Post: #1
Title: ## خيمة صلاح غريبة الرمضانية ##
Author: صلاح غريبة
Date: 07-02-2014, 07:02 AM
مجمع الفقه : زكاة الفطر 12 جنيه .
|
Post: #2
Title: Re: ## خيمة صلاح غريبة الرمضانية ##
Author: معاوية المدير
Date: 07-02-2014, 07:14 AM
Parent: #1
يا حبيب تصوم وتفطر علي خير،
ورمضان كريم.
ما في جوايز ؟؟؟...
|
Post: #3
Title: Re: ## خيمة صلاح غريبة الرمضانية ##
Author: هشام الطيب
Date: 07-02-2014, 07:17 AM
Parent: #2
الخبير :D
|
Post: #4
Title: Re: ## خيمة صلاح غريبة الرمضانية ##
Author: معاوية المدير
Date: 07-02-2014, 07:20 AM
Parent: #3
يا هشام الـD دا فيتامين واللآ تبرُع ؟.
يا اخي رمضان كريم...
|
Post: #5
Title: Re: ## خيمة صلاح غريبة الرمضانية ##
Author: محمد عمر الفكي
Date: 07-02-2014, 07:33 AM
Parent: #4
اصبحنا واصبح الملك لله
اللهم اني صائم
|
Post: #6
Title: Re: ## خيمة صلاح غريبة الرمضانية ##
Author: محمد عمر الفكي
Date: 07-02-2014, 07:35 AM
Parent: #4
اصبحنا واصبح الملك لله
اللهم اني صائم
|
Post: #7
Title: Re: ## خيمة صلاح غريبة الرمضانية ##
Author: هشام الطيب
Date: 07-02-2014, 07:50 AM
Parent: #4
معاوية يا مُدير، الله أكرم ياخي، وتصوموا وتفطروا على خير،
ياخ انا قايلك بتعرف في مجال الوجوه والإبتسامات والرموز التعبيرية!
لكن طلعت محتاج دروس سريعة
نكلم ليك الخبير يتوصى بيك :P
|
Post: #8
Title: Re: ## خيمة صلاح غريبة الرمضانية ##
Author: سليمان القرشي
Date: 07-02-2014, 07:54 AM
Parent: #7
حبابك ياخبير
|
Post: #9
Title: Re: ## خيمة صلاح غريبة الرمضانية ##
Author: صلاح غريبة
Date: 07-02-2014, 08:34 AM
Parent: #1
رئيس البرلمان د. الفاتح عز الدين يطرد زعيم كتلة المعارضة عن المؤتمر الشعبي بالبرلمان د. اسماعيل حسين من الجلسة الخاصة بالتداول حول تعديلات قانون الانتخابات .
|
Post: #10
Title: Re: ## خيمة صلاح غريبة الرمضانية ##
Author: ismeil abbas
Date: 07-02-2014, 09:02 AM
Parent: #9
| Quote: رئيس البرلمان د. الفاتح عز الدين يطرد زعيم كتلة المعارضة عن المؤتمر الشعبي بالبرلمان د. اسماعيل حسين من الجلسة الخاصة بالتداول حول تعديلات قانون الانتخابات |
دى دخلها بالخيمة أيه؟......تصوموا وتفطروا على خير.
|
Post: #11
Title: Re: ## خيمة صلاح غريبة الرمضانية ##
Author: محمد عمر الفكي
Date: 07-02-2014, 09:28 AM
Parent: #10
| Quote: دى دخلها بالخيمة أيه؟......تصوموا وتفطروا على خير. |
يا ابو السباع ما ياهو دا المفور دمنا
المهم
داير لك شنكل؟ 
|
Post: #12
Title: Re: ## خيمة صلاح غريبة الرمضانية ##
Author: Ayman Khalifa
Date: 07-02-2014, 09:29 AM
Parent: #10
| Quote: دى دخلها بالخيمة أيه؟......تصوموا وتفطروا على خير. |
البقول لى (المك ...امك عزبة منو ) رمضان كريم
|
Post: #13
Title: Re: ## خيمة صلاح غريبة الرمضانية ##
Author: هشام عباس
Date: 07-02-2014, 10:24 AM
Parent: #12
يا جماعة بطلوا فوضى خلونا نستفيد من خيمة الخبير
رمضان كريم
|
Post: #14
Title: Re: ## خيمة صلاح غريبة الرمضانية ##
Author: جمال خضر
Date: 07-02-2014, 06:13 PM
Parent: #13
| Quote: ## خيمة صلاح غريبة الرمضانية ## |
بحضرة خبيرنا يطيب الجلوس
مهذب أمامك يكون الكلام
لأنك محنك عميق الدروس
مجيد المهابة مديد القوام
|
Post: #15
Title: Re: ## خيمة صلاح غريبة الرمضانية ##
Author: Deng
Date: 07-02-2014, 06:52 PM
Parent: #14
صلاح غريبة.
خيمتك الرماضانية دي وين ، في القاهرة أم الخرطوم ؟
|
Post: #16
Title: Re: ## خيمة صلاح غريبة الرمضانية ##
Author: جمال خضر
Date: 07-02-2014, 09:36 PM
Parent: #15
| Quote: مجمع الفقه : زكاة الفطر 12 جنيه . |
ستكون هنالك محاضرات قيمة فى مختلف ضروب المعرفة يلقيها على مسامعنا
سعادة الخبير فنرجو من الجميع ان ينتهزوا الفرصة لينهلوا من معين علمه الذى
لا ينضب .
|
Post: #17
Title: رد
Author: محمد عمر الفكي
Date: 07-02-2014, 10:21 PM
Parent: #16
يا جيمي
ما تباصرو لينا العشرة بدل الاتناشر دي، الفكة صعبة ههههه
عندك اسكايب؟
|
Post: #18
Title: Re: رد
Author: جمال خضر
Date: 07-02-2014, 10:29 PM
Parent: #17
Quote: يا جيمي
ما تباصرو لينا العشرة بدل الاتناشر دي، الفكة صعبة ههههه
عندك اسكايب؟ |
سيقوم الخبير بإعفائكم منها تماما معشر أصدقائه وعتالته إنتو هينين ولا لينين ههههههههههه
إسكايب ده منو ؟
|
Post: #19
Title: رد
Author: محمد عمر الفكي
Date: 07-02-2014, 10:35 PM
Parent: #18
انت يا جمال في دا ولا في بورداب الخرطوم المختفين من البوست دا! !!!
الله اعلم يفطرو السنة دي
يا ناس همتكم شوية
يا خبير
ما تحرك الناس ديل، لابد من وجود قائد وما دام العوض غائب فحقو تتحرك عملا بالمثل بتاع بلدا ما فيها
|
Post: #20
Title: Re: رد
Author: بدر الدين الأمير
Date: 07-02-2014, 10:57 PM
Parent: #19
| Quote: ما تحرك الناس ديل، لابد من وجود قائد وما دام العوض غائب فحقو تتحرك عملا بالمثل بتاع بلدا ما فيها |
ودالفكى
ياوزير اعلام الخبير
انصحك تمش تقيس الضغط قبل ما الخبير يلحقك امات طه ههههه
|
Post: #21
Title: Re: رد
Author: معاوية المدير
Date: 07-03-2014, 00:10 AM
Parent: #20
| Quote: نكلم ليك الخبير يتوصى بيك :P |
يا هشام، هل كلمت الخبير ؟.
H: حوّل...
|
Post: #22
Title: رد
Author: محمد عمر الفكي
Date: 07-03-2014, 00:12 AM
Parent: #20
ابو لبيد شخصيا!!!!
ياخي الصبر دا دائما عواقبه سمحة
نحن المليونيرات ديل بنقابلهم مرة في السنة
يا ابو لبيد
خلاص نحن اتعودنا على الضغط وفقع المرارة وحكمة ربنا الخبير دا الوحيد الناس المعارضة والحكومة محل ما يلقوهو يرشو ، يعني عليه اجماع وطني ههههههههههه
والله يا ابولبيد مقامك عالي وشنكل العتالة حقنا دا قليل عليك، فشنو امسك لك واحد لحدي ما نلقط ونشوف لك شنكل دهبي يليق بمكانتك ككبير العتالة.
ثم ثانيا
زعلان منك ما وريتني عندك تسجيل اوركسترا لصديقي الاول ولا ما عندك
ثالثا
رمضانك كريم وتصوم وتفطر على خير
ملحوظة
لو الصيام صعب عليك عندنا ناس مستعدين للصيام عنكم سعادة المليونير هههههههه خبيرنا دا ذاتو ما اظن يرفض
|
Post: #23
Title: Re: رد
Author: Jamal Mustafa
Date: 07-03-2014, 09:02 AM
Parent: #22
| Quote: وحكمة ربنا الخبير دا الوحيد الناس المعارضة والحكومة محل ما يلقوهو يرشو ، يعني عليه اجماع وطني ههههههههههه |
هاآآآآآناس رمضان كريم عليكم جميعا
ود الفكى طيب الله ايايكم بالسمح آآزوول
مع الإحتفاظ بحقنا بالتعليق على كرامات خبيرنا فى تحقيق الإجماع الوطنى بعد رمضان مباشرة
|
Post: #24
Title: Re: رد
Author: بدر الدين الأمير
Date: 07-03-2014, 09:32 AM
Parent: #23
| Quote: زعلان منك ما وريتني عندك تسجيل اوركسترا لصديقي الاول ولا ما عندك |
ودالفكى
صديقى الاول شايفك فتحت ليها وبقيت مبارى صديقك الماسى الخبير الاممى
على فكرة صديقى الاول لم تغنى بوركسترا حسب علمى ولها قصة ححكاها مصطفى مسجلة عندى
سوف احكيها في مقام اخر حتى لانتسبب في حرف بوست الخبير وهذه الخبير على طلاق انا بخاف منو عديل
بلاابولبيد بلا ابوزفت وطظ في بطاحين اربجى والبندر
وعاش الخبير امل الامة
|
Post: #25
Title: Re: رد
Author: محمد عمر الفكي
Date: 07-03-2014, 09:51 AM
Parent: #24
يا ابولبيد
انا فتحت لها لانه مسجلة عندي بالعود وفي الفلاش ملصقها مع يا جميل يا مدلل، ينتهن من هنا اعيدهن من هنا
اما خبيرنا فما شاء الله عليك ساويتو بالامام الصداق راس
|
Post: #26
Title: Re: رد
Author: بدر الدين الأمير
Date: 07-03-2014, 10:34 AM
Parent: #25
| Quote: اما خبيرنا فما شاء الله عليك ساويتو بالامام الصداق راس |
ودالفكى
قاعد فى مكة المكرمة وماعندك رحمة طيب لوكنت قاعد فى عاصمتكم ابودليق كان عملت فينا شنو
اها انا هسى ولعلت لى سقار لاشعوريا ورجعت من العمل البيت قلت للمدام اعملى لى قهوة قالت مالك حاسى بشنو
قلت الخبير صلاح غريبة ووزيرة محمد عمر الفكى غايتو اكان ماعملت لى عمرة ماعافى ليك
عاش الخبير ويسقط ابوهاشم
|
Post: #27
Title: Re: رد
Author: محمد عمر الفكي
Date: 07-03-2014, 11:23 AM
Parent: #26
| Quote: قلت الخبير صلاح غريبة ووزيرة محمد عمر الفكى غايتو اكان ماعملت لى عمرة ماعافى ليك |
الحالة لسه ما استلمت الشنكل  والله بعد التعيين رسمياً احتمال كبير يقابضو فيك من شوارع الدوحة، بعيد عنك لمن ما تشوف الخبير يوم او يومين بتجيك كاروشة في جلدك زي المدمن.
كسرة
انت متاكد انه عمرة واحدة كفاية؟
اللهم الا اذا مدكن لبيد لحجة
سيدي حوض العاشم دا اختاهو قبل ما يلم فيك واحد اسمه الزبير الختمي وواحد اسمه ابو الحسين، خلي السيكار، جوني المشاي ما بحلك منهم
|
Post: #28
Title: Re: رد
Author: معاوية المدير
Date: 07-03-2014, 11:39 AM
Parent: #27
| Quote: سوف احكيها في مقام اخر حتى لانتسبب في حرف بوست الخبير |
جزاك الله خير يا بدر الدين،
ورمضان كريم.
كُلو ولا حرف بوستات خبيرنا عن مواضها.
والله يلم فيك الزبير الختمي ما يفكك كان ما حمار
الخلا هنّق. هرش ود الفكي جِنِس هرشة !!!...
|
Post: #29
Title: Re: رد
Author: بدر الدين الأمير
Date: 07-03-2014, 12:02 PM
Parent: #27
ودالفكى
ناسك ديل عندى ليهم خبيرنا الماخمج صلاح جادات محير قوقل في كم المعلومات والمصادر
ياخى بورداب الدوحة الواحد يصحى من نومو يدعو ربو ان صلاح جادات مايكون جايب
سيرة قطر في المنبر ولو جاب السيرة مافي واحد بقدر يعمل كلك غايتو جادات مابنقدر عليهو
وعشمنا في حجب المنبر بدل كتلوك ماجوك ويدك معانا بالدعاء وليك على نرسل ليك تجى
تحضر نهايات كاس العالم 2022 تذاكر واقامة فاخرة
اها ياخوى صلاحنا ولاصلاحكم هههههه
|
Post: #30
Title: Re: رد
Author: محمد عمر الفكي
Date: 07-03-2014, 12:07 PM
Parent: #29
| Quote: وليك على نرسل ليك تجى تحضر نهايات كاس العالم 2022 تذاكر واقامة فاخرة |
لا ها نرجع لميلونيرنا الظهري احسن
|
Post: #31
Title: Re: رد
Author: بدر الدين الأمير
Date: 07-03-2014, 12:22 PM
Parent: #30
Quote: والله يلم فيك الزبير الختمي ما يفكك كان ما حمار
الخلا هنّق. هرش ود الفكي جِنِس هرشة !!!... |
ياودالمدير
البفكنى انا من الهمباتى الاسقيرى وزير الخبير ودالفكى شنو
جاب كثافتى بصلاح غربية وفطرنى في نهار رمضان
وقبل على بصلاح جادات دايرهم يرجعونى اربجى
وانازول محمول
|
Post: #32
Title: Re: رد
Author: الهادي ابوبكر
Date: 07-03-2014, 12:34 PM
Parent: #31
| Quote: مجمع الفقه : زكاة الفطر 12 جنيه . |
يادوبك صايمين اربعة خمسة يوم ولحقتو تسعرو الزكاة
خلي بالك الناس ديل داخلين على طمع ،،،
|
Post: #33
Title: Re: رد
Author: محمد عمر الفكي
Date: 07-03-2014, 12:45 PM
Parent: #32
Quote: شباب رمضان مبارك عليكم
وناس الشناكل والناطق
الرسمي الله يعينكم غايتو
صوم وعتالة ..
والزول ختاها ليكم
عديل اي واحد جاي الخيمة
يجيب معاهو اطناشر جنيه
وانتوعاملين فيها ما فاهمين and#1632;and#1632;and#1632;
ولو في زول فيكم عارف محل
الخيمة ال يوصفا لينا عشان
نمشي ناكل باسطة وغٌريبَة .. |
موبالغة يا محمد الحسن
صدق زول واحد فكر للحكاية دي مافي
يا ابو لبيد
قلت لي فطرت في نص رمضان؟
ياخي الخبر الجاني انك من اول يوم داكيهو، وما صدقت لقيت البطحاني المسكين دا قلت النتسبب بيهو
حقو الواحد يتصل بعزام
|
Post: #34
Title: Re: رد
Author: MOHAMMED ELSHEIKH
Date: 07-03-2014, 12:45 PM
Parent: #31
يا خوانا خلو الراجل يكمل المعلومة
قال زكاة الفطر 12 جنيه اوكي.
طيب اطعام ستين مسكين بي كم ياخبير؟ عشان بدر الدين الأمير يتنور وكدى
|
Post: #35
Title: Re: رد
Author: الهادي ابوبكر
Date: 07-03-2014, 12:52 PM
Parent: #34
Quote: يا خوانا خلو الراجل يكمل المعلومة
قال زكاة الفطر 12 جنيه اوكي.
