عشان ما يعتقدوا اننا منقرضين ودقة قديمة
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
Quote: و الله الما بخاف من مرتو ده يكون تخطيط ما عندو خالص و ما داير يربي اولاده
اها في دولة زي السودان تقدر تحارب امريكا
مش كفاية الحصل لي العراق و افغنستانياااااااااااه..
الأخ دمدوم،
أنحنا بنخاف لاكين جرسة قدر جرستك دي لي هسع ما سويناها.
Quote: ياااااااااااه.. يا بت فاطنة.. والله حفارة جنس حفر
عباس .. إزييييييييييك. مشتاقين كتير. وكيف الأولاد. وكيف الأستاذة خوافتك
حامد يا اخوي قالوا خواف مامات وشجاع مامات ، مات المتردد العزبا فى الفريق نسوان الرجال فى الضيق... ودحين يا اخوي الواضح مو فاضح . ونحن بقينا في سن محتاجين للمودة والرحمة منهن ، لانه الزمن بدأ يعمل عملته معانا وهن ما قاعدات يكبرن ، دحين خلينا تحت رعايتن أحسن ، مافي داعي للمكابرة . وهن حنيناااااااااات يا حامد قدر ما قاعدين نسوي فيهن بتحملن ويسامحننا . أها شنو ليك . أنا فهمي لمعظم ما يعرف عند السودانيين بالخوف هو لا يعدو أن يكون غير احترام متبادل ومودة ورحمة وريدة وإلفة واعتراف بحقها كانسانة وحاجات كتييييييييييييرة كدا . Quote:
كتي أبو قصي,
أحووالك و؛وال الأولاد وخوافتك. أظنها بتمليك المداخلات دي هي. أفو يا كتي. أت أصغر مني. أنا قبالك في الجامعة بدفعتين. الجرسة شنو والكلام عن الكبر.
وعاوز أقول لخوافتك كلام. أفتنك فيها. المقصود (بمراكز الوعي) هن بنات الجامعة في زمانا. الزمان القديم. أظنك يا صاحبي بقيت من النوع البورق الخدرة بس يحلف ما يفركا.
أنـا أقـرا التعليقات هنـا بمـزاج ياعشـوشة الحـلوة.. |
الأستاذة منى، لك التحية.
ما كفاية تقري بمزاااااااج. عيزنك تدلي بدلوكتك.
وكامرأة لا رجل لى.. |
العزبا فى الفريق نسوان الرجال فى الضيق.. |
الاستاذة تماضر،
لمن مرتي عرفت إنك ما متزوجة، قالت الرجال في بلدكم عميانين.
.. هي القالت ... ما أنا ....وعندي شهود ... وأنا ذاتي اليومين ديل زي العندي ملاريا ... بتكلم ساكت...
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
الاستاذة عشة بت فاطمة .....
العم حامد بدوى...........تاكيدا لما سبق انا سمعت ناس الجيش بيقولو مراة النقيب رائد ومراة الرائد مقدم وهكذا........ يعنى دايما المراة فى البيت اعلى رتبة من راجلها وبتديهو التعليمات والاوامر وهو عليهو الطاعة والوداعة و........
ضفرة: ياربى حالة ريسنا المشير صاحب المرتين تكون كيف ؟
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
معظم النسوان اللابسات الدهب ديل أجي يوم اصرفنو على تعليم اولادن واتمن بيه العرش
والنساء _معظمن- يلبسن الدهب وادخرنو لليوم الاسود وكم صرفت علينا امهاتنا من
دهبن كلما ما احتجنا الى ذلك سبيلا ...
