|
|
 لقاء علي الهواء مع نفسي!
|
كثيرا ما تمنيت ان استضاف في برنامج كبير ومشهور اتحدث فيه عن نفسي!
يسألني مقدمه أو مقدمته أسئله غبيه أو ذكيه..وارد انا عليها ايضا بغباء أو ذكاء..
يرنامج لا ارتدي فيه اقنعه ولا البس فيه مكياج كما تقول حبيبتي آيه..
لكن....
..
...
|
|
 
|
|
|
|
|
|
|
|
Re: لقاء علي الهواء مع نفسي! (Re: أحمد الشايقي)
|
الا ان هذه الأمنيه لم تتحقق الا في طفولتي..قبل قرون من الآن..
والعمر بيجري زي ما ام كلثوم بتغني وبعدين وياك..تعالالي قوام
أصابني اليأس وبعد شويه بيحصله ضياع..وأنا خايفه..
وقبل ما يحطموني التنين قررت ان أنترفيو نفسي..
وبس ما فيش حد احسن من حد!
Quote: يسرني أن أكون أول حضور الحلقة
مع الـود المقيم
أحمـد الشايقي |
ويا احمد الشايقي انا بحيك جدا عشان انت دوغري وجيت أول مستمه ولا مشاهد أصله لسه ماعرفنا البرنامج ده وين..بس بيني وبينك..أنا عايزاه في تلفزيون كبير..في حجمه والأنتشاري وفي
حجم شاشته..اصلي بحب الشهره خالص
| |
|
|
|
|
|
|
|
|
|
Re: لقاء علي الهواء مع نفسي! (Re: سمية الحسن طلحة)
|
دقيقه اكتر البودره علشان اكون حلوه..
ايه رايكم في عدساتي الملون÷
تسرسحة شعري
رايكم مهم خالص..خاصه انه البرنامج هايتعرض في الفضائيه..واحتمال وارد..وحتي وهو ضعيف برضه مهم..انه العرب يشوفوه..وهم يعني أحسن مننا ولا أحسن مننا؟
لازم لوني يكون فاتح علشان يقبلوه
وتسريحتي حلوه ومواكبه للموضه..
ولبسي يكون تري شيك..الوانه ماشيه مع لون عيوني..
رايكم مهم..
بعد كده انا شايفه انه مقدم البرنامج لازم تو انكلود اسالتكم الذكيه الحلوه..ونخلي ليه هو
الأسئله الغبيه..كفايه عليه!
Quote: سؤال :
منى حبيبتى
هل عملتى فى سفينة نوح ؟
|
سمسم يا حبيبتي..
انتي شوفتي خالتو الغنمايه وعمو التيس؟
والبت الحمار والولد الحمار؟
وجارتنا القرده وجارنا القرد؟
والباقيين كلهم اتنين اتنين حلوين كيف؟
كانوا خايفين في السفينه بس ربنا كان منجيهم..
شكلهم يجنن..ياسلام دول أمل الحياه المستقبليه..
أنا كنت معاهم مدسيه في نصهم..
بحبك يا سمسم
| |
|
|
|
|
|
|
|
|
|
Re: لقاء علي الهواء مع نفسي! (Re: Mohammed Haroun)
|
1 -2 - 3 تسجيل
السيده مني..تحبي نناديك السيده ولا الأستاذه؟
كله خيبه في خيبه..اليعجبك فيهم..
ولا اقوليك..لو سؤال بتاع فلسفه وكده.. قول لي استاذه..
أما بقي لو سؤال عادي عن حياتي مثلا الأسريه قول لي يا سيده..علشان اقدر أدخل في المود ..
اصله بيني وبينك الأيام دي "وطننا" مع انه فيه مواضيع وطنيه كتيره..لكن دمه تقيل خالص!
Quote: يا سلام يا الخوجلية نفسي أصدقك بس مش أدر. عاوز أطرح أول سؤال غبي جداً:
تاريخ الميلاد لو سمحتي: |
محمد هارون..
قبيل قلنا اسئله غبيه تقابلها اجابات غبيه..
بس ماقلنا غبيه جدا..شد حيلك معانا شويه..
وبعدين انت المذيع؟؟
| |
|
|
|
|
|
|
|
|
|
Re: لقاء علي الهواء مع نفسي! (Re: مجدي عبدالرحيم فضل)
|
يسالني البعض كثيرا..
انا ليه بحب نفسي..
اري في فلفستي الخاصه جدا انه كل شخص من حقه...يا يحب نفسه يا يحب شخص تاني..
وانا قلت نفسي أولي بالحب!
ولا شنو ياجماعه؟
حب النفس ده حب يحير...
تلقي نفسك مليان مشاعر غريبه..
وتحب لنفسك الخير دايما..
واي حاجه تشوفها تقول عايزها..حتي لو الحاجه دي بني آدم..
يعني مثلا اليوم داك أنا كنت ماشيه في شارع الشنقيطي..بالصدفه لقيت بت عمة ودخالتي ماشيه..
هي زوله سمحه شديد..ولابسه لبس فيه زوق خرافي.. وقفت وعاينت ليها..
حسدتها جدا..واتمنيت آخد العندها..
طوالي سلمت عليها بالأحضان وقعدت اسالها من ملابسها اسئله كتيره..لغايه ماهي حنت علي وقالت لي
لو جيتي بكره البيت بديهم ليك هديه..
بكره لي شنو؟
مانمشي اسه؟
وافقت المسكينه لغت مشوارها ومشيت معاها البيت..وشلت منها ملابسها الحلوه وعرفت عنوان كوافيرها ومشيت..
اها انا لو مابحب نفسي وبحب ليها الخير.. ما كان ممكن يكون عندي التفكير والنشاط ده كله..
موش كده؟
طيب انا عايزاكم تعاينو للنقطه دي باهتمام أكتر..بدون احكام ما عنها معني
اسه لو ماحبيت نفسي أكتر..كنت هاشيل ملابسها كيف؟
الحب ده ياخوانا وقود عجيب!
وفي نفس الوقت لو حبيتها هي أكتر من نفسي في الموقف دا..يبقي كده ماحبيت لنفسي..مش حرام ما
احب نفسي؟؟
موش قالوا القلب بيشيل واحد؟
خلاص الواحد ده هو أنا...
ممكن تكلم المصور ده يقيف شويه اشرب قهوه علشان الاسئله الصعبه دي .. وبالمره اصلح تسريحتي!
Quote: ممكن أسال سؤال؟
المقابلة الساعة كم؟
عشان فرق التوقيت عندنا هنا في مدينة الأحلام
وياستي أنتي تنوري أي تلفزيون ساده أوملون
وتحية لآية وأم آية سلام مربع.
،،،أبوقصي،،، |
انت بس اخوي ود قلبي وجيرانا أقعد البرنامج براهو بيجيك..وبتشوفه اول ما يبدا
تحياتي مليانه حب وكده
عليك الله ادي الصوره دي لقصي..
| |
|
|
|
|
|
|
|
|
|
Re: لقاء علي الهواء مع نفسي! (Re: hamid brgo)
|
الأستاذة منى الجزلي آسف خوجلين ..آسف خوجلي واحد..... آ آ آ
ماهو فنانك المفضل وأغنيتك المفضلة وممثلك المفضل وممثلتك المفضلة ووأكلتك المفضلة وسلطتك المفضلة وكسرتك المفضلةو..المفضلةوالمفضلةغير المفضلة واااالمفضلة زآآ الفضلة المف... آآآآآآآآآ
سؤالي الأخير هل تفضلين الشمولية أم المفروكة !!!!!!!؟
| |
|
|
|
|
|
|
|
|
|
Re: لقاء علي الهواء مع نفسي! (Re: هاشم أحمد خلف الله)
|
Quote:
الأستاذة مني خوجلي نحن سعداء جداً بإستضافتك في برنامجنا هذا ونأمل أن نقضي معك
بعض الدقائق الجميلة . أها المقدمة دي كيف !! |
مرحب استاذ هاشم..تسلم طلتك..مش انت برضه زوج هويدا صاحبتي الزعلت منك علشان كسرت الكبايه؟
طيب ياراجل مش كان تعمل مقدمه اطول؟
بالطبع مابطالب بمقدمة تشابه مقدمة ابن خلدون..
ولا تانيه حقت بهيه العملتها وهي بتاكل في الصينيه..
عارف مقدمه كده بتاعة اربعه خمسه سطور كده ترضي غروري وحبي في الشهره..
المهم طيب خليني اواصل كلمتين هنا زياده في ردي علي سؤال الفرق بين "الوطن واللا وطن"..
الموضوع ده شاغلني خالص يا هاشم..وكل ما انوم اصحي مخلوعه افكر..انا مين انا فين..
عارف ليه؟
انا دلوقتي بنوم في انجلترا..ايوه والله في انجلترا بحالها..واخد بال حضرتك؟
وبحلم اني في السودان..وعايشه في السودان وبكابس في صحن الفول الحضره عصومي أخوي..
عايز تعرف قصة صحن الفول؟
خلاص اسالني عنه لما أخلص كلامي..وانا اكيد هارد لأنه مافي أذكي من صحن الفول..
المهم نرجع لموضوعنا..
تلقاني اول ما فتحت عيوني..واللي هو طبعا شئ طبيعي بيعمله اي واحد فينا.. وما مرتبط ابدا
بالشهره ومعجزاتها..اقعد مسافه أفكر في "انا فين" دي..وبعدين ربنا يهديني انه اساسا مافي
داعي اتعب عشان اعرف انا وين..لأنه أنا حقيقي في حتتين..سبحان الله!
المهم لقيت نفسي بتسائل هل الوطن جزء من الهويه..كل الهويه؟ أم ان الهويه هي الوطن أم ان
هناك اختلاف وفرق بينهم؟
الأختلاف ان حدث ..هل يحدث نتاج لحراك ثقافي سياسي تاريخي ام انه لا يتأثر بهم..
وان تاثر فايهما اقوي؟ اولأي حد يمتد هذا التاثر؟
ومن ناحيه اخري هل يمكن لأي نظام سياسي أن يجعل مواطنيه يشعرون بان هويتهم محفوظه ومتطوره
داخل النسيج الأجتماعي الثقافي.. ومتبلوره في نظام سياسي في داخل وطن يصير بوتقه لكل الهويات؟
احترام حقوق المواطنه..هل يخدم تماما قضية الهويه؟
هل يمكن لأي نظام أن يتطور,, وان ويكون في حالة حراك للأمام دائما ليستوعب تطوراتنا الأجتماعيه الثقافيه ورغباتنا في وجودنا نحن المواطنين بحيث تكون هويتنا دائما حق لنا وفي نفس الوقت باحساس الأنتماء للوطن؟
عارفين كده..دي مجموعه اسئله بتدور في راسي..فكروا معاي فيها علشان الوطن..
تاني مره لما اجي الأستوديو ده عايزه قهوتي تكون فريش..ولا تاني مابرد علي أسالتكم!
مرسي هاشم..سلم علي هودي حبيبتي..
| |
|
|
|
|
|
|
|
|
|
Re: لقاء علي الهواء مع نفسي! (Re: Mohamed Abdelgaleel)
|
Quote: الأستاذة - منى خوجلي: سؤال في المسائل
الأساسية في الفلسفة:
ما الفرق ما بين الوطن واللا وطن؟
تابعونا .. فاصل ونواصل |
عارف يا استاذ محمد سؤالك ده انا كنت منتطراه بفارغ الصبر..ولو لاحظت حتي تعابير وشي اتغيرت..بتعرف في البودي لانجويج والفيس اكسبريشنس..موش؟
قد يبدوا السؤال في ظاهره سهلا للغايه..لكن لأ ..لو عاينت فيه كويس...وتاني عاينت بتلقي
انه سؤال فظيع..يقطع مصارينك وانت بتفكر في الأجابه عليه..وتقعد بينك وبين نفسك كده مهدود
من التفكير..اصله السؤال ده أزلي في الأحساس!
واخد بالك معاي استاذ محمد؟
الوطن واللا وطن..
لو عايز ترتاح تشيل اللا وخلاص..
لكن لو عايز بقي اجابه فيها حبة اجتهادات كده وليها معني..
يبقي الوطن هو الناس والأرض... والماء والزرع وماعاش بينهم من حب وكره وهدوء مشاعر وحزن وفرح..
هو احساسك وذكرياتك مع الغير فوق ارضه..
هو ذلك الأحساس الخاص الذي يدفعك في اقل من ثانيه لأن تدافع عنه مع الآخرين غير خائف أو متردد..
الوطن انتماء اقوي من اي انتماء..
وبسبب الحمير الحاكمينه..ولا مؤاخذه يا حمار..نختج من اختجاج احنا من جوانا واحنا بنعرف الوطن..
لأن الحمير هي السبب في "حالة" الاوطن التي يعيشها أغلبنا..
وسؤالك بيخليني أفكر كده واستغرق في التفكير وأنا بصلح في شعري..
