|
|
 (عمر بانقا) الموت مابعيد والدنيا مامعروفه نزل شغلنا!!!!
|
اخي وصديقي الفنان عمر بانقا
الاعمال دي المحبوسه في حلقك ده وهي
١- سمحه وسمريه
٢- ماكده
٣-امت ارجع امدر واعوده
٤-لا سلمت من الملامه
٥-الله كريم علينا
٦-الموفشار
٧-ام ضفاير قودي الرسن
٨- اللوري حل بي
٩- واخيرا ياحبيبي (آخخخخخخخ)
==========================
وحياة الغالين عندك كلهم وحياة حبك للفن
بطل وسوسه صوتيه ياخي الشريط ده صرفت فيهو دم قلبك استديوهات ملحنين عازفين
طيارات عربيات اجهزه وماحصل شريط سوداني انصرف فيهو زي ده
اتكلمنا عننو زمان و،في ناس قالو عننا هواشين ساكت وفعلا كلامهم صاح
نحن هواشين ساكت اتكلمنا واتكلمنا وووووووووووووووو علي قول الفنان ميرغني الزين
ومافي حاجه
التقارير بتقول كل مره بتخش الاستديو تغني وبعدين تمش تسمع
تقول الصوت ما (عجبني)!!!!!!!
معقول ماعارف انو مافي فنان صوتو او تسجيلو بعجبو؟؟؟؟
ياخي ده امر عادي جدا اشك في انك ماعارفو
يخيل لي بتكون سجلت زي مية مره
لكن صدقني اول تسجيل سجلتو هو الاحسن وبطل وسوسه
وووووووووووووووو زي مابقول الموسيقار ميرغني الزين
-----------------------------
والله هسع اعمل باص ويرد
للاستاذه امنه ابو قصيصه عشان تجي تديك علقهو هنا في سودانيس اونلاين
يا اخوانا بالله كلكم ادوه علقه عشان الموضوع ده
حرام عليك ياعمر تحرم الشعب السوداني عصارة ابداع قدر ده
عمل فيهو
شعرا قامات وملحنين قامات
ومنفذين قامات
وتوزيع العبد لله بمزاج
تاني داير شنو ياعمر
والله الا نقول الروب
=================
اخيرا ياخي اتمني الا اموت قبل سماع هذا العمل البديع
والا ينزل مع القول بان والمرحوم الموصلي جنن التوزيع الموسيقي
=======
اها شفتني زعلان قدر كيف!!!!!
رجع باصوردك وتعال رد علي هنا وماتزوغ من الكلام ده
آخوك يوسف الموصلي
|
|
 
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Osman Musa)
|
هي لكن متين ياعثمان آخوي الموضوع ده تم اكتر من خمسه سنوات وعمر لسه بسجل
ياخي الزول ده صوتو حلو جدا اريتو صوتي
لكن هو ما حيقتنع بالعملو يمكن لي يوم القيامه ذاتو
عشان كده هسع انا قايم بي نمره واحد
هاك الوش الزعلان ده ياعمر
عثمان عليك الله كان ما مشيت فطرت معاهو في رمضان وسمعت بي اضانك دي
وتعال قول لي لو كنت محق في زعلي ولا لا
امشي الليله كان زمنكم وظروفكم متفقين
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Elmosley)
|
استاذ الموصلي
اتمني ان يتابع الاخ عمر البوست
بالنسبة لنا ذوي الاصوات القبيحه عندما نغني في الحمام نفتكر انو الناس دي كلها ما فاهمه حاجه
بالله ده صوت الناس ما تسمعو بكل الابداع الفيهو ؟؟؟
عكس ذلك الفنان ذو الصوت الطروب والجميل بحق وحقيقه
كلما يستمع لصوته يفتكر انو قبيح
والله نصيحتي ليك
دق سدرك وانطلق وانشر الاعمال الانا متاكد طالما أمن عليها صديقي الموصلي حيكون علي الف حق
اتمني ان نستمع لاعمالك في اسرع وقت ممكن
وان متاكد انها ستمحو لنا الغث المنتشر هذه الايام
Release if you please
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: طارق ميرغني)
|
انت عارف استاذنا موصلي
الحاله دي ذكرتني ايام الامتحانات في الجامعه واكيد الحاله دي مرت بيك ...
تكون ماشي الامتحان يتخيل ليك راسك فاضي ما فيهو اي حاجه
لمن تقعد في الكرسي ترش العلم رش شديد .
