بورداب الجمال والسرور بورداب الدوحه ..اجمعو هنا كلكم؟؟؟؟؟؟؟؟

الحلوين الاعزاء بورداب الدوحه الجميلين كل سنه وانتم طيبون ورمضان كريم وتصوموا وتفطرو على خير وعساكم من عواده..هذه بمثابة دعوه لافطار جماعى شامل كامل على الكورنيش وللتفاكر فى رحلة العيد وفرحة ساندرا وابوها وامها.. وحاجات تانيه كتييييييييير.. بس نحنا فاقدين الرئيس المخلوع رندوك ونشاطها وكذلك الاخ ودالقريش انت دخلت القفص الذهبى لاول مره؟ ام دخلت ابوغريب كفاك امرق واظهر ..

1) معتصم الطاهر
2) بدرالدين الامير
3) عبد الكريم الامين
4) ودرمليه
5)نادوس
6)صلاح عبد الله
7)عماد عبد الله
عوض حمزه
9) بهاء بكرى
10)ابوساندرا
11)مامون (ابو الطيب)
12)عمر بوب
13)محمد عبد الرحمن
14)ود العباسيه
15) عمران بابكر بدرى
16) رندوك
17) رشا حاتم
1نانا
19)ياسر حامد
20)ود الزين
22) لقمان همام
23)كيغا2000
24) بشير جبريل
25) هجو الاقرع
26) عماد البليك
27) فيصل عباس
2 ابنوسه
29)ابوبكر الامين يوسف
30)عبد الحمن ابوشيبه
31) معتز القريش
32) ماهيتاب بركات

عفوا اذا نسيت احدا سهو نحن فى انتظار مداخلاتكم واقتراحاتكم وهنالك مفاجأه كبرى كبرى فترقبوها...

التحية لناس الدوحة
ونضيف خطاب

الايام دي بنقنع في بعلنا في التقديم لجامعة قطر
عشان ما ممكن معتز يكون الظلامي الوحيد..
لازم تكون معاه ظلامية ترفقو..
تحياتي لك
و للوالدة والزوجة والحزافير..

مرحبتين دكتوره بيان وكل عام وانتى بخير وتحيه للابنه زاريا ولزوجك.. الدوحه يا بيان ما ناقصه ظلاميين كفاية علينا معتز القريش و.... لكن برضو بنرحب بزوجك فى الدوحه ..

عفوا لقد سقط سهوا وليس عمدا اسم الاستاذ الاديب والكاتب / عبد الغنى كرم الله بشير
والمهندس الكبير صديق عبد المنعم عمر والاستاذ الموردابى..

مرحب وحبابك يا ضحية..
وعلم..ياكمندان..
لكن انت وبيان الاتنين طلعتوا كيشة في الحساب...!!!
بيان عدت ظلامي واحد بس (معتز قريش)..ناسية او متناسية ظلامي اخر كبير ومثير للدخان
الكثيف..وساكن دخان كمان (هجو الاقرع)..!!
وناسية ايضا الظلاميين النص كم..!!
وناسية اصحاب الظلاميين (بدر الدين ملاسي) نموذجا...واصحاب الظلاميات ودي ممكن
يجتهد معانا الاخوان في ايجاد نموذج...!!!
في ظلامييين جدد يتوقع دخولهم جوقة الظلام..وده بعتمد علي الجرعة الظلامية في جامعات
(ماليزيا)..وهنا ابوساندرا نموذجا...!!!

انت يا ضحية..شيل شيلتك مع
1_ خليل
2_معاوية الزبير
3_فيصل الزبير
4_راكوبة
5_عامر تيتاوي
6_مامون
7_ وحرام عليك شيخ شيوخ البورداب صديق عبد المنعم...
واخيرا نويد وجاهزين جاهزين...يا الريس ضحية...كده انت ريس (كدا)...!!!!

وانا ذاتي اشيل شيلتي مع صديقي الجميل معاوية الطيب..فهل ينسي القمر..
مثلك يا معاوية..تضبح له النوق..!!!

حين تنادينا ياضحيتنا نحمع طوعا

كيكى يامصحح سهو ضحية000

حتى أنت تسهو عن محمد السنى؟!


تكويعة: المرة الجاية لمن تكون داير تصحح قول ياشيخ ملاسى تلحقنى وانا المفزوع

Quote: تكويعة: المرة الجاية لمن تكون داير تصحح قول ياشيخ ملاسى تلحقنى وانا المفزوع

بدر السني..مثل القمر ولايخفي علي احد..والكبير كبير..
ملاسي مافاضي اليومين دي للتصحيح..مخلوع من الرسومات المبدعة لعماد عبدالله
ومباريها من بوست لبوست..وعندما يغلق فمه من الدهشة والانبهار سنناديه للتصحيح..!!

السلام عليكم ،،

وتصوموا وتفطروا على خير ،،،،

ضحيه ،،، والعقد الفريد ،،

نحن جاهزين ،،

أخونا الجميل ضحية ..
ومدسوس ليك مدة
إن شا الله ما تكون أظلمت زي معتز و عملتها
( مع إنه عارفك هيروشيما من الحيكومة )
غايتو الله يكضب الشينة .
و جاهزين يا ريس ..

كل سنة و إنتو طيبين .
شوفو لينا مجلس تنسيق يجتمع و يدينا المفيد ..

طبظة :
إجتماع في مكتب بدر الدين : نهي
إجتماع في شقة بدر الدين : نهي
الدنيا رمضان و كده ..

الحبيب الباشمهندس / عبد الكريم الامين

رمضان كريم وكل سنه وانت طيب


شكرا للتنبيه وانا ذكرت فى اول البوست وقلت عفوا ثم عذرا اذا نسيت احدا سهوا





الاخ بدر الدين الامير/ الدنيا رمضان ورمضان شهر بركه وتكتر فيه الحسنات والعمل الطيب

خلى الفتن يا ام قيردون الحاجه الكل سنه داجه...


ود العباسيه يا ملك الكاميرا كل سنه وانت طيب ..شكرا ليك وانت دايما جاهز وتعمل فى صمت..




الفنان القدير ملك الابداع والجمال والفن / عماد عبد الله

كلك زوق وتنضح فنا وتتحدث رسما..شكرا ليك بس انا بشبه ود القريش فى شنو؟ انا بعملها عينك

ياتاجر مش فى الظلام.. وحاثبت ليك انا ما هيروشيما..

القامات السوامق الاعزاء:ـ

الاستاذ الممثل القدير/ محمد السنى دفع الله

الاستاذ/ فيصل الزبير

الاستاذ / معاويه الزبير

الاستاذ/ معاويه الطيب

الاستاذ/ راكوبه

الباشمهندس/ صديق عبد المنعم عمر

الباشمهندس/ خليل

عفوا ثم عذرا ولكم العتبى حتى الرضا فانتم ارقاما لا يمكن تجاوزها ونحن نتشوق للقياكم ورمضان

كريم نحن فى انتظار مداخلاتكم ونتطلع لمقترحاتكم وافكاركم.. لكم مودتى

شكرا ضحية

واهلك الجلابة قالو

في اخر المراح

دائما تجي الفترانة

يا ضحية
انت في الأول أجمع عندنا
ووعد الزول دين عليه

واصحاب الظلاميات ... أسع فى زول جاب سيرة الكداريك هنا ...


اها د. عمر صيدلة ... بى خالو نسيتوهو
و شكرا يا ضحية

ادعوكم للاجتماع فى مكتبى ؟

الجديد أو القديم ...

اقترح لجنة من

معاوية
ضحية
بدر
كيكى ..

واقترح الثلاثاء 10/10 موعدا للإفطار
الزمان ( دى للفاطرين) .. آذان المغرب 5:13 دقيقة مــســـاءا

والمكان .. على القمة قرب الشلال فى حديقة البدع

الاخ ضحيه لك الشكر على هذه الاريحيه ، اذا فى اكثر من ست ظلاميين سوف احضر ، والا انا على الاستعداد لضيافتكم فى دخان ، اغاظه فى اخونا المهندس عبدالكريم طبعا يا باش مهندس دخول دخان بى قت باص وبرضو بطاقتك ما حا تدخلك. طبعا ابوساندرا باعتبار ما سيكون (ظلامى) ماليزيا وجامعه اسلاميه، ابوساندرا شوفو كلامى انا قابلته وهاتفته الرجل مشروع (كوز) بس داير ليه لزه خفيفه

Quote: انا بعملها عينك ياتاجر مش فى الظلام.. وحاثبت ليك انا ما هيروشيما..

