عندك مشكلة كبيرة يا أخا البورد، وهي مشكلة لا تليق بباحث زيَّك المفروض يكون عنده ملكة فهم الأسئلة المطروحة عليهو والرد عليها بإجابات محددة وعندها علاقة مباشرة بمراد السائلين وبدون إسهاب أو إيجاز مخلّ. من الواضح أنه إنت بيكون تركيزك على إنك عايز تقول شنو، وليس على ما سئلت عنه. في البوست ده بس في أسئلة كتيرة وبسيطة طُرحت عليك اتجاوزتها في ردودك وطلبت من السائلين يصبروا عليك لأنك مشغول وبعد داك جيت كتبت كلام كتير جدًا وجلّيت الإجابة عن الأسئلة. الحكاية دي متكررة وملاحظة.
خليني أديّك مثالين للمشكلة دي من فيديو سودانية 2.
في الدقيقة 0:48، المذيعة سألتك متين بديت بحثك عن الحقيبة؟ إنت نسيت السؤال ودخلت في موضوع الزجل اللي شاغلك وعايز تتكلم عنه وما صبرت لغاية ما تسألك عنه المذيعة، والنتيجة إنك في الدقيقة 4:49 اضطريت تسأل المذيعة سؤالها كان شنو.
في الدقيقة 5:12 سألتك المذيعة متين بدأ شغفك بالحقيبة؟ برضو طلعت من موضوع السؤال لغاية ما نسيته كان عن شنو، واضطريت تسأل المذيعة مرة تانية في الدقيقة 5:50 عن سؤالها كان شنو بالزبط.
المهم، في سؤال أنا سألت ليهو جلّيتو أرجو إنك تجيب عنه بوضوح: في الدقيقة 6:05 قلت إنك نشرت خلاصات بحثك "في كل مكان"، وأنا هنا في البوست ده سألتك وين أجد البحث كاملاً، ولغاية الآن ما لقيت منك إجابة. أرجو إنك تديني إجابة بسيطة.
09-23-2022, 04:50 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10912
Quote: تحية طيبة لأخي العزيز محمد جمال و للإخوة المتداخلين... ما عايز أزيدك إرباك مع كثرة المتداخلينن..لكن أعتقد عشان تقدر تصل لنتيجة ما حقه تركز أولا في إثبات أنه شعر الحقيبة مقتبس او مأخوذ أو تأثر به شعراء الحقيبة من الزجل..كمرحلة أولى.. ده موضوع بحاله لو أنجزته تكون حققت الهدف..لأنه إذا أثبت ذلك بشكل مقنع ، يمكن الانتقال للجزء الثاني.بعد أن تثبت بأنه اقتبسوا من الزجل يمكن أن تفترض افتراضا دون سؤال تقريري أو استباقي و بسؤال علمي وهادي وليس تجريمي أو اتهامي أو غيره: لماذا لم يذكروا أنهم تأثروا بالزجل؟ وبكده بيكون الموضوع ماشي في خط منتظم.. وكمان ما بيخليك تتشره...بل بخليك مسيطر على مجريات البحث...والبحث اطرافه ملمومة. والاسىلة البتجيك بتكون متمحورة حول الموضوع.
ايوة هو دا هدف البوست بس داير صبر من القراء الكرام وداير زمن من ناحيتي
09-23-2022, 07:39 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
اشعار وأغاني السودان ما قبل الحقيبة وتلك الموازية لها ونماذج لتفاعليها وأوزانها
سنقيم مقارنات في 1- المفردة 2- طريقة النظم و3- المخيال الشعري لنحاول عمل المزيد من التحقق من الإحتمال أن الحقيبة لها جذور في الشعر السوداني السابق لها أم لها وإلَّا إذاً من أين جاءت!.
أول شعر بالعربية وصلنا من منتصف العهد السناري وكان شعراً عامياً بواسطة الشاعر حسان الحرك حزالي 1650-1750 م ثم جاءت لستة طويلة من الشعراء والشاعرات منهم: شغبة المراغمابية فبت مسيمس وبنونة وود الفراش وورقية بت حبوبة والحردلو وود ضحوية وود الضرير وسلطان العاشقين وود الهيل ود شوراني و ود آمنة و ود الشلهمة (والخمسة الأخيرين عاصروا قدراً من الحقيبة أو كانوا موازيين لها بالكامل مثل ود الضرير وود شلهمة. هؤلاء كانوا شعراء عامية وشعبيين غير أن هناك من سبق الحقيبة من شعراء الفصحى (محمد عمر البنا) والد شاعر الحقيبة البنا كما هناك شعراء موازيين للحقيبة ولم يكتبو حقيبة منهم: همزة الملك طمبل ومحمد المهدي المجذوب والتجاني يوسف بشير والعباسي امثلة لا حصرية.
فلكي تكتب حقيبة ويغني لك سرور ذلك لا يحدث إلا عبر عمل منظم ولا بد أن تمر عبر العبادي.. ثم لاحقاً تغيرت الشروط (سأرفق لاحقاً بعض الوثائق التي تؤشر إلى تلك الملاحظة).
للتقصى من التفعيلة والوزن سنتحتاج أن نقطع مئات القصائد والمقاطع والأبيات (تم ذلك خلال البحث) وهذه نماذج من اشعار سابقة للحقيبة وأخرى موازية لها:
ما تستاهل الكَمْره وسكُون اليوي شما جارة ال وَهْوَه مع الدامبوي .. (حسان الحرك/عهد سنار)
ملاحظات: 1- فائدة التقطيع العروضي للأشعار العامية أهميته تكمن في القراءة الصحيحة للنص الشعري والتعرف على الإيقاع الداخلي للنص وبناء القصيدة التفعيلي والنقلات المحتملة بين التفاعيل والأوزان.
2- التقطيع العروضي يعطينا المقدرة على الفرز العلمي بين الأنواع الشعرية المختلفة كما يتيح لنا المقارنة بينها ومعرفة الغث من الثمين وما بينهما.
3- الأشعار العامية ليست بالضرورة أنها تجري على نمط البحور العربية الرسمية لكن حتماً لها تفاعيلها وأوزانها الخاصة بها والمنوعة.
4- وبخصوص شعر الحقيبة فبرغم الكلمات الكثيرة المتفردة والغريبة أحياناً على قاموس العامية السودانية إلا أنها بعد غير معربة وتخضع لقواعد العامية الوسطسودانية. التفعيلتان (فاعِيلنْ/ فِعْلَنْ) هي سر الإنسيابية فهذه القصيدة لود الرضي .. ملاحظة: أحاول هنا أن اقول أننا قطعاً نستفيد من التقطيع العروضي في رؤية الجوانب الجمالية النظمية إضافة إلى المقارنات في طرق النظم والتفاعيل بين الأنواع الشعرية المختلفة.
تلك مادة من أيام البحث الذي خرج بالنتييجة في سبتمبر 2017.
الهدف الآن بالنسبة لهذا البوست التوضيح لو بشكل مختصر كيف كنا نعمل أيام البحث من جهة التحقق من المفردة والنظم والمخيال الشعري.
وقد أقمنا مقارنات وافية حول المفردة وطريقة النظم بحيث أنه قد تبين لنا عبر الأمثلة التطبيقية كيف أن الحقيبة خلفيتها في الزجل الأندلسي.
وسنتحدث عن ملابسات إضراب الطنابرة وكيف كانت أشعارهم المغناة ولماذا حقيقة أضربوا عن الغناء ومن هم الطنابرة!. ثم الرقصات الشعبية التي سادت قبل الحقيبة وبعدها وتلك التي جاءت موازية للحقيبة والتي جاءت بعدها. ونحن الآن نناقش محور خلفية الحقيبة في المفردة والنظم والظروف السياسية والإجتماعية والثقافية التي نشأ وترعرع فيها فن الحقيبة وكيف ولماذا إنتهى نظمه!.
وسأواصل التوضيح.. ما زال المشوار في بداياته.
مع تركيز أكبر على إستقصاء فرضية الزجل بحسب المقترح المقدم من العزيز محمد حسين
09-23-2022, 07:45 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10912
معليش بس تعديل على مداخلتي السابقة لأنه كتبتها من الجوال وفي وضع ما مريح و اكتشفت فيها عيوب وتحتاج لتعديل.. تحية طيبة لأخي العزيز محمد جمال و للإخوة المتداخلين...
ما عايز أزيدك إرباك مع كثرة المتداخلينن..
لكن أعتقد عشان تقدر تصل لنتيجة ما حقه تركز أولا في إثبات أنه شعر الحقيبة مقتبس او مأخوذ من الزجل ، أو تأثر به شعراء الحقيبة
ده كمرحلة أولى.. ده موضوع بحاله لو أنجزته تكون حققت الهدف..لأنه إذا أثبت ذلك بشكل مقنع ، يمكنك الانتقال للجزء الثاني.
بعد أن تثبت بأنهم اقتبسوا شعرهم من الزجل يمكن أن تفترض افتراضا ودون سؤال تقريري أو استباقي و بسؤال علمي وهادي وليس
بصيغة تجريمية أو اتهامية أو غير ذلك مث: لماذا لم يذكروا أنهم تأثروا بالزجل؟
وبكده بيكون الموضوع ماشي في خط منتظم..
وكمان ما بيخلي الموضوع منبهل الأطراف..بل بخليك مسيطر على مجريات البحث...والبحثبتكون اطرافه ملمومة.
وحتى الاسئلة البتجيك من المتداخلين بتكون في صلب الموضوع و متمحورة حوله .وما بتسبب ليك إرباك أو
تشويش ، بل بالعكس حتساعدك في سير البحث.
والله أعلم
تحياتي
09-23-2022, 08:15 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
يا أخانا في البورد محمد صديق عبد الله انا رديت عليك بالبقدر عليه.. وقلت ليك أصبر.. انت مستعجل .. لما ننتهي ونصل مستوى محدد من السرد بنشوف الخيرة معاي إذا عندي ليك رد وممكن ما عندي. اما بالنسبة لبحث الحقيبة وروابطه أنا هسا في قطار .. انت زول باحث.. اسمح لي بكل لطف أحيلك إلى محرك البحث قوقل.
وما في زول قال سءال أنا ما رديت عليه .. كل الناس.. بس انت ما راضي بالرد.. بنجيك لقدام شهر شهرين أصبر.. البوست ح يستمر إمكن سنة ونص.
وأما إن كنت تقصد أخانا في البورد قباني فهو لم يسأل سؤال ولم يأتي لنقاش، أنا حاولت أناقشه وحددت ليه مقارنة بعينها وطلبت منه المرور عليها تفصيلياً إن أمكن.. وهو جاني بكلمة واحدة بس من كل المقارنة وبعد دا مافي مشكلة قلت ليه بس أصبر لقدام والمقارنة أمامه. صديقنا دا جا ينبذ بس، وما أعتذر.. من هذه الشاكلة:
Quote: و النحدثك: الحقيبة شديده الابهار و في غاية الجمال قبل ما ينعم علينا الزمان بمولدك النبوي الشريف .. و حتى بعد ان تلاقي وجه ربك ..
و تالت و عاشر يا جمال .. انت مشكلتك ضليت الطريق و مصر انك فاهم رقبتك ماشي وين ..
عليك الله وقتك ده اصرفه في شي مفيد .. بدل (الدجل و الزجل) .. .. و واجه نفسك ( ولو لمره واحده ) .. بعدم فهمك و آهليتك للكتابه عن الحقيبه و اهلها ..
انت عيان عديل بموضوع الحقيبه ده .. شوف ليك therapist يشخص ليك حالتك دي
وأنا سامحته بوصفي زول عيان لأن العيان مسامح .. وحاولت معه التالي:
[QUOTE يا أستاذ يحي قباني خليك من حرف البوست والإستهتار الما نافع دا.. شكلك عارف ومتمكن وممكن متخصص أنا ما عارف والما يعرفك يجهلك.. خلي داك كله.. انت ما داير تناقش أنا بناقشك عندي فيك أمل.. قول لي رأيك التفصيلي شنو في المقارنة دي بوصفك زول عالم بالحقيبة وإبداعيتها أو كما أظن أو كما تظن:
ودي المقارنة المعنية:
مقارنة بين سيد عبد العزيز في (يا مداعب الغصن الرطيب) من نمط الحقيبة وإبن قزمان في (عطر الروض) من نمط الزجل الأندلسي.
ربما تكون مقارنة مدهشة للبعض منا (وعد).. القصيدتان كاملتان مرفقات آخر الكلام.
ماذا يجري هنا، أن هناك قصيدتين (أغنيتين) كتبتا في زمنين مختلفين (الاولى 1150م تقريباُ وظل يرددها الناس في المغارب والمشارق حتى تاريخ اليوم ونظموا على منوالها كل الوقت والثانية قبل 90 سنة تقريباً (1930م) وفي مكانيين مختلفين في الجغرافيا والبيئة) لكن نجد أن التفعيلة والوزن والكلمات المفتاحية وبناء القصيدة والصور الحسية الوصفية شبه متطابقة كما الأخيلة الشعرية المعنوية، ذلك أن: هناك حديقة/روض/روضة خضراء يانعة وأن هناك طيور تغني في الحالين وأن الحديقة مزهرة وأن لا شيء يعكر الجو، من ملامح وصف الطبيعة في الحالين إذ لا يوجد رقيب ولا واشي في الحالين عكس الصورة في حتات تانية في الحالتين الأندلسية والحقبنجية السودانية وبالتالي هذه المرة: هيا نتدرج الإثنيـــــــــــن مابين الأشجــــــــــــــار نتمشى يــا إنســـــــــــان ســـــــــــاعة "في الروض الأندلسي" (ابن قزمان)
أنا وأنت في الروض يا حبيب.. راق النسيم وحلى للمرور "يعني هيا نتدرج ونتمشى ساعة في الروض الأمدرماني" (سيد عبد العزيز). وكلمة ساعة واردة في الحالين مع إختلاف وظيفتها في الاولى الأندلسية ساعة زمن بمعنى بعض الوقت "اللذيذ" وفي الثانية السودانية الساعة تعني توقيت مناسب للتمشي والتجوال اللذيذ والمتعة مع الحبيب في الروض الخصيب.
وكما نرى أن الصور الشعرية والأخيلة شبه متطابقة مع إختلافات فقط في إستخدام اللغة. فإننا نجد أيضاً الجرس الموسيقي شبه متطابق مع قافية في بعض الأحيان متطابقة. زيادة على ذلك هناك عدد من الجمل الكاملة او/و الكلمات المفتاحية مكررة/متطابقة في العملين:
قصدي نقيــــــــــم سهرا أنا والحبيــــــــــــــــب (إبن قزمان) أنا وأنت في الروض يا حبيب (سيد عبد العزيز) --- أنضر نعمـــــــــــة القدرا في الروض العجيــــب (ابن قزمان) والروضة في موقع خصيب (سيد عبد العزيز)
لابـــــــــــس حلة خضرا والغصن الــرطيــــــب (إبن قزمان) يا مداعب الغصن الرطيب (سيد عبد العزيز).
وأهم شيء والذي ربما حيَّر الملاحظ المتأمل أن المناسبتين حدثتا في يوم مناسبة مسيحية وهي يوم عيد الصليب (الفصح أو الفصاح وأصلاً هي الفساح بالعبري) وأن في الحالين (الحبيبة مسيحية الديانة) وان الطيور كانت تغني منشرحة في هذا اليوم الاندلسي الصليبي العجيب الذي تكرر في ام درمان:
ما غنت على الأغصــــان طيور الفصــــــــــــاح (الفصح هو عيد الصليب) ابن قزمان
في الروض غنى العندليب ورددوا غناه الطيور ترتيل أناشيد الحبور وفتيانها يوم عيد الصليب (سيد عبد العزيز)
والـبلبل الـغريد يـدور عـلي منبر الاغصان خطيب (سيد عبد العزيز)
شبه الثريــــــــــــــــــا حين جــــــــــــاد بوصالي (ابن قزمان)
دنت الثريا بقت قريب (سيد عبد العزيز)
كما أن الصورة الكلية في الحالين واضح من السياق انها متخيلة وليست حقيقية وهذه ملاحظة هامة جدا وكأنها الحنين إلى فردوس غائب/مفقود!.
تعليق: ذلك هو فن الزجل، كل قصيدة عندها مرجعية وأصل لأنه نوع شعري يتناسل من بعضه البعض (فن المجاراة) فكل قصيدة (غنية) عندها أم وأب وعندها جد وجدة وعشيرة وقبيلة وعندها مرجعيتها الجينية الكلية في الزجل الأندلسي.. وكل وليد يأتي أكثر جمالاً وكمالاً من أهله وهذا ما حدث هذه اللحظة فجاءت يا مداعب الغصن الرطيب لسيدها سيد عبد العزيز زاهية وباهية وطاعمة أكثر بكثير من جدتها الأولي (الغصن الرطيب لسيدها إبن قزمان).
في الختام ملاحظة: أمامك رابط من منبر سودانيزأونلاين لسرد جاري حول نتيجة بحث الحقيبة ثم ستجد بعده (إن شئت) قصيدة سيد عبد العزيز وتلك التي لأبن قزمان لمزيد من التأمل الذاتي.
إلى متى نحن مع الإفتتان بشعر وغناء الحقيبة، محاولة لنقد موضوعي: الأستاذ/ معاوية حسن يس وتعليق مني وإضاءات جديدة على نتائج بحث: حقيبة الفن.
ملاحظة: هسا نحنا ح نواصل حسب الخطة ووفق المحاور المعلنة. وأي زول عنده سؤال ممكن ينتظر وإلا يختو هنا وبعد ما ننتهي من السرد ونصل مستوى معقول نجيه بالعندنا.. وكله خير.. كمان برضو الزول العندو شيء كويس يخزنو (إن أمكن) والزول العندو نبذة نبذتين برضو يخزنهم (إن قدر) بعد ما ننتهي عشان عندها ربما يتضح الخيط الأبيض من الأنبذ.
ومن هسا أي زول بشتمنى حق أو باطل (في السر أو العلن أو قطيعة) ما ح يدخل النار بسببي لأني عافي ليه دنيا وآخرة.
بس حبيت أتظارف معاكم لأني عارفكم ظريفين.. ونواصل.. مع أسمى معاني الحب والإحترام
09-23-2022, 10:20 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
ملاحظات متعلقة من بوست: قواعد العامية الوسطسودانية.. أظنها لسا سارية المفعول فيما يتعلق بجدل نتيجة بحث الحقيبة وما احسبه سوء فهم.. ونواصل:
Quote:
ملاحظات هامة في تقديري:
1- هدف البوست دا هو نداء للتعاون في وضع قاموس لقواعد العامية السودانية او على اقل تقدير لفت نظر للمهتمين للمساعدة في المحاولة الصعبة الجاربة للنظر في استنباط تفعلية واوزان اشعارنا العامية قاطبة الشيء الذي لم يحدث قط حتى هذه اللحظة.. هل حدث؟ لم يحدث بعد كما أخبرني العالمين.. وهو طبعاً عيب كبير!
كل الامم تعرف قواعد واوزان وتفاعيل اشعارها العامية.. ذلك أظنه واضحا لكل مطلع.. وكل الامم تعرف قواعد لغاتها العامية.. ولذلك فوايد عملية واضحة للعالمين. وتلك من الفوائد التي نزعم أننا جنيناها أو قل الموضوعات الجديدة التي انبثقت عن نتيجة بحث الحقيبة الذي إنتهي في سبتمبر 2017.
2- لاحظت عموماً أن هناك سوء فهم كبير للبحث ولمجاله وخلط واستعجال واحكام مسبقة.. والسبب أن الناس بعض الناس التي تتداخل تفعل دون أن تقرأ إلا العناوين.. بحث الحقيبة ليس بحث في غناء الحقيبة (أيوة صاح) دي معلومة هامة جداً في نظري (هذه الخلط هو سبب بعض التشويش البرئ وأما المغرض فهو لا يحتاج أسباب):
فللاهمية ولمن يهتم بحث الحقيبة لم يتطرق ابدا للالحان ولا الايقاع ولا الموسيقى ولا كيفية اداء الغناء (تلك شؤون اخرى) بل فقط بالكلمة الشعرية (النوع الشعري وخلفيته وقواعده المحتملة) وبالظروف السياسية والاجتماعية والاقتصادية التي نشا فيها النمط الشعري بداية عهد الاستعمار الانجليزي وما الى ذلك.. والاسباب. وبالتالي فالبحث ليس في غناء الحقيبة في شموله (هو ليس بحث في غناء الحقيبة) بل فقط في النوع الشعري/النظمي للغناء وظروف محيط نشاة هذا النوع والاسباب .. هو بالزبط يتحدث عن القطن قبل ان يصبح ملابس (مثال للبيان) وذلك مشروح تفصيليا في خلاصات البحث المنشورة.. وهذه الملاحظة الأخيرة هي الأهم.. ونمضى إلى الأمام.
3- أتوقع على العادة أن يبدأ شوية عك بداية هذا البوست وقد يستمر كعادة بوستات الحقيبة أقول ذلك من تجارب أيام زمان (إن حدث عذراً فهو ليس بيدي) نتجاوزه بالصبر الجميل ونمضى إلى الأمام وفي خلدنا الخطوة الجديدة (القواعد).
4- ولدينا مشروع السودان200 مشروع الوعي العلمي بالذات الجماعية والبيئة الطبيعية المحيطة بنا (نحن نعيش في الظلام وفق هذا الزعم.. لا ثورة تحدث في الظلام وتسجل نفسها ثورة.. لم يحدث في التاريخ ولا مرة واحدة ان ضاءت امة جاهلة بذاتها الطريق لشعوب الارض الاخرى) .. بلغة أخرى هو مشروع توثيق الماضي، فهم الحاضر، تخطيط المستقبل (في ذات الأوان والزمان) تلك هي الثورة وفق هذا التصور!.
5- والملاحظة المهمة غاية الأهمية: أن مثل هذه الحوارات/القراءات ليست بالضرورة هدف في حد ذاتها بقدر ما هي نافذة مهمة قد نرى من خلالها ذاتنا الجماعية بطريقة أكثر وضوحاً (عبر مراجعة الذات والتراث).. أو هي الخطة المأمولة. وربما نقف عبرها على أسباب فشلنا في صناعة سودان متحضر وموحد وفشل ثوراتنا حتى الآن من جراء شقاقاتنا القائمة على جهلنا بذاتنا الجماعية والبيئة الطبيعية المحيطة بنا.. (مشروع السودان200) .. وإذاً عبر ذلك السبيل نمضي إلى الأمام بطريقة أكثر صحة او هو الامل!
وذلك من بوست قواعد العامية الوسطسودانية.
ونواصل المحاور كلما سنحت لنا الفرص.. مع اسمى معاني الاحترام
09-23-2022, 10:46 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
سنتحدث عن فوائد وسلبيات البحث المحتملة في كل الأحوال (صح أو لم يصح لا يهم) المبدأ هو الأهم.
الحقيبة وشعراء الحقيبة مثلهم وكل إرثنا وتاريخنا ورموزنا السياسية والإجتماعية والثقافية ملك عام وجب نبشه وفحصه كلما سنحت الفرص للإستفادة منه في حاضرنا ومستقبل الأجيال المقبلة بالذات أمام هذا الفشل العريض الذي تعيشه بلادنا في كل ضروب الحياة (لا قدسية وإلا فهي مجرد تزييف آيديولوجي بغيض أو شخصي أو وهم ما من الأوهام السائدة زي القبلية والشللية وإلخ.. أو الحسادة أو الإنتصار للذات كدا بس جعولية) دا غلط كبير إذن وغير مقبول ووجب ردعه بكل الوسائل المشروعة مني أو منكم أو من الحق. وذلك لمزيد من الوضوح الباين حيال هذا البوست البسيط.
أخوكم لكم محبة وإحترام فقط أنشد صبر البعض منا المتعجل.. مع الإلتزام بقواعد المنبر والحوار
09-23-2022, 11:49 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
والـبلبل الـغريد يـدور عـلي منبر الاغصان خطيب (سيد عبد العزيز)
و تااااني سألتك ..
Quote: هات دليلك على ما يلي: الدليل الاول اثبات ان طيور الفصاح مقصود بها عيد الفصح .. و ليست طيور الهزار و الكناري ..
ثم هات دليلك ان ابن قزمان كتب ما غنت على الأغصان طيور الفصاح في مناسبة مسيحية و يوم مسيحي و حبيبه مسيحية ..
محمد جمال .. الادلة بمراجع و ليس من خيالك ( الخصب) .. لو سمحت ..
مقارناتك كالقائل: اسرع الحصان و لا ابعد كوستي ؟
و زغت كالعاده لانه كيسك فاضي ..
