|
|
|
 Re: اليوم العالمي للاحراج (Re: khider)
|
غايتو يا خدر المرسال دا جننك حاج دومه يشكي ويبكي من مراسيلي اها اليوم ضرب لي داير يطير من الفرح قال خلاص منقول من هنا يعني الله فكاه من المراسيل . بالمناسبه في نوع دغيل كدي لو رسلتو البحر يجيك من غير مويه ولا ترسلو لي بطاطس يجيب ليك باميه وتقول ليه عايز كيلولحم يجيب ليك ربع كيلو المهم يلخبت المرسال ويبشتنو عشان تاني ما ترسلوا والمرسال كان ريح كرعيك ما بريح بالك . انا غايتو ماعندي اي زول زعلانه منه ولا اي زول عايزه احرجه ولا اي زول دايره ابشتنو ولا اي زول لايماه . بس الزول البكون طرحته من حسابتي بفارق طريقه وبس
| |
 
|
|
|
|
|
|
|
|
Re: اليوم العالمي للاحراج (Re: Tumadir)
|
يا تماضر أول ما جينا الرياض قبل دقشمية سنة كان معانا ابوالقاسم لطفى واحتاج لى ظهرة من البقالة ، وهنا يسمونها (نيلة) فذهب لصاحب البقالة وقال له عايز (ظهرة) بالظاء المفخمة ، فانبهر صاحب الدكان من الاسم وقال له ماذا يقصد فما كان من أبو القاسم الا ان خففها وقال (زهره .... زهره) وطبعا عاد خايبا من البقالة بلا ظهرة ولا (نيلة)
يا خضر ياخ انا صالحت أساسى ، وحسع روحى مشحتفانى شديد داير لى معاهو بنية بأى طريقة ، أعمل شنو؟؟؟؟؟
| |
|
|
|
|
|
|
|
|
|
Re: اليوم العالمي للاحراج (Re: يازولyazoalيازول)
|
هاهاها يا هشام على ظهرة قاسم لطفى المفخخه.. اها هنا لنا مفخخه لا بر بحرية الظهره دى لفيت العالم ده كلو ما شفتها الا فى السودان..ياربى السودان ده تكون اسباب تخلفو وديكتاتورياتو ..ظهرة مفخخه؟؟
| |
|
|
|
|
|
|
|
|
 Re: اليوم العالمي للاحراج (Re: Tumadir)
|
يا تماضر كدى امشى العتبه والحسين وشارع الجيش فى القاهره تعرفى انه الظهره اصلها من هناك(بالمناسبه يارجاء رسلو لى كيلو مع الحاجات) ظهره حياتك
انا صراحه احب الاعتناء بالهدوم وخاصه الابيض واغلب حاجات الصيف طبعا بتكون بيضاء والامريكان طريقتهم غريبه بحس انهم بستعملو الهدوم زى(disposable)
ماعندهم عزيز ولا غالى
عشان كدا الابيض هنا ببوظ بسرعه وفعلا تعرفى اهميه الظهره هنا
| |
|
|
|
|
|
|
|
|
|
Re: اليوم العالمي للاحراج (Re: khider)
|
لوول يا خدر زولتك فهمت اللعبه والله انا كدي اكره انه يمشي معاي السوق لانه بزفني ما تعرف انت داير شنو ولا اشتريت شنو نحن بنريد نمش برانا السوق ونقارن الاسعار ونلف السوق بي رجل كلب الا انتوا التقول الواحدفيكم شايل ليه لوح تلج يا وليه خلاص وبتفتشي في شنو ودا كفي والله تجيبوا للزول العصبي عشان كدي بس وصلها والبركه في الموبايل لما تنتهي من الشوبنق بتضرب ليك
| |
|
|
|
|
|
|
|
|
|
Re: اليوم العالمي للاحراج (Re: doma)
|
شفتى يا تماضر (خوتك) جابت لينا المشاكل والاحراجات ، عشان كده كان لقيتك لافحة توبك وحايمة بين البوستات ما حايكون فى كلام بينا ، حايكون (كبع) بس بالعكاز ، نسوان آخر زمن
وانت يا (خضر) بالضاء المفخخة (الفظيعة) ما تزهجنا بالله
شوف خليتنى مادى ليك بوزى كيف ، اول مرة أمدو فى البورد
| |
|
|
|
|
|
|
|
|
|
Re: اليوم العالمي للاحراج (Re: Raja)
|
| Quote: عرفت بوستك ده حيجيب منو |
انا طبعا يا رجاء ...... مش كدا ....