ضحية يعلن عن نواياه الشريرة في التعدد
ويشرع في تحويل النوايا إلى عمل بدأ بإبعاد أميرة
مزينآ لها الأمر بأن : أمشي صومي مع أهلك
وهو يعلم أن رمضان هناك صعب وحار
والمسكينة المغلوبة على أمرها مشت
الآن تكتمل حلقات المخطط التعددي
ويعلن المسيري عن حقيقته ويكشف المستور

فتحول ال { ضحية } إلى مجرم
هسع الضحية منو ؟

لك الله يا أميرة
وستدور الدائرة على الباغي الآثم المعتدي
ولانامت أعين الظلاميين المعددين

آل ضحية آل !

اصحاب الظلاميات ودي ممكن
يجتهد معانا الاخوان في ايجاد نموذج...

انت يا كيكي الخوف شنو
قولها عديل كدا ود رملية.. انت لاقيه صغيرومسكين حاقر بيه
انا لو جيت الدوحة بجي عشان ودرملية دا بس بعدين الدكشمان يبدأ
اختى تجيب ساطورها وتجيك..
اوعى من ود رملية انا بعوق فيه..

Quote: انت يا كيكي الخوف شنو قولها عديل كدا ود رملية.. انت لاقيه صغيرومسكين حاقر بيه انا لو جيت الدوحة بجي عشان ودرملية دا بس بعدين الدكشمان يبدأ اختى تجيب ساطورها وتجيك.. اوعى من ود رملية انا بعوق فيه

الحمد الله يا دكتورة..الطلع صحبك ودرملية بس..وكده انا براءة.
لاني بصراحة اليومين الفاتن ديل اتعرضت لمجلس تحقيق بوردابي دوحوي
وقالوا بصراحة مافي فرق بينك يا كيكي بينك وبين بدر الدين الامير..
(بدر الدين يرقد لملاسي..وانت يا كيكي ترقد وتصلح لبيان)..وكده انا
احمد الله..البقي صحبك ودرميلة بس...وح اطلع من العقوبات بتاعة
قوة الاستنارة الكانوا ناوين يعملوا لي حملة بتاعة اغتيال اسفيري...!!!

هجو الاقرع..سلامات ورمضان كريم ياخ..

طبعا ستة ظلاميين ديل مافي ليك طريقة,,الا نسلف ليك من الرياض..
والمكان سوف يحسم بالانتخابات..(طبعا انتو الانتخابات دي بتخوفكم شديد)..

ابوساندرا...!!

Quote: ابوساندرا شوفو كلامى انا قابلته وهاتفته الرجل مشروع (كوز) بس داير ليه لزه خفيفه

علم يا صاحبي..
وعليك الله من حسي جهز كتاب(مشيناها خطي كتبت علينا..ومن كتب علي ابوساندرا خطي مشاها)...
هل نحلم باحمد سليمان اخر!!!!!
غايتوا يا هجو الكويسة فيك انك قاعد تكشف لي الناس ديل واحد واحد
هاشم كرار طلع بتاع كيان شمال..وابوساندرا طلع مشروع احمد سليمان جديد
يا ربي معتصم الطاهر كيف...!!!!

الاخ عبد الكريم سلامات ، الانتخابات نحن اهلها ، معتصم الطاهر غاشيكم انتو معتصم زولنا وكرتو معاى . خليه يقول غير ذلك . ديل ناس بربر عنصريه ساكت بقيفوا معنا. ان لم تخونى الذاكره فهو امين موقع كله جلابه او فى واحد يحمل نفس الاسم.

ستة عديل كدة
ما اظن .. انت ما عاوز تعزمن ساى

قول واحد ..

Quote: ابوساندرا شوفو كلامى انا قابلته وهاتفته الرجل مشروع (كوز) بس داير ليه لزه خفيفه

ياجيت متأخر
ياماجيت
يافطرت اليوم داك
والبادي أظلم

سلام بورداب

سلام حبان ... ضحية

اقتراح جميل

بس ورونا التفاصيل ... شنو

معتصم قال
يوم الثلاثاء 10/10

Quote: اقترح لجنة من معاوية ضحية بدر كيكى ..

والله يا ريس خايتنا مع بدر وضحية دي مشكلة كبيرة خلاص..لكن مافي عوجة
بس اقترح اضافة الاخوات رندا..وماهي ..ونانا..هذا الثالوث الذي ابدع في الرحلة بتاعة
الخور الاخيرة..!!

السني
بطل خرخرة..
اصلك كايس ليك سبب يفطرك ساكت..لكن لاتفرح كثير فهنالك عدة من ايام اخر راجياك..

الباشمهندس / خليل معتصم الطاهر

انا جاهز للاجتماع فى اى مكان وزمان لكن يبدو ات الاخ معاويه الطيب لديه بعض المقترحات






الاستاذ / هجو الاقرع سلامات ورمضان كريم.. اقتراحك محل احترام وتقدير فقط نشوف راى الجماعه لكن

هذه المره لازم نشوفك..




ابوساندرا انت يازول مالك عاوز تجيب لى الفتن والمشاكل الجماعه سافرو اجازه عاديه وبرجعو بعد

شهرين ( بعدين انت قايل بحرى مافيها نت ولا شنو؟ على فكره الجماعه من المتابعين للمنبر)




الاستاذ الفنان/ محمد السنى يا جمل الشيل يا كبيرنا واستاذنا عفوا مكرررررررررر مليون

ولو ماجيت نحنا البنجيك ..


ياجماعه جاءنى من الاخ بدر الدين الامير ان الظلامى معتز القريش يستنجد بكم من الحصار الاجتماعى

المفروض عليه بحرا وبرا وجوا وكمان اسفيريا وعلمت ان تلفوناته مراقبه ومشاويره مراقبه والاخطر

انو حذروه بالاسم انو ما يبارى بدرالدين الامير ولا يزوره فى شقته..لكن والله ناس الدويم ديل صعبين

خلاص ده غير الواجب المنزلى المفروض عليه..(الله يعينك)

ضحيه ورفاقه
اللا غر ولا ميامين
ممكن دفترتكم الفاضي
لنوقع او(نوقع)

Quote: طبظة : إجتماع في مكتب بدر الدين : نهي إجتماع في شقة بدر الدين : نهي الدنيا رمضان و كده ..

عماد
ياخوي مالك خليتني اتحشم ياراجل
انت بدرالدين هو(...................)
كل رمضان ونحن كده وهو كده

للجميع و بالجميع و كل عام و الجميع بخير .. ورمضــان كريم

حبــاً....معاكم قاعد هنــا والبتتفقوا عليهوأ موافقين...بس أنا بتاع رحلات و كدهــا.....

اقترح نفس نادى الشــاطئ بمدينة الخور ,, الجو صفــا... وبرد....يعنى شتات با"فردة"

أما بخصوص الفطــور......فاقترح أن يكون فى بيت أحد الاعضــاء حتى يكون سودانياً خالصــاً...يرجعنــا الى البلد البعيد.... و خاصة فى رمضــان....كتروأ الكسرة.....

ضحيــة أخوى دى ما المحريــة فيــك فنحن قادة بالسليقة.....يعنى بالفطرة


و شكراً يا"كيكى" بالرغم من أن عبدالكريم...أحلى....و ضحية هو "الضحيــة".....


معاكم قاعد "متحكر" بالرغم من بطء البورد.....و سلة الروح

سلامات
وعوافي
كل سنة وانتو طيبين يا احباب ..
واللمة مشتاقين ليها والله ..
خصوصا انو الواحد تقريبا غير عبدالكريم ما قاعد يلاقي زول منكم..
يعني اللمة ضرورية ومطلوبة ..
وياريس شنو يعني ما قلنا ليك رسل لينا تلفون صالح ..
والا عايز الزول يكون زعلان مننا ..
الظلامي ود القريش امانة انا ما متلوم معاك ياحبيب ..
اعفي لينا وشوف لينا اي لافتة عزر وختنا تحتا..
بيان كل سنة وانتي والاسرة بالف خير ..
وصاحبك عبدالكريم حقارتو بي انا بس .. لكن هو طبعا "عايش في جلباب وزارة الداخلية" عشان كدة بيكون حاد مع اي زول خصوصا زول ما عندو وزارة ولا بطيخ ..شفتي كيف ..
يازولة كيكي دا كان بيخش البيت الساعة اتنين صباحا في رمضان او في الايام العادية هسي بقا بيخش البيت صلاة المغرب مابيطلع منو الا اليوم التاني .. ياخي دا عندو وزارة داخلية في السلك..
تسلموا ياشباب ..

