|
Re: ## خيمة صلاح غريبة الرمضانية ## (Re: محمد عمر الفكي)
|
Quote: لولانا لما سمع احد بسعادته |
شوف هوان دا جاى يسوى راسو براس معالى الخبير الخبير الذى تعرفه الخيل والليل والبيدا الخبر الذى سمع بكلماته من به صصم الخبير الذى ملأ المنبر وشغل الناس جاى تقول قدشملك بتحياته صج ماعنك سالفة او بالسودانى على الطلاق ماعندك كلام يامدام حليفة الطلاق دى للشرح عشان البطحانى المتسلبط دا يفهم ويقيف عند حدو وانا على الوعد تانى مابحلف بطلاق بس دى فوتيها لى عشان الشرح وكدا امس قالت لى انت لمن تكون مع صحباتك واصحابك اللبنانين بتحلف بطلاق قلت احلف بطلاق انت قيلانى متخلف زى محمد عمر الفكى هههههههههههههه
| |
|
|
|
|
|
|
Re: ## خيمة صلاح غريبة الرمضانية ## (Re: بدر الدين الأمير)
|
يا سلام البوست بقى رائع جداً .. بدخول الامير كمان الحكاية بقت تمام .. مداخلات خفيفة على المعدة وخاصة مع الصيام .. كده زي مسرح كوميدي لا يمل .. نحن نقرا فقط .. لأننا من غير الناطقين .. عشان كده لا نجيد فن الكوميديا بالعامية .. تحياتي ليكم .. زمان كان بوست غريبة كله شتائم والفاظ نابية .. اليوم اصبح جذاب .. الواحد يبدأ يومه ببوست غريبة .. الامير ، الفكي ، جمال .. واصلوا لكم التحية .. لقد اثبتم ان الكوميديا هي العلاج الناجع للحالات المستعصية ..
| |
|
|
|
|
|
|
Re: ## خيمة صلاح غريبة الرمضانية ## (Re: بدر الدين الأمير)
|
Quote: هذه التحية لاتشمل جمال وودالفكى وودالمدير |
التحية دى للعوام ولكن الخواص من أمثالنا يكاد لا يمر يوم دون إتصال
من الخبير يسأل عن الأحوال العامة والخاصة ويطمئن على الأوضاع فى
الخيمة والمرصد وقد كنا على إتصال عبر الإسكايب قبل الإفطار بقليل
وسألنى عن الجميع دون فرز وطلب منى أن أُقريكم السلام جميعا وحذرنى
من بعض الذين يحاولون الاصطياد فى المويه العكرانة وأوضحت له اننا
على علم تام بمخططاتهم ومؤامراتهم الدنيئة فشكرنى واشاد بما ابذله من جهود
و بشرنى انه سيزور الخيمة فى القريب العاجل .
| |
|
|
|
|
|
|
Re: ## خيمة صلاح غريبة الرمضانية ## (Re: بدر الدين الأمير)
|
Quote: هذه التحية لاتشمل جمال وودالفكى وودالمدير |
ها هي تباشير الفرح قد هلّت وصارت قاب قوسين أو أدنى، وهاهو الأمل الذي إنتظرناه طويلاً يتحقق. ظلننا منذ أمد بعيد نطالب الخبير بمنح الأمير دبورتين ونجمة وسيف ومقص وملعقة، واخيراً في إتصال مباشر من اللِبيض أخبرني انه سيقوم بهذا التتويج ذات نفسه عند عودته.
حقيقة التحية تشملنا، لكن المقصود بها العامة، فمتابعتنا مع الخبير كانت علي مدآر الساعة. بالمناسبة يا الأمير، النائب الأوّل بيسلم عليك...
| |
|
|
|
|
|
|
. (Re: صلاح غريبة)
|
*مشاهدات من رحلة بارا* # الاتوبيس السياحي الذي اقلنا لبارا جمعنا ايضا بفناني كردفان عبد الرحمن عبدالله وعبد القادر سالم ومحمود تاور ومجموعة عازفي المهن الموسيقية ولهذا كان التحرك من امام اتحاد المهن الموسيقية بامدرمان. @ وايضا يضم الاستاذ بشير كرسي الوزير السابق وزميل الدراسة الوزير كمال عوض وزير الزراعة بشمال كردفان. =نواصل=
| |
|
|
|
|
|
|
Re: . (Re: صلاح غريبة)
|
الخبير نحن في انتظار المجموعة الرائعة ..
الامير والمدير والفكي وجمال ..
شغلنا العتالة فقط الى حين رجوع القادة .. معليش يا خبير تحية من اصغر العتالة ..