اهو جبتي سيرة القط ......
ادينا فرقة معاك يا خدر و طول لينا بلك بالله في البوست دا ... و لو داير تبيعو انا بشتري
و بمشي و اجي ... دقايق بس
| |
|
|
|
|
|
|
|
|
|
Re: اليوم العالمي للاحراج (Re: khider)
|
لكن الزول الما بخليه شايل ليه لوح تلج شنو.الواحده كان شايله
ليها 15 ريال بس تخش دكان العده ،وتمشى دكان الملايات،تغشى محل
التياب ومنه لمحل العطور،سنده فى محل الشباشب،غشوه للمشغل ومحل
الخياطه،تويقه لدكان الاقمشه،ربع ساعه مع الفنان سيد الساعات
ساعتين وربع فى سوق (الزهج) اقصد الذهب وهى كان قال ليها الكيلو
بى 18 ريال ماعندها.وبعدين جابن ليهن فلهمه اسمها( الوندو شوبقنق)
ده كان زمان هسع ده زمن(العندو شوبقنق) الما عندو يتلم.
عليك الله ما احرجتهن ليك كلهن......يوهووووووووووو.
| |
|
|
|
|
|
|
|
|
|
Re: اليوم العالمي للاحراج (Re: khider)
|
طيب .....
اذا كان في زول مصاب بالاحراج الليلة ما ممكن يكون اكتر مني
فقد تم احراجي الليلة في بوستي الاخير كما لم يحدث من قبل
اها و عشان احرجكم ما حاقول ليكم منو الاحرجني و لا قال شنو ...
| |
|
|
|
|
|
|
|
|
|
Re: اليوم العالمي للاحراج (Re: khider)
|
نداء انسانى عاجل للحكومه الهولنديه
نشكركم على اهتمامكم غير المحدود بالقضيه السودانيه و خاصة الحرب الدائره فى اقليم دارفور.
نخاطبكم اليوم فى امر انسانى اخر,ونرجو ان تعطوه الاهميه التى يستحقها...عشان نفضي للمواضيع التانيه.
المواطن السولندى خدر دنهاقوبيدا تم رفده من العمل لان ذكاءه يفوق متطلبات العمل,ومنذ تاريخ الرفد تفرغ المدعو خدر للبورد نهارآ ومساءآ يكتب عن مراسيله ونزلات برد زوجته وقصة حياته البائسه و يوم الافراج الدولى (اللهم افرجا علينا)..وعندما لا يجد ما يكتبه يتشرشح فى بوستات الناس و يشتغل حجاز كمان.
اننا رأفة بجمهور البورد وقراءه نناشدكم ان تلقو بسرعه للمدعو خدر شغل من النوع ابو سته ورديات او اليومو 27 ساعه عشان نتفك من المصيبه الوقعت فوقنا دى....
مع فائق التقدير والاحترام
التوقيعات:
1- بكرى ابوبكر
2ـ حسين ملاسي
3ـ منعمشوف
4ـرجاء العباسي
5ـ راويه اختا الكبيره
6ـ يا زول * 3
7ـ تماضر اختو
8ـ دومة (and this a kind of trees that grow up in sudan,we can send you a sample )
9ـ سجيمان (and this a kind of human beings found only in sudan,we have only one sample ,we can not send it to you)
10ـ
11-
اها ياجماعه ايدكم معانا من اجل منبر بلا خدر
| |
|
|
|
|
|
|
|
|
|
والله جد محرجه اسا (Re: khider)
|
اول حاجه ازيكم
وخدر من لا خدر الله رجلك من المراسيل
تاني حاجه
ده بوست مؤسس عديل كده لانو مبني علي الاحراج
اها انا جد محرجه اقول الاحرجني منو لكن برضو حاقول
اولا وده الاهم محرجه لي في دين وده خارج البورد والموضوع لكن قلتو يمكن تتحرجو تدينوني
اما فيما يخص البورد
مره بدر الدين شنا قال لي حاجه كده زي الشنو كده ما عارف ليك
لكن انا اتحرجت
وتماضر النجمه دي مع انها ظريفه لكن برضو مره احرجتني لكن جد انا ذاتي كنت لايوقه ومحرجه واستاهل
اها والود الفاكيها دكين داك مره احرجتني معاه واحده كده عامله ظريفه جاتنا في البيت واستعملت حسابي(ما لقيت غيرها)وردت عليه في بوست وانا مع انو اتظارفت وقلت ليهو معليش للثقاله لكن انا ذاتي استاهل البخلي الناس يجرو من حسابي
اها ومره كده اساسي كان عندو بوست اظنو كان قاصد بو شيتا تاني علا انا استلمتو ليك استلامه ولكن المنع الاحراج انو اتعرفت في البوست
علي السيد منعم الجزولي واستمتعت بمداخلته مع انو اساسي بكون شمانا وفات خلانا
وبس
هذا وعليه انا المواطن البوردابي توما اخدت الموضوع جادي وقلت المزعلني والمحرجني وتاني ما محرجني الا شكلات البورد والنبذ الكعب وشناه الكتابه وصوره كبيسه بتخلعني وكتابه سجيمان بتضحكني وبستمتع بشعر المطر وبالحاجات البنزلها تمبس وبغنا خدر المحرج ده وباهتمام منعم شوف
وجديته تجاه المسرح وبابداع مريم الطيب في الكتابه المصوره وبتماضر لما كتبت عن امها وبتعليقات الناس البتجدد روح البورد وايوااا متكيفه من الوليدات الفي بوست الخرطوم ناس قرمبوز بالمناسبه قرمبوزانت زاتك احرجتني لكن في شنو ما متزكره..
