|
|
 Re: الي المبدع ود الخواض (Re: معاوية الزبير)
|
تحياتي يا محمد البشرى
| Quote: عندك دليل على استخدام حاتم لاكثر من يوزر في المنبر.. هات |
ما عارف إنت ليه علّمت على في المنبر دي بالأحمر
هل تعني أن حاتم استخدم أكتر من يوزر خارج المنبر؟
ولو دا صح فكيف يتم الفصل بين داخل المنبر وخارج المنبر؟
يعني الحدود الجغرافية أو السايبرية شنو التي تجعل من استخدام أكثر من يوزر خارج المنبر لنفس الشخص في المنبر لا تجعله عرضة للتساؤلات في أي موقع على الشبكة؟
وأذكرك أنت شخصياً لك عداوات كبيرة جداً مع أشخاص تدعي أنهم يستخدمون اسماء أخرى في نافذة الفيس بوك وصلت لمراحلة كبيرة جداً من العداء وطبعاً من البديهي أنك لا تمكل أدنى دليل على أنهم استخدموا أكثر من يوزر في المنبر. أوليس بصحيح؟
السايبر يا صديقي قطعة جغرافية افتراضية واحدة
وفي كل قوانين الدنيا لو اقترفت جرم في حيز جغرافي ثم أتيت لحيز جغرافي أخر واستخدمت اسم مختلف وتم التعرف عليك أو حامت حولك الشكوك بأنّك نفسه من اقترف ذلك الجرم فسيعرضك للمساءلة.
| |
  
|
|
|
|
|
|
|
|
Re: الي المبدع ود الخواض (Re: فرح الطاهر ابو روضة)
|
شكرا هاشم الحسن..
"فترنا ذاتو من ترديد العبارة"
الاخ العزيز محجوب
تحية طيبة
ضعف الاستقراء من آفات المنبر مافي ذلك شك ..
Quote: في تقديري انو في الدنيا دي في ناس بتعرف تكتب (ربنا اداهم مجامع الكلمة) و في ناس ما بكتبو لكن بعرفو يقرو كويس و (اظن) حاتم امتلك الاداتين (كتابة و قراءة) و انا اميل انو قرايتو اجود من كتابتو. يعني تحليل افكار الاخرين.
وده في حد ذاتو ممكن صفة سيئة في الشخص كان يبحث احدنا في عيوب الاخرين اكثر من محاسنهم او بيقرأ ما وراء السطور.
|
الصفة السيئة ليست في "العين الخبيرة" في تقصي عيوب الاخرين
يعني اشبه بمن يقول ان فلان مشكلتو هي الذكاء الشديد ما يجعله ينظر لاشياء لا يجب ان تتكشف له او ما كان مقدرا له معرفتها لو ان ذكاءه اقل من ذلك ... ذلك مثال ليس الا
المشكلة ليست في ذلك ولكن في القدرة على الصاق العيوب المافيشة بالخصوم .. في القدرة على تحويل وتفصيل بعض مداخلاتهم وترديدها ونقلها من بوست لبوست لخدمة عملية الالصاق هذه والتي تبدو كهدف وحيد من عملية النقاش ليخرج المناقش من المناقشة وهو كرتوني نرجسي متناقض يفتقد للاتساق وفق عملية تاديبية جارية لقص ريش الذوات المتضخمة في المنبر ..
تعريف الذات المتضخمة هي الذات التي تخالف في الرأى .. ثم ترفض الانصياع للحق من بعد ما جاء به سيدنا حاتم ..
ضعف الاستقراء .. ربما!!
| |
|
|
|
|
|
|
|
|
|
Re: الي المبدع ود الخواض (Re: osama elkhawad)
|
| Quote: ضعف الاستقراء .. ربما!! |
الأهم هو "ضعف الذائقة اللغوية"...
الاستاذ محجوب عبدالله يعتبر أن الشبح يمتلك ناصية الكتابة.!!!!
ياخي في منشوره الذي زاغ منه عن الموسيقى،
هنالك أكثر من خمسين خطأ في عينة عشوائية ؟؟؟؟
الشبح كما ستثبت الأيام ليس له "تكوين أكاديمي"، وهذه ليست مشكلة كبيرة لمن يقرأ الكتب والمقالات المحكمة....
كما أنه لا يقرأ الكتب والمقالات المحكمة..
حصل يوم بالغلط وجدتو الشبح إشار إلى كتاب؟؟؟أو مقال محكم؟؟؟
المرة الوحيدة كانت كلامو عن "المرشد" لعبدالله الطيب، وبعد إشارتنا إلى مواضع سوء قراءته، زاغ إلى الأبد من ذكر الكتب ؟؟؟؟
| |
|
|
|
|
|
|
|
|
|
Re: الي المبدع ود الخواض (Re: osama elkhawad)
|
ول ابا هاشم الحسن..حبابك يا صديقي
بعد اذنك ، وكالعادة ، احتفظت بنسخة مداخلاتك هنا ، لأن لمن تقراها بايتة بعد يوم يومين بتحس بطعمها الحقيقي..!!!
وبعد ،
ذكرتني واقعة غريبة في ثقافة البناء في ديار اهلك في كردفان عامة ، وجنوب كردفان خاصة ، في كل بيت (قطية ، جاحوبة ، جالوص..الخ) دايما بتلاحظ حزمة من عشبة ام ريحان مشعوقة في خشم الباب..!
هذه العشبة تمنح العطر والعبق لكل من اقترب من الباب ..خصوصا لوحدثت رشة مطرة خفيفة ..بتلقى كل الحلة/القرية/الفريق/الحي يفوح فيه عبق ام ريحان تلك..وهي عشبة ذات عبق زكي للغاية (الله يستر يا هاشم ما يمرق فينا جهبوذ ويقول لينا غلـــــط مفروض تكون ذكي..ونبقى في حيص بيص..!!!!! فقليل هنا من يفرق بين زكية العبق ، وذكاء النبوق..والله اعلم..!!)
وفقا لنظرية حبوبتي ام سماح ام عسكرية بت نصر السكران ولد ماهل ابو امبكية ولد شنة ، وهي امراة عاشت في الحياة لمدة 115 سنة بالتمام والكمال ، قالت لي: الناس بتخت ام ريحان في البيوت ، لأن عبقها قوي ولا تستطيع حاسة الشم في الثعابين استحماله ، لذلك تهرب ، فالبيت الذي فيه عشبة ام ريحان ، تهرب منه الثعابين ..يعني علاج بيئي بحت..لا سم ولا كتل ولا يحزنون..!..لاحظ دي زولة لا قرت كمبيوتر ولا كلية العلوم جامعة الخرطوم..ولا عندها ماجستير ذاتو..!!!!
انت هنا يا صاحب كعشبة ام ريحان ، تحول عطن المخاصمة وام جمادية المخاضة الى عبق زكي وطيب وينعش الروح ويسكن الغضب..!
كتر خيرك يا صاحب على تذكر كتاب استاذنا دكتور زين العابدين ، ولي مع كتابه طرائف ، وهو بالنسبة لي اهم سفر سوداني كتب في الألفية الثالثة من عمر الزمان الذي نعيش فيه، واهمله المثقفون والمثقفات لسبب بسيط لأنه لم يذكر الديالكتيك وصراع الطبقة ، ولم يتحدث عن جدلية هامش ومركز ، ولم يتحدث عن بنية العقل العربي ومستقبل العقل العربي..واشار الى نظريات محمد عابد الجابري التي يفتن بها كثير من اهل امسودان..!
تلقيت نسختين يا صاحب ، ولا ادري هل احداهما مما تحدث عنه انت هنا: النسختين من اصدقاء في الولايات المتحدة ارسلوها لي بالبريد..ولكن الكرم يا صاحب..الشهامة السودانية..اشركت بعض اصدقائي في القراءة ، وحتى الآن عشرة سنوات بالتمام ولم ترجع لي نسختي كتاب استاذنا دكتور زين العابدين..والواحد خجلان يطلب نسخة تالتة..!
نفس الأمر حدث لي مع ديوان شعر نادر يا هاشم ، وهو ديوان (انهار الظمأ) للشاعر المصري محمد ابو دومة ، وهو الديوان الذي اقتبس بعض من كلماته الدكتور منصور خالد في سفره القيم (الفجر الكاذب: نميري وتحريف الشريعة)..