| |
|
|
|
|
|
|
رد (Re: علي عبدالوهاب عثمان)
|
يا جماعة الخبير دا اولاده في مصر وهو ما شاء الله وعينا عليهو باردة مركب مكنة موتر ما بقعد في البيت دقيقة، مافي حرامي نجيض يعقبو على البيت يعدمو القرش ويجيب له دفار يرفع فيهو الدواليب والسراير والكراسي والترابيز ومعاهن الشبابيك والابواب والمكيفات والمراوح (حرامي رحول بس) يخلي خبيرنا يا يسكن في صالون ناذر يا يسكن المتحف يا يعمل ليهو خيمة في الساحة الخضراء. اهم حاجة الحرامي دا يشيل معاهو اللابتوب وحبوبة غريبة. الحبوبة دي وهو ماشي على سوق ستة يرميها في اي كوبري وبالعدم ترعة حلة كوكو
| |
|
|
|
|
|
|
Re: . (Re: صلاح غريبة)
|
Quote: *مشاهدات من رحلة بارا* # الاتوبيس السياحي الذي اقلنا لبارا جمعنا ايضا بفناني كردفان عبد الرحمن عبدالله وعبد القادر سالم ومحمود تاور ومجموعة عازفي المهن الموسيقية ولهذا كان التحرك من امام اتحاد المهن الموسيقية بامدرمان. @ وايضا يضم الاستاذ بشير كرسي الوزير السابق وزميل الدراسة الوزير كمال عوض وزير الزراعة بشمال كردفان. =نواصل= |
عمل الخبير بنصيحة اللجنة الامنية للمرصد بعدم ركوب الاكفان الطائرة فى رحلات داخلية
لأنها تستخدم فى العادة لتصفية الحسابات الداخلية فقد أفحمهم الخبير وأربك حساباتهم عندما
ألحوا وأصروا على سفره جوا فقال لهم بالحرف الواحد أنه يُفضل الذهاب الى بارا بحمار
أعرج على أن يعتلى نعوشهم الطائرة خاصة وأن الخبير مرشح قوى لخوض إنتخابات الرئاسة
العام القادم .
| |
|
|
|
|
|
|
رد (Re: جمال خضر)
|
يا جمال ياخي قبل شوية فكرت في حاجة غريبة ما عدا محاولة ركيكة من متشاعر مبتدئ اسمه سليمان القرشي ما شفت اي قصيدة تمجد انجازات الخبير وحبوبتو!!! ما السبب؟ مع ان خبيرنا يستحق اوبريت عديل وفي رواية أخرى اوبرا عايدة ذاتها؟ عيب عليكم يا شعراء بلادي ومبدعيها يا بدر الدين يا اخوي صديق الموج دا عملناهو رئيس لرابطة المعجبين والسف القاعد يسفو من المنصب دا قاعد يبني منه في عمارة هسي وعندو كم ضرس وقعن شغال فيهن تبديل بدهب هههههههه فالزول شبع تب وما توصي عليهو
| |
|
|
|
|
|
|
Re: . (Re: جمال خضر)
|
الخبير يدين ويشجب المجزرة البشعة التى أُرتكبت أمس من قبل النازيين ضد شعب السامبا
ويُهنئ خلفاء ماردونا الأُسطورة فوزهم المستحق على خلفاء جوليت الماسورة .
صلاح غريبة - خبير رياضى
| |
|
|
|
|
|
|
Re: . (Re: جمال خضر)
|
انتو الخبير دا ماعندو خبرة في الغنا؟
ياخ زهجنا من فرفور وعايزين السر قدور يجيبو في بدلو اهي كلها خفة دم في خفة دم
| |
|
|
|
|
|
|
Re: . (Re: MOHAMMED ELSHEIKH)
|
القاللك منو ما بعرف يا ود الشيخ؟ خبيرنا وبلا فخر ينافس الخليل بن احمد في علم الاصوات ويفوق بيتهوفن في تاليف القطع الموسيقية ويفوق زرياب في حلاوة الصوت. خبيرنا دا باختصار يا ود الشيخ وعشان تاني ما تسال اسئلة مافي محلها عبارة عن مجموعة او كونسلتو بتاع خبراء في شخص واحد. اها فاطر عند ابوجهينة ولا عند ناذر؟ ان فاطر عند ناذر الله اداك حتتشرف بالسلام والقاء التحية على سمو خبيرنا وسوف تستمتع باغانيه التي سيوديها بعد الافطار بدون ما تحتاج تشوفها عند السر قدور. كسرة: الخبير ذكر في احدى المناسبات السابقة ان حبوبتو هي من علمته الغناء لما كانت بتساهر لحدي صلاة الفجر وهي بتلولي فيهو عشان ينخمد ويرقد (من يومه ثقيل). غناء خبيرنا إبداع من رحم معاناة حبوبتو
| |
|
|
|
|
|
|
Re: . (Re: محمد عمر الفكي)
|
Quote: ومجموعة عازفي المهن الموسيقية ولهذا كان التحرك من امام اتحاد المهن الموسيقية بامدرمان. |
جمال وودالمدير وودالفكى وبلعدم جدو الموج تعالوا ترجمو المقتبس اعلاه وحقوقكم المادية والفكرية على الطلاق محفوظة يامدام حليفة الطلاق دى عشان المتخلفين ديل يصدقونى وانا على العهد تانى مابحلف بطلاق انت قايلانى متخلف زى البطحانى محمد عمر الفكى
| |
|
|
|
|
|
|
Re: . (Re: علي عبدالوهاب عثمان)
|
Quote: وهذا يحتاج لنوع من الناس اصحاب عشرة ( بيوت العزابة وداخليات المدارس وتجمعات الاحياء ) |
بتصدق يا علي ولا واحدة من ديل ما جربتهن، سلاطة لسان عرب ساهي جادت قريحتي ببعض الابيات
دمك فصيلتو قرادي السِنر ما بحلو راسك لداية ، ما عدا المخاتة فارغ كلو الباراك مغايص اكيد دون شكك بتكتلو والابعد ختاك تلف وتعقب وبالدرب تربطلو
دمك من فصيلة البقر زايد مرار فوق مُرو نجضت الخلوق حيرت الحكيم في امرو الابعد ختاك ربي زاد في عمرو والداناك بالمغائص حفرت له قبرو
تليفة وفقاع مرارة اكال كبد جيعان ود خضر قلمو انكسر نشفان ود مصطفى علمتو الرجفة والهذيان وود الموج هداك ربطوهو في امضبان
البصابحك لابد يكون صميم وللحبوب بلاع يا اكيد بتجيهو رجة في جذر المخيخ والقاع المكضبني وبدور لصدق هذا الحديث إجماع هداك ود المدير مجدوع لا طرف لا كراع
| |
|
|
|
|
|
|
Re: . (Re: محمد عمر الفكي)
|
ود الفكي .. القافية ميه ميه .. عشان أنا من غير الناطقين فمهت البعض أما الباقي فكان من مهمة الاستاذ القرشي العركي .. زميل العمل في المكتب .. أن قام بالشرح وتوضيح بعض المفردات .. انت ما دام في جدة وعند المقدرات دي ليه ما شاركت في الليلة الشعرية ( نضال وبشرى) في فندق نباريس .. لك التحية .. البوست المفضل ..
