|
|
 Re: بورداب الجمال والسرور بورداب الدوحه ..اجمعو هنا كلكم؟؟؟؟؟؟؟؟ (Re: Emad Abdulla)
|
وعلي النجيلة جسلنا......
ويوم رمضان في الغربة طويل..كليل العاشقين.ولكن نشهد ان ذلك اليوم
كان الاطول والاقسي والاكثر عطشا وخرمة فلنقل للشاي
والجبنة..وقد تكون ايضا لتمباك ردي التعطين..(لكن نسوي شنو)..!!!!
اولا اقدم اعتذاري للجميع واولهم الريس ضحية والريس
رندوك(وقد قيل رئيسن غرقوا المركب).اقدم اعتذاري لحضوري
المتاخر لظروف خاصة تماما جعلتني بعيدا
عن ضربة البداية والتمتع بروية جرسة عماد وكبكبة ابوساندرا
ومكابسة ود الرملية,ونقة رندوك,وكيفية افطار الارستقراطي بدرالدين
ودعاء الافطار عند الظلامي قريش و هو يتناول البلحة علي طريقة السلف الصالح
وبحضور العروسة الجديدة بت الدويم التي اكتشفت ان اخوانها وابناء عمومتها اصدقائي..!!!
وايضا فاتني التمتع بطبخ ابنوسة واريحية نادوس الراقي ..
وايضا ودالعباسية الوريف وبكري الامين الانيق والشاب الجذاب
المالي السوق (محمد عبدالرحمن) والمهذب الصامت زرياب كنيش
هذا كوم...!!
اما الكوم الاخر فهو الريس معتصم وكنا نود روية جرسة المهندسين العجائز
ورؤية الجلابي الافريقي معاوية الطيب...وكبكة وخرخرة محمد السني
وفانتا التمتع بوش ضحية الذي التزم عدم اعطائي وش..(ادينا وش ياضحية ياخ) فالناس ظروف..
وكراع البقر جيابة...!!
نحي عوض حمزة والهميم البوردابي الذي كشف عنه القناع
وكم فنان وفنان هذا الرجل...وتحياتي لرقم صفر وبهاء بكري
الذي جاء وانقذني من فتك عماد عبدالله المتطرف السيخي...!!!
عمران اندهشت لتواجده اثناء رمضان ويتحاوم كمان..!!
خلف كل هذه اللوحة كان هنالك المصوراتي الصديق صديق
(في داعي يا صديق حسي تخرب الاسفير بصور ودرملية
الشينة دي)....!!
وايضا شجب الاعضاء الابتزاز الوظيفي واثار النعمة التي بدات علي الظلامي ود القريش
الذي اصبح يتاجر بالوظائف و(تقول لي انااااااا يا كيكي جيب موية...؟؟؟والله القصة هانت )......
ويلا لرحلة العيد...ونحمد الله لدخولنا مفوضية التبرعات..(فشيلوا شيلتكم ).....!!!!!
نحي الجميع وندين ونشجب يا ابوساندرا عدم حضور الدكتورة وماهي ونوكد انها بوادر فيروس
ظلامي اختراق جدار ابوساندرا الكان منيع ...وبختكم يا ظلاميين لقد بداء ابو ساندرا في مشي
الخطي
ومشيناها خطي كتبت علينا....ومن كتيت عليه خطي مشاها...!!!!
تخريمة ...
اجمل صنف ورغم حضوري متاخرا..هو عرديب سري ..كانت ر شيدة تتامر مع ابوساندرا في توزيعه
علي الخاصة ..وبعض العامة مثلي
| |
 
|
|
|
|
|
|
|
 Re: بورداب الجمال والسرور بورداب الدوحه ..اجمعو هنا كلكم؟؟؟؟؟؟؟؟ (Re: Siddig A. Omer)
|
محمد عبدالرحمن: السنى ممكن تتدينى تلفون يوسف فى السودان (يوسف ود أخت السنى و زميلنــا فى البورد)!!!!
الســنى: ياخى تسالنى هسع بالليل دهــا و انــا اشوف ليك رقمو وين و كيف....ياخى أنــا ما "جلكنتـــا"!!!!
محمد عبدالرحمــن: خليك انت، كدى شوف ليك زول ما "جلكن"!!!!
الســنى: كدى هاك عاين الماكتوب هنــا منو....أظنو دهــا رقمو!!!!
محمد عبدالرحمن: وانــا اعرفو ليك كيف...هسع؟؟؟؟
(عشــان "الشمشارين" ما اقولوا صديق الفها من راســو، انــا ذاتى كنت موجود و قلتــه ليهم:
" و الله انتو انــا ما شايفكم خلى رقم التلفون بتاع يوسف!!!!!"