في بلد المشي على اربع..
الخ..
اقتنيت الديوان ست مرات ، واخر نسخة كانت معي لغاية 2001 في مدينة ريجاينا بمقاطعة سسكتشوان ، على توقيع من احد الصديقات كتبت بقلم رصاص ، تهديني النسخة:
اليك ايها الشاعر المبدع ، وغصبا عنك سيغني مصطفى سيد احمد كلماتك..!
كان ذلك في سنة 1992
بالطبع لم اصدق اني شاعر مبدع ، فالشعب السوداني ، الفرد منو لمن يتكيف منك للطيش ممكن يسويك نبي..!! (معي نسخ خطابات قديمة يا هاشم ، كانوا يخاطبوني بمفردات من شاكلة :النبي كبر ، الرسول كبر ، وواحدة تانية ما ح اقدر اقولها ليك هنا على الملأ..وانت ليس ممن يغالطني ، ولكن الأوراق موجودة..واهلها موجودين وما ح ينكروا..ناس شرانيين بحق وحقيقة، ياهاشم ، في سبيل ما يؤمنون به..لهم كل المحبة والتحية والتعظيم..فهم طلعوا الأنبياء والرسل..!!!!!!!! ونحن طلعنا قريعتي راحت ساكت..!!)
وحينما ، ذات ضهب ، سقت تلك الصديقة لأن تلتقي باستاذنا الفنان الكبير الهادي الجبل ، صارت النقة: ياخي الهادي ممكن يغني كلامك بصورة جيدة للغاية..!..فتلك الأميرة كل همها ان تسمع في احد اذاعات امسودان: من كلمات محمد النور كبر واداء فلان الفلاني..!
لغاية 2012 ، السؤال مستمر..وين كلامك..!!!!!!
التحية لأصدقاء سرقتهم منا دروب الحياة: النوبي الجميل طارق سيد احمد ، والشاب احمد طه موسى (احمد لندن) الذي قرر ان يتعلم الجيتار فتعلمه وصار كاسح بين الخلق في الحفلات ، والتحية لصديقات الإيمان العجيب..اينما كن وكيفما كن..!
ياترى هل ستفهم مخالب الموساد (حاتم ابراهيم) وتستوعب الدرس باننا بشر من لحم ودم وعظم وليس لدينا ما نخفيه عن الناس؟
ساكتب لك يا هاشم عن مهرجانات المدن البهية..!
كبر
| |
|
|
|
|
|
|
|
|
|
Re: الي المبدع ود الخواض (Re: Kabar)
|
أولا يا كبر؛ ما بينا والخير منك سابق...
تانيا؛ حسع عليك النبي مداخلة زي دي ملانة حنين وحنان
شن ختيتا لينا في بوست الدشمان!!
يا ريت تتفرغوا للبتعرفوه، زي الخبر عن "الريحان"
شلتو ختيتو ليك في بوست بريمة هــــذا
المشرف سلامات .. تصدق انقاطعك عن بوستات زي (ما العمل/الانتخابات)،
أصابني بقدر كبير من الإحباط.. لكن زي ما بتقول: الله غالب!
| |
|
|
|
|
|
|
|
|
|
Re: الي المبدع ود الخواض (Re: osama elkhawad)
|
Quote: مشيت قريتو بعد ما الناس جابوهو هنا كمثال لترصد حاتم تجاه الاخرين. قريتو تاني وما شفت اي شئ يخلي ودقاسم يتعامل بردود فعل كتلك تجاه حاتم او يترك المنبر بسبب ذلك البوست او حتي الناس تجيبو كمثال للترصد. بالمختصر ود قاسم جاب موضوع مختل الفكرة تماما و ما عارف كان متوقع شنو.
او كمن يريد الناس تقول ليهو: Yes sir.
و في تقديري انو معظم الناس جاملوهو بحكم انو صديق و معروف للجميع و رجل حبوب لكن لو كان اصحابو انتقدو فكرتو بدون مجاملة ما اظن كان يختلف عن اسئلة حاتم او تشريحو للفكرة |
هييييع ومعاها نطّة فوق و عرضة يا الهبيب, ودا قبل اصل الحتة التحت القلت تتفق معي فيها بنسبة كبيرة!
عايزين يخمّونا يجيبوا ليك مداخلات بعد النار ولّعت بدون السياق كامل ويقول ليك شوف, في حبن رجعة بسيطو لا ورا تورّيك النار اساسا الولّعها شنو!
غايتو يا هبيب حجزت خانتك سطوبر جمبي 
استاذنا الخوّاض
تنفيس الهنابيك حقوقها محفوظة لهشام آدم قبل سنوات من انضمامي للبورد, و المعنى المراد معنى عام, يمكن ما يفرقني عن حاتم ان هنابيكي مدّعية النضال و النبل و الشرف ... إلخ في حين هنابيكو تدّعي الأدب و العلم و الفن ...إلخ
لكن هذا ليس طموح بالنسبة لي, اهو قاعدين بنتونّس و نمنبر وانت قاعد في محلّك بتجيك الهنبوكة طايرة ما عليك إلّا ان تمد دبوّسك, وأحيانا لا تحتاج تمدّه حتى بتجي الهبوكة قاصدة الدبّوس لحالها.
أمّأ عن طموحي فهو أن اشهد آكشن نضيف, حجة قصاد حجة, رد على المحتوى لا كاتب المحتوى, اي اتهّام بدليل, منطق سليم ...إلخ
أتمنّى ان اكون اجبت على تساؤلك بسكل وافي
هلا يا فرانكلي
علّمت "في المنبر " بالأحمر عشان الفلم دا خشيناه عشرات المرات و طوالي الناس بتمرق عن الحيّز البجمعنا مكانا وزمانا و تمش تنكت حاجات لا علاقة للمنبر بها ولا دخل لأي احد بها عشان تدلّل بيها على مخالفات مزعومة لأعراف ولوائح المنبر!
مالي انا عضو منبر سودانيز اونلاين بماذا فعل اعضاء جابانيز اونلاين قبل عشر سنوات!
لو في مشكلة تخالف لائحة او عرف سودانيز من عضو يجمعنا هذا المنبر معليش, لكن مالي وما يجري أو جرى خارج المنبر!
بالنسبة لاشارتك لعداواتي مع اشخاص ادعيت انهم يستخدمون نافذة الفيس و بديهي اني لا املك دليل على استخدامهم اكثر من يوزر في المنبر - اعتقد تحتاج تراجع الصياغة هل تعني امتلاك يوزر واحد هنا واسم او عدة اسماء في النافذة أم تعني عدة يوزرات هنا؟
عموما مشكلتي مع واحد فقط وهو الواطي خضر الطيب الذي شتمني من النافذة باسم سودان ريبل وتم اثبات انه يستخدم هذا الاسم في بوست هنا, اما الاسماء التي كانت تشتم من النافذة فلم اتعامل معهم عى انهم اعضاء لانه بالفعل ليس لدي دليل لذا كيّلت لهم الشتائم و ارجعتها باسمائهم الفيسبوكية زي ما هي
لكن مرّة تانية ما علاقة هذا بمطالبتي لود المدير بالدليل على اتهامه لحاتم باستخدام اما اكثر من يوزر أو اسماء فيسبوكية مستعارة قبل ان يلقي اتهامه!
أنا لم اتهّم احد وحتى الواطي خضر الطيب لم اتهمّه بانه سودانريبل - رغم شكي - حتى تم كشفه بالدليل
| Quote: وفي كل قوانين الدنيا لو اقترفت جرم في حيز جغرافي ثم أتيت لحيز جغرافي أخر واستخدمت اسم مختلف وتم التعرف عليك أو حامت حولك الشكوك بأنّك نفسه من اقترف ذلك الجرم فسيعرضك للمساءلة. |
هذه العبارة غير انها فضفاضة و غير دقيقة فليست كل القوانين مطبقة في كل مكان, فيامريكا مثلا تختلف من ولاية لولاية!
