Quote: انا حتى الان عايز اعرف الزول ده اسم ولا نك نيم .. هل حاتم ولا علي ماهر الزول ده عندو سوابق في استخدام اسماء متعددة ملفقة وانا من حقي بعد ما اتأكدت اني أسأل عشان اعرف الحقيقة
يعني داير تعرف الدقاك منو؟ ظريفون
أها وبعد داك! تشتكي وتقول (دقاني باسم مستعار)؟
06-26-2017, 08:54 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
غايتو انا شايف شغلانية مطاردة حاتم وزرزرته .. عشان بس انه اسمه حاتم ابراهيم ولاّ علي ماهر ولاّ الجن الأزرق .. دي شغلانية صبيانية ليس الا .. شنو يعني استخدم ( نك نيم ) تاني .. وين المشكلة أو المصيبة في كده ؟ .. قدامكم المنبر ده ملان لي عينو ( نك نيمز ) .. بيفرق شنو يعني ؟ .. طيب بقية الناس العندهم ( نك نيمز ) حتجوا تطاردوهم متين !! .. خلاص بالله ورونا من بدري عشان نجهز نفسنا ,, ههههه .. حاتم ده هل سبب ضرر لي زول بيستدعي إنه يتم ملاحقته عشان إسمه .. ولا ده شغل عيال وشطر ميت الناس قاعدين يرضعوا فيهو .. فيا تجيبوا لي حاتم ابراهيم ده تهمة معتبرة وتستاهل الزرزرة دي .. يا ترفعوا فراش البكا ده .. إنا من قبيل قاعد أضحك على النهاية التراجيدي كوميدي.. الانتهى بيها البوست ده .. معقول البيحصل ده بالله ..
أنا يهمني حاجة واحدة يا حاتم، إنّو بكري أبوبكر يكون عندو المعلومات الحقيقية البكتب بيها حساب حاتم ابراهيم، لسبب بسيط وهو حفظ الحقوق في حالة ارتكاب تجاوز يعاقب عليه القانون،
06-26-2017, 09:14 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3486
بل لا يوجد منطق يخلي الناس تطارد شخص ومحاولة اجباره لكشف هويته تحسباً لاي مخالفات قانونية في المستقبل
ودا شي مسؤول منو بكري ابوبكر واكيد بطرفه كل الاوراق
موضوع استخدام الاسم في رسالة خالد العبيد زي ما قلت حسب فهمي الرسالة موجهة لي خالد بغرض الاسهام في موضوع معين وهذا الاسهام عبارة عن روابط تخص الموقع ودي زاتا نوع من الدعاية للموقع وعادي يستخدم اسمه الشغال بيهو في موقعو داك
وهو ما نكر ... طيب وين المشكلة
06-26-2017, 09:01 PM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
حاتم ابراهيم ,علي ماهر أو كوهين او اي اسم آخر يعتبر من المميزين في المنبر و مسألة الاسماء اصلو ما حقو تبقي مشكلة ما لم يحصل تعدي او اذي لاحد الاعضاء و المهم هي الافكار التي يحملها صاحبها اياً كان اسمه او صفته تحياتي الاخ معاوية وان شاء الله الامور في تحسن
06-26-2017, 09:08 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
الموضوع شكله بقي ما جايب همه يتوعدون حاتم بالويل والثبور ويفترضون تجاوزا للقانون في المستقبل بإعتبار ما سيكون ويطلبون من بكري تحضير الأوراق الرسميه لحاتم عشان يربطوه في رأس توماهوك ويفكوا في الهواء
يا بكري هل تتوقع أن يتجاوز حاتم القانون ما يستدعي طلبا قانونيا من إدارة الموقع علي توفير البيانات الرسميه؟
دا ورم شنو دا
06-26-2017, 09:45 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
يأخ قول فرضاً حاتم ابراهيم ده انتهك القانون عديل كده .. البيملك حق معرفة إسمه وبياناته الحقيقية منو ؟ .. أي ما هي الجهة التي ستخاطب صاحب المنبر بكري أبوبكر .. عشان تأخذ بياناته وعنوانه ؟ .. هل في أي عضو في المنبرمن حقه كلام زي ده .. مالم يكن هو العضو الشاكي وهو الموجه الاتهام لحاتم .. والكلام ده ما بيحصل إلا بعد تقديم شكواه رسمية .. ووصول الأمر لمرحلة التقاضي أمام محكمة .. خلاف ذلك شغلكم البتسو فيهو ده هرج فاضي ساي ..
