|
|
 وما حب الديار شغفن قلبي ولكن حب من سكن الديارا
|
الحمد لله عدت الى مدينة مسقط وعدت الى المنبر العام وكلي شوق ولهفة للقائكم اخوتي واخواتى اعضاء المنبر العام . كنت بالامس في ابو ظبي وكانت احلى واسعد لحظاتي مع الاخ العزيز ود القبائل فاروق حامد الذي ترك كل مهامه الصحفية والاسرية وعلاقاته الاجتماعية المتعمقة في المجتمع الاماراتي ليرافقنى - بكرمه الفياض - طيلة فترة تواجدى في ابو ظبي وحتى لحظة اقلاع الطائرة من المطار الى مدينة مسقط . ايضا التحية الخاصة الى الباشمهدنس ابو بكر سيد احمد الذى كان على اتصال بي على الدوام لحظة اقامتى في الفندق في ابو ظبي .
والتحية الخاصة لود حنا عضو المنبر العام وحنّّا ذاتها يا الفاروق ؟؟؟؟؟؟؟؟
اما ود المحرب في نار جهنم تاكله من راسه لكرعيهو وبوريكم السبب بعدييييييييييين خلونى انجم شوية وارجع ليكم.
تحياتي لكم اخوتى جميعا والشكر لاخينا بكري ابو بكر صانع هذا التواصل الانساني الجميل.
ود شيقوق
|
|
 
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: الطيب شيقوق)
|
عوداً حميداً يا الطيب.
___________________________________
| Quote: وما حب الديار شغفن قلبي - ولكن حب من سكن الديارا |
البيت للشاعر العربي قيس بن الملوح،
لم أفهم لماذا أضاف "نون النسوة" للفعل "شغف" وكأنه يقصدُ الديار "المؤنث"
لا الحب "المذكر"؟ يعني ليه ما قال: وما حب الديار " شغف " قلبي؟
لو كان قال: وما " تلك " الديار شغفن قلبي... لـَـسـَـهـُـل الأمر.
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: محمد ابراهيم قرض)
|
اعزائي واحبابي الاخوة
عادل جبارة
ابو قوته
دكتور قرض
حبابكم عشرة وجيتكم متلهف ومشتاق لكم ولكل الاخوة والاخوات اعضاء المنبر العام
الاخ دكتور قرض طلتك تضفي على المنبر طعما ولونا خااااااااص ارجو المداومة
الاخ ابو قوتة جميع الاهل بخير وعافية بس المجاملات الكتييييييييييرة سلت روحهم عدييييييييييييل
لكم مودتى
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: الطيب شيقوق)
|
هلا هلا هلا
اولا الحمد لله على سلامتك انا والله تكلونى عشان اجى اقعد
فى الكرسى الليله بس البقيت كويس مشيت لى فكى قالى
ساحرك الزول الكان مسافر قتليه عرفتو انشاء الله بى
السحار اللياكلو 0 قت ليه طيب العلاج شنو قالى لازم يرسل
ليك شعر من 00000 وتحرقو بتبقى كويس 0 وتانى قالى تشيل
الصورة
الطيب ها زول حرم حبابك انا بغده بقيت كويس طأأأأأأب
دى دايره خروف 00000الشمارات 0 بعدين
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: سمية الحسن طلحة)
|
الدندر صعيد كعب البزمو لالوبا كتير نبقا تخمو وكعكولا كبير ينسى الجاهل امو - كيف كل الاحباب فى البردانة -عيال شيقوق وعيال البدوى وعيال ابا حميد وكيف اخبار النعام -وكبف عثمان صالح عثمان ادريس احمد -ودفع الله يوسف جبره -وكيف الصعيد عموم -حاولت العثور على احمد تى فى الحج عن طريق عثمان النصرى لكن ما لميت فيه -وكيف جدى اسماعيل وابنه مصطفى -والاستاذ على الامام -
كيف حاج فاروق ود حامد والتحية لابوبكر ود سيد احمد وابطاحين جميعا -وكل بقية الاحباب داخل وخارج البورد - حمد الله على السلامة
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: سمية الحسن طلحة)
|
Quote: أبوبكر ما قصر واستحق التابعية أدانا أحباركم انت وود النار من طق طق لى السلام عليكم
أما ود المحرب يفتش لى تلفونك بين الطش والرش |
يا أبا بكر
تالله لم نعهد في الرطانة الفتنة!!!!