غير عدم دقّتها فهي لا تنطبق على الحال هنا, فلا سودانيز جهة قانونية لمحاسبة الناس على المخالفات المرتكبة خارجها او لمطاردة تاريخهم الخاص ولا احد يدري ماذا جرى بالضبط ليقول او يوصفه بانه جريمة!
سودانيز لها لائحة, و العضوية و الزمالة لها اعراف اي مخالفة للائحة تستدعي تدخل الادارة اما من تلقاء نفسها او بعد تنبيهها, اي مخالفة للاعراف تستدعي اعتراض الزملاء و ادانتها و رفضها
غير كدا لا حق لأحد بالتعسّس والتحسّس وراء الناس و البحث في تاريخهم و معلوماتهم الشخصية التي لم يختاروا الافصاح عنها.
لكن
| |
|
|
|
|
|
|
|
|
|
Re: الي المبدع ود الخواض (Re: محمد البشرى الخضر)
|
يتحدث الاخ محمد البشرى كثيرا عن ظاهرة اعضاء المنبر الذين ينالون من خصومهم بصورة لا اخلاقية من خلال اسماء اخرى من نافذة الفيسبوك .. لنتفاجأ اليوم بانه لا يملك دليلا على ذلك !!
المهم !!
| |
|
|
|
|
|
|
|
|
|
Re: الي المبدع ود الخواض (Re: محمد حيدر المشرف)
|
خضت هذا النقاش مع الاخ محمد البشرى في مسألة السرقة الادبية
وقلت بان الموضوع البسيط ويحتمل احتمالين
ان حاتم سرق من معروف
او ان معروف هو حاتم
محمد البشرى كان يقول منذ ذلك الوقت ان وجود اسماء اخرى خارج المنبر لاعضاء في المنبر لا يدخل في حساب الاشياء هنا .. ما يحدث خارج المنبر يبقى خارج المنبر
قد أقبل بذلك في سياقات مختلفة عن هذه السياقات كما هو الحال في السياق المختص بالسرقة الادبية على سبيل المثال اذ لا يمكن الحكم بعدم وجود سرقة ادبية الا باقرار مسألة تعدد الاسماء ..
ذلك يقودنا لان تعدد الاسماء لا يخالف القوانين واللوائح كما يمكن ان تتفق عبقرية موظف بيروقراطي يتعامل مع طلبات تقديم او ما شابه .. بيد المحاكمة السلوكية ممكنة ومنطقية.. وتحديدا لو تلازم ذلك مع كم هائل من المشكلات المنبرية في عدد من المنابر كان (متعدد الاسماء هذا) طرفا اصيلا فيها وانتهى به المطاف مطرودا من بعض المنابر..
وكل ذلك يكون بالاضافة للمنطق المباشر والانساني البسيط والذي يقول ويحاكم سلوك الطرف الاصيل في كل الخصومات داخل وخارج المنبر باستغلال معلومات الخصوم الشخصية وهو مختبيء وراء حجاب الاسماء الوهمية غير الدالة على اي كيان شخصي .. يحاكمه بكونه غير نزيه على اقل اقل تقدير
المهم..
| |
|
|
|
|
|
|
|
|
|
Re: الي المبدع ود الخواض (Re: محمد البشرى الخضر)
|
تحياتي محمد
أنا كان سؤالي كالتالي:Quote: ما عارف إنت ليه علّمت على في المنبر دي بالأحمر
هل تعني أن حاتم استخدم أكتر من يوزر خارج المنبر؟ |
مع أنّك ما رديت على سؤالي لكن قلت | Quote: تمش تنكت حاجات لا علاقة للمنبر بها ولا دخل لأي احد بها عشان تدلّل بيها على مخالفات مزعومة لأعراف ولوائح المنبر! |
ممكن تضرب مثال للحاجات التي ليس لها علاقة بالمنبر ولا دخل لأي واحد بها؟!!
يعني مثلاً هناك شخص نقل مقال للمنبر ولم يشر بأنه ناقل لمقال شخص أخر بل تبنى كل الطرح ووضح جلياً أن هذا المقال منشور من قبل باسم شخص أخر
هل هذه الحال تعد لا علاقة لها بالمنبر أو لا دخل لأي واحد بها؟
وهل لا تصلح للتدليل على مخالفة للأعراف ولوائح المنبر؟
مثال أخر شخص طرح من تلقاء نفسه في هذا المنبر أنه فلان الفلاني صاحب شركة كذا وكذا وأن لديه نظام وحلول شاملة فهل إذا ذهبت لمحركات البحث بحثاً عن الشركة ومعلومات عنها ووجدت أن مالكها له اسم أخر ومسجل النظاق شخص أخر ولا يوجد لها مقر في المكان المحدد بموقع الويب ووجدت في مواقع أخرى أن هناك شخصاً أخر يتحدث عن ملكيته لنفس الشركة.
هل هذه الحال تعد لا علاقة لها بالمنبر أو لا دخل لأي واحد بها؟
وهل لا تصلح للتدليل على مخالفة للأعراف ولوائح المنبر؟
لن أخوض كثراً في مستخدمي نافذة الفيسبوك واكتفي بردك الحالي.
لكن بصورة عامة أنا وأنت وغيرنا بشر وإذا أساءنا أحدهم أو شكك في مقدراتنا الأكاديمية أو شهاداتنا العلمية فمن الطبيعي تقصي معلومات عنه معرفة كنهه.
هذا تصرف طبيعي جداً
الغير طبيعي أن يتطور ذلك للإضرار بالأرزاق إلا إذا كان كرد فعل على فعل سابق مماثل, الصاع بالصاع مع أنها ليست الطريقة المثلى ولكنه حق مكفول ومعقول ومعمول به.
لكن فصلك الغريب لما يجري في المنبر عن واقعه الإفتراضي والحقيقي محير بشكل كبير وغير متماسك.
مع أن المنبر كله مبني على مناقشة أمور في غالبيتها العظمى تحدث خارج أطر الموقع السايبري.
هناك تشابك وتقاطع كبير جداً بين ما يحدث في الموقع وبين ما يحدث في مواقع أخرى في الويب وبين ما يحدث في أرض الواقع.
ومن الطبيعي لإثراء الحوار جلب معلومات متوفرة في السايبر عن الموضوع المطروح
جاءك شخص بخبر من الطبيعي أن تبحث عن الخبر وكاتبه ومصدره في محركات البحث لتعلم صحته من عدمها
جاءك شخص بصورة من الطبيعي أن تبحث عنها في محركات البحث لتتأكد من صحتها ومتى أول مرة نشرت وفي أي موضوع.
جاءك شخص وزعم أنه فلان صاحب شركة فلان فمن الطبيعي الذهاب لمحركات البحث لمعرفة صحة هذه المعلومة من عدمها.
لذلك المطالبة بدليل صحة الأمثلة عاليه فقط من داخل المنبر هو هروب في الحقيقة من معرفة الحقيقة أو الإعتراف بها.
| |
|
|
|
|
|
|
|
|
|
Re: الي المبدع ود الخواض (Re: Frankly)
|
| Quote: يتحدث الاخ محمد البشرى كثيرا عن ظاهرة اعضاء المنبر الذين ينالون من خصومهم بصورة لا اخلاقية من خلال اسماء اخرى من نافذة الفيسبوك .. لنتفاجأ اليوم بانه لا يملك دليلا على ذلك !! |
يا دوك عبارتك بشكلها دا بتدي معني غير الانا قصدته!
نعم اتحدّث عن هذه الظاهرة كثير ولا بركة ساتحدّث عنها لكن لا استطيع ان اسمّي أو اتهم شخص بعينه بدون دليل, وطالما الأمر في إطار الشكوك فقط بل حتى ولو يقين لكن بدون دليل لا قانونا ولا عرفا استطيع ان اتهم احد, حال امتلكت الدليل على الواطي سميته باسمه
ولو تذكر حالة كنج (لاير) و الزميل مرتضى اقيم الدليل و الحجة على استخدام اليوزر نفس ايميله لكن لما جا مرتضى و اعلن سرقة ايميله ليس امامي سوى تصديقه و الاكتفاء من الغنيمة بغياب الاسم المستعار كينج (لاير) وتوقفه عن شتيمتنا .