حتى دي كمان عملت منها نايم:
Quote: معلومة (جديدة عليك) يا محمد جمال ..
عيد الفصح و عيد الصليب مناسبتين مختلفتين تماما .. و في تواريخ مختلفة تماما ..
عيد الفصح في الربيع و عيد الصليب ١٤ سبتمبر تاريخ ثابت ..
فما تجوط ساكت .. عيد الفصح هو عيد القيامة حين دخول السيد المسيح لاورشليم قبل الصلب (الصلب حسب المعتقد) اما عيد الصليب فهو عيد اعلنته القديسة الملكه هلّانة في علم ٣٢٦ ميلاديه حين العثور على صليب السيد المسيح الذي كان مدفونا و مفقودا .. حينما عثروا عليه معه صليبين اخرين استطاعت القديسة هلّانة التعرف على الصليب و اعلنت ذلك اليوم يوم عيد الصليب و بالمناسبة سيد عبد العزيز لما قال يا مداعب الغصن الرطيب في بنانك ازدهـت الزهور زادت جمال ونضار وطيب
و اضاف
دنت الثريا بقت قريب بين السلوك في تاني دور في ثانية كم سطعت بدور واهلة كان نوعن غريب
السودانيين الاقباط الارثوزكس كانو بيحملو السعف و يمشو الكنيسة احتفالا بعيد الصليب و ثريا شاشاتي صاحبة القصيدة منزلهم مقابل الكنيسة تماما و مكون من طابقين لذلك كتب في تاني دور و اسرة شاشاتي كاثوليكية و لا يحتفلون بعيد الصليب فيبدو انها كانت تحمل فرع نيم من شبك غرفتها فرأها سيد عبد العزيز و كتب يا مداعب الغصن الرطيب
و دنت الثريا (ثريا شاشاتي)
عليك الله ابن قزمان كتب انوارها اخذه بدون سلوك !!
ياخي الشعر و الفن مخزون ثقافي لا يعيب ان يشبه به ..
سيد عبد العزيز كتب هي في الجمال زي يوسف ..
سرق كلام ربنا يعني ؟
الخلاصة:
انت الما بتفهم نقاش و ردود يعني شنو .. انت عندك زرّيعة نبتت ليك في راسك الفاضي و داير تبلي بيها الناس ..
و جابت ليها كضب كمان .. ههههههههههههههههه
مفلس ..
الفورة مية الف يا اخونا .. لغاية ما تجاوب على كلامي ده ياب كيسا فاضي ..
09-24-2022, 01:11 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
اللخو يحي قباني: انت لم تأتي لنقاش واضح.. انت جيت بتكورك بس من أول مداخلة لك حتى الآن (راجع صدر هذا البوست).
وطبعاً انت على كيفك .. وأنت غير مزعج بالنسبة لي لأني أفهمك وظروفك ربما فقط للقراء.. انت بتعمل كدا معاي من سنة 2017.. عادي لا مشكلة والزهر ينفح العبق والجمل ماشي.. اخوك في البحث والحوار لا مشاعر له.. فقط الود.
بس هسا انا عندي محاور محددة (في بوستي دا) عايز أواصل فيها. هل ممكن لو تسمح تهدأ شوية وتديني والناس المعاي فرصة.. بس شوية زمن وفق المحاور المعلنة.. هل ممكن ولا لا!.
انت لم تأتي لحوار بل شتيمة بس أنا العلمت ليك مداخلة خاصة عشان تنشغل بيها شوية (مقارنة سيد عبد العزيز مع إبن قزمان) .. وانت بس مسكت في كلمة واحدة (الفصاح) وانا عارف طبعاً دي مجرد جرجرة منك فاضية (راجع الرد على محمد عبد الله صديق أعلاه) إن كنت تود الحق.
هل انت متضرر شخصياً من هذا البوست؟.. لا أظن (اذا مسك ضرر شخصي قول لي؟).
دا مجرد بوست لزول عيان بالحثيبة من وجهة نظرك.. المشكلة الكبيرة شنو.. مافي.. عشان كدا لطفاً خلي الناس يفهو زيك الزول العيان دا منو وتكون كسبت في الناس أجر.. خلي الزول الك/لب دا يقول العندو ويتفضح أمام الشعب.. خليه يكشف عياه وتكون كسبت أجر فينا كلنا.. شكراً.
أتمنى تبعد لمدة شهر بس من البوست دا عشان نقدر نصل لنتيجة محددة حسب المحاور المعلنة (مجرد أمنية مني) عارفك على كيفك.
تحيات ومحبات لك وللجميع.. ونواصل حسب المحاور المعلنة.. شكراً
وأجمل الأماني ---- راجع الكلام حول المقارنة اعلاه وانت تتذكر لو ناسي.. وكل الناس والقراء الاكارم شهود علينا.. لا تقلق يا اخوي.. المشوار لسا طويل والعلم الحق بالشي لا يحتمل تزوير او تضليل او تخويف او تخوين او مجاملة.. انا لا افعل وانت حر.
09-24-2022, 01:23 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
Quote: يا أخانا في البورد محمد صديق عبد الله انا رديت عليك بالبقدر عليه.. وقلت ليك أصبر.. انت مستعجل .. لما ننتهي ونصل مستوى محدد من السرد بنشوف الخيرة معاي إذا عندي ليك رد وممكن ما عندي. اما بالنسبة لبحث الحقيبة وروابطه أنا هسا في قطار .. انت زول باحث.. اسمح لي بكل لطف أحيلك إلى محرك البحث قوقل.
عليك الله في تعالي أكتر من كده يا أخ البورد محمد جمال؟
إنت ما حاسّي بأنك بتتعامل بفوقية شديدة مع محاوريك؟ ما ممكن يا أخي تطرح موضوع للنقاش والناس تبدأ تناقشك وتطرح عليك أسئلة وتقعد تقول ليهم شيلوا الصبر أنا مشغول وأهدأوا شوية وإنتو مستعجلين وبجيكم صادّي بالمهلة.
بعدين هل الكتابة في القطار صعبة لدرجة إنك تحولني لي محرك البحث قوقل عشان ألقى بحثك براي؟
العوجة لو بحث الحقيبة هو فقط اللي موجود في الروابط المبذولة في سودانيزأونلاين وما في بحث "مكتمل الشروط".
إنت قلت الأخ قباني ما طرح عليك أسئلة. أنا طرحت عليك أسئلة ما جاوبتني عليها، وأنا الآن منتظر منك إجوبة ممكن تجي وممكن ما تجي على حسب كلامك. بس خليني أقول ليك أنه التهرب من الرد على أسئلة محاوريك حا يثير شكوك في مدى صحة طرحك، والناس في سودانيز أونلاين - المشاركين منهم والمتاوقين - بقت عندهم خبرة كبيرة وباع طويل في معرفة كل أساليب المراوغة والزوغان. يعني الضرر حا يكون كبير عليك إذا استمريت في تجاهل الرد على محاوريك.
أنا عندي طلبين بس:
1. رابط أو روابط بحثك "مكتمل الشروط" عن الحقيبة.
2. تعمل تقطيع لقصيدة من الزجل الأندلسي وقصيدة من الحقيبة وتورّينا التطابق في التفاعيل بعد ما تقطع الكلام عروضيًا وتعمل رموز التفاعيل، وبعد داك نرمي لي قدّام لأنه المشوار طويل زي ما إنت بتقول، ونحن ما ورانا حاجة.
09-24-2022, 10:18 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
باشمهندس يحي قباني اولا انت وبدون اي زيادة او نقصان لو حتى مجاملة جبت المختصر المفيد والكل شاف وقرأ سؤالك التاريخي وقدرت بسؤال واحد بسيط في شكله ولكنه عميق في فحواه ان تثبت الخطأ الجسيم والفادح الذي وقع فيه الباحث..( المتسرع ) وبكل بساطة ممكن يطلع اي مداخلة هنا في بوسته بانها مداخلة( غير موضوعية) فقط لانها لم ( تشكره ) و(تمجد) بحثه الفلتة واكتشافه العظيم بأن شعراء الحفيبة سارقون.. وان اشعارهم ما هي الا نتاج سرقات من ( الزجل ) الاندلسي. وطبعا الباحث محمد جمال يعتقد اننا لا نعرف ولا نفهم في فن الحقيبة ولا نعرف مناسبة اي اغنية وفيما كتبت وفيمن قيلت وملحنها و مؤديها وايقاعها . وحتى المجاراة في تلشعر وفي اللحن هات يا زميل سؤالك يا اخي الفاضل والعزيز والفنان يحي بان يثبت الباحث ان طيور(الفصاح ) اشارة لعيد الفصح عند المسيحيبن اعتقد انك قد لفيت الحبل حول رقبة الباحث. ووفرت علينا جهد ادخال الباحث في( البدء) وهو دوبيت البادية ودوبيت امدرمان. في انتظار اجابته عن سؤالك ولو بعد عيد الفصح القادم.
09-24-2022, 04:05 PM
Khalid Basheer Khalid Basheer
تاريخ التسجيل: 04-14-2013
مجموع المشاركات: 381
Quote: باشمهندس يحي قباني اولا انت وبدون اي زيادة او نقصان لو حتى مجاملة جبت المختصر المفيد والكل شاف وقرأ سؤالك التاريخي وقدرت بسؤال واحد بسيط في شكله ولكنه عميق في فحواه ان تثبت الخطأ الجسيم والفادح الذي وقع فيه الباحث..( المتسرع ) وبكل بساطة ممكن يطلع اي مداخلة هنا في بوسته بانها مداخلة( غير موضوعية) فقط لانها لم ( تشكره ) و(تمجد) بحثه الفلتة واكتشافه العظيم بأن شعراء الحفيبة سارقون.. وان اشعارهم ما هي الا نتاج سرقات من ( الزجل ) الاندلسي. وطبعا الباحث محمد جمال يعتقد اننا لا نعرف ولا نفهم في فن الحقيبة ولا نعرف مناسبة اي اغنية وفيما كتبت وفيمن قيلت وملحنها و مؤديها وايقاعها . وحتى المجاراة في تلشعر وفي اللحن هات يا زميل سؤالك يا اخي الفاضل والعزيز والفنان يحي بان يثبت الباحث ان طيور(الفصاح ) اشارة لعيد الفصح عند المسيحيبن اعتقد انك قد لفيت الحبل حول رقبة الباحث. ووفرت علينا جهد ادخال الباحث في( البدء) وهو دوبيت البادية ودوبيت امدرمان. في انتظار اجابته عن سؤالك ولو بعد عيد الفصح القادم.
ابو حميد يا فنان ..
لقد أسمعت لو ناديت حيا ..
زولك ميت تماما ..
قاعد جوه صندوق ضيق .. و قايل دي الدنيا ..
مسكين ..
و الفورة بقت عشره مليون .. الى ان يجيب على الاسئله ..
تخريمة:
عشان داير يلوي الحقايق .. الهو اصلا ما فاهمها .. قال الفصاح يعني عيد الفصح .. و هو عيد الصليب و ده قطعناو ليو في راسه الخالي .. و زادها كوز موية عشان يدخل المسيحية بالرجالة .. قال ابن قزمان كتب الى محبوبه مسيحية ..
يعني سنة الف ميلاديه .. و عايش في اسبانيا .. حيحب واحده ديانتها شنو مثلا ..
تعرف ..
الفورة بقت مية مليون .. لغاية ما يقول الروب .. هههههههههههه
09-24-2022, 04:42 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1532
Quote: رجوع إلى لغز عبد الله الأمي!لاحظ الكلمات التي أمامها العلامة "/” من غصن الرياض المايد .. أظنك ستلاحظ من اول وهلة أنها: 1- لا توجد في قاموس العامية الوسطسودانية (اللغة الحاضنة لشعر الحقيبة) 2- غير معربة (كلمات عربية لكنها لا تجري وفق قواعد اللغة العربية من نحو وصرف)يا غصن الرياض المايد/يا الناحِلني/ هجرك وانت ناضر/ وزايدأنا وحبك ترعرعنا/ ونشأنا/ ندايدراسخ/ في ظلال مجدو التليد/ التالد/عانيت فى ليالي هواك صنوف واحايد/مشكلة بين هواي وجفاك وانت محايد/من أين جاء هذا الرجل (الأمي) بكل تلك الكلمات الفريدة الغريبة على العامية الوسطسودانية وهي أيضاً تتكون من تصاريف غير فصيحة مثل (الناحِلني وأحايد والمايد).مع العلم أن الرجل لا يقرأ ولا يكتب كما تحدثنا الوثائق وحدثنا الشهود.إذ هو ليس كالخليل تأثر بالشعر الأندلسي (المرجع على المك) وليس كسيد عبد العزيز يقرأ الكتب والمجلات القادمة من خارج البلاد. إذاً كيف تعرف هذا الرجل الأمي (المبدع) على تلك الكلمات الغريبة وليس ذلك فحسب بل كيف تعرف على طريقة النظم.وطريقة النظم هي الأصعب والمهمة الأخطر. إذ نستطيع أن نقول تم تلقينه تلك الكلمات بواسطة القارئين ممن هم حوله لكن النظم لا يمكن تعلمه بمجرد التلقين فلا بد من معلم (مدرب) ولا بد من نماذج يتدرب عليها الشخص.فنظم الحقيبة (الزجلي منها) ليس مثل الدوبيت أو أي نوع شعري آخر فهو عبارة عن صنعة محكمة من جناسات وطباقات وتعدد للقوافي في البيت الواحد وتقفية البيت بقافية أحيانا قد تكون من أربعة أحرف.. والأمي يفعل ذلك بجدارة. شئ مدهش، أليس كذلك.ولكن قد تزول دهشتنا عندما نعلم أن الرجل (الأمي) كان قريب خليل فرح في الدم وكان يسكن معه في ذات المنزل سنوات عديدة كما كان صديقه العبادي ومقرب من سرور وقد ضرب وهدد الطنباري (عبد الغفار) ومنعه من الغناء بأمر من سرور.الخلاصة أنه كان يجاري نماذج من الزجل بعد حفظها وهضمها وكان يتعرف على الكلمات الزجلية المفتاحية من السياقات مثل (ميسان ومايد وناضر وراسخ).والأمر يتطلب كل ذلك العناء لأن النظم الزجلي هو المطلوب رسمياً وتقوم الدولة آنذاك برعايته ودعمه مادياً ولوجستياً عبر الرجل اليوناني الأصل أكتفانيس وإبنه دميتري البازار.ولأن الأمي زجال فقد سافر إلى القاهرة عدة مرات وكان يعيش في قلب الأحداث.. حتى تخلت الدولة عن دعم النمط الحقيبي الزجلي في حدود العام 1940 حيث قرر الإنجليز الخروج من السودان إذا ما أنتصروا في الحرب العالمية الثانية وبالتالي توقفت جميع خططتهم ومشاريعهم في السودان ومن ضمنها دعم الفن الزجلي في السودان الذي مثل بديلاً لأشعار القبائل والطوائف.
Quote: فمثلاً كلامي عن عبد الله الأمي رأي شخصي لفك الإشتباك بين أميته (كونه لا يقرأ ولا يكتب) ويأتي بكلمات خارج نطاق العامية التي يتحدثها مثل (مايد وناضر) وانا لم اجد تفسير غير أنه أستقاها من جواره للخليل والعبادي (شخصياً لم أجد طريقة أخرى مناسبة غير ذلك). ولك أن تقل لي ما تتصوره أنت في الحتة دي، غير ذلك.. إن شئت.. وتكون تلك هي الإضافة المميزة التي تقدمها لي وللقراء وهو من أهداف هذا النقاش
Quote: أيوة عايز الناس يناقشوني.. مهم.. لكن ما بتمنى الناس تسأل وأنا أجيب بس.. أنا بتمنى الناس تعمل إضافة بحيث مثلاً انت تعمل التقطيع العروضي وتقول لي شوف ما متطابق.. وتوريني عبد الأمي من جاب جاب الكلام الفريد دا وهو أمي ما دام أنت مختلف معاي (أنا دي العندي) قول لي انت العندك (بقول مثلاً).ودا إسمه ال added value في الحوارات الزي دي.
أها دي بتمرق منها كيف يا أخ البورد محمد جمال؟ شاعر الأغنية هو المسّاح. معناها كل استنتاجاتك عن عبد الله الأمّي وقرابته ومساكنته لخليل فرح طلعت شمار في مرقة وبُنيت على أساس غلط. دي لازمك عليها اعتذار واضح وصريح وتصحيح سريع.
رجوع مرة ثانية إلى فحص زعمنا القائل بأن: رواد الحقيبة كانوا يعرفون بأن الحقيبة زجل؟. ولم يقولوا بذلك صراحة.. وعرفنا ذلك من ذكرهم لكلمة (زجل) في أشعارهم وطريقة نظم القصيدة الزجلية والكلمات المفتاحية المشتركة مع الزجل. وسنحاول تعضيد هذا الزعم بعدد من المقاطع المشتركة وواضحة التطابق مع مفردة الزجل وطريقة نظمه (في المداخلة المقبلة).
قد يقول قائل متعجل وما المشكلة هل إن كتب الشاعر قصيدة مشابهة أو كانت بذات طريقة النظم والقافية أو حوت كلمات مشابهة عبر التناص وهكذا. فهل لا بد أن يكتب تحت قصيدته المصدر!. لا.. في هذه الحالة لا. إنه تأثر طبيعي أو تناص.
ولكن نحن لا نحدث عن ذلك التأثر والتناص هذه المرة بل مجاراة والمجارة فن من فنون الشعر معروفة ولها أدبها وأعرافها وقواعدها . عندما تجاري أنت ملزم أن تقول أنني جاريت فلان الفلاني في القصيدة الفلان الفلانية. ومثل ذلك فعل ود الرضي مع العبادي والعكس حدث. إذ كلنا يعلم أن ود الرضي جارى العبادي في القصيدة المحددة كما أن العبادي حارى ود الرضي في القصيدة المحددة وهما قالا بذلك. وذلك مجرد مثال المجاراة أو التشطير الذي فعله شعراء الحقيبة مع بعضهم البعض معلوم بالنسبة والقصائد التي جاروها والتي نتجت عن المجاراة معلومة لدينا وموثقة.
ما عدا المجاراة "الأصل" الأولى لزجالين قدامى (سنحددهم لاحقاً بالإسم ونضع نماذج للقصائد والمقاطع التي تمت مجاراتها) مجاراة وليس تأثر أو تناص.
المجاراة في الشعر هي: انك تتبع قصيده لشاعر او كاتب بعينه (معلوم لديك) وتفعل مثل طريقة النظم أو/و القافية أو/و الوزن أو/و المعني والصور الشعرية التي أخترعها هو أولاً. فالمجاراة تعني المتابعة والاتزام ويقولون جاور الحرم الشريف أي ألتزمه.
وبالرجوع إلى موضوعنا هنا فإننا وجدنا أن شعراء الحقيبة تأثروا بنمطية الزجل الأندلسي وتحديداً (الحوزي المملوكي) وبالإضافة إلى ذلك التأثر فقد جاروا قصائد أو مقاطع لقصائد بعينها لشعراء (زجالين بعينهم) لكنهم لم يقولوا ذلك (ملاحظة: هنا لا تقييم فقط حديث عن الحقيقة (الزعم) كوننا لا نعلم الأسباب ألا أن نخمنها) كما يتطلب الأمر في أعراف المجاراة.
ولدي مشاهد مصورة لثلاثة من شعراء الحقيبة يقولون أن الحقيبة بدأت كمجاراة لشعراء السافل. ولم يقولوا مجاراة أيضاً للزجل الأندلسي. وقد وجدنا عبر البحث أن القسم الزجلي من الحقيبة لا علاقة له من حيث المفردة (القاموس) والنظم والمخيال بشعر السافل.
وهم يعنون بالسافل في الأساس شعراء كبوشية والمتمة وشندي وبربر.. بل العلاقة بالزجل الأندلسي مادية الوضوح. وهو النوع المحتفى به من شعر الحقيبة والذي سجل في أسطوانات في القاهرة بين الأعوام 1926-1940 (1940 بداية الحربة العالمية الثانية نقطة تحول مهمة في تاريح السياسة والثقافة وخطط الإنجليز في السودان).
وبغض النظر عن كل ذلك قلنا أن معرفتنا للنوع الشعري وخلفيته النمطية تساعدنا في التعرف على قواعده المرعية وبالتالي نستطيع أن نقيم الغث من السمين ونتعرف على البناء الداخلي للقصيدة عن بينة وقاموسها وما إلى ذلك.
وتعرفنا عبر البحث أن العبادي جارى وتأثر بإبن مقاتل وصفي الدين الحلي وأن الخليل تأثر بكمال الدين بن النبيه وعمر بن أبي ربيعة وجمال الدين الغباري وإبن زمرك الأندلسي. وإن بطران وأحمد العمري تأثرا بالحموي وصفي الدين وإبن النبيه.
وأن سيد عبد العزيز جارى إبن قزمان والتلمساني وأن أبو صلاح جارى أحمد بن التريكي والتلمساني وأن أحمد حسين العمرابي جارى زجليات مملوكية وحوزية (راجع روابط المقارنات ختام هذه السرد).
كيف عرفنا أنهم يعرفون (على الأقل بعضهم يعرفون الأصل من النظم وبعضهم تدرب على المجاراة). نقول عرفنا منهم هم ذاتهم بطريقة غير مباشرة ثم من طريقة النظم ومفردة الحقيبة.
لقد ذكروا كلمة "زجل" عديد المرات (العبادي، أبو صلاح، عبيد عبد الرحمن) أمثلة لا حصرية.
وهذه نماذج تؤكد أن رواد الحقيبة الأساسيين كانوا فيما يبدو أنهم يعرفون ما معنى "الزجل" وكانوا يعرفون أنه نوع معسول من الكلام المنظوم "حالي، عسل، باهر": انشِي شعري و"زجلي" وموالي... في ثَناك قليل يا جميل (العبادي)
ضاع صبري زاد من نار الصدود وجلي.. يامعاني الشـعر و"الزَّجــــــــلِ”
يا بيت القصيد يا روح "الزَّجــــــــلِ" (عبيد عبد الرحمن)
مالت على الأغصان تصتنت الزجل (أبو صلاح).
لو رد السلام بحكمة و خجل .. كنا نقول كلام احلى من "الزجل" .. (عبد العزيز سيد احمد، متأثراً بالحقيبة إذ لا قبله ولا بعده وفق رصد البحث في 2017).
في كل تلك المرات جاءت كلمة زجل موعية ومعنية بمعني حالي، باهر، عظيم.
هذه الكلمة "زجل" بمعناها الإصطلاحي لا توجد في أي منهج دراسي سوداني معلوم (قديم أم حديث) و لا خلوة ولا مدايح ولا قرآن.
ولم ترد في الشعر العربي الكلاسيكي كون الزجل أصلاً فن عامي وليس فصيحاً بل ممنوع فيه التعريب حسب رائده الأول إبن قزمان (وجردت فني هذا من الإعـراب كما يجرد السيف من القراب / فمن دخل علي من هذا الباب / فقد أخـطـأ ومـا أصـاب).
أي أن الزجل فني عامي لا يصح فيه التعريب لأنه إذن يفسد التفاعيل فالوزن ويخفي رونق النظم.. حسب إبن قزمان.
وجاء في المقدمة لابن خلدون: "لما شاع فنُّ التوشيح في أهل الأندلس، وأخذ به الجمهور لسلاسته وتنميق كلامه وترصيع أجزائه، نسجت العامة من أهل الأمصار على منواله، ونظموا في طريقتهم بلغتهم الحضرية من غير أن يلتزموا فيه إعراباً، واستحدثوا فناً سموه بالزجل، والتزموا النظم فيه على مناحيهم إلى هذا العهد فجاءوا فيه بالغرائب واتسع فيه للبلاغة مجال، بحسب لغتهم المستعجمة".
إبن خلدون يقول لغتهم المستعجمة. ويعني زجالي الأندلس. وقلنا أن الحقيبة من نمط الزجل. فهل الحقيبة مستعجمة!. نعم طبعاً، برغم الكلمات الفريدة الرنانة "الوافدة من التاريخ" فإنها غير معربة (لا تجري على قواعد النحو والإعراب في اللغة الفصيحة) كما أن كثير من تصاريفها غريبة على العربية.
وطبعاً نحن لم نستند فقط على ورود كلمة زجل في الحقيبة لنقول أنها إذن زجل لا بل لدينا بحث متكامل حوى 470 إنموذجاً مقارن في النظم والمفردة بين أشعار الحقيبة وأزجال أندلسية وحوزية ومملوكية. وخلص البحث إلى أن الحقيبة إبداع سوداني أصيل من نمطية الزجل الأندلسي (توجد روابط ختام هذا السرد للمقارنات المعنية).
