|
|
|
 Re: لها .. و لمن كن على شاكلتها!! (Re: Dina Faisal)
|
الأستاذ ومربي الأجيال حسين ملاسي،
تحية وإعجاب لا حدود لهما
هذه أوّل مرة أتداخل فيها معك، وما كان يمنعني في السابق هو دهشتي بما تكتب من مفاكرات وما تقوم به من تحليل لأمور شائكة في شأننا الثقافي، والاجتماعي، والسياسي، ولكن موضوعك الحاضر أمامنا هذا، الذي مكثتُ الليل بطوله أفكك دقائقه ومكنوناته، خباياه وكنوزه، حكمته، فلسفته الزاهدة والمرسومة باقتدار نبي أُوتي مجامع الكلم، وصوفيته الموغلة في الرمزية، والأسدة في صيد معانيها، فقد حوى كل شيء مما يرف بأكوان البشري الخارجة عن نفسه أو تلك التي من مبتناها، وهو ما أرغمني على الدخول والتعبير عن سعادتي بوجود كُتّاب مثلك بيننا، في هذا البورد، لأجل ترقية أطوار شعبنا، وإنماء وجداننا، وتطوير ذهنيتنا، وإلهام روحنا تقطير الحياة من كل شجن وحزن وتقديسها، باختصار... لولاكم لهلكت هذه الأمّة، أعترف لك أستاذي الكبير بأنني كنتُ مقصّراً بعدم تداخلي معك من قبل، وإن لم أحرم نفسي ذات يوم الاستفادة من علمكم، وشساعة معرفتكم وتعدد ميادينكم، فلولا قلمك "الذهبي" كما يقول بكري صاحب هذا النُّزل المضياف لدرجة إيواء الذئاب وأصحاب السفه الذهني والدّبَر النفسي، لكنا اعتشنا على الفارغة والمقدودة التي يكتبها أشباح من خلال نيك نيمز كـ بشرى الفاضل، أسامة الخواض، صدقي كبّلو، عجب الفيا، فضيلي جَمّاع، عبد الحميد البرنس، عبد الغني كرم الله، ميسون نجومي.... إلخ من النيك نيمز المُهرجلة والمونساتية السخيفين، والانصرافيين، فأنت وييين يا أستاذي العظيم وتلك الأشباح وين؟
فأرجوك أستاذي أن تتفرّغ لمهمة الكتابة وحدها، أرجوك أرجوك.. لأنّ أمتنا كلّها أصبحت أدمغتها تستطيب التعيّش على رؤاكم ونهجكم، ولا أمل لها أبداً في غد منير من دون قلمكم "الذهبي"، فكما كان لمصر حسنين هيكلها، كن لهذه الأمّة ألف حسين ملاسيها، وما حدّش أحسن من حد، وتنقد الرهيفة. لم لا؟ فأنتم سُرَاة هذه الأمّة ومحددو مصيرها ومآلاتها، وهذه الكلمة "سُراة" أنا شفتها في "إم بي سي"، فقد عرضوها في فيديو كليب "مسلّي" خالص وجميل و"دا سم"، تقافزت فيه الحروف المُبهجة كحروفكم ورقصت وغنّت، كان الحرف "سين" يلاحق الأنثى "تاء" في الوقت الذي كانت فيه هي مشغولة بتصفيف شعرها، بينما يغني لها: ملا.. ـت قلبي. وترد عليه التاء: "س" يا أمل حياتي، حتى اجتمع قلب الحروف المصوّر كرتونياً في مشهد بديع، مع موسيقى ناعمة ومهدهدة، وهما يرددان: ملا..س، ملا.. س، فقفزت أنت لذهني فجأة، في معجزة وكرامة نادرة، وهذه الكرامة التلفزيونية لا ينكرها إلا شخص قليل الإيمان، فقد يكون سبق لك وشاهدت برنامج ساحات الفداء وما فيه من كرامات، وهي ما أملى عليّ الدخول ومشاركتك نار هذه التقابة المعرفية المتوهّجة، إذ إنّ خلاصة الفيديو كليب أنّ "السُّراة" تعني أولئك النفر الرشيدين من قومهم، الجادّين في كل شِعْبٍ ينهض بأهلهم، الذين يتصدّرون بلادهم ذوداً عن بأس يلم بها، أو تحلّقاً حول ناديها العامل على تطوير ذهنيتها والمعارف والتكنولوجيا فيها، فك إسارها ومواساة محزونيها حتى لو في أساطيرها الشعبية مثل أسطورة دارفور، التي لكم تشبه يا أستاذي الكريم أسطورة الإليازة الإغريقية في ملحميتها وبناء توابيت موتاها، ولها أيضاً حصان أم كدادة في تناظر بديع مع حصان طروادة، وبما أنّك أستاذي ومن مثلك حقاً "سُراة" قومي إلى كل هذا الحال العظيم والنعيم الذي تتقلّب فيه أمتنا، بجديتكم وحزمكم وسهركم ومدافعتكم وعدم حيدتكم عن هذا الخط منذ رأيناكم هنا، لدرجة نهضة مسارح الأسطورة وتطورها لهذا الحد، فقد رأيتُ أن يكون دعمي لمجهودك التنويري والتثقيفي هنا، رفع هذا البوست، كأضعف الإيمان، فدمت، وعشت، وعاش قلمك "الذهبي".
| |
 
|
|
|
|
|
|
|
|
Re: لها .. و لمن كن على شاكلتها!! (Re: عاصم ابوبكر حامد)
|
"السُّراة" تعني أولئك النفر الرشيدين من قومهم، الجادّين في كل شِعْبٍ ينهض بأهلهم، الذين يتصدّرون بلادهم ذوداً عن بأس يلم بها، أو تحلّقاً حول ناديها العامل على تطوير ذهنيتها والمعارف والتكنولوجيا فيها، فك إسارها ومواساة محزونيها حتى لو في أساطيرها الشعبية مثل أسطورة دارفور، التي لكم تشبه يا أستاذي الكريم أسطورة الإليازة الإغريقية في ملحميتها وبناء توابيت موتاها، ولها أيضاً حصان أم كدادة في تناظر بديع مع حصان طروادة،
| |
|
|
|
|
|
|
|
|
|
Re: لها .. و لمن كن على شاكلتها!! (Re: مجاهد عبدالله)
|
شكــرا يا ملاسـى، وشـركـة مرسيدس مشهـورة بإبتكار الدعايات الفنيـة.
فعلا ليهـا حق المفروض ما كان ترفـع صوتهـا فى مكتبـة فيهـا الناس بتقـرأ.