| |
|
|
|
|
|
|
|
|
|
Re: بورداب الجمال والسرور بورداب الدوحه ..اجمعو هنا كلكم؟؟؟؟؟؟؟؟ (Re: أبو ساندرا)
|
بورداب الدوحة
كل يوم تصبح اجمل
كغنوة في زمن الخريف التي اعلنت انتهاء زمن الترحال..اليك جئنا نحمل زنوب العمر فنسينا كل الاحزان والخوف من ضياع الطرقات،لم المح وجهي هكذامن قبل، اشتم رائحة الارض واتسكع في فرحي حينايحملني الحاضر ، تمنيت لو اني نهر الحياة حتي اسامح فيك الزمان ويبلغ هنائي كل الوجود دمائي منك يا رسول المعجزات، سنظل نجري بضوء من رحيق الفجر ونسد جوع الصائمين، واخر عهدنا بالحلم سيظل تتوارثه الاجيال ، في كل يوم نعشقك وينتحر الفراغ
ليبقي شموخك فوق الزمان يا بورداب
ولنا لقاء في الرحلة
يا حلوين
| |
|
|
|
|
|
|
|
|
|
Re: بورداب الجمال والسرور بورداب الدوحه ..اجمعو هنا كلكم؟؟؟؟؟؟؟؟ (Re: ضحيه ابراهيم)
|
والله لقد أحسن الكريم ضحية اختيار عنوان هذاالبوست
بورداب الدوحة .. بورداب الجمال والسرور
كنت أول الأمر ملاوز من الحضور
فالمجموعة تبدو مؤتلفة ومتجانسة
والإحساس الثقيل بكونك غريب وسط أناس تقابل معظمهم للمرة الأولى
إلا أنهم .. والحق يقال ..
بورداب السرور والجمال
حقيقة الواحد لقى نفسه كأنه بيعرف كل الناس من زمان
يا لفرحي بكم ..
| |
|
|
|
|
|
|
|
|
|
Re: بورداب الجمال والسرور بورداب الدوحه ..اجمعو هنا كلكم؟؟؟؟؟؟؟؟ (Re: أبو ساندرا)
|
| Quote: الدنقلاوية دي سيبك من القراريص حقت اهلها |
إنت يادوووب قنشت الكمنة ؟ ..
عمارة دنقس يااااا ..
كاباكوبانا للهرجة دي قدماي ..
شكلك داير ليك ليف شكول بس ..
و سمير القرصان ما دور يا مان ..
دنقلاوي قريب رشيدة بياكل في ( تركين ) يعني ملوحة يا عربستان إنت .. جات الكديسة تحته : ناو ناو ناو , قطع حتة طمبسها في التركين و جدعها ليها .. الكديسة بعد شمتها مساااااافة , قبلت عكس .. و دفنتها  ..
( تكون قايلاهو خريستو ؟؟؟ ) 
جهز حالك ليوم 27 إذا بتريد ..
و خلي الغستان في الغان .. عشان الدور ما يكون أحمد مظهر .. عارفك مجدي فليته يااااااا ..
| |
|
|
|
|
|
|
|
|
|
Re: بورداب الجمال والسرور بورداب الدوحه ..اجمعو هنا كلكم؟؟؟؟؟؟؟؟ (Re: ضحيه ابراهيم)
|
Quote: و دفنتها ..
( تكون قايلاهو خريستو ؟؟؟ )
|
وحاتك ياعمدة ضحكت حتى سرت العدوى للمكاتب المجاورة
وصادفت السكرتيرة الفارهة ، المكشرة فوق عدلها ،
فإفتر ثغرها التثاؤبة عن بسمة رفت زي طائر
وإنسابت كجدول ماء رقراق
جرح صيامي
و ودر قيامي
قت لي عملت ليهو { الدفنة }
قايلاهو { هراري ؟؟؟ }
يقرفك ياحاسد
طلعت الميلوحة/ التركين من نفس عمر بوب
وفي رواية أخرى
من نفس الموصلي
| |
|
|
|
|
|
|
|
|
|
Re: بورداب الجمال والسرور بورداب الدوحه ..اجمعو هنا كلكم؟؟؟؟؟؟؟؟ (Re: أبو ساندرا)
|
Quote: فعلا ..
بورداب جمال ناس الدوحه ديل.. عيني بارده..
اتابع مداخلاتكم وروحكم المشبعه بالزمن الجميل... اضفتوا للدوحه (الصغيرونه دي.. حسب علمي) اميالا من الالفه والالق..
جو اسري رائع.. ومن الوصف، اكل خطير.. مافي احسن من كده..
دايما عامرين... وعسى ان تقتدي بكم ’العواصم المجاوره‘.. |
شكرا يا نجوان ومنوره بوست بورداب الدوحة والله
يلا ياشباب تعظيم سلام للاخت نجوان....ويلا يا ابوساندرا وين اللستة بتاعة الناس المعزومين
لبطولة الاولمبياد الاسيوية علي نفقة ميزانية بورداب الدوحة...
تكحيلة...
انا مويد عمر بوب علي 27 شهر 11 (اسوي شنو ياخي...اصلوا مهندسي الكبير والسنير بتاعي)
ويلا نحو رحلة في 27 شهر 11...والا انها الحرب...!!!!
| |
|
|
|
|
|
|
| |
عبدالكريم الامين احمد
Siddig A. Omer
أبو ساندرا
عمران بابكر بدري
Emad Abdulla
hameem
ودرملية
ضحيه ابراهيم
Omar Bob
عوض حمزة
نجوان
ودالعباسية
فيس بوك
تويتر
انستقرام
يوتيوب
بنتيريست