|
Re: لحـظـة مـن فضـلك! (Re: Muna Khugali)
|
Quote: و يخيل لي أن الفرق بين الجـدادة أوالـدجـاجة يا أبوبكـر سيـد أحمـد ..ويخيـل لي فقط .. أنه فرق متعلق بقضـية الهـوية.. فهـي دجـاجـة عنـد مـن ينظـرون الي هـويتهم كعرب.. وجـدادة عنـد مـن ينظـرون لها كسـودانيين.. |
وفيتي وكفيتي ...
| |
|
|
|
|
|
|
Re: لحـظـة مـن فضـلك! (Re: abubakr)
|
رأفت أنـا عرفـت انه قـد تم بالأمنيات.... فصـل السلطات التفيذية عن التشريعية.. وصـار القضـاء مستقلا... وليس تحت سـيطـرة السلطـة التفيـذية... ولا يعين رئيس القضـاء بواسطة رئيس السلطـة التنفيـذية ومـا تغالطـني..اسـه اجـيب ليك أسماء المجـلس الوطـني كـله يؤكـد ليك الأمنية دي مـع واحـدات تانيات..أقصـد أمنيـات
ونـواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
عـارفـين أكـبر غلط في شـخصـيتنـا السـودانية شـنو?
هـو عجـزنـا الفاضـح عـن تحمـل المسـئولية كـاملة وتحمـل نتيجـة أخطاءنـا.. يـعني مثلا الزول تسـأله سـؤال واضـح ومحـدد... تقـول ليهـو عملت كـده ليه... يقـوم يقول ليـك مابراي عملت كـده..كمـان فـلان.. وفـلان.. وفـلان.. وفـلان... وفـلان عمـلوا! وكمـان بينظمهم ويرقمهـم... حكـم وبتصـعب كمـان!!
وانـا لمااتصـعب وآية جـنبي طـوالي تقـول لي
Mama, don't kiss your teeth!
ونـواصـل...
مـني
| |
|
|
|
|
|
|
Re: لحـظـة مـن فضـلك! (Re: abubakr)
|
Quote: حلمنا وقلنا نعوض حرمان جدنا الكبير المهاجر من الزومه وكان ما لاقى ياكل . |
الله يرحمـو جـدي عـبد الرحمن كـل الـكـان عـنـده نـخـلات ما عـارفـاهم كم وعكـاز كـبير..وكـان عنـده شـنب كـبير يخـوفنـا بيه وبس...
لأ نسبت ....كـان عنـده حـقـة مـليانة سـعـوط!
طيب جـدي ده يا منـال زي ماشـايفـاه كـان 'ماحيلتوش الا القضـا'.. يـعـني بالـعربي مـاهـنفـدر يا منـال... نحـلف ونقـول و'حـباة جـدي الباشـا'
يبقي مافي فـايـدة مـن تاج الملكـة....فهمتي ياحـبيبتي? وأوعي تفتكري أنـا بعمـل في ابتزاز ليكـي...لأ أبـدا ...الزمـن ده بقي مافيهـو اختشـا ... لأنـو الإخـتشو ماتوا... انتي ماشـايفاهم بيجـوا مـن تحت بقـر... يسـكنوا القصـور ويعاينوا لبنا مـن فـوق بتأفف?
وكمـان يفـولوا ليـنا لـو عجـبكم!
واحنـا كمان قـاعـدبن نصفق لبهم!!
نواصـل
مـن
| |
|
|
|
|
|
|
Re: لحـظـة مـن فضـلك! (Re: Muna Khugali)
|
يـرمي كثير ...ان لم يكـن كـل أعضاء التجمـع ...باللـوم كـله فـي كـل فشـل التجمـع علي السيـد رئيس التجمـع.... يهمـني هنـا نقطـة محـددة...
طـيب هم كــانوا ويـن لما هـو كـان بيتخذ قـرارات دون ارادتكم?
كـيف يتحكـم شـخصا واحـدا رئيس حـزب واحـد.... في اتخـاذ وتنفـيـذ فـرارات بـدون مناقشتها أوالحصـول علي مـوافـقـة باقي أعضـاء التجمـع?
وكـيف يقبلـوا هم... أي الأعضـاء مثل هـذا الوضـع?
أيـن هـي المسـئـوليـة التي حمـلتها لهـم أحـزابهم وتنظـيماتهم? أبن هـي رؤياهم?
ومـدام رئيس التجـمـع كـان ديكتاتوريا... يتخـذ وينفـذ سـياسـات خـاصـة بالتجمـع بمفـرده كما يصـيح البعض... فلمـاذا لم يسـتقل ممثليهم مـن التجمـع?
نواصـل بعـد شـوية باقي الحـديث...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
dear muna i hope you let me put a little poem here from ustaz nazzar I thought it will suit your post if not oi apologize in advance by the way i put a present for you and daughter aya from nazzar in one of my posts i hope you like it too لكَيْ أُقِيمَ دولةَ الإِنسانْ
from Mr nazzar gabbani لا تَسْأَليني من أنا؟
وما الَّذي أَفعلُهُ
كي أَتحدَّى الموتَ والزَمَانْ
أنا الذي أسْقَطْتُ ألفَ دولةٍ ودولةٍ
لكيْ أُقيمَ دَوْلَةَ الإِنْسَانْ .. mustafa
| |
|
|
|
|
|
|
Re: لحـظـة مـن فضـلك! (Re: Mustafa Mahmoud)
|
dear muna
i hope you let me put a little poem here from ustaz nazzar I thought it will suit your post if not oi apologize in advance by the way i put a present for you and daughter aya from nazzar in one of my posts i hope you like it too
Quote: لكَيْ أُقِيمَ دولةَ الإِنسانْ
from Mr nazzar gabbani لا تَسْأَليني من أنا؟
وما الَّذي أَفعلُهُ
كي أَتحدَّى الموتَ والزَمَانْ
أنا الذي أسْقَطْتُ ألفَ دولةٍ ودولةٍ
لكيْ أُقيمَ دَوْلَةَ الإِنْسَانْ .. mustafa |
شـكـرا مصـطفي أخـي العزيـز علي زيارتـك لنـا... وشـكرا علي ابيات شـعر العظـيم نـزار والتي أتيت بها هنـا وهنـاك ... سـأقـرأهـا وأشـرحها لآيـة..
ونـواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: كـيف يتحكـم شـخصا واحـدا رئيس حـزب واحـد.... في اتخـاذ وتنفـيـذ فـرارات بـدون مناقشتها أوالحصـول علي مـوافـقـة باقي أعضـاء التجمـع? |
دى بلد شنو ودى حكومة شنو حاجة تحير!!!
