|
|
 Re: كاونتربوينت؟ (Re: حاتم إبراهيم)
|
يا حاتم والله الجماعة ديل وقعوا و ما سمّو !
كدا دخلوا عش الدبابير براهم
وبي لغة العساكر ... هم تحت التدوين 😂
مداخلتي الفاتت دي نظام تسخين للماسورة بس !
لو عاوزين مكالمة لايف و جماعية مع مستر استرين ممكن نعملا
المافي شنو !!
...
يلا يا جماعة ، خلاس فرتقنا الصيوانات ،،
و لمينا قزاز البارد. و صحانة العشاء
...
رش الفارات ديل يا حاتم 😂
تاني تجو المولد ؟!!
والله الجماعة ديل اديناهم اكبر من حجمهم !
ياخ أيزنهاور شنو ... جماعتك ديل مركب صيد او فلّكة ساي بتجهجههم !
...
كلو يقوم علي حبلو ... و ما اظنّكم تقوموا 😂😂
| |
 
|
|
|
|
|
|
|
|
Re: كاونتربوينت؟ (Re: امير بوب)
|
سلام اخونا محمد البشري
ياخ والله مداخلتك موضوعية
مبدئياً كدا بقول ليك انو الزول او الطالب القلم بالرد نيابة عن مستر استرين
دا طالب خايب
| Quote: طيب يا حاتم وامير ما رأيكم في اجابة - تلميد / مندوب / مشرف موقع روبرت و الأمثلة التي ذكرها |
دا المفروض يطلّعوه في طابور الصباح و يشدّوه ٤ من ناس كنبة ورا
و ياخد عشرة جلدات !!
...
كلامو ما سليم و عندي كلام تاني ينسف الرأي الفطير القال بيه دا
....
يعني لو كان الجماعة ديل ، اعني الموصلي و اتباعه قد تبنّوا وجهة النظر دي و قالوا
السوناتا فيها كاونتربوينت و إستندوا علي كلام الطالب المخستك دا او تبنّوها ... كنا ناقشناهم بكل سهولة
و فنّدنا الكلام دا ، لاكين يلفحوه ساي كدا و ينسبوه لمستر استرين و يتعاملوا معه كأنه قران منزل ،،، و يقيموا الاحتفالات
و الانتصارات الزائفة ... فدي كتيرة !!
عشان كدا قلت ليهم ح افرتق ليكم الحفلة دي ! 😂
....
الكلام دا يا ود البشري محل نقاش و ح اجيك للنقطتين ديل و اوريك
اساتذة الموسيقي بقولوا شنو ، مش خرمجات طالب ساي !!
...
سلام
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: فردوس لك التقدير في وضع الثعلب في المطامير
+++
برضو حاديك مقولة تانبه تفتح بيها بوستات
تستعرض فيها براعتك القوقلية وهي
من الصعوبة بمكان ان تجد عمل من عصر الباروك او الكلاسيكي او الرومانتيكي |
إزيك تاني  | غايتو يا البلبل عليك جنس قوة عين!
هسع الثعلب منو؟
هههههه
قبل يومين يزرزروا فيك الوقف حاتم منو وانت شغال (جيبو مصحف) نحلف ليكم
وأنا بريء براءة الذئب ههههه، إحساسك شنو وانت بتكذب؟
إذا في إحساس.
ياخي كنت تخليها حلوة شوية، أنا عشان كضبك دا اضطريت أعرض إيميلات خاصة ما المفروض تتعرض هنا.
معقولة، شغال بالليل حفر ودسائس وخسائس وتجي بالنهار تقول أدوني مصحف؟
+++
يا رااااجل
انت وقعت ستة مرات على وشك، تديني شنو عليك الله ياخ
أنا راجي منك مقولات في أسئلة معينة، سنفرغ ليها
فأخير أعمل محاولاتك من هسع
الكاونتربوينت دا قلل وزنك
ولسة جاييك المعط راجيك
بالحيل، الموضوع دا حينتهي قريب، فما تعشم
لكن يا ترى حتعمل شنو لما نفتح ملف (استدعوني)؟
عملنا اتصالاتنا ياخوي، والفيديو موجود في قناة بنانا
تخيل!
وحتعمل شنو إذا فتحنا ملف (توزيعي)؟
_____
بوست التكريم طار من راصك؟ |
Quote: سؤال البوست الرئيس - غض النظر عن الظروف التي اثير فيها - يطلب تأكيد وجود الكاونتربوينت في السوناتا المعنية و تحديد أماكنها! أليس كذلك؟
طيب يا حاتم وامير ما رأيكم في اجابة - تلميد / مندوب / مشرف موقع روبرت و الأمثلة التي ذكرها
هل هي كافية للإجابة على سؤال البوست؟ |
| مرحبا أخ المشرف، لا ليست كافية | سؤال البوست أو فلنقل موضوع البوست هو (زعم) من يوسف على سبيل الافتراض بأن السوناتا والبريليود تنضحان بالكاونتربوينت، والوصف معبر اعتقد، وعلى الأقل يعني من وجهة نظر الموسيقيين أن المقطوعتين مكتوبتان بتقنية الكاونتربوينت، هذا غير صحيح، وعندك الرد الرسمي المعلن مكتوب ويمكنك سماعه في الفيديو.
أنا شرحت التفاصيل في إجابتي على أستاذ الملك فوق.
من يقول (تنضحان) عليه الآتي:
- أن يبين ذلك، ويوسف فشل خمسة مرات والسادسة كانت للبرليود
- أن يعرف المقطوعتين قلباً وقالباً، ويوسف فشل في العثور عليهما
- أن يثبت أن أي من المقطوعتين تصلح مثالاً للكاونتربوينت، فشل أيضاً
- أن يحاول بنفسه معرفة أسباب مقولته، يوسف قرر أن يوقفني بدلاً عن ذلك
- أن يكمل بيان موضع الكاونتربوينت لإثبات معرفته، يوسف لم يحاول حتى ذلك
- أن يقنع الناس بأنه كان يعني ما يقول، من الواضح أنه كان يخمن من باب المعارضة
- أن يؤكد أن معرفته قديمة وبمقدوره الإجابة على أسئلة مشابهة، هذه عجز عنها لستة أشهر
- أن يبقى يؤكد على موقفه أكاديمياً، والتردد الآن سيد الموقف مما يثبت صدفة الرد والزعم الأول
الوضع الآن أن هنالك تلميذ تصدى للرد، وصادم كلامه التقرير الخاص بروبرت المعلن على الموقع رسمياً، قبل ساعتين وصلتني رسالة تأكيد بأن استفساري تم قبوله بما يعني أنه سيحال إلى الموسيقار، ستجده باسمي في الموقع وقد وضعته بالأمس.
https://www.virtualsheetmusic.com/experts/robert
ويوسف لديه الفرصة الآن أن يرينا موضع الكاونتربوينت في بريليود شوبان، لا أنت ينتظر التلميحات والردود ثم ينسبها لنفسه، كالعادة.
ما يحدث حالياً هو انتحال لشخصية الموسيقار من قبل يوسف، فليس من المعقول أن يفشل شخص ستة مرات في العثور على مقطوعة مشهورة ثم يأتي ليقول أنه (كان يعلم) في حين أنه لم يسمع بها حتى.
هذا أشبه بمن يزعم وجود الهارموني في الوتريات، وهو ما يعلم بالضرورة.
_____
لهذا اختفى كل تلك الفترة وعاد يصفني بالثعلب، تخيل. |
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: يعني لو كان الجماعة ديل ، اعني الموصلي و اتباعه قد تبنّوا وجهة النظر دي و قالوا
السوناتا فيها كاونتربوينت و إستندوا علي كلام الطالب المخستك دا او تبنّوها ... كنا ناقشناهم بكل سهولة |
| على الأقل كانوا يعملوا محاولة أصالة عن نفسهم ولو خطأ | لكن قاعدين بس راكعين قدام عجل السامري دا، صلوا عليه وسلموا تسليما.
وأب جاكومة ذاتو قاعد ليهم كنب ساكت
لا بطقع لا بجيب الحجار.
قااااااعد زي أنبوبة الغاز في المطبخ، تمرق تخليها وتجي تلقاها.
- ياكافي البلاء لا بيكتب للموسيقيين عشان يتعلم
- لا بيحاول يمشي يفتش براهو شان يعرف حاجة جديدة
- لا بيبتدر بوست عشان الناس هنا يستفيدو منو
- ولا بنسمع بيهو اتكاتل نقاشا مع جهبز موسيقى جاي ولا جاي
- ولا بنشوفوا في قناة محترمة في نقاش متخصص
- ويومه الشد حيله وقع بقدومه ست مرات هههه، عدم اللياقة الأكاديمية
والله عيب يا يوسف ومافي بني آدم مهني متخصص يقع في موقفك دا إلا وتألم، وما تعمل فيها بطل يا يوسف أصلو ما عندك مبرر تتبنى أو تتحايل المرة دي، اللهم إلا يحذفوا البوست، وكلو محفوظ عندنا، وابشرك، كلمة كاونتربوينت بقت مفهرسة في غوغول على البوست دا تحديداً، بتجيك وش، الما شاف يشوف، أستاذ على فنان على طالب، آآآي بتلقى هنا البيمسح على راسك ويمهد ليك بالكذب، لكن الحقيقة إنك فاشل أكاديمياً.
______
وناجح تآمرياً. |
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
اوكي يا أمير في انتظار عودتك
يا حاتم زي ما قلت ليك سؤالي حاول يكون محصور في حتة محددة, انا كنت فاهم موضوع البوست على انه سؤال يحتاج اجابة سواء جات من الموصلي او من غيره فهي كافية
عموما ما مشكلة
ومعليش ح ارجعك تاني و اعتبره سؤال جانبي او برة موضوع البوست, الحتتين التمت الاشارة ليهم في السوناتا على اساس انه فيهم كاونتر بوينت هل الكلام دا سليم ام لا
وما اكذب عليك حاولت اجاوب بنفسي مع السماع وكدا لكن النصيحة لله ما فرزت شي, مزيكا سمحة و وخلاص هههههه
ودا يخلينا اوج نفس السؤال للإخوة الموافقين على الاجابة المذكورة ومتفقين على وجود الكاونتر بوينت في الحتات المعينة يا ريت يفصلوا لينا - نحن العامة - ويبسطوا في الشرح يعني نظام في الثانية كذا وكدا :)
| |
|
|
|
|
|
|
|
|
Re: كاونتربوينت؟ (Re: MOHAMMED ELSHEIKH)
|
محاوله التقليل من قيمه رد مستر روبرت ، محاوله مضحكه فعلا.
تقريبا نفس العملتوهو مع الموصلي ،بتمارسوهوا الان مع مستر روبرت.
كما شككتو في الاستاذ الموصلي علنا ، الان بتشككو في روبرت كمان !!! وبنفس الطريقه.
يبقي أي زول بقول السوناتا فيها كاونتربوينت ، انتو طوالي عندكم فيهو راي !
شنو بالعافية هو ؟ رجاله كده انو السوناتا دي ما فيها كاونتر بوينت؟؟
دي معرفه دي ؟؟؟ دي موسيقي دي ؟؟؟ دا علم دا ولا دي طريقه تعلم دي؟؟
البتعملو فيهو دا فات حد الغلاط ، وبقي حاجه كده ما معروفه ليها أي تصنيف.
عدم قناعتكم بكلام الموصلي قادنا لسؤال مباشر لمستر روبرت والذي تطابقت اجابته مع الموصلي تماما.
كلام روبرت وااضح ، ليس فيه لف ولا دوران ، وعباراته من اوضح ما يكون ، وهو ليس كلام في ايميل خاص انما كلام منشور للعالم كله وللناس اجمعين ، يعني تفتكروا انو ممكن هو و(التيم) تبعه يجازفوا بمعلومة زي دي علي الهواء مباشره , انتو متخيلنهم هبل للدرجة دي ؟؟؟ يا ناس الله يهديكم بس.
تشكيكم في الموصلي قادكم للتشكيك في روبرت (والتيم) العامل معه ، مع محاوله سمجه للايحاء للناس بان (التيم) العامل مع روبرت دا ديل ناس ساي وقاعدين في السهله !! وما عارفين التكتح وانهم عمال ساي ولا موظفين ولا عارفين أي شي في الموسيقي دا ، زي القلتوهو علي الموصلي بالظبط !!!
ياخي حتي فصلتوا بين روبرت والتيم العامل معه !!! حاتم سوناتا كدي زودته الجرعه شويه .
انتو قايلين روبرت دا مشارك في الموقع دا عشانكم انتو ؟؟؟ لا لا ياخي دا موضوعو اكبر منكم بي مراحل وردود دي هو عارف تاثيرها علي العالم اجمع ، كل حرف كل كلمه كل قحه بكحها هو عارف ممكن تعني شنو للموسيقي العالميه.
تباروا الموصلي دا كده وكلامه والله الا يخليكم تشٌكوا في روحكم زاتا !!
هل تعترفون بالهزيمة ولو لمره واحده ؟؟؟؟
هل تعترفون ولو مره واحده بان زعمكم بأنه ليس هناك كاونتربوينت في السوناتا ليس صحيح ؟؟
طيب نقلب الايه شويه ، لو هسة روبرت دا او التيم بتاعو قالوا انو السوناتا دي ما فيها ولا اي كاونتربوينت ، اكنتو حتاخدوا بي كلامو ؟؟؟ ولا برضو حتعملوا جنس البتعملوا فيهو دا ؟؟؟
خليكم منطقيين شويه ، وخليكم واقعيين شويه , وبطلوا تفرجوا فيكم خلق الله.
كده وصلتوا مرحله ما بعد العيب بسرعة شديدة.
يعني هسي دي استراتيجيتكم ، التشككيك في كلم روبرت !!!!
لعلمكم امتلك ردود مكتوبة من عده موسيقين اكدوا نفس الكلام وبتحديد زمن الكاونتربوينت بالثانيه ، وهناك من قال ان الكاونتربوينت في هذه السوناتا لا تستطيع أي اذن سماعه ، فقط الاذن المدربه.