انا بقترح تشوفوا ليكم حاجة تانية .. تزروا بيها حاتم ده إن كان لابد هو مزرور .. برشح ليكم تسكوهو في مسألة الـ هيكساديسيمال .. القالها محمد عبد الله مختار دي .. فيمكن يكون حجته فيها ضعيفة .. لانه أنا شايفه رافض يرد .. أها ما يقوم يقلب الطاولة عليكم .. ويبقى ليكم زي الثعلب المكار الما مضمون داك .. ..
يأخ حاتم ابراهيم ده أو أيا كان إسمه .. الزول ده خلى المنبر ينبض بالحياة .. أي والله .. فكيفن تم إيقافه مره ومرتين قبل كده ما عارف .. بي ياتو منطق وياتوا فهم ..
غايتو يا بكري أبوبكر أحسن حاجة سويتها إنك ماسك كل الخيوط لوحدك .. صدقني لو بس جبت ليك مشرفين تلاتة .. كان زماااااان الزول ده خبروا اتجاب .. واتفرتق الآكشن المدور ده .. ههههه .. فمرحى هلا بدكتاتورية بكري أبوبكرالخلاّقة ....
06-26-2017, 09:54 PM
عمر نملة عمر نملة
تاريخ التسجيل: 11-08-2009
مجموع المشاركات: 2550
سلام ود عباس غريب انت ومعاوية بتهكم المعلومات الشخصيةّّّكل نقاش يطرح ما ليه دخل باي خلفية لنقاش قبله كمان عايزين الموهل. ليش...كلمة الحق صعبة..نفرض انه فلان بيكتب بمليون اسم..وحرامي..وكل عيوب الدنيا فيه..لكن بيكتب ويضبف لي معلومة جديدة..ايش المشكلة.. معاوية اداني الامان في البوست دا فقط ... كتير في أسماء معروفة في المتبر دا بتتعدي حدود الادب بس اختلاف وجهات النظر خاصة مع الأسماء الغير معروفة..باقي الفطالة بيتكفوا بالصمت ومرات نصرة المفتري وعلى أسوأ الاحوال لعب دور الاجاويد...مافي حجر على شخص بسبب مؤهلة او .....الناس العندها علاقات اجتماعية لو رافضة فكرة الأسماء الوهمية..عندها الواتس...ياسيدي بسبب موقفي ضد من ساند قتل شهداء سبتمر اتعرضت لمهزلة في مطار الخرطوم.. لذا اساند إخفاء الهوية لاسباب امنيه..ومن ناحية تانيه مش قادر اتناقش معاك انت لانه اي كلمة بتحسب علي..كنت اتمني لو كنت باسم وهمي..عفوا علاقتكم الاجتماعية اضرت بالنقاش ومجاملاتكم بتحسسني انكم في بيت طهور...كنت اتمني انت يقفل كل بوست ويفتح بوست بدون اثر رجعي ومحاسبة الاخر..لكن مثلا الان بعرف طفولة معاوية وابوسن واخوة معاذ..دا كلام دا..ابوسن بيعمل مجهود جميل لمكافحة الكولير...فجاءه الونسة تدور عن ذكريات الطفولة..وقباني بيحكي من زمن الشارستون...لو فتح بوست واحد عن تجربته الهندسية ومجال العقارات...مش الفائدة تعم..والموصلي بفنه وموسيقته....يدخل في بوست فاتحه الامين البشاري لتصفية حسابات معاك من موقع اخر ويتداخل الموصلي ويقول المرحوم وما المرحوم..ايش دخل المرحوم وتربته لينة...وليه الموصلي يدخل نفسه في حته ممكن الناس ترد علي..مشاحنات مع ناس ما شفتهم ولا حا تشوفهم..وممكن تصل حتى بينك وبين اخوك...المشكلة المنبر عندي عالم وهمي..ولكل من يطالب بالاسم وباقي المعلومات عالم حقيقي..وفيها رفع دعاوي واشانة سمعه..يا سادة ارحمونا...
