|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: انت المسنوح بتاع ال س ف ل ي مشى وين؟
كان منتكل ليهو على فرمالة وطارت منو |
المنسى ح ج ب البوست حقك شوف ليك واحد كارب والله دااااااااااااااا لا يخلى حمااااااااااااااااااااام ولا بلوووووم طير بنت شرف الدين وهذى وضـــــــــــــــــــــــاحة وشيتن اروبى خطيررررررررررررررررر انا متخصص فوقوووا من زمان
يا اخى دااااااا جمرة كانت بقت على الحمام والبلوم على قول فيســــــــــــــــــــــل هليل مقبولة شكلوا اطور ولقت البوستات كمان
الباشمهندس ماشايف شغلة جنس دااااااا بجيب الهواء الحاااااااااار وذى الحربوية اتلون
دير بالك على نفس البوست بتعوض ههههههههههههههههههههه
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
Quote: الككو الفجغ الطين انت طيب؟
والله الليلة عندي نية اجي متلهمكم في دبي اشبع ونسة ساااااااااااااااي واتلهم بيك اصحابنا حتى ناس طوفي لكن السواقة في دبي بخاف منها باللحيل بخاف الودار
اها اكن بضمن تلاقوني في ضهاري دبي وتسوقوا لي ياني المعاكم طااااااااااب |
يا ريت يا المسنوح السايب والله أمس اتصلت طوفـــة وبعد غيبة تلفونها ضاع مني وتقول لي انا عندي سـ فـ لـ ي يا بتاع مايرنو أنا بعرف دبي حجر جحر بس أبقى منسل تعال بوديك أَدُمُرك في فريج مرر ( حفتي التقول أدس مدفوس دفس ) ترفع الحجر يقول ليك أشّي دنانش يوم المنى نشوفك وجيهك دا
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: ههههههههههههههههههه اهاااااا يا ود المنسى اسمع كلامى القلم ما بزيل بللللللللللم لا ترحوا لوووو خلوه يروح ويضهب فى الضهااااااااارى هو المطلعووو من مسقط شنو ما بعرف السمك كان طلع من البحر بمووووووووت ود المنسى قفل كل رشفة عاوز يقفل بوستك رجل ناااااااااااار مولعة |
ههههههههههههههههههه دا لو ما دخل قطر وفاتنا حوفة يا ابوسنينة ناس الضهاري ديل أشد ناس والله والواحد فيهم تلقى يوصف في الخرتوم تقول شغال تكاسّي بعرفوا الخرتوم دي وسايطنها أكتر من أهلا بقفلو كان بقى حي وماتقول اصلو زولكمقاشرني ويحدر لي في الضُلمة وإذا علم السبب بطل العجب أرقد عافية يا الحبيب وتحياتي
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
ونواصل مع الاستاذ نادر الذي قال : كانت حفل ساهر في سينما الخواجة برامبيل ( مبنى البوستة ) القديم وكان الفنان عثمان الشفيع أحد المطربين المشاركين ... وفي نهاية الحفل قدم عثمان الشفيع فاصلاً غنائياً وكان مطلب الجماهير ( وكن الجدود ) وأستجاب للمطلب وغنى ( وطن الجدود ) .. وثارت الجماهير وعلا الهُتاف وتجاوب معهم الفنان المناضل عثمان الشفيع وخرج للشوارع محمولاً على الأكتاف في تظاهرة صاخبة جابت كل طرق الرئيسية لمدينة أم درمان وعلى أثر هذا تم اعتقال الفنان عثمان الشفيع لمدة أربعة أيام حتى تم أطلاق سراحه بعد تدخل من جهات وطنية متعددة ونوصل بإذن الله
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وقال الاستاذ نادر
الفنان عثمان الشفيع كان متطلع دوماً إلى الأعمال الجديدة والجيدة التي تناسب طبقات صوته الجميل .. وكانت بدايته مع الشعراء مبارك المغربي السر دوليب محمدعوض الكريم القرشي وأظهرت أمكانيته أن في الإمكان أن يغني لشعراء أخر مختلفين في أعمال مختلفة ................... طبيعة شخصية الأستاذ عثمان الشفيع هو ذاك الشخص ما إن رأيته يدخل قلبك دون إستئذان لذا بعد قدومه للعاصمة المثلثة نمت العلاقات بينه وبين الكثيرين من الوسط الفني الشعراء والفنانين واحبوه وبالذات بعد أن إنطلق سهم شهرته ووصل لكل بقاع البلد لحناً شجيا وطن الجدود نفديك بالأرواح نجود وطني رددها الشعب السوداني في كل جنبات البلاد مغردا يريد الحرية والتخلص من مشتعمر جثم فوق العباد ردحاً من زمان .. وكان أستقلال السودان في يوم 1 يناير / 1956
وصدح الكنار جنود الوطن ... ووطن الجدود ومن بعده صدح القامة وردي اليوم نرفع راية أستقلالنا وكانت رائعة ابن كسلا ( صه يا كنار ) والتي غنتها المجموعة
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
في أواخر عام 1956 سافر الفنان عثمان الشفيع إلى أوروبا وبالتحديد إلى وارسو عاصمة بولندا لحضور مهرجان الشباب العالمي نظم اتحاد الشباب السوداني أنذاك وفداً لحضور المهرجان وكان عثمان الشفيع ضمن الوفد حيث أن الأناشيد التي قدمها سابقاً ( وطن الجدود ) و ( حنود الوطن ) وضعته في مرتبة الفنان الثائر وكان الهدف من المهرجان هو تضامن شباب دول العالم الثالث التي كانت أغلبها تحت الاستعمار الانجليزي او الفرنسي أو البرتغالي وخاصة في أفريقيا ودولة المنظومة الاشتراكية وعلى رأسها الأتحاد السوفيتي هي التي قامت بتنظيم هذا المهرجان آنذاك وكان السفر إلى وارسو عن طريق القاهرة عاصمة مصر العربية لان السودان كان حديث عهد بالاستقلال ولم يبدأ إنسشاء علاقات دوبلوماسية بعدمع دول أوروبا والعالم أو خطوط طيران إلى أوروبا الشرقية