هل الوطن واحد ولا يمكن أن يكون هناك سواه؟
يعني ممكن احساسي يضم أكثر من وطن؟
وطن حقيقي تاني فيه ارض وناس وكده..ومش بتاع أحلام زي حق ابو قصي..فهمتني؟
كدي يا استاذ محمد اسألني السؤال ده عشان أرد عليه..سمح؟
مرسي خاص علي تفتيح القريحه!
| |
|
|
|
|
|
|
|
|
|
Re: لقاء علي الهواء مع نفسي! (Re: فاروق حامد محمد)
|
Quote: الأستاذة منى الجزلي آسف خوجلين ..آسف خوجلي واحد..... آ آ آ
ماهو فنانك المفضل وأغنيتك المفضلة وممثلك المفضل وممثلتك المفضلة ووأكلتك المفضلة وسلطتك المفضلة وكسرتك المفضلةو..المفضلةوالمفضلةغير المفضلة واااالمفضلة زآآ الفضلة المف... آآآآآآآآآ
سؤالي الأخير هل تفضلين الشمولية أم المفروكة !!!!!!!؟ |
مرحب استاذ فاروق..اسمك كده برضه صاح؟
فناني المفضل هو البيغني واقوم انا احس بيه..يعني مثلا أخدت فتره احب شعبان عبدالرحيم..
عارف ليه؟
مش عشان بس بيكره اسرائيل..لكن كمان لقدراته الواسعه الزي الجلابيه الكان بيكويها بالمكوه
الحديد اياها..شوفته غزا مصر كيف واشتهر؟
ياسلام كمان لما يلحن صوته ويهجمك
أأأأأأأأأأاي بحب حسني مبارك ..وبكره اسرائيل!
لكن بتذكر زمان وأنا طالبه..وكنت بعيده من أهلي في بلد بتتملي تلج في الشتا..كان ثنائي العاصمه الأتنين يعني..فناني المفضل..كنت اقعد براي كده بدل ما اذاكر..اسمع اغنيتهم
طول مفارق حيه..يا أخوانا كيف وازيه...
واتذكر أهلي واقعد أبكي...
شوفت خيبه أكبر من كده؟
المهم عايزه اقول انه كل مرحله ولا كل ظروف بتمر علي كان عندي فنان مفضل..
اليوم داك كنت بتونس مع صديق عزيز عن الأغنيه دي بالذات وبقينا نتفلسف في انها ليه ماممكن
تنجح في ايامنا دي زي ما كانت ناجحه زمان..وخلتني أبكي في الغربه..
ووصلنا الي انه ايقاع الحياه اختلف وظروفه..ومافي زول بيفقد التاني كتير..ولو فقده بيلقاه
في النت ويعني كلام فلسفه كده لا يخلو من التحليل الصحيح..
بس عارف يا فاروق..
عثمان حسين ده لو غني..انا بخلي اي حاجه في الدنيا وبقعد اعيشه ومسامي تتنفس غناه..هو
وأم كلثوم..
بالنسبه للمثلات بقي هم كتيرات..وكل يوم بشوف واحده فيهم بقعد أفكر..ياتري اهلهم بيصدقوهم لما يقولوا أي كلام؟
ماكمان هم تمثيلهم صادق شديد لدرجه ماتعرف الحقيقه وين..
بس بحبهم من بعيد..علشان مايجوطو لي الحقيقه في راسي..
ياسلام جبت لي سيرة الأكل!
انا بحب الأكل جدا..حقيقي بعبده ..وأكلتي المفضله هي البتجيني لعندي وانا جعانه..يعني ما اطبخها
أنا..
المفروكه حلوه..وانا بعرف اطبخ كل أنواع المفروكه واكتر حاجه الباميه بالشمار..اللللللله بعملها حلوه خالص بس خساره آيه ما بتاكلها!
والمفروكه دي هيصة بتاعة حاجات تختلط ببعض..من ناحيه بتذكرني بالحكومات الديموقراطيه بعد زمن طويل كده من حكم العسكر..وهيصتنا احنا في السودان فرحانين بيها وزعلانين من المالحقت تعمله لسه..
عكس بقي الشموليه ..الشموليه مطبوخه بنوع واحد فيه بيكربونات كتيره بايظه..
اوعاك من الشموليه!
مرسي خالص علي اسألتك التي تدل علي وعيك التام بقضايا كثيرا ماتؤثر في حياتنا احنا المشهورين والساعيين للشهره..حقيقي..استمتعت بقراءتها والرد عليها واستغرقتني تماما...لدرجه انه لي عشره دقايق ما صلحت المكياج علي وشي..
| |
|
|
|
|
|
|
|
|
|
Re: لقاء علي الهواء مع نفسي! (Re: hamid brgo)
|
Quote: الواحد يدقش في بوستات المنبر .. وكت يحس بالقرف يغشى واحد من بوستات بت خوجلي -
قبل ما يقفل الكمبيوتر...! |
حامد
شوفت يا حامد احنا محتاجين نكون نفسنا..يعني لما تحب نتغابي نتغابي..لما نحب نضحك نضحك..ولما
لازم نكون جادين برضه نكون جادين..
لو كنت سالتني أكتر حاجه بتغيظك شنو؟
كنت برد ليك..
لكن انت ماسألتني علشان كده ما بقدر ارد علي سؤال ما اتسألته..
بس حقيقي انا مرات بزهج جد من الكلامات "المزعجه البتكون كتير في المكان ده..
وبستغرب كيف يكون في ناس كبار يتشاكلوا؟
يتشاكلوا دي براها مش شكلها يحير؟
اي زول في امكانه يقول رايه بدون ألفاظ جارحه أو مؤلمه..والكلام بيتفهم برضه..
علي كل حال انا مبسوطه يا حامد أخوي انه بوستاتي بتفرق عليك..واشوفك تاني مهم..سمح؟
ماشايفاك علقت علي البرنامج يعني؟
| |
|
|
|
|
|
|
|
|
|
Re: لقاء علي الهواء مع نفسي! (Re: د.محمد حسن)
|
Quote: الاستاذة منى خوجلي
ما هي علاقة مواطني كجبار بالعدو الاسرائيلي؟
( سؤال غبي والا غبي جدا؟) |
علي العكس تماما..
عارف سؤالك عميق وذكي يا دكتور محمدالحسن..عكس سؤال محمد هارون جابو من ياتو داهيه
ماعارفه!
مواطني كجبار ديل سودانيين شجعان جدجد..
قالوا للصهيونيه السودانيه نموت ولا تشيلي ارضنا..
والأرض شرف..
زي الفلسطينين..قالوا للصهيونيه والدوله الاسرائيليه..
نموت ومانخلي أرضنا..وروا أرضهم بدمائهم..
وسبحان الله من وعد بلفور لحرب 48 هم بيحاربو..
اولادهم كملوا الحجاره فليع في الاسرائيلين ..وديل يدكوهم بالنار..
لا أطفال الفلسطينين انتهوا.. ولا الحجاره انتهت ولا الاسرائيليين ماتوا..
المهم انا دايره أدخل طرف تالت وكمان رابع..
مجرمين الخرطوم ديل اصلهم مامختلفين في تخطيطاتهم من تخطيطات الصهيونيه..
الأتنين بيشيلوا حاجات الناس وخاصه ارواحهم..
الأتنين ما شايفين الا مصلحتهم..
الأتنين كذابين ومنافقين ومجرمين..
اهل كجبار دخلوا تاريخ السودان بمقاوتهم للظلم..
والمواطنين الفلسطينيين برضوا سجلوا بطولتهم في مواجهة العدوان والأعتداءات..
عارف يا دكتور..حقيقي يعجبني في سؤالك تلك المقارنه الغريبه..
التي شبهت فيها و"باللفه" وسوري علي اللفظ البلدي- زفتة الطين الأنقاذ.. بالمشروع الصهيوني
في الدوله الاسرائيليه..
ثم بالتالي تشبيه استشهاد أهلناالأبطال في كجبار..باهل فلسطسن البواسل..
وتبقي الأرض هي الشرف والبقاء..
خليك معانا..اسالتك احسن من اسئلة مقدم البرنامج ده!
| |
|
|
|
|
|
|
|
|
 Re: لقاء علي الهواء مع نفسي! (Re: Muna Khugali)
|
اهم هاجة الهلقة دى برااايت منو؟
تانى هاجة ... هصريا ولا لا ؟؟؟؟؟
سوعال ؟!!!!
ممكن اهدى ؟!!!
يوم سمايتك دبهو ليك جنو ؟؟؟
يوم سمايت بتك اية ... كان يوم جنو؟؟؟
اول يوم تمشى المدرسة كان معاك منو؟؟؟
.
.
.
معانا جوال ممكن نرد عليهو؟
| |
|
|
|
|
|
|
|
|
|
Re: لقاء علي الهواء مع نفسي! (Re: omer almahi)
|
عمر الماحي صديقي الجميل..
عارف عبرت عن الفكره بطريقه لطيفه جدا..
اسه انا بقيت احب نفسي مرتين..مره باللون التركواز.. والمره التانيه بالبلو الرمادي..
مجهود كبير ومقدر ومناسب لحبي لنفسي وللشهره..
عارف نفس الزول دي حاجه عجيبه..والعلاقه بين الزول ونفسه برضه علاقه مركبه..كتير احنا بنقول احنا فاهمين نفسنا كويس خالص..وده تصور حقيقي..لأنك ما بتدس من نفسك حاجه..ولأنك بتفكر معاها وتستشيرها في التفكير..وبتاكل معاها..ياخ انت بتنوم وهي معاك وبتحلم نفس الاحلام..وتصحوا سوا فرحانين ولا متعكننين ولا من غير احساس خالص!
لكن..أحيانا بتندهش لما تلقي تفكير غريب جه في راسك..أو تتصرف تصرف يزعجك انت ذاتك علي الرغم من انه صادر منك..
ومرات لما بتفكر في موقف معين بطريقتك المتعود عليها وعلي ردود افعالك..يتلقي فجاه حاجه هبشتك في تفكيرك من جوه وجابت ليها فكره جديده ..أو تفكير جديد..وبتقعد تقول لنفسك..معقول وتتسائل..ده انا "نفسي" العملت كده؟
احيانا ان كانت نفسنا اماره بالسوء نتصرف تصرفات ما كويسه..قد تدهش الآخرين وقد لا تدهشهم..لكننا في ساعة صفاء نفسي ان جلسنا وفكرنا فيها نصاب بالدهشه والأحباط والضيق..في تلك اللحظه النفس الأماره بالسوء كانت نايمه..
وعلي كل حال الوقت أتاخر وانا عايزه انوم علي الرغم من انه الونسه في البرنامج ده عاجباني وارضت غروري في حب ذاتي والشهره..
جود نايت فريندس
| |
|
|
|
|
|
|
|
|
|
Re: لقاء علي الهواء مع نفسي! (Re: Muna Khugali)
|
Quote: اهم هاجة الهلقة دى برااايت منو؟
تانى هاجة ... هصريا ولا لا ؟؟؟؟؟
سوعال ؟!!!!
ممكن اهدى ؟!!!
يوم سمايتك دبهو ليك جنو ؟؟؟
يوم سمايت بتك اية ... كان يوم جنو؟؟؟
اول يوم تمشى المدرسة كان معاك منو؟؟؟
استعنا علي الشقا بالله.. |
أرد علي اسالتك دي وامشي وارجع بعدين وراي أشغال كده مهمه زيكم..
البرنامج ده حصري علي سودانيز أون لاين وفكرت امس اصوره ليكم فيديو وأنزله ليكم هنا..
لكن مالقيت الزوله المسئوله من المكياج وتصليح الخلقه علشان اظهر زينه وعاجباني..غايبه
ولو انه أنا مرات كتيره جدا بخاف من ناس المكياج ديل..شفتهم في التلفزيون عاملين ناس كتيره
زي البلياتشو كيف؟
تلقاهم كده زي المركبين وشوش بهلوانيه ..الوان غريبه في الوش!
وعايزين كمان الناس تفرح بطلتهم..جراه فظيعه وقوة عين!
المهم نشوف سؤالك ..وهو التالت علي ما اعتقد يادكتور..علي فكره انت تخصصك ايه؟
اف آي ماي آسك يعني..
علي زمني ما كان في سمايات..الواحد كان بيولدوه باسمه..شفت كيف؟
وبعدين بلاش سيرة الدبح دي بتذكرني بالمجرمين وانا اساسا خوافه جدا..كويس؟
ما بتذكر اول يوم مشيت فيه المدرسه خالص.. ولو انه بتذكر اول سنين في المدرسه..عارف في
اولي لغاية امكن تالته ابتدائي كنا بنلبس مريله بسفره لونها بيج..سفرة دي تفصيله فيها كلونات..معليش دي حاجات كده بتفهمها النساء أكتر..المهم وكنا نلبس لا مؤاخذه حذاء ابيض كاوتش وشراب ابيض الصباح ..بيتقلب بني الساعه 12 الظهر!
المهم الخليفه طبعا هو الكان بيودينا المدرسه وكنا بنتشاكل جوه العربيه علي قراطيس الفول
والنبق والحلاوه..زمان الدنيا كانت حلوه..والمصاريف كانت حلوه تشتري زي ماعايز وعمرك نفسك ما بتنكسر علشان ماقدرت تشتري حاجه..مش زي اطفال الأيام دي في السودان..حاجه تحزن..وربنا ينتقم من الكان السبب..