06-26-2017, 09:31 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أنا يهمني حاجة واحدة يا حاتم، إنّو بكري أبوبكر يكون عندو المعلومات الحقيقية البكتب بيها حساب حاتم ابراهيم، لسبب بسيط وهو حفظ الحقوق في حالة ارتكاب تجاوز يعاقب عليه القانون
يعني أنا (on probation) لحد ما تحصل جريمة؟ مشبوه قصدك؟
06-26-2017, 09:57 PM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4488
ان شاء الله يا حاتم ابراهيم (ما اشيل ايدي عليك مقولبات) كناية عن تمني طولة الحياة لمن تحب.... ............ ابو ماهر علي لكن لقيت فقري وبتنوم بدري شكرا علينا دفع الله ياخ صنعت لي يوما جميلا الله يخليك الله يخليك سي سي لحاتمنا و معاوية المدير ........ حاتم يا كايدهم!!!!
06-26-2017, 10:10 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
أنا يا عمر نملة، رجل حر، ليس لعلاقاتي الشخصية علاقة بما أكتب، وأستطيع أن أتحول في الحوار ١٨٠ درجة اذا كان منطق الحوار يقول ذلك اقرب مثال لذلك بوست الكاونتربوينت، استمتع لو وجدت في معاوية الزبير أو انت أو اي واحد ثغرة وضعف في منطقه، ممكن اتحدى روحي في افتراضات أصنعها لأصل لنتيجة منطقية.
موقفي الجديد في هذا البوست صنعته قوة حجة مختار في حواره مع حاتم، حاتم ارتضى الأخذ والرد معه أرى حتى الآن موقف مختار قوي لذا اسانده
06-26-2017, 10:37 PM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4488
نسيت ان أقول عبارة (ماشيل ايدي عليك مقولبات) عبارة اسمعها من أمي كثيرا ............ حاتم بطقطقهم كلهم المية والستين والجمال ماشة، ............ الجمال ماشة سمعتها من أبوي .......... اخوي الأكبر خالص كان عندو(كالوت) هو العصاية لأولاد المدن كالوتو دا قصير وغليد وسمين ومضبب كان مسميهو (الكليب ظرط) كناية لمن يقابلهو ويعتدي عليه من الاعراب والهمباتا ........ ميزة هذا البورد ان هنالك مازال كثيرا من الزملاء مخهم كبير وافقهم واسع شكرا نملة وعبعظيم والقوز ومعاوية المديروعلي دفع الله واخرين كثر ....،.
06-26-2017, 10:41 PM
عمر نملة عمر نملة
تاريخ التسجيل: 11-08-2009
مجموع المشاركات: 2550
أنا يا عمر نملة، رجل حر، ليس لعلاقاتي الشخصية علاقة بما أكتب،
ليها...وانطباعي وبتبني على انطباعاتك مواقف..على سبيل المثال اول مداخلة لك في المنبر كانت في بوست د. نجاة الكانت بتحاول بشتى الطرق تلف حبل المشنقة في عنق راجل بتمت براءة من المحكمة العليا وكنت بتعتبر اها انسانة كويسة وكم مرة ساهمت معها في اعمال الخير..وهي بانية انطبعها على اساس الولد بنطلونوا ناصل ومصاحب بنت مش كويسة..شفت كيف..انت بانطباعك انها تمثل الخير والولد يمثل الشر...موقفي كان بعض النظر عن الشحوص موقف حق من اجل الحق...لاحظ ممكن اكتب مرة في السنة لانه في كلام مابتبلع ..والبوست دا ما بيشبه معاوية الخطو واضح والبوست دا اقل ما يقال عنه منتهك للخصوصية بدواعي الخوف من كسر ااخزف..محاولات اغتيال حاتم او اي وأحد بتخسركم كتير...شوف كمان د. تم فتح بوست اخر لتشتيت الكرة ورفع الضغط على معاوية ومحاولات من داخل البوست من اصحابه والموازره..ولا واحد خالف البوست...عاملين زي دمية الكلب الفي ظهرية العربية البهز راسها.....بكري ابوبكر لو عمل المنبر ديجتال كل واحد رقم بحقق ارباح خيالية يجرب اسبوعين ويخلي العضوية مفتوحه..
