|
|
|
 Re: من علامات (العوارة) الكبرى !!!!! (Re: نادية عثمان)
|
..(نادية انتى عويرة ولاشنو ده تمثيل ساى
نادية دي ما عوارة
دي رقة ساكت
وقالو العوارة ما بشارة
وقالو البكر عوير
لكن اطرشني كلمة عوارة الا في السودان
ما اظن عندكم في مصر
ولا في الخليج
لكن ناس العراق بقولو انت خطيئة
وناس الخليج بقول انت مو بصاحي
والعوارة بعد الاحيان مطلوبة
وزي ما بقولو اهلك المصريين
سائق العبط علي الشيطنة
| |
 
|
|
|
|
|
|
|
|
Re: من علامات (العوارة) الكبرى !!!!! (Re: khaleel)
|
خليل الغالى
قلت لى بالله العوارة دى ماركة سودانية مسجلة ؟!!
يعنى مافى زول بيستخدم المصطلح غيرنا انت متأكد ؟
| Quote: سائق العبط علي الشيطنة |
بيقولوا سايق الهبل على الشيطنة !!
يعنى هل العبط عند المصريين يساوى العوارة عندنا ؟!!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
على حد علمي كلمة (عوير) منسوبة إلى ذلك النبات الطفيلي شديد الخضرة إلا أنه عديم الفائدة ويقال في السودان للشخص (عوير) تشبيها له بذلك النبات وللدلالة على السذاجة.
وأنت يا أيتها الشاعرة المحلقة في عوالم الجمال لا أظنك إلا مرهفة الحس ليس إلا.
فتك بعافية لأني من الصباح مشغل الدفاية ومستكين في الغرفة - يعني طالع أشم هوا شوية.
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Mohammed Haroun)
|
ناديه السمحه كيفك وانشاء الله بخير
والله عندى أخواتى برضو نفس عوارتك دى وديل كمان ببكو وجعرو الغريبه فى المشاهد الفرايحيه برضو إضطريت بقيت لما يكون فى فليم شديد أمشى أحضرو عند الجيران لكن تصدقى عندهم بت راجله عديل كده مابتبكى كلو كلو المهم من كتر جيتى ليهم مرات فى أوقات مزعجه عديل كده وما عندى معاهم قرابه إلا انهم جيرانا وأخوهم بلعب معانا كوره اطورت المعرفه وعرفتهم باهلى وبتهم بقت صاحبتى أقصد صاحبة أخواتى والله صدقينى يا ناديه وماك طالبانى حليفه البت بقت لو حكوليها الفليم وفيهو موقف مؤثر تبكى بكاء عواره
دا كلو بوريك العوارة برضو ممكن تكون مكتسبه وفعلا تمخول الراس
حاشية...........
وبالمناسبه دى وين صورتك مالك طفيتها أول حاجه قبلتيها بالجنبه قلنا كويس
بقت أشنا شويه كلنا الكحه ولا صمة الخشم هسى طفيتها مره واحده
مع تحياتى والموده
| |
|
|
|
|
|
|
|
|
|
Re: من علامات (العوارة) الكبرى !!!!! (Re: WAD ELGAALI#4)
|
Quote: حاشية...........
وبالمناسبه دى وين صورتك مالك طفيتها أول حاجه قبلتيها بالجنبه قلنا كويس
بقت أشنا شويه كلنا الكحه ولا صمة الخشم هسى طفيتها مره واحده |
شلت الصورة شوية عشان وصلنى كلام انو فى ناس قالوا البت دى خاتة صورتها وعاجباها نفسها وفاكاها فى روحها قمت انا زعلت واتعاورت وشلت الصورة وماعرفت اختها تانى !!
شفت العوارة دى كيف ؟!!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
تعرفى ياناديه صورتك دى أحلى بكتير من الفاتو لكن وكت ظهرتى فى التلفزيون كنتى أحلى بكتير من خطيبتى ما عندك صوره من ديك تختيها محل دى لأنك أحلى بكتير من الصوره الحاليه دى ودا مامعناهو الصوره شينه لكن شكلك كدا دايره مصوراتى بارع زى أخوك الكاشف لكن مشكله تب مافى أنا جاى القاهره بعد 6شهور
سياحه فى دربى للخرطوم وجايب معاى كميرا لخطيبتى القديمه الادتنى شاكوش المهم لوداير أخودلك صوره ماعندى مانع وحنزل مع الشفيع خدر فى بيتو شوفتى السقاله دى مضايفه حتى فى الشقق الصغيرونات ديل المهم ما تقومى تزعلى وتتعاورى وتشيلي الصوره برى سمح
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Mohammed Haroun)
|
محمد هارون سلامات
| Quote: على حد علمي كلمة (عوير) منسوبة إلى ذلك النبات الطفيلي شديد الخضرة إلا أنه عديم الفائدة ويقال في السودان للشخص (عوير) تشبيها له بذلك النبات وللدلالة على السذاجة. |
فى نبات عندنا اسمو العوير ؟!!
اول مرة اسمع بيهو .. قصدك العشر ؟!!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
الاستاذة الرائعة
نادية
لكى التحية
اسمعينى يا ماما
اختارى واحد من الاثنين
عويرة
ولا حنكوشة
اولا انا لا اقبل بان تكونى عويرة مهما كانت الاسباب
اما حنكوشة ممكن وفى هذا الامر سوف اجرى بعض التحليلات
تسلمى يا ستاذ
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
الاخت الغالية
وست البنات
| Quote: تفتكر استعين بالجمهور ؟!! |
الاستعانة بجمهور هنا صعب لان البعض يحب الاكشن
| Quote: ولا احذف اجابة ؟!! |
هذا اقرب الى الواقع واضم صوتى لكى
| Quote: ولا اتصل بعوير ؟!!! |
اما هنا الوارة فى حدى زاتها كيف الاتصال بيه
تسلمى
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
يا استاذة
انتى عارفة انا زول ما بحب الاكشن اطلاقا ولكن وقت ما يقع على ولدك صعب جدا جدا فى الاكشن
وجربتها مرة ووقتها كنت طالب فى الجامعة ومن يومها قررت الابتعاد عن الاكشن وخطورتها ..
اما مرحلة العوارة الانا مريت بيها عوارة من طور اخر وليس كعوارتك ولكن مازالت فى راى اختارى
تسلمى يا استاذة ....