مع الاعتذار للسادة الاجلاء .. وعلى رأسهم الخبير .. آسف على تخطي المراجع ..
| |
|
|
|
|
|
|
Re: . (Re: علي عبدالوهاب عثمان)
|
Quote: ليه ما شاركت في الليلة الشعرية ( نضال وبشرى) في فندق نباريس |
انت بصحك يا علي؟ بعدين ازالة لاي سوء فهم فهذه الابيات محاطب بها شخص واحد فقط لا غير وهو يعرف نفسه تماماً يا علي ان من الله ما خلقني الدوبيت بسمعو لكن ما بعرف اقولو، بس ما ما باريت خبيرنا دا قدس الله سره بقيت ادوبي
| |
|
|
|
|
|
|
Re: andquot; (Re: صلاح غريبة)
|
أخ عثمان الحسن بابكر.. سلام رمضانى كريم..
الخبير النووى الاستراتيجى الشامل.. فاكر انه الكلام الفوق دا صحى صحى.. والله .. فاكر الناس معجبة بى شخصيته صحى صحى.. ودى حكمة ربنا الحقيقية..
وش يناسب مؤهلات الخبير العبقرية النادرة..
| |
|
|
|
|
|
|
Re: ## خيمة صلاح غريبة الرمضانية ## (Re: جمال خضر)
|
Quote: اي قصيدة تمجد انجازات الخبير وحبوبتو!!! ما السبب؟ مع ان خبيرنا يستحق اوبريت عديل وفي رواية أخرى اوبرا عايدة ذاتها؟ عيب عليكم يا شعراء بلادي ومبدعيها |
أخونا ود الفكى المنبر يعُج بالشعراء والموسيقيين والدراميين فلماذا لا يتحركوا من أجل هذا الهدف السامى
والنبيل فالخبير يستحق أن تُكتب فيه المعلقات والقصائد العصماء بكافة اللغات الحية وغير الحية ويجب أن
يعكف عليها موسيقيو العالم أجمع تلحينا وتوزيعا وغناء وتكون هنالك منافسة عالمية بينهم لإختيار أجمل
عشرة نصوص وطبعا كل ذلك يكون بمباركة ورعاية منظمات الأمم المتحدة والمنظمات الطوعية .
| |
|
|
|
|
|
|
Re: ## خيمة صلاح غريبة الرمضانية ## (Re: جمال خضر)
|
Quote: جمال وودالمدير وودالفكى وبلعدم جدو الموج تعالوا ترجمو المقتبس اعلاه وحقوقكم المادية والفكرية على الطلاق محفوظة |
ود الأمير هذا الكلام مكتوب بلغة عالية ومعقدة جدا تنم عن سعة إطلاع الخبير وغوصه فى أُمهات الكتب
فمثل هذا الكلام لا يفهمه الا المتبحرين من تلامذة الخبير علشان كده ماتتعب روحك ساكت سيأتى
الخبير ويتناوله بالشرح المسهب فى القريب العاجل .
| |
|
|
|
|
|
|
Re: ## خيمة صلاح غريبة الرمضانية ## (Re: جمال خضر)
|
Quote: الخبير النووى الاستراتيجى الشامل.. فاكر انه الكلام الفوق دا صحى صحى.. والله .. فاكر الناس معجبة بى شخصيته صحى صحى.. ودى حكمة ربنا الحقيقية..