كلامك بخصوص موضوع نجاة غير صحيح نجاة لم تسع لإدانته قانونيا ولم تقم بتحريك القضية نجاة تتحدث عن الادانة الاجتماعية وانا لخصت موقفي بالآتي: الشك في القانون يفسر لصالح المتهم ويعطيه البراءة، أما الشك في هذا الأمر اجتماعيات يفسر ضدك والمجتمع لا يستطيع ان يفترض حسن النية تجاهك ويغامر بضحية محتملة ما لم تسطيع أن تنفي هذا الشك مية في المية دا كان موقفي هناك
هذه الطريقة في الحوار من غير سياقات تصعب على القرّاء المتابعة، أن تكون مخازن شيء قديم وتفترض أن الجميع يحمله بنفس اخساسك
06-26-2017, 11:34 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3486
أنا فعلا تعاونت مع نجاة مرّة في مسألة خيرية اجتماعية، لا أدري اتذكر السياق التي دخلت به هذه الحكاية لذلك الحوار، لكنها حتما ليست السبب في وقوفي معها في ذلك الحوار بيني ونجاة كانت خلافات في مواضع حوارية كثيرة بسودانيات، ولم يكن ذلك عائق في ان اتعامل معها خيريا
06-26-2017, 11:36 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
Quote: ومن ناحية تانيه مش قادر اتناقش معاك انت لانه اي كلمة بتحسب علي..كنت اتمني لو كنت باسم وهمي..عفوا علاقتكم الاجتماعية اضرت بالنقاش ومجاملاتكم بتحسسني انكم في بيت طهور... كنت اتمني انت يقفل كل بوست ويفتح بوست بدون اثر رجعي ومحاسبة الاخر..لكن مثلا الان بعرف طفولة معاوية وابوسن واخوة معاذ..دا كلام دا..ابوسن بيعمل مجهود جميل لمكافحة الكولير... فجاءه الونسة تدور عن ذكريات الطفولة..وقباني بيحكي من زمن الشارستون...لو فتح بوست واحد عن تجربته الهندسية ومجال العقارات...مش الفائدة تعم..والموصلي بفنه وموسيقته....
يا عمر نمة ...ازيك ياخي ..
انت مش أبو بكر عباس ده اخوك ود امك و ابوك ؟
ياخ ما تمشو تتناقشوا في بيتكم ... :)
و ابدا بيهو هو اول ... لانو بي صراحة برانا بري ... ههه
بعدين انا زول غُنا ساكت ... و كتبت كتييير في الغنا ...
اما من ناحية الفائدة فعندكم مهندسين فرافير هنا كتبو كتير ...
و انا الهندسة خليتا لي 25 سنة ... دايرني اتكلم في استثمار العقارات في كندا ؟
حتستفيد شنو مثلاً ؟ رغم ذلك كتبت ...
عموما انا جيت المنبر ده عشان اتونس ... مونساتي يعني
و بالعدم اكتب في الغنا ... و الشارلستون ...
اها كيف نحلها دي ؟
اما الشي الوحيد البتفق فوقه معاك ...
انو ود المدير و ابسن و اخوهو معاذ و جلالدونا فعلا بيت طهور ...
06-27-2017, 05:03 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
آمنتو بي الله ... شنو يا عمر ياخ حاشرني في وطيس هذه المعركة الدائرية ما صدقت اتخارجت منها ما اكضب عليك انا قادر علي تقبل الاسماء المستعارة فيما يخص الحوار . لأنو من الصعوبة تكون بتعرف كل الناس . لو قال ليك اسمو حسن ولا صفية يظل فقط اسم للتعريف لكن من خلال الونسة الحميمة بتتبني علاقات تثمر عن لقاءات حقيقية ومفيدة مفيدة علي مستوي التآزر الشخصي الروحي والعاطفي وحتي علي مستوي خدمة المجتمع امسك موضوع الكوليرا .. تلقيت مايقارب ال 70 مليون ليها وما يقارب 40 باكت موية صحة وادوية . كلها لاني زول معروف . وكلها ساهمت في القضاء علي الكوليرا ولازالت المعركة مستمرة ف شنو يا عمر اخوي يسعدني جدا ان اعرف الناس إن شاءوا وكان ما شاءوا دة خيارهم مش الشاعر قال وايه الدنيا غير لمة ناس في خير خلينا نتلم في الخير
Quote: مشكلة خصوم حاتم انه هو اسرع منهم، هو بيفكر خطوتين لقدام بالاضافة للسع . و ده بيفقد الخصم منطقه المتوازن . ممكن الناس تستفيد من تحليل اسلوبه عشان تتعادل معاه او تقتنع بحجته . يعني في كل الاحوال حاتم يقوم بتجسير الهوة بيننا و بين منابر الحوار في العالم المتقدم . اقول ذلك مع التاكيد على فضيلة احترام الاكبر سنا خاصة من الشخصيات العامة. كل سنة و انت طيب ي حاتم .
