|
|
 مالذ وطاب في نكت اهلنا الرباطاب
|
اولا لابد ان نتفق انها مامساخة وانما رد سريع وسرعة بديهة لاي سؤال مافي محلو
واحد رباطابي راكب القطر قاعد جنب الشباك فطلب منه الشخص الجالس جنبو ممكن اقعد جنب الشباك عشان انا بسف السـعوط وبتف فقال له وانا بسف وببلع
|
|
 
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
وينك..يا متولي...
قالوا في واحد ادروب شاحن ليهو عربية بتاعة (جداد)..وبعدين جاي من بورتسودان
للخرطوم..فقاموا ناس القبانة في اول محطة قالوا ليه :يا زول الجداد ده بتاكلو شنو
سمين كده..ادروب حبة يقشر قال ليهم (جداد بياكل قمح) الجماعة قاموا كسروا ليك
ادروب كسر شديد..وقالوا ليهو الناس ماقادرة تاكل انت تاكل الجداد قمح..
في المحطة التانية سالوه (ها الجداد سمين كده..بياكل شنو)..ادروب فكر كده.وقال ليهم
عيش(جداد ياكل عيش)..برضو كسرو ليك ادروب كسر شديد..
في المحطة التالتة في مدني برضو سالوه(جداد ده بياكل شنو يا اردوب)...
ادروب عاين كده..وقال ليهم والله انا ماعارف..انا بصحي الصباح بدي كل جدادة
حق الفطور جداد يتصرف براهو!!!
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: عبدالكريم الامين احمد)
|
اخي كريم شكرا علي المشاركة ولكن الظاهر لخبطت شوية المقصود اهلناالرباطاب مش الادروبات وبرضو حلوة منك
شافع من شفع الرباطاب جابو ليهم استاذ راسو مطاول شكل غريب جدا وقال ليهم الاستاذ اسالكم سوال المابجاوب بطردو من الحصة فرد الشافع اسعلني فقال الله كم واحد ولا اثنين فضحك الشافع ضحك شديد فقال ليه البضحك شنو فزاد الشافع في الضحك وقال ليهو لو كانو اثنين ماكانو اتشاورو في راسك دا
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
وينك..يا متولي...
قالوا في واحد ادروب شاحن ليهو عربية بتاعة (جداد)..وبعدين جاي من بورتسودان
Quote: للخرطوم..فقاموا ناس القبانة في اول محطة قالوا ليه :يا زول الجداد ده بتاكلو شنو
سمين كده..ادروب حبة يقشر قال ليهم (جداد بياكل قمح) الجماعة قاموا كسروا ليك
ادروب كسر شديد..وقالوا ليهو الناس ماقادرة تاكل انت تاكل الجداد قمح..
في المحطة التانية سالوه (ها الجداد سمين كده..بياكل شنو)..ادروب فكر كده.وقال ليهم
عيش(جداد ياكل عيش)..برضو كسرو ليك ادروب كسر شديد..
في المحطة التالتة في مدني برضو سالوه(جداد ده بياكل شنو يا اردوب)...
ادروب عاين كده..وقال ليهم والله انا ماعارف..انا بصحي الصباح بدي كل جدادة
حق الفطور جداد يتصرف براهو!!! |
الجماعه كرهو أدروب الChikchen
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Sobajo)
|
شكرا لجميع المتداخلين الجيلي وسوباجو
رباطابي قاعد في مطعم وكلما حضر زبون يطلب حاجة صاحب المطعم عندو حلة واحدة يفتحها ويغرف منها وتكرر المشهد عدة مرات ونفس الحلة عايز فول عايز كباب عايز عدس عايز كبدة وبرضو نفس الحلة اخونا الرباطابي مشي لصاحب المطعم وقال يااخونا حلتك دي فيها ادراج ولاشنو
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
نكتة
واحد قريبي رباطابي جوهم الجماعة وهم يهللون ابشر ياحاج ولدك الليلة عريس في جنان الخلد وسمعت امه وجات جارية وينو ولدي فقال ليها احدهم ياحاجة ولدك عريس الجنة الليلة ياحاج الحاجة دي بتعمل كدة ليه فما كان منه الا ان قال اديها طلقة عشان تحصل الجرتق
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
رباطابي راكب القطر بتاع الشمالية من غير قصد وعشان مافي نور وطاء رجلين احد الجالسين وكان من جنوب السودان فرد عليه بزهج شديد انت مابشوف ولا شنو تطلع في كراع الناس احسه انت ماشي وين فرد عليه الرباطابي انا ماشي عند اهلي انت ماشى وين
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
اخونا متولي
لك التحية
اهلنا الراطاب الله يذكرهم بالخير دائماًيسعدونا بسرعة
البديه وليست مساختهم كما اشرط
رباطابي عنده فرن جاهو مسكين قال ليهو ( لي يومين ما ضقت
طعم الرغيف ) الرباطابي قال ليهو : ( ياهو طعمو زاتو ما اتغير ) .
