|
|
|
 Re: ابوساندرا... يوم 3/11 فات... تكون قاصد بتاع 2005 (Re: Ishraga Mustafa)
|
إشراق:
حا { أنضملك } خيط الود سبحة ،تسبحي بها بآيات الحب والثورة وبحمد الوطن المأمول البعيد ، وتدعي لقدوم الحكم الرشيد ، وأن نعود لنبنيه البنحلم بيهو يوماتي بدل تشتيت أوراق مؤهلاتنا وسيرنا الذاتية بين البلاد ، وتضيع قدراتك مابين فينا والدوحة والوطن السليب لنا أحوج
وسبجي بحمد اللذي سواك وهداني الودار
ويحفظك ربي
| |
 
|
|
|
|
|
|
|
|
Re: ابوساندرا... يوم 3/11 فات... تكون قاصد بتاع 2005 (Re: أبو ساندرا)
|
ابوساندرا يا جميل
عارفه اجتهادك
بس دعواتك معايا
قدامى هم اساسى ودخلت فى قسم انى لازم اخلصه قبل السنه دى ما تخلص واهو تحدى بالنسبة لى عشان اكتشف انى لسه امرأة تتحدى كل الصعاب
لا الجيال تحجب خطايا
لا الشمس تحجب رؤايا
كده ممكن اكون اشراقه التى كانت والتى سنبغى ان تكون
كل ودى
اهو فرصة الزول يتونس معاك وكت تلفوناتكم دى بقت مقطوعة
| |
|
|
|
|
|
|
|
|
|
Re: ابوساندرا... يوم 3/11 فات... تكون قاصد بتاع 2005 (Re: Ishraga Mustafa)
|
إشراق:
بالضبط هذا اللذي نأمل أن تكونيه ، كما عودتينا دائمآ في خطوط المواجهة الأولى إحياز واضح وصريح لكل ماهو جميل وإنساني ، ولا تدعي لإحباطات المهاجر فرصة ان تنال من يقينك بسودان أجمل يسعنا جميعآ وحينها حا نقول تبآ للبتروريال والدولارات الخضراء ، وظيفة مناسبة تكفي الحاجة وبيت مشيد ولقمة هنية وعنقريب هبابي يطل على النجوم مباشرة ورفقة حلوة وجغمة موية من النيل لاتعادلها الألوف المؤلفة والحل والحلي.
يا زولة إتونسي علي كيف كيفك وما تشتغلي بأي حاجوة ولا الباندوث
| |
|
|
|
|
|
|
|
|
|
Re: ابوساندرا... يوم 3/11 فات... تكون قاصد بتاع 2005 (Re: Ishraga Mustafa)
|
يا أم واصل المشكلة نحن عايزين لمن نرجع يكون كل شيء كما تركناه حتى الأصدقاء ! لو تمنيت هكذا حا تتورطي وحا تفوتي على نفسك فرصة التعرف على جيل جديد شباب مصادم يقرضون الشعر ويكتبون المقالات ويغشون المنتديات ويحتفلون برأس السنة في النوادي والحدائق تحت عين السلطة وغصبآ عنها ، ويقيمون المعارض وعروض البلوم زي أيام زمان وأجمل لأنهم يناضلون بحق وحقيقة ، إنت ما شايفة ناس ميسون نجومي وماهيتاب وقرمبوز وعاصم الحزين وإسلام عبدالرحمن وسامس وإسماعيل ميرغني وعبير خيري ورهط جميل من المبدعين وكمان من الحرس القديم حاتلقي ناس عصام عبدالحفيظ وبشير أمل وحنان شنكل ، شباب أذكى وأوعى وأرجل من جيلنا بمراحل ، بس إنتي كيف تقتنعي وترجعي!
| |
|
|
|
|
|
|
|
|
|
Re: ابوساندرا... يوم 3/11 فات... تكون قاصد بتاع 2005 (Re: Ishraga Mustafa)
|
مشكلة الحنين للماضي تسجنا في ذلك الماضي السعيد وتفوت علينا متعة التواصل مع حاضرنا ، حاضرنا في الداخل ، هناك متع ، وهناك تجارب جديدة وفنيات عرفها أولاد اليوم فأنتجوا إبداع وفن جميل ، وكذلك إكتشفوا أدوات نضال جديدة وخاصة هم يتعاملون مع سلطة شرسة.