اها ده علي سبيل المثال
وممنوع الحصر ولا داعي للاحراج
وما تفتكرو انتهيت عندي كلام كتير لكن خايفه الباندوث يحرجني
بس حاجه اخيره
محرجه
زمان كان في برنامج بدون عنوان واللذي سمي جوازا ونسبه لصاحبه المحرج
بدون احراج
اها في حرجه ما..واعني حلقه ما.. واحده وللتعترها سموها الساره قامت تجاوب..لكن صحي هي بالغت يعني لتت وعجنت الف.. اها المحرج ما المخرج يا شوف قال ليها الساره..والساره تنضم سااااي..يا الساره..نعم يا اخوي..الساره استريحي
اها انا اسا حاستريح ولا داعي للاحراج
والله جد محرجه اسا
| |
|
|
|
|
|
|
|
|
|
Re: والله جد محرجه اسا (Re: توما)
|
| Quote: ..والساره تنضم سااااي..يا الساره..نعم يا اخوي..الساره استريحي |
اهو يا توما السارة احرجوها ليكي ... و نشفوها لحين ..
| |
|
|
|
|
|
|
|
|
|
Re: اليوم العالمي للاحراج (Re: khider)
|
خدر فتح عينك...فشـــــر انا اخوك يا اخلاص ..انا اترسل
ما عاش البرسلنى..واغنيتى المفضله..
مرسال الشوق...وامش قول ليه يالمرســـال.
وحبيبى رسلنى وانا اترسل ليك بتاعت الكاشف وبس.
| |
|
|
|
|
|
|
|
|
|
وشكرا (Re: khider)
|
ملاسي والله الساره ما تستاهل لكن انا استاهل
و
يا خدر
استريح
وشكرا
| |
|
|
|
|
|
|
|
|
|
Re: وشكرا (Re: توما)
|
بمناسبة الاحراج العالمي والله انا مخرجة اقصد محرجة منك عشان ما باركتة ليك لان و بوست العرس بتاعك ملان صور ابى افتح لي ومسنجري بايظ فانتهز يوم المسرح اقصد الاحراج العالمي وابارك ليك المسرح والمعرس
| |
|
|
|
|
|
|
|
|
|
Re: وشكرا (Re: عشة بت فاطنة)
|
العريس
خدر قرداحي
مبروك و بالرفاه و البنين و ان شاء الله بيت مال و عيال.
الاحراج لك انت لانك مجننا بالمراسيل و المشاوير و استياءك منها، و انا اقول ليك دي كلها دلائل محبة و معزة و احمد الله عليها ..في ناس مالاقيين زول يرسلهم زاتو..
| |
|
|
|
|
|
|
|
|
|
Re: وشكرا (Re: bayan)
|
خدر عن اذنك اتحرج شويه فى بوستك و امشى
Quote: بعدين واحد اسمه جمع حاجة يضرب بها المثل
الزول دا لايوق وعامل تقدمىوهو نموذج الجهل النشط
كان عامل المصحح اللغوى حقى |
بجيبو فى عيد الضحيه و بقول باعععععععع...