نرجع إلى السؤال إذاً لماذا تم إخفاء المصدر (المنبع) عن الناس كل هذا الوقت!.
الإجابة في تقديري: خشية أن يرفض الناس النمط كونه جاء بديلاً رسمياً لفن الطنبور والفنون السودانية السائدة والمحبوبة والمعروفة للناس آنذاك من دوبيت وحماسة ومناحة.. ونعرف أنه كانت هناك حرب معلومة بين الطنابرة (الحرس القديم) ورواد الحقيبة (العهد الجديد) والذين كانوا مؤيدين رسمياً من الدولة.
والسبب التاني خشية الإتهام بعدم الأصالة.
وما ذلك إلا تخمين مني حيال الأسباب إعتماداً على أدلة ظرفية بحث أنني وجدت أن: العبادي وخليل واحمد العمري وبطران وأبو صلاح وأحمد حسين العمرابي وسيد عبد العزيز وعبيد عبد الرحمن اقتفوا أثر أصول زجلية مباشرة ولم تكن مجاراة أو محاكاة لنمط الحقيبة من زملاء الصنعة.. وذلك الأثر أو المجاراة تتفاوت في وضوحها بين شاعر وآخر.. وأظهر أنواع المجاراة وجدتها عند سيد عبد العزيز وابو صلاح والعمرابي. والعبادي وخليل أثر واضح بغير مجاراة واضحة.
وهل للمعرفة بخلفية الحقيبة فائدة!
نعم، لذلك فوائد جمة في تقديري (معرفة أصل مفردة الحقيبة الغريبة المتفردة وطريقة النظم وبناء القصيدة المختلفين في كل شئ تقريباً والذَيْن لم نعهدهما في السودان من قبل، فهناك فنون أخرى.. وفي ذلك سر إنتهاء "نظم" الحقيبة إذ لا يوجد في المخيال الشعبي.. كل ذلك بجانب الفائدة العظمى وهي الحقيقة المجردة. مع العلم أن الحقيبة ثلاثة أقسام والنوع الزجلي الخالص واحد فقط من الثلاثة.
وهل للمعرفة سلبيات: لا، طبعاً لا، المعرفة ما صحت المعرفة فإنها غاية الغايات وجوهر الحضارات. الشئ السالب الوحيد الأتعاب التي ظل يتعرض لها الباحث (الشقي) ولكن تلك ضريبة لا بد منها في مجتمع سحري (تاريخي) يكره الموضوعية في زمانه هذا، كثير الصراعات السياسية والإنشقاقات المجتمعية مترع بخطابات الكراهية والتدمير الذاتي والحسادات.
وفي ختام هذا السرد أضع عدة نماذج مقارنة لمجاراة صريحة بين عدد من رواد شعر الحقيبة وزجالين من أزمان مختلفة سابقة للحقيبة.. ماذج مقارنة لمجاراة صريحة بين عدد من رواد شعر الحقيبة وزجالين من أزمان مختلفة سابقة للحقيبة.. فربما تجد الكلمات المفتاحية مكررة كل مرة وأخرى ووربما تجد االصورة الشعرية هي ذاتها كما التفعيلة والوزن والقافية متطابقة في كثير المرات كما المعانى.
ملاحظة: ارسل لي أحد المتابعين لنا هنا وهو من المشتغلين بالمجال الأدبي والفني مقترح بأرسال هذه النماذج إلى لجنة خاصة تتكون مختصين في العروض والنقد الأدبي والفني (7 أشخاص) للنظر في مدى التطابق من عدمه لهذه النماذج مع الزجل الأندلسي وفق إفتراضات البحث. وعلى غرابة المقترح وجدواه فإنني موافق.
09-24-2022, 07:44 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
وفي ختام هذا السرد أضع عدة نماذج مقارنة لمجاراة صريحة بين عدد من رواد شعر الحقيبة وزجالين من أزمان مختلفة سابقة للحقيبة.. فربما تجد الكلمات المفتاحية مكررة كل مرة وأخرى وربما تجد االصورة الشعرية هي ذاتها كما التفعيلة والوزن والقافية متطابقة في كثير المرات كما المعانى:
والـبلبل الـغريد يـدور عـلي منبر الاغصان خطيب (سيد عبد العزيز)
---
لكل وَسيلَة سَبَباً إِلّا تَكُن نَسَبا فَهُو الوداد صَفا مِن غير ما كدر (ابن زيدون)
وكل شئ إن صفا أو كدر في أيادي القضاء والقدر (سيد عبد العزيز)
من يسأل النّاس عن حالي فشاهدها مَحْض العِيَان يُغْني عَن خبَر (ابن زيدون)
حبي هاك القول الأبر العيان يغنيك عن خبر (سيد عبد العزيز).
في الختام ملاحظات مهمة:
تلك النماذج مما أسميه وأحسبه مجاراة صريحة وهناك مجاراة مستترة. وهناك مادة أخرى تتحدث تفصيلياً عن مفردة الحقيبة وطريقة نظمها. وشهادات الشهود الذين تمكنا من رصدهم طوال زمن البحث وبعده.
فطريقة النظم (تقفية الصدر والعجز من البيت الواحد وتثليث وتربيع القافية) والكلمات المفتاحية (الوافدة من التاريخ) المشتركة والجمل المكررة كما الأخيلة والصور الشعرية جاءت مع النمط الكلي (الباكيتش) الذي تمت مجاراته والإنفلات منه إلى الإبداع الخاص في إطاره.
وللإلمام بالصورة الكلية راجع لطفاً المقالات الشارحة لمعنى وأسباب وجذور شعر الحقيبة والمحيط السياسي والإجتماعي الذي نشأت في كنفه أغنيات الحقيبة 1921-1945 (خلاصات البحث).
وإنطلاقاً من الفائدة التي في زعمنا جنيناها من كشف غموض نمطية الحقيبة، ذلك الغموض الذي لفها لمدة مئة سنة أي قرن من الزمان توصلنا إلى ضرورة العمل على مشروع سوداني من شأنه "توثيق الماضي، فهم الحاضر، تخطيط المستقبل" في ذات الأوان.
والبحث أهتم بالكلمة الشعرية وحدها وخلفيتها المحتملة لا اللحن أو الموسيقى أو الأداء الغنائي.. ذلك شأن آخر.
وفي الختام فالحقيبة إبداع سوداني باهر من نمطية الزجل الأندلسي أو تلك هي أهم نتائج البحث أو مزاعمه الموضوعة من جديد على طاولة النظر والبحث لمن شاء ووفق الأهداف المعلنة.
القصيده كلمات صالح عبد السيد ابوصلاح والحان كرومة ويقال عندما ذهب بعض الفنانين لتسجيل اسطونات لشركة اوديون في العشرينات واستمع امير الشعراء احمد شوقي لهذه الاغنية , سألهم من شاعرها فاخبروه انه ابوصلاح فكتب في احد نسخ دايوانه اهداء من أميرالشعراء الي أمير شعراء السودان وطلب منهم توصيل النسخة الي ابوصلاح
جافي المنام لاسعني حي
ام زاد غرام ضاوي المحي
قالب الدرع يقدل ضحي
طال جيدو فاق ظبي السحي
قال لي تطوف بي كل حي
كيف تبقي عاشق وانت حي
لو يا نسيم مريت عشي
قبل فويطرات الرشي
قوليه قط ما بي شي
الا الغرام شاويني شي
خليك حنين رايق بني
لاتتني قامة الدابو ني
املد خصر خاتي التني
حق صدرو يلعبو التني
عينيك متل عين الجدى
السارحة بي شويدن الربي
كم بالدعج هلكن صبي
جاهلابو زي ماجاهلة بي
يا الفى الردف خصرك تكي
انا من هواك دايماً شكي
فاطرك وقد بالبسمة كي
يشويني لا يكويني كي
نورتي يالخد الجلي
تخفي الجواهر و الحلي
خبرني يا اب صدراً عُلي
البرتكان ليك والا لي
قالت دا لا اتباع لا شُري
احسبلو فوق نجم التري
لسع رخيص ناعم طري
خمر الدلال باقيلو ري
سائل حميمات الودي
بالزمة يغشن للجدي
يردن ذلال فاهو الندي
عن نيلو قصرن ساعدي
قال ابن قزمان قال .. خخخخخخخخخخخخ
* دكتور محمد دفع الله ابن اخ بادي محمد الطيب
09-24-2022, 08:58 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1532
هسا ح اواصل شوية في المحاور المعلنة. . للصبر الجميل
أموروك بقت واضحة يا أخ البورد محمد جمال. تأكد لي انه في حاجة غلط، وإنك ما زول نقاش. أي حاجة ممسوكة عليك ما بتصححها وبتجلّيها عادي وتواصل في إغراق البوست بتكرار كلامك لتشتيت الكورة.
طبعا أمثلتك لتقطيع قصائد وترميزك لتفاعيلها حاجة كده فوق الخيال. استغباء عجيب للناس. ما عارف من وين بتجيك الجرأة دي لافتراض أنه أي كلام تكتبه حتى لو غلط ممكن يفوت على جمهور واسع بالبساطة دي.
09-24-2022, 08:59 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
Quote: شاعر "غصن الرياض المايد" هو علي المساح وليس محمد علي عبد الله الأمي.
يوة غصن الرياض المايد على المساح.. أنا خاتين الأتنين أيام البحث في فايل واحد لانهم الإتنين أميين حسب الوثائق والإتنين أصحاب علاقة مع العبادي والخليل.. وما فارقة شوف الكلمات الفريدة في شعر الأمي هي نفسها عند المساح.. وبنرجع للأمي. والمصادفة العجيبة أن الإتنين أميين والإتنين من مدني. وهناك طبعاً في الحقيبة روايات كثيرة متضاربة.
بجيكم لقدام لما ننتهي من المحاور.
09-24-2022, 09:08 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
Quote: و نيابة عن كل حراس الفن و الابداع السوداني ..
اهديكم رائعة ابو صلاح "جافي المنام"
شكراً قبة للتحفة الفنية البديعة.. والله انا من أيام بحث الحقيبة ما بسمع أي شي غيرها بفتكرو ضياع زمن.. وبالتالي سعدت ببريكك دا.. كتر منو.. فعلاً محتاجنه.. كمان انا الليلة عيد ميلادي 24 سبتمبر.. ح أعتبرها هدية منك أو زي ما قالت بتنا بنونة بت المك (الميت مسولب والعجاج يكتح) 😀😀😅
ونشوف هدية صديقنا في الحقيبة أحمد يس شنو؟!
09-24-2022, 09:28 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1532
Quote: يوة غصن الرياض المايد على المساح.. أنا خاتين الأتنين أيام البحث في فايل واحد لانهم الإتنين أميين حسب الوثائق والإتنين أصحاب علاقة مع العبادي والخليل.. وما فارقة شوف الكلمات الفريدة في شعر الأمي هي نفسها عند المساح.. وبنرجع للأمي.والمصادفة العجيبة أن الإتنين أميين والإتنين من مدني.وهناك طبعاً في الحقيبة روايات كثيرة متضاربة.بجيكم لقدام لما ننتهي من المحاور
ههههههه بس كده بكل بساطة.فعلاً في خلل كبير ومشكلة حقيقية!
ملاحظة على أخونا محمد صديق عبد الله دا.. له التحية وربنا يوقفه.. لا أعرفه من قبل للأسف.. ما بنعرف بعض كلو كلو.. جاني هنا.. ما مشكلة كبيرة وبنتقد كل شي ما مشكلة دا عادي.. بس نشط فوق العادة.. برضو دا ما مهم.. لكن جاني في بوست قواعد العامية الوسطسودانية .. حلف انو دا بحث ما بوست ساي.. قلت ليه يا اخونا دا بسوتي أنا صاح؟.. ما بحث ما بحث ما بحث ما بحث.. بس ابى وغرق البوست بمادة إنجليزية وحاجات وتعليقات كتيييرة ما عندها علاقة بالموضوع.. إضطريت أحلف ليه الكتاب: أنا محمد جمال الدين حامد مفترع هذا البوست أضع يدي على المصحف الشريف الآن وأقسم بالله العظيم وكتابه الكريم ولا أقول إلا الحق أن: هذا البوست ليس بحث وإنما مجرد تجميع مادة تستند على تجربتي الشخصية والذاتية كوني متحدث العامية الوسطسودانية بالأصالة .. وأحببت أن أشركها الأصدقاء بهذا البورد علِّي أستفيد من تجاربهم الشخصية والذاتية وقد حدث.. وممكن في المستقبل أعملها في صيغة بحث أو لا.. ممكن أنشر هذه المادة كدا في كتاب زي كل الكتب (تجربة شخصية زي الرواية كدا) وبس.
وممكن لقدام أفكر اعملها بحث مكتمل الشروط وفي تلك الحالة وحدها ربما أتصل بالأستاذ محمد صديق عبد الله (وإن شاء) أتنور منه وأستضئ بعلمه الوافر في مناهج البحث العلمي وربما أطلب مؤلفاته في هذا الخصوص من أمازون أو أي حتة ينشر بها.. وشكراً (إنتهى).
--- برضو قال لا بس دا بحث😀
--- يا جماعة أنا اسوي شنو.. اشتكي وين.. قلت ليه كفاك قال لا.. إلا يغرق البوست.. الناس أجماعة في الحالات دي بتسوي شنو وبتقبل وين واللوائح بتقول شنو في الحالة؟! انا عايزو يشطب المادة الغرف بيها البوست ويا حبذا ما يتداخل معاي تاني هناك.. وطبعا الامنية في كل مكان مقدمة في قواعد العامية الوسطسودانية.. محاولة اولية!مقدمة في قواعد العامية الوسطسودانية.. محاولة اولية!
09-24-2022, 09:47 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1532
ولازم ان لزم تفهم أخ محمد صديق أنا لا أكن لك إلا الخير.. بس بقول إنك بتغرق بوستاتي ونشط فوق العادة.. وانت رجل ناقد ممتاز ولو أحياناً قبل ما تقرا أو تعرف المحتوى.. عشان كدا بتمنى تهدأ شوية في البوست دا.. قلت ليك الكلام عدة مرات ووريتك المبررات وانت حر طبعا. وانا هنا ما عندي مشكلة مع زول غيرك للاسباب دي (التغريق والغرض) مثلاً انت ما نبذتني مباشرة زي ما عمل أخونا يحي قباني (قال لي انت عيان) عديل كدا.. وأنا بعد أحب يحي قباني واحب ابوه من القلب لأنني اشعره صادق وواضح وبس عنده سوء فهم معاي عادي.. بحصل وإذا جاء هولندا هسا ما ح أنزل في هوتيل إلا عندي الليلة دي.. وعادي في الباب يقول لي انت زول عيان وما عندك موضوع ووهمي كمان.. موافق وأحب وأضحك.. بس للأمانة انت صعب.. سامحنى على الصراحة وانا لا افهمك لا بالقلب ولا العقل للأمانة.. الامنيات مطروحة في المداخلة السابقة.. وأجمل الأماني
بعدين اخا البورد دي انا اطلقتها عليك انت!
تحيات .. حاول عليك الله راعي النقاط في المداخلة السابقة.. وشكرا والود
09-24-2022, 10:02 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
وأنا أكنّ لك ولكل الأعضاء كل الاحترام، وتأكّد أنه ما عندي أي غرض من تعليقاتي في بوستاتك. أما حكاية أني نشيط "فوق العادة" دي، فلأني ممكن أكتب وأنا في أي مكان زيّك بالضبط، وبيعتمد على أني في إجازة ولا شغال.
لكن تلبية لطلبك، بنتظرك كم يوم وبرجع ليك لنقاش خد وهات محترم مش أسئلة من طرف واحد وتجاهل منك.
تحياتي
09-24-2022, 10:33 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
بمناسبة اللا مناسبة وبمناسبة يحي قباني قال بريك وبمناسبة الليلة تاريخ ملادي 24 سبتمبر .. عارف ما مهم وأخير عدمه🤣 أصارحكم بأن أخوكم من الله ما خلقه بتاع محن والله مخير في خلقه وله في خلقه شئون (يعني معترف) 😀😅😅🤣.. بس قصة أظنها طريفة ونواصل موضوعنا.
وممكن الموضوع نخليه ونسمع بس حقيبة ونحكي قصص مادام الموضوع مرهق والبلد كلها ارهاق.. مقترح!
09-24-2022, 10:37 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
قصة إسمي “الهدية” وحكاية “الملاك” الذي شرب المقلب!
أنا والعياذ بالحق من أنا يا أهلي وأحبابي وأصدقائي، أخوكم “محمد جمال الدين”. كان إسمي الرسمي “محمد هدية الله” وحتى الصف السادس الإبتدائي ثم أصبح بعد ذلك “محمدا” فقط ناقصا “هدية الله” و كثيرا ما ناداني أهلي بعده عبر السنين ب “الهدية” حافة دون إلصاقها بإسم الجلالة، غير أن إسمي الرسمي على الورق وعند الآخرين يكون على الدوام محمد (محمد جمال) وتلى ذلك تمليح إسمي ب: أبو حميد وإشتقاقات أخرى عديدة . الكلام دا يأتي من وحي الترحاب والإحتفاء الفائق الذي نصبه لي أهلي في منتديات جبل أولياء فردوس النيل الأبيض (ينصرونني ظالمآ أو مظلومآ) تحت عنوان: محمد جمال الدين ( الهدية ) أهلا ومرحبا بك… شكرآ لهم.
ولإسمي المندثر محمد هدية الله (الذي صار إلى الهدية) قصة شيقة رواها أبي عن “الملاك” الذي زاره في المنام ولعدة مرات قبل ميلادي بعدة أشهر (أحب أن أشرككم إياها) لما فيها من بعض الطرافة!.
قال الملاك لأبي “سيكون ولد، ذكر، سمه، محمد هدية الله”. وقال أبي أن الملاك الذي زاره في المنام عدة مرات كرر له في كل مرة من تلك المرات ذات الرسالة (محمد هدية الله) وشدد الملاك على أن الولد سيكون له شأن عظيم في الحياة الدنيا وفي الآخرة. هذا الولد هو “أنا”!.
أبي كان شيخآ في حوالي السبعين أو الثمانين من عمره عندما ولدت أنا وهو رجل متصوف ورع عرف عبر حياته الطويلة الهادئة بالصدق والأمانة والتعبد ومحاولة التقرب إلى الله.
وكان أبي واثقا جدا مما بشر به وحكى القصة الشيقة للناس قبل ميلادي بعدة شهور وظل يرددها حتى حصحص الحق. وحينها لم يكن من وسيلة طبية لمعرفة نوع الأجنة في الأرحام. وروت لي أمي كما وجدتي وخالاتي وعماتي وجمع غفير من الناس “الشهود” أن أبي ابتاع لي قميصا وحذاءا خاصا بالولدان الذكور ، وجهز خروف “السماية” قبل ميلادي بعدة أسابيع.
وحدث تماما ما رواه للناس. جاء ولد، هو أنا. ورأتني أمي جميلا بطريقة لا يجدي معها غير التمائم والتعاويذ ففعلت بيدي ورقبتي الصغيرة سبحا وخيوطا من صنع الشيوخ العظام والفكية الأشداء وأعتادت أن تتردد بي على قريبي الشيخ الراحل التاج أبو كساوي وكانت “تدسني” في الغرفة المجاورة عندما تزورها حاجة (س) السحارة! . هو بالطبع شعور كل الأمهات بل كل المخلوقات تجاه مواليدهم. وأسماني أبي كما حدث به (محمد هدية الله) وكان سعيدآ غاية السعادة بي وكنت أحد موضوعاته المهمة في الحياة. حتى إذا ما شب ساعدي تترت له المفاجآت غير السعيدة !.
2-4
قلت أن أبي تعرض لعدة مفاجآت مني لم يحسب لها حسابا وكان بعضها داويا جدا ولو أنها لم تثنيه بالكامل عن تصوراته المسبقة!.
المفاجأة الأولى كانت رفضي لإسمي “الملائكي” وللمهمة العظيمة التي قال بها الملاك أي “حرب مع الملائكة” ثم توالت المفاجآت الواحدة تلو الأخرى فوق رأس أبي ولا أقول الملاك!.
عندما بلغت الثالثة كان ابي مهتمآ جدا بي حيث كنا نقيم في مزرعتنا وحدنا (لا أحد غيرنا لعدة كيلومترات) في جزيرة أم أرضة من أعمال جبل أولياء. كنت أنا الوحيد مع أمي وأبي إذ أن البقية كانوا في المدارس وإذن فهم يسكنون في الحلة مع حبوبتي ” آمنة بت حماد” ثم عندما يشتد عودهم يرحلون إلى منزلنا الآخر الكائن في مقدمة الحلة بالقرب من ميدان الكورة بود أبو دروس فيقيمون عيشهم بأنفسهم. وجميعنا يمر بتك المراحل. وأنا دوري بدوري سيأتي لاحقا. بدأ أبي يعلمني بنفسه مباديء القراءة والكتابة منذ الثالثة من عمري.
وفي مرحلة محددة من دراستنا وصلنا إلى التاء المربوطة . وحدثني أبي أن التاء المربوطة تأتي لدى الأسماء المؤنثة وحدها. وما هي إلا أسابيع قليلة حتى كشفت أن بإسمي “الهدية” تاء مربوطة هي ذاتها التاء التي قال لي بها أبي بنفسه ثم أكدها لي الطالب المنظم و النجيب حينها والذي سيصبح أستاذآ مرموقآ في وقت لاحق وهو الأستاذ الطاهر جمال الدين شقيقي الأكبر والذي تولى أمري بالكامل لاحقا بعد أن أوصلني ابي مرحلة محددة من الإلمام بمباديء القراءة والكتابة في حدود السنة الثالثة والنصف من عمري. ماذا حدث؟. أنني عند الرابعة من عمري رفضت أسمي رفضا قاطعا وطالبت أبي تغييره. لكنه قال لي أن اسمك من إنتقاء الملائكة “لا يجوز ولا يمكن تغييره مهما كان” وأنه إسم للأولاد لا البنات كما تظن وحاول أن يبرر لي كلما أمكن لكن دون جدوى!. فطالبته بأن يذهب للملائكة من جديد ليختارو لي إسمآ يليق بولد شقي في مقامي. لكنه تمنع بلطف شديد و أنا أصر على رفضي حتى النصر!.
وفي مرحلة محددة سألت أبي من جديد عن فحوى المهمة التي قال بها له الملاك ذو الحسن والجمال الشديدين و الذي يلبس أبيض في أبيض ولديه جناحان من نور. قال لي أبي إنه لأمر عظيم سينجلي في أوانه وصمت صمتا وقورا وكأنه يستعيد مشهد “الملاك” في مخيلته. كان دائما هدفي هو الإلتفاف على الإسم برفضي للشأن “المهمة العظيمة” التي ورطني بها الملاك دون إستشارتي!. إذ ظننت أن رفضي للمهمة على عظمتها قد يسهل من تغيير إسمي إلى محمد فقط زي محمد ود خالتي السيدة دون أن تلحقني “الهدية”. ولهذا عندما بلغت الخامسة جئت لأبي وقلت له في ما معناه “أنا ما عايز أعمل أي حاجة عظيمة” مش على كيفي؟!. قال لي: لا، ما على كيفكّ!. انت مسير غير مخير. فابتأست بؤسا عظيما وأصبح يغشاني الغم والهم من كل جوانحي. يا لهذي الورطة!. ليه أنا بس “الشقي”. الملاك دا ليه ما كان إشوف زول غيري!. وظل إسمي “محمد هدية الله” حتى غيرته بنفسي عند الصف السادس الإبتدائي دون أن يعلم أبي في حينه بالأمر. فأصبح إسمي الرسمي هو “محمد” وتم شطب “هدية الله” أو “الهدية” نهائيآ بواسطة القمسيون الطبي. فانتصرت لإرادتي تعسفيا. غير أن “الهدية” ما زالت تلاحقني حتى اليوم. وكم أصبح إسمآ محببآ لدي “بس بعد ما فات الأوان” ورفضت الوظيفة الملائكية وهسه شغال أشغال بشرية مرهقة وما زال البعض يناديني ب “الهدية”، يا لي من رجل شقي!.