وهناك مشكلة حنين أخرى ، اراها في الجيل اللذي سبقنا ، جميعهم ما زالوا يعيشون ، بل يحلمون بعودة أيام وأمجاد الستينات ، الفترة الذهبية لكل شيء
-في الستينات برع عدد من الأفذاذ في كرة القدم ، وعلى رأسهم الأسطورة جكسا
- في الستينات ،أجمل فترة للغناء السوداني وبزوغ فجر وردي وإكتمال تجربة الكاشف ، الشفيع ، عثمان حسين ، سيد خليفة وعدد من المبدعين
- في الستينات ، الخرطوم نظيفة ولياليها ملاح في كوبا كوبانا والأتنيوكل شيء متوفر والحياة متيسرة وهنية
- في الستينات صعود اليسار وأعظم فترات الحزب الشيوعي اللذي شهد إنعطاف نحوه من جيل بحالو
- في الستينات البلاد مفتوحة للمبدعين ، ونذكر زيارات أم كلثوم ، منليك ، المايو
- وفي الستينات أفضل فرق كرة القدم زارتنا ، الهونفيد ، والدينمو وإسبارتاك وغيرها
- في الستينات نهوض حركات التحرر الوطني ، و صعودالقومية العربية الناصرية قبل هزيمة يونيو المدمرة والتي بسببها إنكفأت الجيوش العربية للداخل وأنجزت إنقلاباتها
مازال عدد كبير أسرى لأمجاد الستينات
و أراك تحني لأيام مجيدة ورفاق نرى أن الزمان قلما يجود بمثلهم
لكنه يجود وتمضي الحياة
| |
|
|
|
|
|
|
|
|
|
Re: ابوساندرا... يوم 3/11 فات... تكون قاصد بتاع 2005 (Re: أبو ساندرا)
|
ممكن اخش يا جماعة اقعد في نصكم واشترك في الونسة الجميلة دي؟؟؟
الكلام عن الرجعة بيعذبني عشان كدة قلت الا أنحل ( بفتح النون وكسر الحاء)
يا اشراقة اذا لم يعد الأطفال وهم صغار فستصبح عودتهم مستحيلة.... وستتحول ألقابهم الى الجيل الثاني من المهاجرين..... العودة قرار يحتاج فقط الى الشجاعة ثم التخطيط وكما قال أبو ساندرا حوا والدة.... والأرض نفسها تستحق أن نعود اليها.... لن نوقف الزمن ولن نعيده الى الوراء ولن نبقى في سجن الحنين .... سننظر الى الأمام وسنصنع الغد... غد أفضل لواصل ومرافئ في وطنهم لم يستطع من قبلنا منحنا اياه... والا فسنضطر للاعتذار والتواري يوما ما....
| |
|
|
|
|
|
|
|
|
|
Re: ابوساندرا... يوم 3/11 فات... تكون قاصد بتاع 2005 (Re: Ishraga Mustafa)
|
سماح سيد إدريس:
أهلآ بيك ، وبمداخلتك الوسيمة وهي صدقآ في الصميم ، وأتسآل بوجع حقيقي : ألا يدرك القوم أن هوية أولادهم سوف تتغير هناك ، وهل يحتمل أي منهم حقيقة أن يكون ابنه غير سوداني ولا يعرف ثورة أكتوبر . أعرف الظروف القاسية التي دفعت بالمناضلين الأشاوس لآرتياد هذا المصير ، والحل القاسي ذي الثمن الفادح ، ولكن أظن ان هناك فرصة للمعاجة وخاصة بعد السلام ونتائجه.
بس الحايقنع الديك منو
تجربتي الشخصية ، أبقيت بناتي في الوطن ، وأعتقد أن ذلك كان قرار صائب ، فهن الآن سودانيات ومنتميات
إشراق:
مش قلت ليك روقي وأحلي الحلوين جايين ، أها شفتي حلاة رأي السمحة سماح؟!
| |
|
|
|
|
|
|
|
|
|
Re: ابوساندرا... يوم 3/11 فات... تكون قاصد بتاع 2005 (Re: Ishraga Mustafa)
|
مساكم خير وكل سنة وانتوا طيبين.....