يا سلام عليك يادكتور..عارف علي الرغم من شهرتي واهمية وقتي..لكن اسالتك بصراحه ما قدرت
اتجاهلها..وعلشان كده لو رجعت تاني باساله برد عليها برضه..
مرسي..
أ توت الير
فاصل مع غناء..
| |
|
|
|
|
|
|
|
|
|
Re: لقاء علي الهواء مع نفسي! (Re: Muna Khugali)
|
غايتو انا يا منى زمااان استضفت على الهواء مباشرة قدمت نشيد ضمن المدرسة في جنة الاطفال لما كنت
في الابتدائي والله بتذكر النشيد لي هسي وكمان سقت معاي عماد اخوي عاملة فيها البت تفتيحة ..
اما المرة الثانية على الهواء مباشرة لقاء في قناة مانقو 96 عن حملة وليد دارفور كان نفسي تسمعيه عشان تديني رايك في كلامي كويس ولا ما كويس ..
اهة اريك شنو ..
| |
|
|
|
|
|
|
|
|
|
Re: لقاء علي الهواء مع نفسي! (Re: انعام حيمورة)
|
Quote: غايتو انا يا منى زمااان استضفت على الهواء مباشرة قدمت نشيد ضمن المدرسة في جنة الاطفال لما كنت
في الابتدائي والله بتذكر النشيد لي هسي وكمان سقت معاي عماد اخوي عاملة فيها البت تفتيحة ..
اما المرة الثانية على الهواء مباشرة لقاء في قناة مانقو 96 عن حملة وليد دارفور كان نفسي تسمعيه عشان تديني رايك في كلامي كويس ولا ما كويس .. |
اهة اريك شنو ..
طيب استاذه انعام ما تجيبي لينا التسجيل هنا؟
ولا بلاش امكن تخطفي مني الأضواء!
انا متاكده كلامك كان موزون لأنه حقيقي..وانتي اي حاجه بتعمليها في الحقيقه بتعمليها صح..
بالمناسيه جبتي لي البلوزه المخططه معاكي علشان تسجيل بكره؟
عارفه بقيت أحب البرنامج ده بشكل عجيب..الوقت النا مافيه علي الهوا تلقيني علي المرايه!
عارفه يا نعومتي برامج الأطفال دي أمتع برامج..زمان في السودان في برنامج الأطفال كنت بقعد مع العيال أتفرج علي عم جحا..والله كان لذيذ بشكل..كنا بنتفرج عليه قبل العيال أنا ومحمد خالي!
بعدين زمان لما كنت طفله استضافوني في برنامج الأطفال..المقدمه سألتني من ضمن اسألتها..
ماهي تطلعاتك؟
انا طبعا مافهمت كلامها.. طوالي قلت ليها..
ممكن لو سمحتي تشرحي لي تطلعاتك دي معناتها شنو عشان انا ما فاهماها؟
معقوله تسالني سؤال زي ده وأنا عمري اقل من عشره سنين؟
يا سلام علي السئله البتفتح النفس..شكرا استاذه انعام علي مشاركتك معانا..خليكي قريبه..
| |
|
|
|
|
|
|
|
|
|
Re: لقاء علي الهواء مع نفسي! (Re: مجدي عبدالرحيم فضل)
|
Quote: منو جمالك ده منحدر من القيفه ديك ؟
بالله حديثنا عن الرابط ده مني + الزومه= الخوجلابية
الأجابة صح أم خطأ. |
الله عليك يا مجدي..
جبت لي السيره الوطن!
الزومه واهلي الطيبين..
يترصوا ليك في العيد في الجامع يسالموك وسلامهم لو ليك مراد ماماينتهي..
ريحة طين البحر والقعد علي طرفه ومويه خالده..جاريه منذ ازل بعيد جايبه معاها حنين وقدم الدنيا..
عارف انا بسجل اسه عن الشمابيه والزومه..
وبهدي سلامي لي خيلاني وأجدادي ناس العوني..أها فرصه النشرح ليك..ديل أهل امي يا مجدي..أجدادي الوهاهيب..
اليوم داك دخلت الجامع حقهم وغليني أمرق منه..
مشيت دخلت بيوت اجدادي فاتحه في بعضها وفاضيه مهجوره بس كميات كتب عجيبه!
تطلع من بيوت أولاد البشير..بتعرفهم؟
اها تدخل في بيوت ناس الخليفه يحي والخليفه موسي..تصل بي غادي لأولاد الحسين الأمين عبد الوهاب..
يا حليل جدي قطبي الكبير..والله لما دخلت بيوتهم سمعت اصواتهم مارقه من الحيط والأرض..ربنا يرحمهم كلهم..الرسول كان ما شلتوا الفاتحه عليهم!
وكذلك أهديه لاعمامي وأجدادي ناس الفحل وخوجلي..
وبيت جدي عبدالرحمن وبيت ابوي الخليفه عوض وشبابيكه المسروقه!
بيكون سرقهم منه يا مجدي؟
يا سلام عايزه امشي لأهلي في الزومه ..ننزل الزراعه بالنهار مع حيويه وفتحيه والباقيين..نقعد
تحت النخل وفجأه يصرخوا..
وووب عليكي يا مون...قومي العقرب دار تقع في راسك تكتلك..
وانا اقعد اصرخ من الهجمه والخوف..
وتقوم حبوبه تنهر فتحيه وتقولها..هجمتي البنيه مالك..ماتقتلي العقرب من سكات؟؟
ومنهم امشي البركل أطلع الجبل..حصل طلعت الجبل؟
صعب ..وبعدين انت في نصه كده تحس انك اتورطت..وماتعرف تعمل شنو خاصه انهم دخلوا معاك في
تحدي نوع ده..
لا بتقدري لا حاجه..اصلك قايلي نفسك محمد الحسن؟!
ويواصلوا بصوتهم الحادالعالي داك بضحكات ..
اليوم داك هاشم اماني ماحاول بس غلبه ضوم يصل..
خليك قاعده اخيرلك!
ويقوموا الشفع يتلموا عليك ويعاينوا ليك كده عين مندهشه بعد شويه صوتهم يجيك فيه استهزاء..
اخير لك ما تمشي..مابتقدري عليه!
شوفت يا مجدي النخله رقم 6 في الصورة البتسرح بالروح دي؟
انا عازماك هناك ..سمح؟
وكلامي معاك ما انتهي علي وقت البرنامج انتهي!
| |
|
|
|
|
|
|
|
|
 Re: لقاء علي الهواء مع نفسي! (Re: Ehab Eltayeb)
|
السادة المشاهدين الاعزاء
نحن سعداء اليوم باستضافة أحد أشهر مترددي السجون والمناضلين القدماء وقيادي المظاهرات بالسودان .... لم تردعها السجون ولم تخيفها الاعتقالات لابداء رأيها وفتح آفاق واسعة لسماع صوتها المنادي بتغيير النظام ومعاقبة كل من كان له يد في قتل الابرياء وسفك دماء الشهداء ...
يسعدنا أن نقدم لكم المناضلة أخت الشهيد مصطفى خوجلي الاستاذة / منى عوض خوجلي ..
أستاذة منى : لدينا فاكس من الاخ عماد محمود بيسألك فيه سبعة أسئلة :
السؤال الأول :
لماذا وكيف هاجرت منى خوجلي من السودان ... يعني الدوافع والاسباب وكيف كانت طريقة الهجرة ....
السؤال الثاني :
اعتقلت منى خوجلي كثيراً .. كم مرة تم اعتقالك وأين كان معتقلك في كل مرة والمآسي التي واجهتك هناك ...
السؤال الثالث :
من تحديداً الشخص المسؤول الاول عن قتل الشهداء الـ ( 28 ) الذين من بينهم اخيك الشهيد مصطفى ؟ ...
السؤال الرابع :
لا يزال قبر الشهيد مصطفى غير واضح المكان .. هل سعت ولا تزال تسعى منى خوجلي في البحث للتوصل إلى قبر الشهيد مصطفى ؟
السؤال الخامس :
بعيداً عن السياسة وهمومها ... منى خوجلي أين تعمل ؟ وفي أي مجال ؟ وكيف تقضي يومها في لندن ؟
السؤال السادس :
أحب وأقرب شخص إلى منى خوجلي من : 1. الاسرة والعائلة 2 . الاصدقاء ( بنت و ولد ) 3. الجيران بالسودان .
السؤال السابع والأخير :
أمنية لمنى خوجلي تتمنى بأن تتحقق وبسرعة :
كلمة أخيرة ورسالة توجهينها لمعجبيك والسادة المشاهدين .....
____________________
شكراً للاستاذة منى خوجلي التي أهدتنا أجمل اللحظات لنتعمق ونعيش دواخلها الجميلة ونستمتع بصوتها العذب وكلامها الشجي ونبحر معها في عالمها الخاص ... شكراً أم آية وشكراً لكم أنتم مشاهدي برنامجنا ( شخصية اليوم ) ونتمنى بان تكونوا قد استمتعم معنا بهذا اللقاء الشيق والصريح ونوعدكم بالعودة مرة أخرى وفي لقاء قريب جداً مع الاستاذة منى خوجلي .
| |
|
|
|
|
|
|
|
|
|
Re: لقاء علي الهواء مع نفسي! (Re: عماد محمود علي)
|
Quote: السادة المشاهدين الاعزاء
نحن سعداء اليوم باستضافة أحد أشهر مترددي السجون والمناضلين القدماء وقيادي المظاهرات بالسودان .... لم تردعها السجون ولم تخيفها الاعتقالات لابداء رأيها وفتح آفاق واسعة لسماع صوتها المنادي بتغيير النظام ومعاقبة كل من كان له يد في قتل الابرياء وسفك دماء الشهداء ...
يسعدنا أن نقدم لكم المناضلة أخت الشهيد مصطفى خوجلي الاستاذة / منى عوض خوجلي .. |
أهلا يا استاذ يامذيع..شكرا علي الترحيب الجميل..بس عندي كلمتين اقولهم وبعدين نشوف الأسئله..
من فدلك..ممكن؟
اولا لازم شيل بعيد كلمة مترددي سجون دي..خليك دغيغ في كلامك..مترددين مكاتب الأمن ايوه صحيح..
بس السجن ده كان مره واحده في سجن أمدرمان للنساء لمدة شهر..بس والله كان شهر يجنن..عارف تتونس وتضحك وتبكي وتتغاظ ..وتقبل علي الحيطه..وتمشي لحاجه فاطمه في حوش القضايا التانيه..تشرب الجبنه ويقروا ليك الودع ويونسوك..وبالليل تتلبس بجلابيتك وتمشي تقعد في حفلاتهم وفناناتهم بالجركانات يعملوا الأيقاع..بيكون سبب الحفله افراج عن واحده فيهم..أيام غايتو÷
عارف برنامج كده علي الرغم من انه في اساسه كان ناتج بظلم..بس خبره سمحه شديد..حتي اسأل باقي
اسر شهداء ابريل رمضان السجنوهم معانا!
تصدق عفيفه يا حليلها اصرت علي حقها الأنساني بغض النظر وجودها في السجن كان عادل ولا لأ..عارف
أصرت علي شنو؟
انه يغيروا ليها الحمام ويجيبوا بيها واحد تاني..هاي عفيفه آي ميس يو!
المهم علشان ما نسرح بعيد..ولا مؤاخذه يعني أعذرني لأني بحب الثرثره وكده..وبحب الكلام علي رقبتي
بت أم روحي دي..تلقاني بسرح في الكلام..ما تتضايق كويس؟!
أها نرجع للنقطه التانيه..انت ليه لما شفتني داخله الاستوديو بالقيافه دي كلها..مامشيت لبست أحسن؟
ياخي معقوله بس قميص أخضر..وجاكته بني جريان..وكرفته مورده بعباد الشمس..جاي حفله تنكريه انت ولا شنو؟
الحمدلله ياخ التصوير للجزء العلي من الجسد..ولا الناس كان شافت باقي تنكرك!
سديت نفسي من الكلام..وعليك الله ما تاخد الموضوع ده شخصي..انا زوله بحب الصراحه ومشهوره للأبد..
يعني كان لازم تحترم وجودي وتخاف علي عيوني من الوجع..
ممكن آخد راحه من الكلام الكتير ومن منظرك الغريب؟
بعد شويه نرجع لأسئلة الاستاذ عماد!!
مرسي خالص
| |
|
|
|
|
|
|
|
|
|
Re: لقاء علي الهواء مع نفسي! (Re: Muna Khugali)
|
أهلا وسهلا الساده المشاهدون..نعتذر عن التأخر الغير مقصود بسبب خناقه بين الأستاذه مني ومجموعة
أمن الأنقاذ بالمبني..لكن الحمدلله قدرنا نحل الموضوع مؤقتا..ونسجل اللقاء..
بداية استاذه مني نشكرك علي اصرارك علي تسجيل الحلقه رغم كل الظروف الرديئه المحيطه بنا..
أهلا يا استاذ يا مذيع..
