ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-06-2018, 10:50 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
23-05-2018, 11:35 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ

    11:35 AM May, 23 2018

    سودانيز اون لاين
    تماضر الطاهر-السودان
    مكتبتى
    رابط مختصر


    خاطركم سبق نظم الحروف والوزنة
    شال من خاطري كل الانكسار والحزنة
    من بعد الخلل بقت الحروف متزنة
    داخراكم أمل لي طيب حياتي وخزنة

    إلى الأعزاء نعمات عماد والطاهر الطاهر
    إلى الجميع..ممن أحببت الإنتماء إلى جوارهم
    ،
    مع المحبة
                   |Articles |News |مقالات |بيانات

23-05-2018, 12:06 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    لا تناديهم
    فهم غرقى بقاع الجب
    في قبو السفين
    كانت الليلة حمراء العيون
    أعلن الربان عن مرأى جزيرة
    ضجت الأحلام بالألحان
    وابتهج الشراع
    كانت الأهواء
    والأنواء صاخبة الجنون
    سكِر القبطان محتفلاً
    أجاد الرقص ممتشقاً سروره
    وعيون الموج ترقبه
    بسخرية مريرة
    لم يفق عند ارتطام الصخر
    بالمهج الكسيرة
    واستوى في الظلمة السوداء
    منتشياً على عرش غروره
                   |Articles |News |مقالات |بيانات

23-05-2018, 12:22 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15117

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    عاطر التحايا لك يا \ تماضر الخنساء ..

    واعجبتني جدآ هذه الرباعية المسدارية .

    خاطركم سبق نظم الحروف والوزنة
    شال من خاطري كل الانكسار والحزنة
    من بعد الخلل بقت الحروف متزنة
    داخراكم أمل لي طيب حياتي وخزنة

    ويسلم خاطرك البعرف جبــــارة ناســــــــو
    والقلب الكبييير وقتين يقــــــــــود احساســــــو
    وجيدن جيتي والحوش اتركز من ساســــــــــو
    ود البشري هوي نحن الدواس جــــد ناســــــو

    هههههههههه

    لك التحية يا حبيبة ولو سمحتي لو عندك الرغبةفي المسادير تكوني اسعدتينا اكتر .

    (عدل بواسطة مني عمسيب on 23-05-2018, 12:27 PM)
    (عدل بواسطة مني عمسيب on 23-05-2018, 12:27 PM)

                   |Articles |News |مقالات |بيانات

23-05-2018, 12:33 PM

نعمات عماد
<aنعمات عماد
تاريخ التسجيل: 08-03-2014
مجموع المشاركات: 6226

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: مني عمسيب)

    ألفين سلام الأخوات الحبيبات تماضر و منى .

    عزيزتي تماضر

    لك التحايا و الإمتنان وباقات ورد و رياحين.

    الله على الشعر الجميل و المعاني الرائعة .

    شكراً لك و لمنى على البداية الموفقة.

    استاذنا الطاهر الطاهر
    في إنتظار تشريفك و كل الشعراء و المتذوقين لهذه الواحة الظليلة.

    الى ان أعود تسلمي تماضر و في امان الله.
                   |Articles |News |مقالات |بيانات

23-05-2018, 12:42 PM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 18335

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: نعمات عماد)

    الاخوات الماجدات

    لكم كل الاجلال والود
    قرأت عنوان البوست ودلفت أتيها الشاعرة وجدت شعرا حقيقي لا تجعلي ما كتبتي في الاضابير فهو جدير بأن يقرأ بحق
    لكمن كل الامنيات الطيبة بصوم هين رقيق وعافية تبقي مدي العمر

                   |Articles |News |مقالات |بيانات

23-05-2018, 01:24 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: زهير عثمان حمد)

    تشرفت بوجودك جداً
    ،
    ربما لديك مساجلات شعرية كمان
                   |Articles |News |مقالات |بيانات

23-05-2018, 01:21 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: نعمات عماد)


    اسعدتوني
    ،
    الغالية نعمات
    سعادتي بيك ..برااها
    ،
    في انتظارك بشوق،
    وين اخوي؟
                   |Articles |News |مقالات |بيانات

23-05-2018, 12:46 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: مني عمسيب)

    أستيقظت روحي على انغامَهُ
    وتبسمت فتنسمت انسامهُ
    وتمايلت طرباً مع همساته
    واستعذبت انفاسه وكلامهُ
    والقلب مرتجف يحاكي نبضه
    حال الاصابع في اوان سلامهُ
    ما كان مني عندما ابصرته
    إلا ارتداد الطرف عند مقامه
    ووقفت في محرابه قلباً ولا
    شيء يضاهي عشقه وهيامه
    أسِفت على ما عشته من قبله
    -روحي-
    فليت العمر يُرجع طائعاً أيامه

    ،،،،

                   |Articles |News |مقالات |بيانات

23-05-2018, 01:22 PM

Nasser Amin

تاريخ التسجيل: 07-02-2017
مجموع المشاركات: 936

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)


    سلامات

    ابيات عميقة للاخت تماضر , اعجبتني

    Quote:
    قالوا الخيال غلبو الخيال
    عاين يمين..عاين شمال
    من البكا..مات بالضحك
    شّمت عليهو الاحتمال


    الهجرة الي ابليس

                   |Articles |News |مقالات |بيانات

23-05-2018, 01:31 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Nasser Amin)


    تسلم كتير
    البوست جد كان موحي
    مع انه عنوانه غريب
    الهجرة إلى إبليس
    جا الكلام عفواً
    سعيدة لأنه اعجبك
    ،
                   |Articles |News |مقالات |بيانات

23-05-2018, 01:13 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: مني عمسيب)


    يا سلام..جيتيني محل برتاح
    اجدعي ساي
    ،
    رحبتي ودخل جوه القليب ترحابك
    النظم الجميل صباهو لي سحابك
    الحوش من قديم العمروهو صحابك
    إياك بسمتو وطاقة السماح فاتحابك
                   |Articles |News |مقالات |بيانات

23-05-2018, 01:28 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 16930

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    بتنا العزيزة تماضر سلامات مربعة
    وخلينا نتابع . تحياتي
                   |Articles |News |مقالات |بيانات

23-05-2018, 01:33 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Osman Musa)


    حبابك الف
    أتمنى مشاركتك كمان
                   |Articles |News |مقالات |بيانات

23-05-2018, 02:07 PM

صديق مهدى على
<aصديق مهدى على
تاريخ التسجيل: 09-10-2009
مجموع المشاركات: 8464

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    يعنى وين بت عمسيب
    ام كلاما يجيب البعيد
    والقريب
    دحين يا تماضر الطاهر
    ما تبقى ضل دليب
    تظللى البعيد
    وتخلى القريب
    نحن هنا فى الحوش
    اخوة يجمعنا حب
    الوطن الحبيب
    فهو شعرنا ونثرنا
    وفننا وهلالنا وليس
    الصليب
    بس قولى يا سميع
    يا مجيب
    تسترنا فى هذه الدنيا
    بركة نبينا الحبيب

    صديق مهدى على
                   |Articles |News |مقالات |بيانات

23-05-2018, 06:56 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: صديق مهدى على)

    تحياتي
    وشكراً على كلماتك
    في الحقيقة انا خايفة شوية
    لكن عموماً انا جيت وفي بالي اكون ذكرى طيبة
                   |Articles |News |مقالات |بيانات

23-05-2018, 06:25 PM

محمد حيدر المشرف
<aمحمد حيدر المشرف
تاريخ التسجيل: 20-06-2007
مجموع المشاركات: 18461

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)



    حاجة زي ما تكون محلق في العواصف وفجأة.... تهبط في السكون

    تذكرت الأغنية
    أنا القادم للتو من معافرة من معافرات المنبر ذات العجاج ..

