|
|
|
 Re: الي المبدع ود الخواض (Re: Salah Zubeir)
|
ياخى مشكلتنا بقت مع التفاهة البتمشى على قدمين
قعد و فصّل على حسب هواهو
ختاهم سبعة و مرق بى اتنين
يا زول انا متصدّر
و ح امارس الصعلقة معاك لى اخر مدى
حريقة تحرقك و تحرق عقابك
| |
 
|
|
|
|
|
|
|
|
Re: الي المبدع ود الخواض (Re: Kabar)
|
كتب محجوب:
Quote:
نجي لاخونا المهرجل ده.
البتعمل فيهو ابتزال ليس الا.
الكلمة دي اصلها عربية و ظاهرتها ان وجدت فهي في زمن الجاهلية و ليس لها اي مترادف في لغتنا السودانية او في عاداتنا, فما تشيل يافطة و لا في بيها من بوست لبوست كأنك اكتشفت حاجة جديدة.
ده ابتزال.
|
الهبيب محجوب..حبابك يا صديقي
يعني نفهم من كده شيل الكلام والحوامة بيهو من بوست لبوست هو ابتذال؟..
دي شغلانة مخالب الموساد(حاتم ابراهيم) لمدة الأربعة سنين الماضية في هذا المنبر ، شايلين روابط المواضيع والصور (انا ده شايلين لي صورة كلام صغير للغاية لا بيقدم ولا بيأخر)..ولم نسمع لك حسا او ادانة.. فلماذا يا ترى؟..
ام : هي السخط التي تبدي المساويا؟
ما يفعله جلالدونا هو نهج المعاملة بالمثل وهي نفس ادوات مخالب الموساد (حاتم ابراهيم) التي تخوض بيها معاركها الصغيرة الخاسرة..والآن جلالدونا يعلمهم درس وقد ضاقوا ذرعا ونسوا ان هذه هي ادواتهم..!
من حق أي عضو في هذا المنبر ان يبادل مخالب الموساد (حاتم ابراهيم) المعاملة بالمثل : أي بوست تداخلوا يجب ان تتداخل فيه الناس وبنفس طريقتهم بتاعة الشوت ضفاري ، وفي أي بوست يجب ان تلاحقهم الأسئلة التي يتهربون من الإجابة عنها، وفي أي بوست مفروض الناس توصل ليهم رسالة انو ما ح نمشي من المنبر..لأنهم هم دايرين كل زول عندو طايوق يمشي من المنبر ده..!
جيد اكتشف ان ليس للمفردة مترادف في لغتنا وثقافتنا السودانية ، يعني ده شغل بتاع ناس اجانب عن السودان..وللتأكد اكثر راجع خطاب مخالب الموساد (حاتم ابراهيم) وقارنوا بخطاب أي زول/ة في المنبر ده وح تشوف الناس حتى في شكلهم سودانيين وعندهم ذكريات عن السودان ويطبقون سلوك الثقافات السودانية لتعرف بسهولة انهم سودانيين بحق وحقيقة ، عدا مخالب الموساد (حاتم ابراهيم) ليس لهم وجدان سوداني وهم كماكينات الروبوت..وجدانهم منبت وفي افضل الأحوال وجدان كمبيوتر وانت تعرف ماهو الكمبيوتر..
كبر
| |
|
|
|
|
|
|
|
|
Re: الي المبدع ود الخواض (Re: Kabar)
|
| Quote: محجوب هي (حاتم) تبقي إتا كضاب .. |
صلاح كتب
Quote: يعني علي العليكم (مبعضين) (1) ...عايز
يحرركم من التابعية |
حفيظ كتب
Quote: بعيدا عن صراعات البوست
مبضعين أتي بها حاتم وشرحها صلاح بمعني عبد
حسب معرفتي انو قد تكون الكلمة من الاستبضاع . ودة كان في الجاهلية وبعض قبائل السودان كان تمارسه لعهد قريب حسب ما سمعت من بعضهم
الاستبضاع ان يعطي الرجل زوجته لآخر بعد ان تكمل دورتها الشهرية ولا يمسها . ويعطيها لآخر حتي يستبين حملها منه ثم يرجعها لداره . ويسمي المولود بإسمه
ويستبضعون من الاقوياء والزعماء والشجعان
يعني تحسين نسل
كدة اظن المولود بكون مبضع وليس عبدا حسب تعريف العبد قديما عندهم وليس مملوكا لأحد |
صلاح
Quote: ههههههه جلي يا حفيظ ....
الكلمة هي مبعض وليس مبضع ... |
هاشم الحسن من قوقل
Quote: ههههههه هو جنس كلام هامل .. مبالغه ...
المبعض هو الرقيق (العبد) الذي فيه شائبة .. |
يا ابو صلاح
اها انا زول عجمي و ممكن اكون كضاب سهوا بحكم انو فهمي للعربي بسيط
هل المعني الجبتو انت من قوقل عن الكلمة الجابها حاتم معناها العبد
و الكلمة الاخري الجابها حفيظ معناها مختلف؟
اين كذبي؟
لانو شايف هرجلة اخونا الاخر ده علي المعني الجابو حفيظ
| |
|
|
|
|
|
|
|
|
|
Re: الي المبدع ود الخواض (Re: Mahjob Abdalla)
|
| Quote: ما يفعله جلالدونا هو نهج المعاملة بالمثل |
الهبيب كبر
فعلا ده الشئ الانا فهمتو من البوست و لم ادخل عشان ابدي رأي لانو لا طائل من الاراء في جو كهذا و لذلك وصفتها علي انها مباراة بدون نهاية.
و حقيقة يا هو الجو ملغم. مجرد دخول الواحد هنا طوالي مصنف وبدا الضرب تحت الحزام.
عموما نقول ليكم مبروك و واصلو في الدافوري بتاعكم.
| |
|
|
|
|
|
|
|
|
|
Re: الي المبدع ود الخواض (Re: Mahjob Abdalla)
|
هههههههاQuote: هاشم الحسن من قوقل
Quote: ههههههه هو جنس كلام هامل..مبالغة... |
يا شاو دورشيت يا يا محجوب،
ياخي ما تراعي لينا شوية معاك...شغلك دا من باب الحجاز ليهو عكاز ولّ كيف النظام😂؟
غايتو شكل المنبر دا يا حبيب اصلو ما تمرق منو باخوي واخوك!!
| |
|
|
|
|
|
|
|
|
|
Re: الي المبدع ود الخواض (Re: Kabar)
|
مولانا حافظ! كمان عايز تعمل فيها بتسافر و كدا زي الناس الحقيقيين! حلوة منّك زلقتها في نص الكلام برّاحة كدي
تعال بعد شوية كمان قول لاقيت بورداب الحتة الفلانية وكدا
المهم, يا مولانا انت كتبت التالي Quote: 1. كلمتي مبعضين و تابعية كلمات مسيئة و لا يمكن فهمها في السياق الذي اوردها فيه حاتم إبراهيم بمعانٍ غير المعاني التي ذكرها صلاح زبير.
إعتذار حاتم عنها إعتذار منقوص لأنه لم يعترف بخطأه في إستخدامها وإنما يلقي اللائمة على المتلقى الذي فهما بمعنى غير الذي قصده حاتم.
2. كلمة مبعضين في السياق الذي إستخدمها فيه حاتم إبراهيم كلمة مسيئة ولكنها لا تحمل أي دلالة عنصرية في السياق الذي وردت فيه.
فالعنصرية تكون موجهة ضد فئة معينة بناءً على انتمائهم لجماعة أو لعرق ما، وهو شرط لا يتحقق في السياق الذي إستخدم حاتم إبراهيم الكلمة فيه. |
واحد: تقرأ أن الكلمتين الشنقلن الريكة لايمكن فهمهن في السياق الذكرهن فيه حاتم إلّا على النحو الذي ذكره ود الزبير - ود الزبير قال مبعّض : العبد الذي به شائبة - ودي عنصرية
اتنين: تقول ان الكلمة التي استخدمها حاتم في السياق الوردت فيه لا تحمل دلالة عنصرية!
وهذا ليستقيم يبقى كأنّك تتحدث عن احتمالين مختلفين يلغي احدهما الآخر
ودا كان سؤالي, أو هناك شيئ ناقص في الصياغة ولم تكتكل فكرتك بعد
عليه يا مولانا بعد وصولك بالسلامة ان شاء الله و قضاء أمورك و تسليم تقاريرك وأخذ التعليمات الجديدة و العهدة تعال برواقة جسّر لي الحتة دي.
ود الزبير, كيف الهبيب محجوب يكون كذّاب و هو فقط استخدم كلامك وتحديدا تصحيحك لأبوسن حين شرح معنى التبضّع و انت قلت ليه دي براها ودي براها, أنت جبت من قوقل كلمة التبعّض
ودي لا علاقة لها بالأمهات ولا الأبهّات حتى! ولاّ كيف!
| |
|
|
|
|
|
|
|
|
|
Re: الي المبدع ود الخواض (Re: محمد البشرى الخضر)
|
Quote: معذرة يا هبيب وانا اكتب الجزء الأخير من مداخلتي ما كنت قريت كلامك
اهو زيادة خير ما بتضر |
شكرا ليك كثير ود البشري.
كدا حليتني من الانتظار حتي يصحو اخونا صلاح لانو حقيقة اتحيرت و افتكرت اني قريت كلامو بالمقلوب.
| |
|
|
|
|
|
|
|
|
|
Re: الي المبدع ود الخواض (Re: Mahjob Abdalla)
|
| Quote: شغلك دا من باب الحجاز ليهو عكاز ولّ كيف النظام |
الهبيب هاشم الحسن
شكرا ليك كثير انك متذكر الاسم ده و فعلا المثل السوداني ده In action
و المصادفة انو بعد 15 سنة في هذا المنبر اول مرة زول يقول لي "تافه".
شفت الكيبوردات بتعمل شنو!
| |
|
|
|
|
|
|
|
|
|
Re: الي المبدع ود الخواض (Re: محمد البشرى الخضر)
|
يا ود البشرى،
باقي لي في نقطته الثانية(٢)، فان صاحبك الشيرازي محق.
وهو انما يقصد أن استخدام الكلمتين في السياق الوردن فيهو
إن هو الا كمثل أقوال بشاشا: يا جراقيس ويا كوافير ويا
مستعبدين ويا مسترقين ويا مستلبين!!!
وعلى مرجعية بشاشا العنصرية الغميسة، فالظاهر من غرضه هو التنكيل والنكاية والاساءة الشخصية او الجماعية للمخالف، وفق نظرية الصدمة البشاشية.
وطالما مولانا على سفر، فسيصدف انني اتفق معه في تخريجه. خاصة وأنو حاتم نفسو اجتهد اجتهادا حميدا، لينفي قصد الاساءة الاكيدة لو حملنا الامور على ظاهر القواميس وسجلات القراطيس.
| |
|
|
|
|
|
|
|
|
|
Re: الي المبدع ود الخواض (Re: هاشم الحسن)
|
العفو يا الهبيب, اخد دي على ضمان اللاين مان, ود الزبير حال صحى و قرا ح يرقعك باجدع اعتذار فيك يا سودانيز
صاحبي وعارفه راسه قوي واي شي لكن ما بكابر في الغلط
يا هاشم الحسن, في دعاية في التلفزيون عن منتجات غذائية فيها الجملة دي بتقول مموسقة: "كورية الهنا.. رز بي لبن ..منو البياكلها.. عمّك الحسن", أنا من سمعتها زانّة في راسي بتصرّف : " الشربكة الهنا .. على سوء الفهم .. منو اللي حلحها .. هاشم الحسن" هههههه
المهم يا سيدي الحسن
انا لم اعلّق على صحة أو خطأ فرضية مولانا في نمرة اتنين, أنا تساؤلي عن ورودها مع نمرة واحد وتناقضهما مع بعض, يعني لمّا يقول بصحة تفسير صلاح الزبير يبقى في عنصرية
ولمّا يقول السياق لا يفهم منه عنصرية دي تناقض نمرة واحد
ومولانا - غير حبه للغلاط و البستفة - عرفت عنه الدقة في الصياغة
فا التفسير السليم إمّا انه صاغ النقطتين كإحتمالين يلغي احدهما الآخر و لا ثالث هناك, أو انه المداخلة ناقصة ولم تكتمل الفكرة
| |
|
|
|
|
|
|
|
|
|
Re: الي المبدع ود الخواض (Re: Kabar)
|
كتب معاوية الزبير:
Quote:
حقا TOXIC
يا لك من أديب يا مصطفى مدثر
لاحظوا انتشار التسمم بين الأعضاء
كأني بالمسمِمين يرقصون طربا الآن
|
ول ابا معاوية..حبابك يا صديقي
التحية عبرك لصديقنا واستاذنا مصطفى مدثر..
نعم هم يرقصون طربا الآن ، ويبحثون عن كل قشة يتعلقون بها..ولكن غيرهم سيضحك كثيرا لأنو ح يلقى فرقة الضحك اخيرا..!
المنبر الآن في حالة توجس ، والغالبية وقعت ليها الحاجات وستعرف اكثر..!
زمان يا صاحب ، انا شخصيا من الناس كنت ساذج وطيب وفاكر انو المسالة حرية تعبير ، مثلما انا حريص عليها ان تستمر الأخرون يفعلون نفس الشئ ، ولكن فاتت علينا نقطة: استغلال حرية التعبير والطيبة لتهديم هذا الصرح (صرح سودانيز اونلاين ، اجمل تجربة في الحرية في الكلام..) الى ان توفقت في الإنتباه واعادة حساب الأمور بدقة لأكتشف حجم الخبث وفقه التقية الذي تمارسه مخالب الموساد (حاتم ابراهيم) ، ولن امنحهم شرف ان اشكي لإدارة المنبر بان تسحب منهم العضوية ، ولكني ساواجههم واضع يدي في يد كل من تشجع وقرر مواجهتهم بشجاعة امام الملأ كافة ، حتى يعود لهم صوابهم ووقف المماراسات الخاطئة (مجهولية الهوية ، استغلال ثغرات لائحة المنبر والإستفادة من ادبخانة الفيس بوك وصفحة الكاركتير التي يمارسون فيها العنصرية النتنة للغاية ، وتوضيح وتفسير سرقاتهم وممارساتهم المشبوهة وعلاقتهم بشركة كلماسوفت ذات الأنشطة المريبة..والسخرية والإستفزاز والعنجهية والتكبر وسرقة اسم السودان واسم جامعة الخرطوم..)..!
ثق يا صديقي ، العضوية في هذا المنبر من دم ولحم وشحم..ان لم تعرف الفرد مباشرة ستجد من يعرفه (سواءا معرفة عمل ، زمالة طلبة ودراسة ، عيال حي ، اولاد قرية ..اولاد مدينة صغيرة..ناس احزاب ، ناس حركات مسلحة..الخ) او من يعرف من يعرفه ، عدا مخالب الموساد (حاتم ابراهيم) لا احد يعرفهم ، ولا احد يعرف علي ماهر ولا احد يعرف معروف ابو الحسن..وغيرها من الأسماء والأشباح..!
نحن بشر يا صديقي وهم لأ..!
ليس لدينا ما نخجل منو وندسو يا صديقي..!..ليست لنا انشطة مريبة ومشبوهة..!
اصغر زولة في اسرتنا من دم ولحم ، دوبك احتفلنا قبل ايام بعبورها من المرحلة المتوسطة الى الثانوي العالي..!! قالت لي..ارحكاكا مشوار(السبت 14 يوليو 2018) لأنو عندي كتب عايزة ارجعها للمكتبة العامة (المكتبة الفيها كتب عبد الغني كرم الله ، امير تاج السر ، خالد عويس ، هشام ادم ، صلاح حسن احمد ، حامد الناظر ، فتحي الضو ، دكتور احمد العوض سيكانجا ، عبد الله الفكي..!!)
المشوار لم يتوقف هناك..!!
جابت ليها زيارة لواحدة من اعظم المكتبات في كندا..
Chapter
في السكة الونسة تحلو يا معاوية..سألوني عن حكاية (الوعاب) وهل نجحت ان اقنع اصحابي بالقصة؟..وهل قاموا بمراجعة الحكوة في مجلة (السودان في رسائل ومدونات) وديل بشر يا معاوية بتقرا باللغة الإنجليزية فقط..ومطلعين على كل اعداد مجلة السودان في رسائل ومدونات..وعارفين البير وغطاها..!!
من حر مالي ، اجبروني على دفع قيمة ثلاثة كتب من الرواية الكلاسيك..اسمائها كالآتي:
THE PICURE OF DORIAN GRAY
By: OSCAR WILDE
ثم..