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
سـلام يا ناديـة والجمـيع؛
تعـرفي انا حبوبتي كانت (أرجـل مرة) في الحلة، من كونها صاحبة شخصية قوية وكلمة مسموعة ومهابة.. لكن كانت بتبكي لو وحدة طلقوها في المسلسل، لـكن في نفس الوكت لامن تشـاهد معانا المصارعة الحـرة لا تزيد على التعليق: هـه، ديل شواطين ساكت!!، وقـدر ما حاولنا نقنعها إنو دي كـلام جد وحقيقي ما صدقت زي ما ما نقدر نقنعها إنو داك تمثيل ساكت!، أما صاحبي وهو متخصص فيني بحكاية النكات البايخة، وهي دايما عن العورا أو العويرين، هو في الحقيقة يفتكر إنو العالـم دا كلو عبارة عن (طغمة) من العـويرين.. ولامن يخلص من حكي النكتة، و طبعا أنا بكـون لسع مستني النكتة عشـان أضحك.. يقـوم يقول لي: ما تضحك يا عـوير! مسـتني شنو!.. ولامن أسـترد حقي وأحكي ليه وحدة زيها، يقوم ينظر لي (شزرن) ويعـلّق: عـوير!، طبعا المقصود أنا مش صاحب النكتة! يعني بالنسبة ليه (في الحالتين انا العـوير)... على فكـرة النبات الإسمـو العـوير إنتو ناس العـواصم بتسموه صباح الخـير!لكي الشـكر الجـزيل
عيسـى
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Isa)
|
عيسى تتبارك انت ان شاء الله
وعجبتنى شددددددددددددديد قصة حبوبتك وصحبك الماعوير والله
لكن حيرتنى دى
| Quote: على فكـرة النبات الإسمـو العـوير إنتو ناس العـواصم بتسموه صباح الخـير |
صباح الخير ده ورد جميل رغم انو ماعندو ريحة حلوة لكن عوير دى يطرشنى اول مرة اسمعها !!!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
الرقيقة
استاذة نادية
تصدقى من كتاباتك فى المنبرده فكرتى عنك انك رقيقة وحساسة لدرجة "العوارة"؛ و البوست الطلبتى من بكرى يوديهو الخور داك، حزنت ليك فى "خاطرى" شديد؛ وحزنت اكتر من "نفسى" لانها عجزت فى ان تفعل شيء سواء ذاك الحزن الكسيح.
كونى كما انت
Just be yourself
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Yassir Tayfour)
|
حكى هذه الواقعة الحاج وراق عن الشاعر محجوب شريف فى السجن قبل سقوط نميرى
قال لى محجوب شريف إن مايو إنتهت فقلت له من أين لك هذا اليقين!
فإنتهرنى بعفويته قلت لك إنتهت
فقلت ليه كيف!
فأجاب عندنا جارنا عوير طلع فى المظاهرة الأخيرة وإذا خرج العورا فى المظاهرات فماذا بقى للنظام من سند!!
جنى
| |
|
|
|
|
|
|
|
|
 Re: من علامات (العوارة) الكبرى !!!!! (Re: jini)
|
ندويه العويره...قصدى العسوله 
عارفه انا وأختى عندنا نفس عوارتك ده وبنبكى فى أقل شئ
لو فى فلم بنبكى, لو فى زول زعلان ولا مات ليهو زول ولا اثنين احباب اتفارقوا بنبكى
لو سمعنا شريط دينى بنبكى لحدى ما يقرب يغمى علينا, عارفه اخوى زمان كان بجيب لينا شرايظ دينيه وانا واحتى نبكى كأنوا مات لينا زول قامت امى شاكلتو وقالت ليهو البنات العويرات ديل ما تجيب ليهم شريط دينى
وبمناسبه العواره مره طفله صغيره فى العياده جات مع امها يقلعوا ليها ضرسها وكانت بتبكى شديد قمت انا قعدت ابكى بكا شديد خلاص لحدى ما أمها استغربت
وقالت لى انا امها مابكيت تبكى انتى البكا ده كلو, تعرفى ياندويه انا قاعده ابكى لحدى ماقلعوا للبت ضرسها وسكت حتى سكت
شفتى ياندويه جنس العواره ده
وفى امان الله
لا اله الا الله
| |
|
|
|
|
|
|
|
|
|
Re: من علامات (العوارة) الكبرى !!!!! (Re: bint_alahfad)
|
الحبيبة الغالية الحاجة بت الاحفاد
Quote: عارفه انا وأختى عندنا نفس عوارتك ده وبنبكى فى أقل شئ
لو فى فلم بنبكى, لو فى زول زعلان ولا مات ليهو زول ولا اثنين احباب اتفارقوا بنبكى
لو سمعنا شريط دينى بنبكى لحدى ما يقرب يغمى علينا, عارفه اخوى زمان كان بجيب لينا شرايظ دينيه وانا واحتى نبكى كأنوا مات لينا زول قامت امى شاكلتو وقالت ليهو البنات العويرات ديل ما تجيب ليهم شريط دينى
وبمناسبه العواره مره طفله صغيره فى العياده جات مع امها يقلعوا ليها ضرسها وكانت بتبكى شديد قمت انا قعدت ابكى بكا شديد خلاص لحدى ما أمها استغربت
وقالت لى انا امها مابكيت تبكى انتى البكا ده كلو, تعرفى ياندويه انا قاعده ابكى لحدى ماقلعوا للبت ضرسها وسكت حتى سكت
شفتى ياندويه جنس العواره ده |
اقايتو الحمد لله البوست ده ورانى انى مابراى العويرة فى الدنيا دى !!
وياارق حجة فى الدنيا انا عارفة والله انك زولة بكاية شديد
لكن الرسول صلى الله عليه وسلم زاتو قال انو الدموع رحمة .. لكن اظن كترتها عوارة وربنا الشافى ياحجة حنكوشة !!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: jini)
|
جنى
جنون الحنون
ليك وحشة ياابو الشباب والله
كيفك كده .. عساك طيب
Quote: حكى هذه الواقعة الحاج وراق عن الشاعر محجوب شريف فى السجن قبل سقوط نميرى
قال لى محجوب شريف إن مايو إنتهت فقلت له من أين لك هذا اليقين!
فإنتهرنى بعفويته قلت لك إنتهت
فقلت ليه كيف!
فأجاب عندنا جارنا عوير طلع فى المظاهرة الأخيرة وإذا خرج العورا فى المظاهرات فماذا بقى للنظام من سند!!
جنى |
ههههههههههههههههههههههههههههههههههههههههههههههههههههههههههههه
جنى
معنى كده كل الشعب الطلع فى الانتفاضة ديك وكانوا بيقولوا السفاح شرد لابت لاولد عورا؟!!
بالمناسبة اليوم ده كنت ببكى عشان الشعب شمت فى الراجل وعايروه بعدم الولادة !!
حتى لو عوارة منى لكن ده الحصل !!!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Yassir Tayfour)
|
المهذب ياسر طيفور
سعيدة بمرورك من بوست العوارة لدرجة العوارة والله !!
Quote: الرقيقة
استاذة نادية
تصدقى من كتاباتك فى المنبرده فكرتى عنك انك رقيقة وحساسة لدرجة "العوارة"؛ |
والله العظيم حساسيتى لدرجة العوارة دى سبب شقائى فى الدنيا ام قدود لكن اسوى شنو الطبع بيغلب التطبع ؟!!!
| Quote: و البوست الطلبتى من بكرى يوديهو الخور داك، حزنت ليك فى "خاطرى" شديد؛ وحزنت اكتر من "نفسى" لانها عجزت فى ان تفعل شيء سواء ذاك الحزن الكسيح. |
يكفينى احساسى بنبلك هذا ايها الرجل الشفيف ويكفينى ان تسعدتى بمرورك الاخضر عبر بيوتاتى .
