|
|
|
 Re: وأيضا أعلن انا انضــمامي للمــؤتمر الوطــني!؟ (Re: هشام هباني)
|
مش بدل البهدلة دي كان اكرم ليك يا عصام اخوي قعدتك في جدة بين الاصحاب والاحباب محكر وشايل(شيشتك) وقاعد محكر بين اصحابك سعادة المستشار قام وسعادة المستشار قعد وكمان طاهر ومطهر ومجاور الرسول( ص) في الاراضي المقدسة وبتاكل من عرق جبينك...تجى برااك في النهاية عاوز تجلبط روحك وتاريخك بالمجان بنجاسة وحرام وفساد واثام وجرائم طغمة انت ما منها ولا من اولادهاوهي نجاسة حصيلة اكثر من عشرين سنة بسجل بشع في حق شعبك من قتل وتعذيب وطرد ناس من ارزاقها وتشريدها ونهب مال عام وتفريط في اراضي وسيادة ووحدة وطن... وتزوير انتخابات وارادة شعب... معقولة انت نصيح يا زول... وبس معقولة مبررك للسقوط انو المؤتمر الوطني احسن من بقية الاحزاب وما عارف مقياسك لاحسن واكعب دي كيفن... دحين بمعايير الاخلاق والقيم ولا بمكاييل السوق..وبيها كلها ما احسن وياتو افكار طارحها المؤتمر الوطني شان تجذب ليها مستشار قانوني ليهو ضـــــــــل زيك.. ورينا ليها امكن نحن مطششين وغبيانين!!؟
| |
 
|
|
|
|
|
|
|
|
Re: وأيضا أعلن انا انضــمامي للمــؤتمر الوطــني!؟ (Re: هشام هباني)
|
غايتو بعد الدموع والنخجي ده كلو يا ود ضهب اكان ما جاب (مريسة تام زينو) غايتو ما عندك طريقةالا اكان تنضم لثوار سوق المواسير في الفاشر لانو شكلك كده حتنضرب مش ماسورة حتنضرب زمبـــــــــــــــة كبيرة على قول اولاد بمبة... وتكون دفقت دموعك على الرهاب ساكت زي ما حصل مع ناس كتيرين.. ات يا زول ماك نصيح ديل ضربوا شيخهم وعرابهم الترابي اكبر زمبة في التاريخ وما رحموه حتين انت يا التميسيح جااي عامل شاطر وتاميها دموع (بزاغ) ونخيج في الفاضي..ارحم نفسك يا زول عندك فرصة تراجع نفسك...قبل ما تغرق في الغريق!
| |
|
|
|
|
|
|
|
|
|
Re: وأيضا أعلن انا انضــمامي للمــؤتمر الوطــني!؟ (Re: نصر الدين عثمان)
|
العزيز نصرالدين
سلامات وشكرا للقصيدة الدرس والحكمة والموعظة الحسنة
وانا متأكد ان الاخ عصام ضهب بعد ان يخرج من هذه الغيبوبة
سيعود الى رشده الوطني رافضا هذه المهزلة التي وضع نفسه فيها
وهو يذكرني بالصبية الذين كانوا يتحلقون حول استاد الخرطوم
بعشم الاستمتاع ولو بدقيقتين بما تبقى من زمن المباراة عند فتح الابواب مع النهاية
والنتيجة معلومة وكل تفاصيلها استمتع بها الحضور.... وهكذا صديقنا رد الله وعيه وضميره
(ضهب) فقد دخل المستنقع في نهاياته بعد ان اشتهر كمستنقع للفساد والاجرام والاثام وقد تقاتل وتنازع وتصارع اهله فيما بينهم وصنفه الشعب السوداني بانه المستنقع الماخور.... ولكنها الانتهازية الغبية فد داهمت صويحبنا في الوقت الغلط
بعد ان انفض سامر اللصوص بغنائمهم وما تبقى تركوه لصغار اللصوص والانتهازيين الاغبياء ليواصلوا(التجلبط) معهم بجرائمهم اثامهم وموبقاتهم...الا رحم الله عصام دهب المستشار القانوني المحترم!
| |
|
|
|
|
|
|
|
|
|
Re: وأيضا أعلن انا انضــمامي للمــؤتمر الوطــني!؟ (Re: هشام هباني)
|
يا سعادة العميد البطل محمد احمد الريح
والله الدموع دى اكان جابت ليها اقل من وزارة او رئيس دائرة قانونية في مؤسسة دستورية من مؤسسات البلد السايبة والهاملةاكون صاحبنا ود ضهب الضحك شرطو ودفق دموعو ساكت فوق الرهاب...واكون صاحبى محمد محمد خير
طلع احسن واشطر منو..اهو بنكتة نكتتين وانبراشة صغيرونة وما فارقة معاهو اهو حصل ليهو اخيرا من الغنيمة زيو وزي خالد المبارك وبروفسور الشوش ملحقية اعلامية في الامارات وبقى بيها دبلوماسي ليهو ضل!