3-4 جريمة سرقة
ستكون قصتي القصيرة جدآ هذه المرة قصة سجون. جرائم يعني. جرائمي أنا، لا زيد. أنا دخلت السجن في حياتي الصغيرة دي 9 مرات ( يعني متردد سجون) سوابق!. من سجن جبل أولياء إلى بيوت الأشباح إلى سجن مطار أمستردام حيث اتهمت بإختطاف طائرة الخطوط الجوية الهولندية الملكية (سبق أن رويت كل ذاك في أوقات سابقة).
أول سجن دخلته كان عمري حوالي 5 سنوات (جريمة جنائية) مسجلة رسميآ تحت الرقم 543 محكمة جنايات جبل أولياء. ومعلومة للجميع. .. وهذا أمر سابق على معركة الكوشة بأربع سنوات. القصة دي ليست من الخيال بل واقع مشهود وسأرويها كما هي ولن أضيف عليها محسنات بديعية.
والحكاية جاءت من طموحي Obsession في إمتلاك أنوار أحد السيارات “لمبات العربية” آنذاك. ولاحت الفرصة لي عندما سرق ثلاثة من اللصوص المحترفين سيارة ميرسيدس بينز آخر موديل وشلحوها في مكان ليس ببعيد من بيتنا. وكنا نسكن في شبه جزيرة في الخلاء مغطاة بكتل من الأشجار الكثيفة قصيرة القامة. لم يرهم أحد غيري. لم ابلغ أحد. كنت أراقبهم من على البعد متخفيآ تحت الاشجار وفي خلدي فكرتي الساحرة. كان لهم مأربهم الواضح في “الإسبيرات” (لم يكن ليهمني) وكان لي هدفي الواضح في “إسبيري” الخاص. عندما أخذوا من السيارة ما أرادو وفروا هاربين. لملمت أنا كل الممكن مستخدمآ قميصي كمخلاية. وجدت مجموعة من اللمبات المعطوبة والمهشمة وأشياء أخرى كثيرة غير ذات قيمة مادية والا لما تركها اللصوص وجئت بها راجعا الى البيت.
ولأني لم أكن لأحسب ماذا سيكون رد فعل أبي أو أمي تجاه أدوات لعبي الجديدة فضلت إخفائها في مكان أمين وحتى يحين موعد اللعب غدا. غير أن في نفس الليلة وأنا نائم جاء البوليس وأخذ أبي معه الى التحقيق.
وكان موقف أبي حرجا جدا. إذ هو معروف كشيخ ورع ولا تحوم حوله الشبهات. لكن هناك دليل مادي في بيته، شيء لا يقوى هو نفسه على تفسيره. ولا أحد طبعآ سيشك في الطفل الوحيد البري ولا أمه إذ لا أحد غيرنا التلاتة. إذن فهو الشيخ جمال الدين. وعندما علمت أنا عند الصباح الباكر بالكارثة لذت بالصمت خوفآ من عاقبة الأمر “فقد أعاقب بالجلد” وبالذات حينما يعلم خالي “الشفت” وكنت حزينا جدا من الناحية الأخرى كون جهة ما قد صادرت ألعابي غير العادية. و عندما سألت سؤالا عرضيآ من أمي إن كنت رأيت شيآ غريبا في الأمس، أقسمت بكل الآلهة أنني لم أر شيئآ لا عاديآ ولا غريبآ وإلا لكنت ابلغتها على الفور.
على كل حال لم أكن لأتصور أن مكروها سيصيب أبي كوني كنت مؤقنا بأن أبي يمتلك قوة خارقة تمكنه من فعل كلما يريد مثله ومثل الله. وفي كل الأحوال فقد لاحظ المحقق أن الأدلة المادية على سرقة أبي للميرسيدس مخفية في قميص يبدو انه “بتاع شافع”.
عندها تحاومت قليل من الشكوك حولي!. وكان بالطبع قميصي. وجيء بي إلي نقطة البوليس. فأنكرت. ثلاثة ساعات وأنا أقول لا أدري. وفي الساعة الأخيرة من المفاوضات الشاقة والمضنية طلبت ضمانات محددة في حالة إعترافي، من ضمنها عدم إيقاع أي نوع من العقوبات علي شخصي وإستعادة “لمباتي” المصادرة. وقد حدث.
كما أدت أقوالي المسهبة الى القبض على الجناة بعد أن إستطعت أن أصف شكل أحدهم وكان مميزآ ” طويل القامة و شعر خنفس ولونه أصفر فاقع”. فأصبحت شاهد ملك. وتم القبض عليه في الحال كونه سوابق وكان إسمه فوزي، وجيء به إلي فتعرفت عليه في الحال. وبهذا تم إطلاق سراحي وسراح أبي وسراح “لمباتي”.
4-4 معركة الكوشة
معركة الكوشة مثلت أفدح المفاجآت في سلسلة الكوارث المتتالية التى عاناها أبي العزيز.
كان عمري حوالي 10 سنوات (جرائم ضد الإنسانية وحرب) راح ضحيتها 15 عدوآ جريحآ، مسجلة تحت الرقم 865 محكمة جنايات جبل الاولياء. عرفت بمعركة “الكوشة”. ومعلومة للملأ. العقوبة كانت في البداية تغريم أبي مبلغ مالي محدد وتهديده إذا تكرر الأمر بحجزي في الأصلاحية.
Part 1 خلفية معركة الكوشة (الحرب أولها كلام)
في ذات اليوم الذي جيء بي الى المدرسة الإبتدائية وعمري حوالي ست سنوات ربما أقل. كان على أن اختار بين الصف الثاني والثالث كوني متقدم على التلاميذ بحكم أنني دارس مسبقآ في منزلنا بواسطة أبي وشقيقي الأكبر الطاهر جمال الدين. غير أنه تصادف ان كان ذلك اليوم هو يوم التطعيم ضد الأمراض المعروفة وهو كالعادة يوم عصيب لا يقل في شيء عن يوم القيامة وقد يكون اسوأ بكثير، على الاقل في يوم القيامة هناك أمل في الجنة هناك ثواب لمن عمل صالحآ. لكن في يوم “التطعيم” هناك شيء واحد سيحدث لا غيره وهو “القروحة” الشيء الذي لا يقل في شيء عن “الطهورة” بدون بنج. فقد رأيت ألمآ وصراخآ وعويلآ تنفطر من وقعه القلوب. إنه يوم الحشر. وكنت أنا الشخص الوحيد الذي نجا هربآ بفعل لياقتي البدنية الجيدة. وجئت الى بيتنا لاهثآ كجرو عضه الجوع والظمأ. واقسمت أن لا أعود أبدآ الى المدرسة مرة ثانية.
وباءت كل المحاولات الساعية الى إقناعي بالعدول عن قراري أو “فراري” بالفشل سواءا بالقوة أو الإقناع. والسر أن لا أحد أستطاع أن يشرح لي فحوى التطعيم ومغزاه وانه يوم واحد في العمر. كنت أتصور أن كل يوم كدا!. كما أن لا أحد تصور ان التطعيم هو مشكلتي الأساسية.
وكان تفسير أمي مريحآ جدا. فأعتبرت الأمر مجرد عين “سحر”. وذهبت بي الى الشيخ التاج ابو كساوي فأقر بأن بي شيء من المس. وما أخطأ!. وكان أبي أكثر عملية من الآخرين. فامر أخي الأكبر بتكثيف الحصص الدراسية التي عادة ما أتلقاها في البيت مذ كان عمري ثلاث سنوات . وكان أمرآ حسنا. وعندما بلغت مدآ محددآ بدأت الصورة “تنعدل” في رأسي واصبحت أفكر بطريقة أكثر واقعية. فدخلت الصف الثالث الإبتدائي مباشرة وكان آخر العام.
والمفاجأة غير المتوقعة وغير السارة لبعض الناس أنني حصلت في امتحان نهاية العام “أول إمتحان في حياتي” على مائة في المائة في جميع المواد الدراسية. كنت أول الدفعة بتفوق لا أحد توقعه لدرويش صغير مثلي. إذ كان مشهودآ لي بالدروشة. كان أمرآ صادمآ حتى لي أنا “ذاتي” صاحبه. فأنا لم أكن لأتوفع “مني” كل ذاك. وفي كل الأحوال فإن ذاك أمر قد يحدث وليس خارقآ للعادة على وجه الإطلاق.
غير أني اصبحت مكروهاً بطريقة مؤسسية من جميع الأولاد في الفصل. وبالذات أؤلئك النفر الذين اعتادوا ان يكونو في لستة العشرة الأوائل. فقد تسببت بشكل مفاجي في دحرجتهم جميعآ الى الخلف. بشكل لم يكن في وسع مداركهم الصغيرة إستيعابه. فإعتبروني فال نحس. وقال بعضهم بأني جن. ولغبوني بالكافر. وقالو أنهم رؤوني أجالس الموتى في مقابر البلدة ” أصادق “البعاعيت”. فدبرو لي مجموعة من المكائد الصغيرة المقلقة. بل وصل ببعضهم الحد الى التحرش بي وضربي وتهديدي باشكال مختلفة على أمل أن أغيب من الدراسة أو أرجع الى البيت كما كنت. وقد فكرت أكثر مرة في الأمر. لكني أصبحت شهيرآ في المدرسة ومحبوبا من الأساتذة وكل الناس تتحدث عني في “الحي” بشكل إيجابي وكثيرآ ما رمقنني الصبايا بعين الإعجاب. بل وتجرأت أحداهن بكتابة أو رسالة غرامية وصلتني في حياتي. كانت الرسالة من سطر واحد. كلمة واحدة. “بحبك”. هل أترك المدرسة؟. كل ذاك المجد من أجل مجموعة من الرعاع. لا!.
Part 2 المبررات الأخلاقية للمعركة
لقد تحتم علي فعل شيء ما تجاه ما يحاك ضدي من مؤامرة عفوية منظمة. كان شيئآ رهيبآ في صدر طفل غرير مثلي. كان ألمآ عظيمآ (شكل كل تاريخ حياتي المستقبلية). لقد توجب علي الرد، كان علي تأديبهم ولا مجال ولا خيار غيره أبدآ، هذا أو الطوفان. فتحتم علي النهوض بتأسيس أول منظمة “عصابة” في حياتي من وحي الضرورة. كانت أول منظمة مجتمع مدني من نوعها “في حينا” إن لم يكن في جبل أولياء قاطبة. جاء إسمها عفويآ “لازم نأدبهم”. شملت عضويتها جميع المضطهدين والبؤساء في الحي. وتكشف لي أثناء المرحلة التمهيدية للتأسيس أمرآ جلل. إذ أعترف أحد الأطفال أنه لمدة إسبوع كامل لم يتناول وجبة إفطار. لماذا؟. لأن فلان بن فلان كان يأخذ مصروفه بالقوة كل يوم ويهدده إذا أفشى السر بمزيد من الضرب وعقوبات أخرى مادية ومعنوية. وفلان هذا تصادف أنه هو ذاته من كان يقود الحملة المسعورة ضدي “شخصيآ” لأنه كان أخاه أول الدفعة قبل قدومي إلى المدرسة “فملى رأسه بالأحقاد” . فقد كانت هدية السماء. واعترف المزيد من المضطهدين والبؤساء والمعذبين في الأرض بأمور أخرى لا تخطر على بال البالغين ولا الجن. وجاءني الصغار زرافات ووحدانا “مبايعين وآملين” في نصر مبين.
Part 3 التحضير للمعركة ورسم الإستراتيجيات الهجومية والدفاعية
نظمنا صفوفنا وحددنا يوم الخميس التالي للقاء بالكفرة. هكذا أسميناهم. ولقبناهم بأسماء مثل أبو لهب وعبد الله بن سلول وهلمجرا. مما درسناه لتونا عن الصدام بين الكفار والمؤمنين في بداية الدعوة المحمدية.. وقد تم تعيين “سعادتي” بالإجماع السكوتي في مكان هو مكان النبي في معركة بدر. وكنت الآمر الناهي.
كنا حوالي 15 وتكون الجناح المعادي من حوالي 25 فأمرت فيالق جيشي الميمون أن يعسكر في مكان إستراتيجي جاعلين “كوشة الحي” من خلفنا. وكان ذاك هو السر من وراء تحقق النصر التاريخي الميمون. وإمعانآ في التماهي مع ما درسنا عن حروب المؤمنين والكفار فقد ذهبت إلى أحد بنات خالاتي الصغيرات لتحمل لنا الماء وتهتم بالجرحى من خلفنا… ففعلت.
وأرسلت قبل المعركة بساعات رسولي للطرف الآخر وهو إبن خالي “عثمان عبد اللطيف”… فإتفقنا مبدئأ أن نشتبك فقط بالآيادي دون إستخدام أي أدوات أخرى “مبارزة شريفة” الشي الذي يعضده إرث قديم وأصيل من تاريخ “الجعلية” كما كنا نظن أو نسمع من الكبار.
لكن لعدم ثقتي في أمانة أعدائي فقد تحوطت بالتعسكر في مكان إستراتيجي. هو الكوشة. كوشة حلتنا. جعلت الكوشة من خلفي. آلات “اسلحة” خلقتها الظروف الطبيعية بغرض الإستعانة بها في حالة غدر الكفرة بنا (أي الخطة ب). وقد صدق حدسي تماما. كانت خطة حربية سليمة من نوع نابليوني
Part 4 The Battle الإشتباك (تنفيذ الخطة المرسومة)
وبينما جندي يصطفون من خلفي في ثبات شديد برغم قلتهم النسبية… فقد فاجئنا الأعداء بوابل من الحجارة الثقيلة فأدموا كثير اً منا، في مسلك مناقض للشروط والمواثيق المتفق عليها. كان شيئا رهيبا. فما كان مني إلا أن أمرت جيشي بالفر الى الكوشة (تنفيذ الخطة ب) ثم الكر بعد جلب كل ما يستطيعون من الأدوات “الكوشية” الممكنة والمؤذية، كل شي. ثم الكر والهجوم مرة ثانية بقوة. ولكن ما حدث كان فاجعة إهتزت لها أركان الدنيا.
إذ تصور الطرف الآخر أننا نهرب. فجرو من خلفنا يصيحون “وي وي الخواف جرى”.
وفي لحظة أنهماكنا في تسليح انفسنا “كوشيآ” إلتحمت معنا القوة المعادية في معركة غير متكافئة هذه المرة. فأوسعهم جيشي ضربآ وطعنآ “كوشيآ” في كل أرجاء الجسد بادوات الكوشة المسمومة. كان دمآ مهولآ.
سقط 15 عدوآ جريحآ في خلال 15 دقيقة لا غير. تلقو جميعهم علاجات مختلفة في مستشفي جبل أولياء التخصصي (أي الكبير). كان حدثآ رهيبآ. لكن لا بد منه. إنها الحرب. ثم جاء البوليس. المفاوضات. فأعترف الجميع بلا إستثناء بأنني القائد والمدبر والمنظم. لم أنكر. وقفت أما القاضي كشيطان رجيم وقلت نعم!. كان إعترافي فاجعآ لأبي ولأهلي. وكان ما كان.
الحلقة الاخيرة Part 5 محاكمة المجرم “الهدية” قائد ومدبر ” الحرب الكوشية” اللعينة والتي عقبها إنبلاج فجر جديد من العدل و الصلح والسلام.
العقوبة كانت في البداية تغريم أبي مبلغ مالي محدد وتهديده إذا تكرر الأمر بحجزي في الأصلاحية. ثم حدث شيء مختلف جدآ بعد قليل. كانت براءة بعد سماع أقوال مدهشة من أطفال دافعو عني وعن موقفي من جميع الأطراف. وقال الذي كان يأكلون “مصروفه” والله “الهدية” دا أحسن زول. كويس. و”الهدية” كان إسمي الرسمي آنذاك. ثم أنتحب باكيا بكاءآ مراً ترجرجت له قاعة المحكمة. وحكى أمره كما حكى الآخرون القصص. كانت براءة جميلة… تخلل الأمر إعتراف من الطرف المعادي بأخطائه… أشبه بلجان الحقيقة والمصالحة في جنوب أفريقيا….. ثم انه كان من بعدها سلام الى اليوم. سلام في أسوأ أحياء الجعليين قساوة في جبل أولياء. هو حينا “حلتنا”. فأصبح كل في حدوده. وكل يأكل ما قسمته له أمه أو أبيه. ولا فرق بين ذاك وهذا. و لم يكن موقفي في الحقيقة سليماً لكن المحكمة كانت بلدية (أهلية) وكان مستشارا القاضي هما الرجلان المعروفان في البلد (يعقوب عثمان وعلى حامد) فتمت تسوية ما مع أبي لا أعرف تفاصيلها حتى اليوم !.
وتلك هي حكاية “الملاك” الذي شرب المقلب. شكراً للملاك والمحبة والتحية والسلام على روح أبي “جمال الدين” وعلى حسن ظنه بي وبالملاك… وأنا والله كلي أسف للملاك “الفكرة ما زبطت نسوي شنو؟” .
تعقيب “1”: أنا ضد العنف بكل أشكاله وبشكل مطلق. وروايتي لهذه القصص الصغيرة ليس إحتفاءآ بها وإنما أريد منها أخذ العبر الضرورية من أجل المساهمة في توجيه سلوك الأطفال نحو حياة أكثر سلمآ وإنتاجا وإبداعا. كما أنني أعتدت أت أسجل كل تفاصيل حياتي الخاصة بخيرها وشرها أظن لأنني أعيش في الغربة مذ زمن طويل وتلك الأحداث “الذاكرة” تجعلني أكثر إلتصاقاً بأهلي وبلدي، أو كأنها هي هويتي، لا أدري!.
تعقيب “2” ب”الملاك الذي شرب المقلب” أعني بالطبع ذاك الشكل الذي تهيأ لأبي في أوانه دون أن أعني الملائكة بمعناها المطلق و المقدس… لدى البشر الآخرين!.
تعقيب “3” لا أؤمن بالأدوار البطولية ولست “ميتافيزيقياً” وأعرف أن الناس وحدها تصنع أقدارها لا الأبطال الإسطوريين. ذاك وهم!.
محمد جمال “الهدية” .. كتبت القصة أول مرة ونشرت 24 سبتمبر 2002
09-25-2022, 00:01 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
قصة عندها علاقة بلولوة أصحابي هنا.. لما فزنا بإنتخابات إتحاد طلاب جامعة الخرطوم سنة 1991.. كان معظم سنايرنا الفطاحلة إتخرجو ومنهم الزعيم بكري ابو بكر دا ذاتو (زعيم سودانيزأونلاين والمزيد).. مرة إجتمعو الشباب وقالوا دايرين كوادر خطابية جديدة لأن المرحلة حرجة.. وطبعاً حرجة فعلاً وفادحة.. فأختاروني واحد من الكوادر الخطابية للإتحاد الوليد والمهمة فيها موت عديل.. كنت أعرف أن المهمة مكلفة.. قلت ليهم ليه انا بس مافي ناس كتار تانيين.. فأنبرا سيد الإجتماع وقال لي: لأنك بتاع لولوة.. فأقتنعت😅
هسا أنا حصل لولوت مرة عليكم 😅
--- معليش قلنا الليلة يوم البريك يحي قباني قال كدا ونحن معاه.. أنا معاه غايتو.. والليلة تاريخ ميلادي 24 سبتمبر.. قلت أحتفل براي معاكم.. لأنكم أهلي وهو شعوري حقاً.
ولا شارب أي شي.. عشان في ناس بتفهم غلط! .. حصل كضبت عليكم!😅
قلنا نتونس شوية.. بريك.. حسب قبة
09-25-2022, 02:08 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
أول رسالة غرامية وصلتني في حياتي كانت من صبية صغيرة شقية جميلة تصغرني ربما بسنة واحدة فقط إذ كان عمري آنها أحد عشر عاماً. كانت الرسالة من سطر واحد، كلمة واحدة: "أحبك". وتحت الكلمة الرقيقة الرهيبة الأكثر إرهاباً وعنفاً في تاريخ البشرية كان هناك رسما صغيرا من تحت الكلمة الرهيبة مباشرة: قلب أحمر يخترقه سهم أسود.
الأمر حدث فجأة وبلا مقدمات.. ما عدا قليل من "البروفات" إذ رمقتها ورمقتني في السابق عدة مرات.. هناك شي غير مفسر ولا معقول ولا معني عن وعي وخطة.
وكانت الرسالة معطرة، لا أدرى إن كان العطر صدفة أم ان الصبية كانت ذات خبرة ما وربما واسعة الخيال!.
عندما سلمتني الصبية الصغيرة الرسالة الأخطر في تاريخ حياتي كنا أن تصادفنا في منتصف الطريق ونحن عائدان من المدرسة.ا
كانت الصبية واجفة وخائفة ومتعرقة اليدين لكنها عزمت وتوكلت على أمر جلل ومصيري لا بد من إنجازه!. وعندما شرعت أفتح الرسالة في التو كانت هي قد خطت عدة خطوات في الزاوية المختلفة عن طريقي فناديتها اسألها "هل هي لي؟" أعني الرسالة!. فأجابت الصبية الجميلة بغير كلمات عبر نغمة صوتية واحدة خجولة مكتومة صادرة من جذع الحلق "إيييه" مع هزة خفيفة للرأس ففهمت بكل تأكيد أن الرسالة ذات الكلمة الواحدة الرهيبة لي، يا للهول!، لكنني لم استطع فهم معنى السهم الذي يخترق القلب، فهممت بسؤالها من جديد "هل الرسم أيضا لي؟" لكنها مضت.
وعندما غابت الفتاة عن عيوني قرأت الرسالة ذات الكلمة الواحدة الرهيبة والرسم من جديد، قرأتها ربما سبعين مرة وفي كل مرة تتعثر الكلمة في خاطري ويزداد تلغز الرسم!.
في القراءة الأخيرة شعرت بأن حياتي مهددة بالخطر لا أعرف كيف!. وعندما وضعت الرسالة في جيبي الصغير في الجانب الأيسر من قميصي أهتز قلبي الصغير بشدة إذ شعرتني أحمل مخدرات وغشاني بغتة هم عظيم فهممت بتمزيق الرسالة الأولى من نوعها في حياتي والأكثر خطورة والتي جاءت ربما قبل وقتها المناسب!. كنت أسمع من الكبار أن مثل تلك الامور تصنف في أفعال "قلة الادب" فإن كشفها أهلي إذن ستكون العواقب وخيمة، كونها ملهاة أبدية من وجهة نظرهم وهم يريدونني أن أكون تلميذاً مثالياُ وإلى أبد المراحل الدراسية وربما كل حياتي.
غير أنني في النهاية من دافع الفضول وعدة أحاسيس أخرى منوعة كلها غير مفسرة قررت الإحتفاظ بالرسالة الخطرة!. لكن تحتم علي أن أجد مكاناً آمناً لدسها به فغيرت مساري إلى منزل أحد اصدقائي المقربين وكان يكبرني بسنتين وفي خاطري خطة إنقاذية عاجلة لم أخضعها لكثير من التمحيص والنقد، ليس بالمستطاع!. فأخبرت الصديق بالقصة بينما أنا أحاول جهدي إمتثال العادية فجحظت عينا الرفيق وهو يفغر فاه دهشة بينما هو يستحلفني متسائلاً "قل والله؟"، "أيوة والله، وهذه هي الرسالة". تركت عنده الرسالة أمانة بعد أن وعد صديقي بالحفاظ عليها في مكان خفي آمن.
عدت إلى منزلنا متأخراً عدة ساعات فوجدت أمي قلقة بشدة فلم يكن أمامي حل غير أن أكذب عليها. في مساء اليوم ذاته تفشى الخبر وبدت ملامح أزمة كبيرة تلوح في الأفق فما كان مني إلا أن ركضت مذعوراً في طريق الكائن الذي استأمنته الامانة فأجابني بهدوء ساذج: "أنت اتفقت معي على إخفاء الرسالة كورقة ولم تقل لي أنك لا تود الناس أن تعرف الحكاية كحكاية"!. ثم أقر بأمر لا يمكن إنكاره أنه روى الحكاية لأقرانه من فريق كرة القدم نهاية أصيل ذلك اليوم. فكانت فتنة هي الاعظم في تاريخ طفولتي وصباي إنها الفتنة الكبرى!.
وعندما بلغ الخبر مرساه تعرضت لتحقيق مكثف من أمي فساقتني ممسكة بشعر رأسي وهي تولول إلى أبي الذي لطمني بشدة على خدي ومن بعدها تم تحويل الملف برمته إلى شقيقي الاكبر بغرض القيام بالإجراءات اللازمة والصارمة التي من شأنها الحيلولة دون تكرار مثل تلك الموبقات التي تصنف في خانة واحدة مع الخمر والميسر والأنصاب والأزلام وربما أشد رجساً.
