|
Re: هنوا الأخت Sudania2000 بحصولها على درجة الدكتوراة (Re: Teeta)
|
بسم الله الرحمن الرحيم الشكر لله الواحد القهار الذي به سبحانه تتم الصالحات ألاخ الكريم جاد الجاد اشكرك علي الابتدار و التهنئة وقد فأجاتني بها الاعزاء البورداب اشكركم علي الشعور الطيب و المشاركة و الحلاوة و الخبيز و الببسي و الفرات معانا كيف بس تصلكم الاسرة ايضا تشكركم و تدعوكم الي الكرامة و كل زول علي طلباتو.... لا اعرف ماذا اقول و بس ام فيلنج لوست رحلة الغربة و اجتياز التجربة المريرة تجعل المشاعر مختلطة و الدموع هي التعبير الذي لا يغالب و يوم شكركم انشاء الله ما يجيء و علي قول الحبيب عمر رجب LOVE U ALL
| |
|
|
|
|
|
|
Re: هنوا الأخت Sudania2000 بحصولها على درجة الدكتوراة (Re: JAD)
|
ابوهو سألو قال ليهو يعني شنو فلسفة ومنطق رد الولد إو مثلاً ممكن أقنعك إنو واحد زايد واحد يساوي إتنين . نط أبوهو في الجدادة وقال ليهو شايل التانية بتاعتك وخلي لي دي . إتخرجت وقلنا ليها يعني شنو فلسفة قالت يعني جربان ياكل بي عينو والخروف داك إلا تلقوهو في عالمكم الإفتراض هنا . بس برضو مبروك وفرحنا كتير ويكمل بي عرق العافية ويربى في عزكم ودامت ايامكم أفراحاً توجد مواصلات بعد الحفل
ــــــــــــــــــــــــــــــــــــــــــــــــــــــــــــــــــــــ إتنين ما يتقدموا في بلدنا : الكورة وسودانير
| |
|
|
|
|
|
|
Re: هنوا الأخت Sudania2000 بحصولها على درجة الدكتوراة (Re: JAD)
|
الاحباء الكرام هنا صباح و بقول صباحكم زين تباشير الخريف تملا المكان و انقلاب كبير في الطقس عندنا الفرح كلمة جميلة افتقدتها كثيرا في الغربة طعم الغربة كان عندي علقما الان احس بان السودان رغم حره و ترابه يعطيني الفرح الذي عجزت بلاد العجم بكل الرفاهية ان ترسم ابتسامة و لو باهتة علي وجهي لا اعرف كيف اشكركم و لكني احس بكم فرحا عندما سافرت في 2000 كنت تائهة و حبي للاسرة و السودان جعلني ادور في فلك واحد يسمي الحزن ...و الوحدة ...رغم ذلك اضافت الغربة الكثير لدي..من الخبرات و الصداقات .... اكثر ما اعتز به عضويتي بهذا المنبر الذي جيته مهاجرة من منبر العزيز معاذ و منذ ذلك التاريخ بدأت كسودانية 2000 عرفت اخوة كرام منكم ساعدوني كثيرا في اجتياز المصاعب اشكركم جميعا...... منهم من رحل و اختار الا يعود هنا بناديها , صلاح ضرار, رمانة , شمس , السارة , ......الخ منهم من اختفي زمانا و عاد زمنا اخر......تبلدينا ..شتات .. منهم من غابت اخباره زمنا كالحموري الدكتور صدوح...و العزيز مرتضي...
منهم من بقي يراقب و لا يتكلم ....كالسعيد أسعد ...و الدكتور نزار ...و الاعلامي سبيل.. منهم من اري و افتقد ... وكلكم اجمل من صباح بلادي الخريفي هذا و كل عام و انتم كل الحب و الجمال اشكركم و عقبالكم و عقبال عيالكم و اخوانكم و سلمتم لي
| |
|
|
|
|
|
|
Re: هنوا الأخت Sudania2000 بحصولها على درجة الدكتوراة (Re: JAD)
|
راكوبة العزيز .. شكراً لك .. أضفيت إحساس جميل على هذا البوست ..
تمبس هذا لا يعفيك من القفشات الحلوة .. الفاصل القادم عليك ..
أهل العوض أخوي العزيز .. أخوك اليومين بلحيل والله متفسل عشان سمعت قالوا البطانة اترشت وفاحت النال العاول .. بس فرح الدكتورة شوية مخفف علينا ..
الجندرية بت عمي .. الأديبة الأريبة .. عقبالك بس اليوم داك الفرح بكون غير .. وليك علي أتحزم وأشيل السيف وأصوقر لمن أكمل الشبالات.