ياشباب هتالك عدة اقتراحات للمشروعين :ـ


1) الافطار الجماعى


هنالك اقتراح بان يكون فى احد الفنادق او الصالات واقتراح اخر بان يكون فى الكورنيش نفس المكان الذى تم الاحتفال به بالا ستاذه سوسن دفع الله جوار الشيراتون وهذا الاخير يتطلب بان يأتى كل شخص بمشاركه من عنده من طعام او شاى او قهوه.ومازالت المشاورات جاريه لكن رايكم مهم وبسرعه نرجو تسجيل اقتراحاتكم.



2) الرحله




الرحله هنالك راى غالب بان تكون تالت يوم فى العيد فى نفس نادى الشاطىء براس لفان

وعليه يرجى ايضا تقديم الاقتراحات والمشاركات لو ضع البرنامج..

ها قد عدت .... والعود احمد

مع انى زعلانه من ماهيتاب لكن ما مشكلة عشان خاطركم ح اشتغل معاها من وراء حجاب

اتفقو وقرروا ... وجاهزيييين


تحياتى..

نوافق (سكوتياً)
ونرحب بالجميع في نادي المجمع أو منزلنا الذي يعمره وجودكم.

مسموح لي بقول كلمتين فقط

وين ومتين ؟

الله يلعن أبو العرس ... لحقوا علي


همسة : جاييكم واحد واحد بس اصبروا علي شوية

Quote: ابوساندرا انت يازول مالك عاوز تجيب لى الفتن والمشاكل الجماعه سافرو اجازه عاديه وبرجعو بعد شهرين ( بعدين انت قايل بحرى مافيها نت ولا شنو؟ على فكره الجماعه من المتابعين للمنبر)

ضحية
طلعت هيروشيما بالجد
طيب ماتقعد بأدبك

و
حاتجينا متين ؟

Quote: ها قد عدت .... والعود احمد مع انى زعلانه من ماهيتاب لكن ما مشكلة عشان خاطركم ح اشتغل معاها من وراء حجاب اتفقو وقرروا ... وجاهزيييين تحياتى..

مرحب الريس رندوك...وسمحة الطلة والله...
ماهي دي مالا...اوع تكون عاوزة تتمرد وتنضم لليكود كمان..!!!

الاحباب جميعا سلامات

ودرمليه

صديق عمر

الاستاذ نادوس

فيصل عباس

وجودكم مهم بس كتروا القراريص والعصايد ةالروب والتقليه

الاخوه الاعزاء تقريبا الكل اجمع على الكورنيش جوار الشيراتون على الحديقه الجوار الكافتيريا
لكن هنالك فريق يرى ان الثلاثاء مناسبه وفريق اخر يرى الجمعه انسب.. يلا ادونا اراءكم سريعا
ويرجى من الجميع المشاركه فى هذا الافطار للتلاقى والتواصل ومناقشة موضوع الرحله ونتمنى ونامل ونرجوا الجميع المشاركه والافطار عائلى لكل البورداب واسرهم وضيوفهم ..



الاخوه الكرام فاتنى ان اذكر اهم واعز البورداب وكما اشرت سابقا فقط والله سهوا وليس متعمدا فلنرحب بهؤلاء وكل من فاتنى ذكره ارجو تذكيرى..


وهم :ـ

الاستاذ والقانونى الضليع

1) عصام حسين وعائلته

الفنان والكوميدى الكبير

2) عادل سعيد ابو جقادو وعائلته


المصم الفنان المبدع

3) محمد ابوعاقله الطريفى

طيب يا ضحية مساله الافطار نفسو اتحسمت كيف ... اذا كل واحد ح يجيب حاجه حقوا تحددو اصناف معينة وتتوزع على الناس ... وممكن التكرار ... يعنى مثلا الصنف الواحد يكون على اسرتين او ثلاثة عشان الكمية تكون مناسبة لكن كده بدون تحديد كل اسره ح تجيب حاجة وممكن الكميات تكون بسيطة

Quote: طيب يا ضحية مساله الافطار نفسو اتحسمت كيف ... اذا كل واحد ح يجيب حاجه حقوا تحددو اصناف معينة وتتوزع على الناس ... وممكن التكرار ... يعنى مثلا الصنف الواحد يكون على اسرتين او ثلاثة عشان الكمية تكون مناسبة لكن كده بدون تحديد كل اسره ح تجيب حاجة وممكن الكميات تكون بسيطة

تحية لعودة رئيستنا البارعة
شفتو كيف بتقعد الإقتراحات
وبتجيد التنظيم ؟


بالنسبة لليوم الموعود
نقترح
الجمعة
وذلك للأسباب التالية :
- بنحضر ونحن مرتاحين
- بتكون في فرصة نساعد الزوجات في المطبخ لتحضير وجبات تليق
- المزاج بيكون رايق عشان ماكان في ضغط شغل
- لإتاحة الفرصة لمشاركةرفيقات قادمات من الخرطوم يوم الخميس

هلا بى ابو البنيات ... ليكم وحشة والله

طبعا يا ريت لو الكل يوافق على يوم الجمعه لانو يوم الثلاثاء بنكون شغالين وما ح يكون فى زمن نرجع البيت ونجهز الاكل لكن يوم الجمعه بنكون فاضيين ليكم من الصباح ولومونا لو ما عملنا ليكم اكل يحير!!!!!!!

واذا اتفقنا على مسالة تحديد اليوم بعد كده حددو الاصناف ونوزعها على الاسر المشاركه بما فى ذلك العصاير والتمر والموية البارده والتحلية والشاى والقهوة.

رايكم شنو؟؟؟

حددواليوم
ان الثلاثاء مشغول
الجمعة مشغول
واحد امر علينا البيت اشيل الصنف المحدد للعوائل
دي مساهمتنا
بس

الأخت رندا
والجميع

أثني أن يكون الموعد يوم الجمعة، وخاصة بعد وعدك بتحييرنا

Quote: ولومونا لو ما عملنا ليكم اكل يحير!!!!!!!

Quote: هلا بى ابو البنيات ... ليكم وحشة والله

يا راندوق
امس بلغت ماهيتاب بلومك عليها
كان ردها : لمن هي ترجع / تفتح تلفوناتها لو ما إتصلت فيها بستحق اللوم والعتاب

اها الكرة في ملعبك ، ومحتاجين ننسق معاك


ممكن السبت
عشان خاتر سنسنة

بعد اجتماع سريع عبر الهاتف النقال..وبحضور الريس
رندوك..وعبدالكريم كيكي..وحضور انا الريس الشرعي
ضحية ابراهيم..تمخض الاجتماع وبعد نقاش مستفيض
ومسح غذائي رمضاني..مشفوع بروح المائدة السودانية
ومتطلبات التواجد في الغربة البعيدة..تم الاتفاق علي هذه
الاقتراحات..التي نتمني ان تنال رضاكم وقبولكم السكوتي
بالاجماع...!!!
1- تم اقتراح يوم الجمعة الموافق 13_10 يوما لافطار الرمضاني لبورداب الدوحة
2_تم تسمية الاصناف التي يفترض توفيرها من ماكولات ومشروبات
3-تسمية المهام وتوزيع الواجبات علي الاسرة البوردابية
4_رفع المعانة عن كاهل الاخوة العذابة وتخفيف جرعة الالتزامات عليهم للحد الادني..
توصيات الاجتماع...
أ‌- الماكولات
1_عصيدة...(تقلية+نعيمة)
2_فراخ محمر+شوربة
3_سامبوكسة
4_سلطة روب
5_الفول
6_طعمية وفي مقولة اخري (فلافل)
7_شوربة خضار+ شربة عدس
ب_ المويات
1-الابري الاحمر..(والابيض ان توفر)
2_كركدي
3_تانك
ج_الشواهي
1_شاي
2-القهوة
د_التحلية
1_لقمة القاضي
2_بسبوسة
3_ ام علي...
يتم الاتفاق علي صنفين من الثلاثة اعلاه,,,
ه_ مهام الاخوة العذابة تتلخص في توفير المياه المعدنية بكميات تجارية
سوف يتم توزيع الواجبات علي الاسر البوردابية عبر الهاتف بعد الاتفاق علي شكل المائدة الاساسي
ولكم شكرنا العالي....
رندا حاتم
عبدالكريم الامين
ضحية ابراهيم...