CLASSIC TALES OF HORROR
By: EDGAR ALLN POE
ثم
DR JEKYLL AND MR HYDE
AND OTHER STRANGE TALES
By: Robert Louis Stevenson
نفسها يا معاوية ، بتك ، طفلة من دم وشحم ولحم..بتغالطني ذات دقسة باني قلت ليها داير احكي لي هاشم الحسن عن مهرجان الإستامبيد في مدينة كالقري..!!
وكنت ، يا مؤمن يا مصدق ، بترجم ليها مداخلات هاشم الحسن في بوست الوعاب..!
ليس الأمر من باب الفخر وعقلية العروب الأجانب مثل (مخالب الموساد حاتم ابراهيم) ، وانما من باب ان نقول لكل الدنيا: نحن بشر..ومخالب الموساد حاتم ابراهيم لأ..!
وانتا قايل شنو يامعاوية..؟؟!!
بت اللذينا..قالت لي عبارة جارحة..!
DAD, DID YOU GET A HANCE TO TELL YOUR FRIEND ABOUT CALGARY STAMPEDE؟
والفريند ياهو هاشم الحسن..!!
نعم بالله..ساحكي لهاشم الحسن عن احتفالات الأستامبيد..خصوصا فطور الكرامة وعقدة الفطور..فطور الأساتمبيد....!
كل الحب يا معاوية الزبير..!
حبيبنا محجوب عرف حاتم وعرف السبعة الكبار البتواجه حاتم...
ولي يوم الدين ، محجوب عبد الله ، ما ح يعرف حاتم ابراهيم ده منو..؟؟؟؟؟؟
| |
|
|
|
|
|
|
|
|
|
Re: الي المبدع ود الخواض (Re: Kabar)
|
هلا محجوب ومحمد وهاشم ......
هههههه يا أخوانا بغض النظر عن أنا غلطان ولا لا بصراحة أنا بفثش
لي الهبيب دا من فترة عشان أعضيهو في نص راسو .. لأنو دي ما
أول مرة تجي في الثوقيت الخطأ والمكان الخطأ داعما" الزول الخطأ .....
فا شنو .. حتي لو كنت خطأ ... حا أعتذر ليك وفي بالي إنك تستاهل
البيحصل ليك هنا ....
طيب نجي نشوف إتا قتا شنو وأنا فهمتا كلامك كيف ....
دا كلامك :-
| Quote: المعني الجابو صلاح هو الكتبو حايم |
ودا كلامي الأنا كتبتو :-
| Quote: المبعض هو الرقيق (العبد) الذي به شائبة حرارا |
ودا كلام زولك الجيت شايل الدرقه وعايز تفداهو :-
| Quote: مبعضين = البعض الذي لم يقبل الهدنة ويصر على المطاردة والشتم. |
يبقي عاد يا الهبيب كضبتا ولا كو ......
| |
|
|
|
|
|
|
|
|
|
Re: الي المبدع ود الخواض (Re: Salah Zubeir)
|
Quote: زمان يا صاحب ، انا شخصيا من الناس كنت ساذج وطيب وفاكر انو المسالة حرية تعبير ،
مثلما انا حريص عليها ان تستمر الأخرون يفعلون نفس الشئ ، ولكن فاتت علينا نقطة: استغلال حرية
التعبير والطيبة لتهديم هذا الصرح (صرح سودانيز اونلاين ، اجمل تجربة في الحرية في الكلام..)
الى ان توفقت في الإنتباه واعادة حساب الأمور بدقة لأكتشف حجم الخبث وفقه التقية الذي تمارسه
مخالب الموساد (حاتم ابراهيم) ، ولن امنحهم شرف ان اشكي لإدارة المنبر بان تسحب منهم العضوية ،
ولكني ساواجههم واضع يدي في يد كل من تشجع وقرر مواجهتهم بشجاعة امام الملأ كافة ، حتى يعود
لهم صوابهم ووقف المماراسات الخاطئة (مجهولية الهوية ، استغلال ثغرات لائحة المنبر والإستفادة من
ادبخانة الفيس بوك وصفحة الكاركتير التي يمارسون فيها العنصرية النتنة للغاية ، وتوضيح وتفسير سرقاتهم
وممارساتهم المشبوهة وعلاقتهم بشركة كلماسوفت ذات الأنشطة المريبة..والسخرية والإستفزاز والعنجهية
والتكبر وسرقة اسم السودان واسم جامعة الخرطوم..)..!
ثق يا صديقي ، العضوية في هذا المنبر من دم ولحم وشحم..ان لم تعرف الفرد مباشرة ستجد من يعرفه
(سواءا معرفة عمل ، زمالة طلبة ودراسة ، عيال حي ، اولاد قرية ..اولاد مدينة صغيرة..ناس احزاب ،
ناس حركات مسلحة..الخ) او من يعرف من يعرفه ، عدا مخالب الموساد (حاتم ابراهيم) لا احد يعرفهم ،
ولا احد يعرف علي ماهر ولا احد يعرف معروف ابو الحسن..وغيرها من الأسماء والأشباح..! |
تحياتي أستاذنا كبر ....
يا ريت المشروع يقيف عند حدود سودانيز .... إني أراهو أشمل ليحتوي الشخصية السودانية
وما نمارسه في حياتنا اليومية من نشاطات ... بل أشك في أنه أحد المعاول التي تستخدم لتقطيع
هذا البلد ... أدعوك لزيارة بوست الأحباش وتجارة البشر ... الرابط في الصفحة - 4 لتري (مثال)
حي لإهتماماته ... هنالك العديد من البوستات تدعم ما ذكرته ....
| |
|
|
|
|
|
|
|
|
|
Re: الي المبدع ود الخواض (Re: Salah Zubeir)
|
احرجتني يا ابو صلاح وانا العرضت صقرية قلت ود الزبير ما بكابر ويعتذر!
أفا عليك, اي نعم بالطريقة الفهمتها كأن محجوب يتحدّث عن تفسير حاتم لكن الفهم الاسهل و الأكثر مباشرة هو يتحدّث عن تفسيرك انت لما قاله حاتم vs تفسير ابو سن
السياق يا قريبك .. السياق
| |
|
|
|
|
|
|
|
|
|
Re: الي المبدع ود الخواض (Re: فرح الطاهر ابو روضة)
|
| Quote: و المصادفة انو بعد 15 سنة في هذا المنبر اول مرة زول يقول لي "تافه". |
شيء مؤسف يا أخ محجوب أن تنالك هذه الشتائم لمجرد دخولك هنا،
وأعتذر لك إنابه عنه، فهو هنا في معية المبدع ويبدو أنه لا يطيق رؤية كلماتي.
=================
| Quote: يا جلالدونا لو دي لغتك شنو وجه إحتجاجك على حاتم إبراهيم؟ |
فعلاً ياها لغته، وما عندو حجة يا حافظ، ما عندو!
أنا واجهتو مباشرة في بوست محذوف لأبو روضة وسألتو مشكلتك معاي شنو ما عرف يقول حاجة، برطم كدا وسكت!
وبالمناسبة (القلة) دي ما كانت بتتصرف بالنهج دا إلا مؤخراً، فعندك مثلاً واحد منهم كان تلميذي كايس ياخد الطريق
Quote: سلام أخونا حاتم
هادى فيرجيخا و ادنا عنوانك عشان نحولك مال الخسوسى. اصلى برلوم محتاج لمزيد من الصقل
|
وواحد تاني كان شغوف يستمتع بما أكتب ويكيل المدحان بلا مناسبة
Quote: شكرا يا حاتم ..
فلقد أوتيت من مجامع الكلم الكثير ..
|
الباقين ما بعرفهم والله، ياهو بقوم الصباح بلقاهم يكوركوا! سنتين بالطريقة دي 
لكن الشيء المتأكد منو أنهم حريصين على تلقف ما أكتب، بالحرف، تتوقف مشاركاتهم هنا على مداخلاتي تماماً.
صاحبنا المحموم دا ما بعرف انتفاضتو دي بدت متين، بس بتذكر مرحلة استمرأ فيها البذاءة بصورة (راتبة)
لسبب غير واضح
Re: مرحب بيكRe: مرحب بيك
تاني شنو؟
أيوة، بالمرة حقو (أتش) ليهو القطعة دي! شفتها بالصدفة
Quote: و الملح يا سادتى برغم ان له ثمن كبضاعة الا انه اصبح و سيط ضامن لتبادل السلع.
ليه اختارو الملح؟ لوفرته و طول امد احتفاظه بخصائصه و رخص قيمته السلعية و امكانية تجزئته
اضافة الى ذلك احتياج الكل ليهو
Re: مرحب بيكRe: مرحب بيك |
ودا غلت طبعاً يا سادته!
فالملح ما كان رخيس رغم وفرته بل كان غالي وتخاض الحروب لأجل الحصول عليه، استخراجه كان يتطلب الحطب
ولم يكن ذا قيمة رخيصة بل عالية جداً فهو يدخل في حفظ الأطعمة وبالذات اللحوم بأنواعها، تلاجات سامسونغ لم
تكن متوفرة شمال المتوسط، ومال البسطرمة دي يملحوها ليكم بأم تَكَشو ولا أم بُلُط!
___
واجعاني الشدة في المداخلة اللفقوها لي زوراً، أربعة سنين أنا ما شديت لي حرفين في سطر واحد ياخ.
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
Quote: الباقين ما بعرفهم والله، ياهو بقوم الصباح بلقاهم يكوركوا! سنتين بالطريقة دي
لكن الشيء المتأكد منو أنهم حريصين على تلقف ما أكتب، بالحرف، تتوقف مشاركاتهم
هنا على مداخلاتي تماماً. |
عاين جاي عشان تاني ما تعمل فيها الوآد شاطر ؤ عالم ؤ تحاول تستغفل الناس
بسؤالك الناس بيهاجموني ليه ؟، خليّك عارف الناس بيهاجموك لأنهم عرفوا
نواياك السيئة ؤ بدو يستشعروا مدى خباثتك ويحسو ما تستبطِن .
ود قاسم علي سبيل المثال عضو في المنبر من 2003 عرفناه زميل في المنبر
صاحب كتابات رائعة وأدب جم، تقدر تورينا إسترصدتو لحدي ما رتك المنبر
ليه ؟!.
طيّب العايز يعرف مقاصد ومرامي حاتم إبراهيم اليداخل الرآبط دا، بجيبو للمرة التانية:
Re: الأحباش يمارسون تجارة البشر بالخرطومRe: الأحباش يمارسون تجارة البشر بالخرطوم
لسّع يا جماعة في بوست كامل في الطريق ...
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
| Quote: ثانيا حسب مروري السريع علي شرح صلاح الزبير و شرح عبدالحفيظ, هن كلمتين و عنده معنيين و المعني الجابو صلاح هو الكتبو حايم و انت شايل كلام عبدالحفيظ و حايم بيهو. |
السياق يا محمد لي كلام مفهوم يعني الحبيب محجوب
لو سهل الحكاية وسحب جملة (والمعني الجابو صلاح
هو الكتبو حايم) يبقي الكلام واضح وصريح :-
| Quote: ثانيا حسب مروري السريع علي شرح صلاح الزبير و شرح عبدالحفيظ, هن كلمتين و عنده معنيين و انت شايل كلام عبدالحفيظ و حايم بيهو. |
علي اية حال مافي مشكلة نعتذر للحبيب محجوب
اعتذار كامل غير منقوص وليك علي نمسح المداخلة
وناسف علي المخاشنه ...
| |
|
|
|
|
|
|
|
|
|
Re: الي المبدع ود الخواض (Re: فرح الطاهر ابو روضة)
|
محجوب سلامات وكيف الحال ..
كلامك صحيح جدا ان هناك سبعة من الاعضاء هنا يقفون ضد هذا الحساب المنبري بالاسم (حاتم)
ولكن ما قصدته من مداخلتي ان العدد اكبر من ذلك بكثير يا محجوب .. وكان ذلك كاجابة لسؤالك او استغرابك من هذه الوضعية ..
الوضعية كذلك يا محجوب لان هؤلاء ال 7, بالاضافة لعدد اكبر من الاعضاء الذين لم يشاركوا في هذا البوست, قد نهضوا لمواجهة هذا الحساب الاسفيري الذي يسيء, يطارد, يسخر, يسمم اجواء هذا المنبر ويستهدفهم في شخوصهم ..
الم يتسائل احد هنا عن سر تمتع هذا "الحساب" بعداوة عدد كبير من الاعضاء ..
ولولا مواجهته لكان العدد اليوم أكبر..
لو تسائلتم عن ذلك وسعيتم لمعرفة الاسباب (وانتم تعلمونها) ..
لما استغربت هنا من هذه الوضعية ..
اليس كذلك؟!!
فهي وضعية طبيعية جدا ورد فعل اقل من المتوقع بكثير
* بالنسبة لحكم الراية ود البشرى ..
يحكى فيما يحكى عن مباراة بين هندسة وطب في المجمع الطبي في الميدان الشرقي
وقالو حكم المباراة منحازا لطب بطريقة عجيبة جدا .. النوع البصفر بلنتي والكورة في نص الميدان ويقول ده بلنتي قبيل نسيت ما عديتو .. تحت تحت طلع متفق مع ناس طب .. وقالو قابض كمان
المهم جمهور هندسة كان جمهور صعب جدا .. بالله الحكم لسه ما انتهى من صفارة النهاية كويس الا وكان حوالي 50 مشجع من هندسة جارين وراهو .. وهو ذاتو كان متوقع كده .. قالو بدأ يجري قبل ما يصفر النهاية ذاتو .. تلب سور الميدان الشرقي ونزل جنب الكوبري.. ونفض نفسو وافتكر الموضوع انتهى .. الا انو الجماعة تلبو وراهو .. هو جاري .. وهم جارين وراهو عاوزين يدقو .. قطع كبري بحري والجماعة جارين وراهو .. قالوا لحقوهو في الاملاك..
اها "ود البشرى" ده لو حكم راية .. والله وراهو للحلفايا :)
مودتي وتقديري
| |
|
|
|
|
|
|
|
|
|
Re: الي المبدع ود الخواض (Re: Mahjob Abdalla)
|
| Quote: شيء مؤسف يا أخ محجوب أن تنالك هذه الشتائم لمجرد دخولك هنا |
تعرف يا حاتم
زي ما بقولو "العفش داخل البص علي مسئولية صاحبه" و لا داعي للاعتذارنيابة عنه لكن احساسي انو الزول ده مشي سرق من التكاتييك حقتك و بالذات تكتيك الكوبرأ. لدغني سريع و مشي نام.
_________
بعد دا نضرب تحت الحزام طوالي
| |
|
|
|
|
|
|
|
|
|
Re: الي المبدع ود الخواض (Re: السيد المسلمي)
|
Quote:
استاذ حاتم إبراهيم،
أنت لم تناقش وإنما جيت البوست دا (لا علاقة لك به) شتمت الضيوف ومشيت
دون أن يذكر إسمك أحد (لاحظ اول مداخلتين لك أعلاه) وعندما نبهتك للخطأ لم تعتذر
فقط جيت لصقت حاجات قديمة وأصلاً مردود عليها في ثنايا الحلقات أعلاه.. ربما لم
تقرأ أو تود فقط إشغالنا بالتذاكي.. يعني نظام شوفوني بناقش وانا موضوعي!.
في الحقيقة يبدو جلياً أنك تحاول صرف المهتمين عن الموضوع بقضايا إنصرافية وإستفزازية.
شخصيا لا أعرفك وغير متابع جيد للبورد في الآونة الأخيرة ولا أذكر الآن أنني قرأت لك أي شي
كويس أو كعب.. غير أنني بعد أن لاحظت مداخلاتك الأولى الغريبة في هذا البوست عرفت أن
لك سوابق كثيرة مع آخرين من سجل صفحة المنبر الأولى.
المهم أنا للأسف زمني شوية.. ما عندي وقت للعك الفارغ والمعارك الجانبية والإنصرافية.. أرجو
أن تحترم ذلك.. أي تداخل منك تاني لن أرد عليه مهما كان.. وأعتبره شغب أو أي كلام غير مجدي..
انت مصر.. خلاص.. انا مجرد ضيف هنا ولست من الإدارة .. أعني أنني لا أستطيع أن ألزمك بلائحة
أو كما يجب.. وإذن علينا أن نتدبر أفضل الخيارات السلمية ألتي تحفظ زمننا وتجنبنا الفارغة
والمقدودة في تلك الحالة. |
هنا حاولت تمارس سخفك ؤ تمرر أجندتك لكن الزميل محمد جمال الدين
حسمك ؤ فوّت عليك الفرصة .
