|
|
 عربات زمااااااان في السودان ( توجد صور )
|
محاولة للرجوع بالذاكرة للوراء ونشوف العربات الكانت في السودان زمان قبل ما يجينا الصفيح الكوري الجديد.
طبعا أكيد فيكم من امتلكها أو أحد أفراد أسرته أو الجيران وفيهاالكانت تاكسي الخرطوم ذو اللون الأصفر.
أي زول عندو قصه مع العربات دي يجي يحكيها لينا هنا وأنا بنزل ليكم حبة صور عشان تتذكروها كويس.
طبعا لا يخفي عليكم أنو العربات الكلاسيك دي عندها سوق رائجه جدا و تصل أسعارها أحيانا لأرقام خرافية.
|
|
 
|
|
|
|
|
|
|
|
Re: عربات زمااااااان في السودان ( توجد صور ) (Re: Moawia Mohammed)
|
مشكووووووووووووووووور يا مِيو (سَمَحت لنفسي باستخدام هذا اللقب لأنّني كنت أستخدمه حيال صديقي معاوية خليل (الله يطراهو بالخير) فأرجو أن لا يكون قد أزعجك).
بوستك دا وقع لَيْ فوق جرِح لأنّو عندي نيّة جادة لتوثيق تاريخ السيّارات في السودان*...مبتدأ دخولها ووكالاتها حينئذٍ وبعدئذٍ والآن ووجودها بالثقافة الشعبية من فنٍ وأدب وقِلّة أدب (المشاغلات مثلاً).
دحين كُبْ أي مادّة وأي صور تتوفّر ليك هنا وأنا متاااااااابع وأشارك إن شاء الله بما يتيسّر لي.
* لقد اطّلعت على كتابٍ للصحفي إياد أبو شقرا عنوانه: "خلف المقود على دروب المشرق العربي" وقد أوحى لي بفكرة هذا التوثيق. أها، حقّك، من هسّع، محفوظ.
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Adil Al Badawi)
|
عزيزي عادل البدوي
Quote: مشكووووووووووووووووور يا مِيو (سَمَحت لنفسي باستخدام هذا اللقب لأنّني كنت أستخدمه حيال صديقي معاوية خليل (الله يطراهو بالخير) فأرجو أن لا يكون قد أزعجك).
|
خد راحتك علي الأخر
Quote: بوستك دا وقع لَيْ فوق جرِح لأنّو عندي نيّة جادة لتوثيق تاريخ السيّارات في السودان*...مبتدأ دخولها ووكالاتها حينئذٍ وبعدئذٍ والآن ووجودها بالثقافة الشعبية من فنٍ وأدب وقِلّة أدب (المشاغلات مثلاً).
دحين كُبْ أي مادّة وأي صور تتوفّر ليك هنا وأنا متاااااااابع وأشارك إن شاء الله بما يتيسّر لي.
|
دا كلام جميل جدا واعتبر البوست حقك وأنا في انتظار مشاركاتك التوثيقية
| Quote: حقّك، من هسّع، محفوظ |
تسلم يا حبيب
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: تيسير عووضة)
|
تيسير بت جيراننا
نعلك طيبه
وأهلك طيبين
Quote: هاشم فريدة ..
متذكرو يا معاوية |
دا كلامك
كيفن ما متذكرو
هاشم وأخوه أمير أولاد المرحوم بابكر
عارفه يا تيسير هاشم دا حريف جدا
يجيب الحافله الكوستر ويركب ليها مكنة جاز بتاعت دفار
ويخت ليها كرونة لاندكوزر
والله الحافله دي تفتح فتح لمن تستغربي فيها
تيسير بالله سلام للوالد و الوالدة ومهيار و محمد
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: عبدالمحمود محمد عبدالرحمن)
|
يا سلام علي الفولكسفاجن
اقتصادية وما فيها لديتر ومكنتها وراء
يعني كان بقت فيها نار ساكت الا يكلمك زول من الشارع
في فلوكس تانيه يا عبد المحمود شكلها مختلف من دي وبيقولوا عليها برازيلي
بفتش ليك صوره ليها
برضو البولمان أو البورمل كما يسميه السودانيون فلوكسفاجن برضو
خالي في الحساب المرحوم جعفر عطية كان أشطر ميكانيكي في العربات الألمانية ومتخصص فلوكسفاجن وأولاده شربوا منو الصنعة.