هل ممكن رابط للتنزيل؟
| Quote: وما تقوم به من تحليل لأمور شائكة في شأننا الثقافي، والاجتماعي، |
التحليل لما يكون فى كلمـة أو كلمتين فقـط، دائمـا يضيفـوا ليه كلمـة "وتحـريـم"
وأظن أنهـا سقطت للبلاغـة.
| |
|
|
|
|
|
|
|
|
|
Re: لها .. و لمن كن على شاكلتها!! (Re: عبدالكريم الامين احمد)
|
آسف يا أستاذي العزيز، كنت مشغولاً ببعض أمور الدنيا التافهة، كحالنا وحال ما نفعله عموماً، ولكن حرام أن تذهب مثل هذه المفاكرات الثرّة والقمينة لقاع المنبر، بينما بوستات أخرى كُتبت بظلف حصان تتسيّد المكان، هل يعقل؟ فور ويل درايف!؟ أووه ماي قود، ولا يعير أحد هذا البوست أدنى اهتمام؟ ومرسيدس؟
عفوك يا أستاذي الكريم، هذه حالنا منذ دهور، ولكن بعد اليوم لا بد من الاعتناء بـ(هكذا مواضيع) (إنشاء الله) (طالما) أنتم تنيرون دروب حياتنا بمثل هذه النظريات النافذة، والبحوث والتجاريب (الشيّقة)، فيالك من رجل (جَزِل) الرأي والحكمة.
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
..
| Quote: مرشحنا لنوبل و هو منزوع البذاءة؛ زيو و زي كيكي! |
طيّب وكتين إنتو مساكين وغشيمين كدي، وما بتعرفوا البذاءة من عدمها،
فلهمة الفتاوي ليكم في (علم) البذاءة شنو؟
يا حليلك يا الحبّوب، كيكي الشِفِت بالصح دا، سَوَّق فيك ألأم بذاءة خُلِقت،
مشت فيك سااي حكاية الولد وأمه إنت آلمسيكين؟ القالت ليهو كَيْت وكَيْت، (كمّل سكّرنا)!!
قلت أشرح ليك، عشان ما تطلع قدّام رفاقتك ورفيقاتك شِفِت عُرَّة، وسيد شيطنة مسكينة ساي!
بالمرة كدا، شايف مساختك طارت ليك كلها، وارتباكك وهزالك فيها واضح لامن الأعشى زيي يشوفو،
فشنو يعني: كنت داير أكتب ليك (زعوري) لكن آثرت تركها!
يا راجل، ما تتشيطن زي الشيطانين بالصح، وألا كمان تبطّل شيطنة مسكينة الله والرسول.
-------------
استعن ببذئ يا حسين، عادةً بكون خلاق ومبتكر
(أقول ذلك، لأمنحك شيطنتك القادمة: ما إنت البركة يا محسن)
شايف كيف إنّك كائن -مكرّر، ممل، سطحي، قليل مروّة وحيل وما بتجيب من عندك الراء-
وكمان مُضِر -مش سلبي- تجاه الوجود والإبداع فيه،
ممكن أتم ليك البوست دا براي بالمناسبة، لحد النهاية
عالم محدودة بشكل، وما بتزهج من العبط ليوم الدين
..
| |
|
|
|
|
|
|
|
|
|
Re: لها .. و لمن كن على شاكلتها!! (Re: مجاهد عبدالله)
|
مولانا اسماعين طوالي شايل سنارتو ونضارة سبر اغوار الطين..
انت السويتها رقدت
اكبر كذبة في السايبر السوداني
اعطتك لقب الكذاب الاشر
قصة خطف الجثمان من قبل محمد حامد جمعة..
ثم الكذبة الخفية وارسالك لبكري
رسالة اني قلت لك "بدوفليك"
ليتم فصلي عشان خاتر عيون حلوين..
فانت عندك تار مع ملاسي قائد معركة الجثمان المخطوف
دا عشان كدا تملقك لمحسن خالد
فوق راي...
كيف لقيتني دمب بلوند؟
| |
|
|
|
|
|
|
|
|
|
Re: لها .. و لمن كن على شاكلتها!! (Re: محسن خالد)
|
| Quote: أورثني أعداء ذي عاهات فكرية ونفسية من كائنات العدم وهلامياته |
كان أورثك أعداء ما عارف .. انت قايل روحك منو يا خوي!!
و تموليلت بتاعتك الفرحان بيها دي تمشي تقشر بيها
على الزي ناس كيكي؛ و بقية جوقتك المسكينة.
مشكلتك انك مسكين و بتصدق الإطراء الاسفيري المجاني.
و بعدين شنو اعتداء على هدأتك و دهليزك .. شوف انت جبت
سيرة ملاسي كم مرة في هدأتك الناعسة ديك قبال اجيك؛
بتعرف تحسب و للا احسبهم ليك .. فالح بس في الولولة!!
______
ليك حق تزعل من "مرشح نوبل" .. نوبل شنو الانت – كمان – بتترشح ليها؛
انت حدك جائزة الطيب صالح .. دا كان كسرت رقبتك!!
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
ملاسي حقا
انت فيروس اسفيري نادر وخطير وملي بعاهات هي دوما موجهة تجاه اصحاب الابداع
ويكاد المرء ان يصاب بالغثيان وهويراك تتحدث عن سودانيز اون لاين وحقها الادبي
وانت اكبر واخطر عدو لهذا الموقع الذي يجلس مثل محسن خالد قلادة من الذهب علي صدره
ماذا تريد يا حسين ومن اي المدارات المتقيحة انت فمحسن كاتب حقيقي واقولها بالعامية
(جوه عينك) شئت ام بيت تساخفت ام اهنت من هو مثله الطيب صالح...
اين هو انتاجك ورصيدك علي كل المستويات غير هذه اللغة الجائعة المليئة بالحقد وسم رجل كالنبت الشيطاني كل همه هو تعكير الوجدان وممارسة السخف الاسفيري القمي...
ملاسي حقا انت رجل غريب الاطوار وجدير بالدراسة لفائدة البشرية جمعا حتي لا تنتج الاسافير
ذات يوم جيلا يحمل مثل عقلية ملاسي ذات الوعي الطحلبي...
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
...
Quote: و بعدين شنو اعتداء على هدأتك و دهليزك .. شوف انت جبت
سيرة ملاسي كم مرة في هدأتك الناعسة ديك قبال اجيك؛
بتعرف تحسب و للا احسبهم ليك .. فالح بس في الولولة!! |
ود ملاسي،
حصل قبل كدا قلت ليك كضّاب؟ القاتلة عندي للأبد، أها هسّع ما بستعجل وأتهمك بشيء، فأنا لا أعرفك لأعرف الكذب عنك، مبدئياً كدا إنت غلطان، وتعال نحسبها ليك من (إذن، وإذاً) العلمناك بكتبوهن كيف، في بوست (إصلاح الكتابة)، وجمالي البحت تجاهك حينها، ونمشي طواالي مارين ببوست محمّد عبد القادر سبيل، وبعد داك المطاعنات لاحدي بوست مييع عتّان بتاع حسن موسى داك، يا زول قول بسم الله، دي أوّل مرة أخوض معاك في بوست سماجة، بحياتي! ذكرتك في بوست مييع عتّان بعد لقيتك مهابشني بالصدفة، بوست الحسن ذكرتك بعد جيتك وتذكيرك لي بروحك، يعني بعد تعرضاتك (أولاً ومكرّراً) لي، دوننا الأرشيف، تحب نحصحص معاك الحكاية دي، ونشوف مين ذكر مين وتعرّض له أولاً، وكمان بتكرار وعن عمد، وبحكمة دكتورة نجاة الفوق دي أكون قائد حملة إثبات (كضب ملاسي) بالمداخلات وتواريخها؟
شوف يا ملاسي، أنا عندي رأي طويل وعريض، في مجمل وجودك هنا، ولكن ليس من حقي احتقارك كبشر، أما إن شرعت تكذب لأنت نائله مني.
