|
|
 عين الســــــــــــواد والرماد...
|
ما بقدر اكتب البحس بيه..
...
فى حاجة واقفه بينى وبين روحى ...زى قزاز مصفح ...ومغبش ...حاميانى اسمع الرعد ..واشوف البروق الشايلاها غيوم الكتابة
الف فكره ...بشوفهم بعيونى بتدافروا جنب باب الخيال...فى ممرات التجارب ...والشجون...بجوا ويرجعوا
الف رد على فكره ملهمة ..بكتبوها الناس هنا...بجى بس اقيف...زى الاصم... وارجع ....
وما اكتب حرف...
فى حاجه بس
زى عبره
او حزنا كتير
او قنعه من .......عالم فقر
او عين ....(هاهاها) والله ضحكة بدون طعم
فى شنو ... ياناس ...ده من شنو؟؟؟؟؟؟
|
|
 
|
|
|
|
|
|
|
|
Re: عين الســــــــــــواد والرماد... (Re: Tumadir)
|
تماضر
بقيتي تستهبلي علينا ،، كان ما ديرانا قولي عديل ما دايراكم ،،
كل يوم تطلعي لينا بعذر جديد ، مرة الكمبيوتر خربان ، مرة ماعندك عربي ، مرة مشغولة ، مرة كاردة الرزق ، وآخرتها والله طقوني عين ،،
بطلي استهبال ، وارجعي زي ما كنتي ..
| |
|
|
|
|
|
|
|
|
|
Re: عين الســــــــــــواد والرماد... (Re: ودقاسم)
|
ودقاسم
تتذكر قصيدة ود المكى "شىء فى قلبى كالاكلان"؟؟
بس...
طوالى حالتى بتذكرنى بحال...زول مشلول فى اصبعو البعزف بيه ..او يدو البكتب بيها ...او قلبو البحب بيهو
غالتونى كويس .... لما تقروها فى الصفحة الاولى
| |
|
|
|
|
|
|
|
|
|
Re: عين الســــــــــــواد والرماد... (Re: Tumadir)
|
لسلام عليكوم ورحمتو الله تعالي وبركاتو والفي حبرك هاتو.
تماضر امبارح في شمبات فاتتك ونسه بمئات الدراهم
كل الناس الفيها من قبيلة الناس ووالناس البفكو العمل
وكان في عود
وغنينا ياقمر انا مابطولك
علي كل مازلت علي عيني
انتي ما بجيش ليه !؟
عايز اقول شنو
سمعتي غنيه ابوالامين بتاعه (عين السواد فيها اعواد)
بمناسبه الرماد دي
امال فين حماد
عادي الحركه دي بتحصل انا غايتو بروحها بالقرايه و.......
النقط نقط دي عشان ما يقولو 0صغير وبسكر0
| |
|
|
|
|
|
|
|
|
|
Re: عين الســــــــــــواد والرماد... (Re: Tumadir)
|
ًWriter's block , Ya Tumadir?! but , when I read this: i
| Quote: فى حاجة واقفه بينى وبين روحى ...زى قزاز مصفح ...ومغبش ...حاميانى اسمع الرعد ..واشوف البروق الشايلاها غيوم الكتابة |
I'd say the writer-in-you is still awake and able to write herself, again and again
she is able to describe the absence of writing.... by writing it
إطــمَّنتي؟
لك الود؛ كله
| |
|
|
|
|
|
|
|
|
 Re: عين الســــــــــــواد والرماد... (Re: Tumadir)
|
طمطم
برية من العين والعين قهرناها بالقاهر والنبي الطاهر
تعرفي احتمال شغلك مع ذوي الحاجات الخاصة
هو الولد عندك احساس بلاجدوى حاجات كتيرة وخلاك تقولي انه
البني ادم دا ما محتاج لاكتر من تلاتة وجبات وسرير وحمام
كلامك دا خلاني اتذكر ود خالتي الذي احبه كثيراً
اتذكر عزفه على الصفارة الذي يمزق نياط قلبي
معانقته للزائرين / ات بحراره تعبر تماماً عن احتياجه لتواصل انساني حميم
المه عند خروج هؤلاء / اولئك الذي يرسله قفزات مجنونة وصراخ من يجلد بالسياط
رقصه عندما يسمع ما يطربه
على فكرة هو اخرس اضافه لتخلفه
وبشبه ابو مهيار نديدك كأنهما توأم
انا عارفة انك موقنة يا تماضر
من انهم ونحن محتاجين / ات لاكتر من الوجبات والسرير والحمام
محتاجين / ات لنصف عطرنا المفقود
لنصف قمرنا الذي نستعيده عندما نقرئك
( اكتبي رشي عبيرك فينا
وفتحي يا زهرة )
| |
|
|
|
|
|
|
|
|
|
Re: عين الســــــــــــواد والرماد... (Re: الجندرية)
|
تماضر....تسلمى
وما تشفقينا عليك.....وزى ما قال ود قاسم عشان بنريدك وبنخاف عليك
تقومى تسوى كل ده...والا ده استعداد لاخر اوراق ابو امنة....