لك التحية ،،،
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
الشكر موصول لكل من تصفح هذا البوست ولك شكري اخي طرقوش ولطفا بالقوارير
ودي واحدة حصلت بالجد وهي كنا في رحلة بالقطر للرباطاب لحضور زواج احد الاقارب وعند وصولنا الي ابوحمد اراد اخي صلاح مالك ان يثبت ان اهلنا الرباطاب سريعي الرد فذهب الي احدهم وكان يبيع البرتقال وسالوا ياحاج الدستة بي كم فقال ليهو خمسة الاف جنيه فقال حرام عليك ياحاج انا جاي اسع من الخرطوم وهناك الدستة بي الفين ونص ويدوك معاه برتقالتين زيادة فرد عليهو الحاج طيب ياولدي ماجبت معاك دستتين لي شنو
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
الأخ متولي تحياتي لك ..
قالوا رباطابي ولده أتفلق في راسوه .. وكان الوقت ليل ساقوا وراح العيادة
الدكتور عاين ليه كده وقال ليه كان تجي بدري شوية ياحاج .. الرباطابي قال
ليه بدري متين قبل مايتفلق .
قالوا رباطابي ببيع خرفان .. جاهو واحد إشتره منه خروف .. وبعد مارفع الخروف في العربية .. رجع للرباطابي وقال ليه وين القش بتاع الخروف ..
الرباطابي قال ليه أنا بعته ليك مكيف .
ولك التحية ،
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Gamal Abayazid)
|
قالو واحدة من حريم الرباطاب كانت بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم الحاجة دي القطر جا ماشيفيها بووووو وماباعت اي حاجة وقامت رجعت البيت قام الراجل قال - انشاء الله بعتي كويس الليلة
قامت ردت قالت ليهو- بعت شنو الشئ ما جا ماشي فيني زي ترجمة الفلم الاجنبي
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
الفاضل متوكل مالك
شكرا لك وكل الاخوة فقد اضحكتونا.
ودي واحده عن الرباطاب ايضا:
قالوا كان في رباطابي مستني قطر الشماليه,قامت سألته أمراه برضها عايزنه نفس القطر
لكنها طرشها,قالت القطر ده قطر كريمه)رد عليها ايوه.
ثاني سألت لانه لم تسمعه(القطر ده قطر كريمه) رد عليها ايوه.
ثالثا سألتهالقطر ده قطر كريمه) فصرخ بوجهها قائلا: (انت القطر ده الا يشلخوها لك
حتى تعرفيه قطر كريمه).
تراجي.
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: الناظر)
|
| Quote: الاخت خالدة والله انا رباطابي لي اربعين سنة |
دي براها نكتة ...
عملت زي الولد السألوه في المدرسة .. قالوليه ابوك عمرو كم ...
قاليهم : و الله ما عارف لكن طول معانا ...!!!
و تسلم يا حبيبنا ..!!!
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Sobajo)
|
متولي
| Quote: Quote:والله انا رباطابي لي اربعين سنة |
طيب انت ما قدري عدييييل كدة...
شكرا....نيابة_ عن نسايبي - من حيكم في ام درمان الرباطاب....
نسيبتي قالت انو انا بقيت ردي سريع...الظاهر عدوتكم زي بديهتكم...سريعة
وحاجة تانية...
زواجكم....
...
تابيدة......
غايتو الليلة... يا متولي...جهزوالاجاويد لي انا .....
لهم الحب
اهلي ابناء رباط...