يبدو إنو كتير من أعضاء المنبر غير متابعين لنهجك ومحاولآتك لتعطيل
المنبر التي لم تعد خافية إلآ علي شخص أغمض عينيه عنها وآثر الإنحياز
لصفك لأغراض خاصة، إنت أصبحت مكشوّف يا خبيث ...
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
كتبت مخالب الموساد (حاتم ابراهيم):
Quote:
شيء مؤسف يا أخ محجوب أن تنالك هذه الشتائم لمجرد دخولك هنا،
وأعتذر لك إنابه عنه، فهو هنا في معية المبدع ويبدو أنه لا يطيق رؤية كلماتي.
|
وهكذا دأب مخالب الموساد (حاتم ابراهيم) دوما على استعداد للإصطياد في المياه العكرة واستغلال الفرص للتسوق وشراء بعض ود اهل المنبر..والظهور بمظهر الوديع الطيب المهذب الذي لا يعرف الشتائم..
ياترى لماذا لم تتأسف مخالب الموساد (حاتم ابراهيم) وتعتذر عن ادبخانة الفيس بوك التي كانت تفتحها وتدعو الأشباح للأسهال فيها وممارسة الشتائم في حق الأخرين؟
لماذا لم تتأسف وتعتذر عن سرقة مقال معروف ابو الحسن؟
لماذا لم تتأسف وتعتذر عن استخدام هويات عديدة مثل علي ماهر والأشباح التي تشتم وتسئ للناس عبر ادبخانة الفيس بوك وصفحة الكاركتيرات بسودانيز اونلاين؟
كبر
| |
|
|
|
|
|
|
|
|
|
Re: الي المبدع ود الخواض (Re: Kabar)
|
يا ريت يا ود المدير لو تعمل بوست مخصوص
بجداول قشيبة يجمع كل البوستات المستهدفة
وبالمقابل كل بوستاته المشتِتة للجهود المبذولة للوطن
و في الحالتين تلاحظ تزامنها مع قضية تتطلب تضامنا شعبيا
الناس بتتعامل مع اليومي ما بتنظر للصورة الكاملة
خاصة الناس "المحترمين" الذين يتعاملون حسب نواياهم الحسنة
موسم المرح انتهى خلاص
الأمس خمرُ واليوم أمرُ (القيس)
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
الآن تكشفت ملامح مخالب الموساد (حاتم ابراهيم) العامة ، وهي تتميز بشخصية ملؤها اللؤم والخبث والحقد ، وانها في سبيل تحقيق اهدافها لا تتورع في ارتكاب الأفعال الخاطئة التي تحقق بها مآربها..
في بوست عبد اهلا ادريس (طلب رخيص من حاتم ابراهيم) ذكر محمد صديق عبد الله افادة خطيرة للغاية ويجب ان ينتبه اليها الجميع ، وايضا ذكرت مخالب الموساد (حاتم ابراهيم) افادة توضح الأنانية وتكشف عما يخافونه ويخشونه..
كتبت مخالب الموساد (حاتم ابراهيم) تخاطب محمد عبد الله صديق:
Quote:
منشور كلماسوفت أنت قصدت به الإضرار التجاري في عمل لا يخصك، وتدخلت فيما لا يعنيك ووجهت اتهامات رفضها المحترمون
|
وكتب محمد صديق عبد اللـــــه ردا عليهم:
Quote:
كلامك ده فيهو دغمسة. أنا ما فتحت منشور عن كلماسوفت إلا بعد فترة طويلة جدًا من أول
مداخلة لي معاك وبعد ما تحمَّلت كتير من أذاك وبعد ما تأكدت إنك ما حا توقف هجومك علي،
والناس شهود على ذلك. أنت من سعى إلى الإضرار بي وجريت لجامعتي
عشان تنتقم مني لمجرد تعليقي على ترجمتك في أول منشور تداخلت معاك فيهو.
|
الخطر في افادة محمد صديق عبد اللـــه هو الكشف عن سلوك مخالب الموساد (حاتم ابراهيم) التدميري الذي لا يعرف ان النقاشات في هذا المنبر هي نقاشات عامة ويجب ان يكون حدها فقط في هذا المنبر ، ولكن مخالب الموساد (حاتم ابراهيم) لا تعرف الأخلاق فتنقل الأمر للحياة الشخصية للعضو (مكان العمل ، مكان الدراسة..الخ) فهي تحاول الإنتقام من محمد صديق عبد اللـــه حتى في خارج المنبر..وهذا هو السلوك الخطر التدميري الذي يستهدف المنبر واهله..
والخطر الذي تخشاه مخالب الموساد (حاتم ابراهيم) هو الإضرار بشركة كلماسوفت..يعني هم يلحقون الأضرار بالأخرين وينقلون معاركهم خارج المنبر في حقول تمس اي عضو يختلف معهم وفي نفس الوقت يرفضون الإضرار بهم عبر شركة كلماسوفت؟..
وطالما مخالب الموساد تصر على المكابرة وعدم الإعتراف بالأخطاء في حق المنبر واهله وعدم الإعتذار عن الأذى الذي سببوه لأفراد كثر في هذا المنبر..
فما الذي يمنع من انتهاج نهج المعاملة بالمثل بان تكون كلماسوفت وسمعتها وانشطتها ساحة للخصومات الممتدة والعابرة لحدود المنبر؟..ما الذي يمنع ان تفعل الناس بهم مثلما فعلت مخالب الموساد (حاتم ابراهيم) مع محمد صديق عبد اهل ونقل الصراع الى جامعة محمد صديق عبد الله؟..
واذا كانت مخالب الموساد (حاتم ابراهيم) تهدد محمد صديق عبد الله بالمحاكم في لندن ، فهل يا ترى يفعلون نفس النهج مع محمد البشرى خضر ويتبزونه الأ يفشي حقيقتهم؟
كبر
| |
|
|
|
|
|
|
|
|
|
Re: الي المبدع ود الخواض (Re: Kabar)
|
| Quote: يدوب من هنا و رايح انا معسكر في البوست لمان يتخور |
هههه كدي يا محجوب قبال ما تعسكر دايرين
نعرف رأيك في الكلام القالو اليوزر نيم حاتم
عن زملاء المنبر بأنهم عبيد ... رقيق ساكت ..
وانو العناية الالاهيه بعثتو لتحريرهم من
العبودية والتابعية ....
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
| Quote: في بطون "أولادنا" تقرأ امهاتنا |
هههههههههه
عاد دي بالغت فيها يا ود الزبير!
انتو يا اخوانا شنو قصة الاستجداء بالأمهات دي!
يا كبر معليش انا ردّيت على مداخلتك المكررة في بوست الملخميت
ماكنت شفتها هنا
عليه اعتمد نفس التعليق هنا وهناك
| |
|
|
|
|
|
|
|
|
|
Re: الي المبدع ود الخواض (Re: فرح الطاهر ابو روضة)
|
Quote: يدوب من هنا و رايح انا معسكر في البوست لمان يتخور
+++
تعرف يا حاتم
زي ما بقولو "العفش داخل البص علي مسئولية صاحبه" و لا داعي للاعتذارنيابة عنه لكن احساسي انو الزول ده مشي سرق من التكاتييك حقتك و بالذات تكتيك الكوبرأ. لدغني سريع و مشي نام.
_________
بعد دا نضرب تحت الحزام طوالي |
مرحب أخ محجوب
أتفهم شعورك تماماً
والحقيقة أنا آسف جداً لأن يصيبك الضيق من هذا السلوك
لكن أتمنى أن لا ترد وأن تحتفظ ببرودة أعصابك.
___
الأمور واضحة هنا وكلنا يعرف من أين يأتي التعقيد.
==========================
ههههههه،
يا ود البشرى كيفك!
ما هو البوست أساساً عن (المبدع) الكبير
وسبق أن قلتها أن كلمة (إزيكم) يمكن أن تجد من يفسرها.
___
بطريقته.
==========================
Quote: لو تسائلتم عن ذلك وسعيتم لمعرفة الاسباب (وانتم تعلمونها) ..
لما استغربت هنا من هذه الوضعية ..
اليس كذلك؟!!
فهي وضعية طبيعية جدا ورد فعل اقل من المتوقع بكثير |
بالتأكيد (غير طبيعية)!
لأن ذات القلة التي يقوم بعضها بالتلفيق وتوجيه الاتهامات الجزافية لن تجد أي مبررات
لكل هذه التصرفات، وطرحت أنا تحدي واضح، من كانت لديه مظلمة فليعرضها وصفحات المنبر شاهد.
أعتقد كافي.
فهل (من الطبيعي) مثلاً أن تقوم أنت باتهامي بأنني أتبع للموساد أو أنني جداد مثلاً؟
أو هل (من الطبيعي) أن توجه عبارات على أساس عنصري ثم (تعيد توجيهها) إلى "أشقائكم" في إثيوبيا عندما تبينت رقعة إصابتها؟
وهل يضطر شخص أن يطلب (مصادقة) آخر على أن ما قاله (كان نكتة) حتى "يكتشف" الناس ذلك فيضحكوا؟
___
مجرد أمثلة، غير طبيعية.
| |
|
|
|
|
|
|
|
|
|
Re: الي المبدع ود الخواض (Re: حاتم إبراهيم)
|
Quote: عاد دي بالغت فيها يا ود الزبير!
انتو يا اخوانا شنو قصة الاستجداء بالأمهات دي! |
بعدين يا بشرى اسمح لي احتفظ بالعبارة دي
كدليل على القول الماسورة من عاشر قوما الخ الخ
| |
|
|
|
|
|
|
|
|
|
Re: الي المبدع ود الخواض (Re: حاتم إبراهيم)
|
Quote: مرحب أخ محجوب
أتفهم شعورك تماماً
والحقيقة أنا آسف جداً لأن يصيبك الضيق من هذا السلوك
لكن أتمنى أن لا ترد وأن تحتفظ ببرودة أعصابك. |
بالله شوفوا الزول دا تقالة دمّو ؤ سخفو !، قُرآدة بس .
يا سخيف ليّه ما تفهمت شعور الناس نحوك وإنت بتتساخف عليهم
وتستفزهم وتشتمهم ؟!. كمان بتعرف تتأسف !، إنت كائن غريب والله !.
متين تأسفت !، ثم متين إعتذرت ؟. من شدة تقالة دمّك شايف نفسك
البتعمل فيهو هنا تجاه الأعضاء أمر طبيعي نسبةً لأنوا مأصّل في
نفسك وأنت جُبلت عليه، يأخي إنت عضير أو بمعني أوسع أنت تعاني
من تخلّف . إن كان حولك بشر يتعمالون معك فكيف يطيقون منك
هذا السخف ؟!.
تأسُفك هنا للكسب الرخيص وإستدرار عطف الناس نحوك لأنك بدأت
تشعر بأنّ مسعاك القذر إنكشف، وأراك تشير إلي باطنك الذي هو
عكس ظاهرك وأحرف كيبوردك تقول بالخط العريض: رُد يا محجوب،
رُد ؤ خليك هنا ...
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
Quote: يا ود الزبير شنو ياخ
خليها على بساطتها كدا بدون دراما :) |
أن تكون الأمهات في محل دراما أفضل من أن يكن في موضع كوميديا
ولّ شنو؟
نصيحة اخدلك راحة شوية من البوستات دي
ما عايز اصدق انك مجبور
كل مالاك بتخسر وأخشى أن يأتي عليك يوم لا يكون لديك ما تخسره أصلا
أم أنك وصلت مرحلة موت موت حياة حياة؟!
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
مشكور يا ود الزبير على النصيحة بالراحة
كدي بجدية شوية وريني وين وردت سيرة أو الاشارة للامهات أساسا
عشان بصراحة ما شايفها, فأرجو تنبيهي لمحلّها لأنو عيب السكوت على ذلك!
| |
|
|
|
|
|
|
|
|
|
Re: الي المبدع ود الخواض (Re: محمد البشرى الخضر)
|
ده كلام "الحساب" موجها لود المشرف Quote: أشرح للناس هنا مأخذك شنو على من ينطق (قصص) (قسس)؟
حتى لو كان إثيوبي ما هم برضو أهلنا و(نحن أقرب لهم) لزم
أقرب جداً يا (زول)، أقرب من الجماعة البيودعوا في بطون أولادنا عدة حصحاصات (بجريمة) المصاهرة
على شرع الله الحنيف وسنة رسوله الشريف. |
و ده كلامي بعد مداخلة لصلاح الزبير | Quote: لا وكمان العرب أودعوا في بطون "أولادنا" تقرأ امهاتنا |
و ده ردك مباشرة على كلامي Quote: هههههههههه
عاد دي بالغت فيها يا ود الزبير!
انتو يا اخوانا شنو قصة الاستجداء بالأمهات دي! |
أها كيف قاعدين نستجدى بالأمهات؟!
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
أنا ما سالت عن دي, لكن ما مشكلة اوريك وين الاستجداء
التعليق عن اولادنا
انا ما عارف كيف انت قراتها "أمهاتنا"
تعليقي عن الاستجداء مقروء مع ذكر احدهم لسيرة الامهات برضو كانه حدثت اساءة لهم واخذها منصّة وحجّة للوم الناس و الاساءة لهم
أمّا سؤالي عن من اين اتت سيرة الامهات اساسا في محل سخرية او اساءة عشان تجيبوها هنا
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
جريمة قتل "ولدنا" محمد عبد اللطيف رحمه الله بالرصاص بسبب زواجه من سيدة قطرية رحمها الله دون موافقة اسرتها - هذا ما فهمته انا
وريني كيف فهمتها انت وما علاقتها بالامهات؟
| |
|
|
|
|
|
|
|
|
|
Re: الي المبدع ود الخواض (Re: محمد حيدر المشرف)
|
جريمة قتل "ولدنا" محمد عبد اللطيف رحمه الله بالرصاص بسبب زواجه من سيدة قطرية رحمها الله دون موافقة اسرتها - هذا ما فهمته انا
وريني كيف فهمتها انت وما علاقتها بالامهات؟
==============================================================================
انا برضو فهمتها كدى وقلت يكون قاصد رصاصات (سبلنق وكدى)
| |
|
|
|
|
|
|
|
|
 Re: الي المبدع ود الخواض (Re: محمد البشرى الخضر)
|
شكرا أبا روضة لبلوغ هذا البوست إلى ما هو إليه والفضل يرجع للقطيع
بالمناسبة أنت ووطنيتك ليست محل نقاش وهذا ليس قولي.
وأما حاتم ، فجزاه الله عن الوطن كل خير- الزول المنفرد بلا وجل يقارع بقايا الرق والاستعمار والاستهبال وبقج الجهل والأنا ولا يتوقف ولا يخشى الذباب فنعما هو.
الجبهة الهنا ديل أغلبهم كانوا وقودًا لاستمرار على الأقل صمتًا للعنصرية البواح في هذا المنبر، ما تسمع العنتريات دي بوست واحد اسمه – الإله جُعل كشف بطلانهم - لم أجد فيهم من قال بغم لذبح واغتصاب وحرق أهاليهم في دارفور في حينها ولم أجد منهم من اعترض على انفصال ثلث الوطن اللهم إلا بسكوتهم الجبان مع خال الرئيس و فلهمة : لقد ذهبت نصف الأمراض المستوطنة بانفصال الجنوب! ولم أجد واحدًا من هؤلاء النعام من قال إن الجعلي لو اغتصب غرباوية هذا يقدح في شرف أمه (غرابة وجلابة على السواء) ، ولم ينصروا حقيقة مجردة في هذا المنبر قط بل أغلبهم من يتسدنون للألقاب : يا دكتور ويا أديب ويا مفكر إلخ ، بينما لا يوجد مفكر حقيقي خارج هموم وطنه! وكلهم يتكأكأون على بوستات الفارغة وملوص كما النعام.