طيب اطعام ستين مسكين بي كم ياخبير؟ عشان بدر الدين الأمير يتنور وكدى |
يكمل شنو يا ود الشيخ ،،،
الزول اول ما فتح الخيمة كتب الزكاة 12 جنيه،،،
|
Post: #36
Title: Re: رد
Author: محمد عمر الفكي
Date: 07-03-2014, 01:09 PM
Parent: #35
Quote: يكمل شنو يا ود الشيخ ،،،
الزول اول ما فتح الخيمة كتب الزكاة 12 جنيه،،، |
دندش للمزادات بس يا الهادي
والله يا الهادي انا شايف فيك مشروع عتالي نجيض خالص اذا ما كتلتك المغصة قبل ذلك.
فشنو
واظب على التمارين
|
Post: #37
Title: Re: رد
Author: الهادي ابوبكر
Date: 07-03-2014, 01:26 PM
Parent: #36
Quote: دندش للمزادات بس يا الهادي
والله يا الهادي انا شايف فيك مشروع عتالي نجيض خالص اذا ما كتلتك المغصة قبل ذلك.
فشنو
واظب على التمارين |
ود الفكي مواظبين مواظبين بس ساعدونا بالجكة
الشي تقول خيمة سيرك....
/////من الخارج /////
|
Post: #38
Title: Re: رد
Author: محمد عمر الفكي
Date: 07-03-2014, 01:30 PM
Parent: #37
الواقف في باب الخيمة دا الخبير يا الهادي؟
|
Post: #39
Title: Re: رد
Author: الهادي ابوبكر
Date: 07-03-2014, 01:35 PM
Parent: #38
Quote:
الواقف في باب الخيمة دا الخبير يا الهادي؟ |
ياهو زاتو .... ما شايف رفعة اليد دي معناتا 12 جنيه ،،،
|
Post: #40
Title: Re: رد
Author: الهادي ابوبكر
Date: 07-03-2014, 01:39 PM
Parent: #39
والله الزول ده فقد كبير لينا في الرياض...
كان عامل برنامج ،،،
يا خبير ما تشوف طريقة كده جاي جاي ياخ ،،،
|
Post: #41
Title: Re: رد
Author: عمار عبدالله عبدالرحمن
Date: 07-03-2014, 03:24 PM
Parent: #40
انت ال 12
دي قاصد بيها رسوم الدخول
ولا البدفعوها في نهاية الصيام ,,
سوال بالجنبة
ممنوع اصطحاب الشفع , لا عادي
|
Post: #42
Title: Re: رد
Author: بدر الدين الأمير
Date: 07-03-2014, 03:39 PM
Parent: #41
| Quote: طيب اطعام ستين مسكين بي كم ياخبير؟ عشان بدر الدين الأمير يتنور وكدى |
نحنا التطير عيشتنا نلقها من ياتو صلاح غربية ولاجادات
|
Post: #43
Title: .
Author: صلاح غريبة
Date: 07-03-2014, 09:42 PM
Parent: #1
ماشاء الله الخيمة عمرانة وبركات الشهر الكريم وروحانيه.
الشكر للضيوف الكرام وناس الهمة والكرم والفزعة وناس Up
|
Post: #44
Title: رد
Author: محمد عمر الفكي
Date: 07-03-2014, 10:00 PM
Parent: #43
يا خبير
والله قبل شوية كنت في سيرتك مع واحد من بورداب الرياض واشاد بك اشادة كبيرة جدا وهو ما كان مثار استغرابي هههههههه
|
Post: #45
Title: Re: رد
Author: معاوية المدير
Date: 07-03-2014, 10:27 PM
Parent: #44
Quote:
نحنا التطير عيشتنا نلقها من ياتو صلاح غربية ولاجادات |
قبلك وححححححدك وبراك يا بد الدين، اللِتنين باقين عليك !!!؟؟؟.
قرصت اضاني...
|
Post: #46
Title: Re: رد
Author: بدر الدين الأمير
Date: 07-03-2014, 11:36 PM
Parent: #45
Quote: قبلك وححححححدك وبراك يا بد الدين، اللِتنين باقين عليك !!!؟؟؟.
قرصت اضاني... |
شفت شلاقتى ياودالمدير
جيت هنا شفقان على البطحانى قلت الزول نسيبى بحساب شقيقتى متزوجة بطحانى
وخفت عليهو من صلاح غربية البخوفنى لقيتو مشرك لى بصلاحين جاب كثافتى وفطرنى نهار رمضان
ومضى مبتسم يصلى في الكعبة المشرفة غايتو من بكره اولاد اختى يشوف ليهم خال غيرى
شفت كيف الصلاحين صالحين مقاربة بهذ الهمباتى الجدودو كانو بهمبتو فى الخلا فروسية وحمرة عين
|
Post: #47
Title: رد
Author: محمد عمر الفكي
Date: 07-04-2014, 01:05 AM
Parent: #46
يا بدر
كدي النصبح لك ان الله حيانا، بس الله يسامحك شمت فيني حيدر الزين ههههه قال لي نسيبك المليونير وعدك بتذاكر بعد 8 سنين هههههههه
|
Post: #48
Title: Re: رد
Author: جمال خضر
Date: 07-04-2014, 01:15 AM
Parent: #46
Quote: ماشاء الله الخيمة عمرانة وبركات الشهر الكريم وروحانيه.
الشكر للضيوف الكرام وناس الهمة والكرم والفزعة وناس Up |
خيمة الخبير لازم تكون عمرانة لأن الخبير بكرمه الحاتمى وبشاشته المعهودة
جعلت الناس تتقاطر من كل حدب وصوب لتكون فى حضرته المباركة .
واحتفاء بحضور الخبير للخيمة رغم مشغوليلته والإطراء الذى وجدناه
منه نحن معشر العتالة فإنى أتمنى أن يلبى ضيوف البوست الدعوة لتناول
الإفطار غدا الجمعة بخيمة الخبير .
|
Post: #49
Title: Re: رد
Author: صديق الموج
Date: 07-04-2014, 01:44 AM
Parent: #48
الخابور الوطنى صلاح
يا اخوى ما تلم جدادك الاليكترونى الطلقتو فينا ده
اثصد المدعى محمد عمر الفكى وجمال خضر والما يتسماش بدر الدين الامير والمدعى الهادى
ياخى ديل مرضونا مرض الله يقدهم ، انت تنسى البوست ومرات ولا بتكون فاتحه انت
هم برضو يعتلو، ديل شنو الجنهم رفع ديل؟
سألت ربى ببركة هذا الشهر الفضيل خيمة مترين فى متر ونص فى البر وفيها عشرة كلاب
سعرانات يلمن فيك انت وجدادك ديل ويريحونا منكم،،،
|
Post: #50
Title: Re: رد
Author: بدر الدين الأمير
Date: 07-04-2014, 02:01 AM
Parent: #49
Quote: الخابور الوطنى صلاح
يا اخوى ما تلم جدادك الاليكترونى الطلقتو فينا ده
اثصد المدعى محمد عمر الفكى وجمال خضر والما يتسماش بدر الدين الامير والمدعى الهادى
ياخى ديل مرضونا مرض الله يقدهم ، انت تنسى البوست ومرات ولا بتكون فاتحه انت
هم برضو يعتلو، ديل شنو الجنهم رفع ديل؟
سألت ربى ببركة هذا الشهر الفضيل خيمة مترين فى متر ونص فى البر وفيها عشرة كلاب
سعرانات يلمن فيك انت وجدادك ديل ويريحونا منكم،،، |
جدو الموج
مالو حوارنا الشبابى تور نفسك انت بلعت حبوبوبك ولا دى صحوة (بول سكرى )
|
Post: #51
Title: Re: رد
Author: صديق الموج
Date: 07-04-2014, 02:29 AM
Parent: #50
Quote:
جدو الموج
مالو حوارنا الشبابى تور نفسك انت بلعت حبوبوبك ولا دى صحوة (بول سكرى ) |
هى لكن خابوركم الواطى ده خيمه كامله واتناشر جنيه بس؟
اتناشر صعايده يا غريبه يقددو رحمك زى ما سلقت جنا جدادنا،،،
|
Post: #52
Title: Re: رد
Author: وضاحة
Date: 07-04-2014, 09:34 AM
Parent: #51
ابو كضوم والجداد الكترونى دا فى رمضان ما قبضوهم ليه !!!!
مش بقولوا الشواطين بقبضوهم فى رمضان ههههههههههه
|
Post: #53
Title: Re: رد
Author: جمال خضر
Date: 07-04-2014, 11:17 AM
Parent: #52
Quote: سألت ربى ببركة هذا الشهر الفضيل خيمة مترين فى متر ونص فى البر وفيها عشرة كلاب
سعرانات يلمن فيك انت وجدادك ديل ويريحونا منكم،،، |
الخال ود الموج أنت عاى رأس المدعوين لحضور إفطار اليوم فى حضرة الخبير
وبمجرد ما تتجاذب أطراف الحديث مع سعادته سيسحرك ببلاغته ومنطقه وسعة أفقه
وبديهته الحاضرة وخفة دمه وستخرج مبهورا به تماما كما حدث لنا وما طالبنى
حليفة أول حاجة حاتعمله بعد إنتهاء اللقاء ستلح وتصر على أخونا ود الفكى أن
يمدك بعدد من الشناكل حتى تكون مرابطا فى سبيل رفع بوستات سعادته .
بخصوص ما ذكرت فى المقتبس أعلاه فشيخنا الخبير رجل صالح وذو كرامات
وسيستطيع بكل بساطة ترويضها و جعلها تعمل الى جانبه وما عايزين نخوض
أكثر فى هذا الموضوع لأن كرامات الخبير لا ينكرها الا مكابر .
|
Post: #54
Title: Re: رد
Author: جمال خضر
Date: 07-04-2014, 11:44 AM
Parent: #53
Quote: ابو كضوم والجداد الكترونى دا فى رمضان ما قبضوهم ليه !!!!
مش بقولوا الشواطين بقبضوهم فى رمضان ههههههههههه |
أختنا وضاحة رمضان كريم ليتك تكونى حضور لإفطار اليوم حتى
تكونى شاهد عيان على تحول الخال ود الموج من النقيض الى النقيض
بعد أن يحاور الخبير وسترينه حاملا بداله يكسر فى التلج بكل أريحية
من يستحقوا التصفيد فى هذا الشهر الكريم هم أولئك الشياطين الذين
يعادون الخبير ويعادون الإنقاذ تلك الحكومة الإسلامية التى نقلت
السودان الى مصاف الدول التى يُشار اليها بالبنان .
|
Post: #55
Title: Re: ## خيمة صلاح غريبة الرمضانية ##
Author: صلاح غريبة
Date: 07-04-2014, 05:45 PM
Parent: #1
ماشاء الله شايف الخيمة عامرة .
|
Post: #56
Title: Re: ## خيمة صلاح غريبة الرمضانية ##
Author: جمال خضر
Date: 07-04-2014, 06:20 PM
Parent: #55
| Quote: ماشاء الله شايف الخيمة عامرة . |
عامرة بى وجودك يا خبير لو نصبتها فى صحراء بيوضة سيأتيها الناس من كل فج عميق
علشان تعرف معزة الناس ليك .
سير سير يا خبير نحن جنودك للتعتيل
|
Post: #57
Title: رد
Author: محمد عمر الفكي
Date: 07-04-2014, 06:33 PM
Parent: #56
عم صديق
بتدعي فينا مالك يا زول؟ ولا دي حسادة منك للخبير على شعبيته وعتالته؟ ههههههههههه
هسي حاجة في ذمتك ماك متونس في امانة الله؟
يا جمال
ياخي الخبير دا اول مرة يشيد ويحي عماله من العتالة هههههههه
|
Post: #58
Title: Re: رد
Author: قسم الفضيل مضوي محمد
Date: 07-04-2014, 11:50 PM
Parent: #57
رد · · 2 يوليو، الساعة 03:14 مساءً
.
Quote:
أنور عبدالله · مدرسة الخرطوم القديمة الثانوية
غريبة ابو راس غليد وحبوبتو المسكينة الحاشره بمناسبة ودونها،،،،،،،، تحياتي ورمضان كريم......انتو لسه في سودان السجم والرماد دا وكمان في رمضان السخانتو تلحم !!!! علما بأن التسريبات كلها بتقول انو قريبكم الود السيسي (عمهم الحابس دمهم) خدكم معاهو في الطيارة ويقال أن السيسي إنبهر شديد من ارائك و دراساتك البيئة والسياحية حول سد النهضة واوصي السيسي بأن يتم تعيين الخبير الدولي غريبة كممثل دائم لجمهورية مصر العربية في اللجنة الدولية العليا التي ستعيد تصميم السد ،،، بعد الدوائر أكدت أن هذة التوصية خسارة كبيرة للجانب السوداني وفقد الخبير لن يعوض ولو دارات السنوات !!!!!! ....المهم لعلمي بانك بالمحروسة فلقد افتكرت خيمتك قصاد خيمة الراقصة المبدعة فيفي عبدو !!!ومشيت أسأل في تلك الجهات للاسف لم اجد اثر واتصلت بالشباب فقالو الخيمة بخرطوم النيلين حيث الناس عطشي!!!!.... صفقت الكفين وتعجبت من غريبة مدخل البدع المصرية والشامية لربوع بلاد كوكو ومرسال وادروب وبلال وجرنقدي ود فتال الحبال ،،، نحن أهل السودان لا نعرف خيمة رمضان ولكن ب نعرف برش فطور رمضان.......... وخيمة البكي !!!! غربوتا اختشي الدنيا اوائل رمضان
|
انور دا يا اخوانا امبيرو لفا 360 درجة
[b/]
|
Post: #59
Title: Re: رد
Author: معاوية المدير
Date: 07-04-2014, 11:56 PM
Parent: #58
| Quote: ماشاء الله شايف الخيمة عامرة . |
بوجودك يا حبة.
أُطالب بحظر ود الموج ووضاحة ومنعهم من دخول الخيمة،
مع توجيه إنذار شديد اللهجة لأنور من تال الفيس بوك.
وشكراً،
عضو اللجنة المركزية
ود المدير...
|
Post: #60
Title: Re: رد
Author: nour tawir
Date: 07-05-2014, 00:01 AM
Parent: #59
رمضان كريم يا ود المدير..
الخبير النووى الاستراتيجى الشامل..
بقى يفتح بوستات لى رقبته..
يعنى مثلا خيمة صلاح غريبة..
أو يسمى البوست صلاح غريبة عديل كدا..
يا أخى خبيركم دا أنا من الله خلقنى ما لاقانى ّزيه..
وما قادرة افصح أكتر من كدا الدنيا رمضان..
وما عايزة أبّوظ الصيام بتاعى فى حاجات هايفة..
أها خليتك عافية ..
ورمضان كريم..
|
Post: #61
Title: رد
Author: محمد عمر الفكي
Date: 07-05-2014, 08:07 AM
Parent: #60
يا ود المدير
عليك الله ضيف لنا نور تاور دي لقائمة الحظر هههههههه
كلامها كتر و اراءها بحق خبيرنا دائما سلبية وكمان جايبة ليها همز ولمز (اظنها قاصدة سارة).
يا نور هنا يا تمجدي الخبير كتمجيد الكوريين لكيم او تتخارجي هههههههه
|
Post: #62
Title: Re: رد
Author: جمال خضر
Date: 07-05-2014, 10:04 AM
Parent: #61
Quote: يا جمال
ياخي الخبير دا اول مرة يشيد ويحي عماله من العتالة هههههههه |
الخبير ما بيقصر تب بس حاولوا كسروا تلج زيادة ويا ريت لو نظمت لينا فيه
قصيدة عصماء تمدح فيها الخبير ولو كمان أخونا ناذر عمل ليها لحن كده يكون
الناقص تم .