ولكم
احمد القاسم
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Sobajo)
|
الشكر لكل المتداخلين والمتداخلات تراجي- الناظر- احمد القاسم - سوباجو
واهلنا الرباطاب ديل لذيذين خالص
مرة في واحد جاو ضيف رباطابي وكان مستعجل فقال لي ولدو الضيف دا جيب ليهو الشاي انا ماشي مشوار وراجع وعند روجوعو قال لولدو الضيف تنيت ليهو الشاي يعني اديتو الكباية التانية فرد الرباطابي قالو لك لو اداني التالتة ماشي اسكر واترتح
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
الأخ متولي تحياتي ..
يظهر أنو الرباطاب ديل حيقلونا نسكن في البوست ده .
أسمع دي ..
قالوا رباطابي نزل ضيف عند جماعة .. جابو ليه الفطور سليقه .. والغداء سليقة
والعشاء سليقه .. سأل صاحب البيت إنته شغال شنو .. قال ليه جزار .
الرباطابي قال ليه الليله ضابح ليك صهريج .
أخوك خالد سعيد
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: hatim)
|
اخي خالد سعيد البوست ملك حر ليك ودي اول مرة اسمعها حكاية الصهريج دي
وهاك دي مرة في واحد رباطابي جاء الخرطوم لزواج وفي الغداء هو بحب اللحمة شديد المهم مركز في الصواني وعايز يختار واحدة تكون فيها ضلعة كبيرة المهم كل ماتطلع صينية يشوفها يلقاها رقبة البعدها برضو رقبة البعدها برضو رقبة المهم حوالي عشرة صواني وبرضو رقبة قال ليهم ياجماعة انتو ضابحين زرافة ولا شنو
شكرا اخي حاتم علي المرور وتسلم
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
صديقى متولى الفنان .. بوست جميل
طبعا انا اعتبر اهلنا الرباطاب اناس يتمتعون بالذكاء وسرعة البديهة التى تعبر عن نفس
تجيد التعامل مع كل المواقف بالرد المناسب وهذه ليست مساخة او طريقة جافة فى التعامل
مع الاخرين وانما تعبير حقيقى عن الرد المناسب لاشياء تعتمد على المبالغة السودانية مثلا
الواحد يلقاك شايل بشكيرك ومويتك تنقط يقول ليك استحميت زى ده الرباطابى بقول ليهو
لا طقتنى مطرة جوة ..
اسمع دى يامتولى
قالوا فى جماعة بحفروا فى المقابر وعنقريب الجنازة جنبهم قاليك جا واحد مارى وقال
ياجماعة انشا الله خير بتحفروا مالكم.. الرباطابى رد عليهو قال ليهو خير .. بس بنطلع فى صارقيل
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: عامر تيتاوى)
|
Quote: قالوا فى جماعة بحفروا فى المقابر وعنقريب الجنازة جنبهم قاليك جا واحد مارى وقال
ياجماعة انشا الله خير بتحفروا مالكم.. الرباطابى رد عليهو قال ليهو خير .. بس بنطلع فى صارقيل
|
عامر تيتاوى
الله يجازى محنك !! 
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: فضيلي جماع)
|
شكرا لجميع المتداخلين والمتداخلات والله اثلجتوا صدورنا
علي محمد- هاني عربي - عبدالرحمن- خلي الفردة- تماضر - واستاذي فضيلي جماع وفعلا اهلنا الرباطاب ناس رائعيين ومرة واحد عاوز يمازح واحد رباطابي قال ليهو انتو اصلكم من وين فرد ليهو انحنا جدنا جاب ولديين ربيط وبريط ربيط دا جد الرباطاب وبريط جد البريطانيين
| |
|
|
|
|
|
|
|
|
 Re: مالذ وطاب في نكت اهلنا الرباطاب (Re: فضيلي جماع)
|
حلفاوى عايش فى بلد الرباطاب ومتدين جيرانو حصل عندهم بكاء فى قريه خارج أبوحمد والمقابر بتاعة القريه بعيده شديد الحلفاوى مشى مع الجيران ولحقو العنقريب مارق يادوب الجماعه ختو العنقريب وشالوا الفاتحه طوالى الحلفاوى مسك كراع العنقريب ومافى أى زول شهدو أو غيرو فجاة صاح يا جماعه ختو العنقريب الجماعه قايلين يمكن الحلفاوى عاوز يشيل فاتحه للجثمان فصاح الحلفاوى يا جماعه إنتو فطيس بتاعكم دا رايحين تدفنوه والله مودنوا الآخره طوالى........