ولا يهمك..حبة الامنجيه ديل مكرهين الناس عبشتها خالص..زمان كان الضايع منهم الشغال في الأمن يجي يقيف علي ناصية بيتك..ولا يمشي وراك ولا يخبط الباب علشان يسأل عيالك منك..الولد يعني بيجمع معلومات..حاجه تقرف..هم ما بيلقوا ليهم شغله محترمه زي الرجال مالهم؟
اسه يقولوا لأهلهم..اذا فرض عندهم أهل يسألوهم..احنا ماهيتنا دي بنجيبها بالفتنه علي الناس؟
حاجه تخجل والله..
والغريبه كلهم كان الوقت داك تلقي شكلهم معروف..يا اما تلقاهم كده لابسين بنطلونات بعد الركبه بشويه ..معاها لابسين قمصان ساده وخاتين في جيبها قلم جاف غطاءه ازرق..
ولا تلقاهم زرق شديد ولابسين نضارات شمسيه بالليل ...الاولاد متنكرين...واول مايحسوا انك شفتهم يكملوا قزازة البسبسي سريع ويحاسبوا ولد سيد الدكان العوير وبركبوا الموتر ويمشوا..
اي زول عارفهم في الأمن.. حتي كلب ناس عبدالله الشيخ الميتان النايم قدام الدكان عارفهم!
طبعا اسه اتنضفوا كتير..لالالا ماتفهموني غلط ما في أخلاقهم..بالعكس دي ما منها أمل تنضف..لكن في لبسهم ومستوي معيشتهم..قروش البلد دي مارايح منها جزء كبير فيهم!
المهم اسه حركاتهم العملوها دي عينه بسيطه من العملوه معانا ومع ناس كتيره تانيه...مقدمه يعني علشان ما اقول العايزه اقوله!
المهم اسال سؤالك وسيبك منهم ديل خلاص مصيرهم قرب..
استاذه مني..
السؤال الأول وجاءنا من مشاهد البرنامج الاستاذ عماد ولقد وعدتي في الحلقه السابقه بالرد عليه :
لماذا وكيف هاجرت منى خوجلي من السودان ... يعني الدوافع والاسباب وكيف كانت طريقة الهجرة ....
الله يا استاذ عماد..كأني اسه واقفه في مطار الخرطوم قبل 15 سنه!
سبحان الله!
شوف العبد في التفكير والرب في التدبير..انا خرجت من السودان علي اساس قرار هجره بعد التعقبات الكتيره لينا كاسره مع أسر شهداء ابريل..والهجره المقصوده كانت لحدي الدول العربيه..
العالم الضايعه بتاعة الأمن دي بقوا يتابعوا حتي الناس البتجينا في البيت ويهددوهم بعد داك..
بتي ىيه الوقت داك عمرها اربعه سنين وباقي العيال بقت نفسياتهم تعبانه خالص .. خاصه بعد تفريقنا من بعض في فترة السجن وتعدد الأعتقالات..بقي مافي أمان علي الأطلاق..
المهم هجرتي كانت لأحدي الدول الخليجيه..وحضرت للندن لقضاء شهر علشان تغيير شويه..قيل ما ارجع مصر استلم الفيزا من هناك واسافر ليها للعمل..
تاخرت الفيزا الكان مفروض تصل..واستمريت قاعده في لندن لأكتر من شهر..ثم علمت انه السودانيين فرص عملهم في الخليج بقت شبه موقوفه تاني بسبب موقف المرقونا من السودان في قضية غزو الكويت..يعني ورانا ورانا..
بقي قدامي حل من اتنين..
يا ارجع السودان المرقت منه بسبب كثرة وخطورة الأعتداءات علينا..يا اقدم لجوء في لندن..
بس بعد شهرين من الأنتظار والتردد قدمت لجوء ..تحب احكي ليكم حبة تفاصيل؟
انا دخلت لندن سبتمبر 1992 وقدمت لجوء نوفمبر 1992 وحصلت عليه طوالي..شاطره صح؟
باختصار السبب هم..ما احنا كنا عايشين في امان الله قبلهم نسافر قرايتنا ولا اجازاتنا ونرجع..كنا اسره حلوه شديد في عددها وحبها وتعاونها وترابطها..عارف يا استاذ عماد..احناآخر عهد اتلمينا كلنا مع بعض في رمضان 1992..كل يوم احنا واولادنا وناسنا الكيار مع بعض في بيت الخليفه..نضحك ونغني ونصلي وناكل ونتونس مع بعض ونشيل بعض..
عمرها اللمه دي ما اتكررت تاني..
اتفرقنا وذهب منا من ذهب وحاجات كتيره غابت..تفاصيل حياتنا مع بعض بقت ذكري حزينه..الحمدلله علي
كل شيء.. بس ما بيحصل ننوم يوم بدون ماندعي عليهم..مافي اقوي من دعوة المظلوم..
يااااه ايام وذكريات..
ممكن توقف تصوير وتمد لي علبة الكلينيكس؟
مرسي!
| |
|
|
|
|
|
|
|
|
|
Re: لقاء علي الهواء مع نفسي! (Re: Muna Khugali)
|
Quote: السؤال الثالث :
من تحديداً الشخص المسؤول الاول عن قتل الشهداء الـ ( 28 ) الذين من بينهم اخيك الشهيد مصطفى ؟ ... |
القائمه موجوده وطويله وموثقه حتي هنا في سودانيزاونلاين..وكلهم مسؤولين..
لكن عارف يا استاذ عماد..المجرم الاشرف بنفسه علي الأعدام يعني وقف كده بسلاحه يتأكد..مات محروق ومقطع وجسمه أعوذ يالله ما لقوا منه حاجه غير فتافيت..ابراهيم شمس الدين ده سجل نفسه في تاريخ السودان مصاص الدماء نمره واحد..هو فاكر نفسه يعني كان بيفلت من عقاب ربنا؟
انت عارف.. الناس دي حقيقي ما بتعرف ربنا!
واهو لسه روحه تتعذب في النار خالده فيها للأبد..
والباقيين بقي الأتقتل فيهم اتقتل..والجاييه الموت جاييه..في النهايه كلنا بنمشي..لكن اعمالنا بتقعد..
عارف يا استاذ عماد ضابط الصف الهجم علي بيتنا حصل ليه شنو المجرم؟
اتحرق في البنزين الكان مخزنه..بيتاجر في البنزين كان..المهم احناماعافيين ليه العمله فينا وفي الباقيين..
أما الزبير بقي..زمانه مادي رقبته من العذاب بيفتش علي فرقه يرتاح فيها؟
يرتاح كيف دا العذب الناس ورماهم في السجون وحرم اطفالهم منهم..
وسوري جدا يا عيالهم ماليكم ذنب انه ابهاتكم مجرمين..حقيقي قلبي معاكم وانتو بتسمعوا الدعاء عليهم..
بس هم كمان سلبوا مننا حياتنا الجميله..وعذبونا علشان كده حاولوا تفهموا وماتكونوا زيهم..
والله انا اكتر حاجه شايله همها اولاد زفت الطين داك..
يعني ابوهم مجرم ..والأستب فازر بتاعهم مجرم ..يعني من زلطه لطوبه يا قلب لاتحزن..اكيد بيكون
في شخصيتهم حاجه ماتمام!
انا من قلبي بدعي للأطفال ديل ربنا يستر عليهم وينجيهم بموت جوز امهم بعد ما اتنيل ابوهم مات..سوري علي الدعا الكتير بس بصراحه بيستحقوا أكتر!
ممكن كلينكس تاني؟
مرسي
| |
|
|
|
|
|
|
|
|
|
Re: لقاء علي الهواء مع نفسي! (Re: Muna Khugali)
|
مساء الخير أعزاءنا احباءنا..نتمني انه يومكم كان سعيد وينتهي ليله بسعاده أكبر..
اهلا استاذه مني نواصل عرض الأسئله ..
اهلا يا استاذ يامذيع..مرحب بك وبأصدكائي الأعزاء..بيتهيالي نرجع لأسئله الاستاذ عماد.. زي ما
وعدناه "قبل" امس.. بس خليني اشرب شوية مويه في الأول لو سمحت..موتكم دي صحيه؟
المره الفاتت شربت عندكم مويه علي الرغم من انه كانت في قزازه مقفوله لكن تعبت لي معدتي..
في ناس قالوا دي مويه "مزيفه"..من غير احراج يعني.. تفتكر ممكن تكون كده؟؟
جدا يا استاذه..السؤال هو..
لا يزال قبر الشهيد مصطفى غير واضح المكان .. هل سعت ولا تزال تسعى منى خوجلي في البحث
للتوصل إلى قبر الشهيد مصطفى ؟
القبر الجماعي الذي ضم جسد أخي الطاهر مصطفي وباقي اخواني الشهداء ملح الأرض..يبقي غير معروف
لنا رسميا حتي الآن..بمعني ان من ارتكبوا المجزره يرفضون اعلامنا بمكانهم..لكن هناك معلومات
نعلمها بمكان المقبره وهي في احدي المناطق العسكريه...
التاكد في هذه الحاله يفرض حفرها والكشف عن عدد الأجساد بها.. والتأكد بالطرق العلميه في الطب عليهم..مجرمين الأنقاذ لن يسمحوا ولم يسمحوا بهذا بالطرق السلميه التي نتبعها..وليس امامنا الا
ان نواصب بطرق اقليميه وعالميه..وطرق اخري لا تعرف العنف ولكنها ستعريهم تماما..
الطغمة الحاكمه لم تنكر الأعدامات بل اذاعه رئيسهم واحتفلوا به في مظاهراتهم القاتله..فلماذا
ترفض الكشف عن قبرهم؟
علي الأغلب ان المقابر الجماعيه كثيره هناك..وكذلك احتمال الخوف عن كشف عدد اكبر بكثير من الذي اعلنوه من الذين تم اعدامهم من الشهداء ومع الشهداء..وهذا تصور خاص بي..
ولكننا لن نتوقف عن طرق كل الأبواب لمعرفة أين يرقد أخواننا..وسنعرفه حتما بأذن الله!
| |
|
|
|
|
|
|
|
|
|
Re: لقاء علي الهواء مع نفسي! (Re: Muna Khugali)
|
طيب يا استاذ يا مذيع نواصل أسئلة عماد ..
بعيداً عن السياسة وهمومها ... منى خوجلي أين تعمل ؟ وفي أي مجال ؟ وكيف تقضي يومها في لندن ؟
انا أعمل في اماكن كثره في وقت واحد..كله في مجال حقوق الأنسان وحقوق المرأه..وكذلك في الترجمه
يعني مثلا.
تطلب مني أي منظمه أن اقوم لها بعمل معين لمدة شهر أم شهرين او حتي يوم..يعتمد علي العمل ومكانه وظروفه..او ربما أننم ورشات عمل للمنظمات أو لمجلس كامدن حيث أسكن..تنظيم الورشه يعني تحضير الموضوع بطريقه تسمح بشرحه مع اشراك الحضور في النقاش..ثم من بعد ذلك كتابة تقرير وتسليمه للجهه المسئوله..
المهم أنا لست مقيده بالحضور والجلوس في مكتب..لكني اجلس كثيرا في الكومبيوتر وفي التحضير في بيتي..
أغلب وقتي اقضيه بالمنزل ان لم أكن في تقضية وظيفه بخارجه..
او مع اسرتي..موش انتو كلكم بتعرفوا ماما جاره؟
خلاص دي مرقتي الأساسيه!
منذ اكثر من عام توقفت عن قصد من مواصلة الدراسه..كانت 2005 عام الكوارث تماما بالنسبه لي..
منذ بدايتها حتي قرب نهايتها..الا انها بدأت في الأنفراج قبل نهايتها بأيام ..وعلي الرغم من ذلك الا انني فضلت أن ارتاح من الدراسه والعمل بالخارج والسفر الكثير لفتره..
والحمدلله بجانب عملي الأستشاري.. ثبت وجودي بينكم وصار لي عالم اقضي فيه كثير من اوقاتي..
علي كل حال اخرج احيانا الي البارك..لا ازور البيوت الا لسبب قاهر..مثل تقديم العزاء في حالة الوفاه...أو زيارة مريض بالمستشفي..وليس لي شلة أصدقاء اقابلهم وأخرج معهم ولآ ننسي ان الجميع مشغول بالجري وراء لقمة العيش..وبسبب ظروف الجميع هنا فاننا نلتقي نادرا..في مسيره..أو اي لقاء سياسي أو ثقافي..وبس!
يعني اتخيلوا مسيرة سد كاجبار دي كانت فرصه اقابل ناس كتار عزاز جدا جدا..بعد غياب شهور او امكن سنين..ما قلت ليكم مافي زمن!
انت يا عماد مالك كده سآآل؟
عندك جنس حركات!
غير كده
| |
|
|
|
|
|
|
|
|
|
Re: لقاء علي الهواء مع نفسي! (Re: Muna Khugali)
|
صباحكم الليله ما ياهو موش؟
طبعا الليله ما 30 زفت يونيو!
الستاذ المذيع الليله غايب .زوالجماعه توسلوا لي لكي ادير دفة الحوار مع نفسي وأجاوب علي السئله بعد ما اقراها أنا..