وفي تزامن مع الإجراءات القمعية التي كانت تمارس على الضحية كان يتسلل فوق العادة عدد كبير من تلاميذ المدرسة من الحلة والحلال المجاور إلى الفسحة الواقعة أمام دارنا يتحججون بلعبة شليل وكان في الحقيقة كل منهم يود أن يتحقق من الحكاية الشهية "الشمار"!؟
وفي المستقبل كان يأتي لمدة عدة شهور لاحقة عدد من الأولاد الصغار الأشقياء من الحلة والحلال المجاور إلى بيتنا يرغبون في قراءة الرسالة الخطرة التي لم أرها منذ أن استأمنتها ذلك الصديق الذي وشى بي. وأما الفتاة بطلة القصة في الأساس فالأمر كان أشد باساً وبؤساً ومأساة في حقها إذ تم إتهامها من خالاتي وعماتي وآخرين بقلة الأدب وأنها بنت غير "مربية" وتم الطعن في أصلها وفصلها تعسفياً. وعلم الناس في المستقبل أنها كانت تجلد على يديها ورجليها لمدة ثلاثة أيام بواسطة أبيها وشقيقها الأكبر. ولم تستطع مواصلة الدراسة لمدة ثلاثة أشهر تالية مما حتم عليها تجميد العام الدراسي. وعندما عادت إلى المدرسة تعرضت من جديد إلى تحقيق مكثقف من ناظرة المدرسة وتم جلدها من جديد من الناظرة بعد إقرار ثلاثة أرباع بنات الفصل بسماعهن للقصة المرعبة!. وطوال العقد المقبل من حياتها ظل الناس ينظرون إليها بعين الشك والريبة وبالتالي تحددت حركتها وآلت حريتها الشخصية إلى درجة الصفر.
وعندما بلغت أنا الواحدة والعشرين من عمري عندها فقط رددت على تلك الرسالة حينما رأيتها في مناسبة عرس من جديد، فتاة في غاية الرقة والجمال وعلمت أنها تكتب الشعر والقصة فبهرتني شديد الإبهار. كتبت إليها رسالة أشبه بالإعتذار من عشر صفحات تضمنت شرحاً وافياً لملابسات الجزء الذي كان خافياً عليها من الحكاية كونها كانت تتصور إنني أنا الذي وشيت بها وجئت بالرسالة إلى أمي وقلت لها ان "فلانة" قليلة الأدب سلمتني رسالة قليلة الأدب ولم تكن حبيبتي حتى تلك اللحظة تعلم أنني بدوري كنت ضحية بإمتياز وإن لم يبلغني أذى بقدر ما وقع عليها. وكتبت في ختام رسالتي تلك كلمة واحدة هي الكلمة ذاتها الخطرة "أحبك" ورسمت قلب أحمر يخترقه سهم أسود وعطرت الرسالة بعطري الذي أحب!.
---- اذا البريك انتها كلموني.. كل الود
09-25-2022, 03:37 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
الهدية ازيك ياخ طبعا القصة دى نقلتك من مربع الباحث(اللايوق) مع المتابعين والمعلقين ب حق وانت تتجاوز وتختار فى طريقه الرد زى سواق قطر ما بيقف وما بضرب بورى:) اسلوب السرد ل ميلاد الصغير محمد الهدية وحواره مع الاب المحب غاية فى المتعه ويمكن ان تتحول إلى قصه قصيرة بعد ان تشحنها ب اجواء الواقعيه السحرية وربطها ب التاريخ المحلى للمنطقه وانت اصلا لك اهتمام اكاديمي ب امور التاريخ والموروث الصوفى الراسخ فى بلاد السودان اما دقستك مع رساله الحب فهى دقسه مزمنه ستعالج بعض منها واكثرها باقى ل دقسات اخرى وهذا قدرك
فيما يتعلق ب بحث الحقيبة واكون معاك واضح ولطيف:) انت ماخد سيك فى قبولك لكن كويس عندك سنه ونص عشان توضح موقفك وربنا يطمئنك ب الخير حددت لينا زمن البوست فوق دا كلو يا استاذ محمد جمال يعجبنى انفعالك المنضبط وهو ما يقع غالبا خارج المزاج السوداني المنفعل صيف وشتاء نقطه اخيرة احيانا رد قصير على سؤال محدد لايقبل التأويل لان الامر يتعلق ب معلومه ما... سيكون مفيد للحفاظ على البوست من أجواء الحرب:)
09-25-2022, 07:27 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
Quote: اسلوب السرد ل ميلاد الصغير محمد الهدية وحواره مع الاب المحب غاية فى المتعه ويمكن ان تتحول إلى قصه قصيرة بعد ان تشحنها ب اجواء الواقعيه السحرية وربطها ب التاريخ المحلى للمنطقه وانت اصلا لك اهتمام اكاديمي ب امور التاريخ والموروث الصوفى الراسخ فى بلاد السودان اما دقستك مع رساله الحب فهى دقسه مزمنه ستعالج بعض منها واكثرها باقى ل دقسات اخرى وهذا قدرك
شكراً على القراية البديعة للقصة الصغيرة. عجبني تحليلك وإنتباهك للحوار.. أنت ناقد ممتاز وقراي وكتاب. وبمناسبة ناقد دي زمان كان عندي حلم أبقى باحث كبير جداً ويكون عندي دار نشر خاصة وسواق خاص وبودي قارد خاص وناقد خاص (بس إنقدني أنا بس) .. هسا نحن ماشين كويس في الحلم لأن الناقد إتلقى الباقي البقية.
عندي مجموعة قصصية منشورة وتلاتة روايات أشهرم: سيلفيا الهولندية.. كان عندي هواية في الكتابة الروائية لكن ربنا سبحان وتعالى مسخني إلى باحث مُعذَّب مُعذِّب.. وعشان الجماعة ما يزعلوا (بُوَيْحث) كفاي.
شكراً زجيلاً (من زجل)
أما قصة البت.. طبعاً كلامك صاح يا ما دقسنا لقدام دقاسات أدقس.. العمر نصو راح دقسات.. ودا قدرك دي عجيبة منك ههههههها انت انتهيت مني .. شكلك (ناقد) مطلع على خلفيات الأمور
أقول قولي هذا .. ونجي على هنا:
Quote: فيما يتعلق ب بحث الحقيبة واكون معاك واضح ولطيف:) انت ماخد سيك فى قبولك لكن كويس عندك سنه ونص عشان توضح موقفك وربنا يطمئنك ب الخير حددت لينا زمن البوست فوق دا كلو يا استاذ محمد جمال يعجبنى انفعالك المنضبط وهو ما يقع غالبا خارج المزاج السوداني المنفعل صيف وشتاء نقطه اخيرة احيانا رد قصير على سؤال محدد لايقبل التأويل لان الامر يتعلق ب معلومه ما... سيكون مفيد للحفاظ على البوست من أجواء الحرب:)
في نماذج مقارنة جبناها فوق كتيرة.. وانا عارف زمنك كعب.. إذا عايت ليها ملياً.. أظنك ح تتراجع عن (السيك الفي القبول) ولسا هناك المزيد.. اليد مليانة ما تخاف. والزمن بينا وعشرة الأيام.
وأما بالنسبة لما أسميته بالإنفعال المنضبط.. إن جاز وحق.. فهو من فضل أركان النقاش في جامعة الخرطوم (أنا تدربت ككادر خطابي في حركة الطلاب المحايدين) فلازم تبقى جامد ومرات تنفعل بدون داعي للإنفعال (تكتيك) و تتحرى الجمود لحظة الإنفعال (برضو تكتيك). أقول هذا عشان أشكر الجامعة ست الإسم وزملاي من جم وتلك الأيام الأجمل في تاريخ حياتي الصغيرة وستظل.
وأخيراً بالنسبة للردود القصيرة.. يا زول أنا عندي نوعيات لواييق لياقة.. أنا إذا رديت عليه رد قصير قيامتي وقيامة البوست وأهل البوست ح تقوم.. عشان كدا الزي دا بتخليه لغاية ما يجي الزمن المناسب وترد عليه رد طويييييل معلقة بس.. وبرضو ح يقول دا فشوش وتاني الساقية تدور.
لأن في قوم منا لا يأتون لنقاش بجو بس للخراب عبر مبرر داير أناقش وهاك يا جرجرة يغالطك في إسمك. ودا نوع خطير زي الدابي اللابد في القش ما زي النوع البجي توش بنبذك أو ينبذ موضوعك بتديه خشم خشمين وبتخارج أو إذا ما إتخارج بكمل كوتة نبذو وبرضو نهايتو بتخارج دي القصة.. أخوك بوردابي قديم معفن
وانت بالذات نوعية مختلفة ولو كل الناس زيك كان السودان بقى أحسن من كدا وكان أنا رديت ردود قصيرة على الجميع والبوست ماش زي البسكويت.. لكن وين يا حبيب
09-25-2022, 08:57 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
هل سرق شعراء مصر الزجل الاندلسي في العهد المملوكي؟ أو قصة بحث إبن حجة الشامي 1420م وبحث إبن جمال الدين السوداني 2017م!
هذه المقالة القصيرة تجئ بمناسبة ذكرى مرور ثلاثة أعوام على إكتمال البحث في حقيبة الفن السودانية والتي وجدناها حسب البحث من نمطية الزجل الأندلسي ومتأثرة أكثر بقواعد وصور وأخيلة زجل العهد المملوكي.
شهدت فترة العهد المملوكي في مصر إزدهاراً في شتى مناحي الحياة سياسياً وأمنياً وعسكرياً ومعمارياً واللافت للنظر النهضة الفنية والأدبية والثقافية الكبيرة. أمتد العهد المملوكي بين 1250 و1517م. وهو ربما من أكثر عهود مصر إزدهاراً وإستقراراً بعد عهود الحضارات الفرعونية القديمة. كما أمتد تأثير هذا العهد على كل المحيط في الشام والحجاز والسودان. وأثبتت الكثير من الوثائق أن معظم المماليك الذين فروا من أمام القمع الذي نصبه لهم العثمانيون جاءوا وأستقروا في السودان كل الوقت.
ومن عجائب الأقدار التاريخية فبينما ساد المماليك في مصر المجاورة 250 سنة وكانت اللغة العربية والدين الإسلامي هما اللغة والدين الرسميين للدولة. كان السودان كل الوقت مسيحي الديانة رسمياً واللغة الرسمية للدولة والقضاء والكنيسة والطبقات العليا هما اللغتين القبطية واليونانية على التوالي اضافة الى النوبية القديمة.
رجوع إلى عنوان مقالتنا: قصة بحث إبن حجة الشامي وبحث إبن جمال الدين السوداني في الزجل الأندلسي!
فقط لدينا مقدمة ضرورية: نشأ فن الزجل وأزدهر في الأندلس حوالي 1150م ثم جاء إلى الشرق وعم كل البلدان المتحدثة اللغة العربية بالأصالة وما زال يمارس حتى تاريخ اليوم وتحت مسميات أخرى في بعض الأرجاء. فعلى سبيل المثال إسمه الحجازي في السعودية والحوزي/الصنعة/المالوف/القومة في الجزائر والمغرب وتونس وليبيا وأخذ إسمه صراحة "زجل" في مصر والعراق وسوريا ولبنان وفلسطين وحقيبة في السودان.
غير أن السودان لم يعرف الزجل قبل العام 1921 بداية العهد الإنجليزي وتراجع نظمه بعد العام 1945 نهاية الحرب العالمية الثانية "راجع الأسباب في خلاصة بحث الحقيبة". وهو فن شعري/غنائي شعبي/دارجي لا يلتزم بحور الشعر العربي الرسمية. وله قواعده الخاصة به والتي وضعها الزجال الأول إبن قزمان الأندلسي ثم تطورت وتنوعت في المستقبل. وأهم هذه القواعد أن تكتب بلغة العامة وكما هي أي أن لا تعرب. بل شدد إبن قزمان على أن آفة الزجل هي التعريب فهو لا بد أن يكون ملحوناً وإلا فهو ليس بزجل. فللزجل قواعده الخاصة به من حيث بناء القصيدة وطريقة النظم. ولنا هنا أن نتذكر أن كثير من الكلمات المفتاحية التي تتردد في الأزجال القائمة اليوم مرجعيتها في دارجة الأندلس مثل "الخد الزهري، الهوى سباني، الوصال ماحل، جسمي ناحل، الغصن الرطيب، قصر الرشيد" وغيرها الكثير. وهذه النقطة الأخيرة أدت بإبن حجة الحموي (شامي) ليتهم زجالي مصر حوالي 1420م بسرقة الأزجال الأندلسية.
وألف إبن حجة الحموي كتاباً كامالاً بتلك المناسبة أسماه (سرقات شعراء مصر ل"الزجل الاندلسي"). ذلك عام 1420 اي قبل 600 سنة فرد عليه شمس الدين النواجي بكتاب مضاد أسماه : الحجة في سرقات إبن حجة ل"الزجل الاندلسي".. ايضا إبن حجة زجال.
وفي العام 2017 أي قبل خمسة سنوات فقط من الآن كتب السوداني محمد جمال الدين* بحثاً في نمط شعري/غنائي سوداني مجهول الهوية أسماه الناس حقيبة الفن. وظل مجهول الهوية لمدة مئة عام حتى شاءت الصدف أن نعلم عبر البحث أن الشعر الغنائي "الحقيبي" ما هو إلا زجل أي من لونية الزجل الأندلسي. غير أن لا أحد رد على البحث المزعوم بكتاب كما فعل أهل العهد المملوكي المزدهر بل الكثيرون عملوا جهدهم في تعطيل البحث وتخصصوا في شتيمة شخص الباحث والسخرية منه. وشكراً للبعض الذي أعتذر صراحة بعد أن اطلع على النتيجة. وفي كل الأحوال هناك سماح فقط علينا أن نتعلم من التجربة.
ولكن على أي حال، نحن في السودان ومصر وفي جميع أرجاء الشرق وأفريقيا نعيش مستوى حضاري أدنى بكثير من أيام العهد المملوكي في تقديري وبوضع عامل الزمن في الحسبان. إذ أيضاً في مصر الحديثة وفي بداية القرن العشرين تم تعطيل وشتيمة طه حسين وسحب كرسي الأستاذية منه وتعرض للمحاكمة حينما أصدر بحثه في الشعر الجاهلي عام 1926 (مجرد مثال على سبيل المناسبة) وأتهمه شيوخ الأزهر بالإستلاب والتبعية للغرب وقيل أنه ألف كتابه بإيعاز من المخابرات الفرنسية. ذلك بالضبط ما حدث قبل أن ينتصر ويصبح عميد الأدب العربي.
الشئء المهم هنا أنه ثبت لي أن زجالي العهد المملوكي لم يسرقوا الزجل الأندلسي كما عن لإبن حجة الحموي، فقط طبيعة النوع الشعري الغنائي تعتمد في الأساس المجاراة والبناء في مرات عديدة على 1- جمل/كلمات مفتاحية مشتركة/مطابقة 2. صور شعرية مكررة (كالوصف والتجسيم) 3. أخيلة شعرية متوارثة 4- أوزان وقوافي وجرس موسيقي ولزوم ما لا يلزم كالسجع 5. اللغة دارجة مرجعيتها في الأندلس وملحونة من قبيل تحريك الساكن وتسكين المتحرك "نعني هنا زجل العهد المملوكي الذي تأثرت به الحقيبة السودانية" 6. أغراض متشابهة (الغزل ووصف جسد المراة "مثال") 7- الصنعة إذ أن الزجل هو فن المجاراة و أخيراً 8- نزعة الحنين إلى فردوس ضايع/مفقود متمثل في طبيعة ونساء الأندلس.
كل هذا معاً أدى إلى التشويش على إبن حجة ومناصريه ذلك الزمان. كما جاراه شمس النواجي في الرد على إتهامه بذات منهجه. أيضاً هذا ما دعاني في البدء للبت في كل الفرضيات الممكنة حيال نمط الحقيبة. مما قادنا في الختام إلى نتيجة البحث. وخلاصة تلك النتيجة تكمن في إكتشاف مرجعية لونية الحقيبة الشعرية (زجل) مع أن أدائها الغنائي محلي وأنها نوع شعري سوداني أصيل له تفرده وتميزه على الأنماط الزجلية الأخرى قديمها وحديثها وفي جميع البلدان المتحدثة اللغة العربية بالأصالة ولكنه في الختام يتبع جميع قواعد وأنظمة وصور وأخيلة الزجل الأندلسي. وتم تشجيع ذلك النمط الجديد بواسطة السلطات الإنجليزية نسبة للأسباب التي وردت في خلاصات البحث.
والزجل نمط شعري مخصص في الأساس للغناء والطرب وأهم مواضيعه الغزل والنسيب والطبيعة والمدح و"المديح النبوي" احيانا. والسودان لم يعرف الزجل كإبداع ونظم وصناعة إلا في الفترة من 1921 إلى 1945 فيما عرف بحقيبة الفن السودانية.
وهنا مجرد أمثلة صغيرة لتؤشر إلى وحدة النمط بين شعراء زجل من التاريخ القديم وخمسة من شعراء الحقيبة والمقطع في كل مرة من قصائد شهيرة.
وأنت دوبيت موشح القاما .. يا عزيز الدلال ولك ألفاظ صارت مواليا .. بالزجل والنشيد إبراهيم الغباري 1280م زجل/العهد المملوكي
وأنشي شعري وزجلي وموالي في سناك قليل ياجميل إبراهيم العبادي 1930م "حقيبة" العهد الإنجليزي/التركي
التاريخ أمام مقاطع الحقيبة تقديري يشير دائما إلى زمن كتابة القصيدة. --- وقد شدت تسجع كالخطيب بمنبر الغصن الرشيق القوام .. لما انثنى يهفو بقد رطيب إبن زمرك الأندلسي 1150م الخطيبة وردفك منبرا الشعور البسطــــــــل عنبــــــــــرا أبو صلاح/ حقيبة 1930م ---
حبّي عني حجبوه اهلو واسرفوا في جمع حفاظو والرقيب قد غيبو عني حتي عني قيد الفاظو صفي الدين الحلي/زجل 1339م
جارو اهلك وجورم أمـر بالبعـاد والأمـر الأمـر في ديارم حجبـو القمـر عبد الله الأمي/حقيبة 1930م ---
لو ترى حمرة خدودو ... وعذاره ذا المنمنم والشقيق حمرا في صفرا ... كنو رايات شاه أرمن زجل أندلسي 1200م (الوافي بالوفيات للصفدي ص500) صَبّـغْ الخـدين حُمرة بعد ساعة تشوف صفرة الاصفـرار ده كتيـر أخجلـوك يـا أميـر والّــ نُمّــت نهـار خليل فرح "حقيبة" 1930م ---
ذا الغزال النافر الأنسي ... للغزالة قد أعار النور كسر قلبي كسير جفنو... فاعجبوا للكاسر المكسور وبخمر الدن قد عربد ... وادعى أني أنا المخمور وابتسم لي عن نقا ثغرو . زجل.. صفي الدين الحلي 1339م.
والبروق تتلامع من بسوم ونحور النظر مكسور دون توقل تارك كم قلب مكسور في حسابه كسور وحاله حال الواقف في الحساب مأسور سيد عبد العزيز / حقيبة 1930
لابـــــــــــس حلة خضرا والغصن الــرطيــــــب (إبن قزمان) يا مداعب الغصن الرطيب (سيد عبد العزيز).
والـبلبل الـغريد يـدور عـلي منبر الاغصان خطيب (سيد عبد العزيز)
---
لكل وَسيلَة سَبَباً إِلّا تَكُن نَسَبا فَهُو الوداد صَفا مِن غير ما كدر (ابن زيدون)
وكل شئ إن صفا أو كدر في أيادي القضاء والقدر (سيد عبد العزيز)
من يسأل النّاس عن حالي فشاهدها مَحْض العِيَان يُغْني عَن خبَر (ابن زيدون)
حبي هاك القول الأبر العيان يغنيك عن خبر (سيد عبد العزيز)
تلك الكلمات المفتاحية المشتركة والجمل المكررة كما بعض الأخيلة والصور الشعرية جاءت مع النمط الكلي الذي تمت مجاراته والإنفلات منه إلى الإبداع الخاص في إطاره. وللإلمام بالصورة الكلية راجع لطفاً المقالات الشارحة لمعنى وأسباب وجذور شعر الحقيبة والمحيط السياسي والإجتماعي الذي نشأت في كنفه أغنيات الحقيبة 1921-1945.
وإنطلاقاً من الفائدة التي جنيناها من كشف غموض نمطية الحقيبة، ذلك الغموض الذي لفها لمدة مئة سنة أي قرن من الزمان توصلنا إلى ضرورة العمل على مشروع السودان200 "توثيق الماضي، فهم الحاضر، تخطيط المستقبل" في ذات الأوان.
ملاحظة: تحدثت عن نفسي بضمير الغائب لأنسجم مع الغائب الآخر إبن حجة الحموي وأيضاً في سبيل البحث عن الطرافة والتشويق المحتملين أو حسب ظني!
09-25-2022, 10:41 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
ملاحظة فنية: عملت تحرير أفضل للنماذج المقارنة عبر خاصية التحرير في صدر هذا البوست اي مقدمته.. في غاية الأهمية في حسباني.. كانت السطور متداخلة.. شكراً لصبركم معي صحاب
ونواصل متى ما حانت الفرص.. طابت أيامكم
09-26-2022, 06:10 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1532
Quote: وأخيراً بالنسبة للردود القصيرة.. يا زول أنا عندي نوعيات لواييق لياقة.. أنا إذا رديت عليه رد قصير قيامتي وقيامة البوست وأهل البوست ح تقوم.. عشان كدا الزي دا بتخليه لغاية ما يجي الزمن المناسب وترد عليه رد طويييييل معلقة بس.. وبرضو ح يقول دا فشوش وتاني الساقية تدور.لأن في قوم منا لا يأتون لنقاش بجو بس للخراب عبر مبرر داير أناقش وهاك يا جرجرة يغالطك في إسمك.ودا نوع خطير زي الدابي اللابد في القش ما زي النوع البجي توش بنبذك أو ينبذ موضوعك بتديه خشم خشمين وبتخارج أو إذا ما إتخارج بكمل كوتة نبذو وبرضو نهايتو بتخارج دي القصة.. أخوك بوردابي قديم معفن
صدقت في إنك خايف تدّي ردود قصيرة لأنها فعلاً بتقوّم قيامتك؟لو مشّيناك في طريقة ترميزك، هل ممكن ردود قصيرة ومباشرة عن الأسئلة دي:
1. في تقطيع (غِرْجَمَالْكَنْ)، كيف عدد الحروف 8 والتفعيلة (فاعلاتن) من 7 حروف؟ وكيف حرف الراء مسكَّن ورمزه (/)؟ وكيف حرف الجيم متحرّك ورمزه (0)؟ وكيف حرف الألف يكون رمزه (/)؟ وليه حرف الغين في الأول أصلاً مكسور؟ وليه الياء في كلمة (غير) راحت؟
2. الترميز الثاني والتالت خرجمة عجيبة. ورّينا الحاصل شنو؟ ليه بدأت رقم (3)، اللي يبدو إنك قاصد بيها رقم (2) برمز ساكن؟ وليه رقم (2)، اللي يبدو إنك قاصد بيها رقم (3)، بدأتها بساكن وختمتها بساكن، وكمان عدد علامات الرموز 6 في حين أنه فاعلاتن أكتر من 6 وفعلن أقل من 6؟
يا أستاذ محمد صديق.. اخوك قال ليك أنتظر وانت قلت خلاص كم يوم وبترجع. وأنا قلت ليك بالأسباب المضوعية كم مرة زمان. وما اقتنعت وما أظنك تقتنع.
قلت كدا قبل 8 ساعات:
Quote: لكن تلبية لطلبك، بنتظرك كم يوم وبرجع ليك لنقاش خد وهات محترم
تمام هسا أنا ح أشرح ليك لو الشرح ح ينفع. وبقول كدا لأنك الحاجات الانت بتقول فيها دي تفاصيل صغيرة وكمان غلط .. نحن هسا بنتكلم في مستوى الكلية (زجل أو ما زجل وعارفين أو ما عارفين) وكدا وعندنا محاور معلنة للنقاش وقلنا نصبر وانت قلت بتصبر وتاني جيت للتفاصيل وكلامك في التفاصيل غير مفيد لي ولا أظن القراء.
طيب أوضح ليك الآن قصة التفاعيل دي (واضح أنك ما بتعرفها).