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: عبدالمحمود محمد عبدالرحمن)
|
Quote: سيمكا ... أعرف الاسم لكن لا أذكر أنني رأيتها في السودان:
|
أنا شفتها لأنو جارنا كان عندو واحدة .
| Quote: في اللقطة التالية تبدو شبيهة بأول عربة اشتريها قبل 30 عاما |
لا حول الله انت قديم يا عبد المحمود
الزمن داك نحن كنا في تالته ابتدائي 
عارف عربيتك البي 80 جنيه دي بتشبه لي عربية مستر بن الممثل الكوميدي
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: عزيز عيسى)
|
سيد الكرين سلام
زمان الجال بس الكانو بسوقو و البنات تغنى ليهم و لى عرباتهم
عربيتو كريسيدا سمحه و سمح سيدا
سمحه و سمح سيدا دى الماركه الانا بريده
هىىىىىى حنانه
اها النساء دخلو من سنة"دشليون" عالم السواقه ما سمعنا منكم غنيه واحده؟؟
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Moawia Mohammed)
|
.
بعد هزيمة 1967م والمقاطعة التي تلتها للمعسكر الغربي والتوجه نحو المعسكر الاشتراكي بدأت السيارات السوڤيتية بالظهور في شوارع الخرطوم.
من طلائع تلك السيارات كانت موسكوڤيتش ....
أذكر سعرها وهي جديدة 625 جنيها.
يعاب عليها مشاكل في الفرامل أدت إلى حوادث مأساوية كدت أن أكون أنا أحد ضحاياها بعد أن "فوتت" الفرملة خلف شاحنة.
.
تلتها الڤولجا وتميزت بالمتانة والاقتصاد والاعتمادية ـ راجت بين التجار:
.
بنهاية الستينات بدأ الاجتياح الياباني للأسواق.
.
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Moawia Mohammed)
|
.
السيارات الأميركية كانت قليلة نوعاً ما في السودان ـ ربما بسبب استهلاكها للبنزين؛
كانت هنالك الكاديلاك، الناش، الدودچ، الشڤروليه، وغيرها ..
..
أبو داود ـ رحمه الله ـ كان يمتلك سيارة أمريكية شهيرة في بحري.
يسوقها ببطء متكئاً بيسراه على نافذتها ممازحاً ومداعباً المارة من حوله.
.
.
.
أحمد المصطفى كان يفضل المرسيدس ـ ربما لعمله بوكالتها على ما أظن.
.
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Moawia Mohammed)
|
.
بيجو 204؛
امتلكتها 1979 ـ 1983م.
مطابقة تماماً للصورة التالية بلونها الكبدي.
.
.
كثيرة الأعطاب ..
وبسببها تعرفت على وصادقت مشاهير الميكانيكية: "محي الدين بيجو" و"تمساح" بالخرطوم، و"أبوطويلة" في بحري.
تسببت في ثلاث حوادث خلال فترتها القصيرة ـ خفيفة والحمد لله ـ وأرهقتني متطلبات إصلاحها وصيانتها الكثيرة بما دفعني دفعاً للاغتراب عن البلاد.
.
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Mahathir)
|
يا الحبيب معاوية
دي كونصول 57 .. ماكانت شغاله تاكسي الكانت شغالة تاكسي كونصول 60 بكثرة بالذات في مدني والحصاحيصا.. والمسلمية ( عندنا منها في المسلمية ما يفوق ال 30 عربية )
ياريت لو تقدر تتحصل على صورتها كونصول 60 .. حيث كانت تقل 6 ركاب بدون السائق .. وعند اللزوم بشيلوها 8 ركاب .. والسائق يقول للركاب اصبرو الدقداق بصلحكم في القعدة
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Moawia Mohammed)
|
.
الأخ معاوية؛
سلام
الفلكس:
Quote: يا سلام علي الفولكسفاجن
اقتصادية وما فيها لديتر ومكنتها وراء
يعني كان بقت فيها نار ساكت الا يكلمك زول من الشارع |
لكنها مزعجة.
كنت أشعر بأنني اسوق طاحونة ورائي حين أقودها.
ضيقة الداخل .. والدخول إلى المقعد الخلفي والخروج منه مشكلة في حد ذاتها.
النكتة الشهيرة:
يقودها ساذج بمعية صديقه وتعطلت الماكينة. فتح السائق الكبوت الأمامي ولم يجد شيئاً بالطبع فصاح لصاحبه: سرقوا المكنة. فتح صاحبه الكبوت الخلفي ورد صائحاً: ولا يهمك، في مكنة اسبير وراء هنا.
.
البيجو 204:
Quote: أظن يا عبد المحمود
الموديل دا مكنتو معارضه
والله مو كدي |
بلحيل. ولعل ذلك أحد مشاكلها الكثيرة.
