هنا شريط زواج كريمة زعيم المحاميد، الشيخ موسي هلال .. تابع من الدقيقة 3.50 وقدام .. البنت دي سودانية زنجية؟ أليس كذلك؟ .. أنا ح أعذبك معاي يا عبد العظيم .. حتى تقتنع بتنوع الشعب السوداني
يا بريمة تعرف الزول يكسب فيك أجر لغاية تتصالح مع نفسك عرس بت موسي هلال فرقه شنو من عرس بت الهوسا التحت دي وريني الفرق شنو بين الإثنين في الشكل ...
وبعدين ياخي فرحان عشان بت موسي هلال زفوها بي الليلة ساير يا ود القبائل وود العزة والمهلة عروسته ضوت السهلة (الكلام دا ما بعني أنها عربيه) ولا الناس بتزفوا بأغاني السيرة في السودان عرب
Quote: ما يحدث لدينا في السودان هو بحث عن الذات .. صحوة ضمير للشعوب السودانية .. لأثبات ذاتها في محيطها السوداني والأفريقي .. ودا شيئ طبيعي .. يحدث في كل شمال أفريقيا وجنوب الصحراء .. الفيديو التالي .. رغم أنه يتحدث عن الأمازيغ .. إلا أنه يعبر عن حالة الشعوب السودانية . . التي تتطلع إلي أعتراف بخصوصياتها الثقافية .. وهذا هو الأتجاه الذي يجعلنا ندعو إلي تعددية ثقافية .. والمحافظة علي التنوع عكس الذين يريدون الأحادية الثقافية مثل عبد العظيم ورهطه من كمال ودنقس ..
تعرف يا بريمة انا بديت أتحسس مكامن العلة (الجواك) بعد ما جبت الفيديو دا المؤرخين المصرين لا يعتد لهم برأي فيما يخص أفريقيا والصراء الأفريقية عندهم مشروع قومي عربي شغالين يعربوا في كل القبائل الصحراوية والكلام دا قديم جدا , بالتعاون مع بعض المؤرخين اليونانيين والرومان والإنجليز عشان كدا إذا وعيك بالتاريخ مبني علي كتابات المؤرخيـن المصرين موضوعك ساهل وممكن يتلحق يا بريمة بس أفتح مخك وحاول تقرأ التاريخ بعيون وأقلام غير مصرية
Quote: ونحن عرب السودان .. سوف يكون لنا دور ريادي مثل أجدادنا في ترتيب أوضاع السودانين والسودان .. حاضراً ومستقبلاً .. أن أيّ من المجموعات السودانية غير العربية لن تستطع أن تقم بهذا الدور .. لأن الصراع بالنسبة لها يأخذ مسألة التحوصل حول الذات .. مما يفقدها مسألة بعد النظر وبالتالي يفقدها القدرة علي إيجاد أرضية مشتركة .. عشمنا كان في المستنيرين من نوبا الشمال .. لكن كما ترون أمثال كمال عباس .. ودكتور محمد جلال هاشم .. سقطوا في مستنقع الأثنية ..
أشكرك يا بريمة كتابة الكللام الفوق دا لانه من الصعب أن يخرج من المستلبين بتاعين الفهلوة ياهو إنته طرشته قدامنا هنا صدقني الناس هنا ممكن تساعدك عشان تفهم موضوع الهوية بدون تشنج لانك صريـح وبتكتب الفي عقلك والفي قلبك ( ودي حاجة كويسة) المطلوب فقط أن تفتح مخك وتستعد لمناقشة فرضيات أخري بشأن تقسيم القبائل والإنتماءات القديمة ومراجعة الأسس التي تم بها هذا التقسيم , وكيف أن المستعمر منذ قديم الزمان حاول أو يفصل أي رابط حضاري للمجموعات السكانية في المنطقة "المعروفة بالسودان" وأن يربطها بأقرب مركز إقليمي وكانت العروبة كمشروع في ذلك الزمان بعد الإسلام الحضارة السودانية يا بريمة قبل نزول الديانات من السماء ..
إن شاء تقدر تفهم دي بالنا طويل وحنمشي معاك شوي شوي لا تخشي من شيء أكتب أي هلاويس عندك أو تصورات أو خرافات طبيعي أن يكون مخك محشيء بكثير من هذه الخزعبلات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالعظيم عثمان
فيس بوك
تويتر
انستقرام
يوتيوب
بنتيريست