هذا هو شأن اخي عمر اتمني ان يدخل الامتحان وانا متاكد انو حيرش ليك الدنيا دي كلها
باعذب الغناء والالحان
نزل الشغل وما تلاوز.....الدنيا ما معروفه
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: طارق ميرغني)
|
Quote: [انت عارف استاذنا موصلي
الحاله دي ذكرتني ايام الامتحانات في الجامعه واكيد الحاله دي مرت بيك ...
تكون ماشي الامتحان يتخيل ليك راسك فاضي ما فيهو اي حاجه
لمن تقعد في الكرسي ترش العلم رش شديد .
هذا هو شأن اخي عمر اتمني ان يدخل الامتحان وانا متاكد انو حيرش ليك الدنيا دي كلها
باعذب الغناء والالحان
نزل الشغل وما تلاوز.....الدنيا ما معروفه] |
ايوه والله ياطارق الكلام ده حصل لي كتير خلاص
هسع شيخ عمر ده كان خت الرحمن في قلبو
وعمل دعايه حديثه
و٢ فيديو كليب لنفس الاغنيه المختاره
واحد لزوم السودان ونسخه خارجيه
علي اليمين يجيب ليهو كنجالات سمحه تب
عمووووووووووووووووووووووووووور
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Elmosley)
|
أستاذنا أبو هديل
تحايا و تقدير
Quote: التقارير بتقول كل مره بتخش الاستديو تغني وبعدين تمش تسمع
تقول الصوت ما (عجبني)!!!!!!!
معقول ماعارف انو مافي فنان صوتو او تسجيلو بعجبو؟؟؟؟
ياخي ده امر عادي جدا اشك في انك ماعارفو
يخيل لي بتكون سجلت زي مية مره
لكن صدقني اول تسجيل سجلتو هو الاحسن وبطل وسوسه
حرام عليك ياعمر تحرم الشعب السوداني عصارة ابداع قدر ده
عمل فيهو
شعرا قامات وملحنين قامات
ومنفذين قامات
وتوزيع العبد لله بمزاج
تاني داير شنو ياعمر
والله الا نقول الروب
================= |
مما جاء بعاليه ، فإن الفنان عمر يتوخى أقصى درجات النجاح في هذا العمل ، و هو أمر لن يعرف معاييره و أبعاده إلا ممن إستمع إليه بأذن موسيقية و يمتلك تيرموميتر قياس التطريب ..
لو كنت مكان الفنان عمر ، لإستمعت أولا لرأي الموصلي ( و هو رأي كافٍ ) لأن يتوكل و يطلق الشريط بتسجيله الأول.
نحن معك يا عمر بأن الفنان ينشد الكمال ، و لكنه لا يتأتى إلا بالخوض في لجة التجربة ثم التعرض للنقد بكل أنواعه ، فالتجربة الحية هي ميدان حقيقي لإنجلاء المعركة عن فوز ( أو على الأقل معرفة مواطن الضعف أو الخلل ) .. و هنا لا أظن أن هناك خللا في الشريط بشهادة الموصلي
توكل على الله و أطلق العمل .. نثق بأنه سيكون ناجحا فهو محاط بصوتك و لمسات الموصلي.
| Quote: اخيرا ياخي اتمني الا اموت قبل سماع هذا العمل البديع |
عمرك طويل يا أبو هديل ... و هذه يا عمر جملة تعتبر شهادة بأن العمل مجود.
دمتم
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Nizar Ateeg)
|
سلام يا موصلي
و الله نحنا هنا قروشنا الوفرناها عشان نشتري الشريط ( السي دي) بتاعة عمر
صرفناها في ايام الكساد دي‘ بعد ده بلاش زاتو ما دايرين‘ ياخي الأمريكان جيرانو
بطلو يمشو الشغل ( الشريط طلع ولا ما طلع)‘ اوباما قرب يلغي الأنتخابات و يرجع كينيا
قلنا ليه اصبر شوية عل بال ما ركبة عمر تبرا.
الصور أخدناها
و الغلاف جاهز
و شفنا الفيديو بتاع تنفيذ العمل ‘ حرام يا ناس‘ ناس ميرغني ديل دعكوا الكمنجان لمن جابت دخان
الله في.
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Tagelsir Elmelik)
|
Quote: سلام يا موصلي
و الله نحنا هنا قروشنا الوفرناها عشان نشتري الشريط ( السي دي) بتاعة عمر
صرفناها في ايام الكساد دي‘ بعد ده بلاش زاتو ما دايرين‘ ياخي الأمريكان جيرانو
بطلو يمشو الشغل ( الشريط طلع ولا ما طلع)‘ اوباما قرب يلغي الأنتخابات و يرجع كينيا
قلنا ليه اصبر شوية عل بال ما ركبة عمر تبرا.
