|
|
|
 Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
ما تعاين لبتارك دا يا باشمهندس مختار لأنو هو ذاتو أنا متأكد أنو عرف نفسو غرق وشبع
غرق في البوست وبحاول يتعلق بى قشة المكابرة أو سمها المكاواة .. خخخخخخ |
الأستاذ طلحة
مشكور جداً على الكلام المشجع وما قلت إلا الحق
تبارك داخل البوست من البداية للاستخفاف
وفي منتصف البوست غرق وظل يتعلق باي شخص يجي يناقش ما القش بس
في النهاية غابت عنه جاذبيته المفترضة تماماً
مشكور مرة أخرى
| |
 
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
تحياتي باشمهندس حاتم وضيوفه في البوست
حقيقة من امتع البوستات في المنبر وشكرا لاخونا طلحة لفت انتباهنا لهذا البوست
رغم سطحيتنا في نواحي الفضاء لكن شهادة ان حاتم ادار دفة الحوار باحترافية بالغة |
مرحبا استاذ سيف اليزل المكي
مشكور خالص خالص على الإطراء
مافي زول مسطح بس لكل شخص اهتماماته، بس الموضوع قصدت ألفت نظر الضيوف إلى مسألة التصديق بناء على المشاهد والقهر (cultural coercion)
مشكور مرة أخرى وموعودين إن شاء الله بمحاورات أخرى في (الطائرات بدون طيار) و(النظرية النسبية)
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
| Quote: يا محمد مختار، أوع دا يكون الرد بتاعك! |
تحياتي يا حاتم .. أنا كتبت فوق إنو دي مداخلة (إستثنائية) ، يعني بضاعتكم ردت إليكم ، ردي بكتب فيهو وجاييك إن شاء الله .. ، من هنا ولي قدام إذا أبديت حسن النية ممكن نركز على الموضوع العلمي ونسى الحاجات الشخصية غير كده معظم الكلام حيكون مهاترات ، على العموم أنا والله ما من النوع البيشيل في قلبي وممكن أمشي معاك لي قدام عشان نحاول نوصل للحقيقة.
| Quote: أنا عفيتك إذا الأسبوع ما كفاية رد بس على النقاط |
أنا أصلاً ما حددت أسبوع ، إنت القلت حترجع بعد أسبوع .. النقاط كتيرة جداً والردود المرة دي فيها إسترسال ، إذا ما عندك ممكن أرد على كل نقطة في مداخلة منفصلة .. منتظر ردك
| Quote: وجد ضالته في تاريخ أنا غير مسؤول عن تفاصيله بل ترجمته، عدها نصراً وتجاهل غرض البوست |
معليش يا حاتم ياخوي ، إنت مسئول تماماً ، أولا لأنك قلت في هذا البوست إنك كنت بترفد المنتديات بـ(حقائق) في حين إنو انت كنت عارف في حاجات لا ترقى لي إنها تكون إشاعات خليك من حقائق .. ومسئول لأنك كنت بتنشر في الرابط بتاع موقعك وناقشت بيهو في كم منتدى والناس المؤمنين بي نظرية المؤامرة عملوا موقعك مرجع أساسي في الموضوع ده.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
| Quote: وموعودين إن شاء الله بمحاورات أخرى في (الطائرات بدون طيار) و(النظرية النسبية) |
بخصوص الـDrones في بوست بإذن الله حأفتحو عن الموضوع ده بعد نخلص من المنافسة لكن حبيت أنبهك يا حاتم إنو موضوعنا هو حمولة الـDrone بإبتكار جهاز متعدد الأغراض من ضمنها الزراعة الآلية ومكافحة الآفات وغيرها ، يعني الدرون دي إتخطيناها زمان وشغالين بيها بيزنس ونفذنا بيها مؤخراً شغل في هجليج ، لو عايز أرسل ليك فيديوهات أديني إيميلك ، دي نبذة مختصرة عن الـمنظومة البتكلم عنها :
We have invented (SAP©) Smart Agriculture Payload. (SAP©) is an innovative Airborne intelligent agricultural system mounted on Hybrid airframe (Airplane / Quad copter), with hovering capability to planting seeds- monitoring planet health and collecting plant samples for further analysis on agricultural labs and can be installed on multiple types of drone .
In addition to that, the (SAP©) system contain the latest agricultural scientific sensors and automated terminals controlled remotely by farmers on the ground with the capability of execute Pre-programmed agricultural tasks (automated cultivation) and missions with the help of (SAP©) embedded agricultural computer system.
It’s also provides multi-role systems Attached with different types of agricultural Applications such as planted seeds and pests Resistance and samples collecting for soil examination where its possible to unpack and install the appropriate system according to the agricultural mission and concepts.
The UAVs (Airborne SAP© system) Payload is able to attached not only on specified drones, but it’s able to installed on UAVs that offer minimum system Requirement.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
| Quote: الواحد فقط يبدي ملاحظاته علي المعترك الإستفزازي بينك وبين الأخ حاتم |
تحياتي يا منير وما مشكلة إنك تبدي ملاحظاتك لكن ما ممكن تصل للإساءات الشخصية خاصة لشخص ما حصل أساء ليك قبل كده ، يعني كمثال إنت بتقول :
| Quote: أها الزبون طلع ماعارف قانون الجاذبية ذاتو بتاع الثانوي |
أي زول درس الثانوي (علمي) مرت عليهو القوانين دي ، كان ممكن تسألني هل درست ثانوي أصلاً ولا لأ .. علمي ولا أدبي؟ .. نسبتك كم في الشهادة السودانية؟ ، بعد داك ممكن تقرر إني عارف قانون الجاذبية ولا ما عارفو أو بالعدم تتنظر لمن أنزل ردي لي حاتم. عموماً حصل خير
| Quote: لكن طرحك وتناولك و بدايتك يا محمد كان الأجدى و الأكثر فاعلية وفائدة للنقاش في البوست و تمنيناه أن يستمر كذلك |
محمد البشرى الخضر أشكرك ولك الوعد بمحاولة تصحيح المسار بالتركيز على موضوع البوست.
تحياتي
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
مرحب أخ حافظ
Quote:
أنا طبعاً من أوائل الناس القلت ليه الروس ما أنكروا و إنت قلت إنهم أنكروا لكين ما جبت أي دليل و أنا ما زلت منتظرك
و ياريت ياخي تورينا وجه الفطارة في الكلام الفوق دا شنو؟
|
كلامي عن ردود المصدقين في المنتديات العربية مش عن رأيك انت في البوست دا، الكلام فطير لأنو بيفترض أكتر من حاجة، إنو الروس إذا أيدوا فدا معناه حصل (ودا أسلوب غير علمي فالتواطؤ وارد وحدث أكثر من مرة في أمور مماثلة) وإذا أنكروا فدا معناه الهبوط ما حصل (ودا برضو غير علمي لأن الحسد والتنافس سيد الموقف في الستينيات)، مع ذلك رأيي إنو الكلام فطير لأنو من يطرح السؤال يلغي عقله تماماً، دا المقصود مع أن الشواهد متوفرة في زماننا هذا والمعلومة مجانية.
Quote:
مسألة إمكانية الهبوط على سطح القمر او عدمها دي مسألة تخصصية لذلك اهم حاجة عندي في تلقي أي معلومة عنها هي موثوقية المصدر و تخصصيته
+++
يعني بالعربي أنا ما ممكن أتجاوز المواقع الرسمية لمراكز الأبحاث العالمية و الجمعيات العلمية الفلكية و غيرها و أجي آخد معرفتي من بوست مفتوح في منتدى عام لكاتب مجهول*
+++
المنتديات العامة مليانة بالهرطقات لذلك أنا لا أعتمد عليها كمصدر للمعلومات
|
في الحقيقة الموثوقية والتخصص ما كانت أهم حاجة عندك لما جبت قصاصة الصحيفة الصفراء على أنها دليل عارف ليه؟ لأنك جبتها من منتدى و(المنتديات العامة مليانة بالهرطقات) لذلك لم ينبغي عليك اعتمادها كمصدر لمعلومة قصاصتك، انت جبتها من بوست مفتوح ولكاتب مجهول في الحقيقة.
لذلك أنا في نفس الساعة صنعت ليك قصاصة في خلال دقيقتين ويمكنك عمل مثلها في دقيقة واحدة إذا أطلعتك على الموقع المخصص لذلك، كانت مثل هذه الحيل تنطلي علينا في التسعينات ونرجع مكسوري الخاطر لعدم علمنا بالروسية، يا راجل قصاصتك الصفراء دي زاااتا (overly made up) مكرفسنها وملصقين فيها رقعتين بيض عشان تظهر مقنعة، معقولة فيها خبر مهم زي دا ويلفوا فيها السمك؟
كنت حأصدق كلامك الفوق دا عن التخصصية والموثوقية لو جبت نفس الخبر من أرشيف البرافد، طبعاً انت ما عارف إنو البرافدا والازفستيا عندها أرشيف لكل الأعداد بتاعتها منذ عام 1919، شوف وشوف لي معاك خبر الإنكار، حتلقاهو في الأرشيف وطول بالك. أنا بديت سنة 2009 لكن قنعت لما جوني ناس الماكوك وانعدام الجاذبية.
Quote:
و فايدة كلامك دا كلو عن الهبوط او عدمه عندي بتعتمد علي إنت منو؟ و متخصص قدر شنو؟ و مصادرك في الكلام البتقول فيهو دا شنو؟ و الجهات المتفقة معاك منو و الما متفقة معاك منو؟
|
دي بقى اسمها (cultural coercion) فهل واحد مثلاً زي كارل سيغان ممكن يقنعك قبل ما تعرف إنو كان بتآمر مع الجيش لتفجير قنبلة نووية في القمر؟ بس عشان يرهب الروس.
Quote:
يعني يا حاتم يا إبني لو أنا جيت قلت ليك فيروس الأيدز ما عندو رفيرس ترانسكريبتيز و بالتالي لا يمكن تصنيفه كرتروفايرس (بإفتراض إنو دا شعراً ما عندك ليهو رقبة) .. بتوقع إنك تحتج بمصادر معاكسة لكلامي دا و تسأل أنا منو و علاقتي التخصصية شنو بالطب و الفيروسات و مصدري في المعلومة شنو..
|
وتفترض ليه يا أبوي؟ المعلومة دلوقتي متاحة للجميع يعني مسألة تعظيم العلماء خفت كتير جداً وما عاد شخص ينتظر أن يجتمع الناس حوله حتى يتلو على مسامعهم معلومات عن الفيروسات، الأنا محتار فيه طالما انتو عندكم العلوم دي ليه ما تبسطوها وتنشروها هنا لفائدة الناس، ولا دا بيقلل من ثرواتكم وتميزكم؟
عارف يا حافظ، العالم التالت دا ما اتخلف إلا للتفكير بالطريقة بتاعتكم دي، مستعدين تقدسوا الخواجة لكن ما بتلتفتوا لأي نصيحة تجيكم من الداخل، عموماً مرحب بيك إذا عايز تحاجج عن الفيروسات، لفائدة الجميع.
Quote:
إذا أنا فهمت كلامك دا صاح.. دا بيعني إنك بديت بحثك و إنت غير محايد و تسعى لإثبات رأي محدد مسبقاً و بالتالي حكمك على إمكانية الهبوط اقرب عندك للإعتقاد منها إلى المعرفة العلمية
|
بديت اهتمامي وأنا محايد لأنو اسئلة كتيرة كانت لا تجد إجابات عندي، وصلت ليقين لذلك كتبت البوست، نفس الاعتقاد دا عندك انت بأنو الهبوط حصل لكن من غير تسأل ولا حتى نصف سؤال، شوف دلوقتي موثوقية الجهة الانت عرفت منها الخبر، أكيد ما ناسا، لأنك عرفت من وقت مبكر قبل أن تسمع بناسا.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
من هنا ولي قدام إذا أبديت حسن النية ممكن نركز على الموضوع العلمي ونسى الحاجات الشخصية غير كده معظم الكلام حيكون مهاترات ، على العموم أنا والله ما من النوع البيشيل في قلبي وممكن أمشي معاك لي قدام عشان نحاول نوصل للحقيقة. |
الكلام دا أن سبق وقلتو ليك مرتين ولسة بتستخدم ذات الأسلوب، أنا أقدر عليه منك فانصرف، مشيت وجيت تتكشم كل ما تلقى حاجة تفترض إنك بتغلطني بيها
ياخي انت ما تحاول تثبت كلامك بدل تستميت في إظهاري بشكل غير المطلع، وبعدين بطل الابتسامات في غير مكانها، وما تشترط علي، أنا النصحتك بأدب وخيرتك فاختار.
Quote:
أنا أصلاً ما حددت أسبوع ، إنت القلت حترجع بعد أسبوع .. النقاط كتيرة جداً والردود المرة دي فيها إسترسال ، إذا ما عندك ممكن أرد على كل نقطة في مداخلة منفصلة .. منتظر ردك
|
كان كفاية جداً إذا عندك معلومات عن الموضوع، عموماً أنا حددت ليك حداشر سؤال بس، يعني ما شفتهم؟
Quote:
إنت مسئول تماماً ، أولا لأنك قلت في هذا البوست إنك كنت بترفد المنتديات بـ(حقائق) في حين إنو انت كنت عارف في حاجات لا ترقى لي إنها تكون إشاعات خليك من حقائق .. ومسئول لأنك كنت بتنشر في الرابط بتاع موقعك وناقشت بيهو في كم منتدى والناس المؤمنين بي نظرية المؤامرة عملوا موقعك مرجع أساسي في الموضوع ده. |
كتبت إنو النصوص مترجمة وأشرت لموقعها الأصلي بعد داك كل انسان على نفسه بصير، وهذا لم ينطبق في حالتك، جيت ضبحت وعامل صبحية هنا.
ودا لأنك اقتبست فقط الجزء المترجم العاجبك، أنا عندي إضافات تانية عن الفضاء والماكوك والمحركات والسفر للكواكب وكمية من التفاصيل لم تجدها باين عليك،
ولم أناقش مطلقاً في حياتي كلام عن النجوم والعلم والظلال والجاذبية المنعدمة، لذلك في البوست دا كتبت في البداية بنص واضح ما يلي في الصفحة الأولى:
Quote:
وحتى لا يعيل صبراً البعض منكم فالنقاط التي أعتمدت عليها في دحض الفرية هي مايلي:
1- حقائق تتعلق بالظروف في مدار الأرض مثل اللقاء الأرضي وحزام فان آلن
2- حقائق تتعلق بالسفر في الفضاء وحساب المسارات لمركبة في الستينيات
3- حقائق تتعلق بالهبوط بواسطة محرك صاروخي على سطح القمر ثم الانطلاق منه
4- حقائق تتعلق باللقاء القمري المزعوم
5- حقائق تتعلق بالحملة الإعلامية المصاحبة لعودة الرواد من الرحلة
6- حقائق تتعلق بمهام أبولو الستة التالية
|
انت قمت خليت دا كلو وركبت الموجة بتاعة تبارك وأبو الريش وقلت تتعابط في الزول البسيط دا وتوريهو انت منو مش كدة؟
Quote:
بخصوص الـDrones في بوست بإذن الله حأفتحو عن الموضوع ده بعد نخلص من المنافسة لكن حبيت أنبهك يا حاتم إنو موضوعنا هو حمولة الـDrone بإبتكار جهاز متعدد الأغراض من ضمنها الزراعة الآلية ومكافحة الآفات وغيرها ، يعني الدرون دي إتخطيناها زمان وشغالين بيها بيزنس ونفذنا بيها مؤخراً شغل في هجليج
|
ما كمان الجاذبية برضك اتخطيتها زمان! ولا يا دوب؟
عموماً ما تسبق الحوداث، عندك موضوع هنا ماسكك
وما تنسى النسبيات.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
أي زول درس الثانوي (علمي) مرت عليهو القوانين دي ، كان ممكن تسألني هل درست ثانوي أصلاً ولا لأ .. علمي ولا أدبي؟ .. نسبتك كم في الشهادة السودانية؟ ، بعد داك ممكن تقرر إني عارف قانون الجاذبية ولا ما عارفو أو بالعدم تتنظر لمن أنزل ردي لي حاتم. عموماً حصل خير
|
ما هي دي مشكلتك الأنا اضطريت أكتب بيها المنولوج بتاع الكواكب، أيو انت درستها لكن مجرد معادلة، ولما شفت الرواد بيطيروا ثبت في راسك حكاية انعدام دي وإنو في مكان محدد في الفضاء تنعدم فيهو الجاذبية، أنا لما شفت طريقة كتابتك عن (الحركة الدائرية) لعجل المركبة القمرية المفترضة عرفت أجيك من وين، لو كنت بتفهم في الفيزياء أو الميكانيك كان يكفيني أقول أربع كلمات (قانون نيوتن للتجاذب الكوني) لكن كنت حتمسك في نيوتين وحتى لو جبت ليك المعادلة حتمسك في الرياضيات وتمشي تنقل الويكيبيديا كلها هنا،
الموضوع ما عايز أدبي ولا علمي، الموضوع عايز (بتفهم ولا ما بتفهم) لأنو تبعات الجاذبية في الكون أي زول عندو عيون بيلاحظها مش بس الله وأرمسترونغ الأمريكي،
هسع في ذمتك المنولوج دا ما وضح ليك الحقائق كلها طقة واحدة:
ومال الكواكب بتنجذب لبعضها بإبداء الرغبة الشخصية؟
القمر دا بيلف حول الأرض كايس باركن؟
خليهو القمر، الأرض دي بتلف حول الشمس دايرة تعرفها ضكر ولا انتاية؟
خليها الأرض، النظام الشمسي كواكبو وين غير في الفضاء؟ البلمها شنو حول الشمس؟ تتدفأ؟
خليهو النظام الشمسي، المجرات دي كلها بيجمعها شنو في الكون الفسيح غير الجاذبية؟ غداء عمل؟
ومال المحطة الفضائية العالمية والأقمار الصناعية دي بتدور حول الأرض بالسنين الماسكها شنو؟ حنيتها للأرض؟
أها النسبيتين بتاعات آينشتاين والدرونات ذاتا حأوقعها ليك بالمنولوجات، طقة واحدة.
