|
|
 Re: تعالوا أشرح ليكم كاتب الكلوروفيل وتيموليلت (Re: AlRa7mabi)
|
..
Osman M Salih،..
تحياتي يا شقيقي في الحبر،..
الشكر لك على هذه المودة،..
تحياتك ستصل للصديقين عثمان عووضة، وعثمان حامد سليمان،..
كن بخير، وعالج الخلاء بالكتابة،..
تيسير عووضة،...
إزيك يا تيسير العيد،..
شكراً، وتحيات أخوي عثمان ود أمحمد صالح دي توصليها أبوك،..
عثمان حامد سليمان خليهو علي،..
كوني بخير،..
مهيرة،..
اللله... أنا فرحان جداً جداً بزيارتك دي،..
المغربية المكـchـناها دي لذيذة، لو شفتيها مره فااهمة كيف وظريفة وبيتها مرتّب، بعدين كويس إنك قبضتيني في توجيه بعض الألغاز إليك، إيتل عدنان وما أدراك، أنا بموت في الذكاء، أو زي ما عاجب الوغد "دكين" عبارتي البتقول، التعامل مع ناس أذكياء بخلي الواحد يتجلَّى،..
أنا قدّرت الحاجة دي من أول بوست مبكّر قبل "فتنة الطيب مصطفى، ثم تكالب الأوس وبني ساعدة" البوست الشاركك فيهو "قرشو"، انتقادك للعمل كان راقي جداً وذكي، بس أنا كنت عميكة وشافع ساي في حركتي معاك ببوست إصلاح الكتابة، تاني سامحيني،....
بس برضك مخطئة في إني بحاول أجمّلها وأثقّفها، أبدا، مش هي وبس، كل الناس "المفارقين" ديل، أذكياء ومثقّفين وخلاقين كمان، يخيّل لي إنو الموضوع ذاتو قلق واستهلاك لليومي والروتيني، فيتم كجنوح نحو الابتكار يعني،..
"ايتل عدنان" ومعروفة قدراتها، طيّب كدي نمشي لحبوبتن ذاتها الجات منها الكلمة "lesbian"، ما هي كيمياء هذه الكلمة؟ الشاعرة العملاقة، بل أعظم شاعرة عرفها التاريخ القديم "سافو" قبل ميلاد المسيح، على حسب معجم ويبستر، أها المره دي بدت كاتبة للأغاني وبعد داك دفرت لاحدي ما وصلت تكون شاعرة، أنا قلت كدا لأنو نحن لاهسع ما بنعرف نميّز بين الشاعر وكاتب الأغاني، كلو عندنا "فول مدمّس"، أها المره المشوطنة دي خَلَّت للناس دنيتن كلها ومشت لجزيرة انقطعت فيها لحب حبيبتها وكتابة أغانيها وأشعارها فيها، الجزيرة اسمها "ليسبوس" lesbos، ومن هنا جات ليسبيان،...
أها يا شقيقة البتولا بت الموفد الموضوع من قولة تيت بدأ بالفن والثقافة والقدرات والعزلة،..
خليهن ناس تيموليلت، أها في أمكن من ليوناردو دافنشي، ومايكل أنجلو وكلاهما لم يحبا في حياتهما قط عدا "غلام"، إن درنا النصيحة الناس "المفارقين" ديل كلهم ختريين،..
لكن القصة كلها، أعني تيموليلت، ليس لها أي علاقة بكتبي الأخرى، وأتمنى أن تقع في يدك، أخصُّ هذه الرواية التي ناقشتها رانيا مأمون،..
كوني بخير، ولك التحايا، ولا تنقطعي عن ميادين النجيلة اليابانية، ومحل تصادفك كوشة، أخدي الملف،..
ولك أشرق مافي المودة من نهار، وكوني بخير
عصام أبو القاسم،..
تحياتي يا رجل وكن بخير،..
bayan،..
كيفك، وتحياتي
دي:
ويذكر عدداً لا يستهان به من كشف وفيات الذين ماتوا من الكُتّاب الأجانب
أمّا عبارة لعينة بحق، دا ما ياهو ذاتو الجنّن بشرى الفاضل من النقد والنقّاد، النص في بلد والناقد ينضم في بلد،..
كوني بخير،..
منى أحمد،..
إزيك وتحياتي لك يا أميرة،..
شكراً على محبتك للكتابة في البدء
عارفة؟ بجتهد جداً إني أنجّض أي سطر أكتبو، أول شيء عشان نفرح كلنا بالكتابة، أمّا الهام التاني فعشان أشجّع غيري علي الكتابة المنجّضة ومحرّقة، في ناس كتير بتكتب زيي أو أحسن مني بكتيير، بس ما بثقوا في قدرات القراء بالتالي بقوموا يحوّلوا الكركدي المركَّز لمحلول كركدي، هنا إشارة حلوة قالها "ليف تولستوي لأنطوان شيخوف"، قال ليهو أكتب بشكل مركّز وقوي قدر ما الله يديك، وتأكد أن هناك على الدوام أذكياء سيفهمون،..