غير صالحة لأجواء السودان الحارة وغالباً ما يتعطل نظامها الكهربائي وتسخن الماكينة وتقذف بمحتويات الراديتور من الماء. كنت اضطر للاحتفاظ بجركانة ما في الخلفية للتعويض عن ذلك والا انفجر المحرك من الحرارة.
.
وأخيراً:
| Quote: عارف عربيتك البي 80 جنيه دي بتشبه لي عربية مستر بن الممثل الكوميدي |
نحنا ذاتنا بقينا نشبه مستر بن من الخرف خليك من عربيتو .
.
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Moawia Mohammed)
|
عبد المحمود ....
Quote: على العموم أظنها ناش نصف الخمسينات.
وقتها، غالبية عربات الكاديلاك الموجودة في السودان كانت تسمى بالناش.
لا أعرف متى دخلت السودان، لكن أذكر إحداها مرفوعة أمام منزل أحد الأقباط المعروفين بحلة حمد الخرطوم بحري مطلع السيتنات.
|
للأسف إجابة خاطئة تماما ..
نديك فرصة أخيرة مع خاصية الإتصال بصديق
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Moawia Mohammed)
|
.
Quote: والفولفو ( بتعطيش الفاء )
دحين ما روسية يا عبد المحمود |
الفولفو سويدية بالطبع يا معاوية وتشتهر بالمتانة والأمان.
يعاب عليها أن "الشكل جامد" بعض الشيء و"الركوب ناشف" كما يقول العارفون.
كانت معدودة في شوارع الخرطوم والموديل الأكبر منها ـ 560؟!! ـ هو السائد مع بعض الطرز الصغيرة المعدودة.
.
.
.
.
بعض الأقارب والمعارف كانوا يمتلكونها إلا أنهم كانوا يجأرون بالشكوى من عدم توفر قطع الغيار وغلائها حيث لا يوجد لها وكيل بالسودان، وتتعطل العربة لأسابيع عدة في انتظار اسبير بسيط ويضطر صاحبها للتوصية بإحضاره من أقرب الأسواق. الوكيل بجدة أسمه "الزاهد" ويقول الخبثاء أن الاسم لا ينطبق على المسمى..
يقول كولن باول ـ وزير الخارجية الأمريكي السابق ورئيس هيئة الأركان الأسبق ـ إن هوايته المفضلة هي اقتناء سيارات فولفو العتيقة وإعادة تأهيلها.
..
لم أتمكن حتى الآن من العثور على صور كومر البوليس الشهير في الخمسينات والستينات، وكذلك لوري الفورد "أبورجيلة" الذي ربط أطراف السودان في الخمسينات ليجيء من بعده البدفورد "السفنجة" العامل حتى الآن. كذلك لم أعثر على صور لواري "الكندا" من مخلفات الحلفاء في الحرب العالمية الثانية والتي عملت لاحقاً في السودان كبصات.
.
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: عبدالمحمود محمد عبدالرحمن)
|
الكوريلاّ الكوريلاّ
الما بِقدر يركب لاندكروزر يقع الكوريلاّ...الكوريلاّ فهي عند شعوب السودان "رضا الوالدين" أو كما قال سماسرتهم مع إنّها عند بعض الشعوب الأخرى "ردا الغلبو يشتري بناطلين" ...هذا، و"الله يبسط الرزق لمن يشاء من عباده ويقدر له إن الله بكل شيءٍ عليم". إليكم أجيال هذه الأسطورة الاكثر مبيعاً في العالم:
الجيل الأول (1966 – 1970)
الجيل الثاني (1970 – 1978)
الجيل الثالث (1974 – 1981)
الجيل الرابع (1979 – 1983)
الجيل الخامس (1983 – 1987)، الصورة حلفت وقسمت ما تتحمّل...يلاّ، العربيّة شينة ذاتو!
الجيل السادس (1987 – 1992)
الجيل السابع (1993 – 1997)
الجيل الثامن (1998 – 2002)
الجيل التاسع (2000 – 2008)
الجيل العاشر (2006 – ؟؟؟؟) مع العلم أن موديل 2008 قد وصل (إلى الخليج) بشكل جديد كلياً وأنسوا بقى حكاية المحرِّك سعة 1300سي سي (ربّما أن هذا هو سبب تسميةالكورولا، في السودان، رضا الوالدين) فسعة محرّكات هذا الموديل هي 1600سي سي و 1800 سي سي.