جاى أشرب كباية موية باااااردة من الزير وماشى
أسألى الوالدة جارة عن الدود النتر ده شنو والمرافعين الصحو خوف ديل منو أكيد عارفه
والدود جاى جاى لا محالة
جاى راجع
| |
|
|
|
|
|
|
Re: لحـظـة مـن فضـلك! (Re: رأفت ميلاد)
|
يـاربي دي دودة..اللابسـة اسـود وقـاعـدة فـوق الكـارو بمزاج يارأفت?
طـيب نتكلم عـن الـدود والكـارو..
صـباحكـم ورد ابيض معـاهـو فـل وفـرع أخـضـر...
نـواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
وللكـارو في الخـرطـوم شـكـل وتجـارب مـختلفـة عـن الكـارو في الزومـة.. الـكـارو في نيـالا كـلمة وبليـل..مـختلف عـن الكـارو في 'كـاس' دارفـور... أحكـي?
نـواصـل إذا قلتو آآآآي
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
ولا كلكسات ولا مطبات ولا "يا ناس ياآر بلاش شر " ولا جازوليين وبنزيين مخلوط ولا تايرات " كما تسمي عند العرب " مبنشرة " كذلك تسمي عند العرب" ولا اسبيس شاتل ولا همر ولا شوارع "المتعافي" الما "متعافيه" ولا "تحيا العولمة" والغاوي ينأط بطايتو ودمتم
| |
|
|
|
|
|
|
Re: لحـظـة مـن فضـلك! (Re: Manal Awad Khugali)
|
يا منال يا أختي بالله هسه كده ما بتعرفي ليك دكتور بتاع أنف وأذن و( حنجرة ) أصلو حنجرتي دي بتوجعني شديد، آآآآآآآآآآآآآآآآآي دي ما طلعت روحي ومن غير فائدة . صحيح غايتو جنس فقر من كرسي العرش في القصر الملكي إلى الكارو، ده إسمو كلام ده يا منال هسه الناس تقول علينا شنو؟ شعب ......... ملكته راكبه كارو أنا غايتو آآآآآآآآآآآآآآآآي بتاعتي دي سحبتها تب علشان ما تحكي وتجيب لينا الكلام. ما الجماعة ديك خاتين راداراتهم وأقمارهم الصناعية قصادنا عديل كده خائف بعد ما يخلصو من لبنان يقبلوا علينا ما نحن شعب ..................... .
أها فتكم بعافية ، قال كارو قال .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
طـيب ياعماد ومنال أنـا سـأحكي عـن الكـارووهـويته مـن خـلال منظـور حـربي دمـوي ومنظـور آخــر فقـران كالسـائـد في الشـمالية وفي الخـرطـوم أيضـا..(مـن باب الفلسفة ليس الا)
لكـن أسـة بس عـايزة أقـول ليكم... انه شـوارع لنـدن اليـوم مصيفـة خـالص... وتكتظ شـوارعها بكـل الأجـسـاد النحيفة والسـمينة والمتوسطـة.. وإذا تفحصت تلك الحـالة الصـيفية... فـإن الوان تلك الأجسـاد ودرجـاتها والتي لا يسـتطـيع الإتيان بها الا الخـالق سـبحانه وتعـالي تـذهـلك!!
وايه رأيـكم مافي زول بيعاين للتاني?
ونـواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
يا منى يا أختي أحسن خلينا في لندن وشوارعها ديك ، وكده وصفي لينا الشوارع والناس الماشين فيها ولابسين كيف ومالهم ما بيتلفتوا زينا كده لحدي ما الواحد رقبته توجعه ويمسدها بزيت السمسم ، الكارو ده أحسن تخليهو في حالو علشان أنا شايف الحصان تعبان تعب الموت حتى البرسيم ما قادر ياكلو. عملتي ليهو نفسيات. أها كده شوفي ليهو دكتور بيطري من عندكم هناك يمكن يخف ، ولا أقول ليك كده أهمسي في أضانه وقولي ليهو خلاص بطلت ما ح أحكي عنك شوفيهو بيقوم كيف . قال الكارو قال جنس فقر.
أها فتك بعافية .
| |
|
|
|
|
|
|
Re: لحـظـة مـن فضـلك! (Re: Muna Khugali)
|
عمـاد قـررنا ان نرد علي اسـألتـكم المشروعة بإجـابات واضـحـة ومحـددة..
Quote: يا منى يا أختي أحسن خلينا في لندن وشوارعها ديك |
س1. وكده وصفي لينا الشوارع والناس الماشين فيها ولابسين كيف
ج.مـن غـير هـدوم لا مـؤاخـذة
س2. ومالهم ما بيتلفتوا زينا كده لحدي ما الواحد رقبته توجعه ويمسدها بزيت السمسم?
زيت سمسم وكمان غير ماكتب في ميزان سـيئاتك!
لكـن يا عمـاد أنا بس عنـدي هنـا سـؤال برئ وسـاذج كمان..
إنت الميزان ده... قـاعـد من زمان والناس دي اتربت بيه كـان هـو ولا كـان ميزان دكـان عبدالله الشيخ..مالهـم أسـه قـالبينو الـدنيا?
Quote: الكارو ده أحسن تخليهو في حالو علشان أنا شايف الحصان تعبان تعب الموت حتى البرسيم ما قادر ياكلو. عملتي ليهو نفسيات. أها كده شوفي ليهو دكتور بيطري من عندكم هناك يمكن يخف ، ولا أقول ليك كده أهمسي في أضانه وقولي ليهو خلاص بطلت ما ح أحكي عنك شوفيهو بيقوم كيف . قال الكارو قال جنس فقر |
.
برسـيم شـنو?
يااااه ياعمـاد انت اتاريك قـديم زيي ومن زمـن عم بـدوي الله يرحمه!
عارف أنـا آخـر مـرة شـفت برسـيم متين في الخـرطـوم..حـدث ولا حـرج!
عـارف لامن مشيت الزومة تحت... وشفته في الزراعـة قعـدت أصـرخ واقـول الله برسـيم... الله برسـيم!
واليوم داك قعـدت اتصـورت... وبعـدين شـلت منه حـبة علشـان اته في زهـرية..لكـن طـبعا امام ضـحك واستهزاء حـبوبة وفروعها تنازلت عـن مشروعي الفرحـان...
طـيب يعني الحمار ولا الحصـان..يجـيب برسـيم مـن وين يعني?
