|
|
|
 Re: مالذ وطاب في نكت اهلنا الرباطاب (Re: Mutwali Malik)
|
واحد جاء ماري بي حلة رباطاب وصادف انو ختو صينية الغداء في الطريق وقالوا ليه اتفضل يازول المهم صاحبك كان جيعان جوعة كافرة ماصدق ونزل بي تقلوا في الاكل الجماعة ممكونيين وصابرين المهم قضي علي الصينية بسرعة فائقة قام غسل ايدو وقال شكرا ياجماعة بدور اصل حلة ناس فلان بعيدة من هنا فرد ليه الرباطابي اكان مشيك زي اكلك دا بتصل احسه
| |
 
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
رباطابي قال يشتغل سباك...شال عدتو ومشي قعد في محطة سبعة
اول الصباح جاهو شايقي قال ليه عندنا ...عندنا عندنا مكسوري
وقبال ما يتذكر يقول ماسورة الرباطابي قال ليه حالا دا
مك سوري لو بقت مك امريكي كان فقدت الذاكرة تب...ارح
ارح آ اخوي الله يدينا خيرك
| |
|
|
|
|
|
|
|
|
 Re: مالذ وطاب في نكت اهلنا الرباطاب (Re: Mutwali Malik)
|
العزيز متولي لك الود
حقيقة فكرة جميلة لكسر الروتين ومن باب النكتةوالترويح
رباطابي عندو اخوانو راقدين في المستشفي الاول موصلين له درب والثاني قاعد يرجف من شدة الالم، خالو ضرب ليه ، قال ليه اخوانك كيف ، قال ليو واحد شغال هزاز والتاني جاري الشحن ..
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: عمر صالح عمر)
|
هاك دي يامتولي
.........
ولد رباطابي مشى لى سيد الدكان .. و قال ليه:" عندك
"حلاوة؟
"..سيد الدكان قال ليه:" أيوة
! "الولد قال ليه طيب أدينا ببسى
الولد مشى و جاء راجع تانى ..و قال ليه :" عندك
"طحنية ؟
".. قال ليه:" أيوة فى
! "الولد قال ليه:" طيب أدينا سكر
سيد الدكان زعل و مشى كلم أبو الولد ( الرباطابي الاب )
و قال ليه:" ولدك دة عذبنا.. يسأل من حاجة و
".. يقول داير حاجة تانية
أبو الولد زعل و قال ليه:" دة ولد قليل أدب
"و لازم يتجلد .. عندك بسطونة ؟
".. سيد الدكان قال ليه:" أيوة موجودة
"أبو الولد قال ليه:" طيب أدينا سوط عنج
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
مرة حصلت سرقة فلنكات السكة حديد الخشب التحت قضيب القطر المهم من ضمن المتهمين واحد رباطابي الموضوع ما عاجبو بس ساكت واستنكارا مشنق العمة فوق وكل مرة القاضي يقولو يازول نزل العمة تحت والرباطابي عامل ماسامع فكرر ليهو الكلام فرد عليهو عمتي دي انا بنزله بس انشاء تلقي الفلنكات تحتا
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
رباطابي عايز يدخل دار الرياضة والصف طويل والحر شديد فجاء الي مسئول الباب وقال ليهو انا تعبان وكبير وجاي من بكان بعيد فقال ليهو لو جاي من السماء ما بتدخل فرد ليهو الرباطابي اول انا كان جاي من السماء بجي بي عندك ما كان نزلت توش جوة دائرة السنتر
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
رباطابي راكب البص والمكيف ضارب فقام اداها نومة ودون قصد اتكل في الشخص الراكب جنبو فقال ليه الدنيا رمضان ماتجرح لينا صيامنا المهم تكرر المشهد ونفس الرد المهم صاحبك ضربو المكيف واداها نومة بشخيرا فقام الرباطابي صحاوا وقال ليه قوم يااخونا العيد ثبتوا
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
رجعنالكم
طرفة من عمنا بابكر طراوة اضحكتني كثيرا