ألم يدرسوكم زمااااااااااااااااان في الكتّاب
إنه الفتان بودوه النار ؟؟؟؟؟؟؟؟؟؟؟؟؟؟
هسع لزومه شنو تفتو مع الملكة بت طلحة !!؟؟
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: الطيب شيقوق)
|
اها ياودشيقوق
ياتو ديار الشغفن قلبك ....؟؟ ام بدة والا حلتكم والا البلكونة والا الاوتيل فايف ستار والا المطعم اياه الوداك ليهو عم فارووق والا القهوة اياها برضو الوداك ليها عم فارووق ؟؟؟
انت الحت ما بتشبع منو ؟؟؟
ومالك ومال ود المحرب ؟؟ يعني بشان بخاف عليك وبتصل بيك انصاف الليالي بشان يتاكد انك بخير بعد حفلات الحت ؟؟؟
-------
امس طلعت من الشغل الساعة ثمانية ولذا ما اتصلت بيك تاني وعموما ات ما كت فاضي زي ما قال فاروق القيتو خاتي رجلينو في موية دافية وملح في قهوة ام عبداللة ( بتاعة ابوظبي) وبيشتكي لخلق الله من المشاوير معاك والحت ؟؟
دحين ماشي لشغل وبالليل نشوف حكايتك شنو يا حتات ؟
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: الطيب شيقوق)
|
Quote: ومالك ومال ود المحرب ؟؟ يعني بشان بخاف عليك وبتصل بيك انصاف الليالي بشان يتاكد انك بخير بعد حفلات
الحت ؟؟؟ |
باشمهندس ابو بكر
إت قايل اتصال ود المحرب الحاسد ده اتصال محنة ؟ وتقصد شنو انت يا بكري ايوه فهمتك بالحيل انت بتقصد بعد لعب ام العتينوبة او حرت ولا شنو؟ ( راجع الفاروق ود حامد وود المحرب للشرح ولكن فقط في حدود ما تحويه من معانى ظاهرة والا يتعمقا في تورياتها حتى لا يخلا بنبل المقاصد؟؟؟؟؟؟؟؟)
لك معزتي
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: الطيب شيقوق)
|
| Quote: إت قايل اتصال ود المحرب الحاسد ده اتصال محنة ؟ وتقصد شنو انت يا بكري |
يعني لو ما محنة يصرف ريالات وهللات ويسهر الليالي لحد ما الخط يشبك ؟؟ يعني ات عندك شنو هو ممكن
يلقاهو عندك من مكالمة هاتفية بتلفون لسه ما G3الجيل الثالث؟؟؟
Quote: بعد حفلات الحت؟
ايوه فهمتك بالحيل انت بتقصد بعد لعب ام العتينوبة او حرت ولا شنو؟ ( راجع الفاروق ود حامد وود المحرب للشرح ولكن فقط في حدود ما تحويه من معانى ظاهرة والا يتعمقا في تورياتها حتى لا يخلا بنبل المقاصد؟؟؟؟؟؟؟؟) |
انا بتاع المعاني الظاهرة فقط لانو العربي الدرسوني ليهو اصعب جملة زي ما قلت زمان "ظلع الجمل" فبالله خبر العراريب والعرريبات كلهن هنا انو يلتزمو بلغة تراعي حال العبدلله والا فسوف اتعلم صيني واصلو هم اضعاف اضعاف البتكلمو عربي- عامليلنا زحمة ساي- واقولكم جاو
انا فجي (نباتي) وعندي حساسية ضد الدايري برودكتس
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: الطيب شيقوق)
|
صباح الخير ياحلوين
انا شايفكن ات وابوبكر دايرين تتشكلوا
والله بينى وبينك دى انا دايره لان الرطانى باعنى
بعد ات ما جيت قال الترجمه بتاعتى دايره ترجمه
رغم انو راجل حقانى لكن نشوف نهاية العراك ده
حدو وين0 بعدها ممكن اقبل اكون مترجم0
الراجل بقا فى معيتنا
صعب تهميشو0000
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: الطيب شيقوق)
|
اولا يا ودشيقوق هو "جمل ظلع" يعني حالة مرضية .. ما قالو لينا" جمل بلع " بشان الواحد يعرف انو في جمال بحالة صحية تسمح لهم بالبلع وبعدين نشوف اوصافن الباقية ..