يا ريس رندوك ..
نايس تو هاف يو باك ..

Quote: ولومونا لو ما عملنا ليكم اكل يحير

الناس الإسمهم ضحية و كيكي و بدر الدين و محمد عبدالرحمن ديل ..
ما تحرجيهم بيها .. ديل ناس أقاليم ساكت ..
بس بردو أسحابنا يعني ( بردو = برضو )
سوري رانداا .. بس نو نيد إنك تعملي :
بلاستروك بالعسل الأبيض .. ولا : صينية طاجن إلية الغنم بصلصة الزبدة .. ولا : سيستر ماري بالكريما .. ولا : مرق الحبش بالأونيون .. ولا : قريلد ليفر بالكاري الحار .. ولا : التريبل ديف مخلية العضم .. ولا : القريلد شيييييس باللحم المقدد ..
بس ياااي .. عارفه .. الأخيرة دي بجد تعمها حلو .. ( تعمها = طعمها )

ولد دا !!!!! حيرتهم

اوكى ح نحاول نعمل اكلات بسيطه ومكوناتها معروفة

سدقنى فكرت اعمل ليكم سويت اند ساور او صينية اسباجيتى بالمشروم او دجاج فاهيتا او حتى جرلد شرم لكن اوكى ما ح نختلف

الاشياء المذكوره فوق دى يا عمدة بتتاكل بالملعقة بس ما عارفه ح نتصرف كيف مع الحاجة اللى اسمها تقلية ونعيمية عرفت انها مايعة خااالس.

قلت لى الخصله الجدعتها عامل ليها هاى لايت ولا ميج!!!!!!

قول ليها رندا عندها تلفون مكتب هى عارفة رقمو

لكن ما ياها المحرية فيها ... التصبر لى

مرحب بكل الزملاء
ورمضان كريم

نوافق على يوم الجمعة
وناسف على الغياب ولكن على اتصال
وتنسيق تام مع الشباب

والله يا ساكوبة..عقدتنا عديل..
انت عارف انا كنت قاشر بي

Quote: لقمة القاضي

تقوم تجيب لينا

Quote: قريلد ليفر بالكاري الحار

ده حسي ياكلو ولا يتهجو..ولا شنو..!!
ده انا غير قريب فروت ما فهمت اي حاجة,,,براحة علينا يا شباب..
وخلونا عليكم الله في التقلية والابري حقنا ده...!!!

حفريات..اها يا جماعة الموعد جمعة ولا ثلاثاء..افتونا يرحمكم الله..!!

حفريات سوف نظلل بها مداخلتنا في هذا البوست,,تحية وتقديرا للاخ بدرالدين

كل الجمال وكل سنه وانتم طيبين بمناسبة بدء العد التنازلى للشهر الجميل الكريم رمضان , وارهاصات عيد الفطر المبارك
و
نتلاقى
فى
الفطور ياضحية!!!!!!

Quote: الحاجة اللى اسمها تقلية ونعيمية عرفت انها مايعة خااالس.

أووووووه ماي قود ..
سو بريميتيف أند ديسقستينق ..
بس يللا .. كلو يهون علشان شهر السيام ديّه .. نتحمل و نجي على نفسينا شوية و نحس بآلام و معاناة الغلابة ديل كمان .. أوكي ؟؟

ياشباب وينكم نحن فى انتظار مقترحاتكم

ياشباب ..كل سنة وانتو طيبين وتصوموا وتفطروا على خير ...

ياعماد ..شنو يا (درفة )؟

حيرتنا والله ..انت ياخوى من (الديم ) ولا من (نمرة اتنين) ؟
وبعدين ناس الديم لو شافوك بتتحنكش كدا بتبرو منك ..
نحن كمان ياعماد الديم بنعرفو ..وماجينا الخرطوم
ساكين لينا كيس ..عندكم فى الديم يومكم التغيروا من
(البوش) (للكوارع ) دا يوم عيد ..والديم دا لفيناهو
زقاق زقا ق وشارع شارع ..دحين ياخوى (الحكى ) دا
قولوا لناس تانين .. والله انت تاكل الاكلات الكتبتها
دى الا تمشى على الطوارى عدل ..(بطنك) ذاتا
تنخلع من المصائب الجاتا دى ..وان عدتم عدنا ...

التوقيع :

اهل العوض وماجاورهم ..طبعا ياعماد ماجاورهم دى
بتشمل بهاء الدين بكرى ...و هو بقول انا مولود
فى الموردة ..(التقول نحن ولادة الموردة مابنعرفا ) ..
(لوووول)...

الكلام ده شكلو كالاتى يا ضحية :

اليوم الجمعه .... حتى الان فى اصوات تاييد ولا يوجد معارضين .. اذن يعتمد

المكان: الكورنيش فى اقتراح واحد اخر وهو الخور لكن اعتقد مع الصيام ده مافى زول بيقدر يسوق للخور قبل ما يفطر.. فاحسن نخليها فى الكورنيش بدل العالم الراسها ضارب مع الصيام ده يمرقونا فى ام طرقا عراض بدل الخور.

الافطار: الوجبات المذكورة فى مداخلة كيكي واى اضافات اخرى مرحبا بها

باقى تقسيم الاصناف وتحديد الاسر الملتزمة بكل صنف عشان الناس تعرف المطلوب منها شنو بالضبط ... مع مراعاة انو كل اسرة تعمل الكمية المطلوبة منها شبه تجارية وذلك حتى يغطى العرض الطلب

والى اللقاء ....

سو بريميتيف وبس ... انبليفابل.. بيوند اماجينيشن
بس اوكى يا سيدى على رايك خلينا نتعاطف معاهم شوي

يا ناس الدوحة

نجيكم ؟؟

ياناس ياعســل... صديق وصــل......معاكم اين ما تذهبون واسرتى

عماد عبد الله......هسع عرفتك لى ماجيتنى فى الخور....يامان انت بقيت من ناس العمارات...لكن "بجى الخريف و اللوارى بتقيف".

انا جاهز من كلو......و كلو معناه شربات و شطوط و ملاحات لزوم ما بعد رمضــان....


معتز...بالغته ياخى تعرس و ماتقول لينــا...بالمناسبة انت بتقنع الاولى كيف عشان تجيب التانية....و الله خائف......بالله رسل الاجابة فى ال SMS ... على كلِ الف مبروك و انشــاء بيت مــال..... وعيــال..... و بالله شوف واحدة لمعاوية الطيب لانو عامللينا وجع وش.

أما البقيــة فاكيد معاكم يوم الجمعة............رمضــان كريم و كل سنة و الجميع بخير

البصل الاخضر
والفجل


مسؤليتي (فقط وسعوا المساحه لللواري الداخله من وين كده يا عيني)

فلاش: هم فوق هم هما- لا العمارات السوامق لا الاسامى الاجنبية تمحى من عينينا ملامحك يا(أربجى)

مدخل: انه من بدرالدين الامير وانه بسم الله الرحمن الرحيم

يا محمد عبدالرحمن ،خذ العفو وأمر بالعرف ،وعرض عن الجاهلين ، وعماد عبدالله

حين كتب تلك المداخلة ، كان أمامه (المينيو ) بتاع كبار الضيوف لدورة الالعاب الاسيوية

وهل أنت جاهل، لكون عماد عبدالله خارج لتو من القمقم أى (12) سنة فى السعودية أكاد أجزم

انه جرب خلالها أكل (الضب ) وهو أكلة مفضلة عند البدو فى السعودية


هبشة: ياكيكى العزابة خشم بيوت فيهم، المتشرد الاخير أو الضحية، وفيهم الساكن مع مجموعة ويمكن

يكون عليه الميز ،وفيهم عبدالرحمن بركات ،وفيهم العندو صديقة وعندو خدامة،وفيهم العندو كلب

Quote: ياكيكى العزابة خشم بيوت فيهم، المتشرد الاخير أو الضحية، وفيهم الساكن مع مجموعة ويمكن يكون عليه الميز ،وفيهم عبدالرحمن بركات ،وفيهم العندو صديقة وعندو خدامة،وفيهم العندو كلب

كل من ورد اعلاه فهو عزابي في عرفنا ماعدا
1- بركات..فهو اسرة كاملة ومتكاملة..
2- العندو صديقة فهو قبلوس...!! يجلد ثم يرجم وقد يضرب عنقه..!!