هرجلتكم دي امتع حاجه في الحفله دي , لانها صراحة بتكشف مستوي تفكيركم وكيفيه تعاملكم مع الاشياء , وإصراركم يا نحن الصاح يا بنشيل الكورة!!!
منطق غريب ، وسلوك مستغرب جدا.
يا حاتم سوناتا ، مش انت القلت يا شباب كده عيب ، كده رسلنا لروبرت اربعه مرات في الشهر وبكده بنقلل من فرصه التداخل معاهو !!! مش انت قلت كده , وطيب تاني مرسل ليهو ايميل مالك ؟؟؟
+++
حاتم (سوناتا) ، الاسم الجديد خائل برضو ،مش انت متخصص في السيارات ؟؟ ودا مع الاحتفاظ بالاسماء الاخري.
| |
|
|
|
|
|
|
|
|
|
 Re: كاونتربوينت؟ (Re: وهبه الشبلي احمد)
|
الشبلي عافي منك والله
ادخلت القوقلابي في ......... وزه
انا ما محيرني حاتم لانو يجيد الحربنة
المحيرني
بعض الجماعة البسألوه عن صحة كلام الموصلي تخيل
ياحاتم انت كشخصية فيك
كاونتربوينت نفسي تقيل
من النوع بتاع سيمفونيات هايدن
حقو تكلم دكتور نفساني
يستعدلو لي هارموني
| |
|
|
|
|
|
|
|
|
|
Re: كاونتربوينت؟ (Re: وهبه الشبلي احمد)
|
Quote: يا حاتم زي ما قلت ليك سؤالي حاول يكون محصور في حتة محددة, انا كنت فاهم موضوع البوست على انه سؤال يحتاج اجابة سواء جات من الموصلي او من غيره فهي كافية
عموما ما مشكلة
ومعليش ح ارجعك تاني و اعتبره سؤال جانبي او برة موضوع البوست, الحتتين التمت الاشارة ليهم في السوناتا على اساس انه فيهم كاونتر بوينت هل الكلام دا سليم ام لا
وما اكذب عليك حاولت اجاوب بنفسي مع السماع وكدا لكن النصيحة لله ما فرزت شي, مزيكا سمحة و وخلاص هههههه
ودا يخلينا اوج نفس السؤال للإخوة الموافقين على الاجابة المذكورة ومتفقين على وجود الكاونتر بوينت في الحتات المعينة يا ريت يفصلوا لينا - نحن العامة - ويبسطوا في الشرح يعني نظام في الثانية كذا وكدا :) |
الاخ ود البشري ، رغم انو سؤالك هنا يبدو بسيط وسأهل الا انة اصل المشكله ، تخيل!!
ومعليش خليني ارد عليك انا .
وانا هنا اتفق مع تحليل فردوس القائل بان حاتم مراوغ ماهر وليس بمحاور ماهر.
كل الموضوع ان ما يقوله الموصلي غير صحيح باي حال من الاحوال ، ولو زعم الموصلي ان الخرطوم عاصمه السودان مثلا ، فحاتم سوناتا سوف يذهب الي التاريخ القريب والبعيد ويجيب مخطوطات عن اصل الخرطوم وكيف كان الناس فيها قبل الاف السنين ، وخرائط كده ملونه ، وقصه طويله كده لمن تحيرك ، مع انو كل الموضوع انو الموصلي قال ان الخرطوم عاصمه السودان وبس !!!
فلو احتكمنا لود البشري مثلا حول الخرطوم وجاء رده مطابقا للموصلي ، فهنا ود البشري نفسه بيكون في مرمي النيران ، وسوف يتم التشككيك علنا في ود البشري ، كما يحدث الان مع مستر روبرت.
المطلوب اثباته ان كلام الموصلي خطا وخلاص باي طريقة ولا باي وسيله .
كدي بس ارجع لمداخلاتهم الاولي عقب نقل بكور رد مستر روبرت وان السوناتا دي مليااانه كاونتربوينت !!! والله تضحك لمن تقع ، مره تشكيك في بكور ، ومره وصف مستر روبرت نفسه بانه فكت منه واحتمال عندو شيذوفرنيا ، لا وكمان طلع ليك حاتم سوناتا بان بكور احتمال يكون جايب الرد دا من تعليقات اليوتيوب.!!!
لكن لمن رسلنا ليهم اللنك ، وان الرد موجود الا لمن ابي ، اسقط في يدهم ولجاءو الي الخطه ب وهي اظهار ان روب دا زاتو قاعد ساي، وتيمه دا زي الموصلي وما عارف يعني شنو زاتو كاونتربوينت.
وطبعا من هنا يا ود الخضر بتوضح المساله جدا فالقصد ليس العلم ولا المعرفه ، القصد فعلا (حرق) شخصيه الموصلي ولو ادي ذلك الي استخدام كل الوسائل , لكنهم الان يحرقون ما تبقي من (شخصياتهم) .
++++
سؤالك التاني حول انك لم تستطيع تميز الكاونتربوينت في السوناتا ، واحد من ردود الموسيقين علي انا (رد مكتوب) في الايميل لما سالتو نفس سؤالك دا انو انا لم استطيع تميز الكاونتر بوينت في السوناتا قال لي بالحرف الواحد الكاونتربوينت هنا لا يمكن الوصول اليه بالإذن المجرده الا اذا كانت الاذن مدربه ، يعني ما أي زول ممكن يطلعوا.
واظن نقطتك دي هي العملت الخلل الكبير والخلط الشديد عند حاتم سوناتا والاخرون ، فهم لما يسمعوا السوناتا ما بلقوا فيها كاونتربوينت بحسب فهمهم هم للكاونتربوينت ، لكن الموصلي قال فيها كاونتربوينت.
سؤالك دا حل جوهر الخلاف ، فالمستمع العادي والمطلع علي الكاونتربوينت يري انه ليست بها حتي ريحه كاونتربوبنت ساي ، بينما المتخصصين شايفنها ملااااانه لي حدها كاونتربوينت.
+++
قلت لي يا حاتم سوناتا ، مستر روبرت لا يعتمد علي كلامه !! يا سوناتا اتقي الله ياخي.
| |
|
|
|
|
|
|
|
|
|
|
Re: كاونتربوينت؟ (Re: وهبه الشبلي احمد)
|
يا شبلي سلامات
اذا كان لا يسمع بالاذن (المجردة) زي ما قالك الموسيقي المتخصص دا
فمعنى الكلام دا انو البقول في كاونتربوينت في المقطوعة غلطان
والبقول مافي برضو غلطان لانها تعتبر مجرد تخمينات
الا اذا اتفرز وجود الكاونتربوينت من عدمه في النوتة
بعدين ما الفائدة من وجوده وهو مخفي
ثم الاذن الغير مجردة دي نلقاها وين
عموماً فريقكم انت والمستنير وموصلي جبتو رد من موقع مستر روبرت يؤيد كلامكم
وامير وحاتم اكدو وجود رد من قبل يناقض هذا الحديث من نفس الموقع
دا معناهو الموضوع لسة معلق وما اتحسم
على الفريقين اثبات صحة ادعاءاتهم وعدم التسرع بالاحتفال
تحياتي
| |
|
|
|
|
|
|
|
|
|
Re: كاونتربوينت؟ (Re: Haytham Ghaly)
|
الأخ هيثم غالي ، تحياتي
Quote: اذا كان لا يسمع بالاذن (المجردة) زي ما قالك الموسيقي المتخصص دا
فمعنى الكلام دا انو البقول في كاونتربوينت في المقطوعة غلطان
والبقول مافي برضو غلطان لانها تعتبر مجرد تخمينات |
عشان كده من الاول قلنا نحتكم للموسيقين ، ولتعريف مصطلح الكاونتربوينت نفسه !!
واضح جدا انو الشغله فيها تخصص ، وليست فقط جماليات في لحن ، او صولو في معزوفه حتي نستطيع (نحن) المستمعين العادين استخراجهو بسهوله ومعرفه مكانه وتحديد زمنه .
واظن دا سبب الخلط الكبير هنا ، فمن ناحيه فالكاونتر بوينت لا يكون واضح تمام الوضوح في كثير من الاعمال ، كما ان الكاونتر ميلودي نفسه ممكن شكل من اشكال الكاونتربوبينت ، اذا تحديد ان هذه السوناتا او تلك بها كاونتر بوينت او لا بالنهايه متروك للمتخصصين وليس فقط المستمعين.
حتي مستر روبرت (الله يديهو العافيه) حدد مكان الكاونتربوينت بطريقه العزف لدرجه ما عندما زكر أي في كاونتربوينت تجده بعد المفتاح ...الخ
| |
Quote: وامير وحاتم اكدو وجود رد من قبل يناقض هذا الحديث من نفس الموقع
دا معناهو الموضوع لسة معلق وما اتحسم |
يازووووووووووووووووووول ، !!!!!!!!!!!
قلت لي معلق ؟؟؟ الموضوعدا خلاص انتهي من امس انت قاعد وين ، وما يفعله حاتم سوناتا ما هو الا فرفره مزبوح
ومحاوله لمواصله التسطيح بالناس ...
كدي هاك اقراء انت
https://www.virtualsheetmusic.com/experts/robert/
++++
حاتم سوناتا ، نعلك طيب
|
|
|
|
|
|
|
|
|
|
Re: كاونتربوينت؟ (Re: وهبه الشبلي احمد)
|
| Quote: على الفريقين اثبات صحة ادعاءاتهم وعدم التسرع بالاحتفال |
اثبات اكثر من دا :
Yes, there are many examples of counterpoint in the Mozart Sonata in C major K 545. The development section of the first movement (after the double bar and repeat sign) has some back and forth musical lines between the hands which is one example of counterpoint.
In the last movement, there is some interesting counterpoint starting around measure 41. Strictly speaking, most polyphonic writing utilizes counterpoint in one form or another.
واله انا زاتي ما عارف تاني اثبت ليك كيف ؟؟؟؟ حيرتونا معاكم هي شني الحكايه غلاط مريخ هلال ولا شنو ؟؟؟
| |
|
|
|
|
|
|
|
|
|
Re: كاونتربوينت؟ (Re: Haytham Ghaly)
|
يا هيثم، قالوا بناقض كلام روبرت الفي الموقع،
جيب الكلامين وورينا التناقض وين؟
حق لنا أن نحتفل
أنا أديت التيم بتاعي كلو رخصة افطار لبقية الشهر
وأطلقت على نفسي لقب جديد:
سعادة المستشار
أتوا، أمير دا بعد مرق من الميدان، شال معاهو التسالي ولّ خلاهو في المقعد؟
| |
|
|
|
|
|
|
|
|
|
Re: كاونتربوينت؟ (Re: أبوبكر عباس)
|
يا استاذ موصلي سلام
ياخ خلينا من الكلام الخماهو شلبي دا و هو ما افاهمو و لا عارف الردّ عليه منو !!
نفهم من كلامك انو انت معتمد الكلام دا ؟
... و خليني اشوف رأيك انت الخاص .
السوناتا 16 دي فيها تلاتة حركات صح ؟
الاولي هي حركة ال Allegro و التانية Ardante و التالته هي ال Rindo
متفق معاي لحدي هنا ؟؟
طيب ، حركة ال ءAllegro دي تتم في المفتاح C major و الافتتاحية تكون مصاحبة ب Alberti bass و يتم عمل ذلك باليد الشمال ... متفق معاي ؟؟
تتبع ذلك عدّة scales وصولاً في النهاية الي ايقاع condence في المفتاح G major .... تمام ؟؟ و بالمناسبة دا المفتاح البتبدأ منو المقدمة التانية second theme
ثم يتبع ذلك codetta تختم الجملة الموسيقية ... بعد داك يتم تكرار نفس الجملة الموسيقية !!
ال musical development يبدأ في المفتاح G minor و يتم تنظيم و ضبط ذلك من خلال عدة مفاتيح .
ثم تجي المحصّلة لموسيقية او ال recapitulation و تبدا من مفتاح F major
الحتة الاخيرة دي موافق عليها لانها موضع خلاف بين الموسيقيين !
....
طيب مما سبق عاوزك تطلُّع لينا الكاونتربوينت القال عليه الطالب بتاع موقع روبرت استرين ؟؟
....
النقطة التانية القال فيها كاونتربوينت هي الحركة التالتة او ال Rondo
طيب يا حبيبنا ،الحركة دي بتبدا في مفتاح. C major حيث ان المقدمة الأولي first theme هي البتحدد شكل القطعة كلو ، بينما ال second theme يتم في المفتاح G major و برضو زيو و زي الحركة الأولي يحتوي علي شغل Alberti bass باليدالشمال و بعدها يظهر مرة تانية ال theme الاول ثم يتبعه theme تالت من ال minor keys و يتم التعامل معه من خلال عدة مفاتيح حتي ينتهي في النهاية في مفتاح C major . بعد داك يظهر ال theme الاول مرة تانية و ينتهي عند مفتاح C major
...
دي الحركات في السوناتا 16 باختصار غير مخل!
عليك الله ورينا مواضع الكاونتربوينت فيها
و خليك من الخرمجات الجابوها جماعتك و ركّبوا بيها الناس الطرورة
....
يا ود البشري دا برضو ردي علي جزئيتك الفوق ديك.
بالله شوفوا لينا ٤ من كنبة ورا يقبضو لينا الطالب دا و يشدّوه لينا
وواحد يجري يجيب الخراطيش !! 😂
محاسن ... جيبي كركاسة 😂😂
| |
|
|
|
|
|
|
|
|
|
Re: كاونتربوينت؟ (Re: امير بوب)
|
يا مستنير ياخ تسالي شنو !
عليك أمان الله هسي انا منجعض قاعد اجغّم في الاسبريسّو الما خمج !
و متكيّف للدين.
...
فقد ان لأمير بوب ان يمدد ساقيه بعد ان مسّكناك السلك العريان 😂
....
بالله كلو يقوم علي حيلو لحدّي ما اجيكم تاني ...
و ما اظنّكم تقوموا 😜
...