الصور أخدناها
و الغلاف جاهز
و شفنا الفيديو بتاع تنفيذ العمل ‘ حرام يا ناس‘ ناس ميرغني ديل دعكوا الكمنجان لمن جابت دخان
الله في.. |
خد اهو جاك تاج السر الملك
علي اليمين انا تاج السر الملك يعمل لي غلافي
(علا)
انزلو بلا غنا
الشكيه لي اب ايدا قويه
----------------------------
عليك الله ياتاج اعمل لي غلاف اتفشخر بيهو ساكت
مودتي
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: ابو جهينة)
|
Quote: [نحن معك يا عمر بأن الفنان ينشد الكمال ، و لكنه لا يتأتى إلا بالخوض في لجة التجربة ثم التعرض للنقد بكل أنواعه
، فالتجربة الحية هي ميدان حقيقي لإنجلاء المعركة عن فوز ( أو على الأقل معرفة مواطن الضعف أو الخلل ) .. و هنا لا أظن أن هناك خللا في الشريط بشهادة الموصلي
|
اسمع كلام ابو جهينه الشاعر الفنان المرهف ده
تسلم
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: البدري عبد الله)
|
Quote: وحياة الغالين عندك كلهم وحياة حبك للفن
بطل وسوسه صوتيه ياخي الشريط ده صرفت فيهو دم قلبك استديوهات ملحنين عازفين
طيارات عربيات اجهزه وماحصل شريط سوداني انصرف فيهو زي ده |
صدقت، يا عزيزي يوسف.
أسمعنى العزيز عمر أغنية من الشريط وأخبرني عنه كثيراً. كان وقتها يشرفني هنا
في منزلي ببافلو هو والموسيقار حافظ إبراهيم و الموسيقار ماهر تاج السر.
و"مدهشة" أقل كلمة يمكن أن توصف بها تلك الإغنية. وقد جذبت انتباه إبني هادف
وأمتعته بصورة لافتة مما يدل على أنها، رغم طابعها السوداني المحض، وصلت
لمستوى الذوق الغربي.
كان زيارته تلك قبل ثلاثة سنوات بالتمام والكمال، فقد كانت في أوائل سبتمبر 2006.
وقتها قال لي أن الشريط سيصدر في رأس السنة!
أرجو مخلصاً أن يستعجل صديقنا العزيز عمر بانقا الشريط، فقد طال انتظارنا له، ومرت
ثلاثة رؤوس سنة وما زلنا ننتظر.
فالكمال غاية لا تبلغ!
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Haydar Badawi Sadig)
|
Quote: ان زيارته تلك قبل ثلاثة سنوات بالتمام والكمال، فقد كانت في أوائل سبتمبر 2006.
وقتها قال لي أن الشريط سيصدر في رأس السنة!
أرجو مخلصاً أن يستعجل صديقنا العزيز عمر بانقا الشريط، فقد طال انتظارنا له، ومرت
ثلاثة رؤوس سنة وما زلنا ننتظر.
فالكمال غاية لا تبلغ! |
د حيدر راسنا طاح نحن من تآخيرات عمر
ياخي بعد عمر انتهي من تسجيل شريطو ده
عصام محمد نور نزل اربعه
والسقي اتنين
ومن الايام ديك محمود عبد العزيز يكون نزل كم تاشر
كل الحب
| |
|
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Elmosley)
|
ياخ موت شنو وكلام زي ده يارب الفن؟!؟!
عموما مادام انت وراء الشريط ده اكيد بكون فيهو رؤية يبقى نحن بناشد معاك بدون موت لووول
واقول ليك حاجة تانية انا ذاتي بعمل لي مناشدة لي بكري يجيب عمر ويحظر الباسويرد بتاعك...
تضغط عمر قايل ما في ناس بقيقفوا ليك في حلقك؟!
ما منتظرنك...
التحايا النواضر..
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: معتز تروتسكى)
|
Quote: ياخ موت شنو وكلام زي ده يارب الفن؟!؟!
عموما مادام انت وراء الشريط ده اكيد بكون فيهو رؤية يبقى نحن بناشد معاك بدون موت لووول
واقول ليك حاجة تانية انا ذاتي بعمل لي مناشدة لي بكري يجيب عمر ويحظر الباسويرد بتاعك...
تضغط عمر قايل ما في ناس بقيقفوا ليك في حلقك؟!
ما منتظرنك...
التحايا النواضر.... |
يامعتز ياخي
هسع انا رحلت اريزونا
ومعاي
اريج عازفة الكمان وهديل المغنية عازفة الفلوت والساكس
هديل قالت لي انت يابابا عمر بانقا نزل شريطو ولا لا
فقلت ليها يابتي شريط عمر السمح ده بقي زي حجوة ام ضبيبينه
اصلو مره انا وهي نزلنا في بيت عمر ابو الكرم
ولي هسع لا انا لا هي مانسينا
(آم علي) اقترح علي امنه ان تفتح مطاعم ام علي (علي غرار ماكدونالدز فينتشر في العالم)
نمسك الخشب
مودتي ياجميل
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Elmosley)
|
رمضان كريم يا حبيبنا
وحمد لله بسلامة البنيات معاك
لكين زعلانة منك ليه تشيل السمحات مننا ؟
رجع لينا حلاوتنا بنخلى عمر يغنى ليك
غير كدا ابييييينا
لاياخ بنهظر ثاكت بث
نجى لعمنا عمر بانقا ود الابيض
ياعمر يافنان
اول شى انت وين غاتس ؟
عارف الغنا دا حالة طبعا
زى الكتابة واحد
مافى مزاج مافى غنا
لكن احيانا شوف احيانا دى كويث
احيانا بكون فى ضرورة ان تكتب ان تغنى ان تعيش
طالما انه الغنا دا جزء من نسيجك اعملو ياخى
غنى وغنى وغنى وغنى
اجمل حاجة انه الزول يغنى مش ؟
رمضان كريم والعيد جاى "طرق الصوت ودور حفلات للعيد " تسلم يا حبيبنا
شكرا ليك يا ابو هديل انك ورا الناس السمحة
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Azhari Nurelhuda)
|
Quote: [غايتو أنا سمعت الشغل ده قبل سنتين
و ما محتاج الزول ده يغير فيه أي حاجة
لأنه السمعته جميل جدا
و على مسئوليتي
طلع الشريط.........
طلع يا أخي و الله روحنا مرقت و رى الشريط ده..
و الجاي إنشاء الله، صلح فيهو زي ماإنت عايز
بس إنت قول بسم الله و طلع الأول ده
و قول واحدB] |
ابو الزهور
مره عمر قال لي دميعاتك الغزيرات نزلن
لما سمعت امتي ارجع امدر واعوده
وهسع شهلدتك دي
شهاده من موسيقي معتبر
له باع وخبره
اسمع كلام اولاد كارك ياعمر
الف شكر ياصديقي
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: سلمى الشيخ سلامة)
|
Quote: [رمضان كريم يا حبيبنا
وحمد لله بسلامة البنيات معاك
لكين زعلانة منك ليه تشيل السمحات مننا ؟
رجع لينا حلاوتنا بنخلى عمر يغنى ليك
غير كدا ابييييينا
لاياخ بنهظر ثاكت بث
نجى لعمنا عمر بانقا ود الابيض
ياعمر يافنان
اول شى انت وين غاتس ؟
عارف الغنا دا حالة طبعا
زى الكتابة واحد
مافى مزاج مافى غنا
لكن احيانا شوف احيانا دى كويث
احيانا بكون فى ضرورة ان تكتب ان تغنى ان تعيش
طالما انه الغنا دا جزء من نسيجك اعملو ياخى
غنى وغنى وغنى وغنى
اجمل حاجة انه الزول يغنى مش ؟
رمضان كريم والعيد جاى "طرق الصوت ودور حفلات للعيد " تسلم يا حبيبنا
شكرا ليك يا ابو هديل انك ورا الناس السمحة] |
سلمي الشوق مطر ورمضان مريم
البنيات غزرني هسع الايام دي اشيل والحن والغنيوات الجديده
فاتن العشرين
اها وباقي العقاب جايي في شهر سبعه الجايي
كمان
=======
عارفك حنينه لكن كنت داير قرصتك شديده شويه
خلوه ينزل الشريط ياخي زهجنا
وابقي جاهزه والجايه قايم علي البلابل
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Elmosley)
|
سلام الموصلى
سالت عمنا (ديمترى البازار) واسف جدا جدا لضياع 5 اشرطه مقابله معاهو فى نهايه التمنينات
المهم كان من ضمن الاسئله انو هل ندمت يوم على اسطوانه سجلتها وبعدين طلعت مضروبه
وما مشت فى السوق ....فسكت مسافه طويله ......
وقال ما حصل وكان بيقول انو فى عده اسطوانات اصحابه كانو بيمانعو من انها ما مظبوطه د
بس لانو الموضوع منتجين وكده كانو بيطلعوها وتكسر الدنيا ليس فى السودان فقط
بل الدول المجاوره الافريقيه ..