فعندي جن اسمو (الكضب) مش العدوان. لأنّ الأول يسبب الثاني، وليس العكس، النزيه لن يعتدي.
تعال أحسب لي، وبتواريخك، يا اسحب كلامك دا.
| |
|
|
|
|
|
|
|
|
|
Re: لها .. و لمن كن على شاكلتها!! (Re: محسن خالد)
|
قال ولولة قال، أولول من العدم؟ المولول هسّع الله والناس عارفنو، صدّقت حكاية أستاذ ومربي أجيال الفوق ديك وألا شنو؟ والله أسلخك لامن عضمك يجيب اللبى الرضعو طفلاً.
وحتى الآن أنا ملتزم معاك جادّة الأدب والحجّة بس، لكن والله بعد تجيب ليك كضب تاني إنت حلال علي كلّك، لامن نصل بلاد الحرام ونفوتها بهناك
(الكذاب عندي من الجمادات، ولا يقع علي إنسانٍ لومٌ من الحَجَر)
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
معتصم عبد الحفيظ
كلامك صاح ميّة ميّة، والله طَوال حياتي وليس وجودي القصير هنا، لم أشعر بالابتذال أكثر من رؤية بوست لملاسي، لمين؟ لمين؟ لمين؟ ملالالاسي، حسبي الله ونعم الوكيل. بوست لبت بتطلب أكل من مكتبة، وكمان خواجية، الناس الخلقو المكتبة، ما قلتلك الرجل دا متخصص في بحت البلاهة الطفولية من الأرض السابعة، ومع ذلك بوست هذا الابتذال يترفع باسم محسن خالد، تاني عليك الله الابتذال فضلت فيهو بقية؟
-------
بس رغم ذلك، الناس يضايرون حتى (برازهم) بالأدبخانات وغيرها من الحيل، البراز قدر الإنسان الذي لا فِكاك منه، والنخام، والقيح، والنظافة مسؤولية جماعية، وإلا انتشرت الأمراض،..
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
Quote: كان أورثك أعداء ما عارف .. انت قايل روحك منو يا خوي!!
و تموليلت بتاعتك الفرحان بيها دي تمشي تقشر بيها
على الزي ناس كيكي؛ و بقية جوقتك المسكينة.
مشكلتك انك مسكين و بتصدق الإطراء الاسفيري المجاني.
و بعدين شنو اعتداء على هدأتك و دهليزك .. شوف انت جبت
سيرة ملاسي كم مرة في هدأتك الناعسة ديك قبال اجيك؛
بتعرف تحسب و للا احسبهم ليك .. فالح بس في الولولة!!
______
ليك حق تزعل من "مرشح نوبل" .. نوبل شنو الانت – كمان – بتترشح ليها؛
انت حدك جائزة الطيب صالح .. دا كان كسرت رقبتك!! |
9 أسطر مرة واحدة ؟؟ انت زعلت يا دكتور ؟
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
والله يا محسن خالد تكتب ما تكتب ... سفه، تجلي، صعلقة، قلة أدب، ياك محسن خالد الحروفك نور وبهجة، يا زول سيبك من العاهات دي، حسه بعد تقوم من (الأدبخانة) بتعاين تحتك تاني؟؟؟
كان للموضوعية ياك قمة الموضوعية في البورد ده، كان فضلك على المكان ده، (إصلاح الكتابة) دونك، كان على العلاقات الجميلة والمجاملات ما بتقصر تب، سيبك ياخ ملاسي شنو كمان البتديهو من الـ24 ساعة الممحوقات ديل؟
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
نموذج للبوست اللي يخليك محتار بين سحب كرسي والاستمتاع بالمشاهدة
و بين فضيلة الاجاويد و حزة النفس بسبب خلاف الاخوان.. اكثر ما يغيظني
في هذا المنبر هو الخلافات التي ليس لها أساس غيرسؤ التفاهم وناس المديدة
متل خلافكم ده.. البيغيظ اكتر انكم الاتنين ناس حارة و اهل فزعة و ما
عجبكم الشين- كل بطريقته- فيا ملاسي اخوي محسن ده ليس هو البذاءة التي
نقرأها منه هنا و تخجلنا احايين و تغضبنا مرات و تضحكنا و تمحننا مرات
فنردد الله يجازيك يا محسن! هو قد يذكر أني اختلف معه في ذلك ولا افضل أن
يطارده الناس من بوست لبوست..فإستفزازه يجعله كـ "ديك العدة" -معليش
يا محسن- لأنه موضوع البذاءة و الالفاظ ده في النهاية مشكلة ادارة..يعني
المطاردة و الترصد لن تجدي ..العندو مشكلة مع البذاءة يخاطبوا بالتي هي
احسن..عدا ذلك فاليقدم شكواه الى الادارة.
و يا محسن أخوي ما تظلم الراجل.. ملاسي هذا و إن افترضت أنه كاتب سئ أو
شحيح فهو قارئ ممتاز.. و هل يربح صنعتك سوى القراء ? و فوق دا والله صاحب
مواقف و بكجن الكضب متلي متلك و بيقعد للكضابين في نص الدرب..
كلامكم دا دحيـن شـــين بالحيل يا اخوان..تفوهوا من خشومكم و اخزوا الشيطان
و كان ابيتوا كمان يانا السحبنا كراسينا و قعدنا فراجة و مستمتعين بس ان
شاءالله تكونوا انتو برضوا مستمتعين!!
----
الله يدينا خيركم و يكفينا سلاطتكم 
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
كتبت بيان
Quote: مولانا اسماعين طوالي شايل سنارتو ونضارة سبر اغوار الطين..
انت السويتها رقدت
اكبر كذبة في السايبر السوداني
اعطتك لقب الكذاب الاشر
قصة خطف الجثمان من قبل محمد حامد جمعة..
ثم الكذبة الخفية وارسالك لبكري
رسالة اني قلت لك "بدوفليك"
ليتم فصلي عشان خاتر عيون حلوين..
فانت عندك تار مع ملاسي قائد معركة الجثمان المخطوف
دا عشان كدا تملقك لمحسن خالد
فوق راي...
كيف لقيتني دمب بلوند؟ |
بيان
درجتي منذ عودتك إلى سودانيز أونلاين
على الهجوم على شخصي بهدف تصفية
حسابات. والآن جاء وقت المواجهة.
خليني من السويتو أنا.
إنت سويتي شنو هنا وفي المنتديات التانية؟
كم مشكلة عملتيها هنا وفي المنتديات التانية؟ واحدة، اتنين، تلاتة .. سبعة.
ألقابك كم هنا وفي المنتديات التانية؟ واحد، اتنين، تلاتة، .. سبعة.