Quote: كونى كما انت
Just be yourself |
وكن انت ايضا كما انت رائع وجميل الدواخل
وكن بالف خير
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Mohammed Haroun)
|
ندوية وحات ولدي "الفي خاطري" صورتك دي باقة بق .. يحفظك الرسمك وابدع
اها بمناسبة "العوارة" دي أنا عاوز أعترف لأول مرة "بعوارة" كثيرا ما سببت لي الحرج والضيق
بكل أمانه أنا ما عندي كنترول على دموعي لما أشاهد مقطع حزين كان في الحقيقة أو في التلفزيون
اها بتلاقيني دايما لو معاي ناس وفي مقطع حزين بقوم اخلي المكان امشي بعيد عشان دموعي بتكون بدت تنزل وما قادر اعمل عليها كنترول وما عاوز احد يشوفني بالحالة "العويرة" دي..
والشئ دا معقدني كثير كثير صدقيني .. والحمد لله انه لقيت البوست دا عشان اشوف ليه علاج من المشكلة دي  ..
اها في انتظار وصفة تزيل العوارة 
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
Quote: ليه البت الحلوة دايما عويرة
والشينة تلقاها لديحة لداحة |
انت يابنيةاخوى ماسمعتى جدك العبادى قال شنو؟
كان بوصف فى صورة بت جميلة...قال
أنظُر لى عِيونَا ودَعَجَتَا وتَحْوِيرَا
من كُتْر الدَلال تِتْشَافْ عَويرة عَويرة
منعم الجزولى
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Gazaloat)
|
| Quote: هو ان تبكى نادية حين مشاهدتها للافلام بمختلف جنسياتها عربيا واجنبيا |
استاذة نادية تحياتي
ان تبكي عندا مشاهدة موقف مؤثر دي قمة الانسانية
ولكن العوارة عندما تصدق قصة الفلم
مع معزتي
تيف تيف
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Gazaloat)
|
العزيز منعم الجزولى
مرحب بالطلة الباهية
Quote: انت يابنيةاخوى ماسمعتى جدك العبادى قال شنو؟
كان بوصف فى صورة بت جميلة...قال
أنظُر لى عِيونَا ودَعَجَتَا وتَحْوِيرَا
من كُتْر الدَلال تِتْشَافْ عَويرة عَويرة |
والله كلام العبادى ده عجبنى جنس عجب اقايتو فى الدنيا دى !!
والغريبة فعلا لمن تكون الواحدة خاتها كحلها سايل من عيونها من كترتو تتشاف عويرة عويرة (زى كده)!!
الله على على العبادى وعليك وعلى العوارة زاتها ياخ !!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: mohamed osman bakry)
|
lool@mohamed osman bakry
Quote: ليه البت الحلوة دايما عويرة
والشينة تلقاها لديحة لداحة |
no, this is not true
but from my "experience" lool highlight and underline experience that, more often, beauty comes with "attitude", and ugliness comes with "sense of humor"; therefore, it takes no efforts to convince un ugly one, but it takes ALOT to convince the beautiful one.
convince meant here to have a conversation with(very coward face). lol
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Yassir Tayfour)
|
ياجماعة قبل ما تطلعوا قوانين ساى.....
نحن شينين نعم ...لكن ما حصل ما بكيت فى فيلم...كل الافلام الشفتها فى الدنيا بكتنى ...حتى البتخوف والبتضحك..بتكون فى حتة صغيروووووونة كده بيعملها المخرج مخصوووووص للناس "الهبل" الزينا ديل ...ونحن بنبكى ..
فهى يا نادية ما عوارة ، لعلمك، هى ..هبـــــــــــــــــــــــــــــــــــالة!!!
وأكبر منك ..اعرف منك....فاهمة؟؟
هباااااالة.
وانا كبيركم "هبل" ...ابكى من مشى على ...مقلتين..........
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Tumadir)
|
التحية لست اللهيج السكري
تعرفي انا قصة دراسة النقد افسدت علي بهجة المشاهدة.. دائما بكون بقوم في الممثل
وهل اجاد الدور ولا لع. اها بالطريقة دي ما بقدر ابكي ودي من عيوب المهنة...
اما قصة " شدر" العوير الذي يقوم قرب البلاعات كلما زاد عفانة البلاعة كلما زاد اخضرارا
عشان كدا اسمه عوير..
قالو في بت لميضة في واحد بيشاغل فيها قاليها انت الورد الا في الجنينة؟
قامت قالت ليه: انت العوير دا الا يزرعو. ..
عجبتني فكرة انه البت الشينة لميضة لانه لي زمن دايرة اعرف سبب "سقالتي" شنو؟
والان عرفت....
لكن انا عندي انطباع ان لجمال المرأة سطوة كلما كانت جميلة كلما كانت ذنوبها مغفورة
لكن العندها "ميتين شنة" طوالي الرجال في حالة زفتنة ليها وتجاهل..صديقي السر السيد الله يطراه بالخير في ايام" ضلاله المؤقت"* طلع بنظرية كاملة اسماها النظرية الجمالية..
حيث قسم اشكال البنات الى مجموعات مجموعة الشكل الغلامي (دي كانت مجموعتي) والجميلة ومستحيلة الخ الخ ثم العلاقات العاطفية الى مجموعات رمز اليها بعبارات
ذي العلاقة المستحيلة الممكنة و يا انت يا اغرق .
ثم اخرج مصطلحات مثل الحمام الجمالي والانقطاع الجمالي والفجوة الجمالية و تغبيش الذاكرة الجمالية الخ الخ..
كنت اتمنى انه يشرحهاعندما حضر الى المنبر قبل ان تتم مهاجمته ممن لا يعرفه ولم يراه
كعادة ناس المنبر ولذلك فقدنا الجمالي الاعظم في السودان.. لانها جد نظرية متكاملة وممنهجة تماما...والمحبة كلها والود للصديق الاخ العزيز السر السيد ..
ويا ريت يجي المنبر راجع...اما اوسكار هذا البوست يذهب الى ابو الجنون في قوله هذا
Quote: حكى هذه الواقعة الحاج وراق عن الشاعر محجوب شريف فى السجن قبل سقوط نميرى
قال لى محجوب شريف إن مايو إنتهت فقلت له من أين لك هذا اليقين!
فإنتهرنى بعفويته قلت لك إنتهت
فقلت ليه كيف!
فأجاب عندنا جارنا عوير طلع فى المظاهرة الأخيرة وإذا خرج العورا فى المظاهرات فماذا بقى للنظام من سند!!
جنى |
بس نخت بدل المظاهرات المعارضة,,
وتحياتي ليك يا جني بعودتك اتخذ البورد رونقه
* ترك التنظيم الاسلامي لفترة مؤقتة ثم عاد اليه في فترة الديمقراطية. وكان لقبه الكوز الديسكو.. كتبت له المرحومة نعمات هارون ورقة في دعايته الانتخابية ايام انتخابات المعهد اذ انه الطالب الوحيد من الاتجاه الاسلامي." كتبت له انتخبوا السر السيد المكيس جيد"..وكان قد نال اصوات عالية جدا...ودخل الاتحاد..
| |
|
|
|
|
|
|
|
|
|
Re: من علامات (العوارة) الكبرى !!!!! (Re: bayan)
|
الحبيبة ام القليب ابيض زى اللبن بيان ام الزهرات الثلاثة
| Quote: التحية لست اللهيج السكري |
طبعا انا اللقلب ده متكيفة منو شديييييييد وكلمت راجلى واصحابى وبتى بي انو بيان لقبتنى (ست اللهيج السكرى)!
