|
|
 Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد البشرى الخضر)
|
والله يا منير انت شكلك حارس الاستيككز وقاعد في البيت... الزول يمشي الشغل ويجي يلقاك عامل مية مداخلة:)
النقاش معاك يا منير صعب جدا لانك ماسك زي عشرين موضوع ولاخيهم مع بعض تتحدث
عن التطور الموجود الان في الخرطوم والجهود المبذولة وفي نفس الوقت تبرر لعجر ما سببه الحصار وتدفق اللاجئين ...
تتحدث عن المعيشة الصعبة قبل الانقاذ ثم تبرر لرخاء ما اتى من المعونات الخارجية ... تتظلم من الحصار الامبريالي الظالم
على السودان ثم تتحدث عن ان السودان محصن من الهزات الاقتصادية العالمية لانه فارق فلك امريكا (التى على وشك الانهيار)
وصار داير في فلك الصين ...
تحاول اثبات ان هناك تطور وامن ورخاء في السودان وتمطرنا بصور مشردين وفقراء امريكان وكانك تريد ان تقول حتى امريكا
بها نفس المصائب التى لم تعترف بوجودها في السودان.. نحدثتك عن جرائم الكيزان تحدثنا عن عدم مبدئية الشيوعين..
نحدثتك عن قذارة الكيزان تحدثنا عن ان السياسة قاتل او مقتول ... دا اسموا النقاش المقفول زي اللعب المقفول وهو اللعب الدفاعي البحت ..
والفرنجة بقولوا عليهو muddying the water بحيث الناس ما تقدر تركز على معطيات محددة وتعمل ليها مقارنة صورة قبل وبعد
لتصل لخلاصات معقولة ...
يعني النقاش لمن يصل لحتة معينة وانت معترف بخطأ وخطل النظام فيها لازم تجيب لينا امريكا وتقطع فيها كفين وتقول لينا اها رايكم شنو؟:)
كدي عشان النقاش يكون متناسق وضح لينا المشاكل السببها الحصار وتدفق اللاجئين ومن هو الملام الاول في الحالتين؟
برضو المشاكل الناتجة عن توقف المعونات الخارجية وعلى من تقع مسئولية توفقها؟
رايك في الوضع الصحي الحالي في السودان شنو؟
رايك في الوضع الامني والفساد والتعليم؟
هل فعلا ترى ان هناك تنمية تمت في عهد الانقاذ ووين تمت في ياتو قطاع؟؟
هل تقاس التنمية بالبنيان والمطاعم والسيارات الفاخرة ام بالبنية التحتية؟
احتمال يا منير بعد ما تجاوب على الاسئلة دي نطلع متفقين ونبشر لبعض ونتخارج:)
__________
خارج سياق هذا البوست..
امريكا يا منير ما زالت اكبر واقوى اقصاد في العالم وانهياراقتصادها ممكن يحصل لكن احفاد احفادنا لن يروه :) امريكا مرت بالــ Great depression في
ثلاثينيات القرن الماضي ثم مرت بـــ depression في بديات السبعينات وكل مرة تخرج اقوى ... رغم ان سوق العقارات الامريكي كان سببا مباشرةََ في
الازمة العالمية الحالية الا ان امريكا تقود الــ Recovery الان .. يبدو انو انتظارك حيطول يا صحبي:)
عليك الله الحتة دي اعفي لي فيها وما ترد عليها خالص:)
ممكن تخصص بوست للموضوع دا واوعدك اني اكون زبون دائم فيه...
| |
 
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: سيف اليزل الماحي)
|
يا حسين نوباتيا حقو تنتبه لأني أرد علي متداخلين ذوي رؤي مختلفة ، ولذلك كل زول بنعبئ ليهو حسب ماعونه .. وأنا غالباً أحاول أن أرد علي أي زول يوجه لي كلام .. وده سبب كثرة المداخلات .. مع إنو العملية دي متعبة لكني أكره أن أتجاهل زول إلاّ حين أتعمد ذلك تجنباً للمشاكل .. فلا تستغرب من إختلاف الخطاب .. وحقو إنت تأقلم دماغك علي تنوع المناقشات ..
نعم انا قلت البلد مخنوقة بالحصار منذ عهد نميري وزاد الخناق في عهد الإنقاذ .. والتتيجة الطبيعية لبلد ظلت منذ الإستقلال تعتمد علي المعونات وسياستها الداخلية والخارجية محكومة بالمعونات وفجأة كده تنقطع تلك المعونة أن تحدث فيها مجاعات وضيق عيش وإضطرابات..- قامت إنتفاضة ابريل -
وفي عهد الإنقاذ تحولت المعونات لحركات التمرد وتغذية الحرب ضد البلد ..
وفي الآخر ذكرت أن الحصار كان مردوده إيجابي علي البلد برضو - من باب رب ضارة نافعة - فقد جعلت الحكومة تعتمد علي قوي أخري بالإتجاه شرقاَ .. ومن النتائج الإيجابية تفجُّر القوة الذاتية والإتجاه للإعتماد علي الذات - ويتجلي ذلك بالتحديد في الصناعة العسكرية وووو .. قلت ليكم في عهد الصادق المهدي مصنع الذخيرة - المصنع العسكري الوحيد - كان واقف وما قادر يصنع طلقة واحدة .. ماكيناته قديمة من زمن الحرب العالمية الثانية ..
طبعاَ حتقول لي مفروض التصنيع يكون للأشياء الغير عسكرية .. لكين أقول ليك بي وين ؟ مع جيوش مجيشة مدعومة من الدول المجاورة والقوي الكبري لا تتوقف من ضرب البلاد والبني التحتية .. فلا بد من التصنيع الحربي المكلف ، وخاصة أن العالم كله ممنوع من بيع السلاح للسودان .. والسلاح ده عشان يحموا بيهم أهاليكم الخليتوهم وراكم نهباً للوردات الحروب ..
| |
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
قال الأخ / منير :
( والسلاح ده عشان يحموا بيهم أهاليكم الخليتوهم وراكم نهباً للوردات الحروب .. )
طيب هم بدل ما يشترو سلاح أو يصنعوه مش كان الأولى أن يتخذوا سياسات تجعل هؤلاء الذين سافروا وهاجروا وتركوا اهلهم وراهم يستقروا في البلد ويحموا أهلهم من لوردات الحروب ؟؟؟؟
يتبادر إلى الذهن من أول وهلة للذي يقرأ هذه العبارة أن كاتبها يريد أن يقول بأن هؤلاء الذين اغتربوا وهاجروا من البلد إنما فعلوا ذلك برغبتهم وحباً في السفر والهجرة وترك الأهل والبلد ....!!
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Othman Al-Hasan Babikir)
|
يا منير انا متابع كل المواضيع البفتحوها الاخوان ومتابع ردودك عليها ... من ناحية متفهم مداخلاتهم لكني حيران من ردودك الدائرية...
بعدين كثرة مداخلاتك دي كانت مزحة وليس احتجاج على كثرة المداخلات في حد ذاتها ... فما تتحسس ساكت...
ومداخلتك الاخيرة دي اكبر دليل على كلامي في المداخلة القبلها ... كدي ارجع اقراها تاني حتلقى كلامك كلو داير حول مشاكل اسبابها من الخارج
وكان النظام دا قاعد متفرج وبتجيهو "الابتلاءات" من حيث لا يحتسب وهو غير مشارك في صعنها ... بل بالعكس بترى فشله في ادارات علاقاتوا الخارجية
من زاوية رُبّ ضارة نافقة... وهكذا...
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: حسين نوباتيا)
|
يا حسين نوباتيا يا صديق .. أنا ما تحسست لكين أردت أن أوضح - ومنها كمان أشير للأخوان - أني أهتم بالرد عليهم رغم المعاناة :) .. وطبعاً عشان ما أكرر الكلام بحاول أجدد في الإجابات بتناول أوجه جديدة في الرد .. ولكن المحصلة كلها بتصب في نتيجة واحدة وفكرة واحدة كل مُحاوِر يشيل منها الجانب البيحفزه للرد القادم .. وهكذا دواليك :) .. ثم ثانياً أنا زاتو الكتابة دي مادافع فيها كيبورد .. شغال بالماوس أطقطق في الفيرشوال كيبورد وأنا مستلقي علي الكنبة وبتفرج في التلفزيون كمان .. ومرات بكون بواصل في شغل المكتب من البيت نصايص الليل وأنا راقد فوق عنقريبي وأكتب في المداخلات .. يعني شنو؟ يعني ما تشيل همي .. ولو إنت شايف إنو ردودي دائرية راجع مركز الثقل بتاعك لأنو أنا عارف كلامي ثابت .. إحتمال إنت المصاب بالدوار ..:) ..
ما قلت لي قصة ال40 ترليون دولار ديون دي حصلت كيف؟ والحل ليها شنو؟؟
أنا فتحت 'بوستاتين' في الموضوع ده واحد مازال في الصفحة الأولي أو الثانية وبالكتير التالتة .. وآخر مداخلة فيهو صرفت للجمهور 100 ترليون دولار ......... زيمبابوي .. 
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: حيدر حسن ميرغني)
|
Quote: الأخ فرانكلي .. مشكور علي الإضافة .. لاحظ أن هذا الشغل تم مع حصار شامل خانق وإنقطاع المعونات تماماَ
.. وما تنسي الصناعات العسكرية المتطورة ، والصناعات الحديدية - سيارات حاصدات إلخ .. - ومصنع الفلنكات الأسمنتية التي ستنقل السودان مباشرة لعهد الhigh speed train ..
وأقول ليك أصبر شوية .. الحصار ده زاتو أظنه كان لحكمة يعلمها الله فإن أمريكا الآن في طريقها للإنهيار حيث بدأت الدول تبتعد من التعامل بالدولار وهو ما سيجعل الدولار قريباَ لا يساوي قيمة الحبر الذي يطبع به
.. ولحسن الحظ أن إقتصاد السودان تحرر منذ زمن من إرتباطه بالدولار - كنتيجة بديهية للحصار الأمريكي عليه -
وارتبط بالصين والآن الروس داخلين بقوة مع الصين مع كثير من الدول الصاعدة لبناء إقتصاد بديل سيترك أمريكا محاصرة ما بين المحيط الأطلسي والمحيط الهادي وتتحول الولايات المتحدة لديترويت كبيرة ..
|
منير
تحياتي
يا خي بتديني احساس إنك ما بتراجع كلامك قبل ما ترسله
لأنه الكلام الكتبته دا لا يمكن أن يكون ناتج عن تفكيرك وعقليتك.
إذا سلمنا بأن كلامك صحيح فيما يتعلق بأمريكا
أمريك دي عندها صناعات كتيرة وتقيلة وبني تحتية ضخمة وبنوك وغيره
وما اعتقد إنها محاصرة من قبل أي دولة
وسوقها مفتوح
ومستوى الدخل بتاعها عالي
وتصنيفها الإئتماني كويس جداً.
طيب وبعد دا كله حتنهار لأنه في دول قررت ما تتعامل مع الدولار
طيب السودان البخليه شنو ما ينهار
ولو مسكنا التضخم بس البتعلن عنه الحكومة
وطباعة العملة لشراء الدهب
واعلان فشل البرنامج الإقتصادي
وإعلان فشل المشاريع الحكحومية
وتوقف البترول
وإغلاق المصانع والمناطق الصناعية
البيمنع السودان شنو إنه يكون "ديترويت" .
شفتا كيف، مش قلت ليك ما بتكون قريت كلامك دا؟
إذا إنت بتتنبأ بإنهيار دولة بتصنع قطاراتها السريعة بفلنكاتها
شنو البيمنع انهيار دولة يا دوب بتفكر في صناعة الفلنكات
ودا كله لأنها ما مرتبطة بالدولار
دي غايتو بالغت فيها
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: الصادق اسماعيل)
|
ههه ياالصادق دي جليتها وهي مقنطرة زي ما بيقول ناس سودانيزأون لاين .. أمريكا ستنهار لأنو دولارها حيدق الدلجة .. أما السودان ما حينهار لأنو هو أساساً في حالة إنهيار والآكشن المتوقع هو النهضة بعد أن تجف مصادر تمويل الحرب لمن الأمريكان ينشغلوا لي رقبتهم بالأكل والشراب ..
يعني مثلاً زول أساساً عايش في راكوبة، لو الراكوبة دي وقعت فوق راسه حتعمل ليهو شنو؟؟ حتصحيه من النوم بس .. لكين زول ساكن في الطابق العشرين، والعمارة تقوم تقع حتعمل ليهو شنو؟ حتصحيهو من الموت؟؟ ..
وطيب !! :)
Othman Al-Hasan Babikir .. جاييك ياصاحب ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: حيدر حسن ميرغني)
|
سلامات عزيزنا حيدر حسن ميرغني - قربت ألخبطك بفنان الطمبور حيدر حسن مدني - :)
تصدق أنا غايتو لو ماكان أخواني سايقني زي العميان من مكان لمكان كنت حأكون طاشي ليوم الليلة .. ياخي زمان كنا الواحد بعد الغداء لو ركب المواصلات من بحري للخرطوم تقوم الحافلة في العصر داك تجي قاطعة الكبري تلقاهو فاااضي وتلف كده علي شارع الجامعة الظليل تلقاهو فاضي إلاّ من بعض الطالبات القاطعات الشارع عند البوابة .. ولغاية ما تخش أبو جنزير البلد هادية وفاضية مع ضل العصر والنسيم العليل .. الليلة الزمن كله بقي ساعات ذروة !!.. ولولا كمية الشوارع الجديدة والوسيعة والطويلة والكباري الواحد ما كان عارف البشرية حتمشي وين ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
يا Othman Al-Hasan Babikir .. عاوز تقنعني إنو الحال لو إتصلح الناس ستترك الإغتراب ؟؟ .. ياخوي الإغتراب ده أصبح غريزة لشعوب أفريقيا كلها بما فيها شعوب البحر المتوسط .. ياخي حتي الزول المرتبه 4 مليون عاوز يمشي السعودية عشان مرتبه يقفز ل 40 مليون - عشرة أضعاف - يعني سنة في الغربة تساوي 10 سنوات في البلد .. ده غير الأنوار والبهجة وزخرف الحياة الصاخب .. وبرضو ده غير الناس الذي يدفعهم للغربة والهجرة للخارج الماء والخضرة والوجه الحسن ..
ركّز لي علي الماء والخضرة والوجه الحسن دي .. لأنو في واحدين تاني لو كتلوهم ما ممكن يفرِّطوا في الماء والخضرة والوجه الحسن ديل ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
هههههههههه قلت ليّ بمقياس الدول الكبيرة ؟؟
اول مرة اسمع بتقييم زي دا ... انو الدولة تحسب انها منهارة مقارنة بدول اخرى!!
الدول تقييم بناءاََ على معايير ثابثة :-
1-النمو الاقتصادي
2- الصحة
3- البيئة
4- التعليم
ومنها يُحدد ما اذا كانت الدول متقدمة او نامية او فقيرة (منهارة)
يا منير بعيدا عن البروباغندا والدول الكبيرة انت تقييمك شنو لحالة الانهيار التى يعشيها السودان الان
يعني حالة الانهيار دي جاية من وين تحديداََ؟
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: حسين نوباتيا)
|
حسين أنا قايلك بتفهمها طايرة ولا تحتاج لشرح ..
لو عاوز تقارن اليوم بالأمس لازم تستحضر كل المعطيات .. زي مثلاً عدد السكان .. عدد مواطني الخرطوم .. عدد المركبات .. عدد الطرق .. عدد الكباري .. عدد وعدد وعدد .. أقسم عدد المستشفيات زمان علي عدد المواطنين بين الأمس واليوم .. أقسم عدد مركبات المواصلات الآن علي عدد الناس .. إلخ .. كزول بتاع إقتصاد ما كنت محتاج أذكِّرك بهذه البديهيات ..!!! ..
يبدو لي أنو مشكلتك هي الframe of reference .. قبيل قلت لي كلامي دائري، ونبهتك إنو نقطة إرتكازك ما ثبتة - أو أنك مصاب بالدوار - والآن ظاهر لي إنك عاوز تقارن نيويوك بالخوجلاب .. ههه .. لكين أقول شئ؟ مؤكد إنو الحاج يوسف أحسن من ديترويت ..
في المقابل أمشي شوف لينا صرفة لمشكلة ال40 ترليون دولار ديون بتاعة أمريكا وما معني أن يولد الأمريكي وعلي كاهله 200000 دولار ديون من صرخة المولود الأولي؟؟ .. ودي ماشة في إزدياد متضاعف كل يوم !! ..إنت زايغ وعامل رايح من الإجابة مالك؟؟ إنت قاعد فوق قنبلة موقوته أصبحت دقات ساعتها تتسارع بوتيرة تصاعدية لوغريثمية .. هذه ال40 ترليون عندها خاصية عجيبة وهي أنها معتمدة علي ميزة البترودولار الذي الآن قاعد علي الحركرك .. جهِّز نفسك وأسرتك للمصيبة الكبيرة والتسنامي الجاي ولا تكن من الغافلين وتقول سآوي إلي جبل يعصمني .. This is very serious..!!o
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
هو بالله انا الطعلت عندي مشلكة في الفريم اف رفرنس :) يا سبحان الله ...
يا منير انت نجرت ليك مقياس من عندك ووريتك انو دا ما مقياس معمول به لا عالميا ولا اقليميا ولا حتى سودانيا دا حاجة خاصة بيك انت فقط ... فمن هو الذي يعاني مشكلة في الــ Frame of reference
والتى معناها اخذ معطيات معروفة ومن ثم القياس بها للوصول لنتيجة ما؟؟ ولاني زول بتاع اقصاد بقول ليك انو معاييرك بتاعت اليوم والامس دي برضو خاصة بيك انت فقط ولا علاقة له بمعرفة ما اذا كانت الدولة
متقدمة او منهارة ... انا هنا ما بتكلم عن موضوع البوست دا انا بتكلم عن اشارتك الداير انتا تزوغ منها بتاعة انو السودان دولة منهارة... لمعرفة تصنيف الدول يُنظر للمعطيات الانية - الحالية المتوفرة ولا تقارن مع ايّ
عصر مضى... نعم عدد السكان ((الكلي)) الحالي للدولة يحسب ضمن عناصر النمو الاقتصادي .. لكن دي ذاتها ياحبيبنا ما في صالح الحكومة الحالية لانو العدد الكلى للسودان نقص 9 مليون بانفصال الجنوب.. يعنى حتى بمعييارك الغلط انتو برضو غلطان:) ... ليه انت غلطان لانو زيادة السكان تعتبر من العوامل الايجابية للنمو الاقتصادي.....
عليك الله الما بخيلني ازوغ من موضوع امريكا معاك شنو يا منير اذا انا في الف ب ت ث اقتصاد ما قدر امسكك وانت بتخش ليّ بحمد وتطلع بخوجلي في المداخلة الواحدة سعبة مرات:) انا اذا جبت سيرة امريكا ما ياني
الما طلعت معاك لا بحق ولا باطل:)
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
الأخ منير سلامات وكيف الحال ..
Quote: في الحقيقة أنا أحسست بأني لو كنت حاولت أقوم علي الحماقة لأزداد التصادم والتجريح
مع الأخ الأصغر محمدحيدرالمشرف ولذلك أردت أن ألعن الشيطان من بدايته .. والحمدلله علي إستجابة ود المشرف .. |
أولا أنا شاكر لسعة صدرك ..