منصور
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
الراجل راكب في القطر بالليل وجيعان جوعة كافرة ومنتظر الدنيا تصبح والقطر يقيف في أي محطة عشان يشرب ليهو شاي بي لقيمات يسد بيهن جوعتو .. لسوء حظو كانت المحطة هي أبو حمد وكان في رباطابي يبيع في حبال ويكورك حبال حبال حبال الراجل حسب جوعتو إفتكرو بتاع الشاي وقعد ينادي فيهو المهم الراطابي لمن قررررررب منو الجيعان تبين الصوت ولقاهو بقول حبال حبال حبال فصاح فيهو
ياخي أنا جيعان والدنيا الصباح في زول ببيع حبال من الدغش
فغير الرباطابي الصياح قائلاً
حبال بي لبن .. حبال بي لبن
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: بدرالدين شنا)
|
الاخوان منصور - ابراهيم - بدالدرين لكم التحية
بدرالدين شنا دي شكلها من محطة التلفزين الاهلية
دكتور رباطابي جاتو امراة كبيرة وقالت ليهو عيانة شديد وعايزة لي دواء سريع فكشف عليها واعطاها حبوب وقال ليها ابلعي اتنين ويتبقي كويسة فطلعت برة ومن زير العيادة بلعت الحبتين ورجعت للدكتور الحبوب بلعتهم ومابقيت كويسة قال ليها ياحاجة انا اديتك اسبيرات
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
رباطابي جاء الخرطوم لحضور زواج وكان متوقع في العشاء مالذ وطاب من الصواني الكبيرة زي مابيحصل في البلد المهم وقت العشاء عمك جابو ليهو صحن ورق وحاجة باردة وبعد ما اكل لمو منو صحانة الورق فعلق علي ذلك قائلا العرس زي امتحان الشهادة جابو الورق ولمو الورق
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
عمنا الفنان احمدعمر الرباطابي مرة حصلت عنده وفاة الصباح حوالي الساعة الرابعة المهم الوقت بدري وعندو جارو فكر انو ما حايدققو في الناس الدفنو منو المهم قال يجي الصباح ومعاهو كفتيرة شاي ويقوم بالواجب واول زول قابلو الصباح كان احمد عمر فقال ليهو كيف اصبحتو فرد عليهو اصبحنا ابونا مات
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
مرة في بيت بكاء والناس شغالة تعمل في الشاي جاء عمنا وهرج وجاط وقال انتو بتتاخرو ليه والناس مشو وماشربو الشاي فرد ليهو واحد ياعمي انت قائل الخرطوش دا بجيب لنا موية فائرة
دي حصلت جد بين اهلناالرباطاب مع بعضهم يعني رد في محلو
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
الحبيب متولي ...
قالوا رباطاب قاعدين يحفروا في قبر في المقابر .. جاء واحد قال ليهم السلام عليكم
قالوا ليه عليكم السلام .. قال ليهم خير مالكم .. قالوا ليه عندنا واحد مات .. قال ليهم مات هنا ولا خبر .. قالوا ليه خبر .. قال ليهم سمح بتحفروا ليه ..
قالوا ليه دايرين ندفن التلغراف .
لك التحايا .. ياجميل .. والتحايا لي أهلنا الرباطاب .. بالمناسبة .. جيرانا في عطبرة
ونسايبنا .. وحبايبنا .. فلهم الحب .
أخوك / خالد سعيد
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Khalid Saeed)
|
الشكر لك اخي خالد سعيد وانا والدي كان ناظر سكك حديد عطبرة ولدي اهلي الكثيريين عمنا رحمة الله عليه مجذوب احمد المهدي وكذلك هاشم الحسين وسيداحمد الشيخ
كذلك اهلنا الرباطاب عندهم دقة الوصف مثال
مرة واحد رباطابي جاء زيارة لامدرمان وعند نزوله عند احد اقاربه كان عندهم عتود صغير ينط من جهة لي جهة وعمل دوشة صاحبنا الموضوع ماعاجبو المهم العتود ركب في تربيزة ووقف فقال ليهو الرباطابي انزل عامل زي مكاينة الخياطة السنجر
| |
|
|
|
|
|
|
|
|
 Re: مالذ وطاب في نكت اهلنا الرباطاب (Re: Mutwali Malik)
|
شكراً لك لإضافة مسحة من الهدوء على هذا المنبر.. وإفساحك متكئاً للترويح بدلاً عن التلويح والتكتيح.. هاك ديل:
* رباطابي قالوا له الدابي لمن يعضي زول بخلي سنونو في مكان العضة.. قال ليهم: طيب وكان بعد دقيقتين لاقا ليهو زول تاني وعايز يعضيهو؟ قالوا له: بتكون قامت ليهو سنون تاني.. قال ليهم: هو دابي ولا دباسة؟
* حمار اتعود يحك راسو بشباك فصل في مدرسة.. الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟رد عليهو تلميذ رباطابي: والله ما بجي إلا في حصتك يا أستاذ..!!