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Adil Al Badawi)
|
| Quote: الفولجا يا حبيب كانت ضد انتاج الأمبريالية. |
يا أبو مهيار لو عِرِفت قصّة دخول الفولقا السودان تِتمحّن!...يقول الصحفي إياد أبو شقرا "...والطريف أنّ العلاقة بين شركة بورتسودان للأقطان (تملكها عائلة عثمان صالح) وتجارة السيّارات السوفياتية بدأت عن طريق مقايضة القطن السوداني بسيارات الفولقا والموسكفيتش والزيم..."
بالزيمّة دا كلام! السودانيين من فجر التاريخ يقايطوا في العربات شيء قطن بفولقا وموسكوفيتش وشيء أشيل منّك البوكس دبُل كبين وأدّيك أتوسين وأمجاد وتلفزيون سبعتاشر بوصة وشيل وخُت وشيل وخُت وأركب التونسية وأنزل منّها وهلمّ كرّاً وفرّاً!
الصورة لعربيّة فولقا موديل 1956 (هسّع لو الواحد مشى شندي يلقاها شغّالة البنطون – السوق) في أمانتين الله!
معليش، شكلو ما بِقَى مِنّو غير شعارو وذكريات مدسوسة من و(لدى) قوات البوليس!
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Adil Al Badawi)
|
| Quote: أذكر إسم هذه السيارة وتاريخ دخولها للسودان : |
أكان "بويك" يا ناذر، واظنّها "بويك" بِتكون دخلت السودان عن طريق شركة كونتوميخالوس ودرايك وشركاهم – أول وكلاء لشركة جنرال موتورز – أكان في تلاتينات القرن الماضي أكان في أربعيناتو. أها، شِن قولك؟
يا عبد المحمود، "البدفورد...البدفورد يا عَبِد، الله كريم...الله كريم" أو كما قال عبد القيّوم (صاحب الحملة مُشْ صاحب البوّابة) مع التحيّة لأستاذنا بشرى الفاضل:
يقول أبو شقرا أنّه "في بداية عقد الأربعينات من القرن العشرين لم يكن هناك أكثر من مائة مركبة في عموم السودان اثنتان منها سيارتان من نوع رولز رويس، الأولى تخص الحاكم العام البريطاني والثانية يملكها السيد عبد الرحمن المهدي..." أمّا بعد الاستقلال فقد "...كانت أكثر السيّارات شعبية على طرقات السودان سيارات موريس وأوستن البريطانية ولاسيّما طراز موريس "ماينور". وكان للمنتجات البريطانية أيضاً الهيمنة في فئة الشاحنات بفضل رواج شاحنات أوستن وبدفورد وليلاند"
رولز رويس موديل 1939 (معليش يا جماعة الحاكم العام مضارياهو الورقة الملصوقة في القزاز دي :
ولوري ليلاند موديل 1948:
بالإضافة إلى ونش مركّب على شاحنة ماك (شكلها جيش...جيش) موديل 1941:
أها، قصّرت معاكم؟!
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: Moawia Mohammed)
|
عادل ...
كضباً كاضب ...
Quote: أكان "بويك" يا ناذر، واظنّها "بويك" بِتكون دخلت السودان عن طريق شركة كونتوميخالوس ودرايك وشركاهم – أول وكلاء لشركة جنرال موتورز – أكان في تلاتينات القرن الماضي أكان في أربعيناتو. أها، شِن قولك؟
|
برضو ما بويك ..
شنو يا أخوانا !!! غلبتكم ولا شنو ؟!!!
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: ناذر محمد الخليفة)
|
بالله يا معاويه أنا قانص ليك بهناك أجي ألقاك فاتح ليك دلاله بي هنا ومافيها موسكوفيتش إشتراكيه؟
حتى كورسير مافي؟
بعدين الميركري (الميركن) والرينجر اللي سواقو بقوم من الأبيض مع الشاي وبيفطر في النهود برضو مافي.
خارج الموضوع:
من المضحكات المبكيات استضافت قناة النيل الأزرق العام الماضي واحد من الملتحين لا أدري إن كان جادا
أو هازلا قال أنه أول من حصل على دكتوراة شنو كده في أفريقيا وأنه عاد من لندن بسيارة هنتر براند نيو
وأن زوجته كانت أول سودانية تقود سيارة ( في أوائل السبعينات) وقدم لنا شرحا عن سيارته( الإسكراب) وما
هي الهنتر الخ..إنشالله ما تكون حلقة الجو الرطب دي فاتتك. كانت إبداع.
قصص.