كسرة
إنت سارة دى منو ؟
|
Post: #63
Title: Re: رد
Author: سليمان القرشي
Date: 07-05-2014, 10:49 AM
Parent: #62
غريبة ياصاحب السياحة
في مصر والسودان وزنقاحة
ان شاء الله ياخبير تلقي الراحة
ورقادك يكون في سرير البراحة
سالت ربي حياتك كلها تكون انشراحة
وفي الاسكايبي تاخدلك انسداحة
غريبة ياحنين يالمتلك مافي الحين
ماتشتغل بالمغرضين
ديل فارغين وللشناكل حاملين
ولي صورتك مشوهين
اضربهم الخونة المارقين
ولو ماتو ليك مالاحقين
غريبة ياظريف يالماشي
القاهرة بدون تكليف
اختا شارع الهرم والنواصي
الفيها البنات بتقيف
هييييييييع
|
Post: #64
Title: Re: رد
Author: Othman Al-Hasan Babikir
Date: 07-05-2014, 12:11 PM
Parent: #63
والله يا جماعة نفسي أعرف لقب الخبير الوطني ده .. منو الأطلقو على الزول ده ؟؟ هل هو الأطلقو علي نفسو ؟؟ وهذه مصيبه أم هناك جهة أكاديمية هي التي أطلقت عليه هذا اللقب ؟؟؟ وتكون هذه أم المصائب
|
Post: #65
Title: Re: رد
Author: nour tawir
Date: 07-05-2014, 11:19 PM
Parent: #64
يا محمد عمر..
نمّجد الخبير النووى الاستراتيجى الشامل..
هو نان زولا بنقدر على زعله ؟
ورمضان كريم..
خيمتكم دى يا كافى البلا..
ما لاقين منها ولا عضم يسند القلب الولهان..
أديتكم الخلا....
|
Post: #66
Title: رد
Author: محمد عمر الفكي
Date: 07-05-2014, 11:19 PM
Parent: #64
يا جماعة لو متابعين في بوست كدا واحد ملياردير اماراتي كان واعدنا بقريشات عن طريق عضو المنب ود الفحل
المهم
الملياردير اتصل بي واعرب عن شديد اعجابه بخبيرنا الوطني كما عبر عن اسفه لانتشار الشائعات المغرضة واشاد بدور مرصد خبيرنا في محاربتها وثمن كذلك قيام الخبير بفتح خيمة رمضانية جمعت السودانيين تحت سقف واحد.
عليه
اعلن عن استعداده التام للمساهمة بمبلغ 10 الف دولار للخيمة وعشرة اخرى للمرصد وطلب مني سؤال الاخ الخبير والسادة أعضاء المجلس الاستشاري عن كيفية ايداع المبلغ.
انا كسير تلج مني ساهي جبت ليهو سيرة اصدقاء السياحة وقال برضو ما عنده مانع من دعمها.
فشوفو ارد عليهو واقول ليهو شنو.
سليمان القرشي
المعلقة دي مكانها امهات كتب الثقافة هههههههه لكن البدال السنين ما عندك هههههههه
|
Post: #67
Title: Re: رد
Author: محمد عمر الفكي
Date: 07-06-2014, 07:22 AM
Parent: #66
يا نور
اتصابري معانا زي ما قال المهل ود جودة من ناحية الصابراب ريفي ام صبر
هسي شفتي القرشي دا على الاقل بيطلع ليهو بالف دولار من المعلقة دي
الا بمناسبة الدولارات دي يا خبير، وديعة قطر ما لقيت لك منها شئ؟
|
Post: #68
Title: Re: ## خيمة صلاح غريبة الرمضانية ##
Author: صلاح غريبة
Date: 07-06-2014, 02:24 PM
Parent: #1
@لوحة اعلانات الخيمة@
9 يوليو ... سهرة سودانية على المسرح المكشوف بالاوبرا - القاهرة
|
Post: #69
Title: Re: ## خيمة صلاح غريبة الرمضانية ##
Author: بدر الدين الأمير
Date: 07-06-2014, 04:32 PM
Parent: #68
| Quote: الا بمناسبة الدولارات دي يا خبير، وديعة قطر ما لقيت لك منها شئ؟ |
يعجبنى في معالى الخبير التجاهل التجاهل التجاهل
بلا ودالموج بلاودالفكى بلاودالامير ولاود المدير
رجرجة ودهماء جاين يشغلو الخبير من التفكير ووضع النظريات
الخبير عليك الله رحبى عشان البطحانى وودالمدير يموتو بغيظهم
|
Post: #70
Title: مرحب بالامير بدرالدين الامير ...
Author: صلاح غريبة
Date: 07-06-2014, 08:30 PM
Parent: #1
مرحب بيك في خيمتنا وانشاء الله الشباب يكونوا ماقصروا معاك.
معليش انا ماشي الابيض بكرة مع النائب الاول ولمن ارجع حاقعد معاك في الخيمة ونتونس.
|
Post: #71
Title: Re: مرحب بالامير بدرالدين الامير ...
Author: بدر الدين الأمير
Date: 07-06-2014, 09:25 PM
Parent: #70
Quote: مرحب بيك في خيمتنا وانشاء الله الشباب يكونوا ماقصروا معاك.
معليش انا ماشي الابيض بكرة مع النائب الاول ولمن ارجع حاقعد معاك في الخيمة ونتونس. |
معالى المستشار انا اسمى بدرالدين الامير
هسى يجى البطحانى الحقاد ومعه قائد سرب الجداد الاكترونى الجد الموج يقولو لى معالى المستشار ماقاصدك انت بالترحيب
وما ذكر اسمك انت متلصق ساكت وبعدين الابيض شنو يامعاليك نحن مستننك تجى الدوحة مع البشير الخصاك بخبر زيارته
للدوحة يعنى شيخ الجكس الرسلو الامارات احسن منك في شنو انت حيرانك من مكة حتى امريكا الفها حوارك الكبير دينق
بس بت ال###### الشعيرية
|
Post: #72
Title: Re: مرحب بالامير بدرالدين الامير ...
Author: جمال خضر
Date: 07-06-2014, 09:31 PM
Parent: #70
Quote: مرحب بيك في خيمتنا وانشاء الله الشباب يكونوا ماقصروا معاك.
معليش انا ماشي الابيض بكرة مع النائب الاول ولمن ارجع حاقعد معاك في الخيمة ونتونس. |
ما تنسى يا خبير تسلم على صاحبك بكرى ويا ريت تجيبو معاك الخيمة علشان الشباب يكسروا لبه تلج
سمعنا انك مرشح بقوة لتكون نائبا له غندما يتولى رئاسة البلاد وقد تألمنا كثيرا من جراء ذلك لأنك
الأجدر لقبيادة أمر البلاد حتى تخلصها من العباد (عفوا حتى تخلص العباد)
سير سير يا خبير السودان يحتاج تغيير
سير سير يا صلاح السودان يحتاج إصلاح
سير سير يا غريبة عايزين بلدنا تصبح طيبة
|
Post: #73
Title: Re: مرحب بالامير بدرالدين الامير ...
Author: صديق الموج
Date: 07-06-2014, 09:51 PM
Parent: #72
استيم استيم تفاح انـ.......... الجداد الاليكترونى وكـ................ حبوبة صلاح
الجداد بما فيهم كبير الديوك بدر الدين الامير بالله ماتتوصو على النقط دى تموها
كويس الناقصه حرف كاف ختوهو والناقصه ليها سين ختوها
جمال خدر ان شاء الله يرقوك محمد عمر الفكى اى شى برضيه ما طماع زيك
ما الاقيكم فى فرقة يا اوغاد بخبيركم ده احيييييييييييييييى عليكم مافى اقيونة زول
عاضى اصبعو؟؟
|
Post: #74
Title: Re: مرحب بالامير بدرالدين الامير ...
Author: بدر الدين الأمير
Date: 07-06-2014, 10:13 PM
Parent: #73
Quote: ما تنسى يا خبير تسلم على صاحبك بكرى ويا ريت تجيبو معاك الخيمة علشان الشباب يكسروا لبه تلج
سمعنا انك مرشح بقوة لتكون نائبا له غندما يتولى رئاسة البلاد وقد تألمنا كثيرا من جراء ذلك لأنك
الأجدر لقبيادة أمر البلاد حتى تخلصها من العباد (عفوا حتى تخلص العباد)
سير سير يا خبير السودان يحتاج تغيير
سير سير يا صلاح السودان يحتاج إصلاح
سير سير يا غريبة عايزين بلدنا تصبح طيبة |
جمال
ياخى عيب عليك بالطريقة دى انت بتحارب محمد عمر الفكى وزير اعلام الخبير في رزقه
والمسالة دى مابترضى معالى الخبير ياخى لو داير ليك وظيفة عند الخبير وسط جدو الموج بلامحاربة الاخرين في رزقهم
|
Post: #75
Title: Re: مرحب بالامير بدرالدين الامير ...
Author: معاوية المدير
Date: 07-06-2014, 10:33 PM
Parent: #74
Quote: رمضان كريم يا ود المدير..
الخبير النووى الاستراتيجى الشامل..
بقى يفتح بوستات لى رقبته..
يعنى مثلا خيمة صلاح غريبة..
أو يسمى البوست صلاح غريبة عديل كدا..
يا أخى خبيركم دا أنا من الله خلقنى ما لاقانى ّزيه..
وما قادرة افصح أكتر من كدا الدنيا رمضان..
وما عايزة أبّوظ الصيام بتاعى فى حاجات هايفة..
أها خليتك عافية ..
ورمضان كريم.. |
رمضان كريم يا نور،
وتصومي وتفطري علي خير، وربنا يتقبل.
ولا حا يلآقيك زيو، دا الفريد في عصرو والعصور الفاتت،
والجايات من جاي لي جاي كمان.
نعم الخبير يفتح بوستات لنفسو، مُش نفسو برضو؟. يا نور
إنت قايلة نفسو دي هينة واللآ لينة؟. بعدين يا نور نحن
الخبير دا بناكل من فيض بركاته، دحين عليك الله لا تخربي
علينا. دا رجاء لكن ما بيعفيك من الحظر طالما الذي تقدم
بالطلب العضو الموقر ود الفكي، عليه فأنت محظورة بموجب
هذه المدآخلة إلي ان يصلك جواب مختوم ومعتمد من الخبير
زات نفسو. وقعتك طينة...
|
Post: #76
Title: Re: مرحب بالامير بدرالدين الامير ...
Author: معاوية المدير
Date: 07-06-2014, 10:42 PM
Parent: #75
Quote: مرحب بيك في خيمتنا وانشاء الله الشباب يكونوا ماقصروا معاك.
معليش انا ماشي الابيض بكرة مع النائب الاول ولمن ارجع حاقعد معاك في الخيمة ونتونس. |
رافقتك السلآمة في حِلّك وترحالك، قلوبنا معكم.
أرمي قدآم وراء مأمّن.
يا خبير وصايك علي العين والراس، وايّ زول يدخل الخيمة دي
في غيابك فهو آمن ولن ولم نقصر معاهو ابدا.
أظنك تقصد بدر الدين الأمير، مع إني حاسس إنّك قاصد زول
تاني. علي العموم بدر الدين برضو ما بنقصر معاهو، بس
إنت خلي بالك من نفسك.
أسمع عندك رخصة تسفسف، فأنت علي سفر.
من وجد فرصة في صديق الموج
فلا يولينه الدُبُر. السيف أو السيف ...
|
Post: #77
Title: Re: مرحب بالامير بدرالدين الامير ...
Author: صديق الموج
Date: 07-06-2014, 10:42 PM
Parent: #75
معاوية المدير رمضان خبير
معليش اسمك سقط سهواً من قائمة الجداد الفوق ديك
ان شاء الله نسمع قريب ده عن خيمة صلاح غريبة
القدام البيت نشوفكم بتشتغلوا شنو تانى؟
|
Post: #78
Title: Re: مرحب بالامير بدرالدين الامير ...
Author: بدر الدين الأمير
Date: 07-06-2014, 11:21 PM
Parent: #77
Quote: أظنك تقصد بدر الدين الأمير، مع إني حاسس إنّك قاصد زول
تاني. علي العموم بدر الدين برضو ما بنقصر معاهو، بس
إنت خلي بالك من نفسك. |
ودالمدير
وصيتك الرومنسية لمعالى الخبير خلى بالك من نسفك بتلحق جدو صديق الموج التونج وبتخلى البطحانى يمش يعتكف
ويصوم عن الكتابة الاسفيرية
|
Post: #79
Title: رد
Author: محمد عمر الفكي
Date: 07-06-2014, 11:59 PM
Parent: #78
يا جماعة انا اسف على الغيبة طوال اليوم نسبة لشئون اسرية.
ان الله حيانا التصبح لكم بس
انت يا ود الامير ما عندك القرش عشان كدا الخبير رحب بك طمعان منك في دعم لمشاريعو.
صاحبت السلامة سموه في حله وسفره ونفع الله به العباد والبلاد فهو كالغيث حيثما حل نفع
يا عتالة
ود الامير دا خطر حقيقي على مكانتكم عند الخبير
ود الامير لمن لا يعرفه ملياردير سوداني يقيم بالدوحة (صورة لشئون المغتربين) يعني ان قال بسم الله ممكن براحة يدفع ضرائب الرمتالة المتلنا ديل.
اما انت يا موج فموت بغيظك ووجع قلبك يا حقود يا حاسد يا الما داير بلدنا يتقدم على يد كوم الخبراء المتمثل في الخبير الاوحد وبقيت تتمنى في موته هههههههه. احي انا يا حاقد عشان ما عندك اسكايب هههه
والله يا جماعة بقرا وما طالبني حليفة دماعي جاري من الضحك.
يا مدير
ياخي ممكن صورة ذات الركبة عشان انا الصورة دي كل ما اشوفها بتذكر ربنا واقول سبحان الذي خلق هههههههه وعشان ود الامير دا يمكن ما شاف الخبير قبل كده.
بالمناسبة ود الامير دا امسك فيهو قوي فهو بديل محتمل للملياردير ذو الدولاب الظهري بتاع ود الفحل وعشمنا كبير في ربنا انه يرشنا في رمضان دا رشة تغنينا عن العتالة وتخلي كل واحد فينا مشغول بالبزنس بتاعو
يا بدر
ود الموج دا ما تديهو تعريفة هههههههه
يا مدير
نور تاور استغفرت ربنا وتابت وحلفت تاني ما تهبش سموه فا عفو ليها ههههههه
بس بنصحها هي ووضاحة يختن الاسكايب هههههههه
|
Post: #80
Title: Re: رد
Author: جمال خضر
Date: 07-07-2014, 01:15 AM
Parent: #79
Quote: جمال
ياخى عيب عليك بالطريقة دى انت بتحارب محمد عمر الفكى وزير اعلام الخبير في رزقه
والمسالة دى مابترضى معالى الخبير ياخى لو داير ليك وظيفة عند الخبير وسط جدو الموج بلامحاربة الاخرين في رزقهم |
شباك المرصد إستطاعت الكشف عن مؤامرة تُحاك فى الخفاء لشق الصف والإنفراد بالخبير لاغتيال شخصيته وأفراد ذلك
التنظيم العصابى يتوزعون مابين قطر والسعودية وسنكشف عن الأسماء فى القريب العاجل فهؤلاء المتآمرون يسبحون عكس
الموج ويأتمرون بأميرهم الشيطان ولكن نقول لهم هيهات فالخبير محروس بأتباعه الذين يسدون عين الشمس.
|
Post: #81
Title: Re: رد
Author: معاوية المدير
Date: 07-07-2014, 03:12 AM
Parent: #80
Quote: ان شاء الله نسمع قريب ده عن خيمة صلاح غريبة
القدام البيت نشوفكم بتشتغلوا شنو تانى؟ |
تُب عليك، خسمّتك يا صديق الموج تبزُغا.