ثانيا أنا تداخلت في هذا البوست مفندا لما قلت به أنت في حتتان .. (وفي كما يعلم الصديق محمد اي سليمان حرف جر و .. حتتان مثنى حته)
المهم الحته الأولى بتاعت كيف أن الناس تناست الواقع المعيشي المرير ما قبل الإنقاذ ..
والحته التانية إستشهادك غير المنطقي بأسعار البنزين في ألمانيا في معرض ردك حول تسائلي عن ماهية الانجاز في توفير البنزين بسعره الحقيقي والتربح من بيعه للشعب السوداني ..
في الحته الاولي كتبت أنا (وشكرا للصديق صبري طه تثمينه)
Quote: قيل ما المنطق الأعوج ..
قال أن ترضى تماما عن نمو طفلك أن زاد طوله سنتميتران .. في الوقت الذي زاد فيه أقرانه عشرات السنتميترات التامة!! ..
قيل وما الأسوأ من ذلك..
قال أن تأتي الناس محاججا بأنهم قد نسوا تماما أن ذلك الطفل كان أنقص بسينتمرين كاملين قبل 25 عاما !!!!
|
ثم أضفت:
Quote: مررت في القاهرة (2013) بمحطة بنزين مزدحمة بصورة عجيبة جدا ..
وتمتد صفوف العربات لمسافات طويلة ..
فسألت "بتاع التكسي" لماذا الازدحام في هذه المحطة بالذات وغيرها يخلو تماما من الازدحام ..
فأجابني " ده بنزين مدعوم يا بيه" !!
_______
للفقراء الحق في قطعة الخبز المدعوم ولو كفاحاً ..
أو ليس إنجازا خطيرا ان توفر البنزين بسعره الحقيقي وبأرباحه في نهاية اليوم !!..
بل وقد تطال الوفرة بتلك الطريقة حتى قطع الجاتو !!! |
اها يا عزيزي وأخي الأكبر وأتشرف بذلك ..
قمت انت جيت كتبت مداخلة صدرتها بانو في ناس في الدنيا مساكين وما شافوا حاجة وختيت صورة لقائمة الاسعار في محطة بنزين أوربية بعدما اقتبست من حديثي حتة
| Quote: أو ليس إنجازا خطيرا ان توفر البنزين بسعره الحقيقي وبأرباحه في نهاية اليوم !!.. |
وده كان مدخلك الحكيم نحو أخيك الأصغر محمد حيدر ..
زول مسكين وما شاف حاجه ,,
وللحقيقة انا زول فيهو شيء من الحماقة والبداوة غير المشذبة جيدا رغم المحاولات الدؤوبه لتشذيبها ..
اها قمت اتعاملت برد فعل خاطيء في مقدمتو الا ان منطقو سليم جدا ومحكم ..
وكان أن صدرت نحوك حديثي ب
Quote: لذوي التفكير الرغبوي والهوى والجاهلون وغيرهم
|
والصحيح هو ( والجاهلين ) .. أو كما أشار ..
والخطأ مركب اذن .. لم يكن ينبغي لي أن تأخذني إشارتك الأخوية الحميمة والحكيمة نحوي بانني زول مسكين ساي وما شاف حاجه .. أقول, ما كان لها أن تدفعني للاشارة نحوك هكذا (تفكير رغبوي أو جاهل واستهبال ) ..
فلك العتبى حتى ترضى ..
وأما متن ردودي بتجاوز الملاحظة أعلاه ..
فكان محكما جدا وما قدرت انت ترد عليهو لحدي هسع ..
وتماما كمسألة نمو الطفل والسنتميترات, تلك التي ثمنها صبري طه
فدحين, وكما تقول النكته, أصبحنا ابونا ميت فقوم ادينا الفاتحة فيهو
فقط للتذكير بالمتن اورده..
..Quote:
آخر زيادتين للأسعار الوقود في السودان ..
يونيو 2012 كان سعر جالون البنزين في الخرطوم 5 دولارات..
في أمريكا (قلعة الراسمالية) كان سعر الجالون في يونيو 3.568 دولار ..
Quote:
ارتفعت أسعار البنزين في السودان بنحو 37% بعد قرار الحكومة رفع دعمها عن أسعار المحروقات لتقليص عجز الموازنة،
فقد زادت محطات الوقود الأسعار قبل تقديم وزير المالية علي محمود أمس الأربعاء ميزانية معدلة إلى البرلمان تتضمن حزمة
من الزيادات الضريبية, وخفضا للإنفاق العام, وتعديلاً لسعر صرف الجنيه السوداني مقابل الدولار.
وقال علي محمود إن الحكومة سترفع سعر غالون البنزين (نحو أربعة لترات) خمسة جنيهات سودانية ليبلغ 13.5 جنيها (5 دولارات)
بعدما كان في حدود 8.5 جنيهات (3.15 دولارات)، كما ستزيد من سعر غالون الديزل بـ2.2 جنيه (0.82 دولار)
وعبوة غاز الطهي بجنيهين (0.74 دولار) وسيتم تحرير وقود الطائرات بشكل كامل.
|
المصدر الجزيرة نت ..
في سبتمبر 2013
بلغ سعر جالون البنزين في الخرطوم 4.7 دولار
بينما بلغ سعر البيع للجمهور في أمريكا 3.99 دولار
Quote: رفع السودان اليوم أسعار الوقود وغاز الطهي للضعف تقريبا في إطار سعي الحكومة للسيطرة على الموازنة،
وسط أزمة اقتصادية تثير حالة استياء واسعة النطاق وانتقاد المعارضة السياسية. وقالت المؤسسة السودانية للنفط في قرار
وزعته على محطات الخدمة فجر الاثنين إن سعر غالون البنزين أصبح 20.8 جنيها (4.7 دولارات)
مقابل 12.5 جنيها (2.8 دولار) في السابق. |
المصدر تقرير الجزيرة نت يوم 23 سبتمبر 2013
أسعار الوقود في أمريكا من Weekly Retail Gasoline and Diesel Prices
(Dollars per Gallon, Including Taxes)
وتدخل فيها الضريبة كما هو مذكور .. الموقع http://www.eia.govhttp://www.eia.gov
الشاهد في الموضوع أن حكومة هؤلاء ترفع سعر البنزين كلما انهار الجنيه إزاء الدولار ..
ويكون سعر الجالون في الخرطوم أغلى من سعر الجالون في أمريكا ..
ليبدأ الجنيه بالتآكل أمام الدولار وحتى يصل سعر الجالون للسعر العالمي ..
وهنا تدخل الحكومة لزيادة سعر الوقود ..
الغلاط الفارغ ده تحسمو مسالة بديهية جدا وهي أن الحكومة أصلا لم تدعي دعم أسعار الوقود ..
وهي تدخل في مطبات كثيرة بسبب الموضوع ده ..
يكون سعر الدولار 7 جنيه ..
فتعلن تسعيرة جديدة للبنزين ..
تطلع مظاهرات ويزداد السخط الجماهيري ..
بعد كم شهر ينهار الجنيه ويصل الدولار ل 9 جنيه ..
فيدخلوا في مأزق سياسي جديد لاضطرارهم لزيادة الوقود ..
ويدخلو في حيص بيص جديد .. يزيدوا ويحتملو السخط الشعبي ولا يسردبوا شهر شهرين ..
هذا نظام بائس جدا .. والاشد بؤسا منه هم المدافعين عنه بلا بصيرة ولا استحياء
للمستهبلين ننزل قائمة بأغلى دول العالم في أسعار البنزين ..
1- النرويج
2- هولندا
3- الدنمارك
4- اليونان
5- بلجيكا
6- البرتقال
7- المانيا
في المانيا سعر جالون البنزين في حدود 8.5 دولار ..
بالمقابل ننزل ارخص دول العالم في البنزين
1- فنزويلا 0.04 دولار (تقريبا مجاني
2- السعودية 0.45 دولار
وهكذا ..
فالذي يحاجج بأسعار البنزين في النرويج ..يماثل تماما من يحاجج بأسعار البنزين في فنزويلا !!
لا احد يقول بذلك او ذلك الا زول ما نصيح ..
ما نقوله ويشهد عليه الجميع يتمثل في حقيقة بسيطة جدا ..
كان البنزين وغيره من السلع مدعوما ومدعومة من الحكومة قبل حكومتهم التافهة دي .. وقد رفع الدعم عنها ..
ذلك سبب الوفرة التي يتبجح بها هؤلاء ال .. التقول بتفضلوا على الشعب السوداني البسرقو فيهو صباح مساء
تفووووو على حكومة تافهة زي دي وشرزمة حرامية ولصوص
مودتي |
(عدل بواسطة محمد حيدر المشرف on 12-06-2014, 04:14 AM)
(عدل بواسطة محمد حيدر المشرف on 12-06-2014, 03:14 PM)
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
يحكيني أحدهم .. وهو زول بتاع ملاوزات و وعي الخ ..
يحكيني عن حاجه اسمها زمااااان النفرة الزراعية ..
بتاعت فلنأكل مما نركب ديك ..
نركب شنو وحمير شنو ؟!!
اسمها, كان, فلنأكل مما نزرع او حاجة قريبة من كده ..
وإسمو, أي محدثي, محمد ابراهيم كبج
المهم ..
وقبل النفرة الزراعية وسد مروى ومشروع الجزيرة والتضخم (سنأتي لذلك لاحقا في هذا البوست) ..
يحكيني أن .. تصورا!!
نحن - أي الشعب السوداني - نشتري بترول سوداني من انتاجنا ... نشتريه من المستثمرين للاستهلاك المحلي !!! وهذا عبء أكبر لميزانية الدولة .. والكارثة الحقيقية ليست في ذلك .. الكارثة أن الحكومة التي تبيعنا البنزين (حقنا) .. لا تدفع للمستثمرين الذين تشتري منهم بنزيننا وتبيعنا اياه .. لا تدفع لهم وحتى تراكمت علينا - أي الشعب السوداني - الديون !!!!!
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد حيدر المشرف)
|
Quote: كتب عماد حسين
تفسي تحدثني أن البلد دخل فيها نشاط غسيل الأموال بصورة غير عادية
والحتة دي ظاهرة في الغلاء غير المبرر للعقارات |
Quote: يعني أنا أتصور: ممكن يجي واحد يلاقي عمارة سعرها 6 مليار سوداني
ويقوم يشتري على طول بدون تردد... لأنه يريد إدخال ما معه من أموال في دائرة غير مشبوهة
وبالطريقة دي ينشط سوق العقار ويبلع كل غالب الأموال المشبوهة
وأعتقد بالطريقة دي حصل الغلاء في العقارات |
| Quote: الطفرة الحاصلة دي، مسألة غير طبيعية... خاصة البلد ليس لديها موارد |
شكرا يا عماد حسين .. تحليل ومنطق اقتصادى سليم .. وتحية لصاحب البوست واجازة موفقة ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد حيدر المشرف)
|
ود المشرف سلامات ياخي وزي ما قلنا لحسين قبيل - أريتك تبقي طيب إنت أنا البي كله هين ..
وأشكرك إنك جاوبت لي علي مداخلة محمد E سليمان .. أتاريهو كان خاتي ليك الشنكل إنت .. وأنا قعدت أفتش في اللام حرف الجر دي وين ..
طبعاً أنا زاتي أحمق عشان كده أي نقاش سياسي جاد معاي بينتهي بشكلة .. وهذا ما قررت أن أتجنبه لأنه تعب قلب ساي ..
أنا عارف إنو عبارة مسكين ماشاف حاجة عبارة حارة ومستفزة .. و العبارات المستفزة بتطوِّل النقاش بدول طائل .. بل يتصاعد النقاش ليصبح عداوة .. المهم هو أني إستغليت إقحامك لدعم البنزين عشان أفتح موضوع أسعار الوقود هذه وألفت إنتباه القراء للمدي الذي تستغل فيه الدول الأوربية الغربية لأسعار الوقود .. يعني زي ما قلت ليكم أن ال1.5 يورو دي أغلبها ضريبة .. وهسه لو مشيت قووقلت الضرائب علي الوقود تلقاها تتعدي ال60 في المية .. يعني السعر الأساسي للتر يساوي 60 سنت وتقوم الحكومات الأوربية تدفِّع المواطن 90 سنت من ال1.5 يورو دي ضرائب ساي .. شايف ؟.. ده غير ضرائب الدخل البتقطع القلب .. أنا القدامك ده بدفع ضرائب واستقطاعات تعادل 40 في المية من مرتبي .. أما البزنس وما أدراك ما الإستثمار فأحيلك لصديق بروف سويدي قبل عدة سنين حين كنا نتونس عن الإقتصاديات فقال لي يامنير في البلاد دي - كان يتكلم عن السويد - one can not become rich .. وده كلام أنا عايشته وشفتهم .. اصحاب هسه بقوا بروفسيرات عايشين نفس حياتهم الكانوا عايشنها لمن كانوا طلبة .. الغريبة عندهم قناعة عجيبة بحالهم .. لا تري في وجوههم أي شفقة للثراء السريع وهلع بالجري وراء المال ومكاوشة الدنيا .. عكس ناسنا الجشعين الطماعين ذوي العيون الزائغة الذين حوّلوا بلادنا لجحيم بالجشع والطمع واللهاث وراء الثراء السريع .. وأنا هسه كلامي البتشوفوه دفاع عن الحكومة - وليكم مطلق الحرية تشوفوا الدايرين تشوفوه - ناتج عن أني شايف الحال كله ما فارق سواءَ كان الحكام كيزان أو شيوعيين أو غيرهم .. لأن المشكلة الحاصلة في البلد أكبر من الأيدلوجيا وبالجد مافارقة منو اليحكم - إلاّ أني في هذا المرحلة شايف أن أنسب ناس هم هؤلاء الكيزان لأنهم بالجد أصلب العناصر لأصلب المواقف .. ولو أغمضنا عين السخط سنجد أن إنجازاتهم لا تحصي .. رغم الحصار الخانق .. أيوة .. رضي من رضي وأبي من أبي ..
وبالنسبة للحالة الإقتصادية يا جماعة أخير أحبطكم من هسه - من باب اسمع كلام الببكيك - أن أسعار السلع وكل الأشياء لن تتوقف وستظل في إرتفاع حتي تتساوي أسعار الداخل بأسعار الخارج .. ده زمن العولمة الإقتصادية والبضائع العابرة للقارات .. السمين يقيف والضعيف يقع .. إنتهي عهد المعونات .. تنتج وتنافس العالمين ستأكل وتشبع - من عرق جبينك -أما إنك تقعد تتكاسل وترقد تنوم وتنتظر المعونات والهبات ببيع الإرادة السياسية تجوع وتشبع بالذل والمهانة .. دي هي الحقيقة المفروض الناس تواجهها بشجاعة .. لذلك الكيزان ديل عندما أتوا قالوا نأكل مما نزرع ونلبس مما نصنع - في أرجل وأعزَّ من كده؟؟ - دي الوصفة السودانية الأصيلة للنهضة الحقيقية المعتمدة علي الذات - مش إنتظار المعونات ببيع شرف الأمة زي المومسات -
الحاجة الملاحظة هيي أن المعارضة ما عندها أي حلول للفقر إلاّ العيش علي أمل أن يسقط النظام وتنهمر الإعانات والإغاثات علي علي البلد .. ولذلك حقو الناس تفوق من هذه الوهمة .. لأنو لو أصلو الغرب بيساعد بلاش كان ساعد الجنوبيين الذين ظنوا أنهم طفل الغرب المدلع وقاموا صوتوا للإنفصال متوهمين أن أسيادهم الأوربيين المسيحيين سيحنوا عليهم ويبنوا ليهم بلدهم ويملأوهم إعانات .. عليك أمان الله فكوهم ليك عكس الهوا خلوهم يكتلوا بعض زي الوحوش ..
حسين نوباتيا ما قادر يستوعب معني الفرق في السكان الأنا قاصده رغم الشرح المبسط البذلناهو.. لآخر مرة أقولها - مع إني شبه متأكد أن القارئ فاهم هذا الكلام البديهي - .. إنو الخرطوم كانت فاضية بمعني إنو عدد سكانها لم يكن يتعدي ربما نص مليون .. الآن يمكن العدد حصٌّل ال10 مليون - قدر سكان بلجيكا أو السويد -.. يجي يقول لي الجنوب إنفصل يعني العدد نقص .. !!! منطق مضحك والله .. هههه .. ياخي الشعبية بحري دي براها كل بيت فيها الآن يسكن الجنا وجنا الجني .. مردفين فوق بعض .. تقول لي الجنوب إنفصل؟؟ ...
عاين الخرطوم زمان يا ملك :
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
Quote:
أنا يا منير الأيام الفاتت دي كلها بقرا في طربقتك القاعد تطربق فيها في البوست دا و ختيت ليك العذر إنك أكيد بتكون ما مستحضر كل المعطيات
إذا إنت خاتي في إعتبارك المعطيات و بتطربق في طربقتك دي تبقى مصيبتك مصيبة |
حافظ بشير سلامات .. تعرف الmultitasking ..؟؟ وهو أن تؤدي عدة مهام علي التوازي .. يعني في وكت واحد ..
أنا شغال multitasking .. يعني أرد علي مواضيع متنوعة مختلفة .. مشكلتك إنت وحسين إتجاه واحد ماقادرين تعملوا multiple follow up .. بتضيع منكم رؤوس الخيوط عشان كده بتتلخبطوا وراسكم بيجوط .. وكلامي يبقالكم كُتُر كُتُر.. وتجوا تفكوها فوقي .. ههههه ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
الله يكسبكم يا شباب جيتو خربتو لينا الرصة:) ...
تقول يا منير الاتي:-
| Quote: حسين نوباتيا ما قادر يستوعب معني الفرق في السكان الأنا قاصده رغم الشرح المبسط البذلناهو.. لآخر مرة أقولها - مع إني شبه متأكد أن القارئ فاهم هذا الكلام البديهي - .. إنو الخرطوم كانت فاضية بمعني إنو عدد سكانها لم يكن يتعدي ربما نص مليون .. الآن يمكن العدد حصٌّل ال10 مليون - قدر سكان بلجيكا أو السويد -.. يجي يقول لي الجنوب إنفصل يعني العدد نقص .. !!! منطق مضحك والله .. هههه .. ياخي الشعبية بحري دي براها كل بيت فيها الآن يسكن الجنا وجنا الجني .. مردفين فوق بعض .. تقول لي الجنوب إنفصل؟؟ ... |
عشان القارئ دا يفهم كلامك البديهي دا ... ساعدوا شوية ما فيها حاجة:)
انت تقول ان السودان في حالة انهيار لانو ((عدد سكان الخرطوم)) تضاعف ... وانو المسئولية كبرت وكترت على الحكومة الحالية ... قول for the sake of argument قول اعتمدنا كلامك دا ...... و اننا اخذنا بمعيارك الخاص بان زيادة السكان هي عامل سلبي لاقتصاد البلد وانو الدول الفاتحة برامج الهجرة عشان تحافظ على نسبة النمو السكاني ديل ما فاهمين حاجة:)... ممكن تشرح لينا كيف الزيادة دي بتاثر في الوضع الاقتصادي السوداني؟... هل الحكومة عندها برامج بتاع ولفير تدعم به الفقراء والمساكين؟؟ وين زيادة السكان بتاثر على ميزانية الدولة السودانية وهي رفعت الدعم عن الصحة والتعليم والكهرباء والوقود والمواد الاستهلاكية الاساسية ومجمل ما تصرفه على على هذه القطاعات الحيوية لا يتعدى ربع الميزانية العامة في احسن الفروض ... في حين تفننت في اختراع سبل جديدة ومبتكرة لم يسمع بها جنس ولا جان لجباية ضرائب ورسوم وجبايات من دمغات شهيد وجريح وعبور كباري ورسوم طريق الخ.. 25 سنة في السلطة اين المشاريع التنموية التى صاحبت زيادة السكان... ليه الناس ما يكونوا مردفين فوق بعض في الشعبية اذا الحكومة اجهضت خطط توزيع الاراضي للمواطنين بمقابل رسوم يسيرة واستبدالها بالبيع الاستثماري..يا رجل لم تسلم حتى الميادين الكانت مخصصة للعب الكرة في المدن المخططة والمسكونة منذ السبعينات ... بسط النميري اراضي الوادي الاخضر لعمل مطار بها بعد ان اقنع اصحابها البطاحين بالعافية فاتوا الكيزان بعد ان استبدلوا موقع المطار وباعوها ... موظفيّ مصلحة الاراضي بقوا زي تجار الشنطة من بلد لبلد شغالين بيع... زيادة ما بتصرف عليها كان ما نفعتك ما بتضرك هذا من ناحية...
