|
رحلة بورداب الدوحـــــــــــة
|
الآتية أسماؤهم يرفعوا البوست دا .. والبقية تتمم هنا
لجنة الرحلة ..
رندا + عمران بوب معتز القريش صديق ود الأمير ماهيتاب ..
+ اللجنة التمهيدية لبورداب الدوحة + كل من يرغب ..
تحديد الزمان المكان و باقى العدة ..
|
|
|
|
|
|
|
|
Re: رحلة بورداب الدوحـــــــــــة (Re: معاوية الطيب)
|
سلامات يا معاويه ولجنه بورداب الدوحه
امس بمنزل ابو ساندرا طرح خيارين لمكان الرحله:
1- حديفه الخور 2- قاعه مجمع الخور ( في حاله الناس اتجرست من الجو)
في الحالتين الخور هي القاسم المشترك لذا اقترح اضافه اخونا صديق عمر للجنه التحضير ايضا اعتقد ان الزمن لو كان في بدايه شهر اغسطس سوف يعطي فرصه لاخواننا الغابئين في اجازاتهم المشاركه معنا -وربما ينصلح الجو قليلا الي ذلك الحين
| |
|
|
|
|
|
|
Re: رحلة بورداب الدوحـــــــــــة (Re: Emad Abdulla)
|
والله يا ناس الدوحة بايضة ليكم في قفص. وطالما بتسفوا من الكفيل (زي ما قال عبد الكريم) وتهرشوهو وتلعبوا معاهو الكونكان ليكم الحق كل يوم حفلة وتتموها بالرحلات. غايتو ذكرتوني بي ميز الدكاترة في الفاشر منتصف التمانينات.
| |
|
|
|
|
|
|
Re: رحلة بورداب الدوحـــــــــــة (Re: بورداب الدوحة)
|
الاخ عمر خالص التحايا اعتقد ان ( خير الرحل عاجلة ) وتكون بروفة للرحلة الكبيرة فى ديسمبر وبمكن ايضا مناقشة امكانية ان تكون الرحلة ليليةعلى شاطى البحر ،،،
Quote: رندا + عمران بوب معتز القريش صديق ود الأمير ماهيتاب .. |
الاخ / صديق عبد المنعم عمر مضاف اساسا فى اللجنة واقترح ايضا اضافة البوردابى الجديد عوض حمزة وهو من الخور ابضا .
اقترح عمل اجتماع تنسيقى عاجل ،،
لك الشكر
| |
|
|
|
|
|
|
Re: رحلة بورداب الدوحـــــــــــة (Re: معاوية الطيب)
|
احباحبنا الحلوين اصحاب الجمال وارقى واروع بورداب لماهم بكرى ابوبكر
ونفاخر ونتحدى بيهم كل بورداب سودانيز المنتشرين فى العالم..................
انا مع مع الاقتراح وبشده وايه رايكم نكرم فيها الاستاذ عمر الشاعر ..
وتكون بروفه لرحله كبيره فى ديسمبر وندعو ونكرم فيها سيدالحوش الكبير المهندس بكرى ابوبكر
ونكرمو هو زاتو...
| |
|
|
|
|
|
|
Re: رحلة بورداب الدوحـــــــــــة (Re: معتصم الطاهر)
|
ان شاء الله يا بورداب الدوحة لا تفوتو لا تموتو لا تروحو ... وكان روحتو ... تتلقو
فكرة الاجتماع فكره ممتازة عشان النقاش يكون فيس تو فيس والناس تتطلع بالمفيد .. وكمان فكرة اغسطس حلوه عشان الكل يكون موجود (اعمل حساب الزمن لى لميس يا بوب البنيه دى لازم تحضر .. باقى هى بوردابيه بالنسب)
وطبعا يا ضحيه انا كمان بتحدى معاك كل البورداب موش فى بورد بكرى وبس كل البوردات التانيه ... يللا يا باقى البورداب ... ابغروا ... ويا بكرى ابو بكر خلى راسك فووووق لانو محل ما يتلمو السودانيين بيكون جزء منهم انت اللميتهم .... وطبعا عمران قال فكرة تكريم بكرى دى مخارجه معاهو تمام عشان تكون فيها شوية بلبصه لى بكرى ويقوم يصلح ليهو الباسوورد !!!!!!!
وطبعا مبسوطه انكم اخترتونا انا وماهيتاب لزوم المناقره ... البت دى طوالى بتشب لى فى حلقى!!!
اما الجو والجرسة وما الى ذلك بتتدبر .. اكيد بيتلقى ليها حل ....
ومرحب بى كل اهل الخور وحبابم عشرة بلا كشرة ... ان بقت الرحله فى ديارهم ولا فى ديارا تانيه ...
ويا معاويه الطيب حمد الله على سلامة الخاله وعمران بيقول ليك بكره المسا ان شاء الله نكون معاكم ومن هنا لغاية ما نلاقيك مرحب بالخاله..
رجاءا من اعضاء اللجنة الحددتوهم يوفروا وسيلة اتصال انا وعمران رقمنا موجود عند عدد منهم والباقين ممكن يشيلوهو من بروفايل عمران ... ومن هنا لغاية الرحلة ما تتم ح اشتغل معاكم بى نظام الليله النقة وبكرة النقة ....
وسلام....
| |
|
|
|
|
|
|
Re: رحلة بورداب الدوحـــــــــــة (Re: Randa Hatim)
|
سلامات وعوافي ياخلاصة الخير الفي الناس ترياق الزمن المتعافي بوردابنا ارواحنا ان (رحلونا) (رحلنا) وان تركونا الشوق (كتلنا) .. اينما يممتم وجوهكم وجدتمونا كما الهواء (يلفحكم) من كل حدب وصوب .. رتبوا المكان و(انِقًو) الزمان تلقونا (محكرين) (كيمان كيمان) .. فقط لاتنسوا عودة كيكي ومحمدعبدالرحمن .. وقيل بكة ودالامين كمان .. عشان بعدين الرحلة تكون حلوة وتداقش في (كان يا مكان) .. ... بعدين نسيت اقول مرحبا بي بوردابنا الحنان رندا وصنوها عمران .. انتو ياجماعة موش كيكي بيجي يوم 25/7 والا انا غلطان ؟
| |
|
|
|
|
|
|
Re: رحلة بورداب الدوحـــــــــــة (Re: ودرملية)
|
يا ودرمليه اتمنيت اشوفك من كلام شادية عنك ...
لكن كل ما اكون معاهم تكون انت جيت وطلعت ... ان شاء الله الرحله دى تلم الكل ...
واكيد ح تكون ما عاديه ... لانو بورداب الدوحه ناس ما عاديين ..
| |
|
|
|
|
|
|
Re: رحلة بورداب الدوحـــــــــــة (Re: Randa Hatim)
|
سلامات وعوافي تسلمي يارندا .. واكيد انا الما محظوظ ... وسعيد بي نشاطك في المنبر وانشاء الله بورداب الدوحة كلو يوم يزيدو الق ومحبة .. سلامنا الشديد لي عمران ... بعدين طبعا يارندا شادية دي براااااااااااها .. دي شادية الفقرية صاح ..فقرية خلاص المرا دي .. ولانو طبعها جميل بتتخيل انو كل الناس زيها .. غايتو مدد ياشدو مدد.. معزتنا واكيد محبتنا...
| |
|
|
|
|
|
|
Re: رحلة بورداب الدوحـــــــــــة (Re: خدر)
|
نيابة عن (الدوحاب) ....
حبابك عشرة بلا كشرة...
برضو عندى تانى اقتراح .. مجرد اقتراح يا جماعه ... رايكم شنو لو نخليها فى شهر تسعة منها الجو يتصلح شوية ... ومنها نضمن كل الحبايب وسطنا ... ومنها قبل رمضان على راى اهلنا نخم الرماد ...
وفى النهاية الراى للجماعه ... ونحن معاكم فى الزفه وين ما تكون ...
| |
|
|
|
|
|
|
Re: رحلة بورداب الدوحـــــــــــة (Re: ابوبكر الامين يوسف)
|
انحا غايتو جاهزين ومصفحين ـ في الصيف وفي الشتي زي ما قالت فيروز ـ بس الاجتماع ضروري . وبما انه رندوك مستلمة الحكاية رايكم شنو نرشحاتكون الرئيس وتحدد هي الاجتماع ونحنا نجى نشرب الشاي وناكل الكيك وكان بقا فيها عشا اكون تم المراد وبعد داك نتباحث في الموضوع ونطرح الاقتراحات على اصحابنا البورداب .
| |
|
|
|
|
|
|
Re: رحلة بورداب الدوحـــــــــــة (Re: معتز القريش)
|
حبابكم الف ... ان فى دارنا وان فى دارا تانيه... شايات وكيكات وما الى ذلك ..
حددوا اليوم والمواعيد ...
وشوفو الباقين رايهم شنو ... لكن رندوك براها ما بتقدر على المساله دى ... اها ان قمت انت فتحت بالقريشات ... اقعد اخلى الوراى والقدامى واكورك يا ابو مروه...
| |
|
|
|
|
|
|
Re: رحلة بورداب الدوحـــــــــــة (Re: nadus2000)
|
الجلية رندا
آسف لتأخرى عن ورود نبعك هذا ودعوتك ذات المد الانسانى
وسعيد جدا بأن تكون هذه الفكرة والمبادرة من امراة
لاننى انتمى للمراة فى كل شى وسياسيا تقودنى امراة وفخور بذلك
واقترح أن يكون الاجتماع الاول للجنة بمكتبى حتى نبعد عن الطقوس
الاجتماعية ونكون عملين ودام صفاء كل الاصفياء
| |
|
|
|
|
|
|
Re: رحلة بورداب الدوحـــــــــــة (Re: بدر الدين الأمير)
|
ود الامير ...
رائع جدا ما كان فى داركم ليلة الامس...
المرأه كما قلت يكون اليها الانتماء.. ويكون عطاءنا على قدر انعكاسات صورنا فى مراياكم...
فكونو رائعين كما انتم ...نكن اكثر روعة ...
اقتراح عداهو العيب ... رايكم شنو يا بورداب!!!
| |
|
|
|
|
|
|
Re: رحلة بورداب الدوحـــــــــــة (Re: بورداب الدوحة)
|
أوافق على إقتراح راندوك الناس رادوك الذي ثناه ودالزين الزوين بأن تكون الرحلة ، خم رماد فبالأضافة للأسباب الوجيهة التي دعمت بها راندوك إقتراحهاالمثنى من ودالزين بتوضيحاتو أنا عندي سببين، خاص و موضوعي: الخاص هو وجود ست الناس حرمنا الرشيدة رشود في الدوحة في تلك الأيام هسع هي { برات البلاد } ولرشود يد طاعمة جدآ وخبرة لاتضاها في تنظيم الرحلات منذ ان كانت غزال شارد في حلتنا ، حيث يعتمد عليها جدآ في ترتيب الرحلة وأسألوا معاوية الزبير الذي نظمت له رحلة زواجه ، كما عندها سابق تجربة في الرحلات الليلية وبتعرف غابة السنط شجرة شجرة
الموضوعي : الخوف من الإستعجال ومغبة آثاره فقد نتج الإقتراح وراندوك متأثرة بالنجاح الهائل لحفلنا ذائع الصيت ورغبت أن تستمر تلك الروح الجميلة الصافية التي أدهشتها يوم ذاك مستثمرة مشاعر و آثار الليلة الليلاء
كما أن سرعة تبني الإقتراح فيها نبرة تبني نجاح موازي
ولحرصي الزائد أخشى أن تفشل الرحلة إذا مالم يتم الإستعداد الكافي لها وتبدو بوادر الفشل كامنة في سوء التوقيت فالجو في أغسطس غير مناسب للرحلات إطلاقآ فالدوحة في عز الحر والرطوبة كما أن أغسطس يجيء والناس { برات البلاد } حيث تكون الدوحة في عز موسم الإجازات
وأدركت راندوك الحصيفة الأمر فقدمت إقتراحها المعدل لإقتراحها الأول وإلتقط القفاز ودالزين وبأجندته الخاصة الدافعة حيث حايغادر البلاد في ألأول من أغسطس
الأسبوع الأخير من سبتمبر مناسب جدآ ووقتها سأضمن لكم النجاح والنجاح سيقود لنجاحات مضطردة ونعمل رحلة عيد الفطر وعيد الأضحى وحفلة راس السنة
والدوحة شتاء ماطر وجميل ربيعي الصفات
و { ابعيون كحيلة جميل الصفات دقائق قليلة سحرني وفاااااات } واللا شنو يا أولاد عم عبدالله؟
| |
|
|
|
|
|
|
Re: رحلة بورداب الدوحـــــــــــة (Re: أبو ساندرا)
|
ياجماعة....هدوُ اللعب.....الموضوع محلول تماماً...........................
لدينا فى الخور مكان لم يكتشفه أحد...شـــاطىء.......و فندق....و عشــاء جاهز و
FREEDOM
بالرغم من تخصيصه......يمكن توفيره
مجرد أقتراح........
من يلبسون نظارات و لا يرون بعد الساعة الثانية عشر ليلاً يمتنعون....الكلام ليك يامنتطط عينيك... و
اللبيب بالاشارة يفهم..........
معاكم تماماً.........بس لازم ارتاح فى أغسطس........شهراً من الحرية بعيد عن الوطن المؤقت......صديق
| |
|
|
|
|
|
|
Re: رحلة بورداب الدوحـــــــــــة (Re: أبو ساندرا)
|
طبعا يا ابو البلابل رص الكلام وتفصيلو دى مهنتك ... ما بنقدر عليك فى دى
لكن فى اقتراح تانى شامل ح يطرحو معاوية وانا متاكده انو ح يلاقى قبول واسع لانو ح يرضى جميع الاطراف ...
وينك يا معاويه الطيب ... الواطه اصبحت!!!!
| |
|
|
|
|
|
|
Re: رحلة بورداب الدوحـــــــــــة (Re: بورداب الدوحة)
|
*****
بورداب الدوحة انتو بيه جدكم .. انها رحلة للخور.. قالبا ماتكون الرحلات للشواطى والبحيرات .. الحدائق.. البساتين.. ولربما بعض الاودية والواحات .. لكن الخور يطرشنا.. انتو رباطين.. اين الزول السمين .. السنى ولد الشيخ من كل هذا.. سؤال ملحاح .. السنى ودفع اللة نفتقدك كثيرا .. email me you phone [email protected]
***********
| |
|
|
|
|
|
|
Re: رحلة بورداب الدوحـــــــــــة (Re: بورداب الدوحة)
|
اهلى الحلوين بورداب الدوحه سلامات
الحقيقه الفكره جميله .. بس الوقت والجو مامساعدين الفكره الجميله..
وبالرغم من انى مسافر الى السودان فى اجازه قصيره يوم الجمعه 21/7 بيتى وكلما ما هو متاح بمجمع الخور السكنى هو رهن الاشاره .. من جانبى جاهز لكلما تجمعون عليه .
لكم كل الود والاحترام
| |
|
|
|
|
|
|
Re: رحلة بورداب الدوحـــــــــــة (Re: بورداب الدوحة)
|
يا رندوك تعرفي انا مشتاقة ليك لكن هو بتير؟؟ ود رملية الزول السمح الأسمح واحشني ابو ساندرا انا ذاتي قاعدة ابكي لكن يا معاوية وعبد الجليل وبدر الدين وبوب وباقي الدوحاب ما حرام عليكم تنظموا الرحلات على عجاج كرعي؟؟ يا جماعة هوي رسلو لي فيزا للرحلة انتو ما عندكم ترتيب للمؤلفة قلوبهم بحب الدوحة والدوحاب
والله واحشني ومشتاقة ليكم واي مكان من غيركم كتر
| |
|
|
|
|
|
|
Re: رحلة بورداب الدوحـــــــــــة (Re: بورداب الدوحة)
|
سلام ياشباب
بعد المشاورات والاقتراحات ورغبة الاغلبية للالتقاء والمجهودات الكبيرة من الاخوان صديق عمر وعوض حمزة بالخور اقترح الاتى :-
ان نجتهد لانجاح الرحلة فى يوم الجمعة 28.07.2006 ( الجمعة بعد القادمة ) وتكون بروفة لرحلة ما قبل رمضان ورحلة ديسمبر . المكان : نادى الشاطى ( Beach Club ( بالخور وهو نادى ومطعم ويفتح على الشاطى وخاص بموظفى راس غاز واسعار العشاء والخدمات مدعومة للغاية وتوجد اماكن لعمل شواءات . الزمان : الثالتة مساء ( ويمكن ان تمتد الرحلة حتى منتصف الليل )
فى حالة اتفاقنا التام سيقوم الاخوان صديق وعوض بعمل الحجوزات اللازمة
| |
|
|
|
|
|
|
Re: رحلة بورداب الدوحـــــــــــة (Re: Nana)
|
تسلمى يا نانا ...
والله ياها المحريه فيك ... قدرها ونص
ولازم تكونى موجوده لما يحددوا موعد الاجتماع
وان شاء الله الرحله دى والمناسبات الجايه تلم كل بورداب الدوحة والما بورداب كمان ... ويجى علينا يوم نكون فيهو فى الغربه دى اسره فى مركب واحد...
ودمتى يالحبيبه ..
| |
|
|
|
|
|
|
Re: رحلة بورداب الدوحـــــــــــة (Re: بورداب الدوحة)
|
هلا شباب زى ماقال ابوبكر نكون عمليين اكثر
نقترح اجتماع لجنة الرحلة يوم الاحد 23/06/2006 فى تمام الساعة السابعة مساء بنادى الغزال ( بجوار فندق ماريوت ) ( ترتيب الاجتماع برعاية عمران ورندا )
لجنة الرحلة :- • عمران • رندا • عمر بوب • معتز قريش • صديق عمر • بدرالدين الامير • ماهيتاب • نانا ( البوردابية الجديدة ) • ممثل من اللجنة التمهيدية لبورداب الدوحة • من يرغب فى المشاركة
نرجو تاكيد الحضور فى الزمان والمكان
| |
|
|
|
|
|
|
Re: رحلة بورداب الدوحـــــــــــة (Re: معاوية الطيب)
|
وبشكل عملى
اتفق الاخوة
رندا
مهتاب
نانا
عمر بوب
عمران
بدرالدين
على ان يكون الاجتماع يوم الاحد السابعة ونصف بمكتب بدرالدين الامير
والرجاء من الاخوة : صديق عمر ومعتز القريش العلم بذلك
كما نرجو من الاخوة فى اللجنة التمهيدية لبورداب الدوحة تمسية الممثل
سوف يترأس الاجتماع الاخت رندا ومقرره الصديقة مهتاب
ودام صاء الاصفياء
| |
|
|
|
|
|
|
Re: رحلة بورداب الدوحـــــــــــة (Re: أبو ساندرا)
|
ابو ساندرا
تجى المكتب تقعد فى الاستقبال تتغزل فى السكرتيرة الاثيوبية الجميلة ما مهم
لكن عضو فى هذه اللجنة يسمك
اولا انت مكاجر ومابتترسل كيف داير تكون عضو لجنة خدمات
همسة : انت سلمت على بيان باليمين ام اليسار
| |
|
|
|
|
|
|
Re: رحلة بورداب الدوحـــــــــــة (Re: بدر الدين الأمير)
|
ود رملي يا عسل اشكرك بدر الدين ما تقول في سكترتيرة اثيوبية المرة دي بتحرم علينا الاجتماع ابو ساندرا ما كفاية عليك سايق ماهي تاب
مرحب بيك نانا ( قدم خير) احسن حاجة معتصم مافي ( شوف ليك زول شاكلو هههههههههههها) معتصم رندا جهزت ليك الصور وبتقول ليك مرو علينا بوب بحاول ارسل ليك الايمل فيه شي غلط
| |
|
|
|
|
|
|
Re: رحلة بورداب الدوحـــــــــــة (Re: بدر الدين الأمير)
|
وكت جابت ليها طلبات اولاد ماما .. انا بسوق الراجل ده وبنمشى نادى الغزال وممكن نخلى الاجتماع اون لاين ... ولا بيناتنا التلفونات ...
Quote: همسة : أقول قولى هذا وانا لبنانى الهوى والدسترة |
سمح ما كان تجيب ليك سكرتيره لبنانية وتكفى المؤمنين شر القتال .. فى داعى للمصايد والقلوبيات دى!!!!!
| |
|
|
|
|
|
|
Re: رحلة بورداب الدوحـــــــــــة (Re: nadus2000)
|
الاجتماع قائم فى موعده الساعة السابعة والنصف مساء اليوم
ارجو من الاصفياء الحضور فى الوقت المتفق عليه اعلاه
همسة : طبعا عمران مامحتاج نؤكد له الموعد لانه حايى قبل الموعد
نسبة لانه رجل يلتزم بالمواعيد0 رندا فكرك مايروح بعيد /B]
| |
|
|
|
|
|
|
Re: رحلة بورداب الدوحـــــــــــة (Re: ودالعباسية)
|
ود الامير انا جاي في المواعيد تماما واحبذا قبل المواعيد لظورف السكة واحتياطيا لاي شنكبات ابو ساندرا موجود لكن لازم معتصم اذا احتدم الصراع مع رندوك بسبب المتفجرات الخاتيه لينا هناك دي اليلية يحلنا الحلا بلا
| |
|
|
|
|
|
|
Re: رحلة بورداب الدوحـــــــــــة (Re: عمران بابكر بدري)
|
يابدر الدين يبدو انك نسيت ما اتفقنا عليه انا وانت وودرمليه فى ليلة تكريم الاستاذ
عمر الشاعر فى شقتك وانا مازلت عند اتفاقى وانت الذى نقضت العهد عليه تحمل كل مايترتب
وانت عارف وانا عارف وودرمليه عارف عندك فرصة حتى السابعه مساء اى قيل مواعيد الاجتماع بنصف
ساعه اما بعدها ماعندى استعداد ولا اقبل اى وساطه واى تدخل اجنبى ساحلف طلاق زى رئيسك البشير
والجات من السماء بتتحملها (الواطه) ولاعذر لمن انذر ...
| |
|
|
|
|
|
|
Re: رحلة بورداب الدوحـــــــــــة (Re: ضحيه ابراهيم)
|
بس ياضحية ود رملية كان موجود فى الاجتماع
ولو لديك اى استفسارات ممكن توجههاالى السيدة
رندا رئس الاجتماع او المقرره ماهى او المنسقة نانا
همسة : عجبى يابورداب الدوحة القيادة نسوية يعنى حق مابراها
| |
|
|
|
|
|
|
Re: رحلة بورداب الدوحـــــــــــة (Re: Salah Abdulla)
|
انعقد الاجتماع بمكتب بدر الدين الامير اليوم الاحد 23/7/2006 فى تمام الساعه 7:45 بحضور كل من
رندا حاتم ماهيتاب بركات بدر الدين الامير عمر بوب نانا معتز قريش ود رملية ابوبكر الامين عمران بدرى ابو ساندرا معاوية الطيب
وقد تقرر الاتى: مكان الرحله منتجع الخور الترفيهى الزمان: يوم الجمعه الموافق28/7/2006 التوقيت: تمام الساعه الواحده (التحرك) يرجى التجمع قبل الموعد بزمن كافى وسيلة الترحيل: باص مكيف + 3 سيارات فورويل مكان الالتقاء: نادى اصدقاء البيئة رسوم الرحله: 100 ريال قطرى البرنامج المقترح: منطقة العاب ترفيهية للاطفال + مسابقات رياضية للرجال + عزف وغناء لاكثر من مطرب + فقرات ترفيهيه ومسابقات متنوعه + شواء + سلطات وعصائر + حلة خاصه من ود رملية.
توجد صاله مغلقة ومكيفه + حمامات + مناطق مظلله + مناطق للشواء + 3 سيارات فورويل لحالات الطوارئ On Call فى الحالات الاضطرارية للعوده الى الدوحه قبل موعد انتهاء الرحله.
لجنة جمع الاشتراكات تتالف من : ابوبكر الامين + ماهيتاب بركات + نانا + ودرمليه يرجى الاتصال لتاكيد الحضور ودفع الرسوم (ابوبكر 5567396 + ودرملية 5327127) اخر موعد لتحصيل الاشتراكات يوم الثلاثاء .
اللجنه الترفيهيه : معتز قريش + معاوية الطيب + ود رمليه + عمر بوب يرجى الاتصال فى حال وجود المزيد من الاقتراحات (معتز 5337025).
مرحب بى كل البورداب وخجلانه شديد انى بوردابيه جديده وبوجه ليكم الدعوه لكن جد ده شرف لى وبيكم دايما الدوحه عامره وبوردنا عامر ... والاكتر ... بتعمر بيكم دواخلنا...
| |
|
|
|
|
|
|
Re: رحلة بورداب الدوحـــــــــــة (Re: Randa Hatim)
|
بس أنا داير اعرف سر حضور الزميل عمران
رجل انيق الكلمة والحضور والمظهر
يجى لاجتماع فى مكان رسمى بالجلابية والطاقية
وزجته تجى لنفس الاجتماع وهى الريس بقمة الاناقة الاوربية
ذبدة كلام : ماهو الفرق بين منعوك أهلك ومنعتك زوجتك
| |
|
|
|
|
|
|
Re: رحلة بورداب الدوحـــــــــــة (Re: معتز القريش)
|
عُلِم ..
السيدة الرئيسة رندا .. ( ضحية أخوي راحت عليهو قصة ريس دي ) ..
هل الرسوم دي عن الفرد الواحد .. و للا الأسرة كاملة ؟؟ مع طلب أن يحتفظ بدر الدين بأسلحة الدمار الشامل ( !!!! ) بعيدا . ( مش كفاية الحصل لعمران ؟؟ ) ..
| |
|
|
|
|
|
|
Re: رحلة بورداب الدوحـــــــــــة (Re: ابوبكر الامين يوسف)
|
والله يا ايام يازمان ببكى واتحسر عليـــــــــــــــــــــــــــك....
بقيتو تفطونا وتنسونا وماتطرونا الله يبارك فيك يا عماد عبدالله اصيل ومؤصل
بدر الدين الامير ..شيل شيلتك وارجى الراجيك..
ابوبكر الامين يوسف شكرا (للطقيع)
عمران بابكر بدرى رد علينا (ماسنجر موبايل اى حاجه)
راندا احييك مره ارجل من رجال ..شدى حيلك ونحن من خلفك..
عبدالكريم الامين احمد فعلا فى الليلة الظلماء يفتقد البدر وينك ياخى كفاك تعال نحن انظلمنا
وزى ماقال العراب بدرالدين الســـــــــــــــنى اخوى تلحقنا وتفزعنا من الشتات الفينا..
| |
|
|
|
|
|
|
Re: رحلة بورداب الدوحـــــــــــة (Re: ضحيه ابراهيم)
|
Quote: ابوبكر الامين يوسف شكرا (للطقيع)
|
حبيبنا ضحية ونحنا نقدر ...
الشباب لابدين لانو فى مؤامرة احيكت بليل
بينك وبدرالدين الامير وودرملية
ولابد من التريس حتى نكتشف مداخل اللعبة واستلام الخيوط
ولكن يبدو ان في ثلاثتكم من اراد قسمة الاسد
ويوم بكرة ماتسرع تكشف لينا مايخبو
وكمان بنريدك رغم كل شئ
| |
|
|
|
|
|
|
Re: رحلة بورداب الدوحـــــــــــة (Re: ابوبكر الامين يوسف)
|
بما اني من بورداب الدوحة رغم جوها الغريب ويتساوى فتح الباب و ورفع غطاء الحلة ما علينا
بقول شنو الرحلة دي ما تمش ابدا ذي الافلام المصرية الزواجة ديا موش حتم حتما تتم.. اللفت نظري في المسعلة وجود ما يسمى بالخور هل المعني الخور في البورد؟ لانه ما ممكن اجيه عشان آمنة مختار هي ملكته.. بيان من بورداب الدوحة الجداد
| |
|
|
|
|
|
|
Re: رحلة بورداب الدوحـــــــــــة (Re: bayan)
|
دكتورتنا بيان ..
بما انك جاية من ارض ماليزيا ... وما ادراك ما ماليزيا فلابد انو المساله بالنسبة ليك زايده حبتين ... غايتو احنا بوخ الحله ده بقى عندنا بوخ كفتيره من التعود ...
| |
|
|
|
|
|
|
Re: رحلة بورداب الدوحـــــــــــة (Re: Emad Abdulla)
|
عماد عبد الله ...
الرسوم للاسره كلها ...
وبعدين اسلحة الدمار الشامل حقت ود الامير دى فى وجهة نظرى (وليس من باب الغيرة) صاروخ ارض جو لكن ما عابر قارات !!!!!!!
Quote: ( مش كفاية الحصل لعمران ؟؟ ) .. |
عشان تانى يبطل شلاقة!!!
| |
|
|
|
|
|
|
Re: رحلة بورداب الدوحـــــــــــة (Re: Randa Hatim)
|
Quote: ما قلنا ليكم انحن حريم زمن كوندوليزا رايس !!!!! |
لا أدرى ماذا أقول.......
أنا الرجل الخفى........و بس.......
و الله أجيب ليكم "كشـــة".... و لا شنو يا أبو ســاندره و الامير بدر الدين الامير.....ما تلحقونى.....
معاوية الطيب ودرنى........
______________________________________ حتى نلتقى ...مرحب بكم جميعـــاً
بالمناسبة....بعد الرحلة مباشرة....
كلكم معزومين معاى فى البيت...... و بيتى قريب من مكان الرحلة
حتى تتم الفرحة و يتم اللقاء و التعارف و أمتداد هذأ الحب الجميل
و لو ما شالكم الراس بعد القلب...يشيلكم البيت....ياحب
بعد أن أخبرتهم بانكم قادمون
"ساكت" و قاعد فى الخور الجميل......
أولادى ....بقولوا مرحبيكم لا تخذلونا...أرجوكم
و اخيراً.......لو ماجيتوا...لا جايين و "لا حاجة" دى ليك صديقى المنطط عينيك
تصويت جاد و خاصة أن الرحلة سوف تنتهى فى الساعة التاسعة....
و المكان يعرفوه كل البورداب.....منزلى المتواضع فى الضيعة المتواربة....و أسرتى
| |
|
|
|
|
|
|
Re: رحلة بورداب الدوحـــــــــــة (Re: معاوية الطيب)
|
يا بورداب الدوحة سلام ما زلتم مسيطرون تماماً على جميع الأنشطة الثقافية والفنية على عموم بورداب العالم، ولكن لدي بعض الأسئلة التي أتمنى أجد من لديه الأجابة ان يوافينا بها وهي أسئلة محددة. أبتداءً اسال عن الأتي: 1- اين الأديب الأريب أمير تاج السر؟ وهو من الأعضاء الأوئل هل ينسى منكم بهذه الدرجة ولم تلتفتوا إليه في عدة مناسبات مرت ولم يرد اسمه من ضمن الحضور أو من ضمن المفقودين وهو من الرعيل الأول للكتاب والمبدعين السودانيين بالدوحة اين هو من ليلة محسن بنادي الجسرة أين هو من ليلة فضيلي جماع في أصدقاء البيئة أين هو من ليلة الموصلي وهادية طلسم وعمر الشاعر وأين هو من تكريم عمر الشاعر ؟؟ أليس أجدر وأحق بالسؤال عنه !!!! 2- اين المذيع الألمع لقمان همام ؟؟ عضو المنبر النشط لماذا اختفي منكم يابورداب الدوحة لماذا لا تسألون عنه لماذا تتجاهلون هذه القامات الفنية والأدبية الفذة التي قدمت للوطن ولأوطان أخرى الكثير والكثير!! 3- أين عضو المنبر الكاتب الساخر جعفر عباس من نشاطاتكم الكثيفة التي لا يمر يوم إلا ونرى أن الدوحة تستضيف فلان أو علان أو تحي ذكرى فنان لماذا التجاهل؟؟؟ 4- أين الكاتب والقاص عماد البليك وأين عماد البدري واين جيمس وأين رقم صفر وأين الفنجري وعروسته شهد واين إيهاب ...أعضاء كثر فيهم المبدعون في كل ضروب المعرفة ولكن ان نحصر احتفاليتنا ودعواتنا في شخوص محددة هذه لعمري نقص وعيب كبير لكم يابورداب الدوحة . 5- العديد من دكاترة مؤسسة حمد الطبية دخلوا وخرجوا بدون أن يحس بهم أحد لذلك فضلو حفظ ماء الوجه بدلاً من التجاهل !!! 6- العديد من الأخوة القانونين والصحفيين اكتفوا فقط بالقراء !! اتمنى أن أجد الأجابة على ذلك ممن يملك الرد
| |
|
|
|
|
|
|
|