(للأمانة: وصلوني على الموبايل)
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: serenader)
|
متولي البوست بتاعك ظريف و انا متابعو لي كم يوم ..
بس عندي اقتراح .. ما دام الموضة الايام دي فتح الباب للجمهور ...
أقصد بيهم غير الاعضاء علق الميل بتاعك ... و خلي الجماعة يرسلو مشاركاتهم ...
انا متأكد هتثري البوست بتاعك جداً ...
بس ما تنسى الحق الادبي و تذكر صاحب النكتة ...
و دمت ..
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: serenader)
|
رباطابى نزل ضيف عن جماعة وكان عندهم تيس فى الزريبة جنب الصالون عنده نزلة الليل كله
يعطس...الصباح بدرى سيد البيت جا وسال الرباطابى" ان شا الله نمت كويس؟؟ اجاب الرباطابى
بى وين انوم لى تيسك التقول مكوجى مقابل العيد....
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Yahia Abd El Kareem)
|
الشكر لجميع من تصفح وكتب وشارك
يحي - سريندر- سوباجو اقتراحك علي العين والراس
مرة في رباطابي راكب القطر ومافي نور المهم عفص ليهو واحد ولسوء الحظ طلع من الجنوب اعتذر ليهو وقال منو انت فرد ليهو انا اسمي روب فمشي لي قدام وبرضو عفص ليهو رجل فسال منو انت فرد بزهج روب قلنا ليك قال ليهو معليش المهم مشي مسافة في القطر وبرضو عفص ليهو رجل فسال منو فرد ليهو انا روب فرد ليهو روب الحاصل شنو انت اندفقت ولا شنو
My E.Mail: [email protected]
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: serenader)
|
| Quote: رباطابي قالوا له الدابي لمن يعضي زول بخلي سنونو في مكان العضة.. قال ليهم: طيب وكان بعد دقيقتين لاقا ليهو زول تاني وعايز يعضيهو؟ قالوا له: بتكون قامت ليهو سنون تاني.. قال ليهم: هو دابي ولا دباسة؟ |
ههههههههههه
ههههههههههه
خطيييييييييييييييييييييييييرة
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
الشكر الجزيل للاخ Mutwali Malik على هذا البوست الممتاز
هذه حصلت حقيقة:
في احد ايام الجامعة كان الجو شديد الحر وكنا واقفين في الصف لشرب الماء و معي صديقي الرباطابي. وكان كل من يشرب يملا الكوز للذي خلفه, كنوع من اللياقة. المهم الفتاة امام صديقي الرباطابي شربت و ناولته الكوز فارغ, فرد عليها بغضب:
(مدياني ياهو فاضي اسويبو شنو؟؟ اقرمشو؟)
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: hatim)
|
وصلتني هذه الطرائف من شقيقي صلاح مالك
القطر عند وصوله مدينةالشريك بيلف كان الراس مع اخر القطر يتلاصقو المهم الرباطابي شاف المنظر دا وقال عامل زي العجل العايز يلحس ضنبو
- واحد رباطابي عندو بنطون تعطل فجراهو خلي نص في البحر والنص الفيهو الماكينة خارج البحر لتصليحه جاء واحد شليق وقال ليهو البنطون دا خاتنوا كدا ليه فرد عليه ماجايب همه في البحر قلنا نشغلوا خط جوة الحلة
- رباطابي شاف نفق جدة والسيارات فووووو بسرعة فقال عامل زي ماكينة
الفوتو كوبي
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: hatim)
|
ياسلاااااااااااااااااااااااااااام
والله جزاكم الله عنا كل خير اضحكتونا وازحتو عنا الهم والغم !!
| Quote: ومرة واحد عاوز يمازح واحد رباطابي قال ليهو انتو اصلكم من وين فرد ليهو انحنا جدنا جاب ولديين ربيط وبريط ربيط دا جد الرباطاب وبريط جد البريطانيين |
واقايتو دى مبالغة عديييييييييييييييييل كده !!