يا جماعة والله معليش، حفلتكم دي فرتقناها ليكم و الغبار قام 😂
اللحق إتعشّي و شرب بارد ، الله أداهو
و الما لحق يمشي يلحق اقرب محل بوش قبل ما يقفل !
....
قلنا ليكم التيمس مكنتو بتسخّن !!
...
معدّية شندي تغرق في شبر موية
و هدير محركات الايزانهاور يصم الاذان !
| |
|
|
|
|
|
|
|
|
|
Re: كاونتربوينت؟ (Re: امير بوب)
|
| Quote: ياخ خلينا من الكلام الخماهو شلبي دا و هو ما افاهمو و لا عارف الردّ عليه منو !! |
تاني حيت يا زول ؟؟؟؟
مش قلت مشتت ، ودعت الناس هنا واعفو لي وشنو كده ما عارف ؟؟؟
انت مالك ما عندك كلمه واحده ؟؟؟ ليه دائما عندك كلمتين؟؟؟
ومش قلت ما بتجيب سيرتي ؟؟؟؟ احيييي انا ،هسه اعمل ليك شنو عشان تاني ما تجيب سيرتي
انا ما خميت أي كلام ، دا مستر روبرت ابن الاسره الموسيقيه القال أي فيها كاونتربوينت.
الطالب بتاع مستر روبرت ؟؟؟؟؟؟؟؟؟؟؟
عجيب والله ، ما هو الطالب بتاع مستر روبرت دا افهم منك ومن حاتم سوناتا في الموسيقي ودي ما دايرا أي نقاش.
الطالب بتاع مستر روبرت دا ما أي زول ، وما أي واحد ساي ، كدي خاتي ليهو كبايه شاي وبرد علي الناس .
ها هسه انتو رسلتو بي هناك وحيرد عليكم نفس الطالب دا ، هل حتقبلوا كلامو ولا برضو لع ؟؟؟
كلمو ما تمشو لي قدام في الموضوع دا ، بتتوحلوا اقل ومكانتكم عند الناس بتقل اكتر ،
++
غايتو الشكلات تكشف معادن الناس ، حاتم سوناتا ازيك يا اخي وينك لابد !
| |
|
|
|
|
|
|
|
|
|
Re: كاونتربوينت؟ (Re: امير بوب)
|
د امير شكرا لي نغسك الهادي
عايز ايقنك انه اصلا
لا يخلو عمل في الموسيقى الكلاسيكية والرومانتيكية وقبلها عصر الباروك من
كاونتربوينت
نقطة سطر جديد
الكاونتربوينت عنصر اساسي في التأليف الموسيقي لايستغنى عنه ابدا
يعني بالعربي كده المسألة ما دايرة اثبات
مثلا جوزيف هايدن في سيمفونياته
في الحركات الختامية بكون كاونتربوينت السواد والرماد
طيب انا شخصيا
حللت الحركة الثالثة لسيمفونية هايدن رقم مية وفلافه
في ال
Comprehensive Examination
في كلية الموسيقى جامعة ايوا ولاية ايوا الولايات المتحدة الامريكية
اساتذتي مش روبرت مين بتاعكم ده ولكنهم اساتذة مؤلفين كبار
مايكل ايكرت
لورانس فرتس
خش موقع
University of Iowa
,h;jf
Yousif Bilal
وده اسم الباسبورت بتاعي
عشان تتأكد ليه انا بتجنب العشوائية بقدر المستطاع
----------
من الصعب جدا ان يستغنى مؤلف موسيقي عن الكاونتربوينت في متن تأليفه
انه عنصر اصيل
عايزين اثباتات
يلا ايه رايك صاحبك يجي لندن على حسابي
وانا اجي ونجيب اكاديمي
يقعد محكم لطاولة فضح الكلام الساكت
تحياتي
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: فمعنى الكلام دا انو البقول في كاونتربوينت في المقطوعة غلطان
والبقول مافي برضو غلطان لانها تعتبر مجرد تخمينات
الا اذا اتفرز وجود الكاونتربوينت من عدمه في النوتة |
النوتة جبناها للبلبل، وقبل تسعة شهور يا هيثم عشان يرعوي، لكن العين بصيرة والمعرفة قصيرة.
Re: يوسف الـموصلـي يبدّل الـحقائق أمام قبـر وRe: يوسف الـموصلـي يبدّل الـحقائق أمام قبـر و
كلام حاتم غلط، دا كل همو
الزول من تلقى كلامو كتر في الحاجة أعرفو ما فاهمها ولا فاهمها غلط.
هسع عندو نوتة شوبان في نفس اللنك الفوق دا، خليهو يطلع منها الكاونتربوينت.
ويقنع الناس بأنو موسيقير خطير وبيفهم في الكاونتربوينت
عشان شوية كدا يرتاح، شايفو بقى يقعد قرييييب من الهم
وبكرة يقول ليك (أنا البوست دا ما قريت فيهو حرف)
بس زي المرة المطلقة جارية وراء أخبار طليقها وتقول ليك (ولا شغالة بيهو)
+++
شلبي دا بقى زي قرد المكاك، مصر يقلدني في أي حاجة.
محمد أحمد مات؟
| |
|
|
|
|
|
|
|
|
|
Re: كاونتربوينت؟ (Re: امير بوب)
|
Quote: يا هيثم، قالوا بناقض كلام روبرت الفي الموقع،
جيب الكلامين وورينا التناقض وين؟ |
يا بكور يا خي الله يهديك ، يعني انت منتظر رد ؟؟؟
ليك يومين حايم بي سؤالك دا وما في زول اشتغل بيك الشغله !!!!
يا خي قالوا ليك الزول عندو شيفزوفرنيا ...أي ياهو زاتو روبرت طلع عقلو ما تمام.
يا امتا تلميزو دا كمان متواطي مع فريقك دا .!!!
+++
حاتم سوناتا والاحر علي الله
| |
|
|
|
|
|
|
|
|
|
Re: كاونتربوينت؟ (Re: امير بوب)
|
Quote: يا أخانا أمير قوم و ما أظنك تقوم كما قرأت لك ذات بوست
و من ثم لما تعمل ليك صنم آيزنهاور تاني فالتتخيرهُ ! |
أختنا فردوس جامع إزيّك ياخي
يا بت الحلال مالك راشّاني في صمة خشمي ؟!
يا زولة انا والله ماعندي بنات ، عشان كدا ضعيف جداً في المخاشنة مع القوارير
و ما برضي زول يغلط عليهم او يزعلهم !
لاكين غايتو الفيك اتعرفت ، الإيزنهاور دي محاصرة الناس ديل ٦ شهور بلياليها
بقوا نوم ما بنوموا !😂
دا حالتو وقّفناها ليهم ساي ، يعني لو دوّرنا محركاتا ، البنطونات دي كلها بتتفرطق
طبعاً المهمة الرئيسيّة كانت للاستطلاع و تقدير قوة العدو ... لاكين اكتشفنا انو مافي داعي نحرّك لينا حاملة طائرات
كاملة عشان شوية منفلتين هنا و هناك !
عشان كدا قررنا ان تتم معالجتهم بآليات صغيرة !
لو عندك اي استفسار بالله أرفعي إيدك !
و ماتنسي تقومي علي حيلك لغاية ما نحسم الجيوب الهنا و الهناك دي ...
و ما أظنّك تقومي !
....
المرة الجاية كان لاوزتي لي ، برشّك عادي ... والله صحي 😂
سلام
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
طيب يا مستنير ويا الشبلي واستاذنا الموصلي
نديكم مقترح جديد
كلام امير بوب وتحديد المفاتيح دا مهم جداً وممكن يسهل توضيح
وجود الكاونتر بوينت بواسطة متخصص زي الموصلي
يعني على الموصلي القول الفصل بتحديد وجود الكاونتر بوينت بواسطة
تحديد المفاتيح او بالنوتة
يتخيل لي دي حاجة بسيطة وساهلة جداً لمتخصص وخبرة زي الموصلي
تحياتي
| |
|
|
|
|
|
|
|
|
|
Re: كاونتربوينت؟ (Re: Haytham Ghaly)
|
وهو المطلوب إثباته يا هيثم.
والله دا امتحان قدرات عديل كدا !
....
استاذنا الموصلي ابقي مارق 😂
....
يا مستنير شفتا السواقة كيف ؟!!
اتعلَّم ياخ ، والله انت بعد دا مفروض تتنازل لي طواعية عن اللقب !
| |
|
|
|
|
|
|
|
|
|
Re: كاونتربوينت؟ (Re: امير بوب)
|
Quote:
أنا عاذرك والله لأنك خليت الطب وشغال (عتالي) ليك فترة وفي النهاية جا مستر روبرت شخخخخخ ضبح ليك الفكي بتاعك وهسي بقى يفرفر ساي ..
مجهود ستة شهور راح شمار في مرقة .. لكن كان داير الجد السبب هو المستنير .. منو لله ياخ!
|
محمد عبدالله مختار ... الرجل الذي ثبّت الدرون بالسيلوتيب 😂😂
يا خوي انت الزول بتاع ابولو و الدرون و الزراعة بالتسطير و ... الوجه القمطرير !
يا خوي حاتم هناك لعب معاك ضاغط و قطعها ليك في راسك ، طيب انا ذنبي شنو ياخ ؟
معقولة تكون شايل في قلبك للدرجة دي ... و كمان نظام جاي تشمت !!
أها قلبنا ليكم الطاولة دي و مافي طريقة الموضوع دا يتلحق تاني، غايتو الا كان تجي تباصروا للجماعة ديل
بس أوعك من السيلوتيب 😂
....
محمد درون !!
قلت لي مستر استرين ضبح شنو ؟!!
يا زول ما تخليك في شغل الدرونات البتعرفو !!😜
....
حاتم صاحبي يا كافر !!
الحمام دا بموت تحت يدّك ياخ!
محاسن ... جيبي موية سكّر !😂
| |
|
|
|
|
|
|
|
|
|
Re: كاونتربوينت؟ (Re: Haytham Ghaly)
|
كان روعة القرن السادس عشرَ فَهْم الموسيقيين لمبدأِ إنّ الجزء الكبير مِنْ جمالِ أيّ نغمة مَخْلُوقةُ لَيسَ فقط بواسطة المسافات ولكن ً بتَشْكِيلتِها الإيقاعيةِ. (Merritt ,1949,p36)
الكاونتربوينت أسهب على نطاق واسع في فترة عصر النهضة، لكن ملحنين الفترة الباروكية جلبوا الكاونتربوينت إلى الذروة، ثمّ أستلم كمبدأ التنظيم السائد في التركيب الموسيقي.
الملحن الباروكي يوهان سيباستيان باخ كتب أغلب موسيقاه التي تدمج الكاونتربوينت، وبشكل واضح واستكشفت المدى الكامل بشكل منظّم من الإمكانيات المختصة في مثل هذه الأعمال كفنّ الفوجا.
حيث أعطى هذا المصطلح الطريق في تطوّر تأريخ الموسيقى، مثل هذه الموسيقى الكاونتربوينتية التي خلقت في الفترة الباروكية، بينما موسيقى ما قبل الباروك تدعى بوليفونية. لذلك، الملحن السابق (جوسكوين دي بريز) قيل بأنه كتب موسيقى بوليفونية.
والفوجا هي عبارة عن جملة موسيقية واحدة تساندها جملة أخرى قصيرة تكون بمثابة ظلها وجوابها ,
أو حوار جميل بين الجملتين , تارة تتقدم الآلفاظ الموسيقية وتتأخر , وتارة ترتفع وتنخفض في أسلوب إنشائي رائع. وقد تختم هذه المحادثة بجملة لحنية واضحة يؤديها العازف أو مجموعة المنشدين في نظام موحد.
والفوجا تعتبر مرحلة هامة في تطور الغناء إذ احتلت (الفوجا) عرش البلاغة الموسيقية في عصر الباروك، ومنذ القرن السابع عشر انتشرت الفوجا المعزوفة (غير الغنائية) وهي التي تكتب لتعزف بأربعة آلات موسيقية
ويعود مصدر هذه التسمية هو الفعل الإيطالي Fugare ومعناه (الهروب) واستعملت هذه الكلمة لتسمية نوع من الكتابة الموسيقية والذي يتميز بتكرار اللحن الرئيسي في الأصوات الأربعة (سوبرانو – التو – تينور – باريتون)، الواحد تلو الآخر وعلى درجات مختلفة من السلم، وذلك في مطلع الفوجا، ثم تلاحق الأصوات بعضها بالفكرة الموسيقية أو الموضوع بطريقة تشبه المطاردة أو الهروب (L.Cherubini, 1837, 67).
وهي ليست قالب موسيقى ثابت التشكيل ولكنها أسلوب في النسج البوليفونى وعبارة عن بناء من طوابق لحنية بأسلوب تقليدي في طريقة دخول الأصوات بالتتابع باللحن الرئيسي، وبتقليد شكله اللحني وهذا الدخول المتعاقب للأصوات هو الذي يطبع الفوجا بطابعها المميز، وبدونه لا تسمى (فوجا) كما أن الأصوات الأربعة ليست إجبارية في نسيج الفوجا، فهناك فوجات مكتوبة لثلاثة أصوات أو لصوتين أو لأكثر من الأربعة أصوات الرئيسة
وكسائر أساليب الكتابة الموسيقية، لم يصمم أجزاء الفوجا أحد، ولكن (يوهان سيباستبان باخ) هو الذي أعطاها شكلها النهائي، مستندًا إلى تجارب العديدين ممن سبقوه، ثم سار على هداه جميع المؤلفين من بعده، وضمّنوا الفوجا في معظم مؤلفاتهم الكبيرة والصغيرة
أما الهوموفوني (homophonic) أحادي الخط اللحني، بالتّباين مع البوليفوني (التأليفة الموسيقية)، الموسيقى المميزة التي فيها تعمل الكورد أو المسافات العمودية مع النغم الوحيد بدون اعتبار كثير من الشخصية اللحنية لعناصر المرافقة الإضافية، أو تفاعلاتهم اللحنية بالنغم المرافق.