    شكرن جزيلن يا عملات "حبيب نوره"
                   |Articles |News |مقالات |بيانات

23-05-2018, 07:03 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد حيدر المشرف)

    اهم حاجة تاخد نفس عميق
    وتروق
    ،
    مرحب بيك والف( اهلن وسهلن)
                   |Articles |News |مقالات |بيانات

23-05-2018, 07:43 PM

Haytham Ghaly

تاريخ التسجيل: 20-01-2013
مجموع المشاركات: 3679

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)


    بوست زي الواحة وسط الصحراء
    ماء وظلال وارفة وعبق ازهاره بفوق الخيال


    بت عمسيب اتاريك شاعرة لا يشق لك غبار


    سلامات تماضر وراجين منك الكثير
                   |Articles |News |مقالات |بيانات

23-05-2018, 08:06 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Haytham Ghaly)

    شكراً لوجودك الأستاذ هيثم غالي
    وسعيدة بي أملك وإنطباعك
    أ. منى ادهشتني
                   |Articles |News |مقالات |بيانات

23-05-2018, 08:01 PM

Ali Alkanzi
<aAli Alkanzi
تاريخ التسجيل: 21-03-2017
مجموع المشاركات: 3797

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    هذا البيت أبلغُ وأعذبُ واصدقُ ما قرأت
    فيه تصوير فاضح لحالة عاشق كان قدره ان يفصح عن مشاعره فيصاب القارئ بالدهشة والحسد أو إن اردتً التخفيف قليلاً فقل الغيرة من المحب والمحبوب
    لأن ما كل عاشق وجد الذي وجده وما كل حبيب فضح مشاعره بالذي هو فاضحه
    وذروة بلاغة الشاعر أو الشاعرة حين تقول:

    والقلبُ مرتجفٌ يحاكي نبضهُ
    حال الاصابع في اوان سلامهُ


    فبلاغته عندي اعادتني لابيات استشهدتُ بها معلقاً على مقال حزن للكاتبة الاستاذة أماني ابوسليم تنعي فيه اباها الذي هو من افزاز امة السودان
    والابيات تقول:

    والله ما حزنت أخت لفقد أخٍ
    حزني عليه ولا أم على ولد
    إن يحسدوني على موتي فوا أسفي
    حتى على الموت لا أخلو من الحسد


    فتتصاعد بلاغة الوصف لتصل لذروتها في قول الشاعر:

    إن يحسدوني على موتي فوا أسفي
    حتى على الموت لا أخلو من الحسد
                   |Articles |News |مقالات |بيانات

23-05-2018, 08:15 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Ali Alkanzi)


    أعجزني تحليلك العميق عن ترتيب أفكاري لكتابة رد لائق
    ووقفت بحياد أقرأكلماتي وأسترجع أوان كتابتها
    ولا أقول سوى ..ان خيال الشعر احياناً يرتاد بنا الثريا
    ثم نودع الأماني ونفيق.
    ،
    شكراً يا أستاذ
    سعدت جداً بما تفضلت به
                   |Articles |News |مقالات |بيانات

23-05-2018, 08:44 PM

نعمات عماد
<aنعمات عماد
تاريخ التسجيل: 08-03-2014
مجموع المشاركات: 6226

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)


    مساء الفل و الياسمين عليكم

    يا تماضر و يا منى سؤال :

    في أي عمر بدأتي كتابة الشعر؟ هل في الأسرة شعراء؟

    ---عاطف خيري ---
    منفستو الهمباتة

    (1)

    الجسد مصلاية الروح

    الروح المفوته كم وكت

    الوكت الموهط في النزوح

    طالع أعالي الفوق تحت

    تحتك ينقز في سطوح

    رهن الأصابع ومنفلت

    فالت إذا كنت الجنوح

    وحدك منادي ومتلفت

    (2)

    كان القلب..مضيفه,

    والألم,

    كماعضَّ الطفل

    ثدي امو

    صار جبانه في البلد

    البقت ما أمو

    والفاتوني

    في طرف البحر ينْحَمو

    أو شالو الحجر وانْحَمو

    لي قمريه من فَرْط الشجر صاحت

    إلى قمري وأجاب

    منْ ثمْ

    هدر دمو

    (3)

    يا خيل..

    يانبي.. يابراك

    ياليس من مُرضِع بَلاك

    لو شفتَ جوه النار جنين

    فاطِنو من سقية هلاك

    كان شفت جوه الجنه طين

    بالِنو لى آدم سواك,

    وكان تكفي جقمه من الحنين

    وتقنع من الموج الهناك

    وماكُنا في جوف الكمين

    غنينا غُنوات الفِكاك

    صنارة العدم السَنين

    صارقيلا وحشه وارتباك

    (4)

    يا غربه نحن مشينا وين

    من طَلعتِك نخلة هواي

    ومديت أصابعي على المَدين

    فتحت ما شايف سواي

    غمضنا.. الله ادانا عين

    كورَكتي آدم..دم..دم في الغياب

    إتصنَّتك كل الجراد الفيني

    مسغبة الرتيلا..

    الطحلب .. الشوك..اللُعاب

    لسان الواطه يتعَرَفْ على طعم الخطايا

    أتَر البهايم في التراب

    تَحلِب بصيرة الراعي من شوفتو اللبن

    اللغه في زريبة ربها

    تعجِن حنوط المعنى في قرع السكوت

    هسيس توب يرقه

    قلعت خوفا في شط النوايا

    إبليس حبيس العِلّه في كلمة سجود

    والدود يجيك من شَدّه في لفظة تخمُر

    تسمع حنين الشمس لي ضل البيوت

    همهمة الجرِح لحظة تعود

    من غُربة الجسد الخلايا

    لَجَنَة لسان الضو إذا نطق الزوايا

    ودُخلَة الكاف الصبي

    على نوناً يّرِن خلخالا في قلب النبي

    وتسمع زغاريد العدم

    (5)

    تشوف الغيمه

    في مقلة مراية السَهَلَة راخيه رموشا

    تنَتْ في ام شديده القهوه

    جاتا الدوشه

    في طاقة منام هلواسا لاوذ ود قُزَح

    طربان وشايلا الهوشه

    خَطَفت توبا

    قالت... أخ!

    نِست باب حوشا .. فاتح

    والمطور الليله كيف مَلبوشه

    دسيهو منك فيهو

    أو سميهو في الخيل الصحاب

    البِخشو الحَضره دون مانوبه

    من غير ما يدقوا الباب

    البَدَسو الفكره في ضحكة بنات نَعَشْ

    البِنادَن قمره, تغسل جمره,

    في ريق السحاب

    البحرسو الخمره, في النخل

    البَصَحي التمره, نص الليل

    إذا نقص الشراب

    دِسيهو منك فيهو

    أو همباتي
    غارِز في أتّر شوفتِك

    على رمل المناظر ناب

    دسيهو منك فيهو

    جملة أولياء النحت

    سابقين الحواس بي ركعه

    نهاضين وينقِفوا من حلوق الشوف

    حصان في ضحكتك مربوط

    مرق من ليلى ليلك جَنَ

    من دُبُرْ اليقين مقدود

    كل ما الموج راودك عن نفسو

    تعطشي فيني؟!

    تفتحي أطلس الخوف

    كل ماالليل زاد نجمةفي كتف العسس

    جرت العصافير المطار

    دخل الشِعِر وَكَر المباشره

    والبنات ..

    طَفوا الرتاين و....وَلَعَنْ؟!

    الخَمَروك فتحوك إنداية ومَشَنْ

    الكلما صابحتهِن

    سرقَن نهارك ومغربن

    الفي صدور هرطقه

    وإشلاق حليب

    بت الذين أحبهم

    أنة صريف في كُرنُق الروح

    المطر ما ببقى لي زول

    المغارب لابسا أقصر من خيال المُفترِي

    ونحن مديونين نسيم

    تلقاها في أول شريعتا غافيه

    فارده شرودا

    في الموج الحَتَلْ في بالا ظنّهَاطافيه

    غامْتَه حنانا

    في إيدا وينقع عافيه

    تشبه في الوقع من عشو,

    خوفو وكت يطير,

    لا يلقى قِبله

    لا طفل في إيدو نبله

    ولا غصن ذو شوك رحيم..

    والبادي أجمل

    (6)

    دجيت لوجه الله

    مسقط غربتي

    وخارب طبع هذا المجاز

    لدودي في الغياب

    مُشرع ضلمة بقَتي

    حتفي..

    حبيبي..

    ومشتهى أسفي

    محاذاتي..

    وعلوقي إذا أهنقْ

    وفطمتني !