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
ونواصل مع استاذ نادر
تربط الفنان عثمان الشفيع علاقة جيدة مع الزعيم العمالي الشفيع أحمد الشيخ .. فهم جيران في شندي فوق وكان شقيق الشفيع أحمد الشيخ ( منصور أحمد الشيخ ) يعمل مديراً لإذاعة ركن السودان بالقاهرة آنذاك وهو أيضاً صديق للفنان عثمان الشفيع وهم أبناء مدينة شندي سافر عثمان الشفيع إلى وارسو وفي عودته عن طريق القاهرة وجد أن منصور أحمد الشيخ أعد له جلسة ضمت كل من الشاعر المقيم بمصر عبدالمنعم عبد الحي العازف الملحن والموسيقار برعي محمد دفع الله وكان أيامها يعمل موظفاً في السفارة السودانية بمصر الموسيقار السر عبدالله عازف الكمان المعروف وكان قد هاجر لمصر وهو صديق لعثمان الشفيع ............................ وكانت جلسة وبعدها كان التعامل فنا
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وتُوج هذا اللقاء الفني بأغنية للشاعر عبدالمنعم عبد الحي والملحن برعي محمد دفع الله والفنان عثمان الشفيع وكان مولد الأغنية أيامنـــا أغنية بها الكثير من التطريب وفيها تكشفت أمكانية الأداء الرائع للفنان الشفيع ووجدت الأغنية صدى طيب في الأوساط السودانية المستمعة للكلم الجميل واللحن الحلو والأداء الطيب الحسن وتم تسجيلها في البداية في ركن السودان في القاهرة كلماتها بسيطة وجميلة ومعبرة ................................ ووقعت في هوى الفنان الشفيع الذي أحب الذكريات دوما وقد سمى نور ودرة من درره الأثنين بأغلى الأسماء عنده ( ذكريات ) و( معزة )
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وكتب الاستاذ نادر أن الفنان الشفيع كان متعطش للكلمة العاطفية الرصينة كانت لدي الشاعر عبدالمنعم عبد الحي قصيدة لم ترى النور بعد كان كتبها بعد مغادرته للسودان عائداً لمصر في عام 1955 عندما عمل فترة هناك ( في مصر ) مع الجيش المصري وهي أغنية ( أنساني ) وكانت أغنية خاصة بذكريات في فؤاده لمحبوبة أبها من كل قلبه وهي ملهمته وكانت أمرأة معروفة بجمالها في ذلك الزمان .. وكانت حديث أصدقائه عاشت أخر ايامها في قاهرة المعز وتوفت بعد مرضٍ عضال الشاهد أن الشاعر عبد المنعم عبد الحي أعجب كثير بأداء وفن الفنان عثمان الشفيع فأثر أن يعطيه هذه الأغنية وفعلاً كان أنساني وأنا أنساك
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كلمات القصيد (أنساني ) للشاعر عبد المنعم عبد الحي
الحلوة القضيتّا معاك نتقاسم مرار البين أنا واياك
حبيبي الدُنيا يوم بتروح وما بدوم لا فرح لانوح ونحن اليوم ورود بتفوح غداً نصبح حُطام وأشباح وتذرونا الرياح في الدوح دا ليه قبلك تزيدو جراح
حبيبي يا الظالم المظلوم حبيبي يا الحارم المحروم افيق وأترك عزيز النوم وأحلام هايمة في دُنياك
حبيبي ما جفاكَ منام ما أضنت رؤاك أحلام وما فجعت هواك أيام وما كحلت سهاد عيناك شربت من المودة دوام ومن كأس السلامة سلام لكن أنساني وأنا بنساك ونتقاسم مرار البين أنا أياك
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
Quote: ]وهيّا يا شباب ضموا الجنوب القلافلة سارت لن تؤوب أحيوا السلام دكو الحروب وماء نيلنا يكون عذوب وطني ... وطني> |
خالد حبيب الكل وانا اولهم عليك الله شوف الناس ديل كان غناهم كيف والله وشوف ناس ود الباوقة بسوى فى شنو هسع نحن تانى الجنوب كان شركنا ليه بسارقيل برجع لينا ذى الاول دا كان رجع .
والمسنوح عاوز السكر وعاوز رواقة ترويق ليهم موية الحفير ذى حفيرهم زمان تلاقوة الله يكرمك نايم على بطنة واهلط فى الموية وال ح م ارة جنبة تلهط
شيتن نص طين اشرف وافطر فى نفس الوقت والا ن البس فى البدل والكرفتات ويكجس فى البنات
بعدك يا عريبى
وعلى طارى عمنا المرحوم منصور محمد الشيخ هذا الرجل الفذ نسال الله الرحمة لا ننسى تلك الايام الجميلة التى قضاها م فى مدنى وذلك الابداع و الصرح المالى بنك الادخار السودانى الذى لم يسلم حتى من الايادى الخبيثة وتلك الخدمات الاجتماعية التى كانت تقدم من خلال هذا الصرح العملاق انذاك رجالا تفانوا فى خدمة الوطن واهلة انشى البنك بمشاركة مع اتحاد مزارع الجزيرة والمناقل والذى كان والدى على قمة رئاستة فقدموا الكثير والكثير ولكن تم الف ولكن .......وصلت هذة الايادى التى لاتعرف للاوطان حبا ولا ولاء لتفعل ما تشاء دون ادنى وازع دينى وقيم هم اول نادوا بها .