وعليـك الـدور في الرد علي هـذا السـؤال!
سـمعتو ياجماعة 'بتـور الله في برسـيمـه'?
ونـواصـل
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: انـا والبرسـيم وهـواك..عايشـين لبعضـينـا.. |
الله الله عليك يا منى احييتي فيني روح الأمل لوطنٍ غابت عنه الآمال ، صورة معبرة تحكي بنفسها عن نفسها لله درك يا بنت خوجلي ، ما أجمل البرسيم وما أحلى النخيل وبالله مزيد من مثل هذه الصور يا منى علشان الواحد صدره ينشرح كده مع الصباح. وتعيشي كمان وكمان يا راقية. وهوانا بحري إن شاء الله .
Quote: أوعكم تغالطـوني..وتقـولوا مابرسـيم! |
لو ما برسيم برضو برسيم .
أها فتك بعافية وخليني أنا كده إتخوجج واستمتع بهذا المنظر الخلاب ، قال كارو قال .
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: الله الله عليك يا منى احييتي فيني روح الأمل لوطنٍ غابت عنه الآمال ، صورة معبرة تحكي بنفسها عن نفسها لله درك يا بنت خوجلي ، ما أجمل البرسيم وما أحلى النخيل وبالله مزيد من مثل هذه الصور يا منى علشان الواحد صدره ينشرح كده مع الصباح. وتعيشي كمان وكمان يا راقية. وهوانا بحري إن شاء الله |
البركـل كيف?
طـلعتو حجـر حجـر لامن وصـلت أعلي مكـان فيهوانـا واولاد ولـد عمتي 'فاطني' فـالحـة..مي يـا?
ونـواصـل مـع الزومة..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
الله الله على البركل الماء والخضر والوجه الحسن والحجر الدرر.
فالحة تب مي يا، بس كملي فلاحتك دي كده ورسلي لي حجر البركل النشمم ريحتو ساكت . إنت طلعتيهو وطلعتي روحنا بي جاي . منظر خلاب فعلاً . أتحفينا كمان وكمان . وفي إنتظار الزومة ( الزومة مضايقة مي يا ) .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
Quote: فالحة تب مي يا، بس كملي فلاحتك دي كده ورسلي لي حجر البركل النشمم ريحتو ساكت . إنت طلعتيهو وطلعتي روحنا بي جاي . منظر خلاب فعلاً . أتحفينا كمان وكمان . وفي إنتظار الزومة ( الزومة مضايقة مي يا) |
آآآهـء...بالحيـل!
الحاج ده ماشـي يعيـد علي بطـان المرحوم سـعيـد
| |
|
|
|
|
|
|
Re: لحـظـة مـن فضـلك! (Re: Muna Khugali)
|
سؤال واجب الاجابة : اهلنا الشايقية حرفهم جميل ووصفهم للعاطفة باللغة العربية لا يزاحمهم فيه احد من مستعربة السودان ( اللغات الاخري المحلية كلساني النوبي لغة شدو والكلمات ابداع عاطفي وربما بقية اللغات الافريقية السودانية كذلك)..وسؤالي لماذا تنفرد عربية-مش السيارة "يامني " اللغة- الشايقي بهذا الزخم العاطفي الوصاف حتي تكاد ان تخال انك تلامس الكلمة ..؟
سؤال صعب ... مش ؟ ما قلتو لحظة وانتم وصافيين فعايزين اجابة اللحظة وما في خروج من الموضوع وزهور يا رافت
| |
|
|
|
|
|
|
Re: لحـظـة مـن فضـلك! (Re: abubakr)
|
صـباح البركـل والزومة والشـمالية كـلها
سـؤالك جميـل فتح لي نفسي مـن أول الصـباح.. وخـلق عنـدي رغبـة عـارمـة أقـعـد في طـرف الزراعـة وانزل ســاقيني في مويه النيـل اتبرك بيها و احساس طاغي بالفخـر يقـول 'ده النيل الليلنـا' وأنـا بت النيـل ... اتخلقت في رحم أمـواج منابعه في يوغنـدا ومشيت معاها الي ان وصلت مصـر ورجـعت في طـينة مـويته لأرض اهلي متجمـله بلونه وطـعمه ..
لاقتني نخلة ومعاها الف تانيات.. سـلمت علي الأولي ردت الباقيات قبالها.. مالت النخـلات علي ..حـضـنني يا ابوبكـر زي مالنيل حضني في رحمه زمـان الكبيرات والصـغيرات ضـحكـن لي...وأدوني تمـر ماليهو حـد..
قـالن لي كـلام سـمح بالحـيـل يفرح..أقـوله?
نـواصـل مـع الشمالية وزومـة النيـل
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
أفهمي الحـديث ده سـمح مـني بتي!
ده تمر حـبوبتك عاشة بت عبـد الحفيظ.. حـفظـتيه?
'حـفظـتيه'.. ده كـان سؤال خـالي عبـد الحفيظ ودعلي لي طـول الوقت.. بعـده كـنت أسـمع حـديثا أماني ماهـو حـنين ..غـنـا عـديل كـده يا أبو بكـر..أقـوله?
عليكم الله عاينـو حمـار خـالي ده سـمح كـيفنو?
أول حـاجـة أنـا أول مـرة اشـوف حمار ناصـع البياض وجسـمه جميل عالي كـده! حمير الخـرطـوم كـلها رمادية! ياربي لونن كـان أبيض ...علي الهبايب ودخـان العربات وعـدم الحمام بقاهن مغبشـات? يبقي!
نـواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: أول حـاجـة أنـا أول مـرة اشـوف حمار ناصـع البياض وجسـمه جميل عالي كـده!
|
في دي ماكي عارفة .. اولا الحمير البيض في الشمالية لشيوخنا وكبارنا وهي موجوده هناك وما عندها شغل بناس الخرطوم والركشات ومش مستعدة ان يتحكرو علي ضهرها .. حمير الخرطوم من بقايا حمير الطليان القصيرة الكانو بيعلقو في رقبتها لمبة سهارة بالليل في الحرب العالمية فتقوم طيارات الحلفا ترميها بالقنابل قايلاهم طليان .. ونحن لما هجرونا لخشم القربة من الشمالية استغربنا لمان شفنا حميرا في طول الصينيين ولونها بمبي داكن وتاسفنا علي حميرنا البيضا العالية الخليناها هناك في البلد
ثانيا : دي منو البي توب ؟؟؟
| |
|
|
|
|
|
|
Re: لحـظـة مـن فضـلك! (Re: abubakr)
|
خـالي عبـدالحفيظ راحـل سـمح وحـنين زي خـيلانكم كـلكم المزارعـين..