يا أخينا مختار أي نعم الله عالم، لكن نحن البشر بنضع نموذج علمي ونصيغ معادلات بالقدر البيناسب طريقة تفكيرنا ويقنعنا ويوصلنا لفهم معقول للأشياء حولنا،
أنا ذكرت قبل كدة إنو الذرة بدأ نموذجنا ليها بجسيمين ودلوقتي فيها أكتر من عشرين بعضها مجرد معادلات، دي الطريقة الشغالة بيها الدنيا،
يعني الحكاية ما متوقفة على إنو فلان معبود الجماهير العظيم أو أرمسترونغ زاتو بزاتو مستحيل يكون متآمر.
هسع يعني حتمشي تمثل بينا في الإمارات في مواضيع الطيران؟
تخيل بس اتعرضت لموقف كنت حتذكر فيه الفضاء والجاذبية!
تبارك أبو ضفيرة أولى، بقا بسوق، انت بس أديهو الريموت بتاع الطيارة،
وشوف.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
ههههههه مش كنت بتدق جرس في قصة التكرار دي؟ مالك هسي بتكرر في الكلام 
ما هو عشان الفهم كتبنا (علمي) لأنو الناس بتدرس فيزياء من أولى ثانوي ، الناس البيمشو علمي ديل بيكونوا فاهمين الشغلانية دي وبيجيبو فيها درجات عالية ..
الناس الما بتنفع معاهم القصة دي بيمشو أدبي .. فهمت ؟
على العموم ردي جاييك إن شاء الله ومافي داعي تكرر سؤالك عشان ما أكرر ليك سؤالي الما جاوبت عليهو إجابة صحيحة ، مش إنت قلت إبتداء من أبوللو 12
| Quote: هسع يعني حتمشي تمثل بينا في الإمارات في مواضيع الطيران؟ |
الموضوع ده شايفو حارقك شديد بتدخلو بمناسبة وبدون مناسبة ، على العموم ما تتعب نفسك من هسي أنا شايل لي طيارة فلين بي 100 دولار وماشي أبشع بالسودانيين هناك زي ما بشعت بينا انت مع السوريين ، بعدين المشكلة شنو ما دام هي جائزة بتاعة مناسبات؟
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
على العموم ردي جاييك إن شاء الله ومافي داعي تكرر سؤالك عشان ما أكرر ليك سؤالي
|
استعجل لينا في ناس جهزت التسالي للمرمطة
أدبي انت؟ أسئلة المنولوج دي عشان تتفكر فيها مع نفسك ما عشان ترد عليها هنا، دا اسمو الأسلوب الساخر في الأدب
wakarimashta ka?
Quote:
يا ريت تتكلم بإحترام عن الذات الإلهية (لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ) .. أرمسترونغ ده حريقه فيهو.
|
المقصود الله خالق الاتنين، ما تتاجر بكلامي.
البيعرف الله بيعرف الجاذبية والبيفهم تبعات الجاذبية في الكون بيعرف الله
خلاص! أرمسترونغ نجليهو؟
Quote:
عارف يا حاتم أنا زاتي من البعض ديل وأول مرة في حياتي أسمع بالحدوتة دي
|
انت بديت بالفقرة الفوق دي وأنا نصحتك (أبعد عن السخرية وبدون تعمد إساءة فهم المكتوب) دلوقتي عايز تضع شروط بمزاجك
Quote:
من هنا ولي قدام إذا أبديت حسن النية ممكن نركز على الموضوع العلمي ونسى الحاجات الشخصية غير كده معظم الكلام حيكون مهاترات
|
ما تشترط علي شيء، انت بديت المسخرة هنا في صفحة 16 لكن من هنا ولقدام أنا الحأعمل منك مسخرة وأنا الحأقرر متين تقيف،
الاتنين يمشوا مع بعض موضوع البوست و(الحاجات الظريفة دي) وفي غير مصلحتك، دائماً، لغاية ما تعتذر لأنك البادي أو تنسحب.،
من الأول في زول قلل من شأنك هنا؟
واضح أعتقد
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote: ما تشترط علي شيء، انت بديت المسخرة هنا في صفحة 16 لكن من هنا ولقدام أنا الحأعمل منك مسخرة وأنا الحأقرر متين تقيف،
الاتنين يمشوا مع بعض موضوع البوست و(الحاجات الظريفة دي) وفي غير مصلحتك، دائماً، لغاية ما تعتذر لأنك البادي أو تنسحب.،
من الأول في زول قلل من شأنك هنا؟
واضح أعتقد |
ومالو ، بي راحتك .. الإتنين يمشو معا بعض ، مش إنت عايز كده ؟؟
بس ما تجي تتجرس وتقول لي وشوش خدرا ما معانا
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
ومالو ، بي راحتك .. الإتنين يمشو معا بعض ، مش إنت عايز كده ؟؟
بس ما تجي تتجرس وتقول لي وشوش خدرا ما معانا
|
يا بني آدم افهم، الكلام دا لمصلحتك ما عشاني أنا، البيهمني حتألف المرة دي تقول شنو، لأنو الضحك في غير مكانو بيخليك أقرب للمنغوليين جماعة أعراض داون
مخ مافي؟
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
| Quote: يا راجل قصاصتك الصفراء دي زاااتا (overly made up) مكرفسنها وملصقين فيها رقعتين بيض عشان تظهر مقنعة، معقولة فيها خبر مهم زي دا ويلفوا فيها السمك؟ |
إحتمال تكون overly made up .. لكين دا ما بيغير حاجة لأنو أنا أصلاً ما مطالب بإني أجيب دليل
لأنو أنا كلامي ليك إنو الروس ما أنكروا
و إنت قلت إنهم أنكروا و بالتالي أنت مطالب بالإتيان بالدليل على إنهم أنكروا
و دا كلامك
| Quote: الصحف التي شككت في الموضوع هي البرافدا والازفستيا وإذا سمحت لي سأورد النصوص لاحقاً |
| Quote: وهل لديك فكرة أن الأمريكان منعوا اليابانيين من مجرد التفكير في إرسال مركبات فضائية إلى هناك؟ سآتيك بمصدر الخبر لاحقاً، حتى نلتقي. |
فلو عندك النصوص دي جيبها لينا
| Quote: كنت حأصدق كلامك الفوق دا عن التخصصية والموثوقية لو جبت نفس الخبر من أرشيف البرافد، طبعاً انت ما عارف إنو البرافدا والازفستيا عندها أرشيف لكل الأعداد بتاعتها منذ عام 1919 |
طبعاً زي ما إنت قلت أنا ما عارف إنو البرافدا عندها إرشيف متاح يحوي الأعداد من سنة 1919.. و بالتأكيد طالما ما أنا ماعارف درب إرشيف البرافدا ما كان ممكن أجيب نفس الخبر من إرشيف البرافدا
أما عن تصديقك لكلامي عن قناعتي بالتخصصية و الموثوقية فهو أمر يرجع إليك و لا أود أن ابذل أي مجهود في النقاش حوله
__________________
Quote: لأنا محتار فيه طالما انتو عندكم العلوم دي ليه ما تبسطوها وتنشروها هنا لفائدة الناس، ولا دا بيقلل من ثرواتكم وتميزكم؟
عارف يا حافظ، العالم التالت دا ما اتخلف إلا للتفكير بالطريقة بتاعتكم دي، مستعدين تقدسوا الخواجة |
العلوم العندنا بننشرها و نبسطها في المكان المناسب لها و بالطريقة المناسبة لها و المعلومات المختلف حولها نناقشها حيث يجب أن تناقش بالطرق العلمية.. و يحكمنا في ذلك أخلاقيات و مثل نلتزم بها
حديثك عن تخلف العالم الثالث (و بالمناسبة كلمة عالم ثالث دي في رأيي أنا ذااااتا كلمة متخلفة) و تقديس الخواجة فهو حديث إستفزازي و شخصنة للحوار .. أنت لا تعرفني و لا تعرف علاقتي بالعالم الثالث و لا علاقتي بالخواجة و هذا لا يهم موضوع البوست من قريب او بعيد.. و أنا لم أبدي ما يقلل من شأنك و لا أعرف و لا يهمني أن أعرف ما إذا كنت أنت تنتمي إلى العالم الثالث او إنك خواجة.. فقط تهمني علاقتك بما تتحدث عنه
و اتمنى إنك تتخلى عن الإستخفاف و اللغة الإستفزازية و تبعد عن شخصنة الحوار
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: Hafiz Bashir)
|
الخواجة تطير عيشتو
و بمناسبة الصفحة 19 يسعدني انتهاز الفرصة و اعادة تذكير الجميع أن ناسا نجحت من خلال مشروع ابوللو
في ارسال مركبات مأهولة للقمر و نزل عدد من رواد الفضاء على سطحه و قاموا بتنفيذ مهام متنوعة و عادوا
جميعا للأرض بدون خسائر.
و كل صفحة و الجميع بخير.
| |
|
|
|
|
|
|
|
 Re: خبايا مشروع أبولو وخدعة الوصول للقمر (Re: سيف النصر محي الدين)
|
نتمنّى أن يقوم حوار علمي ...
بين "ناسا" ومن يكذبونها ...
ولكن لا يوجد سبب منطقي لقيام حوار بهذا الشكل ... فأهل العلم لديهم المقدرة على التواصل مع "ناسا" مباشرةً في الأمور العلمية ...
ومسألة تكذيب "ناسا" مسألة بوليسية واسطورية أكثر من كونها مسألة بحث علمي (اللهم إلاّ من ناحية "المعمل الجنائي" ) ...
أو ... لفرد العضلات الدكتوروية ...
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
حديثك عن تخلف العالم الثالث (و بالمناسبة كلمة عالم ثالث دي في رأيي أنا ذااااتا كلمة متخلفة) و تقديس الخواجة فهو حديث إستفزازي و شخصنة للحوار .. أنت لا تعرفني و لا تعرف علاقتي بالعالم الثالث و لا علاقتي بالخواجة و هذا لا يهم موضوع البوست من قريب او بعيد.. و أنا لم أبدي ما يقلل من شأنك و لا أعرف و لا يهمني أن أعرف ما إذا كنت أنت تنتمي إلى العالم الثالث او إنك خواجة.. فقط تهمني علاقتك بما تتحدث عنه
و اتمنى إنك تتخلى عن الإستخفاف و اللغة الإستفزازية و تبعد عن شخصنة الحوار
|
يا أخ حافظ
أنا ما ناقشتك إلا باحترام، لكن من صفحة 5 شايفك بديت الاستخفاف، دلوقتي بتشتكي من الشخصنة؟
Quote:
لا لا أعرف جهات متخصصة أنكرت الهبوط او أي حقائق مؤثرة في مصداقية ناسا اللهم إلا إذا إعتبرتك أنت جهات متخصصة .. و بالمناسبة إنت تخصصك شنو في الهندسة؟
+++
ما افتكر بيغلبهم يضربوا ليك تلفون يكلموك بإعتراضهم او على الاقل يرسلوا ليك مسج في الواتساب
|
طول بالك ومرحب بيك
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
طيب
يظهر أن أخينا محمد مختار آثر البدء في إعادة تقييم مقررات المرحلة الثانوية على نحو جاد.
عليه سننتظر كثيراً قبل أن يعاود وضع أية إجابات حقيقية هنا.
____
سأواصل التلخيص هذا الأسبوع لإنهاء البوست.
أضفنا عمود في الملخص للوافد الجديد
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: Munir)
|
طيب يا جماعة ، الليلة بإذن الله حا نبدأ برنامج التطعيم للباشمهندس حاتم (مستر هوكس) ، كلو مرة حقنة ظريفة ، منها يوعى بالدنيا دي ومنها يعمل مناعة ضد الوهمات العجيبة المقتنع بيها دي
الجرعة الأولى عشان نحسم الفوضى العملها حاتم في موضوع (إنعدام الجاذبية) .. طبعاً حاتم ما صدق ، إفتكر (حسب فهمو القاصر) إني جيت بي بدعة إسمها (إنعدام الجاذبية) ومن ثم قال فيني ما لم يقله مالك في الخمر
يا حاتم اسمح لي أقول ليك انو مستواك في الفيزياء (ضعيف جداً) ما تزعل مني دي الحقيقة الحا تشوفها بعد شوية ، افتكرتك بعد النفخة بتاعتك دي أحد علماء البلاد المجهولين الظهروا فجأة ، للأسف انت تحتاج لقراءة وفهم مادة (العلوم) البيدرسوها الشفع في المدارس الإبتدائية والأساسية ، تحتاج لقراءتها وفهمها من جديد ، كذلك تحتاج لعمل نظافة لدماغك من الوهمات زي وهمة الحجر الحمصوهو في الفرن داك 
| Quote: يا أخوي الجاذبية دي من الثوابت الكونية، حقت الله، مااااااالك قايم عليها؟ |
بداية أنا اتكلمت عن مصطلح علمي معروف إسمو إنعدام الجاذبية Zero Gravity بيختصروهو دايما بالـZero G وبيسموهو برضو Microgravity يعني ما أنا الإخترعت المصطلح ده ، كمثال : وكالة الفضاء الامريكية (ناسا) عندها مرفق علمي معروف إسمو : The Zero Gravity Research Facility وعشان ما تفتكر إني بتبلا على الناس ديل جبنا ليك الصفحة من موقع ناسا عشان ما تضيع لينا زمنا في الفاضي :
facilities.grc.nasa.gov/zerog
بي إختصار ناس العلم زاتهم (ناسا) بيقولو إنعدام الجاذبية أو لو عايز الترجمة بتاعة قوقل ديك : الجاذبية صفر ، صفر يعني مافي ، مافي يعني إنعدام ، لو ما فهمت كلمني عشان أشرح ليك تاني
طبعاً يا حاتم في اللحظة دي حتكون إتبسطت شديد ومخك بدا يشتغل في تجهيز الرد على الكلام ده ، للأسف مضطر أحبطك لأني ما جايي أناقشك بالكلام ده بس حبيت أثبت إبتداء إنو الكلام ده ما من تأليفي وده مصطلح معروف ومستخدم من أكبر الجهات العلمية في العالم.