عليكم الله شوفو جنس كلام الاخت دي ( عايز اقول بالواضح جنس كلام المراة دي )
يعني عايز تودينا و تودي راجلها الاخرة قبلها
شفتو محن الحريم
يعني الواحد بدل تسافر في عمر الاربعين ده نشوف لينا شابة متوسطة 30 سنة كده
دايرها تسفرنا و تخلي الدهب للمراة تربي بيهو الوليدات
ان شاء بعد عمر طويل الجميع
| |
|
|
|
|
|
|
|
|
|
Re: الما بخاف من مرتو ما راجل ...ح (Re: domdom)
|
العزيزة عشة بت فاطنة
سلام عليك وعلى ضيوفك . والوصية قالوا يوم القيامة بتعطش ( أمل بنت أختك وعاطف بسلموا عليك )
| Quote: وشرك ليها برأس المال وغارودي والدياليكتيك وأنجلز وناقش معها اصل العائلة والانقلاب التاريخي الاول وظهور الطبقات وتلاشي الاسرة الاموية .. |
أولاد الزمن دا يا عشة بقولوا (حنكها) يعني أكلها حنك . وأسمع بعضهم يقول ضرب معاها النقة . يعني المسألة بالنسبة لهم لا تزيد عن كونها نقة . غايتو ضحكتيني ضحك شديد خلاص .
أنا في رأيي الناس القاعدين يمشوا يتكلموا الكلام الكبار كبار دا وبنفس المصطلحات التي وجدوها في الكتب هم طامة التقدميين الكبرى . وكل من قرأ عن فكرة ولم يستطع التعبير عنها بلغتنا العادية أو يوصلها لمن يريد أيصالها له بصورة مبسطة فقد فشل في نشر تلك الفكرة ودا رأيي الشخصي ومن زمان .
تأتي بعد ذلك مسألة السلوك وأقصد بذلك تأثير ما قرأه الانسان أو ما أقتنع به من أفكار في سلوكه العام تجاه الآخر بمعنى أنه مسألة قراءته عن العلاقة بين الرجل والمرأة كأسمى علاقة إنسانية إذا لم تؤثر فعلا في نظرته للمرأة أو في طريقة تعامله معها يبقى الرماد كال حماد ، أما الأخت التي ترتبط بانسان لمجرد أنها انبهرت بطريقته في التنظير وحفظ المصطلحات دون النظر للسلوك العملي أو مدى تأثير تلك النظريات التي قرأها ذلك الانسان (النقاق) على سلوكه العام تجاه الآخر أو ترتبط به لانبهارها بفصاحته في أركان النقاش دون متابعة لممارساته العملية فلن يعفيها أحد من تبعات ما سيحدث لها مستقبلا .
تخريمة
أها رأيك شنو يا عشة في واحدة تجي تساعدها في المطبخ تقول ليك اطلع أطلع أطلع ما تلخبط لي الدنيا، أو تشنف ليك طبيخك ، ماعارف حلتك بصلتها حية ، كترت الفلفل ما عارف نقصت شنو ، أو تجي تغسل ليها العدة تقول ليك بتكسرها وكان خلتك غسلتها تقول ليك ما نظفتها ..... بس يا حامد بدوي أنا ما بتكلم عن أم قصي أنا بتكلم من ناحية عامة ، خلينا في السليم أحسن .
| |
|
|
|
|
|
|
|
|
|
Re: الما بخاف من مرتو ما راجل ...ح (Re: ABU QUSAI)
|
| Quote: سلام عليك وعلى ضيوفك . والوصية قالوا يوم القيامة بتعطش ( أمل بنت أختك وعاطف بسلموا عليك ) |
| Quote: ابو قصي انت ساكن جدة يعني .. سلم عليهمالعلاقة بين الرجل والمرأة كأسمى علاقة إنسانية إذا لم تؤثر فعلا في نظرته للمرأة أو في طريقة تعامله معها يبقى الرماد كال حماد ، أما الأخت التي ترتبط بانسان لمجرد أنها انبهرت بطريقته في التنظير وحفظ المصطلحات دون النظر للسلوك العملي أو مدى تأثير تلك النظريات التي كثير هم ووليداتهم .. وقول ليهم الشوق بحر .. |
المسألة دي عايزة حس عالي واحيانا الناس زي ما قت تنبهر بالدراب ..
| |
|
|
|
|
|
|
|
|
|
Re: الما بخاف من مرتو ما راجل ...ح (Re: domdom)
|
(| Quote: عايز اقول بالواضح جنس كلام المراة دي ) |
دمدم .ز
لا بالله الرسول اكان ما اديتني حبلي
| Quote: ي الواحد بدل تسافر في عمر الاربعين ده نشوف لينا شابة متوسطة 30 سنة كده |
تكتيك يعني تكتلا بالمغصة وتعرس بدهب بت التلاتين ..