إتحصب الله من البتتمناهو ليهو...
|
Post: #82
Title: Re: رد
Author: معاوية المدير
Date: 07-07-2014, 03:15 AM
Parent: #81
Quote: يا مدير
ياخي ممكن صورة ذات الركبة عشان انا الصورة دي كل ما اشوفها بتذكر
ربنا واقول سبحان الذي خلق هههههههه وعشان ود الامير دا يمكن ما شاف
الخبير قبل كده. |
هههههههههههههههههه،
يا حبيب ذات الرُكبة دي بالزات
أنا عايزا للبروفايل...
|
Post: #83
Title: Re: رد
Author: صديق الموج
Date: 07-07-2014, 03:49 AM
Parent: #82
جمال خضر هسه المسكين ده ذنبو شنو؟
بدل الخروف كان تضبحوا الخبير وتريحوا البشريه
وعلى رأى وضاحه ابجضوما زى لقيمات الصدقة ده كان
كفى ليه كتيبة سلات ساكت بس دهنه كتير وعشان الدم تقيل
جيبو ليكم 6 امتار ليمون كان ينهضم خبيركم ده
الله يقدكم ياخى عارفين روحكم يا الاربعة ،،،
|
Post: #84
Title: ن
Author: صلاح غريبة
Date: 07-07-2014, 04:09 AM
Parent: #1
شباب ... صباح الخير
نحن في طريقنا للابيض، نوصيكم خير بالخيمة.
البلدية ماتشلعها انا مأخد تصريح ودافع الرسوم والذي منه.
|
Post: #85
Title: Re: ن
Author: محمد عمر الفكي
Date: 07-07-2014, 07:34 AM
Parent: #84
Quote: يا حبيب ذات الرُكبة دي بالزات
أنا عايزا للبروفايل... |
داير تغير صورة بروفايلك بذات الركبة؟ عملت شنو يعني
|
Post: #86
Title: Re: ن
Author: هشام المجمر
Date: 07-07-2014, 07:57 AM
Parent: #85
قصة رمضانية لخيمة السيد صلاح غريبة
Quote:
ورقة الترشح التي مهر عليها أشرف سيد أحمد الكاردينال ليتأهل إلى رئاسة نادي الهلال حركت الكثير من الساكن في مشواره العملي وقلّب من جديد صفحاته العامرة بالأحداث.. قضية صقر قريش التي ذاع صيتها في وقت سابق، فرضت نفسها في خضم الأحداث، واختارت (الصيحة) منبراً لتعاود منه التحليق في فضاءات النشر الساخن، والقصة التي لم تبدأ بحضور الأستاذ صلاح عبد الله وكيل الشركة المذكورة وشاكي الكاردينال ووزير العدل السابق عبد الباسط سبدرات.. ولن تنتهي اليوم أيضاً بهذا التحقيق، لأنه ما زال في كنانتها ــ أي القصة ــ الكثير. ثمة استفهامات ستجد من بعدها حرف (الجيم) حاضراً ليفك طلاسمها، ولتكشف حقائق موثقة عن مرشح رئاسة نادي الهلال تنافح ترشحه من باب الإدانة السابقة وإقرارها بأمر القضاء.. البلاغ رقم (1017/96) ليس المستند الوحيد وهذا ما تكشفه ثنايا المادة الواردة بالفقرات التالية:
فذلكة تاريخية
وكيل صقر قريش الأستاذ صلاح عبد الله عاد عبر (الصيحة) ليقلب أوراق القضية من جديد.. وبتعريف عن شخصيته قال: أنا صلاح عبد الله رجل أعمال ومؤسس معامل التصوير السودانية عام 1976م، وأول من أدخل التصوير الملون في السودان، ومن خلال إفاداته أوضح: سبقنا من خلال التطور في مجال التصوير الكثير من دول المنطقة، بالإضافة الى كونه صديقاً شخصياً للسيد عبد اللطيف حسن مهدي مالك شركة صقر قريش، التي دخلت في معاملات مالية مع بنك الغرب الإسلامي والتضامن، وشاءت ظروف تدهور الجنيه السوداني من عدم تمكنه من الإيفاء ببعض الالتزامات المالية مما اضطره إلى تحرير شيكات متقاطعة لكل الشركات، واتصل ببنك السودان وشرح لهم الملابسات والظروف التي دعته إلى تحرير هذه الشيكات.
قصة الصدام
ويسترسل صلاح عبد الله بالقول: في ذلك الوقت أبلغ عبد اللطيف حسن مهدي (صقر قريش) بنك السودان أن البضائع التي أشتراها وينوي سدادها بقيمة الجنيه المتراجع موجودة الآن في مخازن البنك واقترح أن تباع في مرابحات بإشرافهم وينالوا حصتهم ويسترد نصيبه، لكن البنك رفض ورفع ضده دعوى قضائية استمرت لعامين بعدها عادت المحكمة للتسوية لأن البضاعة موجودة بمخازن البنك وهي أعلى قيمة مالية من المبالغ المتنازع عليها. ووقع عليها من جانب وزارة العدل المدعي العام الدكتور عبد الرحمن إبراهيم إبان عهد الوزير الأسبق عبد الباسط سبدرات، بعض الملابسات من بعد قادت لأن يتم القبض على عبد اللطيف بوصفه معوقاً لاعتراضه على البيع بأسعار أقل من المتفق عليها حسب الاتفاقية في احتجاجه، وضمنته كصديق شخصي، ولي مديونية موثقة على صقر قريش بمبلغ ثلاثة مليارات وثمانمائة مليون.
شيكات مزورة
ويمضي صلاح في سرد أدق التفاصيل حول القضية بقوله: عبد اللطيف حسن مهدي (صقر قريش) كانت لديه بضائع في الميناء ولم يكن بحوزته (كاش) لتخليصها من الجمارك، فاتفق معه أشرف الكاردينال على تخليصها بسداد جزء نقداً والمتبقي في أشياء عينية، وبالفعل تسلم مبلغ اثنين مليار ومائة مليون عداً نقداً، وأصدر له ثلاثة خطابات ضمان يقر فيها أشرف باستلامه المال وتم تخليص البضاعة بخطابات الضمان التي أكد فيها الكاردينال على استلامه مستحقاته كاملة من شركة صقر قريش، وقبل تقديمها قام أشرف بسحب الخطابات التي اتضح لاحقاً أنها مزورة وقدم بدلاً منها شيكات معتمدة من البنك الاسلامي السوداني فرع السجانة، وعندما قدمت هذه الشيكات كانت المفاجأة في أنها مزورة وهرب أشرف الكاردينال إلى القاهرة.
القبض بالانتربول
ويضيف: الجمارك قامت باعتقال عبد اللطيف حسن مهدي صاحب البضاعة وبعد إبرازه لخطابات أشرف الكاردينال قبل التخليص التي يقر فيها باستلام قيمة تكلفة التخليص، تم القبض على الكاردينال بالانتربول وبيعت بضاعة عبد اللطيف في الدلالة بمبلغ مليار ونصف وقيمتها ستة مليارات وبيع معها شقته وتسلمت الجمارك نصيبها وحكم على عبد اللطيف وأشرف بالسجن لستة أشهر وحفظ البلاغ رقم (1017/96) الذي حرره البنك الاسلامي السوداني ضد أشرف لأن الأخير لم يتضرر، وحركنا البلاغ لاحقاً بوصفنا شركاء متضررين.
أكل أموال
في ذلك الوقت تم تحريك بلاغ وأمر القبض على أشرف سيد أحمد الحسين الشهير بالكاردينال وقبل تنفيذه أصر المحامي الأستاذ الفاضل هاشم على أن يبادر بالحل الودي في إطار الانتماء الهلالي، وبالفعل تم التنسيق في رمضان العام 2009م على أن يتم لقاء بمكتب الكاردينال وقد كان، وخلال اللقاء وبحضور المحامي الفاضل والأستاذ أسامة من مكتبي والأستاذ كرم الله محامي الكاردينال، قال أشرف..لصلاح عبد الله: (أجيك من قصير القروش دي أنا أكلتها وما برجعها ليك كلها.. بديك منها 900 مليون)، فرفضت وقلت له إنني لا أتزلف بل أطلب حقاً سأناله طال الزمن أم قصر. بعدها قال أشرف ناصحاً أن أقبل المبلغ وأعترف لي قائلاً: ( أنا كنت باكل حق الناس، لكن بعد الله أداني جبت أي زول رجعت ليهو قروشو في مكتبي دا لما بكى)، فقلت له أما أنا فلن أبكي وسأسترد حقي.
الغاء أمر قبض
عقب ذلك الاجتماع بدأ الكاردينال يتهرب من مواجهتنا بأعذار مختلفة هكذا قال وكيل شركة صقر قريش..واضاف: اكتشفنا أنه قدم طلب فحص لوزير العدل والملف سحب من النيابة تمهيداً لإبطال أمر القبض فأسرعنا وباغتناه وقبضنا عليه، فقام بمهاتفة وزير العدل وقتها عبد الباسط سبدرات والذي طلب بدوره من العسكري المنفذ لأمر القبض واسمه نميري إطلاق سراحه، فرفض الأخير وأخبره أنه يتبع إجراء قانونياً سليماً، وحرك سبدرات وكيل النيابة وطالبه بعدم دخول أشرف السجن والذي نفذ أمر المدير العام بإلغاء أمر القبض على ظهر الخطاب الناص عليه في بدعة هي الأولى بالسودان.
فتوى دستورية
ويروي صلاح معاناة الظلم والقهر بقوله: للأسف الشديد حوربت أيما محاربة من رئيس القضاء السابق ووصلت في الطعن الإداري الى مرحلة أن القاضي كاد ان يحكم لمصلحتي والذي طلب منا أن نحضر المرافعة النهائية وشطب الدفوعات القانونية الخاصة بوزير العدل وشطب دفوعات الكاردينال وقاموا بعدها بالاستئناف، وبعدها قام سبدرات بالحصول على فتوى من المحكمة الدستورية وفي ظرف ثلاثة شهور فقط قام باستخراج قرار إداري من المحكمة، وبعدها لجأت لذات المحكمة الدستورية، ومن يوم 9-1-2012 قضيتي لا زالت أمام المحكمة الدستورية حتى تاريخ اليوم.
وبصفتي وكيلاً وممثلاً لصقر قريش، ضد وزير العدل وقتها وأشرف الكاردينال، وأقولها بكل أسف أن رئيس المحكمة الدستورية السابق كان صديقاً لسبدرات لذا تم تعطيل مسار القضية الى الاتجاه الآخر، والآن يمكنني أن أقول إن الله سبحانه وتعالى أكرمني بظهور قضية الأقطان التي أطاحت برئيس المحكمة الدستورية السابق،لأنني (ظلمت)، وأنا مطمئن تماماً بأن المحكمة الدستورية بعد أن غاب عنها شبح سبدرات تستطيع أن تعمل بحيادية، وهنالك مثل انجليزي يقول (تأخير العدالة نكران للعدالة).
استغلال نفوذ
ويمضي وكيل شركة صقر قريش بالقول: للأسف أن هنالك استغلال نفوذ واضح بين سبدرات ورئيس المحكمة الدستورية السابق والذي حكم لصالح سبدرات من قبل خلال ثلاثة شهور فقط، في نفس الوقت لا زالت قضيتي حبيسة الأدراج لسنتين ونصف. وأنا أقولها بملء الفم ما عندي علاقة بالكاردينال (ولا بيشبهني ولا بشبهو) لكن حقي كان بتفويض مسبق من صقر قريش الذي فوضني حسب التوكيل، واتهموني وقتها بتزوير الأوراق وذهبت بعدها للأردن وأحضرت التوكيل من (صقر قريش) بصفة رسمية وبخطوات كانت كلها قانونية لاتخاذ الاجراءات القانونية تجاه (اشرف الكاردينال) لاسترجاع الحقوق المسلوبة منه وهي جزء من مديونيتي لدى شركة صقر قريش وهي (مليار وتسعمائة مليون جنيه).
الادلاء بالمثير!!
وإمعاناً في المزيد من القاء الضوء واحقاق الحق قال صلاح: أريد أن أوضح أن الكاردينال عندما قابلته اعترف أمام شهود بالمبلغ الذي استولى عليه، وللأسف عندما تجرى معه مقابلات تلفزيونية يتنكر تمامًا لهذه الاستحقاقات ويتهم صقر قريش بأنه (حرامي) خدع البنوك وهرب من البلد. وأنا للأمانة ومن خلال المستندات والاوراق التي اطلعت عليها عرفت حقيقة أن صقر قريش رجل نزيه وصادق في كافة تعاملاته المالية.
ويضيف وكيل شركة صقر قريش: استشهد بسعادة اللواء عبد الرحيم محمد عبد الرحيم رئيس المباحث الجنائية السابق لأنه كان المتحري في هذه القضية والذي قال لي وقتها (صديقك ده انا ممكن ارجع ليهو قروشو كلها لأنو (الجماعة اكلوهو أكل ما معقول) لأن بضاعته كان تقييمها قرابة الـ21 ملياراً وهو الذي تمت عليه التسوية، وعلى سبيل المثال للأسف (طاقة الدبلان) باعوها بعشرة جنيهات مع ان سعرها وقتها كان أقرب للخمسين جنيهاً.
رفض سداد المستحقات
من جانبها طرحت (الصيحة) سؤالاً مباشرًا لوكيل شركة صقر قريش يتلخص حول (هل كانت هنالك أي مبادرة من الكاردينال طيلة الفترة الماضية لتسديد المبلغ المستحق). فأجاب صلاح: الكاردينال ما عايز يسدد المبلغ، وهو صرح لأحد المقربين منه قبل ايام بأن (صلاح ما عندو عندي أي قروش، ولو عندو قروش اليمشي يشيلها من صقر قريش) في نفس الوقت أقر من قبل بهذه الحقوق وبحضور شهود يُعتد بشهادتهم.
الكاردينال لا يصلح
ولمعرفة كافة الآراء المتعلقة بهذه القضية التقينا بأحد الشهود الذين استعان بهم وكيل شركة صقر قريش لتدعيم موقفه في كسب القضية.. فكانت الافادات حاضرة من المحامي الأستاذ (الفاضل هاشم) والذي قال لـ (الصيحة) بأنه محامي صلاح عبد الله وكيل شركة صقر قريش ويقر تمامًا بأن الكاردينال اعترف من قبل بأن لصلاح حقوقاً واجبة السداد، وزاد المحامي بقوله: بأنهم اندهشوا لترشيح أشرف الكاردينال لرئاسة الهلال، وزاد هذا المنصب هو منصب خطير وذلك لمكانة وجماهيرية هذا النادي العريق، والذي قاده من قبل أفذاذ من الرجال الخلص أمثال الطيب عبد الله وطه علي البشير ونحن تحفظنا على أشرف الكاردينال لأنه غير مؤهل لرئاسة نادي الهلال، وذلك لأنه سبق أن تم فتح بلاغ إخلال بالشرف والأمانة في مواجهته وهو البلاغ رقم 3/2002 تحت المادة 178 من القانون الجنائي المتعلقة بالاحتيال والمادة 123 المتعلقة بالتزوير، وما زال هنالك بلاغ قيد النظر بالرقم 1017 /96 امام المحكمة الدستورية ودونكم حيثيات قرار قاضي محكمة جنايات الخرطوم شمال مولانا هشام احمد عوض والذي كشف الرجل على حقيقته..
أخيرًا أقول إن الكاردينال أقر أمام عدد من الشهود وبالمستندات بأكله لأموال وكيل شركة صقر قريش وهي (مليار وتسعمائة مليون جنيه) وهو بذلك رجل غير مؤتمن على نادي الهلال والأمانة تقتضي كشف ذلك للعامة لأن أشرف قدم نفسه لشغل منصب عام وعليه تحمل التبعات.. مع العلم ان الكارينال قدم تسوية تقضي بدفعه لمبلغ 900 مليون لصلاح وبذك يكون قد اعترف بهذه الحقوق.
لماذا هذا التوقيت ؟
إكمالاً لجوانب هذا التحقيق قدمنا عدة تساؤلات لوكيل صقر قريش كان أهمها (لماذا هذا التوقيت بالذات لإعادة أجواء القضية من جديد بعد ان توقف النشر فيها لفترات طويلة)..وهل لما سبق علاقة بانتخابات الهلال.. أي هل الغرض من هذه الافادات إضعاف الكاردينال في الانتخابات؟).. في هذا الجانب كانت إفادات وكيل صقر قريش الأستاذ صلاح عبد الله صريحة وواضحة بقوله: أقول (نعم) لكل التساؤلات السابقة.. لأن الكاردينال ليس هو الشخص المناسب لرئاسة الهلال التي تعاقب عليها خيرة الرؤساء خلال الحقب الماضية.. والذين لم يسبق إدانتهم بأي قضايا تتعلق بالاحتيال والتزوير.