نجيك للجد .. بس قبل ما نخش في الجد لازم نشرح مفهوم بسيط ، طيب يا مستر هوكس في مصطلحات علمية كتيرة في الدنيا دي مستخدمة (عرفاً) لأنها قريبة من الواقع ، كمثال : لمن نقول فراغ : Vacuum فالمقصود إنو حيز أشبه بالفراغ (شرحت النقطة دي قبل كده في البوست ده) يعني لو جيت للتدقيق الشديد ممكن يكون مافي حاجة إسمها Vacuum لأنو بيحتوي على الغبار الكوني والجسيمات المشعة وحاجات كتيرة جداً متناهية في الصغر موجودة فعلياً في ما يسمى بالفراغ وبالتالي ممكن زول يجي يقول مصطلح فراغ (غلط) لكن عرفاً هو مصطلح علمي مستخدم لا انت لا غيرك بيقدر يلغيهو ، بالتالي بنفس الفهم لمن نتكلم عن إنعدام الجاذبية بنقصد إنو قوة جذب الأرض للأجسام بتبقا ضعيفة جداً ، لو ما فهمت كلمني أشرح ليك بطريقة تانية.
بالمناسبة يا حاتم الأجسام الكبيرة الموجودة في الفضاء عندها تصنيفات : يعني مثلاً زحل كوكب وليس (فضاء) زي ما حضرتك فاهم ، ممكن تقول زحل كوكب يسبح في الفضاء لكن ما ممكن تعتبرو هو زاتو من (الفضاء) دي غايتو ما سبقك عليها زول .
نجي لي حاجة أوضح من كده ، المرة دي نضرب بيك انت زاتك مثال : في البوست ده ص3 انت قلت :
| Quote: طبعاً انت مهندس وأحسب دي بالوزن بتساوي كم كيلو، ما تقولي أحسبها وجيبها لي هنا |
طيب انت بتقول (بالوزن) بتساوي كم (كيلو) ، أنا ما قلت ليك كلامك ده غلط لأنو حسب العرف العند الناس وحدة قياس الوزن (الكيلو) ، انا زاتي قاعد اقول الكلام ده (حسب العرف) ، لكن فوجئت بإنك في مسألة (إنعدام الجاذبية) سميت الحاجة دي (إنعدام الوزن) ، نظام الولد منقط الفيزياء وكده ، في اللحظة دي يا حاتم أثبت لي إنك ضعيف جداً في الفيزياء وتحتاج للرجوع لمادة العلوم بتاعة الشفع ديك كما ذكرت لك سابقاً ووضح لي إنك ما بتعرف وزن يعني شنو.
قلت لي (إنعدام الوزن) !! انت بتقول في كلام حافظو ساي بلا فهم .. انت يا حاتم الوزن هو زاتو ما عارفو شنو تجي تشبكني أناقش النسبية وأعدمك النفس وما عارف شنو؟
نجي لي تعريف الوزن عند الخواجة أب عيون خدر : the force on the object due to gravity ، بالعربي : مقدار قوة جذب الأرض للجسم ومعروف إنها بتتغير حسب البعد عن مركز الأرض ، الوزن يا حاتم يا العامل فيها منقط الفيزياء نوريك إنو ما بيقيسوهو بالكيلوجرام (حسب كلامك في الإقتباس أعلاه) ، الوزن بيقيسوهو بالنيوتن ، الكيلوجرام ده وحدة قياس الكتلة Mass وليس الوزن Weight ، زول ما عارف الوزن هو شنو ولا وحدة قياسو شنو جايي يتفاصح ويملا الناس فقر لأ وبعد ده معاها إساءات وشتايم .. سبحان الله!!
طيب يا باشمهندس مادام (إنعدام وزن) زي ما بتقول انت ، معناتو (صفر نيوتن) وبالرجوع للتعريف بتاع الوزن معناتو قوة جذب الأرض للجسم صفر ، وما دام مافي قوة جذب مافي جاذبية
بي إختصار شديد إنت (أعدمت الجاذبية) بي مصطلح تاني ، يعني زي الزول العوير لمن يسألوهو أضانك وينه؟ يلف يدو فوق راسو ويمسك أضانو البعيدة
هسي موقفك شنو بعد فصاحتك وطول لسانك ده ، ما انت زاتك أعدمت الجاذبية دي بي مزاج ، ولا المصطلح بتاعي حامض ، أول مرة اشوف لي زول يشيل اصبعو يطبز بيهو عيونو الإتنين
عندي حبوبتي دايما بتقول : العوارة مو بشارة
ننتقل بعد ده للجزء التاني من ذات الموضوع ، طبعاً حاتم إتهمني إني لغيت الجاذبية بين الكواكب ، أولاً انا كنت بتحدث بوضوح عن ما يجري للإنسان بعد خروجه من الغلاف الجوي للأرض ، السما اللونو أزرق ده بيبقى مظلم والشمس شكلها بيبقى زي الكشافة بالليل والجاذبية بتنعدم ، ده كلامي .. من وين يا مستر هوكس مشيت جبت إني لغيت الجاذبية في الكون كلو؟
بعدين تعال للجد .. دي ونسة ساي ، قلت لي جايب قانون نيوتن الرابع وعايز تطبقو في الفضاء زي ما مطبقنو في واطاة الله دي ؟؟ ياخي انت زول تحفة
ده القانون الجابو حاتم يا اخوانا :
نجي نشوف كلام مستر هوكس وإثباتاتو حسب القانون الفوق ده :
| Quote: الكورتين الخدرا والظهرية ديل الجسمين، أو الكوكبين، قول الأرض والقمر، أو الشمس والأرض الدايرنو داك |
أولاً .. الأرض والقمر كوكبين؟ أو الأرض والشمس كوكبين؟ مش قلت ليك انت محتاج تراجع مادة العلوم بتاعة شفع الإبتدائي والأساس
ثانياً : شنو قصة تعزل ليك اتنين من المجموعة الشمسية وتطبق عليهم القانون مباشرة انت قايلهم طماطم؟ دي فيزياء يا مستر هوكس ما لعب عيال
مافي حاجة اسمها تمسك ليك كوكب وتابع كده (براهم) ، أو كوكب وكوكب ، أو كوكب ونجم ، قانونك ده ممكن ينجح لو كان الفضاء ده فيهو كوكبين بس (كمثال) ، لكن عندك كواكب وتوابع ونجوم ومجرات ، يعني مافي حاجة إسمها فضاء مطلق إلا في فهمك التعبان ده .
يبقا السؤال الموجه ليك الآن : عندك سنة كاملة من هنا ولي قدام تحسب لي فيها (ثابت الجذب العام) للمجموعة الشمسية ، باقي الكون عفيناك منو ، بعد تعمل حساباتك ممكن تجي تتجدع لينا بي قانون نيوتن الرابع.
عارف يا حاتم انت زي العميان المسكوهو عكاز ، مسكت موضوع الهوكس ده وقمت بيهو سداري وبي سببو بتفلق فينا بي عكازك بتاع نيوتن ده ، الفيزياء ما حفظ قوانين وبس .. الفيزياء عايزة مخ متفتح بيفكر ويحسب ويشكك ويحسب لغاية ما يثبت ، الفيزياء عايزة خيال خصب شوية عشان الواحد يستوعب الحاجات دي مش قصة امسك لي واقطع ليك. يا كافي البلا عصيدة ساي في راسك ده مافي عشان تشغلها بدل تقعد تعزبنا وتودر لينا زمنا؟ هسي مش كان أحسن لي أمشي العب بي طيارة الفلين
نجي للمنلوج الوهمي بتاع مستر هوكس .. طبعاً من شدة ما عاجبو كررو لي مرتين ، صحيح الجهل مصيبة
Quote: ومال الكواكب بتنجذب لبعضها بإبداء الرغبة الشخصية؟
إذا كان تخيلك للفضاء أي موقع خارج الغلاف الجوي للأرض فدا برضو فيهو جاذبية أيضاً، القمر دا بيلف حول الأرض كايس باركن؟
خليهو القمر، الأرض دي بتلف حول الشمس دايرة تعرفها ضكر ولا انتاية؟
خليها الأرض، النظام الشمسي كواكبو وين غير في الفضاء؟ البلمها شنو حول الشمس؟ تتدفأ؟
خليهو النظام الشمسي، المجرات دي كلها بيجمعها شنو في الكون الفسيح غير الجاذبية؟ غداء عمل؟ |
المختصر بتاع المنلوج ده انو الأجسام بتجذب بعضها البعض تبعا للكتلة بتاعتها وبالتالي بتكون سبب في دوران الكواكب حول الشمس (كمثال) ، الخلاصة : الأرض هي نفسها عندها جاذبية بتجذب بيها بي صورة مباشرة القمر وهكذا .. يعني مستر هوكس بيؤمن بالجاذبية كـ(قوة) غامضة وآنية زي ما كان بيعتقد نيوتن ، مش كده وبس بل بيؤمن بالإنبساط المطلق للفضاء ، هسي عليكم الله زول بالفهم ده يناقشوهو كيف
طبعاً مسترهوكس بي فهمو الفطير ده طاااااااخ ادا ليك النسبية العامة طلقة في الراس .. الغريبة قال عايز يناقش النسبية ومن المنلوج ده واضح انو ما عارف النسبية هي زاتها شنو
أو بالأصح قرا عنها وما وقعت ليهو ، أنا مجبور أشرح وأبسط (النسبية العامة) عشان البشر ده يستوعب.
الأرض (كمثال) ما بتولد جاذبية تتحكم بيها في القمر (مباشرة) زي ما انت فاهم ، الأرض بتعمل إنحناء في الفضاء المحيط بيها (الأقرب فالأقرب) ، والفضاء ده مكون من نسيج متداخل من الزمان والمكان (الزمكان Spacetime) ، الإنحناء البيحصل لهذا النسيج الكوني من كتلة الأرض هو السبب الرئيسي والتفسير الأصح والأوضح لجريان القمر حول الأرض ، كذلك الشمس بي كتلتها الضخمة ديك بتعمل إنحناء في الفضاء المحيط بيها وبالتالي بتتسبب في جريان الأرض وبقية الكواكب حوالينها .. وهكذا ..
أنيشتاين بيقول إنو الأجسام بتتحرك في خطوط مستقيمة (قدر الإمكان) Straightest Possible Line ، طيب بسبب الإنحناء القلناهو داك بيبقى المسار المستقيم عبارة عن مسار كروي Spherical Path يبقى لو افترضنا انو في مسارين مستقيمين حا يتلاقو في نقطة واحدة.
الخلاصة : نيوتن بيعتبر الجاذبية (قوة غامضة) زي ما فاهم إنت وأنيشتاين بيعتبرها (مجال) والفرق بيناتهم فرق السما من الواطه.
قوانين نيوتن دي ما تعول عليها كتير في الفضاء (عندها إستخدامات في الفضاء لكن ما بتنجح في كلو حاجة) ، كمثال القانون الثالث : لكل فعل رد فعل مساو له في المقدار ومضاد له في الإتجاه ، طيب لو أخدنا جريان الأرض حول الشمس ، اذا افترضنا لسبب أو لآخر أختفت الشمس ، الأرض ما حا يكون عندها أي ردة فعل إلا بعد 8 دقائق لأنو ببساطة أقصى سرعة كونية معروفة هي سرعة الضوء وبالتالي مافي شئ بيتفوق على الضوء في سرعتو أياً كان طبيعة هذا الشئ ، والضوء بياخد 8 دقائق عشان يوصل من الشمس الى الأرض ، يبقى وين رد الفعل المباشر؟ وطبيعتو شنو ؟؟ إذاً كلام نيوتن بتاع إنو الجاذبية قوة و آنية (بالتالي الأرض حتطلع من مسارها بمجرد إختفاء الشمس) ده كلام ما صحيح. صحيح نيوتن عالم كبير لكن حواء والدة وجلّ من لا يخطأ.
أخليك تذاكر انت والمشجعين بتاعنك والى لقاء آخر بإذن الله في الحقنة التالية .. جرعات ممتعة أتمناها لكم
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
هياااااا النور!
بالله شوفو الزول الما بختشي دا، قعد حداشر يوم بعد ما الناس ضحكت فيهو وانتهت وانتظرتو يجاوب، جا يقول أنا كنت قاصد حاجة تانية! نرجع الضحك لجوة يعني؟
ياخي الجقلبة ليك شنو؟ لو كنت فاهم بتقول في شنو كنت رديت في نفس اليوم مش تعمل 12 مداخلة وتقعد بعدها تذاكر أسبوع عشان تفكر تخارج روحك من طبزة المتخلفين دي، والله كلامك دا تبارك ما يقنعو خليها الناس العملتك مضحكة هنا هههه
هسع المرافعة دي كووولها عشان تمرق نفسك من دي
Quote:
في الفضاء تنعدم الجاذبية
|
هسع بالله أعراض متلازمة انعدام الجاذبية دي ما عباطة منك؟
يكاد المريب يقول خذوني، ياخي خلاص ناسا ذاااتها أعدمت الجاذبية بس ركز لينا في الموضوع بتاعنا هنا، وين الإجابات؟ ما تمشي تذاكر وتجي تحاول تقول (أنا أصلاً كنت عارف لكن قاصد مصطلح تاني) دي بتشبه بتناسب زول بالغ، انت اخطأت وليك أجر المجتهد، ياخي متعب نفسك قدر دا ليه؟ نسيج كوني؟ ياخي أنسى ومشيها، هسع تبارك دا ذااتو مقتنع بأنك طبزتها داير تقنع نفسك بأني أنا كمان أعدمت الجاذبية؟ اتساوينا يعني! ههههههههههه آآآي خلاص ريلاكس، شوف لينا البعدها شنو.
بالله نفس الكلام الاتوقعتو، خلى الفكرة العامة وجا يحلل في الرياضيات، يا العوض القانون دا جبناهو ليك عشان الهوم ويرك بتاعك ما عشان تجي تعيد شرحو هنا وتقول لي (اثبت لي) ، نحن عايزين نناقش الإشعاعات والكمبيوتر ونخلص من البلادة حقتك دي، ما تخلي العباطة ياخي! كدا اتخارجت براءة يعني؟
Quote:
بداية أنا اتكلمت عن مصطلح علمي معروف إسمو إنعدام الجاذبية Zero Gravity بيختصروهو دايما بالـZero G وبيسموهو برضو Microgravity يعني ما أنا الإخترعت المصطلح ده ، كمثال : وكالة الفضاء الامريكية (ناسا) عندها مرفق علمي معروف إسمو : The Zero Gravity Research Facility وعشان ما تفتكر إني بتبلا على الناس ديل جبنا ليك الصفحة من موقع ناسا عشان ما تضيع لينا زمنا في الفاضي :
|
يا أخينا (بداية) انت ما عارف تبعات الجاذبية في الكون والمصطلح خليهو انت اخترعت مبدأ اسمو (انعدام الجاذبية)، بطل مكابرة، الموضوع دا الناس خلاص ضحكت وانتهت.
بعدين يا مستر G مصطلحك دا ما في الفضاء دا مجرد محاكاة لظروف انعدام الوزن هنا في الأرض، انت للأسف بقيت تتعلق بالقش زي أخوك وشرحناها ليك لما قلت (الله المستعان) وقلنا ليك دي "حالة" وركز على كلمة "حالة" وانت كلامك كان واضح عن الفضاء بسبب سوء فهم معتق. دي ما بتمرقك يا مستر G، أي نعم حارة لكن ما لقينا ليك غير الجراحة، شوف مصطلح تاني، أنا والله ما عايز أقيف هنا عشان اسمع مرافعاتك دي، الغريق راجيك قدام، ما تكسر لي كرونة هنا، كنت قاصد وما كنت قاصد.
Quote:
الفيزياء عايزة مخ متفتح بيفكر ويحسب ويشكك ويحسب لغاية ما يثبت ، الفيزياء عايزة خيال خصب شوية عشان الواحد يستوعب الحاجات دي مش قصة امسك لي واقطع ليك. يا كافي البلا عصيدة ساي في راسك ده مافي عشان تشغلها بدل تقعد تعزبنا وتودر لينا زمنا؟
|
عرفتو عرفتو، ما ياهو المخ الأعدم الجاذبية في الفضاء ونفخ الناس وسلق عيونم زي البيض، يجازي محنك هههههه، انت العصيدة لو لقيت منها ربع (كيلو) كان البوست دا انتهى قبال شهر، عشان كدا قلنا عليك خيالي من البداية.