Quote: تعرفي انا قصة دراسة النقد افسدت علي بهجة المشاهدة.. دائما بكون بقوم في الممثل
وهل اجاد الدور ولا لع. اها بالطريقة دي ما بقدر ابكي ودي من عيوب المهنة... |
يعنى مابتبكى ولاحتى بكية حتى لو الفيلم هندى ؟!!
صنديدة والله !!
Quote: اما قصة " شدر" العوير الذي يقوم قرب البلاعات كلما زاد عفانة البلاعة كلما زاد اخضرارا
عشان كدا اسمه عوير..
قالو في بت لميضة في واحد بيشاغل فيها قاليها انت الورد الا في الجنينة؟
قامت قالت ليه: انت العوير دا الا يزرعو. .. |
الغريبة جنب بلاعتنا اصلو ماشفت لى عوير مخضر اخضرارا .. انتو جنب بلاعتكم كان فى عوير يابنونة ؟!!
Quote: عجبتني فكرة انه البت الشينة لميضة لانه لي زمن دايرة اعرف سبب "سقالتي" شنو؟
والان عرفت.... |
تبرى من الشنة والسقالة .. والله انتى لو فى لذاذة روحك وجمال خلقتك واخلاقك ستة كان الدنيا تبقى شئ تااااااااااااانى !! تسلم ياعسل !
Quote: لكن انا عندي انطباع ان لجمال المرأة سطوة كلما كانت جميلة كلما كانت ذنوبها مغفورة
لكن العندها "ميتين شنة" طوالي الرجال في حالة زفتنة ليها وتجاهل.. |
اتارى راجلى يتشاكل ويتزفتن فينى ليلو ونهارو .. لكن الله فى !!
Quote: صديقي السر السيد الله يطراه بالخير في ايام" ضلاله المؤقت"* طلع بنظرية كاملة اسماها النظرية الجمالية..
حيث قسم اشكال البنات الى مجموعات مجموعة الشكل الغلامي (دي كانت مجموعتي) والجميلة ومستحيلة الخ الخ ثم العلاقات العاطفية الى مجموعات رمز اليها بعبارات
ذي العلاقة المستحيلة الممكنة و يا انت يا اغرق .
ثم اخرج مصطلحات مثل الحمام الجمالي والانقطاع الجمالي والفجوة الجمالية و تغبيش الذاكرة الجمالية الخ الخ..
كنت اتمنى انه يشرحهاعندما حضر الى المنبر قبل ان تتم مهاجمته ممن لا يعرفه ولم يراه
كعادة ناس المنبر ولذلك فقدنا الجمالي الاعظم في السودان.. لانها جد نظرية متكاملة وممنهجة تماما...والمحبة كلها والود للصديق الاخ العزيز السر السيد .. |
السر زول حلو من جوة قلبو قابلتو فى القاهرة وماعارفة انو عضو معانا هنا !!
ياالسر عشان خاطرنا ترجع وتشرح لينا النظريات بتاعتك عليك الله.. فى انتظارك ..
سمح ؟!!
| Quote: ..اما اوسكار هذا البوست يذهب الى ابو الجنون في قوله هذا |
ياجنى الجنون
بختك بيان ادتك اوسكار العوارة عن جدارة !!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Tumadir)
|
تماضر النخلة حبابك الف بعد طول غياب عن بيوتاتى
(ظننتها مقاطعة للمنتجات الناديوية لكن ربنا ستر وخاب ظنى بحمد الله)!!
Quote: ياجماعة قبل ما تطلعوا قوانين ساى.....
نحن شينين نعم ...لكن ما حصل ما بكيت فى فيلم...كل الافلام الشفتها فى الدنيا بكتنى ...حتى البتخوف والبتضحك..بتكون فى حتة صغيروووووونة كده بيعملها المخرج مخصوووووص للناس "الهبل" الزينا ديل ...ونحن بنبكى .. |
ياطمطم السمحة ..جوة وبرة
وكت انتو شينين طيب الله خلق السماحة لمنو اساسا ؟!! والله سمممممممممممحة وقلبك وروحك ووشك وكلك سمح يعلم الله ..
Quote: فهى يا نادية ما عوارة ، لعلمك، هى ..هبـــــــــــــــــــــــــــــــــــالة!!!
وأكبر منك ..اعرف منك....فاهمة؟؟
هباااااالة. |
تفرق كتير العوارة من الهبالة ياطمطم ؟!!
والله انتى يااااااااااااااااااما بكيتينى زى العورا فى مسلسلاتك !!
انتو برضو دموعكم فى المسلسلات جلسرين ولا جد جد زى بعض الممثلين المصريين ؟!!
| Quote: وانا كبيركم "هبل" ...ابكى من مشى على ...مقلتين.......... |
بل انتى كبيرنا عسل .. الذ من خلق فى العالمين !!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: HOPEFUL)
|
العزيز جمال هبفول
| Quote: ندوية وحات ولدي "الفي خاطري" صورتك دي باقة بق .. يحفظك الرسمك وابدع |
هسة كان ماعوارة منك ياجيمى بتحلف بولدك البكر قبال يجى الدنيا مالك ؟!!
Quote: اها بمناسبة "العوارة" دي أنا عاوز أعترف لأول مرة "بعوارة" كثيرا ما سببت لي الحرج والضيق
بكل أمانه أنا ما عندي كنترول على دموعي لما أشاهد مقطع حزين كان في الحقيقة أو في التلفزيون
اها بتلاقيني دايما لو معاي ناس وفي مقطع حزين بقوم اخلي المكان امشي بعيد عشان دموعي بتكون بدت تنزل وما قادر اعمل عليها كنترول وما عاوز احد يشوفني بالحالة "العويرة" دي..
والشئ دا معقدني كثير كثير صدقيني .. والحمد لله انه لقيت البوست دا عشان اشوف ليه علاج من
المشكلة دي .. |
عارف؟
انا دموع الرجل بالذات بتكتلنى عديل موش بتبكينى بس ..وماعارفة ليه ..هل الدموع عند الرجل بتتكون من نفس مادة الدموع عند المرأة ؟!!