ماذا حوى الحكم
ومن خلال مستندات تحصلت عليها (الصيحة) كان حكم قاضي محكمة جنايات الخرطوم شمال الاولى حول هذه القضية والتي لخصها في عدة أسطر وحملت ما يلي..وذلك تعليقاً لمقال صدر بإحدى الصحف حول الكاردينال:
عندما يذبح أهل العدالة
(قصة الكاردينال الذي ظهر كالزبد على سطح الحياة الاقتصادية ثم الرياضية حليفا للحركة الشعبية ومداناً في قضية صقر قريش قضى فترة من السجن تحت تهم تتعلق بالأمانة والنزاهة وهي قصة طويلة لرجل أتى من اللا شيء ظهيراً للحركة الشعبية في قضية اللاندكروزرات والفساد المالي التي ألقت في السجن حتى بعض مجلس قيادة ثورة الانقاذ السابق مارتن ملوال وأطاحت برؤوس كبيرة في الجنوب.
واستمر المقال.. رجل مثل الكاردينال ليس له اسهام حقيقي ولا مصداقية ولا دور ولا مؤهلات ولا قيم تجعل منه رجل أعمال أو رجل مجتمع، ملوث بالاتهامات والإدانات من المحاكم جاء من القاع المليء بما يزكم الأنوف من روائح الفساد المالي ليصبح بقدرة قادر محل حظوة وصاحب مكانة رفيعة لدى وزير العدل تعصمه من العقاب والمحاسبة).
واستمر المقال..المتهم أشرف الكاردينال طفا على السطح في ثياب وأزياء مختلفة أولاً ادعاء الشعر والفن وممارسة التجارة عبر العمليات القذرة كالتي حدثت في الجنوب ثم ادعاء العمل السياسي مع الحركة الشعبية ثم محاولة التسلق الى نادي الهلال الرياضي الذي بلغ به أن يطأه أمثال المدانين في قضايا الاحتيال والتزوير... وبالتالي فإنه في هذه الدعوى فإن النشر كان للمصلحة العامة ارتبط باجراءات قانونية عدلية من إحدى الجهات الحكومية هي وزارة العدل ممثلة في وزيرها، وثبت من خلال المستندات المقدمة والوقائع صحة الخبر المستند وتدخل وزير العدل عبد الباسط سبدرات والمدعي العام بعدم تنفيذ أمر القبض الصادر في مواجهة الشاكي وحمايته لصدور الاحتيال والتزوير والفساد المالي وحماية القطط السمان والأيادي الملوثة بالحرام.
بناءً على ذلك.
نقرر الآتي:
1/ براءة المتهمة الأولى والثاني من التهم المنسوبة اليهما.
2/ يطلق سراحهما فوراً ما لم يكن لديهما أي اجراءات أخرى.
3/ يسمح للأطراف بالاطلاع.
4/ يسلم الأطراف صورة حكم.
الصيحة
أحمد قمبيري- أبوبكر الماحي |
قصة ممتعة مش
|
Post: #87
Title: Re: ن
Author: MOHAMMED ELSHEIKH
Date: 07-07-2014, 08:06 AM
Parent: #85
يعني انا معقول اقول كلام يقع واطة؟
اصبروا لما الخبير يرجع مع النائم الأول من الأبيض
يورينا باقي الفتاوي.
والله اثني قرار ذهاب الخبير الدوحة لنصب خيمة عديييل هناك
|
Post: #88
Title: Re: ن
Author: الهادي ابوبكر
Date: 07-07-2014, 11:08 AM
Parent: #87
من برامج الخيمة بعد الافطار
ههههههها ،،
|
Post: #89
Title: Re: ن
Author: علي عبدالوهاب عثمان
Date: 07-07-2014, 12:22 PM
Parent: #88
Quote: جيبو ليكم 6 امتار ليمون كان ينهضم خبيركم ده
الله يقدكم ياخى عارفين روحكم يا الاربعة ،،، |
حبيبنا الموج ..
يا أخي الزول ده قضى فترة اشهر معانا في جدة هنا .. زول هادي ومبتسم دائماً ..
ويحب الحفلات .. وكان دائماً متواجد بالحضور (فقط) في فعاليات جدة الثقافية والاجتماعية ..( بدون مشاركة )
حتى في الليالي النوبية ..
وكان آخر أناقة (بدلة شيك )..
اليوم خبير مليء السمع والبصر ..
|
Post: #90
Title: Re:
Author: بدر الدين الأمير
Date: 07-07-2014, 12:34 PM
Parent: #88
اين انتم اين انتم
ماشيفن هشام المجمر جاى ينشر غسل الهلالاب الـ ..... في خيمة الخبير الطاهرة
محمد عمر وجمال وودالمدير حسابكم عسير مع معالى الخبير ... هاتفته لاخبره
عن اهمالكم لوجباتكم زجرنى وقلى دا وقتو انا هسى مافضى انا بطفر في التيران
والخرفان المذبوحة تقربا لوصلولى الابيض قلت كان تترك هذه المهمة لبكرى
ضحك وقال بكرى المصقوع دا يطفر ولا يطفرو
ثم اوصانى خيرا بجدو الموج
|
Post: #91
Title: Re:
Author: معاوية المدير
Date: 07-07-2014, 12:42 PM
Parent: #90
| Quote: ثم اوصانى خيرا بجدو الموج |
أتقول أوصاك خيراً بالموج !!!؟؟؟.
علي النعمة لقد صبأ.
ما أخاله يفعل ذلك !!!...
|
Post: #92
Title: Re:
Author: بدر الدين الأمير
Date: 07-07-2014, 01:05 PM
Parent: #91
Quote: أتقول أوصاك خيراً بالموج !!!؟؟؟.
علي النعمة لقد صبأ.
ما أخاله يفعل ذلك !!!... |
ههههههههههها على الطلاق ياودالمدير ضحكتنى لمن دموعى سالت
والمدام جات وقفت في راسى وهى تردد مالك ياراجل جنيت وانا زداد ضحك
المحرقة والحرقة لجدو لموج انه شرانى ولايطابط غير الشر
تنهدات: الكلام لبرشت ملك مسرح العبث (لوممكن تكون ممل بطريقة جديدة ومبتكرة فانت مبدع )
برشت اوبرخت كان يعنى خبيرنا الاممى قدس الله سره
|
Post: #93
Title: Re:
Author: محمد عمر الفكي
Date: 07-07-2014, 01:23 PM
Parent: #92
| Quote: والمدام جات وقفت في راسى وهى تردد مالك ياراجل جنيت |
قطع شك المدام ما جات وايدها فاضية، يا جابت لك الطفاية يا جابت لك الليمون الباااااارد
|
Post: #94
Title: Re:
Author: بدر الدين الأمير
Date: 07-07-2014, 02:00 PM
Parent: #93
| Quote: قطع شك المدام ما جات وايدها فاضية، يا جابت لك الطفاية يا جابت لك الليمون الباااااارد |
كويس يالفتان الماقلت جابت التلج والزجاجة تكترو وتقللو هسى بطلبهم واكون طالبك عمرة وحجة ههههههههههههه
على فكرة الوالدة والوالد في العمرة ومعهم عمى الريح انت لو صح لك تلتقى ابى وعمى الريح في ونسة جانبية
سوف تعود انسان اخر لوجلست تتونس معهم ويونسوك عن تجاربهم في الحياة وكيف جربتهم الحياة ا..... تلك دنيا
ابى وعمى الريح كلاهما على ابواب التسعين من العمر بس وناسين وضحاكين واصحاب فال حسن .....
|
Post: #95
Title: رد
Author: محمد عمر الفكي
Date: 07-07-2014, 11:40 PM
Parent: #94
يا اخوي سلام الله عليك
الله يديهم الصحة والعافية ويحفظهم
جدا رسل لي تلفونهم في الخاص
بالمناسبة انا في جدة
|
Post: #96
Title: Re: رد
Author: بدر الدين الأمير
Date: 07-08-2014, 10:07 AM
Parent: #95
Quote: يا اخوي سلام الله عليك
الله يديهم الصحة والعافية ويحفظهم
جدا رسل لي تلفونهم في الخاص
بالمناسبة انا في جدة |
ودالفكى
يديك العافية اعمامك غادرو مكة ومشو يعتكفو مع حبيبهم المصطفى في المدينة
بس المهم على قول تبارك
المدام دكتورة منال السر اى عضو المنبر نجمة
طلبتنى ان لا اتداخل معك قالت انا لمن اتداخل معك بكون متخلف وبحلف بطلاق واقول بطحانى وشنو كدا من الاوصاف العنصرية
قلت هذا البطحانى اكان ما خرب بيتى مابرتاح هههههههههههههههههههههههههه
|
Post: #97
Title: Re: رد
Author: محمد عمر الفكي
Date: 07-08-2014, 10:56 AM
Parent: #96
Quote: المدام دكتورة منال السر اى عضو المنبر نجمة
طلبتنى ان لا اتداخل معك قالت انا لمن اتداخل معك بكون متخلف وبحلف بطلاق واقول بطحانى وشنو كدا من الاوصاف العنصرية |
sauvage
العربي لو طار السماء في النهاية عربي
اها فطرت ولا لسه؟
|
Post: #98
Title: Re: ## خيمة صلاح غريبة الرمضانية ##
Author: صلاح غريبة
Date: 07-09-2014, 06:02 AM
Parent: #1
واحييكم من مدينة الابيض .
|
Post: #99
Title: Re: ## خيمة صلاح غريبة الرمضانية ##
Author: صلاح غريبة
Date: 07-09-2014, 06:02 AM
Parent: #1
واحييكم من مدينة الابيض .
|
Post: #100
Title: Re: ## خيمة صلاح غريبة الرمضانية ##
Author: عبد الماجد مصطفى
Date: 07-09-2014, 10:23 AM
Parent: #99
| Quote: واحييكم من مدينة الابيض . |
وتحياتنا للنائب الاول المرافقك !!!
وجيب لينا معاك قنقليز !!! .
|
Post: #101
Title: Re: ## خيمة صلاح غريبة الرمضانية ##
Author: بدر الدين الأمير
Date: 07-09-2014, 12:53 PM
Parent: #100
| Quote: واحييكم من مدينة الابيض . |
هذه التحية لاتشمل جمال وودالفكى وودالمدير
|
Post: #102
Title: Re: ## خيمة صلاح غريبة الرمضانية ##
Author: محمد عمر الفكي
Date: 07-09-2014, 01:30 PM
Parent: #101
| Quote: هذه التحية لاتشمل جمال وودالفكى وودالمدير |
القالك منو يا بدر الدين
لولانا لما سمع احد بسعادته
سيم سيم المتنبي مع كافور الاخشيدي
|
Post: #103
Title: Re: ## خيمة صلاح غريبة الرمضانية ##
Author: بدر الدين الأمير
Date: 07-09-2014, 01:47 PM
Parent: #102
| Quote: لولانا لما سمع احد بسعادته |
شوف هوان دا جاى يسوى راسو براس معالى الخبير
الخبير الذى تعرفه الخيل والليل والبيدا الخبر الذى سمع
بكلماته من به صصم الخبير الذى ملأ المنبر وشغل الناس
جاى تقول قدشملك بتحياته صج ماعنك سالفة او بالسودانى
على الطلاق ماعندك كلام يامدام حليفة الطلاق دى للشرح
عشان البطحانى المتسلبط دا يفهم ويقيف عند حدو
وانا على الوعد تانى مابحلف بطلاق بس دى فوتيها لى عشان الشرح وكدا
امس قالت لى انت لمن تكون مع صحباتك واصحابك اللبنانين بتحلف بطلاق
قلت احلف بطلاق انت قيلانى متخلف زى محمد عمر الفكى هههههههههههههه
|
Post: #104
Title: Re: ## خيمة صلاح غريبة الرمضانية ##
Author: علي عبدالوهاب عثمان
Date: 07-09-2014, 02:44 PM
Parent: #103
يا سلام البوست بقى رائع جداً ..
بدخول الامير كمان الحكاية بقت تمام ..
مداخلات خفيفة على المعدة وخاصة مع الصيام ..
كده زي مسرح كوميدي لا يمل ..
نحن نقرا فقط ..
لأننا من غير الناطقين .. عشان كده لا نجيد فن الكوميديا بالعامية ..
تحياتي ليكم .. زمان كان بوست غريبة كله شتائم والفاظ نابية .. اليوم اصبح جذاب .. الواحد يبدأ يومه ببوست غريبة ..
الامير ، الفكي ، جمال .. واصلوا لكم التحية ..
لقد اثبتم ان الكوميديا هي العلاج الناجع للحالات المستعصية ..
|
Post: #105
Title: Re: ## خيمة صلاح غريبة الرمضانية ##
Author: بدر الدين الأمير
Date: 07-09-2014, 03:49 PM
Parent: #104
| Quote: لأننا من غير الناطقين .. عشان كده لا نجيد فن الكوميديا بالعامية .. |
على عبد الوهاب
كلامك وملاحظاتك بتخوف وتدل على انك زول ناقش رطانة وعربى مناطق
|
Post: #106
Title: Re: ## خيمة صلاح غريبة الرمضانية ##
Author: جمال خضر
Date: 07-09-2014, 06:30 PM
Parent: #105
| Quote: هذه التحية لاتشمل جمال وودالفكى وودالمدير |
التحية دى للعوام ولكن الخواص من أمثالنا يكاد لا يمر يوم دون إتصال
من الخبير يسأل عن الأحوال العامة والخاصة ويطمئن على الأوضاع فى
الخيمة والمرصد وقد كنا على إتصال عبر الإسكايب قبل الإفطار بقليل
وسألنى عن الجميع دون فرز وطلب منى أن أُقريكم السلام جميعا وحذرنى
من بعض الذين يحاولون الاصطياد فى المويه العكرانة وأوضحت له اننا
على علم تام بمخططاتهم ومؤامراتهم الدنيئة فشكرنى واشاد بما ابذله من جهود
و بشرنى انه سيزور الخيمة فى القريب العاجل .
|
Post: #107
Title: Re: ## خيمة صلاح غريبة الرمضانية ##
Author: بدر الدين الأمير
Date: 07-09-2014, 06:52 PM
Parent: #106
Quote: و بشرنى انه سيزور الخيمة فى القريب العاجل .
|
ناقص تقول وقد امر عليها صديق الموج في غيابه
|
Post: #108
Title: Re: ## خيمة صلاح غريبة الرمضانية ##
Author: معاوية المدير
Date: 07-09-2014, 08:38 PM
Parent: #107
Quote:
هذه التحية لاتشمل جمال وودالفكى وودالمدير |
ها هي تباشير الفرح قد هلّت وصارت قاب قوسين أو أدنى،
وهاهو الأمل الذي إنتظرناه طويلاً يتحقق.
ظلننا منذ أمد بعيد نطالب الخبير بمنح الأمير دبورتين
ونجمة وسيف ومقص وملعقة، واخيراً في إتصال
مباشر من اللِبيض أخبرني انه سيقوم بهذا التتويج ذات
نفسه عند عودته.
حقيقة التحية تشملنا،
لكن المقصود بها العامة، فمتابعتنا مع الخبير
كانت علي مدآر الساعة.
بالمناسبة يا الأمير، النائب الأوّل بيسلم عليك...
|
Post: #109
Title: .
Author: صلاح غريبة
Date: 07-09-2014, 09:53 PM
Parent: #1
*مشاهدات من رحلة بارا*
# الاتوبيس السياحي الذي اقلنا لبارا جمعنا ايضا بفناني كردفان عبد الرحمن عبدالله وعبد القادر سالم ومحمود تاور ومجموعة عازفي المهن الموسيقية ولهذا كان التحرك من امام اتحاد المهن الموسيقية بامدرمان.
@ وايضا يضم الاستاذ بشير كرسي الوزير السابق وزميل الدراسة الوزير كمال عوض وزير الزراعة بشمال كردفان.
=نواصل=
|
Post: #110
Title: Re: .
Author: علي عبدالوهاب عثمان
Date: 07-09-2014, 10:28 PM
Parent: #109
الخبير نحن في انتظار المجموعة الرائعة ..
الامير والمدير والفكي وجمال ..