رحم الله العم منصور محمد الشيخ الذى قدم لاهلة ووطنة ونسى نفسه
هامات لن تكرر الا من رحم ربى فتك بعافية يا ود المنسى فقد اتحفتنا بذكريات فنية وابداع رائع فى السرد الجميل المشوق
يا باشمهندس مثل هذه البوستات هى تاريخ وتاصيل للفن السودانى هلا تكرمت وجعلت لها ارشفة خاااااااصة
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
Quote: خالد حبيب الكل وانا اولهم عليك الله شوف الناس ديل كان غناهم كيف والله وشوف ناس ود الباوقة بسوى فى شنو هسع نحن تانى الجنوب كان شركنا ليه بسارقيل برجع لينا ذى الاول دا كان رجع . |
الحبيب او سنينة الجنوب شعباً والجنوب روح شعب الدم عمرو مايبقى مية نختلف أنا واخي ولاد البطن الواحدة لكن ما لي الأبد ـاكد وعشمي كبير يرجع الجنوب عاجلاً أم آجلاً إن شاء الله بزوال المؤثر النتن ( الإنقاذ ) التي عملت على فصلة عنوة وفرش طريق الانفصال بالورود وكانوا فرحين يوم فصله
Quote: والمسنوح عاوز السكر وعاوز رواقة ترويق ليهم موية الحفير ذى حفيرهم زمان تلاقوة الله يكرمك نايم على بطنة واهلط فى الموية وال ح م ارة جنبة تلهط شيتن نص طين اشرف وافطر فى نفس الوقت والا ن البس فى البدل والكرفتات ويكجس فى البنات بعدك يا عريبى |
ذات مرة عريبي من أهلنا في حفل اسري مهيص في الحفلة ومبهور ( لانو كان هناك المدعوين كل أهلنا ناس الخرتوم ) الوزويل شاف شباب العاصمة وبقى من الدارة مو مارق لافي يرقص ويقلب السجارة في فمه ويخرجها بأسنانة دون مساعدة يد هههههههههه عاينت لي واحدة من بنات اهلنا ( ناس بيت المال ) وقالت : دا أخر ماتوصل ليه شباب شندي زي زولك واقع مبهور ببنات الفيس البندرويات شويتين بتشوفو يمضغ لي لبانة ورابط لي سلسلة في يدو وقادر الله الخلق ود باشري
Quote: وعلى طارى عمنا المرحوم منصور محمد الشيخ هذا الرجل الفذ نسال الله الرحمة لا ننسى تلك الايام الجميلة التى قضاها م فى مدنى وذلك الابداع و الصرح المالى بنك الادخار السودانى الذى لم يسلم حتى من الايادى الخبيثة وتلك الخدمات الاجتماعية التى كانت تقدم من خلال هذا الصرح العملاق انذاك رجالا تفانوا فى خدمة الوطن واهلة انشى البنك بمشاركة مع اتحاد مزارع الجزيرة والمناقل والذى كان والدى على قمة رئاستة فقدموا الكثير والكثير ولكن تم الف ولكن ....... وصلت هذة الايادى التى لاتعرف للاوطان حبا ولا ولاء لتفعل ما تشاء دون ادنى وازع دينى وقيم هم اول نادوا بها . رحم الله العم منصور محمد الشيخ الذى قدم لاهلة ووطنة ونسى نفسه هامات لن تكرر الا من رحم ربى |
ديل ناس تجردوا لخدمة الوطن عليهم رحمة الله خدموا الوطن في كل البقاع لم يكلو ولم يتعللوا بتعليم ابنائنا تخيل والي الأقليم الشمالي مثلاً في هذا العهد لم يرى ليومنا هذا أولاده الشمالية بجي راجع الخرتوم كل يومين ومرات بطائرة ( كم تكلفة ذلك ) وإنسان الشمال في حاجة لجقمة ماء وحقنة ودواء
Quote: فتك بعافية يا ود المنسى فقد اتحفتنا بذكريات فنية وابداع رائع فى السرد الجميل المشوق
يا باشمهندس مثل هذه البوستات هى تاريخ وتاصيل للفن السودانى هلا تكرمت وجعلت لها ارشفة خاااااااصة |
العافية تغطيك ووصيتك علي العين والرأس يا جميل ولك الشكر على هذه المداخلة الطيبة
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
ويواصل الاستاذ نادر سرده الطاعم الجميل ويقول : أن عثمان الشفيع ظلَّ فترة من الزمان في مصر مستمتعاً بتلك الأغنيات التي حصل عليها وآملاً في المزيد
وهذا الكلام حكاه الشاعر عبدالمنعم عبد الحي في ذكرياته مع الفنان عثمان الشفيع قال : في جلسة من جلساتنا قلت : الليل ذكرياته كثيرة ... لكن الصباح فيهو شنو غير هموم الدُنيا وكانت عادة الجميل برعي عندما يريد أن يوقف حديثا أن ينقرش علي العود فبدأ برعي ينقرش عزفا جميلا على العود فقال له عثمان الشفيع : ماهذا يا برعي وكان رد برعي : لحن بتذكر فيه الصباح الباكر ( بدري ) وظلَّ يردد في الحن الجميل ويقول الشاعر عبد المنعم عبد الحي : فمسكت بالقلم وكتبت أبيات على وزن اللحن
داك الصباح أهو لآح يا حبيبي جاك يحكي ليكَّ جاك يشكي ليكَّ من شوقو ليكَّ جاك يا حبيب
ومددت يدي بالورقة لبرعي وعثمان قاعد منتظر برعي قرأ مافي الورقة وراحعها مع اللحن وقال لي : جميلة جداً جداً يا عبدو واعطى الورقة لعثمان يقرأها وبرعي مستمر في عزف اللحن وعثمان قرأ الورقة وصار يردد الابيات مع معزوفة برعي واكلت القصيدة في ليلها ووقعها عثمان مع برعي وفي الصباح كان حفظها قولاً ولحنا وسجلها للإذاعة هنا في مصر هذا ما كان من أمر أغنية جاك الصباح على لسان الشاعر عبد المنعم عبد الحي
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: باسط المكي)
|
Quote: ااخ ياخ فكت مني يااخ الحكاية غلبني رافع اغاني ولاحتي فيديووووووو اشاركك الشفيع الشفيف فنان فلتة لن يتكرر خالد محجوب المنسي تحياتي لك تقبل مروري ويارت تمحي عماي وتورني ارفع الاغاني كيف والفيديو زمان كنت بعرف وبنزل عادي الان غلبتني الحكاية تقل مروري |