عمتو صـغيره فـوق راسـو ماها متل اللات ناس الخـرطـوم ولا ها متل اللات ترباس..
خالي عبـد الحـفيظ وناااااس ..والـدمـوع قريبة في عينيه.. ياحليلو خـالي ولـد خـال أمي الماعنـدها غيرو خـال شـقيق..ويحـيـد وليـد ويحـيـد..!
الشاي يابنات وينو..قـومن سـون الجـبنة لمني..مواعيـدا فاتت.. سـمح ابوي تراني جـبت.. سـهام وينا? التجـي تقلي البن ..إنتي خليك ف الشـاي..
خـالي الكريم..وقت ماأشـوفو اتعلق في رقبته..ريحـة رقبتو فيها خضـار وطـين واطـمئنان ..
سـهام بنـك مالو لليلي ماجـهز? البنية راسا وجـعا..
خـالي عبـد الحـفيظ أماني ما هـو وناس ونشـيط وشـباب... ابراهـيم يا ابراهيم.. ترد شـامية العاقلة وسـمحة ورضـية.. صـباح الخـير ابوي..ابراهيم مع مكـنة البير.. يسـألها خـالي.. ياربي سـقي الحمار ولا نساهو زي أمبارح..ذكـريه! تعاين لي شـامية وتبتسـم ياها نفس أسـئلة كـل صباح .. تعاين لأبوها وترد بهـدوء سـمح بكـلمه! سـهام مامرقتي مـع القرقـوش ده..بسـكويت مالك? البسـكويت خـلص يايـوي ..بعـدين نحـبز حـبة.. سـمح..
ابراهـيم اسـرع...
كـدي اللمشي أشـوف محمـد جـهز الكـاو ولا لا..الساعة بقت 8 والوقت روح .. لي شنو اصـلو الكسـل ده!
أضـحك وتضحك معاي شـامية وسـهام ونحـن قاعـدين تحت النخـل في حـوشهم الواسـع... وشـي طـبيعي بنكـون بنضـحك... ونتكـلم في هـدوء.... ونتونس سـمح..مادام الزراعة في كـل شـبر..والنيل من البيت شـايفنو.. ومادام خـالي عبـد الحفيظ يونسنا ويضـحكـنا.... وخـااااالي بالو مننـا..
وخـالي السـمح الحكي عنو طـوييييل...
خـيلانكم موش بيشـبهو خـالي?
ونـواصـل حب وحكي في الشمالية لامن نصـل لإجـابة سـؤال ابوبكـر كـااااملة
مـني
| |
|
|
|
|
|
|
Re: لحـظـة مـن فضـلك! (Re: انعام عبد الحفيظ)
|
سلام
سؤال جاد
Quote: حمير الخرطوم من بقايا حمير الطليان القصيرة الكانو بيعلقو في رقبتها لمبة سهارة بالليل في الحرب العالمية فتقوم طيارات الحلفا ترميها بالقنابل |
والطليان الجابهم شنو فى الخرطوم يا أبو بكر ؟
| |
|
|
|
|
|
|
Re: لحـظـة مـن فضـلك! (Re: abubakr)
|
كـل سـنة وانت طـيب يايسـر عبـد القادر ويالـؤي..وكمان أي زول مولـود
في تاريخ الليلة زي ثـورة يوليو في مصـر اتولـدت في تاريخ بكـره..
ونـواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
وكل سنة وإنتى طيبة يا منى
تعرفى أنا مولود يوم 29 12 يعنى عمرى بزيد فى 4 يوم سنة مولود فى وادى حلفا وعشت هناك 40 يوم وأبوى نقلو مدنى وتتصورى عمرى ما مشيت الشمالية . حدى عطبرة بالقطر فى طريقى لى بورتسودان.
واصلى مع الشمالية مع الصور ونحن معاك سواح أجانب
كل الود
رأفت
| |
|
|
|
|
|
|
Re: لحـظـة مـن فضـلك! (Re: رأفت ميلاد)
|
شـفع الشايقية ديل أمـاني مانجـاض في روحـم دي.. الشـويفع تلقاه يعاينلك كـدي عين زولا نجـيض..
ياربي ده مـن شـنو ده? عارفينلكم سبب?
نـواصـل مع شـماليتنا السـمحـة..
مـني
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
Quote: بس أنا المحيرني حمارك عمك ده التقول مغسلونا بصابون إريال زائد مبيض وممسحونوا كده بي ديانا ما أظنه ساي اللون ده غايتو بصراحة كده حمار يجنن |
.
ماشـاء الله...جـيت عمـاد?
اسـمع.. حمـار خـالي لا تسحـروا شـي...خـالي رباهـو سـمح... والله اسـاسا مـن الأول خـلقـو سـمح.. ده شـتن ما بنقـول فيه غـير ماشاءالله.. والحمـدلله والصـلاة علي النبي..
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: ماشـاء الله...جـيت عمـاد? |
أنا ميا من زمان قاعد وين بروح وأخلي الشمالية دي .
نعم سامع.
Quote: حمـار خـالي لا تسحـروا شـي...خـالي رباهـو سـمح... والله اسـاسا مـن الأول خـلقـو سـمح.. |
سمح بالحيل .
Quote: ده شـتن ما بنقـول فيه غـير ماشاءالله.. والحمـدلله والصـلاة علي النبي.. |
ما شاء الله تبارك الله عيني بارده والصلاة والسلام على نبي الهدي أفضل خلق الله , والحمد لله .
بس عليك الله خالك ده لو عندو دحش كده بشبه الحمار ده يبيعو لي ولو بالدولار أو اليورو. ممكن؟
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
Quote: بس عليك الله خالك ده لو عندو دحش كده بشبه الحمار ده يبيعو لي ولو بالدولار أو اليورو. ممكن؟ |
النسألو... باقي لي بـديك ياه... علي مابرضي تمرق بو من الشـماليي!
أها شـن قت?
| |
|
|
|
|
|
|
Re: لحـظـة مـن فضـلك! (Re: abubakr)
|
Quote: وكل سنة وإنتى طيبة يا منى
تعرفى أنا مولود يوم 29 12 يعنى عمرى بزيد فى 4 يوم سنة مولود فى وادى حلفا وعشت هناك 40 يوم وأبوى نقلو مدنى وتتصورى عمرى ما مشيت الشمالية . حدى عطبرة بالقطر فى طريقى لى بورتسودان.
