(عمر بانقا) الموت مابعيد والدنيا مامعروفه نزل شغلنا!!!!

Quote: مطلوب القبض عليه الاسم:عمر بانقا أوصافه : مبدع حتى الثمالة مسكون بالشجن الجميل ممكون بالفن الأصيل من كانت لديه معلومة ليوافي هذا البوست وعشان ما تتعبوا كتير الزول ياهو دا

Quote: الموصلى - عُمر بانقا ياخى تمت سنه وين الشريط ؟ بانقا - شويه كمان .. اكتشفنا مُشكله سغيره فى الصوت الموصلى - سنتين ياعمر ؟ بانقا _ شويتين كمان يابركه الموصلى - الحاصل !! بانقا - اصلو اخوك بعمل فى تمارين صوت عشان الواحد اكون فى الفورمه وكده الموصلى - شنو يا ابوباسم القصه دى مشت لى اربعه سنين هسى !! بانقا - هانت ياععمك بنعمل فى الترتيبات النهائيه .. ......... الموصلى - ... عمر طلِع الشريط بانقا - ما بطلع .. الموصلى - احسن ليك ياعمر تطلع الشريط بانقا _ ... الموصلى _ ياخ ازهرى دموعو بلن دقنو بكورى _ عمر طلع الشريط سلمى _ خسمتك بالنبى مبيوع طارق ضياء - ياخ ما قلنا ليك طلِع .. فك الغنا ياخ الموصلى_ شايف يانقا _ ياخ عليك المعسكر المقفول قبل خمسه سنين _ تطلع الشريط _ وحات أم على والباسطه .. تطلع الشريط ت الملك_ الغلاف جاهز ياعمر ياخ واباما بعد بزهج _ فانا من رأييي من ناحيه استراتيجيه يعنى _ حقو تطلع الشريط ولا شنو ياجماعه !! جموع الشخصيات المعتبره _ طلِع طلِع .. بانقا طلِع ( جموع المؤيدين فكرة تطليع الشريط تحاصر منزل الرئيس .. عفوا ً ( الفنان عمر بانقا بالحوش .. اقصد ضاحية اسبرنق فيلد بفرجينيا ) ( يُشاهد الموسيقار يوسف الموصلى وهو يرتدى بزة قيادة الاوركسترا ( وهو يحمل عصا القياده ويقود جموع المؤيدين لفكرة تطليع الشريط الموصلى _ شريط جديد .. فيو غُنا شديد جموع الشخصيات المعتبره_ شريط شديد .. فيو غنا جديد ......

خطاب صاحبي الحلو
دي اجمل مسرحيه من فصل واحد
مأخوذه من الواقع المرير
شوف الممثلين واختار المصور
وليك علي بالموسيقى التصويرية
تمام والله تمام

(عدل بواسطة Elmosley on 09-22-2009, 04:52 PM)
(عدل بواسطة Elmosley on 09-22-2009, 04:53 PM)

Quote: دي اجمل مسرحيه من فصل واحد مأخوذه من الواقع المرير شوف الممثلين واختار المصور وليك علي بالموسيقى التصويرية تمام والله تمام

Quote: شكرا ً على الكلا م الطيب طبعا ً انا سمعت ويحيى فضل الله الشُغل مع عمر فى الاستديو بتاعُه وعجبنا الشُغل جدا ً والسيناريو الفوق ده ممكن اتحول لصوره افتتاحيه للفيديو كليب وكده نكون ادينا الموضوع دفره .. ده طبعا ً لو ما صاحبك قال نعمل الفيديو كليب قبل الشريط !! وللا شنو !!

(عدل بواسطة Elmosley on 09-22-2009, 11:32 PM)

Quote: الأستاذ الموسيقار الموصلي كل عام وإنتَ وعُمر وجميع المتداخلين بألف خير أستاذ عُمر بانقا.. أنا واحد من معجبينك ومعجبي فن أستاذنا الموصلي عِرفناك من شبيت كريم وأصيل وود كُرما.. ما سمعنا بيك بتدِس حاجة بتفرِّح الناس.. حاشاك يا ود القبايل هسي أبو هديل دة ما فضَّل ليهو إلا ينوح بى مناحة ود البادية: الليلة في الياقوت شريط عُمر الجنَّن البنوت وفقدي الليلي اللييييل شريطو الأصلو ما مغلوت وجاي لعاشق البنوت الغنَّاك يعيش ما يموت في تفنينو سوّا الفوت عليك الله ورسول مكة عشان خاطر الغلابة الزيَّنا ديل.. جود بالموجود. مع صادق ودي وعميق احترامي