طيب ليه الرجل بيخاف نزول الدموع ياجمال ويدسها زيك كده لمن تنزل ؟!!
| Quote: اها في انتظار وصفة تزيل العوارة |
وانا زاتى !!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Mohammed Haroun)
|
محمد هارون سلام
وان شاء الله تكون وصلت الى هناك سالما معافى ..
| Quote: الأخت نادية نعم في نبات إسمه العوير وبتواجد أكتر حاجة في شرق السودان وزمان لما كنا في الإبتدائي كنا بنقطع سيطان العوير ونعبي الشكلة لا من البوليس يجي يفرقنا. |
اها فى زول معاى هنا فى القاهرة قال لى الموطن الاصلى لنبات العوير هو غرب السودان .. وليس فى الشرق ..لكن قال ايوة هو نبات طرى ويمكن صنع السياط (للجلد النضيف)!!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
الغالية نادية
العوارة الثانوية بنات
تحياتي
| Quote: هو ان تبكى نادية حين مشاهدتها للافلام بمختلف جنسياتها عربيا واجنبيا .. بكاء حار كمن مات لها عزيزا ولم يخرج (عنقريبه) باتجاه احمد شرفى بعد !! |
والله كان دي ياها العوارة ... كان كدي أنا خليقة ودلاهة عديل كدي
كان شفت فلم ولا مسلسل ببكي (إن شاء الله سوداني) حتى
كان إعتذرت لي زول ببكي
كان ودعت زول ببكي
في بكيات أنا حكيت مناسباتهن في البورد دا قبل كدا
ألخِّصن بسرعة
يوم ولدت غادة بتي الكبيرة بكيت وجات أمي تحكي لي مرة في حلتنا قالت ليها والله يا فاطنة ولدي البدري دا حنيييييييين يوم ولدو بتو غادة بكا جنس بكا
قامت المرة قالت ليها (عواليق وبس الببكيهو شنو)
أها يا نادية أخير ليك عويرة ولا عواليق القالوها لي أنا دي
البكية التانية
واحد هندي غرق في بير (السبتنق تانك) وأنا قعدت أبكي في بنات مصريات شافن المنظر وقالن (هو المتوفي يأربلو "يقربلو")؟؟؟
البكية التالتة
لمن سمعت أغنية (ياطير يا ماشي لي أهلنا) ولي هسع لمن أسمعها ببكي
أها ريك شنو
| |
|
|
|
|
|
|
|
|
|
Re: من علامات (العوارة) الكبرى !!!!! (Re: بدرالدين شنا)
|
بدر الدين حلا
Quote: الغالية نادية
العوارة الثانوية بنات
تحياتي |
العوارة الثانوية بنين
تقديراتى
Quote: والله كان دي ياها العوارة ... كان كدي أنا خليقة ودلاهة عديل كدي
كان شفت فلم ولا مسلسل ببكي (إن شاء الله سوداني) حتى
كان إعتذرت لي زول ببكي
كان ودعت زول ببكي |
والله انت كان كده اخوى ود امى وابوى عديل كده !!
ياحلا
هى العوارة دى ممكن تكون وراثة فى عيلة الانسان ؟!!
Quote: في بكيات أنا حكيت مناسباتهن في البورد دا قبل كدا
ألخِّصن بسرعة
يوم ولدت غادة بتي الكبيرة بكيت وجات أمي تحكي لي مرة في حلتنا قالت ليها والله يا فاطنة ولدي البدري دا حنيييييييين يوم ولدو بتو غادة بكا جنس بكا
قامت المرة قالت ليها (عواليق وبس الببكيهو شنو)
أها يا نادية أخير ليك عويرة ولا عواليق القالوها لي أنا دي
البكية التانية
واحد هندي غرق في بير (السبتنق تانك) وأنا قعدت أبكي في بنات مصريات شافن المنظر وقالن (هو المتوفي يأربلو "يقربلو")؟؟؟
البكية التالتة
لمن سمعت أغنية (ياطير يا ماشي لي أهلنا) ولي هسع لمن أسمعها ببكي
أها ريك شنو |
كل البكيات دى انا دخلتها قبل كده من ستة لتسعة فى الوطنية بحرى .. متزكرها ؟!!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
الاخت نادية عثمان ازيك
العوارة معناها..الحنيه او القلب الشفاف
يعني انسان بيحب الخير حتي للطير..
كلاميك ذكرني زمان في مسلسل اسمو (الشهد والدموع)
اتعرض في السودان اها كل النسوان كانو بتعاورو تعطفا معا زينب
كل الود..
| |
|
|
|
|
|
|
|
|
|
Re: من علامات (العوارة) الكبرى !!!!! (Re: bashir adam abdalla)
|
سلامات يا أستاذة نادية وسلام للبكائين والبكاءات،
أكان دايرين تتنخجو جد جد هاكم ديل:
1. بنات (خصوصاً بنات) أبواتِم وقيل أولاد أبواتُم يشوفو الفلم: Hanging Up لديان كيتون، ميغ رايان، ليزا كيردو والأبو الغتيت الاسمو راح لي هسَّع.
2. بنات وأولاد أماتُم وحِبَّانُم/حبيباتُم يشوفو الفلم: Shadow Lands لأنتوني هوبكينز...السر إنُّو أنتوني هوبكينز اللي هو أنتوني هوبكينز (هانيبال ليكتر آكل لحوم البشر في "صمت الحملان") يبكي بكاء طفل مشاركاُ طفلاً في بكائه.
3. أولاد حبيباتُم (خصوصاُ أولاد حبيباتُم) وقيل بنات حِبَّانُم يشوفو The English Patient وركِّزوا لي بالله على مشهد نهاية الفلم وفيه، بالمناسبة، جزء من مشهد بداية الفلم. تحديداً ركِّزوا على المشهد الفيهو الكونت ليزلي ألماشي يخرج من كهف السباحين حاملاً، على ذراعيه، محبوبته كاثرين ...لا حول ولا قوة إلا بالله العلي العظيم وبه نستعين.
كتِّرو المناديل بَسْ. أها نسيت، البندول...البندول ما تنسوهو...انا هسَّع علي الريحة ساكت محتاج لي لي طن بتاع بندول.
تحيَّاتي
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Adil Al Badawi)
|
العزيز عادل البدوى
| Quote: كتِّرو المناديل بَسْ. أها نسيت، البندول...البندول ما تنسوهو...انا هسَّع علي الريحة ساكت محتاج لي لي طن بتاع بندول. |
ياخ تكتلنا من البكاء وتقول لى بندول ؟!!
اها بندول ده زاتو مافى فى القاهرة دى اسوى شنو انا هسة ؟!!
اههى اههى اهىههههى استغفر الله !!
شفت جنس ال دى كيف؟!!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: فيصل محمد خليل)
|
عندنا مدير مدرسة ما كان بيضحك إلا ىخر الشهر
عليك الله في عوارة أكثر من كده ؟؟
وعندنا واحد قطع أضنين الغنماية الأثنين عشان اكلت الدقيق
أها دا يدوه نسبة كم من العوارة
والعريس بتاع هشام يازول لمن سألوه بتجي راجع متين من شهر العسل
شوفيه قال شنو ؟؟؟
ست النفر ماتبكي الا يوم اصرف الماهية ؟ في عوارة أكثر من كده
قال أفلام قال !!!!
والنوع البيكون ريالته سايلة والمخاته نازلة لحد رجليه
ويجي يقول عاوز يتزوج بت عمه زي هيفاء وهبي
دي أكثر عوارة بتغيظني وبترفع ضغطي !!!
تلقي واحد معاه ماجستير وما يعرس الا واحدة مختونه
دا أبو العوارة زاتووووووووووووووو
مرات تهاجر لدولة عشان تشتغل فيها تلقى الزول البيرأسك امي عديل كده
اها دي عوارة شنو دي ؟؟؟
تشيل مرات زوجتك منك الموبايل وتقول ليك عندي موضوع هام
تقوم تكلم جارتها عن نوع الطبيخ
وتلقاه بامية مفروكة 00 نوع العوارة دا بطمم بطني
تعيش مع الواحدة لبن على عسل
أول ماتتوحم تقوم تتعاور ليك
تقول ليك عاوزة فول مصلح في صحن ألمونيوم مطفق !!!