تعيش وتأخد غيرها وتسلم علي المرور الجميل أخي باسط المكي وكيف ما نتقبلو وإت شرفتنا ونحن نسبح في خضم بحر الفنان عثمان الشفيع ود معزة حدة صوت الفيع لم تمر على الساحة الفنية واحتمال لن تمر والله أعلم لكن كان فنان له من مقدرات الصوت ما يشبع طربا ويكفيك المد في الصوت في مقطع أغنية الضواحي دا دلالّي .. دا دلال معجّن ومحن الامات يا رداح تحياتي وتقديري بخصوص رفع الفيديو نحولك لأحد تلاميذي في فن رفع الفيديوهات ( الطيب مضوي شيقوق ) وهو قال ليك أفتح الفيديوثم بالماوس ( الزر الايمن ) أضغط فتظهر لك نافذة بالزر الايسر اضغط على ( copy emped code ) وبعدها في صفحة الرد أعمل paste إن شاء الله ود شيقوق مايكون إتلوم معاك باقي غتيت ومسنوح
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كان ظهور الفنان عثمان الشفيع في الساحة الفنية في أم درمان ظاهرة فنية لها حسابات خاصة في عالم الأغنية السودانية .. في الزمن الذي غنى فيه الفنان عثمان الشفيع كان لايسمخ إلا للفن والغنا الجيد والرصين والأداء الحُسن واللحن وكانت المنافسة شريفة بين كل الفنانين وكان المهتمين بالفن ( لجنة النصوص ) هم اللذين يجيزوا هذا وذاك ودون محاباة بين هذا وذاك الجيد هو السائد وأما ما غير ذلك كان يذهب وتزروه الرياح وكانت أذن المستمع حساسة وطروبة ولا تطرب إلا للجيد الرصين ... ...................... جاء عثمان الشفيع يحمل هذا ويضعه في حسبانه لذا سعى بكل مجهود وعزم في أختيار الكلمة التي تناسب صوته التي يستطع أن يصل لقلوب المستمعين من خلالها وفعلاً صاب النجاح وفي فترة ليست بالطويلة أستطاع أن يصنع لنفسه أسم سطع في سماء العاصمة المثلثة وأخترق ذاك الفضاء يغرد في كل أقاليم السودان متجل مع أخوانه من الفنانين وأحياء الليالي الغنائية في عواصم الأقاليم وكانت ور السينما ساحة لذلك جاب البلاد شمالها وجنوبها وشرقها وغربها يحمل فن جيد جميل وأعجب به الكثيرين
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وعاد وكتب الأستاذ نادر نبذة تعرفية عن الشاعر عبد المنعم عبد الحي
وقال : الشاعر عبد المنعم عبد الحي هو ذاك الشاعر السوداني الذي عاش معظم حياته في جمهورية مصر العربية ولكن رغم ذلك لم تتغير لهجة حديثه ولم ينسى العامية السودانية التي حملها بين جوانحه وكتب بها أشعار أطربت أهل الخرتوم وبقية عواصم السودان وهو في مهجره وما كان له الخيار لكن رأي الأسرة التي قررت الرحيل والعيش في مصر ... كتب الكثير من قصائد في أرض الكنانة ( مصر ) وتغنى له الفنان حسن عطية الفنان عثمان الشفيع الفنان التاج مصطفى الفنان عبيد الطيب وغيرهم كلهم ذهبوا إليه للقاهرة ليأتوا بالقصائد التي كتبها الشاعر عبد المنعم عبد الحي فمن الشاعر عبد المنعم عبد الحي ؟؟
| |
|
|
|
|
|
|
Re: في الرصيف مستني ... رعى الله أيامك .. عثمان ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
ولد الشاعر عبد المنعم عبد الحيىفي الخرطوم في عام 1922 بمنطقة الديوم التي كان بها أكبر قشلاق للجيش المصري وقتها ويضم معظم الجنود السودانيون العاملين في الجيش المصري ولذا حبذ هولاء الجنود السكن في الديوم لقربها من قشلاق ( عباس ) أحد حاميات الجيش المصري قشلاق وكما هو معروف في لهجة أهلنا في السودان ( إشلاق ) هو معسكر الجيش أو البوليس
كان شقيقه الأكبر عبد العزيز عبد الحي ضابطاً في الجيش المصري وعمل فترة في الحامية المصرية في مدينة ود مدني وكانت تربطه علاقة طيبة مع الفنان الحاج سرور الذي كان يعمل وقتها في شركة الفيت في ود مدني وأيضاً كانت له علاقات وصداقات مع معظم اهل الفن في تلك الفترة ( بداية العشرينات ) وقد غادر عبد العزيز السودان مع خروج الجيش المصري في سنة 1924 حين طرد الجيش المصري من السودان نسبة لمقتل السيرلي ستاك ( الحاكم العام آنذاك ومفتش الجيش المصري في القاهرة ) كانتيجة ذلك أن غضب الأنجليز من شريكهم واتهموه بالتآمر وقرروا طرد الجيش المصري من السودان
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
سلام أستاذ خالد
أحييك فى واحتك الغناء الوارفة الظلال والمعطرة
ب مسك الذكريات الحلوة .
أول شئ ما شاء الله على سردك الراقى والممتع لذكريات
و تاريخ فنى لا يعرفه كثير من الناس . بدون مجاملة أقول
أنت مفروض تقدم برنامج عن تاريخ الفن السودانى من
بداياته المعروفة ومرورا بعصره الذهبى والقامات الذين
أجبروا المستمع على الاستمتاع بطرب سودانى أصيل
كل ذلك لأن الفنان كان أخلاق رفيعة أنيق مثقف لا
يعرف الغناء الهايط و متواضع و فوق ذلك صوت جميل
و قدرات تطريبية عالية . اللغة السلسة التى تكتب بها يا
أستاذ خالد ’ أكيد ستكون أروع عند سماعها .
شكرا لك وأنت توثق لزمن جميل بجميل احساسك .
فى أمان الله .
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: نعمات عماد)
|
Quote: [ لام أستاذ خالد
أحييك فى واحتك الغناء الوارفة الظلال والمعطرة
ب مسك الذكريات الحلوة .