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: محمد المرتضى حامد)
|
يا معاويه ،
ماتقول لي الفي السرير الهبابي دا ناذر العريس،
ناذر سلام إلى المسلميه ،
معاويه إيه رأيك في عرض بوقماز دا
فورد أف -100 رينجر Ford F-100 Ranger
المالك: سمير حسين بوقماز Owner: Sameer Husain Bo-Gammaz
الموديل: 1966 Model: 1966
المحرك: 8 سلندر، 352 Engine: 8 Cylinder, 352
علبة الغيارات: أوتوماتيكي Gear-box: Auto
السيارة أصلية 100 % The Car is Original 100%
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: ناذر محمد الخليفة)
|
Quote: خال فاطنة ..
Quote: والمسلمية ( عندنا منها في المسلمية ما يفوق ال 30 عربية )
اللخو من وين في الاهل ؟!!! |
ناذر العريــــــــــــس
فيك ريحتها .. المسلمية ..
بجيك راجع وبفرد ليك بوست مخصوص .. خارج الكرين دا
أخوك .. ود المسلمية .. أحمد عوض البلال شمبول
بالمناسبة بعد يومين من تاريخ صورك الحلوة دي يا حلو .. كنت في المسلمية يوم 7/11 حضرت من أبوظبي لوفاة الوالد عليه رحمة الله وجعل الجنة مثواه.
ناذر تقابلنا في اول حفل مرور عام على منتدى عكس الريح بالخرطوم بحدائق المقرن سنة 2006 يناير.. موثق ليك بصورة يافنان
| |
|
|
|
|
|
|
|
|
|
Re: عربات زمااااااان في السودان ( توجد صور ) (Re: خال فاطمة)
|
مِنّو العوض وعليهو العوض وأهل العوض. ضلّلني ضُل الشعار البِقى لي زي شعار بويك، الله لا غزَّ فيهو بركة. لكن يا ناذر "الحلية" الفي مقدِّمة العربية مُشْ ياها جنّية البحر المادّة صَدُرَا لا قِدّام ورَاسَا لا وَرَا؟! أكان ياها، إياني شريك (شريك ياخوي مُشْ Shrek) الفايز.
| Quote: وين كورونة الجيش يا أخوانا ؟!! |
طبعاً الآنسة دي وأختها الآنسة كريسيدا إتبرّى منّهم أبوهم تويوتا (وقيل تويودا) تدريجياً لصالح المولود "كامري" ولم ترجع "كريسيدا" رغماً عن الاشاعات المكثّفة حول ذلك. أكان ياها التِحِت دي يا ناذر خير وبركة أكان ما ياها بوصِّف ليك محل صاحبنا عمر سليمان عندو واحدة بيضاء (هِنْ كلّهن بُيُض صاح؟)...بَسْ بطريقتك مع مساختو، حا تقول ليهو دي كرونة جيش؟ حا يقول ليك ألوِّنا ليك أخضر يعني!
فاتني أن أذكر أن صورة الشاحنة ماك سببها قول أبو شقرا، متحدِّثاً عن سوق السيّارات بالسودان، "كانت الماركات الأوروبية مرغوبة في السوق الناشئة الصغيرة ولكن المركبات الأمريكية ولاسيّما سيارات وشاحنات فورد وشفروليه وشاحنات ماك اعتمدت للخدمة في "قوّة دفاع السودان"
| |
|
|
|
|
|
|
|
|
 Re: عربات زمااااااان في السودان ( توجد صور ) (Re: ابراهيم عدلان)
|
سلامات يا معاويه
حقيقي اجمل وامتع بوست قي الفتره الفاتت دي ..
احييك ...
طبها نحنا اولا سواقين قدام ... والوالد الله يرحمه كان من اوائل سواقين القندرانات الفيات في النقل الميكانيكي ..
لكن برضو بنريد المارسيدس .... مع انو اتعلمنا في الهيلمان والكورونا
هديه ليك موديل 1959
بس سؤال للعارفين
مش دي كانت بتدور( بالمنفله)
لك الود
ايمن تابر
| |
|
|
|
|
|
|
| |
Moawia Mohammed
Kostawi
عمرو كمال ابراهيم
خال فاطمة
تيسير عووضة
معتصم محمد صالح
Adam Omer
عبدالمحمود محمد عبدالرحمن
عزيز عيسى
Siham Elmugammar
mohmed khalail
Mahathir
ناذر محمد الخليفة
Abomihyar
عواطف ادريس اسماعيل
محمد المرتضى حامد
ابراهيم عدلان
Aymen Tabir
فيس بوك
تويتر
انستقرام
يوتيوب
بنتيريست