لو تتبعت تاريخ معرفة هؤلاء الحقيقية ومن أعمالهم فقد حصلوا على الشهادات بالبخرات، حتى الذين حصلوا عليها بغير بخرات أيضا بالبخرات!!! لأنك لو حصلت على شهادتك بجهدك ستعتمد فكريًا ومنبريًا على جهدك (يعني السبعة الذين ذكرهم محجوب كلهم بثمن شخص واحد) وخارج السبعة فإن الواحد يساوي سُبعا،
أتريدون أن تقارعوا ُسبعًا! تبا لكم
بمقدورهم أن يلولوا ليكم الكلام لدرجة أن تشكوا في موقفكم والنهب العام جاري في السودان وهذا هو المطلوب #
| |
|
|
|
|
|
|
|
|
|
Re: الي المبدع ود الخواض (Re: جلالدونا)
|
Quote: وأما حاتم ، فجزاه الله عن الوطن كل خير- الزول المنفرد بلا وجل
يقارع بقايا الرق والاستعمار والاستهبال وبقج الجهل والأنا
ولا يتوقف ولا يخشى الذباب فنعما هو. |
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
وليكن في علمك يا أستاذ آدم، أنا شخصيا لا أخجل ولا اعتبرها شتيمة
إذا كان جدي أو جدتي أو كلاهما رقيقا بصدفة التاريخ والجغرافيا
لكن القانون يعتبرها شتيمة عنصرية
فأرجو أن تتدارك نفسك وتعتذر
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
قصدى السيد الحر أدم صيام وجد طريقا آمناً لنفسه
من التبعيض ثم اقر بوقوعه علينا و رمانا بنتائجه كبقايا للخدم الزمان
عشان كده فكرة انو يعتذر دى ما جاية لأنو الكتوف ما واحدة
| |
|
|
|
|
|
|
|
|
|
Re: الي المبدع ود الخواض (Re: جلالدونا)
|
| Quote: وأما حاتم ، فجزاه الله عن الوطن كل خير- الزول المنفرد بلا وجل يقارع بقايا الرق |
شكرا للتوضيح يا جلال
أتوقع إدانات لهذه العنصرية حتى نكون جديرين\جديرات بهذا المنبر الديمقراطي الحر
| |
|
|
|
|
|
|
|
|
|
Re: الي المبدع ود الخواض (Re: جلالدونا)
|
معلوم، ولكني أنتظر معرفة مواقف أعضاء وعضوات المنبر
فإذا كانوا يقرون بما جاء أعلاه، فلا بأس في ذلك إطلاقا
لكن أنتظر إدانتهم لكلامه بوصفه جريمة يعاقب عليها القانون
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
يا أبو روضة سلام
انت صاحب هذا البوست الذي وردت فيه عبارة عنصرية وفقا للقانون الدولي
| Quote: وأما حاتم ، فجزاه الله عن الوطن كل خير- الزول المنفرد بلا وجل يقارع بقايا الرق |
بصفتك صاحب البوست فأنت ملزم أخلاقيا بإبداء موقف واضح تجاهها
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
Quote: ولكن ما قصدته من مداخلتي ان العدد اكبر من ذلك بكثير يا محجوب .. وكان ذلك كاجابة لسؤالك او استغرابك من هذه الوضعية ..
الوضعية كذلك يا محجوب لان هؤلاء ال 7, بالاضافة لعدد اكبر من الاعضاء الذين لم يشاركوا في هذا البوست, قد نهضوا لمواجهة هذا الحساب الاسفيري الذي يسيء, يطارد, يسخر, يسمم اجواء هذا المنبر ويستهدفهم في شخوصهم ..
الم يتسائل احد هنا عن سر تمتع هذا "الحساب" بعداوة عدد كبير من الاعضاء ..
ولولا مواجهته لكان العدد اليوم أكبر..
لو تسائلتم عن ذلك وسعيتم لمعرفة الاسباب (وانتم تعلمونها) ..
لما استغربت هنا من هذه الوضعية ..
اليس كذلك؟!!
فهي وضعية طبيعية جدا ورد فعل اقل من المتوقع بكثير
|
سلام د. المشرف
المسألة هنا تشعبت كثيرا و الاستقطاب في اشد حالتها و لو اي زول عايز يبدي رأيو في البيحصل حول حاتم, ما ممكن نختصر المسألة في واجهة واحدة و عليه خليني اوجز وجهة نظري في اكثر من جانب:
1. حاتم كـ محاور
2. حاتم كـ عضو منبر زي الـ 4 الف الاجتمعنا هنا كسودانيين
3. حاتم كـ شبح
1. كمحاور, اظن و علي يقين انو من اكثر اعضاء المنبر هنا ترتيبا لافكاره. بيعرف يقرأ الشئ المكتوب بعين ثاقبة جدا و بحدد مكامن الخلل او الاخرام الموجودة في الفكرة المكتوبة و بعد داك بدخل يناقش.
في تقديري انو في الدنيا دي في ناس بتعرف تكتب (ربنا اداهم مجامع الكلمة) و في ناس ما بكتبو لكن بعرفو يقرو كويس و (اظن) حاتم امتلك الاداتين (كتابة و قراءة) و انا اميل انو قرايتو اجود من كتابتو. يعني تحليل افكار الاخرين.
وده في حد ذاتو ممكن صفة سيئة في الشخص كان يبحث احدنا في عيوب الاخرين اكثر من محاسنهم او بيقرأ ما وراء السطور.
2. تابعت بوست دكتور النور حمد و تابعت بوست الاحباش و التجارة بالبشرو لو بس وقفنا في عضم فكرة البوستات دي و خلينا المناوشات الجانبية جانب, فصراحة ما حاقدر اقول لقيت اي ثقرة في فكرتو. فكرتو مرتبة و دافع عن فكرتو بطريقة كويسة و كذلك في مواضيع شتي مريت عليها.
3. كشبح: كمعظم الناس هنا لا اعرفه و لكن من خلال الـ consistency في طريقة كتابتو اقدر اقول انو شخص واحد (الكتابة دي زي البصمة: unique). يعني لو في اكثر من شخص بيكتب بهذا الحساب عادي ممكن تلقي ثغرات و تحدد انو اكثر من شخص بيكتب.
لو قلت انو ترول بصدقك لكن ما اظن وصلنا مرحلة الـ Artificial Intelligence بحيث انو يكون في جهاز يقدر يتحاور مع الناس و يحتفظ بنمط واحد للكتابة.
هو شخص ما معروف لمعظمنا و ربما للكل و ممكن يكون اسمو معروف او حاتم حسب البحث الاتنشر هنا بالاسمين لكن حتي ذلك اليوم النكتشف فيهو الحقيقة دي, شخصيا ما بخت اي مجهود شخصي للبحث عنو او الغلاط حول انو شخص حقيقي او ما حقيقي و بغض النظر عن انو مستخدم اسم حركي او اسمو الحقيقي.
زي ما ممكن اتفق معاك يا محمد المشرف في طرح افكارك هنا و ممكن اختلف معاك حولها بغض النظر اني ابديت او لا كذلك ممكن اختلف مع افكار حاتم و لو لم ابدي ذلك.
بخصوص الكلام الاخير و السألني عنو صلاح لكي ابدي رأي.
الكلام الكعب كعب. لا حأقبلو لنفسي و لا لغيري و بتجنب اشتم اي انسان في حياتي و مع ذلك نحن البني ادميين فينا الشر و الخير تقريبا متساويات و لكن عندنا العقل البخلينا نعصر علي الشر انو ما يطفو الا في حالات نادرة. قد تجدني يوما بصرف بركاوي لزول و لكن تظل حالة نادرة. يعني 99% في الجانب الكويس.
شكرا لـ عمر البشير ان تعلمنا منه كيف نتحايل علي الله.
| |
|
|
|
|
|
|
|
|
|
Re: الي المبدع ود الخواض (Re: Mahjob Abdalla)
|
محجوب يا الملك من زمان، في رجعة سريعة لزعلتك الفوق،، زي ما شايف براك الحكاية دي is taking a very heavy toll on us all، أعصاب المنبر بايظة شديد والكل بقا واقف على الهبشة.. كنت إنتا بي هناك نسبت لي كلام ما حقي أنا كنتا مقتبسو ساي (شفت المسكنة دي!)، وجينا نشتكي ليك منّك لقيناك محتاج لي عرضحال ينصفك لي أم روحك ههههه،، أها أنا كمان ما بقيت زول فسل وعافي ليك دنيا وآخرة،، وشايف صلاح الزبير ما قصّر في مسح سوء التفاهم والاعتذار عنو كمان. أما جلال، فلتعذر أخانا جلال، انفعل شوية وخبتك من طرف قبال ما يفرزك أكان عدو ولّ صديق،، وأهو حاتم ما قصّر جاك من هناك سريع سريع يعتذر ليك بالنيابة عنو:)ههههه،،،
أقول ليك: العفو يليق بك، والباقيات الما صالحات أمسحن في وش أخوك…
في مداخلتك الأخيرة عن الجوانب من (حاتم) التي تحتاج لوجهة نظر منك، عددتها أنت في ثلاثة:ـ (كمحاور ـ كعضو ـ كشبح)..
في رائي أن (المحاورة/كمحاور) مبنية على العضوية، فهما جانب واحد هو الأهم هنا.. أما الشبحية فقد تصاعد الاهتمام بها بسبب من اللبس في حقوق وواجبات العضوية، ولكن بالأساس من طريقة المحاورة، ثم لأنها مادة مثيرة للاهتمام بطبيعتها وبما تثير وتوفر من فرص الجدل هنا.
ولهذا فساركز على الجانب ـ بعد الدمج ـ الأهم عندي وهو: جانب العضو/المحاور من ثلاثيتك: تقول: | Quote: ((كمحاور, اظن وعلي يقين انو من اكثر اعضاء المنبر هنا ترتيبا لافكاره. بيعرف يقرأ الشئ المكتوب بعين ثاقبة جدا وبحدد مكامن الخلل او الاخرام الموجودة في الفكرة المكتوبة وبعد داك بدخل يناقش. في تقديري انو في الدنيا دي في ناس بتعرف تكتب (ربنا اداهم مجامع الكلمة) و في ناس ما بكتبو لكن بعرفو يقرو كويس و(اظن) حاتم امتلك الاداتين (كتابة وقراءة) وانا اميل انو قرايتو اجود من كتابتو. يعني تحليل افكار الاخرين. وده في حد ذاتو ممكن صفة سيئة في الشخص كان يبحث احدنا في عيوب الاخرين اكثر من محاسنهم او بيقرأ ما وراء السطور.)) |
بعيدا عن ميلك لفضل قرايتو على كتابتو، فمجمل الكلام عن امكانيات (حاتم) صحيح جدا في عمومه.. المشكلة هي عندما تقول: “بدخل يناقش”.. ثم تفصل بينها وبين قولك “يبحث احدنا في عيوب الاخرين اكثر من محاسنهم”… أقول مشكلة لأن أكبر مشاكل (حاتم) مع كل هذا الجمع المنبري الكريم، إنه لا يكتفي بمناقشة الرأي والفكرة بل يعاجل إلى الهجوم الشخصي لحد اغتيال الشخصية، وإلى التحقير والتسخيف والإزراء بالمخالف، وإلى المطاردة في غير محلها، باختصار إلى الشخصنة والافراط فيها… هذا هو أس اشكالية (حاتم) في المنبر… بالإضافة لطريقته في الحوار (مع الأشخاص وليس فقط مع الأفكار) من علٍ أو بغلٍ!!
لقد رأيت بوست (إعلان هام) الذي كتبه (حاتم) اليوم، وكان الله سهل سوف أبسط هذا الرأي هناك.
| |
|
|
|
|
|
|
|
|
|
Re: الي المبدع ود الخواض (Re: هاشم الحسن)
|
عيييك، البوست كسح بعيد....!!!>>>>>>
لكن، لا بد لي من ونسات وتتمات ومراجعات وبعض متابعات زي الفوق مع محجوب، وحتى كمان أغنيات (المافي شنو؟):
ــــــــ
يا محمد الشيخ، لم أر مداخلتك “الثمينة/المثمنة) إلا اليوم عن صدفة… البوست كان ماشي بسرعة تنذر بالخطر، زي فيراري سايقا سعودي في شارع دبي أبوظبي..
شكري ليك ياخي وربنا يحقق الأماني المنبرية الطيبة..
ــــــ
معاوية الطيب؛ لياقتك فل والحمد لله،، وكمان شكلك مستمتع في اجازة وكدا.
قلت لي (آدم صيام) مالو؟ أسمع ياخي: خطة الترقيق والتعبيد دي ما جديدة، دايما بتستخدم كإعلان خجول عن الهزيمة في آخر خطابات "الهوية المأزومة”.. وهكذا قس!
ـــــــ
محمد البشرى؛ بالرجعى للحافظ با بشرى، مافي تناقض يا هندسة ولا أي نقص، لو لاحظت يا البشرى فمولانا الحافظ قد استخدم كلمة “السياق” لحوالي ثلاث أربع مرات في نقطتيه ذينك..السياق ياخي.. قال حسب السياق هن صحي (زي) كلام القاموس وقوقل الجابو صلاح لكن ما (زي) تفسير صلاح ليهن في هذا السياق من الكلام.. إذن، فحسب السياق برضو، فما فيهن (عنصرية) لأنو السياق غير، بس حيظلن (إساءة) لأنو السياق إساءة!! ههههه،،، خلي بالك مولانا الحافظ من أهل الكشف وكوريتو سياقية،، رز بي لبن ماها مهلبية هههها!!
لكن برضو ما تحكّها شديد أكتر مما جابت الدم، باقي أنا، مما حاتم تنازل بشرح لمقاصده، ولأسباب أخرى أيضا، ناوي أكتب ليهو رسالة مفتوحة لأنني متفائل بأنو البوست دا حيبقى فاتحة خير نحو حلحلة هذه الأزمة المتطاولة.. وتفاءلوا خيرا تجدوه.. في شوية ارهاصات بتفاهمات تلوّح جاي وجاي، المانع شنو خلينا نلولحا شوية، والشربكا يمكن يحلحلا، قول ربنا يكفينا شر التكتيكات.. يا كريم!!
ـــــــ
يا أبا الأنوار كبر،
والله اليوم بي حكايتك الفوق هنا عن مشوار المكتبة من بنيتك/نا؛ فقد قدمت لي درسا هاما أعانني لفهم هذا الاحساس المبهم البحسو مرات كتيرة بهذه الأخوية المنبرية دي الممكن تسميها SOL sense of fraternity .. الالحساس بسيط لكنو أوسع نفسيا وأكبر معنويا ويختلف عن فكرة السوشيال ـ كلب القالا ود البشرى مرة، وعن الشللية التي هي في الآفات المرة.. عامن أول كنت مع معاوية الزبير ومن بعييييد شفنا زميلنا القديم في المنبر؛ عصام جبر الله؛ يا عصااااام يا عصااااام، معاوية بعرفوا شخصيا لكن أنا ما عرفتو إلا من شبه الصور في المنبر هنا، يا زول فرحت ليك جنس فرحة وقعدت أقارن ذهنيا في تفاصيل صوتو وكلامو بما كنت اتخيلو من قراءة مداخلاته،،، علما بأنو آخر ما كنت أذكره عن علاقتي المنبرية معه، هو خلافنا على قيمة وأهمية مداخلات زميل آخر ما حصل شفتو هو أيضا وعن شكل تداخلهما معا لم أكن أتقبله… وأذكر في مرة، كنت أتابع ما تكتبه أنت عن موضوع أبيي ولم أك أتداخل، وفي يوم حضرت ندوة للدكتور أمين زين العابدين عن كتابه حول الموضوع، فحصلت على نسختين من الكتاب، إحداهن بنية إيصالها لك عبر زميل منبري عرفت إنه يتواصل معك، وحتى الآن لا أعرف أوصلك الكتاب أم لا؟ وهل كنت تحتاجه أصلا أم لا؟.. أخوية منبرية اقول ليك.. ياخي تقرا للزول هنا أو ساي تتعود على اسمو، طوالي تحس بأنك بتعرفوا زي ناس الحلة، حلة سودانيز دي، حسع لو سألتني عن بشاشا ولّ فرانكلي ولّ صلاح غريبة ولّ حاتم! طوالي بقول ليك: كيف ياخي، ديل أخوانا وزملانا في المنبر.. بعرفم ياخي!! سمي هاشم نوريت كان عندو خاتمة ثابتة ــ الله هونيني ــ قول الله هونيني!
أها، لغاية ما تتيسر حكاية الأستامبيد والفطور وتبسط لنا لقياتك النوادر فيما وراء الظواهر.. ولغاية ما نشوف مسارب بحثك يغربن كيف ويشرقن ككيف، باقي إنت شقّاق دروبن كُتر أكان لي أم سودانا دي، أو في فيافي المنافي.. ولغاية ما نتفق أو نختلف ونراجع ونتراجع كمان أو ما تيسر من ذلك، فستبقى لنا هذه الأخوية المنبرية.. ولكن لغاية الوكت داك عندي ليك وصية..