أول شئ ما شاء الله على سردك الراقى والممتع لذكريات
و تاريخ فنى لا يعرفه كثير من الناس . بدون مجاملة أقول
أنت مفروض تقدم برنامج عن تاريخ الفن السودانى من
بداياته المعروفة ومرورا بعصره الذهبى والقامات الذين
أجبروا المستمع على الاستمتاع بطرب سودانى أصيل
كل ذلك لأن الفنان كان أخلاق رفيعة أنيق مثقف لا
يعرف الغناء الهايط و متواضع و فوق ذلك صوت جميل
و قدرات تطريبية عالية . اللغة السلسة التى تكتب بها يا
أستاذ خالد ’ أكيد ستكون أروع عند سماعها .
شكرا لك وأنت توثق لزمن جميل بجميل احساسك .
فى أمان الله . |
اثنى وبصم بالعشرة ود المك الله يستر عليك من المسنوح وحسادتو جنس نضميك دا ما بعرفوا بعرف نضمى المشاكل وبس
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
Quote: سلام أستاذ خالد
أحييك فى واحتك الغناء الوارفة الظلال والمعطرة
ب مسك الذكريات الحلوة . |
الأخت الفاضلة نعمات عماد أنعم الله عليك من كل فضله أكوام هي إنجمامتنا يا نعمات ننجم فيها بعيداً نروّح عن النفس نغماً ومفردة نتشاكس فيها لكن مشاكسة لها طعم الأخوّة العميقة روحاً ومعنى مرحب بك في ظلال هذه الواحة والوارفة الظلال تفوح عطراً من حروفك الطيبة كحامل المسك حباب ألف نعمات وأرجو أن تكوني قريبة دوماً ومشاركة بذوقك العالي الذي لحظته فيك من بوستات فتحتيها تنم عن مقدارت فائقة تمتلكيها بعيدة عن المهتارات السياسة التي لاتنفع آكليها ولاتغني من جوع أقله ..
Quote: أول شئ ما شاء الله على سردك الراقى والممتع لذكريات
و تاريخ فنى لا يعرفه كثير من الناس . بدون مجاملة أقول
أنت مفروض تقدم برنامج عن تاريخ الفن السودانى من
بداياته المعروفة ومرورا بعصره الذهبى والقامات الذين
أجبروا المستمع على الاستمتاع بطرب سودانى أصيل
كل ذلك لأن الفنان كان أخلاق رفيعة أنيق مثقف لا
يعرف الغناء الهايط و متواضع و فوق ذلك صوت جميل
و قدرات تطريبية عالية . |
أقول جزاك الله عنّا كل خير وأنتِّ اهل لذاك الخير والله مشكورة كتير وهذا من طبعك السمح ( او الثمح كما يخطها كي بورد وضاحة ) على هذه الكلمات الطيبة في حقي وأنا ليس أهل لها وكل المنى أن اكون دوماً عند حُسن ظنك بي ولك الشكر مرات عددا
نعم أختي نعمات وكما أسلفتي كانت حقبات من زمان جميل ونظل نجتره ونحن نعيش في زمان ظل الجميل الكان سائد قليل وأنتشرت فيه بضاعة كاسدة من فن مبتذل تجدي الجمال الذي كان في بعض وهم قلائلُ الفنان كان عنوان لكل مستمعيه زمان تريه هو الشخص المهندم المحترم قامة حين تريه عيانا ورغم هذا نجد بينهم من فاقوا الأناقة والطلة شبرين أمثال أحمد المصطفى حسن عطية محمد حسنين ( ابوسريع ) التاج مصطفى كابلي علي إبراهيم اللحو بلدي وأفرنجي إبراهيم عوض وشقة شعره المشهورة ( شقة إبراهيم عوض ) عثمان حسين عثمان الشفيع عوض الكريم عبدالله ومحمد أحمد عوض بزيه البلدي والطاقية الحمراء التي ورثها بنوه وصارت رمز يعني لهم الكثير الفنان كان وهم كُثر أختي نعمات كان الفنان منهم يحترم جمهوره وكلامته مفردة شعرية ولحن موسيقي ويصب فيها كل جهده لتخرج للناس اللذين يقدرهم كاملة نحن اصبحنا في زمان صار فيه الفن بكل أشكاله سلعة للوصول لطبقة الثراء ماتوا من خلدوا الفن فقراء وأمتلئت جيوب غيرهم للأسف
Quote: اللغة السلسة التى تكتب بها يا
أستاذ خالد ’ أكيد ستكون أروع عند سماعها .
شكرا لك وأنت توثق لزمن جميل بجميل احساسك .