(الإجابة حتكون في بوست منفصل)
وبالمناسبة لقب جاي منك أو من هم على شاكلتك، البهتم بيهو منو، وكم؟
واضح انك بتغيري من العيون الحلوة والناس الحلوين و....
الكتابة الحلوة. دا من شنو يا ربي؟
أنا ما عندي تارات مع ملاسي.
تارات ملاسي دي جاء شايلها معاهو من قرية مجاورة عندما أنزل بوست
حول – هل صحيح أن سكان تلك القرية لا يحبون المشاكل. ولما
ردينا عليهو بما يستحق أقسم بكل ما يكتب من هرج أنْ لا يترك مواضيعنا
تمر بدون تارات. شفتي أسي انتي ورطتي الزول دا كيف؟ والكلام
دا أنا ساكت عليهو الفترة دي كلها وما عاوز أكشف ليه
ملاسي شابي للواحد في حلقو. أها المسألة دي كمان بقى زايد عليها
تحريش.
ومحسن دا بتملقوا ليهو؟ حرام عليك.
محسن دا وكتاباتو الحلوة الواحد بطبعا ويختها في موية
لما تذوب الحروف وتنزل حبر أسوووووود وبعد داك الواحد
بستحم بيها عشان تدرأ منو العيون الحاسدة والقلوب المليانة
حقـد وسوادة نية، ويبعد عنو شرور ناس التارات والمحرشين.
المحرشين ديل عارفاهم منو؟ ديل الناس البقولوا للشفع بتاعنهم:
انتقموا لي من اسماعيل التاج.
لو ما وضح ليك، أوضح أكتر. محسن دا شيخنا وسيدنا. نبوس يديهو
ونشرب حبرو.
أها رسائل الانتقام والتحريش دي كلها محتفظ بيها، وحأعمل بيها بوست خاااااص بيك.
عشان نشوف منو العندو تارات.
لكن لو مفتكرا انو التارات بياخدوها بالطريقة دي، حقو تراجعي نفسك،
وترتفعي شوية لمستوى لقبك كـأساتـذة جامعية الكنت خاتاها في البروفايل بتاعك.
قال (أسـاتـذة) جامعية قال. والأسلوب العامل ليهو إقتباس تحت، بوضح بجلاء أي مستوى
جامعي.
وبتسأليني كمان: (كيف لقيتني دمب بلوند؟)
لا، لقيتك (دَمْـبـِنـغ رَبـِيش)، والربيش الزي دا ما بنفع لأنو مكانو حتات تانية والعياذ بالله وحمى عباده وحمانا من ثقب الأوزون والإيـدز والإنحباس الحراري والسفليس والتلوث البيئي.
أها، في حاجة تانية ولاَّ حتستمري في تحريش الجماعة إياهم؟
من أقوالك في قرية مجاورة ( ودا الموضوع اللي حـأفرد ليهو بوست خاص بيك):
مطاردتي في كل البوردات :
| Quote: اذا لم تفرد بوست اعتذار لي ولجمعة.. ساطاردك في كل البوردات |
والغرض وتصفية الحسابات :
| Quote: وطالما يا مولانا راسي في الهبوب ما بخليك كلو كلو لانه برضو في كشف حساب مؤجل معاي. |
والحقد الأعمى :
| Quote: وانا جد مبسوطة انك اتشلتا للصالح العام.. لانه جد تستحق يا مولانا.. |
وتحريش لناذر (وآخرين) لمطاردتي في سودانيز أونلاين إلى أنْ أقول الروب :
Quote: ناذر يا فردة
ما تهتم كثيرا بفنقيلتك من الحصان..
ليك علي لو خليت مولانا اسماعين يعتذر لي ولي جمعة
يعني يا ناذر نركبك حصان طروادة افتكر دا اعلي درجة من حصان القرون التى خلت.. تطارد مولانا لما يقول الروب ويعتذر.. |
والسب والشتائم :
| Quote: وهل يستيقم ان يعد كلب الصيد في الفرسان.. |
وكل كلامك المبتـذل حأنزلو :
Quote: الدجال طبعا جنسو مرة ما مستنيرة حلال عليه يبشتنها ويكتب البوستات يطاعنها ويتهمها
انها في الامن .. غير الشتائم والتبخيس..
طبعا الدجال شغال في حقوق الانسان وكدا ومرات مرات بيشتغل في حقوق النسوان |
لذلك توقعي مني أقصى درجات الصفاقة ما كنتي تتصوريها أبداً أبداً، تتساوى مع صفاقتك، ولا أريد أنْ أزيد عليها. والمرة دي لا عجب الفيا حينفع لا غيرو.
وإنها لحربٌ على نفسياتك المريضة غير السوية وألفاظك المبتذلة.
| |
|
|
|
|
|
|
|
|
|
Re: لها .. و لمن كن على شاكلتها!! (Re: إسماعيل التاج)
|
Quote: واضح انك بتغيري من العيون الحلوة والناس الحلوين و....
الكتابة الحلوة. دا من شنو يا ربي؟ |
انا اغير ليه؟
انا يازول عندي احلى عيون في الدنيا لو ما عارف اعرف
ومن حلاوتهم خاتينهم في فترينة.. بس انا جمالي وحلاوتي
ابدا ما كانت يوم للتسويق...ولا مرهونات..
Quote: أها رسائل الانتقام والتحريش دي كلها محتفظ بيها، وحأعمل بيها بوست خاااااص بيك.
عشان نشوف منو العندو تارات. |
طوالي اي حاجة عايزها انشرها بس تورينا مصدرها
وما تمشي تكتبها لانه دي ما بعيدة على الناس المن شاكلتك..
Quote: لكن لو مفتكرا انو التارات بياخدوها بالطريقة دي، حقو تراجعي نفسك،
وترتفعي شوية لمستوى لقبك كـأساتـذة جامعية الكنت خاتاها في البروفايل بتاعك.
قال (أسـاتـذة) جامعية قال. والأسلوب العامل ليهو إقتباس تحت، بوضح بجلاء أي مستوى
جامعي. |
مشكلة استاذة جامعية دي ما بتقدر تغيرها دي الواقع الاليم ذاتو
عندي الاف الطلاب ممكن اجيب ليك شهادة من الجامعة لو عايز..
مستوى جامعي ما مستوى جامعي الدال( الغايظة الناس دي) راكية لاقوات اممية ولا جن احمر بتشيلها
مختومة بختم نفس التعليم العالي الخاتم شهادتك الاولى..
Quote: أنا ما عندي تارات مع ملاسي.
