|
|
 ايهما انجح في السودان البناء بطوب البلوك ام الطوب العادي ..
|
10:38 AM Nov, 05 2015
سودانيز اون لاين
الطيب عباس-ناوي للبلد الامين
مكتبتى
البوست دا حيكون باهت لو ما جانا اختصاصي اوارفقت بوستات مشابة شان منكم نستفيد
انا عارف انا في كتير من التساؤلات عن البناء فانا قوقلت المساله النتايج قديمة كلا و ماف في السودان .. طوب الخليج ماااكن ما زي حقنا واسمنتيو وخلطتو تتبع لكثير من الرقابة ,,
فبالله اصحاب الخبرات والهندسة عاوزين الفرق بين البناء بي البلوك والطوب العادي في السودان .. تكاليف ؟ متانة ؟
.. ودمتم سالمين .
|
|
 
|
|
|
|
|
|
|
 Re: ايهما انجح في السودان البناء بطوب البلوك � (Re: الطيب عباس)
|
البناء بالطوب العادي افضل يا اخي الطيب.
البلك يحتفظ بحرارة النهار لصباح اليوم التالي، و يزيد تكلفة استهلاك الكهرباء. بالمقابل الطوب عازل حراري ممتاز.
اهم من دا كلو نسبة المواد في البلك المصنع في السودان فيها الكثير من الشك، و يمكن ان تجرب ذلك بغرز مسمار في واحدة من البلك.
| |
|
|
|
|
|
|
|
|
|
Re: ايهما انجح في السودان البناء بطوب البلوك � (Re: الطيب عباس)
|
الأخ الطيب لك التحية ،،
أنا ما مهندس ولكن أخو مهندس وكنت ببنى قريبات فى السودان ،،
- البناء بالبلوك أسرع ويمكن يكون أرخص من الطوب شووية .
- البلوك أتقل من الطوب لذا غير محبز للبناء المتعدد الطوابق .
- المشكلة الرئيسية فى البلوك إنو بعد البناء واللياسة والجير والسكن فيه ،، أية دقة عشان تخرم يطع فوووووو فاضى لأنو البلوك مجوف بالداخل
- برضو فى أمدادات الكهرباء الأولية والنهائية برضو مشكلة كبيرة عشان تقدر تخرم ليك الحيطة .
- عليك بالطوب مهما كلفك ( غايتو اللورى أب 4 ألف طوبة كان ب 1500 فى شهر 8 اللى فات )
ونتمنى لك بناءا سريعا معقول السعر
| |
|
|
|
|
|
|
|
|
|
Re: ايهما انجح في السودان البناء بطوب البلوك � (Re: أيمن محمود)
|
الغريبة العالم كله شغال بالبلكات الاسمنتية ولم نسمع بعيوب لها إلا في السودان
وطبعا ده واحد من الافرازات الطبيعية لانعدام المواصفات والجري وراء الكسب السريع
حسب تجربتي اشتغلت الطابق الأرضي بالطوب الأحمر لأنه متين ومتماسك ومريح في توصيلات الكهرباء والصرف الصحي
الآن شغال في الطابق الأول بالطوب الحراري.. وهو طوب مريح وجميل وسريع وأسعاره مناسبة ..