وكمقترح كتبت الموسيقى الأكثر شعبية اليوم بالدرجة الأولى والتي تسمى (homophonic) وهو اسلوب يضمن عناصر البوليفوني polyphonic ، حيث يعالجُها بحرية، ويَدْمجُها بكتابات وأساليب أخرى (Willi Apel, 1949, 60، ويؤلف بحكم تركيبه بشكل رئيسي باعتبارات الكورد والهارمني؛ وبالرغم من ميول العامّة والتي يمكن أن تكون قوية جدا في أغلب الأحيان بشكل أو بآخر، بدلا من وصف العمل الموسيقي في شروط المطلق كأمّا بولفوني أو هارموني
إنّ الشكل أو النوع التركيبي المعروف بالفوجا ربما هو الأكثر عقّدة كاونتربوينتيه. وتتضمّن الأمثلة الأخرى والتي تدور حول التقاليد الشعبية والكانون في التركيب الموسيقي تقنيات مختصة مهمة لتمكين الملحنين من خلق إبداعات موسيقية وهذه ليست لجذب المستمعين للاستماع والتركيز الشديد والذي يتضمن الإطالة في التعقيدات.
فقد وجد تركيب من polyphonic لسحب أكبر عدد ممكن ممن يرغب للاستماع لهذه الأرقام وتفاعلات الحوار الموسيقي.وعندما يسمع جزء لحني لوحده، يعمل انطباعاً معيّنا ولكن عندما تسمع الأجزاء اللحنية الأخرى معاً (كما في الكانون أو الفوجا)، تعمل على زيادة المعنى العاطفي وعظمته. وخلال تطوير الفكرة الموسيقية، تمرّ الأجزاء بحساب إلى الشيء الأعظم موسيقيا من الأجزاء الأخرى، وهذا شيء مفهوم وأكثر عمقا من النغم الوحيد.لقد نمى وتطور علم الكاونتربوينت وتطورت أساليبه ومن أهمها الفوجا والكانون وهما يعتمدان على أسلوب المحاكاة (Imitation)
| |
|
|
|
|
|
|
|
|
|
Re: كاونتربوينت؟ (Re: Haytham Ghaly)
|
| Quote: يعني على الموصلي القول الفصل بتحديد وجود الكاونتر بوينت بواسطة |
يا أستاذ هيثم ، ما هو يا انت ما متابع من الأول ، يا امت انت ما عاجباك النتيجه التي وصل اليها البوست !!!
اصل الموضوع كلمه قالها لموصلي في مشاركه انو السوناتا دي (تنضح) بالكاونتر بوينت ، فقامت الشكله علي اثرها.
البوست دا وبوستات اخر ، كله في كلمه قالها الموصلي وحاول حاتم سوناتا ان يثبت ان ليس بها أي كاونتربونت.
بذل جهد شديد وضيع زمن كتييير ، وجاب رسومات وتعريفات وكلام كلو خارم بارم.
احتكمنا الي مستر روبرت (المرجع الأساسي في البوست دا) وكان السؤال من أوضح ما يكون ، هل هناك كاونتربويت في السوناتا 16 ؟؟؟
جاء رده من أوضح ما يكون وقال أي ، السوناتا دي متروسه كاونتربوينت لي حدها.
وكمان حدد تحديد عام اين توجد ...!!!
تاني تقول لي نوته وهناي وشنو ما عارف وكلام غريب .
النوته دي مطلوبه في معركه (ذات الطربيزه) التي هرب منها حاتم سوناتا عينك عينك , وفق البيرق ..!!
++++
انت صحي يا حاتم سوناتا ، هربت من التحدي المباشر ؟؟
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
الكاونتربوينت وينو آآ ناس ..
ثم كيفن يعني ما بيتسمع بالأذن المجردة ..
ده اسمو كلام ده بالله !!! ..
طيب قول نحن اقتنعنا بالفهم الما مقنع ده ..
ومن إنه الكاونتربوينت ما حيتسمع لينا بالأذن المجردة ..
أو بمعني أدق محتاج أذن زول موسيقي متمرس ومتدرب ..
وفاهم وعارف كيفن يقرأ النوتة الموسيقية ليشير إليه ..
طبعا أكيد وبالضرورة حيكون موجود ومكتوب في النوته !..
الحل : تتجاب النوتة بتاعة السوناتا 16 دي هنا ..
وتورنا عيانا بيانا الكاونتربوينت في السوناتا 16 .. وينو ! ..
غير كده المسألة حتكون غلاط ساي ..
أنا غايتو شايف إنه المشكل الحقيقي ..
يكمن في تعريف الكاونتربوينت نفسه ..
ومن إنه التعريف ده ..
note against note point against point
two lines or more than two lines
مش تعريف مكتمل للكاونتربوينت .. أو هو ناقص ..
أو مش بالضرورة يكون الكاونتربوينت لحنين مكتملين أو ثلاثة ..
ممكن تستمع لأي منهما بمعزل عن الآخر ..
أو إنه أي كاونترميلودي ..
برضو بيعتبروه الموسيقيين ( وبالاتفاق ) إنه كاونتربوينت ..
غير كده مافي زول ماش يقتنع ..
أو بمعنى أصح انا ما مقتنع ..
بعدين حكاية إنه الزول البيرد ده مش هو روبرت ذات نفسه ..
دي كمان مشكلة عويصة تانية ..
ــــــــــــــــــــــــــــــــــــــــــــــــــــــــــــــــــــــــــــــ
عايزين بيان بالعمل زي تفصيص أمير بوب ده يكون مصحوب بالنوتة ..
كده الناس حتقتنع والا قوموا شوفوا ليكم شغلة تانية ..
وما أظن تقوموا .. ههههههه ..
أخّروا الاحتفال شوية لامن سيرة أهل العريس تجي ..
| |
|
|
|
|
|
|
|
|
|
Re: كاونتربوينت؟ (Re: جمال ود القوز)
|
بعدين مسألة تهويل الشغلة ومحاولة تصعيب الأمر ..
على المستمع العادي ومن إنه ما حيقدر يعرف وين الكاونتربوينت ..
وفق تعريف متوافق عليه ومعروف دي شغلة غير مقنعة بتاتا ..
اللهم إلا الكاونتربوينت حقكم ده يكون لابس طاقية الاخفاء ..
ــــــــــــــــــــــــــــــــــــــــــــــــــــــــــــــــــــــــــــــــــ
نحن منتظرين وجبنا تسالينا والفشار والذي منو فما تدونا السحور ساي .. ههههههه ...
غايتو والله أعلم ..
في حلقة مفقودة في مسألة التواصل مع موقع روبرت استرن أو اللي سبق أكل النبق ....
| |
|
|
|
|
|
|
|
|
|
Re: كاونتربوينت؟ (Re: جمال ود القوز)
|
تخيّل ، روبرت استرين بذات نفسو و رغم زحمتو و مشغولياتو يرد علي رسالة ركيكة من شلبي
و كاتب ليه اسمو !! Music is my live و يرد عليه بعد ساعة واحدة 😂😂😂.
...
يا زول والله شريف الفحيل ترسل ليه رسالة ما يرد عليك خلال ٢٤ ساعة خليه مستر روبرت استرين همسيلف !!!
| |
|
|
|
|
|
|
|
|
|
Re: كاونتربوينت؟ (Re: جمال ود القوز)
|
| Quote: في حلقة مفقودة في مسألة التواصل مع موقع روبرت استرن أو اللي سبق أكل النبق .... |
لا في حلقه مفقوده ولا في نظريه مؤامره ولا يحزنون ..
الراجل فاتح موقعو لاي زول عايز يسال في الموسيقي ,
كدي جرب انت زاتك وادخل هنا
https://www.virtualsheetmusic.com/experts/robert/
عادي ممكن تسالو وباي طريقه وهو عاده برد علي الناس .
ما تكبروا الحكايه ساي ، مستر روبرت قال فيها كاونتر بوينت , والها بوضوح شديد ، انا ما عارف اللولوه دي لي شنو ؟؟؟
فعلا حاجه غريبه .
فعلا (بعض) الكاونتربوينت لاتستطيع اذن المستمع العادي استخراجه ، الا الاذن المدربه.
| |
|
|
|
|
|
|
|
|
|
Re: كاونتربوينت؟ (Re: وهبه الشبلي احمد)
|
Quote: تخيّل ، روبرت استرين بذات نفسو و رغم زحمتو و مشغولياتو يرد علي رسالة ركيكة من شلبي
و كاتب ليه اسمو !! Music is my live و يرد عليه بعد ساعة واحدة 😂😂😂.
...
يا زول والله شريف الفحيل ترسل ليه رسالة ما يرد عليك خلال ٢٤ ساعة خليه مستر روبرت استرين همسيلف !!! |
المويه تكضب القطاس ..
والكضاب وصلوا خشم الباب ..
انت بنفسك ادخل هنا ، ورسل ليهو باي لغه تعجبك
https://www.virtualsheetmusic.com/experts/robert/
وانتظر ردو ...وشوف ..اها تاني شنو
++
كلما تمشوا في الموضوع دا لي قدام , بتاكدو للناس من انتم !!!
| |
|
|
|
|
|
|
|
|
|
Re: كاونتربوينت؟ (Re: وهبه الشبلي احمد)
|
يا خوي الله يهديك
ما غالطناك في الموقع ..
قلنا ليك البرد علي الناس دا ما إسترين !!
...
تكتّر تقلل ، يعمل مكالمة جماعية مع مستر استرين و بسجّل المكالمة و بجيبا هنا
... عشان تسمعوا منو انو ما هو البرد علي اسئلة الناس ال في الموقع و انو مشغولياتو اكبر من يقعد
اليوم كلو يصاقر الموقع و يجاوب علي أسئلة ركيكة و غير موضوعية !
بعد داك بتمشي وين ؟!!
ما تقعد تنقز لي بالرابط بتاعك دا !
انت ركبت الطرورة يا صاحبي !
....
اعمل حسابك الخطوة دي حتكون رصاصة الرحمة ليكم فما تضطراني ليها حالياً 😂
| |
|
|
|
|
|
|
|
|
|
Re: كاونتربوينت؟ (Re: امير بوب)
|
المرّة الفاتت قلت ليك:
"للمستنير دائماً سهماً أخير في جعبته (كنانته)"
طلعتو ليك:
قعدت تبكي وتجري وتقول ما داير
أها المرّة دي عندي ليكم مفاجأة بترميكم بردلب ميتين
خلينا نتونس معاكم قبل الصاعقة
واحد يكلم لي ناس الفيسبوك، الوتساب، سودانفورال خليهم يحتشدوا هنا لمفاجأة لم تسمع بها ساحات الغلاط من قبل
| |
|
|
|
|
|
|
|
|
|
Re: كاونتربوينت؟ (Re: أبوبكر عباس)
|
يا مستنير ياخ دي فرقعات هوائية ساي منك
...
يا شباب
كلام كتير و تنظير ما عاوزين !
دي الحركة الاولي في السوناتا
ودي الحركة التانية فيها
و دي الحركة التالتة و الاخيرة
عشان ما نلفلف و ندور و فلان قال و علان قال
عاوزين واحد يدق سدرو و يحسم لينا المناورات دي !!
قر قر كتير ماكويس ...
...
المايك معاكم !
انا ماشي اجيب لي تسالي و فشار و قنقليس و جاي
علي بال ما ارجع بالله أنجزوا لينا 😂😂
...
يا مستنير ياخ انا مؤمن بمقولة ؛ تفاوض مع الاخرين بهدؤ
ولكن لا تنسي ان تحمل معك عصاً غليظة خلف ظهرك !!
...
انا كمان عندي ليك مفاجأة ستزلزل أركان استنارتك !😂
خلي زول استاندباي يطلب لينا ال 999
| |
|
|
|
|
|
|
|
|
|
Re: كاونتربوينت؟ (Re: امير بوب)
|
Quote: يا خوي الله يهديك
ما غالطناك في الموقع ..
قلنا ليك البرد علي الناس دا ما إسترين !!
...
تكتّر تقلل ، يعمل مكالمة جماعية مع مستر استرين و بسجّل المكالمة و بجيبا هنا
... عشان تسمعوا منو انو ما هو البرد علي اسئلة الناس ال في الموقع و انو مشغولياتو اكبر من يقعد
اليوم كلو يصاقر الموقع و يجاوب علي أسئلة ركيكة و غير موضوعية !
بعد داك بتمشي وين ؟!!
ما تقعد تنقز لي بالرابط بتاعك دا !
انت ركبت الطرورة يا صاحبي !
....
اعمل حسابك الخطوة دي حتكون رصاصة الرحمة ليكم فما تضطراني ليها حالياً
😂 |
امنت بالله العلي العظيم !!
ولا حوله ولا قوه الا بالله ا!!
يا زول انت ما بتفكر في كلامك البتكتبو دا ، قبل ما تكتبوا ؟؟؟
ما بتراجع افكارك دي قبل ما تكتبها هنا ؟؟؟؟؟
يا خي بالعقل كده ، روبرت دا فاااااضي يعمل معاك مكالمه جماعيه انت واخرون ، وتسجلها انت ، وتنزلها هنا !!
لكن ما فاضي عشان يرد علي سؤال مكتوب وفي موقعه ؟؟؟؟
كدي خليني من أي حاجه تانيه واي خلاف بس خلينا نتكلم معاك بالعقل ...والله صحي !!
انت جادي يازول ...!!!!!!!!!!!
بعدين تاني روبرت دا اسم كبير يعني مشارك في الموقع دا وخاتي صورو وحاجاتو ومخليهو لتلاميز يردو علي الناس ؟؟؟
ياخي سمعتوا دي براها بالدنيا ، يعني فاتح ليهو موقع والردود بتكون باسمه مباشره (روبرت استرين) يعني الرد عليك دا روبرت والا كانو كتبو (فريق الموقع) او (تلميز روبرت) او (بتاع الشاي) اووو
انت قايل موقعو دا مستهدفك بيهو انت ولا انا ؟؟؟ دا لموسيقين كبار (ادخل في الصفحات التاليه ) وشوف منو البسالو ؟؟؟ انتو قايلنها لعب ولا شنو ؟؟
كدي بس بالمنطق بس ، وبعيد من أي حاجه تانيه ؟؟؟ فكر قبل الاجابه .