ههههه كلامك صاح أنا فعلاً بخطط قبل المداهمة الغريبة أنا سهلت على الناس مشقة التحليل دي وشرحت (أساليبي) كلها في بوست كامل، اسمو "تكاتيك" أظنو مسألة اللسع دي بلجأ ليها للضرورة، بضيفها للحوار بهارات ذرورة لكن مشكلة الناس ديل إنهم ضعيفي الحجج وبيتسرعوا ويتورطوا زيادة وكل سنة وانتي طيبة
06-27-2017, 07:48 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تحياتي حاتم لا انكر اعجابي بمنطقك ومثابرتك واجتهادك فيما تكتب لكن ليه لغة خصم ومداهمة وتكتيك ليه اللغة الحربية دي والمعادية ليه ما تكون المحاور بدل الخصم والاقناع والاقتناع بدل المداهمة والمنطق بدل التكتيك بعدينك انا زول ونسة وهم مشاكل منطقتي الصغيرة كوستي . هههه ما تختني في بالك الود الذي تعلم
06-27-2017, 08:25 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: لكن ليه لغة خصم ومداهمة وتكتيك ليه اللغة الحربية دي والمعادية ليه ما تكون المحاور بدل الخصم والاقناع والاقتناع بدل المداهمة والمنطق بدل التكتيك بعدينك انا زول ونسة وهم مشاكل منطقتي الصغيرة كوستي .
مقتضيات المرحلة لا والله، دي مجرد دعابات عابرة ساكت وتأكد أني لا استخدمها إلا لضرورة وفي الغالب أفضل الحوار المثمر هذه الضرورة ألخصها في بعض المسائل التي تتطلب الحسم على مستويات الوعي المجتمعي بالأمور.
أنا غايتو متفق مع المستنير وأقترح على بكري وضع خانة الزامية في التسجيل تكون (موقع منزلي على خرائط قوقل) لأنه في احتمال يحصل هجوم ارهابي على كنسية في الفاتيكان ويتم ربط عضو في البورد بيها احسن الناس تكون جاهزة عشان المداهمة تتم سريع
06-27-2017, 10:16 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
معاكم ... مني بت الحسن ود عمسيب ود نصر ود محمد ود الملك .. امي نفيسة بت نور الهدي ود البشير امها بتول بت نعمة بت امنة . مولودة في امدرمان حي القلعة وجوهرها .. جاري الشاعر السمح شاعر الخمريات توفيق صالح جبريل .. جارتي بدور القلعة وجوهرا .. بحب اللون الاسود لون الفخامة . هوايتي : صداقة الزهور .. وحب السودانين . عمري : قدر ما تحسبوا من فراق للوطن ! احب مكان وطني السودان .
الغالية منى بت عمسيب كل سنة وانتي طيبة وانتي كمان عاوزة تعريف!! ومعقولة جارك الشاعر المشهور توفيق صالح جبريل ..اما عن جارتك بدور القلعة وجوهرها...القالوا فيها اغنية محمد الامين...فعاوزين شوية تعريف عنها...منو هي؟؟ ومنو القال فيها الشعر الجميل ده؟ ودمت بالف خير وصحة وعافية
Quote: بالجد انا مستني الخبر اليقين الموجود في فولدر عند الاخ
اتوقعو يجي يقول ليك (ناس الجمعية السورية بهدلوا حاتم)، دي ياها الفرمالة التانية والأخيرة. وأنا في حياتي ما كنت عضو في جمعية (سورية) ههههه حكاية (فولدر) دي وهمة بتاعة دروناب ساكت.
قصتو معاي بقت زي قصة جادات المهووس مع غرة محمد البشرى.