من ناحية اخرى مع اقرارك بان السودان دولة منهارة بغض النظر عن اسباب ومسببات هذا الانهيار.. الناس ديل القاعدين ليها شنو ... الم ياتوا في الاساس لانقاذنا والارتقاء بنا لمصاف الدول التى تلبس مما تصنع وتاكل مما تزرع؟؟ 25 سنة ولسة نحن في حالة انهيار؟؟ اجهزوا على اكبر مشروع زراعي في افريقيا مشروع الجزيرة والان يلومون المزارع بانه سبب فشل المشروع .. نفس المزارع الذي كان سببا في نجاح المشروع منذ عهد الانجليز!! معقولة لكن؟ ما هو المدى الزمني الذي يحتاجه هؤلاء لمعرفة انهم فشلوا في ادارة البلد؟ قول حصلت هجرات من لاغوس ومنروفيا وبنين وقول كل دول العالم تتربص بمشورعهم الحضاري هذا ليس تبرير للفشل وانهيار الدولة بل هو اعلان عن فشلهم في ادارة الدولة.... ناس الشعبية المردفين فوق بعض ديل ذنبهم شنو انهم يدفعوا فاتورة مشورع حضاري فاشل جاسم على صدورهم 25 سنة؟؟
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: حسين نوباتيا)
|
غايتو أنا فشلت تماماً يا حسين أبسِّط ليك الفكرة أكتر من كده، لأنو إنت أساساً مُصِر علي إلتواء المعني .. يكفيني أن من يقرأني بدون تعصب سيفهم ما أقول من بديهيات ..
تتكلم عن الدعم ورفع الدعم كأنما أنا كلامي الفات ده كله كنت بأذِّن في مالطا !!.. يا حسين سؤال بسيط هل إنت عشت في الخرطوم دي منذ الصغر واللا جيتها زول جامعة؟؟!! .. رفع دعم شنو يازول؟!! .. إنتو عاوزين الكهرباء ملح؟؟ في ذمتك دي الكهرباء والموية مدعومة في أمريكا؟؟ ناس الخليج معليش نقول مويتهم وكهربتهم وبنزينهم شبه مجان .. لكين كدي ورينا فاتورة كهربتك ومويتك كم في امريكا؟ .. أنا عن نفسي بدفع شهرياَ متوسط 300 يورو للكهرباء والغاز.. والموية 129 يورو كل 3 شهور .. - الواحد خش في الخصوصيات - تقول لي دعم ؟؟ .. أمشي شوف أجعص بيت في السودان بيصرف كم للكهرباء والموية ؟؟..
وأهو قدامك صورة طرمبة البنزين الجبناها ليكم دي وقلنا ليكم الحكومة مش بتدفع دعم بل بتخت ضريبة عليهو أكتر من 60 في المية !!!!.. ما تحاولوا تغشوا الجماهير بأنكم عايشين ملح والحكومات الغربية داعماكم .. والله إلاّ الزول يكون عايش ملح مما جميعه علي الولفير .. زمان قلنا ليكم المعونات الخارجية هي الكانت موقفة البلد علي حيلها منذ الإستقلال ..
مشروع الجزيرة ده زي كباري النيل الأزرق والنيل الأبيض ومباني البوسته وباقي الوزارات وجامعة الخرطوم وغيرها .. بنوها الإنجليز وجينا خربناها .. بسبب العجز وعدم الإبداع .. ما قلت ليك شعوب متعودة علي الجاهز .. زي مشروع الجزيرة ده في أمريكا بيقوم بيهو زول واحد تلقاهو سايق تراكتره شغال فيهو براهو .. أسأل سمارت أنا ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
نوباتيا سلامات ..
Quote: التعليم والكهرباء والوقود والمواد الاستهلاكية الاساسية ومجمل ما تصرفه على على هذه القطاعات الحيوية لا يتعدى ربع
الميزانية العامة في احسن الفروض ... في حين تفننت في اختراع سبل جديدة ومبتكرة لم يسمع بها جنس ولا جان لجباية ضرائب ورسوم
وجبايات من دمغات شهيد وجريح وعبور كباري ورسوم طريق الخ. |
تعرف يا صديقي ...
تعد "امبدة" اكثر المحليات إكتظاظا بالسكان ..
وكانت قد تضررت كثيرا في سيول وامطار الخريف الماضي والتي صادفت اجازتي ..
هل تعلم يا عزيزي أن أهالي امبدة توصلوا الى ان الحل الجذري لمشاكلهم المتكررة كل عام ..
يتمثل في ترفع الحكومة يدها تماما عن أمبدة ؟!!
لا تديهم حاجة ولا تشيل منهم حاجة ..
فدخل المحلية الكبير وبأسواقها الضخمة يكفيها ويفيض !!
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: حسين نوباتيا)
|
العزيز نوباتيا ..
أمبدة واحدة من مصادر دخل الحكومة .. فما تأخذه الحكومة من المحلية ولا المحافظة يفوق بكثير ما يصرف عليها من مشاريع البنية التحتية أو المشاريع الخدمية ..
بورتسودان مثال آخر ..
وكما يتحدث الناس ..
رفض واليها تحويل كل الدخل الولائي للمركز كما ترغب وزارة المالية ..
ولما يطالب بمزانية لاي مشروع خدمي .. ترفض وزارة المالية لانو عندها مركزيا اوليات مختلفة .. ناس حميدتي وناس عطا وناس وناس ..
المهم قالو ايلا قرر انو الزاد لما كفى الدار يحرم على الجيران ورفض الربط المالي مع الوزارة الاتحادية ..
اها آخر ما توصلو ليهو ناس المركز معاهو ..
قالوا الجمارك لا تدفع لاجهزة الولاية وانما بواسطة البنوك لحساب وزارة المالية مباشرة ..
وما عارف الموضوع تم ولا لا ..
الا انو ايلا ده تاني يشم الولاية قدحة :)
المواطن عندنا .. وتحديدا المواطن الغلبان .. بلقى نفسو في نهاية الامر قاعد يمول في الحكومة واجهزتها الامنية والعسكرية ومفسديها وقيمة الرشاوى السياسية ورساميل الفساد الحكومي الخ ..
الامر الذي لا أعتقد أن المواطن الالماني قد يواجهه في يوم من الايام ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: حسين نوباتيا)
|
العزيز نوباتيا ..
أمبدة واحدة من مصادر دخل الحكومة .. فما تأخذه الحكومة من المحلية ولا المحافظة يفوق بكثير ما يصرف عليها من مشاريع البنية التحتية أو المشاريع الخدمية ..
بورتسودان مثال آخر ..
وكما يتحدث الناس ..
رفض واليها تحويل كل الدخل الولائي للمركز كما ترغب وزارة المالية ..
ولما يطالب بمزانية لاي مشروع خدمي .. ترفض وزارة المالية لانو عندها مركزيا اوليات مختلفة .. ناس حميدتي وناس عطا وناس وناس ..
المهم قالو ايلا قرر انو الزاد لما كفى الدار يحرم على الجيران ورفض الربط المالي مع الوزارة الاتحادية ..
اها آخر ما توصلو ليهو ناس المركز معاهو ..
قالوا الجمارك لا تدفع لاجهزة الولاية وانما بواسطة البنوك لحساب وزارة المالية مباشرة ..
وما عارف الموضوع تم ولا لا ..
الا انو ايلا ده تاني يشم الولاية قدحة :)
المواطن عندنا .. وتحديدا المواطن الغلبان .. بلقى نفسو في نهاية الامر قاعد يمول في الحكومة واجهزتها الامنية والعسكرية ومفسديها وقيمة الرشاوى السياسية ورساميل الفساد الحكومي الخ ..
الامر الذي لا أعتقد أن المواطن الالماني قد يواجهه في يوم من الايام ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد حيدر المشرف)
|
شكرا اخونا محمد المختار على البوست الخطير ده
الخلانا بعد زمن نقعد ةنقرا بمزاج للرمح ىالملتهب الدكتور منير عبد ةالرحيم
الزول الشفت الذي لا يفتر من البري الجميل والكلام المرتب غايتو لمن عرفنا حاجة
يا منير غايتو الانقاذ دي لو قدرت تحولك لرئيس تحرير صحيفة كبيرة كانت كسبت كتير
ونحن كلنا عارغينك ما منهم
فانت زول رجعي ( ختمي عديييييل ابا عن جد ) هههههههخهخ
غايتو الكتابات الزي دي هي الشئ الوحيد البخلينا نتحاوم بي جاي
ب
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: garjah)
|
سلامات تاني ومخصوصة للأخ العزيز قرجة .. نجم الشعبية المخضرم ...
أخجلت تواضعنا أخي أحمد ..الحمد لله أن هناك من يتابع وإنت براك بمليون قارئ .. - كنت ختمت مداخلاتي لكين وجودك جرّاني تاني :)..
بالجد الواحد لو داير يبقي طوربيد يطارد الأخبار الميتة ويقعد ينتقد الإخفاقات بتاعة الحكومات فإن ذلك من أسهل الأمور وتخلي كل المواهيم يصفقوا ليك وتملأ صفحة المنبر بوستات فارغة تطمم البطن .. والمعروف إنك في المنبر ده بالذات لو عايش تكتب بسلام وما تبقي من المغضوب عليهم أقعد نبِّذ البلد والحكومة وبعد داك أمورك بتسلك ..
أنا الحمدلله عشت السودان القديم والحديث وعارفين البير وغطاها في الغرب والشرق .. ولفيت الدنيا من تايوان وتايلاند شرقاَ لغاية أكابولكو في شرق المكسيك وفيراكروز في غربها، وأمريكا ركيت فيها ترانزيت لاكين شوفتها من فوق فوق وأتجنب أني أمشي ليها .. ولفيت إسكاندنافيا من نارفك أقصي مدينة في شمال النرويج إلي مناجم الحديد في كيرونا أقصي شمال السويد وشفت شمس منتصف الليل من هناك - وفي كيرونا في مناجم الحديد شفت بنات في سن العشرينات أو بالكتير الثااثينات شقر زي الدهب الواحدة في عمق الجبل في نفق المنجم لابسة الأوفر أوول وسايقة حفارات الإنفاق شغالة وحيدة براها وسط الظلام إلاّ من لمبة في خوذة الراس ومامعاها شئ غير ترمسة قهوة وربما بعض سندوتشات .. الناس دي كلها تشتغل من عمل يدها وتنتج ولا ترمي لوم عجزها علي حكوماتها .. في الترحال ده كله الواحد دائماً شايل معيار المقارنة .. والحاصل أني لا أقارن حكوماتهم بحكوماتنا .. بل أقارن الموارد وأقارن الشعوب .. وأقارن نفسي بسيد البلد القاعد فيها وأشوف ليييه نحن في السودان غالبنا نقيف علي حيلنا ؟ .. هل عشان الحر - أقصد السخانة طبعا .. عشان ما ينط لي واحد موتور يقول لي حٌر وعبِد - أم عشان شينين ، أم عشان دارون و نظرية التطور ؟؟ .. ..
المهم في الأمر أني وضحت أن حكومات السودان ظلت منذ الإستقلال تعتمد علي المعونات - وأهم معونات كانت ظاهرة للعيان هي الوقود والقمح - الوقود من الخليج والقمح من الأمريكان - وذلك حتي يكون السودان خاضع سياسياً وقراره السياسي مرهون للإرادة الخارجية - لدرجة بيع الفلاشا - .. دي النقطة الثانية من محاور نقاشي مع الشباب ديل .. النقطة الأولي هي كما قلت مرتبطة بعامل السن .. وهي أن أجيال اليوم كانت أطفال الأمس الذين لم يكونوا يعرفون معني تحمل المسئولية وتربية الأبناء .. كانوا عايشين تحن كنف مظلة العائلة وينطبق عليهم قول الفنان العملاق صديق أحمد :
يا حليل أيام زمان وكت الزمن زين
ويا حليل أيام زمان والناس حنيْنين ..
ساعة كنا بُطان صغيرين ..
شايلين النِبل فوق طيرنا جارين ..
كنا لا نعرف جرورة ولا سداد دين ولا بنعرف عشانا بيجيبوه من وين ..
ده حال الجماعة الآن .. تمتعوا بمعاناة جيل الآباء وغلبتهم مسئولية الأبناء .. قعدنا للجرسة .. زمان الحكومة بتدعم وزمان العلاج مجاني وزمان التعليم مجاني و زمان وزمان .. أيوة إنت زمان كنت مستمتع بمظلة العائلة والأشياء المجان الخلاها الإنقليز ومن بعده الدعم الخارجي والمعونات .. ياخي الواحد بعد ما خرّف حتين عرف إنو شارعنا المحبوب - أطول شارع زلط في بحري إسمه شارع المعونة لأنه إبن معونة .. يعني ما ممن عرق جبيننا .. بالله مش عيب؟؟ ونحن أشعارنا كلها نحن ونحن ونحن .. ألذ حاجة قبل فترة شفت لي في التلفزيون شاعر من ناس نحن ونحن ديل .. بدأ قصيدته بقولة نحن الما بندور قولة نحن .. هههه .. أكتر ناس جعجاعين تلقاهم في السودان ..
النقطة التالتة حاولت أشرحها لأخونا حسين نوباتيا وهي إزدحام المدينة .. وطبعاً يا أحمد ربما تذكر إنو لمن كنا في الإبتدائي كنا بنعتبر شمبات دي كأنما خارج حدود بحري - مقابر شمبات كانت الlimit .. والحلفايا كانت تعتبر أقاليم عديل .. مرة واحد صديق من الحلفايا كنت أقرِّق عليه قلت ليهو ياخي نحن زمان كنا لمن نكون مسافرين الشمالية بالقطر والقطر يصل الحلفايا دي نكون already نمنا وصحينا .. فقام قال أُمَّال لمن تصل بلدكم ديك بتكونوا متوا وحييتوا؟؟ .. قارن ذلك بتمدد العاصمة الآن حيث الجيلي الآن أصبحت عاصمية وهي التي كانت محطة القطر نمرة 2 بعد الكدرو .. أسه لو قلت حدود العاصمة وين تتحير .. زمان لمن كنا نمشي نزور أهلنا في الحاج يوسف دي نعتبر نفسنا علي سفر .. وخاصة بعدما البص يعدي القناطر ويضرب الخلا .. ويقطع حلة العرب - المايقوما - ههه طبعاً حيجوني ناطين ناس المايقوما ..
أمشي الخرطوم بهناك شوف البلد وصلت وين ؟ زمان الصحافات تعتبر أقصي مدي .. الآن سوبا ما تحوشك .. أما امدرمان فحدث ولا حرج .. ياخوي الثورات - لغاية الخامسة كانت إلي حد ما تعتبر بعيدة ، الآن الشغلانة حصلت الحارة الكم ما عارف؟ .. طبعاَ الزول الجديد علي العاصمة قايلها من زمان الدنيا كانت كده ..
بالحجم الزمان ده كانت مستشفي بحري ومستشفي الخرطوم ومستشفي امدرمان تكفي سكان العاصمة بحدودها الزمان دي .. يجيك حسين يقول ليك زمان الدعم ويا زمان الآهة عندك ..
النقطة الرابعة هي أن البلد مسلطين عليها حركات متمردة مدمرة تمتص كل جهود الناس وعرقها وقد أنهكت العباد وأهلكت الحرث والنسل ومنعت نهضة البلد لأن الحكومة بتصرف علي الحرب وتأمين البلاد أغلب الميزانية التي مفروض تذهب لرفاهية المواطن .. ياخي فقط تأمَّل المجهود الخارق الذي يبذله الجيش السوداني الموزع علي أكثر من مليون كيلومتر مربع في حرب عصابات مفتوحة بدون بني تحتية تساعد علي اللوجستيات .. بينما عصابات التمرد تجد الدعم الغير محدود من قوي عظمي تصرف عليها بدون حساب وتمنعها من توقيع أي إتفاقات سلام حتي يستريح البسطاء ويعودوا من المعسكرات، وفي نفس الوقت لتلتفت البلاد للإستفادة من مواردها المهدرة في الحروب .. طبعاً لا ننسي أن الدعم الذي تقدمه المنظمات والدول المعادية للتمرد المدمر يعتبر بالنسبة ليها ملاليم ولكنه بالنسبة للوردات الحرب ملايين الملايين .. وأي طلقة تطلقها القوات المسلحة ضد التمرد بتكون خارجة من جيوب الغلابة مباشرة .. شوف في كم طلقة تطلق في اليوم وعلي مدي 50 سنة ؟ .. والطلقة أغلي من الرغيفة .. شوف مع كل خزنة ذخيرة بتكون فكيت ليك كم طاولة رغيفة في الهواء ؟؟
وخامساً وأخيراً وليس آخراً .. أردت أن ألفت الإنتباه إلي إنو الزول ما يمشي يقعد في بلاد عمَّروها أهلها بعرق جبينهم ويقوم يمشي يتحشر في نصهم ويستمتع بالحياة الجديدة ويخش في عجلة الحياة المرفهة وينسي أنه ليس إلاّ طفيل - as parasite - في دنيا إجتهدت لتصنع نفسها .. ويقوم الزوول يعمل فيها داقي حجر دغش هناك ويقعد ينبذ في بلده .. وكل يوم يجيك واحد طالع بإحصائية السودان يتصدر أو يتذيل الدول المتخلفة والسودان ماعارف شنو وشنو .. يمين غايتو في الدنيا دي شفنا جنس إنفصام شخصية !!!.. وما تشوف لي الناس العاملة فيها بتنِّذ في حال السودان .. أمشي شوفهم شغالين بره البلد كيف .. الواحد تلقاهو زانقنه العرب أو الخواجات شغال شغل حمير ما يقدر يفتح خشمه يقول فترت .. ويجي يتبجح ليك في المنابر .. البلد تعبانة والسودان يتذيل الدول الفاشلة ووو .. لو الناس كانت بتشتغل شغلها بره ده في بلدها، الحصل ما كان حصل .. ولو تفتح عمل الشيطان ..
كلامي ده ما عنده دوافع غير أني أكتب ما أعتقده حسب تقييمي للأحوال المحلية والإقليمية والعالمية .. يعني نظرة للغابة أحياناً وللأشجار أحياناً أخري .. يعني الزول ينطر في الصورة الكلية وفي نفس الوكت ما ينسي التفاصيل .. وذلك حسب تجربتي ونظرتي لسلوكي أنا والسلوك العام للبني آدم وتأثير الأشياء عليه - زمان ومكان وبيئة ووو باقي معطيات -...