اجيك من سكه تانية لو ما فهمته فوق:
افرض انو روبرت امس في ردو قال السوناتا دي ما فيها ولا أي كاونتربوينت !!! اكنت بتاخد بي كلامو ولا لا ..؟؟؟
وقتها كت بتشكك في موقعه ؟؟؟
+++
اكيد انت يا زول عايش في لندن ؟؟؟ سبحان الله
| |
|
|
|
|
|
|
|
|
|
|
Re: كاونتربوينت؟ (Re: وهبه الشبلي احمد)
|
يا شلبي ياخ بالله حاول اختصر في مداخلاتك بدل النقّة الطويلة
...
انت عندي فقدت مصداقيتك منذ اللحظة التي قلت فيها انك دخلت علي بروفايلي في الفيسبوك ووجدته فاضي و غير حقيقي !!
علماً بانو دا حسابي الرسمي و بإمكان الجميع التأكد منه و قد فعل الكثيرون !
و بما انو المؤمن ممكن يعمل اي حاجة بس ما بكذّب ، فمنذ لحظتها فقدت مصداقيتك عند الكثيرين
و اي كلام بقيت تكتبو او تجيبو مشكوك فيه !!
لأنك أثبتت انك رجل ممكن تكذّب في سبيل انك توحي لنفسك بالانتصار !!
...
اخوي عثمان الامام عليك الله اعفي لي ، تاني ما ح أضيع زمن مع شلبي دا و اخرب متعة متابعة البوست ... و هذا وعد 😂
| |
|
|
|
|
|
|
|
|
|
Re: كاونتربوينت؟ (Re: امير بوب)
|
حاتم بعث رسالة للخواجة وقال ليهو يا حاج إنت بي عضمة لسانك عرّفت الكاونتربوينت وضربت مثال بسوناتة موزارت وقلت هذا ليس بكاونتربوينت وحتى بالأمارة كنت جالس في بنبر طويل وعزفت وقلت اللحن ما تؤديه أصابع اليد اليمنى، أما ما تؤديه أصابع اليد اليسرى فليس بلحن قائم بذاته. التعريف نظري وعملي موجود في موقع:
http://livingpianos.com/general/what-is-counterpoint/http://livingpianos.com/general/what-is-counterpoint/
ما ورد في هذا الموقع واضح بما فيه الكفاية لتأييد وجهة نظر حاتم ويتطابق مع شروحاته. الاحتمال الوحيد الذي يجعل ما ورد في الرد على استفسار Music is my live صحيحا هو أن تكون هذه السوناتا (زي الثعلب!) أي أن بها بعض الأماكن المتضمنة لكاونتربوينت (after the double bar and repeat sign) وبها بعض الأماكن التي تخلو من الكاونتربوينت (كالتي ضرب بها الخواجة المثال في الدقيقة 1:04). وفي هذه الحالة تكون النتيجة أقرب إلى التعادل.
| |
|
|
|
|
|
|
|
|
|
Re: كاونتربوينت؟ (Re: محمد الأمين موسى)
|
Quote:
...
اخوي عثمان الامام عليك الله اعفي لي ، تاني ما ح أضيع زمن مع شلبي دا و اخرب متعة متابعة البوست ... و هذا وعد |
اكيد يا زول المره دي ، ولا زي كل مره !!!
هو الزول بمسكوه من وين ؟؟؟ مش من لسانو !!!
+++
قلت لي مرقته الخواجه عندو شذوفرنيا ؟؟؟؟ واحتما تكون فكت منو ؟؟؟؟؟ أبو الزفت زاتو !!
اذا كان انت بتقول علي روبرت استرين فكت منو ومجنون ، طبيعي انو تقول علي انا أي حاجه تخطر علي بالك
| |
|
|
|
|
|
|
|
|
|
Re: كاونتربوينت؟ (Re: وهبه الشبلي احمد)
|
However, not all polyphonic music utilizes counterpoint
أقرأ هذه الجملة بإضافة كلمة تفهم ضمنيا وهي كلمة techniques
لتصبح:
Not all polyphonic music
utilizes counterpoint's techniques
| |
|
|
|
|
|
|
|
|
|
Re: كاونتربوينت؟ (Re: Elmosley)
|
امير بوب
ازيك
انت الجايبو دا قريتو كيف ؟ اول شىء دا عمل متكامل ويصل الى اكثر من عشرة موازير
و نوتة F ... دي ... اتعزفت على الدرجات كلها
بتوافقني ان الــ (مين ) او المفتاح الرئيسي للعمل دا هو (B) مايجور ؟
| |
|
|
|
|
|
|
|
|
|
Re: كاونتربوينت؟ (Re: Elmosley)
|
سلامات أخي هيثم لعلك بخير...
Quote: والله ما قادر اصدق انو دي فردوس جامع القالت الكلام الفي المقتبس دا
معقولة دي؟؟؟؟؟؟؟؟؟؟ |
آسفة لعدم موافقة مداخلتي لهواك...
كلامي ال كتبته هنا ده يعبر عن رأيي في كتابات الأخ حاتم منذ تاريخه بالمنبر و ربنا ما طلق كيبوردي ... البوست ده كان بالنسبة لي القشة التي طلقت الكيبورد :)
كما ذكرت سالفاً هو لم يأتِ هنا لحوار البتة ... فهو مراوغ من الطراز الأول و لا يعترف بخطأه المنهجي ( الكلام ده ما البوست ده فقط دي ملاحظة عامة)
حصل شفت حاتم يتراجع عن أفكاره حين يُثبت خطلها بواسطة محاوريه؟
دي المشكلة هنا!
الأنكى إنه يزين لنفسه و ل " متابعيه" إنه شفت جداً و على حق و ال مساعده في هذا الصدد مقدرته و طاقته التي لا تُضاهى في النقة و فتح البوستات...
حتى مرات أقول في نفسي صحي المواعين الفارغة الأكثر جلبة!
للأسف " متابعينه" شايفنه خطير نسبة للكم و ليس الكيف و دي مشكلة أخرى!
شوفه بيعمل شنو في البوست ده...
مرة يقول مستر بوب يكون عنده سكيزوفرينيا و مرة طلبته ما بيعرفوا التكتح " هو بس ال بيعرف كل شيء و حده لا شريك له"
بعدين أديك مثال تاني غير البوست الحالي ده...
حاتم ده ممكن يجي يوم يقول الأرض دي مسطحة ...
تقوم تقول ليه لا الأرض دي ما مسطحة الأرض دي دائرية و عينك ما تشوف إلا النور
و يحلك منه الحل بلة حتكون شهور و ربما سنين من التسطيح ال حيمارسه عليك و على القراء...
فهو غير أمين مع القراء و يُحمد لمن حاوروه تثبيت جهله و إلا تخيل منبر يمارس فيه الجهل النشط جهاراً نهاراً و مافيه د. سيف و تبارك و لا أبوبكر ولا كبر!
و كما أسلفت فهوعنده منحة الزمن أها خمسمائة مداخلة و عشرين جدول و عشرة بوستات حتى يُخيل له و " لمتابعيه" أنه على صواب...
مأساة و لا ما مأساة!
و يجيب ليك مصادر و ويبسايتات و يفحم " جمهوره" و حتى لو كان كله Pseudoscience
عشان يطلع هو ال صاح ...
قادر تتخيل معاي فداحة الأمر ده!
يله دي نظرتي الشخصية لخطورة الأخ حاتم وهو في رأيي مثال حي للجهل النشط...
كلنا بنخطيء و معظمنا عندنا المقدرة و الشجاعة إننا نقول إننا أخطأنا لإعتبارات كثيرة لبعضنا لراحة ضمائرنا و من ثم حتى لا نملك القارئ معلومة غلط لا سمح الله....
و صراحة دي أول مرة أقابل لي زول ما بيغلط كلو كلو بل يُكابر و يعمه في غيه و إستفزازه لمحاوريه بطريقه تثير الشفقه عليه !
يبقى عشان نحد من هذا الجهل النشط لزم إنه الناس ما تديه فرصه يمارس فيها التسطيح إذا أمكن... تخيل يوم ما يكونوا فيه الإخوه ال ذكرتهم سابقاً ديل و آخرين حاوروه هنا!
حيكون المصدر الصمد ل " متابعينه" و حينها التجهيل ما يديك الدرب ... و مابعيد تلقى واحد يتشدق بما صرح به آيزنهاورهُ في آي محفلٍ كان وكأنه القول الفصل و في سريرتك ما تعرف تبكي و لا تضحك !
إضافة لي إزهاق أزمان الناس...لا حولااااااا!
بالنسبة لي...
رُفعت الأقلام و جفت الصُحُف ...
عاوزه أحيي الأخ أحمد محمد عمر على هذا المداخلة الرائعة بحق...
Quote: أسوأ ما في البوست دة إنه طلع عقدة الخواجة الفينا
موسيقار سوداني بخبرة وعلم وانتاج الموصلي يقول معلومة موسيقية نبقى ليه في تولا وهاك يا قبقبة وشلاليت
موسيقار اشقر عيونه خدر يكتب 3 سطور يقنعنا !
طبعاً واحد ممكن يقول روبرت كلامه مرتب وواضح لكن السبب إنه ما كان في أي ضغط وحمولات عليه .. لو اتعرض للقبقبة والضرب غير القانوني الاتعرض ليه الموصلي برضو كان حيرغي ويشلت |
و العفو والعافية يا شباب...
| |
|
|
|
|
|
|
|
|
|
Re: كاونتربوينت؟ (Re: فردوس جامع)
|
والله يافردوس احببتك لله
انك تردعين الباطل الذي يرتع في ارض الحق ببجاحة يحسد عليها
وحربنة لا تطالها الحربوية
والغريب في الامر ان ينطلي الامر على بعض المثقفين سامحهم الله فحسن النية وارد
فيرتدي القوقلابي بدلة الطاؤوس غير الحقيقية ويمشي في الارض مختالا فخورا
ولم لا فالاطباء والادباء يشجعون لعبه الخشن وتزويره للكروت في غفلة من حكم المباراة
لله درك يا فردوس لله درك
| |
|
|
|
|
|
|
|
|
|
Re: كاونتربوينت؟ (Re: Elmosley)
|
دي يابوب ما للقوقلابي فامره لا يهمني كثيرا
ولكنها لك كطبيب متخصص
حتى تبتعد عن مشاغبة متخصص في مجال اخر
النوت البتجيبوها دي انت والقوقلابي لا قبل لكما بفك طلاسمها لذا فالاستشهاد بها
اشبه بشهادة الزور في المحاكم
عرفت انك في لندن
كلم زولك زرسل ليهو دعوة
وانا علي الطيارة والضيافة
وبالطبع التقعيد في العلب
يعلم الله لا اريد به شرا ولكنني اريد منه ان يستفيد من طاقته التنقيبية في عدم مناطحة الصخر
وللجميع افضل التحايا
| |
|
|
|
|
|
|
|
|
|
Re: كاونتربوينت؟ (Re: Elmosley)
|
يا استاذي الفاضل الموصلي بحر العلوم
انا كلام قلتو قبل كدة وحاظل اقوله .. بنفخر بيك في أي مكان وزمان
اولا اشكرك لانك بتواضعك الجم .. الجمت حاتم وشركاه ودا شىء من اول البوست كان واضح
الموصلي بالنسبة لنا هو باختصار شديد جدا جدا
هو : الهارموني والكاونتربوينت و التوزيع الاوركسترالي
و
إلانوسترومنتالية لانه بوظف كل الالات الموسيقية لمصلحة اللحن
وحاتم الان is laughing at the other side of his big mouth
انت عارف محاولاته الفاشلة في مرات عديدة … انت دائما بتحبط هجومه الغير مبرر
بالله دبل كيك واحد حاتم طار
...
حاتم .... الـــــفـــــــــا تـــحــــــــــــة
| |
|
|
|
|
|
|
|
|
|
Re: كاونتربوينت؟ (Re: Elmosley)
|
الpolyphonic زي سوناتا ١٦ وكوبين بالرغم من إنهن لم يؤخذ في تأليفهن تقنية الكاونتربوينت، إلا أنهن يقعن ضمن الألحان التي تصنف الكاونتربوينت، لأنهن بهن اكثر من لحن واحد.
دي قراءتي للمقتبس من موقع روبرت استرن
| |
|
|
|
|
|
|
|
|
|
Re: كاونتربوينت؟ (Re: Elmosley)
|
Quote: امير بوب
ازيك
انت الجايبو دا قريتو كيف ؟ اول شىء دا عمل متكامل ويصل الى اكثر من عشرة موازير
و نوتة F ... دي ... اتعزفت على الدرجات كلها
بتوافقني ان الــ (مين ) او المفتاح الرئيسي للعمل دا هو (B) مايجور ؟
|
اخونا احمد يسين
سلام
الموازير الجبتها انا دي هي الحتة التم حولها الخلاف و الادعاء!!
بعدين المفتاح الرئيسي فيها ما مفتاح B major !!!
يا موصلي موافقني في الحتة دي ولا حتغالط الحقائق و تنصر طالبك احمد ؟؟؟؟
ارجو منك رأي في الحتة دي لو سمحت !
هل في الموازير الجبتها انا دي المفتاح الرئيسي B ميجور ؟؟؟
| |
|
|
|
|
|
|
|
|
|
Re: كاونتربوينت؟ (Re: أبوبكر عباس)
|
Quote: الpolyphonic زي سوناتا ١٦ وكوبين بالرغم من إنهن لم يؤخذ في تأليفهن تقنية الكاونتربوينت، إلا أنهن يقعن ضمن الألحان التي تصنف الكاونتربوينت، لأنهن بهن اكثر من لحن واحد.
دي قراءتي للمقتبس من موقع روبرت استرن |
يا مستنير قرايتك لكلام روبرت استرين ما صاح نهائي
...