|
الأخت نور تاور رمضان كريم
كلامك الفوق ده غير مبلوع وغير مفهوم ويعتبر إهانة لشخصنا السمين وبقية عتالة بوستات الخبير كيف يعنى (فاكر الناس معجبة بى شخصيته صحى صحى..) فهل نحن فى المرصد ورابطة الأصدقاء قاعدين نظهر خلاف ما نبطن مكجنين الخبير وبنمثل فيها دور المعجب ؟ كلا وألف كلا فالخبير فى شغاف قلوبنا وكلامك هذا ينم عن حسد ومحاولة لدق إسفين الفتنة بين الخبير قدس الله سره وبين رعاياه ولكن نقول لك هيهات سيظل الخبير رغم الداء* والأعداء كالنسر فوق القمة الشماء فموتى بغيظك
كسرة * الداء الذى يعانى منه الخبير عبارة عن زُكام سيُشفى منه فى القريب العاجل بإذن الله
| |
|
|
|
|
|
|
Re: ## خيمة صلاح غريبة الرمضانية ## (Re: جمال خضر)
|
Quote: انتو الخبير دا ماعندو خبرة في الغنا؟ |
أخونا محمد الشيخ بتستغرب لو قلت ليك انه موهبة الخبير الفذة فى مجال الغناء منذ نعومة أظافره
هى من تسببت فى اغترابه وحرماننا من صوته الطروب فعندما بدأ صيت المطرب صلاح غريبة
ينتشر انتشار النار فلى الهشيم شعر الكثير من الفنانين ان غريبة سيسحب البساط من تحت أرجلهم
فتآمروا عليه واشتروا له فيزا وارسلوها له فغادر الوطن الى المملكة فحرمونا من صوت شجى
كان سيتربع على عرش الغناء السودانى والأفريقى . الله لا كسبهم دنيا وآخرة ولئك الذين حرمونا من
ذلك الصوت .
| |
|
|
|
|
|
|
Re: ## خيمة صلاح غريبة الرمضانية ## (Re: Othman Al-Hasan Babikir)
|
Quote: يغير صورتو في البروفايل دي .. |
خبير وملو هدومو الما عاجبك شنو ؟ تسرد لنا أسباب موضوعية يتم تقديمها لمجلس شورى جمعية أصدقاء
الخبير فنقتلها بحثا ونقاشا ومن ثم نخضع الأمر للتصويت ونرتضى نتائج الصندوق بالتغيير أو غيره
انت متخيل الموضوع سبهللة ساكت نحن شعارنا المؤسسية ولا شئ غير المؤسسية .
رمضان كريم عليك أخونا عثمان بابكر
| |
|
|
|
|
|
|
Re: ## خيمة صلاح غريبة الرمضانية ## (Re: جمال خضر)
|
Quote: بالمناسبة يا غريبة.
وبما أنك "أسم في حياتنا" !
متى سيستضيفك عمر الجزلي في برنامجه الشهير أسماء في حياتنا؟ |
مداخلة لأخونا دينق من بوست آحر توضح بجلاء إقتناع الكل بمقدرات الخبير
ونتساءل معه أيضا لماذا لا يتشرف البرنامج بإستضافة الخبير حتى يستفيد
الجميع من سيرته العطرة.
| |
|
|
|
|
|
|
Re: ## خيمة صلاح غريبة الرمضانية ## (Re: جمال خضر)
|
على قول اهلنا في الجزيرة الخبر بجبنو البداليات سمعت افيصل قاسم الخيمة المدعو محمد عمر بجهز في حالو لتقديم حلقة عيدية لرواد خيمة الخبير وهى عبارة عن مناظر بين الخبير الاممى والجد الحكيم صديق الموج المناظرة من اعداد ودالمدير واخراج جمال خضر تابعونا وفالكم طيب
| |
|
|
|
|
|
|
Re: ## خيمة صلاح غريبة الرمضانية ## (Re: بدر الدين الأمير)
|
Quote: سمعت افيصل قاسم الخيمة المدعو محمد عمر بجهز في حالو لتقديم حلقة عيدية لرواد خيمة الخبير وهى عبارة عن مناظر بين الخبير الاممى والجد الحكيم صديق الموج المناظرة من اعداد ودالمدير واخراج جمال خضر تابعونا وفالكم طيب |
بذل أخونا محمد عمر وود المدير وشخصى محاولات لا حصر لها لإقناع ود الموج بمناظرة الخبير الا أنه بدأ مترددا
ويتعلل بأنه مصاب بالزكام ويظهر أنه مرعوب جدا من مناظرة الخبير الذين عودنا بجندلة مناظريه بالضربة
القاضية ونقول له أن يتقبل الأمر الواقع ويناظر الخبير لأنه تم إذاعة الخبر والكل علم به والكل مترقب اللقاء
وكل ما نقدر عليه سنعطى الموج كل الأسئلة موضوع المناظرة حتى يذاكرها ويجهز روحو أكتر من كده نعمل
ليهو شنو .
| |
|
|
|
|
|
|
Re: ## خيمة صلاح غريبة الرمضانية ## (Re: جمال خضر)
|
Quote: القاللك منو ما بعرف يا ود الشيخ؟ خبيرنا وبلا فخر ينافس الخليل بن احمد في علم الاصوات ويفوق بيتهوفن في تاليف القطع الموسيقية ويفوق زرياب في حلاوة الصوت. خبيرنا دا باختصار يا ود الشيخ وعشان تاني ما تسال اسئلة مافي محلها عبارة عن مجموعة او كونسلتو بتاع خبراء في شخص واحد.
|
يا سلاااااااااااام ياخ يا البطحاني !انا ذاتي كنت متوقع كدى.
مش اغنيتي "ذات الشجون" و"وياغزال الحي" برضو حقاتو؟
__________________________________________________
اتأخرت عليكم نسبة لخراب اللاب توب . علي الطلاق تلاتة لابتوبات مشتريها من اكسترا هسع مرمية في البيت اعملوا حسابكم من الشركة العجيبة دي.