ود المحرب حول الموضوع لما شاف العرريب قريبو فارش حجباتو وعامل حولية للفاروق ..
وبعدين انتو نضم العراريب دة ما عندو اخر كل مرة تزيدو كلمة اهو اخر واحد جاي بطائر النرد يعني النرد بتاع الطاولة كمان بيطير والتكمبري دة اكيد كلمة مستعارة ..اخر كلمة فيها "تك" كانت تكل متيين كمبرتوها
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: الطيب شيقوق)
|
اها ياودالمحرب
| Quote: ياربى مالو سوال داير اجابه من ابوبكر |
ابوبكر هو الكان فاتح معاهو خط ساخن قريب لشهريين ؟؟؟ اها زولك بعد الخط الساخن ما قابل الا الفارووق .. ومشي معاهو بكانات وووو تاني يوم فارووق لقيتو خاتي رجلينو في موية دافية وبملح في قهوة ام عبدالله الظبيانية يلعن حظو ؟؟؟ بدل الملاوعة ات والفارووق شوفو سويتو ليهو شنو دحين ارقام تلفونلات امبدة معاي وبعدين اجر خط تجو انتو كلكم واقعيين ؟
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: فاروق حامد محمد)
|
| Quote: اهل التكمبري .. الدقاق .. .. اهل الكرم اللا محدود |
اهلييييييييييييين معتصم عبد الرحيم ات جاى من وين البتعرف التكمبري والدقاق كلامك عسل يفوح من هنبريب دنادرنا
فيهو بركة الابيضاب و روحانية الشيخ ابي قراقيب . فيهو نقيع القربة المدبوغة بالكتاب النااااااااااااااااعم وفيهو عوعاى البهم عند العصرية وقت امه تجيهو جارية من السرحة .
دحين ابقى عشرة على اخوانا الفاروق وابي بكر وود المحرب جميل المحيا والحلو حلاة ( الله يكفيك شر قال الحلو حلاة يا ام احمد) الزول كسريهو بمصاريف الطلبة وكسريهو بكارفور وكسريهو بعنب الرياض وتياب البطحة والباقي الما بيتاكل اديهو الزبالة بذارا لقروش ود المحرب الحلو حلاة وكان غلبت ام غلاب اديني فيهو سحبة خليني اسجمو ليك بفكى قونى والله كتابته اكان ام دلدم ختت ما بتخت . فكى قونى بجاوز الحجاب بشحم الورل وزيت السحلية وده الخلانى ما اشوف في الدنيا غير ام عبد الله ( السمحة ام ولدى) .
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: الطيب شيقوق)
|
Quote: ايويكر والله ا نا زاتى ماعرفتها التكمبرى لكن الظاهر انها local
على الضيق الطيب صاحبك البارح انتقمت منه بى الليل كان ال زمان
هوولكن اختلف المكان لقبتو المسكين فى سابع نومه كعادته ماتسمع
الكضب قال0 (عرس الزين) |
اود المحرب
ويا الفاروق
ويا ابا بكر
ويا زينين ويا الحلوين
ارموا بالكم لكلامى ده كويس (التكمبري ) دى قرية من قرى شرق نهر الدندر وفيها الشيخ الصالح مولانا ابو قراقيب وحتما حتكون بانتيو الشمال وفلج الشمال وابا جابرة الشمال استمر التنقيب عن النفط في منطقة الدندر من ايام شفرون وبعد مغادرة شفرون اتت شركات ماليزية للتنقيب في منطقة الدندر مربع 8 وهذا المربع يشمل جميع المنطقة الواقعة شرق النيل الازرق واول بئر نفطية تم حفرها في قرية ( التكمبري) حيث وجدت كميات مهولة من النفط سيبدا ضخه في خلال الاشهر القادمة . وحتكون قرية التكمبري زى كركوك وسيبيريا وبحر الشمال وبحر غزوين وكمان الخبر .