يلا قومى مع اخواتك ديل جندرية وندا وملكة سبا ارفعن كتف البورد
الميل........سلمتن،،،
| |
|
|
|
|
|
|
|
|
|
Re: عين الســــــــــــواد والرماد... (Re: Tumadir)
|
تماضر
لو المسألة مسألة عين يكون أمرها بسيط جدا ، بس تندهي جدك الشيخ يوسف أبوشرا والله تفتشي عليها ما تلقيها ،،
أما لو كانت المسألة حالة إحباط أو قرف فهذه حالة لها معالجات أخرى ،، ولكن من أهمها الدخول إلى المنبر وتجاذب الحديث بالماسينجر ،،
والشغلانة بتاعةالمتخلفين أو المعوقين أو ذوي الحالات الخاصة أو المصابين بمتلازمة داون ، شغلانة فيها كثير من التعب والمعاناة والعطاء ، اثنين من أخوات فوزية متخصصات في هذا المجال ، وأنا حقيقة أعطف عليهن ،، وكثيرا ما أتساءل لماذا هذا المجال بالذات ؟؟ على كل هو عمل إنساني ، لكنه يحتاج الصبر وطولة البال ويستهلك كل الوقت ،،
على العموم ما تخافي زي ما قلت ليك أبو شرا ، أو حفيده حمد النيل والمسألة ستنتهي ،،
| |
|
|
|
|
|
|
|
|
|
Re: عين الســــــــــــواد والرماد... (Re: Tumadir)
|
أكون أنا السواد والرماد يا تماضر..
عيني أتاريها ما باردة
يمكن ما صليت على النبي.. اللهم صلي وسلم عليه
وما قلت ما شاء الله.. ما شاء الله وتبارك الله
أمسكها ليك.. وقولي لي لو الأكلان في قلبك راح
تكون جد جد عين السواد والرماد
وأنا قلت للناس القراب قبال. ما في عدو بلا الروح
التسوي بي ايدك يغلب أجاويدك
وكان ختتك روحك من بلاها وسجمها ورمادها ما في زولا يقدر عليك
علا ما قايلة السجم والرماد يا تماضر بمش عليك
بسم الله ما شاء الله لا يسوق الخير إلا الله ما شاء الله لا يصرف السوء إلا الله ما شاء الله ما كان من نعمة فمن الله ما شاء الله ولا قوة إلا بالله العلي العظيم(3 مرات)
| |
|
|
|
|
|
|
|
|
|
تماضر (Re: Tumadir)
|
العزيزة تماضر
لك تحيات الورد
عين والله عين
لكن ده حال المبدعين الانا بعرفهم كويس زي جوع بطني
اكتبي ياغالية
اكتبي
الكتابة ام دق
خالد
| |
|
|
|
|
|
|
|
|
|
Re: تماضر (Re: خالد العبيد)
|
بت الشيخ !!!!
كيفنك .... يا بت القبايل
مالك عاد امانتاً جاتك
...صغيره؟
...والا جاهله؟
دا مو الوحم بس !!!
كدي شيلي الصبر
وقولي الله لي
لامن أجيب ليك بخرات من الشيخ الفاضل راجل الصعيد
اقعدي عافيه...
ونومي مطامنه...
| |
|
|
|
|
|
|
| |
Tumadir
المسافر
ودقاسم
Ibrahim Algrefwi
farda
Ahlalawad
ملكة سبأ
الجندرية
صديق الموج
kh_abboud
لما تكونو فى حالة إنقباض ما ترسموا بس أعبدو ولكن فى حلات االبسط ارسموا ) ...وفى حالات البسط كان إبداعنا تمام ...
Abo Amna
abas
ابو جهينة
Adil Osman
alfatih
خالد العبيد
ود شندي
إيمان أحمد
فيس بوك
تويتر
انستقرام
يوتيوب
بنتيريست