|
مـــذيعاتنــا.....ودق الشلوفــــة
|
وسط الهيصة بتاعت الفضائيات الملت السما والبيوت.... ما عندنا حل غير انو نكون متميزين.. عشان ننافس ونخلي الناس قاعدين يتفرجو فينا............ في قناتينا الفضائيتين... السودان والحسناء النيل الازرق... نحن عندنا سغافة متميزة...وما بتشبه أي سغافة تانية علي ضهر الواطا.....مفروض نستفيد من سغافتنا دي في عصر العولمة ونوظفها ونستثمرها..... لابد من التأصيل يا عاملات ناس الجبهة ... أي مادة نقدمها في التلفزيون تكون مأصلة ونابعة من بيئتنا وسغافتنا... اولك بالتبادي المذيعين والمذيعات كلهم يكونو مشلخين وكلو مذيع ولاّ مذيعة يختار الشلوخ البتنفع مع اللوك بتاعو.. تاني شي أي مذيعة معرّسه ومتموم حلوها.... يدقو ليها شلوفتها...واي مذيعة مرها وشلوفتا ما مدقوقة ما تعتب باب التلفزيون..... عشان المشاهدين بصورة عامة والكبكابة بصورة خاصة يميزو...وما ينط واحد ويقعد يتكسر في مذيعة معرسا و من ثم ياكل نيم...... اهم حاجة سودنة نشرة الاخبار....نشرة الاخبار عندنا زيها وزي أي نشرة في فضائية عربية مافي فرق.... وتحس بها مسيخة وما عندها طعم......يعني نشرة الاخبار تكون بي نضمنا العادي...ومافي زول حيلومنا ولاّ ليهو الحق......يعني اتخيلو مذيعة مشلخة و شلوفتا مدقوقة وتقرا نشرة الاخبار...... كدي:- الشمارات من سلوى بت امحد زين
*طيارات امريكية تصقف الفلوجة ....من دغش الرحمن.... يا اخواني امريكا دي مافي زول يقول لها النضم دا اعوج؟....حقرت بالناس ديل حقرة اليابا والتابا...... اريت ربي يقصف عميرك هادي انتي.... يا المطلوقة وماكي ساعلة.....ونشوف التقرير دا من مراسلنا في العراق شمش الخور خليل شمش الخور.... "وين يا سلوى؟ وين يا فردة؟..... مرطبين سااااكت هناك......والله هنا جنس درش؟ درش شديد...... الاتلحسو 45....والمجرحين 123 والبقو رقاق.... وفكو البيرق 547..... شمش الخور خليل شمش الخور.. الفلوجة يا فردة"
*فياضانات وامطار تغمر بنغلاديش....جيييييييي يا يمة.. حليلو هو.....ديل كمان المطر ما شافت لها شغلة غيرهم....دااااك الليلة تراها جاتهم وسوت بهم جنس السوا دي.......قبلهم وحدهم وبراهم......
*احتراق عمارة في نص نيورك...وقالو سبب الحريقة سلك كهرباء.....والله غايتو جنس راحات.... هنيتهم يا يمة.... نحن لينا الله وعيشة السوق...... كهرباء تحرقنا سااااااكت ما ني لاقنها...ديمة قاطعة.... لكن الله كريم
*نزل المسبار الامريكي فوق سطح المريخ...... شوفتو جنس الكضب دا يا حباني؟......علا البيقدر يقول كدي منو لي امريكا؟...... الله يقدرنا خشمنا بس.......
*مات صباح الليلة......الرئيس الزامبي.. كلول كونا كلول.... حييييييييي يا يمه كُر.. الحي الله وحدو... عمرو سبعة وتلاتين سنة... صغير وجاهل........وحات الله البااااااارح القريبة دي شفتو نصيح وما عندو أي عوجة......." وهنا تقعد المذيعة تتنخج وتبكي وتتمخت بي طرف توبا زيادة وتاكيد للتأصيل"..........................
|
|
|
|
|
|
|
العنوان |
الكاتب |
Date |
مـــذيعاتنــا.....ودق الشلوفــــة | سجيمان | 11-03-04, 01:14 PM |
Re: مـــذيعاتنــا.....ودق الشلوفــــة | Raja | 11-03-04, 01:36 PM |
Re: مـــذيعاتنــا.....ودق الشلوفــــة | حبيب نورة | 11-03-04, 02:47 PM |
Re: مـــذيعاتنــا.....ودق الشلوفــــة | لقمان حسن همام | 11-03-04, 05:32 PM |
Re: مـــذيعاتنــا.....ودق الشلوفــــة | سجيمان | 11-04-04, 11:57 AM |
Re: مـــذيعاتنــا.....ودق الشلوفــــة | سجيمان | 11-04-04, 09:39 AM |
Re: مـــذيعاتنــا.....ودق الشلوفــــة | سجيمان | 11-04-04, 04:44 AM |
Re: مـــذيعاتنــا.....ودق الشلوفــــة | Esameldin Abdelrahman | 11-04-04, 04:53 AM |
Re: مـــذيعاتنــا.....ودق الشلوفــــة | سجيمان | 11-05-04, 02:39 AM |
Re: مـــذيعاتنــا.....ودق الشلوفــــة | saif massad ali | 11-04-04, 05:01 AM |
Re: مـــذيعاتنــا.....ودق الشلوفــــة | ناجى الزبير الملك | 11-04-04, 06:41 AM |
Re: مـــذيعاتنــا.....ودق الشلوفــــة | سجيمان | 11-05-04, 09:36 AM |
Re: مـــذيعاتنــا.....ودق الشلوفــــة | سجيمان | 11-05-04, 06:14 AM |
Re: مـــذيعاتنــا.....ودق الشلوفــــة | محمد الامين احمد | 11-04-04, 07:06 AM |
Re: مـــذيعاتنــا.....ودق الشلوفــــة | سجيمان | 11-05-04, 01:34 PM |
Re: مـــذيعاتنــا.....ودق الشلوفــــة | على بطه | 11-04-04, 12:04 PM |
Re: مـــذيعاتنــا.....ودق الشلوفــــة | سجيمان | 11-05-04, 07:02 PM |
Re: مـــذيعاتنــا.....ودق الشلوفــــة | alfatih | 11-05-04, 02:54 AM |
Re: مـــذيعاتنــا.....ودق الشلوفــــة | bayan | 11-05-04, 04:05 AM |
Re: مـــذيعاتنــا.....ودق الشلوفــــة | سجيمان | 11-06-04, 09:55 AM |
Re: مـــذيعاتنــا.....ودق الشلوفــــة | سجيمان | 11-06-04, 05:53 AM |
Re: مـــذيعاتنــا.....ودق الشلوفــــة | almulaomar | 11-07-04, 06:22 AM |
Re: مـــذيعاتنــا.....ودق الشلوفــــة | سجيمان | 11-07-04, 09:19 AM |
|
|
|