06-27-2017, 07:53 PM
وضاحة وضاحة
تاريخ التسجيل: 01-16-2005
مجموع المشاركات: 9116
بالله الردحى دا كلو فى بتاع الساكسفون ان شاء الله اسموا يكون سيد الكارو يخصكم شنو والله عدم موضوع وعندكم زمن سيد الحوش دا عارف اى زول هنا منو انتوا لزوم التحشر ليكم شنو خلو كلو زول بطريقتوا يكتب بي الحاجة البترحيوا طالما ما اساءة لى احد ولا عمل جريمة هسي المنتدى فضي من شوى ما ياهو بسبب التحشر دا والتدخل في خصوصيات الناس جاتكم نيلة دى علشانك يا بتاع الساكس علشان طلعتهم ملوص على قولة شيقااااا هههههههههه
06-28-2017, 06:00 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
الأخت الفاضلة وضاحة (جاسمين محمد) كل سنة وحالك طيب بصفتي صاحب هذا البوست أشعر بأن من واجبي المعنوي أن أعتذر لك لما جاء في مداخلة الزميل بدر الدين الأمير في صدر الصفحة الثانية والحقيقة لم انتبه في البداية لمداخلته لأنها لم تأت في سياق ترتيب المداخلات
وددت هنا أن أقول لأخي بدر الدين إن (د. وضاحة) شخصية حقيقية وقد زارتني واتصلت عدة مرات تتابع حالتي الصحية عندما أجريت العملية الجراحية الأولى بمستشفى حمد بالدوحة وقدمت لي كثير من الخدمات التي ساعدتني أثناء وجودي هناك وأخيرا في السفر إلى برلين لتكملة العلاج وإجراء العملية الثانية إثر الحادث الثاني المعلوم، ولا تزال تتواصل معي للاطمئنان على سير العلاج وتعرض استعدادها لأي خدمات طبية احتاجها في المستقبل
أرجو شاكرا أن تقوم بدورك بالاعتذار عما كتبته من إساءة في حقها خاصة أن مداخلتك المقصودة موجهة باسمي و لك كل التقدير ((ود الزبير العيد مبارك عليك انت جادى في طلبك اعلاه دا زى طلبات دول الضد لقطر يعنى داير بكرى يقول ليك من هى المسخ وضاحة وهو اصلا بعرف هى كمين مسخ هى زاتها بتعرف من هى او هو))
06-28-2017, 08:40 AM
بهاء بكري بهاء بكري
تاريخ التسجيل: 08-26-2003
مجموع المشاركات: 3520
أنا يهمني حاجة واحدة يا حاتم، إنّو بكري أبوبكر يكون عندو المعلومات الحقيقية البكتب بيها حساب حاتم ابراهيم، لسبب بسيط وهو حفظ الحقوق في حالة ارتكاب تجاوز يعاقب عليه القانون،
ابوبكر عيدك مبارك واضح ان اخونا بكري ليس لدية اي معلومات كافية عن الاعضاء فقد وصلت قضية الاستاذة منال عوض خوجلي ضد المدعو احمد ناصر المحاكم وحتي الان بكري لايعرف من هو احمد ناصر
06-28-2017, 09:12 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
الاعزاء المتداخلين.. اتفق تمامامع حاتم ومع جمال القوز ...في انه اننا لا نحتاج ان نملا الاستمارءة المطروحة في اول مداخلة لنعرف نفسنا.. نحن هنا نطرح... اراء..هواياات..اهتمامات .اخبار...حكايات..زكريات...الخ...ثم ياتي من يستهويه الامر للمداخلة او المساهمة .. وذا احتاج الامر ان تيز ما طرح من راي يمكنك انت تبرز طوعا ما يدعم.طرحك من موهلات وخبرات في نفس البؤست ... الموضوع اختياري...مناراد ان يملا الورنيك ..فخير وبركة ومن لم يشا فلا تثريب عليه..والامرمفهوم لنا جميعا.. نحن لا نطر مكانة اجتماعية او من امدرمان او من اسرة فلان عشان نال الانتباه والمتابعة ..بل الفكره والطرح والموضوح والمدخل...هو المعيار لمعظمنا للمتابعة او المشاركة...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حاتم إبراهيم
جمال ود القوز
أبوبكر عباس
Nasser Amin
عبدالعظيم عثمان
عمر نملة
عبدالمنعم الطيب حسن
حمد عبد الغفار عمر
Maawya Hussein
نعمات عماد
يحي قباني
عبدالحفيظ ابوسن
مني عمسيب
وضاحة
معاوية الزبير
بهاء بكري
abas
Awad Omer
فيس بوك
تويتر
انستقرام
يوتيوب
بنتيريست