بالمناسبة سجيمان كان اول رباطابى اتعرف بيهو وانت التانى ياسيد البوست الجمييييييييييييل !!
تسلم يارب
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: نادية عثمان)
|
اخجلتم تواضعنا والواحد لو كان عارف الموضوع حايحلوا كدة كان فتح البوست دا قبل ما بكري يدينا الباسوورد
لكم الشكر زول ساكت- زياد- حاتم - العزيزة نادية عثمان
رباطابي عندو حافلة كل شئ مظبوط تمام الاشارات الانوار المهم وقفوا بوليس المرور وماوجد اي مخالفة فقال ليهو الحافلة دي خط فرد ليهو لا اسكراتش
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
إتنين كانو بصلو الظهر جماعة إمام ومأموم وجاء واحد تالت وما عارف الإمام اليمين ولا الشمال فالصحيح هو أن يسحب المأموم ليرجع معاهو وراء ويبقى الإمام قدام ولكنه بدلاً من ذلك بدأ يسحب في الإمام يسحب يسحب يسحب والإمام واقف تُج وكان في رباطابي واقف بعيييييييييد ويشاهد في الموقف في النهاية صاح في الزول وقال ليهو
هوي الضلفة دي مقفولة جر التانية
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mohamed Omar Salem)
|
العزيز متولي / يظهر أنوا نحنا أهل ( المرحوم هاشم الحسين والمرحوم مجذوب والمرحوم محمد) ديل أهلنا عديل كده ... عشان كده البوست ده أنا لي فيه النص ..
أسمع دي ..
رباطابي مركوبه إتقطع .. شاله وداه يصلحه ... الراجل خيط ليه المركوب .. الرباطابي قال ليه حسابك كم .. قال ليه 10 ألف .. الرباطابي قال ليه أصلك خيطته بي بنـــــج .
تحياتي لك وللجميع ..
أخوك / خالد سعيد الأرباب
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Khalid Saeed)
|
قطر كريمة كان زحمة شديدة جدا ، واحد معاه ولدوا الصغير يادوب لقي ليهو مساحة نام في الممر ،وولدونام جنبو ، والدنيا ليل ، قام الرجل صحي فجأة ما لقي ولدو الصغير راقد جنبو ، فقام يفتش عليهو والدنيا ظلام شديد ، ولسؤ حظه قام لكز واحد رباطابي نايم جنبو وصحاه من النوم ، فقام الرباطابي زعل وقال للراجل :- يازول بتلاكز مالك ؟ قام الراجل قال ليهو :- ياخوي بفتش علي ولدي ..... قام الرباطابي رد عليهو بزعل :- ولدك دا إبريق ؟ ماتكوركلو
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: عاطف عبدالله)
|
الشكر لجميع المتداخلين من رباطاب وماجاورهم
قطر الوحدة من القطارات السريعة جدا لذلك منعو التسطيح فيها اي الركوب في ضهرها المهم القطر شغلوا بين عطبرة والشمالية فمرة واحد رباطابي سطح في القطر من عطبرة لمن وصل ابوحمد شافوا واحد فقال الله الله الليلة الدحشة روضوها
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
رباطابي مربي جداد في البيت المهم في صقر مجننو جن كل ماتظهر سوسيوة الصقر يختفها ويطير الحكاية مزهجا الرباطابي يوم انتظر الصقر ومع نزولو كف قبضوا وقام جاب مقص كبير وقطع منقار الصقر وفكا وقال ليه شوف ليك زول يسوي ليك شوربة
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
الفنان أحمد عمر الرباطي عليه رحمه الله .. عندما حضر إلى الاذاعة لإجازة صوته .. وغني قدام اللجنة وأطربهم بما فيه الكفاية .. الجماعة حبوا يطلعوا منو نكته ، قام رئيس اللجنة قال ليه :
والله يا أحمد صوتك حلو وغناك جميل لكن للأسف ما حنقدر نجيز صوتك عشان الشيالين بتاعين الكورس عندك تلاثة والمفروض يكونوا أربعة .