دا نص كلام استرين في موقعه الرسمي :
Quote: رد استرين في موقعه
However, not all polyphonic music utilizes counterpoint; for example, if you’re playing Mozart you have a clear melody and harmony. In the famous C major sonata K545 you have a melody in the right hand but only broken chords in the left hand. The left hand by itself doesn’t really have much of a melody to it, it’s simply an accompaniment to the right hand melody. The same is true in Chopin’s E minor Prelude – you have clear delineation between the parts in the right and the left hands – one is the melody and the other is the harmony
which supports it. These are not examples of counterpoint even though they are polyphonic (more than one note at a time). |
و الكلام دا قرايتو كالآتي :
ليس كل polyphonic يتم فيه استخدام الكاونتربوينت و كدليل علي ذلك فإن السوناتا ١٦ نجد انه فيها ميلودي في اليد اليمين و لكن اليد الشمال فيها فقط broken cords و لذلك اليد الشمال في حد ذاتها ليس فيها ميلودي و إنما مرافقة فقط للميلودي الموجود في اليد اليمين و نفس الحكاية في بريلود شوبن ، حيث نجد في هذين العملين تمييز واضح بين الأجزاء في اليد اليمين و اليد الشمال حيث اليد اليمين فيها ميلودي و اليد الشمال فيها هارموني لدعم اليد اليمين
و هذا ليس كاونتربوينت !! رغم انه polyphonic
...
بمعني اخر ليس كل polyphonic هو كاونتربوينت و النموذجين ديل polyphonic لاكين ما كاونتربوينت !!!
| |
|
|
|
|
|
|
|
|
|
Re: كاونتربوينت؟ (Re: Elmosley)
|
يا خبراء الموسيقى .. تحياتى
أستاذ الموصلى رغم كفاءته وعلمه وشهاداته وخبراته من السودان ومصر وأمريكا قلته سودانى
وإعترفته بالخواجة روبرت .. (أكاديميا ما تابعت تأهيله قدر شنو) .. المهم أصبح المرجع (المصدق)
أها كلامه قيل أنه إختلف وتناقض .. فى الحالة دى المنطق يقول الأخذ بآخر كلام له بتاريخ 10 يونيو
لأنه يجب ما قبله، ويعنى أنه راجع وتراجع وصحح نفسه وليس العكس ..
طيب ياخ ما تستفتوا خواجية بدل خواجة .. رأيكم شنو فى الخواجية (شيرلى كريستين) Shirley Kirsten
وهى متخصصة ودرجتها العلمية (ماجستير) ومعلمة بيانو .. ومؤلفة موسيقى .. قالت كلام فى السوناتا المعنية
والكاونتربوينتو منذ يناير 2011 يعنى قبل غلاطكم دا .. .
أها شيرلى كريستين المدهش فى فتواها لم تقل فقط انه سوناتا فيها كاونتربوينت، بل قالت (مترعة) كاونتربوينت!!
The devices of inverted intervals and inverted counterpoint are significant characteristics
أقتطف لكم من تحليلها لسوناتا Mozart’s Sonata in C Major, K. 545, : ويمكنكم الرجوع لكامل التحليل
فى الرابط :
https://arioso7.wordpress.com/2011/01/14/piano-instruction-mozart-rondo-allegretto-3rd-mvt-sonata-in-c-k-545/
Piano Instruction: Mozart Rondo: Allegretto, 3rd mvt. Sonata in C, K. 545
Posted on January 14, 2011
In this instructional video I analyze the form and musical content of Mozart’s Sonata in C
Major, K. 545, Rondo: Allegretto, Third movement. (I play behind tempo to make the
( commentary and musical phrases more understandable
..........
.......
In the A minor or “C” section, Mozart uses an inversion of thirds to 6ths, and dances from
one hand to the other, with inverted counterpoint. (He flips over the voices, so that
the listener experiences the motif or Rondo idea in the bass range, with a 16th decoration in
the Treble and in reverse) The devices of inverted intervals and inverted counterpoint are
significant characteristics of this “C” section of the final movement.
| |
|
|
|
|
|
|
|
|
|
Re: كاونتربوينت؟ (Re: نادر الفضلى)
|
كمان نشوف الخواجة كورى هول قال شنو عن سوناتا 16 فى الرابط دا:
http://myjourneytodistinction.com/mozart-k545
أيضا أفتى بوجود كاونتربوينت
Some of the characteristics of section C are the inverted intervals and inverted counterpoint
Mozart Piano Sonata No. 16 in C Major, K. 545 Performed by Cory Hall:
hird Movement: Rondo Allegretto
Similar with most of the sonatas, Mozart concludes the sonata K. 545 with a bright and lively rondo in the third movement. This rondo is in the form of ABACA with a coda in the end. Section A (bar 1 to 8) is the main motif or theme which is in the tonic key, C major. It is followed by section B (bar 9 to 20) which starts in the dominant key, G major. After that, section A is repeated again before section C is introduced.
Section C (bar 29 to 52) acts like a development section which begins in A minor. It is prolonged and modulates through several keys until it is returned to the main theme of section A in the key of C major. Some of the characteristics of section C are the inverted intervals and inverted counterpoint. After the repetition of section A, the rondo is ended with a coda (bar 61 to 74) which is made of broken chords in dominant and tonic progressions.
| |
|
|
|
|
|
|
|
|
|
Re: كاونتربوينت؟ (Re: أبوبكر عباس)
|
Quote: بعدين المفتاح الرئيسي فيها ما مفتاح B major
يا موصلي موافقني في الحتة دي ولا حتغالط الحقائق و تنصر طالبك احمد ؟؟؟؟
ارجو منك رأي في الحتة دي لو سمحت !
هل في الموازير الجبتها انا دي المفتاح الرئيسي B ميجور ؟؟؟
|
اهلين يا امير
يازول .. خلاص انا سالتك وانت جاوبت
قلت ليك بتوافقني ؟ قلت لا ما بوافق .... خلاص دي اجابتك
هسي مالك بتنادي الاستاذ
.
| |
|
|
|
|
|
|
|
|
|
Re: كاونتربوينت؟ (Re: وهبه الشبلي احمد)
|
المستنير أبوبكر عباس
رمضان كريم .. وأحييك على ذكاء التمحيص والتدقيق عندك للوصول للمعرفة والحقيقة
ووضع يدك عليها منذ وقت مبكر فى هذا السجال .. أكاد اجزم قبل أن تقول انك ستسأل أهل الإختصاص
وعذراً إن تسببت فى إنقاص متعتك وانت تتفرج وتستمتع بالمشهد ..
والذنب ذنب العم قوقل فدورى كان المناولة .. ومراعاة لطلبك أكتفى بهذا القدر من منقولات قوقل
| |
|
|
|
|
|
|
|
|
|
Re: كاونتربوينت؟ (Re: نادر الفضلى)
|
للتوثيق فقط ، وحتي لا ننسي موضوع البوست الاساسي
بعض اقتباسات لحاتم سوناتا وهو يؤكد ان لا أي اثر لاي كاونتربوينت في السوناتا 16
Quote: أها يا أخ أحمد ياسين
عملت لي شنو في السؤال بتاعي:
القطعتين الفوق ديل فيهن كاونتربوينت زي ما ادعى أبجاكومة (بحر العلوم)؟
|
ودي واحده تانيه :
| Quote: وهو هنا يقول أن عصر الباروك هو عصر الكاونتربوينت وهي مقولة تحصيل حاصل، لكن يهمنا زعمه القائل بأن سوناتا موتزارت (Piano Sonata No 16) وبريليود شوبان (Prelude Op. 28, No. 4) "تنضحان" بالكاونتربوينت، وقبل أن أتناول مزاعمك الخاصة بما تظنه (منهجي وتاريخي ومفهومي) آمل أن تدلنا على الكاونتربوينت في أي منهما، فالمسألة ليست بالتمني و(الدغمسة). |
المزيد من ترهات حاتم سوناتا :
| Quote: فنحن هنا أمام نموذجين، وبالطبع لن يعجزك أن تحدد وجود الكاونتربوينت فيهما منهجياً أو تاريخياً أو مفهوماً وهذا عشمنا، بل قل هذا بالضبط موضوع التحدي الذي تراهن عليه الحيطة الأيقونة التي تسبقنا بسنة ضوئية. |
المزيد :
| Quote: وين الكاونتربوينت في سوناتا موتزار وبريليود شوبان الانت زعمت بأنهما (ينضحان) به؟ |
وكمان هنا :
| Quote: نحنا (يا أستاذ) سألناكا من الكاونتربوينت في السوناتا رقم 16 واسمها الرصمي (Mozart - Piano Sonata No. 16 in C, K. 545) |
| Quote: ولكن السوناتا لا (تنضح) |
وهنا :
Quote: يا راجل، (تنضحان) طلعت مجرد (تخيلات) فما تتعلق بالقش.
|
ـــــــــــ
ودا من باب الذكري فقط...
| |
|
|
|
|
|
|
|
|
|
Re: كاونتربوينت؟ (Re: نادر الفضلى)
|
نادر
ياخي الشاب ده ممكن يكون كويس لو وطف قدراته بدون ترصد الاخرين
وممكن يكون عندو مستقبل كبير في المعرفة العامة
لو بطل يناقر الدكتور في طبه والطيار في طيرانو والمهندس في هندسته ولاعب الكوره في كورته وعالم الفضاء في علمه
ممكن والله
يعني هسع بس لانو زعلان مني هو بغرق نفسو في هذا اليم ممن الكذب المختلق
اقول ليك حاجة
لو تم بعث موزارت من مرقده وقال لي حاتم
"السوناتا بتاعتي رقم ١٦" مترعة او تنضح بالكاونتربوينت
حيلعن سنسفيلو لان ده بيؤيد كلام الموصلي الهو مكجنو كجين التاباني
حاتم انا ما عندي مانع اغفر ليك غلاطك
بس استعدل نفسك شويه وخليك حاتم العادي وبلاش تكاتيك
------------------
خلاصة القول انك والمستنير وشلبي
افحمتو المكابرة و "التسيلم" بشكل نهائي وقاطع
اي كلام غير كده ببقى
شيطنة ساكت
| |
|
|
|
|
|
|
|
|
|
Re: كاونتربوينت؟ (Re: Elmosley)
|
نسيت ذكر اسم فارس الحوبة كبر
فله التحية
------------------
يا امير كلنا بنخطئ مافي مشكلة واحمد حبيبنا من النوع البرجع عن رأيه لو أخطأ لانه انسان سوي
لكن الكلام في زولك الراكب راسو داك
فحسب المفاتح الانا شايفها والنوت الانا قريتها
فان الحركة الاولى في
C Major
اي دو ميجر
والثانية في
G Major
اي في صول ميجر
ثم في الثالثة عاد
الى
C Major
اي دو ميجر
مرة اخرى
لكما التقدير
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote:
طبعاً يا حاتم انا احب الموسيقى جداً لكن ما بقدر اضطلع
واقرأ عنها بالعمق دا كلو
سؤالي عن مقدمة اغنية الود للراحل وردي
هل يمكن ان توجد بها تقنية الكاونتربوينت |
| سلام هيثم، معليش للتأخر في الرد | فعلاً كلامك صاح، الكمية المتراكمة من المصادر من الصعب جداً الإحاطة بها خاصة وأنها بأربعة لغات على الأقل، لهذا طلبت من الأخ حمد عبد الغفار أن يغرق البوست بالكتابات العربية حتى أتمكن من الإشارة إلى تعدد الترجمات الاصطلاحية، شوف مثلاً في الاقتباس الجابو فوق بيسموهوا (كاونتربنط) ونحن بنقول كاونتربوينت، المهم، حأبدً اليوم مواصلة شرح الكاونتربيونت وأضع ملخص للفروقات دي.
الموسيقى السودانية ليس فيها كاونتربوينت بالمرة سواء كانت غناء أو موسيقى صرفة منذ تاريخ ظهورها حتى لحظة كتابة هذه المداخلة، وهذا يشمل أغاني وردي كلها القديمة والحديثة المولفة (arranged) - التوليف هنا يسمونه التوزيع - ولا أظن سيأتي اليوم الذي يتم فيه تأليف مقطوعة سودانية بهذه التقنية قريباً، لعدة أسباب:
- المجتمع غير جاهز لتقبلها
- كلاسيكية والغرض منها تعليمي
- لا يوجد بيننا من يحسن توظيفها
- لا فائدة من استيرادها بل ضرر على موسيقانا التي تميزنا
لكن توجد في التوليفات الحديثة للموسيقى السودانية ألحان داعمة (كاونترميلودي) وفي عدة صور وحتى في الغناء قديمه وحديثه كنت قد أشرت لنماذج لهذا هنا
Re: كاونتربوينت؟Re: كاونتربوينت؟
_____
في زول خت صورة كبييييرة تحت، فشخت المنبر هههه |
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote:
يا امير كلنا بنخطئ مافي مشكلة واحمد حبيبنا من النوع البرجع عن رأيه لو أخطأ لانه انسان سوي
لكن الكلام في زولك الراكب راسو داك
فحسب المفاتح الانا شايفها والنوت الانا قريتها
فان الحركة الاولى في
C Major
اي دو ميجر
والثانية في
G Major
اي في صول ميجر
ثم في الثالثة عاد
الى
C Major
اي دو ميجر
مرة اخرى
لكما التقدير |
شكراً ليك يا موصلي علي الافادة و تصحيح معلومة طالبك Ahmed Yassin
...
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: طيب ياخ ما تستفتوا خواجية بدل خواجة .. رأيكم شنو فى الخواجية (شيرلى كريستين) Shirley Kirsten
وهى متخصصة ودرجتها العلمية (ماجستير) ومعلمة بيانو .. ومؤلفة موسيقى .. قالت كلام فى السوناتا المعنية
والكاونتربوينتو منذ يناير 2011 يعنى قبل غلاطكم دا |
| سلام نادر، شفت المصادر بتاعتك دي قبل أسبوع تقريباً | وذكرت نفس التحليل دا في ردي على أستاذ الملك
Re: كاونتربوينت؟Re: كاونتربوينت؟
هنالك سوء الفهم في النظرة التحليلية للمقطوعة، وسبق أن ذكرت أن هذا يختلف بين الطالب المتعلم والموسيقي المحترف
عموماً سأعود لهذه النقطة بالتوضيح.