تارات ملاسي دي جاء شايلها معاهو من قرية مجاورة عندما أنزل بوست
حول – هل صحيح أن سكان تلك القرية لا يحبون المشاكل. ولما
ردينا عليهو بما يستحق أقسم بكل ما يكتب من هرج أنْ لا يترك مواضيعنا
تمر بدون تارات. شفتي أسي انتي ورطتي الزول دا كيف؟ والكلام
دا أنا ساكت عليهو الفترة دي كلها وما عاوز أكشف ليه
ملاسي شابي للواحد في حلقو. أها المسألة دي كمان بقى زايد عليها
تحريش. |
بالاي امال بوست جثمان الخاتم داك طلع شنو؟
بعدبن انت عايز تحيد ملاسي بعد اعديت رباط الخيل وجمعت جماع نفسكالمهببة.. دي لعبة مشكوفة
| Quote: لا، لقيتك (دَمْـبـِنـغ رَبـِيش)، والربيش الزي دا ما بنفع لأنو مكانو حتات تانية والعياذ بالله وحمى عباده وحمانا من ثقب الأوزون والإيـدز والإنحباس الحراري والسفليس والتلوث البيئي. |
كيف ما تلقاني كدا ما دا محيطك ومخيطك تمرق منو وين؟ وهل يمكون لانسان يكون عنده تصورات للعالم من غير واقعه؟
Quote: مشكلة عملتيها هنا وفي المنتديات التانية؟ واحدة، اتنين، تلاتة .. سبعة.
ألقابك كم هنا وفي المنتديات التانية؟ واحد، اتنين، تلاتة، .. سبعة. |
ايوة لما ربنا يبتليني بالكرور والوهم الذيك ديل ما لازم تكون في مليون شكلة
تعرف ربنا بيجبكم لي عشان اادبكم واحسن تاديبكم..
| Quote: (الإجابة حتكون في بوست منفصل) |
دا حلمي اتحقق حيكون انك تفتح لي بوست وياريت يكون يوم 8 مارس عشان
اكون قدمت للمرأة اكبر خدمة وهي كشف الذئاب المتخبية في اثواب النعاج
وبكدا اكون حققت حلم انه اي رجل يتاجر بقضايا المرأة عشان اغراض شخصية
يتكشف ويكون الشرف شرفين ان اعلم اللاجيال دي كيف تعرف نوعيتك دي
وما تدقس,,واكون فجرت الوعي بنوعيتك دي
قال حقوق اللنسان قال
Quote: لذلك توقعي مني أقصى درجات الصفاقة ما كنتي تتصوريها أبداً أبداً، تتساوى مع صفاقتك، ولا أريد أنْ أزيد عليها. والمرة دي لا عجب الفيا حينفع لا غيرو.
وإنها لحربٌ على نفسياتك المريضة غير السوية وألفاظك المبتذلة. |
وانت بالمثل برضو اتوقع اكثر صفاقة ممكنة؟
عجب الفيا يا زول المرة الفاتت مرقك من الورطة انت موش انا..
انت الحتتمنى انه يدخل..
والله اكبر عليك واليوم المؤجل قدر حضر..
| |
|
|
|
|
|
|
|
|
|
Re: لها .. و لمن كن على شاكلتها!! (Re: إسماعيل التاج)
|
Quote: يا كيكي، أعمل حسابك، الراجل مسكين الله والرسول دا، مشى سأل من حكاية الأم القالت لولدها: سويلو وسيلو، عنّو ما تَنَى، كَمَّل لينا سُكَّرنا كلو، عدّمنا الحُتربة
أها دحين حسين دا كمّل لينا السذاجة والبياخة وقل الشغلة كلّو، عنّو ما تَنَى |
انت عارف با محسن زي ملاسي ده
الواحد مستعد يومي ولمدة 10 سنة يمرر عليهو (كباري) زي ده..لانو كما يعاني من خواء فكري
فانه ايضا يعاني من خواء الذاكرة الشعبية...فزي ده ساهل جدا تمرر فيهو مخططات السكر الكمل ده
وتخليهو يتلفت زي السلامة عليكم.....
| |
|
|
|
|
|
|
|
|
|
Re: لها .. و لمن كن على شاكلتها!! (Re: إسماعيل التاج)
|
| Quote: وعندما تقدم شكواك ضد الإسفاف والسب يتم تصنيفك بالمتآمر. |
تفرق كثير انك نقدم شكوى او تكذب في الشكوى
وانت تآمرت عندما قلت انني وصفتك "بالدوفليك" وأشنت سمعتك
ففصلني بكري لذلك..بكدا تكون متآمر..
السيد أمين المنبر الحر
الموضوع: شكوى بموجب المـادة:
8-على العضو توجيه ملاحظاته آلي آمين الموقع عند وجود تجاوز من قبل الأعضاء عبر البريد الإلكتروني، ويمنع منعا باتا توجيهها في المنتديات الأخرى ..... إنذار ...سحب عضوية
فـي مواجـهة العضوة بيان
لمخالـفـتها نص المواد التالية من قوانين ولوائح المنبر:
14- يجوز للادراة وبدون إنذار مسبق ، سحب العضوية من اي شخص اذا تبين للادارة بان ذلك الشخص يهدد/يقوم بشاط يقصد منه تدمير او تعطيل او الحاق الضرر بالموقع او الاعتداء علي حقوق الاعضاء او العبث بمساهماتهم
17- الفصل من المرة الأولى لكل من يتعمد الإساءة لشخص باسمه أو بأي صفة من صفاته التي عرف بها اذا اشتكى ذلك العضو/ة ..... فصل نهائى.....الا فى حالة تنازل العضو/ة الذى وقع عليه الإساءة
-23يجب احترام حياة الأفراد الخاصة، وعدم الإشارة أو الـتـعرض التعسفي لحياة الآخرين الخاصة أو أسرهم بغرض حملات تمس شرفهم وسمعتهم أو شرف وسمعة أسرهم. إنذار ...سحب عضوية
24- يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)، أو بحق أي إنسان آخر.كما يجب على الشخص المعني تصحيح الأخبار بسرعة بمجرد العلم بعدم صحتها والاعتذار العلني للأشخاص الذين مسَّـهم نشرها، مع جواز توقيع أي جزاء آخر من طرف الإدارة
موضوع الشكوى:
في بوست أفردته العضوة بيان تحت عنوان: الرغيب اللغوى وما ادراك ما الرغيب اللغوى.. وعبر لمن يعتبر
نشرت العضوة واعتدت وتعمدت الإساءة والتشهير لشخصي بكلامها الآتي:
1- يجب النظر اليه بكثير من الريبة...فهو بنفس خطورة "البدوفليك" الذى يعمل فى مدارس الاطفال او بيع الايسكريم.. او حارس فى حوض سباحة.. فنحن نعطيه فرصة جهنمية
ليجد ضحاياه.
2- فى مسرحية لتنسى وليامز( على ما اعتقد).. كان هناك رجل يتظاهر بانه فمنست ويذهب الى كل التظاهرات النسائية.. ويصادق النساء .. عندما ساله احدهم عن هذا قال هذه الايام لا يمكنك ان تأخذ اى امرأة الى الفراش اذا لم تتظاهر بانك فمنست...
3- احذر كل النساء من السقوط فى أحبولة الرجل التقدمى..
وأرى في هذا اعتداء واضح على شخصي وسمعتي واستقامتي، كما أنها محاولة للـتـشهير الذي يستوجب المقاضاة أمام المحاكم بتشبيهها لي بالرجل الذي جاء في مسرحية تينسي وليامز، كما أنَّ هذا في حدَّ ذاتـه إساءة بالغـة وغير كريمة لعضوات المنبر يستوجب المساءلة.