هنالك ابار اخرى في نفس المنطقة واقعة في قرية نجم الدين وقرية حدية وكلها من قرى نهر الدندر .
انا بفتش لى في عقال الايام دى اعملوا حسابكم.
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: الطيب شيقوق)
|
Quote: مسكين الشيقوق جاء من السودان مفلس من كلو
وين اللاب توب المكتب ده ما بحل المشكله لازم
التواصل من البيت نديك 24 ساعه تحل المشكله
ابوبكر شوف صاحبك بلاهى نايم على طول الخط
ياربى مالو سوال داير اجابه من ابوبكر 00 |
ود المحرب انا حرم ماني بسافر بقفل التلفون حرم طالقو صدقة سااااااااااى والجماعة يصوطوا ساااااااااااى لحدى مشّوهو على عجل الحديد لكن بيرجع اصبروا .
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: bayan)
|
| Quote: وجدت كميات مهولة من النفط سيبدا ضخه في خلال الاشهر القادمة . وحتكون قرية التكمبري زى كركوك وسيبيريا وبحر الشمال وبحر غزوين وكمان الخبر |
يعنى نجهز مكتب داخل القصر الجمهورى للسيد مستشار رئيس الجمهريه الطيب شيقوق
حتى ينضم الى ركب المستشارين (الكتأأأأأأأأأأأأأأار ديل)
لكى يناقش تقسيم الثروه والسلطه لاهالى الدندر 000
والله بختك ياودالمحرب وكمان ابوبكر وحفيد النار بقا عندنا زول فى الحكومة
وكمان جو الجك00
| |
|
|
|
|
|
|
|
|
 Re: وما حب الديار شغفن قلبي ولكن حب من سكن الديارا (Re: bayan)
|
أخي العزيز الطيب
من المودة أجزلها ومن الحب أغزره
إذا ستشهدت بما ورد على لسان عاشق ليلى نحن نرد عليك بنفس لسانه ونزيد ( ألف جمد الله على السلامة
ودّع الصبر محبٌ ودعـك ذائـعٌ مـن سـره ما استودعـك
يَقرع السنَّ على أن لم يكن زاد في تلك الخطى إذ شيعك
يا أخا البدر سناءً و سنـاً حفظ الله زمانــا أطلـعك
إذ يطل بعــدك ليلي فلكم بتُ أشكو قصر الليل معك
| |
|
|
|
|
|
|
|
|
|
Re: وما حب الديار شغفن قلبي ولكن حب من سكن الديارا (Re: ابوبكر يوسف إبراهيم)
|
| Quote: بقا عندنا زول فى الحكومة |
ود المحرب ما تلخبط يا اخوى كلامك ده زى البدق عطر منشم بيني والفاروق . انا حاشاى اللمة على الحكومة يا ابا احمد والكلام ده لو سمعه الفاروق تاني حرم سلام ما يسلم على .
ام منشم دى امرأة كانت في الجاهلية بتعمل عطرها وترش بيهو القبائل المتاحربة عشان تولع النار بينهم . وعندنا في البطانة بقول ليك اقلب النعال عشان الشكلة تولع زيادة .
عندنا عمنا متزوج مرتين وطوالى بيتشاكلن مع بعض وهو اصلا ما بقوم من هبابو وقت الشكلة بعاين ساااااااااى ويضحك ويقلب ليهن نعالوا عشان يتمعطن شديييييييييييييد.
دحين بيني والفاروق ما تقلب النعال الزول ده انا حارى منو كتيييييييييييير .
| |
|
|
|
|
|
|
| |
الطيب شيقوق
abuguta
خالد المحرب
mamkouna
رأفت ميلاد
علاء الدين حيموره
فاروق حامد محمد
abubakr
Ahmed al Qurashi
حيدر حسن ميرغني
انعام عبد الحفيظ
معتصم عبدالرحيم
Muna Khugali
bayan
فيس بوك
تويتر
انستقرام
يوتيوب
بنتيريست