قلت أجي أتحشر تاني بعد ما أبو ساندرا وعدنا بالسلام ونتائجه..... بس خايفة أصحا مهجومة أتمقلب أكتشف انو القصة حلم في حلم.... قلت انو قرار العودة يحتاج الى شجاعة وتخطيط لأن مستقبل السودان صار شيئا يصعب التنبؤ به... أنا شخصيا راجعة ما أسي طوالي بس كمان ما بعد كتير... وأعرف أنني الوحيدة التي ستدفع ثمن هذا القرار فلا أطفال لي من أصلو... أنا شخصيا أمنح احتمال 10% أن الانقاذ يمكن أن تنفذ اتفاقامهما كانت الضغوط ... فهؤلاء كذابون متمرسون... ولو حصل حنكون موهومين اذا تخيلنا أن الديمقراطية والتطور الاقتصادي سيأتي بهما خاتم علاء الدين متى ما ولت الانقاذ....
سنحتاج الى نضال بنفس يشبه روح مانديلا في سنوات سجنه الثلاثين... بلا ملل ولا يأس وستظهر الثمرات بعد ذلك...وأهو أنتوا حاضرين الديمقراطية الأخيرة وحتكونوا متذكرنها أحسن مني...استمرت حالة الطوارئ وقوانين سبتمبر وكأن الشعب السوداني كان يؤذن في مالطة... لكن التغيير لن يحدث مالم نضحي بدرجة أو أخرى وندافع عن قيم المؤسسية والديمقراطية والعدالة الاجتماعية بتشبث وفي كل الظروف ومن داخل الوطن ما أمكن... وبناتك محرومين منك بدفعوا تمن انهم بيعرفوا عن أكتوبر .... ومين عارف أيهما أغلى فيما يدفعه الأبناء من الثمن الوطن أم الأب؟؟؟
| |
|
|
|
|
|
|
|
|
|
Re: ابوساندرا... يوم 3/11 فات... تكون قاصد بتاع 2005 (Re: سماح سيد ادريس)
|
اشراقه وابوساندر وسماح
كل عام وانتم بخير ..وربنا يحقق امانيكم يارب ...
اسف يااخوانا قطعت عليكم ونستكم ...بس عندي سؤال لابوساندرا ، معايدة ا لتجمع المحضورة ده ماعندنا فيها مكان ؟ ، بتقبلونا نجي نعيد عليكم ؟ شخصيا مابشاوركم بجي بجي وانشاء الله تقولوا دمو ثقيل ، بس اعرف اسم الفندق ...
تحياتي وعيد سعيد عليكم
| |
|
|
|
|
|
|
|
|
|
Re: ابوساندرا... يوم 3/11 فات... تكون قاصد بتاع 2005 (Re: Ishraga Mustafa)
|
عشة بت فاطني:
بت حلال ، أمس إتذكرتك في عفراء مول ،عندما وجدت عرائس سود مليحات ، حا أشتري منهن 2 واحدة للبيت ، تحرسه من العيون ، تميمة ، والأخرى لك حتى أعرف كيف أرسلها ليك ، فإذا بك هنا اليوم تنورين البوست اللذي جملته من قبل سماح سيد
أهلآ بيك ، وكل سنة وانت في تمام الصحة والسعادة ، وحتمآ حا أفتح عيوني قدر الريال أبو عشرين عشان نسجل مشاهدات الخرطوم
تحياتك وصلت للبنات وأمهن الحلوة زيهن
| |
|
|
|
|
|
|
|
|
|
Re: ابوساندرا... يوم 3/11 فات... تكون قاصد بتاع 2005 (Re: Ishraga Mustafa)
|
ياريت ارجع
مشتهية ارجع
بس حالقى هناك منو؟
منو من ناسى الزمان؟
ستجدين كل الجميلين هناك ..
عثمان عبد الله ما زال يكتب ..
ويسافر بين المسلمية وطابت ..
وعادل سليمان أظنه هناك ..
"وجوا " الت تمنتك وزيرا للثقافة ..
أزهرى محمد على ..
الصادق الرضى والذى يكتب ملحق ( الأضواء ) الثقافى ..
عاكف .. هاشم ..
وفى كوستى ( الرشيد على عمر .. فايز ..
لكنك ستجدين أن محطة الكشك صار اسمها ( ....)
وابراهيم داوود لم تعد محطة ..
وعوض شلك .. لأن أكتب اسمها حتى لا تغيرى رأيك..
لكنهم يفرحون أيضا ..
وناس زمان الجدد ..
انتى أرجعهى فقط
عشر سنين كثيرة ..
| |
|
|
|
|
|
|
| |
Ishraga Mustafa
أبو ساندرا
محمد عبدالرحمن
عشة بت فاطنة
معتصم الطاهر
فيس بوك
تويتر
انستقرام
يوتيوب
بنتيريست