فى أمان الله . |
والأمان يبراك ويغطيك أختي نعمات ولك الشكر على هذه الكلمات الطيبة ودمتي وتحياتي لك وخليك قريبة دوماً
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
بعد عام 1924 رحلت أسرة الشاعر عبد المنعم عبد الحي من الديوم إلى أم درمان وهناك في حي الضباط ترعرع الشاعر ونمى بين أترابه درس الاولية ( الابتدائية ) في مدرسة الموردة الأولية وثم أم درمان الأوسطى الأميرية وكان دفعته في هذه المدرسة الشاعر الأديب مبارك المغربي وهو من أبناء الموردة حي الموردة كان ملئ بمن أثروا الحركة الفنية في البلاد الفنان إبراهيم عبد الجليل الفنان التوم عبدالجليل أولاد بريمة أولاد الموردة ومن الأدباء كُثر ومن الشعراء حدث ولا حرج في تلك البيئة تنفس أستنشق الشاعر عبد المنعم عبدالحي عشق الفن مفردة وشعرا وداعبت مشاعره مفردة الشعر لحنا
وأختزن في دواخله الكثير من جماليات الأبداع والفن وبعدها سافر لمصر نسبة لرحيل وهجرة الأسرة لمصر حيث أكمل تعليمه في مدرسة حلوان الثانوية والتي كان بها الكثيرين من أبناء الجاليات السودانية هناك ( تلاميذ )
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وقد جادت قريحة الاستاذ نادر ولم يبخل أن يذكر لنا كلمات عن رجل قامة في الفن وله إسهامات بحظ الأسد من القسيمة ألا وهو الموسيقار برعي محمد دفع الله وهو الموسيقار الملحن المعروف عليه رحمة الله وخلف لنا قامة ألة الكمان زرياب زرياب هو ابنه وقد ورث الفن عن أبيه رجل مرهف موسيقياً وعازف ماهر ........................... يقول الاستاذ نادر برعي محمد دفع الله من أعظم الموسيقين والملحنين اللذين أنجبهم السودان ولد برعي في عام 1929 في حي الموردة بأم درمان وعاش وتربى فيه معاصراً للنهضة الفنية التي نشأت في هذا الحي كان يعمل موظفاً في حكومة السودان في عام 1955 تم نقله إلى ما كان يعرف وقتها وكالة السودان بالقاهرة والتي أصبحت فيما بعد سفارة السودان بالقاهرة بعد الأستقلال
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
للموسيقار برعي محمد دفع الله إسهامات كثيرة في التأليف الموسيقي من أبرو مقومات الأغنية السودانية وخاصة في العزف على ألة العود التي أظهر فيها براعة فائقة في العزف والتقسيم الموسيقي والألحان الشجية ..تعلم العزف على ألة العود على يد عازف ألة العود في زمانه حسن عمر سوميت وهو من أبناء الموردة وأول من عزف عود في الأذاعة السودانية عند أفتتاحها في سنة 1940 قام الموسيقار برعي بتلحين الكثير من الأغاني السودانية ولا حصر لها ومن أشهر الفنانين اللذين لحن أغلب أعماله الفنان عبدالعزيز محمد داؤود وكان صدقه المقرب
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وذكر الاستاذ نادر في كتابه شاغل الافكار : أن الشاعر محمد عوض الكريم القرشي ذكر في مذكراته إن عدد كبير من الفنان تغنوا بأشعاره منهم الفنان إبراهيم عبدالجليل الفنان إبراهيم الكاشف الفنان الفنان أحمد المصطفى وكان أول من تعامل معه وغنى له ويوقل القرشي كنت متأثر شديد بفن الاستاذ أحمد المصطفى وخاصة أغنيته ( ما أحلى ساعات اللقاء ) للشاعر خالد ابوالروس وهي الأغنية التي فازت في مسابقة أقيمت سنة 1947 كانت الأغنية الأولى والأغنية الثانية في نفس المسابقة كانت أغنية ( الندامة ) للمطرب التجاني السيوفي وكلمات حسن دراوي وغنى له أحمد المصطفى أغنية يلاك يا عصفور وأغنية الهادية راضية الدر سنونا والحمري لونا الهادية راضية مابخونا
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كان منتدى الشاعر محمد عوض الكريم القرشي عامر حافل بفطاحلة الشعراء والنقاد ومحبي الأدب والشعر كان يأمه جمع كبير من داخل وخارج مدينة الأبيض وكان أولهم الشاعر محمد علي عبداللع الأمي ..وكان يعيش في مدينة الأبيض ويعلم ترزي أفرنجي ( خياط ) في سوق الأبيض الشاعر حميد أبوعُشر وغيرهم وذكر الشاعر القرشي في مذكراته أنهأول مرة ألتقى بالفنان عثمان الشفيع وسمع له كان في مدينة الأبيض حينما كان الشفيع في زيارة لمدينة الأبيض ( زيارة بعض أصدقائه من مدينتي شندي والمتمة مقمين في الأبيض ) يقول هبط الشاب القادم من مدينة شندي لزيارة أبناء شندي والمتمة ومكث ردحاً من الزمان بيننا عاش فيها كلماتي وألحاني وامتزجت بألحانه حتى أصبح لا يستطيع يفارقني وتفارقه كلماتي ...
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وكانت كثير من الأغنيات التي رددها الفنان عثمان الشفيع وليد تلك الفترة وإن أعقبتها أغاني أخر لكن الغالبية كانت في تلك الفترة التي قضاها في الأبيض في معية الشاعر الشفيف محمد عوض الكريم القرشي عاش معه ردحاً من الزمان خارج مدنة الأبيض في مزرعته في منطقة ( غبيش ) وهناك كان لود القرشي مزرعة يربي فيها الأبقار التي كان يتجار فيها والده ( تاجر مواشي ) الكثيرين من اصدقاء الشاعر القرسي زاروا هذه المنطقة (غبيش ) القصد كان أن يحظوا بجلسات مع القرشي يسمعوا فيها جميل الشعر قولا وكذلك لينهلو من حديثه العذب الجميل في اي مجال وهذا ما كان يمتاز به اشاعر القرشي فهو شخصية محبوبة لكل من يتعرف أو يجلس معه لبرهة ( يحبه )