قال ليهم : ليه هم حا يشيلوا أغنية ولا عنقريب جنازة ..
تخريمة
رباطابي سأل أخوه : على الله في أحسن من قولت هاك ؟
رد أخوي : أي .. قولت أقيف أزيدك
شكراً متوكل للبوست الرائع 00 المزيد من هذا الابداع
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: عاطف عبدالله)
|
الشكر لكم احبتي علي هذا الكرم الفياض
رباطابي حصلت ليهم وفاة وعندو واحد صديقو لم يحضر للعزاء في البلد المهم صديقو حصلت ليهو وفاة في الخرطوم فركب القطر وحضر للعزاء وعند قراءة الفاتحة وقف صديقو للفاتحة فقال ليهو الفاتحة دي مو ليك لي اخوك محمد فرد ليهو سمح خلي اخوي محمد يصرفها في البنك
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: عامر تيتاوى)
|
__________
الظريف متوكل مالك
تسلم ياخي على البوست ده .. فكرة جميلة لجمع نكات أخوتنا الرباطاب وأرجو أن تتسع صدورهم لما يقال هنا .. فالأخوة بالتأكيد لا يقصدون الاستهزاء أو السخرية .. أو هكذا أظنهم.
في واحد رباطابي جنننننو سكر .. وعندو جار أنصار سنة. جارو مشى ليهو ينصحوا وشبكو ليك: الخمرة دي بتودر العقل .. الخمرة دي بتعمل ليك تليف في الكبد يعني بالعربي كدا الخمر دي يعني ( موت بطيييييء ) قام الرباطابي اتلفت عليهو وقال ليهو ( أنا زاتي ما مستعجل ) !!!!!
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: هشام آدم)
|
اخي هشام ادم لك التحية اهلنا الرباطاب لهم الود يتمتعون بسعة الصدر وما فتح هذا البوست من رباطابي ياباني يعني اصلي الا دليل علي ذلك خدوا راحتكم وحقوق النشر محفوظة
رباطابي بتاع لبن المهم عندو زبون محامي مرة زوجتو غالطت الرباطابي في حق يومين مدعية انو كان في مطرة والرباطابي مصر انو اداهم اللبن في اليوم البعدو فتدخل زوجها المحامي وقال ليهو انحنا ماممكن تغالطنا ابدا فرد ليهو اغالطك كيف وانت الغلاط فاتح لو مكتب
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
أهاااااااااااااااااااااااااااااا
طالما هبشت الشوايقه .......... تللللبت نحن نطينا
قال ليك واحد شايقى شغال كمسارى فى القطر
ركبوا ليك معاو أربعه رباطاب من أبوحمد
جا مارى فيهم الشايقى قال ليهم: التزاكر
قالوا ليه تزاكر شنو يا زول نحن نازلين بربر هنا ما واصلين معاك
قال ليهم : كويس بيعفن وبنشم
تسلم يا كولا وشكرا وعلى البوست الممتع ده .... واصل........أنا ومعاى كميه من أصحابى متابعين متابعين بى شغف شديد جدا وبالمناسبه ببلغوك التحايا
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: مزمل التريكى)
|
اخي مزمل التريكي شكرا لمرورك الانيق وياكم اولادعمنا
اخوان رباطاب مشو المقابر يشيلوا الفاتحة في قبر ابوهم المهم في المقابر تشابهت عليهم القبور واتغالطوا في القبر دا لا ما دا اهو دوك
واثناء ذلك مر عليهم واحد رباطابي فسالهم عن المشكلة فذكروا ليهو انهم مختلفين في قبر ابوهم فرد ليهم انتو دايرين تحولولو مصاريف
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
واحد رباطابى الجماعة قالوا ليه الشايقى الفى الحله دا مكرهنا بالمساخة
بعد شويه الشايقى جا ماشى ومناخيرو فى السما
الرباطابى قام سألوا : أها يا الشايقى ماشى وين جارى زى دا ؟
الشايقى قال ليهو : ماشى السما دا
الرباطابى: نان السما عندو مشرع ما تطلع من قبلك
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: خالد)
|