وسؤال لو سمحت أنت تخصصك شنو وهل بتعرف التقطيع العروضي للشعر الشعبي وهل ممكن تورينا هسا نماذج نشرتها من قبل لتقطيع عروضي لشعر الحقيبة أو شعر عامي سوداني؟. أدينا رابط لو عندك.. وأنا أشك إنو دا ما شغلك وما أظنك سمعت بيهو غير الأيام دي (التقطيع العروضي لشعر الحقيبة) ما أشعار العالم.
هذه المحاولة غير مسبوقة (انا عملت بحث انت ما عملت) أنا تعبت سنة ونص عشان أقطع حوالي 600 قصيدة من أشعار السودان العامية ما قبل الحقيبة والحقيبة وما بعدها عشان أقدر أفرز التفاعيل والأوزان من بعضها البعض.. عشان أقدر أعمل المقارنات فيما بينها.
لا يوجد تقطيع عروضي لأشعار السودان العامية.. ليس قبل هذه المحاولة.. لم أجد وسألت طوب الأرض في جميع الشوارع السودانية والأجنبية والمنابر السايبرية.. لم أجد.. فدا إجتهاد غير مسبوق لازم تفهم (إن كان ممكن) تفهم.
وأجيك أشرح ليك طيب مادام ما قادر تصبر (تاني اصبر بعد دي لكن لو سمحت):
المقطع من قصيدة أبو صلاح الذي جئت بها دائماً بيبدأ ب "فَاعِلاتِنْ" ولتفاعيل الشعر ضرورات تقتضي (مثلاً) أن تسحب إحدى السواكن المتقابلة لكي يصح الوزن ولا يختل المعنى) دا المقطع الأنت جبت منه نصف بيت:
بدور القلعة وجوهرا (أبوصلاح/حقيبة) مقاطع من القصيدة ومن بعد ذلك تقطيع عروضي أحرموني ولا تحرموني كاملة:
الترميز دا أصلاً فايض وبتعمل للناس الما عارفة شنو تقطيع عروضي.. والمشكلة عندك أو في البرنامج الشغال بيه أو المنبر المحدد بأن الحركات والترقيم بتلخبط .. لكن دي ما مشكلة ولا حاجة مهمة لأن التفاعيل وهي الأهم موجودة ومشكلة بالحركات هكذا (1- فاعِلاتِنْ 2- فِعْلنْ 3- فاعُلنْ).
وتقول ليه: غِرْجَمَالْكنْ ليه التفعيلة مختلفة في عدد الحروف عن الجملة.. عشان الوزن. بس دي القضية. راجع المقفطع أعلاه كاملاً من بودر القلعة وستجد أن التفعيلة دوماً (فاعِلاتِنْ) وهي من بحر الرمل.
والله العظيم وانت ما طالني حليفة أنا كنت بعمل التقطيع العروضي للأشعار كهواية من عمري كان 11 سنة.. والسبب أن جدي (الخليل) بتاع لغة عربية وعنده كرسي الأستاذية في ألازهر (توفي سنة 1951) وابوي بتاع لغة عربية وأخوي الأكبر مني الطاهر جمال الدين بتاع لغة عربية.. دا ما فخر طبعاً.. بس بحاول أطمنك. أو في الحقيقة زهجتني شوية ما كتير. انت رجل مرهق جداً.. لا أعرفك.. بس على يقين أنك ما بتعرف تقطيع عروضي.. وعد.
ولو تلاحظ انا شرحت فوق السيوف والفؤاد المن بدري إنهرا ليه إنسحبت السواكن.. لكن كتبت غِرْجَمَالْكنْ بالألف (بديهي جدا) لأنها إذن ستصبح غير (غِرْجَمَلْكنْ) وهذا يمكن تأويله بشيء آخر. المهم القصيدة كلها موجودة هنا مقطعة ومئات مثلها فعلتها وحدي.. والعالم مليان ناس ممكن تفهم تقطيع عروضي والمادة أمامهم.. أنت لا تفهم شيء في ذلك.. وضح لي.
المهم بعد الشرح دا كله أنا طالب منك تصبر.. والأحسن ما تتداخل معاي في القرن المقبل دا من تاريخ هذا البوست. وتشطب الكلام الخارم بارم بتاعك من بوست القواعد (البوست الآخر).
أنت رجل مهلك للزمن وأظنك سلبي وغير مفيد بالنسبة لي في هذا البوست والبوستات الآخرى لأنك للاسف Off point دايماً .. وبتضيع زمني وزمن الناس في التفاصيل الفارغة.. معليش للصراحة.
----
ملاحظة: للقراء الكرام: اخوكم أيام البحث عامل في الفيسبوك وهذا المنبر ذاتو زي 50 نداء من 2017 يا جماعة تعالو ساعدوني في تقطيع أشعار السودان العامية (كتيرة) ودايرة زمن وصبر كتير وما في زول عملها من قبل.. وخليت ناس يمشوا كلية الأدابة جامعة الخرطوم وجامعات أخرى .. وأتصلت بلجنة المصنفات في الإذاعة والتلفزيون.. قالوا مافي.. وما خليت طريقة.. ما لقيت زول يشتغل الشغل دا معاي.. مافي ببساطة.. عملتو براي.
وهذا الشخص الذي لا أعرف شخصياً فقط اعرف أنه لا يعرف وجاهل بالمرة بالتقطيع العروضي لأشعار الحقيبة. أحلف الكتاب وإلا إن جاب رابط سابق (من زمان) أنه عمل تقطيع عروضي لبيت واحد من أشعار الحقيبة على صوم تلاتة أيام أو إطعام ستة مساكين من مساكين هذا البورد وهو منهم!.
وأخونا الجميل يحي قباني ياخد عدد إتنين بيتزا دومنز😀😀😀
شايفو متداخل مؤيداً لهذا التبسيط المخل لاخونا البديع التحفة محمد صديق.
وأنا واثق أن أخوك محمد صديق دا أول مرة يسمع بالخبر دا (التقطيع العروضي لاِشعار الحقيبة) وجاي ينتقد ويتفلسف كمان. بضيع في زمنا عمداً أو سهواً لست أدري.
يا أخوي.. اهدأ شوية والأحسن تختاني سنة سنتين بس.. عندنا مهام أخرى وانت كمان شوف شغلك.. طلب بسيط. انت طاقة سلبية عظيمة تشبه ثقب أسود في خاطري.
كمان مصر؟. افتح بوستات برا; في المنبر الواسع دا وانتقدني فيها والآخرين أو كما تشاء بس ما تربك الناس في بوساتي وتحرفها عن هدفها.. اتمنى يكون دا واضح.
وما تنسى تشطب كلامك الخارم بارم في بوست القواعد.. لو سمحت. بقول ليك بالوضوح دا المرة دي لأني كررت ليك الكلام دا سبعة مرات وانت ما مهتم.
وكل الود والإحترام
End.
09-26-2022, 10:32 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1532
Quote: الترميز دا أصلاً فايض وبتعمل للناس الما عارفة شنو تقطيع عروضي.. والمشكلة عندك أو في البرنامج الشغال بيه أو المنبر المحدد بأن الحركات والترقيم بتلخبط .. لكن دي ما مشكلة ولا حاجة مهمة لأن التفاعيل وهي الأهم موجودة ومشكلة بالحركات هكذا (1- فاعِلاتِنْ 2- فِعْلنْ 3- فاعُلنْ)
يا أخ البورد محمد جمال، هو أنا لو ما بفهم في الموضوع كيف عرفت أنه ترميزك ملخبط وأنه كله استغباء عجيب للناس؟ تبريراتك تعبانة شديد وأسلوبك ما أسلوب زول باحث بيناقش بحث هو بيصوره على أنه "ثورة" في تفكير الناس عن الحقيبة.
إنت عارف أني عارف يعني شنو تفاعيل عشان كده بتتهرب من طلبي منك تورينا تطابق التفاعيل في أمثلتك.
بعدين إنت بتاع أنثربولوجي بتقول إنك بتعرف العروض، مالك بتستصعبه على غيرك؟
للأسف، يا أخي محمد جمال اتضح لي أنه همّك الأول هو الدفاع عن صورتك أمام القراء بالمكابرة وإنكار حاجات واضحة وضوح الشمس في وضح النهار، واستمرارك في تكاتيكك اللي ذكرتها فوق بتغريق ردودك بتكرار كلام طويل وبعيد عن الأسئلة المباشرة عشان محاورك يتعب ويهجر بوستك.
09-26-2022, 10:55 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1532
Quote: ملاحظة: للقراء الكرام: اخوكم أيام البحث عامل في الفيسبوك وهذا المنبر ذاتو زي 50 نداء من 2017 يا جماعة تعالو ساعدوني في تقطيع أشعار السودان العامية (كتيرة) ودايرة زمن وصبر كتير وما في زول عملها من قبل.. وخليت ناس يمشوا كلية الأدابة جامعة الخرطوم وجامعات أخرى .. وأتصلت بلجنة المصنفات في الإذاعة والتلفزيون.. قالوا مافي.. وما خليت طريقة.. ما لقيت زول يشتغل الشغل دا معاي.. مافي ببساطة.. عملتو براي.
وهذا الشخص الذي لا أعرف شخصياً فقط اعرف أنه لا يعرف وجاهل بالمرة بالتقطيع العروضي لأشعار الحقيبة. أحلف الكتاب وإلا إن جاب رابط سابق (من زمان) أنه عمل تقطيع عروضي لبيت واحد من أشعار الحقيبة على صوم تلاتة أيام أو إطعام ستة مساكين من مساكين هذا البورد وهو منهم!.
09-27-2022, 00:48 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
شوف يا أستاذ عبد الرحيم محمدصالح (مثال انت غير مسؤول عنه) بس أظن تثبيت لكلامي العجيب دا:
Quote: وأخيراً بالنسبة للردود القصيرة.. يا زول أنا عندي نوعيات لواييق لياقة.. أنا إذا رديت عليه رد قصير قيامتي وقيامة البوست وأهل البوست ح تقوم.. عشان كدا الزي دا بتخليه لغاية ما يجي الزمن المناسب وترد عليه رد طويييييل معلقة بس.. وبرضو ح يقول دا فشوش وتاني الساقية تدور.
لأن في قوم منا لا يأتون لنقاش بجو بس للخراب عبر مبرر داير أناقش وهاك يا جرجرة يغالطك في إسمك. ودا نوع خطير زي الدابي اللابد في القش ما زي النوع البجي توش بنبذك أو ينبذ موضوعك بتديه خشم خشمين وبتخارج أو إذا ما إتخارج بكمل كوتة نبذو وبرضو نهايتو بتخارج دي القصة.. لكن النوعية ديك لا
عاين للأخ للمثال الفوق الجيد دا (المداخلات السابقة).. برضو عامل أسوأ من كدا بكتير في بوست القواعد.
لدرجة أن الواحد شك بأن هذا (إسم حركي) معمول للشقاوة لاسباب غير معلومة لنا!
--- صباح الأنوار صحاب.. ونواصل إن لقينا فرصة مع العك الزي دا!
09-27-2022, 01:09 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
حلقة 1 من بوست (أخطاء اللفظ والتفاعيل عند مغني الحقيبة من الجيل الثاني والثالث وما بعدهم) مثال لأهمية التفاعيل:
ما فائدة معرفة القواعد (أخطاء اللفظ والتفاعيل/الوزن عند مغني الحقيبة من الجيل الثاني والثالث)!
سنآخذ عدة أمثلة من مغني الحقيبة في هذه الحلقة والحلقات المقبلة.. واليوم نبدأ ب:
برضي ليك المولى الموالي.. للعبادي وغناء سرور.. أراها من أصعب الأشعار السودانية من حيث فرادة وغرابة العبارة من ناحية والصنعة النظمية المحكمة من الناحية الثانية.
ولذا ربما لم ينطق مفرداتها أي شخص أنشدها أو تغنَّى بها صحيحة بالكامل غير الحاج محمد أحمد سرور.
ولدينا عدد من الأمثلة الحية الأخرى سنأتي بها في مستقبل السرد والآن سأعقد مقارنة بسيطة من باب المثال بين سرور وخضر بشير.. في تلاتة مقاطع فقط (منمرة أدناه) .
وآتي بها في المقدمة مقطعة عروضياً لمحاولة تبيان أهمية النطق الصحيح للكلمة وبالتالي للوزن والتفعيلة.. ولفهم النص الشعري من الناحية اللغوية وأيضاً الآنثروبولوجية أي من حيث السياقات التاريخية المختلفة للغة والتراكيب و المفردات المستخدمة.
استمع إلى الراوبط المرفقة من يوتوب.. أولاً نسمع خضر بشير .. في المقطع رقم 1 ينطق الساكنين أكثر من مرة.. وهذا ما لا يفعله سرور الذي يلتزم بالقواعد حرفياً كل الوقت.في المقطع 2 خدر بشير ينطق الكلمة زَجَلْ بسكون الجيم (زجْل) وهذا خطأ مرتين: خطأ لغوي قاد إلى الإخلال بالوزن.
بينما سرور طبعاً يفعل الصحيح (زَجَل)كله ذلك في مقدمة القصيدة أي لغاية نهاية الدقيقة الأولى في الفديوهين.
في المقطع التالت خدر يقول (كَثُرْ النوح العيالك (أي يعرب الكلمة ناطقها ب“الثاء” كما بالتالي تغيرت الحركة والسكون في البيت الشعري.. بينما عند سرور لا تعريب بل كتر (كُتَرَ النوح) وينطقها سرور وفق القاعدة:
كُتَرَنْ نوحَلْ عَيالكْ.
راجع واسمع مرة مرتين إن كنت تهتم بذلك القدر من التحقق.. ذلك مهم لنخلصمنه إن صح إلى أهمية العلم بقواعد لغتنا العامية كما قواعد أشعارنا العامية قاطبة ليس الحقيبة وحدها.
ملاحظة: كُتَرَنْ النوح تبدأ حوالي الدقيقة والثانية 2.50 من سرور وبعد هذا الزمن من خضر بشير.. وإن شئت التحقق اسمع الفنانين المبدعين في برضي ليك المولى الموالي عدة مرات.. لترى ربما الفرق بين العلم بالشيء ومجرد الذوق والحس والموهبة والإبداع وحدهن بلا علم ولا دراية علمية..
نحن هنا من أجل القواعد العلمية.. تلك هي القضية.قصيدة العبادي (برضي ليك) مثل الكثير من زجليات الحقيبة تمتاز بالسجع ولزوم ما لا يلزم .. مع التركيز على أن القصيدة غير معربة.. فإن عربتها (مثلاً إن نطقت كُتَرْ لتكون كَثُر) يختل الوزن ويختل السجع ويختل لزوم ما لا يلزم وتختل القوافي ويصبح ذلك نثر لا شعر.وبرغم الكلمات الفريدة والغريبة المحتشدة في شعر الحقيبة فإنها غير معربة وتخضع بالكامل لقواعد العامية وأن كثيرها خارج قاموس تلك العامية الوسطسودانية.---*
نحن هنا نتحدث حصرياً عن الكلمة وبعدها الآنثروبولوجي.. وهنا لا إدانة للفنان المبدع الراحل العظيم خضر بشير بل فقط تبيان للحقيقة وإن كان هناك إدانة لجهة أو شخص فهي ربما للمثقفين السودانيين جمعاً بلا إستثناء وغيابهم عن ساحة الفعل الموجب وغرق معظمنا في العويل السياسي دون جدوى ودون رؤية عمق الأزمة (زعم مني ممكن متطرف شوية.. معليش).
كما أن بحث الحقيبة لم يتطرق ابداً للالحان ولا الايقاع ولا الموسيقى ولا كيفية اداء الغناء (تلك شؤون اخرى) بل فقط بالكلمة الشعرية (النوع الشعري وخلفيته وقواعده المحتملة) وبالظروف السياسية والاجتماعية والاقتصادية التي نشا فيها النمط الشعري بداية عهد الاستعمار الانجليزي وما الى ذلك.. والاسباب.وبالتالي فالبحث ليس في غناء الحقيبة في شموله (هو ليس بحث في غناء الحقيبة) بل فقط في النوع الشعري/النظمي للغناء وظروف محيط نشاة هذا النوع والاسباب .. هو بالزبط يتحدث عن القطن قبل ان يصبح ملابس (مثال للبيان) وذلك مشروح تفصيليا في خلاصات البحث المنشورة..
وهذه الملاحظة الأخيرة هي الأهم منعاً لتكرار الخلط .. ونمضى إلى الأمام.في الحلقات المقبلة سناخذ أمثلة جديدة: مبارك حسن بركات (أحرموني ولا تحرموني)، صلاح بن البادية (برضي ليك) ، محمد الأمين (بدور القلعة) وإنصاف فتحي (نسيم السحر).. لذات السبب وهو تبيان أهمية العلم بقواعد العامية وقواعد الشعر العامي.
Quote: . في تقطيع (غِرْجَمَالْكَنْ)، كيف عدد الحروف 8 والتفعيلة (فاعلاتن) من 7 حروف؟ وكيف حرف الراء مسكَّن ورمزه (/)؟ وكيف حرف الجيم متحرّك ورمزه (0)؟ وكيف حرف الألف يكون رمزه (/)؟ وليه حرف الغين في الأول أصلاً مكسور؟ وليه الياء في كلمة (غير) راحت؟
2. الترميز الثاني والتالت خرجمة عجيبة. ورّينا الحاصل شنو؟ ليه بدأت رقم (3)، اللي يبدو إنك قاصد بيها رقم (2) برمز ساكن؟ وليه رقم (2)، اللي يبدو إنك قاصد بيها رقم (3)، بدأتها بساكن وختمتها بساكن، وكمان عدد علامات الرموز 6 في حين أنه فاعلاتن أكتر من 6 وفعلن أقل من 6؟
يا محمد جمال، معقول زعلتك دي كلها عشان تعليقي أعلاه؟
ما هو يا كلامي صاح وإنت توافق عليهو، أو تفنّده وتقول غلط، وفي الحالتين هو نقاش حتى لو أنا ما بفهم في العروض.
التعليق شكله ضربك في مقتل. وين "الانضباط الانفعالي" اللي تباهيت بيهو وقلت إنك اكتسبته من أركان النقاش والتدريب اللي تلقّيته بهذا الخصوص؟
أنا حا أكون موجود في بوستاتك، لأنها في منبر وعام وإنت بتتناول شأن عام وتراث واتهمت جيل كامل بالسرقة وشغال تروّج للحاجة دي في الإعلام عمومًا وفي سودانيزأونلاين، وأنا ماشي معاك خطوة خطوة عشان نشوف هل كلامك ده مبني على أساس سليم ولا كلام لمجرد الفرقعة الإعلامية.
09-27-2022, 05:38 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
انت يا محمد صديق جمال ده جاوب على سؤالي انه يجيب دليل انه طيور الفصاح حقة ابن قزمان مقصود بيها عيد الفصح و ليس طير الهزار و الكناري كما ادعي انا ؟ و لا لسه زايغ و قايل الناس حتنسى !!
و يا ترى اعترف انه ما كان فاهم الفرق بين عيد الفصح و عيد الصليب و لا برضه عامل زغبير!!
واضحة جدًا يا قباني إلا لمن أبى. أخ البورد محمد جمال بيتجاهل أسئلة بسيطة ومباشرة لأنها حا تضعف حججه. للأسف، هو معتمد على أنه القراء ما حا يركزوا على التفاصيل وياخدوا كلامه سطحيًا وأموره تمشي عال العال، لكنه اكتشف غير ذلك وعشان كده هو متوتر وظهرت منه "ثورة خانها الجلد".
09-27-2022, 08:08 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
وقفة مع هذا الرجل العجيب الذي صنع المدنية والحداثة في السودان!
جيمس كيري الرجل الذي اخلص في أداء المهام (هو صانع المدنية ومؤسس السودان الحديث الحقيقي)!
مؤسس ومدير كلية غردون التذكارية 1902 ووزيراً للمعارف 1900-1914 بالسودان.
حدثت أزمة مالية جمع تبرعات بنفسه واسس كلية غردون والتوصية كانت ان يتوقف بناء الكلية، قال لا، هو ح يواصل وجاب تصريح تاني وقال ليهم باللفظ دا "تعالو شوفو الكلية دي بعد 50 سنة ح تعمل شنو في البلد دي" اصبحت جامعة الخرطوم وقد صدق حدسه في كل الاحوال.
بني وخطط واسس الكلية الحربية سنة 1905 ووضع نظمها.
انشا لجنة خاصة لدراسة العامية السودانية سنة 1905-1910 عشان يتم التعرف على العقلية السودانية عبر معرفة تراث شعوب السودان وفكفكة شفرات المخيلة الإجتماعية لأاسباب "عملية" سياسية وإدارية وإقتصادية.
ادخل الكتب والدراسات والمناهج الثقافية الحديثة إلى السودان.
سمح وساعد بإنشاء معهد ام درمان العلمي وعمل نظمه الادارية بعد إعتراض الحكومة البريطانية عليه عام 1912 فارضى الحكومة بان المعهد الديني سيكون تحت الاشراف المباشر له اذن لا مشكلة.. وهدف المعهد تخريج فقهاء يحلو محل سطوة التصوف "الدروايش الذين ذبحوا غردون" حسب مخيال تلك اللحظة .. الان تحول المعهد الى جامعة أم درمان الإسلامية.
له ادوار في قيام مشروع الجزيرة 1925.
اسس وخطط ونظم السلك القضائي وصاغ قوانينه.
واهم شيء اسس نظام الخدمة المدنية الحديث في السودان.
وعندما كان بالمعاش ورجع الى انجلترا ارسل رسالة إلى حاكم عام السودان 1934.. قال له "أنا نسيت حاجة.. ان نعمل معهد لتاهيل للمعلمين" وجاء راجع بنفسه وبدا في عمل معهد بخت الرضا عام 1936 الذي اول سوداني تراس ادارته بعد السودنة كان عبد الرحمن على طه والد د. فدوى مدير كلية غردون التذكارية في الوقت الراهن اقصد طبعا جامعة الخرطوم.. (ممكن زول يوصل البوست دا لد. فدوى وبلغوها طلبي في هذه الرسالة).
لو ان الناس تنحت تماثيل لمستعمريها السابقين لأوصيتكم بعمل تمثال لجيمس كيري.. وحده عظيم.. لانه بقدر ما كان مخلصاً للإمبراطورية العظمى أخلص للسودان واحبه.. رجل نتعلم منه الهمة العالية والاخلاص والحصافة.. ولذا اطالب باستثناء جيمس كيري وتسمية قاعة من دور الدرس بجامعة الخرطوم باسمه.. لقد احب السودان فعلا وكان سببا حاسما في مدنية وحداثة السودان.
--- بوست من ايام بحث حقيبة الفن وكون جيمس كيري كان وراء تشجيع ودعم نمطية شعر وغناء الحقيبة للاسباب التي وردت في خلاصات البحث. جيمس كيري الخامس من الشمال الى اليمين في الصورة المرفقة.
https://www.0zz0.com
09-27-2022, 08:14 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
بحسب طلب أخواني الكبار عثمان حامد سليمان وعبد المنعم الجزولي. أعود في هذه العجالة لأشارك معهما في النقاش الجاري حول الموضوع التاريخي المهم ضمن أشياء أخرى عديدة تتعلق بمراجعة الذات والتراث (دميتري البازار ودوره المحتمل في الفضائين الثقافي الفكري والفني في السودان).
الإنجليز لم يكن لديهم برنامج سياسي وإقتصادي في السودان فحسب. لكن ايضاً ثقافي. أنت لا تستطيع أن تحكم شعب دون أن تتعرف على مخياله ثم تحاول التحكم في ذلك المخيال.
البرنامج الثقافي كان مرتبطاً بالأكاديمي بين الأعوام 1900 و1924.. فيكاد البرنامجان الأكاديمي والثقافي لا ينفكان وكانا موكلان (متكولان) بالكامل على الرجل الذكي الصارم المثابر الصبور جيمس كيري مؤسس ومدير كلية غردون والكلية الحربية ووزير المعارف ومؤسس معهد أم درمان العلمي 1912 وبخت الرضاء 1936 ومؤسس نظام الخدمة المدنية في السودان والقضاء (أسميه أبو المدنية في السودان).
بعد العام 1924 حدثت أحداث جسيمة غيرت كل الخطط السابقة التي كانت تتم بالتنسيق مع ممثلي الباشوات حكام مصر والسودان ولو عبر الشراكة الإسمية فاليد العليا كانت للإنجليز.
إذ في ذلك العام حدث ما جعل البرنامج الثقافي يصبح ذا اهمية قصوى. وهو مقتل السير لستاك في القاهرة 20 نوفمبر 1924 وهو سردار الجيش المصر وحاكم عام السودان. وذلك قبل قيام المحاولة الإنقلابية المسماة ثورة اللواء الابيض بإسبوع واحد فقط 28 نوفمبر 1924 وذلك نفسه من أهم أسباب قيام ثورة اللواء الأبيض.