ممكن زاتو نأخد راي الخبير فيها.
| |
|
|
|
|
|
|
Re: ## خيمة صلاح غريبة الرمضانية ## (Re: MOHAMMED ELSHEIKH)
|
Quote: في الوطن العربي بدر الدين الأمير يا عريبي علي عبدالوهاب ده من عندينا وعلاّمة فشنو ما تعمل فيها صحبو عشان بكتب معاكم هنا خليك مع خبيركم فقاع المرارة ده |
ياعوض عزام فرح برضو من عندكم حايم في الاسافير الناطقة بالعربية يكتب في المسادير والدوبيت وكمان جايبليهو تفسير للقران الكريم هو فقع المرارة دا كيفنو
| |
|
|
|
|
|
|
Re: ## خيمة صلاح غريبة الرمضانية ## (Re: MOHAMMED ELSHEIKH)
|
قررت اللجنة المُنبثقة من اللجنة التي إنعقدت في بحر هذا الشهر، المنبثقة من اللجان التي إنبثقت من اللجنة التي إنعقدت في عروس الرمال إيقاف القرار العامل بحظر الأخت نور تاور نسبة لأنها تداركت خطأها وأصبحت من العتالة الفاعلين لبوستات الخبير. كما أوصت اللجنة في محضرها منح الأخت نور تاور شنكل وسلبتين، وهذا للعلم...
| |
|
|
|
|
|
|
رد (Re: معاوية المدير)
|
Quote: عزام فرح برضو من عندكم حايم في الاسافير الناطقة بالعربية يكتب في المسادير والدوبيت وكمان جايبليهو تفسير للقران الكريم هو فقع المرارة دا كيفنو |
با بدر نسيت علم الأنساب ههههههه يا مدير تاور دي ما تديها السلبتين، انا بخاف يوم الخبير يفتح بوست نقوم نلقاها معلقة في المروحة سيم سيم البنغالي هههههههه سيم سيم بلغة بنغالة السعودية يعني مطابق او (زي)
| |
|
|
|
|
|
|
Re: رد (Re: محمد عمر الفكي)
|
محمد عمر الفكى...
يا أخ أنا من أشد المعجبات بالخبير (النووى الاستراتيجى الشامل)... أت مالك غيران ولا حسدان ؟ ما تخّلى نعمة رب العالمين تزل على خبير عصره وزمانه غريبة (بضم الغين).. عالم حاسدة بشكل...
| |
|
|
|
|
|
|
Re: رد (Re: nour tawir)
|
Quote: نسيت علم الأنساب ههههههه |
هو علم الانساب براهو ياود الفكى اها وازيدك الفنان محمد السنى عندو نص مسرحى متناول فيه قصة تاجوج والمحلق هل تصدق ان عزام هو من كتب اشعار هذا النص والسنى معجب بمربعات عزام ياخى كورك معاك لبشاشة خلى يجى يشوف الاستلاب الماخمج
| |
|
|
|
|
|
|
Re: رد (Re: بدر الدين الأمير)
|
Quote: محمد عمر الفكى...
يا أخ أنا من أشد المعجبات بالخبير (النووى الاستراتيجى الشامل)... أت مالك غيران ولا حسدان ؟ ما تخّلى نعمة رب العالمين تزل على خبير عصره وزمانه غريبة (بضم الغين).. عالم حاسدة بشكل... |
أها، عليك الله أفتح المخزن واصرف ليها الشنكل والسلب، دا قرار لجنة...
| |
|
|
|
|
|
|
رد (Re: معاوية المدير)
|
يا نور انا لا حاسد لا بقران ان خايف عليك بس تخيلي لو فتح بوست بعنوان (البشير ضرب لي عشان يكفر لحبوبتي العيانة واشاد بكتاباتي) اها لو عاينتي ولقيتي السلبة جنبك ما بتروحي في حق الله؟ ههههههههههه يا مدير بنصرف الشنكل والسلبة والمسئولية عليك يا بدر عزام دا ممكن براحة نقول عليهو خبير. مسعول من الخير، شايفك بقيت عتالي رسمي شكلو الشنكل وصلك!!! كسرة توضيحية العيا حق حبوبة غريبة هو اسهال حاد بعد ان اكلت باقي السمك الجابو الخبير من مطعم عوضية. كتابات الخبير التي اشاد بها الرئيس هي (·)
| |
|
|
|
|
|
|
Re: رد (Re: محمد عمر الفكي)
|
من الفيس بوك .. حبيبنا .. عوض السيد محمد
زمان لو لقيت اسم صلاح غريبة في البورد كنت بقفل البورد ويكون قافلة معاي اليوم كله هسي بقبت افتش بوستاته بارك الله فيكم ود الفكي وود المدير وجمال خضر المثابر هههههه وودالمدير وقريبنا علي عبد الوهاب على الطلاق يا ود الفكي انتو تنافسو اجعز فرقة كوميدية في الوطن العربي بدر الدين الأمير يا عريبي علي عبدالوهاب ده من عندينا وعلاّمة فشنو ما تعمل فيها صحبو عشان بكتب معاكم هنا خليك مع خبيركم فقاع المرارة ده =====================================================
بصراحة اخي عوض السيد .. انت على الحق .. بوست جميل .. دمه خفيف .. بالنسبة للامير بدرالدين .. أنا أحببت كتاباته في بوست الفنان السني عندما أجرى عملية جراحية .. عجبتني جداً طريقة كتابته وهو يمازح السني بطريقة اخوية جميلة والحكمة في ذلك ليبعده عن جو المرض .. وكان الامير اضافة حقيقية لبوست الخبير هو والموج ..لك التحية يا جميل ..