ما الغريب في هذا الأمر, شي طبيعي مالم يكن هناك دليل تحت يدّك أن لا تصرّح بشكوكك! اليس هذا هو الطبيعي!
| Quote: محمد البشرى كان يقول منذ ذلك الوقت ان وجود اسماء اخرى خارج المنبر لاعضاء في المنبر لا يدخل في حساب الاشياء هنا .. ما يحدث خارج المنبر يبقى خارج المنبر |
محمد البشرى كان ولا زال يقول بذلك! ولا بكرة ان شاء الله أقول بذلك
زي ما قلت جرينا هذا الشوط من قبل, لكن لا بأس من استفسار لضبط الكلام | Quote: مع كم هائل من المشكلات المنبرية في عدد من المنابر |
كم منبر و كم مشكلة ولو بالتقريب ؟
فقط لضبط الكلام انت عارف الناس هنا بتلفح كيف و يشيلوا الحاجات كأنّها حقائق كونية
هلا فرانكلي, كنت اظن اني ردّيت على سؤال سبب تحديد عبارة في المنبر كالتالي | Quote: لّمت "في المنبر " بالأحمر عشان الفلم دا خشيناه عشرات المرات |
يبدو ان الكلام ما كان واضح, معذرة خليني اعيد
قصدت ان في نقاشات سابقة كان نفس السؤال تتم الاجابة عليه ان حاتم انتحل اسماء في منابر أخرى و اوقات أخرى لذا المرة دي حاولت اتجنب هذه الاجابة بتحديد الحيّز أو الفضاء أو الموقع الالكتروني لسؤالي حتى تكون الاجابة دقيقة ومحصورة في هل حصلت مخالفة للائحة هذا المكان
| Quote: ممكن تضرب مثال للحاجات التي ليس لها علاقة بالمنبر ولا دخل لأي واحد بها؟!! |
مثلا الكتابة ياسم علي ماهر في موقع فلكيين سوريين عام 2009!
Quote: عني مثلاً هناك شخص نقل مقال للمنبر ولم يشر بأنه ناقل لمقال شخص أخر بل تبنى كل الطرح ووضح جلياً أن هذا المقال منشور من قبل باسم شخص أخر
هل هذه الحال تعد لا علاقة لها بالمنبر أو لا دخل لأي واحد بها؟
وهل لا تصلح للتدليل على مخالفة للأعراف ولوائح المنبر؟ |
لا طبعا دا موضوع مختلف بل منصوص عليه في لوائح المنبر يجب الاشارة للمواضيع المنقولة
حال حدوث هذه المخالفة لها علاقة بالمنبر - لأنها وقعت فيه وخالفت لوائحه
وتصلح بالطبع عل التدليل على مخالفة اللوائح.
Quote: مثال أخر شخص طرح من تلقاء نفسه في هذا المنبر أنه فلان الفلاني صاحب شركة كذا وكذا وأن لديه نظام وحلول شاملة فهل إذا ذهبت لمحركات البحث بحثاً عن الشركة ومعلومات عنها ووجدت أن مالكها له اسم أخر ومسجل النظاق شخص أخر ولا يوجد لها مقر في المكان المحدد بموقع الويب ووجدت في مواقع أخرى أن هناك شخصاً أخر يتحدث عن ملكيته لنفس الشركة.
هل هذه الحال تعد لا علاقة لها بالمنبر أو لا دخل لأي واحد بها؟
وهل لا تصلح للتدليل على مخالفة للأعراف ولوائح المنبر؟ |
علاقة المنبر في حدود صحة او كذب المعلومة المذكورة فيه, يعني في هذا المثال طلع ان المعلومة المذكورة في المنبر غير صحيحة يبقى نعم للمنبر دخل بما انها ذكرت فيه, بس بصراحة ما عارف اي نص في اللائحة يمنع الزول يذكر معلومة غير صحيحة عن نفسه او شركته وما هو العقاب, هذا عن اللائحة لكن العرف المنبري طبعا بكون سعيد بكشف اي كذبة.
طبيعة علاقة ما يجري في المنبر بما يجري خارجه ممكن اتفق و اختلف مع نقاطك لكن ما وجهته لود المدير لحسم موضوع ان حاتم شبح ام لا ابدا ليس هروبا
هل طبيعي ان افتش وراك كتبت شنو قبل عشرة سنين في منبر غير سودانيز يا فرانكلي و اخلص منه لنتجة انّك شبح! وتستخدم يوزر غير حقيقي!
ان كنت تراه امر طبيعي اوكي, هذا شانك, لكن بالنسبة لي ليس طبيعيا
لكننا جميعا امام لائحة ونصوص تحمنا جميعا, تمتع اللائحة الكذب بشان الهوية المقدمة للإدارة كما تمنع الحصول على أكثر من يوزر نيم
العنده دليل او يقدر يثبت احدى الحاجتين ديل اهو الادارة قدامه ملزمة بتطبيق اللائحة الوضعت شروطها بنفسها
وهذا الدليل لا يمكن ان يكون شبهة كتابة قبل عقد في مكان آخر!
| |
|
|
|
|
|
|
|
|
|
Re: الي المبدع ود الخواض (Re: Frankly)
|
يا فرانكلي سعة صدر ايه ياخي الموضوع عادي وانا مهتم بالقاعدة نفسها وليس المثال او الكيس الحالي
انا مثلا لو ذكرت هنا اني شغال في شركة اتصالات الاماراتية يوما ما لسبب ما وبروفايلي في لينكدن يحمل نفس المعلومة وكذلك بروفايلي في البورد, قوم بعد شوية تركتها و انتقلت لشركة اخرى ولم احدّث معلوماتي هنا وفي لينكدان
يقوم احد الاعضاء بطريقة او باخرى يصل لمعلومة اني حاليا لست ضمن قائمة موظفي اتصالات هل تفتكر طبيعي يقوم يجي يشبكني كذاب وانت ما في اتصالات ويستنتج ويبني قصص و فرضيات ..إلخ إلخ ولا الطبيعي يسالني أول وأنا من حقي اجاوب أو ارفض حفاظا على خصوصيتي مثلا او رفضي لاسلوب الاستجواب او التدخل في شأني او اي سبب أخر !
يلّا هنا نرجع للائحة التي تحكمنا
انا تبرعت بمعلومة غير صحيحة انت كعضو ترى انها كاذبة عليك رفع الامر للإدارة التشوف عندها شنو في اللائحة يناسب هذه المخالفة
دي حدودك كعضو, لكن تبني عاليها اتهامات اخرى مثل ان حسابي غير حقيقي او اني استخدم اسماء أخرى سواء في المنبر او في صفحات اخرى او عبر نافذة الفيس بووك طوالي تجيب لي دليل على اتهاماتك دي بالتحديد مش بالقياس و السوابق و قبل دا ما ادلى بمعلومة غير صحيحة وسنة اسكت عمل كذا وكذا
| |
|
|
|
|
|
|
|
|
|
Re: الي المبدع ود الخواض (Re: محمد البشرى الخضر)
|
تحياتي يا محمد البشرى
| Quote: قوم بعد شوية تركتها و انتقلت لشركة اخرى |
دا مثال بعيد جداً عن ما كتبته أنا وعن المعطيات التي ذكرتها
الحديث هنا ليس عن موظف في شركة
أبدا يا محمد, الحديث هنا عن صاحب الشركة ذاتها .
يعني زي
مقال =صاحب المقال,
شركة =صاحب شركة
هل إدعاء ملكية مقال تختلف عن ادعاء ملكية شركة؟
عشان كدا برجع ليك تعيد مداخلتك دي وفق المعطيات التي ذكرت
| |
|
|
|
|
|
|
|
|
|
Re: الي المبدع ود الخواض (Re: Frankly)
|
الموصلي قدم ليه عرض و تحدي انهم يتقابلو فييس تو فيس ....
التذاكر و الاقامة على الموصلي ....
خوفا من (الظهور) للناس
رفض ... !!!!!!!!!!!!!!!!!
و دا بأكد انو ................
طال الزمن او قصر المجهول حأ ينكشف ....
و معاه حا تنكشف بلاوي ....