كويس يادلدوم نسوف
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
Quote: الحقي يا نجوى واحد رقم
بس تماضر جايانا في مسقط
وتختيها في بالجرح بطيب
عزبا بهية ولا جيزة مخفية |
أهلا بتماضرفي مسقط. ويا تماضر أنحنا كنا جيرانكم في الثورة الحارة السابعة.
واشغل أعدايا بأنفسهم ... يا بت فاطنة
| Quote: ياربى حالة ريسنا المشير صاحب المرتين تكون كيف ؟ |
مالك علينا يا ود عكر .... طرينا الشر لي بعده.
| Quote: بس يا حامد بدوي أنا ما بتكلم عن أم قصي أنا بتكلم من ناحية عامة ، خلينا في السليم أحسن |
تقول لي غناك حزين؟ ما قلتو شايقية!!
| |
|
|
|
|
|
|
|
|
|
Re: الما بخاف من مرتو ما راجل ...ح (Re: حامد بدوي بشير)
|
سمعت:
أهلا بتماضرفي مسقط. ويا تماضر أنحنا كنا جيرانكم في الثورة الحارة السابعة.
واشغل أعدايا بأنفسهم ... يا بت فاطنة
انا جاياكم فى مسقط ياعشة؟؟
ما كلمتونا
انا البعرفو انى ماشة الشارقة احضر ايام الشارقة المسرحية فى مارس ايام يوم المسرح العالمى..
يكون جميل لو رتبنا مشوار مسقط.
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
تماضر
الجملعة عازمنك معانافي ابوظبي
المهم سوف اكون في مامورية من يوم 5 الي 15 مارس خارج الامارات و بعد تنتهي من شغلك يا بت الناس ام الاولاد و انا عازمنك معانا لغاية ما تسافري و الله العظيم ماها عزومة مراكبية
اها ان شاء الله تدينا نص يوم لو البرنامج مذدحم ما عندنا مانع
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عبدالرحمن عزّاز)
|
شفت يا عشـة الكلام دة كيف
أخوي عبدالرحمن عزاز دة بيخاف من مرتو up front
يعني سـمبهـار..
يعني هو لسـة ما خاطب، و لا عارفها من بنات أمريكا/لبنان/البقارة
لكن من هسي خايف..و انا شايف..
ملهوزة:
أنا بحاول ما أجي راجع ع شان ما يسألني مباشرتـن ..
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
والله هلا هلا راجل السرور قائل هذه العبارة
قيل ان رجل سأل جاره عن سر السعادة و الهدوء في بيته
تنحنح الرجل وقال: المسألة تخسسات.
ساله الآخر: كيف يعني
قال: عادي كل زول يعمل العليه.
قاليه ابن وافصح
قاليه مثلا انا خالي للمرة تقرر نزور منو ما نزور منو نقاطع من اهلي
بديها كل الماهية ناكل نلبس شنو دا كلوووووووو تخسساهي
قاليه طيب انت تخسسك شنو
قاليه: السياسة والكورة كان مرة ساكت تجيب سيرة الكرة الا اشب ليها في حلقها بت الكلب.
عشة شايفاك رجعتي تاني....للنضال.
محبتي لكم كلكم
| |
|
|
|
|
|
|
|
|
|
Re: الما بخاف من مرتو ما راجل ...ح (Re: bayan)
|
Quote: قاليه: السياسة والكورة كان مرة ساكت تجيب سيرة الكرة الا اشب ليها في حلقها بت الكلب.
عشة شايفاك رجعتي تاني....للنضال. |
النكتة محولة لحامد البدوي . حامد هذا مصيبة معانا في مسقط انشاالله بلمك في هو راجل تب ما هين ..فيلسوف ..
أريتو راجل السرور مربي عيالو وشايف كورتو ..
تقولي شنو ا ينجاة نحرد ونجي راجعين تاني نحفر قدر ما دسينا محافيرنا ما قدرنا ..
ماحكّ ظهرك مثل ظفرك
| |
|
|
|
|
|
|
|
|
|
Re: الما بخاف من مرتو ما راجل ...ح (Re: حمزاوي)
|
| Quote: واتاريها بتقول لي كدا عشان انا بخاف منها . . طيب طيب |
حمزاوي سلام الف .. بس ما تقول لي ناوي أنقلاب .. بس ما جينفع الكديسة بدبحوها اليوم الاول بعد مافي طريق بس خليك مع الكورة .. !!