إذ أن الحكومة البريطانية طالبت بترحيل الجيش الباشوي (المصري) فوراً من السودان.
ففي يوم 23 نوفمبر أقبل على دار رئاسة الوزراء المندوب السامي البريطاني حيث قابل رئيس الحكومة سعد زغلول باشا وقدم إليه البلاغ الرسمي البريطاني في واقعة مقتل السير لي ستاك وكان نص البلاغ كالآتي:
المطالبة بالاعتذار
متابعة الجناة
منع كل مظاهرات شعبية سياسية
دفع غرامة قدرها نصف مليون جنيه
إصدار الأوامر بإرجاع جميع الوحدات المصرية من السودان
إبلاغ المصلحة المختصة أن حكومة السودان ستزيد مساحة الأطيان التي تزرع في الجزيرة في السودان من 300,000 إلى عدد غير محدود
في يوم الاثنين 24 نوفمبر وفي رد مصري سريع على بلاغ الحكومة البريطانية صدرت أوامر بترحيل القوات المصرية من السودان، كما استقالت الحكومة السعدية وتم حل البرلمان . وتم إعدام ثمانية مصريين متهمين بإغتيال السير لي لستاك.
قرار ترحيل الجيش المصري أصاب أنصار وحدة وادي النيل من المدنيين والعسكريين بإحباط شديد وحزن شديدين. فقررت وحدات من الجيش (سودانيون ومصريون) الإنقضاض على الجيش الإنجليزي والإنفراد بالسلطة في يوم 28 نوفمبر 1924 لكن المحاولة باءت بالفشل لسبب أساسي أن الوحدات التي وعدت بإلانضمام إلى المعركة من المصريين تراجعت في آخر لحظة لاسبابها.
فتم قتل وسجن وإعدام قادة المحاولة. وتم ترحيل الجيش المصري وكان حزن شديد قد خيم على الأفق تلك الأيام .. مثلا كتب شاعر الحقيبة الكبير ود الرضي يتحسر على الجيش الرحل ( يا حليل الجيش الرحل لو كان قريب بقى في زحل).
الحكومة البرطانية تتطالب بوقف حملات الكراهية:
إتهمت الحكومة البريطانية الحكومة المصرية بفك العنان وتمهيد الطريق للأشخاص والجماعات المتطرفة بإفشاء خطابات الكراهية ضد الإنجليز في مصر والسودان. مما ترتب عليه اجراءات جديدة من اهمها مراقبة المادة المنشورة في الصحف والمجلات والكتب كما خطب الجوامع وبرامج الأحزاب السياسية.
ويشمل ذلك طبعاً السودان. لذا منذ نهاية العام 1924 تخلق ما يشبه جهاز أمني مصغر يتبع لمديرية الخرطوم. ومن أهم مهامة مراقبة المادة الإعلامية التي تصل من مصر ومراقبة نشطاء ما يسمى بوحدة وادي النيل والتي كانت تمثل المعارضة الوحيدة الظاهرة للحكم الإنجليزي.
وهنا سيأتي دور البازار ووالده اليوناني الأصل إكتفانيس. وقد نقله الإنجليز من وظيفته الكبيرة كمتعهد لتوريد مستلزمات الجيش وأخشاب السفن إلى إدارة مكتبة صغيرة لكن دورها سيكون هاماً وخطيراً في توجيه الرأي العام.
وإستخدم إكتفانيس إبنه البازار وآخرين في المهمة وهي تحديد منفذ منظم للصادر والوارد من مواد ثفافية و فكرية و سياسية من مصر إلى السودان والعكس (زيارات متبادلة، جرائد، مجلات، كتب، صور، أسطوانات إلخ.. كل شيء) إذ ذلك هو منفذ السودانيين الوحيد الأوحد على العالم الخارجي قبل أن تنفتح لاحقاً سبل أخرى.
إذاً فهي مهمة في غاية الأهمية بالنسبة للحكومة البريطانية وأمن موظفيها وعامليها في مستعمرتيها مصر والسودان من النزعات الساعية إلى توحيد الشعبين ضد الإنجليز. وما مقتل اليسر لستاك في القاهرة 20 نوفمبر 1924 وأحداث 28 نوفمبر 1924 في السودان إلا نذيراً خطيراً نبه الحكومة البريطانية إلى فداحة الأزمة مما تطلب معالجات في عدة جبهات منها الفكر والثقافة والفن. وقد كانت خطط ناجحة في تقديري كون لم تتكر تلك الأحداث مرة أخرى حتى خروج الإنجليز من مصر والسودان.
وبعد قليل سيتولى الإبن البازار المهمة بالكامل تحت غطاء مكتبة لكنه في الحقيقة كان ذلك برنامج حكومة السودان بعد أحداث 1924 ومخطط له بدقة وعنده تمويل ورواتب وحوافز تصرف للعاملين والمتعاونين مع المكتبة من بشر عاديين وأفندية وشعراء ومغنين. وتقريباً (على سبيل المثال) جميع شعراء الحقيبة ومغنيها من رواد المكتبة والبعض يعمل مع البازار في توزيع الكتب والمجلات. وكان في لحظة ما الإشراف الرسمي على ذلك الجهاز الأمني يقع على عاتق مستر بيني مدير مديرية الخرطوم.
بعد العام 1940 بداية الحرب العالمية الثانية. وعدت الحكومة البريطانية الزعامات الأهلية والسياسية والأفندية بإستقلال السودان إذا ساهموا معها في النصر على إيطاليا وألمانيا وقد حدث.
ومنذ ذلك العام (1940) أوقفت بريطانيا جميع خططها في السودان وضمنها الثقافية. وكان آخر مشروعين وبعديهما لا شي هما: بخت الرضا 1936 والجمعية التشريعية (بذرة نظام ويستمنستر في السودان).
وضمن ذلك بدأ يتراجع دور البازار وبرنامجه حتى أفل نجمه بالكامل بعد العام 1956 إذ لا ضرورة. ولا يجب أن يُفهم عمل البازار بعقلية اليوم عن الأعمال الأمنية والسرية والمؤمراتية.. هذا خطأ.. إذ أن البازار كان ينفذ عملاً حكومياً وفق وظيفة بعينها مثله والمهندس خليل فرح افندي وجميع الأفندية وموظفي السكة حديد ومشروع الجزيرة والترماي. فقط كان دوره الأخطر لأنه مختص بالفضاءات الثقافية والفنية والفكرية كون أثرها ذا ديمومة.. وهو بالضبط ما حدث.
ذلك سرد عاجل أتمنى أن يكون فيه بعض الإضاءات التي قد تفيد نقاشكما الجاري: عثمان ومنعم الجزولي.
مع خالص الود.
ملاحظة: المداخلة طويلة فآثرت أن أعملها بوست وأضع الرابط في مكانه من بوست عثمان حامد سليمان
يعني اخوكم لو جاوب لحبيبنا دا يحي قباني سؤاله الوحيد أي فرمالته عن (طيور الفصاح) تاني ما عنده سؤال ح يقعد في البوست دا ميطي ونحن ناس قرطبة لا نرضي له ذلك😅
عشان كدا كدا!
09-27-2022, 09:38 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
خوجلي عثمان وسيد خليفة وعبد العزيز المبارك (اغنية يا سمحة) هناك أيضا رقص من فنانين كبار.. ما اسم هذا النوع من الرقص!.. شاهد الفيديو وراجع الرقيص في المداخلة السابقة!
نوع الرقيص دا اسمه شنو؟ .. الفيديو المرفق.. هل هو نمط أصيل وقديم؟.. لما تقول للزول في الحفلة تعال نرقص كيف بكون مفهوم نوع الرقيص (عرضة/صقرية-رقبة الخ) هل حسب الإيقاع، حسب اللحظة، كيف؟.. بالنسبة لي الرقص الفي الفيديو دا بيشبه نمط غربي اسمه (كومبيا) وتحديدا الكومبيا الانجليزية.. (امثلة لرقيص الكومبيا في مداخلة قادمة).. السؤال النوع دا من الرقيص اسمه شنو في السودان ؟. وما هي مرجعياته؟.. لمن عنده علم؟.. ربما لا اسم له.. لما؟
ذلك من نجاحات الخطة.. التمكين الأعظم.. شوف الناس دي راقت كيف من تلك السيوف التي لم يكن في غيرها!
09-28-2022, 01:42 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
Quote: يعني اخوكم لو جاوب لحبيبنا دا يحي قباني سؤاله الوحيد أي فرمالته عن (طيور الفصاح) تاني ما عنده سؤال ح يقعد في البوست دا ميطي ونحن ناس قرطبة لا نرضي له ذلك😅
عشان كدا كدا!
العواره خليها و جاوب ..
عموما نصبر .. و تدينا دليلك ان الفصاح هنا (عيد الفصح) ( و بالمرة تعترف تقول انك ما كنت فاهم الفرق بين عيد الفصح و عيد الصليب .. ما تنسى تقول انك غلطت ..)
و الادلة ما تكون من وحي خيالك ( الخصب) .. يعني ما تجي تسكب مداد على الفاضي ..
اثبت و لا قوف لف شوف ليك منبر تاني اسرح بالناس ..
قت لي انت و الطيب صالح فقط .. هههههههههههههههه
09-28-2022, 03:55 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
يا قباني، الراجل ما حا يرد على أي سؤال، لأنه ببساطة ما عنده ردود مقنعة.
تهربه من طلبي أنه يورّينا رابط بحثه هو جاوب عليهو في الفيديو الوارد في تعليقك في الدقيقة 45:18 لما قال أنه بحثه ما أكاديمي وهو رفض الارتباط بأي جامعة أو مؤسسة لأنه الحاجة دي بتحدّ من حريته. ده طبعًا تبرير غريب ومرّاقة من مطب أنه بحثه غير "مكتمل الأركان".
شغل الأخ محمد جمال للأسف مجرد بوستات متفرقة ومتهالكة وغير مترابطة. الحكاية كلها أنه لقى ليهو كلمات متشابهة سمّاها "مفتاحية" في قصيدتين تلاتة وعصرهم عصر عشان يعمّم الفكرة كسر رقبة بس بغرض الفرقعة الإعلامية والتقرب من الوزارات في حكومة الثورة للترويج لمشروعات هو ذكرها في الفيديو.
هو بيقول عنده 470 نموذج للمقارنات. أين هذه النماذج؟ غايتو ما شفت ليهو أي مقارنة للأوزان عشان كده هو ما قادر يعمل تفاعيل بين بيتين من نموذجين ومتهرب من أنه يعملها.
المهم، شعراء الحقيبة ديل ما من أهلي عشان أدافع عنهم، ولو ثبت من بحثه أنهم حرامية طوالي بنقول أنهم حرامية. لكن ده ما بيحصل إلا بعد ما نطّلع على بحثه الكامل والمكتمل الشروط ونحلّله تحليل دقيق. غير كده يبقى الحاجات اللي عملها بتبقى مجرد بوستات لا وزن لها.
تخريمة أولى: الأخ محمد جمال ذكر في الفيديو في الدقيقة 13:25جزء من قصيدة بتقول "شدولو وركب فوق مهرك الجمَّاح" على أساس أنها نموذج لقصيدة قديمة سبقت الحقيبة في سياق كلامه عن النمط الشعري الذي كان سائدًا آنذاك في السودان واللي بسببه الإنجليز وضعوا "خطة" لترويض الشعب السوداني وإلانة عريكته بأغاني الحقيبة التي تتحدث عن المحبوبة وتصف جمالها. هل يقصد الأخ محمد جمال قصيدة "الفارس الجحجاح" للشاعر عمر الحسين وغناء الراحل سيد خليفة؟ إذا بيقصد أغنية سيد خليفة، تبقى مصيبة.
تخريمة تانية: في الدقيقة 13:19، الأخ محمد جمال جاب في نفس السياق مثال "نحن أولاد بلد نقعد نقوم على كيفنا وفوق رقاب الناس مجرّب سيفنا" للجاغريو المولود في 1910، فهل كتب الجاغريو القصيدة دي وعمره أقل من 10 سنة ولا هي قصيدة ممكن تكون اتكتبت حتى بعد انتهاء فترة الحقيبة؟ على العموم، في كل الأحوال ده مثال غير موفق لأن الكلام كان عن شعر كان سائدًا قبل الاحتلال الإنجليزي.
09-28-2022, 07:33 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
لا.. مافي اجابة هسا.. لغاية ما اخلص.. انت يا قباني ما زول نقاش جاي تخرب البوست واضح من اول مداخلة ليك هنا من تاريخك مع بوستاتي .. انا بس بالحركات دي بحاول احفظ البوست من الفاظك عشان خاطر القراء من شتايمك المجانية.. ثم انا صاحب البوست مما ممكن اجاريك انت عارف عشان كدا ماخد راحتك.
09-28-2022, 07:34 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
استاذ محمد صديق.. طلب المرة دي موضوعي ومنطقي.. انت في بروفايلك كاتب بس معلومتين واللهي مقيم في UK وانك متزوج وطبعا نحن نحترم.
لكن ما دام انت بتتحدث معانا عن العلمي والاكاديمي اتمنى نتعرف عليك من هذا الجانب: من اي جامعة تخرجت واي تخصص ومتى (التاريخ).. عشان نناديك باللقب اللازم.. اخوك معلوماته في البروفايل ولو في حاجة ناقصة اتمها ليك.
بس دا الطلب لو سمحت بس ضروري
09-28-2022, 11:14 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
واما محاولتي لصد اخونا قباني عن حرف البوست متواصلة بالصبر و والتحيات الزاكيات.. وبعض العوارات التي تعادل العوارات = حاجة موجبة اي -1* -1 = +1 موجب.. حتى الان
هناك محاولات صعبة لحفظ توازن البوست من هوام الزجل.
برجع بهدوء نهاية اليوم.
كل الود
09-29-2022, 02:13 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
دا بروفايلك في الفيسبوك اخ محمد صديق عبد الله.. احد الاصدقاء ارسل لي هذا البروفايل باعتباره لك.. ومعذرة مقدما لصاحب البروفايل ان لم يكن لك. فقط عايزين نعرفك عشان نفهم بعض افضل.. بوصف انك فارض نفسك علينا بالعافية.. ولا مفر.. ليس الا!.تحيات
بالنسبة ليك يحي قباني افتح بوست خاص بيك وانا وعد اجيك فيه.. سميه مثلا (طيور الفصاح) وانا بجيك فيه ونشوف اخرتها .. لان واضح انك هنا هدفك ارباك هذا البوست لانك مرعوب من خيالاتك الذاتية عن الحقيبة والزجل وحسادات منك.. حسب ما سمعت من الناس.. انا للاسف ما بعرف شخصك الفخيم! --- يا جماعة الزول اسوي شنو مع الانواع دي.. افتكر البوست وصل مستوى معقول لردع الشوارد!
09-29-2022, 04:47 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: بالنسبة ليك يحي قباني افتح بوست خاص بيك وانا وعد اجيك فيه.. سميه مثلا (طيور الفصاح) وانا بجيك فيه ونشوف اخرتها .. لان واضح انك هنا هدفك ارباك هذا البوست لانك مرعوب من خيالاتك الذاتية عن الحقيبة والزجل وحسادات منك.. حسب ما سمعت من الناس.. انا للاسف ما بعرف شخصك الفخيم! --- يا جماعة الزول اسوي شنو مع الانواع دي.. افتكر البوست وصل مستوى معقول لردع الشوارد!
جنس عواره ..
و طيور الفصاح ما ماشي بيها اي محل ..
يا تجيب دليلك هنا يا تقول انك ما فاهم ..
الزوغان ما بحلك..
شغل شفّع بس ..
09-29-2022, 04:58 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
مستوى عجيب فعلا.. بس لازم نصبر.. عزيزي القاري معليش .. اخد المفيد واترك الغثاء من اي جهة جاء.. نحن احيانا نضطر غصبا عننا للتعامل مع مثل هذه الحالات الحرجة.. التي بسببها شردو ناس كتيرين من هذا المنبر المهم!
09-29-2022, 09:52 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1532
Quote: هل دا بروفايلك في الفيسبوك اخ محمد صديق عبد الله.. احد الاصدقاء ارسل لي هذا البروفايل باعتباره لك.. ومعذرة مقدما لصاحب البروفايل ان لم يكن لك. فقط عايزين نعرفك عشان نفهم بعض افضل.. بوصف انك فارض نفسك علينا بالعافية.. ولا مفر.. ليس الا!.
يا أخي محمد جمال، إنت سرحت بعيد شديد وحمَّلت الأمور أكتر مما تحتمل. ولغاية الآن أنا بقول ليك إنت زول مجتهد وحرام جهدك ده يروح هباء منثورًا. إنت محتاج لمن ينتقدك أكتر من الناس اللي بتشكّرك.
لو ملاحظ أنا حتى الآن مختلف معاك على الوسيلة وليس النتيجة. انتقادي ليك في أنك وصلت لنتائج أنا شايف إنك ما اتبعت الوسائل المناسبة للتوصل إليها، ولذلك طلبت منك تُطلعنا على البحث كاملاً. أنا ما بيهمني إذا ثبت أو لم يثبت أنه ناس الحقيبة استفادوا من الزجل ونظموا على منواله. إنت بتبحث عن حقيقة وإذا وجدتها وأنا اقتنعت بيها، ما عندي أي مصلحة أني أرفضها. ولو ما اقتنعت بيها، حا أكتب أسباب موضوعية لعدم اقتناعي. ما حا أقول أنا ما مقتنع بيها لأنها جات من محمد جمال، لأنه زي ما قلت إنت ما في معرفة بينا ولا تضارب مصالح ولا خلاف سياسي.
أما حكاية أني فارض نفسي عليك وأني لازم أشطب آرائي التي لا تعجبك، فهذا كلام غريب، لأني ما جيتك في حسابك على الفيسبوك. إنت طرحت موضوع عام وفي منبر عام وأنا دخلت أشارك بكل احترام.
بعدين، شايفك تركت الموضوع وبقيت تساكك عشان تعرف شخصيتي وكمان بتستعين بأصدقاء للبحث عن هويتي. ما عارف سبب استعجالك لدرجة إنك تجيب صورة بروفايل في الفيسبوك بدون إذن من صاحبها. طيب لو طلعت ده أنا، الخطوة اللي بعديها شنو؟ بس ما تكون عايز تقحم في الموضوع مؤامرات واستهداف سياسي وحسادة أو تطعن في شخصيتي من باب الانتقام؟ لو دخلت في أوهام زي دي تاني ما بتطلع منها، ولذلك أنصحك بأنه تركّز في النقاش وترد على محاوريك ردود مباشرة.
ملاحظات وتحيات لأخونا محمد صديق عبد الله عطفاً على مداخلة الخواض أعلاه:
1- سؤالي لم يكن عن خلفية أخونا الجهوية أو القبلية أو النسب والحسب ولا الإنتماء السياسي، إنما سؤال بسيط مشروع ومبرر.. لأن الأخ الدكتور يتحدث عن قواعد ومناهج البحث العلمي ويحاول أن يعلمني شخصياً (على العين والراس) تلك المناهج.. أليس من حقك أن تعرف تخصص أستاذك؟. طبعاً بديهي جداً أظن.
2- نحن ممكن نتعلم من أبسط الناس والأميين اكاديمياً وستات الشاي وبتوع والورنيش حكم ومثل وقيم أكثر مما قد نتعلم من المتعلمين.. مرة ثانية سؤالي لا علاقة له بالنقاش وجدارة المناقشين بقدر ما هو سؤال لشخص قال أنه معلم في قواعد البحث العلمي (هنا ما في نقاش) دا أستاذ نتعرف عليه ونحترم.
3- طبعاً نعرف كلنا أن رحلة العلم تبداً من المهد إلى اللحد كما يقولون.. ما فينا زول كبير على التعلم من بعضنا البعض.. لكن الأخ محمد صديق له الود وضع الشيء في غير مكانه.. إذ جاءني في بوست القواعد ورحبت بي كما يجب.. وفجأة جاب مادة إنجليزية طويلة في بوست يتكلم عن العامية السودانية.. لظن أن دا بحث وصاحبه ما بعرف كفاية قواعد البحث. قلت ليه عشرة مرات وبررت ليه دا (دا بوست) ما بحث. وحلف ليه القسم عديل.
البحث لازم يكون عنده في المقدمات: صفته المحددة وموضوعه وإشكاليته ومناهجه ووسائله المحددة وتحدياته وكيفية حلها إلخ. وكل ذلك مكتوب كتابة. دا مافي هنا (في البوستات دي).
إبقى إذا دا مافي انت عرفت كيف دا بحث (سؤال بسيط) وعرفت كيف أن صاحبه ما بعرف كفاية لقواعد البحث (مادام هو ما كتب منهجيته هنا أصلاً).. طبعاً ما ممكن. إذن انت بتحاكم النوايا.. أيوة عندي نية بحث لكن بوست القواعد دا ما البحث.. دا مجرد نداء لطلب العون في الأمر المحدد. وكذلك بوست رواد الحقيبة هذا.
4- تاني جيت هنا تحدثت عن القواعد وعدم معرفة الناس بالقواعد وهلمجرا. وانت لسا ما شفت البحث (بحث الحقيبة.. لأنك طالبت به). كيف عرفت أن البحث وصل للنتيجة بدون منهجية.. دا كلام غريب.
شرح: البحث لسا ما نشر لأنه كتير جداً حوالي 6000 صفحة.. ما لقيت دار نشر مناسبة. وبصراحة لانه حاجة سودانية خالصة ما عايز أنشره في دار نشر أخرى إلا سودانية. ثم المستلزمات الأخرى كتيرة بتاعة النش وانا وبراي ومحاصر والبلد محاصرة وفي قبضة أمنية.
فنشرت الخلاصات الاولية. لغاية ما أقدر أنشر البحث كاملاً. ونشرت مع الخلاصات حوالي 144 مقالة شارحة (في فترات لاحقة). وميات البوستات في الفيسبوك وسودانيزأونلاين والراكوبة والصحف السودانية وعدد من إذاعات وتلفزيونات السودان.
وأهم شيء الناس لازم تتذكر أنني باحث مستقل. فالبحث لا يتبع لجامعة ولا مؤسسة ولا دولة. عمل بتاع زول واحد يساعده الأصحاب والأهل طوعاً رأفةً به .. وهسا برضو الناس الزي أستاذنا محمد صديق دا.. ممكن في المستقل وإن شاءوا.. كل الود.
5- ملاحظة هامة جداً: ليس من أهداف هذا البوست إقناع القاري أو المشارك بأي شي كان.. بل المطلوب رأي أي كان (مع أو ضد فهو مفيد بذات القدر ولو أمكن مع مبرراته) في النماذج المطروحة هنا وهي جزء أساسي من المنهجية التي أعتمد عليها البحث (المنهج المقارن) للوصول إلى أن الحقيبة (الزجل منها) ينتمي إلى نوعية/نمطية الزجل الأندلسي وهو نوع من الفنون الشعرية الغنائية الشعبية.. نشأ أو ما نشأ في الاندلس ثم أنتشر في كل الأرجاء قبل وبعد إنهيار الأندلس وكل الوقت. وما زال يمارس حتى هذه اللحظة عند كل الشعوب في الأقليم من المحيط للخليج.
ذلك هو هدف البوست.
فأنا غير مبشر بشئ. نتائج البحوث أي كانت فائدتها في الفائدة العملية والنظرية التي يجنيها منها الناس في أرض الواقع. إذ هي ليست أيديولوجيا أو مذهب ديني أو حزب سياسي ليبشر بها الناس صحابها. هدف هذا البوست إنو الناس تعاين براحة للنماذج المطروحة.. هل مناسبة، متطابقة أم لا؟. الإجابة بالنسبة لي مفيدة بذات القدر في الحالين. لأن البحث لم يكن في النوع الشعري وحده وهو مهم بل أيضاً متعلق بالظروف السياسية والإجتماعية التي نشأ فيها النمط الشعري وهناك تحليك آنثروبولوجي.
هذه الملاحظة مهمة عندي.. لطفاً.
عجبك الكلام (النتيجة) عجبتك ما عجبتك خليها (اتحدث عموماً هنا لا أعنيك رفيق). داير تقول رايك قولوا خير شر ما مشكلة. وما بالضرورة ترجى مني رد. دا رايك والناس (القراء) هسا وفي المستقبل هم الحكم.