دا غير البتتعاور أكثر من كده وتقول ليك أنا بتحوم على الصلعة !!!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: ابوحراز)
|
العزيز ابو حراز
Quote: تلقي واحد معاه ماجستير وما يعرس الا واحدة مختونه
دا أبو العوارة زاتووووووووووووووو |
يازول الماجستير دخلو شنو بالختان هسة ؟!!
وبعدين يعنى المختونة المسكينة دى مفروض تبور وماتعرس كلو كلو .. ولا تكون دكتورة وتعرس ليها زول فاقد تربوى عشان اهلها زمان ظلموها وختنوها ؟!!
الختان عوارة صاح .. لكن الاعور من كده اننا نعاقب المختونة على جرم ارتكب فى حقها !!
ولا انت رأيك شنو ؟!1
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
العوارة تطير
هسي عليك الله جنس حلاتك دي ما عوارة؟؟؟
الله يحفظ
بقولو برضو
حفلة عوارة (للحفلة السمحة شديد)
عربية عوارة (العربية البتقرب تكون طيارة)
شي عوارة بس
وتستخدم للتعبير عن الكثرة والبذخ في العطاء والكمال
يعني لما تبكي في المسلسل دا بكون بذخ في الاحساس
ولما يغشوك بكون بذخ في العطاء
ولما يشوكشوك بي بساطة ووضوح بكون بذخ منك وافراط في الحب والثقة
وكدا يعني
| |
|
|
|
|
|
|
|
|
 Re: من علامات (العوارة) الكبرى !!!!! (Re: Ahmed Mohammed Osman)
|
نادية الرقيقة المرهفة
إنت زى ناس تماضر وجاى
يا جماعة بالجد أنا بتكيف للبت البكاية
يعنى قصدى بكاية من المواقف الزى حقت نادية دى وكده ، صدقينى دى ظاهرة صحية وما فيها أى عوارة ولا هبالة زى ما قالت تماضر فيها كمية حنية كده لا يخبرها الا الناس الرقيقين الحساسين المرهفين الزيك
يا نادية انا (بكر) يعنى (العواره زاتها) ويمكن ملاحظة (عوارتى) فى البوستات المخستكة البكتبها ، لكن تعالى احكى ليك الحكاية دى يوم أنا قاعد فى الكمبيوتر فى البيت بسمع فى اغنية بتاعت طمبور اسمها (أمونة) ، أمونة دى عرسوها لى زول بتريدو وعاشت معاه كويس خالص خالص وجابت ليها ولدين ، قام زولها ده مشى الجنوب مع ناس الدفاع الشعبى ، وغتس الغتسة الياها ، أربعة سنين ما رجع والجماعة قالوا خلاص الزول ده مات وقاموا عرسوا البت لى أخوه وعاش معاها سنة كمان وجاب منها ولد سموه أحمد على اسم المرحوم زوجها الغائب ، تصدقى يوم كده الباب دقّ قامت فتحت الباب لقتو ليك يا هو أحمد زااااتو راجلها الأولانى الغائب ، والمغنى يؤدى فى كل هذه الحكاية بكميات الحان شجية تقطع القلب ، انا يا نادية قاعد اسمع فى الأغنية دى ودموعى جارية ، بكى عديل والمدام واقفه بى وراى (تضحك جنس ضحك) فى بكاى وعوارتى وأنا ما قادر أوقف البكاء عشان أنهر المره
وأديك دى كمان ، عندنا عضو فى البورد شاب لطيف ومرهف وحساس وصغير فى السن وتربطنى به علاقة نسب بالإضافة الى انه يعتبر (صديق) بالنسبة لى لما وجدته فيه من تهذيب وأدب عالى ولغة ذات مفردات مميزة ، والزول ده كتّاب كتابة مبالغة كده ، المهم صاحبى ده مغترب فى حتة بعيدة وكدا ، يوم بتونس معاه فى الماسنجر بتاع الهوتميل ، وجبنا سيرة الجماعة فى السودان و (أمو) قام زولك مما جبنا سيرة أمو بكى بكاء شديد خالص خالص وبقت دموعو تكب فى الكى بورد وقام قال لى كده أنه ساعتها هو يبكى وما قادر يوقف نفسو من البكا ، ورغم أنو فى العشرينات إلا أنه كان يقول لى لو قدر له الموت لأختار أن يموت هو قبل موت أمو ، ويقول كده (خوووووووض) يا دموع وانا فى الماسنجر اشيل وأحنس اشيل واصبّر فيه أشيل وألاغى أشيل وأدردق فيه عشان ينسى الموضوع ده وما قدرت كلو كلو لغاية ما اضطريت أفصل منو الماسنجر ولحدى ما لاقيتو تانى يوم حتى سكت
جنس ده يقولوا عليه شنو؟؟؟؟ محنة زائدة ولاّ رقة مدفقة ولاّ غربة صعيبة ولاّ عوارة؟؟؟؟؟
معليش طولت عليك ، لكن من جد موضوع جدير بالكتابة والتحدث حوله إذ أن أهلنا بالسودان فيهم كمية حنان كده ما عادية وقاموا (جبدونا) بيها
العشر هو العوير يا نادية ، ونادية هى (دفق الحنان) يا عُشر
| |
|
|
|
|
|
|
|
|
|
Re: من علامات (العوارة) الكبرى !!!!! (Re: يازولyazoalيازول)
|
يازول يازول
سعيدة بطلتك حد العوارة يازول ياسمح
Quote: نادية الرقيقة المرهفة
إنت زى ناس تماضر وجاى |
حلو انو اكون مع تماضر المرهفة فى مركب وااااحدة ومن دواعى سرورى والله
| Quote: يا جماعة بالجد أنا بتكيف للبت البكاية |
وانا بتكيف للراجل البكاى ..انت بكاى ؟!!
| Quote: يعنى قصدى بكاية من المواقف الزى حقت نادية دى وكده ، صدقينى دى ظاهرة صحية وما فيها أى عوارة ولا هبالة زى ما قالت تماضر فيها كمية حنية كده لا يخبرها الا الناس الرقيقين الحساسين المرهفين الزيك |
تسلم يارب .. وحتى لو كانت عوارة المهم انها رحمة واحسن من القساوة !!
| Quote: يا نادية انا (بكر) يعنى (العواره زاتها) ويمكن ملاحظة (عوارتى) فى البوستات المخستكة البكتبها |
انت ليه بيقولوا للبكر عوير اصلا ؟!!
| Quote: العشر هو العوير يا نادية ، ونادية هى (دفق الحنان) يا عُشر |
يازول ماتلخبط معلوماتنا
قالوا العشر ياهو صباح الخير والخير ياهو الفى قلبك ياغالى !
احب وجودك الحلو
وكن بالف خير !