أها بخصوص البرلمة المحل دا دنيا من الكتابة والأفكار، يعني ما سلك ديش زي ما في واحدين شايفن بجيبوا تاريخ التحاق الزول بالبكان دا، كمقدّمة لنقده، قلنا دا مكان كتابة وأفكار، بالتالي ياما في سناير برالمة، وياما هذا المكان موعود ببرالمة أساطين،..
كوني بخير، ولك الحب،..
مجدي شبندر،..
شكراً لأمنياتك الطيبة ولك أجمل التحايا،..
عجبتني العبارة دي:
أريد أن أضيف أن النص الأدبي لا يعبر عن حقيقة بل لكل نص حقيقته الخاصة التي يعبر عنها،
لأنها بتختصر الموضوع تماماً، إنو صحيح النص الأدبي في الإجمال ما عندو "خُطة" أو "فكرة عن الحقيقة" زي ما دايرين يقترحوا ناس المدارس الاشتراكية، وفي نفس الوقت هذا لا يلغي حقيقة أنّ النص يمتلك "حقيقة، وربما خُطّة" خاصة به ومقصورة عليه في فردانيته، وليس في قطيع نصوص أخرى،..
تسلم علي الشوتة بت اللذينة دي،..
منها أعمل هجمة مرتدة علي موضوع اتحادات الكتّاب، نقابات الكُتّاب وو ... إلخ، الحركات الجابوها لينا الصحفيين دي، الكاتب لا يؤمن باتحادات الكُتّاب من أساسو.... "الليلة –الصاح- أبّكر ود سماعين بكتلني،..
بشكرك جداً جداً يا مجدي علي الهدية بس لو في خيارات تانية ممكن أختار،.. فهمتني؟
ولك عاجل شكري وآجله
هشام المُجمَّر،..
إزيك يا صديقي في الغار،..
طبعاً يا رانيا هشام دا خجلان ساي يقول ليك إنو هو أوَّل من بَشَّر وأعدَّ لندوة قراءة حول الرواية دي، كان سكرتير الثقافة للنادي السوداني هنا، والقراءة قام بها الصديق الشاعر والمسرحي –المعروف- د. عز الدين هلالي، وكانت ليلة مشهودة وجميلة، "الكلام دا قدييم" أجمل حاجة إنو كنت قاعد وهشام دا ومعاهو زول بتكلموا، هشام بسأل: الراجل دا مالو اتأخر، والتاني بقول ليهو ياخ راجل شنو، قالوا شافع ساي لو بقه منغز في الناس ديل ما بتعرفو، هشام رفع عينيه لقاني مبتسم ابتسامة ماكرة زي بتاعة الكاريزما الفي صورتي دي، المسلّط جاني دغري، إنت محسن خالد؟ والله خجلت أقول آآي، يا أخوانا الله أكرمني في صغمبوتيتي مالكن معاي،..
أها اتصاحبنا أنا وهو من يومها "العجوز" -مرتو بتكرهني الليلة،..
يا هشام الطبعة الشعبية دي ما بتاعة القاهرة، بس طلعت شعبية خالص ولدرجة بايخة، ويسمّني في قرش منها،..
كن بخير يا صديقي في الغار
AlRa7mabi،..
إزيك يا جميل،..
داير تغمتها وتنوم، آآ
المشكلة إنها مافي في رقبتها دي، بعدين أنا زدت ونقصت فيها الكتير،..
أحسن ليك ترجى الطبعة الفوق النار دي،..
كن بخير،..
...