افتكر ارجع لسؤال الستاذ عماد وكان بتحشر محبب بيسألني اسئله فيها كثير من الخصوصيه والأحراج..كويس انا بحاول أرد علي سؤاله السادس ده أثناء ما بحاول اكون دبلوماسيه!
| Quote: أحب وأقرب شخص إلى منى خوجلي من : 1. الاسرة والعائلة 2 . الاصدقاء ( بنت و ولد ) 3. الجيران بالسودان . |
انت مالك عامل زي ناس البورد ده..يقولوا للزول يا تكون معانا طوالي يا انت ضدنا طوالي؟
عالم غريبه فعلا..
عارف عندي أكتر من زول حبيب لنفسي..
يعني مثلا بحب ماما جاره خالص وبرضه بحب آيه خالص..اعمل شنو بقي مع سؤالك؟
احنا الحمدلله في الاسره بنحب بعض جدا ومترابطبن..وأخواني الأولاد لايزيد أو يقل حبي لهم عن أخواني أزواج أخواتي..وعيالنا كلهم بنعاملهم زي بعض واتربوا علي اساس انهم اخوات وأخوان وبس..
اما الأصدقاء دي فعايزه شرح اكتر..
هم كتيرين الحمد لله..لكن بصراحه آخر عهد لي بالصداقات القويه شديد مع البنات كانت ايام الدراسه..
يعني ساعة حتشبسوت ما اتحنطت!
بس عندي صداقات اكتر بالرجال..احتمال علشان العمل العام وبرضه الطريقه العمليه في الحاجات مع ظروفي الأجتماعيه المختلفه من ظروف نساء عديدات هنا في لندن..
بس عندي اصدقاء عديدين من النساء والرجال..صداقه ما انتيم خالص ..بمعني التزاور المستمر والتلفونات المنتظمه..بس برضه لما نتقابل بنكون فرحانين باللقاء ..وبنتونس ونضحك ونمشي بعد كده كل زول لأشغاله..
بس دلوقتي بينكم هنا عندي صداقات جميله وناميه كويس مع مجموعه من الزملاء والزميلات..وان كان الزملاء أكتر لأنه برضه عددهم اكبر في البورد..
وهي صداقات جميله قويناها باللقاء هنا..وفي الخرطوم وبالتلفونات واوعي تنسي مهم جدا..المسنجرات!
الجيران ديل كمان قصه تانيه..
ماعارفه ليه بقيت كده احبهم كلهم شديد باثر رجعي!
زمان علاقتي بيهم كانت ضعيفه..يعني تقتصر علي الحد الأدني..لأسباب كتيره..
مافي بنات كانوا من عمري الا واحده ولا اتنين في شارعنا..ده سبب امكن..
بس ارتباطي كان قوي بصديقاتي وكانوا برضه جيرانا وكنا اسره واحده يعني طوالي مع بعض ..في المدرسه سوا..في المساء بنذاكر سوا...بنمشي النادي سوا..وده تقريبا لمدة 6-7 سنين..
بس برضه الدنيا فرقتنا وبقينا كل زول في عالم..خلي بالك جاتني فكره اعمل بوست واسميه جيرانا..
ايه رايك فكره حلوه..صح؟
بس تبقي جارتنا جارة كل الأجيال في بيتنا سكينه هي الأكثر قربا منا..هي وخالتو الغنمايه!
باي باي يا استاذ عماد دلوقتي..اسمع منك في وقت تاني..
اعزائي المشاهدين..
وصلت حلكتنا الي نهايتها اليوم والحمدلله مافي غيري في البرنامج..أنا وأنا وأنا وبس!
مرسي خالص للظروف المنعت الأستاذ المذيع من الحضور..وارتحنا من زغلله عيونا بالوان ملابسه الأنتيكه..
والحمدلله كمان انه الحنانه ما مشت في مواعيدها للمذيعات الأخريات ..وبالتالي ما قدروا يجوا يقدموا الحلكه معاي وايديهم مافيها رسومات..
بااااااي
| |
|
|
|
|
|
|
|
|
|
Re: لقاء علي الهواء مع نفسي! (Re: Ehab Eltayeb)
|
Quote: استاذة مني اهلا وسهلا بيك علي الهواء مباشرة..
ولديك ثلاثة وردات لمن تهديها??? ولماذا???,,,
تحياتي.. |
مرحب بسؤالك الرقيق استاذ ايهاب..
الورود دي حاجه جميله ومفرحه..سبحان الخالق!
عارف اجمل وقت ممكن تمر بيه شنو؟
لما تزرع الحبوب وتنبت وتكبر شويه وتظهر البرعمه وفجأه تتفتح قدامك وتبقي ورده..
بالظبط زي لما تشوف اولادك بيتولدوا ويكبروا قدامك..
الخلق دائما جميل وعميق في جماله..وبالتالي بيهدي حياه متفائله..
ودلوقتي انا نفسي اتفتحت أكتر..اصلي بحب الورد خالص..بس لازم يكون طبيعي..
وبكرهه جدا لما يكون صناعي..علشان كده لو مشيت اي حته فيها ورد ما طبيعي قدامي بكون متوتره جدا..طبعا لو شفته في بيت او مكان زول قريب لي طوالي بشيله وأخفس بيه الأرض!
الورده الأولي لماما جاره وآيه عشان انا بحبهم أكتر من اي تصور وهم معني وجودي..لكن بدي
اخواتي الصفق..علشان انا برضه بحبهم بس بيغيظوني مرات!
الورده التانيه بقي للسودان الشهداء..الأرض والناس والنيل..طبعا انتو ياناس سودانيزاونلاين جوه الأرض حتي لو أرضنا هنا "فضاء"
الورده التالته بهديها لأنجلترا التي آمنتني من خوف..انجلترا دي قصه تانيه عايزه برنامج براهو!
ممكن بقي نجيب فازه نخت فيها الورد ده قبل مايموت؟
مرسي ايهاب..حقيقي انت زول حلو..وعلشان كده عايزه اعزمك قهوه في كافتيريتنا..ممكن؟
لتس قو!
| |
|
|
|
|
|
|
|
|
|
Re: لقاء علي الهواء مع نفسي! (Re: عادل جبارة)
|
يسعد صباحكم اعزائنا المشاهدين في مشارق الأرض ومغاربه..سعدنا أن يستمر التواصل بيننا وبين الشتاذه مني عوض خوجلي..
صباخ الخير أستاذه مني..كيف حالك..
أهلا وسهلا الأستاذ المذيع وصباح الخير أصدكائي في مشارق الرض ومغربها وكمان شمالها وجنوبها..بطل عنصريه يامذيع..ليه ما ذكرت جنوبها وشمالها؟
عايز تزعل حبايبنا مننا؟
آسف والله ما القصد..نرجع يا استاذ لسؤال من الأستاذ عادل جباره..كلامه وسؤاله واضح جدا..بيقول
Quote: منى
ما عندي أي سؤال .. لا غبي .. لا زكي
بس مستمتع جدا بالأسئلة الزكية والإجابات
الأزكى منها ..
بس برضو في حاجة عايز أسألك عنها
صورتك بتاعة البروفايل دي وأنتي بتضحكي .. الكان بضحكك شنو ؟
عادل جباره |
ها ها استاذ عادل ضحكتني من جوه قلبي..انت زول ظريف خالص..ويارب تستمتع بكل الحلغات الجايه معانا..
اها شفت زي سؤالك ده...بيخليني أهز الذاكره كده..وبعدين اسرح في جوطتها بعد ما تهتز..
انا كنت في جبل اولياء في سبتمبر الفات..مع حبايبي بورداب الخرطوم..
وطبعا كنت فرحانه جدا ..علشان لعبنا في المويه ورشينا بعض وغنينا سوا وكمان اكلنا سمك فرش
وطعمه سمح خلاص...يعني الولد الصياد كان يصيد من هنا.. والبت المحمره تحمره من هنا..مش في مثل بيقول من دقنه وافتله؟ خلاص أكلنا كان كده..عارف من زمان خالص نفسي استعمل المثل ده وما لاقيه مناسبه..مرسي علي البروفيشن للفرصه..المهم نسيت اقول ..
واحنا من الهنا التالته ناكل السمك..الله كانت ايام جميله..
اللحظه ديك بالذات ..كان الولد اسلام ولد منال وهو ولد عسولي شديد واي زول بيحبه.. كان بيرشنا
أنا وشاهين شاهين وشاذلي ...التقول شاهين واحده ما كفايه! ..وقدامنا من الناحيه التانيه عاطف وديدي الحلو..نعومتي وعثمان تراث..الله عليهم حلوين بشكل!
ايوه وكمان منولي وطله بيصور..
شوفت عثمان ده حلو بشكل..المره الجايه قال أماني بتجي معاه وهي زاتهاقالت لي بجي المره الجايه..
المهم انت جبت لي سيره حلوه خلاص!
ايوه نسيت كان برضه في الملك وعزه بيرشونا مع اسلام..صراحه كتار كانوا في وكلهم حلوين..
اها الضحكه دي كانت معاهم كلهم..وعلشان أنا بعزها شديد ختيتها في البروفايل..
أي استفسار آخر يا استاذ عادل؟
مرسي علي كل حال واتمني اسمع منك تاني..
ممكن شوية راحه يا استاذ يامذيع؟
علي فكره ذوقك في اللبس لسه رمدان!
سي يو
| |
|
|
|
|
|
|
|
|
|
Re: لقاء علي الهواء مع نفسي! (Re: khaleel)
|
مساء الخير اعزاؤنا المشاهدين..نرجو أن تكونوا قد استمتعم بنهاركم..
قال الشاعر
ليتني ذهبت معها بدلا من ان تاتي هي..
بهذا البيت العظيم...نرحب بالأستاذه مني ونواصل معها حوارنا الطويل..
استاذه مني.. معانا اسئله عديده من صديق البرنامج وصديقك خليل..خليل الحقيقه عنده تلاته اسئله
ممتعه وكالآتي
Quote: منوية
لو ذهبتي للقمر من تاخذين معك
تخيلي السودان بعد مائة عام
ماذا تعني لك تلك الكلمات
الليل الحب الزواج الاطفال |
مرسي يا استاذ يا مذيع..واهلا باحبائي المشاهدين...اتمني البلاوز بتاعتي دي تكون عجبتكم زي حلقي العاجبني ده..لونه جميل..صح؟
يا سلام يا خليل فكرتني الراجل آرمسترونج مش هو الكان مشي القمر؟
شيطان شفته مشي عليه كيف؟
طبعا لو مشيت القمر هاخد معاي نفسي..ولو يعني لازم خالص زول تاني باخد آيه بتي من غير زوجها..حركات حموات ونسايب وكده..مره من نفسنا!
السودان بعد مائة عام اكيد مختلف ..واول حاجه الأسم امكن يطلق علي منطقه أو عدة مناطق قررت تتحد..احتمال يكون جمهورية السودان الأتحاديه..وتلقاه زي الشوارع في مصر..شارع محمود بسيوني
معرفش شارع مين سابقا..
يعني تزيد الهم علي الفقر!
تلقي دنيا مختلفه خالص..بس فيها آثار ماضي واضحه..ياسلام لو نحضر بعد مائة عام!
علي كل حال أنا عايزه ربنا لو خلقنا تاني ..يخلقني ضبانه ميتانه في السودان..علشان اجي العصريه
والدنيا حر شديد وأكيد برضه الكهرباء قاطعه..أزن للناس في وشهم وأزهجهم..واشوفهم عندهم حماقه
زي اسه ولا لأ؟
سؤالك الأخير ده حقيقي سؤال فلسفه عميق..الليل والحب والزواج والأطفال!
عارف الأربعه مابيتلموا في وقت واحد ويكونوا متيقظين!
لكن ممكن نقول الليل والحب..عارف النهار ذاته بيزهج الحب..اما الأطفال بقي.. فديل القلق والأنتقام بالليل..اما الزواج فيالهوي عليه!
العايز يتزوج ..يتشهد ويعملها..اصله كله أمر الله..لازم تتشهد وتستناه..
عمرك شفت حب وزواج واطفال فرحانين بالليل؟
الليل ده دنيا براها كده..فيه ايقاع مختلف تماما من ايقاع النهار..
فيهو انت والبجواك انت والبتفكر فيه انت!
عكس النهار الأنت فيه ضايع في تفاصيل الدنيا وجريها وبعداك زواجها وشفعها..
علي كل حال الزواج تجربه ممكن تكون جميله..لكن الأجمل علي الأطلاق هم الأطفال..حلوين لدرجة
الخلق الجميل المتكرر والمتعه اللانهائيه..
مرسي خالص استاذ خليل..من فضلك خليك معانا..
استاذن يا استاذ يا مذيع..الليله حاسه كده كأني -الف بعد الشر عليا- عيانه!
ممكن نتقابل بكره ونوقف تسجيل دلوقتي؟
وبالمره تكلم الزول الفي كاميرا ده مايصورني من ناحية خدي اليمين..علشان فيه جرحه صغيره
ماعايزه زول يشوفها..
تصبح وتصبحوا علي خير!!
| |
|
|
|
|
|
|
|
|
|
Re: لقاء علي الهواء مع نفسي! (Re: عماد محمود علي)
|
Quote: أنا كنت معاهم مدسيه في نصهم..