    شكرا حزينا

    جل من يسهو, ويغمِض فيكا غاية يشبهَك

    جالبني في وادي الضريسه

    القلبِ فرناغه

    وسألتك ذات مشيمه:

    _ النهر أعوج من قفاي - أعفيني

    من هادي البلاد الذهلله

    أعفي الجبال منَ الصدى

    والشارع التحتاني من خمج النسيم

    أحلاك مكندك في أَمَسَ الإلفه

    بالزول الغريب

    أجمل من المركب تَطَلْوِح فِلقه

    آه أجمل من الخطا

    صاح.....شنو؟!

    الدم دميره,

    النار تَجَقلِب مالا؟!

    ماطَعْم الرياح تِنجَم!!

    صلي على الهجيج كالنيل

    مسك خصر البلاد

    ورقص الرقيص الما بيتسمى

    طرد من بالو نقنقة البوابير,

    لايوق الأغاني

    يغازل في البيوت,

    غمَر كل الكماين

    وما جناهوالعاشق المخبول من قيف الحبيبه

    وصاح :

    دخلتنا .. مروق هذا النتن

    والجندب الوطني

    إذا لابد من هذا الكنيف
                   |Articles |News |مقالات |بيانات

23-05-2018, 08:59 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: نعمات عماد)


    سعيدة كل أوقاتك يا نعمات
    حكاية طويلة
    كنت مولعة بالعزف والموسيقى
    لحد ما ضاع مني امل الدراسة الفعلية
    وبقيت اشخبط في الدفاتر من ايام الجامعة
    زي الشخبطة الحالياً حاصلة دي
    في الأسرة في كل الفنون
    وعندي ارشيف مبعثر
    ويمكن سبب ترددي في فتح البوست
    انه حاجاتي الجمعتها بعيدة عني لأني في اجازة
    انا محسوبة على عالم الشعر
    لكن..اهو على وزن قول المادح الشيخ أب شريعة
    حسِن نيتك
    وامدح ولو تلفيق
    ،
    محبتي الشديدة ليك
    ،
    وماذا عنكِ؟
    ،
                   |Articles |News |مقالات |بيانات

23-05-2018, 09:17 PM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 4591

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)


    في زمنٍ ضَنّ فيه الشعر و الشعراء و توارت الكلمة الموحية و المعاني خجلا خلف التأويل و الفهم..

    تطلّين علينا فجأة وسط زحام الحياة و ركامها كجوهرة اضعناها زمنا..

    مضى نسينا فيه الشعر و الكلمات الرقيقة وسط جمود المشاعر..و ضغوط الحياة اليومية ...

    هذه نفحة عطر تفوح في المنبر علّها تطرد الكلمات التي تنحط كجلمود صخر حطته السماجة من علٍ

    لك التحية على الإبهار و على الروح التي تود أن تسوقنا معها محلّقة في الغمام فوق وادي العبقر..
                   |Articles |News |مقالات |بيانات

23-05-2018, 10:01 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد عبد الله الحسين)


    ثناء منك افرحني وابكاني
    والله كتير علي
    منكم يا اصحاب الذوق الرفيع
    والمقامات العالية
    شكراً سيدي..من القلب..شكراً
    ،


    الشوق لا يعني اتباع الطيف بالأفكار
    أو قلق الحنايا من: يكون ولا يكون!
    الشوق صوت البذرة الأولى
    تنادي في سكون..او جنون
    الشوق إحساس العطش
    والأرض حين تشققت
    كانت تراسل حلمها بالمد
    والإمطار والوبل الهتون
    تدعوه حتى يسكب الماء الحنون
    فتنزوي في غمرة الإرواء
    آثار الظنون
    الشوق مفترق الدروب
    من السجون إلي الشجون
    الشوق إحياء الخلايا الساكنات إلى الركون
    لو يبصرون الشوق في دمع العيون
    كانوا قليلاً يسمحون فيعذرون
    ما أنصف العشاق في أحوالهم
    عند اشتداد الشوق إلا عاشق
    قد قام بعد الموت كي يروى
    إلى الأحباب أحجية المنون

                   |Articles |News |مقالات |بيانات

23-05-2018, 11:47 PM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 18335

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    غربتي تُسَلِّمني#
    وترمي بي
    بعيدا كرمح
    لأوطان لا تعرفيني
    لا تشبهني
    أظل فيها شريد
    يا همي
    أنا طريدها
    أتعلمين
    هاربا بالمدي الفسيح
    يا لعنة الترحال
    كفي أصبحت كهلا عليل
    كيف
    وأين
    ومتي
    يكون لي السكون
    لا الرحيل للوطن ظافر
    ممكن
    ولا عذابات عشقها أنتهت
    أني أتلاشي
    لا قبر لي
    غير قلبها
    ربي أجعلني
    به مقيم
    لا فقط ذكري
    وصدي حنين
    أظل أعشقها حتي لو أصبحت نسي منسيه
    فجر يوم 22مايو 2018
                   |Articles |News |مقالات |بيانات

24-05-2018, 03:59 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: زهير عثمان حمد)


    الأستاذ زهير
    سلام وتحية
    واصل بلا توقف
    الشعر دواء للحزن
    اكتب وتنفس
    والحزن أصدق أحوال الإنسان
    لا بأس بتجربة حزينة
    تنتج قصائد او مقالات او روايات
    المهم..أن لا تكون سجننا


                   |Articles |News |مقالات |بيانات

24-05-2018, 04:40 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    من وحيهِ
    ،
    كنت فارسة السماء
    أعتلي صهوة سحابة
    وأزور نجوماً تبرق وتخفت
    وكنت أزورك
    أنت دائم البريق
    ترى لماذا يخفت بريقهم؟
    هم كانوا أسطح تعكس ما يُلقى عليها
    وكنت ذاتي البريق
    ينبع النور من أعماقك
    ويتقد من مشاعرك
    تضيء إذا تبسمت
    وتعبس ..فلا يعتريك الظل
    والألق يلازمك
    والأرق يلازمني
    أنا فارسة السماء
    على صهوة سحابتي
    أدور حولك
    وأعزف لك أغنية الرياح
    التي تسكن الأصداف
    ورجع صداها يعود
    على قلبك بالسكينة
    يهدهدك..فتحلم
    وينام الناي
    ،
                   |Articles |News |مقالات |بيانات

24-05-2018, 07:35 AM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 18335

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    سنلتقي #

    أيّامُ انتظاري مرّتْ كلَيلَةِ
    أيّامٌ مِنَ الوجعِ المضني
    وأنا أتلوَّ
    ولن أغيِّرُ جلدي
    لا أفهمُ كيفَ لم يقرؤوا في عينيَّ الحكايةَ
    لا وجهَ لي سوى وجهِ الحنين المنكسر
    سئمتُ عبورَ المسافاتِ الشاسعةِ بينَ الأملِ والألم
    لن أصنع بسمةِ وإلصاقِها على شفتيّ
    سوف أسافر
    أيتها المدينة العاصفية
    هناك لمعشوقتي لأهلي
    والنيل
    سنلتقي منية الروح .

                   |Articles |News |مقالات |بيانات

24-05-2018, 09:14 PM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20117

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: زهير عثمان حمد)

    تحياتي اختنا تماضر

    ( الشعر لب المرء يعرضه )
    لا فض فوك

    ***

    خاطركم سبق نظم الحروف والوزنة
    شال من خاطري كل الانكسار والحزنة
    من بعد الخلل بقت الحروف متزنة
    داخراكم أمل لي طيب حياتي وخزنة

    إلى الأعزاء نعمات عماد والطاهر الطاهر
    إلى الجميع..ممن أحببت الإنتماء إلى جوارهم


    *

    واصلي هذا الالق فنحن موعودون بجمال الكلمة

    دمتم
                   |Articles |News |مقالات |بيانات

24-05-2018, 10:00 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: ابو جهينة)
                   |Articles |News |مقالات |بيانات

24-05-2018, 10:07 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: ابو جهينة)


    تشرفت جداً بوجودك هنا
    وكلامك الجميل اسعدني
    شكراً استاذي
    ،

    ساسقتا وجريت ما كسبت غير الغبرة
    حلقي اتناوبن في سدو خمسين عبرة
    والجرح القديم رفايو عادم الإبرة
    حالك يا زمن تغلب شديد الخِبرة


    ،،،،،


    وكتين السحاب طلق السراح لي ميو
    إنسان عيني تف زرف الدميعات زيو
    كان شوق السحاب للوادي داير ريو
    وانا طال شوقي لي الطول مفارق حيو