زي مثلاً رأيك (هذه المرة أحدثك شخصياً مع الود) رأيك في لقاء سودانية 24 .. دا رأيك وللآخرين رأي تاني (ممكن) من شعوب الأرض. شوف التعليقات في اليوتوب شكلها شنو (مثلاً).
اللقاء كان عفوياً والسيدة المقدمة للقاء تلك الشابة البديعة الباهرة.. أتفقت معاي منذ البدء تعمل لي ما يسمونه تمييز إيجابي لأني ضيف للتو أصل السودان.. ولأن الموضوع غير مطروق ولأن هو موضوعي وحدي لم أكن مثلاً أتحدث عن حكومة حمدوك أو قوت الشعب.
عشان كدا ماخد راحتي. ولأن اللقاءات والندوات الآخرى معظمها لم تكن مشبعة للناس العايزة تعرف الموضوع لأن فيها معاي مناقشون آخرون أخدوا نفس زمني ولذا لم تتضح للمستمعين الصورة كامة مما حدا بسودانية 24 (شكراً) يدوني قصداً كل الزمن وقالو لي اسرح على كيف بس ورينا الخلاصات الممكنة (الزيت). ودا الحصل والقدرت عليه.
واللقاء عجب الناس شديد حسب ما قريت وسمعت.. ولو في ناس ما عجبهم دا شيء طبيعي. أخوك أصلاً ما فنان جماهيري ولا سياسي ح أدخل إنتخابات برلمانية .. عجبك عجبك ما عجبك أنت محترم عندي (عموماً لا اعنيك هذه المرة) وأحبك بذات القدر.
وأنت صديقي أو أستاذي (أعنيك هذه المرة) قدمت نصائج جيدة.. شكراً.. نشوفها ونستفيد منها بإذن الله إن قدرنا. بس مرة تانية دا ما موضوع للنقاش.. أظن. يعني ما منطقي أقول ليك لا: بس أنا حل وبنامج سودانية أجمل حاجة في العالم!. أنا بفهم بأن دا رأيك المحترم وخلاص.. وتلك نصائح منك وأنا حسب فهمي ليها.
هدف هذا البوست إنو الناس تعاين برحة للنماذج المطروحة.. هل مناسبة، متطابقة أم لا؟. الإجابة بالنسبة لي مفيدة بذات القدر في الحالين. لأن البحث لم يكن في النوع الشعري وحده وهو مهم بل أيضاً متعلق بالظروف السياسية والإجتماعية التي نشأ فيها النمط الشعري وهناك تحليك آنثروبولوجي.
وأخيراً:
6- إن كانت هذه النقاط واضحة أو فيها منطقية كافية فهذا عهد جديد بيننا يا صديق وحتماً ح تكون مفيد لي وأتشرف. بالذات عندما أطلب منك الشيء إن اذنت لي.. لأنني وحدي أعرف على وجه الدقة ما ينقصني. انا هسا شغال في أكتر من 11 بحث Freelance جلها متعلقة بالسودان سياسة وثقافة وأنثروبولوجيا وتاريخ.. ما عدا القليل منها مثل أزمة اللون الأسود فهي أشمل.
البحث الحر من هواياتي.. تلك هي القضية (قضيتي وحدي طبعاً).
ولدي طبعاً معلمون آخرون أجلاء.. بيننا التعاون اليومي والفائدة المشتركة والإحترام.. وبحث الحقيبة تعاون معي في إنجازه 35 ولد وبنت زي مؤهلين بدرجات مختلفة وأولي عزم.. منهم 11 حامل دكتوراة وماجستير.. والبقية 90% بكلريوس. وهم أيضاً معي في مشروع السودان200: توثيق الماضي، فهم الحاضر تخطيط المستقل (في ذات الاوان) مادة المشروع ايضاً منشورة بهذا المنبر وفي كل الأمكنة الممكنة.
مرة ثانية بعد القسم: هذا البوست خاص بمحاولة إستنباط قواعد العامية الوسطسودانية من ذائقة ذاتية خاصة (كوني صاحبه متحدثها بالأصالة) وأحببت أن أشركها الآخرين في هذا المنبر.. ليست بحث علمي ولا نتيجة بحث علمي.
سيد عبد العزيز (الغصن الرطيب) وإبن قزمان أو القصيدة الحوزية (عطر الروض)
وسنأتي أيضاً (هذا الويكند إند) على طيور الفصاح مع بقية الطيور البهية مثلاً: بـــلـــبـــــــــل مــــــع الــــمـــنــــيــــــــار فـــــوق مـــنـــــــابـــــر الأشـــــجــــــــار صبحو يــخـــــطـــبــــــوا (ابن قزمان)
والـبلبل الـغريد يـدور عـلي منبر الاغصان خطيب (سيد عبد العزيز)
المنيار طائر من أروع الطيور غناءاً وهو طائر صغير نادر ولونه اخضر وله سيالة صفراء.. والبلبل طبعاً معلوم.. والبلبل والمنيار والحمام ثم بعض الشيء القمري من اهم الطيور التي حفل بها الزجل الأندلسي ووريثه الحوزي كدلالة على تهييج الذكريات والحنين.
وهدفنا محاولة النظر معاً في حقيقة وحدة النمط من عدمه (في هذا البوست المتشابك).. وهذه هي المقارنة مفصلة لمزيد من التأمل الجماعي "في المداخلة المقبلة":
09-29-2022, 09:58 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
مقارنة بين سيد عبد العزيز في (يا مداعب الغصن الرطيب) من نمط الحقيبة وإبن قزمان في (عطر الروض) من نمط الزجل الأندلسي.
ربما تكون مقارنة مدهشة للبعض منا (وعد).. القصيدتان كاملتان مرفقات آخر الكلام.
ماذا يجري هنا، أن هناك قصيدتين (أغنيتين) كتبتا في زمنين مختلفين (الاولى 1150م تقريباُ وظل يرددها الناس في المغارب والمشارق حتى تاريخ اليوم ونظموا على منوالها كل الوقت والثانية قبل 90 سنة تقريباً (1930م) وفي مكانيين مختلفين في الجغرافيا والبيئة) لكن نجد أن التفعيلة والوزن والكلمات المفتاحية وبناء القصيدة والصور الحسية الوصفية شبه متطابقة كما الأخيلة الشعرية المعنوية، ذلك أن: هناك حديقة/روض/روضة خضراء يانعة وأن هناك طيور تغني في الحالين وأن الحديقة مزهرة وأن لا شيء يعكر الجو، من ملامح وصف الطبيعة في الحالين إذ لا يوجد رقيب ولا واشي في الحالين عكس الصورة في حتات تانية في الحالتين الأندلسية والحقبنجية السودانية وبالتالي هذه المرة: هيا نتدرج الإثنيـــــــــــن مابين الأشجــــــــــــــار نتمشى يــا إنســـــــــــان ســـــــــــاعة "في الروض الأندلسي" (ابن قزمان)
أنا وأنت في الروض يا حبيب.. راق النسيم وحلى للمرور "يعني هيا نتدرج ونتمشى ساعة في الروض الأمدرماني" (سيد عبد العزيز). وكلمة ساعة واردة في الحالين مع إختلاف وظيفتها في الاولى الأندلسية ساعة زمن بمعنى بعض الوقت "اللذيذ" وفي الثانية السودانية الساعة تعني توقيت مناسب للتمشي والتجوال اللذيذ والمتعة مع الحبيب في الروض الخصيب.
وكما نرى أن الصور الشعرية والأخيلة شبه متطابقة مع إختلافات فقط في إستخدام اللغة. فإننا نجد أيضاً الجرس الموسيقي شبه متطابق مع قافية في بعض الأحيان متطابقة. زيادة على ذلك هناك عدد من الجمل الكاملة او/و الكلمات المفتاحية مكررة/متطابقة في العملين:
قصدي نقيــــــــــم سهرا أنا والحبيــــــــــــــــب (إبن قزمان) أنا وأنت في الروض يا حبيب (سيد عبد العزيز) --- أنضر نعمـــــــــــة القدرا في الروض العجيــــب (ابن قزمان) والروضة في موقع خصيب (سيد عبد العزيز)
لابـــــــــــس حلة خضرا والغصن الــرطيــــــب (إبن قزمان) يا مداعب الغصن الرطيب (سيد عبد العزيز).
وأهم شيء والذي ربما حيَّر الملاحظ المتأمل أن المناسبتين حدثتا في يوم مناسبة مسيحية وهي يوم عيد الصليب (الفصح أو الفصاح وأصلاً هي الفساح بالعبري) وأن في الحالين (الحبيبة مسيحية الديانة) وان الطيور كانت تغني منشرحة في هذا اليوم الاندلسي الصليبي العجيب الذي تكرر في ام درمان:
ما غنت على الأغصــــان طيور الفصــــــــــــاح (الفصح هو عيد الصليب) ابن قزمان
في الروض غنى العندليب ورددوا غناه الطيور ترتيل أناشيد الحبور وفتيانها يوم عيد الصليب (سيد عبد العزيز)
والـبلبل الـغريد يـدور عـلي منبر الاغصان خطيب (سيد عبد العزيز)
شبه الثريــــــــــــــــــا حين جــــــــــــاد بوصالي (ابن قزمان)
دنت الثريا بقت قريب (سيد عبد العزيز)
كما أن الصورة الكلية في الحالين واضح من السياق انها متخيلة وليست حقيقية وهذه ملاحظة هامة جدا وكأنها الحنين إلى فردوس غائب/مفقود!.
تعليق: ذلك هو فن الزجل، كل قصيدة عندها مرجعية وأصل لأنه نوع شعري يتناسل من بعضه البعض (فن المجاراة) فكل قصيدة (غنية) عندها أم وأب وعندها جد وجدة وعشيرة وقبيلة وعندها مرجعيتها الجينية الكلية في الزجل الأندلسي.. وكل وليد يأتي أكثر جمالاً وكمالاً من أهله وهذا ما حدث هذه اللحظة فجاءت يا مداعب الغصن الرطيب لسيدها سيد عبد العزيز زاهية وباهية وطاعمة أكثر بكثير من جدتها الأولي (الغصن الرطيب لسيدها إبن قزمان).
09-29-2022, 09:58 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
هل كان رواد الحقيبة يعرفون بأن الحقيبة زجل؟ وفق زعم البحث والباحث.. ولم يقولوا بذلك صراحة؟.. ربما تكون الإجابة “نعم”!.. وعرفنا ذلك من ذكرهم لكلمة (زجل) في أشعارهم وطريقة نظم القصيدة الزجلية والكلمات المفتاحية المشتركة مع الزجل. وسنحاول تعضيد هذا الزعم بعدد من المقاطع المشتركة وواضحة التطابق مع مفردة الزجل وطريقة نظمه.
قد يقول قائل متعجل وهو محق: وما المشكلة!. هل إن كتب الشاعر قصيدة مشابهة أو كانت بذات طريقة النظم والقافية أو حوت كلمات مشابهة عبر التناص وهكذا. فهل لا بد أن يكتب تحت قصيدته المصدر!. لا.. في هذه الحالة لا. إنه تأثر طبيعي أو تناص.
ولكن نحن لا نتحدث عن ذلك التأثر أو التناص (الطبيعي والتلقائي) هذه المرة بل نتحدث عن مجاراة.. والمجارة فن من فنون الشعر قديمة ومعروفة ولها أدبها وأعرافها وقواعدها.
عندما تجاري أنت ملزم أن تقول أنني جاريت فلان الفلاني في القصيدة الفلان الفلانية. ومثل ذلك فعل ود الرضي مع العبادي والعكس حدث. إذ كلنا يعلم أن ود الرضي جارى العبادي في القصيدة المحددة كما أن العبادي جارى ود الرضي في القصيدة المحددة وهما يعلمان وقالا بذلك.
وذلك مجرد مثال للمجاراة أو التشطير الذي فعله شعراء الحقيبة مع بعضهم البعض فهو معلوم بالنسبة لهم والقصائد التي جاروها والتي نتجت عن المجاراة معلومة للناس وموثقة.
ما عدا المجاراة "الأصل" الأولى لزجالين قدامى (سنحددهم لاحقاً بالإسم ونضع نماذج للقصائد والمقاطع التي تمت مجاراتها) مجاراة وليس تأثرا أو تناصا.
والمجاراة في اللغة والإصطلاح هي: جَارَاهُ فِي عَمَلِهِ : سَايَرَهُ جَارَاهُ فِي أَمْرِهِ : وَافقَهُ فِيهِ جارى التيّارَ: سار معه، تكيَّف معه، مجاراةً له: مسايرةً له (المعجم الوسيط)
والمجاراة في الشعر هي: انك تتبع قصيدة ما لشاعر بعينه (معلوم لديك) وتفعل مثل طريقة النظم أو/و القافية أو/و الوزن أو/و المعني والصور الشعرية التي أخترعها هو أولاً.
فالمجاراة تعني المتابعة والالتزام بالنص الاول في النظم او/و المعنى.
وبالرجوع إلى موضوعنا هنا فإننا وجدنا أن شعراء الحقيبة تأثروا بنمطية الزجل الأندلسي وتحديداً (الحوزي والمملوكي) منه .. وبالإضافة إلى ذلك التأثر الطبيعي والتلقائي فقد جاروا قصائداً أو مقاطع لقصائد بعينها لشعراء (زجالين بعينهم) لكنهم لم يقولوا ذلك حد علمنا وفق الوثائق المتوفرة لنا حتى الآن. مع ملاحظة أننا هنا لا نقييم (لا ذم ولا مدح) فقط حديث عن الحقيقة (الزعم). وكوننا لا نعلم الأسباب إلا أن نخمنها كما يتطلب الأمر في أعراف المجاراة.
ولدينا مشاهد مصورة لثلاثة من شعراء الحقيبة يقولون أن الحقيبة بدأت كمجاراة لشعراء السافل. ولم يقولوا مجاراة أيضاً للزجل الأندلسي. وقد وجدنا عبر البحث أن القسم الزجلي من الحقيبة لا علاقة له من حيث المفردة وتصاريفها (القاموس) والنظم والمخيال بشعر السافل.
وهم يعنون بالسافل في الأساس شعراء كبوشية والمتمة وشندي وبربر .. ووجدنا أن العلاقة بالزجل الأندلسي مادية الوضوح. والزجل من الحقيبة (الحقيبة ثلاثة أقسام) والزجلي منها هو النوع المحتفى به من شعر الحقيبة والذي سجل في أسطوانات في القاهرة بين الأعوام 1926-1940 (1940 بداية الحربة العالمية الثانية نقطة تحول مهمة في تاريح السياسة والثقافة وخطط الإنجليز في السودان).
وبغض النظر عن كل ذلك قلنا أن معرفتنا للنوع الشعري وخلفيته النمطية تساعدنا في التعرف على قواعده المتوارثة وتطورها عبر الزمان.
وبالتالي نستطيع أن نقيم الغث من السمين ونتعرف على البناء الداخلي للقصيدة على بينة من امرنا كما قاموسها وما إلى ذلك.
وتعرفنا عبر البحث أن العبادي جارى وتأثر بإبن مقاتل وصفي الدين الحلي وأن الخليل تأثر بكمال الدين بن النبيه وعمر بن أبي ربيعة وجمال الدين الغباري وإبن زمرك الأندلسي. وإن بطران وأحمد العمري تأثرا بالحموي وصفي الدين الحلي وإبن النبيه.
وأن سيد عبد العزيز جارى إبن قزمان والتلمساني وأن أبو صلاح جارى أحمد بن التريكي والتلمساني وأن أحمد حسين العمرابي جارى زجليات مملوكية وحوزية (راجع روابط المقارنات ختام هذه السرد).
كيف عرفنا أنهم يعرفون (على الأقل بعضهم يعرفون الأصل من النظم وبعضهم تدرب على المجاراة).
عرفنا منهم هم ذاتهم بطريقة غير مباشرة ثم من طريقة النظم ومفردة القصيدة التاريخية الوافدة من عاميات سالفة وشبه منقرضة.
وبعض شعراء الحقيبة ذكروا كلمة "زجل" حرفيا عديد المرات (العبادي، أبو صلاح، عبيد عبد الرحمن) أمثلة لا حصرية.
وكانوا يعرفون أنه نوع شعري باهر "حلو". كون الزجل موصوفا حرفياً بالحلاوة. وألف فيه صفي الدين الحلي (1330م) كتاباً أسماه (العاطل الحالي) ويعني بالحالي أنه عاطل عن الإعراب وعن الأبحر الشعرية الرسمية لكنه بعد حالي.
وأنشد إبن قزمان (1150م):
أنا لفظـــي بان
جـوهر و مرجـــان
زجلي حـــِـــلا على اللســـان.
وأنشد إبن زمرق:
قال بن زمرق أصغى و ناول .. زجلي رشيق صعب المناول
وأنشد آخر:
أنكمل زجلي موفق بالتمـــــــام .. صغته عن من سبـــــاني يا خي (زجل أندلسي)
وهذه نماذج تؤكد أن رواد الحقيبة الأساسيين كانوا فيما يبدو يعرفون معنى كلمة "زجل" في مستواها الإصطلاحي (نوع شعري). وكانوا يعرفون أنه نمط معسول من الكلام المنظوم "حالي، عسل، باهر":
انشِي شعري و"زجلي" وموالي... في ثَناك قليل يا جميل (العبادي)
ضاع صبري زاد من نار الصدود وجلي.. يامعاني الشـعر و"الزَّجــــــــلِ”
يا بيت القصيد يا روح "الزَّجــــــــلِ" (عبيد عبد الرحمن)
مالت على الأغصان تصتنت الزجل (أبو صلاح).
لو رد السلام بحكمة و خجل .. كنا نقول كلام احلى من "الزجل" .. (عبد العزيز سيد احمد، متأثراً بالحقيبة إذ لا قبله ولا بعده وفق رصد البحث في 2017).
في كل تلك المرات جاءت كلمة زجل موعية ومعنية بمعني حالي، باهر، عظيم.
هذه الكلمة "زجل" بمعناها الإصطلاحي لا توجد في أي منهج دراسي سوداني معلوم (قديم أم حديث) و لا خلوة ولا مدايح ولا قرآن.. حد هذا العلم.
ولم ترد في الشعر العربي الكلاسيكي مطلقا كون الزجل أصلاً فن عامي وليس فصيحاً بل ممنوع فيه التعريب حسب رائده الأول إبن قزمان (وجردت فني هذا من الإعـراب كما يجرد السيف من القراب / فمن دخل علي من هذا الباب / فقد أخـطـأ ومـا أصـاب).
أي أن الزجل فن عامي لا يصح فيه التعريب لأنه إذن يفسد التفاعيل فالوزن ويخفي رونق النظم.. حسب إبن قزمان.
وجاء في المقدمة لابن خلدون: "لما شاع فنُّ التوشيح في أهل الأندلس، وأخذ به الجمهور لسلاسته وتنميق كلامه وترصيع أجزائه، نسجت العامة من أهل الأمصار على منواله، ونظموا في طريقتهم بلغتهم الحضرية من غير أن يلتزموا فيه إعراباً، واستحدثوا فناً سموه بالزجل، والتزموا النظم فيه على مناحيهم إلى هذا العهد فجاءوا فيه بالغرائب واتسع فيه للبلاغة مجال، بحسب لغتهم المستعجمة".
إبن خلدون يقول لغتهم المستعجمة. ويعني زجالي الأندلس آنذاك. وقلنا أن الحقيبة من نمط الزجل. فهل الحقيبة أيضاً مستعجمة!. نعم طبعاً، برغم الكلمات الفريدة الرنانة "الوافدة من التاريخ" فإنها غير معربة (لا تجري على قواعد النحو والإعراب في اللغة الفصيحة ولا على أوزان أبحر الخليل وتفاعيلها) كما أن كثير من تصاريفها غريبة على العربية كما أنها غريبة على العامية الوسطسودانية الحاضنة لشعر الحقيبة.
وطبعاً نحن لم نستند فقط على ورود كلمة زجل في الحقيبة لنقول أنها إذن زجل.. لا بل لدينا بحث متكامل حوى 470 إنموذجاً مقارن في النظم والمفردة بين أشعار الحقيبة وأزجال أندلسية وحوزية ومملوكية. وخلص البحث إلى أن الحقيبة إبداع سوداني أصيل من نمطية الزجل الأندلسي (توجد روابط ختام هذا السرد للمقارنات المعنية).
نرجع إلى السؤال إذاً لماذا تم إخفاء المصدر (المنبع) عن الناس كل هذا الوقت حسب هذا الزعم!.
الإجابة في تقديري: خشية أن يرفض الناس النمط كونه جاء بديلاً رسمياً لفن الطنبور والفنون السودانية السائدة والمحبوبة والمعروفة للناس آنذاك من دوبيت وحماسة ومناحة.. ونعرف أنه كانت هناك حرب معلومة بين الطنابرة (الحرس القديم) ورواد الحقيبة (العهد الجديد) والذين كانوا مؤيدين رسمياً من الدولة حسب ما خلص اليه البحث وفق الادلة المتوفرة.
والسبب التاني خشية الإتهام بعدم الأصالة (زعم).
وما ذلك إلا تخمين مني حيال الأسباب إعتماداً على أدلة ظرفية بحيث أنني وجدت أن: العبادي وخليل واحمد العمري وبطران وأبو صلاح وأحمد حسين العمرابي وسيد عبد العزيز وعبيد عبد الرحمن اقتفوا أثر أصول زجلية مباشرة ولم تكن مجاراة أو محاكاة لنمط الحقيبة من زملاء الصنعة كما فعل البعض الآخر.. وذلك الأثر أو المجاراة تتفاوت في وضوحها بين شاعر وآخر.. وأظهر أنواع المجاراة وجدتها عند سيد عبد العزيز وابو صلاح والعمرابي. والعبادي وخليل أثر واضح بغير مجاراة واضحة.
وهل للمعرفة بخلفية الحقيبة فائدة!
نعم، لذلك فوائد جمة في تقديري .. أهمها معرفة أصل مفردة الحقيبة الغريبة المتفردة وطريقة النظم وبناء القصيدة المختلفين في كل شئ تقريباً والذَيْن لم نعهدهما في السودان من قبل، فهناك فنون أخرى.. وفي ذلك سر إنتهاء "نظم" الحقيبة إذ لا يوجد في المخيال الشعبي.. كل ذلك بجانب الفائدة العظمى وهي الحقيقة المجردة. مع العلم أن الحقيبة ثلاثة أقسام والنوع الزجلي الخالص واحد فقط من الثلاثة.
وهل للمعرفة سلبيات: لا، طبعاً لا، المعرفة ما صحت المعرفة فإنها غاية الغايات وجوهر الحضارات. الشئ السالب الوحيد الأتعاب التي ظل يتعرض لها الباحث (الشقي) ولكن تلك ضريبة لا بد منها في مجتمع سحري (تاريخي) يكره الموضوعية في زمانه هذا، كثير الصراعات السياسية والإنشقاقات المجتمعية مترع بخطابات الكراهية والتدمير الذاتي والحسادات (زعم ذاتي).
وفي ختام هذا السرد أضع عدة نماذج مقارنة لمجاراة صريحة بين عدد من رواد شعر الحقيبة وزجالين من أزمان مختلفة سابقة للحقيبة.. فربما تجد الكلمات المفتاحية مكررة كل مرة وأخرى وربما تجد االصورة الشعرية هي ذاتها كما التفعيلة والوزن والقافية متطابقة في كثير المرات كما المعانى:
09-29-2022, 10:04 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
سنـاتي بالمزيد من النماذج المقارنة لاحقاً .. وأهم شي تفصيل لطريقة النظم والسيادة المشتركة للمفردة (الكلمات المفتاحية) والمخيال بين الحقيبة والزجل.. بعد أن نصل إلى مستوى معقول من إلقاء أضواء إضافية على مقارنة سيد عبد العزيز والقصيدة الزجلية الحوزية.. كل الود.. وصبراً رفاق
عندي يوم زحمة وصعب.. أصلاً زي ما كتبت امس كنت ح أجيكم بكراً لأن الليلة ما كان في زمن كفاية للكتابة.. بس بالصدفة تذكرت في مذكرة قديمة تعرضت فيها مرة من المرات لمقارنة سيد عبد العزيز وإبن قزمان.. والمذكرة المعنية في المداخلة المقبلة وبكرا ان ربنا هون مزيد من الضوء على المقارنة
09-30-2022, 08:10 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5353
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد صديق عبد الله
محمد عبد الله الحسين
محمد جمال الدين
يحي قباني
Ahmed Yassin
Khalid Basheer
Abdelrahim Mohmed Salih
osama elkhawad
فيس بوك
تويتر
انستقرام
يوتيوب
بنتيريست