المنتدي.............. و دافوري ميدان الربيع

Re: المنتدي.............. و دافوري ميدان الربيع (Re: Magdi Is'hag)
عزيزي مجدي تعجبني دايماً وإنت بتكتب بالسهل الممتنع، إمكن لأنها الأقرب للزي أنا ديل الكانو بشاركو في الدافوري ، لكن هسع بس بقينا متفرجين ومن بعيد جداً. تعرف أول ما جيت وصلت ميدان الدافوري كده ولابس دييييك يالكدارة الما خمج لكن وحاتك عندي مافيها ولا مسمار واحد ، لا داير أكسر زول لا داير زولاً يكسرني، بس أستمتع بالدافوري ده مع الناس ديل، وعملاً بالفهم البقول (إيد في إيد تجدع بعيد). أها يا زول كده قلت لروحي أنا أظهر لباقي اللعيبة قدراتي عشان أتسجل مع تيم تاني لكن برضو شغال بسياسة الامان يعني كان شعرت إنو المكان ده إمكن المطرة تصب فيهو ، وكراعنا حنشيلا فوق رقبتنا (وكان ده الغالب في التمارين)قلت يا زول كراعك ورقبتك إنت أولي بيهاوشخت شخيت ووقفت بعيد. واحد من الفرد البتفرجوا ديل ، قال لي يا زول الدافوري ده ما هيلك ، ده زي عمود الحلة الناس تجي فيهو عشان تقطع وكت ، قلت ليهو أنا معاك في دي كسودانيين عمود الحلة والدافوري زي الكسرة والملاح عندنا. قال لي أها الشوت الضفاري ده بتقدر عليهو؟ قلت ليهو طالما إنو أنا لابس كدارة ما محتاج أشوت ضفاري الشوت يكون (كفية ) كده وفيهو حرفنة. قال لي يا زول .... الميدان ومقسم والكورة الشوت ضفاري يا فيها يا بعيد منها . كلامو بقي لي ما ياهو، لكن فعلاً كلامو صاح مية في المية لأنو الميدان ومقسم وأي حشاش ملا شبكتو، والزينا الجو التمرين متأخرين بقوا هايصين ولايصين لا عارفين يجروا مع الكورة لا عارفين يجروا مع الناس (في الغالب الكورة في إتجاه والناس التانين دافوريها في كرعين بعضها وللركب. وأخوك إنت خابروا زيييييييييين ، جنس الكسر ده لا بقدر عليهو ولا شيتن، في نفس الوكت ما داير أشوت ضفاري وما داير زول يشوت فيني ضفاري، وبقيت أعاين بس . لأنو عرفت إنو بعد التمرين أي جماعة بقعدوا في الأرض وبراقبوا الكانو ما معاهم ، مشوا مع منو من البتفرجوا ، عشان كان يوم المتفرجين ديل جو داخلين ما يكونوا في العزلة معاهم، يا إما الناس البرة دي تجي تقعد معاهم!!!يا إما أرجو الراجيك كان دخلتو. لكن السؤال المهم ، كيف الدافوري ده يستوعب الجميع؟ والقوانين تكون واحدة للكل ، ميدان الربيع ده ممكن يستوعب السودان كلو ما عندو مشكلة ، لكن هل اللعيبة الموجودين في الميدان بقدروا يستوعبوا الحاجة دي؟ إنو البني أدم التاني برضوا عندو حق في إنو ما يتشات ضفاري كده ساكت وما يتشلّخ (بالشلاخات) ديلاك؟ هل في إمكانية نرجع الناس المشت ميدان كمبوني بالمساء ديلاك؟ أضعف الأيمان تكون في مباريات كده بيناتهم لكن لعبها نضيف وفي أخر التمرين نقعد نتونس كلنا سوا، وكل واحد يرجع أهلو بكرعينو بدل ما البعض برجع حالياً وشايل كراعو فوق رقبتو(وفي الغالب الكل لأنو حتي المتفرجين لمن يحالوا يخشوا عشان يحجزوا ، بتعوقوا هم زاااتهم كده)!! أو بالمناسبة ما ممكن نعمل لينا برضو (شيرنق)كده ... ونعمل مزيرة جمب دكان عمك علي داك تسقينا نحنا وتسقي غيرنا، وكان الشيرنق كتر، فول عمك علي داك زاتو بأكلنا نحنا وغيرنا وإيد في إيد تجدع بعيد وجاي جاي جاي مافي حاجة ساي كلو عندو دين كلو عندو راي ولك ودي (عدل بواسطة Omar Elshowaya on 01-29-2006, 01:56 PM)