عرفتوه يا شطار
| |
|
|
|
|
|
|
|
|
|
Re: اليوم العالمي للاحراج (Re: khider)
|
الاخ خدر
مبروك العرس ولو انها متأخره...
انا الحرجه "ديك" العارفنا انا وانت وزول تالت ما مرقت منى لحدى الليله,وكل مره اطل على بوستاتك الظريفه و اتحاوم بى بره وارجع .. طبعآ خايف من التانيه والتانيه واقعه
والله لا جاب يوم حرجك 
| |
|
|
|
|
|
|
|
|
|
Re: اليوم العالمي للاحراج (Re: khider)
|
يخضر ضرعاتك ياخضر
الواحد مش عارف يكتب من رنين التليفون اوووووووووووووف
حااكتب مساهمه سريعه قبل التلفون يرن اوووووووووووووف
الحمد لله احمدك يارب فاناانا
انا واثق الخطوة يمشى ملكا
الحمد لله على هذه النعمه و ربنا يدومها علينا نعمه و يحفظها من الزوال و لا يحجب لينا منتدى و لا يسلط علينا هاكر
الحمد لله احمدك يارب فانا الان كاتب كبير حتى إننى من كبرى لم يستوعب المنتدى سواى و اصبحت انا الكاتب و الناقد و المحلل السياسى الأوحد و الوحيد و انا معى كارت بلانش و جرين لايت لكى اكتب ما اريد و متى اريد و لا احترم قوانين المنتدى و لا أصول الحوار و أكتب و ارد على نفسى و أحاور نفسى و أمدح نفسى أحيانا و أختلف مع نفسى و إذا ما ضايقتنى نفسى وجهت لها تحذير و انذار بأننى سوف ارفع الأمر إلى المشرف العام و لو حاول أحد النكرات من أمثالكم ان يحاورنى فذلك لغيظه منى و حقده على لاننى كاتب كبير و أنا المنتدى و المنتدى أنا
و انا أكتب فى عدة منتديات تنافس المنتدى و موقع آخر من أكبر المواقع و تتنافس الصحف على كتاباتى حتى ان اووووووووف
اوووووووووووووف الواحد مش عارف يكتب من رنين التليفون اعود لكم لاحقا
شقرور
| |
|
|
|
|
|
|
|
|
|
Re: اليوم العالمي للاحراج (Re: khider)
|
قايتو ياخدر مسألة المراسيل دي قلت اريح نفسي منها واجيب اي حاجة وانا راجع يقوموا يقولوا لي في حاجة ناقصة اقوم انزل تاني ولما ارجع يتزكروا لي مرسال تاني ( اصلي عائش مع عصابة مرتي وامي وهن متفقات على مراسيلي ).وكمان كل واحدة فيهن عندها مسلسل عايزاهو واحدة دايرة المدبلج والتانية العربية الكورة دي الا احضرها في القهوة .
وهنا بدور احرج مرتي لما جيت البلد دي بقيت امشي اسأل من حاجات الشيلة لقيق اغلى حاجة الريحة قلت ياولد عرس ليك واحدة ما سوداني ومشيت السودان جبت واحدة يمنية ، لكن والله تربيتها الفي السودان دي خربتها وكأنك ياابوزيد لاغزيت ولا شفت الغزو بعينك.
جينا لناس البورد
والله انا اتحرجت كتر احراج في ناس بدخل ليهم وبعلق مابردو علي وفي ناس بيختصروني في التعليق .
والمواضيع الكتبتها اسكت ساكت حتى الزوار مابيفوتوا العشرين .
وماتحرجني تقول نقناق
امشي حل مشكتك الفوق دي وبطل احراج 
| |
|
|
|
|
|
|
|
|
 Re: اليوم العالمي للاحراج (Re: ali othman)
|
المحرج خدر
هسع عليك في احراج اكتر من اسمك الشين دا ليك سنتين قلت عايز تغيره ولسع محرجك
لاكثر احراج من الاغنية واسمك اولادك الفاكيهم يتراقصوا في البوست دا
ولك تحياتي واحراجي
محرجك دوما
| |
|
|
|
|
|
|
|
|
|
Re: اليوم العالمي للاحراج (Re: 7abib_alkul)
|
نبدأ الاحراج فنحرج بنت العم رجاء العباسي بأن نتبنى مقولة الدكتور كرار التهامي
تبنيا تاما و ذلك بوضعها كتوقيع لشخصنا الضعيف
و ودت لو انه قد اضاف للعتبات المداخل و المخارج و الحيشان ....
