|
Re: انتظرى .. مجموعة جديدة لهاشم صديق .. كاملة على البورد (Re: dreams)
|
كاركاتير ديسمبر
البلد بلدكم وانتو سيادها 0 كلها بيتكم محوشه ليكم انتو اسودها وجيش الحاره ونحنا الدُخلا جينا " بفيزا " سياحه 00 زياره 0
البلد بلدكم وانتو سيادها يشهد جوعنا وباقى هدومنا وحال أولادنا وموت احلامنا ونَقَحى جروحنا وظلم الساده وطيش القاده 0
أحلامنا تطير تقع فى البير 0 عَرَقْنَا غزير وشقانا وفير وحصاد الرحله تعيس وفقير 0 صدورنا تولّع من نار غيظنا شقانا مساهر وتحتو حصير أيامنا مسيخه وحالها عسير وجيوبنا ملانه غبار أمشير 0
وُلاتنا ينقّطو سُمنه ونِعْمه ونحنا ضلوعنا خطوطها حفير 0
بركة " شيخنا " تعمّر بيتنا بركة شيخنا تنجّض لينا تَمُرنا وعيشنا 0 بركة " شيخنا " ترخّص فولنا رغيفنا وزيتنا 0 بركة " شيخنا بتنصر ديمه بلدنا وجيشنا 0 بركة شيخنا بتحرس لينا تملّى صريفنا 0 بركة شيخنا تشيل دَقْدَاقْنَا تسفلت لينا مُدُنّا وريفنا 0 بركة شيخنا تكب بنزينّا " سيوبر " وعاده " بركة شيخنا تعشى ولادنا الليله جَداده بركة شيخنا توفّر لينا لبن ولساتك بركة شيخنا تسهّل لينا رغيف " فنتاستك "
مسكينه بلدنا شقاها لحافها وغيظها وساده 0000000 جروحها مُعاده بحكم العاده جروحها مُعاده بحكم العاده 0
مهزلة
شن نفرو الوزير ان قال وشن طعمو المدير ان كان قِصِر أو طال واكان تابعو التعيس " قفه " و " شيزوفرينتا " الشَبَه 000 ورجال 0
ده حال زمن الوجوه نُصين وضبح الكلمه بالسكين وطلع الموج باسم الدين 0 دقون تربايه بس راس مال 0 كتير تلقى الغُرر فى الوش وتحت الوش مسيح دجال 0
شن نَفَرو الوزير ان قال وشن طعمو المدير ان كان قصر او طال وشن آخْر الكضب والكيد لو صبحت جبالو تلال 0 000000 أيا حُزن الغبينه الطال ويا موج السفينه الصار على درب الموانى جبال 0 ايا قلب العُمُر مشروق بريد الطينه والتربال شن سوّى الوجع والكيد غير عجم القلم والعود وغير ضوّ الليالى السود وغير سوى الأغانى نصال وغير غَمّض عيون الخوف وغير فَتّح عيون الشوف على درباً نضال وجمال 0
شن نفرو الوزير ان كان قعد أو حام وشن طعمو المدير ان كان نضم أو صام وكم تمنو التعيس تابعو وكت همو " العَلَف ولجام " وشن نَفَر الحرس والأمن وكت جوه الكبار أقزام 0 وشن سوى الصُحف " للف " غير صبحو الرمم أقلام 0 الملحمة الثانيةاتهجّيت من لفحة لهبك اسم الشارع معنى الشارع غبن الشارع فجر الشارع 00000 ودَرْس الحسره وفَكّ الشَفره 0
اتعلمت 000 ادوس الجمره تَدَنْدِن وحّه فى قلب الطين تتفجرّ ذره تَطْلَع سودا وسمرا وخضرا 0 اتْدَرْدرتَ فى درب الشمس التَطْلع حته تَغَسْل الجته ويتَلّب طاغيه فى صَدْر الساقيه معاهو " المافيا " ونرجه تانى نزح فى الضَلْمه 0
اتْوَتَرت جروح 00 وصدام سكون 00 وكلام عذاب 00 وضلام من كل مسام الشجن العام ولا نَقْنَقْت ولا اتجرست ولا اتفكيت من ريد الأُمه 0
غَمسْتَ الوتر الصابر فيكا واتْنَسّمت غبار ايديكا 0 شالنى الهم فى الروح فى الدم فى النور والضَلْمه 0 فى التيه واللمّه ولبست الريح طاقيه وعمه واصبحت كبير بهويه وهمه
يا اكتوبر هليت فِليل للباب نَقّرت 0 تبيت حفيان بى غبنى فتحت 0 لقيتك خيل مشدودة حيل سلامك حار وغناكْ بندار فى الحال صَحْصَحْتَ واتذكرت القسم الغالى وصية وذمه وهموم الناس وعذاب الكِلْمه 0
يا اكتوبر هليت مزحوم بصروف وهموم:- البيت مسكون بطيور الشوم الجوف محروق والخير مسروق والصوت مكتوم 0