وأطالب أمين المنبر الحر باتخاذ أقصى التدابير والجزاءات الواردة في المواد 14، 17، 23، 24 من قوانيين ولوائح المنبر التي بدأ العمل بها منذ 10 فبراير 2005.
هنا نص ما نشرته العضوة بيان:
لاحظت جرجرة موضوع الرغيب اللغوى والايمان القاطع فى التعامل معها على انها كبوة من كبوات الدكتورة..التى لا تعرف ان الرغيب بالقاف...نسبة لانى كنت اقامر واغامر على ذكاء المتلقى الا انه يبدو اننى قد خسرت فى المقامرة .. وضعت فى المغامرة..
وعليه قررت ان افرد هذا البوست.. حتى لا تتحاوم فى البوستات و العناوين من باب حروب الكيمان.. عبارة الرغيب اللغوى اتت فى هذا البوست..
Quote: Quote: سجيمان ما كلمتك انا مشيت سودانيات هناك...
اها جنس كلامك دا طوالى يجوك يقولو ليك |
يا ا يها السيجمان قل هذا ولا تقل هذا ..
عندهم رغيب لغوى ذى بتاع مدينة القواعد.. بس واقف للناس فى حلقهم
يا ريت لو بكرى دا شغلنى شغلانية ذى دى كنت بس باريتك كدى
من بوست لبوست.. يا ايها السجيمان يا ايها السجيمان.. طبعا كلامك كلو عوج
وكان كل مرة طلعت ليك الكرت... لمان تمسك الدرب العديل...
انا هناك يا سيجمان مؤدبة جنس ادب....وخايفة جنس خوف
لكن الحقيقة ليك يا الله ناس ظراف وطيبين بالحيل...وعجبونى شديد
وندمت على كلامى فيهم داك...
يا ناس سودانيات دى ونسة ساكت مع اخوى سجيمان دا ما تاخدو فى خاتركم بالله
ثم وردت هنا
Quote: Quote: ود عمى قرض
والله نصيحتكم غالية...عارف هناك فى سودانيات ذى لما امشى الجامعة
اتكلم لغة عربية "فصيحية" "واقلب حسى" خايفة كان طولت هناك ابقى مسقفة استخدم كلام
كبار كبار... هنا بحوم بتوب الجيران.. والسفنجة وو اتف سفتى محل اكون...
ومرات مرات افور دم المستنيرين.. ومرات مرات امرق سير المحفضة اادب لى زويلا قليل ادب..يعنى بيذكرنى الداخلة.. وسودانيات دا ذى حى السودنة ظريف وراقى واى كلمة محسوبة
اكثر حاجة مروعة بى بهناك الرغيب اللغوى مولانا اسماعين ان شاء الله يوم زعلو معاى ما يجى.. ان فى حواك يا مولانا كان خرمجت تمسكنى الدرب بالماسنجر غموتى ..ببينى وبينك
عشان ما تزعلنى..لانى خشمى ما بقدر عليه وكيلى الله.. يعنى شوفتا كيف يا مولانا خائفة عليك انت مش انا ....(دا تهديد خفى واخد بالك يا مولانا )
يا زول اطمن انا ود عمى خالد ما بخزلوا تب.. بس الملم عفيشى و وامرق واتاقى الباب |
يبدو ان الرغيب اللغوى لم ياخذ جانب الدعابة فى الامر.. وخرج حاطبا.. يروجها كخطا
كبير واننى لا اميز بين رقيب ورغيب..واننى لا استحق شهاداتى ولا مهنتى ثم وجدت اليوم احدهم كتبها فى يوم المرأة ملبيا
دعوة مولانا اسماعيل.. وكتب فيها الرغيب اللغوى..الذى يضحكنى ان النساء "الضلاميات"
لا يعدن من جنس الاناث.. فالسيد الذى كتبها فى العنوان تحببا لمولانا.. بما فعلت
انك تحاول ان تخصى قلم امرأة تنادى بتحريرها.. وهذا يقودنا الى تناقض المستنيرين
اذا كانت المرأة "ضلامية".. تسن السكاكين واذا اتت مستنيرة وكتبت الا طيرى يا عصافيرى..
قامت المهرجانات والاحتفالات .. لانها كتبت مالم يكتبه انس ولا جن..
تحرير المرأة من الافكار البالية وتشجيعها ان تعبر عن رايها.. ما هو الا العوبة يلعب بها الرجل ليستدر تعاطف المرأة و يكسبها الى جانبه.. فالرجل المتناقض
الذى يمكنه ان يفحش فى القول مع" ضلامية" لا نها "ضلامية" ثم يتحبب للمستنيرة لانها مستنيرة... يجب النظر اليه بكثير من الريبة...فهو بنفس خطورة "البدوفليك" الذى يعمل فى مدارس الاطفال او بيع الايسكريم.. او حارس فى حوض سباحة.. فنحن نعطيه فرصة جهنمية
ليجد ضحاياه. ولذلك علينا ان نميز الرجل الذى تتسق افكاره مع افعاله.. الرجل الذى يقبل الرأى الاخر باحترام .. ولا يقلل من شأن مخالفيه ويحاول احراجهم..هذا النوع من الرجال.. يعكس نموذجا لرجل مستنير يفعل ما يؤمن به...
فى مسرحية لتنسى وليامز( على ما اعتقد).. كان هناك رجل يتظاهر بانه فمنست ويذهب الى كل التظاهرات النسائية.. ويصادق النساء .. عندما ساله احدهم عن هذا قال هذه الايام لا يمكنك ان تأخذ اى امرأة الى الفراش اذا لم تتظاهر بانك فمنست...
وبمناسبة يوم المرأة احذر كل النساء من السقوط فى أحبولة الرجل التقدمى..الكاره لذاته الذى يعانى من الانفصام...فالرجل الضلامى الواضح خير من الف مستنير متناقض..
وكلنا كنساء هدفنا واحد هو خلق عالم اجمل للمرأة قد يختلف الطريق ولكن الهدف واحد..
فالنعمل سويا.. لرفعة المرأة ووتقدمها وفق خيارتها..
Quote: وكل عام ونساء بلادى فى رفعة ورفاهية..