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: garjah)
|
| Quote: بورتسودان مثال آخر .. وكما يتحدث الناس .. رفض واليها تحويل كل الدخل الولائي للمركز كما ترغب وزارة المالية .. ولما يطالب بمزانية لاي مشروع خدمي .. ترفض وزارة المالية لانو عندها مركزيا اوليات مختلفة .. ناس حميدتي وناس عطا وناس وناس .. المهم قالو ايلا قرر انو الزاد لما كفى الدار يحرم على الجيران ورفض الربط المالي مع الوزارة الاتحادية .. اها آخر ما توصلو ليهو ناس المركز معاهو .. قالوا الجمارك لا تدفع لاجهزة الولاية وانما بواسطة البنوك لحساب وزارة المالية مباشرة .. وما عارف الموضوع تم ولا لا .. الا انو ايلا ده تاني يشم الولاية قدحة :) |
يا ود المشرف ديل لو سخروا الطاقة والوقت والعصف الذهني البستخدموه في الاتيان بطرق لجباية الاتاوات ومص دم الغلابة كان حلوا مشكلة افريقيا كلها ...
سنة 2009 في جمارك الحاويات بسوبا جاء منشور من رئاسة الجمارك -من تاريخه- ان بواليس التامين تكون فقط مقبولة من شركة شيكان ووقتها كانت توجد 9 شركات تامين عاملة وفاعلة في سوبا... تصدق كلام زي دا؟؟... منشور من مؤسسة حكومية بالتعامل فقط مع شركة المفروض انها حكومية ... مجموعة الشركات الخاصة والمرخصة من قبل حكومة الجن دي والفاتحة مكاتبها في سوبا والمفروض انها تكون في منافسة حرة في سوق حر ومفتوح كما يقول منير قاموا احتجوا بانهم عندهم مكاتب مرخصة وبدفعوا ضرايب واتوات وانو من غير المنطقي انو مكاتبهم البانينها او مستاجرينها دي وموظفينهم البدفعوا ليهم رواتب ديل يكونوا قاعدين ينّشو ساكت... اتخيل كان الرد شنو ...
طبعا الرد لم ياتي في شكل منشور رسمي لكن في شكل كلام شفهي لرؤساء االشركات الخاصة ومالكيها بانو شيكان عندها عجز صغير سيتم معالجته ومن ثم فتح السوق (الحر) مرة اخرى:) اها فتحوها بعد قرابة الــ4 شهور:)
الوجع كتتتتتيييييير يا صحبي ... كتير!
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: حسين نوباتيا)
|
ما صدقت يا منير لقيت الدعم اللوجيستي بتاع قرجة .. جيت راجع دخلت بينا الغابة تااااااااااني:)
انا حقيقة بتفق مع قرجة انك بذلت مجهود خرافي في هذا البوست لاثبات اشياء هي غير موجودة غير في قناعتك انت فقط.. اشياء تنافي العلم والمنطق والواقع الناس عايشاهو وشايفاهو وحاساهو .. وانو ناس الانقاذ المفروض يسلموك وزارة الاعلام كلها مش رئيس تحرير صحيفة :)... لانو اليوم كلامك البتقول فيهو دا لا يجرؤ اكبر كوز عايش في السودوان انو يقولوا .. وبالذات لو كنا مستحضرين سبب مجيئهم الاول وعملنا مقارنة بين النقطة البدأت فيها عملية "الانقاذ" ونقطة الانهيار الانت اقريت بها في هذا البوست وممكن نمسكها مشروع مشروع ووزارة وزارة ستجد الفشل الذريع ملازم الحكومة الحالية!!
في البداية قبل ما اعقّب على مداخلتك لقرجة وود المشرف عاوز اقول ليك اني فعلا محتار من تصنيفك للناس البتنتقد اداء الحكومة الحالية ... ما في زول عاقل وسليم بتمنى انو بلدوا ينهار واهلوا يكونو مشردين وانوا سيرة بلدوا تكون في الحضيض عند كل دول العالم وانو الشي الوحيد المعروف بيهو السودان عالميا بقت المذابح والمجازر والحروب والاغتصابات وانتشار الامراض والأوبئة والافساد والاختلاسات الخ.. انت شايف انو الوطنية انو الناس تتجاهل الاخبار دي وتعمل ما شايفاها... وهل اذا عملت كدا المشاكل دي حتنتهي ..دا باعتبار انو الناس الحاكمننا ديل جايين من السما وبنفذوا في مخخط رباني لاياتيه الباطل ولا كيف .. دا واقع يا مان لازم الناس تواجهوا وتناقشوا وتحاول تجد ليهو حلول.. بعدين المنابر دي هي المعوض الحقيقي للاعلام الحر المفقود بالداخل ... وصارت سلطة حقيقية تجبر الحكومة على الرد والانكار وصارت المغذي الوحيد حتى للعلام الداخل المكبل بيد الامن...
وعشان نقدر نفرز الطرق في الغابة الدخلتنا ليها دي حنقسم كلامك لمحاور ونرد عليهو..
**المحور الاول وهو مرتكز دفاعك وهو زيادة السكان ودا قتلناه نقاش هنا لكنك برضو ماسك في الشماعة دي قوي..والغريب انك مركز فقط في الزيادة في الخرطوم..وكانو الحكومة فقط حاكمة الخرطوم .. انا بتفق معاك انو حصلت هجرات كبيرة من الاقاليم للخرطوم واصبحت مدينة ما عندها حدود او بالاصح حدودها تتسع بشكل يومي... طيب يا حبيب لمعرفة سر هذا الاتساع لابد من معرفة اسبابه .. والاسباب معروفة للجميع ... يعني البخليّ الناس تجي من اقصى الشمال والغرب والشرق عشان تسكن في مرابيع الشريف في نص مجرى السيل شنو..وتترك اراضيها وحواشاتها وبهائمها شنو...think... الناس عاجباها البهدلة والموت المجاني دا؟ ابدا...لانو انعدمت سبل الحياة في مناطقها الاصلية ولانو الحكومة ركّزت كل الخدمات الحيوية في الخرطوم واهملت باقي الاقاليم والقرى فمن الطبيعي الناس تزحف لتكون قريبة من الخدمات .. رغم تهالك الخدمات الموجودة في الخرطوم هي بالنسبة لهم افضل من خدمات معدومة تماما في مناطقم ... اها نجي نلومهم نقول ليهم ضايقونا في مشافينا ووسختوا لينا البلد زي ما بقول مكي توفيق؟؟ نظرتك انت للموضوع دا والله الحكومة دي مسكينة وتعبانة لانها بقت مسؤولة من ملايين فجأة جوها من حيث لا تحتسب .. طيب السؤال الطبيعي البطرح نفسو هنا ... وقت الناس قاعدين في محلهم الحكومة ما قدرت تعمل ليهم حاجة .. قاموا جوها في محلها برضو ما قادرة تعمل ليهم حاجة القاعدين ليها شنو 25 سنة ... وبعدين انت قايل الفشل دا صفارة من السماء بتعلن فشل او نجاح حكومة ما ياهو التقارير البتوري انو السودان يتذيّل دول العالم على كل الاصعدة... دا من ناحية ..
من ناحية اخرى لو كان زيادة السكان او كثرتهم عامل سلبي لاقتصاد الدول كان الصين تليها الهند يكونوا افشل دولتين في العالم... لكن بالعكس .. الصين رغم انو بها اكبر عدد سكان في العالم .. نجد انو اقتصادها الاعلى نمواََ في العالم رغم انو الــ GDP بتاعها تراجع الى 7.3 في الربع الثالث من هذا العام .. لكنها تظل الاعلى نمواََ... ومسالة انو السودان فيهو موارد دي طبعا ما فيها غلاط ... طيب في ظل وجود موارد طبيعية لا حصر لها وعدد سكان معتبر 35 مليون نسمة تقريبا ونحن الدولة رقم 37 من حيث عدد السكان في العالم البخلينا متحكرين في في مؤخرة الدول شنو اذا ما سوء ادارة هذه الموارد؟؟ بعدين يا منير المطلوب من الناس دي تعمل شنو اذا قعدت في محلها وطالبت بحقوقها ما عجبينك واذا نزحوا للخرطوم مشكلة واذا طلعوا برة البلد خالص ودعموا الاقتصاد ورفعوا اهاليهم من عاتق الدولة المنبطح وقارنوا بلدهم الفاشل بالبلدان العايشين فيها يبقوا جعجاعين وبتاعين فارغة:) الرحمة حلوة برضو:)
** المحور التاني انو البلد كانت عايشة على المعونات "والحاجات" الخلوها الانقليز وانها كان سبب الرخاء الكانت الناس عايشاهو ... وطبعا الكلم دا ما دقيق .. اي نعم كانت هناك معونات تاتي للسودان من هنا وهناك لكنها كانت sporadic وليست معونات منتظمة كالتي تالتي لمصر من امريكا او لغزة من الاتحاد الاوربي .. بمعني انها كانت متفرقة لا تقيم صلب اقتصاد دولة ... كما ان الانقليز لم يتركوا لنا حساب في بنك كنا نصرف منه بل تركوا مشاريع تنموية حيوية مثل مشروع الجزيرة وهيئة السكك الحديدية وخدمة مدينة منضبطة ..الخ .. وحافظت كل الحكومات التى تعاقبت على حكم السودان بخيرها وبي شرها على هذة المكتسبات بشكل او بأخر حتى اتو هؤلاء التتار وخسفوا بها الارض.. طيب اذا استبدلت هذه المعونات المتقطعة بمليارات الدولارات التى دخلت خزينة الدولة من النفط والتى تمثل مئات اضعاف ما كنا نتلقاهو من معونات تكون الحسبة ناقصة الرخاء بتاع زمان ولاكيف؟؟
مسالة انو الناس كانت عايشة في كنف الاسرة وما حاسة بالحاصل شنو .. حقيقة ما عارف القصة دي علاقة بالموضوع شنو؟؟ واذا الاسرة عائلها هو فقط الذي كان يعمل وقادر بصعوبة او بيسر على تعليم اولاده وعلاجهم وماكلهم ومشربهم ومسكنهم المشلكة وين هنا والان الاسرة كلها من اب على ام على الاولاد على بنات شغالين وماقادرين على تكاليف الحياة وما قادرين يطلعوا من بيت الاسرة الكبير ومردفين فوق بعض زي قلت لانهم ما قادرين يتزوجوا ويكّونوا حياة مستقلة ... الحكاية دي انت حاسبها في صالح الحكومة كيف انا ما عارف؟؟
** المحور الثالت بتاع الحركات المسلحة وانها سبب في ايقاف النهضة المزعومة... مشكلتك يا منير بتبدأ بالنتائح وبتنسى الاسباب .. عندما استلمت هذه العصابة الحالية الحكم بانقلاب عسكري كانت وحدة البلاد هي احد الاسباب التى تذّرعت بها وانو الجيش فقد الكرمك ولا قيّسان ما عارف.. اها قومي يا حكومة اقلبي طبيعة الحرب من حرب مطالب الى حرب دينية بين مسلمين وكفار وشجر يمشي وغمام يظلل المجاهدين وقرود تفجر الالغام الى اخره من خرابيط هؤلاء الدجالين..انتهت الحجة البدأت بمدينة بان انفصل الجنوب باكمله هربا من هذه الايديلوجيا التى تنكر ارض المواطنة وتمييّز بين الاديان والاعراق ...
مأساة دافور بدأت بكتاب ثم تشعّبت واصبحت مأساة عالمية في ظل ادارة هذه الحكومة.. عندما عجزت عن استخدام كرت الاسلام لجأت الى تزكية القبلية حتى قال رئيس العصابة قولته المشهورة في حديث الغرباوية .. فوجود هذه الحركات المسلحة هو اكبر دليل على فشل الحكومة التى اوصلت مواطينها العزّل الى حمل السلاح في وجهها ودعم هذه الحركات من الخارج هو رد طبيعي من هذا الخارج الذي اتت الحكومة شاهرا هتافها من اليوم الاول ضده .. فالبكا والولولة لزوموها شنو؟؟. في احدى اجازاتي وانا جالس امام منزل عمتي بشارع اسمه الرديمة في الحاج يوسف اتى البشير لقص شريط الشارع المرصوف حديثا وبعد ما خلص هاجت الجماهير وماجت وسارت وهي تهتف بهستريا " سودانا لازم يتعّمر وامريكا لازم تتدّمر" فعصرت ضنبى ولمن مروا جبمي بشّرت ليهم .. لانو اذا عرفوا اني جاي من امريكا ساي كانوا رصفوني مع الشارع:)
** المحور الرابع بتاع انو السودانيين شغالين برة السودان زي الحمير وانهم اذا بذلوا نفس المجهود دا في السودان كان البلد اتطورت ... دا انا لمن قريتوا والله العطيم ضحكت عديل.. لاني اتخيلتك تكون مهندس بترول جاي من برة عارف كل صغيرة وكبيرة عن مجالك ... يقوموا في المعاينة يقول ليك اقرأ لينا سورة مريم برواية يعقوب المصري ويسالوك من كم حديث كدا ويقولوا ليك قوم فرتك:) يا عم الشيخ ديل كنسوا كل الكفاءات الموجودة في الخدمة المدينة بحجة "الصالح العام" ومسكوا زمام ادارة الدولة لاناس جُهّل وكانت عندهم حقبة تسمى بالتمكين مكّنوا فيها اصحاب الولاء .. تقول ليّ الناس تمشي تبذل نفس المجهود البتبذلوا برة في السودان ..
دا بالاضافة لانو الناس في السودان الان بتشتغل 14 و 16 ساعة في اليوم عادي.. ديل طبعا اللاقيين شغل ... والاسر عادي بختو صينة الغدا بعد المغرب.. يعني الناس باذلا مجهود خرافي عشان يعيشوا وبرضوا ظروفهم صعبة..
المحور الخامس والاخير هو مقارنتك بتكاليف الحياة في اوربا وامريكا مع السودان .. هنا ما عارف ابدأ ليك من وين.. لكن باختصار ما في مجال للمقارنة.. لا في شكل الحكم ولا في ادارة الموارد ولا توزيع او توظيف الدخل القومي للدولة... ولا في متوسط دخل الفرد .. يعني الدول دي ما بتاخد ضرائب من العدم زي السودان.. بل موفرة ليك اقتصاد في ظلوا ممكن تعمل.. وتنتج .. وانت كمواطن عارف كل قرش في الدولة جاي من وين
وماشي وين ومن حقك انت تعارض وتنّظر .. وعارف كل مسؤول راتبو كم .. والمسؤول دا عندو فترة زمنية محددة اذا ما انجز برامج دعايتو الانتخابية ... بتكشح بره.. والسياسة الضربية بيحددها المواطن بصورة غير مباشرة .. وفي النهاية دي دول رفاهية اذا عِجزت او عجّزت عندها safety net بشيك زي ما شايك ملايين غيرك... جيب ليّ وجه شبه واحد بين كل دا وبين ناس اختلس وحلّل ديل .. عشان تقارن ليّ فاتورة الكهرباء
بتاعت خمسة او عشرة لمبات ومكيفين وتلاجة مع ناسكم بتاعين بلجيكا الموصلين ليهم مواسير البيرة في الشقق:)
____________
بالمناسبة اخوك من مواليد الديوم بحري وحاضر لمن عربات البلدية كانت بترش وبتغسل الشوارع...وكنا بنعمل picnics في الحدائق الجميلة الكانت في نص شارع المعونة والتى كان يتم تنظيفها وتشذيبها من قبل عمال البلدية بشكل يومي.. فحكاية اننا ما شفنا الخرطوم زمان وهسي عشان نعمل مقارنة ذاتها ما صاح هههههه
تحياتي لك ولصاحب البوست الذي احتليناهو دون قصد:)
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: عوض محمد احمد)
|
فعلا يا اخ عوض ... البوست يعتبر من أمتع البوستات في الفترة الاخيرة ... ودا بيدل على انه المنبر ما زال بخير وانه حوا والدة :) ...
الاخ منير في البوست دا اتطقطق طقطقة ما رضيناها ليهو :) وبعد ما اتخارج بكرامة البليلة ... جاء قرجة وورطوا اكتر :) ...
لكن الشكر للاخ منير برضو ... فهو يمتلك مقدرات عجيبة في طرح فكرته وعنده طولة بال ما شاء الله عليها ...
ولولا تداخله في هذا البوست ما كان عرفنا مقدرات الاخ نوباتيا ...
واوافق الاخ عوض على انه مداخلة الاخ حسين نوباتيا الاخيرة تعتبر من أجمل المداخلات في الفترة الاخيرة ...
التحية لصاحب البوست وجميع زواره ...
...
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: عوض محمد احمد)
|
لا حولا !!.. جيت تاوقت لقيت كمية مداخلات تصفق هههه أتاري البوست مقروء والناس ممكونة ..
أتجاوز المقدمة و نقول نمسك محاورك ديل واحد واحد ونديك هوادة لو الله هوّن ..
للمرة الألف معني زيادة السكان في العاصمة إنو سكان العاصمة كانوا لا يتعدون ربما نصف مليون والآن قاربوا أو فاقوا ال10 مليون .. دي يا جماعة في زول محتاج يشرحوا ليهو تأثيرها علي المرافق والخدمات ؟؟ دي دايرة ليها درس عصر بالله؟؟ يعني السرير بتاع المستشفي الكان مخصص لزول واحد بقي يتشارك فيهو 20 نفر .. ده مثال بسيط .. إمداد الكهرباء الكان يكفي حي واحد الآن مفروض يكفي 20 حي - دي دايرة ليها عبقرية عشان الواحد يفهمها؟؟ مقعد الحافلة الكان يتنافسوا فيهو 5 تنفار بقي يكابس فيهو 100 نفر في طفل ما ناقش المعلومة البديهية دي؟؟ محطة الموية الكانت تمد 10 أحياء سكنية لابد الآن توفر الموية ل200 حي سكني .. دي أشياء لا يحسها من تعود فقط علي الشكوي والكواريك بدون ما يخت حساب التضخم الكبير في المتطلبات والمال الوفير الذي يحتاجه توفير هذه المتطلبات .. زي الشفع قريب للعيد يتشعبطوا لآبائهم في رقبتهم إلاّ يجيبوا ليهم ملابس عيد جديدة كسِر رقبة كده، ويكون الأب عدمان المليم .. دي أنا كنت أظن أنها واضحة لدرجة قف تأمل حتي لزول ما عاش أيام العاصمة الفاضية .. لأنو ده منطق بديهي ..
قلت لي الناس تزحف لتكون قريبة من الخدمات؟؟ .. ههه .. دي صورة مقلوبة والله .. الحاصل أن الخدمات هي التي تزحف بشق الأنفس لتكون قريبة من الناس الذين غمروا العاصمة في كل الأطراف وفي عمق الأحياء القديمة .. يازول كل فترة ينشأ حي جديد فتضطر الحكومة لتضمينه كجزء من المدينة وما يترتب علي ذلك من تخطيطه إمداده بالخدمات - موية ونور وأسواق وطرق وأمن إلخ .. هل في مدينتك أو أي بلد متحضرة في العالم تجي الناس تشتري أراضي قروية بعيدة وتقوم تبني ساي ثم تطلب من الحكومة مدها بالخدمات؟؟ خليك أمين- هل السيناريو ده ممكن في أمريكا أو فرنسا؟؟ الزول يجي من نفسه يبني بيت بدون إذن ويقوم بعد داك يطالب بخدمات؟؟ .. وريني مدينة متحضرة في العالم تتمدد عشوائياً فتأتي الحكومة تخططها وتمد ليها خدمات غصباً عنها؟؟ هسه سكان الخيام الجبنا صورهم في الصفحة الثانية ديل، هل بتجي الحكومة الأمريكية توصل ليهم موية ونور واللا تكشهم؟؟ ويجوا الناس هناك يقولوا عنهم خلي البلدية تكشهم لأنهم ديل بتاعين مخدرات ساي !!! see!!!