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Ahmed Mohammed Osman)
|
النبيل احمد محمد عثمان
Quote: بقولو برضو
حفلة عوارة (للحفلة السمحة شديد)
عربية عوارة (العربية البتقرب تكون طيارة)
شي عوارة بس
وتستخدم للتعبير عن الكثرة والبذخ في العطاء والكمال
يعني لما تبكي في المسلسل دا بكون بذخ في الاحساس
ولما يغشوك بكون بذخ في العطاء
ولما يشوكشوك بي بساطة ووضوح بكون بذخ منك وافراط في الحب والثقة
وكدا يعني |
وبقولوا ولد شرط لمن عوارة !!
وبت فايتة القمرة جمالها عوارة بس !!
وبقولوا ناس فلانة جايبين كترة شيلة عوارة مااكتر !!
وهكذا عوارة !!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
نادية بت عثمان :
غايتو بكاك ده كان بي ريالتو تبقا دي ياها العوارة زوووووووووووووووووووووتا..
وكان بكاك ده من غير ريالة يكون دخ إستهبال ساي..
وكان ما بكيتي من اصلو تكوني جافية وقلبك حجر ...
تخريمة :
الموضوع عندو علاقة بي ملاح الأسود ؟؟؟؟
| |
|
|
|
|
|
|
|
|
|
Re: من علامات (العوارة) الكبرى !!!!! (Re: عمر الفاروق)
|
نادية
سلامات
عندنا واحد قريبنا إسمه سيد تلول يقولون عنه أنه مجنون .. و لكنه أذكى من مشى على إثنين ..
له ردود لا يمكن لعاقل أن يأتي بها .. فهي تصب في خانة المعقول غير المتوقع حد الدهشة.
ذات مرة أتى من القرية إلى الخرطوم و سمع بوفاة أحدهم فذهب إلى بيت بكا ..
رفع الفاتحة في الصيوان ..
ثم ذهب إلى حيث النسوان ليجاملهن برفع الفاتحة .. فقابل أول من قابل فتاة جميلة جدا جدا عند الباب .. فأسرع إليها و عانقها عناقا حميما و راح يبكي بكاءا حاراً و يعدد مآثر الميت .. و يعصر البنية عليهو شديد ..واضعا خده على خدها .. و يضع قبلة لها صوت بين الفينة و الأخرى .. و يتمتم ( الله يرحمو و يرحمنا ) ..
و البنت المسكينة مندهشة و تتململ تحاول التملص من بين يديه .. و لكن هيهات ..
فهرع إليه أحدهم من الصيوان و قال له : يا سيد البت دي ما عندها أي علاقة بالميت .. النسوان أهل الميت جوة ..خش عليهن
فقال سيد و هو لا يزال يعانق الفتاة بشدة و يبكي بحرقة : إنت أسكت ساكت و زح من هنا .. هو المسكينة دي ال ماتوا عندها شوية ..
***
أها يا نادية .. دي عوارة ولا غتاتة و لا حنية .. ؟؟؟ غايتو دي من علامات إصطياد الفرص الكبرى
أرقدي عافية
| |
|
|
|
|
|
|
|
|
|
Re: من علامات (العوارة) الكبرى !!!!! (Re: jini)
|
جنى
Quote: احد أشقاء جدنا الخامس كان علامة فارقة فى العوارة يعنى A1
سئل عن سبب عزوفه عن الزواج فأجاب:
اناكان كنت داير العرس بنات اللمين أخوى ما متل صيد الخلاء!!!
اها زى دا عوارتو فى غينيس فى!! |
والله يستحق يدخل موسوعة جينيس من اوسع ابوابها !!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نادية عثمان)
|
أول حاجة يا نادية زي ما أنت زعلانة بي فادي من وديدي أنا زعلان منك بي جاي ....
واحدة عويرة راكبة في البص واحد مشمع عاين ليها عاينة ليهو ... أبتسم ليها أبتسمة ليهو .... غمز ليها غمزت ليهو ... أشر ليها على المحطة نزلت ... قعد في محلها ....
دي ممكن نعتبرها عوارة رومانسية جداً ...
المهم ...
بالمناسبة في حاجة اسمها عوارة مؤقتة وبنسميها هبالة ... لما واحد ينادي بي إسم يكون زي اسمك تقوم تتلفت أو ترد ويكون المقصود ما أنت ....
كدي أفتوني في رؤياي دي ...
ولك الود يا نادية (رغم زعلي منك)
| |
|
|
|
|
|
|
|
|
|
Re: من علامات (العوارة) الكبرى !!!!! (Re: عبد الله إبراهيم الطاهر)
|
الغالى جدا عبد الله ابراهيم الطاهر
| Quote: اول حاجة يا نادية زي ما أنت زعلانة بي فادي من وديدي أنا زعلان منك بي جاي .... |
زعلان منى ليه ياعبد الله .. ياخ ان ان شاء الله اموت ولاانت تزعل يازول ياسمح ياود الاصول
Quote: واحدة عويرة راكبة في البص واحد مشمع عاين ليها عاينة ليهو ... أبتسم ليها أبتسمة ليهو .... غمز ليها غمزت ليهو ... أشر ليها على المحطة نزلت ... قعد في محلها ....
دي ممكن نعتبرها عوارة رومانسية جداً ... |
دى الذ عوارة فى الدنيا والله
Quote: المهم ...
بالمناسبة في حاجة اسمها عوارة مؤقتة وبنسميها هبالة ... لما واحد ينادي بي إسم يكون زي اسمك تقوم تتلفت أو ترد ويكون المقصود ما أنت ....
كدي أفتوني في رؤياي دي ... |
معاك منتظرة الفتوى !!
| Quote: ولك الود يا نادية (رغم زعلي منك) |
يازول تبرى من الزعل انت
والله لو جيت للجد انا الزعلانة عشان مطنشنى لاتلفون لامسكول !!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: اشرف السر)
|
سأحكي طرفة جميلة - عن معاني الشتائم السودانية - مضي عليها زمان طوييييييييل حين كانت بداية إغترابي الأول في مدينة جدة بعد التخرج عام 1975م ، ولها علاقة بالتعبيرات السودانية ، فقد كنا ثلاثة زملاء محاسبين جدد بتوكيلات العطاس للملاحة ومدير القسم فلسطيني ، كنت أنا وزميل مصري وآخر هندي بالحسابات ، كنت دائما في تقريع وماكاواة مع زميلي المصري ، وأشتمه بالتعبيرات السودانية مثل : إنت عوقة ولاشنو ، إنت والله عوير عديييييل كده ومش عوقة وبس ، وقد كان دائما يستحلفني بأن اشرح له معاني هذه المفردات ، وأنا أرفض ، ولكنه ذات مرة قال لي : أنا حأعرف إزاي أحصل علي معاني شتائمك ، وخرج للتو من مكتب الحسابات بالشركة متجها صوب قسم المنافستو والبواخر ، حيث يوجد زميل سوداني لي بذلك القسم ، فأخبرت الزميل بالتلفون : إن جاك المصري ده وسألك عن معني كلمة أو كلمتين ، فأرجوك وزعه ، أي خليه مسطح، وفعلا ذهب ووجد الإجابة من الزميل السوداني بمفردة أيضا لا يستطيع فك طلاسمها ، فغضب ورجع لي قائلا: إنت السودانيين حتقننوني، حأتقنن.
