Quote: يالله ورينا نحن بنشبه العرب في شنو في ممارساتنا اليومية؟ بعدين نجي للسلوكيات البشرية القابلة للنقد نقطة أخيرة يا أخ بريمة أنا ما بستند علي مرجعيات ولا أبحاث ولا تحليلات ولا كتاب ومفكرين و مثقفين الخ - بل علي حركة المجتمع البومية والواقع المعاش فعليا
تعرف يا محمد قاضي الجماعه المستلبين ديل عندهم فرمالة واحدة "اللغه العربيه" حتي اللغه دي السودانين كوجنوها وطلعوا عينها , بيطلعوا الغين من مخرج القاف وبيقيفوا علي متحرك (والعرب لا تقف إلا علي ساكن) .. من وجهة نظري أن اللسان السوداني المتحول الي العربي هو في الأصل لسان غير عربي صاحب لغة أفريقيه عشان كدا حتي بعد أن تحول للعربيه (لسانه ما طاوعه) في مخارج الحروف ..
قارن بين سكان هايتي الذين أجبروا علي تعلم الفرنسيه وأضافوا اليها اللكنة الأفريقيه .. عشان كدا ما قدروا يطلعوا الحروف زي ما بطلعوها أسيادها الفرنسيين أصحاب اللغه الأصليه وإرتباط اللسان الأفريقي لسكان هايتي .. نفس الشيء عندنا في السودان حتي المستلبين الذين يلبسون القفطان العربي ألسنتهم لم تساعدهم في إخراج الحروف العربيه من مخارجها كما يتحدثها أهل البادية في جزيرة العرب ..
التفسير لهذا الأمر واضح : أن الشعوب السودانية التي تحولت الي العربيه كان لديها لسان آخر غير عربي , وللأسف الشديد حدث هذا التحول ليخدم مشروع إستمعاري يستهدف فصل الشعوب السودانية عن جذورها الحضاريه عندما أتت الدوله الرومانية وقبلها الدوله اليونانيه الي منطقة حوض النيل (مصر) وجدت أن بهذه المنطقة حضارة تليدة لها جذور في عمق التاريـخ , وهذا يتعارض مع الرؤية الغربيه لأصل الحضارة وأصل تراث الحضارة العالمية , ينطلقون من رؤية مركزيه (أن الحضارة اليونانية والرومانية هي أصل الحضارة العالمية) وسارات بريطانيا علي نفس هذا الطريق وكذلك التركيه وأيضا وجد المشروع القومي\ العربي نفسه في خانة |إستهداف الحضارة السودانية وقطع أوصالها وربط شعوب السودان بالقومية العربيه ... دي كل القصه وكهذا ورثنا خرافات ورويات متهافتة تربط هويتنا السودانية بالعروبة فقط لأن بعض من أهل السودان يتحدثون العربيه ..
أبدأ بالشكل الظاهري للسودانين رجال ونساء : الملامح الكبيرة , شكل الأنف , لون البشرة شكل الشفاه / بطن الرجل من تحت / ضخامة جسد المرأة السودانية (بالضبط كما الأفريقيه) جيب مرأة سودانية جسمها مقسم (المرأة السودانية كتله جسم زيه زي المرأة الأفريقيه)..
عادات الزواج: قطع الرحط (المرأة السودانية كان يقطع رحطها وهي عارية) تغطيها فقط قطع من الجلود المشرشر .... بخ الحليب في الزواج عادة أفريقيه (تمارسها حتي اليوم قبائل الماساي) الجلد بالسوط (البطان) عادة أفريقيه بإمتياز الفولاني له بطان , وتجار الرقيق كانوا يستخدمون الجلد بالسوط في التركية أيضا كانوا يجلدون من لا يدفع الأتاوات .. الشلوخ ودق الشلوفه دي كلها عادات أفريقيه .. الإيقاعات والموسيقي السودانية أفريقيه .... يا زوول مافي حاجة تلمنا مع العرب ديل كله كله لا شكل لا طريقه كلام لا عادات لا تقاليد (عدم فهم الكلام دا كاد أن يصيبني بجلطة)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالعظيم عثمان
فيس بوك
تويتر
انستقرام
يوتيوب
بنتيريست