إنت ما تلخبط عدد السكان والتنمية مع كلامي عن أن خدمات النصف مليون ستتأثر بالإزدياد بتاع ال10 مليون .. أظن أنك تتعمد الخلط أوعدم الفهم ، أو أنك عندك مشكلة !! .. عدد السكان ممكن يكون شئ إيجابي إذا استُغِلت ديناميكية البشر لتصبح إيجابية كما في الصين !!.. أما في الهند فإنه رغم إستغلال الديناميكية إلاّ أن المجتمع ذاته مقسم لطبقات حيث أن بالهند درجات من الفقر تدعو للعجب .. السودان يحتاج لزيادة السكان لملئ المساحة الكبيرة، لكين ما ممكن ثلث السكان يتكوموا في حتة واحدة وتقول ده كويس للنمو - ذكرتني عادل إمام في المسرحية لمن قال للراجل سايبين الشقة كلها وقاعدين في أوضة واحدة ؟(ضحكة بالله) - إلاّ يجينا سوداني عبقري يحوّل هذه الطاقة السكانية المتضخمة في العاصمة لطاقة موجبة ونستفيد من موديل عبقري وقوده الزحمة البشرية ..
إنت حكاية المعونات دي ما داير تقتنع بيها وأنا ذكرت أوضح مثال إسمه شارع المعونة؟؟ إنتفاضة أبريل دي مش قامت لأنو الناس جاعت ونميري قال ليهم أكلوا موص عندما انقطعت المعونات الأمريكية بعد إعلان قوانين سبتمبر؟؟ ما كنت بتقرأ عن باخرة الوقود من السعودية وباخرة القمح الواقفة في بورتسودان في الجرايد؟؟! بعدين الإنقليز ديل مرقوا الليلة واللا أمبارح ؟ في كم حكومة منذ خروج الإنقليز؟؟! يازول كبري النيل الأزرق آخر مرة شفته من تحت كانوا ساندنه بفلنكات .. أليس ذلك هو العجز بعينه؟ البني التحتية التي تركها الإنقليز إنهارت - إستمرت شوية بقوة الدفع الذاتي ثم تدهورت تحت يد ناس نحن ونحن - وبعدين الإنقليز يخلوا ليك حساب في بنك ليه؟ سغير واللا جاهل !.. البلد عندما أخرج الكيزان البترول - بضراعهم - البلد حصلت فيها طفرة إقتصادية عملاقة جابت العمالة من أقاصي بنقلاديش والفلبين زائداً ناس مصر والشام .. رغم العبء الأمني الرهيب .. دي كمان دايرة ليها غلاط؟؟ .. تقول لي إدارة موارد؟؟ بالله قارن ذلك بإدارة الموارد التي أغرقت امريكا في ديون مقدارها 40 ترليون دولار - تأمل في الترليون ده - وإدارة الموارد التي جعلت ديترويت مدينة أشباح يهجرها البيض - خلو السود فيها يمثلون 75 في المية من السكان - بعد أن كانت فخر الصناعة الأمريكية !!!..
مافي زول منع الناس تنزح وتهاجر وتجعجع .. لكين حقوا الناس تنظر للقضية نظرة شاملة مش تبرئ نفسها تماماً من مسئولية الإنحطاط في البلد وتمشي تمرق تهدم من بره بدعم الحرب ومحاربة العملة بالسوق الأسود ووو- أمشي شوف في كم زوول هنا عايش في الخارج يؤلمه جداً أن ينخفض سعر الدولار في البلد !!!- .. زي ما ذكرت أنا في ردي علي قرجة .. أني لمن أشوف أمثال تلك السويدية الشابة تحفر في الإنفاق في مناجم كيرونا وليس معها شئ سوي ثيرمس القهوة وسندوتش أقارنها بنفسي أنا ، مش أقعد ألعن بلدي والحكومة .. لأنو أنا ماشايف إنو عمق الزجاجة هي الحكومة وناس الحكومة .. ليييه لأنك لو عملت مسح شامل وافترضت تغيير الحكومة فإن أي حكومة قادمة ستقع في نفس الحفر التي تتخبط فيها الحكومة الحالية .. الأيدلوجيا ما عندها تأثير في مشكلات الإعاشة والإقتصاد .. ثم ثانياً ماذا تتوقع من تغيير يأتي عبر فوهات البندقية؟؟ ما الذي يدعوك أن تؤيد قوي قبلية جهوية مسلحة تريد قهر جيشك القومي وأقصي ما تسمعه من منسوبيها هو توجيه خطاب الكراهية لمكونات رئيسية في الشعب السوداني ، حيث أن البلد ظلت في حرب لعدة عقود تحت ذريعة السودان الجديد - الذي يعتمد علي نظرية المراية (المرآة) ، والذي سرعان ما انكشفت سوءته في الجنوب ليتحول السودان الجنوبي الجديد بحق وحقيقة إلي جحيم حين إنطبقت نظرية المرآة علي أرض الواقع ، بيان بالعمل - نظرية المراية تعتمد علي الملامح والشبه ، وهي تقول إنك تمشي تعاين لنفسك في المراية.. لو لقيت ملامحك مهمشة إذن إنت مهمش محروم بالميلاد والجلابة ماكلين حقك ،، ولو لقيت ملامحك كده ما شبه المهمشين فإنك ذو حظوة بالميلاد حتي لو كنت فقير معدم ،، وعليك أن تستعد لتدافع عن مالك وعرضك .. وهذه النظرية هي أكبر فتنة تمر بهذه البلاد في العصر الحديث ..
غير هذه النظرية الكريهة التي أغرقت البلاد في تمزق مجتمعي نجد أن مشاكل الفقر المتمدد في المليون كيلو لا يمكن حلها بالشعارات والجعجعة وإنتظار المعونات .. طبعاً كلنا عارفين أن أقصي طموح المعارضة لحل الإشكال هو أن الغرب سيرفع العقوبات وسيدعم السودان بالمعونات ووووإلخ من الآمال الوهمية التي لم تسمن الجنوب من جوع ولم تغنه .. ثم أن هذه الأوهام لا يمكن فرضها علي الجماهير بالكذب والتلفيق كما نري من منسوبي المعارضة في الأسافير .. أيوة أي زول من حقه يستغل الأسافير للتعبير عن رأيه ولنقد الحكومات، ولإلقاء الضوء علي الإخفاقات وكشف الفساد و الدعوة للديمقراطية وووو إلخ.. لكين ما ممكن تغمر المنابر بالأكاذيب والإشاعات فتفقدها المصداقية وتثير الشكوك بلا أدلة .. فالكلمة مسئولية .. ثم ثانياَ ما ممكن تحارب بشدة ديكاتورية البشير وتمشي تؤيد بشدة ديكاتورية السيسي في مصر !!! .. ووو
.
.
نواصل إن شاء الله نفرتق هذا الكلام التقليدي المبني علي الأسطوانات المشروخة .... بعد داك نجي نرش الجمهور بدش بارد ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
الإخوة المتداخلون ... تحياتي
الشئ البخليك تتحير أنو الأخ منير قد شرًح كل مشاكل السودان ورمى بأن أسبابها ترجع إلى الحكومات السابقة وإلى المواطنين لكنه لم يذكر لا من قريب ولا من بعيد ما قامت به الحكومة الحالية
من أفعال واقوال كانت هي قاصمة الظهر لما يعرف بالسودان ...!!!
يتحدث الأخ منير عن المعونات سابقاً وأن البلد كانت تعتمد كثيراً عليها ، ونسأله كيف يعيش سكان دارفور الموجودين الآن في المعسكرات ؟؟؟؟؟ هل تقوم حكومة المؤتمر الوطني بتأمين أكلهم وشربهم ؟؟؟؟
يكفي هذه الحكومة ( فخراً ) ان السودان شهد في عهدها أكبر عدد لموظفي وجنود الأمم المتحدة ...!!!
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Othman Al-Hasan Babikir)
|
غايتو اخواننا الصفاقين الشايفين إنو مداخلة حسين دي منطقية خلوني أحس بأني بأذِّن في مالطا ، وقدامنا مجهود ضخم عشان الناس دي تعرف الخبرة من الكلام الساي .. بعدين صفة خبير محتكرة في المنبر ده ما تدخلوا الراجل في نزاع ملكية فكرية ..
أول شئ عشان تحكم علي وضع معين مفروض تنظر بعين الحياد لكل المعطيات القدامك وتعاين للtotality بتاعة المسألة التي هي تحت البحث .. وإلاّ فإنك حتقعد تلقِّط قصص من هنا وقصص من هناك تحشو بيها حجتك وتدغدغ بيها مشاعر الناس بتاعين الwishful thinking والذين يلقوا الهواء ماشي علي هواهم .. لكين أنا يكفيني فقط الحجة التي سقتها عن مسألة تقلص الخدمات والمرافق عن حوجة سكان تضاعف عددهم 20 مرة .. لو أصلو الزول غلبتو يفهم النقطة دي، تاني لو عبيناها ليهو في حقنة وأديناها ليهو في محل الحقن ما حيفهم - وسنظل نناطح في الهواء ..
مختصر الموضوع كالآتي:
1- نسبة المرافق والخدمات إلي السكان أصبحت تعادل 1/20 ..
2 - البلاد كانت تعتمد في معيشتها علي المعونة الخارجية لقاء مواقف سياسية للسودان في السياسة الدولية .. وحينما غضب المانحون عن النميري - مثلا - جاع الشعب وإنتفض في أبريل .. واستمر إنقطاع الدعم حتي بعد الإنتفاضة وتم دعم التمرد الجنوبي وإفقار الجيش .. إذن المعونة الخارجية تعتبر رأس حربة لوخز دول العالم الثالث حتي تركع وتخضع للإملاءات الخارجية .. النقطة دي أظن واضحة ..
3 - مع حكومة الإنقاذ زاد الضغط والحصار، لأن أهل الإنقاذ ذو أيدلوجية مواجهة ضد الهيمنة الأمريكية وخاصة قضية القدس .. ولذلك فإن هذا التوجه المعادي للهيمنة والإملاءات كان خطراً داهماً وكان لابد من إجهاضه بأي ثمن .. ولذلك فُرِضت إتفاقية نيفاشا - بعد اليأس من إكتساح الشمال ..- لتمهد لإنفصال الجنوب - المال تلته ولا كتلته -.. ولكن طبعاً إنفصال الجنوب في حد ذاته لم يكن الهدف الإسترتيجي ولم يكن إشفاقاَ علي الجنوبيين الذين ظنوا أنو مادام سوزان رايس معاهم مابتجيهم عوجة تب، ولكين طبعاَ أسياد سوزان رايس زاتهم لم يكن هدفهم إنقاذ الجنوب المسيحي من الشمال المسلم !! .. بل هدفهم أذية الشعب السوداني المسلم !!!.. والدليل علي ذلك أنهم ما اشتغلوا بيهم شغلة لمن قبلوا علي بعض فتكاَ وقتلاَ .. لدرجة أنهم مرقوا من جوبا وخلوهم ياكلوا نارهم ..فالهدف الإسترتيجي هو تدمير الشمال ذو الأيدلوجية الإسلامية المقاومة للهيمنة .. ولذلك سرعان ما اشتعلت الحرب في الغرب بدوافع إثنية - عروبة وزنوجة - بدلاً عن الدعاية القديمة بتاعة إسلام ومسيحية ..
4 - التفاعلات الكثيرة المتداخلة جعلت النزوح يتصاعد نحو العاصمة، وهو ما جعل الحكومة تلهث لتوفير متطلبات الهجرة البشرية للعاصمة .. ولذلك شرعت في محاولة زيادة الخدمات لهذه الجموع البشرية ..وطبعاً معروف أن إردحام الناس بلا خدمات موازية يعتبر مهدد أمني وخطر كبير علي الِسلْم في المدينة.. ولكن كان مردود ذلك أن الناس بقت تقول إنو الحكومة مركزة الخدمات في العاصمة .. وده طبعاً إلي حد ما صحيح.. ولكن زيادة الخدمات في العاصمة كان نتيجة لتدفق الهجرة علي العاصمة .. ومحاولة زيادة الخدمات يعني المزيد من البشر الذين يريدون النزوح لمكان الخدمات (can you detect the pattern?o).. فيأتوا للعاصمة ويعملوا أحياء عشوائية أو يشتروا من تلك القري الطرفية التي يبيعها الناس ويمشوا إلي محيط أبعد ليبيعوا أراضيه لأناس جدد ويمشوا إلي محيط أبعد ليبيعوا أراضيه لأناس جدد ، ويمشو إلي محيط أبعد ليبيعوا .... كده الصورة وضحت كيف العاصمة تمددت - تخطيط القري -؟؟؟ .. في الآخر الحكومة برضو خشت سوق الأراضي - لكين للمغتربين - عشان العملة الحرة وما أدراك ما العملات الحرة -
5 - ...
6 - ...
7 - ...
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
منير
سلام
أنا شخصياً أفهم منطلقاتك التى بنيت عليها خلاصاتك
وهذه الخلاصات كانت ستكون منطقية جداً ومتسقة تماماً إذا كانت حقيقة وصحيحة
مشكلتك هنا أنك تقفز لخلاصات بناءاً على قراءة متأخرة وغير مترابطة للوضع في السودان.
كمثال موضوع الهجرة للعاصمة، سأعطيك مثال لأسرتي أنا:
والدي مهندس مدني عمل في عطبرة وحلفا وبابنوسة والخرطوم وسكر سنار
نزل المعاش وهو في مصنع سكر سنار
اشترى بيت في سنار المدنية وافتتح مكتباً للمقاولات
اتضح له بعد لحظات أن كل العطاءات التى تقدم يفوز بها مقاولين موجودين في الخرطوم رغم أنها تخص سنار الولاية
بعد التشاور مع اصدقائه نصحوه بأن يأتي للخرطوم لسهولة الحصول على العطاءات عبر
المعارف والواساطات والذي منه
باع بيته في سنار واشترى في الخرطوم وواصل الدخول في عطاءات ولاية سنار
وبقربه من المعارف والوساطات ظل يعمل وينفذ مقاولات في سنار حتى اليوم.
معليش يا منير استحملني أنا حأطول في الرد (لكن عشمي إنك برضه فاهمني صاح)
أها الوضعية الفوق دي سببها المباشر (المركزية بتاعة الحكومة) وأنا برضه ما حأعترض على المركزية بتاعة الحكومة
(لكن الحكومة طارحة حكم فدرالي)، وإنت عايش في دولة فدراليو وأنا عايش في دولة فدرالية.
أنا كمواطن لو ما توفرت لي الخدمات في مكاني حأمشي ليها في مكانها.
عشان نحل مشكلة زي دي لازم نشوف الأسباب شنو؟
هل السبب المواطن القام من الصباح وقرر يمشي يسكن في الخرطوم. بالطبع لا؟
لكن السياسات العامة للدولة هي السبب المباشر في دا (أي دولة بتاعة كيزان أو بتاعة شيوعيين)
نجي لموضوع الحرب يعني الحرب دي ما مشوا الأمركان ولا الصيننين صدروها لينا، حرب معروف سببها شنو والإتسبب فيها منو؟
الحرب قامت قبل الإستقلال ل،ه في سياسي رأس الدولة نقض عهد (موضوع الفدرالية)، استمرت الحرب لحدي ما الناس قعدت ومضت اتفاقية (اديس ابابا)
الحرب وقفت زي الترتيب وبدت التنمية وغيرها.
قوم إنت يا النميري (حليف نفس الأمركان) أنقض الإتفاقية وأصر على الحرب بعد داك
تستمر الحرب حتى زمن الديمقراطية
قوموا إنتوا يالدمقراطييين سلحوا القبائل وانشرو السلاح (الحيكون من الأسباب للحاصل لدارفور)
واعملوا المسألة (جهاد) عديل (ما عنده علاقة بجيش قومي وقوات مسلحة) والسلاح بقى ما محتكر (للجيش القومي)
وأعملوا توقيع على (حق تقرير المصير) في ألمانيا الواحدة دي مع (رياك مشار)
أها الحرب دورت وهم ما قادرين
وقعت اتفاقية سلام ادت لاستفتاء وإنفصال الجنوب
الدولة هي القامت بالمفاوضات بدون استفتاء من الشعب
هل الحرب دي عندها عوامل خارجية ودعم خارجي؟ طبعاً أكيد
لكن السؤال هل توجد اسباب داخلية لها؟ بالطبع
هل تمت ازالة الاسباب الداخلية دي؟ لا
نجي لموضوع الدعم الخارجي
أنا ما داير اخش في غلاط في الحتة دي.
إجرائياً حأعتمد كل مقولتك
السودان معتمد على المعونات
طيب في سبب بخليك ترهن مسؤولية شعب كامل عشان تنفذ ايدولجيتك
تمشي تعادي الأمركان ليه؟
بل الأسوا إنك بتتعاون معاهم تعاون استخباراتي أدي لضرب ناس يحملون نفس ايدولوجيتك.
أها في حالة زي المسؤولية بتاعة منو؟
ونجي لمسالة التمرد؟
البيخلي عمر البشير ما متمرد شنو؟
وبيخلي مني متمرد
مش يا هو نفس القانون بتاع القوات المسلحة
عمر البشير بنص القانون تمر وحمل السلاح ودخل القيادة واستولى على السلطة بالقوة
منى شال السلاح وما قدر يصل السلطة.
يعنى تمكن عمر البشير من الإستيلاء على السلطة بقى الجيش السوداني جيش قومي.
يا منير
أنا من دون الناس الهنا ما عندي أي مشكلة مع أي تنظيم اسلامي
يجي ويطرح آراءه على الناس يختاروه أو يمنعوه
وأنا من الناس البأيد حق حزب المؤتمر الوطني دا في أي انتخابات ديمقراطية ينزل وينافس
ما عندي هوس ضد الكيزان وأعارض من أجل المعارضة
وأي تسوية تاريخية هسع يوم الليلة حتى تحت إدارة النظام الحالي دا أنا معاها.
وأنا حاربت النظام دا بالسلاح عديل كدا، يعنى عندي من تراكم الخبرة الشئ اليخليني ابقى موضوعي.
عشان كدا بقول ليك واحدة من المسؤوليات الأساسية هي للحكومة
لسبب بسيط وما فايت على أي زول:
إنه الشعب بيفوض الحكومة لإدارة موارده دي بالنيابة عنه.
والحكومة ومنسوبيها شغالين بمرتب عشان يشتغلوا الشغل دا.
كونه الحكومة تعجز عن مسايرة العالم (عشان تجيب قروش دعم) دا ببقيها دولة فاشلة.
يا خي ما في زول من الشعب السوداني فوض الحكومة دي عشان تشتغل بالنيابة عنه
الحكومة دي جات فرضت نفسها
وبالتالي مظاهر الفشل الحالية تتحمل مسؤوليتها كاملة.
أنا وإنت طلعنا برة السودان ممكن لظروف مختلفة
لكن أنا اترفض تعييني عديل كدا
بل بالعكس أنا مشيت لقريبي (كوز) وقلت ليه يا خي أنا زول خريج تربيةى وعايز اشتغل استاذ في أي مكان في السودان
ما عندي مشكلة؟
جاني راجع وقال لي عديل (إنت مغضوب عليك واسمك موجود في الناس الما يسمح ليهم إنهم يشتغلوا في التدريس)
دا ما يعرف بنظام (التمكين)
دي سياسة حكومية ما عندها أي علاقة بالشعب.