فيبدو انو دى حاله الفنانين من زمان عم ديمترى الله يرحمو (قبل ما يجينى زول طاير يقول لى يرحمو كيف
هو مسلم ولا كافر ) هاهاااهاهاهاهاهاهاهبتجيبو لينا الهوى .....
بس نصيحه انو يطلع منها فيديو كليب دى تمام بعدين الغث يملا الساحه
وتعتبر تجربه بعد يطرح للجمهمور بعد داك لو فى اى عيوب ممكن فى الكاسيت يتداركها
فى الكاسيت التانى وكده .........
احتجاجى انو عمر اسم معروف فما كان محتاج لغنى حقيبه عشان يعرف بصوتو
واعتقد انو المفروض انو الناس تطلع بحقها فقط
مللنا من سماع اغانى من سنه اربعين الى اليوم
والا سنتجه الى سماع راجل المره والعربيه ورا ورا
اعتقد انو الناس تقتحم وتنزل البومات حتى نحارب الغث بعمل موزون
عل وعسى تعاد فرمته الاذن السودانيه للاستماع للجيد
ويد على يد تجدع بعيد
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: خدر)
|
Quote: يا عمر بانقا
ياخي خلي البخالة و امرق الشغل ياخي
بالمناسبة يا استاذ يوسف .. شغل عمر ده انا حاضر جزء منو
في زيارتي لواشنطون 2004 لقيتكـ شغال في تدوين (امدر و اعودها)
و سمعتني عضم التنويت
اها شفتو حسادتي .. ذكرتكم انو الشغل ده تم 5 سنوات في شهر تسعة ده ] |
والله ياخدر انا باسطه ساكت وام علي في بيت
عمر اكلت ما يعادل انتاج شريط
تبارك الله
غايتو عمر اتلوم في الجمهور تب
بعدين ما قلنا ليك نزل لينا
مراكبيه بي غادي
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: عمر سعد)
|
Quote: اخيرا ياخي اتمني الا اموت قبل سماع هذا العمل البديع
والا ينزل مع القول بان والمرحوم الموصلي جنن التوزيع الموسيقي |
ياحبيب
نحن منتظرين نعوض معاكم زمنا الراح
عمر بانقا
صوت من الأصوات التي لها بصمة تحتل الزاكرة الصلبة في البني آدم
ولا تفارقها
أخي عمر بانقا أستحلفك بكل الطرب الجميل
هلا استجبت لنداء أستاذنا الموصلي
ودمتم
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: عمر سعد)
|
Quote: تجاجى انو عمر اسم معروف فما كان محتاج لغنى حقيبه عشان يعرف بصوتو
واعتقد انو المفروض انو الناس تطلع بحقها فقط
مللنا من سماع اغانى من سنه اربعين الى اليوم
والا سنتجه الى سماع راجل المره والعربيه ورا ورا
اعتقد انو الناس تقتحم وتنزل البومات حتى نحارب الغث بعمل موزون
عل وعسى تعاد فرمته الاذن السودانيه للاستماع للجيد
ويد على يد تجدع بعيدI |
اتفق معاك والله يطول عمرك ياعمر
يمكن تناول القديم ولكن بفكر جديد
مش مجرد ترديد واجترار
ليآخذ عمر بانقا العبره من قصتك الفريده
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: عمر سعد)
|
Quote: تجاجى انو عمر اسم معروف فما كان محتاج لغنى حقيبه عشان يعرف بصوتو
واعتقد انو المفروض انو الناس تطلع بحقها فقط
مللنا من سماع اغانى من سنه اربعين الى اليوم
والا سنتجه الى سماع راجل المره والعربيه ورا ورا
اعتقد انو الناس تقتحم وتنزل البومات حتى نحارب الغث بعمل موزون
عل وعسى تعاد فرمته الاذن السودانيه للاستماع للجيد
ويد على يد تجدع بعيدI |
اتفق معاك والله يطول عمرك ياعمر
يمكن تناول القديم ولكن بفكر جديد
مش مجرد ترديد واجترار
ليآخذ عمر بانقا العبره من قصتك الفريده
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Elmosley)
|
استغرب منذ بدايات عمر بانقا والى الآن لم نحظ
بالاستمتاع بصوته العميق واحساسه المتدفق
وحضوره المميز , لم نحظ به على اسطوانه تدار
على السيارة اوحتى شريط كاسيت حتى ...
فياعمر سألتك بالذى سواك ووهبك درة فى صوتك
ان تترك الخوف والتردد وتورى الناس انك فعلا زول
فنان وساعتها نحكم نحن معشر المتلقين باعاملك
يازول احسن تكب الحنان دا هنا وبطل نقد وحكم ذاتى
فى اشياء لم تشركنا فيها لنحكم عليها .....