_____
لكن أولادنا ديل طلعوا بالفعل كسلانين ومدعين، يا خسارة، إلا يدفروهم. |
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
| Quote: ما ورد في هذا الموقع واضح بما فيه الكفاية لتأييد وجهة نظر حاتم ويتطابق مع شروحاته. الاحتمال الوحيد الذي يجعل ما ورد في الرد على استفسار Music is my live صحيحا هو أن تكون هذه السوناتا (زي الثعلب!) أي أن بها بعض الأماكن المتضمنة لكاونتربوينت |
| مرحبا أخ الأمين موسى | ناس السياسة عندهم مصطلح (حمالة أوجه)، لكن في الحقيقة لا ينطبق على السوناتا، بالبلدي، إذا كشحت قبضة سمسم في شوال قمح هذا لن يبرر تسميتك للشوال بأنه (شوال سمسم) ولا يبرر وصفك له بأنه (ينضح) بالسمسم.
في الشعر، (أنا ما بفهم فيهو) ممكن تلقى قصيدة مكتوبة في بحر معين وضمنها بيتين تلاتة من بحر مختلف، بيحصل عرضاً مش؟
دا الوضع بتاع السوناتا، الراجل ألفها لغرض تعليمي وسماها (Sonata Facile) يعني سوناتا للمبتدئين، وضع فيها تشكيلات هارمونية تشبه الكاونتربوينت في بعض أنماطه لكن هذا لا يصنفها ضمن أعمال التقابل اللحني لسبب بسيط، هنالك شروط لا تحققها.
التشكيلات دي بتظهر في التحليل الدقيق (microanalaysis) لكن لما تحلل السوناتا كمقطوعة كاملة فهي ليست نموذجاً للكاونتربوينت، هذا هو الرد الذي أتوقعه من روبرت.
معظم المصادر الـي أوردها الأخ نادر الفضلي تأخذ الوجه التحليلي الدقيق الموجه للطلاب، وليس التحليل الموسيقي المتخصص.
ومثلها الكثير الذي يقول بعكس ذلك، ولا أرغب في نشره حالياً حتى الانتهاء من التحقق من المصدر الأصلي. |
Quote: الpolyphonic زي سوناتا ١٦ وكوبين بالرغم من إنهن لم يؤخذ في تأليفهن تقنية الكاونتربوينت، إلا أنهن يقعن ضمن الألحان التي تصنف الكاونتربوينت، لأنهن بهن اكثر من لحن واحد.
دي قراءتي للمقتبس من موقع روبرت استرن |
هذا يعني أنها لا (تنضح) بالكاونتربوينت يا أبوبكر.
فهي غير مكتوبه به أساساً.
قراءتك تقريبية، سأعود لاحقاً للتفصيل.
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: لا يخلو عمل في الموسيقى الكلاسيكية والرومانتيكية وقبلها عصر الباروك من
كاونتربوينت
نقطة سطر جديد
الكاونتربوينت عنصر اساسي في التأليف الموسيقي لايستغنى عنه ابدا
يعني بالعربي كده المسألة ما دايرة اثبات |
Quote: من الصعب جدا ان يستغنى مؤلف موسيقي عن الكاونتربوينت في متن تأليفه
انه عنصر اصيل |
Quote: اريد ان اوضح لكم الفرق بين الكاونتربوينت عند المؤلف والكاونتربوينت عند الدراسة الاكاديمية
فالمؤلفين غالبا ما يتمردون على القوانين مع الاستفادة منها
اكاديميا هنالك نوعين من الكاونتربوينت
١- الكاونتربوينت ماقبل القرن السادس عشر واسمه الكاونتربوينت المقيد "بالسترينا ستايل"
ويسمونه بالانجليزية
Strict Counterpoint
٢- اما الثاني فاسمه الكاونتربوينت ما بعد القرن السادس عشر
أوالكاونتربوينت الحر
واسمه بالانجليزية
Free Counterpoint
ومن الاسماء يامستنير تعرف ان الاول اكثر صعوبة من الثاني
الا ان كلاهما عرضة للتمرد من المؤلفين
بصرف النظر عن الخواجات السألتوهم وبحكم دراساتي التحليلية
فانه من الصعب الا تجد كاونتربوينت في مؤلف "بفتح اللام"
باروكي او كلاسيكي او رومانتيكي
فالمؤلف الذي لايستخدم هذا التكنيك قد يصنفه بعض المؤلفين بانه عاجز
عن استخدام الكاونتربوينت
فهو اقرب من منظور الاهمية قرب اهمية الماء للحياة
كل الود على كشفك الغطاء الذي كان يستر الرياء
تحياتي
نصيحة للقوقلابي الكلام ده من الراس من قاعات الدراسة الاكاديمية |
Quote:
فان الحركة الاولى في
C Major
اي دو ميجر
والثانية في
G Major
اي في صول ميجر
ثم في الثالثة عاد
الى
C Major
اي دو ميجر
مرة اخرى
لكما التقدير |
لحين ميسرة.
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
يا موصلي والله مرحب بيك في لندن في اي وقت !
انا موافق ، تجو و تنزلوا عندي و نتونّس و نشوف الحاصل.
...
انتو بس أبقوا جادّين و انا جاهز ، بس ما تجيبو معاكم المستنير لانو بالجد منتهي شديد😂
| |
|
|
|
|
|
|
|
|
|
Re: كاونتربوينت؟ (Re: امير بوب)
|
| Quote: آسفة لعدم موافقة مداخلتي لهواك... |
ما دام الاسف يا فردوس
وانا عدم تصديقي كان ما لانو مداخلتك ما وافقت هواي
ولكن لانها لا تتوافق ولا تتماشى مع خطك وطريقتك واسلوبك
ما تعودنا عليك متكالبة ومحرضة على مثل ما جاء في مقتبس مداخلتي موضوع تعليقك
انت واحدة من الناس الواحد بكون حريص انو يقرأ كل بوستاتك ومداخلاتك وما لحظت عليك
مثل هذا التشفي من قبل .. ولكن في النهاية هذه حرية الفرد فلن يستطيع احدنا حجر رأي الاخر
كوني بخير
| |
|
|
|
|
|
|
|
|
|
Re: كاونتربوينت؟ (Re: امير بوب)
|
والله يا امير زي صاحبك حاتم ده
الا تقعدو في تربيزه تسمعو وتكتب ليهو وتخت ليهو المراجع الجد قدام عينو
انا متأكد انو زول نابه وحيكون اكثر وثوقا من معلوماته
هسع كلامه عن عدم وجود كاونتربوينت في الموسيقى السودانية فندناهو ليهو في اغنية بسيطة ماضي الكريات
بالومن والثانية
بعد كده الا يكابر
اما من ناحية التلاقي
انا جاد جدا في الموضوع ومستعد وارجو الا يعد تحديا
القصة كلها في حاجات كده صعب تكاتل فيها على صفحات النت
السماع المشترك مهم جدا
تحياتي
عندي دعوة قديمة من الاطباء في دبلن سأحاول احياء تلك الدعوة ايضا
| |
|
|
|
|
|
|
|
|
|
Re: كاونتربوينت؟ (Re: Elmosley)
|
استاذنا الموصلي سلامات
ياخي ان مستغرب .. انت ليه ما عايز تجيب النوتة .. او ليه ما جبتها من البداية ووضحت اماكن الكاونتربوينت بوضوح؟؟
وللاسف انت زاتك حالياً مستند على اراء موسيقيين غربيين او اوربيين انا في اعتقادي انك لا تقل عنهم في شيء
فلماذا لم تفند وترد على كل التحديات دي بمداخلة واااضحة متضمنة النوتة او شرح مفصل او اي طريقة تؤيد فكرتك من خلال تخصصك وخبرتك؟؟؟
تحياتي
| |
|
|
|
|
|
|
|
|
|
Re: كاونتربوينت؟ (Re: Haytham Ghaly)
|
هيثم
ازيك انا ماشاطر للدرجة دي في الكومبيوتر وحاتم اشكر مافي كلام
لكن النوته تسوو بيها شنو
البعرف نوته فيكم يقول لي
وانا اجتهد واجيبها ليكم والونها بالقلم واصورها واختها ليكم
تحياتي
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: فهو مراوغ من الطراز الأول و لا يعترف بخطأه المنهجي ( الكلام ده ما البوست ده فقط دي ملاحظة عامة)
حصل شفت حاتم يتراجع عن أفكاره حين يُثبت خطلها بواسطة محاوريه؟
دي المشكلة هنا!
+++
مرة يقول مستر بوب يكون عنده سكيزوفرينيا و مرة طلبته ما بيعرفوا التكتح " هو بس ال بيعرف كل شيء و حده لا شريك له"
+++
بعدين أديك مثال تاني غير البوست الحالي ده...
حاتم ده ممكن يجي يوم يقول الأرض دي مسطحة ...
تقوم تقول ليه لا الأرض دي ما مسطحة الأرض دي دائرية و عينك ما تشوف إلا النور
و يحلك منه الحل بلة حتكون شهور و ربما سنين من التسطيح ال حيمارسه عليك و على القراء
+++
تخيل منبر يمارس فيه الجهل النشط جهاراً نهاراً و مافيه د. سيف و تبارك و لا أبوبكر ولا كبر!
+++
يجيب ليك مصادر و ويبسايتات و يفحم " جمهوره" و حتى لو كان كله Pseudoscience
عشان يطلع هو ال صاح ...
+++
عاوزه أحيي الأخ أحمد محمد عمر على هذا المداخلة الرائعة بحق |
| مرحب بيك تاني يا فردوس |
Quote: احترامي سيدي الموقر عبد الحفيظ أبوسن
كن كل التقدير لرأيك، وحتى أنا لا أحسن الزخرفة والتزويق لكن ما أفعله هنا هو في الحقيقة الحد الأدنى من الإبراز
Re: تزويق وزخرفة المداخلات (jazzing up)Re: تزويق وزخرفة المداخلات (jazzing up) |
وهناك غيرها إذا رغبت في الاستزادة، فتخيري كلماتك قبل (إبرازها) هنا، أما إذا كان لديك رأي حاسم في هذا الموضوع فخلينا نسمع منك بدل (هرجلتك) المنحازة وغير النافعة دي.
+++
قلت "تناقض" في المقولات ولم أقل (سكيزوفرينيا) وهذا واضح من الرد ولا يحتاج لتحليل نفسي، ومكتوب في الموقع أن الردود يقوم بها طاقم (staff) من المتطوعين والدارسين، ولم أقل إطلاقاً أنهم (لا يعرفون التكتح)، بل قلت أنهم (يختلفون في آرائهم) هنا:
Quote: واضح التناقض في الموقع الخاص بروبرت أسترين
ومن يرد على الاستفسارات طاقم يختلف في آراءه على ما يبدو
Re: كاونتربوينت؟Re: كاونتربوينت؟ |
واختلاف الرأي ليس دليلاً على جهل طرف، فلماذا لا تثقفين نفسك بالاطلاع قبل توجيه الاتهامات؟
قليل من احترام الذات لا يضر، بل واجب يا (فردوس).
+++
ولكن هذا ليس (مثال)، أنا لم أقل ذلك، فلماذا (تتوهمينه)؟
ديجافو؟
+++
الشخوص المذكورين أعلاه (سيف، أبوبكر، تبارك، كبر) ما الذي يحسب لهم في نقاشهم معي؟ هل من الممكن إيراد أي فقرة تتضمن ما يمكن تسميته (إفحام) أو (حسم)؟
أو أي (انتصارات) يمكن أن (تتوهمينها)؟
كبر رغم فضحه لجهله هنا إلا أنه (ظن) أن بمقدوره المحاججة في موضوع الموسيقى، ففتحنا له بوست متخصص، لم يأت فالموضوع أكبر من قدراته المتواضعة!
ثم أن مشكلته شخصية:
لذلك جاء مبتدراً القبح، كما فعلت أنت تماماً، فأنت أيضاً مشكلتك شخصية، وبدأت من هنا.
تناسخ الأرواح أو العودة إلى الحياة.. REINCARNATION صور وأفلام تناسخ الأرواح أو العودة إلى الحياة.. REINCARNATION صور وأفلام
Quote: ليس كذلك!
المقصود هو صياغة التعبير في الاقتباس الأول، أعدت صياغته بتوضيح مفصل وهي الحالة التي لا ينطبق عليها التعريف، فالحدث السابق هنا واقعة حقيقية وليست مظنة كما في التعريف، وهي الغالبة في الحدوث.
أما مصطلح Déjà vu فهو الذي أوردتيه وموجود ومعروف.
Re: تناسخ الأرواح أو العودة إلى الحياة.. REINCARNATION صور وأفلام Re: تناسخ الأرواح أو العودة إلى الحياة.. REINCARNATION صور وأفلام |
نقلت لنا التعريف من ويكيبيديا، دون أن تتحققي منه يا (دكتورة)!
اعتقد كافي.
+++
هل يمكنك أن تشيري لمثال واحد مما زعمت؟
وهل تعتقدين فعلاً أن ليس بمقدوري إيراد مصادر من أوراق علمية أكاديمية مثلاً؟
+++
أنا كمان بحيي أحمد محمد لتذكيري للإشارة لهذه العقدة، ذكر أحد المتداخلين هنا هذه العبارة:
Quote: في رأيي لقد إرتكبت اثماً لايغفره لك الا الله ويليه جوهان سبستيان باخ (ملك التضاد اللحني)
Re: ليركس مصطفىRe: ليركس مصطفى |
فما رايك فيما نحا إليه، هل تسمينها "عقدة" أم ما هي التسمية العلمية لها حسب تخصصك؟
يا دكتورة.