Quote:
يبقا السؤال الموجه ليك الآن : عندك سنة كاملة من هنا ولي قدام تحسب لي فيها (ثابت الجذب العام) للمجموعة الشمسية ، باقي الكون عفيناك منو ، بعد تعمل حساباتك ممكن تجي تتجدع لينا بي قانون نيوتن الرابع.
|
هييييع، كلامنا ما وقع واطة، شفت المنولوج فتح آفاقك كيف! قول شكرن ياخ، بقيت تدافع عن وجود الجاذبية وعملت ليها ثابت عام، بخ بخ، من محلك دا وناسا دغري.
برضو دا ما موضوعنا هنا، في حاجات بسيطة (زي حفرتك أم قدم) مطلوب منك ترد عليها، موضوع الجاذبية دا ما يفترض يهلوس بيك كدا، أعقل ياخي وسيب أمور الطلبة دي، مافي زول اتجدع ليك بقانون الثانوي دا، بس انت الظاهر أخدت في نفسك من كشف الحقيقة دي، امسحها في وش تبارك دا، شوفو ركز كيف! جا هنا قال (كنت قاصد) ما داك ياهو بلعا وسكت، انت بقت ليك حامضة.
Quote:
واضح انو ما عارف النسبية هي زاتها شنو أو بالأصح قرا عنها وما وقعت ليهو ، أنا مجبور أشرح وأبسط (النسبية العامة) عشان البشر ده يستوعب
|
دي اسمها اللولوة واللكاعة وانت بتتلكع، قلت حسبت 29 سؤال خليناهم ليك 11 هسع بدل تبدأ ترد عليهم تقوم ترجع لصفحة 3؟ وجاي تتكلم عن سياسة بسمارك الخارجية؟
بالله بقا زي الترول يسألوهو من دي يخليها يمشي يجيب دييييك ويتفولح بيها ههههه.
ياااااا النور! موضوعنا هنا محدد، وسبق ذكرنا ليك، النسبية والحاجات التانية دي خليها ليوم تاني، ما تستعجل قدرك، وذاكر قدر مخك.
ما بتفهم انت؟
مخ مافي!
____________
كاسر كرونة ليهو اسبوعين ويجي يرمي 1500 كلمة "مرافعة استماتة" عشان ينفي جهله بالجاذبية!
بعد 14 سنة خدمة في ثانوي
هستيريا
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
ههههههه .. ده القدرت عليهو؟ أعصابك يا مان بعدين عاين للجانب الملئ من الكوب ، أهو اليوم اتعلمت معنى (الوزن) و (إنعدام الوزن).
دروس مجانية .. ملح ساي.
لغاية شهر واحد إن شاء الله حأكون مشغول بي طيارة الفلين ، أهو قلنا الواحد يمشي يجامل في الجائزة بتاعة المناسبات دي.
لكن كلو ما القا لي فرقة بجي أديك الجرعة بتاعتك ، حقنة ظريفة وبالهنا والشفا
أدعي ربنا كتير إني أكون مشغول لأنو الجايي تقيل جداً ، قلت لي عايز تختم البوست!!
في الأحلام يا مستر هوكس ، والله إلا ترسل لي بكري يحذف ليك البوست ده
____________
قلت لي الحجر حمصوهو في الفرن
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
ههههههه .. ده القدرت عليهو؟ أعصابك يا مان بعدين عاين للجانب الملئ من الكوب
|
ياخي والله انت مخلوق عجيب خلاص، هسع ليك اسبوعين عامل فيها دجانقو وبتقول عندك 29 نقطة جاوبت عليها وفي النهاية تقدم لينا عرضحال
(أنا والله ما كنت قاصد كدة)، وبقدرة قادر جاي تكلمني عن نيوتن وانعدام الوزن، وفجأة (أنا ماشي لطياراتي)،
ما قدمت شيء هنا غير مبدأ مضحك لكن أهو باصرنا ليك عمود.
غايتو الله يصبركم يا الجمهور، تاني إلا تضحكوا في الترول.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
المهندس حاتم
سلام
البوست قاعد والمداخلات قاعدة
لا أعرف لماذا تقطع المداخلات من سياقها
فقط لتنتصر لنفسك
دا نوع من التلفيق غريب جداً لمداخلات موجودة ومنشورة في نفس البوست
غايتو ما عندي كلام اقوله ليك
ما دمت بتلفق حتى في حاجة مكتوبة قدام الناس كلها.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: الصادق اسماعيل)
|
Quote: لا أعرف لماذا تقطع المداخلات من سياقها
فقط لتنتصر لنفسك |
انا غايتو قريت جدولو دا ... اتأكدت انو حاتم دا برة الشبكة بتاعة البوست دا ...
وكأنو مخّو ما قبلان واقع انو في ردود على مزاعمو ...
اشعة قاما ... نشرحها 32 مرة .. يمسك ليك في (قاما) ولاّ (غاما) ... وهي كلمة ما عربية زاتها ... خليك من تطابق عاميتنا مع نطقها الأصلي ...
البدلة انا جبت ليهو عن مكوناتها تقرير من 142 صفحة ... متأكد انو غلاتو دا لأنو بكون ما قرا فيها ولا سطر ...
الهبوط العمودي الصاروخي قلب لينا بيهو الهوبة ...
غياب الجاذبية دا لفظ من عندي ... وانعدام الجاذبية دا البيقرّوهو للناس في الثانوي بنفس المعنى ... وانا مختلف مع مدرسين الفيزيا الجهاليل في استخدام (انعدام الجاذبية) للزيرو قرافيتي ... مفروض يقولوا (غياب الجاذبية) ... لأن غيابها يقابله (حضور الجاذبية) في مكان آخر ... وغيابها وحضورها يتحكم فيه القانون الذي أوردنا معادلته أعلاه ... ولكن الجاذبية لا تؤول إلى عدم كما يدّعي عصبة حاتم من مدرسي الفيزياء التقاليديين المنكرين لهبوط ناسا على سطح القمر من فرط جهلهم ...
قلبنة كلام ... واستقطاع مداخلات ... وتغيير معاني كلام محاورينو ... وتمادي في الكلام الفارغ النصحناهو من التمادي فيهو من الصفحة الأولى ... ولم يسمع النصح ...
هسي 19 صفحة ... بدون برهان علمي واحد على "خدعة الوصول للقمر" ...
يعني بالآية "إذا جاءكم حاتمٌ بنبإِ فتبينوا" ... نحن حا ننتظر البينة دي 29 صفحة تانية ...
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
البوست قاعد والمداخلات قاعدة
لا أعرف لماذا تقطع المداخلات من سياقها
فقط لتنتصر لنفسك
دا نوع من التلفيق غريب جداً لمداخلات موجودة ومنشورة في نفس البوست
غايتو ما عندي كلام اقوله ليك
ما دمت بتلفق حتى في حاجة مكتوبة قدام الناس كلها. |
وين التلفيق يا الصادق؟
Quote:
وانا مختلف مع مدرسين الفيزيا الجهاليل في استخدام (انعدام الجاذبية) للزيرو قرافيتي ... مفروض يقولوا (غياب الجاذبية) ... لأن غيابها يقابله (حضور الجاذبية) في مكان آخر ... وغيابها وحضورها يتحكم فيه القانون الذي أوردنا معادلته أعلاه ... ولكن الجاذبية لا تؤول إلى عدم كما يدّعي عصبة حاتم من مدرسي الفيزياء التقاليديين المنكرين لهبوط ناسا على سطح القمر من فرط جهلهم
|
في هذا البوست فإن من قال (انعدام الجاذبية) و(غياب الجاذبية) هم انت ومستر G لكن يبدو أن الأمر ثقيل عليكم،
لذا تطلب الأمر أن تبحثا اسبوعاً حتى حين ايجاد مخرج بمصطلح لا تعرفا منه غير اسمه، ومع ذلك لا يعني أن الجاذبية تنعدم أو تغيب.
الجاذبية (ثابت) يا تبارك، أرحمنا.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
حاتم
سلام
وين انا نفيت وجود هنغر ووين انا نفيت وجود نماذج
ولمن تجيب الكلام جيبوا كامل
انت قلت ليك سيناريو كامل عن انه تم تصوير هبوط القمر على الارض
سالناك عندك شهود على الموضوع دا ولا نجر ساكت من راسك
اتضح في النهاية انه نجر ساكت لانه دا كلام اتقال على اساسا انه احتمال مش على اساس انه حقيقة
انا كنت اتمنى انك تكون اكتر مصداقية وتنقل الكلام بسياقه مش تبتره وتفسره بطريقتك
انا اتناقشت معاك بصورة محددة دون اللجوء لا اساءة او تجريح او استفزاز
الراي بتاعي من البداية قلتوا ليك، واتكلمت عن الاثبات لفرضية عدم الهبوط على القمر
قلت ليك كفرضية مقبولة وكاثبات من الصعوبة بمكان لانه اثباتها حيتطلب الكتير من الامكانيات
انت ما عندك الامكانيات دي، لانها دي امكانيات دول كبرى، وغير كدا كل الفرضيات التانية عندها التبرير بتاعها
كونك ما تقتنع بالتبرير بتاعها دا ما بيعني انه فرضيتك انت الصاح
عشان كدا قلنا ليك الموضوع حيكون هلال مريخ، واهو البوست في صفحته التسطاشر
ولحدي هسع ما وصلنا لاي اثبات قاطع في الموضوع
والموضوع المدور هنا في امريكا من طلوع نظرية عدم الهبوط لحدي يومنا دا ما في زول قدر يثبت الفرضية دي
هسع ما في زول ابدا بيتغالط في السفر للفضاء من زمن قاقرين
يعني السفر للفضاء دا حقيقة انت وانا واي زول مقتنع بيها
موضوع الهبوط على القمر دا الغالبية مقتنعة بيها وفي اقلية ما مقتنعة بيها
طيب السوال ليه كل الناس مقتنعة تماما بانه السفر للفضاء ممكن وما مقتنعة بالهبوط للقمر
السبب بسيط جدا لانها تجربة اتكررت الاف المرات وبقت حقيقة علمية
اها الهبوط على القمر دا قامت بيه جهة واحدة
لو ما في جهة تانية قامت بيه ومشت ولقت اثار ناسا دي حيظل الموضوع بتاع غلاط لحدي ما يرث الله الارض
دي وجهة نظري بوضوح، باقي الكلام الفي البوست دا من ناحية معلومات جبتها انت ولا تبارك ولا غيركم انا حقيقة استفدت منها واتعلمت
كتير ودي حاجة بشكركم عليها، لكن كمان بقول وجهة نظري وبحاسبك انت على دليلك العلمي العجزت عن انك تجيبوا
انت جبت فرضيات كتيرة ودا كلام ما اقدر اقول ليك انك صاح فيه لحدي ما تثبت الفرضيات دي
غير كدا ياهو النقاش مدور ونشوف حيصل لحدي وين
اتمنيت طبعا يكون التلخيص بعيد عن اللغة الاستفزازية يكون عن النقاط الرءيسية والردود عليها ويقفل البوست على هذا الاساس
لكن انت جبت التلخيص الاول واضفت عليه المستجد وبطريقة منحازة ومبتورة وخارجة عن السياق الاتذكرت فيه النقاط
مثار الجدل، ودا بالنسبة لي تلفيق لوجهات النظر الاخر لاظهارها بمظهر الضعف للانتصار لرايك
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: الصادق اسماعيل)
|
هههههه شكلو مستر هوكس لسه ما فهم إنو أعدم الجاذبية لمن قال (إنعدام الوزن). معذور فهمو تقيل
نشرح بطريقة أبسط ..
إنعدام الوزن يعني وزن (مافي) = صفر
صفر = (إنعدام - معدوم - لا يوجد شئ - مافي - مافيش ... الخ)
الوزن وحدة قياسو (نيوتن) ما (كيلوجرام) .. الرجاء مراجعة كتاب العلوم بتاع الشفع الصغار للتأكد
يبقى إذن الوزن = صفر نيوتن (إنعدام وزن).
صفر نيوتن معناتو مقدار قوة جذب الأرض للجسم = صفر
وبما انو مافي قوة بتاعة جذب معناتو مافي جاذبية ، يبقى Weightless ياهو زاتو Zero gravity بس بالطريقة بتاعة أضانك وينه
لو ما فهمت بعد ده ممكن أشوف ليك أستاذ بتاع دروس خصوصية لأني خلاص تعبت من الشرح
_______
الشينة منكورة
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
شوفوا يا شباب .. نحن عشان مافي واحد يجي يشبكنا إنعدام وغياب وأعدم الجاذبية وأعدم الوزن - كتالين كتلا إنتو؟ شغالين إعدامات بالجملة ؟ - تاني من هنا ولي قدام فِتُّوا لينا الكلام هنا كله بالإنقليزي .. التعريب ده ياهو الغتَّس حجر التعليم في البلد ..
بس .. عشان تاني ما يجينا واحد يقعد يقول أنا والله ما كنت قاصد وأنا زاتي ما قلت كده وأنا ماشي محصِّل الطيارة وووو .. طالما النقاش علمي بتاع خواجات يبقي جيبوهو بلسان سيده - الكلام ده دايرين نطبقوه ..
لكين أنحن ناس الضل ديل أسمحوا لينا .. لو علقنا نعلق بالعربي .. (وش أخدر) ..
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
هههههه النقة الكتيرة دي كلها ما بتحلك ، مافي طريقة تزوغ ، حاول ببساطة نفي الحقيقة (العلمية) التالية :
| Quote: صفر نيوتن معناتو مقدار قوة جذب الأرض للجسم = صفر |
إذا غلبك فأعرف إنو كلامك ده فلسفة وبحث عن مخرج من الحتة الضيقة الدخلت نفسك فيها
حاجة تانية ، إن شاء الله تكون إتعلمت إنو قوانين نيوتن دي ما بتقدر تطبقها مطلقاً كده في الفضاء ..
حاول أقرأ في النسبية العامة شوية عشان تستفيد.
______
المشجعين برضو نديهم فرصة يحاولوا ينفوا المقتبس أعلاه
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
دليلك شنو إنه الكلام دا ما هنغر في "لويزيانا مثلاً" او في "فلوريدا"، ليه في هنغر وفي "لانغلي تحديداً"
يعني أدلتك شنو وشهودك منو، إنه الكلام دا تمّ في هنغر وفي لانغلي؟
وأنا شخصياً لة جبت لي دليل على وجود الهنغر دا وفي ذلك الزمان وفي شهود شافوا المووضوع دا حأصدق روايتك واكذب رواية ناسا دون أي تردد.
+++++
نحن قلنا ليك جيب صورة القمر وورينا واحد من الشهود الهسع واقفين في لانغلي ديل قال صورة القمر هي نفسها صورة لانغلي
|
Quote:
وين انا نفيت وجود هنغر ووين انا نفيت وجود نماذج
|
يا الصادق أهو كلامك فوق في صفحة 6، في الملخص الصفحة أنا بضعها بين قوسين.
قلت يجيبو ليك (دليل على وجود الهنغر) وكمان عايز (شهود) يقولوا ليك نحن لفقنا الهبوط في الهنغر دا
يلفقوا ليك شنو انت كمان يا الصادق! هسع أنا افتكرتكم طلعتو الضمنة والطاولة انت وسيف النصر
بالله لسة بتناقشوا؟
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
عشان تاني ما يجينا واحد يقعد يقول أنا والله ما كنت قاصد وأنا زاتي ما قلت كده وأنا ماشي محصِّل الطيارة وووو .. طالما النقاش علمي بتاع خواجات يبقي جيبوهو بلسان سيده |
مرحبا أستاذ منير
الموضوع ببساطة، أخونا مختار ومعاهو تبارك الفضيحة بقت تقيلة عليهم بخصوص معلومات الثانوي، قعدوا اسبوع يحاولوا يبلعوها بصعوبة مع المنولوج الشهير،
ولو كانت عندهم أية معلومات منطقية أو مخارجة كان ردوا في نفس اليوم أو البعدو.