رجاء انتبه قبل فوات الاوان ...
تحياتى واعجابى بك
تشكر ياود عتمان بلال
تقديرى ...
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: سمندلاوى)
|
Quote: استغرب منذ بدايات عمر بانقا والى الآن لم نحظ
بالاستمتاع بصوته العميق واحساسه المتدفق
وحضوره المميز , لم نحظ به على اسطوانه تدار
على السيارة اوحتى شريط كاسيت حتى ...
فياعمر سألتك بالذى سواك ووهبك درة فى صوتك
ان تترك الخوف والتردد وتورى الناس انك فعلا زول
فنان وساعتها نحكم نحن معشر المتلقين باعاملك
يازول احسن تكب الحنان دا هنا وبطل نقد وحكم ذاتى
فى اشياء لم تشركنا فيها لنحكم عليها .....
رجاء انتبه قبل فوات الاوان ...
تحياتى واعجابى بك
تشكر ياود عتمان بلال
تقديرى ...] |
هييييييع بكوري ود رفاعه الفنان
شفت الدرش ده كيف ياعمر
===============
انت قايل عمك عثمان بلال بلعب
عليه الرحمة والمغفرة
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Alsa7afa_30)
|
استاذنا الموصلي...
الاغاني الذكرتها فوق دي...براها تخلع...
وسيكون عمر بانقا جاحد عديل كدي ...لو ما نزل الشريط
وبأسرع وقت ممكن...فسوق الكاسيت في السودان...سيندهش
كان طريتوه بي الشغل دا...
خوفكم دا يا عمر ياهو زاتو سبب انتشار...صور المؤدين
علي واجهات محلات الكاسيت...
شعر مبرم وشريط..
نظارة وشريط..
ومع ذلك لاحدي الآن الكابلي والبلابل (وأمطرت لؤلؤا يلقي رواجا)
اكثر من كاسيتات المبرمين شعورهم...
انا شخصيا سأحملك ومن معك جزءا من خراب الذوق السوداني
في الغناء بي جنس خوفكم دا...
يا عمر ياخي صوتك ما بغبانا...من زمنك البتمدح بيه..
غني...وغني...وغني...وفك لينا اسر الشريط والسي دي
ينيبك ثواب فيني والشعب السوزداني كله...
ياخ مشيت محل كاسيت لقيتو فاتح؟؟؟؟....خليها في سرك بس
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: nazar hussien)
|
Quote: استاذنا الموصلي...
الاغاني الذكرتها فوق دي...براها تخلع...
وسيكون عمر بانقا جاحد عديل كدي ...لو ما نزل الشريط
وبأسرع وقت ممكن...فسوق الكاسيت في السودان...سيندهش
كان طريتوه بي الشغل دا...
خوفكم دا يا عمر ياهو زاتو سبب انتشار...صور المؤدين
علي واجهات محلات الكاسيت...
شعر مبرم وشريط..
نظارة وشريط..
ومع ذلك لاحدي الآن الكابلي والبلابل (وأمطرت لؤلؤا يلقي رواجا)
اكثر من كاسيتات المبرمين شعورهم...
انا شخصيا سأحملك ومن معك جزءا من خراب الذوق السوداني
في الغناء بي جنس خوفكم دا...
يا عمر ياخي صوتك ما بغبانا...من زمنك البتمدح بيه..
غني...وغني...وغني...وفك لينا اسر الشريط والسي دي
ينيبك ثواب فيني والشعب السوزداني كله...