في واحدين كنا مفتكرنهم اغبياء لكن اتضح انهم اذكياء ابتعدو تقريبا و آثرو الإبتعاد عن طريق المجهول و فضائحه القادمة لا محالة ....
| |
|
|
|
|
|
|
|
|
 Re: الي المبدع ود الخواض (Re: ABUHUSSEIN)
|
Quote: يا فرانكلي سعة صدر ايه ياخي الموضوع عادي وانا مهتم بالقاعدة نفسها وليس المثال او الكيس الحالي
انا مثلا لو ذكرت هنا اني شغال في شركة اتصالات الاماراتية يوما ما لسبب ما وبروفايلي في لينكدن يحمل نفس
المعلومة وكذلك بروفايلي في البورد, قوم بعد شوية تركتها و انتقلت لشركة اخرى ولم احدّث معلوماتي هنا وفي
لينكدان
يقوم احد الاعضاء بطريقة او باخرى يصل لمعلومة اني حاليا لست ضمن قائمة موظفي اتصالات هل تفتكر
طبيعي يقوم يجي يشبكني كذاب وانت ما في اتصالات ويستنتج ويبني قصص و فرضيات ..إلخ إلخ ولا الطبيعي
يسالني أول وأنا من حقي اجاوب أو ارفض حفاظا على خصوصيتي مثلا او رفضي لاسلوب الاستجواب او التدخل
في شأني او اي سبب أخر ! |
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
أوو يا فرانكلي, دي غلطتي سوري
انا فهمتها بطريقة خطأ باعتبارها شغل وكدا لكن كدا معنى مختلف لكن المحصلة ما بتفرق من ناحية لائحة سودانيزاونلاين ودخل الاعضاء ومسؤوليتهم
طيب ادعاء في سودانيز اونلاين انّك صاحب شركة وانت لست صاحبها أو كي معلومة غير صحيحة اتفقنا على كدا
الخطوة الجاية شنو؟ نقل او سرقة مقال ممنوعة بنص اللائحة, الادلاء بمعلومات كاذبة للإدارة عند النقديم للحساب ممنوعة ديل واضحات
يلّا العندو دليل على ان س ذكر معلومة كاذبة يشكيه للإدارة عشان تشوف تطبق اللئحة كيف
لكن الحتة المهمّة وين! ادعّاء امتلاك شركة يبقى ادّعاء امتلاك شركة فقط
ولا يصلح لنسج سيناريوهات و افتراضات أخرى
| |
|
|
|
|
|
|
|
|
|
Re: الي المبدع ود الخواض (Re: محمد البشرى الخضر)
|
شكراً يا محمد
حصل خير, وعلى العموم أعتقد أن فكرتي وصلت وإنت كمان فكرتك وصلت
طبعاً في اختلاف بين وجهتي النظر لكن دا شيء طبيعي
بس كنقطة أخيرة عايزك تفرّق بين الدليل على التهمة (تقرأ تعليل الشكوك التي تتطلب إيضاحات من المتهم) وبين الدليل على الإدانة (ما يلزمه العقوبة أو البراءة)
إذا كانت هناك شواهد وأدلة تقوى لإقامة علاقة بين شخص وشكوك حول ملكية مقال أو شركة فقد قامت "التهمة"
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
| Quote: وانا مهتم بالقاعدة نفسها وليس المثال او الكيس الحالي |
😂😂😂😂😂😂😂😂😂😂
القاعدة و ل طالبان ...؟؟؟ 😂😂😂
صاحب الكيس ما تعب قدر تعبك دا و هو نفسو هرب و انت لسه بتقابض يمين و شمال زي المجنون ....
شكلك كدا حا تشيل الشيلة كلها براك .... 😂😂😂😂
| |
|
|
|
|
|
|
|
|
|
Re: الي المبدع ود الخواض (Re: ABUHUSSEIN)
|
| Quote: لا حق لأحد بالتعسّس والتحسّس وراء الناس و البحث في تاريخهم و معلوماتهم الشخصية التي لم يختاروا الافصاح عنها. |
المعلومات الشخصية دي ما مكانها النت الهامل دا ...
اي معلومة موجودة في النت دي معلومات سميها اي شي الا معلومة خاصة لا يمكن تداولها ...
المعلومات الشخصية التي لا تريد الناس تداولها اكتبها في حيطة غرفتك ....
حججك كلها مضروبة في موضوع صاحبك دا عايز تغير حتى الاشياء المتعارف عليها و ماشين عليها كل البشر لحماية زولك (الكريه) دا ....
و انت تحديدا معروف بي انك ما بتفوت صغيرة او كبيرة عشان كدا بتكون شينة شديد منك تغاضيك عن افعاله المشينة و تمسكك بي اي شي يمسو .....
اي معلومة موجودة في النت عنه من حقي استفيد منها في اثبات تفاهاته و قلة ادبه اللي مارسهم هنا ....
سرق بجيب سرقتو من هنا او من اي مكان تاني علشان اثبت انو الزول دا ليه سوابق في السرقة...
طردوه من اي موقع غير هنا بجيبو علشان اثبت انو زول (كريه) و منبوذ في اكثر من موقع و صاحب سوابق و البعمل فيه دا ما شي جديد عليه و انما خصلة موجودة فيه ....
شارك في مواقع تانية بي اسم غير اسمو بجيبها علشان الناس تعرف انو التخفي مارسو قبل كدا و بالتالي ما بنستبعد انو يكون متخفي بي اسم غير اسمو .......
حننتي يا فقر و انت الوحيد بتصارع من اجلو و كل مساعديه هربو و حتى بعد ما هرب هو انت لسه بتصارع بحجة (الآكشن) ... 😂
| |
|
|
|
|
|
|
|
|
|
Re: الي المبدع ود الخواض (Re: محمد المسلمي)
|
يا ابو حسين ...
الهرب منو ؟
انت قايلنا كاتلين لينا رقبة ولا شنو !!
قال هربوا قال ...
متابعين البوست من المدرجات وما فيهو أي جديد يذكر ...
والنتيجة كالعادة 10 لحاتم مقابل صفر للفلول ...
.
.
عليك الله ما بتخجلوا ...
عشرين نفر قصاد زول واحد وبعد دا متجرسين وغالبم ترفعوا الفراش دا ...
.
.
غايتو بعد غياب مستنيري البورد ابوبكر وحاتم بعد دا الا تشوفوا ليكم ليدو تلعبوهو اونلاين ...
.
.
| |
|
|
|
|
|
|
|
|
|
Re: الي المبدع ود الخواض (Re: قسم الفضيل مضوي محمد)
|
لم تخجل انت يا عبدالفضيل
فلماذا اخجل أنا من التصدي لما قدرت انه اساءات و "اسلاندر" ؟!
ولماذا يخجل كل واحد من 19
الم تفكر لماذا هذه الوضعية ؟!!
انت تعلم لماذا و تقدر ان كل حالة شخصية من ال 20 حالة كان الخطأ فيها ملتصق بكل فرد من ال 20 .. هذا تصورك الذي نحترمه جدا .. وفي حدود كونه رأيا نحترم دفاعك عنه .. فلماذا لا تحترم ارائنا نحن ..
ما هو مافي مشكلة بيني وبينك ..
عندك راي وعندي راي ..
احترمك جدا ويجب ان تحترمي وتظل بينا علاقة اسفيرية جميلة قد تمتد لعلاقة اجتماعية اكبر .. عشان كده حقو ما تدخل نفسك طرف في "المخاشنات" لانو ما في داعي اصلا ..
مودتي التي تعلم
| |
|
|
|
|
|
|
|
|
|
Re: الي المبدع ود الخواض (Re: محمد حيدر المشرف)
|
شكرا أستاذ ودالبشرى على توضيحاتك وتتبع جذور مصطلح "الهنابيك" الاسفيري.
فقط لي ملاحظة على ما ختمت به توضيحاتك:
Quote: أمّأ عن طموحي فهو أن اشهد آكشن نضيف, حجة قصاد حجة, رد على المحتوى لا كاتب المحتوى, اي اتهّام بدليل, منطق سليم ...إلخ
أتمنّى ان اكون اجبت على تساؤلك بسكل وافي
|
لا أدري ما هي وجاهة حشر كلمة "آكشن" في الكلام الرزين العاقل التالي:
| Quote: حجة قصاد حجة, رد على المحتوى لا كاتب المحتوى, اي اتهّام بدليل, منطق سليم ...إلخ |
الكلام أعلاه هو موجز بليغ للنقاش الديمقراطي الصِّحي.