فردوس،
العلوم لا تورث بالنسب أو يفطرها الله في خلقه بالميلاد، إنما يتم تحصيلها، ما أفعله هو مجرد الاطلاع والعرض، فلا مبرر لهجومك وشتائمك هنا (I have taken enough) خاصة وإنك (خاملة) في مجالك.
أما إذا كنت من أنصار تعطيل العقل فهذا شأنك، أو ربما هذه طريقة حياتك، ولا دخل للناس بها، فلماذا تقحمينها هنا؟
____
في انتظار ردودك المنطقية، فيبدو أننا على موعد مع (علماء) النفس التخيليين. |
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: ايوه كده ياشاب ابعد من موضوع السوناتا ده لانو كبير عليك
خليك في موسيقانا السودانية المسكينة دي
+++
نديك اغنية بسيطة فيها كاونتربوينت من نوع الكانون
Canon Counterpoint
وهو نوع من المحاكاة Immitation
حيث يبدأ لحن تتم محاكاته بعد مدة زمنية قبل انتهاء الجملة اللحنية للحن
وهكذامثال ماضي الذكريات |
لماذا؟ هل لأنك بعدت عنها (قوقلياً) ست مرات؟
+++
ترى أن هذه هي مشكلتك، ومشكلة الموسيقيين في السودان
الغرف بلا تبصر ومن ثم الخم فالتنطع، فالتندر.
البوست دا اتفتح عشان فضح الفهم الخاطيء في هذه الجزئية بالذات، وشكراً للنموذج
وشكراً أيضاً (للتحليل) الخاص بالطير المهاجر.
Stay tuned
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
استاذي الموصلي
في داعي هسي للتعب دا ؟
انا قاعد ادردق في الدكتور امير دا يا ريت لو قال لي (موافق)
.. انت ما ملاحظ صيغة السؤال ؟ كنت عايز اورطو زي ورطة حاتم
Quote: يا امير كلنا بنخطئ مافي مشكلة واحمد حبيبنا من النوع البرجع عن رأيه لو أخطأ لانه انسان سوي
لكن الكلام في زولك الراكب راسو داك
فحسب المفاتح الانا شايفها والنوت الانا قريتها
فان الحركة الاولى في
C Major
اي دو ميجر
والثانية في
G Major
اي في صول ميجر
ثم في الثالثة عاد
الى
C Major
اي دو ميجر
مرة اخرى
لكما التقدير |
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: هيثم
ازيك انا ماشاطر للدرجة دي في الكومبيوتر وحاتم اشكر مافي كلام
لكن النوته تسوو بيها شنو
البعرف نوته فيكم يقول لي
وانا اجتهد واجيبها ليكم والونها بالقلم واصورها واختها ليكم
تحياتي |
يا دكتور يا خي لو ما عشانا نحنا جيبا عشان نفسك .. عشان اثبات وجهة نظرك الانت متأكد منها
ما بالضرورة نحنا نكون علماء في النوتة حتى تجيبا كاستناد لي صحة رأيك
لكن كان الاجدى تجيبا وتخلينا نحنا نجتهد او ما نجتهد المهم انت تكون اثبت ودعمت وجهة نظرك الواثق منها
بالاسانيد الاكاديمية المعروفة للموسيقيين .. ثم انو المنبر ماشاء الله مليان متخصصين وكانو اكيد حا يفيدونا في الموضوع
حالياً الموضوع وما فيهو انو انت كمتخصص موسيقى وحقيقةً احب الحانك جداً وتوزيعك ..
قلت رأي عن الكاونتربوينت ولكن للأسف لم تدعم رأيك دا بأي اسانيد اكاديمية كأي متخصص
وانما اعتمدت على اراء موسيقيين مثلك ..
عشان كدا انا مستغرب .. وانا متأكد انه لن تعجزك النوتة طالما انت متأكد من رأيك
ولا ادري ما سبب عدم رفد البوست بها؟؟
تحياتي واحتراماتي
| |
|
|
|
|
|
|
|
|
|
Re: كاونتربوينت؟ (Re: Haytham Ghaly)
|
هيثم والله عشان خاطرك حأعمل الحكاية دي
يلا ماتزعل
مع اني جبت مثال للكاونتربوينت السوداني
لحاتم الناكرو في اغنية ماضي الذكريات بالزمن بالثانية
يلا استمتع لمن اجيب ليك الديب من ديلو
حاضر ياسيدي
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: ياخي ان مستغرب .. انت ليه ما عايز تجيب النوتة .. او ليه ما جبتها من البداية ووضحت اماكن الكاونتربوينت بوضوح؟؟
وللاسف انت زاتك حالياً مستند على اراء موسيقيين غربيين او اوربيين انا في اعتقادي انك لا تقل عنهم في شيء
فلماذا لم تفند وترد على كل التحديات دي بمداخلة واااضحة متضمنة النوتة او شرح مفصل او اي طريقة تؤيد فكرتك من خلال تخصصك وخبرتك؟؟؟ |
Quote: ازيك انا ماشاطر للدرجة دي في الكومبيوتر وحاتم اشكر مافي كلام
لكن النوته تسوو بيها شنو
البعرف نوته فيكم يقول لي
وانا اجتهد واجيبها ليكم والونها بالقلم واصورها واختها ليكم |
ههههههه جرحتو!
غايتو عندنا شغل كتير الأسبوع دا
الله يهون.
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
احمد يسين
😂😂😂
Quote: استاذي الموصلي
في داعي هسي للتعب دا ؟
انا قاعد ادردق في الدكتور امير دا يا ريت لو قال لي (موافق)
.. انت ما ملاحظ صيغة السؤال ؟ كنت عايز اورطو زي ورطة حاتم
|
قلت كدا ؟؟
ياخ عليك الله شوف ليك مرّاقة تانية !!
معقولة ياخ ، حتة عنقالي ساي و هاوي يحرجك كدا ؟ و بشهادة استاذك !!
....
عشان تاني تهابش 😂
قلت لي دي كانت حركة عشان تدردقني تورطني ؟!!!
أها لقيتني كيف ؟
😂😂
انت يا زول قايلني ما بفهم و ح اوافقك ساي !!
انا أي كلمة كتبتها هنا عارفها و مسئول عنها ...
بعدين ياخ برضو افترض فيني شوية علم بالمزيكا !!
هاردلك تعيش و تاخد غيرها !
| |
|
|
|
|
|
|
|
|
|
Re: كاونتربوينت؟ (Re: امير بوب)
|
يا استاذ موصلي بالله عشان ناسك ديل تاني ما يقولوا لي تابع و ما بفهم موسيقي
أهو حسمت ليك ولدك و بالضربة القاضية و انت كنت الحكم ... صاح؟ 😂😂
فياخي عندي طلب خاص !
أصرف للطالب دا عشرة جلدات بي صوت عنج
و تعاقبو بكتابة نوتة السوناتا مية مرّة !!
....
😂😂
لو ما عملت كدا يا استاذ تكون منحاز !!
....
يا مستنير باقي لي بعد دا حقو تتنازل لي عن اللقب 😂
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
| Quote: بتوافقني ان الــ (مين ) او المفتاح الرئيسي للعمل دا هو (B) مايجور ؟ |
هههه
بمناسبة (المين) دي
تعال يا أحمد اشتغل معانا لف موتورات وضفيرة كهرباء وصنفرة بلوتين.
جيب معاك فردوس، قول ليها حاتم دا (بوس) عندو ناس بشتغلوا ليهو عشان كدة متفرغ لهرجلتكم دي، أظنها متخيلاني مضطر اشتغل 12 ساعة في اليوم وكرعيني مشققات عشان حق السندوشات ورهن البيت وقسط العربية.
انتهاك الخصوصيات، عالم وقحة وحاقدة بشكل.
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: تعال يا أحمد اشتغل معانا لف موتورات وضفيرة كهرباء وصنفرة بلوتين.
|
هههههههه
ياخ انت لسع صاحي ؟ انا وناس المنبر ديل قايلنك لسع (مغبي) من الحركة الفنية حقت الاستاذ
مشكلتك مكابر ومابتسمع الكلام انا زمان قبل يمكن سنة نصحتك وقلت ليك ابعد من يوم (اوكتاف /..ك) الجبتو
واديتك باص خفي عشان ما تتزنق الزنقة الياها لكنك مافهمت الباص لانه مهاراتك ماعالية
وعيبك انك متفلهم وبتنفخ نفسك وبتستصغر الناس ... وماعندك الـ (فلكسبيلتي) حقت انك تتراجع عن رايك الخاطىء
وهسي الــ (كاونتر بوينت/ ك) دا ما جاب ليك كارثة ؟ بقيت زي السوناتا (16) شغالة والاستاذ يشرح وانت ترقص براك
ههههههههههه
والله يا حاتم ما تتخيل انا مستمتع كيف ... لاني عارف استاذنا الموصلي دا زول (كارثة) بالجد والله
يا عزيزي ..وللمرة الالف ابعد عن استاذنا دا اهو غطس حجرك
ياخي جيب ليك (طوف) وركب معاك امير بوب
وابعد عن الاستاذ ايوسف الشهير بــ (جون ستينس)
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
يا حاتمنا
ان شاء الله ما اشيل ايدي عليك مقولبات
سي سي
للدكتور أميرنا بوب
...........
في النهاية قوة المنطق تهزم الغوغائيين
اديهم دروس ياحاتم
و
امير
..........
| |
|
|
|
|
|
|
|
|
|
Re: كاونتربوينت؟ (Re: حاتم إبراهيم)
|
Quote: ياخ عليك الله شوف ليك مرّاقة تانية !!
معقولة ياخ ، حتة عنقالي ساي و هاوي يحرجك كدا ؟ و بشهادة استاذك !! |
ما مستغرب!
الموسيقير دا مصر يصنف أصوات الفنانين لباريتون وآلتو
حتى لو كان الفنان أو المغنية واقف براهو في المسرح
ملخبط بين الغناء السولو والكورال
لكن الصراحة فيها قشرة
بالله لما تخش على الناس بكلمة (باريتون) و(آلتو) لمن تشوفهم اتضايرو
ودي أصواتهم البتونسوا بيها، بس بالإنجليزي هههه
أما الموسيقير الكبير
فالقشرة عندو (كاونتربوينت)
المسألة (مقامات) وكدة! انت ما شايف الشهادة الكرتونية!
قاليك (شوفوني عملت ورشة) يعني زي السمنار بتاع طلبة آداب
المفروض عليهم فرض
إنجاز يا أنبوبة الغاز!
ما عشان كدة سموهوا (أب جاكومة)
فمصر يصنف أغنية سودانية على أنها (Canon Counterpoint)
عاينوا للمصطلح بتاعو كويس، أنا اقتبسته عشان أشرح ليكم أصل المأساة
لقدام بعد ما أفصل شنو يعني كاونتربوينت
الملخص: أبن سن بيعاير أب سنينتين والكل في الهوى شروم.
غايتو الواحد معناها ما ينوم في رمضان دا.
الغلة رقدت هبطرش
| |
|
|
|
|
|
|
|
|
|
Re: كاونتربوينت؟ (Re: أبوبكر عباس)
|
في قسم النمو والتفاعل ب سوناتا ١٦ لموزرات مثلا
اذا لاحظناللموازير الاربعة في الصف الاول ان الصيغة
الكاونتربوينتية هي صوت مقابل اربعة اصوات في المازورتين الاولتين فيه ثم المازورتين التاليتين نجد اسلوب التلاحق بين مفتاحي فا الاسفل وصول الاعلى
وهو تلاحق اقرب للمحاكاة غير المقيدة وهو نوع من انواع الكاونتربوينت ايضا
ثم في السطر الثاني او الموازير الثلاث التالية عودة الى نظام صوت مقابل اربعة الكاونتربوينتي في المازورتين الاوائل ثم عودة الى التلاحق في المازورة الثالثة
اما في الموازير الثلاث الاخيرة فعودة الى اسلوب المحاكاة والتلاحق وهو اقرب الى التكنيك الباروكي
اها يا هيثم صؤنا معاك؟؟؟؟؟؟
ده كلام لا علاقة له بقوقل البتة تحليل خاص واني بعد طلبك المقدر
مع احترامنا للعم قوقل ههههههههههه
حاشية
مازورة تعني حقل موسيقي يحتوي على اشكال موسيقية وفق الميزان الخاص بالعمل
ا
اها ياجماعة ودعناكم الله
تم كشف المستور بواسطة كبر والشبلي ونادر والمستنير واحمد يس وفردوس وغيرهم من النشامى
وبعدين جات عصا موسى وقشت
التراب الاغبر
وبما ان بعض العبط جاء ليسوق هذا البوست ويعيده الى الهزل والاستخفاف الذي يصل حد العبط
فنكتفي بتأديبنا وتشذيبنا وترويصنا
للقوقلابي
اها يا ملك قوقل نستودعك الله
لو بقيت على لقاء الطاولة ادينا خبر
خصوصا انها ممكن تكون عند صديقك د امير يعني عندك حمايه ههههههه
ولو جبنت وهذا متوقع فالعفو والعافية ياخوي
| |
|
|
|
|
|
|
|
|
|
Re: كاونتربوينت؟ (Re: Elmosley)
|
شكرا للاستاذ الموصلي على شرح مواضع الكاونتر بوينت في السوناتا موضوع البوست أخيرا و يعد روحنا قربت تمرق انا و الزملاء من الفيس بووك :)
يلّا تم جميلك يا استاذ و ختّها لينا بالثواني - زي ما عملت في الاغنية السودانية - عشان الواحد يقدر يقول طلع بي حاجة للدنيا و الزمان من البوست الأطول من نهار رمضان دا
| |
|
|
|
|
|
|
|
|
|
|
| |
حاتم إبراهيم
محمد البشرى الخضر
MOHAMMED ELSHEIKH
وهبه الشبلي احمد
Elmosley
Nasser Amin
حمد عبد الغفار عمر
جمال ود القوز
محمد الأمين موسى
Ahmed Yassin
فردوس جامع
Moawia Mohammed
Hatim Alhwary
عبدالمنعم الطيب حسن
فيس بوك
تويتر
انستقرام
يوتيوب
بنتيريست