| |
|
|
|
|
|
|
|
|
|
Re: ايهما انجح في السودان البناء بطوب البلوك � (Re: محمد مجيدو)
|
شكرا ناذر
خياري الشخصي في البناء سيكون بنظام الثري دي بانيل (الواح الفلين المسلح الهيكلية) ونسأل الله التساهيل
لا طوب ولا بلوك فهي ألواح مواصفاتها مظبوطة من المصنع وتركيبها بخبرة هندسية ولو بنيت بها الارضي يمكنك التخطيط لاحقاً لاضافة الطابق الثاني
بيت الريس بكري خير برهان فقد بني بنظام الثري دي بانيل
| |
|
|
|
|
|
|
|
|
Re: ايهما انجح في السودان البناء بطوب البلوك � (Re: مدثر صديق)
|
السلام عليكم .. الطوب الحراري المتعارف عليه وسط البنائيين (ما الاحرار طبعا) في السودان المقصود به طوب البلك الرملي الأحمر أو الفخاري وليس الطوب الحراري المستخدم في الزينة فالاخير عالي الجودة والقيمة. مصانع الطوب الفخاري الأحمر متوفر في مصانع عديدة في بحري والخرطوم أغلها مملوكة لأتراك وسوريين .. ولديه وكلاء عديدون أتذكر وكيل كان بقرب منزلي بمنطقة جبرة م 19 سلمني الطوب بنظام مريح داخل الموقع.. على عكس الذين يفضلون البناء بالبلوكات في الأرضي أنا اعتمدت الطوب الأحمر في الأرضي لأنه متين ومتماسك وآمن ، خاصة للمواقع التي قرب الشوارع الرئيسية، البلكات المفرغة عموما أفضلها في الطوابق العليا لانها خفيفة وسريعة في البناء.
| |
|
|
|
|
|
|
|
|
|
Re: ايهما انجح في السودان البناء بطوب البلوك � (Re: أيمن محمود)
|
سلامات يا هندسة .. انا عندي حمامات خارجية ومطبخ خارجي عاوز ابنيهم عشان كدا فتحت البوست دا وكفيتو ووفقيتو ما قصرتو لمن ابديت مخاوفي للمقاول عن الطوب البلوك قالي ياخ بعتمد علي نوعية الارض ثابتة ولا متحركه والخلطه مرات بتكون في كوتة سمحه بتشتريا بالفحص العيني بترفعا بي ديك وتدق في واحده مسمار وبعد داك بتعرفا تمام ولا لا قت لي الخلطه حتعرفا كيف قالي بالخبرة بس بعرفا هههههههه المهم اقنعني عديل كده لكن الحمامات احسن بالطوب العادي قال لانو المساحه ما بتسمح | Quote: البلوك الاسمنتي المفرغ مصمم هندسيا ليحمل نفسه فقط - يعني الحيطة عشان تكون واقفة - لكن ما مفروض تشيل حاجة فوق ليها - وذلك حسب المواصفات الامريكية "ASTM" |
| |
|
|
|
|
|
|
|
|
|
Re: ايهما انجح في السودان البناء بطوب البلوك � (Re: أيمن محمود)
|
سلامات يا هندسة .. انا عندي حمامات خارجية ومطبخ خارجي عاوز ابنيهم عشان كدا فتحت البوست دا وكفيتو ووفقيتو ما قصرتو لمن ابديت مخاوفي للمقاول عن الطوب البلوك قالي ياخ بعتمد علي نوعية الارض ثابتة ولا متحركه والخلطه مرات بتكون في كوتة سمحه بتشتريا بالفحص العيني بترفعا بي ديك وتدق في واحده مسمار وبعد داك بتعرفا تمام ولا لا قت لي الخلطه حتعرفا كيف قالي بالخبرة بس بعرفا هههههههه المهم اقنعني عديل كده لكن الحمامات احسن بالطوب العادي قال لانو المساحه ما بتسمح | Quote: البلوك الاسمنتي المفرغ مصمم هندسيا ليحمل نفسه فقط - يعني الحيطة عشان تكون واقفة - لكن ما مفروض تشيل حاجة فوق ليها - وذلك حسب المواصفات الامريكية "ASTM" |
| |
|
|
|
|
|
|
| |
الطيب عباس
اباذر عبد العال
ismeil abbas
عواطف ادريس اسماعيل
أيمن محمود
عمر التاج
ناذر محمد الخليفة
محمد مجيدو
أحمد الشايقي
مدثر صديق
فيس بوك
تويتر
انستقرام
يوتيوب
بنتيريست