أما الآكشن كما نشهده هنا فيرتبط بكلمات غير صحية للنقاش مثل "طقطقة"، و"بستفة"، و"أديهو بالحتّة الفيها الحديدة"، إلخ من الكلمات التي تشجِّع على "اللولوة"، و"مطّ الكلام".
والأخطر من ذلك التنصّل عن فضيلة الاعتذار عن الخطأ باعتبارها إعلاناً صريحاً ب"الهزيمة"...
لم يتبقَ سوى عقد الرهانات على من هو "الفائز" في معركة تناقر الديوك ، مع الاعتذار للفريق الوطني الفرنسي .....
أختم كلامي بتذكّري لردٍّ عقلاني من الاستاذ علاء سيد أحمد في بوست لابوسن:
Quote: لماذا اكتب فى منبر سودانيز ؟
اكتب لتبادل الاراء مع الزملاء جميعاً فى المنبر
ومن خلال تبادل الاراء والافكار نستفيد جميعاً
ويستفيد ايضا اخرون متابعين من خارج المنبر
بمعنى الكتابة للفائدة العامة . |
هنا لا يوجد "منتصر" أو "مهزوم"،
بخلاف "ثقافة الآكشن" الهمجية ...
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
Quote: غايتو بعد غياب مستنيري البورد ابوبكر وحاتم
بعد دا الا تشوفوا ليكم ليدو تلعبوهو اونلاين ... |
ههههههههها!!!
يا قسم إنت برضو الظاهر عليك من عشاق الدشمان و(الآكشن)!!
ما صدّقت أن أنبت الزمان لك قناة (تقرأ حتة هبشة)، طوالي ركبت ليها السنان!!
حسع النفرين ديل جمعتهما في جملة واحدة كيف مع اختلاف الملابسات!
هل بجامع الغياب ولّ من موقف الاستنارة؟
ولّ ساي بمزاج كورية المديدة الحرقتك دي:)؟
لكن صدقا، لا غياب أبكر أو حاتم (على نشاطهما وأهمية مساهمتهما)،
أو غيابك إنت أو هو وأنا، أو الظلامي أو المستنير، ولا هذا ولا ذاك ولا هذه ولا تلك ..
هو الحل!
ياخي غياب الواحد بس هو خسارة أكيدة للكل ...
فناهيك إذن بغياب الكل في جب هذه الغبائن..
ماك شايف المنبر بقى مرضان يهاتي، مغبون وقرب ينفجر!!
طيب الحل شنو يا قسم؟
الحل شنو يا أخانا الفاضل الفضيل؟
...
بلا الليدو والمديدة الحارة دي،
ما بنلقالنا معاك شيتن تاني ولّ شي ..؟؟
... ... ...
أسمعني جاي يا قسم ....الشباب ديل برجعوا،
لكن بعيدا عن اصطفافك، داير أسألك بالجد؛
ما عندك لينا أي اقتراحات تساعد في تنفيس الاحتقانات الراهنة
والممكنة، بالتالي ممكن تفيد المنبر ويرجع بها الكل !؟
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
ههههه مافي زول هرب ... زولكم بكون حرد
ساي ... امشي غسل ليهو وشو وجيبو راجع
عندنا باقي الفايل قاعد منتظرو ولو رجع
سنة ٢٠٢٠ ...
Quote:
انت قايلنا كاتلين لينا رقبة ولا شنو !!
قال هربوا قال ... |
قنا ليك قبل كدا ما تتحمق ... كاتل الرقبة
ما بيهرب ... العندو حاجات خايف عليها
هو البعرد ... اوع تقول لي إتا من الجماعة
الشغالين نصائح وتوجيهات في الإيميل ...
Quote:
متابعين البوست من المدرجات وما فيهو أي جديد يذكر ...
والنتيجة كالعادة 10 لحاتم مقابل صفر للفلول ... |
متأكد من كلامك دا ... كدي أسألو .... هههههه
Quote:
عليك الله ما بتخجلوا ...
عشرين نفر قصاد زول واحد وبعد دا متجرسين وغالبم ترفعوا الفراش دا ... |
الفراش دا ما عندو علاقة بالعشرين نفر ...
إتو ما قالوا ليكم اقروا قبال تكتبو ...
امرق بره شوف الفراش دا الكاتبو منو ...
Quote:
غايتو بعد غياب مستنيري البورد ابوبكر وحاتم بعد دا الا تشوفوا ليكم ليدو تلعبوهو اونلاين ... |
شيل إسم أبوبكر دا وشوف الجملة بعد داك
علي من تليق ...
هههههه الموضوع دا ما عندك فيهو شغله ...
امشي اتفرغ للزعمطة بتاعت دينق وبطل جرسه ...
| |
|
|
|
|
|
|
|
|
|
Re: الي المبدع ود الخواض (Re: Salah Zubeir)
|
تحياتي الاخوان ...
م.المشرف - م.المدير - م.الحسن -صلاح زبير ...
والله انا متابع البوست وهو في مهده ولكن ما كان في حاجة بتستدعي التداخل إلا بس حبيت ارد على ابو حسين بخصوص (هربوا) وقلنا ننفس ليه فرحتو دي بدري بدري قبل ما يمشي يعمل ليه مؤتمر صحفي يعلن فيه انتصار الفلول ويفتح ليه بوست عنوانه محصور بين 10 نجمات ... ...
داير أقول أنه يبقى الود بيننا وأكن لكم جميعا كل تقدير ...
واختلاف الرأي لا يفسد للود قضية ولولا اختلاف الآراء لبارت (البوستات) ......
وأعتقد أن (الهبيب) محجوب قد عبر عني في كثير من النقاط فله مني التحية ...
بس داير أقول أنه لو نظرنا للجانب المليء من الكوب بنلقى أنه وجود حاتم مفيد على الرغم من مخاشاناته الشديدة في كثير من الأحيان تجاه محاوريه ...
وأحب في هذه العجالة أن أحيي أخونا ابو الريش بالانجليزي لتجاوزه لكثير من المرارات بينه وبين حاتم ولم يحاول أن ينتصر لنفسه أبدا ويسعى لابعاده أو فرملته أو التكتل ضده ...
ياخي الواحد مننا ثلاثة أعضاء ما قادر يرد عليهم ردود منفصلة فما بالكم بزول يرد ويكابس ليه في عشرة أعضاء في نفس الوكت ...
والله زول زي دا مفروض ينال احترام خصومه قبل اصدقائه ...
.
.
.
عموما ...
إنا هاهنا قاعدون والفورة عشرة مليون ......
.
.
| |
|
|
|
|
|
|
|
|
|
Re: الي المبدع ود الخواض (Re: قسم الفضيل مضوي محمد)
|
Quote: وأحب في هذه العجالة أن أحيي أخونا ابو الريش بالانجليزي لتجاوزه لكثير من المرارات بينه وبين حاتم
ولم يحاول أن ينتصر لنفسه أبدا ويسعى لابعاده أو فرملته أو التكتل ضده ... |
بالله في مرارة أكتر من كده!
الكلام ليكم يا.. الماغنِفِسانت سفن. قاليكم اللحم النيّة دي مضرة بتسممكم
| |
|
|
|
|
|
|
|
|
|
Re: الي المبدع ود الخواض (Re: جلالدونا)
|
اعتذار كامل غير منقوص للاخوان
اساسى
المحجوب عبد الله
مولانا حافظ بشير
عن كل ما اصابهم من طيش مارسته هنا
كان علىّ ان اضيط نفسى ساعة غضب
لكن جلّت و تابعت الامارة بالسوء
ف شنو
عليكم الله امسحوها لى فى وشّى
| |
|
|
|
|
|
|
|
|
|
Re: الي المبدع ود الخواض (Re: جلالدونا)
|
.| Quote: وأحب في هذه العجالة أن أحيي أخونا ابو الريش بالانجليزي لتجاوزه لكثير من المرارات بينه وبين حاتم ولم يحاول أن ينتصر لنفسه أبدا ويسعى لابعاده أو فرملته أو التكتل ضده .. |
😂😂😂😂😂😂😂😂😂😂
سجمك يا فضيحة ....