احبابنا الحلوين سلامات ورمضان كريم..

والله مشتاقين

كنت خلال الفتره السابقه بعيد عن البورد

مع زحمة العمل وحاجات تانيه حاميانى..

وبالرغم من كل حاجه حانتلاقه باذن الله

يوم الجمعه..

شوفوا المطلوب منى شنو وانا حاضر

ضحيه الرجل الجميل شكرا على المبادره

مرحبا بكل المتداخلين..

هميم مرحبا بك ونحن فى انتظارك.


صديق عمر بالله النعيميه الكاربه ديك وحاجات تانيه حاميانى.. واهم شىء الكاميرا

بدر الدين الامير / قلنا ليك خلى الفتن وبعدين انت هسى ما عذابى فرقك شنو مننا الله يخلى ناس

(...............................)


عباسيه الكاميرا الدجتال


عوض حمزه / وينك ياجميل ..شكرا على الطله ونحن فى انتظارك بس تعال بدرى وخلى التأخير..

الاجباب الحلوين..

تم نعديل المكان ليصبح جوار فندق موفمبيك على الكورنيش لوجود خدمات ومسجد والعاب للاطفال

والمجال متروك لكم اذا كان لديكم راى اخر..

اها يا شباب الفاينال شنو ،،،

عشان نعرف وكدا باقى يوم لى يوم الجمعة دا ،،

المكان جوار فندق موفمبيك على الكورنيش

الزمان

الجمعة

المكان جوار فندق موفنبيك ... قلنا امين

لكن الاكل عملتو فيهو شنو وقسمتو كيف ولا اى زول يجيب اى حاجة

فهمونا ....

Quote: لكن الاكل عملتو فيهو شنو وقسمتو كيف ولا اى زول يجيب اى حاجة

أنا غايتو جايب تركين ( ملوحة ) ..
جيبو إنتو مشابك للنخرة .. أو أقنعة غاز

و حقو يحصل تنسيق أكتر يا ضحية عشان ما كل الناس تجيب التقلية الطبيخها ساهل دي ( لأنه العوين ديل قدونا بالتقلية في رمضان .. يصحن الساعة أربعة و يردموك عصيدة و تقلية ) ..
أها .. المويات : كل واحدة ح تقوم تهرينا الجركانات بتاعة العصير الجاهزة ديك , ده كلام ما شغال ..
دايرين شغل سوداني : عرديب و قنقليز أو كركدي و حلو مر .. آبريه أبيض شغال برضو .

ضحية / صديق / كيكي / أبوساندرا / عوض / أبوعاقلة .. أم فت فت كيف ؟؟؟ ..
أوع تكون بتجرح الصيام كمان !!

Quote: الحمد الله يا دكتورة..الطلع صحبك ودرملية بس..وكده انا براءة. لاني بصراحة اليومين الفاتن ديل اتعرضت لمجلس تحقيق بوردابي دوحوي وقالوا بصراحة مافي فرق بينك يا كيكي بينك وبين بدر الدين الامير.. (بدر الدين يرقد لملاسي..وانت يا كيكي ترقد وتصلح لبيان)..وكده انا احمد الله..البقي صحبك ودرميلة بس...وح اطلع من العقوبات بتاعة قوة الاستنارة الكانوا ناوين يعملوا لي حملة بتاعة اغتيال اسفيري...!!!

شوفتا يا كيكي
حتى وردرملية باعد روحو ما عايز الهوا
انت تعرف انا الا اصاحب لي زول انتحاري ذيك كدا
يجي البورد جهارا عيانا يتكلم معاي
وما يخاف اي مستنير ولا دنان...
ود رملية انتم الطلقاء


الرحلة دي ولا الفطور دا
لو مسكتو
رندا وماهي ونانا
خلاص حيكون احسن حاجة آخر نظام ومنجهة
النصيحة عوينكم تمام..

تسلمى يا حبيبة

وعشان جملتك دى "عوينكم تمام" ح نكسر رقبتنا ونجيه الفطور ده جيهه تمام

Quote: بلاستروك بالعسل الأبيض .. ولا : صينية طاجن إلية الغنم بصلصة الزبدة .. ولا : سيستر ماري بالكريما .. ولا : مرق الحبش بالأونيون .. ولا : قريلد ليفر بالكاري الحار .. ولا : التريبل ديف مخلية العضم .. ولا : القريلد شيييييس باللحم المقدد .. بس ياااي .. عارفه .. الأخيرة دي بجد تعمها حلو .. ( تعمها = طعمها )

ياعمدة
يا جماعة براحة على

Quote: .. ديل ناس أقاليم* ساكت ..

وقبال ما تفكوا حيرتنا وتقولوا لينا اللحمة دي القددها منو!
تجي الست الرئيس (طبعا ناس جميل عازر قالوا لا تؤنث)، وتقول لينا شنو كدا ما عارف بالمشروم، أكيد يا كيكي دا شرمته إنت...

ونحن كمان جايين

يا حريم (وطبعا هنا حريم ما من باب التقليل انما من باب التمييز)

الرجال ديل لى هسى ما حسمو الموضوع ده وردوا على سؤالنا.... كل اسرة تعمل شنو؟؟

عشان كده ارجو من كل واحده فيكم تحدد الصنف العايزة تعملو من الاصناف الاتيه مع ملاحظة انو محتاجين على الاقل اسرتين لكل صنف ... يرجى اخطار النساء يا جماعة:

اسرتين على الاقل لعمل العصيده
اسرتين على الاقل لعمل الملاح
اسرتين على الاقل لعمل الفول والطعمية
اسرتين على الاقل لعمل الفراخ المقلية
اسرتين على الاقل لعمل سلطة الروب والسامبوسة

الخبز والموية البارده على الساده العزابة (يرجى مراعاة الكمية)
العصاير نحدد نوعها ... حلو مر ... كركدى ... قمر دين ... اى اسرة تجيب معاها حفاظة ملانه من اى صنف تختارو ما مشكلة طالما انو الاصناف محددة

اى وجبات اخرى حابين تعملوها مرحب بيها بس راعو الكمية زى ما قلنا

بالنسبة لى انا من هسى ح اختار السامبوسة وسلطة الروب ومعاها مسقعة باذنجان بكمية تكفى للفطور فقط عشان ما تحتاجو تسرقو الحلة زى ما اتسرقت برطمانية الشطة بالدكوه يوم الرحلة

ردو ضرورى وسمو الاصناف البتختاروها عشان لما الناس يجو للفطور يوم الجمعه تكون المساله مرتبة وما عشوائية.

ويا نادوس قول لى ابنوسة رندا قالت ليك يلا نوريهم انو القطانه اهل النظام يا عينيا!!!!

افادالسيد مدير عام وعضو مجلس ادارة شركة اوكسينت قطر السيد بدر الدين الامير بانه سيقوم باحضار التحلية الخاصة بالفطور الجماعى المنعقد يوم غد الجمعه بالكورنيش...

ودقى يا مزيكا...