داير النوصيك تقول لي بتنا ست الكتب والسؤالات والمسائل، قولَّها: عمك هاشم بقول ليك؛ “الوعاب” هيّن وأبوك ما قصّر، لكن حكايتو عنّك هنا وعن سؤالك قامت صحّت فيهو غول الشجن بالغنا الغنوهو أعمامن ليك ناس يحي ود فضل الله القاعد قريب منكم في أول صقيع أم صفقن عُراض، وعاصم ود الطيب قرشي قام لحّنها وغنّاها من آخر صقع في أصقاع المعمورة والبلاد،، غنا عن حالنا المشتتين بين ذلك بَعَاما ساي ولا أحلام، وعن حال العنا في هذي (المتاهة) والضنا.. وإنو عمّك دا طلب نترجمها ليك لو المتاهات ممكن تترجم.. ثم قولّها؛ يا السميحة أم كتب هاكي الكلام صحيح وكضب،، كلام الغناي كشكشي شوفي،، أكان فيهو غول ولّ ما فيهو شي؛
غايتو فيهو شيتا كتر عن هواجس أعمامك
(متاهة)
يحي فضل الله
ﻳﺎ ﻣﺸﺘﺖ
ﻓﻲ ﺑﻼﺩ ﻧﺎﺋﻴﺔ ﻭﺑﻌﻴﺪه
ﻳﺎ ﻣﻠﻤﻠﻢ
ﻓﻲ ﺧﻮﺍﻃﺮ ﺑﺖ ﺗﻔﺮﻓﺮ
ﻓﻲ ﻗﻠﺐ ﻋﺎﺷﻖ ﻣﻮﺯﻉ
ﺑﻴﻦ ﻋﻴﻮﻧﺎ ﻭﺑﻴﻦ ﻗﺼﻴﺪه
أﺣﻜﻲ
ﻋﻦ ﻫﺎﺟﺲ ﻧﻬﺎﺭﻙ
ﻭﻛﻴﻒ ﺑﺘﻔﻠﺖ
ﻣﻦ ﺣﺼﺎﺭﻙ
ﻭﺍﻟﻤﺴﺎﺀﺍﺕ ﺍﻟﺘﻜﺜِّﻒ
ﻟﻲ ﻭﺩﺍﺭﻙ
ﻭﺍﻟﺼﺒﺎﺣﺎﺕ
ﻋﻨﺪﻙ ﺷﺮﻳﺪة
ﻭﻛﻴﻒ ﺧﻄﺎﻭﻳﻚ ﺍﻟﺘّوﻗِّﻊ
ﻟﻠﻴﺎﻟﻲ حزنك ﻧﺸﻴﺪﻩ
ﻣﺎ ﻣﺸﺖ ﻓﻲ ﺩﺭﺏ ﻭﺻﻞ
ﻭﺍﺗﺴﻜﻌﺖ ﻓﻲ منفى ﻗﻴﺪﻩ
ما لقيت ليك الفيديو وإلا بتن بتا كنت شغلتو ليكم في هذا الصيوان هنا:) ..
يا كبر بس تفضى وطوالي جيب لينا “الستامبيد” أكان بقرن ولّ خيل
وجيب معاك الكرامة نفك بيها القيد دا قبل خَبَل الحاصل يدهمنا ونروح في الحوافر ..
| |
|
|
|
|
|
|
|
|
|
Re: الي المبدع ود الخواض (Re: هاشم الحسن)
|
Quote: قصدى السيد الحر أدم صيام وجد طريقا آمناً لنفسه
من التبعيض ثم اقر بوقوعه علينا و رمانا بنتائجه كبقايا للخدم الزمان
عشان كده فكرة انو يعتذر دى ما جاية لأنو الكتوف ما واحدة |
يعني برهنت على مداخلتي الفوق دي بالأدلة
إنت لمن الاغتصاب تم حقيقة كنت وين؟
ولمن الاغتصاب نُشر لفظًا كنت وين؟
ولمن كتبت أنا البوستات دي إنت كنت وين؟؟
كنت غير موجود صح؟
كدة بحساب كده أنسخ عدد مداخلتك في هذا البوست ووريني الفرق بينها شنو ورسالتها شنو؟
ده لو صبرت على نسخها وإعادة قراءتها!
البوستات المنقولة من قبلكم دي برهنت على مدى الجبن الحقيقي أمام الوقوف مع الحقيقية ولم تُكتب في شكل كلكات غضوبة وإنما لوقائع وبمراجع.
هسع زول ده سلوكه الغيابي بالسنين أمام الظلم : الاغتصاب الواقعي والاغتصاب اللفظي وسب قبيلة سودانية ومنطم، مش مفروض يتساءل من جدوى وجوده أإنسان أم نعامة ؟
ووين الإنسان الحر هنا؟
| |
|
|
|
|
|
|
|
|
|
Re: الي المبدع ود الخواض (Re: آدم صيام)
|
| Quote: شكرا لـ عمر البشير ان تعلمنا منه كيف نتحايل علي الله |
هههههههه .... اوسكار يا قول بتنا امتثال ...
وشكرا" للحبيب محجوب أن اعلمنا عن عمر
البشير في تحايله علي الله ...
وصلاة النبي فوقك وانتا تعبر بي لغة غاية
في اللطافة وتجمع نواصي الكلم بي حرفنه
يحسدك عليها سيبويه ظاتو وأبرزت مدي
تحايلك علي غير الناطقين بها ....
| |
|
|
|
|
|
|
|
|
|
Re: الي المبدع ود الخواض (Re: آدم صيام)
|
يا دكتور آدم صيام،
مع كامل الاحترام
دقيقة لو سمحت بالله،
ما العلاقة بين هذا| Quote: حاتم ، فجزاه الله عن الوطن كل خير- الزول المنفرد بلا وجل يقارع بقايا الرق |
وهذا| Quote: الظلم : الاغتصاب الواقعي والاغتصاب اللفظي وسب قبيلة سودانية |
هل أنت هنا تنصب حاتما كمتحدث رسمي باسم المظلومين والمغتصبين والذين تم سبهم أو سُبّوا؟؟
هل أنت هنا تقول: إن من سكتوا عما فضحته أنت في كتابتك، إن هم إلا "بقايا رق"؟؟
وإن من أختلفوا هنا مع حاتم (المنفرد بلا وجل)، وبالمقارنة، فمجرد جماعة من بقايا العبيد؟؟
أم ما ذا بالضبط يا آدم؟؟
أم إنتا ملاك في الجنان ؟؟
أم إنتا بس زول زعلان ؟؟
ــــــ
الرحمة والمغفرة على روح الزميل حمزة بابكر الكوبي.
| |
|
|
|
|
|
|
|
|
|
Re: الي المبدع ود الخواض (Re: هاشم الحسن)
|
كلام الأستاذ آدم مؤسف طبعا
لكن المؤسف أكتر هو صمت الناس عنه وعدم إدانتهم له
رغم "استجدائي" بأن يعطوا أجيالنا الجديدة مثالا
على رفضنا الجماعي لهذه الآفة التاريخية
كما لا أنسى أن أتوجه بالشكر للعالِم النفساني نيلز بيجيرو
الذي أهدانا نظريته الأليمة عن (متلازمة ستوكهولم) Stockholm Syndrome
ولمصطفى مدثر صاحب مقولة الـToxicity
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
حاتم إبراهيم،
في صراحة وبوضوح..
فإنها دائرة شريرة جهنمية، وحلقاتها تتسلسل يوميا.. في رأيي، آن لنارها أن تطفأ، أو ستخمد وتنطفئ جمرة المنبر.. يدك معانا!
كان القصد أن أودع هذا الرأي (هناك*/هنا*) في بوست (المبدع) المقروء والمطروق. ولكن، قد تشعبت بنا الدروب، وظهر هذا الـبوست (إعلان مهم*) في حلقات المكتوب.. حصل خير، فالمهم أن يجدك حينما تطالع في (بوستك هذا الراهن*).. ثم أن تجد له الوقت والقلب..
وقبل ما نبدأ؛ فأنا أتمنى، وإن كنت أشك، أن يصلك كلامي إليك في توقيت مناسب وليس متأخرا جدا وقد سبق السيف العذل.. حينئذ لن يجدي كل الكلام لإصلاح أدنى قدر من الخراب الحاصل والمتمكن في علاقاتك المنبرية مع الزملاء هنا، وبالنتيجة في كل المنبر. وهو خراب قد تراكم يوميا وعلى مدار المداخلات، ويتضاعف بأسرع من وتائرها. المنبر الآن فيه بوستين أو ثلاثة، وقد تزيد تتضاعف، وهي حصريا مكرسة لحصر شتائمك وتطاولاتك وهزوءاتك بهؤلاء المحاوريك بإحسان، قبل اؤلئك المناكفيك عن عمد فخسران..
كلامي التالي ليس وليد الصدفة ولا اليوم ولا الأمس، ولكن الذي جعله مناسبا الآن هو أني “شفتك” في بوست (المبدع) وأنت أرحب صدرا وأوسع أريحية في التعاطي مع المبادرات الطيبة، وكذا مع النقد الموجه إليك ولطريقتك المنبرية.. قلت هي فرصة طيبة إذن.. وعليه، وبدون كثرة اقتباسات واستعادات طالما ثبت هنا في المنبر إنها لا تفعل سوى أن تزيد الطين بلة، أرجو أن تسمح لي بالتالي؛
كواحد من قراء المنبر، وغالبا، لكتابات إخوة أغلبهم الآن ليسوا في عداد صلحائك إن لم يكونوا يبادلونك العداء من بابه العريض وبتمام أوجهه الكالحة المكفهرة.. كقارئ، وهو الوصف الأنسب لي بما أقرأ أكثر مما أكتب وأتداخل هنا؛ فإنني أذكر أن أول ما قرأت لك كان هو البوست عن “ابولو أو خدعة الوصول إلى القمر”، في ذلك الوقت لاحظت لما واجهك به زميل لنا ـ رغم صداقتي القديمة معه ـ فوالله لم تعجبني معالجته لاختلاف الأراء بينكما، بالسخرية منك رغما عن ما أظهرت له أنت من امتعاض وعدم قبول.. وهناك احتمال كبير أن أكون قد أخبرته برأيي هذا ـ لأن البساط بيننا أحمدي ـ وغالبا ما صرفها هو، بطريقته المعهودة عندي، إلى ضحكة، ثم بعض حديث إيجابي عنك وعن طريقة تفكيرك وكتابتك. إذ رغما عن كل شيء حصل بينكما، فتلك هي طبيعته، وعلى سخريته فهو متسامح لا يشخصن الخلاف.. ذلكم هو ما أعرفه وظننته وأشهد به فيمن بادرك بأي العدائيات بهذا المنبر.. زولي داك وبس!! أما غيره من مناقشيك في نفس البوست، أو الذين توالوا من بعده، فلم أر من بادرك العداء، وتلك هي الحكاية!! كل ما صادفني مؤخرا، من سيرة تخريب البوستات والالحاح في المطاردات وتعمد السخريات والتعالي بالمعرفة والوصم بالجهالة وتسويغ الشتائم وتفريخ العدائيات والسعي لاغتيال الشخصيات وغيره إلخ إلخ مما أساء للعملية الحوارية في المنبر وخرب حتى ونساتو، وبالذات لي أنا كقارئ، حيث إنك ما تركت لي صليحا كاتبا ولا صاحبا ولا بوستا ولم تعطلهم عن أشغالهم التي لي، بعدما أصبحوا وأمسو مسلوبين إلى أشغالك التي تفرضها عليهم وبردات الفعل المتسلسلة.. فلكل ذلك وعليه، فقد غلب بظني واعتقادي، إنك أنت هو الذي يتولى كبره وكبر هذا التخريب للمنبر ولفائدته ولقراءتي.. بل وأراك تتعمده عن مبادرة، ثم بعد تستمرأه وأنت متلمظ لمزيد.. أنا هنا لا أتحدث عن ردود الأفعال التي كان يجب عليك توقعها، بل عن النهج الذي اخترته أنت بداية ومخططا لمسارك المنبري، وأتحدث عن هذا الاستفزاز الشخصي الدائم هو المحفز والمهيج لردود الأفعال تلك..
وأما بعد أن كتب الدكتور مصطفى مدثر كلمته تلك عنك والتي أصبحث الآن مأثورة، Toxic، ففي مرة ناقشني صاحب لي وقال؛ كلام مصطفى دا صاح وحاتم فعلا توكسيك وسام لكنه مهم وعلى معرفة كبيرة بما يطرحه ومفيد للحوار!! ردي كان؛ أتفق معك على مقدراته، وأزيدك عنه قولا؛ إنه صاحب أسلوب مبين ولغة سلسة وبلاغة تستمد من مخزون لغوي وثقافي ضخم جدا، ويكتب هنا في تنسيق وترتيب وتبويب وكأنه يؤلف كتابا، ولو إنه فعلها فكتبه ستلقى رواجا كبيرا بما سيكون فيها من علم ومعارف وإبانة وسلاسة تليق بخبير في الكتابة و ربما خبير في التدريس، ربما!! ثم استطردت؛ ولكن يا صاحبي دعني أولا أصف هذه السم الناقع بأنه ليس مجرد سم كمثل وخز النحل وقرص النمل مما يكون في المحاورات والجدال والمناظرات فيحلِّيها ويزيد من جاذبيتها، لا، هذا سم قاتل Leathally Toxic للحوارات والمناظرات وللروح ذاتها.. ولكن، رغما ذلك يا صاحبي، فإنني سأصرف هذا التوصيف عن شخص حاتم الذي لا أعرفه، لألحقه بطريقته المشهودة في المداخلات؛ والتي تميل إلى الشخصنة والإساءة بأول بادرة اختلاف تبدر، ثم تتمادى في المطاردات إلى كل نواحي وروافد المنبر. هذه طريقة توكسيك فعلا وسامة جدا وقاتلة حتما.. واستطردت زيادة؛ إنني أرجو أن تتغير هذه الطريقة الحاتمية، كما من أجل المصلحة العامة فلمصلحة مساهمته المنبرية أيضا. هذا وإلا، فإن حدود احتمالنا كسودانيين، وبالذات هنا في المنبر، ليست مرنة بما يكفي لاستيعاب مثل هذه الطريقة ولو بالتغاضي عنها بالسكات والسلبية أو لتمريرها كأن لم تكن في سلام.
من متابعتي؛ فهذه الطريقة التي اسميناها “الحاتمية” هي قريبة جدا من طريقة بشاشا بأول عهده، ولكن مع فوارق حاسمة كانت تخفف من التأثير السالب لطريقة الأخير، أو هي ساعدت في التعوّد عليها واستيعابها.. من هذه الفوارق؛ أولا إنها تكاد تكون مقتصرة على موضوع واحد، على علات التناول، هو موضوع الهوية من منطلق بشاشا في المركزية الأفريقانية. وكذلك فمما خفف على المخالفين المشتومين، معرفة الناس هنا بصاحبهم كبني آدم يصدر عن هوية شخصية بكامل حيثياتها، وبأنه صاحب لفلان ومخاصم لعلان ويأكل الطعام ويمشي في الأسواق ببلاد السودان والأمريكان.. وبهذه المقارنة الأخيرة، فإنني لا أحاول أن أستعيد السؤال الراهن عن هويتك ولا تفاصيل شخصيتك، ــ وهو بالمناسبة مما جنيته على نفسك، وما كان يفترض أن يشغلنا إلا بما أحضرته أنت لهذا المنبر، ثم ما عاد لنا شغل غيره ــ أقول لا أحاول، لأنني أيضا عرفت، من تجارب مرت هنا، عن استخدام للاسماء الوهمية والحركية والشبحية في حسابات بعضها اشتهر ردحا في تاريخ المنبر والبعض اختفى سريعا بانتفاء غرضه، ولكنها تكاد تكون كلها قد تعرضت للمطاردة والانسحاب أو للانكشاف، وبالسرعة والحدة التي تتناسب طرديا وما كانت تثيره من العداءات أو تبثه من البروباقندا والفريات.. هذا بالإضافة لأنني أيضا قد تعودت أن أهتم أكثر بما يكتب وليس بشخص الكاتب أو أصله وفصله.. تلك شواهد ولكن الذي أقصده فهو؛ إن ما تعوده الناس من طريقة بشاشا والتسامح معها بآخرة، هو أمر لن يحدث معك يا حاتم أو قد فاتت الفرصة لمثله. خاصة بعدما جرى ما جرى حول حاتم/معروف/ماهر/أشقر إلخ.. وطالما طل الناس لا يعرفونك ولا يعرفون من يعرفك. هذا على الرغم من إنك ــ ربما باستثناء واحد فقط من مثيري هذا القدر من الشكوك حول الهوية ــ ستعد ضمن أفضل من كتب بالمنبر هنا وأوسعهم موسوعية.. لكن الله غالب!!