كونك تخت كل العطاءات عند الحكومة المركزية دي سياسة حكومية.
المواطن حيجي الخرطوم عشان يلقى الخدمات
هل تمت إدارة الموارد بطريقة صحيحة؟
حسب شهادة الحكومة نفسها دا ما حصل (تقارير الأداء والمراجع العام)
هل اسباب الفشل المريع في السودان الحصار الخارجي؟
حسب اعتراف الحكومة (اسبابا فشل البرنامج الثلاثي الإقتصادي) فبرضه لا
في أسباب داخلية كتيرة
بتقول من الأسباب هو (الأيدولوجيا الشمالية المقاومة للهيمنة)
الكلام دا ما صحيح، ما في أي مقاومة للهيمنة ودليلي سعيهم الجاد للتعاون
وتقديم تنازلات لدرجة فتح مكاتب لل(سي آي أيه) في الخرطوم
وتعاون ضد الإرهاب.
يا منير
أنا شخصياً احترمت حكومة طالبان لأنه ذهبت مع مبادئها حتى النهاية
لم تتنازل تنازلات جزئية، رفض الهيمنة لنهايتها.
هل الحال مع حكومتنا المفروضة علينا كان كذلك، لندعمها على بينة
أو نعارضها على بينة؟
الأمر لم يكن كذلك
الجناح الزعلان من الإسلاميين هو الذي وزع وطبع وألف (الكتاب الأسود)
والحركة الأكثر فعالية (العدل والمساواة) قائدها دباب معروف
وعرابها هو عراب الإنقاذ الترابي
والتمويل تم عبر أموال المؤتمر العربي الشعبي الإسلامي
والذي كان غطاء لغشل اموال الحركة الإسلامية العالمية (السنوسي وعلى الحاج)
وتم تمويل معظم حرب دارفور منها
(وامسكها مني أنا شاهد عيان على تسليم أموال ضخمة من على الحاج أبان زيارته لأسمرا لتمويل المعارضة المسلحة في دارفور)
فالقصة يا منير كبيرة والفشل الأكبر في وجود هذا النهج الذي يحكم السودان الآن
اختتم بالعامل الخارجي (بالمناسبة لسه أنا ضد أي نظرية مؤامرة)
التطور الرأسمالي وانحسار الإشتراكية أدى لهيمنة الشركات وتأثيرها على مجريات السياسة في الكثير من دول العالم
ومحاولة جرها لطريق التطور الرسمألي بكل الأساليب
اقرأ هذا الكتاب Confessions of an Economic Hit Man
لشخص اسمه بيركنز (قابلته شخصياً في نيويورك وأهدى لي هذا الكتاب) وتكلمت معه مطولاً بعدها في لقاء في كافتريا
صغيرة في بروكلين .
الشعوب الغنية والرأسمالية والشركات تنهب الدول الصغيرة
لكن هذا الأمر لا علاقة له (بأنك مسلم أم بوذي)
اكبر الدول الإسلامية (اندونسيا ماليزيا) ف=غيرها تتمتع بعلاقات (مؤاكلة ومشاربة) مع هذا العالم الجشع
لم تحدث لها هذه المشاكل
دول أخرى تعيش على المعونات تبدو اليوم أحسن حالاً (بفضل إدارتها الحصيفة لمواردها)
أمريكا قلعة الرأسمالية تتمتع بعلاقة جيدة مع السعودية التى تتبني الإسلام في أكثر صوره راديكالية
(للدرجة التى سمحت فيها للطائرات الخاصة السعودية أن تكون هي الوحيدة التى حلقت يوم 11 سبتمبر بعد قرار اغلاق الأجواء الأمريكية)
فمكنة أن حكومتنا تعرضت للحصار لأنها ضد الهيمنة وأنها متمسكة بالإسلام كلام لا أساس له من الصحة؟
طبق شريعتك وتعايش مع امريكا زيك وزي اي سعودية
او عيش على المساعدات زيك وزي اي اردن او مصر
حل مشاكل حربك زيك وزي اي رواندا
حل مشاكل الإستعلاء الثقافي والعرقي والعنصرية زيك وزي أي جنوب افريقيا
وازن في علاقاتك الخارجية زيك وزي أي جزائر أو بتسوانا
ركز على إدارة الموارد السودانية لتنعكس على تحسين الإقتصاد والخروجة من دائرة الدين المهلكة.
ربنا دا لمن قال إنه ما بغير ما بقوم حتى يغيروا ما بانفسهم
دا المقصود؟
فالخلاصة هي أن الحكومة هي الأساس في فشل أو نجاح أي شعب
وكل السلبيات التى نجدها في شعب ما يمكن تخطيها بوجود حكومات تعرف كيف تدير الموارد وكيف تهيئ المناخ لهذه الشعوب للعمل الجاد والقيام بحقوقها وواباتها على أتم الإستعداد.
حكومة السودانية الحالية فشلت وأفشلت الدولة السودانية لإتباعها لسياسات لا تراعي مصلحة شعبها.
وآسف جداً للإطالة
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: الصادق اسماعيل)
|
سلامات يا الصادق ..
غايتو زي ما قال قسم الفضيل إنت طقطقتني خليتني أطقطق زي العنقريب .. :)
يازول طبعاً زي ما أنا شرحت من البداية أن كل زول يصل لإستنتاجاته حسب تجربته الشخصية والبيئة والمعطيات بتاعته .. وأري أنك أشرت لنقاط كثيرة منطقية أنا أتفق معاك علي أغلبها .. طبعاً حسين نوباتيا برضو ما قصَّر .. برضو حسب زاوية نظره إدي مرافعة مقدّرة ..
أتمني أني قبل الأرشفة أقدر أعقب علي مداخلتك الطويلة دي - لكين لو طارت ما أطول من مداخلاتي الفوق ديل .. حالتي كاتبها كلها بالماوس ، بأصبع واحد ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
قال الأخ منير :
( لأن أهل الإنقاذ ذو أيدلوجية مواجهة ضد الهيمنة الأمريكية وخاصة قضية القدس )
ونسأله : هل الإنقاذ عندها الإمكانية والقدرة لمواجهة الهيمنة الأمريكية ؟؟؟ أم أن الموضوع مجرد عن شعارات ليس إلا ؟؟؟؟
ثم ثانياً مالنا وقضية القدس وفلسطين ونحن الذين تئن بلادنا بالمشاكل والحروب ؟؟؟؟؟ فإذا كان أهل فلسطين أنفسهم غير متفقين فهل نكون نحن في السودان أكثر حرصاً على قضيتهم منهم ؟؟؟ أم أننا أكثر حرصاً من الدول العربية الأخرى
والتي هي أقرب مننا إلى فلسطين سواءً كان جغرافياً أم عرقياً ...!!!!! فياخي عهد المتاجرة بمثل هذه القضايا ولى وانتهى !!!
قال الأخ منير :
( فالهدف الإسترتيجي هو تدمير الشمال ذو الأيدلوجية الإسلامية المقاومة للهيمنة ..)
ونقول له : أنك للأسف أحد المخدوعين بأن هذه الحكومة جاءت لتطبيق شرع الله ...!!! فالإسلام يا أخي ليس هو مجرد شعارات وأقوال لا تجد طريقها للتطبيق ..!!! لو كانت هذه الحكومة حريصة على تطبيق شعاراتها الإسلامية فقد
كان بإمكانها تطبيق ذلك خاصة وأنها استلمت مقاليد الأمر وما زالت طيلة 25 عاماً دون منازعة من أحد لكن حتى يكشف الله زيفهم وأكاذيبهم وتجارتهم بالدين ...!!! فما لكم يا أخي كيف تحكمون ؟؟؟؟؟
قال الأخ منير :
( التفاعلات الكثيرة المتداخلة جعلت النزوح يتصاعد نحو العاصمة، )
ونقول له : يا أخي انت بتدافع عن الحكومة أكثر من دفاع الحكومة عن نفسها ...!! غريب أمرك والله
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
_________
Quote: اني اتخيلتك تكون مهندس بترول جاي من برة عارف كل صغيرة وكبيرة عن مجالك ...
يقوموا في المعاينة يقول ليك اقرأ لينا سورة مريم برواية يعقوب المصري ويسالوك من كم حديث كدا ويقولوا ليك قوم فرتك:) |
بتذكر مرة في بوست اتفتح عن المفارقات القابلتك في المعاينات ... واحد من الأعضاء
قال أنه في اتنين أصحاب مشوا لمعاينة سوا ... ودخل الأول للمعاينة وجاء طالع ...
التاني سأله قالي ليه سألوك من شنو ؟؟؟ قال ليهو قالوا لي اسمك منو ؟؟؟
قلتا ليهم (ابراهيم) ... ناس المعاينة قالوا ليه خلاص يلا أقرا لينا سورة ابراهيم ...
التاني دخل المعاينة وسألوا من اسمه ... قال ليهم أنا اسمي (طه) ولكن ملقبني بـ (الكوثر) ...
_________
يا منير فواكهك دي ما بتحلك ... بعدين موزك دا ظاهر عليهو مضروب دايوكسين ...
انا قلت الله ح يمرقك من البوست دا بالارشفة ولكن الظاهر حظك مدقر ... :)
ثم كل ارشفة والجميع بخير ...
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: قسم الفضيل مضوي محمد)
|
يا قسم الفضيل سيبك من ناس كوثر ومريم .. أنا القدامك ده في المعاينة قالوا لي ماهي بلد المليون شهيد قلت ليهم السودان ، قالوا لي جميل إنتظر برّه شوية - جاء الزول الوراي دخل المعاينة وجاء مارق مبوِّز قلت ليهو أها إن شاء الله خير - قال لي الوهم ديل سألوني من أسماء المليون شهيد بتاعين ألمانيا .. تقول لي كوثر؟؟  ..
ثم إنتو يا ناس السعودية ديل تسكتوا خالص .. بنزينكنم ملح وأكلكم وشرابكم ملح وما عندكم ضرائب وشايلين منكم جوازاتكم ، ومكبوسين بالكبسة - محرومين من النفس .. وو ..وبعد كده يقول ليك جده غير !!.. عاملين فيها بتعرفوا الدايوكسين ؟؟
هنا الموز الشكله معفن ده سعره أضعاف الموز الكبااار الأصفااار الحللللو لأنو بتاعنا ده طبيعي ضارباهو الشمش وديل فواكهم معدلة جينياً .. تلقي العنب بدون بذرة والبرتكان زي العسل بدون بذور وو .. ياخي السمك - السمك ده كمان فيهو حاجة؟ - لا.. ده فيهو خيار وفقوس !!.. خيار القريبة دي؟؟
يا قسم الفضيل أخوي .. أنا في البوست ده أردت لفت أنظار الناس للمقارنة العالمية في الأحوال ، وفق ثقافات الشعوب في العمل وإستغلال موارها ، ووفق أحوالهم وأسعار السلع بتاعتهم - صورة الطرمبة الجبناها ليكم دي مثال بسيط - ، ووفق معطيات بلدنا والصورة العامة بكل مدخلات الشد والجذب والتاريخ والجغرافيا ووو .. أنا لو جبت ليك أسعار أشياء هنا خايفك تقوم جاري !!!.. شفت ليمونتنا الخضراء الصغيرونة دي؟ مرات الحبة بيورو !!.. مرة في أحد المولات السويدية شفنا لينا بلح أمريكي كباار أسوااد ولامع ومكتوب السعر 10 كرونات .. المدام عبت الكيس ولمن جات تدفع لقت إنو ال10 كرونات ديل لل100 جرام - بلحة واحدة - والشئ قايلاهو للكيلو !!!..
وأردت لفت أنظار الناس تنظر لعيوبها هي كشعب عاجز عن الإنتاج ، رغم أنه عنده القدرة علي النهضة - أمشي أقرأ عن تاريخ كوريا الجنوبية ، وكيف أنها بعد ما كانت أمة شحادة أصبحت من كبري الدول المنتجة للتكنولوجيا المتقدمة - ياخي قال ليك ناس كوريا الجنوبية ديل عندما الوسيعة دي ضاقت بيهم الناس عملوا تبرعات وانهمرت تبرعات الدهب - الناس اتبرعت بي دهبها للحكومة ، لأنو الناس مصيرها مع بعض .. يا يقوموا كلهم أو ينهاروا كلهم -
وأمشي شوف تايوان التي نسخر منها، ظللنا نضرب بها المثل في التقليد (إنت جعلي تايواني واللا شنو،، يقول ليك)، الآن عندها الTSMC من أكابر المصانع لإنتاج الشرائح الالكترونية في العالم ، والأكثر إقبالاَ من جميع العالم .. دي دول نهضت في بضع سنين وأصبحت قوي كبري بفضل ذكاء أهلها وجدهم واجتهادهم .. مش زينا نحن لا راضين بكوز ولا راضين بشيوعي ولا راضين بختمي ولا أنصاري ولا عسكري ولا مدني .. نعيب زماننا والعيب فينا - والعلة كلها هي في الحاكم والمحكوم علي السواء .. الحاكم ، وهو إبن هذا المحكوم، يصبح عديم ضمير يسعي لراحة نفسه وإستغلال السلطة والثروة بأسرع ما يكون - من باب الدنيا مادوّامة، ولو فاتك الميري اتمردغ في ترابه - والمحكوم دايرها جاهزة .. ويظن أن الحكومات دي مفروض تجيبها ليهو مقشرة .. ولذلك تلقي المواطن السوداني العاجز حتي عندما يغترب ويهاجر تلقاهو يفتش شغل الميري - أبو مرتب .. مافي واحد تلقاهو يدق سدره ويعمل بزنس براهو - زي اللبنانيين والشوام عموماً مثلاَ .. روح المجازفة مافي -
أتذكر المرحوم عمر نورالدائم بتاع حزب الأمة أيام الديمقراطية عندما بدأت الإضرابات تنهال علي الحكومة زي البوب كورن ،، وقام ناس المصارف أضربوا وهو كان وزير مالية - اعتقد - فقام غضب وجاء في التلفزيون ينتقد ناس البنوك، وكيف أن مرتباتهم وإمتيازاتهم عالية مقارنة بموظفي الحكومة - وقال; هناك ناس الواحد يشتغل في بنك معناها ليلة القدر وووو - أو ما معناه - زي ماعارف فعلاً الناس عندها وهمة إن فلان شغال في بنك معناها ده شغال في محل القروش شخصياَ - ولازم يكون مغندل - الغريبة لو زول شغال محاسب في أي مكان تاني - في السودان - يُعتبر زول مقشَّط ساي .. وزي ما الناس عارفة إنو آفة الديمقراطية الفاتت كانت كثرة الإضرابات - لأنو الناس فاهمة إنو الديمقراطية هي حرية الإضرابات والناس تسوي العاوزاهو - في الآخر البوب كورن يشتغل - إضرابات - ويقوم ينط فيها عسكري ..
أنا برضو أردت أن ألفت أنظار الناس أن لوم الحكومات عبارة عن حلقة دائرية لا نهائية .. ولا بد من إيجاد مخرج لهذه الحلقة الجهنمية .. الحاصل أن دورة هذه الحلقة - الcycle بتاعتها - أطول من عمر جيلين أو ثلاثة.. ولذلك فإن الجيل الأول حين تنتهي دورة يكون مات - بعدما وعي الدرس بعد خرف - .. يموت قبل ما يكلِّم الأجيال اللاحقة عن أنه ليس هناك مخرج وضوء نفق في آخر الطريق .. يعني زي اللافي ليك في صينية ، ولو ما اتخارجت حتاخد 500 لفة .. وو
الصديق قرجة (الله يخضر ضراعه، جدد لي الروح المعنوية بتاعة البري) قال لي ناس الإنقاذ يبقوك رئيس صحيفة ، وقاموا ناس قريعتي راحت قالوا وزير إعلام عديل .. ههه .. عليك أمان الله لو ختوني محل اوباما زاتو ما أهوِّب ناحيتها تقول لي رئيس سودان ؟؟ ..
يازول لو بعدت من السلطة دي يكون الله مرقك ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
منير سلامات
انت متضايق مالك من البوست وعايز تعمل ليه ساتر بصورة قرجة؟
معليش الواحد جاء متاخر بعد ما انقضى المولد زى ما بيقولوا ..
حسين والصادق عبروا عنى فى كثير من النقاط , لكن انا عندى تعليق فى بعض ما جاء فى مداخلاتك
وخلينى ابدأ بزيادة الكثافة السكانية فى الخرطوم والتى تحدثت عنها كثيرا .. اولا زى ما قال حسين والصادق هجرة الناس من الاقاليم باعداد كبيرة الى الخرطوم وخاصة فى ظل الانقاذ , دى مشكلة من مشكلات الانقاذ الكثيرة وحق ما تمر عليها مرور الكريم , لانو اهمال الدولة للاقاليم والقضاء على قدر الموجود من الخدمات قبل مجئيه للسلطة وتركيز كل ما هو موجود من صحة وتعليم وفرص عمل فى الخرطوم هو السبب الرئيسى فى هجرة الناس للخرطوم بحثا عن الخدمات .. مين كان بيصدق بانو القضارف ومدنى وكوستى على سبيل المثال ممكن تكون مدن طاردة فى يوم من الايام ؟ هل تصدق بان مزارعى القضارف على سبيل المثال كانوا بيركبوا اخر الموديلات من العربات اليابانية قبل ناس الخرطوم سنويا فى الزمن الجميل ( زمن قبل الانقاذ ) اين فطاحلة الزراعة المطرية الالية فى القضارف ومشاريعهم وانتاجهم من امثال عمر ابراهيم البدوى وحسن بخيت جيلانى ومحمد احمد سنهورى , نعم هؤلاء اصبحوا الان مراحيم , لكنهم تركوا الزراعة وهجروها قبل مماتهم بسبب سياسات الانقاذ تجاه الزراعة والمزارع ! دى نقظة!
النقطة التانية زى ما قال حسين , الدولة ما قاعدة تقدم خدمات مجانية او مدعومة لمواطن الخرطوم ولا قاعدة تدفع اجور مجزية تسد الرمق وتغطى كل المصاريف الضرورية من معيشة وصحة وتعليم عشان تكون الكثافة السكانية عبء عليها !
كل مؤسسات الدولة المفروض تقدم خدمات مجانية او شبه مجانية بالمستوى الذى يمكن المواطن من مجابهتها حسب مستوى دخله فى الصحة والتعليم والمواصلات لكنها خصخصت او اهملت لصالح مؤسسات ربحية استثمارية خاصة باعضاء المؤتمر الوطنى والراضين عنهم !
شوف عدد المستشفيات الاستثمارية الخاصة التى تتحدث عن العلاج بالملايين فى خلو مستشفيات الدولة من ابسط مقومات العلاج !
شوف عدد الجامعات والكليات والمعاهد العليا التى قامت فى عهد النظام وهى مؤسسات استثمارية ربحية اكثر من انها مؤسسات اكاديمية تؤهل الدارسين فى تخصصاتهم ومن يمتلك المادة هو الذى يدرس حتى لو كان راسبا , وقرينا قبل كده فى صحف الحكومة عندما صرحت طبيبة وهى استاذة فى جامعة من الجامعات الخاصة , عندما قالت ( نحن بنباصى الطلبة حتى لو راسبين عشان ما نفصلهم ونفقد دولاراتهم وايضا قالت الامين العام السابق للمجلس الطبى , بان غالبية اطباء السودان لا يستطيعون كتابة الرشته والمتخصصين علقوا وقالوا الطبيب الما بيعرف يكتب رشتة معناها ما بيقدر يشخص المرض ! ) يعنى باختصار شديد يا منير الخرطوم سوق كبير لرجال اعمال المؤتمر الوطنى فى كل شئ ورجال المؤتمر الوطنى يتاجرون فى قوت الشعب وفى خدمات الشعب وبحقوق الشعب ومقدراته , وما فى تاجر بيتضايق ويشتكى من زبونه !