Quote: عرديب و قنقليز أو كركدي و حلو مر .. آبريه أبيض شغال برضو

حاضر ياعمدة ، لبيك
كل تلك العصاير حاتكون بين يديك
ووالله حاتحتار فيها
وحاتدمنها من الرشفة الأولى
والشافك كل يوم في { الهتمي الجديد } ما كضب

Quote: المكان جوار فندق موفمبيك على الكورنيش

ده أفضل مكان ياهندسة
لتوفر الخدمات فيه

ممكن الواحد يعمل بولندا / بلفاست / جان بول سارتر
في المسجد المجاور ويصلي

كما تتوفر ذات الخدمة للأطراف الأخرى

الاخوه الاعزاء


المكان : جوار فندق موفمبيك على الكورنيش


الزمان : غدا الجمعه 21 رمضان الححضور الساعه 4 عصرا لللتجهيز والترتيب



على الساده المذكورين ادناه مساعدتنا فى عمل الاتى


عصيده + نعيميه او تقليه + ثيرموس شاى لكل فرد

عبد الكريم الامين

خليل

معتصم الطاهر

مامون احمد ابراهيم

محمدبوعاقله الطريفى

ابوساندرا

ود الزين

صديق عبد المنعم





قراصه بى دمعه او اى اضافه اخر + تيرموس جبنه لكل واحد

صلاح عبد الله

عماد عبدالله

لقمان همام

كيغا 2000

عصام حسين

عادل ابو جقادو

محمد السنى دفع الله

معاويه الزبير

نانا




نادوس

عمران بابكر بدرى

فيصل عباس

معتز القريش عليكم عمل سمبوسه سلطه روب + عصاير كل واحد جردل عصير

هجو الاقرع

عمر بوب

عامر تيتاوى

رشا حاتم


هولاء عليهم الفول والفلافل وموية الصحه وحاجات تانيه..

ضحيه ابراهيم

محمد عبدالرحمن

ودرمليه

ابوبكر الامين يوسف

عباسيه

ياسر حامد

عوض حمزه

راكوبه

فيصل الزبير

معاويه الطيب



التحليه طبعا كامله مقدمه من شركة اوكسنيت قطر من السيد بدر الدين محمد الامير بلول شخصيا

وحتكون مفاجأه مفا جأه مفاجأه.........

Quote: اسرتين على الاقل لعمل العصيده اسرتين على الاقل لعمل الملاح اسرتين على الاقل لعمل الفول والطعمية اسرتين على الاقل لعمل الفراخ المقلية اسرتين على الاقل لعمل سلطة الروب والسامبوسة

نحن حانعمل قراصة على الطريقة الدنقلاوية
والملاح حاجة كده حاتقطعوا صوابعكم فيها
إنتاج جعلي
شوفتو الخلطة الجعليدنقلاوية بتعمل ايه ؟

غايو حاولوا أقنعوا رشدوف تعمل ليكم طعميتها الماخمج

تمام التمام كلو تمام ياتمام.......علم

سرته اللمة وح يكون ضيف عزيز علينا

الأخ: على محمد ابكر (مدير الموارد البشرية ببنك قطر الوطنى)

كم تبقى من الذمن ،،،،

ياخى جعنا عدييييييييييييييييل كدا ،،،

كعادتهم دوما بورداب الدوحه الجميلين شكلوا حضورا بهيا وتنادوا جميعهم مع عوائلهم وكان افطارا جميلا
والحضور:ـ

عمران بابكر بدرى

رندا حاتم

نادوس

ابنوسه

رقم صفر

بدر الدين الامير

عماد عبد الله

معتز القريش وعروسته

هميم

عوض حمزه

محمد السنى دفع الله

معاويه الطيب

محمد عبد الرحمن

ابوبكر الامين يوسف

صديق عبد المنعم عمر وعائلته

زرياب كنيش

معتصم الطاهر

عبد الكريم الامين

عباسيه

بهاء بكرى

ابو ساندرا ورشيدته وامورته دينا


اتمنى ان لا اكون نسيت احدا هذه المره.. اتفق الجميع على برنامج الرحلة التى سوف تكون تالت ايام عيد الفطر

بنادى الشاطى راس لفان ..





همسه:ـ



الاخوه الذين لم يحضروا الافطار كان عليهم الاعتذار او الاتصال لكن لا هذا ولا ذاك لعل المانع خير..





عباسيه ..صديق عمر ..معاويه الطيب...معتصم الطاهر.. السنى فى انتظار الصور..

رمضان كريم يا احلى بورداب ،، ربنا يتقبل منا ومنكم صالح الأعمال

للأسف ما عرفت موضوع الإفطار الجماعي إلا متأخراً ، في نفس اليوم قبل ساعتين من الفطور

والسبب إني كنت في العمره ولم اتمكن من دخول النت نهائي إلا هذه اللحظة

ولو ما كان معاي ضيوف في الفطور كنت جيتكم

على كل حال خيرها في غيرها ،، والظاهر ما لي في الطيب نصيب

تحياتي للجميع

مرحبا الاخت الفاضله نانا..جمد الله على السلامه وتقبل الله طاعاتكم وعمره مقبوله انشاء الله

فغلا والله افتقدناك لكن الرئيسه رندوك ماقصرت وعملت كل الطيبات وكانت اول الحضور..

يلا نشوفك فى الرحله والمره دى الحله علبكى لانو ودرمليه كبه الزوقه واعلت فشله00




اتصل الاخ مامون احمد ابراهيم وابدى اسفه واعتزاره عن عدم حضوره لانه لم يرى البوست الا يوم

الافطار .. شكرا مامون على الاتصال والاعتذار..






معتصم الطاهر/ صديق عمر/ عباسيه/ معاويه الطيب/ السنى وين الصور؟؟؟؟؟؟؟؟؟؟؟؟؟؟؟؟

من الشمال الى اليمين: ود العباسية، أبوبكر الامين ود رملية وشهد




و صديق

صور و بس

و انضم الينــا الظلامــى معتز القربش و المهندس/ شريف نصرالدين (بوردابى فى الطريق)



من اليمين الى الشمــال:

الاستاذ/ عبد الجليل (نادوس) و المبدع الاستاذ/ محمد السنى دفع الله والتشكيلى الفنان/ عماد عبدالله وعمران بدرى والمسرحى المغمور/ عبدالرحيم الحنين (ودرملية)

و ظهر القائد/ الاستاذ القانونى عبدالرحمن بركات (أبوســأندرأ)





و ظهر عوض حمزة و عبدالكريم الامين



و اكتمل العقد الفريد الا من بعض الماسات...قادمون



و صديق

و معاوية الطيب





ليلى (أبنوســة) و رشيدة (زوجــة ابو ساندرة)



المهندس الاديب الاستاذ/ معتصم الطاهر

الظلامى الصديق/ معتز القريش....عريس





الف مبروك و انشاء الله بيت مال و عيال



الجميع فرحــان بمعتز و زوجته

البورداب القادمون...جيل الغد القريب





أولادى



أبوســانرأ و القهــوة

ربنا اديم الفرح، أمين











حبيب الكل الاستاذ/ محمد السنى دفع الله

عماد عبدالله و بدرالدين الامير



ودرملية و السنى و حوار مسرحــى









التشكيلى هميم يتوسط عماد و عمران...مرحب ياهميم...اضافة حقيقة لبورداب الدوحــة





و ظهــر رقم صفر





عماد عبد الله و هميم

ضحية



عوض حمــزة





عبدالجليل ( نادوس) و معتصم الطاهر



أبوبكر الامين و رقم صفر

كان يوم مترع بالجمال والالفه

كانوا كلهم حب...

نعم هم اهلى بورداب الدوحه

فلكم حبى ...

عوض حمزة

وين محمد عبد الرحمن ؟؟؟

يا سلام عليك يا صديق تغطية شاملة ووافية للحدث .

ح نرشحك تكون مصور بقناة الجزيرة ...لكن مصور محلى بس يعنى ما يسفروك لى خط النار!!!

جهز كمرتك للرحلة ..

وين ود العباسية ... ؟؟؟ الحالة انت مصورنا المعتمد!!!!

على فكره مدامات البورداب اثبتو اداء وكفاءة وتفاعل عالى جدا ... كل الاكل كان لا يعلى عليه والله تسلم الايادى....

تسلم يا ود الامير على الكنافه والتحلية ...عقبال كاس العالم ....

حتى المشاركات الجاهزة كانت رهيبة (سمك رهيب)، عصاير

الجو الاسرى كان سيد الموقف ... واللمة كانت لمة اهل..

فقدناكم يا ماهيتاب ويا ساندرا ...

نانا عمرتك مقبولة باذن الله والقصرت فى الفطور تميها لينا فى الرحله...