شغلنا العتالة فقط الى حين رجوع القادة ..
معليش يا خبير تحية من اصغر العتالة ..
|
Post: #111
Title: رد
Author: محمد عمر الفكي
Date: 07-09-2014, 10:54 PM
Parent: #110
يا جماعة
الخبير دا اولاده في مصر وهو ما شاء الله وعينا عليهو باردة مركب مكنة موتر ما بقعد في البيت دقيقة، مافي حرامي نجيض يعقبو على البيت يعدمو القرش ويجيب له دفار يرفع فيهو الدواليب والسراير والكراسي والترابيز ومعاهن الشبابيك والابواب والمكيفات والمراوح (حرامي رحول بس) يخلي خبيرنا يا يسكن في صالون ناذر يا يسكن المتحف يا يعمل ليهو خيمة في الساحة الخضراء.
اهم حاجة الحرامي دا يشيل معاهو اللابتوب وحبوبة غريبة.
الحبوبة دي وهو ماشي على سوق ستة يرميها في اي كوبري وبالعدم ترعة حلة كوكو
|
Post: #112
Title: Re: .
Author: معاوية المدير
Date: 07-09-2014, 10:55 PM
Parent: #110
سكتنا علي كرتي، جابتلها كرسي ؟؟؟!!!...
|
Post: #113
Title: رد
Author: محمد عمر الفكي
Date: 07-09-2014, 11:57 PM
Parent: #112
يا مدير
بشير كرسي دا مشلول؟ ههههههههههه
|
Post: #114
Title: Re: .
Author: جمال خضر
Date: 07-09-2014, 11:59 PM
Parent: #109
Quote: *مشاهدات من رحلة بارا*
# الاتوبيس السياحي الذي اقلنا لبارا جمعنا ايضا بفناني كردفان عبد الرحمن عبدالله وعبد القادر سالم ومحمود تاور ومجموعة عازفي المهن الموسيقية ولهذا كان التحرك من امام اتحاد المهن الموسيقية بامدرمان.
@ وايضا يضم الاستاذ بشير كرسي الوزير السابق وزميل الدراسة الوزير كمال عوض وزير الزراعة بشمال كردفان.
=نواصل= |
عمل الخبير بنصيحة اللجنة الامنية للمرصد بعدم ركوب الاكفان الطائرة فى رحلات داخلية
لأنها تستخدم فى العادة لتصفية الحسابات الداخلية فقد أفحمهم الخبير وأربك حساباتهم عندما
ألحوا وأصروا على سفره جوا فقال لهم بالحرف الواحد أنه يُفضل الذهاب الى بارا بحمار
أعرج على أن يعتلى نعوشهم الطائرة خاصة وأن الخبير مرشح قوى لخوض إنتخابات الرئاسة
العام القادم .
|
Post: #115
Title: رد
Author: محمد عمر الفكي
Date: 07-10-2014, 00:10 AM
Parent: #114
يا جمال
ياخي قبل شوية فكرت في حاجة غريبة
ما عدا محاولة ركيكة من متشاعر مبتدئ اسمه سليمان القرشي ما شفت اي قصيدة تمجد انجازات الخبير وحبوبتو!!! ما السبب؟ مع ان خبيرنا يستحق اوبريت عديل وفي رواية أخرى اوبرا عايدة ذاتها؟
عيب عليكم يا شعراء بلادي ومبدعيها
يا بدر الدين
يا اخوي صديق الموج دا عملناهو رئيس لرابطة المعجبين والسف القاعد يسفو من المنصب دا قاعد يبني منه في عمارة هسي وعندو كم ضرس وقعن شغال فيهن تبديل بدهب هههههههه فالزول شبع تب وما توصي عليهو
|
Post: #116
Title: Re: .
Author: جمال خضر
Date: 07-10-2014, 00:45 AM
Parent: #114
الخبير يدين ويشجب المجزرة البشعة التى أُرتكبت أمس من قبل النازيين ضد شعب السامبا
ويُهنئ خلفاء ماردونا الأُسطورة فوزهم المستحق على خلفاء جوليت الماسورة .
صلاح غريبة - خبير رياضى
|
Post: #117
Title: Re: .
Author: MOHAMMED ELSHEIKH
Date: 07-10-2014, 08:03 AM
Parent: #116
انتو الخبير دا ماعندو خبرة في الغنا؟
ياخ زهجنا من فرفور وعايزين السر قدور يجيبو في بدلو
اهي كلها خفة دم في خفة دم
|
Post: #118
Title: Re: .
Author: محمد عمر الفكي
Date: 07-10-2014, 09:04 AM
Parent: #117
القاللك منو ما بعرف يا ود الشيخ؟
خبيرنا وبلا فخر ينافس الخليل بن احمد في علم الاصوات ويفوق بيتهوفن في تاليف القطع الموسيقية ويفوق زرياب في حلاوة الصوت.
خبيرنا دا باختصار يا ود الشيخ وعشان تاني ما تسال اسئلة مافي محلها عبارة عن مجموعة او كونسلتو بتاع خبراء في شخص واحد.
اها فاطر عند ابوجهينة ولا عند ناذر؟
ان فاطر عند ناذر الله اداك حتتشرف بالسلام والقاء التحية على سمو خبيرنا وسوف تستمتع باغانيه التي سيوديها بعد الافطار بدون ما تحتاج تشوفها عند السر قدور.
كسرة:
الخبير ذكر في احدى المناسبات السابقة ان حبوبتو هي من علمته الغناء لما كانت بتساهر لحدي صلاة الفجر وهي بتلولي فيهو عشان ينخمد ويرقد (من يومه ثقيل).
غناء خبيرنا إبداع من رحم معاناة حبوبتو
|
Post: #119
Title: Re: .
Author: بدر الدين الأمير
Date: 07-10-2014, 09:41 AM
Parent: #118
| Quote: ومجموعة عازفي المهن الموسيقية ولهذا كان التحرك من امام اتحاد المهن الموسيقية بامدرمان. |
جمال وودالمدير وودالفكى وبلعدم جدو الموج
تعالوا ترجمو المقتبس اعلاه وحقوقكم المادية والفكرية على الطلاق محفوظة
يامدام حليفة الطلاق دى عشان المتخلفين ديل يصدقونى وانا على العهد تانى مابحلف بطلاق
انت قايلانى متخلف زى البطحانى محمد عمر الفكى
|
Post: #120
Title: Re: .
Author: علي عبدالوهاب عثمان
Date: 07-10-2014, 12:04 PM
Parent: #119
من الفيس بوك .. الاخ محمد حسن عبدالله :
استجابة لنداءك لناس الشنكال
Quote: ا شباب رمضان مبارك عليكم
وناس الشناكل والناطق
الرسمي الله يعينكم غايتو
صوم وعتالة ..
والزول ختاها ليكم
عديل اي واحد جاي الخيمة
يجيب معاهو اطناشر جنيه
وانتوعاملين فيها ما فاهمين 000
ولو في زول فيكم عارف محل
الخيمة ال يوصفا لينا عشان
نمشي ناكل باسطة وغٌريبَة |
أخي محمد مهمتي انتهت على كده .. وهذا حدود صلاحيتي (شنكال ) مسمى الوظيفة لناس الشناكل ..
عندك رئيس مجلس الادارة سمو الامير بدرالدين الامير .. اصبح هو صاحب الصلاحية .. واكثر المقربين للخبير ..
بصراحة الحوش ده بقى فيه اشياء لا تطاق محاكم وسجون وشتائم .. لذا هذا البوست يعتبر الملاذ الآمن ويذكرنا بمجالس اهلنا الاصلاء
المزح والعكننة الجميلة وتبادل التعليقات الذكية ..
وهذا يحتاج لنوع من الناس اصحاب عشرة ( بيوت العزابة وداخليات المدارس وتجمعات الاحياء )
كما قال العظيم كابلي ( يا هو دا السودان )
تحياتي
|
Post: #121
Title: Re: .
Author: محمد عمر الفكي
Date: 07-10-2014, 12:22 PM
Parent: #120
| Quote: وهذا يحتاج لنوع من الناس اصحاب عشرة ( بيوت العزابة وداخليات المدارس وتجمعات الاحياء ) |
بتصدق يا علي ولا واحدة من ديل ما جربتهن، سلاطة لسان عرب ساهي
جادت قريحتي ببعض الابيات
دمك فصيلتو قرادي السِنر ما بحلو
راسك لداية ، ما عدا المخاتة فارغ كلو
الباراك مغايص اكيد دون شكك بتكتلو
والابعد ختاك تلف وتعقب وبالدرب تربطلو
دمك من فصيلة البقر زايد مرار فوق مُرو
نجضت الخلوق حيرت الحكيم في امرو
الابعد ختاك ربي زاد في عمرو
والداناك بالمغائص حفرت له قبرو
تليفة وفقاع مرارة اكال كبد جيعان
ود خضر قلمو انكسر نشفان
ود مصطفى علمتو الرجفة والهذيان
وود الموج هداك ربطوهو في امضبان
البصابحك لابد يكون صميم وللحبوب بلاع
يا اكيد بتجيهو رجة في جذر المخيخ والقاع
المكضبني وبدور لصدق هذا الحديث إجماع
هداك ود المدير مجدوع لا طرف لا كراع
|
Post: #122
Title: Re: .
Author: علي عبدالوهاب عثمان
Date: 07-10-2014, 12:33 PM
Parent: #121
ود الفكي .. القافية ميه ميه ..
عشان أنا من غير الناطقين فمهت البعض أما الباقي فكان من مهمة الاستاذ القرشي العركي .. زميل العمل في المكتب ..
أن قام بالشرح وتوضيح بعض المفردات ..
انت ما دام في جدة وعند المقدرات دي ليه ما شاركت في الليلة الشعرية ( نضال وبشرى) في فندق نباريس ..
لك التحية .. البوست المفضل ..
مع الاعتذار للسادة الاجلاء .. وعلى رأسهم الخبير .. آسف على تخطي المراجع ..
|
Post: #123
Title: Re: .
Author: محمد عمر الفكي
Date: 07-10-2014, 12:44 PM
Parent: #122
| Quote: ليه ما شاركت في الليلة الشعرية ( نضال وبشرى) في فندق نباريس |
انت بصحك يا علي؟
بعدين ازالة لاي سوء فهم فهذه الابيات محاطب بها شخص واحد فقط لا غير وهو يعرف نفسه تماماً
يا علي
ان من الله ما خلقني الدوبيت بسمعو لكن ما بعرف اقولو، بس ما ما باريت خبيرنا دا قدس الله سره بقيت ادوبي
|
Post: #125
Title: Re: .
Author: Othman Al-Hasan Babikir
Date: 07-11-2014, 01:00 AM
Parent: #121
حكمة ربنا خبيركم عاجبو الكلام ده إرفع في البوست لا فوق ... يا ربي بكون فاهم الكلام ده ولا لا ؟؟
|
Post: #124
Title: "
Author: صلاح غريبة
Date: 07-11-2014, 00:41 AM
Parent: #1
فوق
|
Post: #126
Title: Re: andquot;
Author: nour tawir
Date: 07-11-2014, 01:23 AM
Parent: #124
أخ عثمان الحسن بابكر..
سلام رمضانى كريم..
الخبير النووى الاستراتيجى الشامل..
فاكر انه الكلام الفوق دا صحى صحى..
والله ..
فاكر الناس معجبة بى شخصيته صحى صحى..
ودى حكمة ربنا الحقيقية..
وش يناسب مؤهلات الخبير العبقرية النادرة..
|
Post: #127
Title: Re: ## خيمة صلاح غريبة الرمضانية ##
Author: صلاح غريبة
Date: 07-11-2014, 06:49 AM
Parent: #1
@لوحة اعلانات الخيمة@
اعلان نتائج الشهادة الثانوية السبت 12 يوليو.
|
Post: #128
Title: Re: ## خيمة صلاح غريبة الرمضانية ##
Author: جمال خضر
Date: 07-11-2014, 11:51 AM
Parent: #127
| Quote: اهم حاجة الحرامي دا يشيل معاهو اللابتوب وحبوبة غريبة. |
أخونا ود الفكى يظهر إنه رمضان دخل العضم معقول تنسى أهم حاجة
يعنى لو الحرامى ده عدم البيت نفاخ النار وسرق ابو غريب ذات نفسه ونسى
يسرق الباسوورد يكون ما عمل أى حاجة ( كأنك يا اب زيد ما غزيت )
|
Post: #129
Title: Re: ## خيمة صلاح غريبة الرمضانية ##
Author: جمال خضر
Date: 07-11-2014, 12:15 PM
Parent: #128
| Quote: ناقص تقول وقد امر عليها صديق الموج في غيابه |
كاد أن يفعلها فالرجل ما فتئ يشكر لى فى ود الموج حتى ظننت أنه سيورثه
وقال لى بالحرف الواحد (أنا أُرحب بالنقد البناء والهادف من قبل صديقى
ود الموج وبين الأحباب ما فى عتاب ) شكرا يا خبير فقد أفحمتنا وألجمتنا
بكرمك وحلمك وألقمت ود الأمير ومن لف لفه حجرا سيقف فى حلقهم ويحول
بينهم وبين بذر بذور الفتنة بين الخبير ورعاياه .
|
Post: #130
Title: Re: ## خيمة صلاح غريبة الرمضانية ##
Author: جمال خضر
Date: 07-11-2014, 12:37 PM
Parent: #129
Quote: اي قصيدة تمجد انجازات الخبير وحبوبتو!!! ما السبب؟ مع ان خبيرنا يستحق اوبريت عديل وفي رواية أخرى اوبرا عايدة ذاتها؟
عيب عليكم يا شعراء بلادي ومبدعيها |
أخونا ود الفكى المنبر يعُج بالشعراء والموسيقيين والدراميين فلماذا لا يتحركوا من أجل هذا الهدف السامى
والنبيل فالخبير يستحق أن تُكتب فيه المعلقات والقصائد العصماء بكافة اللغات الحية وغير الحية ويجب أن
يعكف عليها موسيقيو العالم أجمع تلحينا وتوزيعا وغناء وتكون هنالك منافسة عالمية بينهم لإختيار أجمل
عشرة نصوص وطبعا كل ذلك يكون بمباركة ورعاية منظمات الأمم المتحدة والمنظمات الطوعية .
|
Post: #131
Title: Re: ## خيمة صلاح غريبة الرمضانية ##
Author: جمال خضر
Date: 07-11-2014, 12:47 PM
Parent: #130
Quote: جمال وودالمدير وودالفكى وبلعدم جدو الموج
تعالوا ترجمو المقتبس اعلاه وحقوقكم المادية والفكرية على الطلاق محفوظة |
ود الأمير هذا الكلام مكتوب بلغة عالية ومعقدة جدا تنم عن سعة إطلاع الخبير وغوصه فى أُمهات الكتب
فمثل هذا الكلام لا يفهمه الا المتبحرين من تلامذة الخبير علشان كده ماتتعب روحك ساكت سيأتى
الخبير ويتناوله بالشرح المسهب فى القريب العاجل .
|
Post: #132
Title: Re: ## خيمة صلاح غريبة الرمضانية ##
Author: جمال خضر
Date: 07-11-2014, 01:17 PM
Parent: #131
Quote: الخبير النووى الاستراتيجى الشامل..
فاكر انه الكلام الفوق دا صحى صحى..
والله ..
فاكر الناس معجبة بى شخصيته صحى صحى..