    ،،،،،

    ،
    السهر الحمى العينين لذيذ الجمة
    في اعضاي جمع بين البرد والحمى
    نجم الليل غمد هدهدتو بي فد نمة
    يا حليلو النجع فرتق عريشة اللمة
    ،
                   |Articles |News |مقالات |بيانات

26-05-2018, 09:58 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)


    في رثاء المادح ( الأب )
    الشيخ المريود محمد حسين رحمة الله عليه ورضوانه
    ،،،،،

    يوماً كان اخير عيني تنوم ما تحِسو
    خبراً ما اشتهيت يوم الإذاعة تبثو
    المريود رحل يا حليل كلامو وحسو
    وابل دمعي فيك غلب المدامع دسو
    **
    وين عسل الليالي الحلا ليهن جد
    ووين قدح السماح الدام عزيز بالمد
    وين مريودنا سيد الراي وبحر السد
    في شهر الرسول بقى للايامات حد
    **
    تبكيك المدايح يا اب جبين مطروح
    الطار إنشتر يا حليل حبيب الروح
    المخبوت حزين ترزم بدالو جروح
    يتمت الشتم وين بعدك يمشي يروح
    **
    قوم يا يابا ادخل " بالسلامة" البيت
    واسرِع في مشيك قول يا الرسول لبيت
    حسِس للقلوب الفي عماها تبيت
    وشوق يا الحنين كل اليقول حبيت
    **
    عقِب فوق حبيبك وجُر عليهو النم
    واطرد من قلوب السامعين الهم
    قول ود حاجة قال وحياتي كم قال كم
    ورضي علي الجميع يا الحاشا ما اتلوم
    **
    وكتين البروق تطراها يشلع نورا
    تبكي العين تجدوِل بالرسول مسرورة
    والنسام عسف من المدينة عطوره
    بلد المصطفى الخاتم حَسين الصورة
    **
    ما تختِم صلاتك يا اللبيب ..إستنى
    وين فايتنا وين يا يابا روق وإتأنى
    بدري عليكَ شاهدين القبر والصنة
    في جوار ود بدر خلوكَ وإتمحننا
    **
    نستغفر نتوب لله نرضى نسلم
    الضهر إنكسر صبح القليب متألم
    حال السابقين واللاحقين متكلم
    الدار دار فنا إن صبحت مصيرا تضلم
                   |Articles |News |مقالات |بيانات

28-05-2018, 09:44 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6338

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    طلعتِ علينا يا خناس في زمن جفت فيه ضروع المنبر و الحروف
    فرجاءً لا تتمهلي ، اهطلي درر الشعر من بين عصب ودم واسقينا ،
    فلك كامل الصفحات ولنا الدهشة والامتاع
    ..
    ..
    لولا أن قرأته صدفة اشفاق على المنبر يا تماضر، لما خرجت الى ما شغلني قبل أن أحييك فيه وعليه
    كامل الشكر والتقدير.
                   |Articles |News |مقالات |بيانات

31-05-2018, 06:34 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عمر التاج)

    يا سلام اخي العزيز عمرمن قلبي شكراً على الكلمات الجميلة،المنبر يحفل بالمبدعين من اهل العلم والثقافة والفنونوأتمنى بعد أن تجرأت وكتبت عن تجربتي ، أن أكون إضافة تجد مساحة للذكرى الطيبة في خواطركم،احترامي ومودتي

    (عدل بواسطة تماضر الطاهر on 31-05-2018, 06:36 PM)

                   |Articles |News |مقالات |بيانات

31-05-2018, 06:41 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    ﺃﻧﺖ ﺭﺍﺣﻞ
    ﻭﺃﻧﺎ ﻭﺍﻟﻜﻞ ﻧﻤﻀﻲ
    ﻟﻨﻬﺎﻳﺎﺕ ﺍﻟﻤﺮﺍﺣﻞ
    ﺭﺣﻢ ﺍﻷﺭﺽ ﺳﻴﺤﻮﻱ
    ﺗﻮﺃﻡ ﻣﻦ ﺗﺮﺑﺔ ﺍﻟﺼﺤﺮﺍﺀ
    ﻭﺍﻵﺧﺮ ﻣﻦ ﻃﻴﻦ ﺍﻟﺴﻮﺍﺣﻞ
    ﻭﻳﺼﻴﺮ ﺍﻟﻠﺤﺪ ﻣﺜﻞ ﺍﻟﻤﻬﺪ
    ﻭﺍﻟﺮﺍﻗﺪ ﻓﻲ ﻋﻤﺮ ﺇﻓﺘﻘﺎﺩﻩ
    ﺣﻴﺚ ﺑﻌﺪ ﺍﻟﻈﻦ ﺇﺳﻢ
    ﻣﻦ ﺑﻘﺎﻳﺎ ﺫﻛﺮﻳﺎﺕ
    ﻟﻴﺲ ﻳﻜﺘﺐ ﻓﻲ ﺷﻬﺎﺩﻩ
    ،،،،،

                   |Articles |News |مقالات |بيانات

02-06-2018, 07:04 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    تنفسي
    وأخرِجي الرحيق
    تَبسمي
    وأطفئي الحريق
    وأشرقي
    لتعبري
    تماسكي وانتصري
    وكلما تُلّوِح الحياة بالجراح
    أقدِمي
    تجاهلي لِتسلمي
    لا تكسري الخواطر الحزينة،
    وساعِدي الشِراع كي تُواصِل السفينة
    فالبحرُ عِندما يثور إنما
    يُريد أن يعيش بإحتضاننا
    مشاعر السكينة
                   |Articles |News |مقالات |بيانات

02-06-2018, 07:19 AM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 18335

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)


    غربتي تُسَلِّمني للاسيء#
    وترمي بي
    بعيدا كرمح
    لأوطان لا تعرفيني
    لا تشبهني
    أظل فيها شريد
    يا همي
    أنا طريدها
    أتعلمين
    هاربا بالمدي الفسيح
    يا لعنة الترحال
    كفي أصبحت كهلا عليل
    كيف
    وأين
    ومتي
    يكون لي السكون
    لا الرحيل للوطن ظافر
    ممكن
    ولا عذابات عشقها أنتهت
    أني أتلاشي
    لا قبر لي
    غير قلبها
    ربي أجعلني
    به مقيم
    لا فقط ذكري
    وصدي حنين
    أظل حتي لو أصبحت عشقها القديم
                   |Articles |News |مقالات |بيانات

02-06-2018, 07:20 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    هذا شعرا جميلا تماضر
    احسبك تجيدين الدراجية ايضا
    كدى ادينا مرباع مرباعين
                   |Articles |News |مقالات |بيانات

02-06-2018, 07:44 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)



    شرفتني ونورتني الله يعلم

    شكراً على جبر الخاطر،


    ،،،،

    ماك زي البباري الهايفة يقدِل فوقا
    وماك زي التربي الفارغة ويلبس طوقا
    فيك الحكمة حار في الحق وفيك الروقة
    تهواك القلوب فوقك محلِق شوقا

    ،،
    ""

    الليل
    ......