فذهبت للسوداني في مكتبه وسألته : ماذا قال لك أحمد المصري ، فأجاب: سألني قائلاً ، عوقة معناها إيه يابوكمال ؟ فقلت له :ها العوقة ده .. إنت ماعارف عوقة معناها شنو يابوحميد ؟ فقال : والله مش عارفها ، أصلو الأخ الباشا خاوتني بيها دائماً ياعوقة ياعوقة ، فقلت له : معناها تلوقة... فهز رأسه وأخرج زفيرا حاراً : ( أوففففف)وهرب مني بعد أن تعجب للكلمة
( إنتهت )
| |
|
|
|
|
|
|
|
|
|
Re: من علامات (العوارة) الكبرى !!!!! (Re: Abulbasha)
|
الرجل المتعدد الابداعات صلاح الباشا
مرحب بمرورك المفرح جدا
| Quote: ها العوقة ده .. إنت ماعارف عوقة معناها شنو يابوحميد ؟ |
معناها شنو بالجد ؟!!
هل العوقة ايضا نبات اخو العوير يعنى ؟!!
حاجة تمخول جدا !!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: اشرف السر)
|
الاكرم اشرف السر
| Quote: اولا بالتبادي، العوارة خشم بيوت.. وفي جنس عوارة كدا الزول يتمناها.. |
ايوااااااااا طيب تعال ورينا انواع العوارة وياتها اكتر نوع الزول بتمناهو ؟!!
| Quote: وبالنسبة لنبات العوير، ليس هو صباح الخير، هو نبات اشبه ما يكون بالعُشر إذ له ساق ويستخدم في صنع الأسيجة الفاصلة، وله زهرة بنفسجية اللون... |
وهل له اى فوائد طبية او غيرها ؟!!
| Quote: واعتقد ان وجه الشبه بين العوير (النبات) والعوارة السلوك.. هو عدم الانضباط، لأن نبات العوير يمتد في نموه وينتشر بصورة عشوائية جدا ،،، |
وهل العوير الانسان كما النبات بقوم فى اى حتة برضو ؟!!(معليش احتمل اسئلتى العويرة )!!
| Quote: وملعومة اضافية عن نبات العوير انه يصيب الأغنام بالكساح اذا أكلت أوراقه.. |
لاحولا كساح عديل ؟!!
والغنماية برضو بتأكلو طبعا بعواراتها !!
| |
|
|
|
|
|
|
|
|
|
Re: من اين ياتي هؤلاء .. نادية عثمان مثالاً (Re: Ahmed Mohammed Osman)
|
ندوووووووووووووووووووووووووية
أخير ليك تبطلي العوارة دي لانو في ناس من شدة عوارتك يقومو يجيبو بنات يسمو الواحدة عويرة ولما امها تزعل من الاسم يقوليها بدون مايشعر سميتها عويرة تيمناً بنادية العويرة وعوارتك انشا الله عوارت البنات لي حدهن وأنا من اليوم عويييييييييييييييييييييييييييير للطيش .
| |
|
|
|
|
|
|
|
|
|
Re: من علامات (العوارة) الكبرى !!!!! (Re: aosman)
|
استاذ الدين سلام ومرحب بالطلة الحلوة جدا
Quote: اِعْوَرَّ، يَعْوَرُّ، اِعْوِرَار
"اِعْوَرَّتِ العَيْنُ" : ذَهَبَ بَصَرُها
"اِعْوَرَّ الرَّجُلُ" : ذَهَبَ بَصَرُ إحْدَى عَيْنَيْهِ.
|
ده كلام مفيد ومهم جدا
لكن هل كلمة عوير اصلها اعور ؟!!
نرجو الرد لتعم الفائدة !
| |
|
|
|
|
|
|
|
|
 Re: من علامات (العوارة) الكبرى !!!!! (Re: نادية عثمان)
|
نادية
سلام
قال لها ليلة الامس شاعدت فى الحلم
قالت بالله خلى العوارة ده
قال وانت تسبحين فى بحر احلامى
قالت وهى تغطى وجها بكفها هى عويرررررر
قال وصحوت فجأة من النوم بعد ان غرقت وانا احاول انقاذك
قالت والله ده جنس عوارتن
تحياتى
| |
|
|
|
|
|
|
|
|
|
Re: من علامات (العوارة) الكبرى !!!!! (Re: بلدى يا حبوب)
|
يا ناديه فى واحد عوير طينه قال لعمه أنا داير بنت عمى إلهام فقال له عمه مى عزيزه عليك هديك أمش كلمها فذهب وقال لها يا بنت عمى أنا بدورك وكلمت عمى قالت ليهو والله يا فلان إنت نعم الأخ لكن عاوزه أقرأ فرجع لعمه أها بنت عمك قالت شنو قال والله قالت دايره تقرآ لكن والله أنا أمشى الشيخ حسن أجيبها بى جناها...........................
منصور
| |
|
|
|
|
|
|
|
|
|
Re: من علامات (العوارة) الكبرى !!!!! (Re: munswor almophtah)
|
الغالى منصور المفتاح
تسلم على الطلة البهية الحلوووووووووووووووة التى اسعدتنا ايما سعادة والله
| Quote: يا ناديه فى واحد عوير طينه |
انت الطينة دى موش بقولوها للسكران والبليد ؟!!
اها عوير طينة دى اول مرة اسمع بيها .. لكن زول النكتة دى عويرة لمن غلط موش طينة بس !!
| |
|
|
|
|
|
|
|
|
|
Re: من علامات (العوارة) الكبرى !!!!! (Re: نجود حسن عبد الرحمن)
|
يانجووووووووووووود
شنو البخلي الواحد مايبكييييييييييييي تتفننو فينا زيما عايزين مرة صور بالجنبة ومرة اليد في الخد ومرة قدام كمبيوتر وآخر فنونك ياغزالة مسدس اصطاد لحدي الآن خمسة كدايس واحد أنا والتاني سجيمان والثالث ودالموج والرابع ودفايت والخامس ودعكر والسادس المحاصر hands up إيهاب جرستونا وبهدلتونا وهملتو عيالنا نتجارى وراكم زي الهبل لالقيناكم وفرحنا ولا نسيناكم واسترحنا.
بكايييييييييييييييين بكايييييييييييييييين والمكابرنا يبكي معانا فمن هو ليس معنا فإنه ضدنا.
| |
|
|
|
|
|
|
| |
saif massad ali
khaleel
Mohammed Haroun
WAD ELGAALI#4
Rashid Elhag
عاصم ابوبكر حامد
Yassir Tayfour
jini
bint_alahfad
ودرملية
Adrob wad Elkhatib
HOPEFUL
Gazaloat
Tumadir
bayan
بدرالدين شنا
bashir adam abdalla
حمد فتح الرحمن
فيصل محمد خليل
ابوحراز
Ahmed Mohammed Osman
يازولyazoalيازول
عمر الفاروق
ابو جهينة
عبد الله إبراهيم الطاهر
قاسم المهداوى
اشرف السر
Abulbasha
لؤى
عبدالرحمن عبدالله أبوشيبة
aosman
محمد الامين محمد
بلدى يا حبوب
munswor almophtah
Omar Bob
Hussein Mallasi
فيس بوك
تويتر
انستقرام
يوتيوب
بنتيريست