ودى حكمة ربنا الحقيقية..
|
الأخت نور تاور رمضان كريم
كلامك الفوق ده غير مبلوع وغير مفهوم ويعتبر إهانة لشخصنا السمين وبقية عتالة بوستات الخبير
كيف يعنى (فاكر الناس معجبة بى شخصيته صحى صحى..) فهل نحن فى المرصد ورابطة الأصدقاء
قاعدين نظهر خلاف ما نبطن مكجنين الخبير وبنمثل فيها دور المعجب ؟ كلا وألف كلا فالخبير
فى شغاف قلوبنا وكلامك هذا ينم عن حسد ومحاولة لدق إسفين الفتنة بين الخبير قدس الله سره وبين
رعاياه ولكن نقول لك هيهات سيظل الخبير رغم الداء* والأعداء كالنسر فوق القمة الشماء فموتى بغيظك
كسرة
* الداء الذى يعانى منه الخبير عبارة عن زُكام سيُشفى منه فى القريب العاجل بإذن الله
|
Post: #133
Title: Re: ## خيمة صلاح غريبة الرمضانية ##
Author: جمال خضر
Date: 07-11-2014, 01:57 PM
Parent: #132
| Quote: انتو الخبير دا ماعندو خبرة في الغنا؟ |
أخونا محمد الشيخ بتستغرب لو قلت ليك انه موهبة الخبير الفذة فى مجال الغناء منذ نعومة أظافره
هى من تسببت فى اغترابه وحرماننا من صوته الطروب فعندما بدأ صيت المطرب صلاح غريبة
ينتشر انتشار النار فلى الهشيم شعر الكثير من الفنانين ان غريبة سيسحب البساط من تحت أرجلهم
فتآمروا عليه واشتروا له فيزا وارسلوها له فغادر الوطن الى المملكة فحرمونا من صوت شجى
كان سيتربع على عرش الغناء السودانى والأفريقى . الله لا كسبهم دنيا وآخرة ولئك الذين حرمونا من
ذلك الصوت .
|
Post: #134
Title: Re: ## خيمة صلاح غريبة الرمضانية ##
Author: Othman Al-Hasan Babikir
Date: 07-11-2014, 02:12 PM
Parent: #133
إلى الإخوة في مرصد ورابطة معجبي الخبير..
ممكن تطلبوا لينا من الخبير طال عمرو وقدس الله سره أن يغير صورتو في البروفايل دي ..
|
Post: #135
Title: Re: ## خيمة صلاح غريبة الرمضانية ##
Author: جمال خضر
Date: 07-11-2014, 02:49 PM
Parent: #134
| Quote: يغير صورتو في البروفايل دي .. |
خبير وملو هدومو الما عاجبك شنو ؟ تسرد لنا أسباب موضوعية يتم تقديمها لمجلس شورى جمعية أصدقاء
الخبير فنقتلها بحثا ونقاشا ومن ثم نخضع الأمر للتصويت ونرتضى نتائج الصندوق بالتغيير أو غيره
انت متخيل الموضوع سبهللة ساكت نحن شعارنا المؤسسية ولا شئ غير المؤسسية .
رمضان كريم عليك أخونا عثمان بابكر
|
Post: #136
Title: Re: ## خيمة صلاح غريبة الرمضانية ##
Author: جمال خضر
Date: 07-11-2014, 05:59 PM
Parent: #135
Quote:
بالمناسبة يا غريبة.
وبما أنك "أسم في حياتنا" !
متى سيستضيفك عمر الجزلي في برنامجه الشهير أسماء في حياتنا؟ |
مداخلة لأخونا دينق من بوست آحر توضح بجلاء إقتناع الكل بمقدرات الخبير
ونتساءل معه أيضا لماذا لا يتشرف البرنامج بإستضافة الخبير حتى يستفيد
الجميع من سيرته العطرة.
|
Post: #137
Title: Re: ## خيمة صلاح غريبة الرمضانية ##
Author: بدر الدين الأمير
Date: 07-11-2014, 06:53 PM
Parent: #136
على قول اهلنا في الجزيرة الخبر بجبنو البداليات
سمعت افيصل قاسم الخيمة المدعو محمد عمر بجهز في حالو لتقديم حلقة عيدية لرواد خيمة الخبير
وهى عبارة عن مناظر بين الخبير الاممى والجد الحكيم صديق الموج المناظرة من اعداد ودالمدير
واخراج جمال خضر تابعونا وفالكم طيب
|
Post: #138
Title: Re: ## خيمة صلاح غريبة الرمضانية ##
Author: جمال خضر
Date: 07-12-2014, 00:27 AM
Parent: #137
Quote: سمعت افيصل قاسم الخيمة المدعو محمد عمر بجهز في حالو لتقديم حلقة عيدية لرواد خيمة الخبير
وهى عبارة عن مناظر بين الخبير الاممى والجد الحكيم صديق الموج المناظرة من اعداد ودالمدير
واخراج جمال خضر تابعونا وفالكم طيب |
بذل أخونا محمد عمر وود المدير وشخصى محاولات لا حصر لها لإقناع ود الموج بمناظرة الخبير الا أنه بدأ مترددا
ويتعلل بأنه مصاب بالزكام ويظهر أنه مرعوب جدا من مناظرة الخبير الذين عودنا بجندلة مناظريه بالضربة
القاضية ونقول له أن يتقبل الأمر الواقع ويناظر الخبير لأنه تم إذاعة الخبر والكل علم به والكل مترقب اللقاء
وكل ما نقدر عليه سنعطى الموج كل الأسئلة موضوع المناظرة حتى يذاكرها ويجهز روحو أكتر من كده نعمل
ليهو شنو .
|
Post: #139
Title: Re: ## خيمة صلاح غريبة الرمضانية ##
Author: MOHAMMED ELSHEIKH
Date: 07-12-2014, 09:27 AM
Parent: #135
Quote: القاللك منو ما بعرف يا ود الشيخ؟
خبيرنا وبلا فخر ينافس الخليل بن احمد في علم الاصوات ويفوق بيتهوفن في تاليف القطع الموسيقية ويفوق زرياب في حلاوة الصوت.
خبيرنا دا باختصار يا ود الشيخ وعشان تاني ما تسال اسئلة مافي محلها عبارة عن مجموعة او كونسلتو بتاع خبراء في شخص واحد.
|
يا سلاااااااااااام ياخ يا البطحاني !انا ذاتي كنت متوقع كدى.
مش اغنيتي "ذات الشجون" و"وياغزال الحي" برضو حقاتو؟
__________________________________________________
اتأخرت عليكم نسبة لخراب اللاب توب . علي الطلاق تلاتة لابتوبات مشتريها من اكسترا هسع مرمية في البيت
اعملوا حسابكم من الشركة العجيبة دي.
ممكن زاتو نأخد راي الخبير فيها.
|
Post: #140
Title: Re: ## خيمة صلاح غريبة الرمضانية ##
Author: بدر الدين الأمير
Date: 07-12-2014, 10:00 AM
Parent: #139
Quote: في الوطن العربي
بدر الدين الأمير يا عريبي علي عبدالوهاب ده من عندينا وعلاّمة فشنو ما تعمل فيها صحبو
عشان بكتب معاكم هنا
خليك مع خبيركم فقاع المرارة ده |
ياعوض
عزام فرح برضو من عندكم حايم في الاسافير الناطقة بالعربية يكتب في المسادير والدوبيت
وكمان جايبليهو تفسير للقران الكريم هو فقع المرارة دا كيفنو
|
Post: #141
Title: Re: ## خيمة صلاح غريبة الرمضانية ##
Author: MOHAMMED ELSHEIKH
Date: 07-12-2014, 12:13 PM
Parent: #140
هسي " خيبتنا " حدها وين ومتين؟؟؟
|
Post: #142
Title: Re: ## خيمة صلاح غريبة الرمضانية ##
Author: معاوية المدير
Date: 07-12-2014, 12:34 PM
Parent: #141
قررت اللجنة المُنبثقة من اللجنة التي إنعقدت في بحر هذا
الشهر، المنبثقة من اللجان التي إنبثقت من اللجنة التي إنعقدت
في عروس الرمال إيقاف القرار العامل بحظر الأخت نور
تاور نسبة لأنها تداركت خطأها وأصبحت من العتالة الفاعلين
لبوستات الخبير. كما أوصت اللجنة في محضرها منح الأخت
نور تاور شنكل وسلبتين،
وهذا للعلم...
|
Post: #143
Title: رد
Author: محمد عمر الفكي
Date: 07-12-2014, 09:28 PM
Parent: #142
Quote:
عزام فرح برضو من عندكم حايم في الاسافير الناطقة بالعربية يكتب في المسادير والدوبيت
وكمان جايبليهو تفسير للقران الكريم هو فقع المرارة دا كيفنو |
با بدر
نسيت علم الأنساب ههههههه
يا مدير
تاور دي ما تديها السلبتين، انا بخاف يوم الخبير يفتح بوست نقوم نلقاها معلقة في المروحة سيم سيم البنغالي هههههههه
سيم سيم بلغة بنغالة السعودية يعني مطابق او (زي)
|
Post: #144
Title: Re: رد
Author: nour tawir
Date: 07-12-2014, 11:05 PM
Parent: #143
محمد عمر الفكى...
يا أخ أنا من أشد المعجبات بالخبير (النووى الاستراتيجى الشامل)...
أت مالك غيران ولا حسدان ؟
ما تخّلى نعمة رب العالمين تزل على خبير عصره وزمانه غريبة (بضم الغين)..
عالم حاسدة بشكل...
|
Post: #145
Title: Re: رد
Author: بدر الدين الأمير
Date: 07-12-2014, 11:58 PM
Parent: #144
| Quote: نسيت علم الأنساب ههههههه |
هو علم الانساب براهو ياود الفكى اها وازيدك الفنان محمد السنى عندو نص مسرحى متناول فيه
قصة تاجوج والمحلق هل تصدق ان عزام هو من كتب اشعار هذا النص والسنى معجب بمربعات
عزام ياخى كورك معاك لبشاشة خلى يجى يشوف الاستلاب الماخمج
|
Post: #146
Title: Re: رد
Author: معاوية المدير
Date: 07-13-2014, 00:09 AM
Parent: #145
Quote: محمد عمر الفكى...
يا أخ أنا من أشد المعجبات بالخبير (النووى الاستراتيجى الشامل)...
أت مالك غيران ولا حسدان ؟
ما تخّلى نعمة رب العالمين تزل على خبير عصره وزمانه غريبة (بضم الغين)..
عالم حاسدة بشكل... |
أها،
عليك الله أفتح المخزن واصرف ليها الشنكل والسلب،
دا قرار لجنة...
|
Post: #147
Title: رد
Author: محمد عمر الفكي
Date: 07-13-2014, 00:58 AM
Parent: #146
يا نور
انا لا حاسد لا بقران ان خايف عليك بس
تخيلي لو فتح بوست بعنوان (البشير ضرب لي عشان يكفر لحبوبتي العيانة واشاد بكتاباتي)
اها لو عاينتي ولقيتي السلبة جنبك ما بتروحي في حق الله؟ ههههههههههه
يا مدير
بنصرف الشنكل والسلبة والمسئولية عليك
يا بدر
عزام دا ممكن براحة نقول عليهو خبير.
مسعول من الخير، شايفك بقيت عتالي رسمي شكلو الشنكل وصلك!!!
كسرة توضيحية
العيا حق حبوبة غريبة هو اسهال حاد بعد ان اكلت باقي السمك الجابو الخبير من مطعم عوضية.
كتابات الخبير التي اشاد بها الرئيس هي (·)
|
Post: #148
Title: Re: رد
Author: علي عبدالوهاب عثمان
Date: 07-13-2014, 10:53 AM
Parent: #147
من الفيس بوك .. حبيبنا .. عوض السيد محمد
زمان لو لقيت اسم صلاح غريبة في البورد كنت بقفل البورد ويكون قافلة معاي اليوم كله
هسي بقبت افتش بوستاته بارك الله فيكم ود الفكي وود المدير وجمال خضر المثابر هههههه
وودالمدير وقريبنا علي عبد الوهاب على الطلاق يا ود الفكي انتو تنافسو اجعز فرقة كوميدية
في الوطن العربي
بدر الدين الأمير يا عريبي علي عبدالوهاب ده من عندينا وعلاّمة فشنو ما تعمل فيها صحبو
عشان بكتب معاكم هنا
خليك مع خبيركم فقاع المرارة ده
=====================================================
بصراحة اخي عوض السيد .. انت على الحق .. بوست جميل .. دمه خفيف ..
بالنسبة للامير بدرالدين .. أنا أحببت كتاباته في بوست الفنان السني عندما أجرى عملية جراحية ..
عجبتني جداً طريقة كتابته وهو يمازح السني بطريقة اخوية جميلة والحكمة في ذلك ليبعده عن جو المرض ..
وكان الامير اضافة حقيقية لبوست الخبير هو والموج ..لك التحية يا جميل ..
لكن يا امير عزام يجيد العربية أحسن من الناطقين .. يا اخي ده زي قريبنا خليل فرح ( لغة نوبية وعربية ) بعدين هو شبه كمان ..
أخي قائد المجموعة ( جمال خضر ) يا أخي غريبة على الطبيعة ( في جدة ) كان زول انيق آخر بدلات وربطات ..
ولأنني من ضمن مجموعة العتالة ( شنكال ) لا أريد تخطي المراجع .. لقيت الخبير بكل تواضع يعتل معانا ( فوق )
أرجو ان ترفع له مطلبنا بأن لا يتواضح زيادة عن اللزوم ويترك أمور الشنكلة والعتالة لأهلها ..
لكم التحية .. وكما قال اخي عوض السيد ..(مجموعة كوميديا رائعة ).. إن شاء الله نشوفكم في رمضان القادم في التلفزيون بعد الفطور
بإسم فرقة الخبير للكوميديا ..
|
Post: #149
Title: Re: رد
Author: بدر الدين الأمير
Date: 07-13-2014, 11:39 AM
Parent: #148
على عبدالوهاب
حبيبك عوض السيد دا اكان جانا بيهنا حانترحم على ايام بشاشة
بعرفو من عشرات السنين نوبى قح بل هو سلفى في نوبيته
اذكر مرة جابو فنان من عندكم بغنى بالغة الدنقلاوية وكان عريف
الحفل عوض السيد كان بقدم الحفل بلدنقلاوية قلت لعوض ياخى
الغنا والمزيكة بنتزوقهم بغض النظر عن اللغة لكن الكلام البتقول
فيهو دا ترجمو لينا نحن الناطقين بغيرها قال وبشكل حاسم انت جدودك العرب
لمن جو دكو دنقلا بالمنجنيق كان رسلو لينا مترجمين عشان نعرف اننا
حانضرب باسلحة دمار شامل هسى شوفو كاتب شنو
| Quote: تنافسو اجعز فرقة كوميدية |
شفت العجمى لمن يتفاصح بكتب اجعص اجعز والاخيرة معناها شين خلاص خلى ودالفكى يجى يشرح
|
Post: #150
Title: Re: رد
Author: علي عبدالوهاب عثمان
Date: 07-13-2014, 01:24 PM
Parent: #149
Quote:
فيهو دا ترجمو لينا نحن الناطقين بغيرها قال وبشكل حاسم انت جدودك العرب
لمن جو دكو دنقلا بالمنجنيق كان رسلو لينا مترجمين عشان نعرف اننا |
بالمنجيق .. يعني كنا زي ناس غزة ..
ألامير الجميل .. عوض السيد من نفس الفصيلة ( دنقلاوي ) بما أنني ايضاً اجيد المحسية كمان ( ناس عزام ) سلفية نوبية .. ( لكن مصطلح جميل مع حظف الحقوق )
مع الاعتذار للاخ جمال خضر .. على تخطي الحدود والتطاول على المرجعيات .. ارجو نقل اعتذار نا للخبير ..