اما ثورنا الابيض فسنعود اليه لاحقا .....
و ما قلتا لي يا خدر .... اخر كلام كم ..... و راعينا في السعر بالله
| |
|
|
|
|
|
|
|
|
|
Re: اليوم العالمي للاحراج (Re: Raja)
|
| Quote: تورك الأبيض يبرطع في الحيشان |
لا حولاااااااااا يا رجاء ..... غايتو ارجي الحيجيكي ....
انا غايتو بررررررا 
غايتو الاحراج عندك ...
| |
|
|
|
|
|
|
|
|
|
Re: اليوم العالمي للاحراج (Re: khider)
|
انا عاوزه احرج البورد كله واخص بالاحراج الاخ جمال هوبلس وحسين ملاسى المدافعين عن ربات الخدور
والمابرضو فى المقنعات مكسورات الجناح والهضيمات من مهضومات الحق
سبب الاحراج انى اتشتمت شتيمه تندرج تحت باب التعريض بالسمعه من زول ما بعرفو
البورد كله قعد يتفرج وناس هوبلس وملاسي دسوا سيوفهم
حتى سيجيمان صاحب البوست شرد والفيهو اتعرفت
| |
|
|
|
|
|
|
|
|
 Re: اليوم العالمي للاحراج (Re: Raja)
|
| Quote: يجدر بالذكر اننا وشقيقتي رجاء تصدينا وبنجاح للعدوان الغاشم ولم نوكل أي محامي "وجيه" .. |
الاخت رجاء
اذا كنت تقصديني فحقيقة لم يوكلني احد
كل ما في الامر انني انزعجت من الكلام في لحظة كتابته وتعاملت معه بسلبية كعادة اهل المنبر
ولكن في اليوم التالي حينما رأيت تعليقك في بوست الاخ كبسيبة قررت ان افعل شئيا، ولم اعرف الا
الان ان ذلك الكلام موجه لشخص معين، كل ما عرفته ان كلام غير مهذب.
المهم احرجتيني جدا وتوبتيني جدا وحارجع اتقوقع تاني في السلبية بتاعتي
لكن الاحراج عندك ، وشكرا
| |
|
|
|
|
|
|
|
|
|
Re: اليوم العالمي للاحراج (Re: khider)
|
| Quote: "وهاك الهندزه عشان اولاد جندر اتجدعوا صاح" |
بنات جندر من فضلك! وشايفة الابيات المعنية من القصيدة اياها ما زالت فى مكانها.
سلامات يا خدر و المتداخلين/ات، وتحايا كثيييييرة لبارعة (بسبب المراسيل طبعاً).
فكرة البوست جميلة و زى ما قالت رجاء الناس الشريرين/ات بتاعين/ات المشاكل ولا حايدخلوا ليك فى البوست ده لكن جابنى الشديد القوى!
المهم،
حبيب البعض،
شفت صورة الجندرية ولا لسة؟
انشاء الله يكون الاحراج حصل؟
| |
|
|
|
|
|
|
|
|
|
Re: اليوم العالمي للاحراج (Re: nada ali)
|
يا راوية و رجاء انتو و الله تلبدو للزول تكرهوهو ...
يا اخوانا / تنا انتو اصلوا ما بتنسوأ ....
المهم نحنا - جمال و انا - الزول العندو زول - او جيش - بيدافع عنو ما بنشتغل بيهو
نحنا بس بنترافع عن من لا وجيع له ... يعني مثلا :
سارة منصور
سنتيمنتال
صدام حسين
نميري
حبيب الكل - و ان كان البعض فنحن من البعض - 
او اي حاجة تانية محرجة كدا .... و بالله ما تحرجونا عشان ما نحرج الناس و البادي احرج
| |
|
|
|
|
|
|
|
|
|
Re: اليوم العالمي للاحراج (Re: Hussein Mallasi)
|
| Quote: حسب معلوماتى انو ملاسي ما بتعشى...بيمز بس |
يا مراويد وين انت يا اخي ....
اولا يا مراويد السم قالوا قدر الغدا مش العشاء يعني ما بنرجى لا عشا لا مزة
تانيا انا منتظر بس الصفحة دي تقلب عشان عندي مسابقة كدا داير انزلها و ما داير اختها في اخر
الصفحة عشان ما تتحرق لي ساكت ... طبعا حاسميها مسابقة الاحراج الكبرى ...