الخلاصة: فعلا أن السم الهاري، سواء للمنبر أو لفشفاش القارئين، هو طريقتك هذه في التداخل مع الزملاء التي تسمم أجواء المنبر بأقتل ما سممتها أي تجربة من قبل.. هذا هو ما يحدث بالضبط..
وبذكرى لحدة سخريات الزميل في بوست “أبولو”؛ وحيث أني كنت ولا أزال لا أعرفك، فقد فكرت وقدرت أن ربما استفزت سخريات صديقنا ذاك كبرياءك وأنت حديث عهد بالمنبر، فأصابتك بجرح آلمك وتحولت من جرائه إلى ما يشبه المجالدين “القلاديتورز” الرومان.. وعلى الأقل في الأفلام، فإن الخيار الوحيد الذي كان متاحا لأي المجالدين هؤلاء، هو أن يدخل الحلبة بأقسى ما يمكنه من عزم ووحشية وروح افتراسية، لينجز أمرا وحيدا لا ثاني له: أن يقتل الجميع غيره هناك.. ذاك هو الثمن والعملة الوحيدة مقبولة الدفع ليشتري بها حياته وحريته معا.. تذكرت ذلك فقدرت: ربما ذاك هو مصدر هذه النظرة الحاتمية إلى المنبر كحلبة مجالدين يجب عليه أن يجندلهم بأي طريقة ممكنة! ربما هذا هو الذي يملي عليه هذا المنهج السام شديد الفتك والقاتل للتواصل والحوار! هل يحتمل؟ ولكنني أيضا وطبعا أعرف أن المنبر ليس بساحة مجالدين فيفترض لها أن مصير من يدخلها هو القتل والإفناء، وكذا أعرف أن الزملاء هنا، وفي كل الأحوال، لن يستسلموا للقتل بهذه الطريقة ولا بغيرها مما لم يك شرطا في شروط عضويتهم ولا حتى في توقعاتهم.. كل الذي سيحدث هو أن تطفو إلى السطح غريزة البقاء الفطرية لتطغى على ما عداها، وعندها فسيتصرفون مع الذي يهددهم كما الأسود الجريحة وفقط.. بمنتهى الشراسة كما التي تراها الآن يا حاتم.. ومهما تكون أنت شجاعا أو يائسا، فالكثرة ستغلب الشجاعة ولو تكون المجالد الأشد عارضة وبأسا.. نعم ذاك هو الحال لو اخترت أن تواصل بنفس الطريقة.. لابد من منتصر ومهزوم.. ولن يهتم أحد للطريقة.. وطبعا، فلو كان غرضك الأصلي من هذه المجالدة هو تدمير الحلبة ذاتها التي شهدت يوما على أذى أصابك فيها، فعندئذ لا يستبعد أيضا أن تتصرف بطريقة علي وعلى أعدائي الشمشونية، ولهذا تستمر في صنع وتخليق هذه الفوضى غير الخلاقة، وبمراكمة الفعل السام على رد الفعل المسمم المتوقع من الأعضاء المستفزين، والذين لا بد لهم والحال هكذا، أن تثور عليك ثائرتهم، وهكذا، ستكتمل الدائرة الجهنمية وتدور رحى التدمير بما تهوى.. هل تظنني أبالغ وأزيد في محلبية الدراما؟ لا. وربما فقط إنك لا تقدر أو لا تكترث بمدى الخسارات العقلية والنفسية التي قد يعانيها الآخرون وتتسبب فيها، أنت وردود الأفعال عليك، بطريقتك المنبرية شديدة السمية والقاتلة لأي أمل في صلاح المنبر.
في اعتقادي؛ ليهدأ كل هذا، وتتفرغ أنت لتمجيد عضويتك في هذا المنبر، (وليس أن تتوقف مؤقتا عن المشاركة،) فإن المطلوب منك بسيط جدا: عليك أن تكف، وفورا، عن هذا التوجس من الزملاء والمحاويك باحسان فلا تحسبن كل صيحة عليك، وأن تكبح هذا النزوع إلى العدائيات، وعن بذر مسببات العداء من شخصنة ومطاردات وشتائم وسخريات واحتقار وتعالم في مداخلاتك وتعليقاتك. وأيضا فهام جدا الآن، أن تصبر على وتتحمل ولو لبعض لوقت أو أطول قليلا، حتى تنفد حصائد سوء ما يحدث الآن، وحتى تختفي عقابيل ما جرى من أحداث ويذوي أثرها وأذيالها، فهي لن تنتهي بين يوم وليلة. ثم يا حيذا لو تكتفي باللائحة وصاحب المنبر حكما..
لو حدث هذا، وبغض النظر عمن هو حاتم ابراهيم، فستكون هناك بيئة صالحة لأن تبسط فيها معرفتك وليستفيد منها الناس، ولأن تبدي فيها آراءك وتتداولها إلى الحوار حولها لتتبادل المنافع مع محاوريك باحترام.. الاحترام.. هذا هو المحك!!
وصدقا، فإن تعد الناس خيرا فلا بد سيلتقوك بالخير، الأغلبية على الأقل.. جزما.
يا حاتم وأنت إذ ترحب بمبادرة د. نعمات نحو التهدئة، قلت في مداخلتك المعنية: ((أظنني خلقت أرضية قوية تكفي لأن أقول رأيي في كل ما يكتب هنا، وتطلع عليه الأغلبية وتتفاعل معه، وهذا حق ولن أتخلى عنه، مبدئياً.)).. ونعم، إمكانياتك ستؤهلك لاكتساب قاعدة قوية جدا من القراء، ولكنني واثق من انفضاضهم عنك، كما انفض كثر من قبل عن التداخل معك، ما اضطردت هذه الطريقة السامة في الحوارات والمداخلات وتوالي المطاردات. يجب أن تتحسب لذلك ولو من باب الاحترام لهذه القاعدة العريضة.. وحفظ حقك في إبداء الرأي كلام صحيح أيضا ولا غلاط حوله، ولكن الأصح منه هو أن هذا الحق مبنى على واجب أساسي بين متبادلي الرأي، ألا وهو واجب الاحترام.. احترام من تحاور أولا، وثانيا احترام من يقرأ ولم يتفاعل مع ما تكتب، وأخيرا احترام هذه الأغلبية المتفاعلة مع رأيك كما تقول.. لماذا؟ لأن الاحترام حق أساسي للجميع وليس حكرا على أي فرد.. وأي شتيمة أو هزؤ من أو تعال على أي من أطراف الحوار ستجعل الحديث عنه مجرد ألفاظ جوفاء.. وماذا عن تلك “الأقلية” التي لا تتفاعل؟ أليس من حقها أيضا أن تقرأ لك وللآخرين في احترام؟ أوليسوا قاعدة قراء لك محتملين في المستقبل؟ هم أيضا يستحقون الاحترام.
وفي ذات المداخلة مع نعمات تقول:((فكرة التهدئة أرحب بها، إذا خلصت النوايا وكف الآخرون عن محاولات الإبعاد وتوجيه التهم والتدخل في الخصوصيات.)).. خلوص نوايا الجميع مطلوب فعلا، ولكنك لن تعرف إلا إذا بادرت بتقديم ما يثبت حسن نواياك أنت أولا، وإلا فلا أتوقعك تطالب جماعة متكاثرة أن تأتيك على نية رجل واحد، بينما لكل منهم فيك وفي أمرك رأي وشأن شتان! بادر أنت فهو أكثر عملية! .. وتطالبهم بالكف عن محاولات الإبعاد؟ تقصد عن المنبر؟ ولكن كيف يجوز لك الطلب بينما أنت في عزم لا يكل تحاول وتتمادى لإبعاد كل مخالفيك عن حق الاحترام الواجب وهو عند الناس أهم مطلوبا من عضوية المنبر.. وكيف تريدهم الكف عن توجيه التهم وأنت ترتكب المخالفات في حقهم ولا تبالي؟ الأحرى أن تكف أنت عن ذلك فتسبق بالخير لو أردته.. ولا ترضى بالتدخل في الخصوصيات؟ وهذا مطلوب طبيعي تماما لمن صان خصوصياته بحقها في عدم الاعتداء على الناس؟ كل قوانين الدنيا ستهدر خصوصياتك ما أن تبدر منك أول علامة على التعدي والاعتداء.. ونعم يا حاتم فكثير من مما أسميته بالتكاتيك هو اعتداء صارخ ما أن تمارسه على أشخاص محاوريك وليس على ما يكتبون. في هذا المنبر الغالبية العظمى من الناس هم أناس حقيقيون بأسماء حقيقية ومشاعر وكرامة وحيوات وارتباطات ومسؤليات وتبعات..
وتقول، هناك أيضا: ((أرفض تماماً محاولات "الشيطنة" التي لا تزال تجري هنا، فأن عادوا إليها ولو تلميحاً عدت للدفاع عن نفسي بما أوتيت)).. لا أعرف بالضبط ماتعنيه بهذه الكلمة “الشيطنة”! هل تعني “مخلب موساد” مثلا؟ ربما لولا الملابسات حول تعدد الأسماء لتعلق هذا المجاز بأفكارك قبل شخصكـ، وعندها لكان سيكون كما مثيلاته، قد أمسى من المعتاد في توصيف الأفكار والتوجهات والايدلوجيات هنا، وقد أصاب مثله زملاء معروفين، وحقوقهم في الدفاع عن أنفسهم، كما حقوقك، طلت وتظل محفوظة.. ذاك من جهة، أما من الجهة المقابلة، فلا أعرف، والحال هكذا، ما الذي تتوقعه بالضبط من زملاء لا تفتأ تسيء إليهم فرادى وجماعات غير أن يردوا الإساءة بمثلها وبأنكى منها، وغير أن يرموك بما أوتوا من احتمالات تقع لهم بسبيل تفتيشهم عن كنه هذا الذي يسومهم الإساءات صبحا وعشية؟ كف عن إثارة شياطين الناس وسيكفوا عنك “الشيطنة”..حسبة سهلة!
يا حاتم،، بعيدا من المداورات والروابط والمناتلات، لو قدر لهذا الموضوع أي حل، فلا بد من مبادرة ايجابية يقتضينا الحق والمنطق أن نتوقعها تأتي من طرفك..
===========
ولو سألني سائل ماذا تقول للآخرين وهم طرف في الصراع؟.. بسيطة؛ فلمن يثبت أنه قد بادر أو بدأ واستمرأ تنابذا ومطاردة وإساءة مع حاتم، سأقول كما الذي قلت لحاتم.. وأما لأصحاب ردات الفعل وغضبا مما ناشهم منه، فسأقول؛ إن عليهم، لصالح المقبل من أيام المنبر، أن يقبلوا بأي بادرة حسن نية تأتي من جهة حاتم، بالضبط كما فعل محمد المشرف في بوست (المبدع)، ثم فليبنوا على البادرة مدماكين تلاتة من حسن النوايا؛ بأن يكفوا عن التداخل مع حاتم أو عنه ـ ولو بالحسنى ـ إلى حين تطيب الخواطر وتصفو الأجواء، ويصبح ممكنا استعادة روح الحوار..
ــــــــــ ـــــ ـــــــــــ
صاح كلام كتير، لكن اعتقد، يعبِّر عني بوضوح وصراحة.. وما أردت إلا الإصلاح..
ـــــ
(*) ذهبت بهذه المداخلة إلى بوست حاتم الأخير/الجديد (إعلان مهم) الذي حسبته سيكون أنسب لها،، وجدت البوست مغلقا.. ومرجوع المداخلة إذن، إلى محلها هنا.
| |
|
|
|
|
|
|
|
|
|
Re: الي المبدع ود الخواض (Re: هاشم الحسن)
|
بقايا الرق .
******************************
تألمت جدا أن " تسقط" مثل هذه الكلمات من من قلم الزميل ادم
اتمنى ان يعتذر عنها بصراحة واضحة وباقي الأوصاف مقدور عليها
| |
|
|
|
|
|
|
|
|
|
Re: الي المبدع ود الخواض (Re: معاوية الزبير)
|
Quote: هل أنت هنا تنصب حاتما كمتحدث رسمي باسم المظلومين والمغتصبين والذين تم سبهم أو سُبّوا؟؟
هل أنت هنا تقول: إن من سكتوا عما فضحته أنت في كتابتك، إن هم إلا "بقايا رق"؟؟
وإن من أختلفوا هنا مع حاتم (المنفرد بلا وجل)، وبالمقارنة، فمجرد جماعة من بقايا العبيد؟؟
أم ما ذا بالضبط يا آدم؟؟
أم إنتا ملاك في الجنان ؟؟
أم إنتا بس زول زعلان ؟؟
الرحمة والمغفرة على روح الزميل حمزة بابكر الكوبي.
|
الحبيب هاشم الحسن تحياتي
وتحياتي القلبية لكل المرور هنا - الحمد لله أول مرة التقي بهم أخويًا ههنا وينبشوا عيوبي-
معاوية الزبير تحياتي
السلوك في هذا البوست ده بالذات وشاكلته هو ثقافة رق مصفية وعنصراه الخوف والجبن واللا منطقية والشللية العضيرة
نرجع لأخينا هاشم
أنا جندي مع كل من وقف بكل شجاعة ضد الظلم والعسف والغتغتة وما حاتم إلا واحد منهم
أما كلمة (بقايا رق) هذه حقيقة وقد كتبت عنها كثيرًا وإليك الحجة:
إن السودان بعد آلاف السنين من الرق الفعلي والانعتاق صوريًا، ما زال إنسانه يعاني من بقايا رق سميته (الرق النفسي ) وذكرت أن الرق النفسي أسوأ من الرق الفعلي بمراحل وضربت له مثالاً ببني إسرائيل لأنهم أشربوا الرق بالسنين مع الفراعنة ولم يثوروا للانعتاق مطلقًا لولا أن أكلأهم الله بنبي بتسع آيات! وحتى بعد أن عتقهم الله قالوا اذهب أنت وربك فقاتلا!!! شايف في تقارب هنا مع الوضع الحالي في السودان ولا لا!
بمقدور أي حر حديث الاسترقاق أن يصارع لنيل حريته لكن الرقيق النفسي المتموضع بالقرون ينقصه الوعي بذلك فيطفق للتكيف مع وضعه القهري وتجد أعراضه في الخوف من الرق (ذاتو) فيسب بها الآخرين بأنهم فيهم عرق وسراري مقابل ود البلد القرشي البقوم على كيفو ويقعد ، وينسب نفسه للرسول مباشرة، ويحافظ على نسله من السواد ، ويضرب كريمات جلخ تقيل، ويكره ذاته وكل من هو أشد سوادًا منه ويستشهد عدييل في من ذكّره بذلك ويفرز عيشتو من العبيد حتى المريسة دي كزول ود بلد وشيوعي يعدها من فعائل العبيد فهو عليه بالعرقي البلح! المنبر ده حاليا التداخل للبوستات يتم بهذه الشفرة!
من أعراض الرق في السودان ما زال السودانيون يتزوجون بأخواتهم: (بنت العم والعمة وبنت الخال والخالة)
ومازال السودان يجري إلى الوراء وقد ترك نفسه – شفت العبودية على أصولها كيف- وشاد وعلّم الدول القرشية – عقدة القرشية - من حوله فخرجت هذه الدول بجزاء سنمار بوصف السودان بالكسالى والعبيد في مسلسلاتهم بل ويُقتل السوداني لو تجرأ قلبه بشغف أعرابية لدرجة أن السودانيين فضلا عن موتهم غيلة تسببوا في قتل الكثير من نساء العرب في لبنان وفي دول الخليج!
وما زال الحكم خناق والتعيين بالقبيلة، شفت جذور الرق!
الرقيق النفسي لا محالة أزمة إما يتولاه الله بالموت ونشوء جيل جديد من أصلابهم أو يُنفخ في الصور فتأتون أفواجا
تحياتي مرة تانية للرجل الخلوق معاوية الزبير
اللهم ارحم عبدك الزميل حمزة بابكر الكوبي واغفر له وادخله جنتك .
| |
|
|
|
|
|
|
|
|
|
Re: الي المبدع ود الخواض (Re: آدم صيام)
|
اللهم ارحم صديقنا حمزة الكوبي واسكنه فسيح جنانك والهم اهله واصدقائة ومعارفه الصبر الجميل..