    الليل سِيد شَراب للغاوي فاتِح بارو
    والليل كاسو داير للبدور خَبّارو
    والليل للندامى بِضَوِقُن عَبارو
    فوقو العاشقين نجوى وسهر يتبارو

    ،،،

    الليل طال علي بلدي ونشر تيبانو
    والخوف والمنون اتكاترن ريبانو
    يا خالق الملا الما اتقفلن بيبانو
    عجِل بالخلاص هون سريع جيبانو


                   |Articles |News |مقالات |بيانات

02-06-2018, 07:33 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    لا قبر لي
    غير قلبها
    ربي أجعلني
    به مقيم

    ،،،،

    يا سلام يا أستاذ زهير

    ،
    تحايا وسلام
                   |Articles |News |مقالات |بيانات

02-06-2018, 07:48 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    الله ... الله
    عفبي
    لا ابدا والله ما مجاملة
    اتي متمكنة جدا في المرابيع
    شاعرة كاملة الدسم
    أكتبي فقط
                   |Articles |News |مقالات |بيانات

02-06-2018, 07:53 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)


    تسلم يا رب

    ،،،

    في الصحرا اليباب دقيت غرامك خيمة
    قُلت إياكَ ضُل مِن الدنية وضيمه
    تاريك ضُل وهَم كان في خيالي نِغيمة
    وإتبخر سراب أملي وصعد للغيمة

    ،،،

    قاسي علي من دون الخلايق جافي
    قدمي الليهو في نار الهجاير حافي
    ساسق ما فتر كان لي مِعادو يوافي
    بي عين رحمة ينظر لي قليبي يرافي
                   |Articles |News |مقالات |بيانات

02-06-2018, 08:57 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    رغم قسوة التصوير إلا أنه تصوير بلاغي جميل جدا
    دة شعر جميل والله تماضر
    جميل حقيقة
                   |Articles |News |مقالات |بيانات

02-06-2018, 09:21 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)


    شكراً على دعمك وتشجيعك

    ويا ريت تشاركني هنا بما تكتب...حسب ما يقول حدسي
                   |Articles |News |مقالات |بيانات

02-06-2018, 09:48 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    هههه
    اهو قاعدين نكتب ما يعن لنا
    اما تلك الكتابة
    حليلا الاصبحت ذكرى
                   |Articles |News |مقالات |بيانات

02-06-2018, 10:54 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)


    يلا أثري لي البوست أرجوك
    أنا أسعى وراء سبق أدبي كبير
                   |Articles |News |مقالات |بيانات

03-06-2018, 12:22 PM

محمد فضل الله المكى
<aمحمد فضل الله المكى
تاريخ التسجيل: 29-03-2008
مجموع المشاركات: 4789

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    .
    بِت الطاهِر سلام،مرحب حبابِك مِيَّه
    بِت زولاً فطين، ما زول بِسوي النَّيه
    من ناسـاً كِرام، هُم ناس ذِكِـر وبَنِيــه
    قُبال رد السـلام ، تلقى البهـم متكِيـه

    حباب بت الطاهر والله
                   |Articles |News |مقالات |بيانات

04-06-2018, 06:57 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد فضل الله المكى)


    يا العَزِيت تماضر وياها فيك محرية
    يا سيد الفِعال البي السمِح مطرِية
    في الصالحين يمين سٍلْسٍلّتك مدرية
    من زمناً قديم متأرِخة ومَقرية


    حباااااااابك
                   |Articles |News |مقالات |بيانات

04-06-2018, 07:11 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    مش قلت ليك تماضر
    تجدين العامية بطلاقة وبلاغة
    متعة ياخ
                   |Articles |News |مقالات |بيانات

04-06-2018, 07:48 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)


    أستاذي العزيز جداً

    بفرح بي تشجيعك وكلماتك الجميلة

    وفي إنتظار مساهمتك معاي...بعد الرجاء الشديد
                   |Articles |News |مقالات |بيانات

04-06-2018, 10:28 AM

الفاتح ميرغني
<aالفاتح ميرغني
تاريخ التسجيل: 01-03-2007
مجموع المشاركات: 7479

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    مرور على سبيل التحية لك وللمحتفى بهم وضيوفك الأفاضل.
    وأكيد المنبر موعود بشاعرة موهوبة ومتدفقة!

    محبتي
                   |Articles |News |مقالات |بيانات

04-06-2018, 10:31 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: الفاتح ميرغني)


    أسعدني جداً مرورك وتحيتك
    تشرفت بيك يا أستاذي وأتمنى أكون عند حسن ظنك
                   |Articles |News |مقالات |بيانات

06-06-2018, 07:22 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)


    يا من أرسى سِر السنبلات في قمحة
    يا من عّظم البيت والمدينة السمحة
    يا من أبدل الليل بالنهار في لمحة
    بدِل حالي زين واغفر خطايَ وأمحى
                   |Articles |News |مقالات |بيانات

08-06-2018, 10:34 AM

Abdlaziz Eisa
<aAbdlaziz Eisa
تاريخ التسجيل: 03-02-2007
مجموع المشاركات: 21805

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)


    الليل طال علي بلدي ونشر تيبانو
    والخوف والمنون اتكاترن ريبانو
    يا خالق الملا الما اتقفلن بيبانو
    عجِل بالخلاص هون سريع جيبانو
    -----------------------

    يا وطن عز الشدائد..



    تماضر
    خنساء ذاك الاسم
    وزبدة من لبن الحروف



    هلا بيك وزينت المنبر بالدرر


                   |Articles |News |مقالات |بيانات

08-06-2018, 02:53 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Abdlaziz Eisa)

    سلامي وشكري أخي عبد العزيز
    اسعدني وجودك هنا
    ويا حليلك يا بلدنا
    ،
    شن فايدتنا كان ما قلنا
    كان صدينا عن درب النضالات حُلنا
    بلداً بيهو في كل المحافل طُلنا
    وين المتلو مهما كُسنا غيرو وجُلنا
                   |Articles |News |مقالات |بيانات

10-06-2018, 09:20 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)


    في حب الخيل
    ،،،


    إن مرقت فجُر خيل الرباح لي ورودا
    نقشات حافرن فوق الرمال مفرودة
    قادلات عز تحس في صهلتن زغرودة
    روحي اتشحتفت في شوفتن مغرودة
                   |Articles |News |مقالات |بيانات

10-06-2018, 09:39 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    يا سلام عليك ياخ
    سوي اني استبدلت خيلك بخيالي
    دة شعر سمح وكامل
    عقبي
                   |Articles |News |مقالات |بيانات

10-06-2018, 09:39 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    يا سلام عليك ياخ
    سوي اني استبدلت خيلك بخيالي
    دة شعر سمح وكامل
    عقبي
                   |Articles |News |مقالات |بيانات

10-06-2018, 09:45 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)


    تسلم يا صديقي



    اسعى الخيل ولا تسعى الرفيق الطامع
    الخيل بيها تصبح للمكارم جامع
    اسعاهن ولا تكون للاباهن سامع
    العز بيهن يبقالك صبيباً هامع
    **
    إن صهلن تقول تسبيح وشكراً وافر
    إسعاد شوفتن بركة وجمالاً سافر
    الروح تنطرب يومت عجاجهن دافر
    إن مرقن علي الميدان وداس الحافر
                   |Articles |News |مقالات |بيانات

10-06-2018, 09:58 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    تشكري يا صاحبة
    ممكن امرقك شوية
    الخيل لا اثر لها في الحياة الحالية سوى انها خيل شيل . كارو حصان
    مكانة الخيل تراجعت الا للمترفين كالصادق المهدي والبولو
    علاقتك شنو بالخيل؟
                   |Articles |News |مقالات |بيانات

10-06-2018, 12:04 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)


    شكراً عزيزي
    فكرة الناس عن الخيل انها للمترفين منعت الاجيال دي من التمتع بالرياضة الجميلة، وزينا زي اي ناس ما ليهم اي علاقة بالترف توجهنا صوب نادي الفروسية بالخرطوم ووجدنا فيه تدريب وترغيب في تنمية المحبة لهواية..ولا زلنا هناك..هو مكان فيه المحاسن والمساويء زي اي مكان تاني..يتأثر بحال البلد واحوالها.
    التجربة تستحق ان تُعاش
    فعلاً كانت في اسماء تحتكر الانشطة لكن الآن الوضع مختلف.
    في انفتاح على الخيل من الاسر والمدارس خصوصاً في الاجازة
    كمان جمهور سباق الخيل اغلبه من البسطاء..عدم امتلاك الخيل لم يمنعهم من متعة المتابعة.
    اتمنى تتاح ليكم الفرصة وتزوروا المكان ولو للعلم بالشيء.
                   |Articles |News |مقالات |بيانات

10-06-2018, 09:58 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14230

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)



    جاتكـم شاعــرة مجيــدة

    ابشروا بالخيــر

    تعرفي يا أخت تماضر ويا ود اب ســن

    أنا من زمان بفكر في اهالينا في القرى والـ عندهــم دواب في الغالب حميــر

    بقول ليه الناس ديل ما يبيعوا الحمير دي ويشتروا بدلهــا خيــل

    أجمل واسرع واخف والطف وغيره من المزايا

    وفي النهاية العلـف .. نفس التكلفـة

    ما لقيت جــواب غير انه الحصان عايز عنايـة خاصـة .. ونظافة ومكان خاص

    بس برضو ما صعب
                   |Articles |News |مقالات |بيانات

11-06-2018, 01:03 AM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 8970

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: أحمد الشايقي)