و عشان مافي زول حيعرف الحل حنوم بالجائزة ...
| |
|
|
|
|
|
|
|
|
|
Re: اليوم العالمي للاحراج (Re: khider)
|
| Quote: المهم نحنا - جمال و انا - الزول العندو زول - او جيش - بيدافع عنو ما بنشتغل بيهو |
اجى ....انا اقول ليك ما فى زول عبرنا العبره غير اسعد -الحق يتقال- تقول لى جيش وشنو ماعارفه
| |
|
|
|
|
|
|
|
|
|
Re: اليوم العالمي للاحراج (Re: Rawia)
|
| Quote: تقول لى جيش وشنو ماعارفه |
قلت ليكي جيش او زول ...
المهم بالله دا ياتو بوست دا ... و لا اقول ليكي مافي داعي للفات ...
من هنا و لي قدام لو في زول قال اي كلام كدا و لا كدا ... سيقوم السيد هوبفول
بشوائه حي .....
اها قصرتا معاكم ......
جاملتكم و احرجتا جمال بلعبة و احدة ....
شوفتا التكتيك دا يا خدر ....
| |
|
|
|
|
|
|
|
|
|
Re: اليوم العالمي للاحراج (Re: Hussein Mallasi)
|
اها يا اخوانا نديكم مسابقة الاحراج الكبرى:
الجزء الاول من المسابقة:
اغنية سادت في بداية سنة سبعين – تقريبا – اذكر اسم المؤلف و الملحن و المؤدي.
تقول بداية الاغنية:
في حكاياتنا مايو
في شعاراتنا مايو
رهن شاراتنا مايو
...........
..........
..........
الى اخر يوليو
| |
|
|
|
|
|
|
|
|
|
Re: اليوم العالمي للاحراج (Re: Hussein Mallasi)
|
:
Quote: يجدر بالذكر اننا وشقيقتي رجاء تصدينا وبنجاح للعدوان الغاشم ولم نوكل أي محامي "وجيه" ..
لوووووووووووووووووووول |
لوووووووووووووووووول يا رجوية
بالله يا ناس يا أرر كفاية شر
اسع اخوى اليوم داك ما هرشليك زول
كدا؟
بعدين طول عمرى اقاتل فى جبهات متعددة وحدى والسيوف نواهل
فى زول كدا عايزة اديه لفت نظر
نحنا جينا وكية للمابينا
طبعا انا الزول دا يعد كلامو من قبيل الخرف غير المبكر
وهذا الخرف ناجم عن شخصية ثعلبية(ليس مكرا بل فى الاكثار من المواعظ)
يقول داروين انه كان اميبيا الى زمن قليل ثم تحول الى ثعلب
وعايزة احرج جازلوت المختفى ليه كدا يا بنفسج
سمعتو ولا جابو ليك؟
| |
|
|
|
|
|
|
|
|
|
Re: اليوم العالمي للاحراج (Re: khider)
|
المحرج خدر
هسع عليك في احراج اكتر من اسمك الشين دا ليك سنتين قلت عايز تغيره ولسع محرجك
لاكثر احراج من الاغنية واسمك اولادك الفاكيهم يتراقصوا في البوست دا
ولك تحياتي واحراجي
محرجك دوما
منقول
بالاضافه لي كده وبالمناسبه دي عرسك ما كان لذيذ
المخرج اقصد المحرج الكبير ابو مريم
| |
|
|
|
|
|
|
|
|
|
Re: اليوم العالمي للاحراج (Re: Abu Mariam)
|
المحرج الكبير ابو مريم
تحياتي
و شكرا يا اخي لرفع البوست ... الواحد من كترة ما محرج ما قادر يرفعو
كدي نمشي نجيب ليكم كم حاجة محرجة كدا و نجي ...
خلو بالكم يا جماعة البوست دا بوستي ادخل اطلع على كيفي ....
زي ديك بتاعت نقعد نقوم على كيفنا .... و مجرب سيفنا و مش عارف ايه ...
.
| |
|
|
|
|
|
|
| |
khider
doma
سجيمان
Tumadir
يازولyazoalيازول
Rawia
منعمشوف
Raja
Hussein Mallasi
صديق الموج
yumna guta
هاشم نوريت
توما
عشة بت فاطنة
Al-Masafaa
7abib_alkul
bayan
ASAAD IBRAHIM
nada ali
Abu Mariam
فيس بوك
تويتر
انستقرام
يوتيوب
بنتيريست