لكن يا امير عزام يجيد العربية أحسن من الناطقين .. يا اخي ده زي قريبنا خليل فرح ( لغة نوبية وعربية ) بعدين هو شبه كمان ..
أخي قائد المجموعة ( جمال خضر ) يا أخي غريبة على الطبيعة ( في جدة ) كان زول انيق آخر بدلات وربطات ..
ولأنني من ضمن مجموعة العتالة ( شنكال ) لا أريد تخطي المراجع .. لقيت الخبير بكل تواضع يعتل معانا ( فوق ) أرجو ان ترفع له مطلبنا بأن لا يتواضح زيادة عن اللزوم ويترك أمور الشنكلة والعتالة لأهلها ..
لكم التحية .. وكما قال اخي عوض السيد ..(مجموعة كوميديا رائعة ).. إن شاء الله نشوفكم في رمضان القادم في التلفزيون بعد الفطور بإسم فرقة الخبير للكوميديا ..
| |
|
|
|
|
|
|
Re: رد (Re: علي عبدالوهاب عثمان)
|
على عبدالوهاب حبيبك عوض السيد دا اكان جانا بيهنا حانترحم على ايام بشاشة بعرفو من عشرات السنين نوبى قح بل هو سلفى في نوبيته اذكر مرة جابو فنان من عندكم بغنى بالغة الدنقلاوية وكان عريف الحفل عوض السيد كان بقدم الحفل بلدنقلاوية قلت لعوض ياخى الغنا والمزيكة بنتزوقهم بغض النظر عن اللغة لكن الكلام البتقول فيهو دا ترجمو لينا نحن الناطقين بغيرها قال وبشكل حاسم انت جدودك العرب لمن جو دكو دنقلا بالمنجنيق كان رسلو لينا مترجمين عشان نعرف اننا حانضرب باسلحة دمار شامل هسى شوفو كاتب شنو
Quote: تنافسو اجعز فرقة كوميدية |
شفت العجمى لمن يتفاصح بكتب اجعص اجعز والاخيرة معناها شين خلاص خلى ودالفكى يجى يشرح
| |
|
|
|
|
|
|
Re: رد (Re: بدر الدين الأمير)
|
Quote: فيهو دا ترجمو لينا نحن الناطقين بغيرها قال وبشكل حاسم انت جدودك العرب لمن جو دكو دنقلا بالمنجنيق كان رسلو لينا مترجمين عشان نعرف اننا |
بالمنجيق .. يعني كنا زي ناس غزة .. ألامير الجميل .. عوض السيد من نفس الفصيلة ( دنقلاوي ) بما أنني ايضاً اجيد المحسية كمان ( ناس عزام ) سلفية نوبية .. ( لكن مصطلح جميل مع حظف الحقوق )
مع الاعتذار للاخ جمال خضر .. على تخطي الحدود والتطاول على المرجعيات .. ارجو نقل اعتذار نا للخبير ..
الامير بدرالدين .. ما تورطنا مع هيئة العليا .. اعرف ان لديك حصانة ..
| |
|
|
|
|
|
|
Re: فوق (Re: صلاح غريبة)
|
امك الخبير جبراهو يعتل شكلو فنش العتالة ناس ودالفكى وودالمدير وجمال ونور تاور وعيييييييك ماقلت ليكم الخبير ناوى ليكم بعد العود من الابيض سير سير ياخبير
| |
|
|
|
|
|
|
رد (Re: بدر الدين الأمير)
|
Quote: نحن الآن في افطار الاتحاد الوطني للشباب السوداني. |
حيثما كانت العضة كان خبيرنا حاضرا. اكيد وجودك في الافطار فخر للشباب الوطني وعذاب للصحون هههههههه يا بدر العتالة ديل ما عندهم حقوق؟ لا يصومو لا يفطرو؟ متى يتولد الاحساس لدى الطبقة البرجوازية وتحس بمعاناة البروتاريا؟ غايتو لو عندي سلطة في السودان اكان اطبق فيك سياسة التأميم والله شرايط الغنا ما اخليهن ليك وبعد داك الا تلف مع الخبير دا من صينية لصينية رافعا اشارة النصر هههههههه
| |
|
|
|
|
|
|
Re: رد (Re: محمد عمر الفكي)
|
Quote: العتالة ديل ما عندهم حقوق؟ لا يصومو لا يفطرو؟ متى يتولد الاحساس لدى الطبقة البرجوازية وتحس بمعاناة البروتاريا |
ودالفكى هون عليك يااخ العرب جدو الموج قال حايشفع لكم عندالخبير على شرط ان تقدمو نقد ذاتى وسير سير ياخبير
| |
|
|
|
|
|
|
Re: رد (Re: علي عبدالوهاب عثمان)
|
Quote: الامير جمال ودالفكي وباقي المجموعة ..