    Quote: بقول ليه الناس ديل ما يبيعوا الحمير دي ويشتروا بدلهــا خيــل

    جبت الكلام يا أستاذ أحمد الشايقي ..
    راجع التاريخ بتلقى الخيول حقتنا كانت ليها شهرة طبقت الآفاق وأسرت بجمالها ورشاقتها الرحالة الأجانب ..
    صولاتها ومهاراتها في القتال مذكورة في مراجع التاريخ من زمن بعانخي..
    الحمير أصلا جاتنا بسبب سياسات استعمارية من التركية السابقة .تمو عليها الانجليز ..
    دحين ما قريت أهلك الشايقية كانوا برقصو بيهو في الحروب كيف؟
    لقد فعلت خيول القبائل السودانية بالمستعمرين الأفاعيل ..
    لذلك في أقل من نصف قرن طهرو تماما الشمال والوسط والبوادي المتاخمة من الخيل ..
    وما بقي منها كان في البوادي البعيدة عن الوسط ..
    Quote: وأول إشارة للخيول كما ورد فى الدراسة جاءت فى وثيقة بعانخي الملك النوبي الذي غزا مصر ووصل جيشه علي ظهر هذا الفرس حتى فلسطين ..
    كتبت هذه المعلومة التاريخية على لوحة حجرية وجدت بمعبد جبل البركل وجاء فيها
    ( قبل بعانخي خضوع مدينة هيرمابولس ودخلها ثم زار قصر الملك وذهب إلى أسطبل الخيل وأدرك أنها تعاني من الجوع,
    فقال حلفت بحياتي أن أقبح أعمالكم الشريرة هي تجويعكم الخيل والتي ساقتكم إليها قلوبكم الفظة ..)..
    ومن حب بعانخي للخيل وصى بدفن خيوله معه في قبره..
    ومن الأبيات الشعرية الشهيرة بيت لشاعر عربي شهد معركة بين رماة الحدق النوبيين وجيش الفتح العربي
    وكان رماة الحدق يمتطون صهوات خيولهم المثقلة بالدروع قال ذلك الشاعر..
    لم تر عيني مثل يوم دنقلة..والخيل تعدو بالدروع مثقلة -..
    وورد في كتاب مروج الذهب للمسعودي أحد مؤرخي دخول العرب للسودان
    أن أهل دنقلا كانوا يزرعون النخيل والكروم والعنب والحنطة والشعير..
    والمعروف أن الشعير ونوى البلح من أهم أعلاف الخيل ..
    وجمال ورشاقة المهر الدنقلاوي صفات دخلت قاموس الأغنية السودانية منذ قديم الزمان
    وما تعلق قلب شاعر بفتاة جميلة إلا وشبهها بمهرة دنقلا
    فإسماعيل صاحب الربابة وهو من الصوفية الملامتية ومذكور فى طبقات ود ضيف الله
    وصف محبوبته هيبة بمهرة الضنقلاوي المكنوز ظهرها..
    وقد يلاحظ القارئ أن كلمة دنقلا ودنقلاوي تكتب أحيانا ضنقلة وضنقلاوي والأخيرة شائعة فى العامية السودانية
    وورد فى قاموس اللهجة العامية فى السودان على لسان شاعر من قبيلة الشكرية يتحدث عن الفرس –
    بدور الضنقلي المربوط يصايح –
    وجاء في القاموس أيضاً قول ينسب لرجل من البقارة
    – الجواد الضنقلاوي فى الخيول جراي –

    المصدر :
    موقع الأمير الوليد بن طلال
    مهرة دنقلا محمد سعيد شلي {صحيفة السوداني }
    :
    عفوا لو سرحت بعيد الكلام بجر بعضه.
    كل عام وأنتم بخير.
                   |Articles |News |مقالات |بيانات

11-06-2018, 07:32 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد على طه الملك)


    ( قبل بعانخي خضوع مدينة هيرمابولس ودخلها ثم زار قصر الملك وذهب إلى أسطبل الخيل وأدرك أنها تعاني من الجوع,
    فقال حلفت بحياتي أن أقبح أعمالكم الشريرة هي تجويعكم الخيل والتي ساقتكم إليها قلوبكم الفظة ..).

    بعد السلام والتحايا العميقة

    موقف الملك بعانخي مؤثر شديد..وسرح بي بصراحة لحكاية فارس الأحلام..ولماذا هو (فارس)
    والحديث عن الفروسية والفراسة ممتع وشيق لا أمله أبداً

    ،،

    قرأت قبل أيام من رمضان بحث عن الخيل في السودان مؤسفة

    تناولت سلالات الخيل في السودان وزعم كاتبها - أظنه طالب- أنها أتت من مصر

    كما تناول السلالات الموجودة في غرب السودان وجيناتها الضعيفة التي جعلت الخيل السودانية سيئة السمعة وغير مقاومة للأمراض

    بدليل عدم اعدم إقبال الدول العربية على الشراء بعكس الإبل


    ،،

    أما مهرة دنقلا الملهمة

    فهي تدعو للفخر والتأمل

    وشوقتني جداً للصوفي الملاماتي صاحب الربابة

    ،

    سيدي

    متعك الله بالصحة والعافية

    أنا متابعة جيدة لجميع ما تكتب لجمال ما يحويه

    ولأنني فعلاً أتعلم منك


    أنتظر المزيد والمزيد


    ،،،،،

    شكراً لكما...على الإضافة للبوست

    وكل سنة وإنتو طيبين
                   |Articles |News |مقالات |بيانات

11-06-2018, 06:46 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: أحمد الشايقي)



    شكراً أخي أحمد الشايقي

    والله يبشرك بالخير

    والله كان يكون شي جميل جداً

    والأجمل لما تحصل إلفة بين الخيل وأصحابها

    يمكن موضوع العناية هو الصعب فعلاً

    لكن لاحظ ..الزول اللصيق بالخيل بتحس إنها بتأثر في سلوكه العام

    وده مبحث طويل ياريت نتشارك فيه ونتبادل المعلومات

    مودتي وشكري وتقديري
                   |Articles |News |مقالات |بيانات

11-06-2018, 07:36 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    برضو يا الملك بقولو الحمار الدنقلاوي من اجود الحمير
    عالي وسريع ويستجيب للاوامر وضهرو بارد
                   |Articles |News |مقالات |بيانات

11-06-2018, 08:15 AM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 18335

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)

    تحياتي للجميع

    الحصة شعر يا شباب ما حمير ولا أحصنة قل المصطفي رسوله وحبينا

    (* الخَيْلُ مَعْقُودٌ فِي نَوَاصِيهَا الخَيْرُ إِلَى يَوْمِ القِيَامَةِ )

    عَنْ أَبِي هُرَيْرَةَ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: ( الْخَيْلُ مَعْقُودٌ فِي نَوَاصِيهَا الْخَيْرُ إِلَى يَوْمِ الْقِيَامَةِ ، الْخَيْلُ ثَلَاثَةٌ: فَهِيَ لِرَجُلٍ أَجْرٌ، وَلِرَجُلٍ سِتْرٌ ، وَلِرَجُلٍ وِزْرٌ ، فَأَمَّا الَّتِي هِيَ لَهُ أَجْرٌ : فَالرَّجُلُ يَتَّخِذُهَا فِي سَبِيلِ اللهِ وَيُعِدُّهَا لَهُ ، فَلَا تُغَيِّبُ شَيْئًا فِي بُطُونِهَا إِلَّا كَتَبَ اللهُ لَهُ أَجْرًا ، وَلَوْ رَعَاهَا فِي مَرْجٍ ، مَا أَكَلَتْ مِنْ شَيْءٍ إِلَّا كَتَبَ اللهُ لَهُ بِهَا أَجْرًا ، وَلَوْ سَقَاهَا مِنْ نَهْرٍ ، كَانَ لَهُ بِكُلِّ قَطْرَةٍ تُغَيِّبُهَا فِي بُطُونِهَا أَجْرٌ، - حَتَّى ذَكَرَ الْأَجْرَ فِي أَبْوَالِهَا وَأَرْوَاثِهَا - وَلَوْ اسْتَنَّتْ شَرَفًا أَوْ شَرَفَيْنِ ، كُتِبَ لَهُ بِكُلِّ خُطْوَةٍ تَخْطُوهَا أَجْرٌ، وَأَمَّا الَّذِي هِيَ لَهُ سِتْرٌ: فَالرَّجُلُ يَتَّخِذُهَا تَكَرُّمًا وَتَجَمُّلًا، وَلَا يَنْسَى حَقَّ ظُهُورِهَا، وَبُطُونِهَا فِي عُسْرِهَا وَيُسْرِهَا، وَأَمَّا الَّذِي عَلَيْهِ وِزْرٌ فَالَّذِي يَتَّخِذُهَا أَشَرًا وَبَطَرًا، وَبَذَخًا وَرِيَاءَ النَّاسِ، فَذَاكَ الَّذِي هِيَ عَلَيْهِ وِزْرٌ ) .