الامير بدرالدين .. ما تورطنا مع هيئة العليا .. اعرف ان لديك حصانة ..
|
Post: #151
Title: فوق
Author: صلاح غريبة
Date: 07-13-2014, 05:41 PM
Parent: #1
نحن الآن في افطار الاتحاد الوطني للشباب السوداني.
|
Post: #152
Title: Re: فوق
Author: بدر الدين الأمير
Date: 07-13-2014, 05:53 PM
Parent: #151
امك
الخبير جبراهو يعتل شكلو فنش العتالة ناس ودالفكى وودالمدير وجمال
ونور تاور وعيييييييك
ماقلت ليكم الخبير ناوى ليكم بعد العود من الابيض
سير سير ياخبير
|
Post: #153
Title: رد
Author: محمد عمر الفكي
Date: 07-13-2014, 06:47 PM
Parent: #152
| Quote: نحن الآن في افطار الاتحاد الوطني للشباب السوداني. |
حيثما كانت العضة كان خبيرنا حاضرا. اكيد وجودك في الافطار فخر للشباب الوطني وعذاب للصحون هههههههه
يا بدر
العتالة ديل ما عندهم حقوق؟ لا يصومو لا يفطرو؟ متى يتولد الاحساس لدى الطبقة البرجوازية وتحس بمعاناة البروتاريا؟ غايتو لو عندي سلطة في السودان اكان اطبق فيك سياسة التأميم والله شرايط الغنا ما اخليهن ليك وبعد داك الا تلف مع الخبير دا من صينية لصينية رافعا اشارة النصر هههههههه
|
Post: #154
Title: Re: رد
Author: بدر الدين الأمير
Date: 07-13-2014, 07:04 PM
Parent: #153
| Quote: العتالة ديل ما عندهم حقوق؟ لا يصومو لا يفطرو؟ متى يتولد الاحساس لدى الطبقة البرجوازية وتحس بمعاناة البروتاريا |
ودالفكى
هون عليك يااخ العرب جدو الموج قال حايشفع لكم عندالخبير على شرط ان تقدمو نقد ذاتى
وسير سير ياخبير
|
Post: #155
Title: Re: رد
Author: علي عبدالوهاب عثمان
Date: 07-14-2014, 12:59 PM
Parent: #154
الامير
جمال
ودالفكي
وباقي المجموعة ..
عتالة في منتصف شهر رمضان ..
عشان الخبير يتفرغ للأهم
|
Post: #156
Title: Re: رد
Author: جمال خضر
Date: 07-14-2014, 04:14 PM
Parent: #155
Quote: الامير
جمال
ودالفكي
وباقي المجموعة ..
عتالة في منتصف شهر رمضان ..
عشان الخبير يتفرغ للأهم |
أخونا على عبد الوهاب سيظل الخبير علامة فارقة فى تاريخ السودان لذا
سنظل ننحت فى الصخر بأظافرنا وأسناننا من أجل ان بتفرغ الخبير
لخدمة الإنسانية جمعاء .
|
Post: #157
Title: Re: رد
Author: بدر الدين الأمير
Date: 07-14-2014, 06:57 PM
Parent: #156
Quote: عتالة في منتصف شهر رمضان ..
عشان الخبير يتفرغ للأهم
|
ياجمال
شايف برلوم العتالة على عبدالوهاب بقى منافس ليكم انتو السناير
حذر زملاك ودالفكى وود المدير
|
Post: #158
Title: Re: رد
Author: علي عبدالوهاب عثمان
Date: 07-15-2014, 01:12 PM
Parent: #157
الامير
المدير
جمال
ود الفكي ..
فوق .. لنجنب الخبير وعثاء البحث ..
|
Post: #159
Title: Re: رد
Author: بدر الدين الأمير
Date: 07-15-2014, 03:44 PM
Parent: #158
Quote: المدير
جمال
ود الفكي ..
فوق .. لنجنب الخبير وعثاء البحث .. |
ياود عبدالوهاب عتل عتل الجماعة مشو يفتشو الكنز اى مقال الخبير
قاليك ودالمدير شاف ودافكى شايل عكازو ولابس سكين في ضراعو
قام زجرو وقاليهو ياعربى ياوهم نحن ماشين نفتش مقال مش بعير
قام دالفكى قاليهو هو يالداقس اكان بعد مالقينا المقال وجا واحد داير يختفو
نحميهو بشنو ضحك جمال وقال صدقت ياودالفكى هذا الكنز لابد له من حماية
|
Post: #160
Title: Re: رد
Author: جمال خضر
Date: 07-15-2014, 10:36 PM
Parent: #159
Quote: ياود عبدالوهاب عتل عتل الجماعة مشو يفتشو الكنز اى مقال الخبير
قاليك ودالمدير شاف ودافكى شايل عكازو ولابس سكين في ضراعو
قام زجرو وقاليهو ياعربى ياوهم نحن ماشين نفتش مقال مش بعير
قام دالفكى قاليهو هو يالداقس اكان بعد مالقينا المقال وجا واحد داير يختفو
نحميهو بشنو ضحك جمال وقال صدقت ياودالفكى هذا الكنز لابد له من حماية |
أخونا ود الأمير إنطلقنا فى رحلة البحث عن المقال الكنز فلم نجد له أثرا كأنه فص ملح وداب
وسألنا فقيل لنا أن الجريدة فى ذلك حققت أرقاما قياسية فى التوزيغ ولم يكن هتاك راجع
على الإطلاق بل حصل إصطفاف وهرج ومرج أمام مبانى الصحيفة للحصول على العدد
المذكور لكن رجع الكل بخُفى حنين إتصلنا بالخبير على أمل الحصول على العدد الذى
يحتوى على المقال فاتضح أن الحرامى الذى سرق لا بتوب الخبير كان من أجل المقال
وسرق بالإضافة الى اللابتوب كل نسخ الصحيفة التى إحتوت المقال فرجعنا كلنا قفانا
يقمر عيش أها ما فضل الا مناشدة الحرامى الذى سرق الجرايد أن يسلمنا نسخة واحدة
و نحن فى الخيمة على إستعداد لدفع ما يطلبه من مال . 
|
Post: #161
Title: Re: رد
Author: محمد عمر الفكي
Date: 07-16-2014, 08:00 AM
Parent: #160
هو يا بدر المقال براهو؟
المقال والحوارات الصحفية والاحاديث الاذاعية واللقاءات التلفزيونية والمخاطبات الجماهيرية كلها ما بتتلقي لا في السوق لا في الانترنت
غايتو الحاجة الوحيدة اللقيتها هي
تسجيل الاسكايب بتاع سارة
جمال
ما تسالني سارة دي منو
|
Post: #162
Title: فوق
Author: صلاح غريبة
Date: 07-18-2014, 03:32 AM
Parent: #1
فوق
|
Post: #163
Title: فوق
Author: صلاح غريبة
Date: 07-18-2014, 03:33 AM
Parent: #1
فوق
|
Post: #164
Title: Re: فوق
Author: معاوية المدير
Date: 07-18-2014, 03:48 AM
Parent: #163
إنت يا يابا تتعلى ما تِدلي يا بركة الصباح وباب الله الفتاح،
كيتاً لناس جمال خضر وود الأمير، أشوفك كدي معلّق في
مشعليب زي ملآح الروب الخايفين عليهو من الكدسة.
كيتاً ليهُن أشوفك معلّق في منبر بكري فوق يا سليم الزوق،
تتعلق كدي عليقتاً الفي الضعين يشوفك، يا يابا تكون مرفوع
فوق زي بوستات العزاء. كيتاً فوق مُصرانُن أشوفك معلق
في ساحة كوبر يا الهميم. تتعلق يا يابا عليقة كاوندا في الشبكة،
وتترفع فووووووق وتضرب الوآطة كيتاً للشامتين والحاقدين،
قول آآآآآآآآآآمين...
|
Post: #165
Title: Re: فوق
Author: بدر الدين الأمير
Date: 07-18-2014, 09:07 AM
Parent: #164
Quote: إنت يا يابا تتعلى ما تِدلي يا بركة الصباح وباب الله الفتاح،
كيتاً لناس جمال خضر وود الأمير، أشوفك كدي معلّق في
مشعليب زي ملآح الروب الخايفين عليهو من الكدسة.
كيتاً ليهُن أشوفك معلّق في منبر بكري فوق يا سليم الزوق،
تتعلق كدي عليقتاً الفي الضعين يشوفك، يا يابا تكون مرفوع
فوق زي بوستات العزاء. كيتاً فوق مُصرانُن أشوفك معلق
في ساحة كوبر يا الهميم. تتعلق يا يابا عليقة كاوندا في الشبكة،
وتترفع فووووووق وتضرب الوآطة كيتاً للشامتين والحاقدين،
قول آآآآآآآآآآمين... |
دا شنو ياودالمدير الكلام المدغمس دا
بس نقوليك ماقله بشه لمحكمة الجنايات الدولية صوط كلامك دا واشرب مويتو
والوصية بالمهلة كلم ودالفكى يراجع المسنجر زولك مماضمن عقدعبدالرحمن عيونو
زغللن بقى مابركز
|
Post: #166
Title: Re: فوق
Author: جمال خضر
Date: 07-18-2014, 09:26 AM
Parent: #165
Quote: هو يا بدر المقال براهو؟
المقال والحوارات الصحفية والاحاديث الاذاعية واللقاءات التلفزيونية والمخاطبات الجماهيرية كلها ما بتتلقي لا في السوق لا في الانترنت
غايتو الحاجة الوحيدة اللقيتها هي
تسجيل الاسكايب بتاع سارة
جمال
ما تسالني سارة دي منو |
عذبتنا يا ود الفكى بسارة بتاعتك دى وكمان تطالبنا بعدم السؤال يا خى نحن دايرين نفهم ونعرف صلتها بالخبير شنو
على الأقل جيب لينا إسمها كاملا أو جيب ليها صورة واضحة المعالم أو جيب لينا رقم تلفونها علشان نسألها إنت
منو وحكايتك شنو وإلا سنهريك أسئلة عنها حتى تستغيث .
كسرة
لقيت لى خبير جديد فى المنبر كوز عنده فقرة ومليان قروش لامن مدفق أها إتصل على وقال لى داير أعينك ناطق
رسمى لمكتبى ترددت كثيرا فطلبت منه الإتصال بالخبير والإستئذان منه فوافق الخبير على ذلك بشرط ألا يتعارض
عمله مع عملنا هنا فى العتالة فوعدته خيرا وداومت منذ الأمس مع الخبير الجديد عتلت لامن إنهد حيلى .
(مكتب خبير الركام البطل الهمام )  أوع واحد يسألنى خبير الركام ده منو وكيف بقى خبير وهو لم يتجاوز ال22 عاما
..................الخ من أسئلة لا تُسمن ولا تُغنى من جوع .
انت يا ود الفكى سارة دى منو ؟
|
Post: #167
Title: Re: فوق
Author: جمال خضر
Date: 07-18-2014, 09:47 AM
Parent: #166
Quote: ياجمال
شايف برلوم العتالة على عبدالوهاب بقى منافس ليكم انتو السناير
حذر زملاك ودالفكى وود المدير |
ود الأمير أخونا على عبد الوهاب عتالى مخضرم ولا يُشق له غبار
وسنأخد تحذيرك هذا على محمل الجد ونبدأ فى فتح تحقيقات لنعرف
هدفه من المنافسة هل هى لإزاحة أحدنا أم لا فإن ثبت لنا تآمره
علينا فلن نتوانى عن توقيع أقسى العقوبات عليه أما إذا أثبتت التحقيقات
براءته فعينك ما تشوف الا النور يا بدر الدين .
|
Post: #168
Title: Re: فوق
Author: جمال خضر
Date: 07-18-2014, 09:52 AM
Parent: #167
Quote: إنت يا يابا تتعلى ما تِدلي يا بركة الصباح وباب الله الفتاح،
كيتاً لناس جمال خضر وود الأمير، أشوفك كدي معلّق في
مشعليب زي ملآح الروب الخايفين عليهو من الكدسة. |
ده شنو الكلام البتقول فيهو ده كيف يعنى الخبير يتعلق يعنى
إفصح يا أخ العرب فما عهدناك كذلك أنت بكلامك الفوق ده
مع أو ضد خبيرنا الهمام علشان نعرف نتصرف .
|
Post: #169
Title: Re: فوق
Author: معاوية المدير
Date: 07-18-2014, 10:29 AM
Parent: #168
مرتين يجي يعتل البوست براهو !!!.
مرتين!!!، وورا بعض كمان !!!.
ما فيكم فايدة. قاعدين بتسو في شنو ؟؟؟.
يعني عشان لقيتوهو متواضع، خلآلآلآلآلآلآلآس!!!...
|
Post: #170
Title: رد
Author: محمد عمر الفكي
Date: 07-19-2014, 00:42 AM
Parent: #169
يا جماعة اسف على التاخير والله مشغول مع الضيوف
المحيرني البطاحين ديل فجأة كلهم امنو؟ ههههههههههه ربنا يبارك ويزيد والله ما شاء الله السودان كله في العمرة اكان ناقص سارة هههههههه
يا ود الامير
لا جاني مسنجر لا حاجة
يا جيمي
سارة قالت لكم ينفع اناظر الخبير بدل ود الموج؟
|
Post: #171
Title: Re: رد
Author: بدر الدين الأمير
Date: 07-19-2014, 11:10 AM
Parent: #170
انتو يالعتالة مالكم خليتو الرئيس يسمعكم ورجعتو الخيمة
هل دى اوامر الخبير ولا بشة زعل فهمونا الحاصل عشان
الواحد مايمشى يضهب ساكت اقصد يتعل فى الفاضى
|
Post: #172
Title: رد
Author: محمد عمر الفكي
Date: 07-19-2014, 11:15 AM
Parent: #171
الرئيس والخبير الاتنين طنشونا اها نسوي شنو؟
قلنا اخير نجي راجعين لخيمتنا الحبيبة تظالتي سوف تتشلع عمود عمود بعد 9 يوم فقلنا نشيل لنا منها شلية قبل تخرب ههههههه.
|
Post: #173
Title: Re: رد
Author: معاوية المدير
Date: 07-19-2014, 11:58 AM
Parent: #172
| Quote: قلنا نشيل لنا منها شلية قبل تخرب ههههههه. |
التدعك ما فيها،
والخبير دا اليومين ديل مااااا عاجبني.
|
Post: #174
Title: Re: رد
Author: بدر الدين الأمير
Date: 07-19-2014, 12:47 PM
Parent: #173
| Quote: قلنا اخير نجي راجعين لخيمتنا الحبيبة تظالتي سوف تتشلع عمود عمود بعد 9 يوم فقلنا نشيل لنا منها شلية قبل تخرب ههههههه. |
ونجح انقلاب ودالمدير والبطحانى شيخ العتالة عوضه شلية ودى زاتا مامضونة في وجود جمال والبرلوم على عبدالوهاب
|
Post: #175
Title: Re: رد
Author: معاوية المدير
Date: 07-19-2014, 12:57 PM
Parent: #174
Quote: ونجح انقلاب ودالمدير والبطحانى شيخ العتالة عوضه شلية
ودى زاتا مامضونة في وجود جمال والبرلوم على عبدالوهاب |
ههههههههههه،
البطحاني بقى اظرط من حنين بتاع الخفين.
رجع من ود الفحل بسفنجة حنين،
ورجع من ود الأمير بمركوب حنين،
ورجع من الخبير بتموت تخلي ما معروف حق مِنو زاتو !.
سنزيع البيان قريباً فترقبوه...
|
Post: #176
Title: Re: رد
Author: بدر الدين الأمير
Date: 07-19-2014, 01:57 PM
Parent: #175
Quote: البطحاني بقى اظرط من حنين بتاع الخفين.
رجع من ود الفحل بسفنجة حنين،
ورجع من ود الأمير بمركوب حنين،
ورجع من الخبير بتموت تخلي ما معروف حق مِنو زاتو !.
سنزيع البيان قريباً فترقبوه... |
هههههههههههههههههههههههههههههههههههههه
تعرف ياود المدير ودى قصة حقيقية حصلت في اربجى
كان هناك احد الاخوان من بطاحين اربجى وكان في الجيش وكان شيوعى شارك في انقلاب يوليو 1971م
وبعد فشل الانقلاب ذلك الاخ لم يعدم لكن حكم عليه بالسجن هذب والده وهورجل مسن من اعيان بطاحين اربجى
لزيارته في السجن وبمجرد ان التقى ابنه بدل ان يقالده اخذ عصاته وصار يلكده بها وهو يردد ياجنا انت عوير
حصل سمعت ببطحانى بقى رئيس .... اهو انقلاب ودالمدير اثبت ان بحطانى اربجى وبطحانى البندر سيم سيم ههههه
|
Post: #177
Title: رد
Author: محمد عمر الفكي
Date: 07-19-2014, 04:29 PM
Parent: #176
والله الدنيا لو ما صيام الا ابشع بكما
نحن البطاحين حقيقة لا لدنيا قد عملنا نحن ناس اول من يضحي واخر من يستفيد نحن الجنود المجهولين نحن رجال الظل نحن ما ناس شوفوني
قيل ثم ماذا
قيل رقص دانس معاهو هيع كع صغيرة كدا
|
|