مشى مختار فتش عن أي حاجة يبرر بيها، بالتأكيد لو كان كلامه مبرر من الأول ما كان احتاج لأكتر من 10 يوم، لقى مصطلح خمشو وجاء قال ناسا كمان أعدمت الجاذبية،
أهو جبنا كلام ناسا ووشرحت ليهو إيه المعنى بالمصطلح.
وعشان يشعروا بالارتياح أكتر، قالوا نكبر الكوم، "حاتم انت ذاتك أعدمت الوزن يعني أعدمت الجاذبية"، طبعاً ده نفس الفهم المغلوط لقانون نيوتن بمعزل علن التطبيقات والمشاهدات الكونية.
المشكلة دلوقتي الترول غرقان من بدري وعايز يكبر كومو، ومختار بدأ الغرق بغطسة كبيرة خلاص عشان كدة حا يقيف هنا لفترة (يكسر كرونة) لأنو مدرك مدى صعوبة الراجيهو، رغم محاولتي إعادة البوست للموضوع الأصلي، لاحظ حتى الآن بعد 12 يوم ما جاب ولا رد من النقاط 29 حتى مع تخفيضها إلى 11، فالأولوية عنده حالياً مسح الفضيحة
أو على الأقل تلويث الآخرين بها. ما حيقتنع إنو اخطأ مرتين وحيمشي يذاكر تاني ويجي يغالط في صيغ القوانين أو يرجع للصفحات القديمة ويقول انت زماااااان قلت كدة هههه
----------------- في النهاية الموضوع ما يستاهل ودي دروس ناس أولى ثانوي ----------------------
أسلوب سلبي جداً لا يرى العلاج إلا في مرض الآخرين
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
هههههه النقة الكتيرة دي كلها ما بتحلك ، مافي طريقة تزوغ ، حاول ببساطة نفي الحقيقة (العلمية) التالية :
Quote: صفر نيوتن معناتو مقدار قوة جذب الأرض للجسم = صفر
إذا غلبك فأعرف إنو كلامك ده فلسفة وبحث عن مخرج من الحتة الضيقة الدخلت نفسك فيها
حاجة تانية ، إن شاء الله تكون إتعلمت إنو قوانين نيوتن دي ما بتقدر تطبقها مطلقاً كده في الفضاء ..
حاول أقرأ في النسبية العامة شوية عشان تستفيد. |
بالضبط كما توقعت
حتستمرتألف في معادلات وتقول لي اثبت، زي أسلوب الترول عن الهيليوم في الملخص الفوق
أتمنى ليك عاجل التعافي من الخفة دي، بس برضو أنا راجيك ترجع لنقاطك الحداشر أو 29 حسب رغبتك، وبعدها الإشعاعات والكمبيوتر.
مشيت لطياراتك، جيت من طياراتك، أنا قاعد ليك،
بس حقو الناس ترجع تقرأ البوست من أولو وتفهمو قبل ما تبدأ المذاكرة و(البحوث) وتجي تضرسنا (بالخلاصات) تحصيل حاصل.
ولو إني ما حانتظر العبط دا يستمر، متى ما قررت تلتزم بالموضوع بإمكانك اللحاق به، أنا حأوصل كأنك غير موجود
وعمودك محجووووز
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
طيب عشان نخلص من العبط بتاعك دا، وقبل ما تتحجج بالطيارة البتطير، كلامك التحت دا مضحك جداً وحأضيفوا للملخص بالتأكيد
Quote:
صفر نيوتن معناتو مقدار قوة جذب الأرض للجسم = صفر |
جيب كلامك دا بالانجليزي عشان تضحك انت ذاتك معانا في نفسك وما نظلمك، غالباً انت مرتبك وما عارف كتبت شنو.
دا كلو عشان نبطل حججك دي ونوديك قدام.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
غايتو أنا ما زعلان إلاّ علي الويكإند الراح شمار في مرقة .. حالتي أخدت ليهو يوم الجمعة زاتو إجازة من الشغل وجهزت كيلو تسالي وقفلت الموبايل لعدم الإزعاج - وبعد داك قعدت أحرس وأرجي في الردود زي التقول فارش لي ليمون ببيع فيهو.. وكل دقيقة أجي أتاوق وأعمل ريفريش للبوست أقول يمكن المريسة دي خِمرت - لغاية ما الجمعة دخلت بخوجلي والأحد مرق بحمد .. وفي الآخر ما شفنا أي breakthrough ..
بعدين الشغل كله بقي في الجاذبية .. الجاذبية إنعدمت .. الجاذبية غابت .. الجاذبية .. الجاذبية .. ياخي كويس إنو المتحاورين سلطوا الضوء علي كلمة جاذبية دي .. طبعاً معروف إنو السودان ده مافيهو أي جاذبية - شناة مُرّة - جاذبية معدومة نهائي - يعني إنعدام الجاذبية ده لا يخلو من صواب .. ثم ثانياً الجاذبية ذاتها أنواع .. الجاذبية الشعرية دي مالها؟ عيبوها لي .. حاجة بسيطة شديد وتعتمد عليها حاجات كتيرة زي حياة النباتات.. العجيب أنها شغالة تش ضد الجاذبية الأرضية .. وما بعيد يوماً ما ناسا تستخدم الجاذبية الشعرية في الصعود للقمر - المافي شنو؟ -
المهم يا أخواننا النقاش بقت فيهو مخاشنات ، حقو ما نخليها تتصاعد .. وبالمناسبة الفائدة والإستفادة جايانا من الأخذ والرد والتفاعل التسلسلي في الموضوع، وكده أحسن من السرد العلمي الروتيني الممل .. يعني بصراحة فريق ناسا - رغم إنه كيشه ومستواهو ما بيلعبه لِيق في ميدان عقرب - لكنه أثري البوست ثراء فاحش - ونحن استفدنا من حاتم بالإجابات والضربات الثابتة المركزة والإجابات البتجي علي الطاير لغاية ما خلي ليك وجوه فريق ناسا أخدر أخدر ..
طبعاً الصادق شايفه قعد بعيد يراجع في حساباته - وربما الآن مصنقر راجي النتيجة .. بينما تبارك منتظر حاتم يخش في الموضوع :) .. سيف النصر غايتو لو ناسا دي طلعت كضابة - وهو ما يرفضه رفض العيان للحقنة - فإن كضب ناسا حيخرب عليهو المنهج العقائدي بتاعه، المبني علي العلم، من أساسه .. وأنا زمان شككت ليهو في العلم المادي ده من أصله بعدما أشرت لحساب الإحتمالات المبنية عليها الهيلمانة العلمية دي كلها .. وعشان كده شايفه مصر علي إثبات هبوط علي قاقرين علي القمر ، من منطلق: إن طارت عنزة ..
محمدعبدالله مختار غايتو خمّ الجمهور بمناورات ومحاولة تعقيد الموضوع لإرهاب القارئ بالفيزياء والرياضيات - جدول الضرب الشديد العامل للناس هلع من زمن الطفولة - أها نحن خايفين الناس تقول مشت قرت فيزياء ورياضيات يقوم يقول هو قاصد الرياضيات الإضافية - تخصص -..
الملاحظ أنو حاتم حافظ البوست بتاعه ده صفحة صفحة ، وهسه لو قلنا ليهو سمِّعه حيسمِّعه .. إتقان شديد والله .. وده الشئ الجذاب في الطرح - رغم إنو الناس عموماَ بتكبِّر اللفة من أي موضوع فيهو ريحة فيزياء -..
يعجبنا التجويد في الشغل حتي لو إختلفت مع المضمون .. وطبعاً من المنبريين المجودين للبوستات بتاعتهم الزملاء عادل عبدالعاطي و العبقري محسن خالد ..
مش زي ناس قريعتي راحت الزاحمين صفحات المنبرالأولي بالبوستات الفارغة ..
ملحوظة: منتظرين بفارغ الصبر بوستات محمدعبدالله مختار عن النسبية والكمبيوتر والإشعاع ..
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: Munir)
|
محفزات للنقاش في صلب الموضوع:
أخي الفاضل حاتم: أنا من الذين يكنون تقديرا كبيرا للأخ محمد عبدالله مختار في هذا المنبر. فقد عرفناه كهكر (كراكر) تائب سرد قصته في هذا المنبر بأسلوب جميل ومشوق - ولكنه لم يكملها - فبدا لنا مبدعا في هذا المجال (أي مجال الحاسوب) الأمر الذي جعلني استشهد بأحد تصميماته في مجال مواقع الويب في كتابي "مدخل إلى تصميم الجرافيك". لذا أرى لو تركز النقاش حول الجانب الرقمي من تكنولوجيا مشروع أبولو سيكون مفيدا وتستطيعا معا أن ترتقيا بثقافتنا في هذا المجال. وبما أن أخانا محمد عبدالله مختار مختص في مجال الحاسوب، فإن الاستهزاء والسخرية من مساهماته في مجال تطبيقات الطائرات بدون طيار دون معرفة التفاصيل يشكل قسوة مفرطة وقد يتسبب في جرح نرجسي لا يندمل... أي أن حق الزمالة يجب أن يرشدنا إلى تجنب أن نبخس أشياء الناس.
أخي العزيز محمد عبدالله مختار: إن الاستهانة بقدرات أخينا حاتم لن تفيد في مجادلته أو مناظرته. فقد أثبت أنه ماهر في اللعب النظيف وأكثر مهارة في اللعب الخشن! اقترح أن تحولا ما تبقى من البوست إلى أسلوب المناظرة الذي يتغيا البحث عن الحقيقة والتسليم بها حتى وإن جاءت من الخصم، في جو من الاحترام المتبادل.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
يا باشمهندس حاتم .. في يدك تصحيح مسار البوست ... لانه انحدر لمستوى أعتقد انت شخصيا لا ترضاه ولم تكن تخطط له عندما افترعت الخيط
استفدت -وكثيرون غيري- كثيرا من المعلومات الواردة ... لكن صراحة أسلوب بعض المداخلات منفر جدا... تقبلوا احتراماتي جميعكم |
مرحبا أستاذ هشام بشير من الفيسبوك
كلامك سليم وأثني عليه ولعلك تكون لاحظت أن الصفحات 18 و19 خففت فيها حدة السخرية فقط في حدود اللازم، وسأعمل على التخفيف أكثر.
فقط أتمنى أن يلتزم فريق ناسا بالموضوع بدل مناورات الهروب من كبواتهم.
مرحب بيك تاني
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
غايتو أنا ما زعلان إلاّ علي الويكإند الراح شمار في مرقة .. حالتي أخدت ليهو يوم الجمعة زاتو إجازة من الشغل وجهزت كيلو تسالي وقفلت الموبايل لعدم الإزعاج
+++
محمدعبدالله مختار غايتو خمّ الجمهور بمناورات ومحاولة تعقيد الموضوع لإرهاب القارئ بالفيزياء والرياضيات
|
مرحبا أستاذ منير
والله معليش لضياع العطلة، والله كنت زبطت أموري على إنو الجماعة ديل يردوا على النقاط الحددوها قبل دهر، ونعمل باربيكيو في العطلة.
لكن آثروا الركلسة مع القوانين الرياضية لغاية ما تجلي غمتهم الجذبتهم، أسلوب قديم لكسب الوقت وحتشوف تاني بعدو أسلوب
الأخذ بمعاني الكلمات في نفس القوانين (أنا والله قصدت كدة لما قلت كدة)، الأساليب دي كلها مرت علي.
لكن في النهاية مافي غير الطريق الأنا وضعتو لنهاية البوست.
مشكور
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: هاشم احمد ادم)
|
الاخ حاتم إبراهيم وضيوفه الكرام
سلامات
ياخ بوست اروع من رائع في مداخلاته حلوها ومرها وانا متابع من بدري بإستمتاع لكن غلبني الضحك هنا
Quote: ومال الكواكب بتنجذب لبعضها بإبداء الرغبة الشخصية؟
القمر دا بيلف حول الأرض كايس باركن؟
خليهو القمر، الأرض دي بتلف حول الشمس دايرة تعرفها ضكر ولا انتاية؟
خليها الأرض، النظام الشمسي كواكبو وين غير في الفضاء؟ البلمها شنو حول الشمس؟ تتدفأ؟
خليهو النظام الشمسي، المجرات دي كلها بيجمعها شنو في الكون الفسيح غير الجاذبية؟ غداء عمل؟
ومال المحطة الفضائية العالمية والأقمار الصناعية دي بتدور حول الأرض بالسنين الماسكها شنو؟ حنيتها للأرض؟ |
قمة أي حاجة ياخ...
لا اتفق معك في عدم وصول الامريكان للقمر لكني اجد نفسي معجب جدا بطرحك ومعرفتك وترتيب حاجاتك وحجتك..
ياخ حتى السخرية عزبتها هههههههههههه
بوست مفيد جدا علميا
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: mohmed khalail)
|
صباح الغد بإذن الله الرد حيكون جاهز بخصوص حزام فان آلن ..
أحب أوضح قبل نشر الرد انو جيمس فان آلن زاتو صاحب الإكتشاف شاهد على قناة فوكس ناس نظرية المؤامرة وهم بيقولوا في كلامهم الوهمي ده فكان أن قال :
"The recent Fox TV show, which I saw, is an ingenious and entertaining assemblage of nonsense. The claim that radiation exposure during the Apollo missions would have been fatal to the astronauts is only one example of such nonsense." -- Dr. James Van Allen
لكن حاتم لو قدر ليهو يقابل جيمس آلن وقال ليهو الكلام الفوق ده كان غالطو في كلامو ده .. والله جد
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: mohmed khalail)
|
نبدا ليك بالجاذبية ... يا شاب يا جذاب ...
دا ما "ثابت"؟
يا حاتم تقطع وتواسي من راسك (بترقيق الراء) ... هسي القال ليك ثابت ومتغير منو؟
الجاذبية نسبية بالنسبة لكتلة الأجسام ... في الفضاء الخارجي كتلة الـ CSM اقرب للصفر بنسبة كتل الكواكب حولها ... بالتالي تأثير قوة الجاذبية فيها يكاد يؤول إلى صفر ... وبالتالي درجة الحفاظ على محصلة القوى في حركتها تكاد تؤول إلى ما لا نهاية ... وينطبق عليها قانون نيوتن الأول ... (يظل الجسم في حالته من "سكون" أو "حركة منتظمة في خط مستقيم" ما لم تؤثر عليه قوة) ... بواقى صاروخ "ساتيرن" الانت شايل حالو دا ... مشت لى جاذبية الشمس دوغري ... كم ألف سنة وحا يحرق ان شاء الله ...
المركبة الفضائية بتواصل في المسار بدون أي طاقة إضافية (ولو خلوها بتصبح في ام طرقًا عراض) ... لغاية ما يتم تعديل المسار عن طريق النفاثات باستخدام قانون نيوتن التالت ... (لكل فعل رد فعل مساوي له في المقدار ومضاد له في الإتجاه) ...
الكمبيوترات (الاتنين) المسؤولات عن مسار المركبة مؤهلات للقيام بالحساب وتنفيذ الأوامر والإستجابة لملاحة رواد الفضاء ...
لو عندك نقد للصاروخ والوقود والـ Payload ... قولو بى شكل علمي ..
لو عندك نقد للهبوط العمودي بالمحرك الصاروخي بتاع "إيقل" والنفاثات المعاهو والقواعد بتاعة التايتانيوم والتفلون والسيليكون الإنت قايلو غرا داك ... قولو بى شكل علمي ...
لو عندك نقد للبدلة بسبب اشعة قاما ... قولو بى شكل علمي ...
لو عندك نقد لى نظام الدروع بتاعة "إيقل" (الانت قايلها "كرتون") ... قولو بى شكل علمي ...
بعد جبنا ليك كل المعلومات عن التضريبات والمواد والدايناميات والتقنيات المستخدمة بالكامل ... الغلات وونسة الضللة وكل شوية تمرق لينا من الموضوع وهناي وصور بتاعة فيزيا بالعربي (كأن الأمة العربية تناطح الأمم في العلم وغزو الفضاء وليست أمة جاهلة تتغذى على الجهل وترفض العلم وترفض الإعتراف بالجهل وتتسوّق السامسونق جالكسي بالمليارات وتتحكم في سياساتها الدولية "داعش" من فرط الخمول الذهني ... قال فيزيا بالعربي قال ... انت قايل مشكلتنا مع "لغة الظاض"؟) ... دا كلّو ما بنفع ...