                   |Articles |News |مقالات |بيانات

11-06-2018, 08:53 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15056

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: زهير عثمان حمد)

    الشعر من نفس* الرحمن مقتبس والشاعر الفذ بين الناس رحمان

    ----
    * وفي رواية من نفث ...... نفث روح القدس في روعي أن أحبب من أحببت
    --
    يا ربي "الشاعرة الفذة" بين الناس شنوووو؟؟؟؟!!
    جست كيدينغ
    ----
    من الأبيات التي استشهد بها الأستاذ محمود محمد طه
    لولا معانٍ سنها الشعر ما درى بناة المعالي كيف تبني المكارم
                   |Articles |News |مقالات |بيانات

11-06-2018, 09:09 AM

محمد فضل الله المكى
<aمحمد فضل الله المكى
تاريخ التسجيل: 29-03-2008
مجموع المشاركات: 4789

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالله عثمان)


    قالوا الصعيد رويان، واتَّرعَن وِديانو
    وطريت التقيـل الراجِـح دوام ميزانـو
    الزول البعيد، ضوقني العذاب والوانو
    الجواب كتبتو ، وعُقبـاً نِسيـت عِنوانو
                   |Articles |News |مقالات |بيانات

11-06-2018, 11:00 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد فضل الله المكى)


    أبشر،،

    وحبابك


    براق سنو جاهر للعيون غير جيهة
    نسام منو اصدر للقليب توجيهة
    مقتولاً عطيش صابت بلادو نجيهة
    فرهد حين لمح زولاً صفاتو وجيهة
                   |Articles |News |مقالات |بيانات

11-06-2018, 10:37 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالله عثمان)


    (نفث روح القدس في روعي أن أحبب من أحببت)..فأحببت

    ،،،

    تشرفت جداً بوجودك هنا سيدي

    ،،

    دموع العين ترنيم اشتياقي

    تُعيق النور عن وصل المآقي

    أسيرُ أسير يُعجبني انسياقي

    أدور أدور في سبعٍٍ طِباقِ

    فلا أرقى ويفنيني احتراقي

    ولا أبقى على حال الفراقِ

    بأستار الحِمى كُتِب اعتلاقي

    بها عشقي مدى الآباد باقِي



    ،،


                   |Articles |News |مقالات |بيانات

11-06-2018, 09:59 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: زهير عثمان حمد)


    شكراً أستاذ زهير

    وحبااابك

    تعال ننسى الشعر كقوافي

    وننفعل مع المشاركات كشعور

    ،،

    طولت من قصايدك وخواطرك هنا

    خليك قريب

                   |Articles |News |مقالات |بيانات

11-06-2018, 09:45 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)



    هههههه العزيز أبو سن

    دي مواصفات البرادو أفتكر
                   |Articles |News |مقالات |بيانات

11-06-2018, 04:10 PM

Faisal Saad
<aFaisal Saad
تاريخ التسجيل: 23-08-2015
مجموع المشاركات: 155

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    يا سلام على المفردات و النظم
    و التعابير و الموسيقى..

    "ضفاف البهجة شايقاني
    و مراكب سفري الحاني
    ميعاد الصفاء الصداح
    جناح موجاتو وداني
    مقدف بالنغم سهران
    عشان يتهنوا حبانى
    يسوقني الفال
    و أعيش امال
    و تبقى اللحظة آسراني
    و أنسى متاعب الترحال
    و دا النساني حرماني "

                   |Articles |News |مقالات |بيانات

11-06-2018, 07:11 PM

نعمات عماد
<aنعمات عماد
تاريخ التسجيل: 08-03-2014
مجموع المشاركات: 6226

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Faisal Saad)



    غايتو يا تماضر يوم اشوف ديوانك مطبوع على الورق، و cd و فيديوز
    في اليوتيوب، ده ح يكون يوم جميل جدا، لا يصح ان يجهل العالم كل
    هذه الروعة و الحزن النبيل.
    عيدك سعيد انت و كل زوارك الرائعين.
                   |Articles |News |مقالات |بيانات

11-06-2018, 07:20 PM

Abureesh

تاريخ التسجيل: 22-09-2003
مجموع المشاركات: 19467

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: نعمات عماد)

    "أجاد الرقص ممتشقاً سروره"

    شكرا يا تماضر..
    سأعود للمداخلات ولكن هذا البيت استوقفني
                   |Articles |News |مقالات |بيانات

11-06-2018, 09:11 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 8970

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Abureesh)

    Quote: برضو يا الملك بقولو الحمار الدنقلاوي من اجود الحمير

    ههههه يا أب سن ياهو دا الميراث الجانا من مصر وشهرتا الحمير الدراوية جايا من دراو ..
    ودراو كان مركز أو سوق كبير للجمال القادمة من السودان..

    مشكورة يا أستاذه على التقريظ ..
    أنت أيضا باعك الشعري الرصين يستحق الإعجاب والمتابعة ..
    لمايحتوية من مضامين وإنساق خلابة وممتعة.
                   |Articles |News |مقالات |بيانات

12-06-2018, 11:40 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد على طه الملك)


    أستاذي الملك

    والله شهادتك لي تاج على رأسي


    سلمت من كل شر
                   |Articles |News |مقالات |بيانات

12-06-2018, 11:02 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Abureesh)


    في انتظار عودتك أخي أبو ريش.

    ،

    احكي لي إنطباعك بالله
                   |Articles |News |مقالات |بيانات

12-06-2018, 10:50 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: نعمات عماد)


    العزيزة الغالية نعمات

    ابداً ما خطر على بالي

    لكن ح أفكر طالما ده شي بيسعدك

    كل سنة وانتِ وجميع أحبابك بخير
                   |Articles |News |مقالات |بيانات

12-06-2018, 08:47 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Faisal Saad)


    مقدف بالنغم سهران
    عشان يتهنوا حبانى

    ،،،،

    يا سلام عليك

    زيدني بالله
                   |Articles |News |مقالات |بيانات

12-06-2018, 09:03 AM

Faisal Saad
<aFaisal Saad
تاريخ التسجيل: 23-08-2015
مجموع المشاركات: 155

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    "زيدني من دلك شوية
    و كتر الأشواق على"

    الأبيات الرصيتها ليك ديك من كلمات الأخ الصديق الشاعر محمد عبد الله برقاوي، زميل غربة و زميل منبر سابق له التحايا أينما حل..