واصلى مع الشمالية مع الصور ونحن معاك سواح أجانب |
بس مـودر عمـرك بس!
أخسـمك?
خسـمتـك بالرسـول محمـد ووالنبي عيسـي... إن كـان الله كـتب لك عمـر ومشـيت السـودان .. تغشـي الشـمالية..
سـمح?
نـواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: ومعليش ياجماعة ...أنـا الليلة كـنت مقيلة في البوكـان ده.. شـفتو النخـلات التسـعة ديـل? ديـل بنات بطـن واحـدة..أكـنكم عاينوا لي جـذورن.. بس مشيت قيلت تحتهن!
أهـا شـفتو المركب الصـغيرة الواقفة دي? فسـحـتني في نيلنا العظـيم فسـحـة طـويـلة وسـمحة شـديـد.. الله يحـفظـو سـيـد المركب ود بـلـدي..قـولوا آمـين..
نـواصـل...
مـني |
| |
|
|
|
|
|
|
Re: لحـظـة مـن فضـلك! (Re: abubakr)
|
يا أبو بكـر...موش جـبت لينـا صـورة سـمحة?
أنـا كمان جيتكم بآية وولـد الشـهيـد أحمـد.. والـكديسة المولودة جـديـد دي..
لكـن...انا عايزة صـورة 'لتـور الله في برسـيمه'
نـواصـل مـع الشـمالية..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: والـكديسة المولودة جـديـد دي.. |
هسه عليكن الله يابنات أمي الكديسة بتكون بقت قدر شنو؟ ويا ربي آية بتكون خلتا تكبر ؟ واشريري الكديسي مزنوقي بين آية وإبن الشهيد أحمد .
Quote: لكـن...انا عايزة صـورة 'لتـور الله في برسـيمه' |
عليكم الله يا يا أخواني منى دي مو طلباتها صعبة بالحيل ، هسه ده يجيبوه مين وين وبس !! ما أخير لبن العصفور !
التحية لآية الآية ولإبن الشهيد ( ومن شابه أباه فماظلم ) . وللكديسة لو كانت عايشه .
| |
|
|
|
|
|
|
Re: لحـظـة مـن فضـلك! (Re: Muna Khugali)
|
حـلاتي دي ياخـواني..
كـدي عاينو لجـزمة احمـد وسـفنجـة آيـة ..عاينوهم صـغيرين كيف يفـوروا البطـن! كمان قال جـزمة سـودا وسـفنجـة لبنية! الكـديسـة ياحليلا...بس هم ماقتلوها ياعمـاد... عاين يـد أية ماشية عليها برقـة كـيف ? وأحمـد بس ماعارف يمسـكها كيف..عـايز يـودي ايـده لكـن قال أحـسـن أخـلي آية تمسكـها.. وهي المسكينة دوبها تتعلم المشي..أفتكـر تكـون ماتت..
بس ما قتلوها شـفعي..
نـواصـل...
مـني
| |
|
|
|
|
|
|
Re: لحـظـة مـن فضـلك! (Re: أحمد الشايقي)
|
الله يـارأفت....انت جـبتلينـااتنـين كمان بـدل واحـد.. لكن أنـا شـايفة الفي الصـورة ديـل 'جـواميس'! وبصـراحـة في منهم كفاية...أنـا عـايزه أشـوف تـور بحق وحـقيقي وحـايم ولهان وكمان نـازل أكـل في برسـيم كـتير.. حـاجـة كـده تحقق اعادة تصـوير المثل 'تور الله في برسـيمه' في مشهـد جميل!
طـيب عشـان مانتوه.... كـتير نحـدد حـاجـاتنـا أكـثر..
1. نجـيب صـورة جـاموسـة 2. نجـيب صـورة تـور 3. نفرق بين البرسـيم حـتي وان كـان الوصـف هنـا مجـازي..وبين الحشائش العادية
4. كـذلك نفرق بين التور في حـلبة المصارعـة كـالـذي اتي به أبوبكـر وبين التور في الزراعـة الـذي اتي به رأفت (علي افتراض إنه كـان تور)
وذلك بالإتيان بربطـة برسـيم... فالأجـيال الحـديثة وبعض مـن الذين سـبقـوها لايعرفـون الفرق بين البرسـيم والملوخية... وبين الجـرجـير والرجـلة!
ونـواصـل أثنـاء ذلك...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
هسي بطانك ديل كان خلونا الكديسه دي ما كنا سألناها عن التور ده وكان ورتنانجيبو من وين ؟
غايتو شفعك ديل الله يديهم العافية ، مو هم الكتلوها هم فعلاً أرق من نسمة الصباح لا يمكن أن يقتلوا فراشة ناهيك عن كديسه وآيه إيدها رقيقه وناعمة ( ما شاء الله ) ( علشان ما تقولي سحروها بعدين ) لا تقتل نملة . بس بي صراحة كده يا منى إنت يوم بتكتلي ليك زول بطلباتك الصعبة دي هسه عليك الله في واحد عارف يفرق بين الثور والجاموسة ولا بين البقرة والعجل ، ماياهن كلهن أولاد زواد ماعارفين عن الحاجات دي تخليهم يمشوا يهبشوا إلين ما يجيبوا خبرهم. خليهم أحسن في الأيسكريم والشوكولاته والأنناس ، مو كدي .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
تعرف يا أبو بكر الأستاذة طالبة تور Quote: لكـن...انا عايزة صـورة 'لتـور الله في برسـيمه' |
إنت جايب تور مصارعة وأنا جايب لى بقرة بقت فينى قصة( يقولو ليه تور ..)
أها يا منى غلبنا
نشوف الشايقى دة
عاد كان ما جابه يكتب لينا فيه قصيدة
شن قولك ياأحمد الشايقى
تحياتى
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
يـاخـونا الكـديسـة صـاحبتي جـات تاني..بس أنا عاينت ليها وقلت.. اتفضلي أطـلعي مـن هنـا.. هي مـا صـدقتني ودخـلت علي المطـبخ..... والحـقيقة هي ليها حـق ماتصـدقني لأنه آخـر مـرة جـاتني كـنت لطـيفة كعادتي دايما معاهـا.. طيب شـنو يعني الغـيرني?
الغيرني وخـلاني اوقفها مـن دخـول حـياتي... هـو انها رمت لي زرعـة... وياخسـارة ماتت وهي لسة في عـز شـبابها 'واوج عنفـوانها'!
والله جـد زرعـة كـانت جميلة جـدا.... وصفقها بيطـول بالجنبة زي تسـريحـة الهنـدية السـمحـة ديـك في علبة صـندلية ميسـو!