(عدل بواسطة خالد حاكم on 12-10-2014, 11:04 AM)
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: خالد حاكم)
|
حاولت تقارن الاسعار مابين الدول الغربية والسودان !
سؤالى ليك وانت عايش فى الغرب وشغال فيه واشتغلت قبل كده فى السودان حسب ما فهمت منك , هل مستوى دخل الفرد فى السودان بمستوى دخل الفرد فى الغرب عشان تعمل مقارنة بينهم فى الاسعار؟
حاولت تتكلم كثير فى انو البلديات فى البلد التى تقيم فيها بتفرض رسوم عالية فى بعض الخدمات وانك بتشترى اكياس الزيالة فى الشهر بمبلغ وقدره واستهلاكك للكهرباء والموية والغاز كده .. يا منير مهما تظلمت ومهما حكيت , دخلك فى كل الاحوال بتسد رمقك وبتغطى ليك كل الضروريات وما بتشيل هم المعيشة ولا هم التعليم ولا هم العلاج ولا بتسمع بكهرباء قطعت ولا موية قطعت ولا غاز مافى .. وده الما موجود فى السودان الا عند اهل الانقاذ الذين كنزوا الذهب والفضة على حساب الشعب المطحون !
منير لو انت سافرت الغرب عشان تغنى وتعمل قروش وخاصة من خلال المرتب انت غلطان واذا فى زول اقنعك بالكلام ده برضو هو غلطان , لانو من زمان الغرب دى معروفة بانو بتديك باليمين وتاخد منك بالشمال , والناس قبل مجئ الانقاذ للسلطة كانت بتجئ فى بعثات دراسية تبع مؤسساتهم او على نفقتهم الخاصة واى زول مجرد ما يخلص من دراسته وبعثته كان بيرجع السودان او كان بيمشى الخليج والهجرة للغرب بهذه الاعداد ظهرت فى بداية التسعينات بعد الضيق الحصل للناس بسبب سياسات الانقاذ وغالبيتهم سافرت للغرب لانو السفر للغرب كان اسهل واقل تكلفة لكثير من الناس مقارنة بالخليج
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: خالد حاكم)
|
Quote:
حافظ بشير .. قلت لي تحرِّش في الناس أن أمسكوا دولاراتكم عليكم وإنتظروا الدولار يرتفع؟؟؟ وتقول قلبك علي البلد؟؟ هههه ..
والله لو البلد راجية خير من أمثالك ديل الواطة في خشمها ..
|
منير
هل نفهم من كلامك بانك ترسل ما تريد ارساله من مال الى السودان عن طريق اليد ليتم صرفه فى القنوات الحكومية الرسمية وكذلك عندما تسافر للسودان وما عندك اى علاقة بالسوق الاسود؟
مع العلم بان تجارة السوق الاسود للعملة لصالح رجال الانقاذ وما يهمهم الاقتصاد ينهار وان اى حملة صورية ضد السوق الاسود , الغرض منها تخفيض سعر الدولار لصالح تجار الانقاذ !
| |
|
|
|
|
|
|
|
|
 Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: خالد حاكم)
|
يا منير
انا ما عارف الطرق والكبارى والسدود البتروجوا ليها انت وكمال فرانكى باعتبارها من انجازات الانقاذ
يا منير زمان الحكومة لما تكون عايزة تحفر بئر , الامر ده كان بيقوم بيه هيئة توفير المياه كجهة فنية حكومية متخصصة , وكان بيتم اعلان العطاء فى الهواء الطلق بكل شفافية والشركات المتخصصة ذوى الخبرة والسمعة الطيبة كانت بتقدم لهذا العطاء والفرز كان بيتم بكل شفافية واضعين فى الاعتبار المواصفات الفنية بصرف النظر عن السعر واذا فى شركتين مواصفاتهم الفنية اتطابقت كان بيتم اختيار العطاء الاقل سعرا , نفس الاجراء كان بينطبق فى شراء الاسبيرات للعربات الحكومية بواسطة النقل الميكانيكى , ونفس الاجراء كان بينطبق فى بناء الطرق والكبارى بواسطة هيئة الطرق والكبارى , لكن ما تم فى عهد الانقاذ كل من هب ودب عمل شركة لبناء الطرق والكبارى والمتعافى براه يمكن عنده اكثر من شركة فى هذا المجال .. الحصل شنو يا اخ منير انو بناء الطرق والكبارى اتوزعت لشركات الكيزان من دون عطاء والشركات دى نفذت الطرق دى من دون مواصفات فنية واصلا هم ما عندهم اى مواصفات وباسعار مضاعفة , يعنى لو كيلو المتر المربع الواحد بيكلف عالميا 500 الف دولار , شركات الكيزان نفذته بمليون دولار وهكذا ,عشان كده سنويا فى الخريف الاف البيوت بتقع وبيتضرر بسبب هذه الطرق والكبارى والمتعافى اعترف فى سنة من السنين ايام كان والى الخرطوم بغياب المواصفات الفنية فى هذه الطرق وعذره فى غياب هذه المواصفات انو الولاية بتبنى الاف الكيلومترات فى السنة , يعنى لسان حاله عايز يقول لينا ادينا الاولوية للكم على حساب الكيف والكيزان اصلا فى اى حاجة عنده عداوة مع الكيف وبيهتموا بالكم , حتى هم ذاتهم فى اشخاصهم كرجال دولة عندهم مشكلة فى الكيف , وزى ديل بيقولوا عليهم فى عاميتنا السودانية ( ناس اى كلام ) ! يعنى خلاصة الكلام يا منير هذه الشركات الكيزانية خلقت لبناء شوارع منزوعة الدسم .. شوارع مضرة للمواطن وغير مستقبلية وباسعار خرافية , الغرض منها سرقة اكبر كمية من اموال الشعب باسم التنمية والبنية التحتية المزعومة ,انت ما ملاحظ انو الانقاذ اهتم باى عمل فيه مصلحة وسفسفة لمنسوبيها وغير ذلك لم يهتموا بيه وليس من اولوياتهم ,يعنى ما ممكن انسان سوى يقبل بانو واحد يعمل ليه او ينجز ليه عمل غير متقن ومن اول يوم عيبه حيظهر وهو ذاتو كمنجز عارف من البداية عدم نظافة عمله ويشيل منى اضعاف مضعفة من المال وبالزيادة عن سعر السوق وان اشيد بيه واصفق ليه واشكره !
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: خالد حاكم)
|
يا خالد حاكم الجاء بعد المولد .. أنا لو حاولت أرد عليك رد مطوَّل حأعيد كتابة الأربعة صفحات دي .!!.
وبعدين أنا أتضايق من شنو؟ - عشان قلت صورة قرجة تحلنا، علي سبيل المزاح مع قسم الفضيل ؟؟ ..
أنا لو إتضايقت من الكلام المكرور التقليدي ده كنت رفعت البوست بصورة قرجة من أصله ؟؟ ..
مداخلة الصادق هي الفيها تنوع وممكن مناقشتها - عندما أفضي -..
بس ملحوظة بسيطة :.. مقارنة الأسعار بين الداخل والخارج عشان أفتح عيون الناس أن أسعار البلد ستتزايد إلي أن يصل مستوي الأسعار في الداخل ما يساويها في الخارج .(وعشان كده ذكرنا ليكم سيرة ال60 في المية زيادة علي سعر البنزين في الغرب - مش دعم - ونسبة ال35 في المية ضرائب بتاعة الدخل) .. لأنو عيشة زمان تاني مافي .. معونات خارجية مافي .. مافي تاجر ممكن يستورد علبة البسكويت ب5 دولارات ويجي يبيعها ليك في البلد ب2دولار .. داير تاكل مستورد وتعيش بكماليات والذي منه إتحمل الدفع ،، داير تاكل مما تزرع وتلبس مما تصنع إتحزَّم وإشتغل ونافس السوق العالمي ..
لو إنت بتناضل عشان امريكا ترفع العقوبات وتقعد تمد إيدك تشحد المعونات زي المصريين أحسن تغيِّر استراتيجية معارضتك ..
الشكاوي والكواريك الحاصلة دي ما حتنتهي بتغيير النظام .. بل ستنفتح آفاق جديدة للمشاكل الغير منظورة الآن .. أفضل وضع قادم هو ديمقراطية الأحزاب وعندها سنري تمكين ناس الأحزاب في المرافق الحكومية .. ناس حزب الأمة سيملأون وزارة المالية وناس الإتحادي يملأون وزارة التجارة .. ويبدأ توزيع الرخص التجارية هنا وهناك ونبدأ تاني في إجترار تاريخ ناس الغرب وناس البحر.. إلخ إلخ .... والبلد حرية والمظاهرات والإضرابات علي قفا من يشيل .. ويجوا الشيوعيين يعملوا إنقلاب شعاره التطهير واجب وطني .. لتطهير دواوين الحكومة من منسوبي الأحزاب .. وهكذا دواليك ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: سيف اليزل الماحي)
|
منير
صباح الخير
منير انا على قناعة وممكن احلف ليك بالكتب السماوية بان الديمقراطية القادمة ما حتكون زى الديمقراطية السابقة , لانو اتفاقية نيفاشا وحكم الانقاذ التى استمرت 25 سنة بكل قبحها وجبروتها افرزت ثقافة جديدة ولغة جديدة وفى جيل كامل وعى بحقوقه واصبح يفكر بطريقة غير طريقة ابائهم ودخلت مفردات جديدة فى قاموس السياسة السودانية ما كانت موجودة فى السابق ولا يمكن تجاوزها , ده كل بالحراك التم فى ظل الانقاذ وزى ما بيقولوا الضغط بيولد الابداع والوعى ومستحيل من خلقوا هذا التغيير ان يستكينوا ويتنازلوا عن الحقوق التى ناضلوا من اجلها كل هذه االسنين وخاصة سنين الانقاذ !
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: خالد حاكم)
|
يا خالد حاكم صباح النور .. إنت كنت نايم؟ :) ده وكت نوم؟ قوم لقّط الدولارات الناس منتظرة (ده هظار .. ممكن تضحك ) :)
عليك الله يا زول ما تحلف علي الغيب .. ما تعوِّد نفسك تكون حلاَّف الحلف المغلظ .. لأنه القرآن ذاته بيحذر من الزول الحلاَّف ..
نميري حكم 16 سنة وكان مقفِّل الأحزاب بالطبلة والمفتاح .. مش زي هسه . الآن حزب الأمة في كامل نشاطه، وبسلاحه كمان .. الإتحادي برضو علي سراحه - زمان الحوليات ساي في تلتلة .. والناس نست حاجة إسمها أحزاب من أساسه - ونحن ناس مايو قمنا لقينا أبوكم مين : نميري .. أخوكم مين : نميري ... أها بعد الإنتفاضة نهضت الأحزاب الكبري شامخة زي الديناصورات وأكتسحت الإنتخابات بإكتساح كل دوائر المهمشين شرق وغرب وشمال وجنوب .. بينما أكتسحت الجبهة الإسلامية الدوائر الحضرية ودوائر الخريجين .. لو أصلو الوعي بالقراية فالكيزان أوعي ناس - طوااالي مكتسحين إنتخابات الجامعات رغم التحالفات ضدهم .. ولو أصلو الإنتخابات مفروض يفوزوا فيها المهمشين وعوام الجماهير الكادحة البسيطة فياهو داك حزب الأمة والحزب الإتحادي قاعديييييين وجاهزين !!! .. مافضل إلاّ الأحزاب الما عندها رصيد التي تستقوي بالحركات المسلحة والتي تستقوي بدورها بالدولار الماشي علي إنهيار .. بالمناسبة لو عايش في نيويورك أو لوس انجلوس أو أي واحدة من المدن الكبري في الUS حقو تعمل إحتياطات وربما إنتقل للمدن الما بتتقعد في صحاري أريزونا لأنو روسيا والصين حالفين يضبحوا تور- البترودولار - وهو ما سيجعل أمريكا نار مولعة - عندكم 40 ترليون دولار ديون يستحيل سدادها - عندي بوستات إتفتحت في الموضوع ده أديها طلة - الربع المؤرشف الفات -
عنف الشرطة الأمريكية والمظاهرات الحاصلة دي ليست فقط عشان قتل براون .. دي تراكمات حان أوان قطافها .. الآن بدأت عسكرة الشرطة تحسباً للتسونامي الإقتصادي الجايي ..
وبالمناسبة أنا لمن قلت أفضل وضع إذا تغير النظام هو الديمقراطية الحزبية ده إفتراض مفرط في التفاؤل .. العرقنة هي في الواقع أقرب الإحتمالات ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Hafiz Bashir)
|
حافظ بشير .. تلفزيون السودان .. ولاية القضارف .. (الزول ده أخوك؟؟)
خبتوني أنا ؟؟ بيني وبينك الخبت حاصل .. لكين ما تخاف علي .. بس سيدي الحسن ده ما تحلفبو بالكضب ..
وثمَّ وكت ماك قلبك علي البلد الجايبك مع العالم ديل شنو؟ شايلك الهوا؟؟
أي زول زعلان من الحكومة خليه يجي يفضفض بي جاي .. يمكن أنا أفهم حاجة أو إنتو تفهموا حاجة ..
طبعاَ لغاية الآن أنا شايفكم ما فاهمين التكتح ومقشِّطكم 9/صفر .. لكين برضو بسمعكم بقلب مفتوح .. وبعدين بخلي ليكم القون فاضي تتفسحوا ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: خالد حاكم)
|
والله انا مستغرب جدا يا منير على تحميلك خطأ وتقصير الحكومة للمواطن
يا اخى ما فى مواطن ممكن يقوم بعمل خاص خسارته مضمونة فى ظل الجبايات العشوائية التى ليست لها اسس او ضوابط
احكى ليك قصة حقيقية , عندى ناس بلدياتى وهم اخوان فى عام 2007 تقريبا قنعوا من الاغتراب فى الخليج وقالوا يجوا يعملوا ليهم محل شاورما فى الخرطوم ويسترزقوا منه بعد ما زهجوا من الغربة والاغتراب وجوا اجروا ليهم محل فى سوق حلة كوكو وجابوا معاهم كل المعدات الخاصة بهذا المحل واثناء هم مشغولين بعمليات البوهية والجير والديكور فى المحل , جوهم موظفين اثنين من الضرائب ومعاهم مطالبة ب 6 مليون جنيه سودانى وعند ما سالوهم من طبيعة المبلغ , قالوا ليهم ده ضريبة ارباح الاعمال , وعندما احتجوا وقالوا ليهم كيف تطالبون ضريبة ارباح الاعمال لمحل لم يباشر عمله بعد ومازال فى تطور التجهيز ؟ ردوا عليهم قالوا ما علينا ادفعوا المبلغ وبعدين استئنفوا , وكان ردهم لا حندفع ولا حنستأنف وقرروا التوقف عن العمل وقاموا ببيع معدات المحل وسافروا مرة اخرى ومن الوقت داك عرفوا قصة كذب الاعلام الكيزانى الموجه لهم فى بلد الاغتراب والذى كان يزين ليهم الكذب بان السودان اصبح جاذب وكفاكم غربة واى واحد فيكم عنده قرشين ممكن يستثمروه فى السودان ويستقر فى بلده ووسط اهله !
القصة الثانية قصة زول طموح عنده قرشين وعمل محل ادوات كهربائية ( ثلاجات , بوتجازات , غسالات .....والخ ) الزول ده بيدفع الضرائب والجمارك وكل الرسوم المفروضة وبقى شغال وهو المحل الوحيد فى منطقته فقاموا كيزان امنجية لما لقوه شغال كويس جوا فتحوا محل فى صفو وجابوا نفس البضاعة وهى غير مدفوعة الضرائب والجمارك وكل الجبايات المفروضة فقاموا مثلا اذا هو قاعد يبيع الثلاجة بمليون وخمسمائة الف , هم بقوا يبيعوه بمليون واربعمائة الف واى زبون يزور المحلين ولما يلقى نفس البضاعة واحد بيبيع بسعر ارخص من الثانى اكيد حيشترى من الرخيص , بعد 6 شهور مشوا ليه بالباب وقالوا ليه ,نحن شايفين محلك ده بقى ما شغال مما نحن فتحنا وحسع رايك شنو تبيع لينا محلك ببضاعته , الزول احترم نفسه ووافق بالعرض وباع محل ببضاعته واتخارج , يا منير دى فقط نموزدجين مختلفين وانا متاكد اى واحد فى المنبر ده ممكن يكون عنده نماذج وممكن هو ذاتو يكون بطله , فياخى منير السودان بلد ما فيه عدالة , يعنى ما فى قانون ومافى سياسة بتحميك , والمزارعين كذلك , الدولة تنزل اسعار المحاصيل فى ايام الحصاد ويسلح تجار الكيزان بشراء عرق المزارعين بتراب القروش والمزارع بضطر يبيع لانو البنك ما حيمهلو ودى معلومة انا عارفها عن قرب ومن مناطق الانتاج لانى اشتغل فى البنك الزراعى موظف فى قسم التمويل والتحصيل واشتغلت فى مناطق الزراعة المطرية الالية فى القضارف والدمازين , يعنى باختصار فى ظل نظام جشع يحمى ناسه ويسهل لناسه ويضايق كل من لا علاقة له بالنظام فى رزقه وما بيساعد وما بيدعم اى زول اختار اى مجال من مجال الاسثثمار سوى تجارة او زراعة او مطاعم !
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: خالد حاكم)
|
خالد حاكم وين انا حمّلت المسئولية كلها علي المواطن؟؟ يا عالم أنا بقول إنو الناس تفتح عينها وتكون موضوعية وتنظر نظرة كلية للليها والعليها .. الحقوق والواجبات تتطابق مع بعض .. وده السبب الجبت عشانه كل المقارنات المعيشية مع الدول الغربية .. لأوضِّح أن المواطن الغربي يعاني من الضرائب الرهيبة في أي حاجة، وأن الحياة معظمها يتحكم فيها القطاع الخاص .. والقطاع الخاص هنا رأسمالي جشع فيهو كل عيوب الرأسمالية التي يحاربها الشيوعيون والتي هرعوا إليها رامين نضال السنين وراء ظهورهم ..
يعني الخلاصة: أن المواطن زاته كمان ما يقعد يرمي الحمولة كلها علي الحكومات ..
وياأخي خالدإنت بطريقتك دي كأنما تظن أني ماعارف الفساد والإستبداد وكأنما تعتقد أني أبرر للفساد والمحسوبية ووو .. شيل المفهوم ده من راسك ، لأنو المعني البديهي الأنا بحاول أشرح فيهو هو أن الفساد ما بتاع الليلة أو بكرة ولا ينحصر في هذه الحقبة ولا القبلها فقط .. رأينا حتي في عهد الديمقراطية تحدث التسهيلات والمحسوبيات لمنتسبي الأحزاب .. ولذلك بقول ليكم هذه الخاصية لن تنتهي بسهولة، خاصة إنو نحن ما عندنا آلية محكمة للقضاء علي هذه الخاصية البشرية ..
