عارف يا أبو ساندرا عندي قريبي (ترك خدمة البوليس برتية رقيب) والدته اتوفت السنة الماضية حوالي الساعة اتنين صباحا بمستشفى بحري. لمن حصلت الوفاة ما كان عندو حق الشاي حيث أن كل ما كان يملكه تم صرفه على علاج المرحومة. زولك اتحير في إنو كيف حينقل الجثمان لمنزل خالو بالثورة في تلك الساعةوخاصة أن المستشفى رفض ترحيل الجثمان. بعد تفكير شديد قام مشى دخل مركز بوليس بحري ولقى ليك الجماعة قاعدين . سلم عليهم وقال ليهم أخوكم (نقيب) شرطة معاش فلان الفلاني ووالدتي اتوفت وعايز أرحل الجثمان للثورة. الجماعة كلهم وقفوا وضربوا ليهو تعظيم وطلعوا ليهو بوكسي مع أربعة عساكر قاموا بكل اللازم حتى الدفن.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة