|
|
|
 Re: وقوووووووووووووووووووومي يا غادة أنجحي (Re: بدرالدين شنا)
|
ده اليوم الدايرنو ليك يا البدري مبروك عليك
أبو غاده ألف مبروك نجاح البنيه والله يكفيك شر العين العنيه
والله يا البدري يا أخوي ضرسي لي هسع يوجعني وحلفت يمين ما تقعلو لي غير غاده أها من يوهمها أدمنت التمباك والقرنفل ومضمضة موية الملح وعود الأراك وما خليت وبعد نجاحها ده لو ما دخلت طب أسنان تبقي مصيبتي مصيبه لأنو حتي كان الضرس خلاني البفكني من التمباك شنو
===
يحكي والعهدة على الراوي برضو إنو في واحد من ناس السقاي أرسل إبنه للدراسه في بلغاريا طب أسنان ووجد الإبن ضالته في تلك الدولة التي تحفل بالخضرة والماء والوجوه الحسنه فبقي ينهي العام الدراسي في 3 سنوات أها أبوهو يوم بحكي لي واحد من ظرفاء القرية وقال ليهو إنت ولدك ده لي هسع ما خلص قال ليهو والله لسه ، قال ليهو هو بقرا شنو أصلو قال ليهو طب أسنان فقال ظريف القرية والله لو بقرأ سن فيل كان خلص
| |
 
|
|
|
|
|
|
|
|
Re: وقوووووووووووووووووووومي يا غادة أنجحي (Re: almulaomar)
|
المتعة عمر صديقي
سلام يحمل كلام مضمونو شوقي
| Quote: تبقي مصيبتي مصيبه لأنو حتي كان الضرس خلاني البفكني من التمباك شنو |
هو إنت عندك ضرس قاعد لي هسع؟؟؟
صاحبنا الزمان الفي السعودية ضرب لي أمبارح عشان يبارك نجاح غادة وقال بنتو إمتحنت من السعودية وجابت فوق الـ 99 ما شاء الله وعيني باردة لكن الليلة مشى السودان إجازة
عرفتو طبعاً مش؟؟؟
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: بدرالدين شنا)
|
Quote: والله فرحت بي طلتكم وبتستحقوا الواحد يكرمكم واحد واحد لكن مكسَّر سااااااكت وكرعي ما شايلاتني
إن شاء الله مرضتي دي تبقى لي بي سماحة في آخر عمري دا |
البدري البدر
سل تاج كسري وأقترح عمامة المناذرة ، يعني أهو ممكن نوفرها ليك ، أو حتى تلعب بدل بابلو أيمار في الأرجنتين أو حتى بدل شيفشنكو الأوكراني لكين أنت تطلب المستحيل داير تكون سمح آخر عمرك كمان دي وايد صعبه ، بس شايف دعاية بقولو فيها مهما تكن أحلامك كبيرة هناك مكان يسعها أو يتسع لها أكاديمة التفوق الرياضي aspire ودي تركب ليها قطر وتمشي قطر وتنزل في الدوحة وبس.
والله يا بدر الدين أنت عاجبنا بشناتك دي لأنو أكتر من كده حا تكون عسل والعسل بلم النحل أو يلم فيك دب في غابه يقوم يلحسك ، وحكاية الدب دي شفتها في فيلم كرتون أو ما يعرف ف يعالم اليوم بالرسوم المتحركة - أها في شأن الشناة إنت أخير بدر الدين شنا نحنا في حلتنا واحد إسمو .... الشين كلو يعني ما فيهو حاجه سمحه وأحمد ربك يا رجل إنت كل دواخلك جميلة وسمحه وما يغرك الشكل الخارجي وأنا مع الشاعر البقول إنما الجمال جمال العلم والأدب ، لكين بيني وبينك يا البدري الزول الشين شديد قاعد يوجع لي بطني وواشناتي دي يا ناس
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: almulaomar)
|
| Quote: سل تاج كسري وأقترح عمامة المناذرة ، يعني أهو ممكن نوفرها ليك ، أو حتى تلعب بدل بابلو أيمار في الأرجنتين أو حتى بدل شيفشنكو الأوكراني لكين أنت تطلب المستحيل داير تكون سمح آخر عمرك كمان دي وايد صعبه ، بس شايف دعاية بقولو فيها مهما تكن أحلامك كبيرة هناك مكان يسعها أو يتسع لها أكاديمة التفوق الرياضي aspire ودي تركب ليها قطر وتمشي قطر وتنزل في الدوحة وبس. |
بريدك زي عيوني يا متعة يا جميل وبستمتع بحرفك وبفاخر بيك الجميع
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: بدرالدين شنا)
|
مبروووووووووووك
يا غادة ويا ابو غادة وياام غادة
وعقبال الارمادا واقفة قدام العيادة
والعيانين صفوف الوف وزيادة .. الحاصل شنو يا اخوانا
آآآآآآآآ .. عرفت دي ما عيادة دكتورة غادة
الإيده فيها الشفا بي حكمة وارادة
الله يخليك ويبارك فيك ونشوف نجاحاتك دوام يا غادة
والحيطة مليانة بي مية شهادة
مبروك يا بدر .. وانشاء الله تفرح بي جديده وجديد اولاده
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: معتصم الطاهر)
|
يا بدر الدين أخوي
جينا هسه ولقينا الحتة دي !
لكن أقبلها مننا
مبروووووووووووووووووووووووووووووووووووووووووووووووووووووك
نجاحكم بي غادة بتكم وربنا يجعلها من البارين بأهلها ويوفقها ويحفظها من كل شر يا رب العالمين
قول آآآآآآآآآآآآآآآآآآميييييييييييييييييييييييييييييييييييييييييين
أخوك: هشام
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: بدرالدين شنا)
|
يا بدر الدين يااااخي إنت زول عجيــــــــــــب وزعلتني عديــــــــــل
البت ابوها مريخابي كيف يعني ما تنجح وتتفوق اما كلام!!!
مبروك النجاح المتوقع لكل بنات الوهاج وبالمرة بنات الهلالاب كمان.
المائة الاوائل 99 منهم مريخاب ورقم 100 موردابية!!
مبرووووووووووك يا بدر الدين وعقبال اسيل بنتي>
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: سامى عبد الوهاب مكى)
|
الأحمر الوهاج سامي عبدالوهاب مكي
وين يا ناس إنتو؟؟؟
Quote: البت ابوها مريخابي كيف يعني ما تنجح وتتفوق اما كلام!!!
مبروك النجاح المتوقع لكل بنات الوهاج وبالمرة بنات الهلالاب كمان.
المائة الاوائل 99 منهم مريخاب ورقم 100 موردابية!!
مبرووووووووووك يا بدر الدين وعقبال اسيل بنتي |
ياااااااااارب نفرح بي أسيل سامي وبكل بنات وأبناء الوهاج وبكل بنات وأولاد الأحباب
قلت لي رقم 100 موردابية هههههههههههههههه حلوة
| |
|
|
|
|
|
|
|
|
 Re: وقوووووووووووووووووووومي يا غادة أنجحي (Re: noha_g)
|
الحبيب بدر الدين السمح تحياتي وأشواقي
وألف مبروك يا غادة ويا ابو غادة وياام غادة
وعقبال يارب كده دكتوراة جعيصة
تخريمة
دكتورة نهي تحياتي وسلامي وسلام أخوي ابوحراز البركة في نجاح غادة دا الظهرك لينا تاني من جديد برغم أنو نزلنا بوست كبير وعريض وسالنا عن كل الغائبين وانتي كنتي من ضمنهم
| |
|
|
|
|
|
|
|
|
 Re: وقوووووووووووووووووووومي يا غادة أنجحي (Re: بدرالدين شنا)
|
..
.
Quote: يا شباب أي زول أنا أديتو كلمة بخصوص الزواج من غادة أنا رجعت في كلامي
البت نجحت علي اليمين نجحت وفرحتني وجابت نسبة كويسة كمان |
وقوم يا أبوغادة جيب المأذون
عاد نعمل شنو شايفك نطيت الحوش ومعاها كلمتكـ !!
المهر مصاريف دراسية لمدة 5 سنوات فقط ..
ولو دخلتها طب السنة الاخيرة على مسؤليتك
1000 يا غادة ..
الليلة الفرحة عمت دارنا
قوم جيب العصير ..
يا
..
.
يا
..
.
يا
..
.
يا أبو النسب ؛
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: Tabaldina)
|
بدر الدين الشين شنا
نعم الإله على العباد كثيرة ..وأجلهن نجابة الأبناء
أو كما قال..
ألف مبروك
والله فرحانين ليك وليها
وعقبال الدكتوراة
وياريت تجدع ليك صورة عشان نوثق ليها النجاح في الجريدة كمان..
وكمان مبروك للحلاوين جملة بي قيادة شيماء لقاطرة الشهادة هذا العام
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: عادل فضل المولى)
|
عادل فضل المولى المعتَّق
يازول وين بلدك؟؟؟
Quote: وياريت تجدع ليك صورة عشان نوثق ليها النجاح في الجريدة كمان..
وكمان مبروك للحلاوين جملة بي قيادة شيماء لقاطرة الشهادة هذا العام |
والله صورة في الجهاز ما عندي وكمان إسكانر ما عندي .. صورتي أنا تنفع؟؟؟
آن لنا ولكم وللحلاوين أن يفتخروا بهذه الشيماء
ياخي ما تغيب
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: طيفور)
|
طيفور يا عطر البورد
سلام وإرتياح
Quote: وشلال تهانينا القلبية الحارة ليك..
ولي بتنا غادة ولي امها التعبت وربت
واستحملتك |
شفت الأخير دي ياها الصعبة الولادة ما مشكلة والرباية ما مشكلة الكلام في إستحمال الشنا
هههههههههه
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: عامر تيتاوى)
|
سلامات
وعوافي
افرحن يا الامات وزغردن غدوية نجحت وفرحت خلق الله ..
عاد يا شناتنا مابسالك .. اخر ناس نعرف بالخبر دا ياخي بالغتا..
حالتنا قلنا بعد ما(الريس) نادا بي تعدد الزوجات قلنا نلبد للفرد عشان نخمش لينا رباعي اناث من الذي هو .. واهو غدوية اعطيناها الرقم تلاتة بعد بت خالتي وتسنيم بت عماد عبدالله والرابعة جاري البحث ...
ياخي الف مليون مبروك ليك وليها ولينا كلنا يابدر...
وانشاءالله يا يابا ايامك كلها نجاح في نجاح ..
اخوك الفنان المسرحي والمبدع في آن عبدالرحيم ودرملية
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: Tumadir)
|
تماضر حبيبتي
سلام وراحة ضمير
Quote: انا دى بالتحديد ..دعيت ليها من كلوة القلب ..ومن نخاع الروح..
بتك بتنا يا بدر..
نحن مش "اهل"؟؟ |
آآآآآآآآآآي يا تماضر دا الكلام البعجبني وبريح بالي ويخليني أفتخر كدي في الدنيا دي وقالوا العز أهل وربنا يفرحك بي ساريا وسيرين ويديك الفي مرادك وفي النهاية أنا الفرحان
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: بدرالدين شنا)
|
بدر بن شنا دفعة الوالدة فى الحج
غادة دى منو و بتبقى ليك شنو, باقي اخوك فاطى مليون صفحة فى البورد ده
الف مبروك على كل حال
الملا ده صديق مخلص لأنو بيقول ليك الحقيقة الشينة او المرة عديل كدةفى وشك سيد الاسم زات,
قالو جيفارا عنده مقولة كالتالى : كن واقعى و حاول المستحيل , فى حالة شناتك دى مفروض نحول المقولة ل : كن غير واقعى و حاول المستحيل
يا زول المسمحا الله فى وش بدر الدين بتحصل
بس انت ما تيأس..