|
|
 
|
|
|
|
|
| العنوان |
الكاتب |
Date |
| تعالوا أشرح ليكم كاتب الكلوروفيل وتيموليلت | رانيا مامون | 02-06-06, 11:06 AM |
| Re: تعالوا أشرح ليكم كاتب الكلوروفيل وتيموليلت | AlRa7mabi | 02-06-06, 11:35 AM |
| Re: تعالوا أشرح ليكم كاتب الكلوروفيل وتيموليلت | محسن خالد | 02-06-06, 11:46 AM |
 Re: تعالوا أشرح ليكم كاتب الكلوروفيل وتيموليلت | عبد الحميد البرنس | 02-06-06, 12:03 PM |
| Re: تعالوا أشرح ليكم كاتب الكلوروفيل وتيموليلت | محسن خالد | 02-06-06, 03:05 PM |
| Re: تعالوا أشرح ليكم كاتب الكلوروفيل وتيموليلت | عبد الحميد البرنس | 02-06-06, 03:34 PM |
| Re: تعالوا أشرح ليكم كاتب الكلوروفيل وتيموليلت | هشام آدم | 02-06-06, 03:51 PM |
| Re: تعالوا أشرح ليكم كاتب الكلوروفيل وتيموليلت | محسن خالد | 02-07-06, 01:18 AM |
| Re: تعالوا أشرح ليكم كاتب الكلوروفيل وتيموليلت | Osman M Salih | 02-07-06, 01:02 PM |
| Re: تعالوا أشرح ليكم كاتب الكلوروفيل وتيموليلت | محمد السر | 02-07-06, 01:25 AM |
| Re: تعالوا أشرح ليكم كاتب الكلوروفيل وتيموليلت | محسن خالد | 02-07-06, 02:13 AM |
| Re: تعالوا أشرح ليكم كاتب الكلوروفيل وتيموليلت | تيسير عووضة | 02-07-06, 02:04 AM |
| Re: تعالوا أشرح ليكم كاتب الكلوروفيل وتيموليلت | رانيا مامون | 02-07-06, 08:57 AM |
| Re: تعالوا أشرح ليكم كاتب الكلوروفيل وتيموليلت | مهيرة | 02-07-06, 12:14 PM |
| Re: تعالوا أشرح ليكم كاتب الكلوروفيل وتيموليلت | عصام ابو القاسم | 02-07-06, 12:54 PM |
| Re: تعالوا أشرح ليكم كاتب الكلوروفيل وتيموليلت | bayan | 02-07-06, 11:17 PM |
| Re: تعالوا أشرح ليكم كاتب الكلوروفيل وتيموليلت | منى أحمد | 02-07-06, 11:26 PM |
| Re: تعالوا أشرح ليكم كاتب الكلوروفيل وتيموليلت | مجدي شبندر | 02-08-06, 08:15 AM |
| Re: تعالوا أشرح ليكم كاتب الكلوروفيل وتيموليلت | رانيا مامون | 02-08-06, 08:14 AM |
| Re: تعالوا أشرح ليكم كاتب الكلوروفيل وتيموليلت | محسن خالد | 02-08-06, 08:19 AM |
| Re: تعالوا أشرح ليكم كاتب الكلوروفيل وتيموليلت | رانيا مامون | 02-08-06, 08:34 AM |
| Re: تعالوا أشرح ليكم كاتب الكلوروفيل وتيموليلت | رانيا مامون | 02-08-06, 09:20 AM |
| Re: تعالوا أشرح ليكم كاتب الكلوروفيل وتيموليلت | رانيا مامون | 02-08-06, 10:17 AM |
| Re: تعالوا أشرح ليكم كاتب الكلوروفيل وتيموليلت | هشام المجمر | 02-09-06, 01:37 AM |
| Re: تعالوا أشرح ليكم كاتب الكلوروفيل وتيموليلت | AlRa7mabi | 02-09-06, 03:58 AM |
| Re: تعالوا أشرح ليكم كاتب الكلوروفيل وتيموليلت | محسن خالد | 02-09-06, 07:05 AM |
| Re: تعالوا أشرح ليكم كاتب الكلوروفيل وتيموليلت | محسن خالد | 02-11-06, 08:04 AM |
 Re: تعالوا أشرح ليكم كاتب الكلوروفيل وتيموليلت | بلدى يا حبوب | 02-11-06, 08:36 AM |
| Re: تعالوا أشرح ليكم كاتب الكلوروفيل وتيموليلت | محسن خالد | 02-12-06, 07:07 AM |
| Re: تعالوا أشرح ليكم كاتب الكلوروفيل وتيموليلت | رانيا مامون | 02-12-06, 10:02 AM |
| Re: تعالوا أشرح ليكم كاتب الكلوروفيل وتيموليلت | رانيا مامون | 02-12-06, 10:16 AM |
| Re: تعالوا أشرح ليكم كاتب الكلوروفيل وتيموليلت | صديق الموج | 02-12-06, 11:26 AM |
| Re: تعالوا أشرح ليكم كاتب الكلوروفيل وتيموليلت | رانيا مامون | 02-13-06, 05:14 AM |
| Re: تعالوا أشرح ليكم كاتب الكلوروفيل وتيموليلت | ابوحراز | 02-13-06, 02:04 PM |
| Re: تعالوا أشرح ليكم كاتب الكلوروفيل وتيموليلت | محسن خالد | 02-14-06, 03:02 AM |
| Re: تعالوا أشرح ليكم كاتب الكلوروفيل وتيموليلت | عبدالرحمن الحلاوي | 02-14-06, 03:23 AM |
| Re: تعالوا أشرح ليكم كاتب الكلوروفيل وتيموليلت | محسن خالد | 02-27-06, 07:30 AM |
| Re: تعالوا أشرح ليكم كاتب الكلوروفيل وتيموليلت | معتصم الطاهر | 04-24-06, 06:34 AM |
|
| |
محسن خالد
فيس بوك
تويتر
انستقرام
يوتيوب
بنتيريست