وبعد..
ول ابا ادم صيام..
عبارتك التي فيها اشارة لبقايا الرق ، عبارة مرفوضة ومدانة ولا معنى لها البتة..
الناس التي واجهت مخالب الموساد (حاتم ابراهيم) واجهتم لهذه الأسباب: الإستفزاز والإستهزاء واحتقار الناس بلا مبرر فقط لأنهم يختلفون مع تلك المخالب..
وهو نفس النهج يا ادم انت هنا تتبعه لا لتأكيد حجة او عرض المنطق ، وانما فقط لإستثارة الناس واستفزازهم ..
مخالب الموساد (حاتم ابراهيم) تسب الناس وتكيل لهم الشتائم ثم تسعى للشرح والتبرير لتؤكد ان شتمهم للناس امر صحيح ، وانت تفعل نفس الشئ ، تشتم الناس وتحرص على تبرير شتمك لهم..ما في شتيمة صحيحة يا ادم مهما اجتهدت في تبريرها وتفسيرها..
كلامك عن الوقوف ضد الظلم ، انا محمد النور كبر القدامك ده مرقت في مظاهرات ضد نظام الجبهة الإسلامية الحاكم اليوم وذلك ديسمبر 1989 ودمي ساح في شارع الجامعة بواسطة عسكر الحكومة ، وقتها زملائي من دارفور (الآن قادة في الحركات المسلحة ، بعضهم حي وبعضهم قضى نحبه) كان في واد اخر تماما..!
نفس هذا المنبر الذي ندافع ضد تخريبه وتدميره هو الذي كانت تنقل فيه مخاطبات بين الطيارين والقواعد الأرضية لتكشف للعالم محنة دارفور وما يعانيه اهلها..وهو نفسه المنبر الذي كان له القدح المعلي في تعريف العالم بقضية دارفور وما يدور فيها من مآسي..فاين كنت انت يا ادم؟..
كونك ان تأتي متأخرا وتحاكم الناس بمزاجك فهذا ظلم وعجرفة في الفارغة يا ول ابا..!
مهما كان رأيك في هؤلاء الناس الوقفوا في مواجهة مخالب الموساد (حاتم ابراهيم) فانك سوف تستمع بالحرية الحقيقية ، وسوف تكتب دون خشية الإبتزاز والمطاردات المحكمة التخطيط ، وغيرك سيكتب بحرية دون خشية الملاحقة الضارة التي تسعى لشخصنة الأمور دون المناقشة الموضوعية للمطروح من افكار..وهذا مكسب كبير يا ادم ، والأهم وقف التدمير الممنهج للمنبر..!
الناس وقفت عن التفاعل مع قضية دارفور يا ادم لأن الحركات المسلحة فاقت المأئة حركها في عددها وكل يدعي انه الممثل الأوحد للقضية ، ثم الفضائح التي ظهرت وعرف عنها العالم عامة واهل السودان خاصة..القضية افسدها اهلها يا ادم وصاروا في موقف ابتزاز مثل ما كان يفعل اهل الجنوب في ايامهم الأخيرة: يعني أختلاف مع احد ناس دارفور أو ان تقول ما لايعجب احدهم فانت ملعون لغاية سلفيل جدك..ليه كده؟
لأ للأستفزاز وشتم الناس بالباطل..!
كبر
| |
|
|
|
|
|
|
|
|
|
Re: الي المبدع ود الخواض (Re: Kabar)
|
| Quote: والفضل يرجع للقطيع |
| Quote: وأما حاتم ، فجزاه الله عن الوطن كل خير- الزول المنفرد بلا وجل يقارع بقايا الرق والاستعمار والاستهبال وبقج الجهل والأنا ولا يتوقف ولا يخشى الذباب فنعما هو. |
| Quote: وكلهم يتكأكأون على بوستات الفارغة وملوص كما النعام. |
| Quote: لو تتبعت تاريخ معرفة هؤلاء الحقيقية ومن أعمالهم فقد حصلوا على الشهادات بالبخرات |
| Quote: (يعني السبعة الذين ذكرهم محجوب كلهم بثمن شخص واحد) وخارج السبعة فإن الواحد يساوي سُبعا، |
بدون تعليق ...
يكبشر ويحفظ ...
| |
|
|
|
|
|
|
|
|
|
Re: الي المبدع ود الخواض (Re: Salah Zubeir)
|
| Quote: حاتم ، فجزاه الله عن الوطن كل خير- الزول المنفرد بلا وجل يقارع بقايا الرق |
| Quote: إن السودان بعد آلاف السنين من الرق الفعلي والانعتاق صوريًا، ما زال إنسانه يعاني من بقايا رق سميته (الرق النفسي) |
بئس التبرير
ربنا يرحم زميلنا الكوبي ويجعل مثواه الجنة
| |
|
|
|
|
|
|
|
|
|
Re: الي المبدع ود الخواض (Re: هاشم الحسن)
|
| Quote: كنت إنتا بي هناك نسبت لي كلام ما حقي أنا كنتا مقتبسو ساي (شفت المسكنة دي!) |
الهبيب هاشم
سلام و شكرا لافراد مساحة للتعليق علي ما كتبته.
تصدق انا شفت كلامك المقتبس و لكن ما لقيت مصدر الاقتباس عشان كتبت (هاشم الحسن من قوقل). يعني صراحة ما نسبت ليك الكلام.
عموما داك براه و كدا نجي للجزء الثاني.
| Quote: أقول مشكلة لأن أكبر مشاكل (حاتم) مع كل هذا الجمع المنبري الكريم، إنه لا يكتفي بمناقشة الرأي والفكرة بل يعاجل إلى الهجوم الشخصي لحد اغتيال الشخصية، وإلى التحقير والتسخيف والإزراء بالمخالف، وإلى المطاردة في غير محلها، باختصار إلى الشخصنة والافراط فيها… هذا هو أس اشكالية (حاتم) في المنبر… بالإضافة لطريقته في الحوار (مع الأشخاص وليس فقط مع الأفكار) من علٍ أو بغلٍ!! |
انت هنا فعلا ختيت كلامي في الكونتكست الصحيح. يعني ما اقدر اقول ليك اولت كلامي او فهمتو غلط, بس بظل نقطة الخلاف في قراءتي و قراءتك مختلفات و برضو عشان ما اعمم كل المكتوب هنا, بركز علي بوست واحد (الاحباش و تجارة البشر). بخصوص البوست المثال الاخر برد علي محمد المشرف لانه شايفو اختزل كلامو كأني ان حصرت البوست في النقاش الدار بينو و بين حاتم.
تصدق مشيت قريتو بعد ما الناس جابوهو هنا كمثال لترصد حاتم تجاه الاخرين. قريتو تاني وما شفت اي شئ يخلي ودقاسم يتعامل بردود فعل كتلك تجاه حاتم او يترك المنبر بسبب ذلك البوست او حتي الناس تجيبو كمثال للترصد. بالمختصر ود قاسم جاب موضوع مختل الفكرة تماما و ما عارف كان متوقع شنو.
او كمن يريد الناس تقول ليهو: Yes sir.
و في تقديري انو معظم الناس جاملوهو بحكم انو صديق و معروف للجميع و رجل حبوب لكن لو كان اصحابو انتقدو فكرتو بدون مجاملة ما اظن كان يختلف عن اسئلة حاتم او تشريحو للفكرة.
و عليه انا بفتكر رغم انو ده مكان لمناقشة الافكار و لكنو صار مكان للمجاملات الاجتماعية اكثر منه لمناقشة الاشياء الكبيرة تجاه هذا السودان.
| |
|
|
|
|
|
|
|
|
|
Re: الي المبدع ود الخواض (Re: فرح الطاهر ابو روضة)
|
محجوب عبدالله
تحية طيبة
بلغني طي تعقيبك يا حبيب عن علو كعب "حاتم" في ذلك الحوار حول مقولة "النور حمد" فرددت في سري: خير ان شاء الله .. الله غالب!!
أفردت له مقامات ثلاث, شبحية وحوارية وثالثة أخرى (اظنها العضوية) .. فتمتمت ومالو؟! مخير الله و محجوب ... المافي شنو؟!
الشاهد في الامر يا صديقي ..
أن المقام الذي نحن فيه مقام واحد لا غير .. واحد والله واحد
مقام سلوكي لو شئنا تسميته ..
وخليني اربط ليك الاشياء وسياقها
اولا تساءلت انت عن وضعية (سبعة مقابل واحد)
ثانيا اجبتك أن الاجابة تكمن في الاسباب التي قادت لذلك .. وأن هذه الاسباب "معلومة"
ثالثا رددت انت بان هناك مقامات ثلاثة (شبحية وعضوية وحوارية) !!
مخير الله ومحجوب ولكن يحق لي ان أقول ان ذلك هو ذات علل الحوار الاطرش الذي كان حول بوست النور حمد .. تداخل الاجندات الخاصة والاماني في عضم الحوار ..
عندما تطرح قضية ما للحوار يأتي اليها المتحارون بأجنداتهم وتلك بديهية ولكن .. لا يتم فرض هذه الاجندات على معطيات الحوار
مثال
ادخل حوار بوست النور حمد باجندة فكرية وسياسية تدعو لفصل السودان عن محيطه العربي المزعوم في تصوري .. هذه مسألة طبيعية جدا .. غير الطبيعي ان اناقش المسالة من مدخل ان هذا الفصل حقيقة واقعة .. وعندما يُرد على ذلك بأنه غير صحيح (غير الصحيح هنا هو أن الفصل حقيقة واقعة .. بمعنى أن الفصل قد يكون أفضل او اسوأ او اي احتمال بيد انه ليس حقيقة واقعة بمعطيات الراهن) .. عندما يُرد بذلك تتوالى الاتهامات التي ما انزل الله بها من سلطان في سلوك طفولي (تماما كما الطفل التي يتشبث بشيء لا يملكه وليذهب العالم للجميع)
بالنسبة لي يا صديقي العزيز ..
أؤمن ايمانا قاطعا بسودانية السودانيين .. ولا أؤمن بشيء خلاف ذلك .. ولذلك وتبعا له اقف بقوة ضد المشروع العروبي الاسلاموي .. كما واقف بقوة اي دعوة ذات طبيعة قومية او اقليمية تجير السودانيين لمصلحة كيانات أخرى اكبر .. لا ارى في الواقع اي كيان اكبر من سودانية السودانيين ..
وقوفي ضد المشروع الثقافي والسياسي الديني الاسلاموي العروبي لا يجعلني اتغاضى عن حقيقة وجودة وتصدره للمشهد الوطني .. او اتغاضى عن حقيقة وجود اسباب جعلت من هذا المشروع ماضيا وسائدا .. وارجعت ذلك لعدة عوامل منها الثقافة والدين واللغة .. بالاضافة لل جيوبوليتيكز بالتأكيد
رؤيتي الشخصية ان هذه العوامل موجودة .. اجتهد بعض الاصدقاء في محاولة نفي عامل الثقافة العربية بيد انهم لم يقيموا حجة على ذلك وتناسوا بديهية الارتباط الوثيق بين اللغة والثقافة والدين .. بعضهم اشار لتجربة بلدان اسلامية احتفظت بلغاتها وثقافتها و (قلنا ليهم ومالو؟!) .. هذا, ببساطة شديدة, لم يحدث في السودان!!
لم أكتفي بايراد هذه المعطيات .. على النقيض تقدمت بادوات مقاومة لهذا الثالوث من خلال دولة علمانية محايدة تجاه الدين و الثقافة وعلمية التوجه ازاء مسألة اللغة .. مقاربة علمية لمسألة اللغة ستفضي في اعتقادي لاتخاذ الانجليزية لغة للتعليم لكونها لغة العلم الاولى ..
المحصلة اني قدمت تصورا كاملا للمسألة مختلفا جدا عن الجعجعات الفارغة والظواهر الصوتية التي تتجاوز المعطيات وتقفز على الواقع .. قعدت في واطاة الله دي وعرفت الحاصل وحللتو تماااام وقدمت تصورات الحلول الممكنة.
وبينما كنت افعل ذلك .. كان المحرك الاساسي للسيد الحساب باسم حاتم دمغي بالعروبية والتناقض .. العروبية التي ارفضها واقاومها بما تيسر لي كزول سوداني بسيط لا يملك الا القلم في هذا المجال ..
وعادت مداخلتي عن قاطرة الثقافة العربية مضغة يلوكها لعشرات المرات .. يلوكها خارج سياقها تماما .. وسياقها "كما هو معلوم لكل قاريء محايد اثبات خطل النفي الرغبوي لوجود الثقافة العربية"
زول يقول ليك مافي ثقافة عربية في السودان .. تناقشو تقول ليهو هي موجودة وتمثل جزء من الازمة ويجب مواجهة هذه الحقيقة بالادوات التالية .. يقول ليك برضو مافي .. تقوم ترد ليهو هي موجودة وستظل موجودة وستولد اجيال كثيرة من السودانيين سيولدون تحت سطوتها ويسمون باسماء عربية من قبيل حاتم وعبدالعظيم و كمال وستكون العربية هي لغتهم الام وسيكتبون بها بل ويبدعون الشعر والنثر والرواية الخ الخ ..
بدل الاجابة عن ذلك وتقديم الحجة البديلة التي تنفي وجود الثقافة العربية بحسب زعمه يتم اخذ الجزئية ومطاردتي بها كدليل على تناقضي وعلى عروبيتي المزعومة .. مقام شخصي لا مقام حواري كما تفضلت .. شخصي من قبيل ازدواجي, نرجسيتي, تناقضي, وعندهم كلمة عاجباهم كده .. شنو يا الله؟!! ايواااا .. الاتساق!!
ثم يرى محجوب ان ذلك حسن .. وان مقام الحوار قد ازدان بحاتم لا العكس .. لاتمتم انا سرا وكتابة: الله غالب!!
كن بخير
| |
|
|
|
|
|
|
|
|
|
Re: الي المبدع ود الخواض (Re: محمد حيدر المشرف)
|
| Quote: لكن برضو ما تحكّها شديد أكتر مما جابت الدم |
حاضرين يا سيدي هاشم!
انا اقتنعت البقنع مولانا حافظ منو, شوفو لامن يرجع ح يتصدّر للغلاط كيف !
وبما ان السيرة جات اسمح لي بتعليق على رسالتك القيمة لحاتم, على جزئية صغيرة منها, قد وقد لا يكون لها تأثير حول تعليقاتك هنا وهناك على مسالة تعدّد الأسماء و الشبحية ومقارنتها باحداث جرت هنا في المنبر سواء على صفحته أو عن طريق نافذة الفيس الكانت ملحقة بصفحات المنبر أيّامها!
هل ينطبق هذا التوصيف على حالة حاتم! اعني تحديدا حالة الشبحية او استخدام اسماء متعددة في المنبر أو من نافذة الفيس بووك الملحقة به - لا حظ للاحمر عشان ما تجيني اقتباسات وروابط من قبل عقد من الزمان ومن اماكن لا علاقة لها بسودانيزاونلاين
غير كدا العندو دليل يبرّنا بيه و" يتحدّث الآن أو ليصمت للأبد" 
| |
|
|
|
|
|
|
|
|
|
Re: الي المبدع ود الخواض (Re: محمد البشرى الخضر)
|
| Quote: Quote: حاتم ، فجزاه الله عن الوطن كل خير- الزول المنفرد بلا وجل يقارع بقايا الرق |
الكلام ده لو اتقال ليك يا ادم صيام ما حتقبلوا .. وكنت حتولول وحتجري تفتح بيهو بوست والدنيا تقوم ..
ومستغرب وزعلان الناس ليه ما بتخش بوستاتو !
| |
|
|
|
|
|
|
|
|
 Re: الي المبدع ود الخواض (Re: Abdullah Idrees)
|
Quote: مسالة تعدّد الأسماء و الشبحية ومقارنتها باحداث جرت هنا في المنبر
سواء على صفحته أو عن طريق نافذة الفيس الكانت ملحقة بصفحات المنبر أيّامها!
هل ينطبق هذا التوصيف على حالة حاتم! اعني تحديدا حالة الشبحية او استخدام اسماء
متعددة (في المنبر) أو من نافذة الفيس بووك الملحقة به - لا حظ للاحمر عشان ما تجيني
اقتباسات وروابط من قبل عقد من الزمان ومن اماكن لا علاقة لها بسودانيزاونلاين
غير كدا العندو دليل يبرّنا بيه و" يتحدّث الآن أو ليصمت للأبد" |
يا ود البشرى مُش قُتلك بقيت تجلها ؤ موقية فوق كوم ترآب .