الرحلة الجاية ان شاء الله تكون اروع من الاولى بس اهم شئ المشاركه ... يعنى ما عايزين اعتذارات ..

ود رملية استعد للتحدى ... حلة ودرملية الشهيرة ... اصبحت حديث الدوحة والعواصم المجاورة!!!!!!

موعدنا تالتة العيد ان شاء الله ...

Quote: وين محمد عبد الرحمن ؟؟؟

أصيب بالتخمة فرقد
كلمتو وورعتو : اكل رشيدة ده بيضيعك
كما فعل بي
ولم يرعوي
فتبين النصح ضحى الغد

Quote: أصيب بالتخمة فرقد كلمتو وورعتو : اكل رشيدة ده بيضيعك كما فعل بي ولم يرعوي فتبين النصح ضحى الغد

عشان كده عامل نائم

شكرا جميلا بركات.

يافيصل ...

بالله مش حقارة؟ ..الناس دى كلها جابو الصور بتاعتها
الاانا ..ياخى حتى بكرى الامين دا جابوهو !! ..بالله
فى حقارة اكتر من كدا.. يجيبوا صورة بكرى وانا مايجيبونى ..
مع العلم بأنو بكرى الامين دا اول مرة يتصور فى حياتو
لما جا يمتحن (الوسطى ) ...
معانا كدا ؟...كويس ..صبر بس ..

وياشباب تحية وتقدير لرندا حاتم ..فقد كان لها
الدور الاكبر فى انجاح هذه الامسية ..

ودى ..

شكرا ... شكرا .

اخجلتم تواضعنا يا محمد

مع اننا كنا فاقدين ماهيتاب ونانا

لكن رشيده وحليمة ما قصروا ابدا ... قامو بالواجب وزيادة

عشان كده هم الاتنين ح يكونو من اعضاء اللجنة المنظمة للرحلة ويتابعو معانا تجهيزات ما قبل الشواء!!!!

وان شاء الله دايما لمة فرح يا بورداب الدوحة وكل السودانيين....

والله يا ريس راندوك .. الفيك إنعرفت ..
يعني تعبي ده من صباحات ربنا ..
و جري لسوق السمك ..
و أجي أغسلو و أتبلو و أسوي السبعة و ذمتها ..
و أرجاهو لامن يبقي زبدة ( ما زي ذبدة كلام ديك بتاعت بدر ) ..
و نقعد نقلي فيهو من الساعة إتنين ..
تجي تمرقيهو

Quote: حتى المشاركات الجاهزة كانت رهيبة (سمك رهيب)، عصاير

سمح ..
تاني و الله تلقوها في الغافل ..
و بدر الدين ده سمع أضاني رسل معتز لمطعم الفيتامينات جابو ليكم التحلية منو ..
و معتز ( بحكم وظيفتو الجديدة : الدعم اللوجستي ) دخل التحلية في أكياس الفندق الراااااقدة عندهم في الشركة ..
أنا يا راندوك أجيب سمك جاهز !! .. هااااااع

طيب القراريص الجابها أبو ساندرا دي , باقي ليك سوتها رشيدة ؟؟
نحنا قراريص البيت ما بنعرفها يعني ؟
وللا الملاح الأخدر حق المطاعم بيغبانا ؟؟

هسه أقول ؟؟

وعلي النجيلة جسلنا......
ويوم رمضان في الغربة طويل..كليل العاشقين.ولكن نشهد ان ذلك اليوم
كان الاطول والاقسي والاكثر عطشا وخرمة فلنقل للشاي
والجبنة..وقد تكون ايضا لتمباك ردي التعطين..(لكن نسوي شنو)..!!!!
اولا اقدم اعتذاري للجميع واولهم الريس ضحية والريس
رندوك(وقد قيل رئيسن غرقوا المركب).اقدم اعتذاري لحضوري
المتاخر لظروف خاصة تماما جعلتني بعيدا
عن ضربة البداية والتمتع بروية جرسة عماد وكبكبة ابوساندرا
ومكابسة ود الرملية,ونقة رندوك,وكيفية افطار الارستقراطي بدرالدين
ودعاء الافطار عند الظلامي قريش و هو يتناول البلحة علي طريقة السلف الصالح
وبحضور العروسة الجديدة بت الدويم التي اكتشفت ان اخوانها وابناء عمومتها اصدقائي..!!!
وايضا فاتني التمتع بطبخ ابنوسة واريحية نادوس الراقي ..
وايضا ودالعباسية الوريف وبكري الامين الانيق والشاب الجذاب
المالي السوق (محمد عبدالرحمن) والمهذب الصامت زرياب كنيش
هذا كوم...!!
اما الكوم الاخر فهو الريس معتصم وكنا نود روية جرسة المهندسين العجائز
ورؤية الجلابي الافريقي معاوية الطيب...وكبكة وخرخرة محمد السني
وفانتا التمتع بوش ضحية الذي التزم عدم اعطائي وش..(ادينا وش ياضحية ياخ) فالناس ظروف..
وكراع البقر جيابة...!!
نحي عوض حمزة والهميم البوردابي الذي كشف عنه القناع
وكم فنان وفنان هذا الرجل...وتحياتي لرقم صفر وبهاء بكري
الذي جاء وانقذني من فتك عماد عبدالله المتطرف السيخي...!!!
عمران اندهشت لتواجده اثناء رمضان ويتحاوم كمان..!!
خلف كل هذه اللوحة كان هنالك المصوراتي الصديق صديق
(في داعي يا صديق حسي تخرب الاسفير بصور ودرملية
الشينة دي)....!!
وايضا شجب الاعضاء الابتزاز الوظيفي واثار النعمة التي بدات علي الظلامي ود القريش
الذي اصبح يتاجر بالوظائف و(تقول لي انااااااا يا كيكي جيب موية...؟؟؟والله القصة هانت )......
ويلا لرحلة العيد...ونحمد الله لدخولنا مفوضية التبرعات..(فشيلوا شيلتكم ).....!!!!!
نحي الجميع وندين ونشجب يا ابوساندرا عدم حضور الدكتورة وماهي ونوكد انها بوادر فيروس
ظلامي اختراق جدار ابوساندرا الكان منيع ...وبختكم يا ظلاميين لقد بداء ابو ساندرا في مشي
الخطي
ومشيناها خطي كتبت علينا....ومن كتيت عليه خطي مشاها...!!!!
تخريمة ...
اجمل صنف ورغم حضوري متاخرا..هو عرديب سري ..كانت ر شيدة تتامر مع ابوساندرا في توزيعه
علي الخاصة ..وبعض العامة مثلي

خلاص ماتزعل يامحمد عبدالرحمــن......




أبوبكر الامين و محمد عبدالرحمن...وودالعباسيــة و "ضيف لم يعرف بنفســــه"

محمد عبدالرحمن: السنى ممكن تتدينى تلفون يوسف فى السودان (يوسف ود أخت السنى و زميلنــا فى البورد)!!!!

الســنى: ياخى تسالنى هسع بالليل دهــا و انــا اشوف ليك رقمو وين و كيف....ياخى أنــا ما "جلكنتـــا"!!!!


محمد عبدالرحمــن: خليك انت، كدى شوف ليك زول ما "جلكن"!!!!

الســنى: كدى هاك عاين الماكتوب هنــا منو....أظنو دهــا رقمو!!!!

محمد عبدالرحمن: وانــا اعرفو ليك كيف...هسع؟؟؟؟





(عشــان "الشمشارين" ما اقولوا صديق الفها من راســو، انــا ذاتى كنت موجود و قلتــه ليهم:
" و الله انتو انــا ما شايفكم خلى رقم التلفون بتاع يوسف!!!!!"

يا عمده هسى بدل جايي طايح فينى شمال ما كان تسال حليمه انا قاصده شنو

ياخى انا قاصدة السمك الجا فى اطباق جاهزة ودار يتوزع علينا

سمك البيت انا كمان ما بعرفو ولا بيغبانى .. وان ما عرفتو الحله الجا فيها تتكلم بى جرجيرها.