يبقي لي حـق أطـردها ولا لأ???
قلت ليها بصـوت غاضب.. إنتي تاني? اتفضـلي اطـلعي بره!
وطـبعا كـنت بأشـر ناحية السلم الطلعت بيه وانابطـرد فيها.. بس هي ماصـدقت... عاينت لي واستمرت في سـكتها للمطـبخ ..
نهرتها وانـا أكـرر... قلت ليك بره..عايزة تـرمي شـنو تاني? يللا أطلعي!
وقفت في حـيرة وتردد.... ويبـدو انها قررت اسـترداد عطـفي..نظـرت لي بعيـونها الخـضـراء الواسـعة... نظـرة طـويلة اوشـكت معها ان اضـف واسـمح لها بالمكـوث معي.... واحتمال الغـذاء ايضـا وارد..الا ان الغضب هجم اكثر في تلك اللحظة ومنظـر الزرعة الشابة ميتة قـوي امامي..فارتفع صـوتي..
اوعي تعايني لي يللا امشي وامشي حـالا.. فهمت الكـديسـة انو الموضـوع بايظ شـديد... وانه مافيهـوش يمة ارحميني!
استـدارت في بطء..عاملة نفسـها حـزينـة ومنكـسرة! خـفت اضـعف فإستمريت في طـردها والسير خـلفها قائلة.. اياك تجي هنـا تاني ..فاهمة!
وكلما عـلا ترديدي لتلك الجمله... كـلما اسـرعت هي بخطـاها نازلة السـلم!
تكـون اسـة عـرفت الله واحـد موش???
نـواصـل غالبا مع الشـمالية...
مـني
| |
|
|
|
|
|
|
Re: لحـظـة مـن فضـلك! (Re: رأفت ميلاد)
|
Quote: شوف الحلفاويات ديل يا أبو بكر |
انا قت دييل شايقية ؟؟ لولا الرطانة الواحد يعرف الحلفاوية من الشايقية كيف؟؟؟
نومة الهنا لا عايزة فاليوم و لا بندول ...
| |
|
|
|
|
|
|
Re: لحـظـة مـن فضـلك! (Re: Muna Khugali)
|
شـفتو حبوبة دي قريبة أبـوي الخليفـة..وانـا شرحـو لي القرابة دي مليـون مـرة وابت تقع لي.. وحقيقي أنا عقلي بسيط وعلي قـدري بس ده ماسبب عـدم الفهم..السبب 'المولـد' في تعـدد اشكـال القرابة بين افراد هـذه الاسـرة..
كـيف?
دقيقة نستعـدل قهـوتي وأوقف الغسـالة وأجي احكـي ليكم..
اها النبـدا.. تلقي مثلا عمـتي فاطمة شقيقة ابـوي عرسـوها لراجـل عمتها الماتت .. وهـو ذاته تلقاه كـان معرس قبـال عمتها واحـدة تانية قريبتهم.. ديل كـلهن ولـدن ..وأولادهم وبناتهم بيقربـوا لبعض نوع اخـوي ود ابوي.. ونوع..بت عمي في نفس الوقت اختي مـن امي...وبعـدين نوع..آي هي زوجـتي لكـن انا في الحسبة ابقالها خـالها!
مش اسة انتو كـده اتلخبطـتوا?
اها ده الحـال الكـان علي في الشمالية... لكذلك قررت العمـل بالمثل القائـل
'الي يتجـوز أمي اقـوله ياعمي'..واشـتري راحـة دماغي... ومعاه ارسـم ابتساعة واســعة لما يسـألوني.. أهه..وقـعلك كـلام القرابة ده?
أرد .. آهــء!
المهم انـا عـايزة اقـول ليكـم انو حـبوبة دي قريبتي..وبناتها اخـوات ولـد عمـتي الويحيـد ده..
كـيف?
اقروا الكلام الفوق ده تاني وعاشر!
ونـواصـل مـع حـبوبة...
مـني
| |
|
|
|
|
|
|
Re: لحـظـة مـن فضـلك! (Re: saadeldin abdelrahman)
|
Quote: عـاينو لحـبوبة الشايقية دي..تكـون سـرحانه في شـنو ياربي? أنـا بأحكي ليكم قصـتها |
تكون سرحانه في (التميرات القدر فوق راسه ما خمت سبيط .. غلبه الجروره الفوق ضرنا تنزله تطلق وشينا مع الجماعة دي كم سنين الحال وقف قطه وحلف كان بوشنا في حش التمور الليله دوشنا مع اللقيط!)
ورأفت قال بجي كسائح أجنبي إن شاء الله تكون بلدنا عجبتكم؟
| |
|
|
|
|
|
|
Re: لحـظـة مـن فضـلك! (Re: Muna Khugali)
|
يا ربي?
يبقي!
طـبعا انا لغاية الليلة ما عارفة حـبوبة دي يامحمـد عبـد الجليل اسمها أم الحسن ولا لقبها ام الحسـن..والسبب انه ولـدها برضـه اسمه محمـد الحسـن!
الناس دي باين بتخاف من الأسـامي!
كـلهم حـسن وام الحسن وبعـدين فاطـمة وخلف الله..والصـغار عثمان..محمـد وعلي وتاني محمـد الحسـن! طـيب الشفع وكـلهم بينـادوني 'مـن'...وحبوبة بتناديني البنية..وانا تجـنبا للحبطـة بناديها حـبوبة.. حـبوبة زوجـها ميت..عنـدها طـينها وزراعتها...وعنـدها دكـان صـغير كـله جـاز... وزيت... ومصاصات وكـبريت وبسـكـويت بيتهيـألي انه قـديم معتت!
حـبوبة بتقعـد في دكـانها من العصـر لغاية صـلاة العشـا... أمـا بعـد صـلاة الفجـر عنـدها راكـوبة صـغيرة في الشارع الرئيسي فيها عنقريب صـغير سـمح حـلاص ..جنبه بنابر حـبـل..حـبوبة تسـوي شـاي الصـباح والجبنة وتبيعه للماشيين الشغل...
زي الساعة عشـرة حبوبة تفطـر وتاني تمـرق وتنزل تحت للزراعـة ...
حـبوبة ما محتاجة لشغل يجيب ليها قروش..لكـن هي اتعـودت علي الشغل وعنـدها حـوش كبير فيهو شـوالات تمـر ماليها حـد..مش قلت ليكم مامحتاجـة قروش?
طـيب حـبوبة بتفكـر في شـنو?
نـواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: يـاخـونا الكـديسـة صـاحبتي جـات تاني..بس أنا عاينت ليها وقلت.. اتفضلي أطـلعي مـن هنـا.. |
يا منى تكون الكديسه دي أم الكديسة الصغيرة الكان ماسكنها ( آية ومحمد ) تكون مبارياك لي هناك علشان تسأل آية عن بنتها ؟ إنت كده بدل ما تطرديها شوفيها بتجي لي شنو؟ يمكن تعرفي حقيقتها .
Quote: طـيب حـبوبة بتفكـر في شـنو? |
يا منى حبوبه دي بتفكر ليها في عريس ذي عمك صاحب الحمار الأبيض علشان يونس وحدتها ويحش ليها التمر ويساعدها في الغيط ويحرس ليها الدكان . الله يديها العافية . وبالله شوفي عمك داك لو يوافق وبعدين ما تنسى تعزمينا العرس!. ولازم السيره تكون بالحمار داك مزيننو كده بجزع النخيل وعاملين ليهو في ظهره كده هودج مغطى بالبرسيم وآخر هيصة .
( ما تسرحي يا السمحة قومي إستعجلي )
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
Quote: يا منى حبوبه دي بتفكر ليها في عريس ذي عمك صاحب الحمار الأبيض علشان يونس وحدتها ويحش ليها التمر ويساعدها في الغيط ويحرس ليها الدكان . الله يديها العافية . وبالله شوفي عمك داك لو يوافق وبعدين ما تنسى تعزمينا العرس!. ولازم السيره تكون بالحمار داك مزيننو كده بجزع النخيل وعاملين ليهو في ظهره كده هودج مغطى بالبرسيم وآخر هيصة . |
والله جـايز ياعمـاد...فـاجـأتني بالكـلام ده! لكـن اقـولك كـلام?
الحـديث ماكـدي ..حـبوبة قالت قبال ده... وكنا كـلنا قاعـدين في الحوش بعـد صـلاة العشـا فـوق بروش..قـالت هي حـياتها منظـماها وفرحـانه بيها كـدي.. تشيل بلحها تشـحنه الخـرطـوم ..وتقـوم تلملم قـروشـها وتـدسهـن..تحت تحت عرفت .. قاع تشتري اراضـي..بس شـديـدي في عضـما ده! والرجـال مابـدوروا زوجـاتهن يسـافرن كتير ولا بيـدوروهم يـدسـن قروشـهم..وحبوبة ياخـوي الاتنين بتسـويهن ومابتخليهن..ولا بتخلي شـغلها..
كـدي طـيب انـا بالعصـريات بسـوي شـنو في الشـمالية?
أقـولكـم?
سـمح نواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: نومة الهنا لا عايزة فاليوم و لا بندول ... |
الراقـدين فـوق القطر ديل مش فقرانين وراكـبين ملح?
لكـن بالهم مـرتاح..ونـومة زي سـمحة لا فيها خـوف..لافيها تفكـير يوجـع القلب...
نواصـل
مـني
| |
|
|
|
|
|
|
Re: لحـظـة مـن فضـلك! (Re: abubakr)
|
Quote: الراقـدين فـوق القطر ديل مش فقرانين وراكـبين ملح? |
Quote: ما عشان كدة قلنا ما محتاجيين حبوب منومة ومهدئة |
فقرانين وما عندهم اللضا عشان كده مسطحين البلح الليلم بدل ماياكلوا شربوا وضاربهم السموم والحر فى قلب الصحراء وديل ما نايمين ديل مسخسسخين ولا شنو يا محمد عبد الجليل مش قلت لى ما تزوغ؟ لكن حبوبة أم الحسن عافى منها أريتها أمى
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: فقرانين وما عندهم اللضا
|
يا رافت ..الفقرانيين هم الجعانين طوالي ياكلو طول اليوم وما يشبعو ..يسرقوا حق الغلابة وبرضو مفلسيين يركبو الهمر والمرسيدس وبرضو حفيانيين ..كضابيين وكتاليين وغداريين وخوافيين ما بيقدرو علي النومة دي
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
Quote: أي قوليلينا يا أم آية ترانا مبسوطين بالحيل . |
صباحكم جمييييييل إن شـاء الله...
الصـباح في الشمالية بالنسـبة لي كـان الزراعـة..والنقـة لود عمـتي.. النقـة في شـنو?
أنـا طـبعا أهل آبوي وأهـل أمي مـن الزومـة..وانـا كـنت عايزة اعـرفهم كـلهم واشـوفهم..عـارفين..الأرض بتفجـر في الإنسان مشـاعر حـب مـن عينة... بحبـكم كـلكم وعايزة احضـنكم كـلكم... واتونس معاكم كـلكم في وقت ومكـان واحـد..وكـمان اسه دي! مشاعر كـده مابتقـدر علي التأجـيل ..أرض وزرعـة وأهـل..كـيف اقـدر أجـل شـوقي ليهم? وكيف فـرحـي بالناس.. ان بكـي سـعادة وحـنان اوقفـه..ولا حـتي اقـول ليه أصـبر?
ولـد عمتي مختلف مـني ..شــايقي ينغم في حـديثـو لل ليلي..وماهـو مستعجـل لزيارات البلـد... لأنه ما بيغيب منها غـير شـهـور بس..يعني باختصـار مشاعره هادية ماها متـل مشاعري!
النقـة في تـأجـيل الحاجـات والزيارات..كـانت تحصـل كـل مسا وكـل صـباح...لمن يوم قلت ليهو انت كضـاب وماملتزم بوعـودك!
طـبعا إحنا بنقـول ماما جـارة وبـابا عـوض..والشـرط نـور..انـا قلت لهاشـم مـن الأول انـا عايزة اشـوف كـل أهـل مـاما وكـل أهـل بابا.. وهاشـم أخـوي وافق...
واول ماوصـلنا الشـمالية في بص كـبير.. ولأننـا اسـرة كـبيرة هاشـم أجـر بص..ماشـاءالله.. الزومـة كـلها جـات تسـالم عنـد الباب!
وكـل ما زول يسـلم هاشـم الخبيث يضـحك ويقـول لي... ده عمـك او عمتك فـلان ... ويختم التعريف بكـلمة..مـن اهـل ماما او مـن اهـل بابا..لغاية ما البيت كـله حـفظ الكـلمتين ديل.. وبقي لـو زول جـه... ينادوني ضـاحكـين..'مـن' عمك عبـد الرحـيم مـن اهـل بابا دايرك!