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كتب الاستاذ نادر ذكر لي الاخ الصحفي الفني والناقد ميرغني البكري واللذي كان يسكن حي العرضة بأم درمان بالقرب من منزل الفنان عثمان الشفيع والعازف حسن خواض وبشيرعمر وخميس جوهر عازف الايقاع قال لي أنه عند زيارة الشاعر محمد عوض الكريم القرشي لام درمان يتحول هذا البيت لمنتدى كبير تسمع فيه الأدب والفن الحديث الجميل وأن الشاعر القرشي رجل جذاب جداً يلفت نظر السامع بحلو حديثه وفهمه الراسخ لكثير من المواضيع الفنية كما أنه موسوعة للمعرفة عارف ببواطن الأمور المختلفة
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
وكما ذكر الأستاذ نادر في كتابه أن البديات لعثمان الشفيع قد تغنى بالكثير من أغاني الحقيبة وتعلم عزف ألة العود على نغم أغنية ( عازة في هواك أغنية الشاعر خليل فرح ) وكما غنى عازة وصالك وسمعته مرة يغني أغنية عازة الفراق بي طال وأجاد وأبدع فيها( في حفل في شندي زواج بنت كان مربيها من الاسرة ) اي من أسرة ناس معزة ويومها ابدع الشفيع وأذكر هه الحفل وكأنها أمس وكنت أيامها صغير في السن وهذه أخر مرة أسمع فيها الفنان الشفيع عيانا ( له رحمة الله وعفرانه ) وكما اشرق في فضاء العاصمة وهو يغني أغنية الخليل الرائعة في الضواحي التي ملكت الأرض وما رحبت وما زالت محتفظة بجمال رونقها وكل ما سمعتها تمنيت لو تسمعها مرة أخرى لكن لجمال حُسن الأداء وقع في النفس هذه الأغنية غنوها كُثر وأولهم عثمان الشفيع وأجاد كما أجادها الفنان عليه رحمة الله مصطفى سيد أحمد والفنان النور الجيلاني وأجادا أيضاً
ويقول الاستاذ نادر
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
Quote: واصل يل مبدع
مستمتعين والله |
تسلم يا أبوسنينة يقول أستاذ نادر أن الخليل عندما نظم هذه القصيدة كان في مصر سنة 1931 وكان معه مجموعة من الشعراء السودانيون وهي من وحي رحلة كانت للقناطر الخيرية في مصر وأول من تغنى بها وسجلها في اسطوانة الفنان إبراهيم عبدالجليل وكان من ضمن المجموعة التي ذهبت لرحلة القناطر ...................... قد يكون ما ذهب إليه قولاً الاستاذ نادر صحيح لكنه نقول أن تلك الرحلة أجاهت في نفس الشاعر مخزون لبادية السودان لان الوصف في القصيدة لبادية السودان وأجمل مافي قصيدة الضواجي مزج الخليل وصف الطبيعة والغزل في محبوبة للنفس عزيزة في مزيج يصعب عليك أن تجد الحد الفاصل في المزيج وفكانت عسل بي سمنة وطاب مذاقها في الضواحي ما ألاغاني الرائعة كما أسلفنا وأحتلت مكانة كبيرة في الساحة وقلوب المستمع السوداني
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: Yousif A Abusinina)
|
Quote: خليل فرح والقناطر الخيرية
فعلا شى مو طبيعى مع هذا الملهم المتفرد ومن ارض الكنانة كمان
ياسيدى والله ابداع فى ابداع
واصل ود المنسى يسلمك ربى |
يا أبو سنينة عندنا خالنا ( الجمر بادي الحسن رجل يحب جمع المعلومة ) وكما يحب سردها أكثر من الجلوس في معيته عندما أنزل عطلة لارض الحبايب ( شندي ) وهو يعلم يقنا أني احب أ، أسمع منه قصص وقصص لذا لا يبخل علي ذات مرة جات سيرة الفنان الجميل عثمان الشفيع فأبتدر القول ينحت في الذاكرة وقال تعرف يا خالد عثمان دا لم بدأ يغني كان بيأخد فاصل في حفلات الفنان العظيم علي الأمين ود عمر وكان أيامها علي الأمين فنان شندي الأول ( وفي الصف الثاني ) الثنائي بادي الأمين وسرالختم بادي طلع عثمان الشفيع بصوته الشجي الجميل وسطع في سماء شندي وبقت الناس كلها تتكلم عنه وكان شاب في مقتبل العمر حينها حقد عليه الثنائي ( لان هذا يعني أنهم لا مفر ما بصلو للصف الأول ) وكان أيامها عثمان الشفيع يذهب لواحد من أبناء شندي يتعلم العزف على العود لبدو لي في محل ضلمة وضربو وشالو منو العود كسرو مفتكرين أنهم سوف يهدمو هذا الضخم الذي يكبر يوماً بعد يوم لكن يظهر أن ذلك كان حافز كبير لهذا الضخم أن يواصل وبكل جهده مشواره وفعلاً كان ولم يرضى فقط أن يحل محل الفنان الكبير علي الأمين ود عمر في شندي وضواحيها بل فاق تطلعه أن يصل هذا الصوت الشجي لكلربوع بلادنا ( السودان ) وقد كان وعشق فنه الكثيرين
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كانت يوم زواج بنت تربت في بيت عثمان الشفيع وكان الحفل في شندي يومها كنت صغير لكن أهضم الكلمة الطيبة والفن الجميل حضرت تلك الحفل بحكم قرب منزلنا من بيوت ناس عثمان الشفيع في حي مربع ثمانية يوم أبدع الفنان عثمان الشفيع في الأداء غنى لحين بزوغ فجر اليوم الثاني وكانت حفل بطعم خاص حضرها نفر كثير من أهل شندي اذكر كل الصف الأول من جهة الرجال كان رجال كبار في العمر جاءوا ليسمعو لابن شندي عثمان الشفيع وأذكر غنى يومها أغنيتي ( عازة وصالك للشاعر مطران ) ( وأغنية عازة الفراق بي طال للشاعر خليل فرح ) وطُلب من أن يغنيهم مرة ثانية ولبّى طلب الجمهور الغفير وظلت تلك الحفل راسخة في ذهني وليومنا هذا ما ذكرتالفنان عثمان الشفيع إلا وطفرت للذاكرة
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
في الضواحي وطرف المدائن يَلا ننظر شفق الصباح