العنوان	الكاتب	Date
المنتدي.............. و دافوري ميدان الربيع	Magdi Is'hag	01-20-06, 01:35 PM
Re: المنتدي.............. و دافوري ميدان الربيع	Magdi Is'hag	01-21-06, 01:53 PM
Re: المنتدي.............. و دافوري ميدان الربيع	ودالعباسية	01-21-06, 05:42 PM
Re: المنتدي.............. و دافوري ميدان الربيع	Magdi Is'hag	01-22-06, 03:23 PM
Re: المنتدي.............. و دافوري ميدان الربيع	برير اسماعيل يوسف	01-23-06, 01:14 AM
Re: المنتدي.............. و دافوري ميدان الربيع	bayan	01-23-06, 05:02 AM
Re: المنتدي.............. و دافوري ميدان الربيع	Magdi Is'hag	01-24-06, 01:41 PM
Re: المنتدي.............. و دافوري ميدان الربيع	حاتم الياس	01-24-06, 02:12 PM
Re: المنتدي.............. و دافوري ميدان الربيع	Hussein Mallasi	01-24-06, 03:46 PM
Re: المنتدي.............. و دافوري ميدان الربيع	Hussein Mallasi	01-24-06, 03:57 PM
Re: المنتدي.............. و دافوري ميدان الربيع	bayan	01-24-06, 11:27 PM
Re: المنتدي.............. و دافوري ميدان الربيع	برير اسماعيل يوسف	01-25-06, 09:23 PM
Re: المنتدي.............. و دافوري ميدان الربيع	bayan	01-25-06, 10:21 PM
Re: المنتدي.............. و دافوري ميدان الربيع	برير اسماعيل يوسف	01-25-06, 10:56 PM
Re: المنتدي.............. و دافوري ميدان الربيع	Magdi Is'hag	01-26-06, 04:41 PM
Re: المنتدي.............. و دافوري ميدان الربيع	bayan	01-26-06, 08:23 PM
Re: المنتدي.............. و دافوري ميدان الربيع	برير اسماعيل يوسف	01-29-06, 10:14 AM
Re: المنتدي.............. و دافوري ميدان الربيع	Omar Elshowaya	01-29-06, 01:55 PM
Re: المنتدي.............. و دافوري ميدان الربيع	Magdi Is'hag	01-30-06, 05:12 PM
Re: المنتدي.............. و دافوري ميدان الربيع	bayan	01-30-06, 10:34 PM
Re: المنتدي.............. و دافوري ميدان الربيع	Omar Elshowaya	01-31-06, 00:51 AM
Re: المنتدي.............. و دافوري ميدان الربيع	Omar Elshowaya	01-31-06, 00:58 AM
Re: المنتدي.............. و دافوري ميدان الربيع	Magdi Is'hag	01-31-06, 03:28 PM
Re: المنتدي.............. و دافوري ميدان الربيع	bayan	01-31-06, 09:42 PM
Re: المنتدي.............. و دافوري ميدان الربيع	محمد خالد ابونورة	01-31-06, 11:45 PM
Re: المنتدي.............. و دافوري ميدان الربيع	bayan	02-01-06, 11:47 AM
Re: المنتدي.............. و دافوري ميدان الربيع	برير اسماعيل يوسف	02-02-06, 04:39 AM
Re: المنتدي.............. و دافوري ميدان الربيع	برير اسماعيل يوسف	02-02-06, 08:18 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]