بحبك يا سمسم |
وأنا كمان بحبك يامنى
عشان كده بقترح عليك نعمل برنامج أسماء فى بوستاتنا
عشان الناس يموتو فيه من الحب
علي قرار أسماء فى حياتنا الكل ناسو ماتوا بس ما عارفة من إيه !؟
| |
|
|
|
|
|
|
|
|
|
Re: لقاء علي الهواء مع نفسي! (Re: سمية الحسن طلحة)
|
ثانيه عندي تعليك مهم يا استاذ يا مذيع للأستاذه سميه
ياريت والله نعمل الكلام القلتيه ده..
Quote: وأنا كمان بحبك يامنى
عشان كده بقترح عليك نعمل برنامج أسماء فى بوستاتنا
عشان الناس يموتو فيه من الحب
علي قرار أسماء فى حياتنا الكل ناسو ماتوا بس ما عارفة من إيه !؟ |
عارفه دي بتكون مواضيع مجنونه جدا..أقدر فيها البس تيابي بتاعة الشيفون والتانيه الفيها تطريز..
عارفه في توب طلع فيه تطريزات حلوات جدا..اشتريت منهم أربعه الوان باربعه رسمات..عارفه كل بوست فيه موته..ألبس معاه توب منهم..ومش كده وبس..عارفه المفاجأه شنو؟
برسم نفس رسمة التطريز الفي التوب علي ايديني وقدمي بالحنه..مش فكره مبتكره؟
المهم انتي شوفي النومينيشن لأسماء في بوستاتنا وننفذ طوالي..
بس بيتهيألي نعمل حلقتين بروفه..يعني نعزم اتنين مستغنيين عنهم..علشان لو ماتوا يبقي برنامجنا فعلا ناجح وبيستمر سنين طويله..لو ما ماتوا برضه خير..نطمئن ونعزم الأسماء البنحبها..
الله عليك يا سميه افكارك مختلفه وشيقه..مرسي حبيبتي..
وريني علشان اشتري التياب والاكسسوارات!
وينو الستاذ المذيع؟؟
| |
|
|
|
|
|
|
|
|
|
Re: لقاء علي الهواء مع نفسي! (Re: hamid brgo)
|
استاذه مني...يسعدنا أن نلتقي بك بعد غياب طال أمده..وصلتنا العديد من الميلات زرسائل كثيره للغايه..والحقيقه ماعارفين الزمن يسمح ولا علشان نستعرض التعليقات وتقومين انت بالرد علي
الأسئله..
اهلا وسهلا يا استاذ يا مذيع...مبسوطه خالص بالرجوع..كنت خايفه خوف ما اظهر تاني علي الهواء!
المهم انت عملت في شكلك شنو؟
شكلك استعدل شويه امكن علشان لون القميص مع الكرافته حلوين في تناسقهم ..
اهلا وسهلا اصدكائي الأعزاء وقدامي سؤال من أخي العزيز حامد برقو,,واظنو سالني من الأغنيه دي
Quote: الاستاذة منى
عايزين نعرف مناسبة الاغنية الجميلة -هجيني آه عجيني آه ني ني ني
قيل انها تمثل قمة الاندياح و الانبطاح الوطني
تقولي شنو....... |
عارف هي بالتحديد ما متأكده منها..مازي ما متاكده من اغنيه
والنبي لأهشه ده العصفور..وانكش له عشه ده العصفور!
وكانوا الجماعه اياهم بتوع الأمن كل مايلقوا الناس في حاله اندياح سياسي يتغاظوا..وكله بسبب الخوف..يقوموا يقولو ديل قاعدينلهم فوق راي..
ويعملو هجمات ويكشوهم..
اها كما في ناس النظام العام ديل بقي تخصص..كل مايشوفوا الاحبه اتنين اتنين..وفي محل عام..يمشوا طوالي يهجموا عليهم.. ما ماعايزنهم يبنوا عشهم عش العصافير..طوالي ينكشوه..
عارف يا حامد..الواحد لو سألوهو سؤال وهو ما عارف يجاوب عليه..طوالي يقول ما عارف الأجابه..
لكن تسأله سؤال ويألف اي حاجه كأجابه يبقي عيب وجهل كبير..
زيي اسه انا هنا..علشان عارفه الأجابه طوالي اجبت سؤالك بكل ذكاء انا مشهوره بيه..رأيك كده زيي..مش كده؟
ما تغيب..سمح؟
| |
|
|
|
|
|
|
|
|
|
Re: لقاء علي الهواء مع نفسي! (Re: فاروق حامد محمد)
|
يا استاذ يا مذيع..ممكن تكلم صاحب الكاميرا يجيب معاه صاحب كاميرا تاني؟
عايزه اظهر كتير كتير في وقت قليل..من فضلك..
وبعدين خليهم يركزوا علي لبسي وبالمره ملامحي..مرسي خالص!
استاذه مني المشاهد فاروق رجع لينا بتعليق علي اجابتك ليه..ياريت تشاركينا بالتعليق..
بيفتكر انك في حديثك السابق كنت قاصده تقولي كده
Quote: مرسي خالص علي اسئلتك التي تدل علي وعيك التام بقضايا الوطن
وقضايا أمتين العربية والاسلامية ..
مرسي يا منى انت كنت عايزة تقولي كده ,, لكن نسيت .. مش ؟؟؟ |
أهلا استاذ فاروق اسعدنا رجوعك وتعليقك..طريف..حقيقي يعني طريف!
يبدوا لي انه الأستاذ فاروق بيشير الي ثلاثه نقط..نقطتين ظهرا في كلامه والتالته مبطنه..
القضايا العربيه..
القضايا الأسلاميه
القضايا الأفريكيه..
ونحب نقول انه علي الرغم من انه الأسلام ارتبط بالعربيه.."العربيه كعرق وكثقافة لغه وتقاليد..
وكل الحاجات الأنتو عارفينها او ما عارفينها امكن..الا انه الحقيقه دلوقتي انه الأسلام انتشر بين
غير العرب وغير المتحدثين بلغه عربيه في كل اطراف العالم..
خد عندك زوج آيه اهو مسلم حسن اسلامه وما بيعرف عربي غير كلمة خالتو!
خد عندك مثل أكبر. كارة آسياوافريكيا..شفت كمية المسلمين فيهم قدر ايه؟
ومابيعرقوا يتكلموا عربي..وبيقروا المصحف الشريف مترجم بحروفهم..او بالأنجليزيه!
ياربي ده كان له اثر سلبي ولا ايجابي علي ضمور الشعور بالقوميه العربيه؟
ما علينا خلينا في موضوعنا..
المهم انت عندك في الدول العربيه مجموعات واسعه مسيحيه..مثلا في لبنان..في فلسطين.وفي سوريا..
في مصر..ودي كلها شعوب لها ويجب أن يكون لها.. حقوق دستوريه مساويه للآخرين..فالأصل انه أي انسان مواطن..له الحق المساوي للمواطن الآخر في نفس الوطن..حتي لو دمه تقيل.. ويمارس نفس الحقوق وعليه نفس الواجبات..
اذا ربط الأسلام بالعروبه أو العكس كلام لم يعد كاف لتحليل الأوضاع او الحداث التي تؤثر فينا..
أما ان حاولنا أن نطبق هذا الحديث عن السودان..فالموضوع بيوسع ويزيد..
السودان ده حاجه غريبه افريكيته موجوده و"وعربته" موجوده اسلامه في وعلي نوعين وحياتك..اسلام كده بتاع استعباط ومتبنياه الدوله..واسلام بتاع ربنا متبنينه الناس..ودي براها منطقة صراع..ده غير الأديان المرتبطه بثقاقات قبائلها في الجنوب وغير الديانه المسيحيه..اييييك..لو قعدنا نتكلم هنا ما بنخلص..المهم..
الجماعه الحاكمين في السودان لما يذكروا افريكية السودان بيذكروها كده علي استعجال وفي نص الكلام..واخد بالك؟
زي شنو..زي واحد عايز يقول حاجه وهو ما مقتنع بيها لكن لازم يقولها علشان القاعدين يرضوا..
لكن بقي لما تجي لسيرة العروبه..تقابلك زغاريد..وكريمات تفتيح لون..وهتافات عجيبه..
عارف ديل لسه رابطين العروبه بالسلام وخلاص..ومضيعين في النص اي حاجه تانيه..
دلوقتي خد عندك موضوع دارفور..ولا بلاش الجماعه اياهم موجودين..
العايزه اقوله..انه ده زمن مابينفع فيه نظره احاديه للأشياء..ولا عزل الغير من اي جانب للجانب الآخر..
وحتي علي المستوي الفردي انت حر تشوف نفسك عربي ولا افريقي..او الاتنين..او ماتشوف خالص..
اذا انا قلت ليك حبوبة حبوبتي كان جدها ابو ابوها من لبنان..وانا عربيه..انت ما ليك حق تزعل؟
تيك ات ايزي انا قلت انا عربيه خلاص أبقي عربيه..وماليك دعوه اذا مناخيري كبيره ولا صغيره..
ولا حتي مافي خالص!
وفي نفس الوقت ..اذا أنا قلت ليك جد ام حبوبتي ام ابوي من الكونقو برازفيل ولا الكونغو كنشاسا
انا افريكيه سوداء..خلاص ما تزعل ..افريقيه افريقيه..
زمان ديكارت قال انا افكر انا موجود..كان في زول غالطه قال ليه لأ انت ماموجود.. ولا انت ما بتقدر تفكر؟
المهم لازم نحترم نظرتنا لهويتنا ونحترم مايراه الآخرين في هويتهم كأفراد.. بس نسعي يكون في نظام سياسي في بلدنا يستوعب كل تلك الهويات..ويحفظ لنا حقوقنا كمواطنين..
ممكن مويه لوسمحت؟
بتصور في شنو انت كمان..دي كباية مويه ايه يهم المشاهدين في انهم يشوفوني بشربها؟
مرسي
| |
|
|
|
|
|
|
|
|
|
Re: لقاء علي الهواء مع نفسي! (Re: عبد الدائم سيد أحمد)
|
مساء النور استاذه مني..تحبي تواصلي في باقي اسئلة المشاهد عماد؟
والله الحقيقه اسئلة عماد اسئله عميقه ومتوغله في اصل وجودي..بس بسراحه علبة الكلينكس خلصت..وفي نفس الوقت عايزين نشوف باقي المشاهدين واسئلتهم..
ممكن يا استاذ يا مذيع حبه هنا وحبه هناك؟
يعني جاوبنا سؤالين من عماد...نشوف سؤالين من ناس تانيين وتاني نرجع لعماد..تكون انت بالمره اشتريت علبة كلينيكس جديده..ممكن؟
الله يفتح عليك يا استاذه..الحقيقه علي الرغم من اننا بنحب نشوف دموعك..اقصد يعني نحب نعرف انه واحده مشهور بالشكل ده زيك..تكون بتبكي..الا اننا نشتري ليك اربعه علب مناديل مش واحده..
مرسي يا مذيع بس حقيقي واحده كفايه..ممكن نواصل في الأسئله؟
الحقيقه يا استاذه الأسئله الجايه ما اسئله قدر ماهي تعليغ..
كويس جدا وين التعليك ده؟
المشاهد عبد الدايم بيقول..
Quote: اولا" حيلمو فيك 3 مذيعين
الاولى تسألك ؟
والتانية تقاطعك !
والتالت يقول ليك :
فـاصــل ثم نواصـــــل ....
وما حنفهم منك اى حاجة ؟
ومساء جديد يا منى .... |
ها ها ها..الله علي كلامك..شفتهم بيعملوا كيف؟
تقتكر بيعملوا كده ليه؟
اليوم داك كان عندنا تسجيل..البرنامج زي مافهمت من المخرج كان وادح جدا..وسهل التناول..
يعني ثقافه افريج ممكن تخليه برنامج ناجح جدا...
اا بي افاجأ وزميلي المستضاف معاي في يوم الحلقه بزولتين غريبات جدا في مظهرهم و تصرفاتهم..بس الأغرب من كده كان استغراب تاني..شغلوهم كيف؟
واحده فيهم تتكلم بادينها وتعمل حركات بربشه كده بعيونها...وتدوخ الاسئله بالحركات قبل ما تقولها..
وبعدين لما تقولها انت ماتفهم هي عايزه شنو بالضبط..بس لأنك عارف الفكره تجتهد في الأجابه..
عمليه مرهقه خالص!
ولا كمان الزوله التانيه ديك البتلبس دهب كتير ..اول ما ابدا الكلام ولسه ماخلصت نصه...تقوم تقول ليها كده كلام من ورقه قدامها ما يكون عنده اي مناسبه..زي العايزه الزول المافاهم حاجه يتغشي ويقول ماشاء الله عليها مناقشه بارعه!
تخلي الكلام الفي راسك يضيع..عارف احنا المشهورين ما بنحب الحركات بتاعة المضايقه دي..المهم الواحد برضه بيخت في باله يكمل كلامه...بس أول ما تقرب تصل لآخر الحديث تنط هي..وتقول..