عتالة في منتصف شهر رمضان .. عشان الخبير يتفرغ للأهم |
أخونا على عبد الوهاب سيظل الخبير علامة فارقة فى تاريخ السودان لذا
سنظل ننحت فى الصخر بأظافرنا وأسناننا من أجل ان بتفرغ الخبير
لخدمة الإنسانية جمعاء .
| |
|
|
|
|
|
|
Re: رد (Re: جمال خضر)
|
Quote: عتالة في منتصف شهر رمضان .. عشان الخبير يتفرغ للأهم
|
ياجمال شايف برلوم العتالة على عبدالوهاب بقى منافس ليكم انتو السناير حذر زملاك ودالفكى وود المدير
| |
|
|
|
|
|
|
Re: رد (Re: علي عبدالوهاب عثمان)
|
Quote: المدير جمال ود الفكي ..
فوق .. لنجنب الخبير وعثاء البحث .. |
ياود عبدالوهاب عتل عتل الجماعة مشو يفتشو الكنز اى مقال الخبير قاليك ودالمدير شاف ودافكى شايل عكازو ولابس سكين في ضراعو قام زجرو وقاليهو ياعربى ياوهم نحن ماشين نفتش مقال مش بعير قام دالفكى قاليهو هو يالداقس اكان بعد مالقينا المقال وجا واحد داير يختفو نحميهو بشنو ضحك جمال وقال صدقت ياودالفكى هذا الكنز لابد له من حماية
| |
|
|
|
|
|
|
Re: رد (Re: بدر الدين الأمير)
|
Quote: ياود عبدالوهاب عتل عتل الجماعة مشو يفتشو الكنز اى مقال الخبير قاليك ودالمدير شاف ودافكى شايل عكازو ولابس سكين في ضراعو قام زجرو وقاليهو ياعربى ياوهم نحن ماشين نفتش مقال مش بعير قام دالفكى قاليهو هو يالداقس اكان بعد مالقينا المقال وجا واحد داير يختفو نحميهو بشنو ضحك جمال وقال صدقت ياودالفكى هذا الكنز لابد له من حماية |
أخونا ود الأمير إنطلقنا فى رحلة البحث عن المقال الكنز فلم نجد له أثرا كأنه فص ملح وداب
وسألنا فقيل لنا أن الجريدة فى ذلك حققت أرقاما قياسية فى التوزيغ ولم يكن هتاك راجع
على الإطلاق بل حصل إصطفاف وهرج ومرج أمام مبانى الصحيفة للحصول على العدد
المذكور لكن رجع الكل بخُفى حنين إتصلنا بالخبير على أمل الحصول على العدد الذى
يحتوى على المقال فاتضح أن الحرامى الذى سرق لا بتوب الخبير كان من أجل المقال
وسرق بالإضافة الى اللابتوب كل نسخ الصحيفة التى إحتوت المقال فرجعنا كلنا قفانا
يقمر عيش أها ما فضل الا مناشدة الحرامى الذى سرق الجرايد أن يسلمنا نسخة واحدة
و نحن فى الخيمة على إستعداد لدفع ما يطلبه من مال .
| |
|
|
|
|
|
|
Re: رد (Re: جمال خضر)
|
هو يا بدر المقال براهو؟ المقال والحوارات الصحفية والاحاديث الاذاعية واللقاءات التلفزيونية والمخاطبات الجماهيرية كلها ما بتتلقي لا في السوق لا في الانترنت غايتو الحاجة الوحيدة اللقيتها هي تسجيل الاسكايب بتاع سارة جمال ما تسالني سارة دي منو
| |
|
|
|
|
|
|
Re: فوق (Re: صلاح غريبة)
|
إنت يا يابا تتعلى ما تِدلي يا بركة الصباح وباب الله الفتاح، كيتاً لناس جمال خضر وود الأمير، أشوفك كدي معلّق في مشعليب زي ملآح الروب الخايفين عليهو من الكدسة. كيتاً ليهُن أشوفك معلّق في منبر بكري فوق يا سليم الزوق، تتعلق كدي عليقتاً الفي الضعين يشوفك، يا يابا تكون مرفوع فوق زي بوستات العزاء. كيتاً فوق مُصرانُن أشوفك معلق في ساحة كوبر يا الهميم. تتعلق يا يابا عليقة كاوندا في الشبكة، وتترفع فووووووق وتضرب الوآطة كيتاً للشامتين والحاقدين، قول آآآآآآآآآآمين...
| |
|
|
|
|
|
|
Re: فوق (Re: معاوية المدير)
|
Quote: إنت يا يابا تتعلى ما تِدلي يا بركة الصباح وباب الله الفتاح، كيتاً لناس جمال خضر وود الأمير، أشوفك كدي معلّق في مشعليب زي ملآح الروب الخايفين عليهو من الكدسة. كيتاً ليهُن أشوفك معلّق في منبر بكري فوق يا سليم الزوق، تتعلق كدي عليقتاً الفي الضعين يشوفك، يا يابا تكون مرفوع فوق زي بوستات العزاء. كيتاً فوق مُصرانُن أشوفك معلق في ساحة كوبر يا الهميم. تتعلق يا يابا عليقة كاوندا في الشبكة، وتترفع فووووووق وتضرب الوآطة كيتاً للشامتين والحاقدين، قول آآآآآآآآآآمين... |
دا شنو ياودالمدير الكلام المدغمس دا بس نقوليك ماقله بشه لمحكمة الجنايات الدولية صوط كلامك دا واشرب مويتو والوصية بالمهلة كلم ودالفكى يراجع المسنجر زولك مماضمن عقدعبدالرحمن عيونو زغللن بقى مابركز
| |
|
|
|
|
|
|
Re: فوق (Re: جمال خضر)
|
Quote: إنت يا يابا تتعلى ما تِدلي يا بركة الصباح وباب الله الفتاح، كيتاً لناس جمال خضر وود الأمير، أشوفك كدي معلّق في مشعليب زي ملآح الروب الخايفين عليهو من الكدسة. |
ده شنو الكلام البتقول فيهو ده كيف يعنى الخبير يتعلق يعنى
إفصح يا أخ العرب فما عهدناك كذلك أنت بكلامك الفوق ده
مع أو ضد خبيرنا الهمام علشان نعرف نتصرف .