ياخ مشيت محل كاسيت لقيتو فاتح؟؟؟؟....خليها في سرك بس |
انت يانزار راجل فنان وابن اسره فنيه
تعرف الان معظم الشباب في حالة اجترار
للماضي بتشجيع من الشركات لرخص الانتاج
وبتشجيع من القنوات لنفس السبب والناس تهلل
والمجترين يذهبون الي عالم النسيان حالما ينتهي الغرض من سماعهم
عمر بانقا وامثاله يتحملون الذنب كاملا
والعبد لله في نص جوطة التحمل
الغنا الجديد الكتير العندي ده كان اولي بيهو الشباب ديل
بدل ان تفرمهم عجلة وماكينة الاجترار
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Elmosley)
|
استاذى الجليل الموصلى
كم تمنيت ان نغنى انا وعمر فى مسرح واحد
مع عقد الجلاد
وبعد غيابه كنت اراه بيننا على المسرح عندما ياتى الصولو الذى كان يغنيه
روحه موجوده بيننا
واراه فى عيون الجمهور
هناك تواصل خفى ماانقطع بين الاستاذ عمر وجمهوره (مع عقد ولوحده)
(لا انسى الفتره التى غنى فيها بصحبه عمر القصاص)
كان يراه ويحب ان يراه فى محطه عقد الجلاد
وكم سيكون هذا الجمهور سعيدا (وانا منهم) عندما يتواصل
مع اساتذنا عمر مره اخرى
استاذى عمر لا تتردد
هى مسؤليه فى عنقك
فعقد الجلاد دورها الاكبر يبدا بعد الخروج منها
وللتاريخ
عمر بانقا اعظم مغنى سولست مر على عقد الجلاد
ورمضان كريم
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: abazar hamid)
|
Quote:
استاذى الجليل الموصلى
كم تمنيت ان نغنى انا وعمر فى مسرح واحد
مع عقد الجلاد
وبعد غيابه كنت اراه بيننا على المسرح عندما ياتى الصولو الذى كان يغنيه
روحه موجوده بيننا
واراه فى عيون الجمهور
هناك تواصل خفى ماانقطع بين الاستاذ عمر وجمهوره (مع عقد ولوحده)
(لا انسى الفتره التى غنى فيها بصحبه عمر القصاص)
كان يراه ويحب ان يراه فى محطه عقد الجلاد
وكم سيكون هذا الجمهور سعيدا (وانا منهم) عندما يتواصل
مع اساتذنا عمر مره اخرى
استاذى عمر لا تتردد
هى مسؤليه فى عنقك
فعقد الجلاد دورها الاكبر يبدا بعد الخروج منها
وللتاريخ
عمر بانقا اعظم مغنى سولست مر على عقد الجلاد
ورمضان كريم |
ياسلاااااااااااااااااااااااام
يا اباذر علي روحك النقيه
ياسلام علي الزمالة الحقه
توقع مني ايميل هام جدا
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: اسامة على)
|
يا عمر يا بانقا يا فنان ..
شنو ياخ ما نجضتنا نجاض ...!
ياخ هو زول يلقى إمكانيات زي حقتك دي وزول بمستوى عبقرية الموصلي ده
ويسووا ليهو الفطاحلة ديل شغل زي ده ويدسوا ويتردد؟؟؟!
ياخ أقول ليك حاجة !!
والله أنا بي صوتي الشين ده لو لميت في الموصلي ده على جنب ...
كان ما بقيت فنان ( أقصد مغني ) ...
ويشار إلي بالبنان كمان ...
التراب دي في خشمي ...!
يا موصلي ممكن إتوسط لي زول فنان كعمر ده ويحتاج لدعمكم ؟؟؟؟
والغريبة كمان إسمو عمر جعفر ...
أكيد تكون بتعرفه ...
يلا يا بانقا إتحرك شوية ..
الموصلي شخصياً - سيد الشيئ زاته - بقول ليك طلع اللعب ...
عايز شنو تاني ...
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Elmosley)
|
الأستاذ الموصلى
سلام
ربنا يديك الصحة والعافية و طولة العمر
وعمر بانقا دا الخمسة سنين ما طلع ال سى دى
فعلى أقل من مهله سيأتى للرد هنا .. موت يا شريط!
تعرف عمر بانقا ما بس حبس عمل فنى رائع مكتمل من سنين
بل تسبب فى عدم المواصلة فى إنتاج العمل الثانى و الثالث
شوف الزول دا حرمنا قدر شنو من إبداعه و أبداع من يشارك فى أعماله
عمر .. فك الشريط و بطل ملاوذة . . و طالبنك بشريطين تانيين متأخرات!
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: الامين عباس احمد)
|
Quote: استاذنا يوسف ازيك
سمحة وسمرية بتاعت اب شنب الله يرحمو والقدال ؟؟؟؟؟
لو بقت هي عليك الله ما تزعل واديني رايك من ناحية فنية
لو قلت ليك اصلا ما متخيل تتسمع من غير الصوات داك وبالعود ...؟؟!!!