(عدل بواسطة Elmosley on 09-23-2009, 01:34 PM)

Quote: الامر غايه في البساطه علي ما اعتقد اليكم الخطوات العمليه التي يمكن ان تساهم في افراج الاخ عمر وشريطه بكل سهوله حسب تحليلي وتجاربي المتواضعه والمابعرفك يجهلك فان الاخ عمر بانقا بحوجه الي مدير اعمال جاد او مجموعه استشاريه حادبه علي الاعمال الفنيه السودانيه ذات القيمه العاليه, وهذا امر سهل حيث ان الحادبون علي الاعمال القيمه كثيرون الخطوات التنفيذيه تكوين لجنه لتقوم بالاتي

Quote: يا عمركو فك الشريط ده من الأسر. معليش جيتكم متأخر بس كانت عندي مشكلة باسوورد يا دوب إتحلت تحياتي للجميع عبدالحليم أبوقصيصة

Quote: الزول دا لسع مصهين، يا يوسف؟ والله إتلوم معاك بعد التعب التعبتو معاهو إنت وتعبو معاكم فيهو ناس تانين. تعرف عمر كان بقول لي أنو موصلي هو المؤخر الموضوع! حسع طلع هو المؤخرو! والكلام دا عيب، والله! إنت تعبت معاه تعب الملائكة مع الجن! وهو خلي بالك حسي بقول ليك "إنشاء الله أجن وأزيد في الجن.." مع كل محبي هذا الفنان العظيم، أطلب منك ومنه، يا يوسف، أن لا تخذلا إبني هادف الذي ظل ينتظر شريط عمر لثلاثة سنوات عجاف . كان هادف حين وعده عمر بإرسال أول نسخة من الألبوم بعد صبياً، وقد أصبح اليوم رجلاً ببلاعيم وصوت رجولي صادح. وربما تعرف أن هادف مغنٍ مطرب وطروب! ولأنه فنان، فهو يعرف قيمة الفن والفنانين. وهو ينتظر هذا الشريط بفارغ الصبر. فلماذا يحذلنا عمر مع هذا الجيل من سودانيي الشتات الذين لم نصدق أن فيهم من يحبون الغناء السوداني وهم المولودون خارج السودان؟ إن الأخ عمر يؤذينا أيما أذى إن هو تأخر عن الاستجابة لمطالبنا المشروعة. فقد كاد هذا الفنان العظيم أن يصبح في نظر إبني هادف رجلاً بلا مصداقية. وحاشا لله أن يصبح صديقي عمر بانقا هكذا! فما هكذا يكون الفنان الإنسان، وعمر، بلا أدنى شك، نموذج للفنان الإنسان, والإنسان الفنان! قول لي عمر، يا خي شرطا عينا مع الشباب ديل! والله حرام عليك، يا عمر!

(عدل بواسطة Elmosley on 09-26-2009, 03:22 PM)

Quote: ما زلنا منتظرين رد عمر بانقا يا ناس امريكا إتصلوا به وإعلموه بالرغبة الجماهيرية و دعوه ينظر في هذا البوست بدلا عن الاسترسال الذي قد لا يثمر دون وجود الشخص المعني. خير الكلام ما قل ودل. أضربوا الفيل ما الضل و ما تخلو الموضوع صايص و مجرد لبانة تتلاك (لمجرد إزجاء الوقت) تحياتي للكل عبدالحليم أبوقصيصة

Quote: الصديق عمر او " بندق" كما كان يحلو لنا تسميته فنان حباه الله موهبة وصوتا رخيما.ولكنه مسكون بوسواس " الكمال " أي العمل الكامل وهو أمر جميل ولكن طالما الامر يخضع في بعض جوانبه للذائقة الفنية للمتلقى فإن أي عمل ومهما إكتمل قد يظل لدى البعض ناقصا.]

Quote: الصديق عمر او " بندق" كما كان يحلو لنا تسميته فنان حباه الله موهبة وصوتا رخيما.ولكنه مسكون بوسواس " الكمال " أي العمل الكامل وهو أمر جميل ولكن طالما الامر يخضع في بعض جوانبه للذائقة الفنية للمتلقى فإن أي عمل ومهما إكتمل قد يظل لدى البعض ناقصا.]

Quote: عموما عمر كم مره بعد هذا البوست وعدني خير وحكي لي عن ظروف التاخير ووعد بالرد هنا ونحن لازلنا في الانتظار تسلم صديقي الفاتح