--------------------------------------------------------------------------------
ضلامى عديل ولا مستنير منفصم..
| |
|
|
|
|
|
|
|
|
|
Re: لها .. و لمن كن على شاكلتها!! (Re: عبد المنعم سليمان)
|
كتب نادر:
Quote: والله يا محسن خالد تكتب ما تكتب ... سفه، تجلي، صعلقة،
قلة أدب، ياك محسن خالد الحروفك نور وبهجة، |
وكتب إسماعيل :
Quote: محسن دا وكتاباتو الحلوة الواحد بطبعا ويختها في موية
لما تذوب الحروف وتنزل حبر أسوووووود وبعد داك الواحد
بستحم بيها عشان تدرأ منو العيون الحاسدة والقلوب المليانة
حقـد وسوادة نية، |
Quote: وكتب سعد الدين عبد الرحمن :
محسن ده ليس هو البذاءة التي
نقرأها منه هنا و تخجلنا احايين و تغضبنا مرات و تضحكنا و تمحننا مرات
فنردد الله يجازيك يا محسن! |
يقضى على المرء في أيام محنته** حتى يرى حسنا ما ليس بالحسن
_______________
يا حسين :
قطيع محسن وأزواجهم
يقولون لك بذاءة محسن ((غير ))
و(فضلاته) عند (الذباب) من أتباعه
عسل أ و كما قال نادر :
| Quote: حسه بعد تقوم من ](الأدبخانة) بتعاين تحتك [/REDتاني؟؟؟ |
وكمان نادر كتب :
Quote: كان للموضوعية ياك قمة الموضوعية في البورد ده،
كان فضلك على المكان ده، (إصلاح الكتابة) |
ونادر طبعا من تلاميذ إصلاح الكتابة
الذي كتب به محسن (من الموضوعية ):
| Quote: في رأيي إنو بتوع اللغة يحلوا مشكلتن بمرق الحد للناس فوق السروبة، ويخلوا بتوع الدين والمفتتين يحلوا مشكلتن بطريقة تانية، غير تخريب اللغة، ولو ما عاجبن يقعوا قِدَّام بس، زولاً واحد عازمن ورا مافي، .. الغريبة كلهم يحاجوك في الجامع إنها (قِدّام) وبعد يصلوا العشا يتراوحوا بيوتن ناس ورا ساااكت، .. |
أنا ما عارف الحريم رأين
في الموضوعية دي شنو ؟
| |
|
|
|
|
|
|
|
|
 Re: لها .. و لمن كن على شاكلتها!! (Re: Mohamed E. Seliaman)
|
Quote: Quote: وكتب سعد الدين عبد الرحمن :
محسن ده ليس هو البذاءة التي
نقرأها منه هنا و تخجلنا احايين و تغضبنا مرات و تضحكنا و تمحننا مرات
فنردد الله يجازيك يا محسن! |
يقضى على المرء في أيام محنته** حتى يرى حسنا ما ليس بالحسن |
محمد سلام
ممكن توضح لي قصدك شنو!
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
Bayan
you made me laugh poor hunter lady… take it, 10 points to you.
Mohamed E. Seliaman
You are totally out of point as usual, try to make it out once again ya quaker man, moreover you are out of my agenda, now & 4ever, so please get out of my mind with all your glimmering thoughts & mind .. ok
| |
|
|
|
|
|
|
|
|
|
Re: لها .. و لمن كن على شاكلتها!! (Re: مجاهد عبدالله)
|
| Quote: بوست لبت بتطلب أكل من مكتبة، وكمان خواجية، |
اللقطـة دى عمل فنى كبيـر، أخـذ زمنـا طويلا فى الإخراج، من مرحلـة الفكـرة والنص، وحتى التصـويـر.. وهـذه (البت الخواجيـة) هى professional voice talent وممثلـة محترفـة، وشـركـة مرسيـدس أكيـد دفعت لهـا الملايين فى العقـد هـذا لأنه يذاع فى كل الميـديـا.
دعايـة المرسيـدس فى نهايـة الفيديو تقول "الجمال ليس شيئـا بدون عقل" يعنى المرسيـدس فاتت السيارات الأخرى بالجمال، وكذلك بالتقنيـة العاليـة.. وكانت مادة الدعايـة هى هـذه البنت الجميلـة التى (لا تعرف) أن الأكل لا يباع فى المكتبات.
لو بت تانيـة كان طلبت كتاب عليه شـويـة كتشب..
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
قصة عجيبة والله
نلم في الزول الفرفارة ده وبعد خراج روح وعلي جنبة كده
يجوك ناس الشكلات القديمة يخربوا لييك الشغل ويخارجوا (جمال فرفور) ده..
ياشباب بالله اي زول عندو عندو شكلة قديمة يمشي يدورها غادي غادي
خلوا لينا الزول ده واي محامي فراهيدي تاني
| |
|
|
|
|
|
|
|
|
|
Re: لها .. و لمن كن على شاكلتها!! (Re: مجاهد عبدالله)
|
Quote: أنا بكتب ببرّه في المجلات والصحف والكتب والبرامج بالدولار
والأسترليني، وقبّال يفكّروا في الانترنت -بتاعكم دا- من أساسه؟ فهمت؟ |
ما لازم يا شاطر تكتب في المجلات والصحف والكتب والبرامج
بالدولار والأسترليني .. امال حتاكل عيش من وين!!
| |
|
|
|
|
|
|
|
|
|
Re: لها .. و لمن كن على شاكلتها!! (Re: مجاهد عبدالله)
|
يا انور كنج تحياتي ليك وللناس الجنبك..
كتب ملاسي.. مخاطبا محسن
Quote: ما لازم يا شاطر تكتب في المجلات والصحف والكتب والبرامج
بالدولار والأسترليني .. امال حتاكل عيش من وين!! |
وجاء مراسلنا بالخرطوم بالخبر التالي..
ألف مبروك يا حسين ملاسي ياخ !!
ثم بالتفصيلة التالية..
ويبدو حقيقة ان محسن خالد قاعد يكابس الرجال في اكل عيشششششو.....
انا شخصيا ما عارف اسم الجريدة شنو ولكن (حذاري ثم حذاري) من عودة
مقولة البرش اب قرش الشهيرة....
فعلا البرقص ما بغطي دقنو...جرايد اخر زمن
| |
|
|
|
|
|
|
|
|
|
Re: لها .. و لمن كن على شاكلتها!! (Re: مجاهد عبدالله)
|
سلام يا مجاهد
كدي عليك الله يا مجاهد انسي محسن خالد الخطير والاديب الدولي
انا كيكي بتاع (كارفور وكارفورد) ده اودي وشي وين لو كتبت كلام الزي الخرمجة الفوق دي
وفي جريدة يومية ...
انت ياملاسي وقت عاوز تتعلم وتعرف ياخ ما تقعد في علبك زي ماقال ليك الجيلي..
ونظل نردد حذاري ثم حذاري من البرش ابو قرش..
...قال صلاح بندر قال..
| |
|
|
|
|
|
|
|
|
|
Re: لها .. و لمن كن على شاكلتها!! (Re: مجاهد عبدالله)
|
| Quote: ويا كيكي في عموده ده شايف شويه رقبتو طالت |
انت عارف يامجاهد وبدون ما نفتري علي الريال سسسساكت...
عواميد ملاسي دي بتذكرني (الحصالة) بتاعة زمان ديك...
فالراجل بكون عامل لييييييهو حصالة كل ما يجازف ليهو اربعة سطور (بلمها)
وتاني بعد يومين اربعة سطور ويلمها..اها في النهاية القصة بتبقي عمود...
انا لو في محلو كان سميتها (حصاليات)...(اربعة سطور عاملة نيفاشا مع اربعة سطور اخري)..والاخير
ده كلو اسم العمود....
| |
|
|
|
|
|
|
|
|
|
Re: لها .. و لمن كن على شاكلتها!! (Re: مجاهد عبدالله)
|
| Quote: يجوك ناس الشكلات القديمة يخربوا لييك الشغل ويخارجوا (جمال فرفور) ده.. |
يا كيكي يا صديقى الشكلة دي مؤجلة ليها 3 سنة ياخي..