تميز الشاعر خليل فرح فرح أنه كان كثير ذكر صحبه ورفاقه في قصائده وفي هذه القصيدة كما ذكر الاستاذ نادرأنهم كانوا أصدقاء في رحلة في القناطر الخيرية ويومها كان ميلاد هذه القصيدة قولنا أن هذه القصيدة كانت ناتجة من مخزون في نفس الشاعر للبادية وجمال البادية حركته لمة الرفاق وتلك اللحظات خارج ضجة المدينة وصخبها ونرى ونلتمس في القصيدة أن الخليل أجاد في الدمج الخفي بين غزله في المحبوبة ووصف تلك الطبيعة الخلابة في البادية فنراه ينسل من وصف ليذكر ما يحس به فؤاده نحو المحبوبة والحب يولد الحب حتى لو أحببت وجبة طعام أكلتها تراك تتذكر من تحب وليتهم كانوا معك فما بالك عندما تكون تعيش لحظات خارج المدينة في جو صافي نقي
وفي الضواحي وطرف المداين يلّا ننظر شفق الصباح
والضواحي يمكن أن نطلقها على كل الريف والريف هو خارج المدن وهناك يتسنى لنا مشاهدة وحُسن الطبيعة التي أبدع فيها الخالق يلا اي هيا نمشي للضواحي وننظر جمال الطبيعة ونرى جمال شروق الشمس والشفق الأحمر يعلو السماء بعد شروقها
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
قوموا خلو الضيق في الجناين شوفوا عِز الصيد في العَساين يَلا نقنص نطرد نعاين النهار من حَر الكماين كلــ بي يا جمجوم أصلو خاين شوفو كيفن يبرا الملاين هبَّ شالا وكشح المُراح
وهي عبارة عن دعوة لكل الناس من الشاعر الخليل أن يتركوا التزاحم في الحدائق والجناين وسط العاصمة والخروج لطبيعة الله الرحبة في الريف ( البادية ) وهي حقيقة في أيام العطل تجد كل من يريد أن يروح عن نفسه خرج لكن خروج وسطي لسة في زحمة وضجة المدينة والشعب السوداني قليل ما يروح عن نفسه أقصد ساكني المدن الكبيرة ضجة .. عمل .. غلاء .. توتر .. ضيق صدر من مستقبل مجهول لكل الأسرة الترويح عن النفس واجب ولابد أن يكون كما دعانا الشاعر الخليل خلو الضيق في الجناين وتعالوا للبادي عشان تشوفوا عِز الصيد في العساين العساين:هي المرتفعات والتلال العالية عن مستوى الأرض المنبسطة في البادية الصيد هي الغزلان ونحن في السودان لان الغزلان تتعرض للصيد دائماً نسميها صيد ورمزنا لها حتى في شعرنا الصيد ة عيون الصيد والنعسات عّيُوني وسمحة سمحة الصيدة وغيرها كثير تجده في أشعارنا نشوف الغزلان في تلالها ونقنص نطرد نعاين والقنيص والطرد هي طريقة صيد الغزلان وهل هناك راجة وجمال أكثر من كدا نطلع من حر وضحة المدينة .. حرها اللذي لا شبيه له من حرارة إلا كماين الطوب النار مُوقدة فيها ويستل من ودعوته ليصفلنا كــ لب صيده في القنيص فقال : كــ لبي يا جمجوم وقد يكون اسم الكــ لب ( جمجوم ) هذا وارد لكن الراجح أنه كان يخاطب صديقاً أو رفيقاً له أسمه جمجوم ويحدثه عن كــلبه ( كــ لب القنيص ) كــ لاب القنيص هي نوع معين من الكــ لاب تعرف باسم الكــ لاب السلوقية وتستورد من مكان واحد فقط العالم يعرف باسم سلوق في اليمن لذا سميت بهذا الاسم الكــ لاب السلوقية وهي كـــ لاب القنيص ويميزها الصدر الواسع .. البطن المخصرة والخصر الصغير يوجب أن يكون اصدر واسع حكمة الله وحتى في النساء لما تكون مخصرة تجد صدرها كبير وكفلها كبير وهذا قمة الجمال جسدا فما بالك لو كان الوجه حسن تقع رُب من طولك أن نظرتها ويقول شوف انظر يا جمجموم لكــ لبي في صيد كيف يبرا اي يتابع القطيع محازاة لا من خلفه حتى يعين فريسته وكب ينط فيها ويجيبها الواطا ناشفة كــ لبي يا جمجموم اصلو خاين اي يعرف كيف يجري مع القطيع شوفو كيفن يبرا الملاين والملاين : هي القطيع من الغزلان يبرا : اي يتابع وهبَّ شالا وكشح المُراح كشح : اي فرزع وشتت المراح والمراح هو الجمع من الغزلان
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
الأخ خالد تحياتى ولك الشكر وأنت تتحفنا بذكرى هذا الرجل الصديق عليه من الله الرحمة والغفران.
فى مطلع العام 1964 تخرجنا من الكلية الحربية وتم توزيعنا على مختلف وحدات الجيش بجميع أنحاء الوطن. كنت أنا من ضمن المجموعة التى نقلت إلى القيادة الشمالية شندى وكان عثمان يزورنا بالقيادة كلما حضر إلى مناسبة بالمدينة وحينما تم إنذارنا بالنقل إلى حامية أعالى النيل بعد ما يقارب العام بشندى حضر عثمان الشفيع خصيصاً لوداعنا وفاء لوعد قطعه على نفسه مسبقاً وكان الختام حفلاً خاصاً بنادى القيادة إستمر من مساء الخميس إلى صباح الجمعة غنى فيه عثمان عشرات الأغنيات من أغانيه وأغانى آخرين مما لم يغنى من قبل ولا من بعد. هنالك أغنية غناها عثمان تقول: من ديم مدينة ...أبوى أبوى وبرحولو ما رضينا .....حرام كنت أحتفظ بتسجيلات تلك الأيام الخوالى مع مئات الأشرطة للعديد من الفنانين وأشعار الدوبيت والحماسة والمناحة على أشرطة التسجيل الدائرية القديمة وقمت بنسخها بعد ظهور أشرطة الكاسيت بألمانيا الإتحادية بصورة ممتازة ولكن مع الأسف تم السطو على منزلى ونهب ممتلكاتى ومن بينها المئات من الأشرطة وأفلام الفيديو بواسطة جهاز أمن الجبهة الفاشى فى مساء نفس اليوم الذى أعتقلت فيه فى العشرين من أغسطس من العام 1991. بهذه المأساة فقدت أعمالاً فنية لا تقدر بثمن ضاعت على أيدى عصابة لا تقدر الفن والإبداع.
اكرر لك شكرى وتقديرى على مجهودك فى نقل هذا التوثيق لعزيزنا الراحل المقيم المغفور له بإذن الله عثمان ود معزة سائلا المولى جل جلاله أن يدخله مدخل صدق. من خلالك خالص التحايا للأخ نادر أحمد الشريف.
| |
|
|
|
|
|
|
|