ياحليلهم وحليلنا نحنا في الدنيا دي!
نـواصـل بعـد الزراعـة والنقة.. في شـنو?
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
أحمـد الشـايقي..بس فت بوشـيك!
عـاينو ياجـماعـة في الصـورة... وشـوفـوني انـا والـدوكـة والصـاج..
فـوزية قـالت لي.. كـدي خليني اصـلح ليك الحطـب..
حياة سمحـة وطـبيعية .. لا بوتاجـاز لا فحم..عيـدان الزراعة الناشفة وحـوض صـغير محفـور عمـقه نص شـبر.. ومسـور بكـام طـوبة بقي محـل طـبخ وخـلاص!
ونـواصـل الشمالية..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: عـاينو ياجـماعـة في الصـورة... وشـوفـوني انـا والـدوكـة والصـاج |
وين الصورة .ابتدينا !! لما تبقي في الاكل وتوابعه حتي صورة مافي يعني ناكل برسيم
| |
|
|
|
|
|
|
Re: لحـظـة مـن فضـلك! (Re: abubakr)
|
إن حـدث ورأيت بوسـتا يرشـح كـاتبه فيه أحـد الأسـماء للإنضـمام sudaneseonline.. او يرحـب به... وكـتب فيه مـن ضـمن ماكـتب عبارة ..
'سـيكـون (.......) إضـافة حقيقية للبـورد..'
فإنني سـأسأله قبـل ترحـيبي.... عـن نوعية اخـلاق الإضـافة...كـويسة ولا ماكـويسـة.. ثـم اقـرر الترحـيب ولا لأ!
نـواصـل الحـزن او الفرح او الغضب أوحـتي البلاهـة!
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
ترسـيخ مفهـوم الصـفـوة ..والتعالي.. ودورها الذي تـدعيه... شـكـل عميق اخـر مـن اشـكـال الأزمـة السـودانية!
علي مـن يـدعـون ان الدنيا خـربت ...لأن مفاهيمهم ونظـرياتهم لم تطـبق..وانها توقفت عـن الحركـة لأن الآخـرين لم ينتبهـوا لهم...أن يعلموا انهم أيضـا في ورطـة وازمة حـقيقية... لأنهم لا يسـتطيعون ان يروا الا مافي رؤوسـهم هم فقط..وبالتالي تنقصهم القـدرة علي التفاعل! ولهـذا السبب 'التفاعل' وربما اسباب اخـري ..سـيكـونون للأبـد 'محـلك سـر' بعيـدا عـن الوعي العـام.. عليهم اولا ان يبحثوا لأنفسهم عـن وسـيلة تخرجـهم هـم مـن برجـهم الذي لا يري الشمس علي الرغم مـن انه برج!
sudaneseonline حـتي وهي تزعجـنا بشتائمها ومشاكـلها... الا انها ليست 'مـركـز صـفـوة'
للذين كـانوا يحلمون!
نـواصـل
| |
|
|
|
|
|
|
Re: لحـظـة مـن فضـلك! (Re: abubakr)
|
كنت عاوز أعلق على المسطحين في القطر ونايمين نومة من لا يخشى الفقر .. هم يأرأفت أحسن من تكون ماشي القضارف بالقطر وجيت تركب والباب أنقفل وأصبحت معلقاً خارج الباب وهطلت مطره غزيرة (شرق سنار) .. هذا ما حدث لي والله العظيم وأصبحت معلقاً بأطراف أصابعي لفترة طويلة .. وغايتو ربك ستر .. لكني لقيت الكلام الخطير .. بتاع غربة الصفوة ده ..
Quote: أن يعلموا انهم أيضـا في ورطـة وازمة حـقيقية... لأنهم لا يسـتطيعون ان يروا الا مافي رؤوسـهم هم فقط..وبالتالي تنقصهم القـدرة علي التفاعل! ولهـذا السبب 'التفاعل' وربما اسباب اخـري ..سـيكـونون للأبـد 'محـلك سـر' بعيـدا عـن الوعي العـام.. عليهم اولا ان يبحثوا لأنفسهم عـن وسـيلة تخرجـهم هـم مـن برجـهم الذي لا يري الشمس علي الرغم مـن انه برج! |
يعني يا منى البرج مقفول والله هم .. بعدين التبرج أصبح مافي ليهو أي لزوم لأنو اللعبة أنكشفت والشمس طلعت على البريه .. وأنكشف الماكل والماكول .. وظل مسوقي أدوات الإنتاج الذهنية أداة سلبية في مواقعهم بجانب الحكام الظالمين .. أو قرفصة وطاؤوسية الهوى على رؤوس الناس وبلا رسالة.. ربما يكتشفوا ضرورة الخروج من البرج .. وسيكون مؤلما لو جاء بعد مغيب الشمس .. والتسطيح أحسن من معرفة البروج .. وأحسن منهم جميعاً أم الحسن أم محمد الحسن التي عرفت قدر نفسها فعاشت منسجمة مع نفسها وعملها .. وظلت تمارسه حتى دون حاجة لقروشو .
| |
|
|
|
|
|
|
Re: لحـظـة مـن فضـلك! (Re: abubakr)
|
Quote: لأنهم لا يسـتطيعون ان يروا الا مافي رؤوسـهم هم فقط..وبالتالي تنقصهم القـدرة علي التفاعل! |
ومهما بلغوا من الثقافة وحتى الحس الوطنى فبرجهم هذا خطر علينا
ولا يفيدنا إلا من يعيش معنا و بيننا وليس من الضرورى أن يكون فقيرآ مثلنا أو جاهلآ جهلنا وعندما يرانا جيدآ يرى ما بداخله فيري جيدآ ويعلم من هى حبوبة أم الحسن فيفيدنا
| |
|
|
|
|
|
|
Re: لحـظـة مـن فضـلك! (Re: Muna Khugali)
|
صديقي رافت
لقيت ليك التور بس تور (مجـوك) قرونـه مترين والله أعلم يقدر يجر ساقية ناس الزومـة
دي عايزة جاموس 5 طـن,
على اي حال البحـث جاري لكن أنا أسهل أجيبه ليكم (حي) ,
Quote: وبقي لـو زول جـه... ينادوني ضـاحكـين..'مـن' عمك عبـد الرحـيم مـن اهـل بابا دايرك! |
يا الله,
أنا ولد محمود ولد أومحمّـد ولد علي ولد توم من مــورة ,
أكـون من أهـل بابا ولا من أهـل مامـا ؟
......
أحمد الشايقي
| |
|
|
|
|
|
|
|