| |
|
|
|
|
|
|
Re: فوق (Re: جمال خضر)
|
مرتين يجي يعتل البوست براهو !!!. مرتين!!!، وورا بعض كمان !!!. ما فيكم فايدة. قاعدين بتسو في شنو ؟؟؟. يعني عشان لقيتوهو متواضع، خلآلآلآلآلآلآلآس!!!...
| |
|
|
|
|
|
|
رد (Re: معاوية المدير)
|
يا جماعة اسف على التاخير والله مشغول مع الضيوف المحيرني البطاحين ديل فجأة كلهم امنو؟ ههههههههههه ربنا يبارك ويزيد والله ما شاء الله السودان كله في العمرة اكان ناقص سارة هههههههه يا ود الامير لا جاني مسنجر لا حاجة يا جيمي سارة قالت لكم ينفع اناظر الخبير بدل ود الموج؟
| |
|
|
|
|
|
|
Re: رد (Re: محمد عمر الفكي)
|
انتو يالعتالة مالكم خليتو الرئيس يسمعكم ورجعتو الخيمة هل دى اوامر الخبير ولا بشة زعل فهمونا الحاصل عشان الواحد مايمشى يضهب ساكت اقصد يتعل فى الفاضى
| |
|
|
|
|
|
|
رد (Re: بدر الدين الأمير)
|
الرئيس والخبير الاتنين طنشونا اها نسوي شنو؟ قلنا اخير نجي راجعين لخيمتنا الحبيبة تظالتي سوف تتشلع عمود عمود بعد 9 يوم فقلنا نشيل لنا منها شلية قبل تخرب ههههههه.
| |
|
|
|
|
|
|
Re: رد (Re: محمد عمر الفكي)
|
Quote: قلنا نشيل لنا منها شلية قبل تخرب ههههههه. |
التدعك ما فيها،
والخبير دا اليومين ديل مااااا عاجبني.
| |
|
|
|
|
|
|
Re: رد (Re: معاوية المدير)
|
Quote: قلنا اخير نجي راجعين لخيمتنا الحبيبة تظالتي سوف تتشلع عمود عمود بعد 9 يوم فقلنا نشيل لنا منها شلية قبل تخرب ههههههه. |
ونجح انقلاب ودالمدير والبطحانى شيخ العتالة عوضه شلية ودى زاتا مامضونة في وجود جمال والبرلوم على عبدالوهاب
| |
|
|
|
|
|
|
Re: رد (Re: بدر الدين الأمير)
|
Quote: ونجح انقلاب ودالمدير والبطحانى شيخ العتالة عوضه شلية ودى زاتا مامضونة في وجود جمال والبرلوم على عبدالوهاب |
ههههههههههه،
البطحاني بقى اظرط من حنين بتاع الخفين. رجع من ود الفحل بسفنجة حنين، ورجع من ود الأمير بمركوب حنين، ورجع من الخبير بتموت تخلي ما معروف حق مِنو زاتو !.
سنزيع البيان قريباً فترقبوه...
| |
|
|
|
|
|
|
Re: رد (Re: معاوية المدير)
|
Quote: البطحاني بقى اظرط من حنين بتاع الخفين. رجع من ود الفحل بسفنجة حنين، ورجع من ود الأمير بمركوب حنين، ورجع من الخبير بتموت تخلي ما معروف حق مِنو زاتو !.
سنزيع البيان قريباً فترقبوه... |
هههههههههههههههههههههههههههههههههههههه تعرف ياود المدير ودى قصة حقيقية حصلت في اربجى كان هناك احد الاخوان من بطاحين اربجى وكان في الجيش وكان شيوعى شارك في انقلاب يوليو 1971م وبعد فشل الانقلاب ذلك الاخ لم يعدم لكن حكم عليه بالسجن هذب والده وهورجل مسن من اعيان بطاحين اربجى لزيارته في السجن وبمجرد ان التقى ابنه بدل ان يقالده اخذ عصاته وصار يلكده بها وهو يردد ياجنا انت عوير حصل سمعت ببطحانى بقى رئيس .... اهو انقلاب ودالمدير اثبت ان بحطانى اربجى وبطحانى البندر سيم سيم ههههه
| |
|
|
|
|
|
|
رد (Re: بدر الدين الأمير)
|
والله الدنيا لو ما صيام الا ابشع بكما نحن البطاحين حقيقة لا لدنيا قد عملنا نحن ناس اول من يضحي واخر من يستفيد نحن الجنود المجهولين نحن رجال الظل نحن ما ناس شوفوني قيل ثم ماذا قيل رقص دانس معاهو هيع كع صغيرة كدا
| |
|
|
|
|
|
|
|