يعني انت مقر و معترف بي (المرارات) اللي اتسبب فيها ... ؟؟؟؟؟
و عايز الناس كلها تجاوز و هو يستمر في توزيع (المرارات) ...؟؟؟
هل لديك اقوال اخرى ... ؟؟؟
ياها زاتا صمت دهرا و نطق كفرا....
بكونو كرهوك الجماعة ... 😂😂😂
Quote: عليك الله ما بتخجلوا ...
عشرين نفر قصاد زول واحد وبعد دا متجرسين وغالبم ترفعوا الفراش دا ... |
و انت قايلنا عايزين ندين منو قروش ... ؟؟؟؟
عمايلو السودا الخلتنا ساكنو زي الحرامي و لو لا انو هرب كان بتلقى المنبر كلو ساكيه
ياخ قوم لف ....
**********
| Quote: الماغنِفِسانت سفن. |
ياخ الفلم دا انا شفتو امكن 500 مرة ...
الحمد لله البقينا منهم و شايف جلجل اللايوق ختاني في بداية ابطال الفلم ... بختي .. 😂😂
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
ابو حسين, يا فقر! شنو الانتهازية - ولا هي الميكافيلية - دي Quote: اي معلومة موجودة في النت دي معلومات سميها اي شي الا معلومة خاصة لا يمكن تداولها ...
المعلومات الشخصية التي لا تريد الناس تداولها اكتبها في حيطة غرفتك .... |
بعدين منظرك في قصة هرب وما هرب دي بذكّرني جدّي رحمة الله عليه واصدقاؤه اول ايام الانقاذ, كانوا بجتمعوا في السوق في مكتب احدهم وينزلوا سخ و سخرية وتناول الشائعات عنها وفي نهاية الجلسة يختمون بعبارات على شاكلة قرّبت وحيمشوا وين اولاد الهرمة وإلّا يحلقوا دقونهم وبدوا يهرّبوا قروشهم واولادهم و قاليك المطار في حالة استعداد و شوهدت عدة طائرات واقفة ستاند باي ..إلخ
و يمش الزمن وينتقل منهم إلى رحمه مولاه من ينتقل و الحال في حاله!
يا استاذنا الخوّاض, بداية اعفيني من قولة استاذ دي فأنا اخاطبك بها عن استحقاق, ما تجاملني ساي يقوم راسي يكبر على العليه 
بالنسبة لإستخدامي لمصطلح الآكشن, لو تلاحظ دائما اقرنها بوصف "النضيف" أو " النظيف" - لامن اكون داير اتحذلق شوية
بالنسبة لي مصطلح "آكشن" فهو عندي لا يرتبط بالمعنى القريب الذي ذهبت إليه ناس ضربوا و طقطقوا وردموا...إلخ
خاصة عند الحاق صفة النظيف به!
_______________________________
با ابو حسين يا فقر أنا بإذن الله بعد ساعات مسافر زيارة سريعة للبلد اشوف الحجّاج و اسالمهم و اتونّس معاهن, فا شنو كان ما دخلت هني ما تشبكني بن علي هرب و مش عارف ايه و تعمل كيتة كعادتك!
| |
|
|
|
|
|
|
|
|
|
Re: الي المبدع ود الخواض (Re: قسم الفضيل مضوي محمد)
|
| Quote: حبيت ارد على ابو حسين بخصوص (هربوا) وقلنا ننفس ليه فرحتو دي بدري بدري قبل ما يمشي يعمل ليه مؤتمر صحفي يعلن فيه انتصار الفلول ويفتح ليه بوست عنوانه محصور بين 10 نجمات ...... |
هههههه يا قسوم .... دي مداخلتك كدي شوف
هل هي موجهه لي ابو حسين في شخصه :-
Quote: انت قايلنا كاتلين لينا رقبة ولا شنو !!
قال هربوا قال ...
متابعين البوست من المدرجات وما فيهو أي جديد يذكر ...
والنتيجة كالعادة 10 لحاتم مقابل صفر للفلول ...
عليك الله ما بتخجلوا ...
عشرين نفر قصاد زول واحد وبعد دا متجرسين وغالبم ترفعوا الفراش دا ...
غايتو بعد غياب مستنيري البورد ابوبكر وحاتم بعد دا الا تشوفوا ليكم ليدو تلعبوهو اونلاين
|
| |
|
|
|
|
|
|
|
|
|
Re: الي المبدع ود الخواض (Re: Salah Zubeir)
|
السوال مكرر ياجلالدونا أساسي ده مختفي من المنبر زمن الدخله هنا شنو ارجوا الاجابة عشان تاني عندي سوال
------
الاخ ابوحتوت ياصاحب طلب مساعدة هل أساسي الذي ورد اسمه شارك في البوست ده
| |
|
|
|
|
|
|
|
|
|
Re: الي المبدع ود الخواض (Re: محمد حيدر المشرف)
|
.
.
يا ابو حسين يا كيشة ...
يعني انت داير تتعلم ملح بدون ما تدفع أييييي (مرارات) ...
.
لا ... لا ...
يا قريبك ...
مجانية التعليم زمااااان انتهت ...
طبعا انت كزول خريج (الكُتّاب) مفتكر لسه الحاجة دي مستمرة ......
.
.
.
.
و ...
.
.
لابد دون الشهد من أبر النحل ....
.
.
| |
|
|
|
|
|
|
|
|
|
Re: الي المبدع ود الخواض (Re: قسم الفضيل مضوي محمد)
|
سلامات يا قسم الفضيل .
Quote: غايتو بعد غياب مستنيري البورد ابوبكر وحاتم
بعد دا الا تشوفوا ليكم ليدو تلعبوهو اونلاين ... |
أولاً بالتبادي سبب تعجبي من كلآمك دا هو إنو كأنك ما زاملتنا في المنبر
دا، ؤ كأنك ما شاركتنا ؤ كأنك ما قريتنا ؤ قريناك، فإنت بتقولنا، إنتو أبداً
لم تقدموا ايّ شئ يُذكر لهذا المنبر ولم نعرف لكم مشاركات إلا بعد ظهور
حاتم وابو بكر، وبذهابهم أصبحتم سقط متاع لا فائدة تُرجى منكم !!!.
| Quote: داير أقول أنه يبقى الود بيننا وأكن لكم جميعا كل تقدير ... |
الحِتة دي لا تخاف عليها طالما إنّك لا تسعى لتدمير هذا الصرح الذي جمعنا
وأصبحنا بفضله إخوانا .
Quote: بس داير أقول أنه لو نظرنا للجانب المليء من الكوب بنلقى أنه وجود
حاتم مفيد على الرغم من مخاشاناته الشديدة في كثير من الأحيان تجاه محاوريه ... |
إختلف معاك تماماً، ولذلك صرحت له قبل أن يغادر بأنه لن ولم يحلني منه
إلا الموت لأنه أتى للتخريب والتدمير وقطع ذآت البين وتدمير المودة والروح
الأخوية التي سادت هذا المكان ونهج نهجاً لم ينتهجه غيره من قبل .
Quote: وأحب في هذه العجالة أن أحيي أخونا ابو الريش بالانجليزي لتجاوزه لكثير
من المرارات بينه وبين حاتم ولم يحاول أن ينتصر لنفسه أبدا ويسعى لابعاده أو
فرملته أو التكتل ضده |
لو سألت أيّ عضو حتي المختصمين مع حاتم عن دخل ابو الريش في الموضوع دا
بتلقاهو لو ما عارف ما مُتذكر، فما شاء الله عليك إنت متابع الحكاية من أولآ، يعني
من زمن أبو الريش والمرحوم جادات !، والله أنا أستغرب ليه الزمن دا كُلّو ما
فطنت لما يرمي إليه هذا الخبيث !!!.
Quote: ياخي الواحد مننا ثلاثة أعضاء ما قادر يرد عليهم ردود منفصلة
فما بالكم بزول يرد ويكابس ليه في عشرة أعضاء في نفس الوكت ...