الشكر لكل من اضحكته طرفة من اهلنا الرباطاب
عمنا احمد عمرالرباطابي عليه رحمة الله مرة جماعة عندهم زواج فقرروا انو يجيبو فنان من كريمة يعني شايقي وقالوا احمد عمر دا اصلنا مابنجيبو المهم عمنا احمد عمر سامع كل الكلام وساكت المهم قدر الله انو الفنان المتفقين معاهو حصلت عندهم وفاة فرجع ليهم القروش فكان ماعندهم اي مفر سوي اللجوء الي احمد عمر وكلهم خائفين من ردو المهم في واحد تشجع وقال انا بكلمو طبعا عمنا احمد عمر عندو كل التفاصيل وعارف الزنقة المهم مشي ليهو ولازم المقدمات فقال طبعا انت فنانا الكبير والضفر مابتطلع من اللحم وانت وانت فرد عمنااحمد عمر قول للجماعة قالولكم انا داية
ولم يغني عمنا احمد عمر في الحفل
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: خالد)
|
رباطابي عندو فكرة انو الخرطوم الخمرة والسكر في الشارع المهم جاء لزواج في العاصمة وقت العشاء جابو ليه صحن وقزازة بيزيانوس باردة فمسك الصحن ورجع القزازة وقال انا مابشرب الشراب
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
_________________
مذيع داير يعمل حوار صحفي مع راعي أغنام ، فصادف إنو الراعي كان رباطابي. الرباطابي كان قايل المذيع داير يشتري ، ولمن عرف إنو الموضوع مخستك بقا يتماسخ معاهو:
المذيع: عند كم راس يا عمنا؟
الرباطابي: قاصد البيض؟ ولا السود؟
المذيع: لا البيض؟
الرباطابي: البيض عندي منهن 20 راس
المذيع: أها والسود؟
الرباطابي: نفس الشي
المذيع: وسعر الراس بي كم؟
الرباطابي: أنهي ؟ السود ولا البيض؟
المذيع: السود؟
الرباطابي: بـ50.000 جنيه
المذيع: أها والبيض؟
الرباطابي: نفس الشي
المذيع: طيب بيكلفوك كم أكلهم وشرابهم؟
الرباطابي: السود قاصد ولا البيض؟
المذيع: السود؟
الرباطابي: أتتقول 10.000 جنيه
المذيع: أها والبيض؟
الرباطابي : نفس الشيء
المذيع: يا زول طالما ما في فرق بين السود والبيض مفرزهن مالك؟
الرباطابي: لأنو السود ديل تبعي
المذيع: أها والبيض؟
الرباطابي: نفس الشي !!!!!!
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: هشام آدم)
|
رباطابي لابس جلابية بيضاء وعمة كبيرة ونظارة ماشي في السوق قابلو واحد شايلو جواب وطلب منو يقراءه ليهو والرباطابي نعم انو مستعجل خلاص فقال ليه انا مابعرف اقراء فرد ليهو ولابس لي عمة كبيرة ونظارة ومابتعرف تقراء فقام الرباطابي ملص العمة والنظارة ولبسا ليهو وقال لي هاك اقراء انت
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
وصلتني علي الايميل هذه الرسالة من الاخت نسمة علي لها التحية
البوست رائع جدا ... و احب كتاباتك البعيدة عن الشوشرة جداً ...
و احي من هذه الفرصة كل المتداخلين ... و اخص بهم سوباجو لإقتراحه ان تتاح هذه الفرصة لنا ...
واحي جميع المتداخلين ...
انا احب الرباطاب جداً ... و اطرب لمساختهم ...
و انا متابعة معاكم حتى النهاية ...
نسمة
| |
|
|
|
|
|
|
| |
Mutwali Malik
عبدالكريم الامين احمد
الجيلى أحمد
Sobajo
خالدة البدوي
Khalid Saeed
Gamal Abayazid
Tragie Mustafa
Ahmed El Gasim
hatim
عامر تيتاوى
على محمد على بشير
Hani Arabi Mohamed
Abdelrahman Elegeil
khaleel
Tumadir
فضيلي جماع
munswor almophtah
بدرالدين شنا
زول ساكت
سجيمان
زياد جعفر عبدالله
Mohamed Omar Salem
عاطف عبدالله
saifkeli
هشام آدم
خالد
فيس بوك
تويتر
انستقرام
يوتيوب
بنتيريست