نَقّرت الباب والدنيا خراب الحق مقلوع الخوف مزروع الشين مرفوع الزين مقطوع الجوع سكين والطاغيه سمين 0 الناس بتْصوم وصقور الموت فى الجو بِتْحوم 0
يا اكتوبر جيت مشتاق حُضْنَك رقراق ذَكّرت الناس الألم العام الغضب النام الحق ينضام الصوت معبور السيف مكسور والساقيه تدور 00000 ( وانحنا زمان للشمس النايره قطعنا بحور حلفنا نموت أو نلقى النور وكان فى الخطوه بنلقى شهيد بى دمو بيرسم فجر العيد وما اتراجعنا ) (1)
يا اكتوبر هليت فليل نَقّرتَ وتَرْنَا0 تَبينا صحينا وليكا فَتَحنا لقيناكْ خيل مشدوده حيل فى الحال صَحْصَحْنَا 0
حلفنا نقوم وينسمع الصوت الكان مكتوم لا صف مقسوم لا خوف 00 لا نوم لا حق فى بيت لى طير الشوم لا طاغيه سمين لا غش بالدين لا جوع سكين لا صقور بدقون فى الجو بتحوم 0
يا اكتوبر قسماً قسماً - لى درب النور - فى الدم بِنْعوم ينكسر الخوف ويِتْجلا الشوف وتعود أقمارك يا خرطوم 0
اتهجيت من لفحة لهبك اسم الشارع معنى الشارع واتعلمت دروسك ماضى مضارع يا نبض امبارح وراجع فارع 0 00000 اتعلمت أدوس الجمره واعيش بالحسره وافك الشفره واتوترت جروح وصِداَم من كل مسام الشجن العام لا نَقْنَقْتَ ولا اتْجَرَسْتَ لا اتفكيت من ريد الامه ولا اتبريت من شرف الذِمه
غَمّسْت القلم الصابر فيكا واتنسَمتَ غبار ايديكا أصبحت كبير بهويه وهمه 00000 ولبست الريح طاقيه وعِمّه (1) مقاطع من الملحمة الاولى – نشيد قصة ثورة 1968م 0
|
|
|
|
|
|
|
العنوان |
الكاتب |
Date |
انتظرى .. مجموعة جديدة لهاشم صديق .. كاملة على البورد | dreams | 08-11-02, 01:48 PM |
Re: انتظرى .. مجموعة جديدة لهاشم صديق .. كاملة على البورد | dreams | 08-11-02, 01:52 PM |
Re: انتظرى .. مجموعة جديدة لهاشم صديق .. كاملة على البورد | dreams | 08-11-02, 01:53 PM |
Re: انتظرى .. مجموعة جديدة لهاشم صديق .. كاملة على البورد | dreams | 08-11-02, 01:55 PM |
Re: انتظرى .. مجموعة جديدة لهاشم صديق .. كاملة على البورد | masarat | 08-11-02, 05:30 PM |
Re: انتظرى .. مجموعة جديدة لهاشم صديق .. كاملة على البورد | رقم صفر | 08-11-02, 11:59 PM |
Re: انتظرى .. مجموعة جديدة لهاشم صديق .. كاملة على البورد | غدى | 08-12-02, 00:11 AM |
Re: انتظرى .. مجموعة جديدة لهاشم صديق .. كاملة على البورد | dreams | 08-12-02, 05:39 AM |
Re: انتظرى .. مجموعة جديدة لهاشم صديق .. كاملة على البورد | dreams | 08-13-02, 05:51 AM |
Re: انتظرى .. مجموعة جديدة لهاشم صديق .. كاملة على البورد | Yassir Mahgoub | 08-13-02, 05:11 PM |
Re: انتظرى .. مجموعة جديدة لهاشم صديق .. كاملة على البورد | HAMZA SULIMAN | 08-13-02, 07:36 PM |
Re: انتظرى .. مجموعة جديدة لهاشم صديق .. كاملة على البورد | dreams | 08-14-02, 02:16 PM |
Re: انتظرى .. مجموعة جديدة لهاشم صديق .. كاملة على البورد | Abomihyar | 08-14-02, 03:35 PM |
Re: انتظرى .. مجموعة جديدة لهاشم صديق .. كاملة على البورد | noha_g | 03-28-03, 09:09 AM |
Re: انتظرى .. مجموعة جديدة لهاشم صديق .. كاملة على البورد | dreams | 03-30-03, 10:44 PM |
Re: انتظرى .. مجموعة جديدة لهاشم صديق .. كاملة على البورد | مهاجر | 03-31-03, 08:06 AM |
Re: انتظرى .. مجموعة جديدة لهاشم صديق .. كاملة على البورد | dreams | 03-31-03, 09:55 PM |
Re: انتظرى .. مجموعة جديدة لهاشم صديق .. كاملة على البورد | Elhadi | 06-01-03, 01:33 AM |
|
|
|