تحياتي |
انا طبعا بشاركك في حب راحلنا المقيم وتراثه الفني
بس دي معموله بلحن تاني من حمزه سليمان الفنان الجاد
وقمت بتوزيعها موسيقيا والعمل كله مختلف تماما عن عمل ابو سامر
وعمر اداها حقها تب
ما حآتدخل في ذوقك العالي لكن
بقول ليك (اتخيل)
مودتي
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Elmosley)
|
عمر يا اخوى طلع الشغل
غايتو انا سمعت الاغانى كلها عند الموصلى زمااااااان
والله غايه فى الروعه
وانت يا استاذنا الموصلى من ما قعدت فى الخلا داك
شلت عكازك وقمت علينا
وليك حق كان بتقطع الكبرى بى هناك
تحلق بى دولار وتقلع ضرسك بى تلاته هاهاههاهاههاها
اغادر الى الخرطوم غدا صباحا
عندك اى وصايا لى ناسك بى هناك؟؟
كل عام وانت بخير
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: مبيوع)
|
تسلم يا موصلي انت وعمر بانقا
لكن عمل بهذا المستوي وكامل التوزيع بختم الموصلي يبقي حق( معنوي) حصري للمستمع وبقول لعمر بانقاالاعمار بيدالله لكن التاجيل مضر جدا والاستاذ الموصلي كان في انتظار الراحل المقيم الاستاذ مصطفى سيد احمد(في القاهرة) واضخم عمل يضم الثنين كان جاهز عمل كان مقدرا له ان يكون اضافة حقيقية لارثنا الغنائي لكن يد القدر لم تمهل العزيز مصطفى ولا زال الموصلي وكافة ابناء وطني في حالة حزن خرافي لذللك الفقد .. اسف استاذ موصلي لاجترتر الاحزان العاصفة تللك لكن نكرر نداءنا للاستاذ عمر بعدم التاجيل والتجربة دي ملك الكل ودمتم استاذي الموصلي سدنة للابداع
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: hafiz Issue)
|
Quote: تسلم يا موصلي انت وعمر بانقا
لكن عمل بهذا المستوي وكامل التوزيع بختم الموصلي يبقي حق( معنوي) حصري للمستمع وبقول لعمر بانقاالاعمار بيدالله لكن التاجيل مضر جدا والاستاذ الموصلي كان في انتظار الراحل المقيم الاستاذ مصطفى سيد احمد(في القاهرة) واضخم عمل يضم الثنين كان جاهز عمل كان مقدرا له ان يكون اضافة حقيقية لارثنا الغنائي لكن يد القدر لم تمهل العزيز مصطفى ولا زال الموصلي وكافة ابناء وطني في حالة حزن خرافي لذللك الفقد .. اسف استاذ موصلي لاجترتر الاحزان العاصفة تللك لكن نكرر نداءنا للاستاذ عمر بعدم التاجيل والتجربة دي ملك الكل ودمتم استاذي الموصلي سدنة للابداع |
والله ياحافظ لا فض فوك والله لو حكيت ليك خساراتي مع التأجيلات
حتقع من طولك
حصل تأجيل عمل كتاب مع الجابري اتواعدنا بعد شهر قبل يتم الشهر اتوفى عليه الرحمه
صلاح محمد عيسى معاي في القاهرة للتسجيل بكل الذكاء النادر فيهو
ناس محمديه حسو بيهو تعبان وطلبو مني اسجل ليهو ولو (قايد ساكت)
قلت ليهم ابوصلاح ده انا عايزو يسمع مزيكه بتشبهو
وكان باقي يومين يدخل يسجل الصوت
مات قبلها وفي ايدي
انا ما متشائم لكن انت براك عارف مضرة التاجيل
| |
|
|
|
|
|
|
|
|
|
Re: (عمر بانقا) الموت مابعيد والدنيا مامعروفه نزل شغلنا!!!! (Re: Elmosley)
|
لقد وعد عمر بالبحث عن ماضاع منه (باسورد) لدي بكري ابوبكر
والرد عليكم واحدا واحدا
التحليل
١- عمر اعطيت له كلمة السر من قبل بكري الا آنه لم يستطع الدخول
٢- بكري لم يعط عمر كلمة السر (وهذا مشكوك فيه) لما بينهما من جميل العلاقة والاحترام
وانا اقول
ان هذا البوست يتنفس تحت المياه
انه يغرق يغرق
| |
|
|
|
|
|
|
|
Elmosley
Osman Musa
ابو جهينة
Nizar Ateeg
Tagelsir Elmelik
Alsa7afa_30
البدري عبد الله
Haydar Badawi Sadig
معتز تروتسكى
أسامة عبد الجليل
سلمى الشيخ سلامة
Azhari Nurelhuda
عمر سعد
خدر
عبد الرحيم حسب الرسول
سمندلاوى
محمد الشابك
abazar hamid
Abu Mariam
إبراهيم عبد الحليم
Elmoiz Abunura
اسامة على
Adil Hamza
نادر الفضلى
مبيوع
ياسر بيناوي
فيس بوك
تويتر
انستقرام
يوتيوب
بنتيريست