لكن غايتو موضوع القراريص والملاح الاخدر ده شوية كدى ماااا فاهمه تقصد شنو ؟؟

Quote: لأخدر

بللومي ؟

بورداب الدوحة

كل يوم تصبح اجمل

كغنوة في زمن الخريف التي اعلنت انتهاء زمن الترحال..اليك جئنا نحمل زنوب العمر فنسينا كل الاحزان والخوف من ضياع الطرقات،لم المح وجهي هكذامن قبل، اشتم رائحة الارض واتسكع في فرحي حينايحملني الحاضر ، تمنيت لو اني نهر الحياة حتي اسامح فيك الزمان ويبلغ هنائي كل الوجود دمائي منك يا رسول المعجزات، سنظل نجري بضوء من رحيق الفجر ونسد جوع الصائمين، واخر عهدنا بالحلم سيظل تتوارثه الاجيال ، في كل يوم نعشقك وينتحر الفراغ
ليبقي شموخك فوق الزمان يا بورداب



ولنا لقاء في الرحلة


يا حلوين

Quote: بللومي ؟

لأ .. بالرشوشة

والله لقد أحسن الكريم ضحية اختيار عنوان هذاالبوست

بورداب الدوحة .. بورداب الجمال والسرور

كنت أول الأمر ملاوز من الحضور

فالمجموعة تبدو مؤتلفة ومتجانسة

والإحساس الثقيل بكونك غريب وسط أناس تقابل معظمهم للمرة الأولى

إلا أنهم .. والحق يقال ..

بورداب السرور والجمال

حقيقة الواحد لقى نفسه كأنه بيعرف كل الناس من زمان

يا لفرحي بكم ..

سلامات
وعوافي
محبتي لكم يابورداب الدوحة ..
محبة عالية ...
وفطور سبعة نجوم وكدا لمة ولا في الاحلام لكن الزمن شايل عيالو وجاري نعمل شنو معاهو ماعارفين..
اهو الواحد شاف ناس ترد الروح واتبلل عصب الريد بي سماع صوتم..
الحمد لله الحمد لله ...
كل سنة وانتو كلكم بالف خير ويارب ايامكم كلها فرح وسعادة ..

الحله يا ودرملية ... اوصيك بها خيرا ...

فانها والله ملاذنا اذا تكالب الناس على الشية ولم يبق لنا منها شيئا..

يا سيدى الف مرحب بيك وحبابك يا هميم...

ولو لم يكن فيك من الروعة مقادير ... لما ساقتك الاقدار الى دوحة الجمال .. لتكون من بورداب السرور والجمال ... فعلى قدر اهل العزم تاتى العزائم ... وتاتى على قدر الكرام المكارم.

تحياتى

محمد عبد الرحمن الخيل تجقلب والشكر لى حماد...

الاخ هميم ارجو شاكرا تزويدى برقم موبايلك..

ضحية يا ولدأبا

سلامات

راجع بروفايلي

يا جماعة...بخصوص الرحــلة للاسف الشديد النادى محجوز ثالث يوم العيد.....اقترح الجمعــة 27 أكتوبر...الموافقين يدعمون الاقتراح... الممتنعون يدلون بدلوهم.....


صديق

I agree 100% with Friday 11/27

الجمعة 27 ما بطال ..
( على الأقل الشربوت يكون خمّر )








هو الشربوت في عيد رمضان و للا الضحية ؟؟

والله رغم انو الجمعه بعيده لكن نسوى شنو؟

عماد عبدالله شيل الصبر.......



عمر بوب :ـ

الجمعه 27/10 سبعه وعشرين اكتوبر مالك ومال نوفمبر ؟؟؟؟؟؟؟؟؟؟؟؟؟

سلامات ....

افتكر الجمعه مابطال .. بس ياريت نعرف رأى الناس بسرعه عشان نأكد الحجز

وما ندى فرصه ( لكج) جديد..

----------------------

جدعة : عماد عبدالله قلته شربوت ؟؟؟؟!!!!!!

فعلا ..
بورداب جمال ناس الدوحه ديل.. عيني بارده..

اتابع مداخلاتكم وروحكم المشبعه بالزمن الجميل... اضفتوا للدوحه (الصغيرونه دي.. حسب علمي) اميالا من الالفه والالق..

جو اسري رائع.. ومن الوصف، اكل خطير.. مافي احسن من كده..

دايما عامرين... وعسى ان تقتدي بكم ’العواصم المجاوره‘..

Quote: طيب القراريص الجابها أبو ساندرا دي , باقي ليك سوتها رشيدة ؟؟

انت يقرصوك وين يا عماد عبدالله ؟
الدنقلاوية دي سيبك من القراريص حقت اهلها
عصيدة اهلي الجعليين بتتقنها
وحتى
الكجيك

الكجيك ده كان تخصص أسامة بشير موسى
ذلك الديامي الصيل

Quote: الدنقلاوية دي سيبك من القراريص حقت اهلها

إنت يادوووب قنشت الكمنة ؟ ..
عمارة دنقس يااااا ..
كاباكوبانا للهرجة دي قدماي ..
شكلك داير ليك ليف شكول بس ..
و سمير القرصان ما دور يا مان ..

دنقلاوي قريب رشيدة بياكل في ( تركين ) يعني ملوحة يا عربستان إنت .. جات الكديسة تحته : ناو ناو ناو , قطع حتة طمبسها في التركين و جدعها ليها .. الكديسة بعد شمتها مساااااافة , قبلت عكس .. و دفنتها ..
( تكون قايلاهو خريستو ؟؟؟ )

جهز حالك ليوم 27 إذا بتريد ..

و خلي الغستان في الغان .. عشان الدور ما يكون أحمد مظهر .. عارفك مجدي فليته يااااااا ..

كتب : عمر بوب :

Quote: I agree 100% with Friday 11/27

وقعت ليك في جرح ياهندسة
شايف خرمجتك تالت يوم مع بني دنقل

بس ماتنسى انا عندي عضوية
بالنسب
وبناتي عندهن عضوية بالأم
وبسبق العطاء

كدي جليني

طبعا وقعت لي في جرح يا ابوساندرا

انا ماعايز افقد اي لحظه من لحظات البهجه في العيد ده

Quote: و دفنتها .. ( تكون قايلاهو خريستو ؟؟؟ )

وحاتك ياعمدة ضحكت حتى سرت العدوى للمكاتب المجاورة
وصادفت السكرتيرة الفارهة ، المكشرة فوق عدلها ،
فإفتر ثغرها التثاؤبة عن بسمة رفت زي طائر
وإنسابت كجدول ماء رقراق
جرح صيامي
و ودر قيامي

قت لي عملت ليهو { الدفنة }
قايلاهو { هراري ؟؟؟ }

يقرفك ياحاسد
طلعت الميلوحة/ التركين من نفس عمر بوب
وفي رواية أخرى
من نفس الموصلي

Quote: فعلا .. بورداب جمال ناس الدوحه ديل.. عيني بارده.. اتابع مداخلاتكم وروحكم المشبعه بالزمن الجميل... اضفتوا للدوحه (الصغيرونه دي.. حسب علمي) اميالا من الالفه والالق.. جو اسري رائع.. ومن الوصف، اكل خطير.. مافي احسن من كده.. دايما عامرين... وعسى ان تقتدي بكم ’العواصم المجاوره‘..

شكرا يا نجوان ومنوره بوست بورداب الدوحة والله
يلا ياشباب تعظيم سلام للاخت نجوان....ويلا يا ابوساندرا وين اللستة بتاعة الناس المعزومين
لبطولة الاولمبياد الاسيوية علي نفقة ميزانية بورداب الدوحة...

تكحيلة...
انا مويد عمر بوب علي 27 شهر 11 (اسوي شنو ياخي...اصلوا مهندسي الكبير والسنير بتاعي)
ويلا نحو رحلة في 27 شهر 11...والا انها الحرب...!!!!

الجمعه ،،،،

100% ،،،

جاهزين ،، جاهزين ،، لحمايه الدين ،،،

اهم شئ يا شباب انا حا اكون مسؤل من توصيل الشيه

من والى ،،،ومافى داعى اي زول يتدخل فى الموضوع دا ،،

( من والى دي ) يعنى بكون مسؤل من توصيلها الى سعاده الرئيس رندوك ،

والمحافظه عليها من ايادي الاعداء امثال ،،عمران ومعاوية ،،

ودجايب معاي قروب4 اها قلتو شنو ،،