وتوزع لينا ألقاب وترص لينا جداول "محسن خالد" المرقتنا "شواطين" كلو كلو ... برضو ما بنفع ...
عندك كلام علمي يدحض مزاعم ناسا بالهبوط على سطح القمر ... تعال اكتبو هنا ...
كل الكلام الإنت كتبتو في السابق ... كلام فارغ ...
(والغريبة كلمناك من الأول )
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: mohmed khalail)
|
Quote: محفزات للنقاش في صلب الموضوع:
أخي الفاضل حاتم: أنا من الذين يكنون تقديرا كبيرا للأخ محمد عبدالله مختار في هذا المنبر. فقد عرفناه كهكر (كراكر) تائب سرد قصته في هذا المنبر بأسلوب جميل ومشوق - ولكنه لم يكملها - فبدا لنا مبدعا في هذا المجال (أي مجال الحاسوب) الأمر الذي جعلني استشهد بأحد تصميماته في مجال مواقع الويب في كتابي "مدخل إلى تصميم الجرافيك". لذا أرى لو تركز النقاش حول الجانب الرقمي من تكنولوجيا مشروع أبولو سيكون مفيدا وتستطيعا معا أن ترتقيا بثقافتنا في هذا المجال. وبما أن أخانا محمد عبدالله مختار مختص في مجال الحاسوب، فإن الاستهزاء والسخرية من مساهماته في مجال تطبيقات الطائرات بدون طيار دون معرفة التفاصيل يشكل قسوة مفرطة وقد يتسبب في جرح نرجسي لا يندمل... أي أن حق الزمالة يجب أن يرشدنا إلى تجنب أن نبخس أشياء الناس.
أخي العزيز محمد عبدالله مختار: إن الاستهانة بقدرات أخينا حاتم لن تفيد في مجادلته أو مناظرته. فقد أثبت أنه ماهر في اللعب النظيف وأكثر مهارة في اللعب الخشن! اقترح أن تحولا ما تبقى من البوست إلى أسلوب المناظرة الذي يتغيا البحث عن الحقيقة والتسليم بها حتى وإن جاءت من الخصم، في جو من الاحترام المتبادل. |
شكراً محمد الأمين!
ويُرجى من الأخوين حاتم ومحمد أن يتفكرا في مضمون هذه العبارات،
ويحترم كلٌّ منهما الآخر!
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: صلاح عباس فقير)
|
تحياتي د. محمد الأمين
للتوضيح في مسألة الطائرة بدون طيار نحن فريق عمل مكون من أربعة أشخاص ، اتنين مسئولين عن الطيران منهم التيم ليدر باشمهندس محمد أحمد (مهندس طيران) ، الاتنين الباقين شخصي الضعيف ومعاي زميلنا مسئولين من حمولة الطائرة المبتكرة SAP Smart Agriculture Payload وهي حمولة ذكية تقوم بالزراعة الآلية والتصوير والتحليل عن طريق تقنيات NII و NDVI ومكافحة الآفات والتلقيح الصناعي للنخيل. تعتمد على كمبيوتر صغير و موتورات وكاميرات وحساسات وبرمجة خاصة تتحكم في كل المنظومة.
حاتم مفتكر إنو الموضوع هو الطائرة لكن ما فاهم إنو الموضوع ده متعلق بإبتكار تطبيقات يتم تنفيذها عن طريق الـDrone ، في سودانا البسيط ده شاهدت كذا مرة طلاب جامعات صنعوا طيارات وطارت وهبطت بسلام ، لا فلين ولا حاجة زي ما حاتم مفتكر ، المونيوم وخشب آخرهم خريجين ميكانيكا جامعة أمدرمان ، الإنترنت وفر معلومات كويسة في الطيران وغيرو ، الإنترنت ممكن يخليك تصنع لكن ما ممكن يخليك زول مبتكر ، على العموم التبخيس ده مرض نفسي عشان كده دعينا ليهو بالشفاء مع العلم هو كزميل منبر أي نجاح يحققو بيسعدني جداً ، الأسلوب الفوق ده مجرد رد بضاعة لا أكثر لكن يعلم الله قلبي ما فيهو حاجة تجاه الزول ده رغم قذارة الأسلوب الصادر منو في بعض الاحيان.
تأكد تماماً التبخيس ده لا بيسبب لي جرح ولا حاجة لأني عارف أنا بعمل في شنو.
الأستاذ الفاضل صلاح عباس فقير .. أشكرك على المداخلة ولك التحية
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
| Quote: لو افترضنا وجود كوكبين فقط الأرض والقمر |
تاني جاب سيرة البحر!!
إنت بتفترض ساي؟؟ مافي حاجة إسمها فضاء مطلق عشان تخت إفتراضك الوهمي ده ، في كمية من الأجرام السماوية عندها تأثير على أي حسابات بتعملها ، عشان كده قلت ليك قانونك بتاع الكوكبين ده في الفضاء ما بينفع ، ببساطة لأنو حساباتك حتكون غلط ، ده زي لما انت بتتهم ناسا بعدم الهبوط بمحرك صاروخي في الأرض في وجود غلاف جوي وهم ماشين يهبطوا على القمر في عدم وجود غلاف جوي بالتالي الحسابات حتكون غلط .. أفهم يا بشر
| Quote: لأن عجلة الجاذبية ثابت فإن القوة تمثلها الكتلة، عشان كدة بسموهو ثابت يا بجم |
ما هي دي مشكلتك ، شايل ليك قانون وعايز تطبقوا ساي كده في أي مكان ، تاني بتثبت لي إنك ما بتفهم في الفيزياء ، يا بشر عجلة الجاذبية دي ما ثابت عشان تطبقوا في الفضاء ، عجلة الجاذبية g دي بتتغير من مكان لآخر ، أول مرة في حياتي أسمع بي ثابت عجلة الجاذبية (العام أو الكوني) .. انت بتجيب الكلام ده من وين؟ يمكن قصدك عجلة الجاذبية (الأرضية) 9.8 م/ث2 .. ده بينفع تطبقوا في واطاة الله دي لكن في الفضاء ما بينجح مع العلم إنو في واطاة الله دي ما ثابت ، كمثال : خط الإستواء بسبب قوة الطرد المركزي ، عزبتنا بالشرح
في حاجة إسمها ثابت الجاذبية العام أو الكوني G أو Gravitational Constant وده حسب إفتراضات نيوتن ثابت ما بيتغير لو كان لي أجسام صغيرة أو حتى أجرام سماوية ، ده المشيت قريت عنو إنت وما فاهمو كويس ، وشرحنا ليك كلام نيوتن ده ما صاح لأنو دي إفتراضات ما صحيحة في وجود كمية من الاجرام السماوية التي لها تأثير مباشر ، يعني نيوتن كان فاهم انو ثابت الجذب العام ده هو البيجذب الأرض للشمس وقوة الطرد المركزية شغالة في الإتجاه المعاكس بالتالي الأرض بتنتظم حول الشمس في مدار معين وأنيشتاين أثبت إنو الكلام ده ما صحيح وبسطنا ليك الموضوع عشان تفهم برضو غلبك والمشكلة انك بعد ده بتكابر وتاني مشيت جبت العكاز بتاع نيوتن وبقيت تفلقنا بيهو ، يا باشمهندس نيوتن بشر يخطئ ويصيب شايفك بتقدس كلامو وكأنو منزل من السماء. الله يعينا على وجع القلب ده.
عشان كده يا بني آدم قلت ليك أمشي جيب لينا ثابت الجذب العام للمجموعة الشمسية (وباقي الكون عفيناك منو) ، إذا غلبك زي ما غلب نيوتن قبل كده فأنصحك تتجه للنسبية العامة لأنها المخرج الوحيد للموضوع ده وحا تفتح ليك آفاقك المقفلة دي وتمشي لي قدام.
| Quote: لقى مصطلح خمشو وجاء قال ناسا كمان أعدمت الجاذبية |
طبعاً حسب فهمك القاصر بتعتقد انو الناس عرفت المصطلحات دي او بدت تتعلم بعد البوست بتاعك ده (إنت صرحت بالكلام ده كتابة في هذا البوست) ، الصورة أدناه من مداخلة لي في سودانيز أونلاين سنة 2011 ، يعني قبل ما تجي انت المنبر ده كنت بعرف الـZero Gravity ، منذ الطفولة وبعد مشاهدتي لإنفجار مكوك الفضاء تشالنجر بدأت الإطلاع والبحث في الـAstronomy يعني ما راجيك انت تجي تعلمني
_____
ما تنسى تضيف لي ملخصاتك إنك قاعد تستخدم عجلة الجاذبية الأرضية في الفضاء
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
الباشمهندس محمد مختار
لدي ملاحظات بسيطة لعرضها عليك، فهل تسمح لي؟
أرى أن إقامتك طالت في موضوع "انعدام الجاذبية" بدون طائل، وليس لدي علاج لحالة الهستيريا هذه والله، اتوقعتها وأعرف ماذا يأتي بعدها.
بس كمان نحن ننتظر ردود من نوع آخر، نقاطك التسعة وعشرين مثلاً، أو الحداشر نقطة المبسطة مثلاً، هذا فقط للتذكير
فحاول تتعايش مع الخطأ مرة واحدة، لأن المذاكرة كل يوم ومحاولة إضافة مرافعة جديدة لتبرئة نفسك لن تثبت سوى العكس، كان يمكن أن تفيد لو جاءت مبكرة قليلاً، تاني يوم مثلاً، حتى الطعون عندها فترة محددة، ونأسف انها انتهت والحكم نزل في الغازيتة وصارت سابقة.
بالمناسبة، أنا حأتوقف عن ألفاظ السخرية لالتزامي للبعض هنا، ولأنها بتهيجك زيادة وأنا عايزك تواصل في المسار الأنا مخططو للبوست دا حتى لا تقيم للأبد هنا.
أعتقد واضح
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
نعيد المداخلة بى جاي ...
نبدا ليك بالجاذبية ... يا شاب يا جذاب ...
دا ما "ثابت"؟
يا حاتم تقطع وتواسي من راسك (بترقيق الراء) ... هسي القال ليك ثابت ومتغير منو؟
الجاذبية نسبية بالنسبة لكتلة الأجسام ... في الفضاء الخارجي كتلة الـ CSM اقرب للصفر بنسبة كتل الكواكب حولها ... بالتالي تأثير قوة الجاذبية فيها يكاد يؤول إلى صفر ... وبالتالي درجة الحفاظ على محصلة القوى في حركتها تكاد تؤول إلى ما لا نهاية ... وينطبق عليها قانون نيوتن الأول ... (يظل الجسم في حالته من "سكون" أو "حركة منتظمة في خط مستقيم" ما لم تؤثر عليه قوة) ... بواقى صاروخ "ساتيرن" الانت شايل حالو دا ... مشت لى جاذبية الشمس دوغري ... كم ألف سنة وحا يحرق ان شاء الله ...
المركبة الفضائية بتواصل في المسار بدون أي طاقة إضافية (ولو خلوها بتصبح في ام طرقًا عراض) ... لغاية ما يتم تعديل المسار عن طريق النفاثات باستخدام قانون نيوتن التالت ... (لكل فعل رد فعل مساوي له في المقدار ومضاد له في الإتجاه) ...
الكمبيوترات (الاتنين) المسؤولات عن مسار المركبة مؤهلات للقيام بالحساب وتنفيذ الأوامر والإستجابة لملاحة رواد الفضاء ... لو عندك نقد لى الكمبيوترات ... قولو بشكل علمي ...
لو عندك نقد للصاروخ والوقود والـ Payload ... قولو بى شكل علمي ..
لو عندك نقد للهبوط العمودي بالمحرك الصاروخي بتاع "إيقل" والنفاثات المعاهو والقواعد بتاعة التايتانيوم والتفلون والسيليكون الإنت قايلو غرا داك ... قولو بى شكل علمي ...
لو عندك نقد للبدلة بسبب اشعة قاما ... قولو بى شكل علمي ...
لو عندك نقد لى نظام الدروع بتاعة "إيقل" (الانت قايلها "كرتون") ... قولو بى شكل علمي ...
بعد جبنا ليك كل المعلومات عن التضريبات والمواد والدايناميات والتقنيات المستخدمة بالكامل ... الغلات وونسة الضللة وكل شوية تمرق لينا من الموضوع وهناي وصور بتاعة فيزيا بالعربي (كأن الأمة العربية تناطح الأمم في العلم وغزو الفضاء وليست أمة جاهلة تتغذى على الجهل وترفض العلم وترفض الإعتراف بالجهل وتتسوّق السامسونق جالكسي بالمليارات وتتحكم في سياساتها الدولية "داعش" من فرط الخمول الذهني ... قال فيزيا بالعربي قال ... انت قايل مشكلتنا مع "لغة الظاض"؟) ... دا كلّو ما بنفع ...
وتوزع لينا ألقاب وترص لينا جداول "محسن خالد" المرقتنا "شواطين" كلو كلو ... برضو ما بنفع ...
عندك كلام علمي يدحض مزاعم ناسا بالهبوط على سطح القمر ... تعال اكتبو هنا ...
كل الكلام الإنت كتبتو في السابق ... كلام فارغ ...
(والغريبة كلمناك من الأول )
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: تبارك شيخ الدين جبريل)
|
مرحب باشمهندس حاتم ..
حكاية إني أرد طوالي أو ارد بعد كم يوم دي بتعتمد على الوقت والأولوية يعني ما ممكن أخلي شغلي ومسئولياتي عشان أجي أرد عليك ، خليك من اني عندي التزام تجاه زملائي وتقريباً بنوم ساعتين فقط في اليوم ، خليك من الرد ، أقسم بالله العظيم مداخلتك الطويلة ديك ما كملت قرايتها من أول مرة ، قريت منها جزء ووقفت ، يا حاتم من أول مداخلة لي في البوست ده وضحت ظروفي قبل حتى ما أخش معاك في نقاشات. فا شنو أرحم نفسك من البتعمل فيهو ده وخلينا نركز في البوست.
مداخلتك الأخيرة برضو مليئة بعبارات السخرية لكن عشان قلت عايز تلتزم بالحوار بأسلوب جاد حا أعتبر ده مؤشر حسن نية وحا أتجاوز عنها (رغم إني عرضت عليك الموضوع ده قبل كده كذا مرة وإنت رفضت) لكن إدفع باللتي هي أحسن.
تجد مداخلتي القادمة هذه الليلة بإذن الله (حول حزام فان آلن) ستجدها خالية من أي عبارات ساخرة أو حتى وش أخدر.
للأسف وأنا أكتب المداخلة صباح اليوم فإذا بناس الكهرباء يعملوها كالعادة ، فقدت الكلام المكتوب لكن الآن ساكتب في ملف وورد تحسباً لأوضاعنا المجهجهة في السودان.
تحياتي
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
باشمهندس حاتم
سلام
التلفيق بتاعك جا ببساطة من إنّك عارف أنا بتكلم عن شنو؟
لكن رأيت للإنتصار للنفس إنك تأخد الكلام وتجي "تلفق" إني بنكر وجود هنغر في لانغلي
Quote: نحن قلنا ليك جيب صورة القمر وورينا واحد من الشهود الهسع واقفين في لانغلي ديل قال صورة القمر هي نفسها صورة لانغلي
|
دا مقتبس بقول ليك فيه بوضوح إنك جيب شهود يقولوا إنّه الصور النشرتها ناسا وقالت الصور دي منقولة من القمر نفسه، هي في الحقيقة
تمّ تصويرها في الهنغر بتاع "لانغلي"
وعشان ما نلجأ لنفس التلفيق بتاعك
أنا حأجيب ليك النقطة الأنا رديت فيها عليك
إنت قلت الآتي
Quote: السيارة القمرية دي في الحقيقة مصورة داخل هنغر، وقوانين الفيزياء البتتكلم عنها دي هي في الحقيقة قوانين الجاذبية
(الأرضية) في لانغلي تحديداً زائد البيئة داخل الهنغر.
|
يعني إنت جيت وقلت بالفم المليان، إنه السيارة القمرية دي تمّ تصويرها في لانغلي وعرضها على الجمهور على أن ما يشاهدونه هو القمر وليس "هنغر لانغلي"
تساؤلنا كان بسيط جديداًن لأنه المبدأ القانوني بيقول الآتي:
البينة على من ادعى.