والله سعدنا جدا بلغاكي يا استاذه مني ونرجو انه الساده المشاهدين يكونوا استمتعوا بهذه الحلغه من برنامج مشهورين ولكن..
ومعليش ان شاء الله في المستغبل تكون في مساحه اكبر لأكمال الحديث ذو الشجون..
شكرا استاذه مني..
ولسه ما كملت شكرها يجيك زولنا داك ابو دم تقيل ..عرفته؟
بدون اي مقدمات ينزل الفايل الشايله وماعارفه هو اساسا جابه ليه..بحركه متصنعه كده..يخته فوق الطربيزه القدامها زهريات ووشوش فرعونيه وعلي يمينها نخله وعلي الأرض مفرش ستان برتقالي ..وزير صغير..
ويقوم فجأه يقول..
والأن بعد لقانا الطويل مع الأستاذه مني والذي ناقشتها فيه الأستاذه نهارات والأستاذه صباحات والذي
استمتعنا فيه تماما وارجوا ان تكونوا قد استمتعم به انتم ايضا..نستمع الي قنوه حلوه من الفنان الصاعد بسرعه دون توقع سابق سامر البارينا ..
تصبحوا علي خير..والي لقاء
| |
|
|
|
|
|
|
|
|
|
Re: لقاء علي الهواء مع نفسي! (Re: Muna Khugali)
|
Quote: عارف سؤالك عميق وذكي يا دكتور محمدالحسن..عكس سؤال محمد هارون جابو من ياتو داهيه
ماعارفه! |
وأنا أضحك وأنا وأنا يا الخوجلية,,, إنت عارفة لما أكون طفشان زي ما قالوا الجماعة بعرج بيجاي عشان أشوف الدنيا بالبنفسج.
سؤالين محتار فيهم أوي أولاً: بلدكم دي كيف المخارجة منها؟؟ وإذا قدر الله وأتخارجنا نمشي وين يعني ما هي شوية البقيرات واتسرقت ياحسرة ... طبعاً دا آخر خبر ما أظنك سمعت بيهو...
| |
|
|
|
|
|
|
|
|
|
Re: لقاء علي الهواء مع نفسي! (Re: أحمد الشايقي)
|
الاخوات والاخوة الشرفاء اعضاء المنبر العام يسعدنى ان اهتبل هذه السانحة لاحييكم عبر هذا البوست السائب .
وبنزعتى الانقلابية الشريفة!!! فقد قررت ادارة هذا الحوار مع الاخت الكريمة بت العوض . ومن ثم تعتبر جميع الاسئلة السابقة ملغاة ولا اثر لها من الناحية القانونية . وفي حال تعارض اى سؤال سابق سواء في هذا البوست او خلافه مع الاسئلة المزمع طرهحا - حتى وان كانت غير موضوعية - فان الاسئلة المزمع طرحها ستسود على ما سواها .
صدر تحت توقيعي وخاتمى في هذا اليوم الثلاثاء الموافق لليوم 19 من شهر يونيو للعام 2007
والسلام عليكم ورحمة الله تعالي وبركاته
هيييييييييييييييييييع
| |
|
|
|
|
|
|
|
|
|
Re: لقاء علي الهواء مع نفسي! (Re: الطيب شيقوق)
|
Quote: وبنزعتى الانقلابية الشريفة!!! فقد قررت ادارة هذا الحوار مع الاخت الكريمة بت العوض . ومن ثم تعتبر جميع الاسئلة السابقة ملغاة ولا اثر لها من الناحية القانونية . وفي حال تعارض اى سؤال سابق سواء في هذا البوست او خلافه مع الاسئلة المزمع طرهحا - حتى وان كانت غير موضوعية - فان الاسئلة المزمع طرحها ستسود على ما سواها .
صدر تحت توقيعي وخاتمى في هذا اليوم الثلاثاء الموافق لليوم 19 من شهر يونيو للعام |
الطيب شيقوق هسع أنا جبت معاي ثلاثة أسئلة عن حماية الديمقراطية
ألقاك عملتا إنقلابك ده .. يعني خلاص نوديها الأمم المتحدة
أو غير المتحدة والله دول عدم الإنحياز .. لا.. لا .. أحسن
ما نبعد .. دول الساحل والصحراء أولاً قريبة وبتفهم الكلام
وبتشبه بلدنا وعندها خبره أكبر بالدوائرة الجهنمية ..
وبرضو بتكون عارفاك بتتراجع في قرارك ده (قبل أن يصيح
الديك) .. أها لامن أجيك .. نشوف أسئلتك بس ما تقول لي
عن التوجه الحضاري .. وتمايز الصفوف ..
| |
|
|
|
|
|
|
|
|
|
Re: لقاء علي الهواء مع نفسي! (Re: Mohamed Abdelgaleel)
|
العزيزة منى
بث الشديد القوى جابنى راجع بعد طول غياب
و عادة الشديد دا بكون بوست رائع كهذا
بدا البوست بداية توصف بانها بداية البوح
ولكن
المهم
فعلا ان الانسان اذا رغب فى حب الغير يجب ان يتعلم ذلك من حبه لنفسه
The best of life is to love yourself
لم يقولوها اعتباطا
ولكن هنا توصف بالانانية اذا قلتها
اما اظهار المشاعر الحقيقية للمرء فهو شئ لافكاك منه حتى و ان كانت سلبية كالحسد و الغيرة
سؤال يابت خوجلى:
هل تشعرين انه ان اوان البوح ام ماذا, هذا مااستنبطه و انا اقرا السطور الاولى
سؤال صغيرونى:
داير اعرف متين بتجيك حالة الخلق الفنى صباحا ام مساءا البتخلي بوستاتك مترعة و رهيبة
لانى كلما رغبت فى الامساك بقوس قزح لا اجد لذلك سبيلا
| |
|
|
|
|
|
|
|
|
|
Re: لقاء علي الهواء مع نفسي! (Re: ابوبكر على)
|
اخي امحمد ود عبد الجليل
Quote: الطيب شيقوق هسع أنا جبت معاي ثلاثة أسئلة عن حماية الديمقراطية
ألقاك عملتا إنقلابك ده .. يعني خلاص نوديها الأمم المتحدة
أو غير المتحدة والله دول عدم الإنحياز .. لا.. لا .. أحسن
ما نبعد .. دول الساحل والصحراء أولاً قريبة وبتفهم الكلام
وبتشبه بلدنا وعندها خبره أكبر بالدوائرة الجهنمية ..
وبرضو بتكون عارفاك بتتراجع في قرارك ده (قبل أن يصيح
الديك) .. أها لامن أجيك .. نشوف أسئلتك بس ما تقول لي
عن التوجه الحضاري .. وتمايز الصفوف .. |
انا لا اخشى هذه التهديدات كل ما اخشاه هو قيام صاحبة البوست هذه بعمل حكومة طواري على غرار حكومة ابي مازن لا سيما وانها من قبيلة ادمن اهلها صناعة الانقلابات في بلدنا الحبيب .
| |
|
|
|
|
|
|
|
|
|
Re: لقاء علي الهواء مع نفسي! (Re: الطيب شيقوق)
|
الطيب .. قالت منى:
Quote: يبقي الوطن هو الناس والأرض... والماء والزرع وماعاش بينهم من حب وكره وهدوء مشاعر وحزن وفرح..هو احساسك وذكرياتك مع الغير فوق ارضه..
هو ذلك الأحساس الخاص الذي يدفعك في اقل من ثانيه لأن تدافع عنه مع الآخرين غير خائف أو متردد..
الوطن انتماء اقوي من اي انتماء.. |
يعني حسب رأي منى الوطن هو مكان شاعري .. تحب وتكره .. تحزن وتفرح .. وأنت تحتضن ذكرياتك .. تجاه جغرافيا ترتبط بها بأواصر عزيزة نمت على تلك الأرض .. وهو المكان الذي تنهض واقفاً وتقدم
له كل شيء .. فهو يستحق أن تدافع عنه طول الوقت .. لأنه المكان الذي يشعرك بالدفء والمعنى .. لأنه يحفظ حقك وكرامتك وحريتك في ممارسة إنسانيتك.
إذن أنت تتحث عن وطن آخر عشان كده قلت الكلام ده:
| Quote: انا لا اخشى هذه التهديدات كل ما اخشاه هو قيام صاحبة البوست هذه بعمل حكومة طواري على غرار حكومة ابي مازن لا سيما وانها من قبيلة ادمن اهلها صناعة الانقلابات في بلدنا الحبيب . |
يعني لا تخشى شيئاً أبداً وقول كلامك كلو وما تنسى إنتا على الهوا مباشرة ..
ومافيش لا حكومة طواري ولا حكومة فؤوس .. فالوطن في هذا البوست هو وطن
إفتراضي خارج أطر كل الأوطان التي يتولى فيها البعض إعادة سبك البشر
ليخرجوا وفق مواصفاتهم .. بلا طعم ولا لون ولا رائحة .. ولصعوبة المهمة
التي نسجوها .. تبقى النهايات المحزنة .. وتبطل المساعي التي بنيت
على الوهم الكاذب.. ونواصل .. وبرجع لسؤالاتي التلاتة:
الأستاذة منى:
1) ما هي ملامح الوطن الذي تتمنين؟
2) ما هي ملامح الوطن الممكن .. على أرض واقعنا؟
3) البعض يقول أن الوطن هو حيث تجد نفسك وقيمتك .. ما رأيك؟
وبعد الإجابة عندي أسئلة تاني ..
وبعدين يا الطيب لو ما طلعت
من الآوطان اللسع فيها إنقلابات .. سأقوم بتوجيه بعض الأٍسئلة
الهوائية لك .. خاصة أن المحطة التي يدور عليها هذا الحوار
محطة كثيرة المشاهدين وسوف
| |
|
|
|
|
|
|
|
|
|
Re: لقاء علي الهواء مع نفسي! (Re: ابوبكر على)
|
معنا بالاستوديو في هذه اللحظه الشفق..الاستاذه مني عوض خوجلي في تسجيل حلقاتها الأخيره قبل سفرها الغريب..
نسال الله لها سلامة الوصول ونتمني لها غضاء اجازه جميله مع الأسره والأحباب..
مرحب بيك استاذه مني..
اهلا يا استاذ يا مذيع..وازيكم يا مشاهدين..فعلا انا ماشيه اجازه طويله شويه..بس حكيكي بتكونوا في بالي دايما..
وبدعي ليكم من كل كلبي ربنا يرزق تلفزيونكم التعيس بيميزانيه وكفاءات حلوه أكتر..
والجماعه المصرين يلبسوا جاكتات ضيقه عليهم ..يبقوا يعملوا ريجيم ولا يشتروا جاكتات أكبر شويه..
بصراحه منظرهم ما بيكون حلو..والمشاهد بيدفع التمن..لأنه بيحس انه مخنوق..وعايز باي طريقه يدخل جوه التلفزيون يفك للمذيع ولا المذيعه زرار الجاكته.. علشان يقدر هو ولا هي يرتاح ويرتاح معاهم..
مش كفايه يعني البلاوي التانيه تامينها بخنقة جاكته؟
المهم يا استاذ يا مذيع..عندك ايه من الأسئله؟
والله عندنا مشاركه غيمه من الأستاذ ابوبكر .زي يوافقك فيها في اهمية انه الزول يحب نفسه وبيسألك
هل تشعرين انه ان اوان البوح ام ماذا, هذا مااستنبطه و انا اقرا السطور الاولى
سؤال صغيرونى:
داير اعرف متين بتجيك حالة الخلق الفنى صباحا ام مساءا البتخلي بوستاتك مترعة و رهيبة
لانى كلما رغبت فى الامساك بقوس قزح لا اجد لذلك سبيلا
بالنسبه للسؤال الأول هايكون ان شاء الله عندنا بوست مخصوص عن الموضوع ده.. مع مواضيع تانيه..
خليك معانا وانت تعرف!
بس ملاحظتك زكيه فعلا..البوست ده زي البوستات التانيه وما يحجث معاها في كتير من المرات..
بيبدا بهدف محدد في الذهن.. وبيتغير مرات يساره..ولما يغير مساره بشوفها فرصه بتاعة اكتشاف
جاتني من ربنا ومش من المخرج..ومابرجعه للمسار الأول..لأنه انا بحب مرات ما ارتب الحاجات وأخليها هي الترتبني..
والبوست بتاع البرنامج ده بقي فيه حاجات كتيره طلعت كده لوحدها..وامكن كان بيكون في اكتر كمان!
بالنسبه للسؤال التاني..البوست البرنامج ده كتنفيذ جه في راسي لحظة كتابته..ما بحضر من بدري لي حاجاتي وده امكن يكون عيب..اقصد بعض من حاجاتي البكتبها وبقولها هنا..
هو اصله با الكلام موجود بالنفس ومنتظر فرصته يطلع ..يا مفيش كلام من اصله..وبكده عمره ما بيطلع كويس....
عارف مرات تكون ماشي في الشارع تشوف منظر يجرك بتفكيرك لذكري قديمه او يخليك تفكر في الموضوع بطريقه مختلفه وتجيك رغبه تتونس بالحاجه دي وتجي طوالي دون تردد تختها هنا صوت ولا كتابه...بدون رتوش وزي ماهي وبس..