    داير اسميك "الكور " تماضر الطاهر، زيادة في المحبة،، عندك مانع؟؟؟ بس ما تساليني الكور دي شنو و جبتها من وين، أمشي فتشيها براك هنا،، هههه

    وافر الأعزاز..
                   |Articles |News |مقالات |بيانات

12-06-2018, 10:33 AM

محمد فضل الله المكى
<aمحمد فضل الله المكى
تاريخ التسجيل: 29-03-2008
مجموع المشاركات: 4789

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Faisal Saad)


    البـارِح طِريـت ، ناســاً فُراقُـم قـاسي
    كاتِلني الوِلِف بحـراً ما ليهو مراسـي
    المواجِع صَدَّت وصِبِحتَ ماسِك راسي
    يا لحّاق بعيد عارف الدرِب ولا ناسي
                   |Articles |News |مقالات |بيانات

12-06-2018, 10:44 AM

محمد فضل الله المكى
<aمحمد فضل الله المكى
تاريخ التسجيل: 29-03-2008
مجموع المشاركات: 4789

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد فضل الله المكى)


    طِريت الزول اللابسَ السماحـه قِلاده
    طِريـت الزول البتـمنى دِيسُــو وِسـاده
    إن فاض بِي الغرام في الهجعة أنا نشّاده
    يا لحّــاق بعيـد مَصَعيـكَ خلّـو زيــاده
                   |Articles |News |مقالات |بيانات

12-06-2018, 10:53 AM

محمد فضل الله المكى
<aمحمد فضل الله المكى
تاريخ التسجيل: 29-03-2008
مجموع المشاركات: 4789

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد فضل الله المكى)


    طِريت الزول اللذيذ نضمو وحالي قصيدو
    طِريت الضامِـر اب ديســاً بِكَتِّف سيـدو
    وكِت ليلي انقسَم والسَّهراجه حَمَّت ريدو
    مكتــولاً جَفَـل، مجنـون وكاسِــر قيـدو

    أها... قصرت يا بت الطاهر؟
                   |Articles |News |مقالات |بيانات

12-06-2018, 12:31 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد فضل الله المكى)



    أبشر

    والله ما قصرت تب

    ،،

    ما صافيتي يا الغشاشة
    فلقتيني بي هماً حبوبو دراشة
    لاك هشاشة لاك فراحة لاك بشاشة
    فرق الغالي خلى العين رفيقها طشاشا

    ،،

    البارح طريت الفي حديثو هوادة
    أب يداً كريمة وبالكتير جواده
    صايب الراي وهاك فوق المعاني زواده
    عاليات الهمم ليهو بيطيع مقواده

    ،،

    صباري الكمل صبرو وغلب من حيلة
    قال لي في وداعة الما بتغلبو الحيلة
    سابني مع العلي هازلة وقواي نحيلة
    في هم الغرام والفرقة غارقة وحيلة


                   |Articles |News |مقالات |بيانات

12-06-2018, 11:45 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Faisal Saad)

    الأخ فيصل سعد
    التحايا لك وله..
    ههههههه تسلم ونحن اصلنا ناس محبة

    إنت ما عارف إنه أول من رحب بي هو آصف المذكور في بوست السلام؟؟؟
                   |Articles |News |مقالات |بيانات

12-06-2018, 11:59 AM

Faisal Saad
<aFaisal Saad
تاريخ التسجيل: 23-08-2015
مجموع المشاركات: 155

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: تماضر الطاهر)

    تمام يا كور.. واصلي في نثر الدرر.
                   |Articles |News |مقالات |بيانات

13-06-2018, 00:17 AM

ترهاقا

تاريخ التسجيل: 04-07-2003
مجموع المشاركات: 4894

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Faisal Saad)



    آذان صاغية لشعر منمق،
                   |Articles |News |مقالات |بيانات

13-06-2018, 06:21 AM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 18335

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: ترهاقا)

    لو أنه لم يكن قدرنا #
    سيدتي ما فاعلين
    أنها مصائرنا
    كلها عجائب
    ويبقي صبرنا والامل
    وما نظنه الخير
    أتعلمين كل يقيني
    أعشقك
    أنصهر فيك عبر المدي
    مطامحي رضاك
    يا أقدري بحق السماء كوني رحيمه!

    (عدل بواسطة زهير عثمان حمد on 13-06-2018, 07:43 AM)

                   |Articles |News |مقالات |بيانات

13-06-2018, 06:35 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15056

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: زهير عثمان حمد)

    البارح طريت الفي حديثو هوادة
    أب يداً كريمة وبالكتير جواده
    صايب الراي وهاك فوق المعاني زواده
    عاليات الهمم ليهو بيطيع مقواده
    ---
    حولااااا
    كل من قال يا حبيبي افتكرتو يشير اليك
    --
    هذه البنية أوتيت من نسل داؤود وصانع مزاميره
    مبروك
                   |Articles |News |مقالات |بيانات

13-06-2018, 07:16 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالله عثمان)

    ما صافيتي يا الغشاشة
    فلقتيني بي هماً حبوبو دراشة
    لاك هشاشة لاك فراحة لاك بشاشة
    فرق الغالي خلى العين رفيقها طشاشا

    خلى العين رفيقها طشاشا ياخ دة وصف مبالغة
    تسلمي يا صاحبة
                   |Articles |News |مقالات |بيانات

13-06-2018, 12:31 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)



    الله يسلم عمرك يا صديقي

    أنا لسه بعاني الطشاش
                   |Articles |News |مقالات |بيانات

13-06-2018, 12:29 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالله عثمان)



    البارح طريت؟
    وأنا من متين بنسى

    ،،،

    ليلاي في عُلاها..براي بغني غناها

    ،،

    أسعدني أن لامس ما أكتب..مكان ما في خاطرك أستاذي
                   |Articles |News |مقالات |بيانات

13-06-2018, 11:23 AM

محمد فضل الله المكى
<aمحمد فضل الله المكى
تاريخ التسجيل: 29-03-2008
مجموع المشاركات: 4789

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: زهير عثمان حمد)


    مطر الخير نزل رتَع الحلال وروينا
    برِق عبـادي يقدح، والإلاه طـارينـا
    مسـايِل الحَـدَب ،الباتت تَشَـخِّر فيـنا
    اب سِن يا أخوي وين المبيت افتيـنا
                   |Articles |News |مقالات |بيانات

13-06-2018, 11:32 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18214

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد فضل الله المكى)

    الله ... الله يا محمد فضل
    مبيتنا فوق حدب البلاد .. مكانا عالي
                   |Articles |News |مقالات |بيانات

13-06-2018, 11:52 AM

Hashim Kassala

تاريخ التسجيل: 26-02-2013
مجموع المشاركات: 74

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: عبدالحفيظ ابوسن)

    صاحبة البوست وضيوفها كل عام وانتم بخير
    شاعرية واضحة للاخت تماضر نرجو ان تجمع ما تبعثر منها وتأتي به هنا وكذلك البوست مشجع على نشر بعض المحاولات والتي انا شخصيا احاول عدم نشرها خوفا من رفضها عموما هذه بعض محاولاتي
    الكل شاهد منظر السحاب في جبل كسلا كل خريف ولهذا المنظر عندي مكانة خاصة . ارسل لي احد الاحباء تلك الصورة فقلت
    شوف عيني الجبل لبس السحاب زي عمة
    والبراق برق فصد خدود الضلمة
    والقاش العباب من كسلا زال الغمة
    يا ربي الكريم بعد الفراق نتلما

    و في انفصال الجنوب قلت:

    الليلة البلد لي دولتين اتفرتق
    رحل ملوال اخوي لملم عفيشو و فرتق
    والنيل الحزين من مويتو دمعو اتدفق
    انقدت رهيفة وتاني ما بتتلتق
                   |Articles |News |مقالات |بيانات

13-06-2018, 05:58 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 244

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: Hashim Kassala)


    الأخ هاشم كسلا تحياتي وسلامي
    وعبرك الشوق لي كسلا..واهلها الطيبين
    زرتها مرة ..وسعت روحي بين دهشتين...
    الجبل وذلك المقام..
    وكنت كلما نظرت نحوهما أحس أن الجبل ينتمي إلى تلك القبة العجيبة
    ،
    عملت العلي وشربت من موية توتيل..على أمل العودة
    ،

    يا سيدي الحسن جيتك بدور الفزعة
    من قيداً تقيل دار لي هَناي الرزعة
    مشبول فوقي من قُبال سنيناً تِزعة
    يقطع في عضاي ما خلا فيهن مزعة
                   |Articles |News |مقالات |بيانات

13-06-2018, 11:32 AM

محمد فضل الله المكى
<aمحمد فضل الله المكى
تاريخ التسجيل: 29-03-2008
مجموع المشاركات: 4789

للتواصل معنا

FaceBook
تويتر Twitter
YouTube


Re: ﻭﺇﻧﻤﺎ ﺍﻟﺸﻌﺮ ﻟﺐُّ ﺍﻟﻤﺮﺀ ﻳﻌﺮﺿﻪ (Re: محمد فضل الله المكى)


    الخبـر الأكيـد قالوا الشِـقوق مطرانه
    فارقنا السموم وصِبح المَحَل بي قفانا
    يا رب يـا كريـم بي رحمتـك تلفانـا
    أَلبِـل سَـفَّلت أدوا الخبـر لـي فلانـه
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de