ولحدي هسع برضه بنسالك نفس السؤال:
دليلك شنو إنه التصوير بتاع (تلفيق هبوط القمر) تمّ في "الهنغر بتاع لانغلي"
وردي الأصلي يا هوندا
Quote: سؤال بسيط
دليلك شنو إنه الكلام دا ما هنغر في "لويزيانا مثلاً" او في "فلوريدا"، ليه في هنغر وفي "لانغلي تحديداً"
يعني أدلتك شنو وشهودك منو، إنه الكلام دا تمّ في هنغر وفي لانغلي؟
وأنا شخصياً لة جبت لي دليل على وجود الهنغر دا وفي ذلك الزمان وفي شهود شافوا المووضوع دا حأصدق روايتك واكذب رواية ناسا دون أي تردد. |
يعني هسع يا حاتم داير تقعنني إنك لمن قريت الكلام دا فهمت إني ناكر وجود هنغر في لانغلي.
النقطة المردود عليه لم تكن بأي حال من الأحوال تتكلم عن وجود هنغر من عدمه
النقطة تتكلم عن "تصوير تمّ داخل هنغر"
إنت جيت وجبت فرضية، سؤالنا ببساطة بغض النظر عن اسم المكان، وين الدليل إنه التصوير دا تمّ هناك؟
طيب بصورة مجردة جداً وواضحة جداً نصيغ السؤال كالآتي:
دليلك شنو إنه هبوط القمر تمّ تصويره على الأرض؟
لأنه ناس نظرية المؤامرة عندهم ملاحظات بموجبها قالوا الفرضية دي؟
هل عندك عليها إضافة ولا متبني نفس النظرية.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
Quote: وأنا شخصياً لة جبت لي دليل على وجود الهنغر دا وفي ذلك الزمان وفي شهود شافوا المووضوع دا حأصدق روايتك واكذب رواية ناسا دون أي تردد
|
باشمهندس حاتم
طيب نمشي معاك في نظريتك
يبقى سؤالي مشروع، إنت ليه أخدت نص الكلام وخليت النص التاني؟
أها نفترض على حسب (رسم الكلام)، أنا طلبت منك دليل على وجود هنغر لانغلي وإنه في شهود شافوا الموضوع دا (موضوع التصوير مثار النقاش)، ليه إنت
خليت السؤال وشلت جزء منه؟
وهل أفهم من كلامك إنه دليلك على التصوير إنه "في هنغر في لانغلي" فمعناه بالضرورة أن وجود الهنغر يعني وجود تصوير للهبوط على القمر؟
هذا ما قصدته بتلفيقك للكلام وبتره من سياقه وعرضه مجزوء، وأنا احتجاجي أنك عرضته كجزء من النقاش.
وقع ليك ليه أنا اتهمتك بالتلفيق
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: الصادق اسماعيل)
|
شكراً جزيلاً باشمهندس محمد عبد الله مختار،
على ما أعتقد مداخلة علمية في الصميم،
وخالية من الشوائب!
الواحد لما يوجه كلّ قواه النفسية نحو الفكرة نفسها،
بكون الناتج بالتأكيد حاجة متكاملة!
ولا ريب أنّا موعودون من الباشمهندس حاتم
بمثلها أو بما هو أروع منها!
جمعة مباركة للجميع!
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: صلاح عباس فقير)
|
شكراً جزيلاً أستاذ صلاح عباس فقير ..
إضافة بسيطة للموضوع ، السنة الفاتت تم الإعلان عن إكتشاف حزام ثالث (بين الحزامين) ظهر في سبتمبر 2012 وإستمر لمدة شهر ثم اختفى تدريجياً ، كذلك تم التوضيح أن الحزام القريب من الأرض وهو الأكثر خطورة يقترب جداً من الأرض عند حدوث الرياح الشمسية لدرجة أن المحطة الفضائية الدولية بتكون جواهو ، بالتالي ده بيحسم قصة إنو مجرد التعرض لحزام فان آلن يؤدي للموت المباشر ، رواد المحطة الفضائية يقضون فترات طويلة أحيانا ً تصل لستة أشهر كاملة بالتالي بيتعرضوا لإشعاعات أكتر بمراحل من الإتعرضوا ليها رواد مركبات أبوللو ..
الحزام الثالث يحتوي على جسيمات الإلكترونات المشحونة بالطاقة والمتحركة بسرعات تقارب سرعة الضوء ، الصورة أدناه توضح الحزام الثالث (باللون الأحمر).
الفيديو التالي بيشرح الإكتشاف والعلماء بيتكلموا عن حركة الحزام وتغيير الشكل العام ليهو وانو بيوصل أثناء الرياح الشمسية لغاية المحطة الفضائية الدولية (الجزء الأقرب للأرض هو الأخطر لإحتوائه على البروتونات عالية الطاقة) .. أرجو أن يقوم باشمهندس حاتم بتأكيد أو نفي صحة هذا الإدعاء ، تأكيد هذا الامر ينفي استحالة سفر رواد أبوللو الى القمر عبر حزام فان آلن ، النفي يحتاج الى ردود علمية ذات منهج واضح وصحيح.
تفاصيل أوفى عن الحزام الثالث في الرابط التالي :
http://scitechdaily.com/scientists-explain-formation-unusual-third-van-allen-radiation-ring/http://scitechdaily.com/scientists-explain-formation-unusual...llen-radiation-ring/
فيديوهات من أصحاب الشأن حول مسابير فان آلن التي تقوم بمسح حزام فان آلن حالياً وترسل معلومات بالغة الأهمية للعلماء لدراستها وتحليلها :
http://www.youtube.com/user/RBStormProbes/videoshttp://www.youtube.com/user/RBStormProbes/videos
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
الصادق
أهو كلامك بالفقرة كلها، انت سألت سؤالين واعقبتهم بطلب
Quote:
دليلك شنو إنه الكلام دا ما هنغر في "لويزيانا مثلاً" او في "فلوريدا"، ليه في هنغر وفي "لانغلي تحديداً"
يعني أدلتك شنو وشهودك منو، إنه الكلام دا تمّ في هنغر وفي لانغلي؟
وأنا شخصياً لة جبت لي دليل على وجود الهنغر دا وفي ذلك الزمان وفي شهود شافوا المووضوع دا حأصدق روايتك واكذب رواية ناسا دون أي تردد.
|
Quote:
يبقى سؤالي مشروع، إنت ليه أخدت نص الكلام وخليت النص التاني؟
+++
خليت السؤال وشلت جزء منه؟
+++
وهل أفهم من كلامك إنه دليلك على التصوير إنه "في هنغر في لانغلي" فمعناه بالضرورة أن وجود الهنغر يعني وجود تصوير للهبوط على القمر؟
|
أخدت الجزء الأخير لأنو "طلب" مش سؤال، الطلب ما نصف السؤال يالصادق، السؤال يرد عنه وهو ما حدث بالفعل في صفحة 7. وصفحة 10
خليت السؤال برة لأني أقدر أجاوب عليهو ولأنو "سؤال" شلت جزء الطلب وضعتو في جزء الطلبات من الملخص إلى حين أجد القدرة على تلبيته، إن شاء الله
بالتأكيد معظم الصور المنشورة عن الهبوط المفترض على القمر تم التقاطها في هنغر لانغلي.
____
أنا أفهم التلفيق على أنو تبديل نص كلامك أو محاولة تفسيره على قصد قائله، نقلت في الملخص النص باخطاءه، وفسرته بما يمكن أن يفعله أي شخص آخر.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
على ما أعتقد مداخلة علمية في الصميم،
وخالية من الشوائب!
الواحد لما يوجه كلّ قواه النفسية نحو الفكرة نفسها،
بكون الناتج بالتأكيد حاجة متكاملة!
|
صحيح
وكعادتي أعطي الأخ محمد مختار 48 ساعة لإتمام أية معلومات أو تصحيح ما فيها إن وجب ذلك، هذا حق
وتتواصل ردودي على البقية أو اية أنشطة أخرى في البوست
وأتمنى كذلك معرفة مصير النقاط الحداشر.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
| Quote: وأتمنى كذلك معرفة مصير النقاط الحداشر. |
كل النقاط سيتم الرد عليها بإذن الله متى ما تيسر ، أركز حالياً على المواضيع الرئيسية كما هو موضح أدناه :
- البدلة الفضائية (فيها جزء متعلق بالإشعاع عشان كده أنسب إنها تكون الرد الجايي - حألحق معاها بإذن الله الإشعاعات على سطح القمر).
- محرك الهبوط الصاروخي للمركبة القمرية Lunar Module
- كمبيوتر معهد الـMIT المستخدم في مركبات أبوللو ، الكمبيوتر ده تحديداً لازم نناقشو من (الملف) لغاية (البرمجة) وحيكون موضوع طويل جداً ومفصل بدقة بحكم إنو تخصصنا هندسة كمبيوتر ، لو حبيت نتناقش فيهو هنا مرحب لو عايزو في بوست منفصل مرحبتين.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
Quote:
كل النقاط سيتم الرد عليها بإذن الله متى ما تيسر ، أركز حالياً على المواضيع الرئيسية كما هو موضح أدناه :
|
طيب
كويس إنك بديت تعدل لكن برضو حاول تضيف حسابات، كلامك دا عام جداً، وأحب أذكرك من هنا أسلوبي حيختلف، حيكون كلام متخصص وبعيد عن التبسيط
حأكرر الكلام مبسط للمتابعين بس بعد ما ترد أنت عليهو.
طلب أخير: رجاء في ردودك حاول وضع نصوص إنجليزية أو إذا قمت بترجمة مصطلحات علمية أن تضع المصطلح بلغته الأصلية
دا كلو عشان نتجنب حكاية (أنا كنت قاصد) فمن حقك تعدل قبل ما أرد.
----------
حأرد في خلال يوم ونصف على الأرجح، إن شاء الله
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
منتظر ردك على الكلام العام بي كلام عام زيو أو متخصص أكتر منو بعد داك بجي برد عليك بإذن الله.
أنا تخصصي هندسة كمبيوتر وده الموضوع المنتظرك تجي تثبت انو كمبيوتر الـMIT كان لعبة ، اقسم بالله لو اقعد أصنع الكمبيوتر ده من الزيرو ما بخليك والتفاصيل العايزه دي نناقشه ان شاء الله نقعد سنة كاملة في الموضوع ده ، الأشعة دي ما تخصصي ووضحت امكانياتي فيها قبل كده لكن انت تعال ورينا انك أفهم من العلماء القالوا (حزام فان آلن بيتمدد وبيوصل لغاية المحطة الفضائية الدولية) .. دي النقطة الرئيسية في الموضوع ده ، حاول تركز فيها وتطلع لينا العلماء ديل يا كضابين يا جاهلين .. منتظرنك بي فارغ الصبر
جدولك الأخير ده رجعت فيهو تاني لي أسلوب السخرية ، بس قبل ما أنسى عليك الله ضيف لي جدولك ده إنك بتستخدم عجلة الجاذبية الأرضية كثابت كوني ..
قلت أذكرك احتمال تكون نسيت! ما عندي تعديل في حاجة تاني نزل ردك طوالي لو جاهز ..
موضوع المصطلحات الإنجليزية في جزء منها مكتوب ، ممكن تسألني لو في حاجة ما واضحة ليك أجي أوريك أنا قاصد شنو قبل ما ترد علي عشان الأمور تكون واضحة ، عشان ما تجي تعمل حفلة زي انعدام الجاذبية وفي النهاية وضح إنك عايز تستخدم عجلة الجاذبية الأرضية في الحسابات الكونية .
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
يا العضو تبارك
بدل ما تجهد نفسك هنا أنا أديك مهمة مفيدة لأنو البوست دا من فوائده إنو طلع ناس زيك بنفس أفكارك العرضتها هنا، فيا ريت تورينا من وين انت جبتها عشان الناس ما تقع في نفس الخطأ، انت ما صغير ولا أمي فخلينا نحاول نسترشد بالنموذج بتاعك في النقاط التالية:
1- ما الذي شجعك على البدء بالاساءة لي في أول صفحة في هذا البوست ثم فشلت في التبرير حتى وجدت (فيما بعد) ما تعتقد بأنه يبرر اساءتك، مع تأكيد ذلك من الأقدمين في المنبر لمعرفتهم بك؟
2- وضح لينا ليه كنت بتفتكر إنو التلسكوبات قادرة على الرؤية بالدقة دي لأجسام بحجم غرفة على بعد 400،000 كيلومتر؟
3- لماذا أخفيت الحقيقة عندما عرفتها من مصدرك الموثوق الذي أتيت به هنا للتدليل على قدرات التلسكوب في مشاهدة مخلفات أبولو المفترضة على القمر؟
4- ليه عندك قابلية لتصديق أي صورة حتى وإن كانت غير متعلقة بناسا؟
5- ليه كنت بتعتقد إنو الجاذبية تغيب في الفضاء؟
6- ليه كنت بتتخيل إنو الانسان في الفراغ ممكن ينفجر ويتشتت لذرات؟
7- من وين تحصلت على أول معلومة متعلقة بأن أمريكا هبطت على القمر عام 1969؟
8- لماذا تصر على الاقتباس لمعادلات والإفاضة فيها وإيراد حقائق ثبت منذ البداية أن لا علم لك بها أو حتى بمدلولاتها وتطبيقاتها؟
9- ليه بتفترض أي كلام يخالف تصوراتك المبدأية الفوق دي "كلام فارغ"؟
10- لماذا تصر على إقحام نفسك في موضوع ثبت للجميع هنا عدم أهليتك للنقاش فيه سواء من ناحية عدم إطلاعك الأولي أو قدراتك على التحليل العلمي المتزن أو حتى مجرد النقل الصحيح للحقائق؟
ما الغرض أقلب عليك المواجع بس محاولة تتبع الأسباب حيوصلنا لنتائج كويسة، مش جايز عندنا مشكلة في نظام تدريس العلوم؟
أو جايز عندنا مشكلة نفسية في تصديق أفلام الخيال العلمي؟ أو حتى تربية الأطفال على السلوك الصحيح في المخاطبة والنقاش؟
أرجو تعاونك معانا بدون حساسية، وأن ترد على نفسك قبل وضع المداخلة هنا، في النهاية هذا آخر رد على مداخلاتك فأنا لم أجد ولا أجد أي مبرر للرد عليها فكلها غير ذات معنى وشعار المنتديات واضح:
Don't feed the troll
ولكني تجاهلته، للأسف.
-------------
Quote:
يمكنك أن تستعين بنبي الله يحي بن زكريا في هذا الشأن ... |
يمكن الاستعانة بالملخص ورأي المتداخلين والمتابعين في أدائك هنا.
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
| Quote: 1- ما الذي شجعك على البدء بالاساءة لي في أول صفحة في هذا البوست ثم فشلت في التبرير حتى وجدت (فيما بعد) ما تعتقد بأنه يبرر اساءتك، مع تأكيد ذلك من الأقدمين في المنبر لمعرفتهم بك؟ |
المعلومة بها ثلاث اخطاء:
1- لا يوجد ما "يشجعني" للإساءة لك أو لأي شخص آخر ...
2- لم أفشل في تبرير شيء لا يحتاج لتبرير أو شفاعة أقدمين ... فالأقدمين يعرفون أنني لا اسيء الأعضاء ..