وبرضو عشان كده بنقول لو الناس دايرة تغيير حقو تنتهج نظرية التدريج - دي من عندي - ونظرية التدريج تقول أن الناس تحاول التغيير بالتدريج .. يعني الavalanche collapse ما حبابو .. طالما الحكومة فتحت باب المشاركة ، الناس تشارك.. وبالتدريج المشاركة تزيد حتي تصير فاعلة ومؤثرة - الأرضة فتتت المِرِق - وأعتقد أن هذه الحكومة طالما الناس عرفت إنها غرقانة في المشاكل فحقو الناس تخش في الموضوع وتشارك للإصلاح والمحاسبة بالتدريج وخاصة إنو نحن عارفين أن الأخوان المسلمين ديل ما ناس أغراب علي الشعب السوداني - أي أسرة عندها كوز منها من قريب أو من بعيد !! وحزب الكيزان عنده خاصية ما موجودة في الأحزاب التانية ،، وهي أنهم من جميع قبائل وجهات السودان - مازي حزب الأمة مثلاً الذي أغلبه من الغرب، أو الإتحادي الذي أغلبه من الشمال والشرق .. فمفروض الناس تستغل هذه الميزة للتغيير التدريجي من within المشاركة،، ويمكن هم ذاتهم تدريجياً يتخلصوا من العبء بتحميل أطراف أخري جزء من المسئولية - ده لو إفترضنا أن دعاة التغيير ذاتهم هدفهم الإصلاح وليس فقط المناصب والثرة والسلطة - .. أما لو الناس هدفها تدمير المعبد - عليّ وعلي أعدائي - فمعناها أخير الوضع الحالي ..
| |
|
|
|
|
|
|
|
|
 Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
عاطر التحايا والتقدير للبروف عوض محمد احمد
والاخوان حافظ بشير وايمن دياب واحمد عالم وقسم السيد مضوي على الاطراء والمتابعة..
وانا عادةََ ما بحبّذ كتابة المداخلات الطويلة لانو الناس بتمل من قرايتها..
لكن لانو منير مداخلاتو دائرية حاولنا نلم ليهو البلح كلو في نفس القفة:)
ويا بروف طبعا انا نادر جدا ما افتح بوستات لاني بخاف من مسالة سواقة
البوستات والتى تفرض عليك ذوقيا الرد على كل المتداخلين وانا تواجدي في
المنبر عشوائي -حسب الظروف. لذا احبذ المشاركة بالمداخلات فقط..
دا غير انو المداخلة الاخيرة دي كانت مخصصة لمزاعم منير تحديدا
وصعب تكون موضوع قائم بذاته .. دي دايرة زول حريف بوستات
وانا ليس واحد منهم...لكن والله فكرة .. الزول يكتب بوست بعنوان " ردا على مزاعم
المدعو منير عبدالرحيم الختمي الذي يدعم الكيزان" ههههههه
___________
يا منير سلامات ... قريت ليك التلاتة/اربعة مداخلات البعد مداخلتى الطويلة
وحقيقية حسيت انك ما بترد علىّ بقدر ما بترد على الشباب الجو اثنو على كلامي
وحسيت فيها انفعال ومحاولة تلحيق للسوق:) كدا ما كويس يا صحبي لانو بها ثغرات تدخّل باصات:)
رغم اني مختلف معاك بشكل كليّ في موضوع البوست دا لكن مداخلاتك الاولى كان فيها حرّفنة
عكس الاخيرة... زي مسالة استغلال الصين لديناميكية السكان ... في ذمتك دا كلام يا مؤمن يا موحد:)
كدا يا مان بتبعد شبهة الطقطقة مني ومن الصادق وبتقوم بالمهمة براك:)
بجيك برواقة كان ربنا هون..
___________
تحياتي يا خالد ومرحب بيك و باضافاتك..
..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: حسين نوباتيا)
|
| Quote: حافظ بشير .. تلفزيون السودان .. ولاية القضارف .. (الزول ده أخوك؟؟) |
يخربني اكان فهمت حاجة.. لكين إحتياطيا كدا الزول دا ما اخوي
| Quote: وثمَّ وكت ماك قلبك علي البلد الجايبك مع العالم ديل شنو؟ |
عرفت كيف إنو أنا قلبي ما علي البلد؟
مشكلتك يا منير إنك بتبدأ من معطيات غير مبنية على أدلة و شواهد و بالتالي بتوصلك لنتائج خاطئة و دا البجيب ليك الطقطقة و الخبت
عموماً البوست دا بعد مداخلات الأخوان و طقطقتهم ليك أنا بفتكر إنو وصل منتهاهو و إنك مفروض تقعد تذاكر فيهو لغاية الأرشفة القادمة
داير اضيف ليك شي واحد إنو موضوع تنمية المجتمعات و أداء المدن و تطورها دا عندو معايير و مؤشرات قابلة للقياس و بالتالي ما بتناقش بطريقتك العشوائية الرصيتها في البوست دا
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Hafiz Bashir)
|
السيد / سيف اليزل الماحي
لك التحية يا أخي ..
وأنا متابع هذا البوست ، يوم بيوم لكل الداخلات ، وموجود بكثرة ،
وهذه آخر مداخلة لي ، لو أنت متابع.. 12 /8 الساعة 14 ـ 4 مساء
وأضيف هنا : كان هو الحال من ماضي الزمان لم يشكي أحد من منقصة ولا كان يحس بندرة في أي شيء ... ، فقد كان خير النعمة يعم وشهد لنا الجيران من حولنا بطول بيد العون .
. كانت الوفرة في النعم وإنقلب حال اليوم وأصبحت الوفرة في البشر ، كثرة دون طاقة في العمل وقلة في الإنتاج حتى غدا الكثيرون من الشباب ينتظرون فرج الأسفار والترحال ، لاحظ ( ينتظرون ) فرح التأشيرة ، تأشيرة الخروج ، ومن العجب العجاب جدهم يبدلون تراخي الكسل والتواكل الى طاقة الجد والإنتاج في الخارج دون تقاعس في العمل ، وهو يعلم إن لم يكن كذلك فطابور العمالة وإحلال الوظائف تراقب إنتاجه ولا ترحمه ، فغيرك موجود .. ، هكذا هو حال العمل في الخارج ، ولكنا في أوطاننا حتى إن لم يحظون بتأشيرة الخروج التى يرون فيها الفرج ، فلا يعملون ولا ينتجون ، شهد الله حتى ما قبل الإنقاذ حكومة الحزب الواحد الآن ..، كنت شاهدا على عهود سابقة ، أن الموظفين في دواوين الحكومة يتحيلون الفرص ويتهربون من ساعات العمل وخاصة عند بعض أولئك الذين ينتسبون بعد العصر الى جامعة الفرع ( القاهرة ) لأن له محاضرة هامة أو مرهق وتعبان ، أما الأطباء وما أدراك ما الأطباء فكانوا كريمين في توزيع أرانيك المرض لكل متحايل وصاحب واسطة بل يكفي موظف واحد أن يحضر لصديقه وصديق صديقه أرانيك تعفيهم من العمل يومين وثلاث أيام ، وتفننت البنات في ذلك ..!! ولا أبرىء حال اليوم من حال الأمس فكلاهما في ( الخمالة ) سواء ومع ذلك تبدل حال الخرطوم اليوم ولا زلت أكرر ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
.
صاحب البوست محمد جعفر
لك التحيات
أنا أختلف معك لسبب مهم وهو أنكم لا تعرفون للسودان من مخرج غير تجربة الديمقراطية الأخيرة (3سنوات) وحكم الإنقاذ (25 سنة)
وتقولون الأفضل ان تواصل الإنقاذ ولو اعتمدت الكرباج والاستبداد واحتكار السلطة، لكأننا شعب لايملك من اقداره إلا هذه المآساى، ولايحلم إلا بالكوابيس!
ياخي الشعب السوداني يستحق أفضل من ما تسمونه إنجازات الإنقاذ(!) مع ان الإنجازات دائما تنسب للشعوب!
البعض يريد تجيير الــ25 عاما من عمر الإحتلال الإنقاذي، البعض يريد ان يبيع للناس الخديعة!
وأحسب انك لست منهم.
.
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
Quote:
. كانت الوفرة في النعم وإنقلب حال اليوم وأصبحت الوفرة في البشر ، كثرة دون طاقة في العمل وقلة في الإنتاج حتى غدا الكثيرون من الشباب ينتظرون فرج الأسفار والترحال ، لاحظ ( ينتظرون ) فرح التأشيرة ، تأشيرة الخروج ، ومن العجب العجاب جدهم يبدلون تراخي الكسل والتواكل الى طاقة الجد والإنتاج في الخارج دون تقاعس في العمل ، وهو يعلم إن لم يكن كذلك فطابور العمالة وإحلال الوظائف تراقب إنتاجه ولا ترحمه ، فغيرك موجود .. ، هكذا هو حال العمل في الخارج ، ولكنا في أوطاننا حتى إن لم يحظون بتأشيرة الخروج التى يرون فيها الفرج ، فلا يعملون ولا ينتجون ، شهد الله حتى ما قبل الإنقاذ حكومة الحزب الواحد الآن ..، كنت شاهدا على عهود سابقة ، أن الموظفين في دواوين الحكومة يتحيلون الفرص ويتهربون من ساعات العمل وخاصة عند بعض أولئك الذين ينتسبون بعد العصر الى جامعة الفرع ( القاهرة ) لأن له محاضرة هامة أو مرهق وتعبان ، أما الأطباء وما أدراك ما الأطباء فكانوا كريمين في توزيع أرانيك المرض لكل متحايل وصاحب واسطة بل يكفي موظف واحد أن يحضر لصديقه وصديق صديقه أرانيك تعفيهم من العمل يومين وثلاث أيام ، وتفننت البنات في ذلك ..!! ولا أبرىء حال اليوم من حال الأمس فكلاهما في ( الخمالة ) سواء ومع ذلك تبدل حال الخرطوم اليوم ولا زلت أكرر ..
الاخ محمد مختار
تحياتى
ما فى زول قال انو نحن كنا عائشين فى المدينة الفاضلة يا اخى
لو كان عدد الفاسدين فى عهد الحكومات السابقة بالمئات فى ظل هذا النظام بالملايين !
لو كان الموظفين يتهربون عن العمل فى العهود السابقة لمدة يوم او ساعة .. فى ظل هذا النظام انا حضرت مكاتب مخصصة للعطالة والبلطجة فى مؤسسات الدولة باسم الدفاع الشعبى والجهاد .. كل مهمتهم الجلوس فى هذه المكاتب بالعشرات وهم يتناولون المشروبات من شاى وقهوة وبارد ويتصفحون الصحف والمجلات ويستخدمون تلفونات المؤسسة وعربات المؤسسة لمصالحهم الخاصة وياتون الى المؤسسة متى ما يريدون ويخرجون منها متى ما يريدون ولا رقيب ولا حسيب عليهم ولا علاقة لهم بصميم عمل المؤسسة رغم انهم يصرفون مرتباتهم مثلهم ومثل الاخرين وفى بعض الاحيان كمان بالزيادة عندما تخصص لهم نثريات ودفع قيمة فواتير فى اشياء واعمال لا علاقة لها بالمؤسسة وهم فوق قانون المؤسسة وبما انهم موظفين صغار وفى درجات دنيا لكن علاقتهم واتصالهم مباشرة مع المدير العام او نائبه الذى لا يتجرأ موظف اخر فى درجتهم ان يمر مجرد مرور من امام مكاتبهم !
انت ما عارف يا محمد مختار وانت مغترب , رغبة السودانى للاغتراب واخلاصه فى العمل فى ديار الغربة ؟
يا عزيزى العائد المجزئ الذى يجده فى الاغتراب هو الذى يجعله يخلص .. فى المقابل لا يوجد عائد مجزى ولايوجد رقابة فى السودان , لانو الشغلانة خربانة من كبارها !
|
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
Quote:
لو أصلو الوعي بالقراية فالكيزان أوعي ناس - طوااالي مكتسحين إنتخابات الجامعات رغم التحالفات ضدهم .. ولو أصلو الإنتخابات مفروض يفوزوا فيها المهمشين وعوام الجماهير الكادحة البسيطة فياهو داك حزب الأمة والحزب الإتحادي قاعديييييين وجاهزين !!! .. مافضل إلاّ الأحزاب الما عندها رصيد التي تستقوي بالحركات المسلحة والتي تستقوي بدورها بالدولار الماشي علي إنهيار .. بالمناسبة لو عايش في نيويورك أو لوس انجلوس أو أي واحدة من المدن الكبري في الUS حقو تعمل إحتياطات وربما إنتقل للمدن الما بتتقعد في صحاري أريزونا لأنو روسيا والصين حالفين يضبحوا تور- البترودولار - وهو ما سيجعل أمريكا نار مولعة - عندكم 40 ترليون دولار ديون يستحيل سدادها - عندي بوستات إتفتحت في الموضوع ده أديها طلة - الربع المؤرشف الفات -
|
منير
سلامات
معليش انا الكمبيوتر خذلنى عشان كده ما قدرت اعلق على مداخلاتك فى وقتها وحسع رجعت ليك لانو فى نقاط كان لازم اعلق عليها
يا عزيزى انا لما اقوليك الناس وعيت ما اقصد انو الناس وعيت على الانتخابات سوى كانت انتخابات جامعات او غيرها .. انا اقصد الناس وعيت على حقوقها .. الحقوق الكانت من المسكوت عنها فى الماضى .. انا كمواطن لا يهمنى اذا حكمنى كوز والا شيوعى والاحزب امة والا جن احمر , طالما حيحكمنى بموجب دستور يقر بحقوقى فى ظل نظام ديمقراطى تعددى حر .. وبعدين الحقوق دى ما بتخضع لاغلبية او لاقلية عشان تدينى او ترفض لى من خلالها والناس الوعيت دى طول ما حقوقهم ضائعة ما حتسكت ولا حيكون فى استقرار فى البلد سوى كان فى ظل نظام ديمقراطى او دكتاتورى طالما حقوق الناس ضائعة
كنت اتمنى انك تنصحنى انى ارجع بلدى السودان وانو السودان الاستقرار والمعيشة فيه اصبح مجزى ومغرى بفضل الكيزان , بدلا من تنصحنى انتقل من ولاية لاخرى داخل امريكا !
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: خالد حاكم)
|
Quote: خالد حاكم وين انا حمّلت المسئولية كلها علي المواطن؟؟ يا عالم أنا بقول إنو الناس تفتح عينها وتكون موضوعية وتنظر نظرة كلية للليها والعليها .. الحقوق والواجبات تتطابق مع بعض .. وده السبب الجبت عشانه كل المقارنات المعيشية مع الدول الغربية .. لأوضِّح أن المواطن الغربي يعاني من الضرائب الرهيبة في أي حاجة، وأن الحياة معظمها يتحكم فيها القطاع الخاص .. والقطاع الخاص هنا رأسمالي جشع فيهو كل عيوب الرأسمالية التي يحاربها الشيوعيون والتي هرعوا إليها رامين نضال السنين وراء ظهورهم ..
يعني الخلاصة: أن المواطن زاته كمان ما يقعد يرمي الحمولة كلها علي الحكومات ..
وياأخي خالدإنت بطريقتك دي كأنما تظن أني ماعارف الفساد والإستبداد وكأنما تعتقد أني أبرر للفساد والمحسوبية ووو .. شيل المفهوم ده من راسك ، لأنو المعني البديهي الأنا بحاول أشرح فيهو هو أن الفساد ما بتاع الليلة أو بكرة ولا ينحصر في هذه الحقبة ولا القبلها فقط .. رأينا حتي في عهد الديمقراطية تحدث التسهيلات والمحسوبيات لمنتسبي الأحزاب .. ولذلك بقول ليكم هذه الخاصية لن تنتهي بسهولة، خاصة إنو نحن ما عندنا آلية محكمة للقضاء علي هذه الخاصية البشرية .. طالما الحكومة فتحت باب المشاركة ، الناس تشارك.. وبالتدريج المشاركة تزيد حتي تصير فاعلة ومؤثرة - الأرضة فتتت المِرِق - وأعتقد أن هذه الحكومة طالما الناس عرفت إنها غرقانة في المشاكل فحقو الناس تخش في الموضوع وتشارك للإصلاح والمحاسبة بالتدريج وخاصة إنو نحن عارفين أن الأخوان المسلمين ديل ما ناس أغراب علي الشعب السوداني - أي أسرة عندها كوز منها من قريب أو من بعيد !! وحزب الكيزان عنده خاصية ما موجودة في الأحزاب التانية ،، وهي أنهم من جميع قبائل وجهات السودان - مازي حزب الأمة مثلاً الذي أغلبه من الغرب، أو الإتحادي الذي أغلبه من الشمال والشرق .. فمفروض الناس تستغل هذه الميزة للتغيير التدريجي من within المشاركة،، ويمكن هم ذاتهم تدريجياً يتخلصوا من العبء بتحميل أطراف أخري جزء من المسئولية - ده لو إفترضنا أن دعاة التغيير ذاتهم هدفهم الإصلاح وليس فقط المناصب والثرة والسلطة - .. أما لو الناس هدفها تدمير المعبد - عليّ وعلي أعدائي - فمعناها أخير الوضع الحالي ..
[/QUOTE
منير
سلامات مرة اخرى
يا عزيزى اولا فى الغرب فى جباية واحدة اسمها الضرائب ومش زى جبايات الكيزان بمليون اسم وشكل وحتى لو افترضنا انو الضرائب دى باهظة والقطاع الخاص مسيطر زى ما بتقول , لكن هنالك حد ادنى من الحياة الكريمة لانسان الغرب سوى شغال ولا عاطل زى ما ذكرت ليك فى مداخلة سابقة يعنى ما زى السودان , السودان انت شغال و دخلك ما بيسد رمقك ولا الدولة بتدعمك زى ما الغرب بتدعم سكانها فى الحصول على حياة كريمة سوى فى المعيشة او العلاج او التعليم ودى الفاقدنها فى السودان بالاضافة لذلك الضرائب الباهظة دى موجهة فى خدمة المواطن مش ماشة فى جيوب الحكام زى ما حاصل فى السودان !
نعم الفساد كان موجود فى ظل الانظمة السابقة , لكن الفساد فى ظل هذا النظام غير ولا يطاق واثر تاثير مباشر فى الوطن والمواطن , بالاضافة لذلك الانظمة السابقة ما كانت بتحارب الشعب فى رزقه زى ما الحكومة دى بتحارب , يا اخى انسان بسيط ما عنده علاقة بالسياسة فى منطقة اقليمية نائية بيحارب فى رزقه , عشان هو ما عنده ضهر ولا عنده علاقة بالنظام !
قلت لى الناس تشارك النظام وتصلح من الداخل ؟
يا عزيزى النظام يريد من ينفذ سياساته ويؤيد سياساته ولا يريد ان يسمع وجهة النظر الاخرى .. وقالوا لناس كثيرين , الماعايز يسمع كلامنا وينفذ سياساتنا ( الباب يفوت جمل ) !
كيف عايز الناس تشتغل وتغير فى ظل نظام يفكر ويتعامل بهذه العقلية ويريد السيطرة على كل شئ ويريد ان يكون هو الامر والناهى فى كل شئ ويقول للاخر ( الما عاجبه الباب يفوت جمل ) ؟!
| |
|
|
|
|
|
|
|
| |
حسين نوباتيا
Munir
Othman Al-Hasan Babikir
حيدر حسن ميرغني
الصادق اسماعيل
محمد حيدر المشرف
علاء سيداحمد
Hafiz Bashir
garjah
Ahmed Alim
قسم الفضيل مضوي محمد
محمد البشرى الخضر
محمد مختار جعفر
خالد حاكم
سلمى على محجوب
فيس بوك
تويتر
انستقرام
يوتيوب
بنتيريست