اسع منتظرة البوست بالله كان نزلوه ما يهمك توقيت "كانبيرا"
لازم ترسل لي مسج تقولي البوست نزلو عشان انا بنوم قبلكم ب5 ساعات..
القاه فرش طالع من الفرم.تعرف عيب تكون خاتي كمبيوترك جنب السرير
انك ما بتقدر تسلل نصاصي الليالي. لكن للموضوع دا بنعمل ايمرجنسيى كول..
بعد اصفي حسابي انت في ود خالتي بتاع الجرانين دا
ليك اللحم ولينا العضم..
| |
|
|
|
|
|
|
|
|
|
Re: لها .. و لمن كن على شاكلتها!! (Re: bayan)
|
| Quote: ليك اللحم ولينا العضم.. |
مرحب يا بيان
وشكلتك اساليني منها اناده .لو دايرة بوست للشكلة بتاعتك انزلوا لييييك انا زاتي
بس انتي عليك الله زحي لينا شوية من الصحفي ده بتاع العواميد (امهات اربعة اربعة دي).
وبعدين بعدك تماما باني بعدما اضاير زولي الكاشف ده بجي اضارب معاك (جعلية) ساكت مع اني ماجعلي
وما عارف موضوع شكلتك لكن عشان زحتك لي من البوست ده اضارب معاك....
ود خالتك ده يا بيان ان شهور وليالي كايس لي فيهو واها النشوف الجربندي منو فينا هنا......
| |
|
|
|
|
|
|
|
|
|
Re: لها .. و لمن كن على شاكلتها!! (Re: عبدالكريم الامين احمد)
|
عمودية ملاسي اليوم في صحف الخرطوم يبدو انها ستكون حديث المدينة ولزمن طويل...
واخاف ان ياتي اليوم الذي نري فيه العامود الملاسي محتوي علي مثل هذه الوجوه..
( )
وقد تكشفت الان يا ملاسي رغبتك في المسير في هذا الدرب الصحفي وكتابة عواميد صحفية
زمالة البورد تحتم علينا تقديم النصح والارشاد الزراعي حتي تتحول علي الاقل الي كاتب عامود
يمكن للقاري ان يطالع بعض سطوره الاربعة.............
فالعمود ياملاسي هو تجسيد لنبض الشارع من خلال حروف الصحفي الذي كل همه يجب ان يكون صناعة
الالفة اليومية مابين القاري وتلكم الزاويةالورقية..ولكن اعتماد علي ما تسرب الينا حتي من
من تلك الخزعبلات التي لا ادري كيف لرئيس تحرير في صحيفة محترمة يقبل بتسميها عمود فهي تضج
بالتوتر وعدم التماسك الموضوعي وقلقة تماما وتشابه تماما كتابات (ملاسي) في سودانير اون لاين...
...اراك قد ذكرت محسن بان ياتي بسيرة سودانيز اونلاين في حال حصوله علي نوبل وهذا امر جيدولكن ماذا بنا ان نقول عن(نوبلك انت) الذي يوازي تماما مقدراتك وحروفك الجائعة اين سودانيز
اون لاين من ذلك الكلام (الملقط) الذي لا تدري له (شعرا ولا قعرا) لماذا لم تاتي بسيرتها عندما
اعطوك هذا النوبل الذي يضعك في (سرج واحد) مع كتاب الاعمدة المرموقين مثل (الحاج وراق)...
يجب يا ملاسي ان يكون عنوان تلاقيطك هذه (علمني سودانيز اون لاين)....
| |
|
|
|
|
|
|
|
|
|
Re: لها .. و لمن كن على شاكلتها!! (Re: عبدالكريم الامين احمد)
|
Quote: أقولها لك بوضوح، سودانيز بتاعكم دا، هو المدين لي بشكر وقرووووش، فهمت؟ لأجل كتابتي المجانية هنا. أنا بكتب ببرّه في المجلات والصحف والكتب والبرامج بالدولار والأسترليني، وقبّال يفكّروا في الانترنت -بتاعكم دا- من أساسه؟ فهمت؟
|
هـذا جــزاء بكـرى أبوبكــر..
كل هـذا السنين يدفـع من جيبـه ليجعل تبادل المعـرفـة والمعلومـات والأخبـار بين ســودانيى الشتـات، ومن هـم بالداخل ممكنـا وميسـورا.. بل جعل التواصل الفردى والشخصى بين الأصدقـاء والأحباب بواسطـة الماسنجـر ممكنـا.. كم مـرة وجـد أحدنـا قريبـه الذى كان يبحث عنه سنين، بواسطـة هـذا المنبـر.. خدمـة إنسـانيـة يقدمهـا بكرى لبنى وطنـه دون من أو فخـر.. لقـد أتحفتنـا ســومـا بشعرهـا العميق الذى يصـور البيئـة السـودانيـة البسيطـة كما لا تصـورهـا الكاميـرا.. وكتب هنا الكتاب من جميـع المشـارب والرؤى.. ولم يفكـروا بأى شـئ سـوى أنهـم يسـاهمـون بما عندهـم مقابل ما يجدون من متعـة القراء لإنتاج الأخرين، ولإثراء الحياة الثقافيـة وسـط الســودانيين.
كل من يعتقـد أن هـذا المنبـر مدين له (بقروش) فليتركـه فوراً، وليسترزق فى مكان أخـر.
| |
|
|
|
|
|
|
|
|
|
Re: لها .. و لمن كن على شاكلتها!! (Re: Hussein Mallasi)
|
Quote: فالراجل بكون عامل لييييييهو حصالة كل ما يجازف ليهو اربعة سطور (بلمها)
وتاني بعد يومين اربعة سطور ويلمها..اها في النهاية القصة بتبقي عمود... |
انت عارف يا كيكي عموده ده عمود تمام
بس بذكرني عمود التلفون بتاع السودان الملتق
البكون بعد مرات مسنود على شجرة لبخ...
| |
|
|
|
|
|
|
|
|
|
Re: لها .. و لمن كن على شاكلتها!! (Re: مجاهد عبدالله)
|
Quote: وبعدين بعدك تماما باني بعدما اضاير زولي الكاشف ده بجي اضارب معاك (جعلية) ساكت مع اني ماجعلي
وما عارف موضوع شكلتك لكن عشان زحتك لي من البوست ده اضارب معاك.... |
لو عايز فوق البيعة اخوي برضو مافي مانع
بس تشمر بالجد جد...
يلا النطاط الله ينططو فوق النار
ومعا لام المعارك..
هادي مرقة من هذا البوست
| |
|
|
|
|
|
|
| |
Hussein Mallasi
saadeldin abdelrahman
معروف حمدين
Sabah Hussein
doma
محسن خالد
عاصم ابوبكر حامد
Mohamed E. Seliaman
فيصل نوبي
Abureesh
نادر محمد الراضي
salma subhi
عبدالكريم الامين احمد
إسماعيل التاج
bayan
عبد المنعم سليمان
AnwarKing
فيس بوك
تويتر
انستقرام
يوتيوب
بنتيريست