ودي نصيحة عشان القرابة
| |
|
|
|
|
|
|
|
|
|
Re: الما بخاف من مرتو ما راجل ...ح (Re: أبو ساندرا)
|
Quote: بنتنا مي السمحة أضافت :
المابخاف من مرتو مابخاف من الله
والخواف بربي بناتو |
تحية ليك يا ميوية السمحة
وأبوة كدا يا بت بركات ..
لازم تبدي صاح !!!بس ما تخوفي شديد بعدين
خوف محنة , بناتنا يقومن اصدقن اقومن أرتكبن
ليهن مصيبة .. شوية شوية حبيبتي !!
| |
|
|
|
|
|
|
|
|
|
Re: الما بخاف من مرتو ما راجل ...ح (Re: عشة بت فاطنة)
|
Quote: وأبوة كدا يا بت بركات ..
لازم تبدي صاح !!!بس ما تخوفي شديد بعدين
خوف محنة , بناتنا يقومن اصدقن اقومن أرتكبن
ليهن مصيبة .. شوية شوية حبيبتي !! |
أيوااااااا
كدى يعني!!!!!!!
يعني الحكاية فيها مؤامرة يا بت عاشة!!!!
مؤامرة ووصا بممارسة التخويف المحرم دوليا.
شوفي يا عاشة.
أنا قلت (الما بخاف من مرتو). وما قلت (الما بتخوفو مرتو)
وجاييك تاني.
| |
|
|
|
|
|
|
|
|
|
Re: الما بخاف من مرتو ما راجل ...ح (Re: حامد بدوي بشير)
|
البوست دا عسل عدييييل .. يا بت فاطنة
| Quote: والنساء _معظمن- يلبسن الدهب وادخرنو لليوم الاسود |
و الرجال_معظمهم_ ينتظرون اليوم الأسود ..
Quote: بس يا حامد بدوي أنا ما بتكلم عن أم قصي أنا بتكلم من ناحية عامة ، خلينا في السليم أحسن .
|
و هذا ما دفع أحد الكتّاب بإصدار "الطريق السليم فى الخوف من الحريم"
سأل أحدهم زميلة: عامل كيف الصباح دا
ردّ الآخر: عملت شاى الصباح و وديت الأولاد المدرسة و غسّلتا عدّة العشاء
رد الأول بإستغرب: و إنتا عدة العشاء بتبيتا للصباح
و أنا كذلك ... عدة العشاء ما ببيتا للصباح .. و برضو ما بخاف
يا معشر الرجال هنا .. أخبركم أن عشة بت فاطنة تقود حملة لتأليب النساء على تخويفنا .. و لكننا رجال و ما بنخاف أوى أوى
| |
|
|
|
|
|
|
|
|
|
Re: الما بخاف من مرتو ما راجل ...ح (Re: Ali Alhalawi)
|
| Quote: أنا كذلك ... عدة العشاء ما ببيتا للصباح .. و برضو ما بخاف |
الاستاذ على الحلاوي .. احي فيك التوازن والجدية!!
وهذا لا يدل على فهمك على لعبة الحياة ,,
طبعا غسيل العدة ليس هدفا بقدر ما أنها مؤشر على المشاركة في الحلوة والمرة ، أحيانا تكون بابسط الاشياء التي لا تكلف أي زمن ولكنها تقربك من الاخر وتحسسه بالامان والحب وفهم الاخر ..
ومزيد من التفاهم لخلق بيوت خالية من
التوتر .
بت فاطنة
| |
|
|
|
|
|
|
| |
عشة بت فاطنة
ABU QUSAI
Tumadir
ابو جهينة
Al-Shaygi
هشام آدم
Yassir7anna
انتصار محمد صالخ بشير
احمد العربي
NGABY AJOOZ
فرح
الطيب بشير
AlRa7mabi
طيفور
khaleel
ود العجمى
Muna Khugali
انعام عبد الحفيظ
الملك
عبدالرحمن عزّاز
bayan
أبو ساندرا
فيس بوك
تويتر
انستقرام
يوتيوب
بنتيريست