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: خدر)
|
خدر يا رائع
سلام وشوووووووووووق
| Quote: غاده مبرووووووكـ عليكـ و علينا |
غادة بتقول ليك شكراً يا عمو خدر (والله كضاب كضب غادة في السودان وإنت في صحراء عمان)
| Quote: ضحكتني غاده دخلت صغيره شديد |
لأنك خدر
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: ibrahim barssi)
|
إبراهيم برسي يا حلو يا لذيذ
سلام يحمل كلام مضمونو حبي وتقديري
| Quote: لكن انت مفروض تقوووووووووووووووووووووووووم يابدر الدين كدة تضبح |
هي لكن يا برسي خروفك دا بسلخوهو ولا بقشروا؟؟؟ عاين ليهو عامل كيف
وبعدين ياخ نظارتو دي براها بي كم؟؟؟
أسمحلي يا غالي الخروف
حبي وتقديري
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: لؤى)
|
لؤي العسل
هل لديك أي فكرة إنو نحن مشتاقين؟؟؟
| Quote: وأعذرني لتأخيري .. |
أعذرك بس؟؟؟ أعذرك وأشكرك كمان
هو إنت هيِّن ولا ليِّن .. لكن والله شمار تأخيرك بدور يكتلني عديل كدا
لك حبي وشكري على تهنئتك لغادة
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: بدرالدين شنا)
|
الحبيب البدر (حبيب الوجه واليد واللسان)
مليووووووووووون مبرووووووووووك لغادة وأبو غادة
وأنا خجلااااان من تأخري في إرسال التهنئة (وش مدنقر في الواطه من الخجل) لكن أكيد إنك عاذرني مش كده!!
وعقبال ما نشوفها في العيادة الكبيرة الماخمج وقدامها واقفة الأرمادا (يا بدر دي أرمادا تانية غير بتاعة جاري وأخي وصديقي أمير الجمري)
والتهاني من هنا لــــــــــــــــعندك
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: صديق حمدتو)
|
صديق حمدتو صديقي وحبيبي
مشتاقين وأنا عاذرك والناس ظروف
| Quote: وعقبال ما نشوفها في العيادة الكبيرة الماخمج وقدامها واقفة الأرمادا (يا بدر دي أرمادا تانية غير بتاعة جاري وأخي وصديقي أمير الجمري) |
إنت ارمادا وجارك أمير الجمري ارمادا يلا (ارمدوا قدام)
شكري وتقديري للتهنئة الرائعة يا صديقي
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: محسن خالد)
|
مبررررررررررررررررررررررررررووووووووووووووووووك
ده نجاح عايز ليه كمين خرووووووووووووووووف
وكمين عجججججججججججججججججججججججججججججججججل
وكمين حفلــــــــــــــــــــــــــــــــــة
وتغني فيها انت
وكمين هدية
انت تأشر
اتأخرنا عليكم لانو اغنا في مصر
جنس زحمة
الف تحية ومليون امنية
لغادة البت الحلوة ونلجحة
لك محبتي وامنياتي
| |
|
|
|
|
|
|
|
|
|
Re: وقوووووووووووووووووووومي يا غادة أنجحي (Re: محمد سنى دفع الله)
|
محبوبي الفنان
الفارقني وزادني جنان
محمد بن السني بن دفع الله
ياخي والله شوقي ليك دا خايفو يدخلني المستشفى
Quote: وكمين حفلــــــــــــــــــــــــــــــــــة
وتغني فيها انت
وكمين هدية
انت تأشر |
ياربي يا سيدي تدي صاحبي السني الفي مرادو وتسعده مع من أحب
آميييييييييييييييييييييييييييين
| |
|
|
|
|
|
|
| |
بدرالدين شنا
Mutwali Malik
almulaomar
Nasruddin Al Basheer
امير عوض الجمري
المسافر
قرشـــو
معتصم الطاهر
Hisham Ibrahim
زول ساكت
صلاح شكوكو
noha_g
ebrahim_ali
bayan
مهيرة
فضيلي جماع
عادل فضل المولى
مبيوع
طيفور
kamalabas
Tumadir
عامر تيتاوى
ودرملية
sumah
JAD
Ibrahim Algrefwi
ودالعباسية
خدر
عبد المنعم سيد احمد
ibrahim barssi
احمد العربي
معتصم دفع الله
لؤى
صديق حمدتو
محسن خالد
محمد سنى دفع الله
فيس بوك
تويتر
انستقرام
يوتيوب
بنتيريست