ولا تشرب قهوه تخليك مرتاح والأفكار كده براها تجي..
بس ساعات الصباح الأولي دي بتخلي الزول يكتب بمزاج أكتر..لانه القهوه ذاتها معموله بمزاج أكبر وطعمها اجمل..
المهم التلقائيه في كل شيء مهمه جدا..وسيبك انت من التعقيدات اياها..
زي الهمزه ما كانت علي السطر ليه؟
هي حره الهمزه تقعد علي السطر ولا حتي تمشي مكان تاني..
اتحكموا انتوا في همزاتكم وسيبونا احنا مع همزاتنا...مادام همزاتنا مؤدبه وطيبه وبنت حلال..
والناس شايفاها يبقي خلاص..ولا ايه يا استاذ ابو بكر؟
العايز ياكل باميه ياكلهاولو عايز معاها رز ممكن كمان...والعايز ياكل ملوخيه هو حر برضه ياكلها..بس ياريت ياكل من غير ما يعمل صوت..علشان عيب الواحد ياكل بصوت..
مرسي استاذ ابو بكر علي الأسئله الونسه الشيكه...
شكرا استاذه مني وتحياتنا ليك..عندنا الليله أغنيه هديه ليك من المشاهدين..تحبي تسمعي شنو؟
ممكن بسبب الفراق الحزين الكادم بينا تسمعنا أغنية البيغني فيها الفنان الكبير الكاشف
ليه كده..الهجر ده..
ممكن؟
| |
|
|
|
|
|
|
|
|
|
Re: لقاء علي الهواء مع نفسي! (Re: الطيب شيقوق)
|
استاذه مني..
ماهو رايك فيمن يقول انه قد الغي بسلطاته كل الأسئله السابقه الموجهه لك علي ان يصيغ هو وحده اسئله أخري..بيقول..
Quote: الاخوات والاخوة الشرفاء اعضاء المنبر العام يسعدنى ان اهتبل هذه السانحة لاحييكم عبر هذا البوست السائب .
وبنزعتى الانقلابية الشريفة!!! فقد قررت ادارة هذا الحوار مع الاخت الكريمة بت العوض . ومن ثم تعتبر جميع الاسئلة السابقة ملغاة ولا اثر لها من الناحية القانونية . وفي حال تعارض اى سؤال سابق سواء في هذا البوست او خلافه مع الاسئلة المزمع طرهحا - حتى وان كانت غير موضوعية - فان الاسئلة المزمع طرحها ستسود على ما سواها .
صدر تحت توقيعي وخاتمى في هذا اليوم الثلاثاء الموافق لليوم 19 من شهر يونيو للعام 2007
والسلام عليكم ورحمة الله تعالي وبركاته
هيييييييييييييييييييع |
مرحب الساده المشاهدين الأفاضل..ومرحب بيك يا استاذ يامذيع..
مين هو فيمن ده؟؟
ممكن توريني زياده عنه؟
نعم معذره يا استاذه..
هو الأستاذ القانوني الضليع الطيب بن شيقوق.. والذي يعيش الآن بسلطنة عمان..الاستاذ شيقوق معروف بطيبة قلبه وروحه الظريفه..وله بوستات كثيره في سودانيزاونلاين لو حصل قريتيها..
ايوه ايوه عرفته..كان رايح مني بس عشان انا بقول ليه شيقوق من غير الطيب..وخاصه لما احب اتونس معاه..
الحكيكه أنا سعيده برغبته في ان يطرح ماشاء له من اسئله..هم المحامين كده يموتوا في الكلام الكتير وفي الصياغه ليهو..
تقول كلام بلسانك..بعد شويه تناوله ليهم يكتبوه...يجيبوه ليك حاجه تانيه شكلها غريب يدوبك بعد تعب تفهم منه كلمه كلمتين..
تقول ليهم اشرحوه ياخدوا علي طول فلوس كتير منك..ولو ماطلبت يشرحوه تروح في داهيه وبرضه ياخدوا قلوس كتير منك..
اسأه بالنيابه عني يا استاذ يا مذيع عايز فلوس ولا لأ؟
علشان اقدر أكدر اخليه يسألني ولا لأ
| |
|
|
|
|
|
|
|
|
|
Re: لقاء علي الهواء مع نفسي! (Re: عصام دهب)
|
Quote: الوانه ماشيه مع لون عيوني..
أول حاجة لون عيونك ماشي وين ؟؟
بعدين نجي للما مهم .. |
أهلا استاذ دهب..سؤالك فري سمارت..عارف ليه؟
لأني لو جاوبت عليه بكون جاوبت علي الأتنين..شوفت كيف؟
الأيحاء هنا بان هناك سؤالين احدهما أهم من التاني..عايز تعرف لون عيوني ماشي وين..
طيب من غير ماتعرف لونهم في الأول ولا بعد ماتعرف لونه؟
التحديد مهم..
| |
|
|
|
|
|
|
|
|
|
Re: لقاء علي الهواء مع نفسي! (Re: Mohammed Haroun)
|
الحمدلله علي سلامة رجوعي للبرنامج بعد وعكه بسيطه..والحقيقه انا اتعلمت من الأستاذه مني أني احمدل لنفسي السلامه..نوع من الحب لنفسي وكده..والشكر ليكم أعزائي المشاهدين علي امطاري بالسؤال عني
وعن صحتي الغاليه.. وكما ترون في الشريط الذي يمر في نصف الشاشه الآن.. قد سجلت لكم فردا فردا شكرا خاصا لكل منكم يليق بشعوري الفرحان بيكم..وقبل كده فرحي بنفسي!
الحقيقه أنا قلت وعكه بسيطه...لكن والله مابسيطه..بس بفضل دعائكم لزول ظريف زيي كده خلاني فعلا
اقيف علي حيلي وارجع انور الشاشه..
طيب تبقت دقائق بسيطه علي زمن البرنامج..نرحب فيها بضيفة البرنامج الاستاذه مني ونواصل معها حوارنا..
مرحب استاذه مني..
أهلا يا استاذ يا مذيع..ممكن سؤال قبل ما نبتدي؟؟
جدا..اتفضلي يا استاذه..
انت البرنامج ده عامله لنفسك علشان تتكلم.. ولا للضيوف علشان يتكلموا؟؟
وقبل ما تجاوب..عايزه اقول ليك كلمه..
أمرك عجيب انت والمعاك ديلك!
أنا آسف با استاذه.. يبدو اني أسهبت في الحديث..فقط هو بسبب حب وخوف المشاهدين علي شخصي الكريم..فأرجو المعذره..
نرجو منك التعليق علي جملة الاستاذ محمد هارون وهو من برام..يبدو انه متاثر جدا.. بيقول
وأنا أضحك وأنا وأنا يا الخوجلية,,, إنت عارفة لما أكون طفشان زي ما قالوا الجماعة بعرج بيجاي عشان أشوف الدنيا بالبنفسج.
سؤالين محتار فيهم أوي أولاً: بلدكم دي كيف المخارجة منها؟؟ وإذا قدر الله وأتخارجنا نمشي وين يعني ما هي شوية البقيرات واتسرقت ياحسرة ... طبعاً دا آخر خبر ما أظنك سمعت بيهو...
مش ده هو بتاع السؤال المهبب اياه؟
سرقوا حيواناته وزعلان موت؟
طيب هو وين دلوقتي؟
اسفه جدا علي ضياع حيواناتك..
بس بصراحه علي الرغم من انها عمليه اجراميه.. مش من منطق السرقه غلط وبس..لكن من منطق انه الحرامي امكن يكون بيسيء معاملتهم!
علي كل حال حقو ما تزعل..غيرك اتسرقت ارواحهم هم وأجسادهم!!
ربنا يكون في عونك..ومن ناحية ماعارف تعمل شنو في مستقبل ايامك المظلم..عندي نصيحه قيمه..
سيبها علي الله!
وهو الجابك منه هنا غير ربنا ومجهودك الشاق علشان تجي؟؟
والله يا استاذه كنا عاوزين نواصل لكن زمن البرنامج انت
| |
|
|
|
|
|
|
|
|
|
Re: لقاء علي الهواء مع نفسي! (Re: Muna Khugali)
|
منو الحبيبة
تعرفي انك عسل
ما الطفك ..
أنا قايتو ما محتاجة اسمع برنامج
أو حوار معاكي صورتك واضحة عندي
من ساسك لرأسك ووجدانك الجميل ..
الزول الوسيم في طبعه دائماً هادي
وكلك حلو ..
وحاجات كثيرة تخليني ما في حاجة
لحضور مقابلة معكي ..
وحشتيني منو الغالية ..
| |
|
|
|
|
|
|
|
|
|
Re: لقاء علي الهواء مع نفسي! (Re: عواطف ادريس اسماعيل)
|
منى سلااااااااام وتحايا
بوست مختلف وكمان جدا
ولنبداء بالوطن والوطنية والمواطنة
مدخل اولى
الوطن هل هو الطفولة والشباب والنضج والذكريات
ام هو الارض والمكان ؟؟؟
ام هو الاقليم ارض وفضاء وجغرافيا .شريطة وجود حياة بشرية ( وجود ناس يعنى )
ام هو تعاقد بتساوى الحقوق والواجبات دون اخلال اى من الطرفين ؟؟؟؟؟
| |
|
|
|
|
|
|
|
|
 Re: لقاء علي الهواء مع نفسي! (Re: د.محمد حسن)
|
منو...
وصلتى لحدى ويين
ماتكملى الاسئلة
وتحياتى من قاهرة تحبيها....
بالمناسبة كلما احس بالزهج منها ومن دوشتها اتذكر محبتك وحكاويك انتى وطلال عنها احس بهمبريب من روحك جاى بيمسح زهجى
سلامات يامنو تانى
| |
|
|
|
|
|
|
|
|
|
Re: لقاء علي الهواء مع نفسي! (Re: Ishraga Mustafa)
|
شروقه حبيبتي اولا ماما كيف..
تاني تكوني دايشه لو زهجتي في مصر..
علي كل حال لو مابتقدري تطلعي جيبي الونسه عندك..
انشالله حتي تنادي علي مرات البواب ولا البواب نفسه..
,افتحي بس اي موضوع يخطر علي بالك بدايه من الحكومه بنت اليه للفول الغالي..
وبس..
كباية شاي والكلمتين القلتهم ليك ديل..
والونسه والضحك يجوك لغاية عندك..
ولما تسمعي اسمعي كويس..حتي جلدك خليه يسمع معاك..
لأنه المتعه في تعبيرات وتونات الكلام البيجي منهم,,
ولو عايزه تستمتعي أكتر..
خليهم اتنين يجوك..لأنك أكيد بتستمتعي أكتر لما تفتحي الكلام وتخليهم هم يتكلموا..
زي ما بنعمل في ورشات العمل علشان نطلع بكلامهم هم..
وعارفاك بكره بتجي وبتقولي الله يخليهم طله ومني..
ويخلي مصر..
رسلي لي رقم تلفونك وانا واصلاك قريب هناك..
بوسي لي ماما والعيال..
| |
|
|
|
|
|
|
|
|
|
Re: لقاء علي الهواء مع نفسي! (Re: khaleel)
|
Quote: منوية
عشان انتي لاك هيني ولاك ليني
اللقاء حاتعملوا اوبرا
في (mbc4) خليك جاهزة |
والله يا خليل نفسي أفشر زي زعبوله القله..وأقول أوبرا قدمت لي عرض اشتغل معاها قي برنامجها
وأنا رفضت!
تحيات خرطوميه ما فيها ولا هبوبايه بس رذاذ مطر!
| |
|
|
|
|
|
|
|
|
|
Re: لقاء علي الهواء مع نفسي! (Re: د.محمد حسن)
|
معذره اصدكائي المشاهدين..والأستاذ المذيع الذي تحمل حبي لنفسي..
ضايكني الوكت ولا اعتقد انني قادره علي أن ارد علي اسالتكم العميقه الآن..
ارجو ان اجد وقتا لأرجع لأسالتكم عت الهامش والتهميش..الهجره واثرها..الوطن والتوقعات وغيرها
من اسئلتكم..
لكن يجب علي الآن ان أودعكم وسأواصل معكم ما تمكنت من قاهرة المعز..
ويارب لما ارجع ألقي البنات البيلخبطوا في قراية النشره اتعدلوا شويه..
والكرافتات راح منها عباد الشمس والثعابين الملونه..
وده بس علي سبيل المثال..
فتكم بعافيه..
| |
|
|
|
|
|
|
| |
Muna Khugali
أحمد الشايقي
Mohammed Haroun
مجدي عبدالرحيم فضل
د.محمد حسن
فاروق حامد محمد
Mohamed Abdelgaleel
هاشم أحمد خلف الله
علوبه
omer almahi
انعام حيمورة
Ehab Eltayeb
عبد الدائم سيد أحمد
khaleel
قاسم المهداوى
الطيب شيقوق
خالدة البدوي
Khalid Saeed
عواطف ادريس اسماعيل
هند محمد
محمد المرتضى حامد
altahir_2
محمد المختار الزيادى
Ishraga Mustafa
فيس بوك
تويتر
انستقرام
يوتيوب
بنتيريست