غايتو انا منتظر على احر من الجمر عشان اشوف تمن الدموع الهطيلة دي كلها شنو....يبدو انها جايبة ليها حاجةكبيرة
او تكون ربما دموع زول احس بتانيب الضمير في لحظة الجلبطة لدخول المستنقع وبهذه الهلولة في زمرة الطبالين والانتهازيين وقد عاد اليه وعيه ورشده... وقد بكى نفسه وحالته التي هو فيها في زمرة اذناب السلطة (ان شاء الله)!
| |
|
|
|
|
|
|
|
|
|
Re: وأيضا أعلن انا انضــمامي للمــؤتمر الوطــني!؟ (Re: هشام هباني)
|
يا هشام
لك التحية
ملامح الرجل في الصورة ليست باكية ، والبكاء والدموع في الغالب من العينين وليس من عين واحدة .
ربما يعاني الرجل علة ما في عينه اليمني .
شخصياً أعاني من مرض الجلكوما الخطيرة في عيني اليمنى ، ولكن اليسرى حينما تصيبها الأرهاق تذرف الدمع .
والله أعلم .
| |
|
|
|
|
|
|
|
|
|
Re: وأيضا أعلن انا انضــمامي للمــؤتمر الوطــني!؟ (Re: Marouf Sanad)
|
معروف اخووي
انت يا زول مو عارف انو القاعدة الاساسية بتاعة المؤتمر هى كوشة كبيرة من انتهازيي الاحزاب السياسية
الذين تم شراؤهم بالمال والامتيازات تحت زعامة بعض لصوص الاسلام السياسي المتنفذين!
عشان كده عمرو المؤتمر السجمان ده ما حينجح لانو لوفي فايدة في عناصرو كان عملوها في احزابن الجوا منها!
| |
|
|
|
|
|
|
|
|
|
Re: وأيضا أعلن انا انضــمامي للمــؤتمر الوطــني!؟ (Re: Deng)
|
الناظر هباني كما يحلو لقدماء المنبر
خلينا النهبشك اول شئ بتحيات وقار...
انا محيرانى الدموع النازلة اربعة اربعة دي!
انتو قريبين يا هباني من حكاية الراجل ضهب دا
فرحة واللا عذاب ضمير واللا سحر واللا عين واللا واللا ؟
ممكن تتقبلوا ضهبنا دا وتضهبونا القصة؟
| |
|
|
|
|
|
|
|
|
|
Re: وأيضا أعلن انا انضــمامي للمــؤتمر الوطــني!؟ (Re: هشام هباني)
|
سعادة الناظر هباني
سلامي وتحياتي وتقديري..
حقيقة وقفت طويلا امام مشهد دموع ضهب ..ومرت بظني مجازر بورتسودان.. ومجازر دارفور ومجزرة معسكر كلما..واطفال المايقوما الذي فقدوا في يوم واحد 70 طفلاً..أين كانت تلك الدموع..!!؟؟.
هذه الدموع سوف لا تمر مرور الكرام.. لكن حتماً سيأسل صاحبها يوم الدين..يوم يقف الناس أمام رب العالمين..
هذه الدموع ..دموع تزلف وشحده..واستعطاف تنم عن موت ضمير..لأن الاحداث الجسام الدموية لم تنل هذه الدموع وهذا الاحساس بالبكاء..
والحمدلله تعالى الذي وهبنا الحكمة,, والمعرفة بدين الله,, والقوة والاصرار على العمل والاعتماد على الكسب الذاتي والعمل اليومي الشاق دون أن نفكر في أموال الحرام..
وستظل هذه الصورة محور بحث ودراسة نفسانية كبيرة..
تكشف عن خبايا هذه النفس.
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
الطيب رحمه قريمان
نصر الدين عثمان
ولياب
Marouf Sanad
isam elzein
محمد المختار الزيادى
Deng
هيثم التوم
Mohamed Yassin Khalifa
khalid abuahmed
فيس بوك
تويتر
انستقرام
يوتيوب
بنتيريست