واحد رباطابي بعد انتهاء الصلاة قام سلم علي الشخص الجالس جنبو وقال ليهو تقبل الله وكان الشخص انصار سنة فرد ليهو يدو وقال السلام بعدالصلاة ما من السنة فرد الرباطابي نان مساختك ولاامتك دي من السنة
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
ختاما اتمني ان اكون قد اوفيت لاهلنا الرباطاب جزء ولو يسير من طرائفهم ما مساختكم كما يعتقد البعض وهذا غيض من فيض
والشكر اجزله لكل من تصفح وشارك في هذا البوست
ونشوفكم في بوستات قادمة
ودي اخر واحدة طرفة في شكل لغز
استاذ جاء لمنطقة الرباطاب لاول مرة لتدريس اللغة العربية فسال شافع بلغة فصيحة ابن من انت فرد ليهو الشافع ماتراكا عرفتني
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
الجميل متولى
هذا البوست فى غاية الروعة والجمال
ضحكت لمن دموعى سالت من طرائف هذا البوست
اتمنى لك ان ما حجيت تحج
ولمن ترجع ينادوك حاج متولى
وبعد داك انت مخير اكان واحدة ولا اربعة
وبعدين تعال هنا اخيرا وين؟ان شاء الله البوست
ده ما يكون عندو اخر واطلب منك ان تطلب من الاخ بكرى
نقل هذا البوست بعد يوم عشرة مايو
مش انت قلت ده قيض من فيض
اها يا زول احنا راجين الفيض
لك التحية اخى متولى
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: أبوالزفت)
|
سلامات يا متولِّي،
عندي ليك تلاتة أظنَّهِن حقَّات رباطاب تايوان:
(1) الحاجَّة جات للدكتور في المركز الصحِّي وقالت ليهو دايراك تحوِّلني المستشفى عشان هناك بِكْشِفو علي بالسمَّاعة. الدكتور قال ليها: نان الشايفاها مدروعة في رقبتي دي قالو ليك نِبْلَة؟!
(2) مشجِّع متعصِّب قطع تذكرتو ومشى خمسة دقايق يجيب ليهو تسالي لما دخل الاستاد جماعتو قالو ليهو مغلوبين إتنين صِفِر، قال ليهم: لقيتوهِن بايتات في الشبكة وألا شنو؟!
(3) الشافع بِكُبْ لي عمَّك عشان يغسِّل إيديهو. عمَّك سألو: جَنى منو آولد إنتَ؟! الشافع قال ليهو: جنريتر.
تحياتي وإن شاء الله دايماً محرِّكين عضلات وشوشكم ولو تحريكة نُصْ كُم.
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Adil Al Badawi)
|
لكم الشكر علي هذا التشجيع الحار وهذه مسئولية كبيرة وقعت علي عاتقي اتمني ان اقدر عليها وهي جمع كل مالذ وطاب في نكت اهلنا الرباطاب في كتاب
اخي ابوالزفت سلامي لي ام الزفت ولسه ماحجيت بس عندي واحدة ما اربعة الحاج متولي
اخي عادل البدوي دي ما نكت رباطاب تايوان دي ياباني عديل وينك انتي من زمان
ودي حصلت بالجد واحد رباطابي جي الخرطوم لي زيارة قريبو راقد في المستشفي المهم لمن دخل عليهو لقي كمية من الوصلات رسم قلب - درب واسلاك ومونتر المهم رجع البلد والجماعة سالوا اهه كيف لقيت الزول فرد ليهم يمين بالله الدكتور ود عمران خله زي الكبانية
| |
|
|
|
|
|
|
|
|
|
Re: مالذ وطاب في نكت اهلنا الرباطاب (Re: Mutwali Malik)
|
رباطابي عطشان
فواحد من الجماعة اداهوه موية والظاهر الموية كانت مالحة شوية فختوا في الموية تلج
عشان الطعم المالح ما يظهر والرباطابي قام شرب الموية لكن ما كمله بعد 10 دقائق شرب باقيها لكن لقاها مالحة شديد
فقال : ياخوانا هوي مويتكم دي بنجا فكه
| |
|
|
|
|
|
|
| |
Mutwali Malik
nazar hussien
عمر صالح عمر
Elmoiz Abunura
فيصل محمد خليل
إدريس محمد إبراهيم
أبوالزفت
فيس بوك
تويتر
انستقرام
يوتيوب
بنتيريست