3- لم ابدأ - أو أتوقف في المنتصف - أو أنتهي بالإساءة أساسًا ... وكلامك الفارغ يظل "كلام فارغ" ...
| Quote: 2- وضح لينا ليه كنت بتفتكر إنو التلسكوبات قادرة على الرؤية بالدقة دي لأجسام بحجم غرفة على بعد 400،000 كيلومتر؟ |
يا ابني انا درست نظريات الضوء Optics سنة 1985 ... لا يمكن أن "أفتكر" مثل هذا "الإفتكار" (ولامؤاخذة) ... لأنو - زي ما قلت ليك - صورة دقيقة لسطح القمر تحتاج لعدسة قطرها 200 متر من الكريستال الصافي ... وسبب إيرادي للتليسكوب - زي ما قلت ليك - هو حسم مراوغاتك من الإجابة على اسئلة الصادق اسماعيل ... ومقارناتك لصور قوقل ايرث مع صور المسبار القمري (وطنقعات أخرى - امشي قول اساءني تاني) ...
| Quote: 3- لماذا أخفيت الحقيقة عندما عرفتها من مصدرك الموثوق الذي أتيت به هنا للتدليل على قدرات التلسكوب في مشاهدة مخلفات أبولو المفترضة على القمر؟ |
يا ابني حقيقة شنو البخفيها ... انا ختيت سؤالك (بى صياغتك) في الـ Q&A بتاع نقطة المبيعات ... وزول اشتغل بي وجاوب مافي (غالبًا بسبب غباء السؤال) ... وكنت داير زول يجاوب عشان اجي امتّع القراء بالإجابة ... لاكين انا زول محترم ... ما براسل "ميكي" أو "فيكي" بى جنس الكلام الفارغ دا ... هو أنا جايبو ليك انت عشان انت تقيف في واقع إنو إثبات انو ناسا لم تهبط على القمر من خارج المجتمع العلمي العالمي يعني تليسكوب بقطر 200 متر أو صاروخ بحجم ساتيرن ... غير كدا الموضوع بتاع إنكار هبوط ناسا على القمر بيكون "كلام فارغ" ...
| Quote: 4- ليه عندك قابلية لتصديق أي صورة حتى وإن كانت غير متعلقة بناسا؟ |
انا ما فاهم إنت جبت الإنطباع دا عني من وين ... لاكين للإحتياط ... تقول الحكمة: "لا تصدّق كل ما تسمع ونصف ما ترى" ...
| Quote: 5- ليه كنت بتعتقد إنو الجاذبية تغيب في الفضاء؟ |
لأن الجاذبية من خواص المادة ... ويتناسب حضور الجاذبية طرديًا مع كتلة المادة ... وفي الفراغ في الفضاء الخارجي تكاد كتلة المادة أن تؤول إلى صفر ... وبالتالي يكاد حضور الجاذبية أن يؤول إلى صفر في الأجسام الصغيرة نسبيًا ... يعني حالة غياب للجاذبية ... بعكس الأجرام السماوية والأجسام ذات الكتلة المعتبرة نسبيًا ... فهي تسير في أفلاك تتأثر في خطها مع جاذبية الأجرام المتاخمة لها ...
| Quote: 6- ليه كنت بتتخيل إنو الانسان في الفراغ ممكن ينفجر ويتشتت لذرات؟ |
لأنو بيكون في إنسان تاني بيكتب نيابةً عنو :)
يا حاتم ما ممكن تقوّلني كلام انت ما فهمتو ... انا قلت "السوائل" في الجسم تتمدد ... و "الغازات" تتشتت لذرات ... مافي زول جاب سيرة "إنفجار" إنسان (لا سمح الله) ...
| Quote: 7- من وين تحصلت على أول معلومة متعلقة بأن أمريكا هبطت على القمر عام 1969؟ |
من الوالد (عليه رحمة الله) ... غالبًا سنة 1971 ...
| Quote: 8- لماذا تصر على الاقتباس لمعادلات والإفاضة فيها وإيراد حقائق ثبت منذ البداية أن لا علم لك بها أو حتى بمدلولاتها وتطبيقاتها؟ |
اكون ما حاضر لامن "ثبت أن لا علم لي بها" ....
| Quote: 9- ليه بتفترض أي كلام يخالف تصوراتك المبدأية الفوق دي "كلام فارغ"؟ |
غالبًا ... لأنو تصوراتي مبنية على علم معقلن ... ولأنو "الكلام الفارغ" في الضفة الأخرى ما غريب عليّ ... ولأنو اصحاب "الكلام الفارغ" فشلوا عبر التاريخ في الإتيان بنوع من أنواع "الكلام المليان" ... كالبراهين العلمية أو المعادلات المحكمة أو المعطيات المثبتة معمليًا ...
| Quote: 10- لماذا تصر على إقحام نفسك في موضوع ثبت للجميع هنا عدم أهليتك للنقاش فيه سواء من ناحية عدم إطلاعك الأولي أو قدراتك على التحليل العلمي المتزن أو حتى مجرد النقل الصحيح للحقائق؟ |
لأنو "الجميع" ما أصدروا لي "شهادة عدم تأهيل" امشي اقدّم بيها لى إعانة من "الشؤون الإجتماعية" ...
فلو سمحت يا عزيزي الدكتور الباشمهندس "الجميع" حاتم ابراهيم ... اديني "شهادتي" خليني اتفك ليك من رقبتك
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: تبارك شيخ الدين جبريل)
|
اقتباس :
لأنو "الجميع" ما أصدروا لي "شهادة عدم تأهيل" امشي اقدّم بيها لى إعانة من "الشؤون الإجتماعية" ...
فلو سمحت يا عزيزي الدكتور الباشمهندس "الجميع" حاتم ابراهيم ... اديني "شهادتي" خليني اتفك ليك من رقبتك
-----سلام تبارك داب عرفت حاتم ، اخوك اشترى روحة او بالاحرى (صوفوا ) من الصفحات الاولى ...
بعدين حاتم ماخد الموضوع تحدى مع نفسة ، تعرف من استخدامة لكلمة "ترول " توقفت عن المتابعة .
المهم اتمنى ان يتوقف البوست عند خمس عشرون !!!!!!!!!!!!!
----
والتحية خاصة هنا م .حاتم لإصرار والعمل الجبار فى الجداول والتفاصل والتى قيل فيها ( الشيطان فى التفاصيل )
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: مصعب عجاج)
|
| Quote: للضمان كده استخدم ساتر |
يا ساتر !!!
لاكين ساتر من شنو بالضبط؟
يا زول قلّما تجد شرح للجاذبية بالطريقة دي باللغة العربية ... انت قايلني بلعب ولّ شنو؟
هسي شوف ويكيبيديا بالعربي قالت شنو:
Quote: تعتبر قوة الجاذبية في الميكانيكا الكلاسيكية قوة مباشرة بعيدة المدى بمعنى أن هذه القوة تستطيع التأثير عن بعد بدون واسطة ويتم تأثيرها بشكل لحظي فأي تغير في موقع أحد الجسمين يرافقه تحول لحظي في الجاذبية بينه وبين الجسم الآخر، ولكي يفسر اسحاق نيوتن هذه الخاصية عمد إلى تعريف حقل جاذبية كوني موجود في كل نقطة من الفضاء. هذا الحقل هو حقل إتجاهي يعبر عنه بمتجه في كل نقطة ويمثل قوة الجاذبية التي تتعرض لها وحدة الكتل عندما توضع في هذه النقطة.
تنص نظرية النسبية العامة لآينشتاين على أن وجود أي شكل من أشكال المادة أو الطاقة أو العزم يحدث انحناء في الزمكان، وبسبب هذا الانحناء فان المسارات التي تسلكها الأجسام في الأطر المرجعية القصورية يمكن أن تنحرف أو تغير اتجاهها ضمن الزمن. وهذا الانحراف يظهر لنا على أنه تسارع نحو الأجسام الكبيرة وعرفه نيوتن بأنه ثقالة أو جاذبية. وبالتالي فان النسبية العامة ترى تسارع الجاذبية أو السقوط الحر بأنه حركة قصورية فعليا (منتظمة) في حين أن المراقب هو من يتحرك حركة متسارعة، وهذا ما يعرف ب مبدأ التكافؤ. |
اعتقد أن هنالك ركاكة في الصياغة اللغوية وفي اجتراح المصطلحات بالعربي ...
عمومًا ... يا ساتر ...
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: تبارك شيخ الدين جبريل)
|
| Quote: لكن برضو حاول تضيف حسابات |
مافي مشكلة ، دي حسابات لسرعة المركبة والمناطق البتقطعها في حزام فان آلن والإشعاعات البيتعرضوا ليها رواد الفضاء وتمتصاها أجسامهم (الجرعات زي ما بيقولوا) ، وبالإنجليزي يا حاتم ، قصرنا معاك؟
ممكن تقارنها مع الصور الموجودة مسبقاً لمسار مركبات أبوللو في رحلتها الى القمر
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
| Quote: انا شغال في مشروع من قبل سنة تقريباً لعمل خارطة إشعاعية Radiation Map للسودان بالتعاون مع منظمة يابانية إسمها Safecast ومعاي متطوعين بنجمع الأجهزة وبنعمل ليها الكونفقريشن وبنشتغل وبنرفع الداتا في السيرفر ، ده موقع المنظمة : safecast.org ، وده نموذج لي أكتر من 2600 نقطة بيانات إشعاعية قمنا بتنفيذها في إحدى الرحلات : api.safecast.org/en-US/bgeigie_imports/13700 وعلى فكرة درست كورسات متخصصة في الإشعاعات وجاييك برواقة بإذن الله. |
| Quote: الزول ده فاكيها في روحو شديد واتجاوز حدودو كذا مرة ومشيتها ليهو لكن زودها شديد عشان كده لازم نديهو من نفس الجرعات الظريفة دي |
| Quote: الرد الجايي بإذن الله حيكون عن حزام فان آلن |
| Quote: ياخي .. خوفتني شديدأسبوع كتيرة شديد واعمل البريحك .. أنت ما بتفرض علي أكتب بي ياتو طريقة أنا بعمل الحاجة البتريحني بس.الموضوع الجايي بإذن الله عن حزام فان آلن |
| Quote: في سؤال سألتك ليهو زي عشرين مرة كده ومنتظر إجابتك بعد داك بالتأكيد بنخش في فان آلن إن شاء الله .. |
| Quote: أدعي ربنا كتير إني أكون مشغول لأنو الجايي تقيل جداً ، قلت لي عايز تختم البوست!! |
| Quote: تابع الرد صباح الغد إن شاء الله عشان تعرف انو الله واحد .. |
| Quote: صباح الغد بإذن الله الرد حيكون جاهز بخصوص حزام فان آلن .. |
| Quote: لكن حاتم لو قدر ليهو يقابل جيمس آلن وقال ليهو الكلام الفوق ده كان غالطو في كلامو ده .. والله جد |
| Quote: تجد مداخلتي القادمة هذه الليلة بإذن الله (حول حزام فان آلن) |
| Quote: الخلاصة : أنا ما متخصص في المجال ده يادوبك درست فيهو كورس واحد مع شوية معلومات من واقع عملنا في الرصد الإشعاعي مع اليابانيين بالإضافة للإنترنت |
| Quote: في البورد ده في (مختصين) و (خبراء) في هذا المجال بعرف منهم فقط دكتور عثمان دنقس اختصاصي العلاج بالأشعة في الولايات المتحدة يا ريت يجوا ينورونا اذا كان الكلام الفوق ده علمي وهل فعلياً يمكن تخطي حزام فان آلن أم أن الامر من سابع المستحيلات؟ |
| Quote: الأشعة دي ما تخصصي ووضحت امكانياتي فيها قبل كده |
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
| Quote: تابع الرد صباح الغد إن شاء الله عشان تعرف انو الله واحد .. |
المداخلة دي نفذتها يا حبيبنا .. ولي هسي بي سببها انت جبت ليك خطرفات في الفيزياء زي (ثابت عجلة الجاذبية الأرضية الكوني) .. حاشر المداخلة دي مالك هنا ؟؟
عشان تفهم يا بشر ، المتخصص ده على الأقل بيكون درس كم سنة في مجال محدد ، لكن لعلمك قدر الدرستو والإشتغلتو في مشروع الرصد الإشعاعي قطعاً بيخليني أفهم في المجال ده أكتر منك انت البتمشي تلقط من النت وتجيب ..
لكن دقيقة أنا انتبهت في حاجة فايته علي والله .. هو انت في زول بيفهم أكتر منك ؟؟ مستحيل .. هو في زول حتى لو كان متخصص بيفهم في مجالو أكتر منك ؟؟ سابع المستحيلات
ما ياهو ده انت غالطت الزول بتاع الفيروسات داك وقلت عايز تناقشو في تخصصو بتاع الأحياء الدقيقة داك ، ياخ الموصلي زاتو مشيت غالطتو في شغلتو وطلعتو ما فاهم حاجة أجي أنا أغالطك
على العموم موضوع حزام فان آلن ردينا عليهو .. يعني أوفيت بي وعدي .. أي خدمات أخرى ولا نشوف البعدو ؟؟
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: محمد عبدالله مختار)
|
Quote: لكن دقيقة أنا انتبهت في حاجة فايته علي والله .. هو انت في زول بيفهم أكتر منك ؟؟ مستحيل .. هو في زول حتى لو كان متخصص بيفهم في مجالو أكتر منك ؟؟ سابع المستحيلات
ما ياهو ده انت غالطت الزول بتاع الفيروسات داك وقلت عايز تناقشو في تخصصو بتاع الأحياء الدقيقة داك ، ياخ الموصلي زاتو مشيت غالطتو في شغلتو وطلعتو ما فاهم حاجة أجي أنا أغالطك |
طق طقو (دي من كلمات التكرار اللفظي في العامية يا عون الشريف قاسم )
... المهم ...
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
صفحة 6 ... الراجل قال ما عندي منطق لزعم انو كلامك "كلام فارغ" ... وجاب سيرة تجربة القرود الشهيرة (لأنو القرد السادس بيدق وهو ما اترشّ ) ... لاكين مافي زول قال انا اسأت ليك ...
صفحة 9 ... جبنا ليك صور صفحتين ابيت تقتنع انو دي مخلفات ابولو 11 ... قلنا نوصف ليك تمشي تصوّر براك
صفحة 9 و12 و13 ... انت رافض الصور لانك ما هندي؟
صفحة 17 ...
First law: When viewed in an inertial reference frame, an object either remains at rest or continues to move at a constant velocity, unless acted upon by an external force.
صفحة 5 و 9 و 11 و 17 و 19 و 20 و 25 ... انا أول مرة اسمع بى "الهبوط العمودي بصاروخ" في هذا البوست ...
ما كونو الكبسولة عندها محرك صاروخي معناها "هبوط عمودي بصاروخ" ... ناسا ما تابعة للسيرك ... المحرك الصاروخي لا يختلف كثيرًا عن النفاثات الجانبية ... ما شحنة بارود بتاعة ألعاب نارية ...
وآخر قولي ميييييثلما قولتو آآوالان ...
انا اقول ليك طريقة بشعة كيف ...
مع ثقب الخوذة أو البدلة ... ستتبدد كل سوائل الجسد (تتبدد دي مخصوصة لأنو ستتمدد بفرق الضغط الجوي إلى ما يقارب صفر "بار" بحيث تتحول لحظيًا إلى ذرات مشتتة في الفراغ) ... سيتحوّل الجسد لمواد صلبة فقط مما يسبب نحول فجائي ... وغالبًا أن ما يثقب البدلة أو الخوذة سيكون قادر على ثقب الجسد ... لن يكون هنالك نزيف لأن الدم سيتبدد بسرعة أكبر بكثير من سرعة الدورة الموية ... ستتبدد سوائل العيون ومخاض الجيوب الأنفية واللعاب مما يجعل الملامح اشبه بالمومياء ... وبالتأكيد ستفقد البشرة لونها مع الجفاف الفجائي ...
سيكون موت بطريقة بشعة ... لا تسمح ببرهة لصرخة ألم ...
... المهم ....
| |
|
|
|
|
|
|
|
|
|
Re: خبايا مشروع أبولو وخدعة الوصول للقمر (Re: حاتم إبراهيم)
|
uniform motion دي ترجمتك انت؟ ولاّ ترجمة قوقل؟
لأنو "حركة منتظمة" دي ترجمة كتاب الفيزيا بى العربي الله لا تاجرو
regular motion = motion at constant velocity ... يا حبيب ...
constant velocity براها بيسموها "عجلة ثابتة" ...
... المهم ...
| |
|
|
|
|
|
|
| |
حاتم إبراهيم
محمد عبدالله مختار
الصادق اسماعيل
Hafiz Bashir
سيف النصر محي الدين
تبارك شيخ الدين جبريل
Munir
محمد الأمين موسى
هاشم احمد ادم
mohmed khalail
مصعب عجاج
فيس بوك
تويتر
انستقرام
يوتيوب
بنتيريست