عاين جاي، لو لملمت الأسماء المتعددة والأحداث الحصلت في المنبر
ؤ خارج المنبر ؤ في الفيس بوك زاتو أو شُباكو ؤ كومتها كوم ؤ ختيت
حاتم إبراهيم في كوم ؤ قعدت تفلفل فيها حبة حبة ؤ تقارن بحاتم
إبراهيم ؤ ما لقيت ولا ذرة تنطبق عليهو هل هذا ينفي عنه صفة
الشبوحيّة ؟...
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
يا ود المدير كدي سيبك من الكلام الساي
عندك دليل على استخدام حاتم لاكثر من يوزر في المنبر.. هات
عندك دليل على كتابته من صفحة الفيس بووك بغير اسمه .. هات
عندك دليل على ان الاسم حاتم ابراهيم مختلق وغير حقيقي وشبح زي ما بتقولوا .. هات
ما عندك ... لتصمت للأبد
| |
|
|
|
|
|
|
|
|
|
Re: الي المبدع ود الخواض (Re: Abdullah Idrees)
|
| Quote: حاتم ، فجزاه الله عن الوطن كل خير- الزول المنفرد بلا وجل يقارع بقايا الرق |
ههههههههههههههههههههه
ول ابا ول صيام
ختاها ليكو واضحة
غايتو اقبلوها رغم مرارتها ... انها الحقيقة المرة ,,,
اي زول مبرقط يسأل حبوبتو ...
| |
|
|
|
|
|
|
|
|
|
Re: الي المبدع ود الخواض (Re: اسماعيل عبد الله محمد)
|
أدم صيام،
طيب يا آدم، وبارك الله فيك على الرد والتحيات الطيبة.
تقول: ((أنا جندي مع كل من وقف بكل شجاعة ضد الظلم والعسف والغتغتة وما حاتم إلا واحد منهم))!!
وغير أن كلامك الأول بدا للناس كشتيمة يا آدم، فهذا موقف مسبق التجنيد وواضح الأدلجة ولا يرجى منه إنصاف.. مفهوم منك تماما في سياقاته، ولكن فلنتجاوزه الآن، وهيهات!
منطقيا، فمجرد النظر إلى ما قلت عن جنديتك وحلفك يكفي لإعلان أن رفعت جلسة هذا التداخل من صيام بإلغاء القضية الماثلة لعدم جدية التهمة ولا حيادية المتحري!
ولكن،
ولكن، أراك تحكم على سلوك الجميع في البوست بأنه (ثقافة رق مصفية وعنصراه الخوف والجبن واللا منطقية والشللية العضيرة) ولكن بلا حيثيات توردها لحكمك هذا إلا موقفك المسبق المؤدلج.. فمثلا، من يدريك أن رب واحد هنا ممن نمطتهم جماعيا، وهو يتفق معك في الدعوة للخروح عن “ثقافة للرق” يعتقد مثلك بسيادتها راهنا، ثم هو لا يخشى الإعتراض على أو مخالفة أساليب حاتم الحوارية، وهي كما تعلم، المسبب الأساسي للأزمة الراهنة ومبررها الأخلاقي. ورب غير ذلك أيضا، مما سينفي صحة التنميط الذي أوردته.. الغالب الله!
وإذ أقدر لك جهدك في تحليل جذور الأزمة والواقع السوداني، ومحاولاتك للخروج بنا، منها إلى الأفضل كما تتصوره، فإنني أسألك السماح بالمخالفة. فمثلا؛ حجتك على ايراد كلمتك (بقايا رق) وإن كانت تقوم على منطق في التوازي الصوري ما أسهل أن يدحض بتوازيات مضادة، وينبني على شواهد واستنتاجات هي أيضا قابلة للدحض التام ــ الروس واليابانيون مثلا كانوا جماعيا في ربقة القنانة ولقرون ما انتهت إلا قريبا، سيرة أشبه بسيرة بني اسرائيل في مصر, هل لا يزالون في ربقة الرق النفسي أو يتزوجون بأخواتهم؟؟ وهذه الحالة الجمعية من “الرق النفسي” السوداني المفترض، فبالضبط عن أي تاريخ سوداني للرق قد استفحلت؟ وفي أي مكونات البلد بالتحديد تتمظهر بحدة أو تخفت ولماذا؟ـــ وهكذا بقية شواهدك يا آدم، ليست مجمع على صحتها ولا من اتفاق تام عليها، كما إنها ليست جديدة تماما وأقدم منها تلك الأدلوجة (ليست فقط أفريقانية وحسب بل أيضا ضد عربية) التي قاربت أو تكاد أن تكون عصابية. وهي التي يتبناها ويروج لها تيار فكري بأكمله، لم يبدأ من د. الباقر العفيف ولن ينتهي عند حاتم إبراهيم الذي تدافع عنه الآن فقط من باب الحمية الأيدلوجية ولكن في غيرما سياق.. ولكن، كل هذا ليست موضوعنا.. فلنرجع عبره!!
نرجع للموضوع، بسؤال واستغراب.. حتى مع وحدة الخندق الفكرية هذه، أما كان حلفكم مع حاتم، سينفع ويخدم تياركم بأفضل من هذا الحاصل؟ فقط لو تغيّرت أساليبه في الحوار إلى ما لا يثير عليه الغضبات ولا حتى الغبار!
ولأعطيك مثالا على مقصدي من كلامك نفسه: فقد كتبت أنت كلاما قاسيا جدا في أصله، بغض النظر عن صحته من خطئه، بل ويمكن تماما أن يخرج عمّا تعمِّم إلى سياقات أشد خصوصية تنتج عنها ردات فعل عنيفة وأعنف.. ولكننا لا نزال هنا نعلق عليها ونحاورك! ألا تعتقد إن هذه البادرات الإنسانية البسيطة/ الفارعة التي قدمت بها وختمت مداخلتك (محباتك وتحياتك القلبية وحس الأخوية وتعازيك)، لها دور مهم جدا في تيسير الفعل التواصلي هذا الذي نحن في صدده؟ حتى مثل هذا التلطيف يكاد ينعدم في خطاب حاتم المنبري مع مخالفيه!
وزي ما قالو الشباب يا آدم، الشتايم ما بتوصل لي بعيد، وما لا ترضاه لنفسك لن يصلح للآخرين أيضا.
بالله عليك شوف أبوالسباع منها مشى وجاب ليهو “برقطة” أضفت على مداخلتك سلبية تحت التي فيها أصلا، وبها هزل المعنى،، كلو كلو،، ربك يهون!!!
| |
|
|
|
|
|
|
|
|
|
Re: الي المبدع ود الخواض (Re: محمد البشرى الخضر)
|
كيف أصبحت يا ود البشرى، قلت لي رسالة قيمة! يعني هل أتفاءل أن يلقى محتواها قبولا عند حاتم قبل بقية الزملاء، من بُأك لباب السما…
ثم، الحق أقول لك عن تهم الشبحية وتعدد الأسماء وأخيرا لاحظت لمؤيدي حاتم من الفيسبوك؛ أقول: إنني لم أك مهتما بالأمر ولا بهوية حاتم أو غموضها، ولا أزال أعتقد إنها ليست القضية الأهم، بل طريقة حاتم في الحوار هي القضية.. هذا من جهة، أما من الحهة المقابلة، فسواء رضينا أم أبينا، إن هذا الأمر قد فرض نفسه على المنبر وعلى التبادل مع حاتم أو عنه، وفي ملابسات يبدو إنها معقدة، ولم أسهم فيها أو أشهد كل فصولها. أما الأكيد عندي فهو أن طريقة حاتم في الحوار لا تساعد المنبر ولا الزملاء، بل تدفعهم دفعا، للبحبتة وراء حقيقة هذا الشخص الذي يثير حنقهم وحفائظهم بطريقة تداخله. أنا أيضا قرأت مقال معروف أبو الحسن هناك، وباسم حاتم هنا، وبشواهد الاهتمامات اللغوية وجيد الأسلوبية، فلا أرجح بل استبعد السرقة، ولكنني أيضا لا أعرف ملابسات استخدام الاسم المستعار أو أيهما الصحيح.
وباختصار، هذا الأمر ليس من أولوياتي .. إلا فضولا ساي ينقص أو يزيد بتحريض من استمتاعك الظاهر بلعبة التحدي بخصوصه:)!!
| |
|
|
|
|
|
|
|
|
|
Re: الي المبدع ود الخواض (Re: هاشم الحسن)
|
ياااا سيدي هاشم
ههه قلت لي استمتاعي الظاهر, ياخي مالك عايز تألّب علي بنو تغلب تاني!
نعم اتفّق معّك انّها "يجب" ان تكن مسالة ليست ذات أولوية, وقد خضت نقاشات طويلة مع الاخوة في الحتة دي, هل المشكلة المحتوى ولا من هو كاتب المحتوى! بصورة اخرى هل لو علمتم اصل وفصل ومحل عمل الكاتب و نسبه و حالته الاجماعية ورصيده في البنك ...إلى آخر معلومات الناس الشخصية هل دا بحل مشكلة المحتوى!
للأسف صارت قصة من هو هي كعب أخيل المتوهّم للنيل منه.
أها انا من موقعي كضابط جودة وخبير آكشن نضيف - تقرا ثيردباك / لاين مان ...إلخ مركّز على الحتة دي عشان تتحسم سلبا او ايجابا مرة وللأبد
إمّا بدليل لا يقبل الدحض ونعتمد قصة انه شبح ونشوف نهاية الفلم دا مع بكري ..
أو خلاص الناس تسيبها وتركّز على المفيد و الحتة الفيها الدهن.
| |
|
|
|
|
|
|
|
|
|
Re: الي المبدع ود الخواض (Re: هاشم الحسن)
|
Quote: عندك دليل على ان الاسم حاتم ابراهيم مختلق وغير حقيقي وشبح زي ما بتقولوا .. هات
ما عندك ... لتصمت للأبد |
الباقيات ما عندي عليهِن دليل، لكن دي الدليل عليها زول يثير كل هذا النقع
ويحدث كل هذه الضجة في المنبر ويُتهم بأنه شبح من القاصي والداني ؤ
يا كافي البلآ ما يتلقي فرِد زول يعرفو !!!. إنت كان عارفو معرفة تنفي عنه
صفة الشبوحية هاتها، أما أنا فبالنسبة لي شبح حتي يأتي من يثبت معرفته
به .
حكاية مسجل بأوراق ثبوتية دا ما بينفي عنّو الشبوحية . جوازنا السوداني
دا ممكن تشتريهو من أقرب فرآشة، (ما ابو الدقيق).
حكاية إتصل بالتلفون برضو ما بتنفي، فالشبح ممكن يموّه في مثل هذه
الحالة .
أكان إتغدا معاك قوّل، أكان إتعشى معاك قوّل، أكان فطر معاك قوّل،
أكان زاملك في دراسة قوّل، أكان زاملك في شُغُل قوّل، ووالله أنت
عندي من الصديقين المُصدقين ...
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
الأصل في الادعّاءات إبراد البينة ومن ثم اليمين لمن ينفي يا ود المدير
قصّة انو تتهم فلان أو علّان بانه كذا وكذا و من ثم عليه النفي وإذا لم يفعل فتثبت عليه الاتهامات دا كلام ساي ومنطق معوج
| |
|
|
|
|
|
|
|
|
 Re: الي المبدع ود الخواض (Re: محمد البشرى الخضر)
|
Quote: الأصل في الادعّاءات إبراد البينة ومن ثم اليمين لمن ينفي يا ود المدير
قصّة انو تتهم فلان أو علّان بانه كذا وكذا و من ثم عليه النفي وإذا لم يفعل فتثبت
عليه الاتهامات دا كلام ساي ومنطق معوج |
سأل رجل إعرابي كان يتحرى الغيبة، ما رأيك في إبليس ؟.
فأجاب الإعرابي: أسمع الناس يقولون عنه الكثير والله
أعلم بسريرتِهِ ...
| |
|
|
|
|
|
|
|
|
|
Re: الي المبدع ود الخواض (Re: معاوية المدير)
|
| Quote: وأما حاتم ، فجزاه الله عن الوطن كل خير- الزول المنفرد بلا وجل يقارع بقايا الرق والاستعمار والاستهبال وبقج الجهل والأنا ولا يتوقف ولا يخشى الذباب فنعما هو. |
زبالتك دي كلها مردودة ليك ....
لأنها لا تصدر الا من كائن ملئ بالزبالة ....
و بئس القائل ......
| |
|
|
|
|
|
|
|
|
|
Re: الي المبدع ود الخواض (Re: ABUHUSSEIN)
|
المشترك بين ودالبشرى والشبح ؟؟؟؟؟؟؟
ودالبشرى تحدّث مرات في هذا المنبر عن "تنفيس الهنابيك"،،
هل لهذا علاقة بهدم أصنام المنبر التي روج لها أحد مرتادي ادبخانة الفيسبوك؟؟؟
طبعا الشبح تحدث عن "الذوات المتضخمة"، وعن حملة نظافة للمنبر من المدّعين والجعجاعين..
هل من مشترك بين "طموحهما " البشروي والشبحي؟؟
المايك لسيد الاسم "محد البشرى" ..
| |
|
|
|
|
|
|
|
|
|
Re: الي المبدع ود الخواض (Re: محمد حيدر المشرف)
|
| Quote: لغني طي تعقيبك يا حبيب عن علو كعب "حاتم" في ذلك الحوار حول مقولة "النور حمد" |
سلام دكتور المشرف
يا اخي انت واحد من الناس الربنا اداك مجامع الكلمة (بسطة في الكتابة) لكن صراحة قرايتك ضعيفة لو فهمت كلامي انو بفاضل بينك و بين حاتم و ردي ببقي مسيخ لو قعدت ابرر ليك انو داك ما كان قصدي.
عموما كدا ارجع معاك لمداخلة تقريبا قبل عشر سنين (تقريبا بعد دخول المرحوم خليل ابراهيم لمدينة ام درمان و كان تحديد مقال الدكتور حيدر ابراهيم.
كان كاتب مقال جيد جيدا و اي زول قراه كانت ردودهم ايجابية تجاه المقال. دخلت و قريت المقال اكثر بحثا عن الفكرة و ما لقيت غير سطر واحد و كان يعادل كلام الخليفة عبدالله اللملكة فيكتوريا (ان اسلمتي و حسن اسلامك حنزوجك لـ يوسف دكين).
عموما ممكن احلف ليك اني ما فاضلت بينك و بين حاتم في النقاش بل كل منكما كان بناقش واقف علي ارضية صلبة في فكرتو و دافع عن فكرتو بكل ما اوتي من حجة و ماتنسي اني استثنيت المناوشات خارج عضمة البوست.
البوست فقط كمثال لواحدة من الحوارات الانا تابعتها و كمثال انو قدم فكرتو بوضوح.
عموما بلغني انو حاتم غادر البورد و ما عايز اكون الوكيل الاول للدفاع عنه. هنا فقط فكرتي كمقاربة لدخولي هذا البوست
| |
|
|
|
|
|
|
|
|
|
Re: الي المبدع ود الخواض (Re: Mahjob Abdalla)
|
لكن ده كلو كوم و غلبني افوت قراية معاوية الزبير للحصحاص.
و برضو كمثال للبعض الربنا بسطة في الكتابة و قليل في الجانب الاخر و عشان ما اظلمك يا معاوية افتكر لانك مكجن حاتم شديد عشان ما بتطيق تقرأ كلامو مرتين.
| |
|
|
|
|
|
|
|
|
|
Re: الي المبدع ود الخواض (Re: Mahjob Abdalla)
|
محمد البشري ايضا كمثال اخر هنا.
الزول ده انا شايفو واقف في موقف محايد جدا (رجل خط ما جاء من فراغ) و بقول كلام عقل و بلقي نفسي بتفق معاه في 95% من مواقفو في البوست ده و مع ذلك اغلب الناس هنا قرت موقفو غلط (وجهة نظري كدا) و السبب في ده كلو عدم القراية او عدم التأني في القراية.
| |
|
|
|
|
|
|
| |
Salah Zubeir
جلالدونا
Kabar
Mahjob Abdalla
هاشم الحسن
محمد البشرى الخضر
حاتم إبراهيم
معاوية المدير
محمد حيدر المشرف
معاوية الزبير
MOHAMMED ELSHEIKH
آدم صيام
kamal omer
Abdullah Idrees
اسماعيل عبد الله محمد
ABUHUSSEIN
osama elkhawad
فيس بوك
تويتر
انستقرام
يوتيوب
بنتيريست