والله زول زي دا مفروض ينال احترام خصومه قبل اصدقائه ... |
إحترام ميّن يا سيدي !!!، ببساطة شديدة جداً دا زوّل ختاها ليكم بكل تكاتيكو
إنو جاي لهدم هذا الصرح وعمِل علي ذلك بتكريس كل جهده وإستجماع كل
قواه، وتوظيف كل إمكانياته للوصول إلي هدفه ...
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
Quote: إحترام ميّن يا سيدي !!!، ببساطة شديدة جداً دا زوّل ختاها ليكم بكل تكاتيكو
إنو جاي لهدم هذا الصرح وعمِل علي ذلك بتكريس كل جهده وإستجماع كل
قواه، وتوظيف كل إمكانياته للوصول إلي هدفه ... |
أخي ودالمدير أتى لكم بمثال محاولة الشبح تطفيش الاستاذ "محمد جمال"،
الذي "نقش" الشبح، وأفحمه، لأنه عرف أنه يريد ان يمارس معه "تكاتيك" التطفيش والتتفيه والسخرية والهزء إلخ مما يحمله من كنوز الزفارة....
| |
|
|
|
|
|
|
|
|
|
Re: الي المبدع ود الخواض (Re: osama elkhawad)
|
غايتو الناس الما دخل معاهم في مطاردات برضو المفروض يزعلو . .
غيرة ساي كده . . لانو الزول ده كان بختار زباينو بي عناية شدديدة . .
وما بعمل فاولات الا مع الناس الحرفه في المنبر . .
الخلاصة :
كان حاتم ما عمل معاك فاول معناها انت قاعد ساي . .
| |
|
|
|
|
|
|
|
|
|
Re: الي المبدع ود الخواض (Re: عمر سعيد علي)
|
مقال ع.ع. ابراهيم التالي المنشور في ١٩ يوليو ٢٠١٨،
مُهدىً إلى صاحب البوست:
أبو روضة
Quote: ذكرى الردة 1971: وفيه انطوى مجد كل البلد .
. بقلم: د. عبد الله علي إبراهيم
هذه مقاطع هامسة من قول أسامة الخواض ومحجوب عباس استوقفتني بحسها الإثنوغرافي في وصف الثقافة التي أطلق سراحها أستاذنا الوسيم عبد الخالق محجوب. فليس هناك ما صار هو نفسه بعد أن مسه بخياله الآخر. فقد كان قلقاً على مستقبل العشب. وكان يراعاً يخفي الجمال الذي لا يطاق. فحتى هذا الشعر الشريد للخواض ومحجوب كان أستاذنا في بدء وزنه وسحره والتفاف قوامه البديع. ففي أستاذنا انطوى مجد كل البلد.
هكذا كان قلِقاً على مستقبل العشب
أُسامة الخوَّاض
كان مسموعاُ ومرئيَّاُ لدي الزهرةِ
مقروءاً كصفْحاتِ الرياضةْ
واسمه السريُّ "راشدْ"
واسمه القوميُّ مكتوبٌ بأحلام الشبابيكِ،
ورعْشات الأيادي العاشقةْ
يقرأ "الميدانَ"
لا يطربهُ من صوتها إلا رنين الكلماتْ
كان مشغولاً بتنسيق الصراع الطبقيْ
لابساً بدْلته الحمراء، حلاها بأقوال الغمامْ
مُلْحداً بالفقْرِ والقهْرِ،
و صدِّيقا لدى عُمَّال "بحْريْ"
ونساء الريفِ،
والزرَّاعِ،
والطُّلابِ،
والورْدة ِ،
والكسْرةِ،
والحُلْمِ،
و أولاد الحرامْ
وفيه انطوى مجد كل البلد
محجوب عباس
لأن المنايا هي الهدأة الثاوية
في صميم الوجودْ،
قاب قوسين من هذه الطابيةْ.
والذي خاط هذا الوطنْ
كعقدٍ نضيدٍ بحبل الوريد،
عاد في قطفةٍ ثانية
دار دورته من جديدْ ،
كجسر يلوذ بهاويتين إذا ما صعد
وفيه انطوى كل مجد البلدْ .
في الفضاء الإلهي تختال تيهاً وزهوا.
مت سفاحاً كما كنت تهوى،
أو كفاحاً يفتُ العضد،
كاليراعات تُخفى الجمال الذي لا يطاق
وتبديه سهوا.
|
| |
|
|
|
|
|
|
|
|
|
Re: الي المبدع ود الخواض (Re: osama elkhawad)
|
.
ود المدير ...
كيفك يا رجل ومشتاقون يا (فردة) ...
لو تلاحظ اني في (العكات) الكتيرة الحاصلة دي قاعد اقصد اتجنب الاحتكاك بيك لأن لك في القلب مكانة ...
وأعتقد أنه وضحت وجهة نظري فوق ولكن يمكن تكرارها مرة تانية في أنه اختلاف الرأي لا يفسد للود قضية كما انه لولا اختلاف الاذواق لبارت السلع ...
المنبر في اعتقادي شبيه بمباريات كرة القدم ...
تلقى اخوين اشقاء بلعبوا لفريقين خصمين في الحي الواحد (هلال مريخ) ...
أثناء المباراة تلقى الدم ركب ولكن عند رجوعم للبيت تلقاهم بيشربوا في شاي المغرب سوا ويفرفشوا مع بعض كأنه ما كانوا قبل ساعات في حالة عك كروي ...
دا بالضبط حالي تجاهك في هذا المكان واتجاه كثير من الأعضاء...
خلينا داخل ميدان المنبر نتغابى في بعض العرفة ولكن لو اتلاقينا علي أرض الواقع نضبح لي بعض ونتعازم في استاربكس وعند عوضية سمك وفي قندهار وغيرها من الامكنة ...
.
.
.
لو برضو عملنا مقاربة للمنبر بفريق البرازيل على سبيل المثال بتلقي أنه مر على الفريق عشرات اللاعبين ابتدأ ببيليه مرورا بسقراط وفالكاو ورولاندينو وريفالدو وانتهاء بالود (السحسوحة) نيمار ...
...
.
اها دحين يا اخوي منبرنا دا برضو مر به كثير من الفطاحلة والجهابذة في جميع المجالات ولكن دوام الحال من المحال ودي سنة الحياة طبعا ...
لو رجعنا للمستنيرين حاتم وبكري عباس أكيد ملاحظ انهم عملوا حراك كويس اتفقنا أو اختلفنا معهم فيه ولهم أجر المحاولة حيث انهم ألقوا حجارة كثيرة حركوا بيها ركود المنبر ...
والان بغيابهم وزى ما شايفين كلنا بدا المنبر ياخد شكل (الحمروني) ......
.
أتذكر طرفة اتقالت في لقاء اذاعي أو تلفزيوني (ما متأكد مئة المئة) مع أحد الفنانين الكبار (أعتقد ابو داؤود) ذكر أنه في فترة ما ازعجهم ظهور الفنانين الشباب في ذلك الوقت أمثال زيدان إبراهيم وعبد العزيز المبارك ...
فقام قابل فنان من دفعته وقعد يهظر معاه وقال ليه رأيك شنو في (البرينسات) الوقفت شغلنا اليومين دي !!!
رد ليه الفنان داك وقال ليه ياخ أنت في البرينسات ولا في (الكوامر) العملوا ليها عمرة اليومين دي ... .
...
باعتبار أنه كان في فنانين كبار ظهروا بأعمال جديدة قبضوا بيها الجو في ذلك الوقت (أعتقد كانوا قاصدين الفنان إبراهيم عوض) ...
.
.
.
واسه لو عملنا تصنيف سريع لأعضاء المنبر وقسمناهم لكوامر وامجادات ورقشات بنلقاك أنت و ابو حسين الفقر متصدرين قائمة (الكوامر) ...
...
.
.
لكن التحية جميعا ويبقى الود بيننا ...
.
.
| |
|
|
|
|
|
|
| |
Frankly
محمد حيدر المشرف
osama elkhawad
Kabar
هاشم الحسن
محمد البشرى الخضر
ABUHUSSEIN
معاوية المدير
محمد المسلمي
قسم الفضيل مضوي محمد
Salah Zubeir
معاوية الزبير
جلالدونا
MOHAMMED ELSHEIKH
عمر سعيد علي
فيس بوك
تويتر
انستقرام
يوتيوب
بنتيريست