شكراً لكم جميعاًأحبابي ولي عودة أطايبكم واحد واحد..
جاد
| |
|
|
|
|
|
|
Re: هنوا الأخت Sudania2000 بحصولها على درجة الدكتوراة (Re: JAD)
|
حبيب الكل الأستاذ يوسف الموصلي .. عقبال ما نفرح معكم الأنجال .. وإنت كمان .. هي شهادة الدكتوراة لاقية تتشرف بيك ..
تسلم يا حنين على المرور بي هنا.
العميد بكري .. مشكور .. أكيد نجاح كل سوداني/سودانية هو نجاح لنا جميعاً..
الأستاذ/ قرجة .. عقبال الأفراح عندك يا ظريف ..
العم سجيمان .. مسرور لمرورك الغالي .. وعقبال كما تحضر لينا كدا في حاجة غميسة أو تخترع مصل يحير العلماء ..
المهندس أنور .. شكراً جزيلاً .. إن شاء تعود لبلدك مزوداًً بأعلى الدرجات العلمية ..
| |
|
|
|
|
|
|
شكرا ستو علي المفأجاة السعيدة (Re: JAD)
|
السلام عليكم أسعد الله صباحاتكم بكل خير و كل فرح كم سعدت بكم مشاركتكم تملاني فرحا وتجعلني اشعر بان عزوة الاهل هي الاجمل كيف لا و خاصة أهل مثلكم يحبونك و تحبهم ورغما عنك عز لقاءهم ...وان سكن حبهم بالقلب و سرح الخيال في حياتهم ...وهم من مشارق الارض و مغاربها....... جمعت بينهم الغربة و السودان و حب الاخير كان هو عنصر الانصهار الاكبر مما جعل منهم نسمة حب و عبير سعادة في حياتي التي أجدبتها الغربة و ضحكت منها الوحدة ...ولولا تلك النسمة لما كان النجاح و لا كانت العودة الظافرة ...لا أدري كيف اشكركم فقد ...غلب الامر وضاعت الكلمات التي تاهت عن التعبير الذي تجيده الدموع ...الدموع التي صاحبتي هناك الان تختلف ....و يختلف طعمها ...الذي كان حزنا و شجن وخوف ...فاصبح لحن موسيقي ,,,,فرحا ..و نصرا ... ولكن اجزل الشكر هو جزاكم الله الف خير و بركة ...و احبكم جميعا في الله..... سعدت بمكالمتك حبيبتي بنت الاحفاد ......اشكرك و جزيت خيرا
| |
|
|
|
|
|
|
Re: هنوا الأخت Sudania2000 بحصولها على درجة الدكتوراة (Re: JAD)
|
السلام عليكم البرير ..لك الشكر كله ...و عقبالك نايل وينك ...مشكور ...و تحياتي للاسرة كوستاوي منور و الله و ليك وحشة كبيرة و شكرا علي حلو الطلة و عقبال نفرح بالعيال ...سلم لي عليهم ... الاعزاء سناري طارق انا بنت النيل عصام وداعة محجوب مامون زين و الدكتورة العزيزة بيان لكم كل الشكر .....و ربنا يديم الافراح عليكم و علينا
الاخ العزيز جاد لك كل الشكر و التقدير مع امنياتي الصادقة و دعواتي لك بدوام العافية و الافراح ....و جزيت كل الخير سيدي..
و مبروك عودة بيان ...بالمناسبة Hongera = Mabruk In Kiswahili or Mingi Congratulations
| |
|
|
|
|
|
|
Re: هنوا الأخت Sudania2000 بحصولها على درجة الدكتوراة (Re: JAD)
|
السلام عليكم و رحمة الله ألشكر اجزله لكم جميعا كتبت ربلاي حوالي خمسة و عشرين سطر و بالتفاصي لكل المشاركين بس كان كلو دبرسة و قام طار في الهواء مع السيرفير السجمان....معليش اعيدو تاني العصير (بالكسرة ) كدة يمكن المود يتغير و يكون لسلامة كل الاعين من البلونس
| |
|
|
|
|
|
|
Re: هنوا الأخت Sudania2000 بحصولها على درجة الدكتوراة (Re: JAD)
|
السلام عليكم و رحمة الله ألشكر اجزله لكم جميعا كتبت ربلاي حوالي خمسة و عشرين سطر و بالتفاصيل لكل المشاركين بس كان كلو دبرسة و قام طار في الهواء مع السيرفير السجمان....معليش اعيدو تاني العصير (بالكسرة ) كدة يمكن المود يتغير و يكون لسلامة كل الاعين من البلونس
| |
|
|
|
|
|
|
|