د. النور حمد لمحمد لطيف: نحن لا نختلف عن ارتريا وتشاد واثيوبيا في موقفنا من "العروبة"

Quote: يوجد في السودان اكثر من مائة لغة ، هل تظن ان االسودانيين أغبياء لدرجة ان يطالب اي منهم بأن يقرأ ويكتب ويتعلم ويتعامل بلغته الغير مكتوبة اصلا وبالتالي غير مواكبة ؟ توجد دول كثيرة بها تعدد لغوي واسع ، لكن هل هناك دولة تعتمد اكثر من مائة لغة رسمية ؟ وهب ان الدولة ارادت ان تتبنى عدة لغات رسمية بجانب العربية ، اي اللغات تختار ؟ وعلى اي اساس ؟ وماذا عن اللغات الاخرى التي لم يتم اختيارها ، الا يمكن ان يعتبر هذا تغول ثقافي ؟ +++ نعم مسئولية الدولة حفظ اللغات المحلية وتدوينها وتطويرها وحمايتها من الانقراض لكن هذا لن يضمن سودانا خاليا من الحروب وهنالك امثلة لدول كثيرة متجانسة لغويا تتناوشها الحروب من كل جانب !

Quote: هههه ... بالعكس يا حاتم الزول دا كان يكتبها بقلم كوبيا و في رقاع من الجلد عشان يديها "هيسطوريكال ططش".

يازول دا كلامك! أنا ذاتي نفس الرأي
لكن الددو الظاهر عليهو عندو مشغوليات
شوف تلفوناتو مرصوصات كيفن تحت، وعندو موقع في شبكة المعلومات الدولية وفرع في المملكة
فالراجل (dot-commer) وما شغال لله ساكت



أنا وجعني شغلوا القطر قام دا
الراجل حاول يديها أبعاد بشغل الأختام السوداء الما معصورة كويس والخط الديواني والعلامة المائية في الخرقة الكتب عليها
ما شايف خطو المكلوج المليان تشكيل وكعاكيل دا

أنا لو محلو بصلحها شوية وبعمل ليها بروتوكولات كالآتي:

يعني مثلاً الحبر يتعمل من (سناج) الصندل المخلوط بالصمغ العربي الحر
وتضاف ليهو (بضع) قطرات من ماء زمزم يقمن عليه صلبه
فلا يصير ثخيناً كالمديدة ولا ينتهي أمره رقيقاً أم جريري
ويمبغي أن يتم الخلط حسب الغرض، يعني الحبر يكون fresh والخلط قبل الكتابة مباشرة
ويتم استخدام قصبة من الخيزران الحجازي مضمخة بالطيب الهندي

يوم الكتابة ذاتو ما هين، إجازة رصمية اتخمخم ليها بالقفاطين وكحل العين
واتفوفج ليها في نص الحيران والعدة يجيبوها لي في حصان وينزلوها وسط زغاريد الحسان
علبة فيها القصبة وكعكول صمغ وقطارة فيها موية زمزم وصحين للخلط
وخرقة من جلد الماعز اليمني المدبوغ غير مشذبة الأطراف والنواصي
وعدد واحد طقطوقة.

غايتو الددو الله أدا، زمان إلا تمسك جمل وتطير بيهو عشان يصدقوك، تقول أسانسير.

___
attn. صباح
السناج: السكن
أم جريري: كناية عن رقة الحال وتنطق um chireery
الاستقراب: طلب القرب والتلطف في سبيله
طقطوقة: طربيزة قزمة

ميزي بين حاتم بنانا وإدوارد.